Salvation Army Ramhlun Corps, Crusader Weekly

Vol. XXII

No.12 Dt.31st March, 2013

FOUNDER
William Booth

SAY COUNCIL NEIH A NI

(Salem corps SAY, Chanmary Corps SAY te nen Joint Sport leh Joint Fellowship neih a ni dawn.) Thurel : 1 na - Dt 26th March 2013 Zoram Sipai Pawl ni pualin Cancer Hospital Zemabawk ah, Sana pahnih leh damlo te eitur pek a ni dawn. Hemi lo buaipui turin Social Service i/c ruat a ni a, OB leh Social Service i/c in hemi ni hian thilpek hi an hlan ang. Thurel : 2 na - Dt 20th April, 2013 hian Hualngo hmun Field ah Salem Corps SAY, Chanmari Corps SAY te nen Joint Sport neih ho a ni dawn a, Foot ball, Dressing Race, Poison Ball, Amazing Race (Hmeichhe tan), Ketami nu Race te hmanga infiamna neih ho a ni ang. Dt.22nd April, 2013 SAY Meeting zan ah Salem Corps Biak In ah heng Corps Pahnih te nen hian Joint Fellowship neih ho tur a ni a, Solo : Nl Lalthawhpuii, Hand Mime hmangin Ramhlun Corps SAY chuan Item a nei ang. Thurel : 3 na -Dt.15th April, 2013 zan SAY Meeting hian Member inkhawm kim zan hman a ni dawn a, hetah hian Member te kim taka inkhawm turin kan in ngen a ni. Thurel : 4 na - Zoram Sipai Pawl ni denchhen in Dt.27th April, 2013 Inrinni hian Central North Division SAY chuan Bazar Corps Biak In-ah Blood Donation Camp a buatsaih dawn a hemi atan hian Ramhlun Corps SAY Member te a tam thei ang ber tel turin min beisei a ni. Min beiseina tihhlawhtlin a nih theih nan Dt.15th April, 2013 SAY Meeting ah Blood Donation Campaign neih a ni dawn a, Campaign nei turin Tv Nathan T Lalchhanchhuaha, Secy chu ruat a ni. Thurel : 5 na - Kum 2013 chhunga SAY Songster Member tur ruatchhuah an ni a, hengmi te hi appointment pek vek an ni a. Dt.8th April ,2013 zan SAY Meeting ban ah a vawikhat na atan inhmuhkhawm a hla zirho tur a ni a, member ruatchhuah te kim taka tel turin kan in hriattir a ni. Thurel : 6 na - SAY Building tuna Pi Laldangi te chhungkua in an luah mek chu fur ruahtui tlak hma ngei a repair tur a ni a, hemi a tana a senso tur zawng zawng hi Pathian mi hmingthup pakhat in a tum dawn a, Ramhlun Corps SAY Chuan Pathian hmingin lawmthu a sawi a ni Thurel : 7 na - Nl Zonunsangi Outridge Brigde Chairman hnen atangin Outridge Brigade hmalakna ngaihthlak a ni a, Councelling mi pathum hnenah leh mamawhtu tamtak Tawngtai sak an nihtawh thu ngaihthlak a ni.

General
Linda Bond

Territorial Commander
Col. Lalngaihawmi
Divisional Youth Secretary

Maj.F Remthanga

Commanding Officer
Maj. T Vanlalnghaka
REPORT Dt.10.3.2013 khan Ramhlun Corps SAY ten kan Support lai mek Pi Chuailopari te chhungkua hnen ah Rs.1000/ -, Taaza leh Chini pek a ni a. Anni chhungkua hi Thlatin Support pek anni dawn a, hengte hi member ten thahnemngai taka an intiamna atanga pek an ni. Pi Chuailopari te chhungkua hi harsa taka nung ve hram hram an ni a, i tawngtai pui ang u. KEIMAHNI Crusader angent zawng zawng ten March thla Crusader man kan khawnte Tv David Vanlalfela, Crusader Manager hnenah thehlut turin kan inngen a, ala khawnlo te pawhin a ranglama minlo khawnsak leh turin kan in ngen a ni. March Thla chhunga Senior Corps-a chanvo nei tur te : Thawhlawm khawntur te: (1) Nl Zonunsangi Sailo (2) Nl Lalmuanchhani (3) Nl BC Lalrempuii (4) Nl K Lalhruaizeli PangparKhawitu: Nl Laldawngliani Usher tur te: (1) Tv David Zohmingliana (2) Nl Elizabeth Lalmalsawmi

ZAN CHANVE TAWNGTAI HUN HMAN A NI

(Date 30th.March, 2013 inrinni zan khan isua Krista thihna hneha ropui taka a thawhlehna hriatpuiin zan chanve tawngtai Ramhlun Corps SAY chuan a nei.) Zan chanve Tawngtai hi zan dar 9 atanga zan dar12 thleng hun hman a ni a, tawngtai hunchhung hi hun nga ah then niin, mi panga, Tv David Zohmingliana, Nl Zonunsangi, Nl Irene Vanlalchhuangi, Tv Nathan T Lalchhanchhuaha leh Pu MS Dawngliana ten kaihruaina hun an hmang a. Tawngtai thupui hi thlanchhuah sa a awmlo a hun kaihruaitu ten thupui siam in heng an thupui siam hmangte hian tawngtaina hun hman a ni a, hun hlimawm tak hman ho a ni

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Editor Manager Jt. Editors : Lalnuntluanga (9612698781) : David Vanlalfela (9862327235) : C. Lalrinmawia (9774638655) : David Zohmingliana (9862808201) : Lalremruata (Mapuia) (9615432515) Circulation Manager : Lalthansiama (9856649186) Asst. Cir. Manager : Rolungmuana, Lalrinfela Zote, Vanneihtluanga News Editor : Rammuanpuii, B.C. Lalrintluangi, K. Lalremtluangi, Bethsy Lalhriatpuii

Vol. XXII

No.12 Dt. 31st March, 2013

THIANGHLIMNA INKHAWM
Hruaitu Thusawitu : Pi Biaknguri, AHLS : Pu H Tlanghmingthanga, CLS

SUNDAY BIBLE SCHOOL

(Hunruatna siam ala nihloh avangin remchang ah tihchhuah a ni ang.)

CHHANDAMNA INKHAWM
Hruaitu Thusawitu : Nl Linda Lalremruati : Pu Lalnunrempuia, CCG

Editorial :
Thawhlehna hi Sipaite hian eng ang takin nge kan ngaih a, kan nunah eng ang chiahin nge thu a sawi le, mahni theuh in ngaihtuah teh ang. Chhandama kan awmna turin Pathian fapa ngei chu Kross lerah chinralin a awm a, nimahsela thawhlehna tello chuan a famkm hauh lo tih pawh kan hre ngei ang. Ringtu kan ni a, Krista sipai rinawm ni turin naupan tet atangin thutiam hrang hrang la in, Pathian tana serhhran, hlan thianghlim kan ni vek tawh ngei ang. Nimahsela, mihring kan nih chhung hi chuan tumah kan famkim dawn lo va, kan famkim ngai hek lovang, Chhandamtu meuh pawh thlem na hrang hrang nena beitu chuan mihring te lek phei chu min thlem hi a bansan hauh lovang. Sual ah kan tlu a, kan pen bo san fo thin, kan hriat loh lai leh hre reng chung pawhin kan kal bosanin, kan pen bo san fo thin, heihi a ni famkm lo leh tha thei hauh lo kan nih na ngei chu. Kan finna te, kan thiamna te, kan chakna ten kan theihtawp chhuahin bei let ve in, do let ve trin mah ila, mihringte theihna leh thiamna, chakna te hi chuan tawp chin a lo nei thin a, tlukna ah kan lo lut leh nge nge thin. Suala kan bosan lai te, kan vah bosan a, kan duhzawng leh chak zawng lam pana mahni chauh inngaihtuaha kan hun tam zawk kan hman lai ngei pawh hian, khawngaihna leh lainatna a khat Pathian chuan a Fapa ngei pawh ui hauh lovin, hrehawm tawpkhawk leh tihduhdahna nasa ber tuar tura min petu chuan min umzui zel zawk a lo ni. Hei hi a ni chhandama kan awm theih nachhan chu kan sualna, kan fel lohna leh kan tihsual leh diklohna zawng zawng te chu Krista ruala phum bova awm in, heng zawng zawngte hi thlan thim chhungah chuan hnutchhiahin, Krista ngei chu van nunna a inthuamin, fel lohna, dik lohna leh sual kailo Fapa nihna famkim nen A THO LEH TA. Sipaite pawhin chhandam kan nihna ah hian kan tih engmah a tel loh zia te, thilthlawn pek, Pathian remruatna liau liau a ni tih hre thar leh ila, mahni kan in en a,kan tling lo, kan rawngbawlpui te kan en a, an fellohna te, an that tawk lohna te kan hmu chamchi bawk a, nimahsela Lal rawngbawl tur hian midang emaw mahni in en lo hian kan tana thi a tho leh ta zawk ngei chu en tlat zawk tur kan lo ni tih kan hriatnawn reng a tul takzet a ni.

SIPAI INKHAWM
Hruaitu Zirlai : Nl Betsy Lalhriatpuii : Pu Lalnunrempuia,CCG

TAWNGTAI INKHAWM
Hruaitu Thusawitu : Pu Lalrindika, Col. Sgt : Pu PC Khawtinkhuma, CWS

SAY HUNRUATNA
(Aizawl Bethel Corps leh Bawngkawn Corps te CO Bial hrana an awmtawh dawn avangin, Aizawl Bethel Corps ah inthlahna hun hman tur a ni.)

HOME LEAGUE INKHAWM

(Hnruatna kan hmuhloh avangin kan ti chhuak theilo)

YP HUNRUATNA
Hruaitu : Pu Lalnunpuia, CG Tantu : Lalhmangaihzuali, Senr Solo : Lalbiakzami, Pri Recitation : VL Remruatkima, Pri Pangpar khawitu : K Lalhruaitluangi, Beg Damlo tawngtai saktu : Hruaitu

CORPS CADET
Hruaitu Offering Solo Recitation News Items : Ellie VL Malsawmtluangi : Lalthawhpuii : Laltlansai : Lalchhuanthangi : Vanneihtluanga

ZING TAWNGTAI INKHAWM

Mon - Tue Wed - Thu Fri - Sat Sun : Pi V Varziki, YPSM : Pu Ngurkhuma : Pu H Tlanghmingthanga, CLS : Pi C Rosiama, CSM (R)

Setana talhtum, midang te tana harsatna siamtu,mi dangte tana harsatna siamtu i nih vaih chuan Pathian in a khawih ve palh ang che, fimkhur rawh. - Commr. Lalkiamlova, IS

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Vol. XXII

No.12 Dt.31st March, 2013

CORPS NEWS
Pi Caroline Vanlalfeli w/o Pu T Vanlalnghakliana Asst Leader SAY chu Aizawl Hospital-ah a beng zai a nih hnuin inlama inenkawl chhunzawm turin alo chhuak. Nl Lalthazampuii d/o Pu Lalrammawiia, RS chu damlohna avangin Nazareth Hospital ah enkawl mek a ni. Pi Nuthangi w/o Pu Lalzuala, CS Nazareth Hospital a awm na leh BP sang vanga inenkawl pawh dam takin alo chhuak. Pi Hmingliani chu Damlohna avangin Nazareth Hospital-ah enkawl mek a ni. Tv V Lalchhandama s/o Pu V Rolura chu a training na hmun Hnahthial atangin dam takin alo haw. Pu Lallunghnema Hrahsel te chhungkua chu Ratu-ah a pizawn Good Friday leg Easter Sunday hmanpui turin an zin. Tuipuibari Children Guidance School Building sak tanpuina tura rinna thlaichi Rs 50/tipung tura min rawn ngenna chu SAY Council in a rel angin Dt.25.3.2013 SAY Meeting-a kan Special Collection leh Donation atanga tling khawm Rs.1130/- chu pek a ni.

ISUA THAWLEHNA IN NGHAWNG

- Joseph Zaihmingthanga Hebrai 9 : 24 ah chuan Krista chu kuta sak hmun thianghlim, a tak anpuiah chuan a lut si lo va; tunah Pathian hmaah kan aia ding turin vanah ngei a lut ta zawk a; tiin kan hmu. Krista tawhlehna hi kawng tam tak leh kawh tir tum chi hrang tamtakin asawi theih awm e. tun tum bikah hi chuan Thawhlehna in a nghawng lam sawi daih ka duh tlat mai. Good Friday-ah Biak In lam panin kan kal khawm thin a, Krista thihni a nih avangin kan ngai ropui a, kan la urhsun hle thin reng a ni. Biak In zai boruak pawh a kang lam ai chuan, a hnim deuh ruih lam a pawl mah mah zawk thin. Mahse christian te tan chuan a mawh love, kan Lapa Isua ngeiin fam a channi a ni a, a taksa hliam leh, a rilru kehsawm te chu; mihring kan nihna zawn atangin kan han suangtuah a, a na em a, khawngaih thla a la ngaih mai reng a ni. Ka rilru peng khata awm chu Krista khawngaiha, A mah sun tura kan kal khawm hi tha viau mahse, kawng khat danga kan ngaihtuah a hun tawh em aw ka ti thin. Lal Isuan Kross a tumruh zia leh a tin zawn ngar ngar dan te, chu Kross thina in a hlen chhuah tur han ngaih tuah chuan; A thi hi a lawmawm ngawih ngawih. A lo let leh ang tih hlauva, kalvari a thleng hram te leh kan zallenna lawma hlima lam laih laih tur kan nih zawk hmel riau a ni. Chu lam chu duh tawk teh ang, chu thihna chuan Sual, Inkhawm tam avanga bo thei lo. Tawngtai tam avanga lak sawn theih loh, Bible chhiar tam avanga kiang thei tawh lo min bawih bet tlat tu hi, Ka remtihna tel lova min bawih leh ngai tawh lo turin Kross ah ngei chuan a chakna a ti chhia a, Pa duhzawnga nung tura dal tu kan nei talo. Min bawih bet tlat tu chu chhe tawhin, Pa duh zawnga nung tura dal tu nei tawhlo mahila, Thiam chang erawh kan la ni chuang lo a ni. Thiam kan chan theih nan kan aiah Krista a din a ngai ta a, Nang leh kei hian Pa lawmzawng tlingzo mizia kan nei lova, tin, kan ti lawm zo hek lo. Krista chuan van taksa famkimna nen, thlan a rawn su hawng ta; thlan tihbaiawm pawhin a chelh hneh lova, thihna chuan bo hlen turin a angam ta lo. Puithiam Lalberin hmun thianghlima thisen vawi 7 a theh hnu a, an lo fai ta ang khan; Krista chuan a thisen hmun 7-a chhuak chu Hmun thianghlim berah chuan a luh pui ve anga, chhinchhiahna 7 ( thupuan 5 ) a hmachhawn dawn ta. Puithiam Lalberah a mah chu a tang nghal a, ran thisen aiah ama thisen a keng lut bawk a.(Kel te leh bawng note thisen vang ni lovin, ama thisen avang zawkin tia Hebrai a a ziah ang khan) Khawi hmun thianghlim-ah nge a luh? Jerusalem temple ah emni a luh ve? Ni love, kan Bible chang tarlan ami ang hian, Pathian hmaah min din sak ta a ni. Krista thawhlehnain a nghawng hi a ropui hle a, kan sawi seng awm love. Tho leh nun hi a thianghlim a, Van taksa famkim a ni. Lalpa Pathianin Krista thisen a hmuh veleh-a thil thleng hi a va ropui teh lul em!! Unaute u, Pathianin Krista thisen an hmu chiah chu e; Dan leh thupek leh rorel te zawm thei tawhlo, zawm ahneha kan chak loh zia lang chiang sauh te, nun leh sul hnu sawi leh Pa hmaa din pui tlak nei tawh lo te kha, Pa lungawina zana dan leh thupek leh rorel te zawm kim barh tu; Tholeh Krista nun leh sulhnu te chu, kan nun leh sulhnu angah min ngaihsak ta ringawt mai ani a va ropui em. Keimahni lamah hian a lungawi ni lovin, Krista-ah Pa a lungawi ta a, thiam chang kan lo ni ta. Heng thil a thlen theih nan hian, Krista hi a thawhleh ngei a tul tlat a ni Halleluiah.... Chutichuan ding nghet ula hei hi thawhlehna nun tawmpui tute hna ve thung a ni. Bawih nghawngkawlah chuan tangleh tawh suh u Tan leh tawh loh hi kan tih tur a ni. Tholeh nun, van taksa famkim, thiltihtheihna nena thuam chu i nuna in lar turin, thuneihna zawng zawng thlarau thianghlim hnenah hlan rawh le. Lalpan a thu malsawm rawhse.

SAY MEETING REPORT Member Inkhawm Collection Member Inkhawmkim 25 (14.53%) 680 3

* Member inkhawmkim hi SAY Meeting atanga Chhandamna Inkhawm inkara Inkhawm awm zawng zawnga inkhawm tihna a ni - Sipai Inkhawm, Thianghlimna Inkhawm leh Chhandamna Inkhawm.

PRAYER HELPLINE & COUNSELLING

Ramhlun Corps SAY te rawngbawlna pawimawh tak Prayer Helpline chu tihlen a ni a, hetah hian kan harsatna te SMS emaw E-Mail hmanga thawnin a tul chuan Counselling pawh nei thei turin in buatsaih a ni a, Sipai Member te zingah harsatna tawk tupawh a mamawh apiang ten in harsatna te he Phone number 9615221944-ah emaw :Prayer_ helpline@Yahoo.com-ah te thawn theih reng a ni.

Salvation Army Youth, Ramhlun Corps; Central North Division

Salvation Army Ramhlun Corps, Crusader Weekly

Headquarters News : UNIFORM CHUNGCHANG : India Eastern Territory-a Uniform atana Navy Blue hman tantirh kum 2008-a THQ atanga Uniform hman dan chungchanga thuchhuah tawh chu, a hun alo rei deuh ta a, Uniform pangngai (avar) leh thlasik lai Uniform (Navy Blue) hak hun chungchangah, rualkhai zawka kan kal theih nan Territorial Commander chuan thuchhuah a siam a. TC Thuchhuah hi Division Headquarters-atanga Corps tina chhuah chhawn leh tur anih avangin hun a duh rei dawn a, chuvang chuan hei hi hriattir na ah ngaih tur a ni ang. Navy Blue hak hun : October - February (thla nga chhung) A var hak hun : March - September (thla sarih chhung) CENTRAL NORTH DIVISION PARTNERSHIP HLAWHTLING Central North Division Council chuan kumdanga an lo tih tawh thin angin, khawpui chhung Corps leh zokhaw lama mite thawh-ho theihna dan tur Partnership an buatsaih leh ta a, kum bul lam ala ni na a, Corps tam tak chuan ruahtui tlak hma hun chuhin an partner-te thawhpuiin bul an tan a, heta thawkchhuakte hi Biak In sak hna thawk an ni ber. I. Ramhlun Vengthar Corps chuan an partner Agas Saimarua, Tripura-ah Biakin an sa mek a, tunkar bul lam khan Work Camp neiin an chhuak a ni. II. Dinthar Corps chuan an partner Sakhantlangsang khua, Tripura ah Biakin sak tumin hma an la mek a, hemi atan hian Rs 150,000.00 (nuaikhat singnga) hman phawt tura ruahmanna siam a ni. Tin, Dinthar Corps hian Tuirial Society Biak In an sa dawn bawk a, hei pawh hi a hmunah Commanding Officer hovin an enfiah tawh a, hnathawh tan thuai a ni ang. III. Lily Veng Corps chuan an partner Thumlai Society-ah thawktute chenna tur Quarters an sa mek bawk a, Thumlai ah hian a bulhnai khua a mite nena an intawm theih tur School pawh a awm a, helai Area ah hian thawktu 3-an awm.Thumlai, Hachhek tlangdung leh Jampui tlangdung inkar ruam, Langkaih luikam Tripura State huamchhunga awm a ni. CO BIAL THAR PATHUM HAWNG Central North Division Aizawl khawpui chhunga CO Bial thar hmun thumah chuan Bialtu CO ten an hmun an luah fel ta a. Dt 1st April, 2013 atang hian an bialchhungah hna an tan ang. CO Bial thar leh Commanding Officer te chu : 1. Hermon Corps CO Bial : Hermon Corps, Ramthar Corps, Aizawl Bethel Corps te an ni a, Major JC Lalengmawia & Major Phirthangi Commanding Officer an ni ang. Anni hi Area Officer, Agartala atanga lokal an ni. 2) Luangmual Vengthlang CO Bial : Luangmual Vengthlang Corps, Govt. Complex Corps leh Luangmual Corps te an ni a, Capt.T.Zothanmawia & Capt Vanlalfaki Renthlei Commanding Officer an ni ang a, anni hi DHQ Central North Division atang lokal an ni. 3) Sairang CO Bial : Sairang Corps, Phunchawng Corps, Rangvamual Society-te an ni a, Lieut.Linda Lalrinawmi, Commanding Officer a ni ang, ani hi Sairang Corps-a awmlai mek a ni.

Vol. XXII

No.12 Dt.31st March, 2013

Naupang Pual:

KRISTIAN TANIN
Brazil rama Sao Jose Dos Campos khawpui bulah chuan hriatreng tlak thil a awm a. Kum 20 liam ta ah khan Brazil sawrkar chuan chulai hmuna tanin awm chu Kristian mi pahnih hnenah hian a hlan chhawnga. Chu hmun chu Humaita tiin thlak a ni a, an thil tum ber chu chulai hmuna Isua hnungzui tur leh chanchintha la hre lo te hnena chanchintha puandarh a Chhandamna kawhhmuh a Kristianna zirtir chu a ni. Chulai hmunah chuan thawktu nghet chu kristian pahnih te chauh an awm a, a bak thawktu dang zawng chu chulai hmuna lung in tang ho chu an nia a! chulai hmuna tang chhung te chuan pawn lam atangin thawktu tur chu a hun bi inchhawk zelin an rawn ruat mai thin a. Tumkhat chu chulai hmuna tanin chu Chuck Colcon-a hian a va tlawh a ti hian a thil hmuh chu report a ziak a: Humaita ka va tlawh chuan tang ho te chu hlim hmel pu tak hian ka va hmu a . Tualthat tu ni awm tak chuan tanin chahbi chu a lo kawla, kawng min hawn a min luh tir a, khawi hmun ah .pawh ka kalna a piangah chuan chuta mi tang ho te chu an thlamuan hmel hle maia. An hmun hma te chu a faiin mite chuan hna an thawk nasa hle mai a. Tanin bang vel zawng zawng te chu Bible chang Sam leh Thufing bu atanga lak chhuah thu tha tak tak hian a in ziak khat chuai mai a. Min hruaitu chuan tanin pindan hrang misual bikte an nghaisakna hmunah chuan min hruaia. Tunah chuan chu hmunah chuan mi pakhat chauh an dah thu min hrilh a. Concrete Corridor ah chuan thui tak kan kal hnu in kan thleng ta a, chahbi chu kawngka kalhnaah chuan a rawlh lut a min rawn en pahin, A chhung en chu i duh tak tak maw? tiin min zawt a. Kei chuan ka duh thu in ka chhang a.Chutah zawi muangin kawngka chu a hawng a, in nghaisakna hmuna mi tang an dah chu ka hmu a, kros ah khenbeh a ni a,mitang te chuan mawi takin an chei a, chu mi tang ka hmuh chu ISUA Kross-a khenbeh lai lem a ni. Min hruaitu pa chuan, Keini mitang zawng zawngte aiah a hun a hmang a nih hi tiin min hrilh a. Pathianin khawvel a hmangaih em em a, chutichuan a fapa mal neihchhun a pe a, amah chu tupawh a ring apiang an boral lohva, chatuana nunna an neih zawk nan. Khawvel thiam loh chantir turin Pathianin a fa khawvelah a tir lo, khawvel amah avanga an dam theihna turin a tir a ni zawk e.

Published by : Leader, on behalf of SAY Ramhlun Corps, Central North Division Edited by : Lalnuntluanga - 9612698781; Leader - 9436146304; Secretary - 8794277944 Printed at: KC Paper Works, Ramhlun North

Salvation Army Ramhlun Corps, Crusader Weekly

Vol. XXII

No.25 Dt.17th January, 2013

Salvation Army Youth, Ramhlun Corps; Central North Division