Sunteți pe pagina 1din 1

11/2/12

Zomi Messenger: [Mimal tangthu] JM Ngul Khan Pau

[Mimal tangthu] JM Ngul Khan Pau


Colorado Springs, USA ah Development Associates International (DAI) office ah ama research "Zomi Diospora" thu a kan kawmin nasep huh hi. DAI ah nasep a huh kawm, ama research - gam 35 ah kithehthang Zomi te thu a kan kawmin Makaite Pattahzia Ding, Nupa Nuntak Nuam Neihna Ding, leh Nungzui Suahna Cingtaak cihte bangci sinsak ding cih a geelkhol hi (doing research and developing training materials for leadership, marriage enrichment and discipleship). A zi Sianu Lucy Engjadim tawh a kitenzawh kum 24 phata a, Topa thupha tapa nih Daniel Gin Sian Mung leh Toshi Thang Lian Mang nei uh hi. Sia Paupu in evangelist kum guk sung Lamka gam Manipur ah sem masa a (1981-86), tua zawh ciang kum sawm sung Shillong khuapi ah sangnaupang pastor Students Chaplain semkik hi (1986-1996). Shillong ah sangnaupang pastor na a sep laitakin Council of Baptist Churches in North East India (CBCNEI) ah Associate General Secretary sem dingin kicial a (1996-1999), tua khit ciang General Secretary kum sawm a seksuak hi (1999-2009). Hih Tuiphum Pawlpi Kipawlna CBCNEI huamsungah biakinn 6000 val om a, milip million khat (teng 10) val pha hi. CBCNEI ah a sep sungin American Baptist Churches te Mission Conferences, Green Lake ah 2009, 2003 leh 2006 thugen in kicial hi. Kum 2004 Asian Baptist Federation Congress, Manila leh kum 2005 Baptist World Alliance kum 100 cin Pawi, Birmingham ah Bible Study makaih hi. Leitungbup Christian makaite kikhoppi Third Lausanne Congress in Cape Town (October 16-24, 2010) ah zong thugen ding khat in kiseh hi. Tua hun ah a thugen pen, Men and Women: A Powerful Team in Completing the Great Commission. Laisimna lam ah Bachelor of Arts (History) 1981 kumin zo a, Bachelor of Divinity 1985 kumin Union Biblical Seminary, Pune pan zo kik a, Doctor of Missiology pen 1995 kumin Western Seminary, Portland, Oregon, USA pan zo kik hi. Christian makaite thusinpihna gam tuamtuam India, Myanmar, USA ah neihpih ngei a, India gamsung diakdiak ah thugen leh makai thusinna neihpih dingin kilimzat zaw kaan hi. India minam tuamtuam kikal buaina omna mun ah kilemna thugen dingin kizang kawikawi a, a kalsuanna peuh Topa in tonpih hi. Laisim lunglut mahmah mi hi in ama inn ah laisimna inndei khat a nei nuam hamtang mi khat hi a; khangno leh maikai dinga pattahhuaite pattah leh Pasian nasem hunbit nasemte pattah banah pastor te tawh mapang khawma sepkhop, kikholhkhop a lunglut leh a hanciamna ahi hi. [Zomi Innkuan Singapore tawh hunzatna ah ama tangthu English a kigelh tomcik Zolai tawh aki teikhia hi.] Translated by: Hau Za Cin Phuitong Liim

Newer Post

Home

Older Post

Powered by Blogger.

www.zomimessenger.com/2012/03/mimal-tangthu-jm-ngul-khan-pau.html

1/1

S-ar putea să vă placă și