MATAAS NA PAARALAN NG DIFFUN
DIFFUN, QUIRINO
SENIOR HIGH SCHOOL DEPARTMENT
TAKDANG GAWAIN
PAGBASA AT PAGSUSURI TUNGO SA PANANALIKSIK
Paalala: Ang mga gawain sa ibaba ay gawin sa bakasyon
at isumite sa Enero 2, 2017. Maaari pang magsumite sa
ibang araw ngunit kada araw na lilipas ay mababawasan ka
ng 10 puntos sa iyong kabuuang iskor.
GAWAIN 1: Pagsusuri ng Tekstong Binasa
Panuto: Basahing muli ang teksto sa pahina 98 ng iyong
modyul na may pamagat na “Ang Tao at Kalikasan,”
pagkatapos sagutin ang mga sumusunod na katanungan.
1. Ano ang uri ng tekstong binasa? Ipaliwanag ang sagot
2. Ano ang layunin ng teksto?
3. Ibigay ang sariling reaksyon (tugon) ayon sa bawat
bahagi ng teksto:
3.1 Ang Panimulang Bahagi
3.2 Ang Gitna o Katawang Bahagi
3.3 Ang Konklusyon o wakas na bahagi
4. Ano ang ipinaparating na mensahe ng teksto sa mga
mambabasa?
5. Bumuo ng kasabihan o salawikain na maaaring iugnay
sa nilalaman ng teksto.
GAWAIN 2: Pagbuo ng Mabibisang Panimula ng Teksto
Panuto: Lumikha ng mga mabibisang halimbawa na
ginagamit bilang panimula ng isang teksto.
Paksa: Ang Pag-aaral ng Mabuti Tungo sa Pagkamit ng
Tagumpay
1. Pasaklaw na Pahayag
2. Makatawag-Pansing Pangungusap
3. Pagtatanong
4. Tuwirang Sinabi
5. Panlahat na Pahayag
6. Paglalarawan
7. Pagsasalaysay
8. Pagbubuod
9. Analohiya
10. Pagpapahiwatig ng Aksyon
GAWAIN 3: Pagbuo ng Tekstong Impormatibo
Panuto: Sumulat ng balita ayon sa napakinggang balita sa
radyo o telebisyon. Lagyan ito ng mabisang pamagat.
Pagkatapos, sagutin ang mga sumusunod na katanungan.
1. Ano ang laman ng balita?
2. Saan nagaganap ang mga pangyayari?
3. Kailan ito nangyari?
4. Sino-sino ang mga kasangkot sa balitang ito?
5. Bakit at paano ito nangyari?
GAWAIN 4: Pagbuo ng Tekstong Naratibo
Panuto: 1. Basahing muli ang kwentong pinamagatang
“Pag-ibig o Pag-aaral” sa pahina 90 ng iyong modyul.
Igawan ito ng sariling wakas na naaayon sa iyong sariling
pananaw, interes at pagpapasya.
2. Bumuo ng isang kwento na ang paraan ng
paglalahad ay sirkular (gitna-simula-wakas) batay sa
paksang “Ang Paghihiganti.” Ang magsisilbing pangunahing
tauhan ay ang SARILI.
GAWAIN 5: Pagbuo ng Tekstong Ekspositori
Panuto: Bumuo ng sariling piyesa para sa talumpati. Pumili
lamang ng isa sa mga sumusunod na paksa.
1. Ang Mga Kabataan sa Makabagong Panahon
2.Ang Kulturang Pilipino
3. Korupsyon: Ugat ng Kahirapan
4. Ang Buhay Estudyante
5. Ang Bagong Sistema ng Edukasyon sa Bansa
GAWAIN 6: Pagbuo ng Tekstong Naglalarawan
Basahin at unawaing maigi ang sitwasyon sa ibaba
at pagkatapos mabasa, sumulat ng isang komposisyong
naglalarawan sa katangian ng isang taong mahalaga sa
iyo. Ang komposisyon ay dapat buuin ng karaniwan at
masining na paglalarawan. Gawan ng sariling pamagat ang
komposisyon.
Sitwasyon: Naglayag ang iyong pamilya sakay ng
isang malaking barko papunta sa ibang bansa upang
mamasyal nang biglang nagkaroon ng unos, umalon ng
malakas at nawalan ng linya ang barko at unti-unti itong
lumulubog at naubusan na kayo ng life jacket. May isang
anino na nagpakita saiyo, siya ay may kapangyarihan, at
nais niya itong ipasa saiyo sa kondisyong, isa lamang sa
kamag-anak mo ang iyong ililigtas. Sino ang iyong pipiliing
iligtas sa kanila? Ilarawan ang iyong napili at ang dahilan
kung bakit siya ang iyong napili.
GAWAIN 7: Pagbuo ng Tekstong Argumentatibo
Panuto: Pumili ng isa lamang sa mga paksa sa ibaba at
ibigay ang sariling panig at katwiran ng pagsang-ayon o
pagsalungat sa isang proposisyon/ideya.
Mga Paksa:
1. Ang Muling Pagpapatupad ng Parusang Kamatayan sa
Bansa
2. Ang Pag-aasawa ng Magkaparehong Kasarian
3. Pagpapatupad ng two-child policy sa bansa.
4. Ang Pagsasabatas ng Diborsyo sa Pilipinas
5. Ang Pagpapatupad ng Senior High School sa Bansa
Mga Gabay sa pagbuo ng proposisyon.
1. Ang Aking Napiling Proposisyon (Salungat o Sang-ayon)
2. Ang aking panig para sa proposisyon
3. Ang aking katwiran sa proposisyong napili
GAWAIN 8: Pagbuo ng Tekstong Panghihikayat
(Persweysiv)
Panuto: Basahing muli ang isang halimbawang patalastas
na matatagpuan sa pahina 104 ng modyul, pagkatapos
mabasa, lumikha ng sariling linya ng patalastas na ang
sarili ang magsisilbing produkto. Kailangang nakapalooban
ito ng isang malikhaing tagline.
GAWAIN 9: Pagbuo ng Tekstong Prosijural
Panuto: Isulat ang mga mahahalagang pangyayari sa yugto
ng iyong buhay mula pagkabata na hindi mo malilimutan,
masaya man o malungkot. Gumamit ng timeline.
Inihanda ni:
RICHARD O. PONHAGBAN, Ph.D.
Master Teacher I- SHS