Dear Pum,

Ka lai gelhna tawh kisai-in Comment nong piak sak manin nakpi-in ka lung dam hi.
Hoihtak-in na sim cih zong tel kahihmanin lung dam ingh.
Na Comment-te sungah pawlkhat pen ong thukim pih ingh, pawlkhat pen, kong thukim
pihloh om hi. I view/bias dan kibanglo hi ding hi. Alang nihtuak pan etkak ding thupi ding
hi.Conference vai akipat 1987 pan tudong nawkto kahihmanin katheite a hawmsawm hi
zaw ingh. Atomin ci leng, UMM in conference deih, adeihlo sia pawlkhat le Union
kipawlin, 1993 in Mandalay MI zum ah khia, 2000 khit in kipan kik, Kumpi zum mah den
na leuleu uh hi. Tuate atangthu i theih ding deihna hi.

GENTEHNA:
1. Pum: Sia Khen hong lai at te ka sim teh ka lungsim hong sukha thu tampi tak hong
om hi. Sia Khen pen SDA ei mi sungah mipil misiam mahmah khat a ih neih hi in, Zomi
SDA te Dr, Do Kham hi mai hi. A hi zongin tu in a man Thailand leh Kawlgam gamgi
mun khat ah gam thum na ngak in hong om tak teh , ih minam leh ih pawlpi a dingin
phat tuam na a om ding zah hong om zo lo ding suak hi. Tua bek zong hi lo in, a pilna
asiam na te pawlpi phat tuam na dingin hong zang lo in, pawlpi sungah ki thutuah loh na
ding leh, thu tangpek in, sia te zahtak loh na ding ngimna gelna kammal tawh thu pawl
khat ZAC sungah hong khah khia zeuhzeuh zel ahih man in, ZAC membet te in a vekpi
in taksang kha ding lau ka hih man in, kei bil tektek tawh ka zak ka mit tektek tawh ka
muh thu pawl khat tawh sia Khen dawng nuam ing.

Sia Khen: Tu laitak ka omna pen gamgi hilo-a Thailand gamsung hi zaw hi--
Bangkok pan khanglam KM 120 vaal; Kawl-Thai gamgi, pan KM 300(Dawei pan
KM 700 vaal) gamlatna Ratchaburi khuapi-ah om ing e. Thai kumpi Secondary
sangah, Kawl lai le English ong hilh sak uh hi. Kawlgam Passport tawh om ing.
Nung October 14-21 sung Kawlgam ciahin, tun Thailand ah om ing. Gam thumna
ngak-in om cih pen a theikhial hi zaw dingin ka um hi. Ka laigelhte pen kei idea le
phuahtawm hilo-a SDA theology bulphuh-in ong hawm sawn hi zaw ingh.

2. Pum: Conference vai tawh kisai in bel Pr Muller Kyaw in bel Upper Chindwin teng
Conference in la un ci. Layte in lakveve UMM bup ci uh dan in ki hoho uh ci.(Hih thu pen
lay te cih hi lo in, Sia Khen cih @ Idia hi zaw hi)

Sia Khen: Hih thu pen Sia Kai Dal na dong leu cin hoihtak le akician in ong gen
ding hi. Amah le Pr. Muller a kiho uh hi.

Sia Khen
MYUM IN AGEN BANIN SEMLO::
1. Pr Muller in khial ing cih alaihawm pen, October 30, 2005 gual hi. Abuaipih pen
Yangoon-a Zomite hilo-in Kalemyo lam-omte hi napi, Yangoon ah hawm mawk hi.
CPC makaite in ngah kei ung ci hi. Khemuk-a meima om kimlai pen bil dawn ah za
va nuh tawh kibang ding hi. Sincere takin gen leng, Kai Za Dal address leh Kai Za
Dal lungsim kilamdang veve ding hi.
(Note: Keibel 2006 dong C sungah official in ong zang lo hi)
2. Tuama 2004 kum in Pr. Muller in Sia Kai Dal laikhak ngei hi. Kiteelna sunga
buaina pen "keima khialhna hi, ulian khat in tua bangin ki bawl thei ci-ahihmanin
ka zuih hi. Tun lah khial ing cih ding simloh puah theih nading om nawn kei,. . . .
nasem khawm ni..." cin kun hi. Thu hoih lua hi. Kai Dal in, kammal pawl khat bel
ulian laikhak nadingin khauh naven, "Hih mah hi, kam bek hilo-in ataktak in
nasem khawm ni na cih nak leh, khut kilen dingin ka thukim a, kong challenge hi"
cin thukkik hi. May 30, 2004 in Maymyo ah Pr Muller pen 1000 MM graduation ah
Korean Pastor khat tawh ong pai hi. Pr. Sonny Htain in Pr Muller tawh kiho dingin
ong zawn hi. Ka hiho uh hi. Kai Dal in ong telsiam leh hoih ding hi, ci hi. Ke'n, "Sia
aw pawlpi vai pen, CPC te tawh kimu unla, kihokhawm, an nekhawm, thu
ngenkhawm, in Yin phuan in thungen un, tua hi leh kileptuah hak ding omlo hi.
Kisam na sak uh leh, kei zong ong panpih ning, . . " cin ka gen hi. "Lung dam e,
khat vei teitei Kai Dal tawh kimuh kul ding hi. . . " ci hi Hinapi, tua kawmkal in
Mission worker pawlkhat in Kumpi tungah akhiat theih nadingin Special Power of
Attorney pia leuleu zel hi 2004 October/November Pr. Muller in letmat thuh-in
Sawbuayeshin Yatkuat tung leh Kalemyone-ah, C te pen thumanglo, buaina
piangsak cin Kumpi Religious Affairs zum ah khiatna lai khak hi 2005 February in
Kale District ah Pr Nginkok, Edu director, min tawh CPC te pen Kumpi Tiisee
Upadi Ayah azizu pi bar yan cin Kale District Adminstration Office(Khah-Yah-Kah)
ah khia sak hi.

2005 December kha in SSD in Kai Dal le Kham Khen tungah laikhak-in MYUM
tawh kipawl kikding kun hi. Kai Dal le Kham Khen in zong SSD tungah kipawlkik
ding ut ung, cihna lai, khak uha, Union le UMM zong Copy pia hi. Tua kimlai, 2006
February in UMM ah Disbandment pia sak veve hi. 2008 April in Sia Kai Dal le
Kham Khen in Union Officer-teng le Departmental Director copy pia in i
buainateng abei nadingin, Christian dialogue nei ni, tua pan in Reconciliation le
Re-unification ingah dong hanciam ni cin kun leuleu hi. Laibel Union in ngah uh a,
Response neilo thamlo in, Thukhen zum ah khiat beh sak zaw lai hi. 2008
February kipat lam in Thauhlanzi bu kineihkhat(tulaitak Union ah Ministerial a
letsakpa) sawlin Rakhine gam el Tedim le Kale sunga Biakinn teng Pr, Ngo Bem
tungah ap dingin va khem kawikawi sak uh hi. Sia Dal le Kham Khen in tua bang
nasepna in mipite thangpai sak ahihmanin, tua bang nasepnate kham un cin
Union ah thum uh a, hi
Tua nungsang M lampan vive in Tayalu sem uha, C in Tayakhaan hiden hi.
Kilem nading thu kamkeek om nawnlo hi.


3.Pum: .( Conference deih a kici ten mission ulian te a do na dingin gamdang om
pawlpi mi pawl khat leh mikang te khemin Zuauphuak-in Teti ding lai bawltawm liangin
Mission ulian te Thukhen zum ah khiat na thu te zong sia Khen thei ngel ding ahih teh
mantak in hong at lai leh deih huai)

Siakhen: Hih tawh kisai pen kei theihna ciang-ah tua bang bawltawm/phuahtawm
omlo hi. Nang na theih leh ong genbeh zaw lecin lunggulh ing. M in C akhiat
ciangin Counter attack in Mon Ywa ah khat, Kalemyo ah 3 vei cih ciang bek C te
Tayalu asepna om hi. Union uliante in Galkap Kumpi zumpi ah C-te akhiat ciangin,
Taing Tartanar zum in, "Na lawmte un ongkhiakhia hi. No zong Phisian un, Ko
Buddhish sungah zong, tua bang kikhiatna a om ciang "Saw-danar Luar" cin
laitawh ki thukkik hi. No thuk kei leucin Kumpi in ong telkhial ding hi" acih
ciangin Kumpi tungah Unionte khiatna lai tawh kisai Phisian-na bel C-te lam pan
bawl-in, Unionte piakteng copy pia ven. Tua bel Pr. Samuel Po, Pr. Ken, Pr.
Khaipu-te in Yangoon ah Sia Cin Sian Pau va donguh-a, nasa peuh mah civen.
Union ulianpite' bawltawm laite pen, athu man nailo ahih manin, kong khah khia
nai kei ding hi.

4. Pum: Genteh na in Conferece makai sia Kai Dal in Anlangh pawlpi mite pawl khat a
hawl khat dan hi pah hi.)Ahizongin,

Sia Khen Hih tawh kisai pen, kei omloh khit ahih leh bel tel keng. Kei om lai ciang
pen, Kai Dal in Anlang member pawlkhat hawlkhia kei in, Anlangh member honpi
khat M ah taikik uh hi zaw.
Sakollam ah Pa Nang Suan bel Sakollam memberte vote tawh kihawlkhia cih hi
zaw. Kai Dal in bel Churchboard tutin Co-Chair hi. Tua lah Manual tawh
kilehbulhlo hi.

5. Pum: kipawltheilo ding cihna hituan lo hi.( Hih mah hi sia Khen hong vawh khaici hoih
lo spiritual virus pen in thu tangpek in, pawlpi ki uk na, pawlpi kiphuh zia te muanmawh
@ muanloh na lungsim hong nei sak a, a tawp na ah pawlpi upna doctrine zong
muanmawh @ muanloh na

Sia Khen: Hih thu bel mimal lakzia ahihmanin kei lakzia le nang lakzia kibanglo hi.
Nanga zong mimal muhdan ahihmanin kong mawh sak kei hi. M-Virus Tawliak
ding, C-virus Suakta ding: M-ii virus zong manle man kei leh Union thu mang leng
sum/za tawh onghuh ding uh hi, cih hi zel ve.(Hih pen Union sumkempi-pa in C le
M buai kipat, Yangoon ka om lai, M ah na semlai, a azum sunga ong gen thu ka
bulphuh ahihi. Ong cihna ah, UMM ah C deih in kipan uh hi. Kawlgam ah
Conference kingah zo lo ding hi.....Khai Lian Mang tungah zong gen ing, hoihtak
in na len uh hen ka cih hi. Tun ko tawh khut kilen-in na sem ni, Secretary mun pen
nanga hi....... Sum na kisap leh ong gen in, na tapa kiang ah zong kagen hi, napa
in sum akisap leh ong gen hen ka cih hi. Ken bel conference pen deih in tha pia
den ingh. Conference cih pen Union langdo nading hituan kei, nasep masuan
kimakaih na hoih zaw ahihman hi... cin kiho ungh. Hih ka laigelhte pen, M
mawhnatampi omgige mu zolo/imcip/kimuhloh bawlte adingin a M mawhnate a
Pulaak ka hi hi. Azenzen-in C hoihna bekbek gen hi leng, M hoihna om sunsun
zong kong pulaak ding hi.

6.Pum: Mimal khat ciat le Pasian kizopna pen Organization imuan sang thupi zaw
ahihna, Organization pen nasepkhop thahat nadingin thupi ahihhangin Gupna ngah
nading lampi hilo cih thuman muhtel ding kisam hi. (Hih option pen sia Khen in pawlpi
sungpan na sep a ki tawp sak teh hong
muh khiat ahih man in, UMM president a hih lai in hih bangin thu hong gen leh muan
huai zaw ding hi ven)

Sia Khen: Pasian le Mimal Kizopna Thupi sak den:
Ahi Hih tawh kisai pen UMM President ka seplai-in zong, tu-a bang lian ahihloh
hang sermonte ah ka gen zel hi. Seminarte ah zong Stewardship pan Sawm-a khat
piak zia Union in Salary pan a cut ziau pen SSD sungah tua bangin a cut pen
MYUM le a dang khat bek om hi.
Tua tawh kisai in mimal le Pasian kizopna athupi zaw in ka gen hi. Tua manin
UMM in Pay Roll ah Siate khasum pan sawm-a khat cut nawnlo in,amau-le amau
kipia sak hi. Thamlo in Self supporting ding tawh kisai SSD Edu Policy zui in Tan
10 sang khem peuh zong 70 % self support dingin tam veipi ka gen den.
Pyidawtha Upa Pa Neng Dai in "Sia Khen thu gen pen, Thu hoih hi-in, thu haksapi
khat zong hi' cin comment pia liang zaw hi.
Ahizongin, tua hun lai in buaina om nailo ahih manin, ka gennate ah tu-a bangin a
sharp nailo mah hi.

7.Pum: Leitungah akhial ngeilo, akitawng ngeilo omlo-a, tua bang buaina a om ciang,
kihokhawm, kikum, kilem, kipumkhat cih kalsuanziate pen Pasian zia le tong hi-a,
makaite in zong zatsiam ding athupi hi. (MYUM in a tavuan khin ta hi nang lampan
kisam lai ei)

Sia Khen: Leitungah akhiallo omlo mah hi. MYUM in atavuan khin nailo zaw hi.
Bang hang hiam cih leh Church Reconciliation dingin Kai Dal le Kham Khen in
tam veipi kun-a Union in Response lo hi. Muller laikhak SSD laikhat zui in kiho
ding cih laitak in Muller mah in Disbandment pia sak hi(October, 2005 a Pr Muller
in Sia Mungno tunga a email na ah, "Ko lungduai sawm ta le ung, C-te gilo lua in
mipi in thuak zolo ahih manin, kum bei ciang ka sep dingteng uh sep loh pha
mawh hi, ci hi) Ataktak-in C te tua zah liangin gilo sam lo hi. Church reconciliation
adingin Union/UMM lungsim kihong nailo hi. Ken Reconciliation ding akun den
zaw ka hi hi. Tua ban-ah SSD in hih vai pen Union aki-ap hi cin, Dr. GT Ng in 2005
kim-in Dr. Dal Mang a email khakna ah gelh ngei hi.
Thamlo in 2010 May kha in zong, GC ah Myanmar alen ngei Elder Sabot(Sabou) in
zong Church Protocold om ahih manin Union ong saploh in ong lailut theilo uh
ahihna Dr. Sangchia tungah phone tawh gen hi.

8. Pum.( Ki muang ta law(sitni) lam zong thei kisa ta, sum nei kisa ta ahih man in na
ta nu in a nu leh a pa thu khen zum ah hong khia leh e leh, 1998 ATI dan in,)

Sia Khen: Hih tawh kisai in nang M le C kikaal a thu kineih pen, apply khial in
kong ngaihsun hi. Ataktak in Case Record teng en suk taktak le cin, Kua in
Tayalu(Prosecutor) sem hiam cih na mu ding hi. Tua sungah March 26, 2007 kum
Kalemyone Thukhen zum ah akhia masa pen, Sia Ngo Bem hi, Rakhine gam ah
zong C te akhia pen M sia Sia Soe Maung Maung mah hi. Tua manin Leadership
kimuan manin C te in M te langdo, thukhen zumah khia hi peuh mahlo hi. (Source
of information kicing na ngah ding deih huai mahmah ding hi.Ni dangin Kua in khia
masa cih buaina om ngei-a tua adingin ka gelh ngei lai khat zong om khin hi)

9. Pum: Pasian huhna tawh tun kum 10 vaal nungta zo.( Na deih mahmah na ngah na
ding a thupi hi. Pr, Pau in hong cih mah bangin ih ngah khit teh ei thu hong hi lua zen lel
hi. Tua bangin na mi te mawk khemkhem in a gal khat pan tha piapia ken, na mi te in
hong um nawn kei. Gun gal khat pan na khut na betbet hangin kiman na nei nawn kei)

Sia Khen: UMM le Union tangthu en leng, 1987 in Confernce ngetna kipan. Union
uliante mah tawh Mandalay ah ngen uh hi. Tua lai-in Pr. Kyaw Balay, Pr Ba Hla
Thein, Pr Thein Shwe Union leader ahi hi. Tua sungah Pr. Thein Shwe pen teilo
pen in akilangin deihlohna gen. Pr Ba Hla Thein pen pil mahmah in akilangin
deihlo ci ngeilo, ahih hang tha pia lo. Pr. Kyaw Balay bel ip neilo alungsim bangin
gen khia lel. Union thu mangin ki omtoto-a. 2003 dong mah hi. 2003 in
confernence pen layte in deih in SSD-ah ngen kik uh. Union/UMM tawh kikup ding
in SSD in guideline pia. Tua mah zui to sam. Alak ah M lampan
thukheel/khawhkheel ham sak zel uh hi. Azenzen in Union pen Sincere hi leh hih
buaina omlo ding le ki solve thei dingin mu ing. Gun gal koi zaw lam ah ka om
zongin, ka laigelhte pen apiangsa thu omzia ka gelhna hi-a, mimal khat peuh
muhdahna le elna hi lo hi, cih nong telsiam ding zong thupi ding hi. Ken pen C
100 ah 100 nin banglo hi, cih ka gen nuam kei hi. Mitampi in Union akhial hetlo,
vantungmi zah-in a uang gen laitak-in ih gensiat C te sangin gilo zaw lai uh aci
bek ka hi hi.

10. Pum:Organization(GC?Division/Union cihte) in gupna ong pialo hi, cilo hi, GC tawh
kizopna pen gupna zonna hilo-a, nasep kipawlna bek hi, cih thumuhtelna ong guan hi.
Hih pen khalam ah Laisiangtho bulphuh-a khuavaak muhthakna(mitkeuhna)khantohna
khat ahi hi. (Hih pen sia Khen working policy hi a, SDA working policy hi lo hi. Sia
Khen in tua a cih hangin Zomi conference deih a kici te in, tua bang taktak in hong
gamtat teh a mau Sia Khen, Sia Dal

Sia Khen: Sia Khen gen dan pen, organization tawh ikizop theih kei leh zong
thuman um veve ding, mission statement zui in sem veve ding. Gupna pen Jesus
bek tawh kisai hi ci-a Lai Siangtho thu bul le SDA Theology bul a gen ka hi zaw hi.
Organization pen gupna ding hilo a, nasep na ding ahi hi. Tua zong Mrs EGWhite
in "The church is organized for missionary purpose...." acih bulphuh zaw ka hi hi.
tua ban ah, Hih pen Sia Khen working policy hilo zaw-a SDA Fundamental
Doctrinal Beliefs (No 7) na sunga thubul hizaw a, mipi in itelloh man hi zaw hi.
Tua sungah: No. 7 The Nature of Man thulupi nuai ah Mawhna Definition apiakna
hi bang hi--

Character of Sin:
a) Jesus in " Kei tawh kipawl lo khem peuh...."(Matt 12:30;John 4:23-24) ci ahih
manin mimal le Jesus kizopna tawh ong kisai zaw hi.
b) Mawhna pen lungsim ngaihsutna le gamtatna hi, ci ahihmanin mimal tawh kisai
thu ahi hi.
Mawhna siansak theih nading thu agenna ah zong, Jesus in"Kei tawh lo-in bang
mah na sem thei kei uh hi"(John 15:45). Paul in zong Jesus lo in mah ci hi(Rom
715, 19, 20, 22-24) Hih in mimal le Jesus kizopna bulphuh in gen hi.
Mawhna gu ading bumlehna pen "mawh maisakna hi" "Mawhmaisakna" pen
akisik mite tungah cinghtakin Jesus in "vangik-a gim mite ka kiangah ong pai un,
tawldamna kong pia ding hi" ci-in azolna pan ah hi(Matt 17:28) Hih in zong mimal
le Jesus kizolna mah gen hi.
(SDA Beliefs: An exposition of the Fundamental Beliefs of the Seventh-day Adventist Church, 1998, pp 102-103 sunga "No 7, The
Nuature of Man" thulu pan hi.)
Etcianna(Analization)

Atunga thute pan i etcian tak ciangin thuman hi bangin ong om hi:

1. Mawhna pen lungsim le gamtat tawh kisai Pasian deihloh sepna hi, ci hi. (GC or
M or C in mi lungsim a kheel thei/asiansuah thei hiam?)

2. Tua mawhna asian nadingin mi hing sepna khat zong kizangtheilo hi, ci hi.
Jesus ong thumsakna, hang bek tawh mawhmaina kingah thei hi.

3. Tua ahihleh mawhmaina pen GC or M or C in apia thei hiam? ahih keileh, GC or
M or C tungtawn in Pasian in a pia hiam? or Mawhmaina pia dingin Pasian in GC
or M or C a sawl hiam?

4. GC or M or C in pia theilo hi. Pasian in mawhmaina(gupna) pia dingin GC/M/C
khatbeek channel in zanglo thamlo in authorizes lo hi. (Pia hi icih leh RC theology
ahihi)

5. GC or M or C pen Organization/kipawlna hilo hiam?
Tua ahihmanin, Organization in gupna ong pia theilo hi, nasep nading kipawlna
bek hi, kacih pen SDA theology bulpi hi zawlai lo ding hiam?
SDA theology taktak izak ciang ilau mawk leh Peter suahtak ding thu ngen-a,
suahtak takpi -a kong ong kiuh ciang SIKHA asalai sawltak pawlkhat tawh iki
bang kha diam cih ngaihsun kha zel ing.

11. Pum: Sia Khen at: MYUM/UMM buaina pen doctrinal buaina hilo mah hi. Tua
sungah Administrator le Lay cih group nih ong om hi. Lay lam panin Conference deihin
hoihtakin ngeen uh hi. ( Lay lam pan in Conference deihin hoihtak in ngen uh ahih leh
Division president Gulfan Kawlpi ah hong pai lai in, conference ngah na ding lampi hong
gen te bang hangin mang(zui) nuam lo hi ding hiam? Tua hih leh conference deih taktak
a kici thei ding hiam?) Administrator lampan-in trick tuamtuam zangin langpan, susia
den hi. Atawpna ah PAWLPI LANGPANG

Sia Khen: Mangin kikalsuan napi Union in athu kheel ahihman in buaina piang hi--
Division President kawlpi ong pai in, Confernce kalsuan zia ding tampi ong guide
hi.Tua ni pen September 24, 2003 kum hi. Aziing ciang(25/9/03) in Division
President pa Yangoon ciah ding kikha ngeingai hi. Pr KKhual makai in Pinlong
biakinn sungah Conference vai kikupna Sia Kam Mung, Pa Thang Za Pau, cihte
zong kihel hi. UMM le CPC kalsuan khawm ding, conference ngetna form fill-up
ding, tua pen UMM EC voted tawh Secretary in sign ding cih ahi hi. Tua adingin
UMM zum pan fill-up unla, mai kum 5 plan ding pen ahun hun in kikum kik ding
cih tawh nuamtak in ki thukim hi. Ahihhangin October 30 gual in Union pan
Confernce deihte pammaih kisalo hi, ki hawl khai ding hi cih ging sak hi

Tua ciang Khual Za Nang kisawl-in athu kidong sak hi. Union pupite in lung
himawh kei un, thu hoih leh ding hi ci -napi ahunciang khawhkheel hamsak uh hi.
December 29-30, 2003 UMM Session Singunau ah Pr. Muller in SSD Policy zuilo in
nominating commitee member ding aseh ziau ciangin, delegate le Union uliante ki
sel gawp uh hi. Kiteelna zong mipi approval om nawnlo hi.

December 31, 2003 in EC thak a seh tenguh samin Conference deihteng hawlkhiat
ding vote sak-a, vote zolo uh hi. Worker-teng sam leuleu in enforce in vote sak uh
hi. January 1, 2004 date tawh akhensatna uh kumpi zum ah puak uh hi.Hih pen a
buaina uh a kipatpi kikna ahi hi.

Thu Khupna:
Atom in la leng, MYUM buaina alen pen MYUM leader-te le athu helhhawt Zomi
pawlkhat hi zaw hi.Hih sunga kong gelhte pen mimal kawkna hilo-a Historical
facts kong pulaakna hi. Zomite in conference i din hangin Mission satpai ni cihna
hi lo hi. Conference deiha kalsuannate Mission makaite mah in koici nawng kai
sak, den cih pulaakna hi zaw hi.Topa in a telsimte tungah thupha ong pia ta hen!
Deihsakna tawh,

Sia Khen
Kham Khen Pau
Foreign Language Department
Ratchaburikanukroh School
Ratchaburi, Thailand
Ph:+66 828805108