Cantos de los Orishas

Ozain y lavatorio
Luisana Marinez

En la regal de Osha – Ifá, mejor conocida como la

santería se nace cantando y se muere cantando, y es que
para cada canto que se entona en ceremonias hay un
significado y generalmente representan plegarias,
oraciones e invocaciones.

Los yorubas inteligentemente convirtieron sus plegarias en

cantos, tal vez por aquello de que no existió la escritura
en ese entonces y el conocimiento debía ser transmitido a
la siguiente generación a través del habla, resultaría más
fácil darle ritmo a los rezos para que así no se olvidaran.

En este libro encontrarás los cantos de Ozain y del

lavatorio en el orden que corresponde dentro del cuarto
de santo, de igual manera si aun no tienes santo coronado
puedes aprender los cantos de lo orishas sin ser necesario
que tomes en cuenta dicho orden.

Contenido
CANTOS DE
OZAIN……………………………………………...3
LAVATORIO..........................................................................
CANTOS A
ELEGUA:............................................................11
CANTOS A
OGUN:................................................................14
CANTOS A
OCHOSI:............................................................16
CANTOS A
INLE:...................................................................18
CANTOS A
ASOWANO:........................................................19
CANTOS A
ORISHAOKO:.....................................................21
OKE:.....................................................................................
KORINKOTO:......................................................................
OGUE:...................................................................................
CANTOS A
DADÁ:................................................................23
CANTOS A
IBEYIS:...............................................................24
CANTOS A
AGAYÚ:..............................................................25
CANTOS A
SHANGÓ:...........................................................26
CANTOS A
OBATALÁ:..........................................................28
CANTOS A
OBBA:.................................................................29
CANTOS A
YEWÁ:................................................................31
CANTOS A
OYÁ:...................................................................32
CANTOS A
YEMAYÁ:............................................................34
CANTOS A
OSHUN:..............................................................36
CANTOS A
ORULA:..............................................................39
NOTA....................................................................................
CANTOS A
OLOKUN:...........................................................43
CANTOS DE OZAIN

Kamama iyá
Contesta:……………………………….. iya iya Kamama
enú
Contesta:………………………………..enú enú Kamama
ibó
Contesta: ………………………………..ibó ibó Kamama
epó
Contesta:………………………..……….epó epó
Kamama ewé
Contesta:………………………….…….ewé ewé
(Elegguá)
*Ibarago agó moyugbara, ibaragó agó moyugbara , omodé
ko ni kósi ibaragó agó moyugbara Elegua Eshulona
Contesta igual

*Ishon shon abé, ishon shón abé odara kolorire eyó babá
semí
Contesta:……………………………. Ishon Shon Abé
Odara kolorire eyó laroye
Contesta:…………………………… Ishon Shon Abé
Odara kolorire eyó
Contesta: Ishon shon abé, ishon shón abé odara kolorire
eyó babá semí, ishon shon abé
[Escribir texto] Página 3

*Ogun Topan lowo

Contesta:…………………………………. Abukenke
abukenke Elegba de masankio
Contesta:………………………………….. Abukenke
abukenke Unyolo
Contesta…………………………………… Bara unyolo
unkuele Unyolo Unkuele
Contesta…………………………………… Bara unyolo
unkuele Unkuele Unyolo
Contesta……………………………………. Bara unyolo
unkuele

*Asokere kere meyé Eshu Laroye kilá boshé

Contesta igual
Asokere kere meyé Eshu alawana kilá boshé
Contesta igual
Elegua Elegua Asokere kere meyé Eshu Laroye kilá boshé
Contesta igual
Sosa sokere Laroye sokere
Contesta:…………………………………………… Sosa
sokere Alawana sokere
Contesta:……………………………………………. Sosa
sokere (Ashé omosain)
Contesta:…………………………………………….Ewé
Ayé
(Cantos de Ozain)
*Kuru kuru begdé
Contesta:…………………. Mariwo osain mariwo rere
mariwo

(Ashé omosain)
Contesta:…………………………………………….Ewé
Ayé

*Atiponlá ifauró atiponlá ifauró, atiponlá ifauró atiponlá

ifauró, ifá owó, ifá omá, ifa ilé, atiponlá ifauró
Contesta igual

(Ashé omosain)
Contesta:…………………………………………….Ewé
Ayé

*Bara seinsemí osain iyouro mí, Bara seinsemí osain

iyouro mí, ewi bí awa yarokó ewi bí ewe tinibú
Contesta igual

(Ashé omosain)
Contesta:…………………………………………….Ewé
Ayé

*Tititribamba titiribamba awona meyo aboná Titiribamba

titiribamba awona meyo ekiweyó Contesta igual

(Ashé omosain)
Contesta:…………………………………………….Ewé
Ayé

*Abera abera amá, abera abera amá, oba diña olúo osain
abera abera amayenye
Contesta igual
Baba fomodé baba fomodé, oba diña olúo osain babá
fomole yenye
Contesta igual

(Ashé omosain)
Contesta:…………………………………………….Ewé
Ayé
*Ewe ikoko koko wayese meye sokuta Contesta igual
(Ashé omosain)
Contesta:…………………………………………….Ewé
Ayé

*Shere broro ewao shere broro ewé dundun (Ashé

omosain)
Contesta:…………………………………………….Ewé
Ayé

*Ewé inle yomi awona meyi inle yomi, oshinshin meyi

inle yomi, beku ba yewa yorobá
Contesta igual

(Ashé omosain)
Contesta:…………………………………………….Ewé
Ayé
*Mamura mofinyé mamura awa loroké Contesta igual
(Ashé omosain)
Contesta:…………………………………………….Ewé
Ayé
*Awadé omolo shinshin kosile shinshin iworo Contesta
igual

(Ashé omosain) *Osain bele Benito bleo, osain bene

Benito ble, osain bene Benito bleo osain bene Benito ble,
sakaká okuman feleblé osain bene Benito blé
Contesta igual
(Ashé omosain)
Contesta:…………………………………………….Ewé
Ayé

*Borotití lawa atarepó, borótití lawa atarepó, boro titi

lawa atrepó, borotitilawa atarepó, epopolowo,
epopolense, borotitilawa atarepó
Contesta igual

(Ashé omosain)
Contesta:…………………………………………….Ewé
Ayé

*Moyu ewe monsarao moyu ewe monsará, moyu ewe

monsarao moyu ewe monsará, ewe lobiní, ewe loiyamí,
moyu ewe monsará
Contesta igual

(Ashé omosain) Contesta:

…………………………………………….Ewé Ayé
*Oñiki ñiki otá loñío oñiki ñiki otá loñí, oñiki ñiki otá
loñío oñiki ñiki otá loñí, oñiki ñiki awadó okuma oñiki
ñiki otá loñí Contesta igual

(Ashé omosain)
Contesta:…………………………………………….Ewé
Ayé
*Peregún alawa tuto peregún alawa tuto, peregun alawa
tuto, peregún alawa tutó, peregun alaboniré peregún alawa
tuto Contesta igual

(Ashé omosain)
Contesta:…………………………………………….Ewé
Ayé

*Ewe masi boroyú ewe masi bororó, ewe masi boroyú

ewe masi bororó, banti okeyo masi boroyú masi bororó
Contesta igual

(Ashé omosain) *Adadará madao adadará madá, adadará

madao adadará madá osain kamiwó akamawó adadará
madá
Contesta igual

(Ashé omosain)
Contesta:…………………………………………….Ewé
Ayé

*Okan belodo okuma lawa ó

Contesta:……………… Ewé okuma okuma lawa ewé
okuma Osain okuma lawa ó
Contesta:……………… Ewé okuma okuma lawa ewé
okuma

(Ashé omosain)
Contesta:…………………………………………….Ewé
Ayé

*Ala fulewa mamakeña leri asho kinkeña, Ala fulewa

mamakeña leri asho kinkeña awó
Contesta igual
Ala umba koshiré ala umba ewé ikoko okan shole
okalambo ala umba ewé eró

LAVATORIO
CANTOS A ELEGUA:

*Bará oloyuré soké modá… Elegua obara oloyu dibara

moyugba agó… bara oloyu díbara moyugba agó sodé
modá… elegguaaa eshu ololodíooo… mamura Elegua
eshu ololodíooo… obara wayó eke… obara wayo eke
moba moyugba o, Elegua okuni odo… wolo wolo, wolo
wolo, wolo yakutu mami, wolo wolo Elegua yakutu
mami… baba omo ni alawana moferere bi agona ashe
irawooo ekeee

Contesta:………………… Bara suayó omó ni alawana

mamakeña irawo é, barasuayo e ké, eshu odara, omó ni
alawana mamakeña irawo é

Bara suayó omó ni alawana mamakeña irawo é, barasuayo

e ké, eshu odara, omó ni alawana mamakeña irawo é
Contesta igual
*Agó ashure ó, Agó ashuré ó, baralayikí agó ashure ó *So
kemagdó olodumare soke magdó, soke magdó olodumare
soke magdó olodumare, dibú dibú dideo baba sokuta,
sokuta laroye soke magdó olodumare
Contesta igual

*Eshu ó elewara é, eshu ó elewara é, elegua ala

moforibale eshu odara agó
Contesta igual

*Agolona fuawá Elewa, agolona fuawá… Awanile

lekibara bowonile bowotina, bowonile, bowotina Elegua,
agolona fuawá.
Contesta igual
Elewa
Contesta:……………. Oya oya oya

*Okodebara yokodé, okodebara fuawó Contesta:

……………. Dele mina mina dele Yokodé
Contesta:……………. Dele mina mina dele Yokomá
Contesta:………….. Moforibale omodé *Elegua nagdo
kere kere yeum, Elegua nagdo kere kere yeum, kere kere
yeum nagdo, agolorisha
Contesta igual

*Eshu beleké ibanlayé alaroye ibanlayé Contesta igual

*Moyugba ó, moyugba lorisa

Contesta:…………….. Ashé, moyugba lorisá Moyugba
ile, moyugba lorisa
Contesta:…………….. Ashé, moyugba lorisá Iyalosha,
moyugba lorisá
Contesta:…………….. Ashé, moyugba lorisá Babalosha,
moyugba lorisá
Contesta:…………….. Ashé, moyugba lorisá Moyugba
olúo, moyugba lorisá
Contesta:…………….. Ashé, moyugba lorisá

*Agó soríomá lekawa ó olelé, agó soriomá lekawa fumiyé

iya unsoro koto, omo lowo siré ó olelé
CANTOS A OGUN:

*Ogundere arere ile bombo lokua, Ogun wanile oke

walona ile bombo lokua
Contesta igual

*Mariwo yeyeyé mariwo yeyeyé Ogun ashó alawedé oké

Contesta igual
Eni mowo ni mowo, Eni mowo ni mowó Ogun ashó
alawede oké
Contesta igual

*Ogun baba iré babarere ogun ogun ogun, Ogun baba iré
babarere ogun ogun ogun
Contesta igual
*Baba ogunde baba shemiariwo ogunde baba shemiarigbo
Contesta:……………………..…. ogunde baba
shemiarigbo Baba shemiariwo
Contesta:……………………..…. ogunde baba
shemiarigbo

*Baba mayo olona, arere awan melekuo… Ogun mayo

olona arere awan meleku orisha
Contesta:………………….. mayo olona, arere awan
melekuo… Ogun mayo olona arere awan meleku orisha
*Baba Ogun soróoo.. arere sorooo… Ogun soróoo, arere
soró.. baba Elewa Ologun abaña arere soróoo

Contesta igual

*Osho kuan arere ó, osho kuan arere ó

Contesta igual
Babá osho kuan iré oguere, irawó iré oguere
Contesta:……………. osho kuan iré oguere, irawó iré
oguere

*Baba oko modanseleyó

Contesta:……………………. Okooo
Oko modanseleyó
Contesta:……………………. Okooo
Awa meta modanseleyó
Contesta:………………….. Okooo modansele
*Arere arere arere
Contesta igual
Arere arere siwo gboni
Contesta igual
Arere arere ó
Contesta:…………………..E ariwo yanya

CANTOS A OCHOSI:
*Oshosi ayiloda ala malaodé Contesta igual
* Ire ire
Contesta:………………………….. Ode mata ode ode
*Yambeleke iworo odemata agolona Contesta igual

*Ochosi omo mi wara wara ode ode Ochosi Omo mi wara

wara ode ode
Contesta igual

*iya ode sakaka areó omolode… iya ode sakaka areó

omolodé
Contesta igual

*Odemata
Contesta:………………. Ibanlá odefá
Akiloyú
Contesta:……………….. Ibanlá odefá akiloyú ibanlá
odefá Odede
Contesta:………………….Awa leri kunfoya
Odede afonfo unló, odede
Contesta:…………………... Afonfounló Odede
Contesta:…………………... Afonfounló

*Oshosi awalodé, omo orisha awalodé… Oshosi

awalodé, omo orisha awalodé… Ochosi omó mí bawaó
orisha awalodé Contesta igual
Oshosi omí bawa ó
Contesta:…………………………Omo orisha awalodé

*Ode bí dolá, ode bí lodé Contesta igual

*Ibanla Oshosi omó mí ibanla oshosi omó mi

Contesta……………………. Ibanla Oshosi omó mí
ibanla Oshosi omó mí
Contesta:…………………………. Ibanla
Iba lodé omó mí
Contesta:…………………………. Ibanla
*koro koro omodé moró, laye laye omodé modá, koro
koro, omodé moró, laye laye omodé modá… Oshosi oma
oma, oshosi omo Obatalá sakakí omó erikí erikí omo
feleobá, sakakí omó erikí, eriki omo yawalake yawalá
koro koro omodé moró
Contesta igual

CANTOS A INLE:
*E oinle oinlé oinlé ayaya oinlé Contesta igual

*Oinle keye agolona oinle keye agoloná, agolona keye

magdeó
Contesta:…………………………Oinle keye agolona

*Faraya koko farayá farayá, koko farayá

Contesta:…………………………faraya koko farayá
farayá Koko farayá
Contesta:…………………………faraya koko farayá
farayá

*Inle inle inleo

Contesta:………………………. Oinle inle inleo, oinle

Koko farayá
Contesta:…………………………faraya koko farayá
farayá

*Oinle yole yole baba kiwolé babá dulayé Contesta igual

*Ayayá mofoinle layá é, mofoinle

Contesta:………………………. Ayayá mofoinle layá é
Mofoinle
Contesta:………………………Ayayá mofoinle layá é

*Mosokosum
Contesta:……………………… Ogueré Mosokosum laya
é Mofoinle
Contesta:………………………Ayayá mofoinle layá é
CANTOS A ASOWANO:

*Iba iba okete omá

Contesta:……..…………Moleyanza ala moleya Ibake
ibake ibake
Contesta:………….……Moleyanza ala moleya Iñan iñan
iñan
Contesta:…………….…Moleyanza ala moleya Okan
okan okan
Contesta:……………….Moleyanza ala moleya

*Awadagudo awa leri so, Awadagudo awa leri so layé

babá, babalú ayé awa lerisó babá
Contesta igual

*Baba eeee baba soroso, Baba eeee baba soroso,

babaluayé iyafomode baba sire sire
Contesta igual

*Ojajara sisae boro saiwé ñawe boro saiwé ñawé fodun

boro saiwe ñawé
Contesta:…………………….. Ojajara sisae boro saiwé
ñawe Boro saiwé ñawe boro saiwé ñawé
Contesta:…………………….. Ojajara sisae boro saiwé
ñawe

*Babá osuneké eminié emawadé nodankala, emawadé

nodankalá, emawadé nodankalá
Contesta:……………… isuleke melodí e emawadé
nodankalá Babá emawadé nodankalá
Contesta:……………… isuleke melodí é emawadé
nodankalá Shooo eí
Contesta igual
Shooo eí
Contesta:………………………Shooo eí, isuleke melodí
é emawadé nodankalá
Babá emawadé nodankalá
Contesta:……………………… isuleke melodí e
emawadé nodankalá

*Owiao owiaó, oyá oyaó, afimaye saisó… Owiao owiaó,

oyá oyaó, afimaye saisó
Contesta igual

*Baba asokara ka´ra asuñawea, asuñawea, asuñawea

Contesta:…………………….. Asokara kará asuñawea
Asuñawea, asuñawea
Contesta:…………………….. Asokara kará asuñawea

*Ero ayanu ero adá ó mí Contesta igual

CANTOS A ORISHAOKO:

*Orishaoko afefe irawo tani mowimo ogun mariwo

Contesta igual
Orishaoko ogun feleble tanimowimo ogun mariwó
Contesta:……………………. Orishaoko afefe irawo tani
mowimo ogun mariwo
*Odeñio
Contesta:…………………….. Aeio
Odebiayó
Contesta:…………………….. bi ará omode yamalá, bi
ará omodé yakokota, bí ara omodeñio, aeio

*Yombale misirereo, yombale misirereo orishaoko,

yombale miserere koko yaro
Contesta igual

*Omodara deí omodara dié, omodara deí omodara dié,

olodumare deí omodara orishaoko
Contesta igual

OKE:

*Titilatoke titilatoke
Contesta:……………………….Ayaun mae mae titilatoke
ayaun mae mae

KORINKOTO:
*Korinkoto milodó

Contesta:………………………… Orisha ewe milodó

*Oloyu loyureo
Contesta:…………………………. Oloyu loyu koto
OGUE:

*Ala maladé
Contesta:………………………. Ogué Afonfo unló ogué
Contesta igual

CANTOS A DADÁ:
*Dadá omo lowo mi dadá omo lubeyó Contesta igual

*Ero mi Dada
Contesta: ……………………….masokuma
sese
Contesta:………………………. Masokuma ero adashe
belona fumi la okan so meye, dada masokuma

*Dadá oshe wolo wolo, dadá oshe laworó Contesta igual

*Omilana omilodo dada oshe ó

Contesta:…………………….. Omilana omilodo Dada

oshé ó
Contesta:…………………….. Omilana omilodo

CANTOS A IBEYIS:

*Omo beyi omo bio karere

Contesta:………………….. Keren keren ya Omo beyi
omo bio beyido
Contesta:………………….. Keren keren ya Arabaña
arabaña kaindé
Contesta:………………….. Keren keren ya Arabaña
arabaña taewo
Contesta:………………….. Keren keren ya

*Beyi laese aremú beyi loroese Contesta igual

*Beyi mokara, beyi mokara mofoyare, beyi mokara

mofoyare, beyi mokara mofoyare
Contesta:…………. Beyi mokara beyi mokara mofoyare

*Onareo, onareo *Beyi la omo edún, beyi la omo edún,

beyi beyi la abedun iyaré
Contesta igual

CANTOS A AGAYÚ:

*Omó badele omo badele, omó badele omó badele, eni

ala dó oní Shangó omó badele yokoto
Contesta igual

* Ayaita ko loyú tani la osha ko loyú Contesta igual

*Shororo elewemi shororo Agayú Contesta igual

*Mai mai mai soroso aé Agayú soroso

Contesta:…………………… Mai mai mai soroso aé
Agayú soroso
Contesta:…………………… Mai mai mai soroso aé
*Melepotimbo lodé melepotimbo, melepotimbo lodé
melepotimbo, jebioso melepotimbo lode melepotimbo
kuele á *Agayú sholá ñío, Agayú sholá ñío… Baba sela
iña sela ó Contesta igual

*Sholalá iború ó.. omanshé erú baba

Contesta:……………………. Oya oya otagua, oya oya
*Eleko é, eleko é… Agayú eleko kuelayé Contesta igual

*Okere lapiri lapi, okere lapirilapi, okere lapiri lapi

okere lapirilapi, okere awa unsoro okere lapirilapi
Contesta igual

*Okere iyawo obambilo bawa Contesta igual

CANTOS A SHANGÓ:

*Wemilere lube obá oyó, elewemi oba oyó, Shangó

kowaye oba oyó
Contesta igual

*Eni so eni ala dosó monijerenije

Contesta igual
Mojé moje
Contesta:……………………….. Monijere nijé Mojé
ayakua
Contesta:……………………….. Monijere nijé Mojé
okukó
Contesta:……………………….. Monijere nijé Mojé
obiní
Contesta:……………………….. Monijere nijé

*Iyamase lobí Shangó, Iyamase lobí Shangó, bogbo araye

oni kuele, Iyamase lobí Shangó bogbo araye oni kuele.
Contesta igual

*Molenshe molenshe, molenshe oba idolá Contesta igual

*Oba lube oba lube oba e, oba e, oba yana yana Contesta
igual
Shangó oba e
Contesta:……………………….. Oba yana yana

*Oba ibo siare o, oba ibo siare o, ero amalá ibo, era o,
oba kosó ilú awaye
*Mala mala kalalú, mala mala kalalú, mala mala kalalú,
mala mala kalalú, obinisa fu shangó, mala mala kalalú
Contesta igual

CANTOS A OBATALÁ:

*Baba ara yeo, baba ara yeo, babá kueuró, osha mini o la
yeyeo, okuní o babá
Contesta igual

*Babá fururu oorere o, okan yenye eleyiwo, elerifa obá

sibasawo, eyiborere basibao, enuaye eyawa olorun,
eyawa olorun elese okan.
Contesta igual

*Akete oba oba seniye, akete oba oba seniye, babá yoko
odara obanla ese, obanla ese, babá funmi layé Contesta
igual

* Iwere i yeyé, iwere i yeyé, oluamí Obatalá, oluamí

olorishá, ibari babá, ibari yeyé, obatala kawo kasho
mambero, eniki lawa adashe, Olofin obá, Olofin obanlayé.
Contesta igual

*Obanla kini lokuó, obanla kini lokuó, dele dele kiní

yenaó, lade lade somokotonashe, obanla kini somolorisha
Contesta:…………….. Obanla eee, obanla didé, obanla
eee, obanla didé, obanla feyesí moró, obanla didé didé

*Banla eko kimi banla kimi banla mabó Contesta:

…………….. banla eko kimi banla Kimi banla mabó
Contesta:…………….. banla eko kimi banla Kimi banla
mabó
Contesta:…………….. banla eko kimi banla

*Eriwodé eriwodé
Contesta igual
Obatala belona
Contesta:………………. Banla elona eriwodé Eriwodé
eriwodé
Contesta igual

CANTOS A OBBA:

*Oba eleko aya osí ashagbá eleko aya osí

Contesta igual
*Aisa, aisa lobalore aisa lobalore
Contesta igual
*Aya osí, Aya osí elekó iya oba lomobá
Contesta:……………….. Aya osí elekó iya oba lomobá
Iya oba lomobá iya oba olomobá
Contesta:……………….. Aya osí elekó iya oba lomobá

*Ewé iya ooo, ewe ewe sí, ewé iya ó, ewe ewe sí,
ashagba ewe ewe sí, laofisí ikú ode bima awo
Contesta igual

*Ashagba lobisi ikuó, lobi akara, lobisi ikuo lobí akara,

akara tobí akara laofisi ikú ode bima awo
Contesta:…………………. Lobisi ikuó, lobi akara, lobisi
ikuo lobí akara, akara tobí akara laofisi ikú ode bima awo

*Eferele kunfere
Contesta:………………. Erula finda farawá

*Eni owó
Contesta igual Eni owó lafinda Contesta igual Eni owó
muñaña Contesta igual Eni owó wosí
Contesta igual

CANTOS A YEWÁ:
*Olomo yewa o yewa o yewa ó Contesta igual
*Olomo yewa obini yewa, elese yewa ó
Contesta:…………..………….. Olomo yewa o yewa o
yewa ó

*Keye keye kanke, keye keye kanke omolo yewa ó

Contesta:……………………….. Keye keye kanke Omolo
yewa ó
Contesta:…………………Keye keye kan ke keye keye
kan ke omolo yewa ó, keye keye kan ké

*Ibanla yekuerumo Yewa, ibanla yekuerú olomí, ibanla ye

sorayé, ibanla yekaiña
Contesta igual

*Iroko iroko yeo Yewa adede kiomá lo sheshé Contesta

igual
*Mokanlawo
Contesta:………………. Iyonyoró
*Ikan yomé

Contesta:………………. Iyonyoró *Aye dolá loku ayé,

aye dolá loku ayé, yeyéo umbo yeyéo omá yeyé umbo yeyé
omá, yewa lobini yewa lobini yewa lobini lokuayé
Contesta igual
CANTOS A OYÁ:
*Ayilodá ya okuo oromodé keyó ayagba Contesta igual
*Oyadé mariwo, oyanza loro yokoto Contesta igual
*Iya Oya é adié adié Oyá, yanza loya é adié adié Oyá
Contesta igual

*ije ijekua, ije ijekua Oya sí lekunfoya o, sawadé ala

kueru mariwo oyadé
Contesta igual
Ala kuero mariwo
Contesta:……………….. Oyade
Ala kueru mariyo
Contesta:……………….. Oyade
Ala kuero mariwooo
Contesta:………………… Oyadé ala kueru mariwo,
oyadé ije ijekua, ije ijekua Oya si lekunfoya o, sawadé ala
kueru mariwo oyadé

*Oloyadé ibariba shekeshé, Oloyadé ibariba shekeshé,

agorima ago oloyá, mofa oshireo Oloyadé
Contesta:…………………. Oyadé ibariba shekeshé,
Oyadé ibariba shekeshé, agorima ago oloyá, oyansireo
oloyadé

*Oyadé oyadé, oyadé oyadé, obinisa sakaká loná bi osun

oyadé
Contesta igual
Eee a, eee á… Oyankará ayilodá marereo
Contesta igual
Ayilodá
Contesta:……………….. Marereo

*Oya morú ó oyanza wadé Contesta igual

*Bembe Oyá Oya lafinda é, Oya lafinda é, Oya lafinda é

Contesta:………………….. Bembe Oyá Oya lafinda é
Oya lafinda é, Oya lafinda é
Contesta:………………….. Bembe Oyá Oya lafinda é

CANTOS A YEMAYÁ:

*Yemaya e olodo awoyo Yemayá

Contesta igual
Yemaya e olodo awoyo iyamí
Contesta:……………………. Yemaya e olodo awoyo
Yemayá Iyami lodo
Contesta:…………………………….. awoyo ae awoyó

*Yemayá asesú, asesú Yemaya, Yemayá asesú, asesú

Yemayá, Yemayá olodo olodo Yemaya, Yemayá olodo,
olodo Yemayá
Contesta igual

*Kae kae kae Yemayá olodo kae kae kae, asesú olodo
Contesta igual
*Yemayá inle ladé
Contesta:…………………….. Awoyó Yemayá inle ladé
aboyó

*Yemayá orobiní layeun Yemayá, Yemayá orobiní layeun

Yemayá, ewawomo yakota elese ke osun Yemayá orobiní
layé
Contesta igual
*Se ise sima
Contesta:…………… …..Awasesima
Se ise orefa
Contesta:……………….. Awasesima
Se ise oloyu
Contesta:……………….. Awasesima
Orefa loyu
Contesta:………………. Olomi loyu, olomio yare
awasesima

*Larioke larioke Contesta igual

*Yemayá agolona ó yale… ye inle ye lodo, yale yoluma,

odun akotakue leve shoisho niwe, shubogbo bona… Ogun
mayelodo kiti bambaña, Yemayá sokuta nigba ó, Yemayá
alamoleío, olowo yena, keiwora awoyó yamió
Contesta:……………. Owoooo, yale yaluma ó, yale omí
adé ayagba omío
Keiworo iyamío, keiworo iyá mío. Awoyodá, Yemayá
sokuta nigba ó, Yemayá ala moleío olowo yena, keiwora
awoyó yamí óoo
Contesta:……………. Owoooo, yale yaluma ó, yale omí
adé ayagba omío
Oro mefa Yemayá, oro mefa Yemayá, ekuté labogdafún,
iyamí yetu yetu kuekueyá… ororojujú, akere lokuní, akere
loiyawó, asiere losi losi, ebi ashama bití komoloese odún
Contesta:……………. Owoooo, yale yaluma ó, yale omí
adé ayagba omío

CANTOS A OSHUN:

*Yeyé bio bio osuo, Yeyé bio bio osuo… Yeyé tanima
kuarugbo lewe ó, arugbooo yeyé yeyeo
Contesta:………………….. yeyé tanima kuarugbo lewe ó
Arugbooo yeyé yeyeo
Contesta:………………….. yeyé tanima kuarugbo lewe ó

*Oyouró were, were were oyouró, aketefo omolorun

Contesta igual

*Yeyé moró iki, yeyé moró iki, sekuré ala ido iki yeyé
moró oñi abé
Contesta igual

*Yeyé oñío
Contesta:………………………. Oñi abé Iyalode oñío
Contesta:………………………. Oñi abé Sekué ala idoe
Contesta:………………………. Oñi abé Sekuré ibú añá
Contesta:………………………. Oñi abé Sekuré ibú kolé
Contesta:………………………. Oñi abé Iyalode oñío
Contesta:………………………. Oñi abé

*Yeyé Omo arigda didé Oshun

Contesta:………………………. Sheke… sheke…
sheke… sheke, sheke omo arida yeye lade oshun

*Alade ye alade ye moró Contesta igual

*Ide were were ita oshuo ide were were… ide were were
ita oshuo ,ide were were ita iyá, osha kiniwa ita Oshun,
sheke sheke ita iyá, ide were were
Contesta igual

*Laré laré
Contesta:…………………….. Ekó Ololodí
Contesta:…………………….. Ekó Ibú kolé
Contesta:…………………….. Ekó Ibú akuaró
Contesta:…………………….. Ekó Laré laré
Contesta:…………………….. Ekó

*Taladé wimi ó yeyé taladé meró

Contesta:…………………….. Yeyé taladé Odororefa eki
banla idó
Contesta:…………………….. Yeyé taladé Alaí yeyé, alaí
yumú… odoba lebí obiní Contesta:……………………..
Yeyé taladé Odororefa eki banla idó
Contesta:…………………….. Yeyé taladé
*Beroni abebe Oshun, beroni abebe eleda, beroni abebe
oshun, beroni abebe eleda, iya yumú fragata beroni abebe
eleda
Contesta igual

*Iyá mí ilé oro, iyá mí ilé oro, bogbo ashé, iyá mí

saramawó eé… Iyá mí ilé oro.
Contesta igual
*Iroko ikú yeyé
Contesta:………………………Euré, euré, euré Iroko ikú
amala
Contesta:…………………….. Amalá, amalá, amalá Soro
bambi omodé
Contesta:…………………….. Omodé, omodé, omodé
Soro bambi ooó
Contesta……………………… Bam bam, iroko bam bam

CANTOS A ORULA:

*Orumila taladé, babá moforibale Contesta igual

Iré iré owó, iré Orumila lairé Contesta igual
Orumila taladé, babá moforibale Contesta igual

*Kere kete meyi Orumila, kere kete meyi, bogbo shakutu

awa selawo
Contesta:…………………………. Kere kete meyi
Bogbo shakutu awa selawo
Contesta:………………………….Kere kete meyi
Orumila
Contesta:………………………….Kere kete meyi
Orumila
Contesta:………………………….Kere kete meyi, bogbo
shakutu awa selawo, kere kete meyi

*Ifá yoko bi yoko bí

Contesta:……………………….. Ayara awo yoko bi yoko
bí ayara awo

*Ofeyekete olúo seawó, eniki lawa sé… ofeyekete olúo

seawo, eniki lawa seawó
Contesta igual

*Ifá ounsó Orula lawa lawa lawosí, ifa unsó Orula, lawa
lawa lawosi awó
Contesta:………………………. Ounsó Orula lawa lawa
lawosí, ifa unsó Orula, lawa lawa lawosi awó

*Mayelé kunfere ifá

Contesta:………………………….. Eriki mayele kunfere
ifá, eriki
Mayere kunfere awó
Contesta:………………………….. Eriki mayele kunfere
ifá, eriki

NOTA
En el lavatorio cada vez que se inicia el canto de un nuevo
orisha se agarra omiero, luego cuando empieza el canto de
obatalá se saca el jabón, las hierbas, los otases y demás
enseres, todo eso se enjuaga (si Obatalá es el ángel de la
guarda entonces el jabón se saca en Shangó)… los
caracoles se meten dentro de la jícara, se les dá
movimiento con la mano izquierda y se continúa
agarrando omiero con el cambio de orishas en el canto…
En el orden de los cantos después de Orula viene el ángel
de la guarda o el orisha que se esté recibiendo.
Al teminar los cantos el oriaté dice: …Osha didé, y los
olorishas deben responder: …Ó didé
Luego procede a hacer el fotíweo, donde se enjuagan los
caracoles con agua y otí
Después agua sola para cantar: Ozun borio komadubule
duduganga a la wosi, osunborio komadubule duduganga a
la wosi awo
Por último: aberán tolá “ si agua no cae, maíz no crece”
ahí se salpica agua
*Cuando se le canta a Oshosi se agarra más hierba* Mi
recomendación final para los nuevos olorishas que están
buscando adquirir conocimiento de la osha es “ ser muy
observador” eso es clave para captar y grabarse los por
menores de las ceremonias, y deshacerse de la pena, al
cantar hay que prestar buena atención para seguirle el
ritmo al canto y realmente CANTARLO, a los orishas se
les invoca a través de los cantos, dichos cantos son
plegarias y si no se cuenta con un buen coro dentro del
cuarto del santo, los resultados no serán iguales que
cuando el olorisha pone el corazón y su voz para
implorarle a orisha por ese iyawó que está naciendo…
Así que a practicar bastante!

Para más información y aprender de osha síganme a través

de facebook en:
Caracoles de Eleggua Community
O a tra vés de mi blog:
http://caracolesdeeleggua.blogspot.com

“ Lo leí y lo olvidé, lo ví y lo entendí, lo hice y lo

aprendí” Proverbio chino
CANTOS A OLOKUN:

*Eeee o, Olokun oooó, Iyamase bawa ó soke lodo

Contesta igual
Iwa aseú
Contesta:…………………. Olomidara
Iwa Ashagbá
Contesta:…………………. Olomidara

*olokun Bawa ó
Contesta:……………………… Bogbo orisha bawa ó aé

*Sawadé orayé Olokun sawadé, orayé Olokun

Contesta:……………………… Sawadé orayé Olokun
sawadé Orayé Olokun
Contesta:……………………… Sawadé orayé Olokun
sawadé

*Mai mai mairé, Iyá Olokun ó

Contesta:…………………… Mai mai mairé Iyá olomío
Contesta:…………………… Mai mai mairé Iyá Olokun ó
Contesta:…………………… Mai mai mairé *Olokun
wakamashé luamí Contesta igual