Editor : Tv. Lalrinzuala (Tavala) (98-620-40071) Jt. Editors : Pu P Lianzama (98-623-56335) Pu Saibiaknunga (98-625-59675) News Editors : Tv.

Vanlalneia (97-745-86755) Treasurer : Nl. Lynda Zosiamliani

Production Manager : Tv. Lallawmzuala Tv. V. Lalrintluanga Tv. Stephen Lalremruata Circulation Managers : Tv. Anthony Lalhmingmawia Tv. Zonunsiama Tv. J. Lalrintluanga Tv. Siamrodinga Tv. Lalruatdika

Volume 4 No. 16

Thlakhata vawihnih chhuak

September 8, 2013

2nd SAMSUNG PLAZA INTER VENG BASKETBALL TOURNAMENT, 2013

otaract Club-in a buatsaih 2nd Samsung Plaza Inter-Veng Basketball tournament chu khelh chhunzawm zel a ni a, he tournament-ah hian Dawrpui Vengthar Basketball team te pawhin Mens Category-ah kan tum pui te la hneh zelin, Quarter Final-ah Ramhlun North nen nimin khan an inkhel a, result erawh he chanchin buatsaih lai hian kan hre hman ta lo a ni. Nikum lamah he tournament hi buatsaih tawh lo niin Mens Category hi telh a la ni lo thung a, Under 18 leh Under 21 ah te nikum lamah te kan lo tel tawh a, Under 18 ah hian kan champion a, Under 21 ah erawh Runner Up kan ni thung a, record kan nei tha hle a ni.

DVSC Ex-Officio, Pu J Laldawngliana chu 26th All India Karate Federation buatsaih Senior Cadet & Junior National Karate Championship New Delhi 11th - 13th September a neih turah Manager Cum Coach in Mizoram team hruaiin 7.09.13 khan a kal.

TAWI KIM

DVSC Basketball i/c Tv Michael Lalnunthara chu chhungkaw pawimawh a Vellore a kal chu Dt. 6.9.13 khan dam takin a lo haw leh.

CHANCHINBU CHHUAH LEH HUN

Chanchinbu chhuah leh hun tur chu SEPTEMBER NI 22. Chanchinbu chhuah leh hun hi aman khawn hun a ni ang. Chanchinbu chhiartute zawng zawng kan inhriattir nghal a ni e.

Tun tournament neih mekah hian Seeded kan nih avangin 1st Round-ah kan bye a, 2nd round-ah Chanmari Veng Basketball team nen Ni 28/08/13 khan Chawnpui Indoor Stadium-ah kan khel a, harsa lutuk lo in 67-34 in hnehna kan chang a ni. Pre Quarter final-ah Basketball a hnuhma lo nei tha tawh tak Zarkawt veng nen kan khel leh a, he match hi Zarkawt home-ah kan khelh dawn avangin uluk takin kan inbuatsaih a, 30/08/13 khan pre-quarterfinal-ah kan inkhel leh a ni. Zarkawt nena kan match-ah hian players te an khel tha hle a, 79-44 in awlsam takin hnehna kan chang a ni. Quarter Final-ah Ramhlun North nen nimin (7 Sept) khan kan khel leh a, result erawh kan hre hman ta lo. Kan tournament khelh mek hi a danglam riau na chu Dawrpui Vengthar Basketball Team-a players naupang zawk leh junior zawk te hmel

hmuh tur an awm hi a ni. Senior players khel an tlem hle a, a chhan leh vang ni a lang chu, Dawrpui Vengthar an hmangaiha, nakum hun thlirin Basketball lama kan hming tha chho mek zel chhawm nun chhoh dawn chuan, tun atanga kan naute kan chher chhoh tan hi a hun tawh a ni tih an hmu lawk niin a hriat theih awm e. Players naupang zawk te an kian thiam a, an fakawm takzet a ni. Eng result pawh nei ila, veng tan leh nakin hun atan ala tangkai dawn si a, hetia junior player-ten tournament lianah tawnhriat an neih theih nana hma an la hi Senior players te leh Basketball lam hruaituten an ti tha takzet niin a lang. Dawrpui Vengthar tana an thil tih hian rah tha leh duhawm tak pawh a chhuah ngei a beiseiawm a ni. Players naupang zawk te pawhin hei hi remchangah la a, thahnemngai taka veng tan theihtawp chhuah hi an tih makmawh niin a lang.

-2-

Inkhel ka en ve a - P Lianzama
Hmanni lawkah Joint YMA Sports neih a ni a, football-ah kan veng hmasawnna ropui tak hmuh theihin a awm a, a lawmawm hle mai. Footballah hian Dawrpui Vengthar hian final a lut khat ta hle a, Joint YMA, Branch paruk telnaah final kan thleng thei kha hmasawnna ropui tak a tling. Tin, kan vengYMA Zaipawlte, Pu Rokunga pian cham kum 100-na lawmna atana inbuatsaihna, Zoram pum huap Zaipawl intihsiakah top 10-ah lang phakin, pariatna an ni bawk a. Kan veng Salvation thalaite pawh, tunhnaiah Zaipawl intihsiakah telin pahnihna an nih bakah, Chief Minister Running trophy, Mizo Cultural Dance intihsiakah kan veng kan tel bawk. Chu chang ala ni lo, LPS Tribal beat-ah pawh kan veng thalaite, Local council hmingin an tel bawk. Sporting club hmingin Basketball-te 2nd Samsung plaza inter veng Basketball tournament 2013 khelh a ni bawk a. Kan veng hming lan tuma beihna, ti ila, tawngkam mawi lo a ni lo vang chu. Heng zawng zawngah hian a chhuanawm lai ber chu veng hmangaihna rilru, kan khawtlang tana ke kan pen chhuahna leh inpekna hi a ni. Khawtlang tana rilru seng ngai hauh lote hi mi tangkai leh hmantlak an ni ngai lo va, mi tlawmngai thei leh inpe apiangte hi khawtlang hmasawnna a nih rualin mahni tan tak pawh mi pangngai nihna, nun hlimna min thlentu pawimawh tak a ni tih hriain chhunzawm zel thei ila a duhawm hle.

President Dr. Lalrinawma Hnamte Sr. Vice President Pu Henry Vanlalhruaia

Nova hun laia tui let atang khan, tih em chu a lutuk deuh ang a. Tun kum sangbi tharah hian football khel en tura field a ka kal vawikhatna a ni hial awm mang e. August ni 31, 2013 hian Aizawl West joint YMA Sports neih mekah kan branch YMA chuan football final a thleng ve hlawl mai a, kan vengin football final kan thlen hi tun hnaiah sawi tur a vang em a tih vangte pawh a ni mahna, football khel en tur chuan ka kal ve ta mauh mai. Ka haw daih dawn em maw ni le : Thaibawih tih takah, an khelh tan tirh atangin ka en hman ve lo pek a. Ka thlen thlak chuan first half an la zo lova, kan vengin 2-0 in hma an hruai tih kan hriat chuan phur tak chungin thlanmual stepah chuan thut hmun kan rem ve ta a. Savun ham puar pet a, patlinga pumpain um ta tung tung mah nise a lo hmuhnawm ve phian a nih hi le. Kan veng uniform lah chu vut buak rawng (grey) ngat lehnghal (an lo sawi danin). A rawng diktak chu a pawl zawk a ni. Ka thu fel deuh awrh tihah chuan kan tumpui Dinthar lamin an ti goal nghal pek a, 2-1 chuan hma kan la hruai hram. Mahse, hma kan hruai rei lo kher mai, reiloteah a goal zui leh nghal a, 2-2 a ni ta der mai. Ka bula thute chuan fiamthuin, In rawn en ve vang vek, in rawn thleng hma lutuk a ni min tizui a. Inkhel ka en khat tehreng nen, ka en ve chhunah, ka haw leh daih dawn emaw ni le. Thosi tam ropui si... Dintharho khan in veng thlanmual atangin va en ve mai rawh u : An khel rei tulh tulh a, kan veng player-te an chau tulh tulh, Dinthar lam lah chau hmel an la pu ve mang si lo. A goal zing ang tulh tulh a, Dinthar player pakhat, kan veng player paliin an chuh rawn ngat phei chuh. Fiamthu mah nise, Tv. David-a phei chuan, Kan veng Thlanmualah hian Dinthar lamin an tih goal avanga kut beng in awm elo a ti hial a nih kha. Thik thu a chhe duh tawh kher asin, demawm pawh a nih ka hre love. Inkhel enna rem lutuk tak mai hi kan veng thlanmual a ni tlat alawm. Tv. Sema meuh pawhin Dintharho chu an en ve duh leh an veng thlanmual atangin en ve mai se a ti an tia lawm. Vaivakawn field a ni bawk lo : Aizawl West Joint YMA Sport ni na na na, Aizawl West Joint YMA huamchhunga ami lehnghalin Vaivakawn field-ah ti an awm nia. Vaivakawn field a ni bawk lo. Nia, keini Aizawl West Jt. YMA huamchhung amite tal hi chuan Vaivakawn field iti tawh lo teh ang u. Vawikhat pawh Aizawl West College zirlai naupang ten, he field-ah hian College Week an neih dawn tumin, information atan Vaivakawn field an ti pek a, ka hau hrep a sin le. Kawng leh lamah, annite chu Aizawl West Jt. YMA huamchhung amite an ni lo thei a, Vaivakawn field lo ti ta pawh nise, a dik lo tho nachungin 50-50 tal chuan ngaihnathiamna lo nei ta pawh ni ila, Aizawl West Jt. YMA huamchhunga miten Vaivakawn field an ti hi chu ngaihdam a har deuh zawng a ni. Kan chak ka ti tho tho : A tawpah chuan 6-2 ngawtin Dinthar an chak ta. Mahse, kan veng mi leh sa tam zawkte ngaihdan hi kei pawh ka tawmpui ve tlat. Kan veng player-te hi kum lamah naupang te te an ni a, Dinthar player-te ngaihtuah phei chuan goal 2 an thun ve thei hi lawm loh rual a ni lo. Kan chak ka ti tho tho. Chu chang a ni lo, Football-ah hian kan veng hming lanna hi a tam ta lo hle mai a, hmana K. Lalate hun lai kha a ni deuh mai awm mang e. Chutih laiin Aizawl West Jt. YMA huamchhung lek mah nise, final kan lut ve thei hi lawm loh rual a ni lo, kan chak ka ti tho tho. Kan veng player-te in van chhuanawm tak em, in hma kawl a eng e, tang fan fan rawh u. Nangni zarah football a champion nih ve hun ala awm ve ngei ang.

LAWMTHU SAWINA
Dawrpui Vengthar Sporting Club in sum tuakna atan Big Screen-a Mizo Film a chhuah theih nana Sound System phal taka min hmantirtu Tv. Dennis Lalhruaitluanga chungah leh a film phal taka min chhuahtirtu leh min chhuahsaktu Pu Aldrin Zosangliana chungah DVSC chuan lawmthu a sawi tak meuh meuh a ni. Tin, Projector min ngaihtuahsaktu Pu Zara chungah leh Reception & Ushering min buaipuitu Dawrpui Vengthar Branch YMA Cultural Sub-Committee te chungah pawh tih tak meuh meuhin DVSC chuan lawmthu a sawi bawk a ni. Chutihrualin kan sawi hmaih theih miah loh Dr. Lalrinawma Hnamte, hnatlangte zanriah chaw ei min buatsaihsaktu chungah lawmthu kan sawi tel bawk a ni.
CIRCULATION MANAGER : Tv. Anthony Lalhmingmawia, Sairuatkima, J. Lalrintluanga, Siamrodinga, Lalruatdika A SEMTU TURTE: Bial 1-na : Lalhriatkima, Zothansanga, Lallawmkima, Jerry Ramnunsanga. Bial 2-na : Lalrindika, R. Malsawmtluanga, Lalngaihzuala, Laltanpuia Hnamte, Lalhmangaiha. Bial 3-na : Moses Vanlalepka, Zorinpuii, Joseph Lalmuankima, Zoremsangi. Bial 4-na : Lalhriatpuia, Zonuntluanga Bial 5-na : Reuben Lalruatdika, PC. Lalfakzuala.

D V S C OFFICE BEARERS

Vice President Pu Aldrin Zosangliana Secretary Pu KC Lalthanthuama Asst Secretary Tv. Vanlalpeka Treasurer Dr. Lalfamkima Fin. Secretary Pu Ricky Lalnunmawia Propery i/c Pu V. Lalthazuala Information i/c Pu Johny Zothanmawia

-3-

Player profile : Bastian Schweinsteiger

A pian leh Murna : Schweini" or "Basti" ti in an koh thin Bastian Schweinsteiger hi Kolbermoor, West Germany khua ah 1 August 1984 khan Bastian Schweinsteiger a lo piang a, a naupan lai chuan Football bakah Skiing Bayern tana a game hmasa ber chu UCL match RC Lens nen an inkhel tum in substitute in a lut a, Markus Feulner tan goal a siam sak nghe nghe. Hemi kum hian Professional Contract a sign a, vawi 14 lai senior team ah a inlan ve ta bawk a ni. Bayern tan a goal hmasa ber chu VfL Wolfsburg lamah Sept 2003 khan a thun a, hemi hnu atang hian a hawikir leh tawh lo in 2013 German player of the Year a lo ni chho ta a ni. A football khel dan style : Bastian Schweinsteiger hi a football career chu winger atangin bul a tan a, mahse Louis van Gaal in Bayern a enkawl hnuah midfield ah a sawm lut ta a, ball a thiam in a dribble a tha a, ball control mai bakah a ball pass a dik em em a, a tackle pawh a turu thei hle a, "Midfield Motor" ti te pawhin an lo swi thin a ni. A thatna em em a

F1 tlan leh dawn

Formula one chu vawin hian Monza circuit-ah an tlan leh dawn a, he circuit hi Italy Milan khaw bul lawk a awm a ni. Kum 1950 atang khan Formula one intlansiak hi he circuit-ah hian neih tan a lo ni daih tawh a, Circuit lar tak, intlansiak hmuhnawm tak tak leh chetsualna rapthlak tak tak lo thlen tawhna hmun a nih avangin he Italian Grand Prix hi mi tam takin an ngaihluin an dah sang thin hle reng a ni. Tum 82 lai intlansiakna neih tawhna hmunah hian Lap 53 chhung an intlansiak a, a track sei zawng hi Km 5.7 a thui a ni a, Km 190 chuang tlan hman ang an ni. Monza circuit-ah hian tum nga lai chak ber lo ni tawh Michael Schumachera'n record a nei tha ber a, nikum lamah erawh Lewis Hamilton-a pakhatna a ni thung a ni.

pawh a thiam thin hle. A eizawnna tur atan pawh football nge skiing tih in a inngaihtuah bual ve hle hman a, mahse German Youth Championship 2002 ah an champion hnu atangin Football lam hi a luh chilh ta a ni. A football career : Schweinsteiger hian 1998 atangin Bayern Munich Youth a zawm a, Midfield ah hian a khel kual thei vek a tih thei awm e. Amah hi ke dinglam hmang thiam ani nang chungin left midfield ah a khel thei a, right leh central ah pawh a khel kawp thei tho a ni. A chang chuan defensive midfielder ang in a khel thei tho a, attacking ah hlei hlei a rin tlak bawk! Ball dribble a thiam a, set piece (free kick leh corner) pawh pet thiam tak a ni. A ball pet hi a kawh thei em em a, a pet goal tam zawk pawh hi Penalty box pawn lam atanga a thun vek a ni.

an sawi chu inkhelh laiin a thluak a hmang thain an tumpui te game a man hma em em a, a positioning a dik em em bawk. German coach Joachim Lw chuan 'the brain' ti in a ko hial a ni. A ball pet na tak leh a pa len hmang tangkai a, midfield ah ball an khuap rum thin hi chu a tumpui te tan chuan tawrhhleh awm tak a ni.

Cricket Stadium tur Sihhmui a sak mek a ni

Tun season intlansiakna pawh a hot chho tan hle a, Red Bull driver leh World Champion ni lai mek Vettel chu mi tam tak rin a ni leh ngei ang! Tin, Ferrari Driver Fernando Alonso pawhin Vettel a nen an inthlauhna tih zim nan hun remchangah lak ngei a tum thu a sawi a, British Driver Lewis Hamilton pawh mi tam takin chak ber turah an ring ve leh bawk. Tun Season atanga Formula One a lo let leh, Kimi Raikkonen pawh hi a ron che tha viau lo ang tih pawh a sawi theih bik lo, a rawn let leh hnuah vawi khat chak ber nihna a nei tawh a, tunah driver standing-ah palina a ni mek bawk a ni. Tun dinhmuna driver standings chu : 1) Sebastian Vettel 197 points 2) Fernando Alonso 151 points 3) Lewis Hamilton 139 points 4) Kimi Raikkonen 134 points 5) Mark Webber 115 points 6) Nico Rosberg 96 points 7) Felipe Massa 67 points 8) Romain Grosjean 53 points 9) Jenson Button 47 points 10) Paul Di Resta 36 points

DVSC THIL TUM

Thalaite ruihhlo laka an fihlim theih nana kaihhruai. Infiamna kawng hrang hrang hmanga mahni intodelh tura thalaite chher. Rilru leh taksa hriselnan infiamna uar. Khawtlang leh chhungkuaa mi tangkai ni tura thalaite kaihhruai. Infiamna hmanga khawtlang inlungrualna siam.

DURAND CUP 2013

Asia khawmualpuia Football Tournament upa ber leh khawvela tournament upa ber pathumna Durand Cup chu kumin September ni 2 khan tan a ni a, September 19 thleng khelh a ni ang. Durand Cup hi kum 1888 a khelh tan niin, kumin hi ?um 126 khelhna tur a ni. Durand Cup hi India rama Defence Forces ten Football chawikanna tur atana an buatsaih thin a ni a, Durand Football Tournament Society huaihawtnaa khelh thin a ni. Kal dan phung bik neiin, kumin hian stage hniha khelh leh tur a ni dawn a. Stage khatna chu Qualifying round niin, Qualifying round-ah hian Indian Army atangin Regiment team hnih, Indian Navy leh Air Force atangin team khat ve ve, DSA atangin team hnih, BSF, CRPF, Assam Rifles, PSU, Tata Footbal leh Kerela Police atangin team khat theuh telin, an vaiin team sawmpahnih an ni a. Anni hi Group hniha then niin, Group khatah hian team ruk ve ve an awm a. Group pahnih-a Champion ve ve te hian Quarter Final (Stage II) an lut dawn a ni. Quarter Final hi Dr. Ambedkar Stadium, Delhi-ah September ni 9 atanga khelh tan tur a ni a. He roundah hian Champion lai Air India bakah ONGC, Mohammedan Sporting Club, Sikkim United, Kalighat MS, Bhawanipur, Pune FC, Mumbai Tigers, Services Football Champion - Army Red leh runner-up Army Green te chu direct-a lut sa an ni a. Quarter Final-ah hian Stages khatna (Qualifying Round) atanga rawn lut team hnih te nen an vaiin team sawmpahnih an awm dawn a. Group li-a inthenin, Group khatah team thum theuh an awm ang. Group tina Champion te hian Semi Final an lut dawn a ni. Final hi September ni 19 a khelh tura ruahman a ni. Kumin hian Tournament-a pawisa awm hi kum dang aia a let thawka tih san niin, Pakhatna in cheng nuai sawmhnih panga an dawng anga, pahnihna in cheng nuai sawm, semi final lut team hnih dang ten cheng nuai nga ve ve an dawng bawk ang. Nikum Durand Cup Final-ah khan Air India chuan Dodsal F.C chu hun pangaia goal inpe loa an in hnehtawk pui hnuin, penalty-ah 3-2 in an hneh a. Dodsal FC hi Mumbai Tigers tia hming thlakin, kumin hian an rawn tel leh dawn a ni. Kumin Durand Cup ah hian India Striker lar tak thin, AIFF Player of The Year ?um thum zet lo ni tawh - I. M Vijayan chu Kerela Police hminga a rawn in lan leh beisei a ni. Vijayan hi kum sawmli pali mi a ni tawh a, Mohun Bagan leh JCT-a a khelh laiin Durand Cup hi a lo chawi tawh a ni.

Marc Marquez Point 2 paihsak

World Championship 2013 Leader ni mek Marc Marquez chu midang tana hlauhawm taka Bike a khalh

thin avangin Warning pek alo ni tawh a, Tun Pathianni a Silverstone a intlansiak zawh takah khan Free Practice Session tawp ber ah tlan muang tura an tih hnua a tlan muang duhloh avang leh Lap tawp bera Lorenzo a beih dan felhlel deuh a awm avangin Championship a Point a khawl sa, Point 2 lawih an PAIH sak a ni.

Michelin Tyre V/s Pirelli Tyre

Tun hma zawng in Michelin Company hian Formula 1 intlansiak an Supply thin a, nikum hmasa atang khan Pirelli Company te hian luahlan in an che chhe hle a ni. Formula1 2012 season a accident 87% zet hi Pirelli Tyre vang ani tih an report hnu in Michelin hian boruak an rawn nei nghal a ni. Kumin ah Buaina neuh2 karah Pirelli te hian Tyre STE Thar hlak vawi 2 an thlak tawh ani.

Ricciardo chunga beisei sang Horner

Christian Horner chuan Daniel Ricciardo chu Formula One khawvela Star thar tur a nih thu a sawi mauh mai le. He Australian driver hian 2014 atangin Red Bull car a khalh dawn a, World Champion Vettel nen an thawk dun dawn a ni. Ricciardo, kum 24 mi hi Red Bull sister team Toro Rosso driver a ni a, 2010 khan Test driver -in Toro Rosso hi zawmin, 2012 khan a vawi khat nan driver puitlingah a rawn zuang lut ve ta a. GP 42 chiah la tlan mahse driver tha tak a ni tih khawvelin a hmuh hmaih lo. Pasarihna lai te pawh a ni chho ve tawh a. Red Bull Principal chuan a chungah hian rinna a nghat lian hle mai a, khawvela lar hat tur a nih dawn thu a sawi chhuak hial a. Tin, Vettel nen tlan dun dawn mahse tumah tan zawk leh dinhmun tha chang tura ruat lawk an neih dawn loh thu Red Bull Principal Horner hian a sawi a ni.

Kum 5 dang United-ah Nani

Dinhmun chiang lova rei tak a awm hnuah Manchester United winger Nani chuan kum 5 dang atan Manchester United-ah contract thar a ziak leh dawn ta. Kum 2018, June thla thleng United tan a khel leh dawn a ni. Club dangte nen sawi zawm a ni hman a, season liamta khan vawi 7 chiah Premier League-ah a start a ni. Kum 26-a upa Nani hian Man Utd tan game 217 khel tawhin, goal 40 a khung tawh a, 2007 khan Premier League champions hi Sporting Lisbon atangin a zawm a ni. Kum 6 chhung United-a a cham chhung hian trophy pariat lai a lak pui a, chung zingah chuan Premier League title pali leh Champions League title pakhat a tel a ni.
530 copies

Published by Dawrpui Vengthar Sporting Club

Edited by : Lalrinzuala (Tavala)