MAJAN & HPYEN YEN (3) NING HPRING LABAU KADUN

Wunpawng Mungdan Shanglawt hpung hte Myen Asuya majan byin ai gaw, 1962
ning rawt malan hpang wa ai kaw na rai yang (52) ning jan wa sai. Rawt malan n nan
hpang, majan n nan byin hpang wa ai ten daw gaw, hpyen yen hpyen hprawng hku loili
sha nga ai. Anhte W.P mungdan a mungmasa manghkang hte hpyen yen tsin yam lam ni
hpe kadai nau n-chye ai hku lai wa sai. Raitim 2011 ning J une 9 ya shani kaw nna, bai
byin wa ai majan gaw, Wunpawng sha ni a mung masa manghkang hte hpyen yen
tsinyam lam hpe mungkan chye ai madang de du mat wa sai.
1962 ning majan nnan hpang wa ai ten kaw nna daini du hkra anhte a ningbaw
ningla ni hte Myen asuya a ningbaw ningla ni, simsa ngwi pyaw na lam hpe ladat amyu
myu hku nna galaw shakut lai wa masai.
1994 ning kaw gap hkat jahkring ai lam mung galaw wa sai. 17 ning ram kanoi noi
pyaw na zawn mung rai sai. Gap hkap jahkring tawn ai ten hta, National Convention hta
mung shanglawm sai, Myen asuya a 2008 ning Gaw da ai tara ka lajang ai ten,
Munghpom Democray Mungdan gaw de na longlam (19) hpe mung tang madun wa sai,
raitim n-hkap la ya ai. 2008 ning Gaw da ai tara hku nna Party hpaw, ra lata shang nna,
parliament hta matut shakut na matu mung, lam n hpaw ya ai. Dan re pat shingdang,
bawngban jahkrup n mai rai wa ai majaw, 2011 ning J une (9) ya shani kaw nna, laja lana
bai gap hkat ai lam byin wa sai.
Majan bai byin ai ndai (3) ning lapran hta mung, Wunpawng myu sha ni ra
sharawng ai mung masa lam de du wa lu na matu, anhte a ningbaw ningla ni, zai ladat
amyu myu shaw let, matut manoi bawngban jahkrup sa nga ding yang re hpe mu lu nga
ga ai.
J une (9) ya shani kaw nna bai hpang wa ai majan gaw, anhte Wunpawng sha ni
tinang Buga dum nta, yi sun hkauna, dusat yamnga ni hpe kau da nhtawm, asak lawt na
matu koi yen ra mat ai hpyen yen tsinyam marai (100,000) jan sai. (3) ning du hkra, kaw
si let n-si ai hpe chye lu ai. Dai re majaw, K.K a chyeju hpe nachying wa shakawn nga
ga. Mungmasa hpung, NGO garum ningtum hpung, Nawku hpung, Shiga dap, ni hku nna
mung, dinghkrai atsam ni hku nna mung, majan kasat ai lam, hpyen yen ni hpe garum
ningtum lawm, maigan de jawm htawn tsun shana lawm ai, dai zawn jawm shakut ai
marang e, myu sha ni grau nna myit hkrum kahkin kumdin wa ai hpe mung, hkam la lu
sai.
Wunpawng sha ni a makam masham hte myu tsaw mung tsaw myit marai ni a
majaw, yak hkak jam jau ai lam law law hpe (3) ning lai di wa saga ai. Matut nna, anhte
ra sharawng ai, Wunpawng hkana de du shang wa lu na matu, shawng de n-gun da ting
myit nden shaja let rawt sa wa ga.

MALAP N MAI AI, J UNE 9




Majan bai hpang ai (3) ning hpring hte Hpyen yen tsinyam (3) ning hpring kyu hpyi hpawng hta
information update n-lu hkan ai hpung masha ni matu dang lu ai made, tam sawk nna, hti shalai dan
ai paper re.

PS. Naw Seng
June 8, 2014