Salvation Army Ramhlun Corps, Crusader Weekly

Vol. XXII

No.11 Dt.24th March, 2013

FOUNDER
William Booth

THINGA KHAIKAN APIANG ANCHHE DAWNG AN NI

- Darchhawna Adama hmasa avanga Pathian anchhe dawng, keini hringfate chatuan hremhmuna awm mai tur chu a hmangaihna faktlakn kan chungah alan tir a. Dan anchhe laka thiam kan chan leh theih nan, Adma hnuhnung, Lal Isua Krista chu Pathian n rawn tirin, he khawvelah rawngbawlna hna theihtawpin a rawn thawk a, a hun tawp thlenga rawngbawlin puithiamlalte leh lehkha ziaktute kutah man tirin a lo awm ta a, bawrhsap Pilata hmaah hruai niin a thubuai sawi a lo ngai ta hial a ni. Amaherawhchu, unau duhtak, heihi hria ila, Pathian in a fapa a rawn tirh - Adama hnuhnung ah hian mipahnih nihna chiang takin kan hmu thei ang. Pakhatna ah chuan, Pathian fapa a ni a, pahnihna ah chuan Adama hnuhnung a ni. Pilatan rorelna a tan ta a, zawhna a zawt ta - Lal i ni em? Pathian fapa i ni em?, tiin. Isua Krista chuan Pathian fapa a nihna ang ngeiin, Aw ni e, Lal ka ni asin, tiin Pathian fapa a nihna leh Juda te Lal a nihna ang ngeiin huai takin a chhang a nih kha. Tin, zawhna dang, An hekna zozai te hi i chhang dawn lovem ni?, tih zawhna erawh chu anchhedawng mihring anih tlat vangin kamkhat mahin a chhang lo, beramno a hmul mettu hmaah a ngawi reng ang maiin a ka pawh a ang lo a ni. Thiamloh chantir niin Adama hnuhnung mihringa chu anchhedawng thing kros-ah khenbeh niin an khaikang ta a nih kha. Adama hnuhnung chu a thi ta, kan mihring hlui sualpu taksa chu khenbeh in a lo awm ta (Rom 6:6). Krista chu kan aia anchhedawng lo niin dan anchhe lak ata min tlanchhuak ta. (Galatia 3:13). Adama hmasa bawhchhiatna anchhia, mi zawng zawng chungah a thleng ang khan Adama hnuhnung, Krista chunga thil thlang chu mi zawng zawng chungah thlengin, a thihna ah baptisma kan chanin a hnenah phumin kan awm ve ta zawk a ni. (Rom 6:4). Unau duhtak, nang leh kei hi a ruang a lawm kan lo nih le!! Anchhedawng kros lera thi kha nang leh kei hi kan lo ni. Kei hi thawhlehna leh nunna ka ni titu (MihringKrista) Pathian thinlunga kan thawhlehna hi a va ropui em, heihi a ni chanchintha chu lo ni. Thim thuneihna ata min chhanchhuakin a fapa hmangaih taka ramah chuan min kaitir ta (Kolosa 1:13). Diabola hnathawh leh a chanvo mihring hlui ngei chu Krista chuan hnehin, hnehna hlado a chham hnan ta - A kin ta tiin. Hei ngei hi a ni hnehtu an hla, Adama hmasa thlahte tawpna ni a nih avangin thim thuneihna chu a kin ta a ni. In thi tawh a, in nunna chu Pathianah chuan Krista hnenah thuhrukin a awm ta (Kolosa 3:3). Chutichuan, Krista Isuaa awmte tan chuan thiamlih chantirna reng a awm tawh lo, Krista Isua nunna thlarau danah chuan sualna leh thihna dan ata min tichhuak tawh si a (Rom 8:1). Thlarauva kan dinhmun duhawm tak leh ropui tak chu thlan ata tho leh kha nang leh kei ngei hi kan lo ni (Rom 6:5), a va ropui em, Lalpa chu fakin awm rawh se, Amen Kalvari tlang ka hahdamna Tholeh krista ka in nghahna Thlahthlam phal loh nun ka nei ta Thisen thiltihtheihna Kros ka tan damna

General
Linda Bond

Territorial Commander
Col. Lalngaihawmi
Divisional Youth Secretary

Maj.F Remthanga

Commanding Officer
Maj. T Vanlalnghaka
HRIATTIRNA Dt 26.3.2013 (Thawhlehni) zan dar 7:00 hian SAY Executive Council neih a ni dawn.SAY Council member te kan inhriattir a ni. Thu thehluh duh nei tan Pathianni thlengin Secretayr hnenah thehluhtheih a ni. CO BIAl SAY VISIT PROGRAMME Dt 18.3.2013 (Thawhtanni) khan Ramhlun CO Bial SAY Council chuan Aizawl Bethel Corps-ah SAY Meeting hmangin visi programme neiin an tlawh a, tin, Dt 25.3.2013 (Thawtanni) SAY Meeting ah hian Bawngkawn Corps-ah hun an hmang leh bawk ang.

March Thla chhunga Senior Corps-a chanvo nei tur te : Thawhlawm khawntur te: (1) Nl Zonunsangi Sailo (2) Nl Lalmuanchhani (3) Nl BC Lalrempuii (4) Nl K Lalhruaizeli PangparKhawitu: Nl Laldawngliani Usher tur te: (1) Tv David Zohmingliana (2) Nl Elizabeth Lalmalsawmi

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Editor Manager Jt. Editors : Lalnuntluanga (9612698781) : David Vanlalfela (9862327235) : C. Lalrinmawia (9774638655) : David Zohmingliana (9862808201) : Lalremruata (Mapuia) (9615432515) Circulation Manager : Lalthansiama (9856649186) Asst. Cir. Manager : Rolungmuana, Lalrinfela Zote, Vanneihtluanga News Editor : Rammuanpuii, B.C. Lalrintluangi, K. Lalremtluangi, Bethsy Lalhriatpuii

Vol. XXII

No.11 Dt. 24th March, 2013

THIANGHLIMNA INKHAWM
Hruaitu Thusawtu : Pu Darchhawna : Pu H Kapthianga,CT (R)

SUNDAY BIBLE SCHOOL

Pu H Tlanghmingthanga, Asst.Superintendent

CHHANDAMNA INKHAWM
Hruaitu Thusawtu : Pi Lalramnghaki : Pu C Lalrinmawia

Editorial :
Kan rawngbawlna kawngtin han thlirkual hian thlaraubo te chhandam a, chhanchhuak tur hian kan pen tawk tak tak em tih hi kan inen fo tur a ni. Kan rawngbawlna chhan tak pawh, hre velo te chhandam a; chhanchhuak tur kan ni si a. Kohhran lamah hausa in Kohhran thiltithei tak pawh ni ila, kan tihtur diktak kan tih loh chuan Pa hmaah thiam kan chang chuang lovang. Tirhkoh Paulan Laodikei khaw kohhran ho hnenah engtingne a tih kha? Nang rethei mitdel saruak mai i ni e tiin. Mitna hlo lei turin a chawh a nih kha. Keini hi engtin nge min tih ve ang? Rawngbawlna a penchhuak theilo ho min ti ve mai long maw? Keini hi mitdel saruak mai kan ni tih hi kan inhriat hma loh zawng, Chhandamna famkim hna ropui hi kan kalpui tak tak thei dawn lo tih pawh min hrilhfiah tel a ni. Rinna in chu chhandamna chu kan kalpui tur a lo ni a, kan neihsa, kan hausakna chhuangin kan kalpui tur a nilo a, kan chakna chhuang lahin kan kalpui tur a ni heklo. Kan theihna leh kan hausakna ni lovin Lalpa Pathian chakna ringin, kutruakin kan kal tur a ni. Pathian chakna chhuang chauh tur kan ni. Chhandamna hna hi a pawimawh ber a, a tulber bawk a ni. Chhandamna hna hi thil tul ber nilo se la, Krista khan misualte chhandam turin a tuar kher a ngailo ang. Hmuchhuaktu William Booth a pawhin Chhandamna Sipai Pawl a din chhan chu chhandamna hna zau zawka thawk turin a ni tih kan hriat a keini a hnungzuitu te hian zual zela kalpui a pawimawh hle mai. Nun awmzia hre tur chuan NUN hlutna kan hriat a tul ang. NUN hlutna kan hriat loh chuan minung hming pu reng chung hian kan thlarau nun leh rilru thinlung te hian min nunpui ve lovin; kan tisa chauh hian khawvel minung ram hi alo luah ve mai long maw? Nun hi eng nge a awmzia ti mah sela, in siamthat an tum chuan loh avangin nun awmzia an damchhungin an hre lovang. An mit chu tihsel saka a awm avangin, an ke te chuan rul tur nei mi te an la rap anga, chu rul tur nei chuan ala chu ang. Khawvel hi Pathianin engvang a siam nge a nih a, mihringte eng vanga siam nge a nih? He zawhna hi kan inzawt ngai em? He zawhna hi kan hriatchian a tul hle mai. Bible-ah chuan, Pathian in khawvel a hmangaih em em a..... tih kan hmu a, Pathianin khawvel chu a hmangaih a, ama tan a siam a ni. Mihringte ve thung hi? Ama tana siam kan ni a, Ama anpui ngata siam kan ni. Tudang tana siam kan nilo. Ama tan chauh a siam kan nih lai hian kan tlan bosan thin. Ama hnena intukluh hi kan tihtur a ni a, chu chu kan nun chhan a ni a, kan nun chhan hi kan hriatchian a tul hle.

SIPAI INKHAWM
Hruaitu Zirlai : Nl Betsy Lalhriatpuii : Pu Lalnunrempuia,CCG

LUNGNGAIH ZAN
Hruaitu Thusawitu : Pi Zopari : Pu C Rosiama, CSM (R)

GOOD FRIDAY
Hruaitu
Thusawitu

: Pi Kapmawii,Secy., LOM
: Maj T Vanlalnghaka, CO

GOOD FRIDAY ZAN

Hruaitu Thusawitu : Pi Lalzuithangi, HLT : Pu Lalchhawnkima, QM

SAY HUNRUATNA
Hruaitu : Nl Irene Vanlalchhuangi Announcement : Secretary Collection : Nl Lalrammawii Bible Chhiarrual : Tv John Lalrintluanga (Rom 1:1-16) Hnungtawlhpual : Tv Lalthansiama Zirlai : Pu MS Dawngliana

HOME LEAGUE INKHAWM

Hruaitu Zirlai : Pi Lalmuanpuii : Pi Lalbiaknguri, AHLS

CORPS CADET
Hruaitu Offering Solo Recitation News Items : Zothanzuali : Lalchhuanmawii : Lalrintluangi : Lalruatfela : Lalhriatpuii

ZING TAWNGTAI INKHAWM

Mon - Tue Wed - Thu Fri - Sat Sun : Pu C Rosiama, CSM (R) : Pu H Kapthianga, CT (R) : Pu Vanlalpeka : Pi Lalzuithangi, HLT

Keini zawng Pathian nung Biak In kan ni si..-

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Vol. XXII

No.11 Dt.24th March, 2013

CORPS NEWS
Pu VL Malsawma, CT, chu zunkawng lam natna avangin inlamah enkawl mek a ni. Pi Nuthangi w/o Lalzuala, CS chu damlohna avangin Nazareth Hospital, Ramhlun North-ah enkawl mek a ni. Pi Duhthangi m/o D Vanlalruata chu chhungkaw pawimawh buaipuiin Dhubri atangin a lo zin chho. Pu Vanlalkohva F/o Robert Laldinsanga chu Dt 21.3.2013 (Ningani) tlai dar 4:30 khan Cancer natna avangin a boral a, a ruang hi Ramhlun Vengthar thlanmualah a tukah vuiliam a ni. Pi Lalsanglhliri w/o HV Lalromawia chu NEIGRIMS, Meghalaya-ah in check-up turin a zin. Nl Linda Lalremruati, SAY Asst. Secy. chu chhungkaw pawimawh buaipuiin Champhai ah zin Pi Zakhumi m/o Pi Lalrempari chu accident vangin inlamah enkawl mek a ni. Pu Malsawmtluanga chu natna hrang hrang vangin inlamah enkawlmek a ni. CC Laldinpuii c/o Nl Rammuanpuii, News Editor chu Ratu atangin damtakin a lo haw leh ta. SAY MEETING REPORT Member Inkhawm Collection Member Inkhawmkim 23 (13.37%) 300 2

OFFICER NI TUR TAN SAPTAWNG THIAM

Mak deuh mai chu, international headquarter a post tha zawng zawng khu European ho leh American hovin an insem zo vek zel mai khu a ni a. Tunah hian mizo, IS kan nei ve a kan lawm ve em em ringawt a. IHQ-ah khuan Asian pathum vel an awm ve chauh va, a zahthlak a ni. Saptawng kan thiam tawk loh vang a ni berin a lang a. Thu kan sawi thei a, kan inbe thei a, kan ziak thei a, kan duh tawk ringawt a. Mahni pian pui tawng ang maia nal a kan hman theih a ngai a ni. Council-a stratery puitling leh idea tha tak tak kan neih thin te, an thatna ang a sawi chhuak thiam a, midang te hmin thei tur khawp a thiamin saptawng kan thiam tur a ni. Saptawng thiam kan intih te hi chu kan lo la thiam lo em mai. European thalai rual zingah awm ila, sawi tur ka hre lo lam nilovin, kan sawi ve hman mangin a rinawm loh. Kan sawi thiam loh vang nilovin, eng nge kan sawi ang tiin kan ngaihtuah hmasa a, mizotawnga lo lut kha saptawngin kan han let leh a, kan sawi chhuak ve ta chauh va, chu chuan hun rei tak a duh si a, kan sawi ve hman meuh lo thin. An ni chu an dir zung zung a, an sawi zo mai a. An thluak kha a tha a ni bik lo, tawng an thiam a ni mai a. Chu tawng a chu, IHQ-a an hman a ni si a, European leh American ho hian post tha an la chang zel dawn tihna a ni mai. Hei vang hian officer ni tawh sa ten IHQ a thawh an harsat phah thin. Hei vang hian tuna thalai zawk, nakin a officer la ni mai tur te hian kan zirlai kan thiam piah lamah hian language skill kan neih angai a, min hnial tu a piang chhang dang zat zat thei tur khawpa kan nal leh thiam a ngai a ni. Anihna takah chuan Pathianin officer turin min ko kan tih hian kan dream san thei tawk chu khawi maw lai division a DC lo ni vuah kha a nih rih mai a. Kan dream hi a lo la hniam em atin ni. Mi fa te chuan Pathianin officer turin min ko an tih chuan, an mitthlaah General chair an hmu nghal thei a nia. Qualification tuk chin kan lo phak ve khauh tawh chuan a bak leh chuang hi a awm lo reng reng a. Khawnge MTh tal chu aw tih lam phei chu kan ngaihtuah phak lo. Pathianin min ko a nih chuan theihtawp chhuahin keimah hi ka insiam fel hmasa tur a ni tih lam aimahin, kan corps thut tur te te kan suangtuah nghal vut ringawt thin. Tawng mawi lo lam nilo se, thahnemngaihna avangah ngai ta ila, officer tang thei chin qualification hi Master Degree neih ngei ngei ngai ni ta thut mai se, tuna a koh tam tak te zingah hian a koh leh tak loh an awm mai lovang maw ka ti thin. Qualification dah pawimawhna lam ah ngai lo ila, kan inpekna chungchang ngaihtuah zawk ila. Pathianin min ko tak zet a nih chuan MA zo turin ka bei leh fat fat mai tur a ni tih rilru kan put a ngai a ni. Pathianin sipai pawl officer tura min ko tak zet a nih chuan commissioner tal chu ka ni tur a ni, tih rilru kan put a ngai. Dinhmun sang em nghal ringawt in lo ti a ni mai thei. Mahse, kan ngaihtuah tel ngai chu, corps officer chu an ni ngei ngei dawn a, thlarau bo pawh an inpek phawt chuan tam tak Pathianin a pe ang. Mahse, zau zawk a rawngbawlna a suangtuah phak loh chuan, khawi maw laiah berh zetin a ngaiah a kual a kual mai dawn a ni. Ringtuin harsatna chauh a changchawi reng a nih chuan a harsa reng mai dawn a, mahse, thuawina nen he harsatna hi malsawmnaah kan chan thei a ni tih ring a bei tu chuan thlarau malsawmna chauh nilo, lei malsawmna ngei pawh a chharchhuak thin ang hian, rawngbawlna zau zawk suangtuah pha a, chumi atan inbuatsaih thin te chuan Pathian tanpuiin an suahtuahna atak an chan thin a ni. Hei vang chiah hian, Pathianin a officer tur atana a koh in awm em, koh innihnaah duh tawk mai lo ula, suangtuahna nen skill tak tak in nei tur a ni. Khawvel hi hmun zau tak tawp chin nei lo ang maiin hmu lo ula, thil mum pakhat ang maiin hmu thiam ula, khawi hmunah pawh awmin, engpawh ti dawn ula, sap an ni emaw, mihang an ni emaw inkhum tur a ni. Pathianin thluak a pek che u hmang khan, khawvel sipai pawl hi in kaihruai thei a ni. American tih tur chauh a nil ova, European ho tih tur chauh a nil ova, mizo te tih tur pawh a ni. Sipai Pawl officer tura koh innih chuan Sipai pawl policy duang tu pawh inni ve ngei tur a ni. Le chumi tur chuan tawng thiam nal a ngai pawh.

* Member inkhawmkim hi SAY Meeting atanga Chhandamna Inkhawm inkara Inkhawm awm zawng zawnga inkhawm tihna a ni - Sipai Inkhawm, Thianghlimna Inkhawm leh Chhandamna Inkhawm.

PRAYER HELPLINE & COUNSELLING

Ramhlun Corps SAY te rawngbawlna pawimawh tak Prayer Helpline chu tihlen a ni a, hetah hian kan harsatna te SMS emaw E-Mail hmanga thawnin a tul chuan Counselling pawh nei thei turin in buatsaih a ni a, Sipai Member te zingah harsatna tawk tupawh a mamawh apiang ten in harsatna te he Phone number 9615221944-ah emaw :Prayer_ helpline@Yahoo.com-ah te thawn theih reng a ni.

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Vol. XXII

No.11 Dt.24th March, 2013

YP RALLY HLAWHTLING TAKA NEIH A NI

(Ramhlun Corps YP chu a pumpuiah pakhatna an ni) Issue hmasa lama ka n rawn tarlan tawh ang khan Dt 17.3.2013 (Pathianni) nileng khan Ramhlun Corps-ah Ramhlun CO Bial YP Rally chu nghah a ni a, Rally ah hian CO Bial chhunga Corps hrang hrang panga - (i) Ramhlun Corps (ii) Ramhlun South Corps (iii) Ramhlun Vengthar Corps (iv) Aizawl Bethel Corps (v) Bawngkawn Corps te atangin YP naupang 320 chuang zet an kalkhawm a, intihsiakna hmuhnawm tak leh benglut tak neih a ni a, special items mawi leh changtlung tak thlir tur a awm reng bawk a ni. Intihsiakna ah hian item hrang hrang panga hmangin department hrang hrang ten intihsiakna an nei a, result kimchang chu hetiang hi a ni : I. Bible Chang : (Primary) Pakhatna Ramhlun Vengthar Corps Pahnihna Ramhlun South Corps Pathumna Ranhlun Corps Palina Bawngkawn Corps Pangana Aizawl Bethel Corps Sipai Pawl Thurin : (Junior - Senior) Pakhatna Ramhlun South Corps Pahnihna Ranmhlun Corps Pathumna Ramhlun Vengthar Corps Palina Aizawl Bethel Corps Pangana Bawngkawn Corps Lengkhawm Zai : (Junior - Senior) Pakhatna Ramhlun South Corps Pahnihna Bawngkawn Corps Pathumna Ramhlun Corps Palina Ramhlun Vengthr Corps Pangana Aizawl Bethel Corps Solfa : (Primary) Pakhatna Pahnihna Pathumna Palina Pangana

Naupang Pual:

HMANGAIHNA MAK
Hmanlai hian tlangsang tak hmuna khawsa hnam pahnih inngeihlo tak hi an awm a.Hnam pakhat chu tlang hnuai zawl takah chuan khaw dinin an awm a, hnam pakhat zawk chu tlang chhipah an khawsa ve thung a ni. Nikhat chu tlang chhipa chengte chuan tlang hnuaia awmte chu an bei tathut mai a, tlang hnuaia chengte chu an thahnem vak loh avangin an hnehlo hle maia, tlang chhipa awmte chuan an nghaisa hrep mai ani. Chutianga an nghaisak hnu chuan an zinga naupang pakhat chu an man a, an hruai haw ta daih a,phaia cheng an nih avangin tlanghnuaia chengte chuan tlangram chanchin an hrelo hle a,tlang lawn dan pawh an thiam heklo a ni. Chuvangin tlangchhip a mite naupang man tak a chu va la kir leh tur chuan a ngaihna an hre lova. A tawpah chuan an khaw pasaltha leh thalai chak tak takte chu thlangin naupang chhanchhuah chu an tum ta a. Anni chuan tlangsang tak chu lawn an tum a, mahse an lawn thei si lo. Tlanga thing leh mau te chu an sam a,lawn an han tum leh a, amaherawhchu an hlawhtling thei chuanglo. Ni tam tak an beih hnuah pawh Ft 200 pel turin an lawn theilo a ni ber mai. An za chuan an beidawng hle mai a, a tawpah chuan haw mai hi a tha zawk ang tiin an bungrua te nen chuan an in saseng tan ta a. Chutih lai chuan an lam pana rawn chhuk nu pakhat chu anhmu a, a ni chu tlang chhip a mite hruai tak naupang nu a ni a. Chunu chu an lawn theih lohna tlangsang tak atanga cuan lo chhukin, tlang chhip mite hruai bo tak a fapa chu a lo pawm haw reng mai a. Pasaltha leh thalai te chuan ni tam tak rilru leh tha theih tawp chhuah pawh a an tih theih loh thil chu hmeichhia ve maiin awlsam taka a tithei chu mak an ti hle mai a ni. Anni chuan, " Keini pa chak tak tak te pawhin kan tih theih loh thil a ni a, nang hmeichhia ve mai hian he thil hi engtinnge i tih theih mai ni," tiin an lo zawt a, "Umm,..he naupang hi in fa a nih loh avangin in titheilo a ni," tiin a chhang a.Chutah zet chuan anni chuan hmangaihna in thil a tih theih zia chu an hmu chhuak ta a ni. " In tih a piang chu hmangaihna a tih ni vek rawh se. I kal thui zel a, i thiltihhmangin chhandam i in tuma, I hriatna thiamna zawngte hmachhuanin, Lal rawng i bawl thin em, I mualphona zawk ah Lal a lo mawi ang"

II.

III.

IV.

Ramhlun Corps Ramhlun Vengthar Corps Bawngkawn Corps Ramhlun South Corps Aizawl Bethel Corps

V.

Solfa : (Junior - Senior) Pakhatna Ramhlun Corps Pahnihna Ramhlun Vengthar Corps Pathumna AizawlBethel Corps Palina Ramhlun South Corps Pangana Bawngkawn Corps

Intihsiakna ah hian a pumpuiah Ramhlun Corps chu pakhatna an ni a, pahnihna chu Ramhlun Vengthar niin corps dang zawng chu pathumna an ni. YP Rally kan hman zawh takah Ramhlun Corps in hneh tak leh zo tak maia a thlen theih avang leh Rally a lokal zawng zawngte ruai min buatsaih sak avang te, tin, SAY, Ramhlun Corps-te a tul ang apiangah harsatna leh buaina awm miah lova min tawiawmna zawng zawng ah te leh endiktu tur a ruatchhuah zawng zawng te chungah Ramhlun Corps YP chuan lawmthu a sawi tak meuh meuh a ni.

Published by : Leader, on behalf of SAY Ramhlun Corps, Central North Division Edited by : Lalnuntluanga - 9612698781; Leader - 9436146304; Secretary - 8794277944 Printed at: KC Paper Works, Ramhlun North

Salvation Army Ramhlun Corps, Crusader Weekly

Vol. XXII

No.25 Dt.17th January, 2013

Salvation Army Youth, Ramhlun Corps; Central North Division