Documente Academic
Documente Profesional
Documente Cultură
THANGLAWI
Established 2004
Principal sin in
Hmasabik ah CCC ah 1992-96 tiang Principal rian a tuan mi Laimi kan pa Rev.
Dr. John Cuai Sang nih August 13, 2006 ah vancung kan Pa sin ah a kan dinh tak tikah
lungleng umkhuahar in kan um i kaltak mi chungkhar an ngaihchiatnak ah kan i hrawm
ve tiah langhter ka duh. A liam cia rual u hna cu CCC nih Thanglawi chung in upatnak
kan pek hna.
Kum 1990 ah rak derhmi CCC cu kum 16 a tling ve cang. Minung siseh law upa
thazaang ngeih hram a thawk cang hnga. Harnak tampi lakah kum 16 lawng a si rihmi
sianginn ahcun CCC cu Pathian nih thlua a chuah ko. Kum thawk ah siangngakchia 300
reng lo an si. A kong a phunphun ruang ah aa din mi an um i a tu cu 295 an si. Cu lakah
BA (English) first year cu a tambik an si i A le B ti in class pahnih ah then an si.
Cachimtu Saya 13, zung riantuantu 9 le caruuk rian bawmtu 1, an dihlak 23 an si.
Cu chungah CCC campus chung ah 7 an um a dang 16 cu khuachung in an kai. Zeitluk i
ruah a sur zong ah a caan hman te in 9:30 a.m hlan ah sianginn a phan i zanlei 4:00 pm ah
sianginn in a tummi Sayate le Siangngakchia nunnak hi thangthat awk tlak nunnak a si.
Cheukhat cu khuachung Haithlan pawng in an kai, cheukhat cu Khuathar sang in an kai.
A ni a tam, a thla a tam tikah teimaknak lungthin he lo cun i hnek awk ah a har ngaimi a
si. Zeithil tuah tik paoh ah teimak a herhning, i hnek a herh ning cu CCC nunnak ah a
lang. Cucu a nung in pekchanh mi thawinak a si.
Tluangdang ah
Siangcachim hna lakah Sayama Thlia Caan cu Ewha Womans University, Seoul,
Korea ah MTh kai ding in Kawl ram in Korea lei ah 27 August 2006 ah a zuang lai. Cun
CCC in BA (Eng) a awng i CCC ah Part-time in ca a chimtu ngaknu Silverin Sui Tum Par
cu Ewha Womans University ah MA (English) cawn awk ah Hakha in aa thawh ve.
Pathian nih CCC tuah mi BA (Eng) a cohlan tinak a si. Dean of Students a simi Saya Tial
Peng zong Asia Top Ten Universities chungah pakhat a si mi The Chinese University of
Hong Kong i College pakhat Divinity School of Chungchi College ah MTh kai khawhnak
admission a hmu cang tiah telefawn in thawng kan theih. A ran khawh chung in timh tuah
a hau mi a si caah a caah thlacam piak cio usih.
Tluangdang in
Tainan Theological College and Seminary, Taiwan ah MTh a cawngmi Rev. Bil
Hmung cu dam te in a hung phan. July thla in rian ah a lut colh. Sayama Thlia Caan a
tuanmi Registrar rian cu amah nih a chaan. Rev. Bil Hmung, lunglawm te in kan in don.
Saya Thar
Scholarship le Bawmhnak
4. ATEM Scholarship
7. Choi Scholarship
8. CCC Scholarship
9. Ecumenical Scholarship Program (MCC)
Gospel Team
CACC Thawhvo
Thutdan kan i za lo
June 2006 sianginn hun ah hin cabuai, thutdan le khung kan i za lo. Khung sau le
thutdan sau set 25 kan ser. Cun plastic thutdan (chair) 40 kan cawk. Budget ah aa tel lo
mi a si nain Jehovah Jireh in kan nung. Kan cawk cia mi pin ah Library caah thutdan
(plastic chair) 80 kan herh. Nihin ca kan tial ni i thil man ahcun thutdan pakhat ah Ks.
7000 a si, a dihlak tuak ahcun Ks. 560,000 man a si. Khrifabu in siseh, pumpak in siseh,
nan fale cazoh nak ah nan thazaang chuah cio ding ah kan in sawm hna.
2006-2006 cacawn kum ah thawhvo cu ei man messing Ks. 70000, cawn man
tuition fees Ks. 50000 le catlap man le a dangdang Ks. 5000, a dihlak Ks. 125000 a si.
Thilman a hung kai tuk caah ei man (messing fees) cu a zei ti hmanh in thong 70 nih a
daih ding a si lo. Cu caah Hakha khua i a um mi Baptist Khrihfabu dihlak sin ah
bawmhhalnak ca kan tial. Sacuai in siseh, tisik an hnah in siseh, tih thing in siseh, dawr i
zuar mi facang, ngapih, khohsuai, cite, khachuan le a dangdang in siseh, eidin lei he aa
tlai mi thil paoh, a phaisa in siseh, hlut khawh a si. Hostel ah rawl a ei mi minung 77 an
si.
Hmailei Rian
Degree peknak le ca cawnnak kemh inn ngan pi (Convocation hall cum main
building), thlakrawh inn 40ft x 80 ft dot thum sak ding ah Faculty nih ceih a si i BT in
CACC EC ah lanh ter ding saduhthah a si. Cun rawl einak le rawl chuannak 20ft x 40ft
dot hnih a rannak in sak a hau. Cu inn pahnih kan sak khawh ahcun library a dot thum in
ca zohnak ah kan hman khawh cang lai i MDiv program zong kan thawk khawh lai. CCC
compound a dihlak inn le lam a muisam a tlangpi landscaping zong suai a si cang. Cun ti
hna a thar lak ding a si. A hlun kan hman lio mi zong tharchuah a hau. Cozah thapeknak
in kawldai le lakphak kung kan cin i peh zulh ding kan si. Library ah catalogue tuah rian
kan thawk ka lawng a si rih. ACC tuah cia mi 9039 a si.
A tlang pi in thil ri pipa kan ngeih mi cu tlakrawh inn 5, thing inn 3, BM motor 1,
motor bike 1, bicycle 2, computer 5, cauk 1214 (Kawl 296, Lai 140, le Laimi kong 17),
ca hlehnak 1, TV VCR DVD set hnih an si. Library caah Word Bible Commentary le
New Interpreter’s Bible kan herh ko. Lakphak dawr caah thing inn dawh te sak cuahmah
lio a si.
2006-2007 Fulltime Lecturers
Part-time Lecturers
4. Pu Tluang Kio
Study on Leave
1. Rev. Lian Do Kham Philippines
Supporting Staff
5. Pu Jonathan Cook
6. Pi Naw De De Cook
Registrar’s Information
02 B.Th. III 18 9 27
03 B.Th. II 32 9 41 126
04 B.Th. I 21 10 31
05 Dip.Th. IV 3 6 9
06 Dip.Th. III 5 8 13
07 Dip.Th. II 10 6 16 38
08 B.A.(E.) IV 4 5 9
09 B.A.(E.) III 10 5 15
10 B.A.(E.) II 10 11 21 119
11 B.A.(E.) I 39 35 74
12 B.R.E. II 1 4 5
13 B.R.E. I 2 5 8 12
01 Baptist 285
02 Beth- Israel 1
03 BCJC 2
04 CC 1
05 Church of God 1
06 Gospel Baptist 2
09 UPC 1
01 Akha 1
02 Asho-Chin 5
03 Burmese (Kawl) 1
04 Chin 285
05 Naga 3
HARNAK AUTHAWNG
Lungruah loin thil man vialte a kai dih i nunnak kongkau ah lungrethei in kan um cio ko.
CCC asawng um siangngakchia minung 77 zong har ngai le lungrethei vansangau in kan
um ve.
Tukum CCC a sawng ummi cu Pa 53, Nu 24 kan zate 77 kan si. Minung pakhat
Messing Fee (rawlei man) kum khat ca i thawhvo cu K.70,000 a si. Mah chungin a
sawng herhhai caah K7000 zuh a si i eidin ca taktak cu K.63,000 a si. Kum khat ah zapi
te thawhmi cu K4,851,000 a si. Kumkhat an dih ding hi K6,000,000 a si. Minung 77 nih
ni khat an eimi hi mehhaang ca lawng ah K7000 a si. Thaithawh meh caah pe cuai hnih
(Pawng 12) le zanriah meh tisik an hnah ca i a dihmi zat cu (sa tello in) K. 3500 hrawng a
si. Zinglei paoh ah pe an ei. Sa cu thluak chung hrimhrim ah telh lo a si. Khuahngal mi
Khrihfabu le Nubu hna i hlutmi a um chel lawngah an ei kho.
Mahti an ei bu hmanh ahhin a chambaumi K1,149,000 (Sing 11 le a cheu) tluk hi
chap rih ding a si. Minung pakhat nih K15,000 tluk chap a hau ding a si. Khuacaan har
he cun si kaw mah vialte vun chap than awk cu a har ko. Dawtu u le nau hna, pumpak in
siseh, a bu in siseh, sang in siseh, CCC nan fale caah nan lungthin nan sian ve ahcun,
zanriah asiloah thaithawh meh voikhat ei ti bantukin nan kan bawmh khawh ahcun tampi
a chomh (bawmh) ko hna lai. Dawtnak nih thinlung a uk ahcun dawtmi caah pum nih
tuah loin a um kho lo. Khrihfami cu ngeih ruangah si loin dawt ruangah a pemi kan si.
Warden
Dec 18-5 Jan (Mon-Fri) 2nd Semester Break and Long Gospel Team
2007 Jan 8 (Mon) College Re-open