Ordinaryong Panahon Set B (September - November, 2018)

OMAWON AN KAGURANGNAN
Omawon an Kagurangnan, mag-awit sa kaogmahan
Patanogon an gitara, hayopon niato an trumpeta
Asin magtugtog sa arpa.
1. Huli ta pinagian, satuyang mga pasan
Kan kita nasa Egipto sa irarom kan kadikloman
2. Sabi nin Dios na Poon, S’ya an satong Kagtubos
Bukason an mga nguso asin ta papanoon kan Dios
3. Sabi nin Dios sa gabos, sa dalan N’ya maglakaw
Nganing kita matabangan na madaog an mga kasalan.

KAGURANGNAN, MAHERAK KA
Kagurangnan, maherak ka, Kagurangnan, maherak ka, Kagurangnan, maherak ka
Cristo, maherak ka, Cristo, maherak ka, Cristo, Cristo, maherak ka
Kagurangnan, maherak ka, Kagurangnan, maherak ka
Kagurangnan, maherak ka, Kagurangnan, maherak ka

KAMURAWAYAN SA DIOS
Kamurawayan sa Dios sa kaitaasan. Asin sa daga katoninongan sa manga tawong
marahay an boot. Inoomaw mi Ika, rinorokyaw mi Ika, sinasamba mi Ika,
pinapamuraway mi Ika. Pinapasalamatan mi Ika, huli kan dakula mong
kamurawayan. Kagurangnan na Dios, Hadeng langitnon, Dios Amang
makakamhan. Kagurangnan aking bogtong Jesucristo, Kagurangnan na Dios,
Cordero Kan Dios Aki kan Ama. Ika na nagpapara kan manga kasalan kan
kinaban, kaheraki kami. Ika na nagpapara /kan mga kasalan /kan kinaban, akoa
an samong pakimaherak, ika na nagtutukaw sa too kan Ama, kaheraki kami. Ta Ika
sana an Banal, Ika sana an Kagurangnan, Ika sana an orog kahalangkaw Jesucristo,
kaiba kan Espiritu Santo sa kamurawayan kan Dios Ama, Amen, Amen.

ALLELUYA
Alleluya, Alleluya, Alleluya, Alleluya, Alleluya, Alleluya,
Ika Kagurangnan an dalan asin buhay, Ika an katotoohan
Buhay na daing kasagkoran itatao sa nagtutubod saimo.
Alleluya, Alleluya, Alleluya, Alleluya, Alleluya, Alleluya, ---ahhh
Alleluya, Alleluya, Alleluya, Alleluya, Alleluya, Alleluya,
HULI KAN SAIMONG KARAHAYAN (Offertory)
Akoa man Kagurangnan, an atang niamo ngonian
Samuyang idinodolot sa saimong altar.
1. Huli kan Saimong karahayan, tinawan mo kami nin tinapay
Kakanon nin samuyang kalag.
2. Huli kan Saimong karahayan, tinawan mo kami nin arak
Inomon nin samuyang kalag.
3. An samuyang dulot sa Saimo samong pusong pano nin paglaom
Mawot Saimong pagkamoot.

BANAL
Banal, banal, banal an Kagurangnan, Dios nin manga hukbo
An langit asin daga, pano kan saimong kamurawayan
Hosana, hosana sa kaitaasan, hosana, hosana sa kaitaasan
Paladan an minadigdi sa ngaran kan Kagurangnan
Hosana, hosana sa kaitaasan, hosana , hosana sa kaitaasan
hosana , hosana sa kaitaasan

An pagkagadan mo Kagurangnan, ipinapamareta niamo

An pagkabuhay mo liwat, ipinapahayag, sagkod na Ika magdatong.

A-men A - men A - men A - men A – men A - men A – men.

AMA NIAMO II
Ama niamo na yaon ka sa langit pabanalon an ngaran mo. Magdatong an kahadean
mo, mangyari an boot mo sa daga nin siring sa langit. An samong kakanon sa
aroaldaw itao mo samuya ngonian. Asin patawadon mo kami sa samong manga
kasalan, siring na pinapatawad niamo, an manga nagkakasala samuya, asin hare
kami pagdaraha sa sugot kundi agawa kami sa maraot.

Huli ta saimo an kahadean asin an kapangyarihan, siring man an kamurawayan sa

manga kapanahonan.

CORDERO KAN DIOS

Cordero kan Dios na nagpapara kan mga kasalan kan kinaban, kaheraki, kaheraki,
kaheraki kami
Cordero kan Dios na nagpapara kan mga kasalan kan kinaban, kaheraki, kaheraki,
kaheraki kami
Cordero kan Dios na nagpapara kan mga kasalan kan kinaban, tawe kami
Kagurangnan nin katoninongan.
An TINAPAY NIN BUHAY (Communion)
An tinapay nin buhay itinao sato, nganing makisumaro sa biyaya ni Cristo
Tanda kan satuyang pagkaburunyog bilang sarong banwaan.
Madya sa pag-ako ki Cristo sa Sacramentong banal.
An kakanon na gikan sa langit, panuga kan buhay sa kamurawayan
An biyayang inako sa altar na banal paninimbagan niato
Na maglingkod sa kapwa: tanda kan satuyang pagkamaimbod sa kabotan ni Jesus.

AWIT NIN PUSONG NAG-OOMAW (Communion)

An sakuyang puso nag-oomaw Simo Kagurangnan Jesucristo
Inoomaw an Saimong kagayonan, inoomaw an Simong ngaran
Inoomaw an Saimong kagayonan, inoomaw an Simong ngaran
(Interlude)
Inoomaw an Saimong kagayonan, inoomaw an Simong ngaran
Inoomaw an Saimong kagayonan, inoomaw an Simong ngaran

Madya bukas an puso ko pagkamoot itao Mo, O Dios

Omawon ka ngonian asin sa panahon na daing kasagkoran

An sakuyang puso nag-oomaw Simo Kagurangnan Jesucristo

Inoomaw an Saimong kagayonan, inoomaw an Simong ngaran
Inoomaw an simong ngaran, an simong ngaran.

LAKAW SA PAGROKYAW (Final Hymn)

Ref: Lakaw kita sa pagrokyaw kan tataramon nin buhay
Sarong banwaan sarabay na maglakbay pasiring sa Kagurangnan
1. Hinanyugon mo, O Kagurangnan an samong pag-omaw
Kami nagrorokyaw, nag-aawit kan saimong karahayan
Lugod sa samong paglakbay Simong antabayanan
Tanganing mautob an Saimong kabotan.
2. Hagad Saimo O Kagurangnan, an Simong pagranga
Biyaya nin pagkamoot, katoninongan samuya itinatao
Ika an samong kaogmahan sa oras nin kamunduan
Tangani na kami padagos na mag-omaw

Finale: Sarong banwaan sarabay pasiring sa Kagurangnan.