Synfocity = 401

mail us at : mzsynfo@gmail.com; mizoramsynod@gmail.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

2nd August, 2012

MPF leh Political Party hrang hrang ten thawhhona thuthlung an duang July 31 (Thawhlehni) khan Mizoram People Forum (MPF) leh Political Party hrang hrang aiawhte thukhawm chuan kum 2013-a Mizoram Legislative Assembly Inthlan lo awm tura thawhhona tur thuthlung an duang ho. Mizoram People Forum (MPF) leh Mizorama Political Party hrang hrang aiawhte hi Synod Office Committee Room No. 1-ah thukhawmin kum 2013-a Mizoram Legislative Assembly inthlan lo awm tura thawhhona tur thuthlung an duang. Meeting hi MPF Chairman, Synod Moderator ni bawk Rev. Thangzauvan a kaihruai a, MPF General Secretary Upa Lalramthangan report pein inhmelhriattirna hun a hmang bawk. Politcal Party aiawh mi 14 an kal thei a, Party pakhatin aiawh mi 3 zel an tir a ni. Kum 2013 Mizoram Assembly Inthlanpui atana Thawhhona tur thuthlung an duanah hian inthlanin a kaihhnawih thil chi hrang hrang sawiho a ni a. Chungte chu:1. Inthlanna senso 2. Venhimna lam 3. Policy zawrhna leh tihhlawhtlinna lam 4. Candidate siam chungchang 5. Inthlan campaign chungchangah joint platform siama public meeting buatsaih; House to house campaign chungchang, thingpui lumna leh polling booth duty ruahmanna leh 6. Inthlan thuthlung bawhchhiate hremna tur te a ni. Meeting hi chawhnu dar 2:00 velah an zo thei a, an thuthlung duante hi MPF Office lamin an lo chulmam ang a, Party tinte hnenah an sem chhuak leh ang a, August 22 chawhma dar 10:00-ah Synod Office Committee Room No. 1-ah Final Meeting neih leh tur a ni a, hetah hian MPF hruaitute leh Political Party President theuh ten nemnghetin hming an ziak dawn a ni. Counselling Training khar Mizoram Synod, Family Guidance & Counselling Centre-in July 18 atanga Kohhran Upa te puala Pastoral Care & Counselling Training vawi 16-na, Synod Conference Centre-a a buatsaih chu July 31 (Thawhlehni) zan khan khar a ni a, Synod Moderator Rev. Thangzauvan Training kharna hun hi a hmanpui a ni. He training-ah hian Aizawl khawpui chhunga Bial 7 atangin Kohhran Upa 18 an tel a, Training kharna inkhawm hi FG&CC Director, Rev. R. Lalhmingthangan a kaihruai a, Synod Moderator, Rev. Thangzauvan Training chhuakte hnenah Certificate hlanin thuchah a sawi a, Synod Secretary (Jr.) Rev. H. Lalrinmawian Tawngtaisakna hun a hmang. Thuchah sawitu Synod Moderator chuan, kawng hrang hranga harsatna tawkte ngaihsak a, anmahni tanpui thei tura Counselling Training buatsaih a ni chu lawmawm a tih thu sawiin, Training chhuakte chu thahnemngai taka mi dangte tana inpe zel turin a ngen a ni. Synod hian 1991 atang khan Pastor-te pualin Pastoral Care & Counselling Training hi a buatsaih thin a, Pastor 359te training a neihpui tawh a ni. Kum 2002 atang khan Lay Leader-te pualin Counselling Training hi buatsaih thin a ni bawk a, Lay Leader-te puala vawi 16 a buatsaih tawhah Upa 295-te Training pek an ni tawh a ni. Synod Mission Board August 4-10 chhung hian Tripura leh Karbi Anglong Mission Field Committee meeting neih a ni dawn a, Rev. Lalchhuanmawia, Synod Mission Board Secretary; Rev. Z.D. Lalhmachhuana, Rev. C.M. Zalenthanga leh Upa Kapchhinga (BEC Members) te an kal ang. August 4 (Inrinni) hian Tripura Field Committee an thu ang a, August 8 (Nilaini) ah Karbi Anglong Field Committee an thu leh ang. Zin w July 28 & 29 khan Music Festival, Teikhangah neih a ni a, Festival hmanpui hian Rev. Lalzuithanga, Executive Secretary a kal a, Zomuanpuii (Soloist)-in a tawiawm a ni. w July 27 -29 khan KTP Missionary Challenge Meet, Khawhaiah neih a ni a, Rev. Lalchhuanmawia, Synod Mission Board Secretary; Pu R. Lalchhanhima, Cir. Manager RTCB; K. Zosangzuala (Soloist) leh H. Lalthlamuani, Missionary Trainee-ten an hmanpui a ni. w August 3 -5 chhung hian Khawzawl Venglai Bial huapin Synod sum vawn dan Training & Finance Campaign neih a ni dawn a, training neihpui tur hian Upa C. Lalmuankima, Asst. Finance Manager; Pu C. Lalramthara, Revival Speaker leh Pu R. Lalnunkima, Revival Speaker te an kal ang. w August 4 & 5 hian West Phaileng Kohhranah Upa Seminar neih a ni dawn a, Seminar neihpui tur hian Rev. Vanlalzuata, Senior Executive Secretary leh Rev. C. Vanlalhruaia, Ramhlun Vengchung te an kal ang. w August 4 (Inrinni) hian Kawnpui Kohhranah Sum vawn dan training neihpui turin Tv. Zaihmingthanga, Accountant leh midang 2 an kal ang. Social Front w August 5 (Pathianni) chawhnu leh zan hian Tlangnuam West Kohhranah Social Front Campaign neih a ni dawn a, hemi neihpui tur hian Dr. Robert S. Halliday, Social Front Coordinator; Upa Dr. Lalnundanga, Environment Cell Member leh Pu Lalrosanga Colney, Synod Office-te an kal ang. w August 6 (Thawhtanni) zan hian Kolasib Diakkawn Kohhranah Sex Education Campaign neih a ni dawn a, hemi neihpui tur hian Dr. Robert S. Halliday, Social Front Coordinator; Pu Lalrosanga Colney, Synod Office leh Tv. C. Lalremruata, Outreach Worker-te an kal ang. Kristian Thalai Pawl w August 4 (Inrinni) zan hian Kulikawn Bial Musical Meet & Missionary Challenge, Tlangnuam Vengthar Kohhrana neih turah Mizoram Synod Choir-ten hun an hmanpui ang. w Breakfree Tour : LIVE JAM Delhi-a mite chuan Breakfree Tour neia Mizorama rawngbawl an duh thu Synod Officers Meeting (OM)-ah an rawn thlen a. O.M chuan a tul anga hma lo lakpui rawh se, tiin Central KTP Committee kutah an dah a. Chu chu bawhzuiin Central KTP Committee chuan programme hetiang hian ruahman a ni. August 9 (Ningani) dar 2:00 p.m.-ah Synod Higher Secondary School-ah neih a ni ang a, August 10 (Zirtawpni) dar 10:00 a.m. - 4:00 p.m.-ah Vanapa hall-ah school hrang hrang a inchhawkin hun an hmanpui leh ang a, zan dar 7:30-ah Vanapa Hall-ah concert neih zui tur a ni. (Programme hi www.mizoramsynod.org, New Uploads-ah tarlan a ni.)

www.mizoramsynod.org

MSSU August 4 (Inrinni) hian Bawngkawn East Kohhranah Sunday School Zirtirtu Training neih a ni dawn a, training neihpui tur hian T. Upa Lalthahluna Ralte, MSSU Asst. Coordinator; Rev. V.L. Krosschhuanmawia i/c Campus Ministry leh Upa Zohmangaiha, MSSU Trainer-te an kal ang. Contd,..

Synod Information & Publicity Department, Synod Office (Third Floor), Mission Veng, Aizawl

Campus Ministry w Rev. V.L. Krosschhuanmawia i/c Campus Ministry chuan August 3 (Zirtawpni) Zan hian Health Workers Training School, Kulikawnah Bible Study a neihpui ang a, August 6 (Thawhtanni) chawhmaah Govt. Mamawii High Schoolah Devotion a neihpui leh ang a, August 9 (Ningani) chawhmaah Mizo Students Evangelical Union Orientation Training, Synod Conference Centre-ah Campus Ministry & Zirna tih paper a present ang. w Campus Ministry chuan August 8 (Nilaini) dar 1:00 hian Campus Ministry rawngbawlna chungchangah Institution tlawhchhana Evangelical Committee hruaitu hrang hrangte nen inkawmhona, Synod Conference Centre-ah a buatsaih dawn a, Rev. Vanlalzuata, Senior Executive Secretary-in programme a kaihruai ang a, Dr. Robert S. Halliday, Social Front Coordinator-in Concept Paper a present ang. Sawihona hun hman zawhah Rev. V.L. Krosschhuanmawia, Campus Ministry Coordinator -in Khaikhawmna hun leh lawmthu sawina hun a hmang ang. Hruaina Eng FM Radio & TV Programme w AUGUST 3 (FM Radio @ 7:30 p.m.) : Choir : TBZ Choir - Ro a rel dawn, Chanmari Pastor Bial Zaipawl - Ka Duhber, Thuchah : Bonny Lalrindika - A Bul Chu Nangmah, Solo : RTC Lalduhawmi - Minung ram, Lalruatfela Pachuau - A hmel mawi min hmuhtirtu w AUGUST 5 (TV Programme @ 3:00 p.m. : Choir : ATC Male Voice - An pan zel e, Sermon : Upa LH Rohmingliana - Lal Isua a lo kal leh thuai dawn, 16th Lay Leaders Intensive Residential Pastoral Care & Counselling Training : Final Evaluation and Graduation Service Programme Susamachar Prasaran Programme August 5 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Bungkawn Masihi Sangati - Ji Uthe, Group/Choir/Solo : Govt Complex Kohhran - Anugrah Karii, Sermon : Rev Vanlalbela Isu Jevan Data He, Group/Choir/Solo : Sihphir Bial - Yeshu Mashi, Group/Choir/Solo : The Leprosy Mission Choir - Hame Sab Kuch Vo De Ta Moderator Programme Synod Moderator Rev. Thangzauva Kohhran tlawh programme : w August 4 (Inrinni) - Ramhlun Vengthlang Kohhran Biak In hawn (Hlanna & Thuchah sawi) w August 5 (Pathianni) Chawhma - Zemabawk Kohhran w August 5 (Pathianni) Chawhnu - Zemabawk Vengthar Kohhran w August 5 (Pathianni) Zan - Zemabawk North Kohhran SYNOD REVIVAL RAWNGBAWLNA (August, 2012)

S l. No . 1 2 3 4 5 6 7 8

S p e a ke r- te H m in g K . Lalngaihaw m a V anlalvuana Laldinthara T. Lalroc hanga P .C . V anlalnghak i C . Lalz ahaw m a K . Lalhunpuia R . Lallungm uana

Ra w n g b a w ln a hm un C ollege V eng Things ul Tlangnuam A ibaw k Lunglei V englai B ial Lungleng-I Tuik hurhlu H oly M is s ion S c hool Zaw ls ei

Ra w n g b a w l dan S ac . C am ping S ac . C am ping C rus ade C rus ade P avalai M eet C am ping C am ping C rus ade

Ra w n g b a w l hun c hhung 1 - 5 A ug., 2012 1 - 5 A ug., 2012 1 - 19 A ug., 2012 1 - 26 A ug., 2012 2 - 5 A ug., 2012 3 - 12 A ug., 2012 6 - 10 A ug., 2012 6 - 12 A ug., 2012

AIZAWL THEOLOGICAL COLLEGE (ATC)

M.Th. Results 2012
M.Th. II
New Testament 1. Royal L. Pakhuongte 2. K. Lalduhawma Christian Theology 1. James Lalremmawia 2. C. Lalchhuanliana 3. Laldintluanga History of Christianity 1. F. Pachhunga 2. Pynhunlang N.M. Shullai 3. Benny Lalmawia 4. T. Manto Konyak Missiology 1. Vanlalthiani 2. David Lalrina 3. Lalramdinthara Colney 4. V.S. Kharliana B+ B+ B+ B+ B+ B+ B+ B B+ B+ B+ B+ B+

M.Th. I
Old Testament 1. F.H. Liansangzuala 2. K. Laltlanhlua 3. V. Lalringngheti New Testament 1. Michael Zorinpuia 2. B. Lalnunhlua 3. Pani Raikho Christian Theology 1. H. Zoliansanga 2. Danny Chozah 3. Chikhungo Puro B B BB+ B+ BB B Result la chhuak lo Religion 1. K. Lalchhuanawma 2. V. Khairodinga 3. Lalhlimpuia Missiology 1. C. Lalnunhlimi 2. L. Athuo B+ B B Result la chhuak lo Result la chhuak lo

History of Christianity 1. Lalrinawma B+ 2. T. Chomkholun Baite B

NILAI THUPUI TIHDIKNA

Kum 2012 Nilai zan leh Beihrual Thupui Bu-a August 8 Nilai thupui chang tarlan Matthaia 15:14 tih chu tih sual palh a ni a, Matthaia 15:4 tih zawk tur a ni. Editor, SL&PB
Synod Social Front Helpline: 9089777129; 9856883377
Mail us at : synfo@bsnl.in mzsynfo@gmail.com Synod Information & Publicity Phone - 2314648

Synfo