Documente Academic
Documente Profesional
Documente Cultură
Synod Information & Publicity Department, Synod Office , Annexe Building, Mission Veng, Aizawl
Presbytery inkhawmpui
Mizoram Synod hnuaia Inkhawmpui lian ber dawttu Presbytery Inkhawmpui chu Oct. ni 11 - 14, 2018
chhung hian Presbytery hrang hrangah neih \an a ni dawn a. Presbytery thenkhat chu Oct. 12, 2018
a\anga \an tur an awm bawk.
Oct. 11-ah Nomination Committee te, Finance Committee te leh Sub - Pastoral Committee te an \hu a,
Kohhran Upa thlan tharte Exam buatsaih a ni bawk a, zan inkhawmah Palai lawmna leh Pastor Bial
Report ngaihthlak a ni.
Oct. 12 & 13, 2018 (Zirtawpni leh Inrinni)ah Rorel Inkhawm neih a ni ang a, zan lam Pathian biak
Inkhawmah Thlarau lam thupui sermon ngaihthlak a ni ang. Pathianni chawhmaah Upa Nemngheh
Inkhawm, chawhnuah Lalpa Zanriah Sakramen leh Upa thite sunna inkhawm a awm ang a, zanah
Presbytery Moderator kalchhuak ten Valedictory Sermon an sawi ang.
Presbytery Inkhawmpuia Synod Puipate kal dan tur hetiang hi a ni:
Kal tur Presbytery hming Inkhawmpuina hmun
Rev. F. Lalrinnunga, Moderator Kolasib Presbytery Kolasib Electric Veng
Upa R. Dengzikpuia, Synod Secretary (Sr.) Chhimtawp Presbytery Bungtlang South
Rev. R. Vanlalnghaka, Synod Secretary (Jr.) Chhawrpial Presbytery Phulbial
Rev. Lalramliana Pachuau, Sr. Exe. Secretary Aizawl Bethel Presbytery Laipuitlang
Rev. P.C Pachhunga, Exe. Secretary Hmarphei Presbytery Zohmun
Rev. B. Sangthanga, Exe. Secretary Lunglei East Presbytery Hnahthial
Rev. H. Remthanga, Finance Officer Khawthlangtuipui Presbytery Tlabung Zodin
Rev. R. Lalnuntluanga, Statistician Aizawl West-II Presbytery Tanhril Vengthar
CSI Pastor Refreshers Course
Oct. 6 - 14, 2018 chhung hian Synod Conference Centre-ah Church of South India (CSI) Pastor 17 te
chuan Refreshers Course beiin Mizoram Synod dinhmun te an zir chiang a, Kohhran hrang hrang an
tlawh bawk. CSI Pastor rualte hi Oct. 5, 2018-ah Aizawl lo thlengin a zanah Synod Conference
Centre-ah Synod puipate nen zanriah kilhovin inkawmhona an nei nghal a. Oct. 7, 2018 (Pathianni)
khan Group hnihah in\henin Mission Veng, Mission Vengthlang, Khatla leh Republic Veng Kohhrante
an tlawh a. An cham chhung hian Aizawl Theological College, Synod Hospital, Rescue Home,
Hmangaihna In, Grace Home, Synod Press, Synod Multipurpose Training Centre, Missionary Training
College leh TNT Home te an tlawh a, Oct. 11, 2018 (Ningani) hian Synod Office zing inkhawm an
hmanpui bawk. Oct. 13, 2018 (Inrinni) hian Aizawl khaw chhunga Presbytery Inkhawmpui hmun
hrang hrangah an chhim ang a, Oct. 14, 2018 (Pathianni) hian Aizawl Bethel Presbytery, Laipuitlang
Kohhrana neih leh Aizawl Central Presbytery, Saron Veng Kohhrana neih an chhim ang a, zanah
Mission Veng Kohhran Biak Inah an inkhawm ang.
Education
Oct. 10, 2018 (Nilaini) khan Sihphir PES Building thar Lungphum phumna hun Gospel Centenary
Hall tualzawlah hman a ni a, Executive Secretary Rev. B. Sangthanga leh Supervisor of Schools Pu
P.C Vanlalhruaia ten an hman pui.
Programme hi Rev. C. Sapkaia'n a kaihruai a, PES zirlaite hnen a\angin zaipawl ngaihthlak a ni a, Pu
Lalramenga Royte, JE Synod Office leh Management Board member ni bawkin technical report a pe
a, Rev. B. Sangthanga, Executive Secretary-in Lungphum phumin thuchah tawi a sawi a, zanah
Sihphir Kohhranah hun a hmang zui nghal a ni.
Kohhran Hmeichhia
Women Centre, Phunchawngah Puan\hui leh Puantah course kalpui mek a ni. Zirlaite kutchhuak lei
theiha ruahman \hin niin Aizawl hmun remchang laiahte zawrh \hin a ni a, zin veivak leh a hmuna kal
thei tan pawh Women Centre hmunah hian lei theih tho a ni. Nov. 3, 2018 (Inrinni) hian Vaivakawn leh
Zion Street-ahte an kutchhuakte hi zawrh leh tura buatsaih mek a ni bawk. Heng an kutchhuak an
zawrhte hi a \hui man hisap tel a nih loh avangin a man pawh a tlawm \hin hle a, heta a\anga an sum
hmuhte hi an \hui leh zel tur puanthan lei nan an hmang \hin a ni.
Nakum 2019 atana Puan\hui leh Puantah dilna form pawh thawn chhuak mek a ni a, Nov. 27, 2018 a
interview tura ruahmanna siam chu MLA inthlanna neih a nih dawn avangin Nov. 23, 2018 ah sawn
hma a ni bawk.
Contd,..
Synod Information & Publicity Department, Synod Office, Annexe Building, Mission Veng, Aizawl
Synod Hospital
Oct. 11, 2018 (Ningani) hi World Sight Day a ni a, hemi Ni denchhen hian Oct. 12, 2018
(Zirtawpni) hian Synod Hospital, Durtlang chuan a thlawna mit entirna hun Durtlangah leh Dr.
Fraser's Clinic, Mission Vengah te an nei dawn a, Synod Hospital Doctor - Eye Specialist te an
\hu dawn a ni.
K|P
K|P General Conference vawi 57-naa HIV/AIDS darh zel tur ven leh ruihhlo do chungchang
thurel bawhzui zelnaah CK|P chuan Nov. 16, 2018 (Zirtawpni) hian Vanapa Hall, Aizawlah Awareness
2018 a buatsaih dawn a. He programme-a chanvo nei tur leh CK|P hruaitute chu Oct. 8, 2018
(Thawh\anni) zan inkhawm banah khan Republic Veng Kohhran Hall-ah an inhmukhawm.
Awareness 2018-ah hian zaithiam leh band eng emaw zat an che dawn a. Hei bakah hian mithiam tak
takte a\angin HIV/AIDS chungchang inzirtirna a awm bawk dawn a ni. He huna tel tur hian Aizawl
khawpui chhunga Bial Zaipawl eng emaw zat bakah, Bial tin aiawh mi pakhat \heuh intir turin CK|P
chuan Bial hrang hrangte a ng n a ni.
Thusawi turte hi Rev. Dr. K. Lallawmzuala, CK|P Leader; Upa Dr. C. Lalhrekima, Mission Veng;
Dr. RL Sanghluna, Synod Hospital leh Nl. C. Lalchhuanzuali te an ni. He programme hi digital copy
siamin, Bial leh Branch tina thawn chhuah tur a ni bawk.
Central Kristian |halai Pawl leh Synfo \angkawpte chuan Nov. 22, 2018 (Ningani) khian Fakzai
(Praise & Worship) an buatsaih dawn a, Ramhlun Kohhran Jubilee Hall-ah hman a ni ang. Fakzai hi
Krismas lam hawi tur a ni a, zaithiamte zaiin, solo, duet, group zai leh Synod Choir te an zai ang. TV
programme tur a ni a, inbuatsaihna pawh a kal chho \an a. House band an awm ang a, anni hian hla an
zir \an tawh bawk.
Synod Revival
Oct. 2 - 6, 2018 chhung khan Synod Revival Camping Centre, Neibawihah Camping neih a ni a, Speaker
Jerry Lal\anpuia, Krista Remna Palai Team a ni. Camp-a lut zawng zawng hi mipa 48 leh hmeichhia 6, an
vaiin 54 an ni a, Camp-ah hian kohhran hrang hrang leh veng hrang hrang 21 a\angin an lut a ni. Camp
chhunga mawhphurhna hrang hrang hi Ramhlun Pastor Bial ten an buaipui a ni.
Praise On 2018
Synod Information & Publicity (Synfo) Reality Show buatsaih mek Praise On 2018 - Beat Group
intihsiakna kal mekah Round 2 intihsiakna chu Oct. 16 - 18, 2018 chhung hian Mission Veng Kohhran
Hall-ah neih a ni leh dawn a ni.
Oct. 16, 2018 (Thawhlehni) zan dar 6:45-ah \anin CK|P General Secretary T.Upa Rochungnunga'n
hunserh a hmang ang a, band 13 an intihsiak ang a, Oct. 17, 2018 (Nilaini) zan inkhawm ban dar 8:45-
ah \an lehin Synod Executive Secretary Rev. P.C. Pachhunga'n hunserh a hman zawhah band 6 an
intihsiak ang a, Oct. 18, 2018 (Ningani) zan dar 6:45-ah \anin Synfo Committee member Upa F.
Lalfakzuala'n hunserh a hmang ang a, band 13 te an intihsiak leh dawn a ni.
Round 2 intihsiaka tlingte hi an zai hma ni chhun lamah Mission Veng Kohhran Hall-ah enlawkna
(rehearsal) nei vek tura ruahmanna siam a ni a. Round 2 Intihsiakna results hi Oct. 20, 2018
(Inrinni) zan dar 9:00-ah Synfo Studio a\angin Hruaina Eng channel-ah tihchhuah tura ruahman a
ni a. Round 2 intihsiaknaa tling band 10 (top ten) thlanchhuahte chu Nov. 6-8, 2018 chhungin an
intihsiak leh ang a, Results puan leh lawmman sem chu Nov. 9, 2018 (Zirtawpni) zana neih tura
ruahman a ni bawk.
Prison Ministry
Sept. 28 - 30, 2018 chhung khan Lawngtlai District Jail-ah Crusade neiin hun an hmang a. Speaker
Pu Lalnuntluanga Pudaite, Krista Thuhretu Team a ni. Jail tang mek hi mi 17 an ni a, Pathian hnathawh
ropui tak a lang a ni. Crusade hi Rev. R. Lalvulluaia, i/c Prison Ministry leh Lawngtlai District Prison
Ministry committee member-ten an \awiawm a ni.
Hruaina Eng TV Programme
Susamachar Prasaran Programme
OCTOBER 14, 2018 (Pathianni) 5:00 pm. :
Group/Choir/Solo : Luangmual Vengthlang - Tumhara Mann Biakul Na Ho, Group/Choir/Solo :
Central PYF Choir - Krus Par, Sermon : Lalramzauva, Group/Choir/Solo : The Leprosy Mission
Choir - Hame Sab Kuch Vo De Ta, Group/Choir/Solo : Champhai Bethel Pastor Bial - Jab Jab Dekho
OCTOBER 14, 2018 (Tv Programme) @ 4:00 - 6:00, 8:00 - 9:00 p.m) :
Weekly Round Up
Sawihona : Kohhran Kalphung - I
Rescue Home Rising Day 2018
Contd,..
SynodInformation
Information&&Publicity
PublicityDepartment,
Department,Synod
SynodOffice
Office, AnnexeBuilding,
Building,Mission
MissionVeng,
Veng,Aizawl
Aizawl
Synfocity =
Synod , Annexe
KUM 2018 PRESBYTERY NEIHNA HMUN, MODERATOR LEH THLARAU LAM THUPUI
Principal
Missionary Training College
Mission Vengthlang
Ph. No. 2310157/2301337 9612164982
Contd,..
Synod Information & Publicity Department, Synod Office, Annexe Building, Mission Veng, Aizawl
DAY 1 : October 16, 2018 (Thawhlehni) DAY 3 : October 18, 2018 (Ningani)
6:45 - 7:00PM 6:45 - 7:00PM
Hunserh - T.Upa Rochungnunga, Hunserh - Upa F. Lalfakzuala,
General Secretary, CKTP Synfo Comt. Member
Host Host
7:00 - 7:52PM 1st Segment (Band 4) 7:00 - 7:52PM 1st Segment (Band 4)
Republic Veng Chanmari West Group 2
Tuikual (Radio Light) Kanan Veng
Bawngkawn Group - 2 Leitan South
Electric Vengthlang Falkland
7:52 - 8:02PM Short Break (10 mins) 7:52 - 8:02PM Short Break (10 mins)
8:02 - 8:54PM 2nd Segment (Band 4) 8:02 - 8:54PM 2nd Segment (Band 4)
Ramthar North Tuikual (Armour of Faith)
Ramhlun Venglai Band - 1 Model Veng
ITI Ramhlun North - White
Chanmari West Hmarveng Saikhamakawn
8:54 - 9:09PM Long Break (15 mins) 8:54 - 9:09PM Break (15 mins)
9:09 - 10:14PM 3rd Segment (Band 5) 9:09 - 10:14PM 3rd Segment (Band 5)
Durtlang Chaltlang South
Chaltlang Band- 1 Tuikual North
Tuikhuahtlang Champhai Vengsang
Bungkawn Ramhlun
Ramhlun North - Blue Bawngkawn Group - 1