Editor : 9862148235

Website: www.electricveng.com
KUMPUAN
Ram leh Hnam
Humhalh
Vol. 21 No. 30 TUITU : ELECTRIC VNG : AIZAWL : NI 24 THLAZING 2014 (PATHIANNI)

1994 Estd.
(Kr tin Chhuak)
(An Official Organ of Electric Vng Branch Y.M.A)

Vengchhung
YM chu \anpui ngaite \anpuitu a ni
YMA MOTTO
1. Hun wl hman \hat
2. Zofate hmasawnna ngaihtuah
3. Kristian nun dan \ha ngaihsan
(
& Tv. Samuel V.L.Ruata s/o R.
Laltlanchhunga, Sec-V(B-1) chuan
MA(Psychology) 1st Class-ah a pass.
& Tv. Lalchhanhima Sailo s/o
Lalrinawma Sailo, Sec-IV (B-3) chuan
MA(Psychology) 1st Class-ah a pass.
& Nl. Lalmalsawmi Varte c/o V.
Lalremruati, Sec-II(B-7) chuan MSW
1st Class-ah a pass bawk.
& Tv. Isak Vanlalhlimpuia s/o Ro-
thangliana, Sec-IV (B-2) chuan
BE(Civil) Distinction-ah a pass.
& Nl. Tlanniliani d/o B. Dawng-
liana, Sec-III (B-6) chuan MA (Hist)
2nd Class-ah a pass.
& Pi Ramliani w/o Kawlhming-
liana, Sec-IV(B-3) chu damlohna
avangin Aizawl Hospital-ah enkawl
mek a ni.
& Pu Sangkima, Sec-I (B-8) chu
mitliam avangin New Life Hospital-ah
enkawl mek a ni.
YMA ZAIPAWL MUSIC VIDEO TLANGZARHNA LEH
INFUIHTHARNA HUN HMAN A NI
Ni 21.8.2014 (Ningani) zan khan YMA Zaipawl Music Video
tlangzarhna leh Infuihtharna hun hman a ni a,Vengchhungah Chhiattawk
awmin |inrual zan ala nih avangin ruahman lawk angin \an theih a ni
lova, khawhar in ban dar 8:30-ah \an a ni.
Inkhawm hi Pu Vanlalauva, Branch YMA President-in kaihruaiin
Branch Executive Member, Pu Lalramlianan hunserh a hmang a ni.
Infuihtharna hun hmangtu Pu Vanlalrema Rokhum, Vice President, Cen-
tral YMA chuan YMA ten kan Ram leh kan Hnam hi kan ta a nih anga a
\hatna tura huaisen taka kal zel turin a fuih a, YMA chu a chhe lai ber
mawhphurna kengtu a nih avangin YMA chu a te theilo a, a dintuten
Kristian nun dan chawisang tur an din ang ngeiin YMA hi a Kristian a ni
a ti bawk a, tin, Central YMA hmalakna hrang hrangte a sawi bawk a ni.
Kalkhawmten an hlawkpui hle a ni. CEC Member pahnih Pu K.
Lalthlantuma leh Pu B. Rothangliana ten Pu Rema hi an rawn \awiawm
a ni.
Hemi zawh hian kan hruaitu chatuan ram min pansan ta Pu
F.Emanuel Biakthanchuanga chanchin sawina hun Pu K.Lalthanmawia,
Vice President, Branch YMA-in hmangin, Pu Ela hi khawtlang tana
theihtawp chhuah \hin mi, mahni hna tul pawh kalsana tanpui ngaite tanpui
tura inpeih reng mi a nih thu a sawi. Pi Zampuii, Music Video Sponsor
tu chhungkaw nu ber chuan chhungkaw aiawha thusawiin YMA ten
Music Video an siamah an fapa Ela hriatrengnana Sponsor an remtihsak
avanga lawmthu sawiin hemi zawh hian Tv. C.Lalnunfela, Branch Sec-
retary in Music Video Report leh Sawizauna hun a hmang a ni.
Video Release-tu Pu R.L.Rintluanga chuan Pu Ela hriatrengna
atana a chhungten E-YMA te min Sponsor chu lawmawm a tiin he Music
Video hi Thalaiten Tlawmngaihna kawnga hma kan sawnna tura min
fuih thartu anih ngei a beisei thu a sawi a ni. Tlangzarhna hun hman zawh
hian Video en ho a ni a, Pi Sangzuali, Pu Ela nupuiin Zaipawl Member-
te leh Central YMA a\anga hun min rawn hmanpuitute Thilpek a hlan a,
Special-a Music Video CD leitu mi 15-te chungah YMA chu a lawm
hle a ni.
Kan Venga zaithiam tak tak Freddy, Chhandama, Ronney, Estheri
leh Chhan Chhani ten a khat tawkin kalkhawmte zaiin an awi a, beng a
tlai hle a ni. Electric Veng Dancer ten lam hmuhnawm tak entirin hemi
zawh hian Pu Lalchuangliana, Branch Asst. Secretary in lawmthu sawina
hun a hmang a, hemi zawh dar 11:00-ah inkhawm \in a ni.
Section kal tam inchhiar a ni a, Section -III kal tam berin
Lawmman an dawng a, an lawm khawp mai. Refreshment tuihnai tak kan
changho bawk a ni.Hemi zana kalkhawm hi mi 500 vel an ni.
Local Council leh MHIP \awiawmna, a bik takin Par Lam
entirtute chungah YMA chu a lawm hle a ni. Tin, YMA chhang rual
(Chhunzawmna phek 3na-ah)
YMA HALL CHOWKIDAR
HNA RUAK
Veng chhunga cheng ngei
tan Electric Veng Branch YMA
Hall Chowkidar hna a ruak a, a dil
duh chuan ni 27.8.2014 (Nilaini)
aia tlai lovah Branch YMA Secre-
tary hnenah ziakin dilna theh luh
theih a ni. Diltu chuan hming, pa
hming, awmna Section leh contact
number ziah lan tur a ni a. He hna
hi ni 1.9.2014 - 31.3.2015 thleng
thawh tur a ni ang.
Thla khat hlawh Rs. 3,500/-
a ni ang.
Secretary,
E.YMA
Editor : Malsawmtluangi
Jt.Editors : R. Zaimawia, Francis Lalnunmawia,
Jonathan Ramropuia.
News Editors : Lalrammawia Sailo, Lalpanmawia Sailo
Treasurer : Zohmangaihi Tuallawt
Correspondents:
Lalthangkima, PC Lalhruaitluangi, Vanlalhruaia, Jesse Lalngura,
Laldinmawia, Eddie Lalmuanpuia, Zothanmawii, K.Lalrinsangi, Ophel
Lalthlamuani, PC Lalsangzeli, Eric Lalremruata, Lalramchhana,
Lalhruaizeli, Vanlalrelkimi.
O.B. IN CHARGE : K.Lalthanmawia (Vice President)

F Kum 1986-a Branch YMA President, Pu P.

Liankhama sunin Branch Executive Member-te leh
Branch hruaitu hlui ten an thlahliam a ni.
Pi Lalnunmawiin a pasal Pu P. Liankhama
tuamna puan sawmpakhat(11) Branch YMA a hlan a,
hruaitute an lawm hle a ni.
F Ni 18.8.2014 (Thawh\anni) zan inkhawm ban
khan Branch leh Section Office Bearer-te an \hukhawm
a, Infuihtharna leh Music Video Tlangzarh chungchang
an ngaihtuah.
F Ni 17.8.2014 (Pathianni) tlai khan Music Video
Organising Committee an \hukhawm.
F Ni 23.8.2014 (Inrinni) zingkar khan Branch
YMA Executive Member-te thlanmual thar hungna tur
RCC pillar 60 siamin YMA Hall-ah an hnatlang.
F Branch YMA Zaipawl Music Video chu
zawrhchhuah tum ani lova, Tv. C. Lalnunfela (B-6), Pu
Lalchuangliana (B-2) leh Pu C. Lalrotluanga Dawr
(Sakawrpului)-ah pendrive/vcd in a lak theih a, tin, You
Tube lamah Electric Veng YMA Music Video 2014-
Zo Zepui http://youtu.be/ZV11k2e25H4 ah en theih leh
download theihin a awm bawk e.
BRANCH HUANG
SECTION HUANG
SECTION - III
* YMA Music Video tlangzarhna leh infuih tharna
huna Section member kal \ha ber lawmman la thei hiala
member-te \hahnem ngaihnaah Section hruaitute an lawm
hle a ni.
* Ni 23.8.2014(Inrinni) khan nilengin Section Ad-
viser, Pi Sainguri Sailo te ramah pillar phum a sum tuakin
an hnatlanga, senior member-te honaah member
thawkchhuak an \hahnem hle.
* Section Finance Secretary, Nl. Saitluangpui Sailo
in a zirlai \ha taka a zawh avangin an lawmpui hle a ni.
SECTION - V
* Section member Dr. Lal\hasangi(Sangtei) s/o
Rochhara chu Specialist entrance pe tura inbuatsaihin
Delhi-a kal a, a hlawhtlin ngei nan duhsakna member ten
an hlan.
* Section sum tuakna ngai pawimawha Tui Bill pek
tir \hin zawng zawngte chungah Section hruaitute an lawm
hle a ni.
* Section hruaitute an damtlangin tumah zin chhuak
an awm lo.
PETU LEH DAWNGTU
Zaipawl Music Video tlangzarh leh
infuihtharna hun kha kan ngaihlu hlawmin a hriat a,
kan zavai khan beisei aiin \hahnem kan intih ka ring.
|um dang angin a tawpah te khan phai duk awm tak
a nia, mahse khami zan kha chuan kan phai duk lo a,
a lawmawm in a chhinchhiah tlak hlein ka hria.
Zaipawl zai kha rimawi lama tui leh thiam
chuan an duhthu a samlo ngei ang, mahse an phak
tawka an theih tawp a ni. Conductor ni lo tan chuan
tehna siam ngawt a thiang lo a ni.
Lam zirtirtu leh an lam zir lai hmulo tan phei
chuan he music video a thiltih chi hrang hrang lang
hian awmzia a nei lo tak meuh meuh a ni.
Kan fate an lam ve a, tha an thawh ve a nih
loh chuan an inpekna leh an hlutzia kan
hriatthiampuiin ka ring lo.
Kan thiam bikna ni loah pawh a \ha ber sawi
thei engemawzat kan kat nuk laia music video
buatsaih tura hmalak nawm leh harsat dan chu tudang
ni lovin Organising committee in an hre chiang ber
ang.
Secretary-in sum sen ral zat a sawi a, a tlemlo
hle a ni. A petu khan a pe tlem lo hle a, mahse a pek
chhanah a chiang thung a ni.
He music video hlawhtlin nana neih ang ang
ui lova petu zawng zawngte khan an pe hu tawk ang
zelin lawmpuitu an dawng a.
Ui lo va pe a, phut let neilo a neih ang leh
theih ang ang lo petu, Pu El-a pianchhamphaphak kha
ropui takin kan lawm reng a ni. Chawimawi tlakin a
nung tih chu khati zat mipui lo punkhawm khan a
lantir a ni. A pe hnem apiangin an dawng hnemna fo
a ni.
Khatianga kan phak tawk leh kan theih ang
tawk zela ke kan pen luih tlat chuan engtikah mah
kan veng hi kan tlawm mai lo tawp ang. A huho a
hnathawhnaah ngaihdan a inrual lo fo \hin, chuti
chung pawh chuan thil\ha tih chu bansan duh a,
hruaitute thu ngaichan thiam a \ha, thil\ha tih a tlawn
ngai lo.
Siam\hat theih tawhloh thil sawia insawi sup
sup loin tisual leh tawh lo tura huai taka \an lak zawk
mitin hian kan hlawkpui zawk a nia. Kan tawhrimna
te, kan senso te hi a hlawkna kan tel dawn lo a nih
pawhin midangin kan zar an zo dawn tih hre rengin
thil \ha petuah \ang zel ang u.
Asst. Secretary : Lalchuangliana 9862374155
Treasurer : J Dengdailova 9774396407
Fin. Secretary : Lal\hachianga 9436143393
President : Vanlalauva 9436155098
V. President : K. Lalthanmawia 9862587424
Secretary : C. Lalnunfela 9774002188
(
Branch YMA
Office Bearers
Vol. 21 No. 30 TUITU : ELECTRIC VNG : AIZAWL : NI 24 THLAZING 2014 (PATHIANNI)

NK. MARCHHAWNA LUSHAI

- K. Lalthanmawia
Keihuai lui ral, Assam Rifles camp hlui chu ka
pan phei zel a. Thla eng no tak chu, chhum avangin a
kal deuh delh delh hian ka hria a; khua a thiangin a reh
ruih mai a, arsi te chu an lang chiang hle mai. Zan sava
leh rannung dangte hram chu a mawi hle a. Rokunga
hla Zantiang Chhawrthlapui chang hnihna chu ka
rilruin ka sa a -
Chhawrthlapui eng a kai vel a zam karah,
Zai tinthang an rem va leng rualin;
Chhimbuk leng leh zunva awmhar zaiten,
Katchat, thangfen, riakmaw zai an chhawn,
Chhawrthlapui eng mawi a nuam, tiin.
Khuanu thil siam hlu tak tak te rimawi mai lo
chu, a reh hian a reh vawng vawng a. Chu camp choka
hlui leh an hotupa Subedar Sap in hlui ni awm tak tak te
chu ka han bih kual ang thuak thuak a, pindan thenkhatah
te phei chuan ka han lut ang zawr zawr a.
An choka piah lawkah chuan Sawntlung pawng
fai nuam tak hi a awm a, lung phek hi a lo awm bawk a.
Tah chuan ka rawmawl phahin ka thu a. Ka nu lehkha
min zial sak Theiriat vaihlo ngei mai chu ka zu vang
vang a. A falten kan intawng leh tawh lawng e, Zan a
rei khua ka tlai thlawn e... tih hla kha ring vak lovin ka
sa rat rat a. A chhan sawi tur mumal awm si lovin ka
rilru a hlim hle mai.
An Subedar Sap in hlui ni-awm takah chuan ka
han dak a, khum hlui chhe te, hnim leh hrui zamin a
bawh deuh luk tawh chu, kawngkhar bul lawkah chuan a
awm a. Khumah chuan ka han thu ringawt a, chung lam
van boruak thiang tak mai, reh vung vung mai bawk si
thlira chung lam ka en lai chuan..... ka vel boruak chu a
dang lam deuh sulh hian ka hria a; ka bulah chuan sipai
pakhat, hmanlai Assam Rifles khaki kekawr bul arh chi
ang ha, puanpheikhawk leh mawza, khup thlenga bun
chu a lo ding reng mai a.!!! Ka hlau lo nain ka tim deuh
chuai a, ka awmna pawh chu ka lo sawn deuh a. Lukhum
a khum leh khum loh kha ka hre thei tawh lo. Ani chuan,
Sap, i thianpa kha Burma-ah ram leh hnam tan a nunna
hlanin a thi a, a lunghlu neih kha a hrereng a. A chhungte
hnen thlen tir ngei a duh si a, ka kutah a hlan a, kei lah
a chhungte hnena pe thei zia zang ka ni ta si lo, hei hi a
nih hi, tih pah chuan lunghlu hi min han pe a. Ngawi
renga ka lak ve mai hnu chuan, Tu nge i nih ka han ti
a.
Khawngaihin a chhungte min han pek sak hram
dawn nia, duh aiin ka kawl rei tawh a, hetiang hun
remchang hi a awm thei bawk si lo, a ti a. Ka han en
leh chuan a lo awm ta hlek lo mai a, ka bing deuh chum
chum a, lunghlu lah chu ka la keng reng bawk si. In tih
harh tumin mei zuk ka han tum a, ka dumbur ka lo ak
hlek ta lo mai a, ka indap fe hnu chuan, ka thutna hmasa
kha ka va en leh a, ka thutna lung chu ka han en chiang
a; thlan a lo ni reng mai a. Ka dumbur pawh a lo tla
ngat a. Thlan lungah chuan sipai kut hnu, hmanhmawh
fe-a ziak tih hriat tak hian NK. Marchhawna Lushai,
Died 3-3-1944; Burma Special Mission tih ka zuk
chhiar a.
Lunghlu keng chuan ka haw phei a, fimkhur
takin thil awmzia ka zawt chiang vel a. NK.
Marchhawna, Theiriat khua hi France ramah pawh kal
tawh a lo ni a, Japan ral lakah kum 1944 khan a han thi
a lo ni a. Ka \hianpa nen pawh an han inhmu a, ka
thianpa hi Marchhawna aiin a thi hmasa zawk ni awm
tak a ni. February 17, 1944 a a thawn kha, ni 24/8/
1945 zan dar 9:00 velah a thleng chauh a nih chu. A
mak hle mai. He lunghlu avang hian ka thianpa te
chhung hi an khawsa thei viau a, hetiang dinhmuna
hlangkaitu mi rinawm, itsikna leh duhamna nei lo NK.
Marchhawna Lushai hi Mizo tlangval a ni a, a
fakawmin a entawn tlak hle mai.
VDP LEH MISUAL
VDP te an buai thei hle mai a, duty pawh an
ngawrh telh telh a. Tunkar chhungin rukru pahnih man
an ni a, tin, veng chhung tlangval pahnih hnen a\angin
proxyvon 10 capsule leh alprazolam strip 2 man a ni
bawk.
Rukru pakhat hian Biak inchhakah muhil man a
nia, pawngsual chungchanga police mi zawn lai a ni nghe
nghe a, police in an kawl zui nghal a ni. Man a nih lai
hian Saron veng a mi Gas bur leh Electric heater a rukte
a kawl bawk.
Mi man pakhat zawk hi Computer parts ru a ni
a, a ruktte hmuh let niin Chawnpui Home-ah a chhungte
hriatpuinain dah luh a ni.
VDP te an thawhrim hle lai hian Pi Malsawmi,
B-5 chuan duty ten an mamawh a an hman atan Rs. 500/
- a pe a, VDP te an lawm hle.
naupang lam thiam leh thuawih thei tak takte chungah
YMA chu a lawm em em a ni. Lam chi hrang a tam
bawk a, lam zir ringawt maw mi 250 an chuang a ni.
Inbuatsaih nan hian Organising Committee
chuan theihtawp a chhuah a, vawi-10 chuang teh meuh
a \hukhawm nghe nghe a ni. February \hla tirah Zaipawl
Recording zawhfel a ni. Tichuan, remchang hmasa ber
a\angin video shooting a bawhzui nghal a ni a, March
ni 18 a\angin \an niin June ni 9-ah shooting hnuhnung
ber hi zawh a ni a, \um 9 lai shooting nan hun hman a
ni. Music Video siamnan hian Rs. 82,000/- vel
senral a ni.
(Headline chhunzawmna)
(chhunzawmna column lehlamah)
Pu b l i s h ed an d Ed i t ed b y Mal sawmt l uangi o n b eh al f o f EYMA, Ai zawl
Pr i nt ed at t he Gi lzom Offset, El ect r i c Veng, : Copy 1130.

Vol. 21 No. 30 TUITU : ELECTRIC VNG : AIZAWL : NI 24 THLAZING 2014 (PATHIANNI)

CHATUAN V RAMAH
P.LIANKHAMA (Kum 69)
EYMA PRESIDENT PARIATNA THLAHLIAM A NI
Pu P.Liankhama hi Pu Thangdama(L) leh Pi Gawihkhawli (L) te fa pasarih
(7) zinga pangana a ni a. Ni 15.6.1945 khan N. Serzawl khuaah a lo piang a ni.
Rambuai avangin N.Serzawl atangin Darlawnah sawikhawm (Grouping) an ni. Unau
pasarih an ni a, Pi Lalnunmawii d/o C. Ranga (L) nen 1971-ah Chanmari Kohhran
Biak Inah Rev.C. Ronghinga kutah an innei a, fa paruk a nei a, tu sawmpanga (15) leh
tuchhuan pali (4) an nei a ni.
Kum 1957-ah Class III a zo va. An khuaah Middle Sikul a awm loh avangin
Govt. Middle Sikul Darlawn-ah a zir chhunzawm a. Middle Sikul a zir chhung zawng
hian Special Scholarship a la tluan chhuak zak a, tualtah kekawr bul leh kamis pahnih
ve ve nen Middle Sikul hi a zir zo a ni.Class IX - XI chu Govt. High Sikulah lutin,
Science Subject a zir zo a ni. 1968 ah Assam Public Service Commission in Forest Training College a Range
Officer zir tur diltu mi 300 atanga 10 thlanchhuah zingah a tel ve phak a, tichuan, April 1972 khan Mizoramah
a rawn chhuak a. Sawrkar hna a thawhlaiin Pachhunga University College atangin B.A. 1984 khan \ha takin a
passed leh bawk a ni.
Ni 31.1.1982-ah ACF-ah a kaisang a, ACF a\ang hian DFO-ah a kaisang leh a, kum 1997 khan Indian
Forest Service (AGMUT-92)-ah hlankai a ni. Sawrkar hna a chelh chhung hian Mizorama hmun hrang hranga a
awm kual a. Ni 1.3.2009-ah Selection Grade in a pension a ni. A pension hnu hian Mizoram State Information
Commission-ah Secretary in kum 2 (2009-2011)chhung a awm leh a, heta tang hian 28 February 2011-ah full
pension-in a chhuak a ni. Amah hi thu leh hla lama tuimi a ni a, a Autobiography KA HLAWHTLINNA tih
chu 2011 khan a lo tichhuak tawh a ni.
Khawtlang leh Kohhrana a rawngbawlna:
Pu P. Liankhama hi pa tlawmngai leh theih ang tawka khawtlanga inhmang thin a ni. Electric Veng YMA-
ah President, Vice-President leh Adviser-te pawh a lo ni tawh a. Tuitu chanchinbu chhuah hmaa veng chhung
chanchinbu Khawtlang Inleng-ah khan Patron a ni tawh bawk. Darlawna a awm laiin Darlawn Joint YMA President
pawh a ni tawh a ni. Sawrkar hna atanga a pension hnu hian Civil Pensioner, Electric Veng Unit-ah President
hna a chelh bawk.
Zai ngaina leh khuang vuak thiam tak a ni a, khawhar lenkhawmnaah pawh khuang a pu fo \hin. Biak Inah
pawh khuangpu hlun a ni. Darlawna a awm lai hian a lawina Darlawn Karmel Kohhranah Tual Upaa thlan a ni.
Amah hi infiamna lama tui tak a ni a, Electric Veng Badminton Club President pawh a lo chelh tawh a ni.
Tin, Badminton-ah Department aiawh in State pawnah te pawh a lo kal ve fo tawh \hin a ni.
A nat dan tlangpui:
Chaw a helh thin avangin July ni 17, 2013 khan a in entir a, Chaw kawng Cancer a ni tih hmuhchhuah a ni.
July ni 25, 2013 khan Mumbai-a TATA Cancer Institute-ah kalin Internal Radiation vawi hnih a la a, Aizawlah
Chemotherapy Cycle 6 ala chhunzawm leh a ni. Hun engemaw chen harsatna em em nei lovin a awm a. Pumna
(tina) a neih avangin August ni 4, 2014 ah NEIGRIHMS, Shillong-ah a in check up leh a.
August ni 13, 2014 khan a rawn haw a, thawhah in a tlakbuak zui ta a, August ni 17, 2014 khan NewLife
Hospital ICU-ah dah niin hmasawn zel tura kan beisei laiin August ni 19, 2014 zan dar 9:00 khan min kalsan
ta a ni. A ruang hi tlaivar pui niin a tuk, August ni 20 ah vui liam a ni.
BO & CHHAR
PENDRIVE: YMA hall-ah pendrive chhar a ni a, a tibo
chuan Editor hnenah lam theih a ni e.
TBZ SUPPORTER HRIATTIRNA
Vawiin chawhma Inkhawm banah hian Pu
Thanlzuala(B-2) inah TBZ supporter te \awng\ai
inkhawm tur a ni a, Supporter a tam thei ang ber kal
turin kan inhriattir e.
Secretary,
TBZ Unit Electric Veng
NGENNA
Chakma census hmalakna tura YMA Mem-
ber tin hnena Rs. 5/- theuh khawn tur kha la theh
lut lo ten a rang lama theh luh tum turin kan inngen
e.
C.YMA lamin thu dang a la neih loh
avangin khawn chhunzawm zel turin kan inngen
nghal bawk e.
Secretary, E.YMA