Editor : 9862148235

Website: www.electricveng.com
KUMPUAN
Ram leh Hnam
Humhalh
Vol . 21 No. 21 TUITU : ELECTRIC VNG : AIZAWL : NI 22 NIKIR THLA 2014 (PATHIANNI)

1994 Estd.
(Kr in Chhuak)
(An Official Organ of Electric Vng Branch Y.M.A)

Vengchhung
YM chu \anpui ngaite \anpuitu a ni
YMA MOTTO
1. Hun wl hman \hat
2. Zofate hmasawnna ngaihtuah
3. Kristian nun dan \ha ngaihsan
(
- Ni 20-22.6.2014 chhunga hman
tur Synod Revival Meet Vawi 3na chu
Electric Veng Presbyterian Kohhran Biak
inah nghah a ni a, Mizoram hmun hrang
hrang a\angin chhimtu an kal \ha hle.
- May thla a\ang khan DSK-
Shivajians Liverpool Academy chuan an
hnuaia football zir turin India ram hmun
hrang hrang a\angin rawlthar a thlang a,
\um eng emaw zat an thlitfim hnuin
Vanlalremkima(Tetea) s/o Andrew
J.Malsawma, Sec-II(B-4) chu football
zir turin(U17-ah) thlan tlin a ni.
- Ni 19.6.2014(Ningani) khan Pi
Hmangaihthangi w/o F.Vanlal\huama,
Sec-1(B-9) chu Nazareth Hospital-ah dah
luh a ni a, enkawl mek a ni.
- Ni 17-20, 2014 chunga 17th
Mizoram Official Taekwondo Champi-
onship, Chawnpui Sports Centre-a khelh
zawh takah Aizawl Taekwondo Academy
Electric Veng chuan Gold 6, Silver 10
leh Bronze 7 laiin Most Promising Tro-
phy (5th Place) an dawng.
Championship-ah hian District 7
a\angin Club 23 an tel a, player 447 an
tel a ni.
- EVDP chuan Bazar leh veng
chunga ruihhlo hluar mek thenfai nan
tunkar chhungin mi 7 manin an hnen
a\angin No.4 cain 3 man a ni a, couseling
pek an ni hlawm
EVDP Adviser Pu
Malsawmthlanga damlo pawh kan a ni
a, \hat lam a pan zel a, a dam thuai an
duhsak hle a ni.
- Pi Phirthangi w/o Vanlalvuana (L),
Sec-IV (B-2) chuan an pa boral vawi 9
na champha denchhenin E-YMA Library-
ah lehkhabu 9 lai a pe a, chungte chu:
1) Krista hringnun
2) Tlanna thu
3) Thuziak hmasate
4) Rinna dinchhanna
5) Naupang kaihhruaina
6) Kristian chhungkua
7) Krista panna kailawn
8) Enkawltu tana thurawnte
9) Indona ropui (Krista leh Setana)
ROPUI TAKIN YMA DAY LAWM A NI
YMA Day, ni 15.6.2014 chu Pathianni a nih avangin a lawmmna
hun atan sorkarin chawlh a siam angin ni 16.6.2014(Thawh\anni) khan
Mizoram hmun hrang hrangah hman a nih angin Electric Veng Branch YMA
pawhin YMA Hall-ah YMA Day lawmna hun buatsaih a, ropui takin zing
kar a\anga ni tlak thlengin hun hman a ni.
Kum dang ang bawkin ruah a sur naa zing dar 7 a\angin Hall tihfaia
hnatlan a ni a, member chhuak an \ha a, a lawmawm hle. Dar 10:30 pelh hret
a\angin hun hman a ni a, Branch President, Pu Vanlalauvan a kaihruaia, duan
lawk angin tluang taka hun hman a ni a, member 16-te sunna an ni.
Central YMA President, Pu Lalbiakzualan chuan Kumpuan thupui
sawiin 2014 hnu lamah EYMA hi chanhaite leh \anpui ngaite tan belh tlak a
la ni zel ang em tih zawhna in zawt tur te, YMA zahawmna chu a hnathawhah
a innghat tih hre reng turin a chah a. Mahni thawhchhuah niloa a tui tui, a \ha
\ha duh zinga tel lo tur te, mahni vengchhung inkhaihhruaina hre si lo, foot-
ball chanchin hre tak si ni lo tur te, diklo taka sum ngahte ngaisanglo ngam
tur tein memberte a chah a, tin, tun a\anga kum 10 hnua YMA awm tur te
enge kan hnuhchhiah ve dawn tih inzawt tur te, Mizoram lo chu Ka Ram tih
tur kan neih lo tih hre chunga fimkhur taka ke pen turin a fuih bawk a ni.
Intodelh thei kan ni tih hriain intodelh tura hma la turin memberte a ngen
bawk a ni.
Kum danga tih ngai zen zen loh Veng chhunga mi tlawmngaite
chawimawina hun hman a ni a, mi 14 te chu No pui hlan an ni -
Pu Lalnunmawia, Sec-I Pu Vanlalneia, Sec-I
Pu Lalnuntluanga Kawlni, Sec-II Pu R.N.Lalthianghlima, Sec-II
Pu Lalthangkima, Sec-II Pu Manliana, Sec-III
Tv. C.Lalremruata, Sec-III Tv. P.Lal\hasanga, Sec-III
Tv. K.Lalmuansangi, Sec-III Tv. Lalrintluanga, Sec-III
Nl. Lalchhanhimi, Sec-I Nl. Lalmalsawmi, Sec-II
Nl. Lalrindiki, Sec-V Nl. Malsawmtluangi, Sec-V
Chawhnu lamah Quiz leh Cheraw-a intihsiakna chhunzawm a ni a,
vengchhunga zai thiam ten kalkhawm te zaiin an awi bawk a, hun hlimawm
tak hman a ni a, tin, Sound system a \ha a, zai hruaituten an thiam a, zaiho a
nuam hle a ni.
Intihsiakna a ti\hate puanna leh lawmman semna hman a nih hnuin
hun khar nan Lucky Ticket vawr a ni a, Fund Raising Sub-Committee chu
ticket leitute zawng zawng chungah an lawm hle a ni.
YMA Day puala Section intihsiakna hi kum dangah chuan Sub-Com-
mittee hrang hrang ten anmahni chan \heuh item a intihsiakna an buaipui thin
a, kuminah hian kalphung thlakin intihsiakna atan Branch Committee chuan
Organising committee a siam a, anni hian intihsiaklna zawng zawng an buaipui
ta thung a ni.
A pumpuiah Section-V chu Pakhatna a ni a, rei tak chhung an Cham-
pion tawhloh hnu a Champion an ni bawk a, an hlim hle a ni. Pahnihna chu
Section- IV niin, Section-II chu Pathumna a ni a, Palina chu Section-III niin
Section-I chu Pangana a ni.
(Chhunzawmna Phek 3naah)
Editor : Malsawmtluangi
Jt.Editors : R. Zaimawia, Francis Lalnunmawia,
Jonathan Ramropuia.
News Editors : Lalrammawia Sailo, Lalpanmawia Sailo
Treasurer : Zohmangaihi Tuallawt
Correspondents:
Lalthangkima, PC Lalhruaitluangi, Vanlalhruaia, Jesse Lalngura,
Laldinmawia, Eddie Lalmuanpuia, R.K.Lalhmachhuana, Zothanmawii,
K.Lalrinsangi, Ophel Lalthlamuani, PC Lalsangzeli, Eric Lalremruata,
Lalramchhana, Lalhruaizeli, Vanlalrelkimi.
O.B. IN CHARGE : K.Lalthanmawia (Vice President)

BRANCH HUANG
YMA Day 2014 lawmna tluang taka neih a ni a, mem-
ber-te inpeknaah hruaitute an lawm hle a ni. Sawmna ngai
pawimawh a Oxford Higher Secondary School Hosteller
leh zirtirtu lo tel zawng zawngte leh Principal chungah
Branch hruaituten lawmthu an sawi a ni.
Ni 20.6.2014(Zirtawpni) Kumpuan leh Branch Of-
fice Bearer-ten hmalak dan tur ngaihtuahin an \hukhawm.
A \ul apianga hman turin Pu K.Sang\huama, B-3 leh
Pu L.R.Sanga, B-5 ten Branch hnenah sum eng emaw zat an
hlan a, hruaitute an lawm hle.
Ni 17.6.2014(Thawhlehni) khan Culture & Music
Sub Committee Secretary, Nl. R.L.Rinfeli, chu Vellore-ah
inentirin a kal.
SECTION HUANG
SECTION - II
* YMA day puala section inelna a section aiawh zawng
zawngte chungah section hruaitute lawmthu an sawi a ni.
SECTION - III
* YMA Day pual intihsakna Section aiawha tel zawng
zawngte chungah Section hruaitute an lawm hle a ni.
SECTION - V
* Pu Lalmuanpuia chuan section hman atan football
thar a pe a, member te an lawm hle.
* YMA Day pual intihsiakna atana Cheraw zir nana
an kawt phal taka hmatirtu Pu Hmingthanchama te chhungkaw
chungah Section Hruaituten lawmthu an sawi.
* Ni 24.6.2014 hian Executive Committee \hutkhawm
tur a ni a, Championship lawm dan tur ngaihtuah a ni ang.
EI LEH IN A SUMDAWNG TANA HRIAT TUR
Sorkar laipui thu chhuak angin ei leh in a
sumdawngte heng:
1. Thingpui dawr
2. Hotel/ catering
3. Bakery/ chaw siam/ chips siam/ thei tui sawr
4. Wholesale/ retail/ Eichawp Dawr
5. Sa zuar/ Ice cream siam leh ei leh in chi reng
reng a sumdawngten Food Safety & Standards Act, 2006
hnuaiah Registration/ License tih vek tur a ni. Hemi neilo
chuan sumdawn(g) phal a ni lo a ni.
Ni 23.6.2014 hian EYMA Hall-ah chawhma dar
11 a\angin registration tihna hun buatsaih a ni dawn a,
ngai pawimawh \heuh turin Local Council chuan dawr
neitute a ngen a ni. In Register tur emaw License siam tur
chuan Voters ID emaw Ration Card emaw, xerox copy
pakhat leh passport size thlalak copy hnih ken ngei tur.
Kum khat atan Registration Fee - Rs. 100/- a ni
a, License neih ngai-Supplier/wholesale/ Distributor/
Catering tan Rs. 2000/- Application form man leh
Challan form man atan Rs. 70/- a ni.
Fee hi kumnga thleng a pek lawk theih a.
Tin, challan hmanga bank a deposit a ngai a, mahni
a deposit theilo/hmanlo tan Rs. 10/- chawi belhin
tihsak an ni ang.
VOLLEYBALL HRUAITUTE INTHLANG HA
Kumin atan hruaitu an thlang fel tawh a, hmalakna
pawh an \an mek laiin Electric Veng Vollyball Club(EVC)
President ni lai Pu C.Lalrokhuma chu Mizoram Volleyball
Association-ah Treasurer atan thlan a nih avangin EVC
hruaitute chu hetiang hian ni 19.6.2014(Ningani) zan khan
chanvo siam rem a ni:
President : Pu Lianrikhuma, B-1
Sr. Vice President : Tv. Lalrova B-9
Vice President : Pu K.Lalrotluanga, B-3
Secretary : Pu K.Liansanga, B-4
Jt. Secretary : Pu Lalthangvunga, B-6
Tv. F.Zokhuma, B-3
Pu Lalramliana, B-9
Treasurer : Pi Zomuanpuii, B-1
Fin. Secretary : Pi Ngurhlunpuii, B-4
Hun remchang hmasa ber-ah EVC membership
lakkhawmna neih a ni dawn a, volleyball a tui te chu mem-
ber ni \heuh turin EVC hruaituten veng mipuite an ngen a ni.
Tin, EVC Sr. Vice President ni lai Tv. Lalrova hi Aizawl
District Volleyball Association-a Vice President ni lai a ni.
BIOMETRIC ENROLLMENT NEIH A NI DAWN
Ni 26-28 June, 2014 chhung hian Electric Veng-
ah Biometric Enrollment hman a ni dawn a, chungkaw
tina kum 5 leh a chung lam zawng chuan ngai pawimawh
\heuh turin a beisei leh hriattir kan ni.
Enumerators - Pi Zonunsangi, Pi Thantluangi,
Pi Saichhingpuii, Pu Zarzothanga, Pu
T.Lalhmangaihzuala leh Pu K.Zaphunga(L) te bial huam
zawng chu Primary School I-ah tih tur a ni ang.
Tin, Enumerators - Pi Lalthanzami, Pi
Lalbiak\huami, Pi Laltlanliani, Pu Lalrodinga Pachuau, Pu
Lalmuanpuia leh Pu F.Remchhinga te bial zawng chu Pri-
mary School II-ah tih tur a ni.
Hemi hunah hian a kal tur te chuan Census tih
laia Receipt an pek chhuah la vawng \ha te chuan ken tur
a ni a, Ration card leh EPIC(voters ID) ken ngei tur a ni .
LALMANGA NU
Nimin kha Lalm^nga nu l^wm rawih ni kan ti a,
kum khata ni rei ni ber tih kan hre nghal \hin. Lalm^nga
nu hrechiang an awm lo ni ngei tur a ni, a chanchin
chiang taka ziak a awm lo a, a hunlaiin mi ropui takah
an chhiarlo a ni chek ang, mahse tun thlengin Nu Langsar
ber a nih si hi. A taimain a fing hle tih chu a sawi zawm
chiam pawh a ngailo.
YMA Day kan lawmnaah a r<k t> leh biru deuh
a tha tawh kan awm laiin langsar taka tha tawh peihlo
pawh kan awm ngei mai. Midangten min hmu emaw
hmu lo emaw, \hian kan nei emaw neilo emaw, rinawm
tak leh taima taka hna kan chanpual thawk ngam \heuh
turin huaisenna thuam i in bel thar leh ang u.
Asst. Secretary : Lalchuangliana 9862374155
Treasurer : J Dengdailova 9774396407
Fin. Secretary : Lal\hachianga 9436143393
President : Vanlalauva 9436155098
V. President : K. Lalthanmawia 9862587424
Secretary : C. Lalnunfela 9774002188
(
Branch YMA
Office Bearers
Vol . 21 No. 21 TUITU : ELECTRIC VNG : AIZAWL : NI 22 NIKIR THLA 2014 (PATHIANNI)

Thuziak
ELECTRIC VENG TIH HI THLAK A HUN TA E
- Lalthankima
Electric Veng han tih hian a cheng a te pawn
kan zahpui lem lo va, a hming pawh hi a mawi lohna hran
pawh kan hre lem lo. He venga lo awm hmasa ten uluk
taka an sak a nih thu record leh titi atangin kan hria a. A
lan dan chuan, vengpa 10 vel kalkhawmin (Pu Kaibuaia,
Pu H.Raltawna- te ho) an rawt a, chumi hnuah V/C te
rawn ding tanin an sitting hmasa berah a rawn pawm chho
ta niin a lang. Hei hi 1963 September thla bawr vel a nih
hmel. Electric Veng hming a put hma hian \henkhatin Tuitu
Veng tia duhdah taka an lo auhna bak hming a put hriat a
ni lo a, he hming hi thangkhat lian dawn a lo pu hman ve
hial nia hriat a ni.
Ram a buai hma hun lai vel khan Mizoramah Elec-
tric khawl awmna chu District capital, Aijal-ah chauh a
ni a. Khang hunlaia khawl ropui bula khawsa thei han nih
chu a ropuiin a hming pawh han chawi chhan awm hliah
hliah a ni. A phuahtu kalkhawmho han mitthla zui ila, phuah
fuh an intiin an hmai pawh a uang viauvin a rin hriat theih.
Chumai a ni lo, Saptawng han tel te hlei hlei kha Dawrpui,
Zarkawt, Chhinga veng tihte aiin chungnung f> turah an
ruat ngei bawk ang a, a hming lam fuh thiam lo va, an
tisual nawk nawk te kha an beng hriatah rimawi a va ni
dawn em! tih thlengin ngaihtuahna min neihtir hial a ni.
Hun a kal a, ram a rawn \hang chho ta zel a,
Mizorama Electric khawl pakhat awm \hin kha, khaw lian
deuh chinah an bun chho ta zel a, khawl an dahna veng
apiangin chumi chawi chuan hming an lo phuah ve ta zel
a. Sawrkar lahin, Veng hming pu an tam tawh, Electric
Veng tia phuah belh awih tawh loh, tih Gazzette-ah
chhuah a la tum bawk si lo. Venga lo cheng hmasa ten
uluk taka Electric Veng an lo tih kha Mizoram hmun
tinah an lo xerox a Electric Veng inti ngawt pawh hi 20
chuang hial a awm ta ve ang. Tunah kan la inchhuan theihna
awmchhun chu, Electric Veng hming pu hmasa ber kan ni
tih bak chu sawi tur a awm ta lo. Veng hming chawi chhan
ber Khawl Ropui lah Kum 1995 khan Zuangtui-ah an
phur phei vek tawh lehnghal. Tunah zet chuan kan heh a lo
hil zo ta e.
Hmun/Veng hming thlak hi, Aizawlah pawh
engemawzat an lo awm tawh a, Keltawlh, Hmuia Veng,
Patherkhanna, Sriman Tilla, etc. ten hming thar an lo nei
a. Kum tam a la ni lo e, India ram khawpui, Bombay
(Mumbai), Calcutta (Kolkata) Madras (Chennai) tiin an
thlak chho zel a, a hawrawp emaw a lam dan emaw an
duh loh chenin an thlak hmiah hmiah mai zawng a nih hi.
Kan veng hming ang pu an lo tam ta a, tunlai khawvel-ah
mahni hnam ziarang lan theihna tur chi pholan kan
intihhmuh chhoh mek lai hian, kan veng hming pawh hi,
thing, pangpar, nungcha hming chawi emaw a thlak \ha
riauvin ka hria. Electric Veng tih ai ngawt chuan
Sam\awk veng emaw Derhken veng te mai mai
pawhin thlak ila, kan tute tan chuan a la hlu fe zawk ang.
He ngaihdan ang \awmpuitu in awm phawt chuan rawn
penchhuak ve teh un.
SECTION CHAMPION KAWMNA
YMA Day puala intihsiakna an hlawhtlinnah kan
lawmpui em avangin Section-V Leader, Pu Lalnunhlua
(Hlua) chu Tuitu(Tt) kan kawm a, hun min pe a kan
zawhna te min chhansak a, kan lawm hle a ni -
Tt: Section Champion-a puan in ni tih i hriat khan
engtiang chiahin nge i lawm?
Hlua: Hun rei tak champion nih tawh loh hnu a Champion
han nih chu lawm dan a dang zar mai, member zawng
zawng inpeknaah hruaitute kan lawm hle a ni.
Tt: Lawmna neih in tum em?
Hlua: Tum e. Executive Committee in a lawm dan tur chu
an la rel ang.
Tt: In chakna thuruk min hrilh thei em?
Hlua: Member \hahnem ngai tak takte inpekna vang a ni.
Tt: Inthawhhona a \ha bawk ang maw?
Hlua: ha e. Member ten theihtawp an chhuah a, an
chungah lawmthu kan sawi tel bawk e.
Tt: Intihsiakna item hi \ha i ti em? Belh duh te i nei
em?
Hlua: ha ti e, belh duh chu tam mai a, mahse, member
thawkchhuak kan \hat zawh tawk \hin loh avangin \hahnem
ngaih a na duh khawp mai.
Tt: YMA Day kan hman dana i ngaihdan enge ni?
Hlua: Member tam ai hian kan thawk \ha lo \hin hi ka vei
a, tun aiin \an han la leh deuh ila kan ph<r thar zawk
anga, a hlawhtling zawk bawkin ka ring.
(Headline Chhunzawmna)
Intihsiakna chi hrang hrang leh Section tinte
lawmman lak dan chu:
INTIHSIAKNA PAKHATNA PAHNIHNA PATHUMNA
U12 Indoor Football Sec-IV Sec-V Sec-III
Football Sec-IV Sec-V Sec-I & II
Basketball Sec-III Sec-V Sec-IV
Inkawibah Sec-II, Sec-V Sec-I Sec-IV
Insuknawr Sec-V Sec-I Sec-IV
Inkut elh: 60 below Sec-II Sec-V Sec-III
61-75 Sec-IV Sec-I Sec-II
75 above Sec-V Sec-III Sec-I
Quiz Sec-II Sec-IV & V Sec-III
Cheraw Sec-V Sec-III Sec-I
Attendance Sec-V Sec-II Sec-IV
Mimal intihsakna - Thlalak intihsiak, Category I
& II-ah Tv. Lalremruata Hauhnar, Sec-III chu pakhatna a
ni a, Pu R.Lalrammawia, Sec-V chuan LTP leh mipa Inchei
thiamah lawmman Pakhatna a dawng a, Nl. Lalawmpuii,
Sec-I chu hmeichhia inchei thiam ber a ni bawk.
Chanvo changte leh sawmna ngai pawimawhte
vang chauhin Electric Veng Branch YMA chuan hun \ha
leh hlimawm a hmang thei a, member te thawhhohnaah
Branch YMA chu a lawm hle a ni.
YMA Fund Raising Sub-Committee
Lucky Ticket Mantute
1st Prize : Taite, Electric Veng
2nd Prize: Jesicca-i, Electric Veng
3rd Prize : Chhantei, Republic Veng
Pu b l i s h ed an d Ed i t ed b y Mal sawmt l uangi o n b eh al f o f EYMA, Ai zawl
Pri nt ed at t he Gi lzom Offset, El ect ri c Veng, : Copy 1130.

Vol. 21 No. 21 TUITU : ELECTRIC VNG : AIZAWL : NI 22 NIKIR THLA 2014 (PATHIANNI)
BO leh CHHAR
* Gas Consumer Card Rokamlova(B-4) hming chuanna a
awmna chian kan hrelo va, a awmna hria chuan khawngaih
takin 9862052630-ah min hriattir ula, kan lawm hle ang.
* Lehkha kawng bo-
Helen Lalthlamuani
B-2/1, Electric Veng Aizawl Mizoram
a neitu chuan YMA Hall hnuai Pu Maroa(thlalak, mobile
siamna) dawrah a lam theih e.
YMA DAY 2014 THLIRLETNA
* Kumin YMA Day Section intihsiaknaah hian Sec-
tion tinte an \angin an inbuatsaihna a \ha tlang hle a, \ang
tak chung siin inpawhtlang takin intihsiaknate hi neih a ni
a, Electric veng \halai ten intihsiak kan thiam sawtin hma
kan sawn hle tih alangin ka hria.
Section te inpekna leh intihsiakna item hrang hranga
mawhphurtute chungah Organising committee te chuan
lawmthu a sawi tak meuh meuh a ni.
YMA Day Organising Committee
* Indoor football chu nuam khawp mai, a khel rual an
phurin an \hahnem bawk a, a zawngchhang tlak khawp mai.
Heng naupangte te te hi kan veng aiawh tur an la ni dawn a,
football a hma kan sawn zel nan a \ha a khawp mai.
U12 Indoor Footbal Buaipuitute
* Section inelna Football a hlawhtling hle a, kan veng
\halai Football ngaina khati zat lammual a an pungkhawm
hmel hmuh kha a nuam em em a, mahni section tana
theihtawp chhuaha, an tha leh zung sengtute henah lawmthu
an sawi a ni. Section tinah Footballer \ha tak tak an awm
tih hriat phei chuan a lawmawm zual em em a ni. Veng tan
a hmabak eng tak tak an inphum ru nual niin kan hria a, a
zawngchhang tlak hle a ni.
Football buaipuitute
* Basketball khel thiam tak tak kan awm nual mai a,
a lawmawm khawp mai. Amaherawhchu, hun vawn thuah
thu lai lak a ngaih changin Branch hruaitu an awmlohin a
buaithlak duh khawp mai. Hruaitu lamte a\anga Basket-
ball khelh en an awm meuhloh laiin Pu R.Lalrammawia a
tawp thleng a awm a, a lawmawm tak zet zet a ni.
Basketball buaipuitute
* Duh anga hmun a rem loh avangin inkawihbah hi
buatsaih a inthlahrunawm duh khawp a, mahse \ha takin kan
inbah tlang thei a, a lawmawm. Mipa zingah kawi kah thiam
tak tak kan lo awm reng a, entute lawm an hlawh hle.
Inkawibah buaipuitute
* Cheraw a kan intihsiaklohna a rei leh tawh a, nula
leh tlangvala chhiar theih kan tur vengin kan neilo lek lek
\hin emaw kan intih laia intihsiaknaah \ha taka kim taka
Section tin an rawn inlanna thei kha a lawmawm khawp
mai. Intihsiakna danga tlangval an buk luih laia Cheraw a
kan phai leh duak \hin erawh chu Section hruaitu leh nula
te an buai thei hle a ni.
Section tin aiawhte Inchei danin an inpuahchah nasat
zia a tilang a, a lawmawm. An mawiin hmuh an nuam tlang
a, man chawia mau sei \ha hawh pawh a manhla e.
Cheraw buaipuitute
* Insuknawr hi kum dangah kan la tih ngailo a, rin
aiin member ten kan hlut a, amaherawh chu pathum(3) ve
ve a nawr tur a ruahmanna vangin duhthu a sam zan lo
deuh. Kum lo kal leh zel tura kan la telh chho zel a nih
chuan kumin aia changtlung zawka tih thei kan beisei a ni.
Insuknawr buaipuitute
* Projector a tih ngei kan duh ve sia kan inbuatsaih
nasa ve khawp mai a, chu tih rual chuan kan hmanrua duh
angin a \ha tawk lo deuh a, mahse, member te an
inbuatsaihna a \ha thawkhat a, a lawmawm khawp mai.
Engpawh nise tih zel \ha ka ti
Quiz buaipuitute
* Mi 178 in vote an thlak a, thlalak 19 lai thehluh a
ni. Thehluttu an tam lo na a quality a sang hlawm hle. He
Photography competition avang hian Electric Veng thlalak
\ha tak tak kan neih phah a, a ngaihtuah chhuaktute an
fakawm hle.
Thlalak intihsiak buaipuitute
* YMA Day pual Section intihsiak kan zawh takah
Hall leh Zarkawt Recreation Center ah L.T.P. buaipui tura
ruat kan nih ang a kil khat a khawhar tak a kan \hutpui kan
rin kha member ten min hlutpui hle mai a, a zawng chhang
thlak kan va ti em!
LTP buaipuitute
* Nuam ka ti hle a, zaithiam ho an zai \ha tlang a,
Cheraw a inel kha \ha ka ti a, a kan tu zawng zawngte kha
thiam ka ti hle. Programme duan dan pawh a \ha ka ti hle.
Kamliani (MHIP President)
* Item a \ha tlanga a, mipui zai pawh a \ha hle a,
\hang leh thar ten hla hi kan hre tam tawh lo hle a, kan in
zir deuh deuh chu a ngai ni in ka hria.Miharsa
chhawmdawlna kan pe thei kha lawmawm hle in ka hria
a, a hlanna a ka tel ve thei pawh kha lawmawm ka ti hle.
A zawngchhang tlak viau in ka hria.
T.Hrangzika, Sec-III
* Zo takin chhun chaw fun ila, Branch-in a hmeh siam
ila, a van nuam leh zual dawn tak em! Branch committee
leh section committee member te kan tam lo erawh chuan
khua a har lek lek. Chawimawi phu veng mi zahawm te
Nopui a ropui takzet e. Mizo inthuam hi uar zel ila, YMA
Day pawh zo tak zelin hmang \hin ila a nuam hle ang.
Vanlalsawma, Sec-V
* YMA Day ka hman tawh zawng zawngah chuan
kan la fel fai ber a, ruahhmanna fuh ber \hum a la ni. Mumal
taka kan zaihona kan neihlohna a rei tawh a, kumin a zai
hruaituten an thiam bawk a, zai a nuam a, a khamawmlo
khawp mai. Hmasawnna duhawm tak a ni, a lawmawm.
R.Ramhmangaiha, Sec-V
HRUAITU THLANG
Ni 23.5.2014 zanah kum 2014-2015 chhunga Elec-
tric Veng Congress Unit 1 hruaitu thlan a ni a, chungte
chu
President : Pu Lianrikhuma
Vice President : Pu Vanlalchhuanga
Secretary : Pu C.lalrotluanga
Treasurer : Pu Vanlalruata Sailo
Fin. Secretary : Pu Laldingliana