VALOTA - Insula Plutitaore

Ramhawngliana
 BUNG KHATNA

Liverpool lawngchawlh hmun an chhuahsan a\ang chuan darkar khat leh a chanve vel chiah
a ni a. Chu tuipui zau tak, hawina lam apianga tui dumpawl kuk bak hmuh tur awm si lo chu tuipuia
zin ngai lo tan chuan khawhar thlak tak tur a ni awm e. Mahse chu lawng chhunga chuangte chu
khawhar hre awm lo takin an ti ti bawrh bawrh hlawm a. Lawng pindan pakhatah chuan mi pahnih
hian ngunthluk taka ngaihtuah chungin chess an khel mek thung. “I chak theih chuan £ 50 ka thap
ngam e. Chet thum chiah i nei” tiin inti che \ha takin Moore chuan a khelhpuipa Blake chu a’n vau
fiam vel a. Blake ve thung chuan, “I rook kha a him lo tih i hre lo a ni maw? Kei pawh i chak chuan
£ 50 ka thap ve nghal e” tiin pawn pakhat chu an chet zauh a. Moore chuan a castling ve vat a. A
king hma chiaha pawn chu Blake-a bishop chuan a lo ei a. Moore-a King-in a ei leh dawn chuan
Blake-a knight chuan a lo veng ve leh reng bawk si a, Moore chu a in-resign ta a.

Chutih lai chuan Wesley Frank chu lawng pindan chung zawka tukverh bulah \huin tuipui
lam chu a thlir vang vang a, a lehkhabute ken chu a bih leh zauh zauh bawk a. An hmaa an tihtur
pawimawh tak chuan a tiphurin a tizauthau hle a. Eng nge an tawn dawn a, an tih turah hlawhtlinna
an hmu ang em? tih ngaihtuahin a rilru a kawm leh vang vang \hin bawk.

*************

Dolph-a chamber-ah chuan Wesley Frank chu a \hu ngil at a. Dolph chuan, “Engtin nge
thutlukna chu i siam tak? Hei hi min tihhlawhtlinsak chuan ka lawm khawp ang. Nang pawhin i
dam chhungin sum leh paiah harsatna i tawk hauh lo vang tih ka tiam ngam ang che. Mahse intihluihna
thil a ni lo va, i duhthlanna ngei a ni e”, tiin Frank-a mitah tak chuan a en kal mai a. Frank chu eng
emaw chen a ngawih vang vang hnu chuan, “Han bei chhin phawt tur chuan thutlukna chu ka siam
fel a. Mahse inpuahchahna leh kawppui turte pawh ka ngaihtuah ve chu a ngai ang; mahni chauha
kal thu a awm si lo va” a rawn ti ta a. Dolph chuan phur tih hriat fahranin, “Chu lam chu lo
ngaihtuah duh suh. I kalpui turte chu ka thlang fel vek tawh e” a lo ti thuai a.

Banga map lianpui intar chu kawkin, “Heta \ang hian in chhuak ang a, Hmar thlang lam
hawiin in kal zel ang a, helai bawrah hian thliarkar chu in hmu mai ang. Ka map-ah hian a lang phak
chiah lo va, mase thliarkar te lutuk chu a ni bik lo mai thei. Eng pawh nise kar khat hnuah engkim
peih fel kan tum dawn nia. Lawng pawh ka lo ngaihtuah vek ang a. Thil \ul zawng zawng chu ka
kutah dah mai rawh. Kan hlawhtling a nih chuan thliarkar chu kan ta a ni thei mai dawn a ni” tiin a
phur surh surh khawp mai.

An titi zawh hnu chuan Dolph chuan Frank chu a car changkang tak, mi nazawng tana chuan
vena phak pawh ni lo Jaguar E-type chuan a va thlah leh a. Ni hnih hnuah Frank chuan Dolph-a
kohna a hmuh leh avangin a va kal leh a. Dolph chuan lo lawmin a lo nuih var var a, “Inpuahchahna
chu a kal tluang zel e. Nangma mimal thilah harsatna i tawng em lo maw?” a tih chuan, “Tawng lem
lo ve. Chuti a nih chuan karleh Thawhlehniah kher chhuah a \ul chuang em ni? A aia hma paw’n
chhuak ila eng nge a sualna awm chuang ang?” a lo ti a. Nuih hak hak pahin Dolph chuan, “I hman
hmawh lutuk a nih chu. Engkim hi zawiawi raih leh dam thlapa tih hi a \ha ngai. Heng ho hi i \hian
turte chu an nih hi” tiin thlalak a rawn phawrh a. Frank a hmuh theih tura pakhat te tea ken pah
chuan, “Hei hi Mathew Albertch a ni a”, tih pah chuan thlalak pakhat, mipahnih lanna a entir leh a,
“Hei hi Jackson Blake, a thianpa hi David Moore. Tin, hmeichhe pakhat kan nei a, Bozenka a nih
hi. He pa erawh hi chu tukin maia ka sawm thar, Sulivian Thuram a ni a. Khawl lam thil a hriain a
thiam em em a, lawng chungchangah pawh harsatna in tawh chuan ani hi in \angkaipui phian mai
thei a ni. Thil dangah pawh pa rintlak tak a nih ka ringhlel hauh lo” tia a entir hnuah thlalak ho chu
Frank-a a pe a.

“|ul i tih chuan an chenna pawh ka pe ang che ang a, lo inhmelhriat hmasak pawh a \ha tho
mai. Chawlhni tlai dar hnihah hetah hian lo kal ula, i \hiante pawh ka lo ko dawn nia. Chutah chuan
mumal zawka inhriatchianna te pawh in nei thei ang chu”, tiin an address te chu a pe hlawm a.

An zinga hmeichhe pakhat awm ve hian a tihchhangchhiat deuh a hlauthawng ru viau a, a

chhan chu eng thil pawh tawng thei tur an ni tlat si. Kawng leh lamah chuan a \angkai viau thei
bawk a, ani hi engvanga team-ah hian tel ve ngawt nge a nih a zawh khan university-a botany zir lai
a ni a, a subject thiam chian nan leh puitu a tan thing leh hnim lian lampang zirna Dendrology a zir
tel bawk a ni. Doctorate degree lak nana research a beihna turah midang la hriat loh hnim chi thar
leh dangdai tak tak hmuhchhuah leh zir tur a hmuh beiseia kal a ni pahfawm a, a \angkai viau mai
thei bawk tih kha a chhanna hmuh a nih kha.

He Polish nula Bozenka chungchang hi Dolph khan sawi a thui vak lo nain a hriat chhunah
chuan mi tumruh leh sehhel, mipa zingah pawh duap bik hauh lo tur a ni a. A thil tihna reng rengah
rintlak tak leh a hmaa tihtur hlen chhuah ngei tum mi niin a lang. Dolph-a chamber-a an inhmuh
hmasak ber ni pawh khan a miziaah khan mi rintlak tak ni turah a ngai tho mai. A naupan laiin a
pain a thihsan a, a nuin harsa tak chungin a hmeithaipui a. Harsa chung chungin lehkha a zir chho
a. A thil chakber pakhat chu tennis player nih a ni. Mahse an harsat em avang leh sport lamah
kaihruaitu leh sponsorship lam a hmuh loh avangin atan tih ngaihna a awm lo va; lehkhazir kawngah
a lo duai lem lo bawk a, special scholarship leh loan hmang tein a ti chho zel a, tun dinhmun hi a
thleng thei a ni. Hengte a nih avang hian hmeichhia mah ni se buaipuiawm tak tur a ni lem lo mai
thei a, chu ai mah chuan an mission atana mi \angkai tak pawh a ni zawk thei tho mai.

Chutiang thil vel a ngaihtuah lai chuan a awmna pindana lo chhoh pah chuan, “Frank, i va reh
ve, he lamah hian a ni maw i lo awm?” tiin tlangval la naupang tak, Albercht chuan a rawn ti lang
lang a. “I va enghelh awm ve a? Kei chu ka phur viau a sin. Hetiang thil adventurous deuh hi ka
nuam tih zawng tak a nia” a rawn ti nghal bawrh bawrh a. Frank pawh chuan, “Ni ngawt mai ti raw?
A phurawm khawp mai. Kan thil hriat duh tak te pawh kan va hmuchhuak mai thei a nia, beiseina
ka nei sang angreng khawp mai,” a lo ti a.

He German tlangval pawh hi tlawmngai leh rilru paukhauh chi ve bawk a ni a. Frank-a mi
ngainat zawng tak a ni nghe nghe. A naupan lai a\anga football ngaina tak niin ram tana football
khelh ve theih a tum ruh hle. Kum sawm leh paruk a nih kumin Frankfurt Football Academy-ah bul
a \an a. Reserve Team-a a khelh lai pawhin a che \ha pawl tak a ni \hin. Kum sawm leh pakua a
nihin senior team tan a khel a, a debut game-ah pawh goal khat a thun nghe nghe. Heta a khelh lai
hian club hotute leh coach-te duhsak pawh a hlawh ve fu reng a, club lian zawkte paw’n a chungah
mit an len \an der tawh reng a ni.
 Mahse a chungah vanduaina a thleng a, training an neih laiin a inhliam hlauh a, tihdam harsa
lutuk tur pawha an ngaih loh kha enkawl dik loh vang nge ni, inkhel thei zia zangin a khawsa ta lo
tawp mai a, a football khawvel kawng zawh chu loh theih lohin a mang\ha a lo ngai ta a ni. Chu a
vanduaina chuan a rilruah a \ha lo zawngin nghawng lian tak a nei ta a. Nun kawng dik lo leh khaw
lo takin a hun a hmang chho ta mai a. Mahse hun rei tak chhung khawlo taka khawsa lovin
vanneihthlak takin a nun \ha lote chu a kalsan leh thei ta hlauh zawk a ni.

“Kan intawn hmasak ber nia i thil sawi khan ka rilru a verh riau mai a, mahse ngaihdan
mumal ka siam thiam hauh lo mai,” tiin Frank-a bulah chuan a rawn \hu ve a. “Kei pawhin ka hre
chiang bik lo va, Dolph-a min rawn koh khan chinchang a sawi thuak thuak a. Chubak hriat ka nei
mai lo. Mahse Dolph-a dawhkanah log book pakhat ka mu fuh hlauh a, chutah chuan thil ka hriat
belh leh hlauh zawk a lawm.” tiin lehkhabu hlui zet hi a jacket ipte a\ang chuan a phawrh a.

“Hei hi a hlui deuh tawh khawp mai a, mahse chu chu kan tan a hlutna chhan tak pawh a ni
ang. A tlang vel hi a rang nuau vek tawh a, a kawm a awm tawh lo bawk a,a ziaktu leh ziah hun
pawh a hriat hleih theih meuh tawh lo” tihpahin a keu thuak thuak a.

Phur zetin Albercht chuan, “Chu tuna kan kalna tur nen hian inlaichinna a nei i tihna a ni
maw?” a lo ti vat a. Frank chuan, “Heta a thil ziah pakhat hi tuna kan hmabak ber hi a ni tur a ni.
Dolph pawh khan hei hi a hre chiang hle ni turah ka ngai a, khawi a\anga a neih nge phei chu ka lo
zawt bik hauh lo. Engpawh ni se, hei, heta hi a inziah dan chuan.... thlipui nasa takin a lawng a nuai
a, thunun hleih theih loh khawpin mumal lo zetin thlipui chuan a len kawi vel a. He lawng captain
pawh hi a intauhna lamah nikhaw hrelovin darkar khat leh a chanve vel zet a awm nghe nghe. A
harh leh chuan a lawng sawp deuh nuaih bulah vaukam \iaupho chungah a lo mu reng tawh a ni
awm e. A awmna hmun chu khawi lai nge tih pawh a hrethiam lo hle nghe nghe.

“Chu vaukam bulah chuan rei fe a inngaihtuah hnuin khawmual lam pan chuan a kal ta a.
Mihring hnuhma thar lam tak tak a hmu nual a, mahse tumah hmuh tur an awmsi lo. Ni thum
chhung teh meuh a vahkual hnu chuan a awmna chu thliarkar lian ve angreng tak, tun hmaa a la
hriat ngai hauh loh a ni tih a hre chhuak a.

“Chu thliarkarah chuan thil mak leh dangdai tak tak, tun hmaa a la tawn ngai loh leh hriat ngai
hauh loh te pawh a tawng nual a. Amah hi pa rothap ve tak niin a insawi, ; chuvang pawh chu a ni
mahna, mi pangngai tana dam kahawchhuah theihna awm pawh ni hauh lovah chuan hun rei tak,
amah pawhin engtianga rei nge a hriat loh chhung chu a khawsa ta a. Mi maksak tak tak leh hnammawl
ho te pawh a tawng nual a ni ang.

“|um khat pawh hmun pakhata puk chhungah hian a lut a, chu pukah chuan mihring khawsakna
hnuhma niawm tak takte pawh a hmu a niawm e. Chutia puk chhungril lama a luh thuk zel takah
chuan au \hup \hup thawm a hre ta. A va pan hnaih chuan hnam mawl ho chuan meipui hi an lo
chhep a, chu an meipui chheh chu an lo lam hual tuau tuau mai a, maksak tak takin an au leh a.
Chutia a en reng lai chuan an hotupa niawm tak hian a fei ken lai chuan a lam a rawn kawk a,
awmze nei deuhin a khek tuar tuar a. Chu chu an hmuhin midangte pawh chu a lam rawn panin an
rawn lam phei tup tup mai a niawm e.

Thil awmzia a hriat chuan amah chu chhung hnam mawl ho chuan man an tum tih a hrethiam
nghal a. Meipui bula an maicham siam, lungpher dawhsan deuha an mi hlan tura an phuar beh reng
pawh chu an phelh nghal bawk a. Chutia amah an rawn pan takah chuan inthawina tura an hman tur
aiawhtu tur a ni dawn tih a inhrethiam nghal bawk. Chak takin puk kawngka lamah chuan a tlan
chiam a, vanneihthlak takin a him hlauh zawk a ni.

Heta a awmchhung hian chu thliarkar chu a fang chhuak vek a. Khaw hlui ni awm tak te pawh
a hmu a, mahse mihring tumah a hmu si lo... a, hei hi chu duh tawk phawt ila a \ul tak leh kan a sawi
leh dawn nia. Hei aia ngaihnawm zawk leh bengverh zawk chu he thliarkar chanchin Dolph-a min
hrilh ka’n hrilh phawt ang che” a tih lai chuan lawng pindan hnuai lam a\ang chuan an rawn ko loh
loh a, lunch nei turin an chhuk ve ta phawt a.

Pindan hnuaihnung zawka an chhuk thlak chuan an thiante thenkhatte chuan dawhkan kilin
chaw an lo ei mial mial tawh a, anni pawh chuan dawhkan chu an kil ve nghal a.

Dawhkan an kil \an chiah chuan Moore leh Blake chu an pindan tepen pakhat a\ang an rawn
nui chuak hawk hawk a. “Pound sawmnga chu ka ngaidam mai ang che. i neih chhun laksak che
chu ka hreh deuh. Min hneh tur chuan tlema khelh tam deuh i la mamawh a nih kha” tiin Blake
chuan Moore-a a darah a rawn beng thuk thuk a.

Hemite pahnih hi tleirawl lai a\anga inkawm tawh an ni a. American ve ve niin England
thleng an rawn inzui chho dun a. Inkawm ngeih tak, mize inpersan angreng tak si an ni a, an
inngaina hle lawi bawk a. Moore hi pa pian\ha leh sa \ha tak, thahrui pawh ngah tak a ni a. Tharum
hman a ngaih tawhnaah chuan a phur thei hle bawk. Chutih rualin a thianpa Blake hian a duh dan
danin a ti thei emaw tih turin a fuihphur thiam hle nghe nghe. Hmeichhia hi a lawm lo mai pawh ni
lovin a hlau emaw tih mai tur hian a hnaih lo ve hrim hrim bawk a. Chutih laiin Blake ve thung chu
hun remchang a hmuh phawt chuan hmeichhe mutpui tum thlazen chi a ni a, hmeichhe pathum chu
nupui ang thawthangin a kawl tawh bawk. Fa pawh pahnih a nei hman nghe nghe. Mahse tunah
chuan a tleirawl rilru a paih ve deuh tawh pawh a ni mahna.

************
BUNG HNIH-NA

Lawng captain chuan tuma hriatpui loh chuan thlanfim tla zawih zawih chungin lawng chu
thunun tum mahse a duhdanin a thunun thei hauh lo a. Compass lah chuan mu leh mal a nei hlek lo
mai. Hmar thlang lam pan tum a ni a, mahse compass chuan chhim chhak lama kal angin a kawk vu
reng a, rei lo teah a vir leh zuk a, khaw awm dan chu a danglam ta riau bawk si. Chutia buai taka a
awm lai chuan engkim chu a rawn pangngai leh thut a. Hetiang thil hi tun hmain a la tawng ngai lo
va, khawl lamah chiangkuan lohna engmah a awmin a lang si lo.

Kawlkila ni tla tur chuan lawng chu a rawn chhun eng sat sat a, niin a rawn chhunna lam chu
a inlet daih tih a hmuh chuan captain chuan an kal pelh tawhna lamah an let leh tih a hre chhuak
zawk mai. Compass a en leh vat a, ni awmna lam a\anga a teh chuan compass pawhin a kawk dik
leh thlap tawh bawk si. Lawng chu a tum ram lam pan turin a’n thunun leh a, tluang tak chuan a
thunun thei ta e. Lawnga chuan dangte chuan an lawng chu a inher tih an hre lo pawh chu mak a ti
rilru viau a, an ngaihtuah loh vang mai mai niin a ngai leh ta zawk a.

Minute sawm leh panga vel a ral tawh ang, ni pawh a pil tawh tihah chuan tui chu a fawn ta
hlup hlup mai a, mahse lawng thunun theih loh khawp chu a ni lo. Lawng han lei leh bur bur \hinah
chuan lawnga chuang dangte pawh chu an phawk hra hra a. Thawk leh khatah lawng chu a insawi
nawk nawk a, mu leh mal reng a nei ta lo. Lawng captain pawh theih tawpin a \ang a, van lama arsi
de tuar pawh chu a en \awk \awk a, arsi awmdan a\ang chuan an tum ram lam an lapan zel a ni tih
chu a hai lo. Mahse compass chuan engmah awmzia a nei tawh lo va, lawng pawh chu thunun hleih
theih a ni leh tawh bawk hek lo.

Lawng chu a inher thut a, hmalam panin amahin a kal pur pur a, chutah tui livira lut niawm
takin a vir muai muai a. Wesley Frank chuan captain koh tuar tuar pahin lawng hmalam chu a pan
phei chawn chawn a. Captain chu mumal lo leh kawisawi deuh hian a lo muhil bawrh bawrh a.
Tihharh tumin a sawi nawk nawk a, mahse a harh thei reng reng lo. Amah Frank-a pawh chu a lu a
hai mum mum tawh a. Thil awm dan chu a hrethiam lo hle. Lawng pindan pui ber a\anga Bozenka
au tuar tuar chu a hria a, chulam pana a kal chuan a thil hmuh chu mak a ti kher mai. Hetianga lawng
a buai chung pawhin engtin nge midang zawng chu an lo mutthluk theih zawk ni? Lawng bang kil
lama Bozenka tlu sawp nuaih a hmuh rual chuan a chal a\anga thisen tharlam tak rawn chuak ngiai
ngiai pawh chu a hmu nghal a. A theih anga ranga buaipuiin a awmdan chu a siam rem a. Amah ngei
pawh chu a mit sulh tawh a, engmah ti thei lovin lawng chhuatah a mu hnawk a, engmah a hre zui
ta bik lo.

Sulivian Thuram-a a rawn harh chhuah chuan a bul vel lawng chhuat hnawk nuaih leh a
\hiante mumal lo deuha mu kawisawi deuh deuh te chu a thlir kual a, a bula Blake-a rum \iah \iah
chu a sawi nawk nawk a. Blake-a rawn harh chuan mak tih hmel zet hian a lo en hau bawk a. Chutah
a \hian dangte chu a ko tuar tuar a.

Sulivian Thuram hi France a piang leh seilian a ni a, kum sarih mi a nih laiin eizawnna
avangin a nu leh pate’n England-a Birmingham khuaah an pempui a. Amah hi thluak nei tha fahran
mai, engkim hrethiam hma leh thiam ngah deuh chi a ni a, mahse thil tih puitlin tak tak hmaa
bansan leh hi a ching roh a, chu chuan a nih tur ang pawh a nih phak lohtir niin a lang. A tleirawl
deuh laiin Lyon-a a putea te bulah a awm zawk a, chutah chuan khawl lam thil a tui hluai a, eng eng
emaw siamin a \ul thei viau a, mahse nitin a hna ngai thawh reng chu a peih rei leh lo a. Kawng
dang zawh turin Birmingham lamah bawk a let leh a ni.

Frank-a a rawn harh chuah chuan lu hai muai muai chungin a rawn \hu chhuak a. Theih ang
angin lawng chuat hnawk nuai leh dawhkan thal rem rum te chu an rem fel zung zung a. Eng nge
captain hi a an tiin lawng hmalamah chuan a phei vat a. Captain pawh chu a lo harh tawh a, mahse
a vai deuh ruai reng a. Frank-a’n thil awmzia a zawh chuan ani chuan engmah a hriatthiam bik loh
thu leh tun hmain hetiang thil hi a la tawn ngai loh thu a lo hrilh mai bawk si a. Tuna an awmna chin
pawh hi a hriat theih bik loh thu leh eng tianga thui nge an kalna tur chu a nih pawh a hriatthiam bik
loh thu te a lo hrilh a.

Tunah tak hian eng hun nge ni a, khawiah nge an awm pawh tuma’n an hrethiam lo. Moore
chuan a sana en pahin, “Tunah hian zing Dar 8:15 a ni tawh si a, khua a va thim ve, eng nge a
awmzia?” tiin Frank chu a en hau a. “Eng hunbi-ah nge i dah? British Time-a i dah chuan i sana
chuan awmzia a nei thui lo viau maithei a nia” a rawn ti a. Moore chuan, “Nia, ka sana ka la herh
danglam miah lo” a lo ti a.Thuram chuan, “E, awmzia awm teh reng mai. Frank, map kha i ak ti
raw? Kan awmna lai kan hriat thiam theih nan ni chhuah rual vel chiahin sana khan dar engzat nge
a kawh kan en ang a, darkar engzatin nge a inthlauh tih kan chhut thiam thei mai ang”, a rawn ti a.

“Ni e, khua han var phawt se la kan inchhut thiam thei mahna, mahse longitude degree.....” a
ti chiah chu eng nge pawh hriat loh hian lawng hi a rawn su ri bur mai a. Lawnga chuangte chu an
tlusawp nuai a, tuman engmah an hre zui ta lo.

Frank-a chu a rawn meng sar sar a, chutah a rawn tho chhuak a, a han hawi vel chuan vaukamah
a lo awm reng tawh. Vaukam hrula tuipui chungah chuan an lawng them awm nuaih a hmuh rual
chuan an tih tur chu a hlawhchham dawn a nih hi tiin a beidawng hle mai. A piahah chuan a
Bozenka, Blake leh Thuram te pawh chu engmah hre lovin an lo let ngat a. A \hiante chu a’n
belchiang a, an marphu te a’n en vel chuan tumah thi an awm lo hlauh e. A theih anga rangin a
buaipui zung zung a, Thuram chu tuihak khuh chhuak bawrh bawrhin a rawn harh ve a. Blake chu
a’n sawi leh dawt dawt a, \ha tak chuan a rawn harh awlsam ve leh mai bawk a. Mahse Bozenka ber
chu a harh thei mai lo. A kaah te chuan hamin a pumte chu an han nem vak vak a, a harh mai theih
loh avangin a marphu te chu an han en leh a. A marphu chu \ha taka a la awm avangin beidawng
lovin an han bei leh hram hram a, a tawpah chuan a rawn harh ve thei ta e.

Tunah chuan a \hiante pawh an harh fel ta a, mahse khaw’nge midangte hi? Vaukam chu an
hrut kual dan dan a. Tumah hmuh tur an awm lo. An piah hla fe-ah chuan an lawng chu tlabal fe
hian a lo la lang ve nalh nalh a. Frank chuan eng khaw sawi set set lovin tui chu a hleuh phei ta buan
buan a. Chau tak chungin lawng chu a tleng phei a, harsa ti tak chungin a lawnkai a, mahse tumah
hmuh tur an awm lo. Khaw’nge captain, Moore leh Albercht te hi? Tui chhungah an pil bo ta em ni
ang?

Bozenka chuan awrâwl chau taka “Frank! Frank!” a rawn tih ri a hriat chuan a hawi phei a.
Bozenka-i’n a dinglam sir kawh pah chuan, “Kha kha eng nge ni?” A rawh ti lauh lauh a. Frank-a a
hawi phei chuan lawng bang thing phel keh them chunga mihring ruangam a va hmuh chuan tuiah
chuan a zuang thla leh nghal a.

Moore leh Albercht te pawh tunah chuan a rawn harh pangngai ve leh ta. An lawng captain
ber chu an ngaihtuah leh ta a. An theih ang tawka hlaah an zawng kual fe a, mahse tuipui chuan a
lem pil ta nge ni; hmuh tur rêng a awm tawh lo.

Engtin tin emaw an lawng, tuipui chunga la lang ve hram hram chu vau kam lamah an hnuk
phei thei hram a, an mamawh tur ang ang te leh ei leh in tur la awm ang ang te chu an thiar chhuak
a, mahse tih tham a ni lo hle mai. An lawng chu hman theih chi rual a ni tawh lo va, engtin nge he
hmun a\ang hian himin an chhuah leh ang tih chu an ngaihtuah a ngai ta.

Rei tawk fang an \hut khawmuan hnu chuan hmun rem deuh inkulhna tur zawng chuan an
inkeng bawr laih laih hlawm a. Chu thliarkar chu a ngaw hle a, an duhthusamah chuan lawng lo kal
hnaivai apiang lo hmuh zung zungna tur hmun ni se an duh a ni. Mahse tuipui kam hrulah chuan
duh ang zana hmun rem \ha a vang hle mai si a.

“He lai hi a hmun a rualrem \hain chet vel a awlsam phian lo’ng maw, Frank?” tiin a bul vel
tihfai sat sat pah chuan Thuram chuan a ti a. Frank chuan, “Tui thianghlim kan mamawh dawn a,
engtin nge kan hmuh theih ang?” tiin a lo zawt let ve thung a. Chutihlai chuan Bozenka chuan chik
fahran hian a bul vel hnim chu a lo belchiang vel a. Chutah, “hmun dang kan thlithlai leh rih zawk
dawn em niang?” Helai hi chu duhthusamin tuipuia lawng lo kal pawh kan hmu thei lo dawn si a.
Engpawh ni se he thliarkar hi engtianga zau nge tih pawh kan hre chiang lo va; hei aia hmun rem
chang zawk a awm em em ang. A awm lo a nih leh let leh pawh a harsa nang. Kei hmeichhia berin
ka huam chuan nangni mipa zawkte tan chuan huphurhawm a awm hlei nem,” tiin a lo cho phur
titih a.
“Eng pawh ni se tui awmna kan zawn phawt a ngai a ni. He tuipui tui hi kan ring dawn te a nih
ngawt loh chuan” Blake pawh chuan a lo tih ve takah chuan hmun remchang dang zawngin chu lai
hmun chu an chhuahsan leh ta zawk a.

An duhthusam ang zana hmun rem chu ni lo mahse a aia remchang an hmuh tawh miau loh
avangin hmun pakhatah chuan puanin pathum an kaih a. Chutah chuan an eitur neih ang ang te chu
ren taka ei pahin an awm dan tur an sawi khawm nak nak hlawm a.

Albercht leh Frank chu puan in pakhatah chuan an ti ti dun a, Albercht chuan, “I thil min hrilh
kha han sawi leh law law la. He lai hmun hi khawi lai nge tih leh eng thliarkar nge tih pawh kan hre
si lo va, hlawh chhama kan inngaih lai hian kan kal tumna tak te pawh hi a lo ni mial mai thei a sin”,
tiin a mu zangthal ar ar a. Frank pawh chuan, “Chu chu ka lo ngaihtuah mek a. Dolph-a sawi dan
chuan chu thiarkarah chuan hnam pakhat hi an khawsa a. Mahse sawi tak ang khan eng nge a chhan
hriat lohin chu hnam chu an boral vek mai a. Titi leh thawnthua an sawidan chuan chung hnamte
chu eng thil nge tih hriat loh hian mite chu a la bo \hin an ti. Chu thil hriat loh chuan an chungah
anchhia a keng a, an inthawi loh chuan vawi leh khatah chu thliarkara mihring zawng zawng chu an
thi vek dawn a ni. Tichuan nitin chu thil-hriat-loh hnena hlan tur chu mi an inruat ziah ta \hin a.

“Ni khat chu rawlthar pakhat hi a hun a lo thlen chuan huaisen deuha hmachhawn a tum ruh
hle a. Inhlanna hmunah chuan a kal ta a. Thing pakhat bulah chuan eng nge lo thleng dawn tih
ngaihtuah rauh rauh chunga a \hut lai chuan a thing nghen lai chu a rawn che \ual \ual a, chutah chu
tleirawl chu namen lovin a mut a rawn chhuak a. Intihharh luih hram hram a tum pawhin chet harsa
a ti hle bawk si. Chu mai a ni lo va, a thawk te a rawn sak ta hle a. A chakna zawng zawng sawm
khawmin a ding thei hram hram a. Chutah chu thing ler a\ang chuan rul lian tak mai, a lu chu sakei
ang lampang ni si hi a rawn tleng thla ta mai a. A mei lam, hling tam tak ther fur mai chuan chu
tleirawl chu rawn hem tumin a rawn vai fua a, mahse chu tleirawl chu a lo bawk phek thlawp a, in
lam panin a tlan vang vang mai a.
 “Chuta chinah chuan an mi hlante reng reng chu tumah thi lovin an rawn let leh ziah mai a,
inthawi leh inhlan chu an bansan ta a ni an ti” tia a sawi chu Albercht chuan ngaihnawm ti fe hian
a lo ngaithla a. Chutah a rawn nui chhuak hawk hawk a, “A va lasi thawnthu ve. Chu chu Dolph
chuan a ring tak tak a maw?” tiin a rawn \hu chhuak a. Frank chuan, “A tak tak chu ni chiah lo
mahse eng emaw tak zawng a awm niin a ngai si a lawm. Eng pawh ni se chu thliarkar chu thleng
thei ila chuan mihring cheng tawh han boral duak ringawt zawng a chhan kan hriat theih mai chu ka
ring ve tho a lawm” a ti a.

Frank-a pawn lama a chhuah chuan an puanin piah a\anga yard sawmpanga vel ahlaa Bozenka
makti taka a en ngai en ngar ngar reng a va hmuh chuan, “Eng thil nge ni Bozenka?” tiin a va pan
phei a. Bozenka chuan engtin maha chhang lovin a hnim kung pakhat inthliahna vuai deuh salh chu
a chhar a. Chutah Frank-a lam en pah chuan, “A mak hle mai!” a ti ringawt a. Frank chuan, “Eng
maw mak chu?” a lo tih chuan, He laihmun hi kan inkulh tumna hmasa kha chu a ni miah lo tiraw?”
makti hmel takin a lo tia. Frank chuan, “Kha lai hmun kha chu kan kalpelh tawh hnu daih a nia, a
hmunhma pawh a danglam em hi. Chu chu ‘ti nge min zawh a?” tiin ani chuan a lo zawt let hu a.
Bozenka vek chuan, “He lai hmunah hi kan kal pel tawh reng em?” a lo ti eh a. “Kan thleng ve
chauh a, puan in kan kaih nghal chu a ni a lawm. Ti nge?” a lo ti let a. Bozenka chuan, “Ka chiang
khawp mai. Kan inkulh tumna hmun hmasa zawkah khan he hnim hi equatorial region-ah bak
hmuh a ni ngai lo va, mak ka tih deuh avangin ka thliakin ka bel chiang ngat kha a ni a. Hei, keima
sulhnu ngei a ni” a lo ti a.

Frank chuan, “Kei pawh kan thlen tirh khan mak ka ti daih tawh zawk a. Kan inkulh tumna
hmasaa kan chawlh lai khan ka tui um ruak pakhat ka hnutchhiah a, mahse he lai hmun kan thlen
hian a lo awm leh nawlh mai a. Engah mah phei chuan ka ngai duh lem lo. A hmunhma hi a
danglam he si a, chutih rualin thil awmdan hi hmun hmasa a mi nen khan engkim hi a inang lawi si.
|hian dangte hian thil an chik vak lo va an hre lo a ni maithei. Eng hmun emawtak a nih dawn hi.
Kan fimkhur deuh chu a ngai dawn a nih hmel” tiin thil a hriatthiam bik lohzia a lo hrilh letve bawk
a. Bozenka chuan, Midang hi hrilh ve hrim hrim ila a tha ang a? a tih chuan Frank chuan nuih hul
hak pahin, “Engah mah an ngai lo vang. I thil hriat sualah an puh ang a, an nuih zat mai mai ang che.
Anih loh vek leh an awih chuan midang i ti-awm nuam lo mai mai lo’ng maw?” a lo ti a. Bozenka
chuan engmah sawi tawh lem lovin buk lam chu a thlir reng ringawt a.

An dawhkan siam chawpa Map inpharh duai chu kawk zauh zauh pah chuan Frank chuan,
“He ta \ang hian kan chhuak a. Hmar thlang lam hawia kal kan nih avangin he rout hi kan zawh kha
a ni a. Ka suangtuah dan chuan buaina kan tawh \anna kha he lai hi ni se. Ni hnih leh zan hnih
chhung lawngah kan chuang turah ngai ila. Chuti anih chuan Thuram, han chhut lawk teh. Kan
awmna lai hi khawilai vel nge nia i hriat? tiin a sana chu a’n bih zauh a, “E heu, vawiin hi ni
sawmhnih leh pali a ni daih mai a. Ni sawmhniha chhuak kha kan ni a, Kan buai ata langin sana en
nachang pawh ka lo hre lo tawp a nih hi. Engtin nge hetiang chen chen kan kal theih zawk a?” a tih
chhunzawm zat a.

“A va mak tak ve. Darkar sawmhnih pali chhung engmah hre lovin kan awm tihna em ni?
Chumi chhung chuan tumah harh chhuak kan awm si lo maw? chumi chhung engmah kan ei loh
chuan ril\am fe kha a hun tawh si a. Kan harh chhuah khan tumahin ril\am sawi kan awm si lo. I
sana kha a inherh danglam a ni em lo maw?” tiin Thuram chuan an zawt let ha a. Moore chuan, “Ka
sana-ah hian date set-na a awm ve hauh lo va, Bozenka, nang i sana kha han en teh,” tih pahin
puanin kawt thingbul nghenga Bozenka \hu ar ar chu a ko va. Bozenka chuan, “Ka sanaah pawh
hian ni sawmhnih leh pali tho a ni e”, a rawn tih takah chuan Frank chuan, “A nih chu. A dik ang.
Engmah hre lova kan awm hian kan taksa khawl hnathawh hi a muang ve deuh ruih \hin a, chuvang
chuan kan ril pawh a \am lo a ni ang e” tiin map lam bawk chu a bih leh a.

“Kan chhuahna a\anga kan kalna chin ngaihtuah chuan kan awmna thliarkar hi Atlantic tuipuia
awm chu a ni phawt mai a. Chuti a nih chuan kan khawmual hnaih ber tur hi engtin nge kan hriat
theih ang a, khawi lam hawi zawngin nge kan chhuah ang tih hi kan ngaihtuah a ngai tho dawn a ni”
tiin Frank chuan a thiante chu hrilh bik pawh nei chuang lo chuan a phun malh malh a. Thuram
chuan, “Keimahni chuan he thliarkar hi kan chhuahsan thei hauh lo ang; lawng lo kal kan nghah
ngawt a ngai ang chu” a lo ti a. Frank vek chuan, “Lawng lo kal remchang a awm hlauh chuan kan
lo chan chu a ngai tho dawn a, mahse he thliarkar hi eng thliarkar nge tih pawh kan hre si lo va,
engtikah nge lawng hi a lo kal ang tih lah hriat a ni hek lo; chuvangin chhuah dan chu kan ngaihtuah
tel a ngai tho tho dawn a ni” a lo ti ve leh a. Thuram bawk chuan, “Engtin nge kan tih chuan ang?
Kan lawng lah chu hman theih ziazang a ni tawh si lo va, kan hleuh mai dawn em ni?” tiin za lem
lo tak hian a nui hul hak a. “Kan hmanraw neih ang angin heng lai thing leh hmanraw awm rengchang
apiang chak kan dap khawm a ngai ang” tiin Frank chuan a chhang ve leh a.

Rei fe an ngawih vang vang hnu chuan Blake chuan, “Eng pawh ni se kan awmna thliarkar hi
khawia awm nge tih hriat tum phawt teh ang u” tiin a ding hluai a. Mi dang te pawh chuan pawmpui
hmel takin an lo bu nghut hlawm a.

Thuram chuan chuan, “Tunah dar sawm leh a chanve a ni tawh a, ni a tla \ep tawh bawk a, kan
sana hi BST mil vek kan la hmang a nih chuan, London-ah chuan darkar ruk kalta vel khan tuna ni
awmna velah hian a awm dawn tihna a ni. Chuti a nih chuan darkar ruk velin kan inthlau tihna a nih
chu. Darkar ruk chu Longitude degree 90, khawthlang lamah kan awm tihna a ni chu. Anih chuan
Frank, khawthlang lam degree 80 atang 100 in kar kha han en teh” a lo ti zung zung a. Frank chuan
lu thing nar nar pahin, “A ni thei lo, hmar lamah North America a tan chho va, Chhim lamah lamah
South America atanga khawthlang lam Pacific tuipui daih atan tlang a ni. Kan awmna hi Northern
Hemisphere-ah kan awm a ni si a”, tiin a lu a hiat nauh nauh a.

Bozenka chuan coffee no rawn chawi luh pahin, “Henglai hnim hi tropical region-a hmin ang
ka la hmu miah lo mai. Chuvangin kan awmna hi a hmar tawp viau a nih loh chuan Atlantic tuipui
chhim lam Africa leh Latin inkarah a nih hmel zawk. Hmar tawp lutuk ni se a vawt viau tur a nih
bakah ni hi hmar lamah a awn tlat mai. Chuvangin Southern Hemisphere-ah kan awm a nih a
rinawm mah zawk” a rawn ti a. “A ni tak e, ka lo ngaihtuah hauh lo mai. A va mak tak ve, kan kal
dan a\ang kha chuan Atlantic hmar lam kan pan ngei chu a nih si kha!” tiin Abercht chuan Frank
chu a en ha a. Frank chuan, “Ka hrethiam bik ta hauh lo mai. Kan rilruin awn lam leh ni tura ngaih
kha a nei lian lutuk a, chu chu chu a lo dik si lo a nih hi. Engpawh ni se. He thliarkar hi naktukah
fang phawt ila a tha ang” a lo ti a.
Zing khua a lo var a. Frank chuan an thil tawn leh hriat zawng zawngte chu a note buah a ziak
malh malh a. Chutih lai chuan Albercht chu rawn thawh pahin coffee a siam rak rak a. “Vawiin chu
mahni duhna lam lamah kan tawngpawng chhuah tawp mai dawn a ni maw?” tiin Frank chu a melh
zauh a. A note bu dah pahin Frank chuan, “Tumah kal hrang lo ila a tha zawk ang, tuman ram chin
leh he thliarkar hi engtiang taka zau nge kan hre si lo. Engpawh tawng palh thei kan ni a. Mihring
cheng pawh an lo awmin rothap leh mawmang pui pui pawh tawn theih a ni” a lo ti a.

“Ral leh lamah sawn mei khu zam ang deuh ka hmu tlat mai. Mihring an khawsa chiang a ni”
tih pahin bukah chuan Moore chu a lut a. Blake chuan, “I hmu sual a ni lo maw? I chhuak hma si a,
\iau chhum te hi mei khu emaw i ti a ni ang e?” tih pahin a mut hmun atang chuan Blake chu a rawn
tho ve bawk a. “Mei khu ngei ni chuan ka hria. A hlat tham deuh avangin ka chiang ngam bik mai
lo va” Moore chuan a lo ti ve mai a.

Hmeichhia a nih avanga puanin pakhata amah chauha an riahtir Bozenka chuan, “Eng pawh
ni se vawiin lamah va chian a va \ha ve” tiin a mutkawr nen Moore-a te puaninah chuan a rawn lut
phei a. Frank pawh chu rawn lut ve lehin, “I va tei chhuak hma awm ve, Moore? Mahni chuan tlat
hran loh a \ha a sin. Vawiin lamah kan va chian ang a. Thiarkarah hian mihring an cheng a nih a,
\hianah te siam theih an nih chuan kan tan an \angkai ngawt ang” tiin a rawn phur hmel khawp mai
a.

BUNG THUMNA

Horus Sebastian chuan a hna chu lungawi takin a thawk mawlh mawlh a. A hmaa file intiang
ur mai chu a mal mala en letin thil pawimawh zawng zawng chu hmaih nei hauh lovin a chingfel
zung zung a. Daihlim hnuaia hetiang hna hahdam tak, hlawh duhthusam ni bawk si a nei chu vannei
a inti tak zet a ni. Private office a thawk ni si-ah chuan hetiang taka hlawh \hatna hmun hi Romania
ram chhungah a awm lovang tih a chiang hle a, Romania sawrkar pawh hian hetiang zat hlawh hi a
pe theiin a ring lo bawk. A thawhna hian khawi a\angin nge sum an neih tih pawh a ngaihtuah buai
peih lo. A hlawh a hmuh \hata dik leh fel taka hna a thawh chuan chu chu a duh tawk viau a ni.

File pakhat a’n en leh a, a kawmah chuan Valota - Insula Plutitoare tih chu a inziak kalh mai
a. Chu file chu a’n keu chuan file dang a ang lo hlein a hria. Folder pakhat chhungah chuan number
leh secret code niawm tak te, hawrawp leh number indah zawm put mai te chu a awm tlar nuai a,
hriatthiam a nei lo hle mai. Sebastian chuan chu file chu khawih chu sawi loh, a hmuh pawh a la
hmu ngai chhin miah lo va. A hna tura an dah a nih si chuan a khawih ngei a ngaiin a hre si. Engmah
chu file chungchangah chuan hriat a nei lo va, a keu puat puat a, a dah ta tawl mai a.

Maria Granger-i chu a pindanah chuan lo lutin, “Hei, kan pu ber hi vawiin tlai dar thumah a lo
thleng dawn a, hna \ul dang a rawn hawn dawn nih hmel a; ka lo hmuah a ngai dawn a nih chu. Ka
chhuahsan mai dawn che a nia”, a rawn ti a, chhuah leh mai a tum a. “Lawk” tiin Sebastian chuan
a ko ding leh zet a, “He file hi tu khawih lai nge. Hei ka kutah a awm si a, engmah ka hrethiam hauh
lo mai?” tiin file dangdai zet chu a kawhhmuh a. Engmah ngaihtuah tawh lem lovin Granger chuan,
“Engmah ka hre bik lo. Nakinah midang i la zawt mai dawn nia. Hei ka tlai palh ang e. ka kal a nia”
tiin a chhuak nghal a.
**********
 Chu thlairkarah chuan sava hram ri eih hriat tur a awm lo va, rannung dang hram chiah chiah
thawm hriat tur leh anmahni hmuh tur lah a awm hek lo. Thing leh hnim erawh chu dangdai leh
maksak tak tak, sang pui pui mai te chu hmuh tur a tam hle lawi a. Anmahni \awng bawrh bawrh ri
lo chu hriat tur a awm lo emaw tih tur a nih laiin Frank erawh chuan ral a\anga eng thil emaw ni ri
vung vung reng chu mak a ti ru hle a. A tirah kha chuan a beng chhe ri mai mai emaw tiin engah mah
a ngai lo va. Mahse a chang changa reh leh hmuk thin leh rawn ri leh thin chu a rilru tak chuan hriat
chian a chak hle. A \hiante hian chu thil ri vung vung \hin chu an hre ve lo nge ni engmah lah chu an
sawi si lo. A beng hi a dik lo zawk nge ni le. Lawnga tawh sual an tawh lai khan a beng lamah a
hriat loh hian shock a lo tuar reng em ni zawk tih te thleng a ngaihtuah a.

A \hiante chu an ri nak nak a. Tlema ruam lam deuh an zawh chuan kawr pakhat hi an thleng
thla hlawl mai. Buk lamah duh ang tawka tui an hnianghnar loh avangin chu tui chu duhthawh takin
an inin an thal a. An tuithawl te an khah hnuah an insil thlan dai a. Reitawk fang chu lai hmunah
chuan an chawl khawmuang a.

Chu kawr a\anga ral leh lama an kal hnu chuan an meikhu hmuhna lai chu an thleng dawn
tawh niin an ngai a. Tlema hmun pawng deuh a\ang chuan an thlir a, mei khu awm reng an hmu
tawh lo. Ral atanga an thir kha chuan meikhu ni ngeia lang chu an mu ngei kha a ni si a, tunah an kal
hnaih deuh chuan engmah an hmu leh tawh chuang si lo va. A khukna bawr vel nia an rin lai chu an
pan leh ta ngat ngat a. Mahse chu lai ram awm dan chu an chian lem loh avangin han zawn viau
ngaihna an hre lo. An beidawn hnu chuan an kalna ngaiah bawk let lehin buk lam an pan leh ta zawk
a.

An kal dawna an inchah angin an kalna chin chu an chhinchhiah thlap vek hlawm kha a ni a.
Mahse hetia an let leh hnu hian kal lama an chawlhna tui kha an thleng thei ta hauh lo mai. Thui fe
an kal hnu pawh chuan an kalkawng chhinchhiahna kha an hmu zauh zauh thin a, mahse an kalna
hnu ni miah lovin an hre \heuh bawk si. Moore chu rawn \awng chhuak hlawlin, “Hei, kan kalna
chin ka chhinchhiahna, luikawr kam chiah ami kha a nih hi. Neem thing ang deuh ka tih ngei kha a
ni chiang a ni. Hei ka kutthlakna hnu pawh a la awm ngei a lawm. Mahse engati nge a ram awmdan
leh mual hi a va ang ta lo si ve? Kawr lah chu kan la thleng leh bawk si lo” a rawn ti a. Bozenka
chuan Frank chu a melh zauh a, Frank pawh chu a ngaih a \ha zan lo tih a hmel a\ang chuan a hriat
theih mai. Kal zel phawt ila, kawr kan chawlhna kha thleng phawt mai teh ang u” a tih chuan
Thuram chuan, “Kal zel ngaihna pawh a awm tawh lo a nih ber hi. He lai hi kei pawhin tui kan inna
hmunhma kha ni tlatin ka hria” a lo ti a.

Blake chuan, “A nih chuan khawi lam nge kan pan tak ang. Kan bo hle a nih hi. Kan buk lam
pawh kan thleng thei dawn em ni?” tih pahin a lu a hiat nuah nuah a. Frank chuan, ‘Kan chhuah
khan chhim lam hawi zawngin kan chhuak a nih kha. Chuvangin hmar lam hi pan phawt mai ila.
Kan buk chu kan theng leh thei mai ang’ a lo ti a. Blake chuan, “Ni nang, buk atang chuan khaw
chhak lam hawi zawngin kan chhuak a nih kha. Khawthlang lamah kan buk chu a awm zawk tur a
ni” a rawn ti ve leh tlat bawk a. Thuram chu rawn inrawlh ve lehin, “Buk a\anga kan chhuah dawn
khan ni a lang miah lo va, mahse kan kal hnu lawka ni a lan dan atang kha chuan hmar lam hawi
zawnga kal kan ni” a lo tih ve leh takah chuan thu a saisa ta nuaih a ni ber mai.
 Albercht chu lo tawng ve lehin, “Eng pawh ni se, khawi lam hawi zawng pawhin kal ila,
tuipui kam kan thleng dawn hrim hrim tho. Tuipui kam atang chuan kan buk pawh a hlat loh em
kha. Tuipui kam kan hel kual chhuah vek chuan kan buk chu kan hmu em em ang”, tiin Frank chu
a en a. Chutah Blake chu rawn tawng ve lehin, “A duh chu kal mai rawh u. Kei chu he lamah hian
ka kal dawn. Moore, min zui dawn em?” tiin Moore chu a melh a. Moore chuan chhan ngaihna vak
hre lova a ngawih rauh rauh lai chuan Frank chuan, “Blake, chutin ti suh. He hmun hi tuman kan hre
lo va, eng nge kan tawh dawn lah kan hre hek lo. Tumah kal hran loh a tha ang.” a lo ti a. Blake vek
chuan, “Ni lo ve. Tunah pawh hian i ruahmanna anga he lam pan hi kan ni lo’m ni? I thuhnuaia awm
tur ka nih ka hre bik love” a lo tih chuan an hmeichhe neih chhun Bozenka chuan, “Blake!” tiin a ko
tuar a, “Mi paruk chauh thliarkar chin hriat lohah kan tang a, inthurual lo tham pawh kan nih loh hi”
tiin lo khap daih a tum a. Albercht pawh chuan, “Ni e. Tumah inkalsan hrang lo vang u” a lo ti ve
bawk a. Blake chuan, “A duh chu kal rawh u. Keini chu Moore nen hian khawthlang lam kan pan
ang” a ti ta hmak a.
Moore chuan a \hianpa thu chu a hnial hreh hle mai a, mahse midangte chu a zah ve tho
avangin a hmelah chuan a rilru a insual buai hle a ni tih a hriat theih. Chutih lai chuan Blake chuan
a rawn ko leh a. Moore pawh chuan Blake chu a zui ve ta nge nge a.

Midang pawh chu an hriat dan inang lo nuaih mahse khawilam nge pan tur tih tuman an chian
si loh avangin hmalam pan chuan an kal leh ta a. Kawnglakah kamrah leh hnim ei chi an hriat
apiang chu an eiin an bg-ah chuan an khung nghauh nghauh zel a. Thei rah maksak tak tak, an hriat
ngai hauh loh te pawh an hmu nual bawk a. Ei chi a nih leh nih loh chu Bozenka an zawt thlazen zel
a, ani lah chuan a hriat vek bik loh avangin leh a la hmuh ngai bik pawh ni lote chu a hre tura an ngai
tlat \hinte chu a nuih a za ru thin hle.

An chau tlang tawh khawp mai a. Khaw en chhunga an buk an thleng thei lo a nih chuan a
remchan dan anga riah mai a \ul dawn a ni tih cu an rilruah aawm theuh hlawm. Chau tak chungin
an kal lui zel a. Albercht pawh chu a lu na ut ut leh khawsik vur mai chu ngai paimawh lo lui tlatin
engmah a sawi chhuak duh bik lo.

Hmun pawng deuh lai pakhat an chuang chuak hlawl mai a. Chutih lai chuan ni pawh hmar
thlang lamah a liam \ep tawh. Albercht chu leiah a thu hnawk a. Chutih lai chuan Bozenka chuan
“Khu, luitui ka hmu e”, tiin a au chul a. Albercht pawh chu lo tho ve lehin a kalleh hram hram a.
Frank chuan a awm dan chu a hmuh chuan, “He heu, i dam na nge? Ka lo kuah ang che?” a ti thuai
a. Ani Albercht chuan a lo duh bik si loh avangin an han thut chawlhpui leh hlek a. Frank cuan,
“Tuipui khu thlengthla phawt mai ang u” a tih chuan an han kal leh a.

Chutia an kal dawn cauh emaw an tih lai chuan an puanin kaihna hmun chu a lo ni reng mai.
Thuram pawh a hlim ngang a ni ang a kuk raih mai. Tichuan mahni puanin lamah chuan an lut ta
hlawm a. Frank-a’n Albercht-a an enchian chuan a khua a lo sik hluah mai a. Damdawi engmah an
lo nei si lo, a khawsik a sangin a lu lah chu na a ti hle mai si, a manganthak hle mai.

Frank chuan Bozenka chu ko pheiin Albercht-a damloh thu chu a hrilh a. Ani chuan a thiam
ang tawkin a enkawl a, hnim damdawi a hriat ang te leh amah ngeiin a lo hman ve tawh thin te chu
a vai khawm a. tlem chuan zan lamah ziaawm lam a pan ta deuh.
 Frank chuan a rilrua Blake-a te \hian dun a ngaihtuah rauh rauh lai chuan Thuram pawh chu
Frank-a te puan inah chuan rawn luh pahin, Eng nge kan \hiana te hi an chanchin ni dawn le? Engtia
han tih chi nge ni ang?” tiin Frank chu a rawn rawn a. Frank chuan, “Zan te han ralin khua han var
se, naktuk khaw enah kan zawng dawn nia. Eng em an tawk lo turah ngai ang”, a lo ti mai a. An ei
tur neih ang ang te chu eiin Frank-a te puan inah chuan an awm khawm \hap a. Bozenka chuan,
“Tui hi kan la harsa dawn tlat mai, engtin nge kan tih dawn le?” tiin a thiante chu a en kual a. Frank
chuan, “Kan tui hmuh lah chu kan hloh leh tawh bawk si a. Tuna kan tuithawla kan neih sa ho
hizanin kan tlak theih chuan naktukah Thuram nen tuipui tui al khu kan zuk chawi ang a, kan
chhuang ang a, chu mi hu condense leh chu kan ring tawh mai dawn nia. Hna chu a ti tam deuh hlek
dawn a ni. Buk nghak kan awm reng a ngai tawh dawn a. Chumi pah chuan lawng lo kal a thlithlai
reng theih bawk ang” a lo ti a.
Thuram chuan, “He thliarkar hi a mak ngawt mai. Engtin nge kawr tui kha a bo daih theih tih
kha ka rilruah a awm reng mai” a rawn ti chhuak hluai a. Frank chuan, “Ni e, Bozenka nen chuan
mak kan lo ti daih tawh zawk a. He kan puan in kaihna hmun pawh hi hmunhma kan zawn laia kan
inkulhna tura kan rawtna hmasa tho kha a nih hi”, a lo ti mai a. Thuram chuan, “Eng a? Eng nge i
sawi awmzia chu?” a lo ti hu a. Bozenka chuan Albercht-a damdawi tur hnimhnah tui sawr kar kar
pah chuan, “Ni chiang e. Hei hi nangmah ngeiin puan in kaihna tura i rawtna hmun kha a lawm” a
lo ti ve a. Bozenka en hau pah chuan Thuram chuan, “Engtin nge a nih theih? Ka rawtna hmun kha
chu kan duhthu a sam loh avangin kan kal zel kha nih kha” a tih lai chuan thaw hlawp hlawp chung
Moore chu puan in chhungah chuan a rawn lum lut hlawl mai a.

Frank leh Thuram chuan lo bawihsawm nghalin an mut \hattir a. Tlema a chau zualpui a reh
hnu chuan ei tur te chu an pe a. “Khaw ‘nge Blake?” tiin Frank chuan a lo zawt a. Moore chuan, “Ka
hre lo. Engtin nge kan inhloh pawh ka hre tawh bik lo. Ka hmaah a kal a, a hnungah ka zui zel a.
Chutia ka zui reng lai chuan kan inhlat deuh hlek laiin ka um pha thei ta reng reng lo mai. Ka koh
vak vak pawhin min chhang si lo va. Ka zawnna lamah engtin nge kan buk hi hetah hian a lo awm
reng ni, ka rawn thleng hlawl chu mak ka ti ngei mai. Ka lu a hai em em mai a. Ka thawk te hi a sak
vekin ka hria. Mahse ka ziaawm leh tawh e” tiin pangngai tak chuan a rawng \awng thei ta a.

Albercht pawh a ziaawm ta viau a, a khawsik leh lu nâ pawh a reh leh tawh a. Thuram chuan
Frank chu râwn titiha melh pahin, “Naktukah chuan inkalna bawr velah chuan Blake chu va ngaihven
ila a that dawn chu. In kalna awm vel i la chhui thei ang em?” a ti a. Moore chuan, “Engmah ka
hrethiam tawh lo. A changin kan zavaia kan kalnaah te khan kan kal leh ni te’n ka hria. He thiarkar
awmdan hi ka hrethiam lo tawp mai” tiin a chal a dawm vang vang a. Frank pawh chuan, “Hrethiam
tawh bik kher lo ang. Kan kalna hnu kan chhinchhiah thlap pawhin kan bo tho a ni si a. He hmun hi
chhuahsan dan ngaihtuah vat chi a ni. Mahse Blake chu kan zawng pawt chu a ngai ang” a lo ti a.

Thuram chuan, “Nichina in sawi kha han sawi leh lawk teh u. Engtin nge he lai hmun hi ka
rawtna hmasa kha a ni tih in sawi theih?” a rawn ti leh thut a. Frank chuan puan in kawngka pawn
lama mi tuithawl lak pah chuan, “Hei hi ka dah lai leh ka hnutchhiah tih kha nang paw’n i hmuh
reng kha. He lai hmuna kan inkaih lai khan hei ngei hi a lo awm leh tlat si a ni. Chu bakah Bozenka
pawhin a hnim thliahna hnuhma ngei leh a kung kha saw lai deuhah sawn a hmu leh chiah bawk a
ni. A mak tih bak chu sawi ngaihna pawh ka hre lo” a lo ti a.
 Moore pawh chuan, “Kei pawh mak tih riauna leh awm nawm loh riauna ka nei deuh tawh a.
Engtin nge chutiang zawng zawng leh vawiin lama kan thil hmuh leh tawn te kha a nih theih tih hi
ngaihdan pawh ka siam thiam tawh bik lo” a lo ti ve bawk a. Frank chuan, “Continental drift theory
hi in hre tawh em?” a lo ti daih a. Bozenka chuan, “ A va inmil awm lo ve. Continental drift chu a
ni thei lo hrim hrim ang” tiin a nui hak a. Frank vek chuan, “A inmil lo viau naa kan sawi chhan chu
plate tectonic ang deuh hian he thliarkara leilung hi tectonic plate them te te ang hian a che ang a,
kan awmna hmun te hi kan hai fo a ni lo maw tih ngaihdan te ka nei rum rum a sin,” a lo ti a. Thuram
chuan, “Mahse plate pakhat a chet chuan a chhunga awm thil dang kha a chetpui zel dawn si a,
chutiang ngawt chu a ni thei lo vang” a lo ti ve thung a.

Moore chuan, “Puithu deuh chu ni ni ilang chuan ramhuai hnathawhah ka ngai ngei ang.
English ho hi inpuithu deuh a, chutiang te chu i ring ve deuh lo’m ni, Frank” tiin a nui deuh huk huk
a. “Thil ni thei lo chu a ni bik miah lo. Mahse chhan eng emaw tak vang a nih ka la ring zawk tho
mai” tiin Frank pawh chuan a lo chhang a.

“Hetiang deuh hi tawng an awm fo tawh thin niin an sawi. Mahse an sawi ringawt hi thil
rintlak ber a ni em tih ch a chiang lem lo va. Keini thil tawn erawh hi chu leilung dan piah lam thil
a ni tlatin a lang. He thliarkar hi eng tiang taka danglam leh maksak nge kan hre lo va, hei aia min
tihrilhhaitu pawh kan la tawng dawn chauh pawh a ni zawk maithei a sin” tiin Albercht chuan a lo
tuihnih ve bawk a.

Bozenka chuan, “Ngawi teh u. Heng lai thing leh hnim tam zawk hi in hmuh \hin ang kha a ni
bik hauh lo ang. Hetia han en mai chuan danglamna em em pawh an awm chuangin a hriat loh naa,
thing leh hnim pianzia leh nihphung vel hi chu ka chik ve thei viau a nia. Chuvangin thing leh
hnimte hi an danglam bik riau a ni. Heng lai thing tam tak hian oxygen pe chhuak lovin boruak dang
an pe chuak ang a, chu chuan kan thluak hnathawhte hi a tidanglamin keimahni lamah chian lohna
min thlen zawk te a ni lo maw?” a ti ve thung a.

Albercht pawh chu rawn thu chhuak ve tawhin, “Chu pawh chu thil ni thei tho a ni. Amazon
ngaw-a thing upa tak pakhat pawhin oxygen pe chhuak lovin mathane gas a pe chhuak an ti tlat a
sin” a rawn ti ve leh a. Thuram chuan, “Chu chu thil ni turah lo ngai ta ila engvangin nge kan thil
hriat leh thil dik lo nia kan hriat dan hi a inan put si. Hmunhma lo insawn daih ang te hi?” a lo ti leh
bauh a. Bozenka chuan, “Vawiin lamah pawh hawizawng (direction) kan hriat dan a inan hauh loh
kha. Chubakah kan thil hriat dik loh dan inang vek pawh nise la kan rilru tibuaitu a awm a nih chuan
thil awm thei lo chu a ni chuang bik em ni?” a lo ti let ve a. Thuram chuan, “Ka hre lo le. Engpawh
ni se la thil dik lo a awm chu a ni phawt mai. Hei hi kan hre chhuak thei lo a nih chuan he hmun
a\ang hian himdama kan chhuah leh ka ring hauh lo” a lo ti a.

“Chu ti zawnga ngaihtuah chu a fuh ber lo maithei. Mite paw’n thil mak leh dangdai pui pui
te, hlauhawm leh khirh tak tak te pawh an lo tawn tlang ve tawh thin a, keini paw’n hei hi kan
hmachhawn tur a nih chuan thuak fim takin kan hmchhawn a ngai ang. Khawvelah mihring aia thil
siam roui a awm chuang hlei nem” tiin Frank chuan Thuram chu a lo kalh a.
 Albercht chuan tui a in khawlh khawlh a, chutah, “Ka beng te hi a chiang lo ruai vek tawh a
ni. Eng thawm emaw ni ri vung vung leh a changa ri thluk thluk hi ka hre leh thin. Ka beng kiu mai
mai nge ni” tiin a muzal leh a. Bozenka chuan, “Kei pawh vawiin nileng khan ka hre reng a sin. A
changin a reh leh deuh a, a changin a rawn ri leh thin. Ka beng lam dik loh vangah ka lo ngai ve mai
a, nang pawhin i lo hre ve tho a ni maw?” tiin a lo tuihnih ve vat a. Midangte pawh chuan an hriat
thu leh an beng chhe ri mai ni tura an ngaih thu an swi ve vek a. Thawm chu khawi lam a\anga lo
chhuak nge tih chu tuman ngaihdan an siam thiam lem lo.

BUNG LI-NA

Bozenka chuan an awmna thliarkara thing leh hnimte chu chiang leh zualin a chik deuh
ngat ngat zel a. Mahse thil dang han hriat belh em em a nei thei chuang lo. Thuram chuan thei rah,
artui tiat vel hi rawn ken va va pah chuan, “Hei hi ei mi a nih hmel riau. Eng thei nge i hria em?” tiin
a rawn zawt a. Bozenka chuan lo laksakin a hriat ngai bik loh thuin a chhang a. Thuram chuan, “A
rim chu a tui khawp mai a; a ei chiin ka ring tlat” ti chung in a hnim a hnim a. a nui leh kur kur thin
a. A hnim lehthin a, a nui ta nghek nghek a. a nuih a za tulh tulh a, a nui reh hlei thei ta hauh lo va.
A chauh hnu pawh chuan a nui zel tho a, chau hnawpin, din pawh ding thei lova thu hnawk chungin
a thei ken lai chu a nuih chiam chiam mai a. Frank chuan a thei ken chu a rawn laksak vat a, a paih
ta daih mai a.

Thuram-a nuihza insum thei lo hrehawm ti bawk si chu tihngaihna teh viau an hriat loh
avangin Frank leh Bozenka chuan an en ringawt a. A nuihza reh hun an nghak a ni ber e. Rei fe
hnuah chuan Thuram pawh chu chau hnepin leiah a mu tawl mai a. A nuih za chu a rawn reh ve tan
ta a, chumi hnu chuan a rawn pangngai ve leh thei ta chauh a. A nuih tawp hnu chuan a ngawi hle
hle a, a chau hle tih a hriat mai.

Frank chuan Bozenka hnenah chuan, “Nitrous Oxide hnathawh nen a va inan hmel ve?” a tih
chuan Bozenka pawh chuan, “Kei pawh ka rilru-a lo awm chiah a ni. Laughing gas hi mi thenkhat
chuan an thihpui hial reng a sin. Mahse engtin nge thei rahin chutiang chemical a pai theih ang?” a
lo ti let a. “Chu tak chu alawm ka zawh duh che. Nangpawhin heng laia thing leh hnim hi a danglam
tih i sawi kha”, a lo ti a. “Ni e. Dik tak chuan henglaia thing thenkhatte hi thing tak tak nilovin
mihring thiamna hmanga siam an ni thei ang em? tih hi ka rilruah a awm daih tawh zawk a sin” a lo
ti a. Frank chuan, “He thliarkar, tuma tlawh pawh lohah hian mihringin thing an va siam chawp em
dawn em maw ni le?” tiin Frank chu a lo nui hak a. “Chu tak chuan a nia ka rilru tibuai ni. Mihring
chenna hmuna mi chu ni hlawm se mihring thiamna hmanga thing lem, nung ve tho si an siam
chawp angah ka ngai ngei ang” a lo ti a.

Puan in lamah chuan Albercht leh Moore chu mahni buai buaiin an lo buai ve hle a. An puan
in te chuan rei tak daih lo mai thei a nih avangin an zavaia an lenna tur buk an sa \an a. Chumi pah
chuan an tui thianghlim in tur tuipui a mi tui an chawisa chu an thlawr reng bawk a. Tui an chhuang
so a, chumi hu chu an tidai leh a, chumi tuia chang leh chu an dawh khawl ta thin a. An tui an
chhuan kang meuh chuan an chhuanna bel mawngah chi khawn a tling tun mai bawk thin a ni. Anni
pahnih hi Albercht-a dam loh avang leh More pawh a la chiangkuan zan loh avanga buk nghaka an
dah a ni a. Midang pathumte chu Blake-a ngaihven tura chhuak leh kha an ni.

Ruam rai zawl deuhah Frank te pathum chu an lut thla a. Chu hmun chu a boruak a dang zar
mai. hnim hniamte te a to sung mai a. Bozenka chuan chau deuh ngulh leh vai ruai hian a inhria a,
a thawk te pawh sak riauvin a hre nghe nghe. A thiante hnenah chuan engmah a sawi lem lo, a rilru
erawh chuan eng emaw tak thleng dawn niin a hria a. Frank chuan, “Heng hnimte eng i hre chiang
em? He lai boruak hi a dik lo tawp mai”, a rawn tih ve takah chuan Bozenka chuan amah chauhin
boruak danglam chu a hre bik lo tih a hria a. “Ni e, he hmun hi kalsan vat teh ang u. Kei pawh
boruak hian min tichauvin ka meng tha hlei thei hauh lo a nia” a rawn ti ve a. Mahse chu hmun chu
an kalsan hlei thei ta tlat lo mai. An kalsan thui tawh viau emaw an intih laiin an kual an kual
ringawt hi a lo ni a. A thahrui leh theihnain a tlin ta ngang lo va, Bozenka chu a thu hnawk a. A bulah
chuan Frank leh Thuram pawh an rawn thu ve a. An thu chiah chu an muthlu nghal deuh lawp lawp
a. Frank chuan a theih tawpa insang mar leh inthing harhin a tho a, “Heti ngawt chuan a dik dawn
lo tawp mai, hei tui hi in ila i kal leh vat teh ang u” tiin a thiante chu a kuah ding hram hram a. Tui
an in chuan tlemin an harh leh ta deuh a.

Yard sawmnga vel an kal leh chuan hmun fai han maiah hian an lut hlawl mai. Chutah chuan
hnim to reng reng a awm lo a. a lai takah hian thing lian ve angreng tak hi a ding a. Chu thing an
hmuh chuan an pathum chuan an te rual thawt a. Chu thingkungah chuan Blake hi a kea lei rap miah
si lovin thing hnungpua zawng chuan a lo bet vu mai a. A tukhum lam leh hnungzang leh kut te chu
thing nen chuan a inzawm vek bawk. A taksa thenkhat chu thingah chuan a chang dawn ni mai awm
a ni. Thuram chuan pai deuh chawn chawn chungin Blake chu chu a va pan a. Chu veleh Bozenka
chuan, “Ni lo, Ding rawh!” a lo ti tuar a. Mahse Thuram chuan Bozenka thusawi chu hre awm ang
paw’n a lang lo. A kal chhunzawm zel tho a.

Thuram awm dan Frank-a’n a hmuh chuan a tlan vak a, Thuram chu a va pawt phei a, tluk leh
din fawmin Bozenka awmna lamah chuan a kai phei chawn chawn a. Bozenka bul an thlen chuan
Frank leh Thuram chu an tlu tawp a, engmah an hre zui ta lo.

Bozenka pawh chu a chau ve hle tho mai. Mahse a harh awm chhun a nih avangin mutthluk
ve mai a hlau hle a, tui a in leh khawlh khawlh a, Frank leh Thuram pawh chu tulhin an hmaiah te
chuan a lei bawrh bawrh a. Anni pawh an rawn harh ve leh thei hram hram chauh a ni. Chu hmun
hlat lam chuan theih ang angin an kalsawn hret hret a, an tui neih chhun pawh tunah chuan an
hmang zo vek tawh. He hmun hi tihpalh thil thu pawha an lut leh a nih chuan damin an chhuak thei
tawh lo mai thei. Mahse vanneihnain a la tlansan bik lo a nia nge - him takin an chhuahsan thei ta
hlauh mai.

Tunah chuan boruak pawh a pangngai ve leh ta a. An kalna kawng ngai zawhin an kal zel a,
pangngai takin an titi ve leh thei ta. mahse an thil tawn avang chuan an ti deuh hru tawh a, eng thil
nge an tawn leh dawn pawh hriat a ni si lo va, fimkhur takin an kalna kawng lam zel an zawh thei
a. Frank chuan Bozenka hnenah, “Kha tiang thing, mihring man thei kha i hre ngai em?” tiin a zawt
hlawl mai a. Bozenka chuan, “Ka la hre bik hauh lo mai. Hnim te hovah chuan, heng venus fly trap
te, pitcher plants te drossera te hi ran nung ei chi leh man thei chi an ni mai a, mahse chung ho chu
mihring tana hlauhawm tham an ni si lo. Mahse...khaw’ nge Thuram hi, Thuram! Thuram! Sulivian!”
a ti tuar tuar a. Blake chuan a hnungah a la rawn zui ve reng emaw tiin Thuram chu a lo ngauhtuah
chang lem lo va, Mahse Bozenka chuan a awm lo tih a hriat takah chuan ani pawh chuan a ko ve
tuar tuar a.

Blake chu an zawng leh ngial a, a hnuhma emaw reng reng an hmu lo. Awrawl tawp tawpa an
koh pawhin anmahni rawn chhangtu awm lovin thehmeh ang maiin a reh hmak mai bawk si. An
beidawng kher mai.

Ni pawh a hniam leh tak viau avang chuan buk lamah an leh leh ta a. Harsatna engmah tawk
lovin an kalna lam an chhui zung zung thei ta a. An buk an thlen chuan Albercht leh Moore chuan
an puan in te chu zai thlera zawm lehin a hma aia zau leh nuam zawkin buk an lo sa a. a rel pangngai
tak an siam bawk avangin duh ang tawkin an khawsa thei deuh tawh ang chu.

“Khaw’nge Thuram?” Albercht chuan a lo ti vat a. Frank chuan Thurama bo dan leh an zawn
hmuh zawh leh dan te chu a sawi zung zung a. Buk thara an awm theih vek takah chuan nuam pawh
an ti ta deuh a, Frank leh Bozenka pawh chuan Moore leh Albecht chu damsam lo chung chunga
chutianga hna an lo thawk thei chu an fak luam a, an ri deuh hlut a.

Buk chhungah chuan eng eng emaw an sawi khawm a. Thuram-a an hmuh zawh loh thu te an
sawi chuan Albercht leh Moore pawh chuan mak an ti hle a. Moore chuan, “Chutia Thuram a bo leh
tak si chuan a dawt lehah tunge bo leh ang? He hmunah hian a mal malin kan thi vek dawn a nih hi.”
a lo ti bul bul a. Frank chuan, “Thi lo ve. Thuram pawh a thi turah ka la ngai chuang lo, kan inhmu
leh em em ang” a lo ti a.

An ngawih vang vang hnu chuan Frank bawk chu rawn tawng ve lehin, “Vawin chu hmunhma
insawn ang kha kan hre miah lo nia! Niminah lem kan tawng nasa hle si a”, a lo ti a. “Ni e, a mak hle
mai. Niminah khan khatiang khan kan buai nuaih si a, engvangin nge vawiin lamah chutiang chu in
tawn leh si loh. He lamah pawh More nen chuan engmah harsatna leh thil dangdai sawi tur kan
tawng hauh lo mai” Albercht chuan a lo ti ve bawk a. An ngawih rauh rauh hnu chuan Frank chuan,
“Ngawi teh u. In ngaihtuah ve em? Nimin lama thil ri vung vung leh khawl ri tluk tluk kan hriat ang
kha kei ka hre hauh lo mai. Nangni in hria em?” a rawn ti hlut a. Bozenka pawh chuan, “I sawi takah
chuan, kei pawh ka lo ngaihtuah miah lo va, ka hre tawh miah lo nia!” a lo ti a. Moore chuan, “Chuti
chu hmunhma insawn leh thil danglam thut thin kha kan bengchhe ri emaw tia kan hriat thin nen
khan inkungkaihna riau a nei a ni mai lo’ng maw?” a lo ti ve ha a.

“UFO hi a awm tak tak in ring em?” Bozenka chuan a thiante en kual dan dan pah chuan a ti
a. Albercht chuan, “Rin leh rin loh ngaihna pawh ka hre lo. I sawi takah chuan he thliarkar hi alien
te’n an thunun vek a ni thei mai lo maw?” a lo ti thuai a. Moore chuan, “Kei pawh in sawi takah
chuan ka ring ta deuh tlat mai. Alien te hian tunah te hian kan awm tih an hre reng ang a, an duh duh
danin min thunun te hi a ang riau mai ka ti. He hmun hi tuman damin kan chhuahsan ka ring tawh
miah lo tak tak,” a lo ti a. Frank pawh chuan, “UFO hi a awm tak tak a ni tih tuman an hre chiang bik
hlei nem. Kei chu chu ai chuan thil dang eng emaw ka la ring zawk tho mai. Han sawi fak tur ka hre
bik lo na’ngin” a lo ti a.
 Frank vek chuan, “Blake-a thih dan pawh kha alien tih chu a nih a rinawm lem loh khawp si
a, chuvang chuan alien te thunun a nih rin chu har ka la ti deuh a ni. Bozenka, thing chungchang ka
zawh che kha i la sawi zo lovin ka hre tlat; han chhunzawm leh teh. Mihring tana hlauhawm tur,
Blake a mantu ang kha thing hi khawvelah a awm reng em?” a ti leh a. Bozenka chuan, “Awm chu
awm tho e, mahse carnivourous plants-in rannung a man anga mihring man bet chi chu an ni chiah
lo. Blake-a thihna ang thing te kha chu record a la awm lo hrim hrim bawk” a lo ti a. Albecht pawh
chuan, “Chung mihringte thihna thlen thei chu eng thing nge ni reng reng . Blake mantu nen chuan
inanna pawh an nei tho lo maw?” a lo ti hram a.

Bozenka chuan, “Ka hre lo le. Zirchian fe chuan an nei mahna. Caribean leh Gulf of Mexico
velah khuan thing hlauhawm tak mai Manchineel thing an tih a awm a. Chu thing chu a peng zawng
zawng a hlauhawm a ni vek mai. A hnaite hian mit a ti delin vun te a ti durh vak thei a. Ruah sur laia
a thlite thleng pawh hian mi a kang durh vak thei a ni. A rah ei phei chu thih ngei ngeina a ni e an ti.

“India rama suicide tree an tih pawh hi thing hlauhawma sawi ve thin a ni a, tur chak tak a pai
nia sawi a ni Heng bakah hian far chi khat Banyan pine an tih leh Hemlock tree an tih te pawh hian
tur an pai niawm tak a ni. Mahse hengte hi ral a\ang hlauhawm tur khawp engmah an pai lo va,
khawih emaw, ei emawa hlauhawm an ni. Manchineel thing hi a halna khu pawh hip ila thihna a
thlen thei bawk a, Blake-a mantu ang hi khawiah mah hriat a la ni lo.

“Blake-a mantu kah chuan eng boruak chia emaw a pai niin a hriat a. A bawr vel kan ka
ringawt pawh khan kan chau hluah hluah a nih kha. Khang lai bawra kan chauh em em chhante kha
kha thing hnathawh vek kha niin a lang” tia a sawi chu ngaihnawm an ti hlawm hle. Frank pawh
chuan, “Kei pawh chu chu ka ngaihdan chiah a ni” a lo ti ve a.

Zan mut hmunah chuan Frank chuan an thil tawn te chu a ngaihtuah nauh nauh reng a. Tunah
chuan Dolph-a tirh chhan leh an mission chu tihhlawhtlin rual a ni ta lo chu pawi a ti hle. A
mawhphurhna hlen lova a awm tur chu a ngaithiam thei lo kher mai. Dolph-a thliarkar sawi kha
khawiah nge an hmuh leh theih ang tih chu hriatthiam chi rual a ni ta lo. Kha thliarkar kha Atlantic
tuipui hmar lama awm niawm tak khan a sawi a. Tuna an awmna erawh hi chu an chhut thiam dan
berah pawh Atlantic tuipui chhim thlang lam a ni loh vek pawhin Pacific tuipui Chile leh Peru
thlang lam deuh lawka awm angin an chhut tlat mai bawk si.

Thil hriat chhuah zawk a nei a, Dolph-a chamber atanga a log book hmuh a kawl tak kha a
ngaihtuah a. A ruckshack-a a dah kha a ni a. Lawnga a chhiar bak kha a la phawrh leh hauh lo tih a
inhre chhuak a. Thawm dim takin a tho a. A torch hmang chuan a chhiar leh thuak thuak a. He log
book ziaktu pa thil tawn leh thliarkar mak leh dangdai, a thil tawn engkim buai nuai mai a ziah te
chu a chhiar nawn leh a.

Dolph-a’n chu thliarkar thawnthu a hrilh, a michengte thil-hriat-loh hnena inhlanna leh thing
chungchang a sawi te kha a ngaihtuah nawn vang vang a. Khata a thing sawi leh tuna an hmuh,
Blake-a mantu thing hi a inang awm hlein a ngaihtuah chhuak a. Chubakah an thil tawn leh a log
book ziaktu pa thiltawn te hi inanna riau a tam hlein a hria. “He thiarkar ngei hi a nih hi” a ti chhuak
phawng mai a.
 Albercht pawh a lo la muhil lo chu niin, “Eng chu maw i sawi, he tliarkar hi i hriat hnu em
ni?” a lo ti vat a. Frank chuan, “He thiarkar hi kan thliarkar zawn ngei chu a ni tih ka chiang a ni.
Dolph-a thusawi leh log book-a thu inziak ka hrilh che te pawh kha kan thil tawn nen hian a inzul
vek tih ka hrethiam ta” a lo ti a. Bozenka pawh chu rawn harh ve lehin an thusawi chu ngawi rengin
a lo ngaithla a, Moore erawh chu a la hrar suk suk a.

Albercht chuan, “I sawi takah chuan thil ni thei a nih chu. He thliarkar ngei hi kan zawn chu
a nih hi. A nih chuan kan hlawhchham lo tihna a nih chu tiraw? Mahse hetiang ang thliarkar maksak
leh hlauhawmah hian engvangin nge Dolph hian min tirh ang?” a lo ti a. “He thliarkar hi tuman an
la tlawhpawh ngai vak lo niawm a ni a, Dolph hian a thuhnuaia a dah theih a inbeisei ani ber mai.
Chu bakah hetiang tak hian thil kan tawng ang tih a hre pha bik hauh lo vang” a lo ti a. Ngawi renga
an titi lo ngaithlatu Bozenka pawh chuan, “In thil sawi chu ka hrethiam lo hle mai. Engtin nge he
hmun hi kan thliarkar zawn kha a nih ngawt theih ang? A awmna hmun leh tuna kan awmna hmun
hi a inpersan deuh lo maw?” a lo ti ve charh charh a. Frank chuan, “Tuna kan awmna hmun hi
khawi lai nge kan hre chuang miah hlei nem” a lo ti ve leh mai a.

BUNG NGA-NA

Horus Sebastian chuan a hna ngai chhunzawm leh turin a \huthmun chu a rem fel leh vang
tawh a. Nizan lamah khan file dangdai zet khan a ngaihtuahna a luah deuh tlat reng a. A tana
pawimawhna nei pawh ni hlei lo - engati nge a rilru a luah tlata hriat chian a chak tlat leh si? Chuti
taka a rilru a la peng chu mak a tiin a ngaihtuah neuh neuh kha a ni a. Office tirhkahin a rawn lam
lo a nih chuan chhun chawlh paha belh chian leh deuh a tum rilru a ni.

Tunah chuan a hna \ul zualpuite chu a kawih fel duak tawh a, chhunchawlh hun a nih chuan
kha file kha belh chian leh deuh a’n tum a. A dawhkan leh drawer zawng zawngte a en kim vek hnu
pawhin a hmu zo ta reng reng lo mai. Niminah khan office a\anga haw tlai ber a ni a, vawiin lamah
lah tuma thlen hmain a thleng leh bawk si. Tumah a roomah hian an lut ngai lo va - office tirhkahin
file vel a rawn daha a dah chhuak leh \hin tih mai loh chu. Nimina a dahna kha a hre chiang hle si
a; engtin nge tunah a awm loh ngawt theih? File dang leh lehkhabu dang zawng zawng chu nimina
a dah ang ang khan a ngai ngaiin a la kim vek lawi bawk si. A ngaihna a bangbo kher mai.

Director Dragos chuan zin hah pawh sawi thei lovin a zan a zanin Office lam a pan a, a hna
pending lohtir hram a duh avangin amah chauhin a office-ah chuan a thu ngar ngar a. A
ngaihpawimawh leh a kal chhan ber zawk file pakhat chu a hmuh mai loh avangin a inhai buai
chiam a. A awmna tur angte a zawn chiam hnuah Simpson-i khan file thenkhat chu Sebastian-a
kutah a transfer tih a hre chhuak a, khami zingah khan a tel ve a nih a ring ta a. Sebastian-a room
kawngkhar chu a chahbi kawl lai chuan a hawng a, a file duh tak chu a lo awm ngei a, a keu thuak
thuak a, engmah kawih danglam a awm lo tih a hriat chuan room chu a chhuahsan leh ta a. Chu chu
Sebastian chuan hria se la chuan tunah hian a file zawn lai chu a awmna a hre mai tur.

Sebastian chuan a file zawnna lamah chuan a dawhkan hnuaia lehkha them lo awm chu a
chhar a, Istanbul atanga Bucharest kalna ticket a lo ni a, Istanbul a\anga lo zin an awm reng em ni,
engtia he thil hi a office chhunga lo awm ngawt nge tih a hrethiam lo ngei mai. Tunah chuan a rilru
a buai ta takzet a, thil engkim hrethiam tain a inngai. Kha file kha thil pawimawh tawpkhawk a ni
ang a. Turkey ram atanga lo hretu awm vein chu chuan a office hi luhchilhin a la bo ta a ni ngei ang.
Tunah chuan kha file kha Istanbul-ah a awm vang tawh dawn a ni tih te a ngaihtuah a. A thuhrimah
engtia a dawhkana lo awm mai nge a nih a, engati nge Istanbul daih a\anga a ru tura an rawn kal tih
te chu a hrethiam lo hle a ni.

*************

“Lawng! Lawng! Lawng! Lo kal r’u saw lawng a lo kal a nia” tiin Bozenka chu a \e chel chul
mai a. A au thawm hriain Moore chu an buk chhaka hmun pawng deuha Bozenka bulah chuan a
chho vat a. Ani pawh chuan laawng lo ka mek chu a hmuhin, “A lo kal tak tak tak a nia, saw kan
lam panin a lo kal zel” a ti ve chul bawk a. Frank leh Moore pawh chu chulai hmunah chuan an chho
ve nghal a. An piah hla fea tuipui chunga lawng lo kal phei mek chu an thlir thap a. Albercht-a lawm
lutuk chu a \ahnuih lo chauh a, a ri hawk hawk mai. Moore pawh chuan Bozenka chu a kuah thlawp
a, “Tunah chuan damin kan haw leh thei dawn ta! Lalpa ka lawm e!” a ti a, a nui hawk hawk a.

Lawng chu a lo hnai zel a. Tunah chuan yard za leh sawm nga vel leka hlaah a awm tawh a.
Albercht chuan, “Saw a lo hnai tawh lutuk. Keimahni min rawn lam dawn a ni chhiang mai. Engtin
nge helai hmunah hian kan tang tih an hriat theih zawk le? Dolph-a’n a rawn tir a nih ngei saw”, a
ti a, a hlim kher mai. Mahse chutia an en reng lai chuan yard za vel lek a hlaa a la awm laiin tuipui
chhungah a pil riai riai a, Bozenka chuan, “Saw, a pil dawn!’ a lo ti tuar a. Lawng chanve chu a pil
ta. Tumah tawng nachang pawh hre lovin an thlir \hap ringawt a, a pil riai riai zel a, chutia an thlir
reng lai chuan lawng pumpui mai chu a pil ta vek mai. An hlimna leh lawmna leh beiseina zawng
zawng chu a bo leh ta. Tuma’n engmah sawi tur an nei tawh lo. Frank-a ngei pawh chuan sawi tur
nei lovin lawng pilna zawn chu a thlir tlawk tlawk ringawt mai a ni.

Buk lamah chuan an inzui thla leh ta dam dam a. Moore chuan buk chhunga thut hnawk
pahin, “Tunah chuan beisei tur kan nei ta lo ve. He hmunah hian kan thi vek dawn a nih hi” a ti
chuai raih a. Frank chuan, “Moore, chutiangin thil ngaihtuah suh. Kan thawk chhung chu mihringin
beisei tur kan nei tih hriat reng zawk tur. Eng pawh tawng dawn i la, huaisen tak leh rilru fim taka
hmachhawn zel zawk tur a ni. Beiseina kan hloh chuan damchhan tur kan nei lo tihna a ni a, nun
kan hloh daih tawh zawk tihna a ni” a lo ti a. “Eng nge hmunah hian beisei tur kan neih tawh
chuang? He mual kan thlen hma hauhin kan lawng captain a thi tawh a, tunah Blake leh Thuram. A
dawtah tu emaw ber hi kan inhloh leh dawn chiang a ni”, a lo ti a. “Ni lo, Chutiang zawngin
ngaihtuah suh. Tawngkam pawh chu lam hawi zawng chuan vawi khatmah cheh tawh suh ang che”
a ti a, a aw pawh a vin lek lek tawh. Moore pawh chu a ngawi ve ta a.

Bozenka chuan buk pawn atangin buk chhunga awm Frank chu zawi fiah tak si hian a rawn
ko a. Frank-a pawna a chhuah chuan Bozenka chuan, “En teh ni khi. Nimin zinga a chhuahna lam
nen a danglam daih mai. Nimin kha chuan buk kawngka zawn atangin kan dinglam hretah hian a
rawn chhuak a nih kha. Tukinah chuan hei kawngka zawn atanga kan veilam sirah a chhuak daih
mai”, tiin Frank chu a melh a. Frank pawh chuan, “A va mak tak ve! Tuk khat thil thuah hetiang tak
hian ni a inher danglam ngai lo a sin! Chubakah tun ang hunah chuan ni khi kan ding lam zelah a
inher hret hret zawk tur a ni. Thil dik lo eng emaw tak zawng a awm a ni” a lo ti a. Buk chungah
chuan Moore leh Albercht chu eng eng emaw khawihin an buai a, engmah an hre ve lem lo. Ni a lo
tlangsan deuh chuan ni chhuahna a danglam tih pawh a hriat vak tawh lo zawk a.

**************
Sebastian chu a hna a laklawh em avangin a thawhpuite paw’n an hriatpui lem loh chuan zan
rei thleng office-a a dawhkan hmaah chuan a bur ngar ngar a. A file khawih lai te pawh chuan file
dangdai tak, a dawhkana a lo awm ringawt leh a hnua a bo leh ta daihte chu a ngaihtuah nauh nauh
a. Kha file kha tunah chuan Istanbul khawpui khawiah emaw chuan a awm ngei turah a ngai nghet
tlat a ni. Engtin nge a room-ah a awm tih an hriat ang a, enga tan nge an tih ang? Chutiang khawpa
pawimawh chu eng tak ni ang maw? tiin hriatchian a chak leh hle a. A kuta a awm lai khan a lo
belchiang deuh lo kha a inchhir leh hnunawh rum rum a ni. Miss Granger-i pawh khan kha file
chungchang kha a hriat loh thu a hrilh a nih kha. Khatianga lehkha pawimawh a dawhkana a lo
awm a nih chuan atan thil pawi te a thleng thei ang em? tih te thlengin a ngaihtuah a.
Zan a rei ta hle mai. An Office leh a vel te pawh chu a reh ruih tawh a. An Office awmna hi
Bucharest khawpui daifem hmun reh laia awm a nih bawk hrim hrim avangin tun ang hunah hi
chuan mi veivak hmuh tur an awm lo pawh chu thil mak a ni hran lo reng a ni.

In hnuai lamah eng thawm emaw awm tlata hriatna a nei a, ngun taka a ngaihthlak chian
chuan an room hnuai lampangah \awng thawm a awm tih a hrethiam mai. Kha file kha a kuta a lo
awm avang khan file chungchang hretute hian amah hi an tum emaw ni chu aw ti te’n a ngaihtuah
rauh rauh a, a fimkhur ru hle mai. A chunga thil lo thleng tur lo sakuh ser nghah ngawt chu dikin a
hre ta lo va. Thawm dim thei ang berin inhnuai lamah chuan a chhuk a. an office hnuai pindan,
engtik lai maha inhawng ngai lo chu a lo eng kulh mai. |awng thawm pawh a hma aia chiang chuan
a hre thei tawh a, mahse eng nge an sawia eng nge an tih a hre thei lo.

Chu in hnuai pindan chu thawm nei hauh lovin a kal hual a. Vanneih thlak takin char lam
tukverh chu tlem a inhawng deuh a, boruak luh nana hawng deuh pawh an ni mahna. Chuta \ang
chuan tukverh puanzar chu chhete keu kau de de-in a bih dek dek a. Mipa panga vel hian parcel tam
tak hi an lo rem a. An bulah chuan Director Dragos chuan a dwahkan a\anga file bo ta, Istanbul
lama awm daih tawh tura a ngaih kha lo kengin eng eng emaw a ziak zauh zauh zel bawk a. Mi dang
ho chuan parcel chu hmun thumah an chhep hrang thliah thliah zel bawk a. Hmun khata an chheh
hranah chuan ‘I’ tih a inziak vek a, Hmun khat dang lehah chuan III tih a inziak leh vek bawk a. A
pathumnaa inziak chuan a mit a la ta zar mai, chutah chuan parcel tinah chuan ‘To Valota’ tih a
inziak vek a ni. ‘Valota! Valota’ chu thu chu eng nge a nih a, engtihna nge a hre hauh lo. Tuna room
chhunga ding mek an hotupa ber lehkha kenah pawh sawn a kawmah ‘Valota’ tih chu a inziak ngei
a nih kha. A dawhkana a awm lai khan chiang takin a hria a, a mitthla a\ang hian lak bo theih a ni
tawh kher lo vang. ‘Valota - Insula Plutitoare’ tih chu tunah pawh chiang takin a mithla thei. ‘Insula
Plutitoare’ chu tih chu an mahni \awng ngei a ni a, a awmzia pawh a hrethiam hle, mahse eng an
tihna nge nia eng nge a pawimawhna ni ang tih chu a ring thiam pha lo hle. Room chhunga mite
chuan an hna an zo dawn hnai niin a lang a, fiah tak si ring chuang miah si lo hian Director chuan,
“Nilaini zanah a lo thleng leh ang” a ti ringawt a. Thawm dim tak bawkin Sebastian chuan a awmhmun
chu a kalsan ta a, Office-ah pawh lut tawh lovin in lam panin a haw ta vang vang a.
 Mut hmunah pawh chuan a thil hmuhte chu a ngaihtuah neuh neuh reng a. Parcel kha eng
dahna nge ni ang? Hei leh chen hi a hna hi a lo thawk ve tawh a, mahse kha thil a hmuh ang kha a
la hre hauh lo. An hnathawh nen hian inkungkaihna a nei ang em tih te a ngaihtuah neuh neuh a. A
chhanna chu tuman an hrilh dawn lo tih a hre chiang hle - a ruk thei ang bera an thil tih a nih
avangin. Engvangin nge zan rei tawh lamah thawm dim tak leh a ruk a rala thil an tih? An hnathawhna
hmun a ni a Director pawh hian engvanga hetiang thil hi hrilh lo nge a nih? A tan hriat vea tul lo a
ni ber ang chu. Mahse chu tak chuan hriat a tichak zual hle si a. Thil dik lo awm tlatin a lang. An
hnathawhte a ngaihtuah hian an office hian eng nge hlawkna tur a thawh chhuah? File khawih
ringawt avangin engtin nge sum an thawhchhuah theih? An hlawh lah chu sawrkarin a pek aia tam
Director Dragos hian a pe thei a ni si a? Heng hi engtin nge a neih theih? Sumdawnna lam thil a
khawih an hriatpui si lo. Zawhna a va tam tak em! Director khan Nilai zanah a lo tlen leh tur thu kha
a sawi zauh a nih kha. En thlak leh chi a ni ang em? Hriatchian chakin a tuihal huam huam a ni ber
tawh. Zinglam khawvar hmain a muhil ve ta \awk a.

Director chuan, “Mr Horus, England-ah ka zin dawn a, Tuna ka file khawih hi a tih dan ka
sawi thuak thuak ang a, i kutah ka dah mai dawn a nia” tiin Sebastian chu a roomah a ko lut a.
Sebastian chuan chu hun remchang chu tangkai thei ang bera man a tum ru hle. Director room-ah
chuan thil an inhrilh zung zung a, chutih lai chuan room chhunga thil awm dan leh kha file awmna
kha a mitsirin a melh pah reng a. mahse thil tangkai tur leh hmasawnna hmuh belh tur a nei lo hle
mai.

Sebastian chu a hmaa a tawm rukna tukverh bul thim chinah chuan a tawm leh khar tawh a. A
mi nghah chhuah turte chu lo thleng har a ti tawh hle. Darkar khat zet a tawm hnu chuan a beidawng
rum rum tawh a. Director ber England-a a zin daih si chuan an \hulh leh a nih ringin a \hutna a\ang
chuan a tho chuak ta nge nge a. Mahse chutih lai tak chuan thawm a rawn awm ta tlat mai. Kawngka
chu a inhawng rak rak a, inchhungah chuan pen lur \hap \hap thawmin a zui nghal bawk a. Tun
\umah chuan mi paruk lai an ni tawh nghe nghe. Rang takin a \hu leh nghal a. Hman zan ang bawk
khan a awmna bula tukverh chu tlem tein an rawn hawng leh nghal bawk a. A rawn hawngtu chuan
thil hmuh nei niawm takin a hawn kau sa kalsan a tum deuh uk tawh chu a aia zauva rawn hawng
lehin tukverhah chuan a dak vung vung a. Sebastian chuan a rawn hmu emaw tiin a thin a lo phu dut
dut hman hial a, mahse engmah a hmuh tak lovah chuan a lut leh ta a.

A hma ang tho khan parcel bawk an buaipui leh a, Director pawh chuan a lehkha ken ngai
bawk kha a keng leh a, Sebastian chuan Director a hmu leh chu mak a ti kher mai. Zin tur ang khan
a insawi a, a zin turah a thawhpuite paw’n an ngai vek kha a ni si a. Mahse enga ti nge an hnenah
dawt a sawi a, zin tur anga a insawi kher ni? A ngaihna a hre lo hle. Mahse chu lam chu ngaihtuah
thui duh lovin an thil tih lai chu a ngaihtuah leh ta zawk a. A hma ang tho khan parcel pawh thliar
hrang lehin parcel tinah chuan thil an chinchhiah leh bawk a. Mahse a hmaa inziak ang lo deuhin
POT-III aiah POT-II a inziak ve thung a.

Chutia a en reng lai chuan chumite chu an inhnial ta chiam mai a. Director pawh chuan a khap
\hin naa a khap hneh lo a ni ber mai. An \awng a hriatthiam loh avangin eng nge an sawia engvanga
inhnial nge tih pawh a hre lo. An parcel rem pawh an zawh hmain an chhuak ta diak a. Director
pawh chuan tihngaihna tak pawh a hre bik lo a ni ang, eng emaw chen a din vung vung hnuah eng
zawng zawng a tithim vek a, kawngka a kalh a, a chhuak ve ta a.

An zinga pakhat khan tukverh a hawn chu an hrechang tawh lo a ni ang e, kalh tawh lem lovin
an kalsan ta diak kha a ni a. Chu chu Sebastian-a beisei phak loh lutuk mai a ni. Chu hun remchang
chu bawhbelh a tum lo hle mai. A hnu feah chuan tukverhah chuan a lawn lut a. A torch ken chuan
chung parcel te chu a’n en chiang a, adhesive tape-in a inchar thlap vek a. A thil hriat chak ber ‘To
Valota’ tih inziahna pakhat chu a charna a phelh a, kut khur dar dar chungin a keu hawng dek dek a.
Chutah a’n hawng chu ei tur chi hrang hrang hi a lo ni a. A rin ang a ni lo hle mai. He’ng ei tur mai
maite chu engvanga a ruk arala heti fakaua fimkhura pack leh dah \ha nge an nih chu a hrethiam
lovin a ho hlein a hre bawk si a. A phur ang leh ngaihdan hi a lo ni lo tawp dawn a nih hi tih a
ngaihtuah nauh nauh a. A charna ban a hih khawk chuan a ngai ang chiahin a charbel leh ta a.

Engpawh ni se a dang ho hi en ve leh reng reng teh ang tih rilru pu chungin hawn a’n tum leh
a. Mahse pawn lamah pen thawm a awm ta tlat mai. Parcel intiang phenah chuan a biru vat a.
Kawngka chu a rawn inhawng ta, ngun takin a bihthla kar a, Light pakhat chu a rawn êng nghal a.
Director chu a lo lut leh ta tlat mai. Parcel vel chu a en thuak thuak a, chutah chair pakhata a file
cover dah chu a la a, a chhuak leh ta mai a. Rei fe a ngaihchan leh vang vang hnu chuan ngaih\hat
lohna tur awmin a hre ta lo va a hmehen chuan ‘To POT-II tih inziahna parcel pakhat chu a’n hik
hawng leh a. Chutah chuan Bottle-in eng tui emaw ni sen duk khuih hi a lo awm tuar mai a. Thei tui
a nih dawn hi ti rilru chungin a dah leh a. ‘To POT-II’ tih inziahna pawh chu ei tur emaw in tur emaw
a nih leh tho ring chungin a’n hawng leh hram tho a. Mahse a hmehena a’n en chiah chu a hnungtawlh
dawrh thei hial a ni. A thil hmuh tum leh beisei loh lutuk hlir a hmu ta! Chu parcelah chuan mihring
ruh tih hriat reng, ban ruh leh ngal ruh vel te, khawi lai lai ruh emaw te a lo ni nuai mai. A mit a nuai
nawk nawk a. A thil hmuh chu a awih lo hial zawk a ni. Mahse chiang takin a hmu si. Chutah POT
II a mi chu a’n en nawn leh ngat a. Thei tui emaw a tih chu a’n hawn chuan thei tui a ni lo tawp tih
pawh a hrechiang ta. A rim a thang nghur mai a, mihring thisen a ni tih a hrechiang ta hle mai. A
awm a nuam thei ta lo va, a lu te a hai muai muai tawh mai.

Chu pindan chu rang takin a chhuahsan ta nghal a, engtik laiin nge in a thlen hman tih pawh
a hre chiang lo. In a thlen veleh a insil a, a mu nghal vang vang mai a ni. Mahse muthilh tum ngial
mahse a mitthlaah a thil hmuh chu a cham ngut ngut a, ngaihtuah loh a tum ngial thin a, a ngaihtuahna
a\ang a dah bo thei lo.

Valota, POT-I, POT-II, POT-III te hi eng nge ni ang le? POT-III a thawn tur parcel kha a hmu
lo kha a ni a, eng thil nge awm ve ang tih a ngaihtuah neuh neuh a. Valota tih leh pot hrang hrang te
hi hmun hrang hrang chu a ni phawt mai. Kha’ng thisen leh mihring ruhte kha eng atan nge an tih
ang? khawiah nge an thawn ang? Hriatthiam si loh hriat chak si a va ngah teh lul em!

*********

BUNG RUK-NA

Ngaw hmun thing din thulhna atanga mei khu lo chhuak nguai nguai chu an en vang vang.
Chu meikhu lo chhuahna lamah chuan beiseina chaurau tak nen chuan an kal leh ta. An rilru takah
chuan beisei tur leh mihring hmuh tur an awm lo leh mai ang tih chu an hlauthawng ru hlawm hle
tho mai. An hmaah eng nge lo thleng dawna eng harsatna nge an tawn leh dawn tuman an hre si lo.
He thiarkar dangdai tak hi tunah chuan thiarkar \ihbaiawm a lo ni zo tawh a, an thil tawn leh hriat
dan te hi anmahni pawhin an ringhlelin hlauhthawnna an nei hru tawh vek mai. Mahse chuahsan
dan kawng an dap loh chuan eng chen nge he thliarkarah hian an dam theih ang tih ngaihtuah ve
reng a ngai bawk si.

Tumah inbe lova rei fe an kal hnu chuan Moore chuan, “Thuram chu a la dam in ring reng
em?”tiin zawh bik pawh nei lo chuan a rilrua zawhna awm chu a rawn chhakchhuak phawng mai a.
Chu zawhna chu chhan a huphurhawm hle mai. Frank chuan, “Eng em a tawng lo turah ngai ila,
damin kan inhmu leh mahna” a lo ti a. Bozenka chuan, “A mak ngawt a ni. Khatia kan kal ho lai
renga a pen lai pawh hriat loha kan hloh daih kha. Eng emaw tak zawng a tawng a nih ka ring deuh
tlat”, a lo ti ve bawk a. Tuman han sawi leh ngaihna chuang an hre tawh lo. Ngawi rengin an kal zel
ringawt mai a ni.
“Thil ri tluk tluk chu in hre ve em? Han ngaithla chiang deuh teh u”, Albercht-a’n a tih chuan
ding meuhin thawm hriat tumin an ngaithla \hap a. Khawl ri niawm tak thil ri tluk tluk chu chiang
lo takin an hre \heuh a, mahse khawilam atangin nge chu ri chu a lo chhuah an hrethiam hauh lo.
Tlema hnim \o san lohna lai, hmun fai leh thengthaw deuh hleka an han din chuan an awmna a\anga
yard zahnih vela hlaah thing sang tak din \huau \huauna hmun chu an va hmu hlawl mai a. Chumi
ngaw chungah chuan mei khu a khu chho nguai nguai pawh an hmu thei ta. Hmanhmawh takin chu
lam pan chuan an kal hlawk hlawk a.

Chu hmun an va thlen chuan chu’ng thing din \hulhna hmun chu a lo thelh fai han mai a.
Fimkhur tak leh thawm dim takin an pan phei zel a. Thawm danglam a awm leh awm loh ngaithlain
an ding leh rih det a. Tichuan chu ngaw thelh han mai lamah chuan an lut phei ta a. Chu ngaw, ngaw
han tih dawna zau lem lo tak mai chu an pal chhuak vek a, mei khu chu sawi loh, mei chhemna
hnuhma tak ngial pawh an hmu lo. Chubakah mihring hnuhma leh thawm eih pawh hriat tur a awm
chuang hauh bawk si lo.

Bozenka chuan thing pakhat nghengin a tuithawla tui chu a khiat khawlh khawlh a, “Heng
thing hi ka hriat zawng a ni hauh lo mai” tiin chung thingte chu a’n thlir kual vel dan dan a. An san
zawng turte a rilrua chhut niawm takin a a ler lam te chu a hawi chho leh vang vang bawk a. Chutia
a hawi lai chuan thing thawl deuhna kar a\angin chung thing ler ngei a\ang chuan mei khu a hmu
tlat mai. A \e \hawt nghe nghe a, a mak ti lutuk chu \awng zui nachang pawh hre lovin van lam hawi
chuan a ding ngar ngar a.

A thiante’n, “Eng nge ni? Eng thil nge i hmuh?” an rawn tih takah chuan harh chhuak thut
niawm tak hian a phu deuh zuk a. “Ka dinna a\ang hian han en ve teh u. Engtin nge a nih theih
zawk!” a tih chuan a \hiante pawh chuan Bozenka dinna a\ang chuan thing ler a\anga mei khu zam
chho nguai nguai chu an hmu ve ta a. Frank pawh chuan mak a ti ngang a ni - “Oh my Jesus! Heng
hi eng thing nge ni ta ngai?” tiin a chek tlak tlak a. Thing ler lan theihna hmun dang deuh a\anga an
en pawh chuan chung thing ler zawng zawng atang chuan mei khu a chuak vek tih an hmu chiang ta
hle mai. Frank chuan, “Bozenka, hetiang ang deuh tal hi i hre tawh ngai em?” a ti a. Bozenka chuan
a lu a lo thing nar nar a. Moore chuan, “I kal sawn vat teh ang u. Ka awm a tinuam lo riau mai.
Hetiang thing hi khawvelah a awm thei lo hrim hrim. Kan awmna pawh hi khawvel piah lam ram
khawiah emaw kan awm a ni” a ti hluai a. Midang te pawh chuan an lo hnial lem lo va, chutia kal an
tum lai tak chuan Albercht chuan, “Shh! Shh! Ngaithla teh u. Mihring au thawm ang deuh hre tlatin
ka inhria”, tiin a \hiante chu an mitmei a. Ngunthluk taka ngaihthlak chuan hmun hla taka a\ang au
thawm ni mai awm chu an hre ruai ruai thei a.

Uluk taka an ngaihthlak leh chuan mi pakhat mai pawh ni lo, mi tam tak au nuai nuai ang hian
an hre leh a. Khawi lam a\anga chu thawm chu lo awm nge tih hriat tumin an beng an len kual
chiam a. Bozenka chuan, “Saw lam a\anga rawn awm niin ka hria” a tih lai chuan Moore ve thung
chuan Bozenka kawh lohna lam chu niin a lo hre ve leh tlat a. Frank chuan leia a beng chuktuah
meuhin a’n ngaithla a, “Hnuai lam a\ang ngei hian a ni. Lei chhungril lam a\anga lo chhuak a ni” a
ti ve thung a. Midang pawh chuan Frank-a tih ang chuan an beng chuan lei lam an chuktuah ve a,
Moore chuan, “A nih chiah hi. Ngawi t’u. Lei hi a nghawr der derin hre ve em?” tiin a beng chuan
lei chu a siktir leh ngat a, “A nghawr chiang a ni!” a rawn ti leh a.

Midangte pawh chuan ngun lehzuala a’n han ngaitlak chuan lei nghawr dar dar pawh chu an
hai bik lo. Chutia an han ngaihthlak chian hnu pawh chuan a hma a\anga an lo hriat tawh \hin khawl
ri tluk tluk ri ang pawh chu lei hnuai lam a\anga lo chuak niin an hre leh chiah bawk a. Albercht
chuan, “Kan hnuai lamah hian eng emaw tak a awm a ni chiang mai” a ti a. Moore chuan, “Ka tih
reng kha. He thliarkar hi khawvel a mi a ni lo. Kan hnuai lam hi Seol, hremhmun a nih hi; buk lam
i pan leh vat teh ang u” a lo ti ve leh sek bawk a. Frank chu a za vak lo hian a nui hul hak a.

“Auch! Auch! Chu fanghmir seh chu a va na ve” tiin Albercht chuan a kekawr chhung lam
chu a zen rak rak a, fangmir pakhat hi a hmet hrual nawk nawk a. Tui in tuma a tui thawl a hawn lai
chuan a pheikhawk leh ke lamah chuan fanghmir tam tak an lo awm reng tawh. Lei per tlat tlat pah
chuan a dinna hmun a\anga a kalsawn chiah tih chuan a ke rahna chiah lei kua a\ang hian fanghmir
sehna chi, mihring tan pawha hlauhawm em em mai army ants ho chu an lo chhuak ta nguah nguah
mai le. Midangte chu an tlan darh hak a, mahse Albercht chu a ke bawrah fanghmir an lo tam lutuk
hman ta tlat mai. Fanghmir \uan rang lutuk ho chuan an bawr \an der mai.

|e ruai ruai chungin a tlan a, mahse a tlan chak thei tawh lo fanghmir rual chuan an rawn
nangching hman tlat mai. Frank chu Albercht chhan tum chuan a lamah a va tlan let leh a. Mahse
chung fanghmirte chu a tan pawh tihngaihna a vang hle mai si. A bula hnim chu a thliak a, theih
tawp tawpin a vaw nghek nghek a, awmzia erawh a nei thui lem lo hle. Amah ngei pawh chu
fanghmir chimawm ho chuan an rawn bei ve bawk a, tlan mai loh chu atan tih tur dang a awm lo.
Chutia fanghmir laka a lo inven chhung chuan Albercht-a chu fanghmir koham rual chuan an lo
khel filh hman tawh hle a, tunah chuan \e chhunzawm tur pawh a awm tawh lo. Rei lo teah a ruh
hlang chauh hnutchhiahin a tisa zawng zawng an khel filh rat mai.

Bozenka leh Moore chu theihtawpa chakin an tlan a, an hnungah chuan fanghmir rual chuan
an rawn zui ve nghal dul dul zel si. Chutih lai chuan Frank pawh khawi lam nge a pan tih pawh
inhre bik tawh lo chuan a remchanna lam lamah a tlan ve zel bawk a, fanghmir rual khat amah rawn
zuitute chu a inthiarfihlimsan thei hlauh e. Bozenka te pahnih pawh thui tawk an tlan hnu chuan an
him tawh niin an hria a, an thaw huai mai. Bozenka chau lutuk chu a thu hnawk a, a thaw \awp \awp
a ni ber e. A bulah chuan Moore pawh chu a rawn \hu ve a, “Khatiang fanghmir kha ka la hre ngai
hauh lo mai. Kan tlan chhiat dawn lai kan Albercht-a ke kha an ei bung hman thuak a, a ruh a lang
vek tawh nia! An va han koham tehreng ve le. Eng fangmir nge ni ngai?” a ti a, a thaw ve hlap hlap
bawk a. Bozenka chhuan, “Kei paw’n ka la hmu ngai bik miah lo. Bullet ants emaw, fire ants emaw,
driver ants emaw, a, army ants pawh a ni mai thei. Chiang vak lovin heng fanghmir chanchin hi ka
hre thuak thuak a, mahse eng fanghmir ber nge an nih ka hre bik lo”, a lo ti a.

Frank chuan a awmna hmun chu a hrethiam ta hauh lo mai. A \hiante lah khawi lamah nge an
tlanchhiat a, fangmir ho khan an eiral ve ta em ni ang tih pawh a hre tawh hek lo. An buk pan leh
dawn pawh ni se khawi lam nge a pan ang? A kalna lama khang fanghmir koham leh chimawm zet
kha a tawng leh ang ngem. Heng fanghmir hi a hriatchian zawng tak mai a nih avangin an
hlauhawmzia pawh a hai lo kher mai.

Ni awmna lam a\anga a chhutin an buk awmna lam chu a hriat theih mai ang tih a ngaihtuah
laiin ni chu a rin lohna lam daihah a lo awm leh tawh si. Engpawh ni se an buk chu a hmuh leh ngei
a ngai dawn a ni. An buk awmna lam niawma a rin lamah chuan a kal leh ta ngawt a. Ni pawh a
hniam leh buih tawh mai. Kamrah leh hnah nem lam pang chi ei theih awm chi chu a tem zauh zauh
bawk a. Hmun pakhat tlema awih deuhah a kal a, chumi awihpang bul\hutah chuan puk zim tak hi
a hmu a. Chu puk chu a bih ngial a, a chhung chu a thim mup mai. Mihring emaw ransa emawin an
bel thin niawm takin a bel ve deuhin a hria a, mahse he thliarkarah hian mihring hnuhma leh ramsa
hnuhma pakhat mah an la hmu lo chu a ni si a. He puk hi engmahin a la belin a la riahchilh lo ang
tih chu a rin theih lawi si. Chu puk chhungril thim ruih mai chu han belh chian deuh chak riauna a
neih avangin thui lo te luh a rilruk ta a. Puk kotlang a\anga yard nga vel lekah hian chu puk chuan
kawkel dang a lo nei a, chu chu an zawh leh det a.

Engmah hmuh that hleihtheih a nih loh avangin a let leh ta zawk a. Mahse puk kawkel inpawhna
lai chu a thleng thei ta hauh lo mai. A let leh a, a kal \ha leh \hin. A rin aia thui a lo kal a nih ringin
a luhna kotlang lamah chuan a let leh a. Mahse puk kotlang a thleng thei ta hauh lo mai le. A kal zel
a, a thim em avangin a kutin puk bang chu a dap a ni ber zawk. Mahse chutia puk thima a awm rei
deuh chuan tlem chuan puk awmzia chu hmu thei ruai ruaiin a inhre ta a.

Kawkel dang a lo awm leh a, a zawh tur zawk a chiang lo ta tlat mai. Khawi zawk emaw
chuan puk kotlang chu a hruai thleng ngei tur a ni, mahse khawi zawk hi nge a zawh tak ang le. A
rinkal zel a, puk chu a thim tial tial mai. Chuti a nih chuan a lut ril tial tial tihna a ni dawn a, a let leh
ta a. A let leh hnu pawh chuan puk chhung chu a thim tawh hle tho mai si. A kaw tawp thleng pawh
ni se ka kal law law tho ang tih rilru puin a kal lui ta zel a.

Puk chhungril lamah chuan boruak a tlem em avangin a thaw te a chham lek lek tawh a.
Chhuah duh ngawih ngawih pawh ni se chhuahna lam tur a hre thei tawh tlat si lo. A rilru a mangan
ve ta tak zet mai. “He puk chhungah hian tuma hmuh lohin ka thi dawn a nih hi” a ti rilru nauh nauh
a. Tunah chuan Dolph-a tirh chhan a tihhlawhtling dawn ta lo tawp mai. Puk bang a dap zai zai zel
a, a changin a tlu leh lek lek thin. A lu a hai mum mum tawh a, a mitvai te chuan eng uauvin a hmuh
a, mahse chu a thil hmuh chu eng tak tak a lo ni leh ngai hauh si lo.
 A tui thawl chu a’n en a, dang ti hnawng tham lek tak tak hi a lo la awm ve a, a’n in khalh a,
chhawlhal a hnem falua lo ngei mai. Puk bang pakhat chu a dangdai riauvin a hria a, a khawih nawn
leh ngat a, a lum thar tharin a hria. Phur deuhin a ruckshack ami a chemte chu a phawrh vat a, chulai
puk bang danglam bik nia a hriat lai chu a verh \an ta. Mahse thahrui a lo nei tlem tawh hle mai a,
a thaw te pawh a chham halh halh tawh.

Chutia a chemtea a chawh zel chuan a hma aiin lei te chu a lo hnip deuh thuih ta mai. Phur
tharna a rawn neih belh leh ta a, a thahrui pawh a phurna chuan a rawn pek belh leh ta. A kutin a lei
verh chin chu a va zen a, a lum thar thar mai. Thlan tla bawrh bawrh chungin a verh zel a, a verh
theih tawka thuk a verh tawh. Mahse êng engmah rawn lut a la awm chuang lo. A \hu hnawk a, a mit
deuh sulh a. A rilru tipaukhauhin a inthing harh hram hram a. He puk hi him damin ka chhuahsan
tur a ni tih rilru puin puk bang dap zel chungin a kal leh ta chhat chhat mai.

Tunah chuan a thahrui neihin a tlin ta lo. A tlu hnawk a, a vai mum mum a, engmah a hre
chhunzawm ta lo.

Bozenka leh Moore chuan eng nge an tih hmasak tak ber ang le tih ngaihtuahin an buai hle a
Frank-a awmna lam zawng dawn se an ram chin hriat chian loh em emah leh khawilamah nge
Frank kha a tlan tak tih pawh an ring thiam pha eih lo a ni si a. Tunah hian a dam ang nge a thi tawh
ang? Khang fanghmir rual khan inhnangfak nan an hmangzo ve daih tawh zawk mai thei a ni tih te
an ngaihtuah a. Bozenka chuan, “Moore, buk awmna lam i la hre thei ang em? Tunah chuan Frank
pawh zawn ngaihna a awm si lo. Zawng pawh ni ila kan zawn hmuh a rinawm loh em em si a buk
lam pan dan ngaihtuah phawt a ngai a ni”, a ti a. ‘Ka hriatthiam mai ka ring. Hmar chhak lamah zel
kal ila kan buk chu kan pawh leh mai ang” tiin tlai lam ni her bui tawh chu a thir vang vang a. a thlir
reng lai chuan maktihnain a khat zo leh ta vek mai. Ni chu thing kar velah chuan a kal riai riai a,
chutia hmuh theih khawpa ni inher danglam chuan engmah a sawitir thei lo.

“Bozenka! Bozenka!” tiin aw tham \iak hian ni awmna lam chu a melh ngawt ngawt a. Bozenka
pawhin chutia mita hmuh tham khawpa ni a inher riai riai a hmuh chuan mak a ti lo bik hauh lo. Buk
kawta an awm laiin zingkarah khan ni chhuahna lam a danglam tih a hmu tawh a, Frank awh khan
a hmu ve chiah a nih kha. Tunah heti khawpa chak hian engtin nge ni hi a inher theih? Kan awmna
khawvel hi a kalkawngah a kal dik lovin a axis-a vir hi a dik lo ta em ni! Rei lo teah van lamah
chuan chhum a rawn zing phui ta mup mai a. Ni pawh hmuh theih lohin chhumin a a hliah pil bo ta.

Moore-a’n an buk awmna lam niawma a hriat lam chu an pan ta ngawt a. An chungah hian
eng vanduaina nge lo thleng dawn le? Khawawm dan te chu a dik lovin engkim hi a buai zo vek
tawh niin an hre hial a. An zinga mangang hma thei ber thin Moore pawh tunah chuan mangan hun
a ni tawh lo tih a hria. Amahah hmeichhe pakhat a innghat a, kawng engkimah sul sutu leh hnarkaitu,
a tul hunah pawh thlamuantu zawk a nih a ngai ta a ni. Moore chuan hma hruai zelin muang changin
an kal chhat chhat zel a. Kawng awm mumal lo a nih avangin hmun \henkhat te phei chu kal pawh
a awlsam lo tak zet a ni.

Eng emaw chen an kal hnu chuan ruah a rawn thla \an ta suar suar a. Ruah sur pawh pawisak
theih a ni tawh lo. Rei lo te hnuah phei chuan a tama tam mangkhengin ruah a sur ta buan buan mai.
Ruah surin kawng a lo tinal lehzel bawk si a, rilru hmanmawh tak, hmanmawh tak tak theih ni
mang si lovin an kal zel a.

Hmun pakhat an kal lai chuan an sir lamah hian a hmaa fanghmir an hmuh ang chi kha an lo
inbawr khawm tut a. Hlau chung chung chuan anni pahnih chuan an en a. Chung fanghmir te chu an
inchherchhuan a, a sang ber chungah a dang an lawn zel a, sang tak thlengin an inchher chhuan hnu
chuan an chung lama thing zarah chuan thenkhat chu an han vak zawt zawt a. Moore leh Bozenka
te pahnih pawh chuan an kalsan leh ta thuai a.

Khua pawh a thim deuh chhalh tawh. Moore chu a ruk tak chuan a mangang ru tawh hle a,
mahse a mangan thu sawi chhuah chi niin a hre tawh bik si lo. Bozenka chu a thiam tawp chuan a’n
tawng thlamuan ve ngial \hin a. A mak a ni! An buk awmna hmun leh mual vel hi chiang viau tawh
awm an nih teh lul vei nen, an hriat hauh lohin an buk kawt chu an thleng ta hlawl mai le. Bozenka
lawm lutuk chu a tap lo chauh zawk. Bukah chuan an lut a, an tum loh lutuk mai an hmu ta! Buk
chhuata Thuram-a lo muthlu luk luk mai an hmu thut chu an phu dawrh thei nia.
*********

BUNG SARIH-NA

Tuiin a hmai vel a leih bawrh bawrh takah chuan Frank chu a harh hlawl mai a. A meng siar
siar a, a meng \ha hlei thei lo - ruah sur buan buan chuan a hmai chu a lo nan bawrh bawrh chu niin.
Khawiah nge a awm a, engvanga hetia mu hlawm reng nge a nih a hrethiam lo hle mai. A ke lam chu
a’n en chuan a lo hul phiang mai, din tumin a’n tho dawn uaih a, mahse a tho mai thei lo. A lute chu
a na bur a, a hai chhulh nghe nghe. A inthing harh nawk nawk a, a thil hriat hnuhnung ber a’n
ngaihtuah nauh nauh chuan thil a hrethiam ta ruak ruak mai. Puk chhungrilah khan boruak awm loh
avanga thawchham leh chauvin a thi niin a inhria. Thawh a’n tum nawn leh a, harsa ti takin a tho
thei ta.

A bul vel chu a’n en a, a mutna chu puk kotlang a lo ni reng mai. Mahse mak tih deuh riau a
neih chu - a ngaihtuah let vang vang pawhin puk kotlang a luhna kha ni lo riauvin a hre tlat a, a
hmunhma awm dan pawh a danglam daih a ni. “He puk hian hlet a nei ang a, ka luh lohna lamah ka
chhuak a nih hi” tiin a ngaituah ta zawk a. Tun hi eng hun nge tih pawh a hrethiam lo hle mai. He
puk a luh tirh khan tlai lam ngei ni chuan a hria a, tunah pawh khua a la eng vuk reng tho mai si. Puk
chhung kha a thim em avangin engmah a hmu thei lo kha a ni a, tlai deuh tawh tura a ngaih kha a a
lo la tlai lutuk lo niin a ring leh ta zawk a. Tunah chuan khua a thim har tawh lo tawp ang. Khaw
thim hma ngeia an buk thlen tum chuan chu lai hmun chu a kalsan ta hmawk hmawk a.

Rei fe a kal hnuah pawh an buk awmna awm a chhut thiam chuang lo, ni a lang tawh bawk si
lo. Ruah erawh a han \an ta. Puk a kalsan a\ang khan darkar khat chuang chu a liam leh tawh ngei
ang. Mahse khua chuan thim lam a pan tak loh avangin zing lam a ni tawh tih a hrethiam ve ta a,
pukah khan a lo mu tlaivar zak a lo ni. Hmun pakhat a\ang chuan ral khata an buk lo lang det det chu
a hmu ta! Phur takin chu lam pan chuan a kal ta sauh sauh a.

***********
 Director Dragos hi a rin ang a lo ni hauh lo tihna em ni dawn le? Engvangin nge an office
hnuaia parcel tam takah khan thisen leh mihring ruh te kha an dah \euh ang? Eng atan pawh ni se
thil dik a ni thei dawn em ni? Horus Sebastian-a rilru chu a buai ngei mai. He thil hi a mit ngeiin a
hmu a, thil dik lo a hmuh reng si chuan engvanga ngawih bopui mai mai tur nge a nih? A ngawih
bopui mai a nih chuan amah pawh a dik bik lo tih chu a rilru puthmang dik tak a ni. Mahse engtin
nge hma a lak anga finfiahna \ha zawk leh chiang zawk a hmuh theih ang tih chu a ngaihtuah neuh
neuh reng a.

A rilru chuan ‘Valota - Insula Plutitaore’ tih chu a chham mawlh mawlh a. Engvangin nge
pindan hnuaihnungah khan Director Dragos khan file, a kawma he thu inziahna ngei kha a ken a,
eng nge a chhinchhiah reng le? A dawhkana a awmlai khan engmah a hrethiam lo kha a ni a.
Director khan ama hriat miah lohin a lo kawl leh daih kha a ni. A dawhkan a\anga la chhuaktu pawh
Director tho a ni tih a chiang ta. Thil thlen dan a ngaihtuah kual zel a, a dawhkan hnuaia Istanbul -
Bucharest kalna ticket pawh Director thlauh tho a nih a rinawm ta hle. Mahse Director kha khami
\um khan West Germany-a zin ni khan a insawi si a.... engvang nge dawt a sawi kher ang ni? Eng
emaw tak zawng he thilah hian inthup a awm chiang a ni.

Office file khawiha a bur ngar ngar lai chuan thawk lak pahin a’n hawi thawveng a. An office
tual sir lam pangah chuan mi pakhat suit dum ha hi an awmna lam hawi chuan a lo ding leh vang
tawh. Nimin piahah pawh khan hepa hi a hmu tawh kha a ni a, tuna a thil ngaihtuah laiah hian
inhnamnawihna a nei ve a va ni mai awm ve tih chu a rilruah chuan a awm nghal. Darkar chanve zet
chutah chuan a ding a, engtik laiin nge a kalsawn a hre lo. A va en leh chuan a lo awm tawh hauh lo.

Zirtawp zan a ni a, an room hnuaia parcel an dah hun a ni leh tawh tih Sebastian chuan a
ngaihtuah chhuak zawk. Thil hriat belh tur a neih inbeisei takin an office lam chu a pan leh ta. A
hmaa a awmna ngaiah khan a tawm leh ta khar mai. Darkar khat hnuah pawh thawm riva reng a
awm thei lo, taksa kham \humin a tawm reng a, a rilru a beidawng rum rum tawh mai. Mahse
thawm a rawn awm ta hlauh mai le. Dim tea ke pen thawm chu uluk takin a ngaithla kar a, zan
hmasa lama an thawm nen chuan a inang hauh lo. Kawngka an hawn rik ngaichangin a beng a chhi
kar mai a, rei fe hnuah pawh kawngka hawng thawm hriat tur a awm ta hauh lo mai.

Chhe tea a awmhmun sawn hretin a’n dak chhuak titih deuh a. Êngin a chhun phak chin chiah
a\anga a thim lama mihring kal zauh a hmu hman a. Chu pa chu thim chinah chuan ban bulah a ding
ta ngar ngar a. Amah chu a rawn hmu ve lo niin a hria, a awmna chu a hre sa tan lo chuan hmuh mai
chi pawh a ni bik lo reng a ni. Ani pawh chu êngin a chhunna laia a hmuh chu ni lo se amah pawh
chuan a hmu bik kher lo vang.

Chupa chuan eng nge tih a tum ang le? Chhun lama an office lam lo thlir rengtu kha a nih a
ring nghal a, a ruangam leh zan zawng a chhut vel pawhin kha pa ngei kha ni chiahin a ring ta a. Zan
rei lam tawhah he hmunah hian eng nge a tih ang? Chhun lamah ni se anmahni thlitlai niawm takin
a enthla reng tawh bawk si. Director Dragos-a te zing ami a ni ve em ni? Lo ni ta se amah chauhin
engvang nge hetah a awm ang? A thiltih ruk puite hriat loh hian mahnia hlawkna tel a tum em ni?
Engmah hriatthiam a nei hauh lo. Mahse he pa hi thlithlai ngun a ngai dawn hlein a hre ta mai. Rei
tawk fang chu lai hmuna a din hnu chuan a kalsawn ve leh ta a.

*********

Frank-a’n an buk a thlen chuan a \hian dangte chu hmuh a inring hauh lo. Fanghmir lakah
khan an nunna an chan ve tawh tho turah a ngai deuh a, a nih loh vek pawhin kawi hmunah emaw
an awmna chin hre lovin an la vak kual ngeiin a ring bawk. Phur fahran lo tak chuan buk chhungah
a lut a, mahse a thilhmuh chuan a barakhaih ngei mai. A laka beiseina chhete mah a neih tawh loh
leh thi tawh tura a ngaih tawh Thuram chu Bozenka leh Moore chuan an lo bawihsawm mek a. A
\hiante a hmu leh chu a lawm ngei mai, chu mai ni lovin beisei loh deuhin Thuram a lo la dam zui!
Mahse Thuram chu a chau hmel khawp mai a, biak pawhin mi a chhang mang lo. A melh ngai a
melh reng ringawt a, a mitmeng Frank-a’n a hmuh chuan thil dik zan lo a awm a ni tih a hrethiam
mai.

Hemi ni hian tuma’n buk an chhuahsan lo va, an chau tlangin awm hahdam ve te pawh an
mamawh hle reng a ni. Chubakah Thuram chu a la pangngai zan lo va, Bozenka chuan an bul vela
hnim leh thing pil hmang te chuan a thiam tawkin a enkawl a, mak tak maiin a ngeih ve viau zel
mai. Chawhnu herah chuan a biak mumal theih ta deuh a, mahse a thil tawn leh awmdan engmah
sawi theih a nei miah lo. A thil tawn te ai chuan amah ber chu a pawimawh zawk bawk a, hriat teh
\alh tum chu awmzia a awm lo tih an hriat avangin tuman an ngaihtuah zui duh lem lo.

Tlai lamah chuan an buk thlang lama tuipui kamah chuan Frank leh Moore chu an teihawi vel
a. Chu tuipui, eng tuifinriat nge tih pawh hriat loh cham put mai chu an thlir dun vang vang a.
Moore chuan Blake-a la dam leh an hmu leh chu a lawmzia a sawi chhuak hial a, Frank pawh chu
a lawm ve hle tho mai.

Moore chuan, “Frank, Saw lawng!” tiin an hma lam chu a kawk va a. Frank pawh chuan
tuipui chunga lawng chhip lam rawn lang vau vau chu a hmu thuai a. Ngawi rengin an lo thlir dun
reng a. A dik tak chuan beisei an tisang ngam chiah tawh lo. A hmaa an lawng hmuh ang khan an bul
a rawn thlen hmain a pil leh daih ang em tih chu an rilruah a awm lo thei tawh lo. Chutia an thlir
reng lai chuan an awm lohna zawn lamah a in her hret hret a, tunah chuan lawng pum pui pawh a
lang kim thei tep tawh. Thin phhu dup dup chungin beisei lo thei si lo, beisei ngam chiah si lo hian
an lo thlir reng ringawt mai a ni. Lawng chuan an lam a rawn pan leh ta. Mahse an hlauh ang ngeiin
tuipui chhungril lam a panin an hre leh ta tlat mai.

Zawi zawiin lawng chuan tuipui chhung lam a pan tih chu hai rual a ni ta lo. Lawng chanve
chu tui chhungah a awm leh tawh a, a pil riai riai zel a, a pumpui chuan tui chhung lamah a pil leh
ta. A hmela mak tihna hai rual loh mitmeng chuan Moore chuan Frank chu a en a, “Engtin nge kha
ti ang kha a nih theih?” a ti sap a, a aw pawh a lawi lek lek hial a ni. Lawng pangngai ve mai niawma
lang si, tihluih niawm taka tuipui chhunglam a pan tlat \hin chu hriatthiam a harsa reng a ni. An
vawi khat hmuhna kha chu tihpalh thil thuah pawh lo ngai lui \alh pawh ni se a vawi hnihnaah meuh
chuan tihpalh a nih theih a rinawm ta hauh lo mai. Tliarkar an rawn thlen dawn ruaia pil tak daih zel
mai chu. Thli a tlehin tui a fawn pawh a ni hauh si lo. Tuipui chhungah an lut lui nge hiptu a nei tih
pawh chhut tham tak a ni.
 Buk lama chho tura an kal chu vaukam tiaupho bula hnim pakhatah hian bag pakhat hi Moore
chuan a chhar nawlh mai a, Frank-a a hrilh chuan Frank chuan chu bag chu a va chhar a, an han
hawn chuan eitur dahna, anmahni ken ngei kha a lo ni. Phur fahranin buk lamah chuan an chho ta a.

Buk lama an chhoh chuan Bozenka pawh chuan ei tur pangngai tak an ei theih avang chuan
nuam a ti khawp mai. Thuram pawh chuan ei leh in mumal tak a eiin a in lo rei deuh tawh avangin
a koham hle. He thliarkar an luh a\anga an hlim ber tum a ni hial awm e. Thuram erawh a ngawichawi
hle a, a thiante chuan a la chaurau deuh a, tawng bawrh bawrh tur pawhin an beisei lem lo bawk a.
Mahse chik taka lo mitmei rengtu Frank chuan Thuram-a mitmeng chu chiang lo deuh ruai hian a
hria a, rilru lam emaw taksa lam emawah shock na deuh tak a tawng emaw ni le tih chu a ngaihtuah
ru deuh nauh nauh a, eng em chu a sawi chhuak lo.

Zan a lo ni a, buk chhugah chuan thliarkara tang \hian palite chu an titi bawrh bawrh a, he
hmun hi engtin nge an chhuahsan theih ang tih te, an thil tawn hrang hrang te chu an sawi nak nak
hlawm a. A \hiante titi leh thusawi chu Thuram chuan ngawi rengin a lo ngaithla kar reng a. A bo
dan leh a bo chhunga a awm dan leh thil tawn te chu engmah sawi theih reng a neih loh avanga a
thiante paw’n an zawt duh lo kha a ni a. Chutia a thiante titi kar lakah chuan, “Rapthlak tak a ni!” a
rawn ti chhuak hlawl mai a. A thiante chu an phawk hra hlawm a, “Eng maw rapthlak chu? Eng nge
i tawn a?” an ti sap sap a, mahse Thuram chuan a thusawi chu hre awm pawhin a awm leh tawh
hauh si lo.

“Eng thing nge ni ang kan thing hmuh te kha? Kha ti anga kang miah si lo va a ler a\anga mei
khu ti chhuak nguai nguai thei kha. A khu kha eng boruak nge ni ang? Ka hrethiam thei thlawt lo a
ni!” tiin an thusawi lai chu a rawn chhunzawm leh a. Moore chuan, “He khawvela thil awm ngai lo
tawp leh awm thei lo tawp a ni”, a lo ti boh a. Frank chuan, “A, ka ngaihdan chuan a chhungril
lamah a kang ang a, pawn lama rawn kang chhuak tur thing kawr sak tak chuan a lo dang si ang a,
a ler lamah a khu a chhuak a ni thei mai lo maw. Kha’ng thing kha a hawng a chah hmel hle si a”,
a lo ti a. Moore chuan, “Chu pawh ni se thing pakhatah chauh a khu a chhuak si lo va, thing tam tak
kha engvangin nge a kan kher ang?” a lo ti a. Bozenka pawh chuan, “Mei khu lo chhuahna kha thing
chi khat chauh ni lovin thing chi hran te pawh an ni a, kawr chhah chi vek an ni bik lo vang. Chu lo
rengah a chhungril kan ngawt thu kha a awm bik lo a ni. Thingte chuan an chhungril lamah tui tam
tak an pai hlawm si a, khatia kan ngawt ngaihna kha a awm lo a ni a lo ti a”. Thuram chu a lo nui hak
hak a.

“Kha’ng thing ai chuan engtin nge ni kha kan hmuh theih khawpin a inher chak theih ti kha a
makzawk daih mai. Kan en reng laia hmar lama a inher riai riai mai kha chu thil theih loh tawp a ni.
Khatianga awm tur kha chuan kan lei vir dan hi tuna a vir dan let eng emaw zata chak leh a axis kalh
zawnga a vir a ngai tlat a ni. Mahse hei, kan khawvel hian chhiat a la tawk em lo chu a ni phawt mai
a” a lo ti ve leh a. Frank pawh chuan, “Kei pawhin ni awmna lam kha a mak ka ti deuh reng a ni.
Chutiang taka a inher chu ka hmu ve lem lo va” a lo ti a. Chutia an sawi kai takah chuan Bozenka
nen ni chhuahna lam a danglam deuh hu an hmuh te kha an sawi kai zel a. He thliarkar hi thliarkar
mak tak zawng a ni phawt mai. Moore chuan, “Kei chuan rin dan nghet deuh mai ka nei tawh”, a lo
ti zauh a. Bozenka chuan Moore en ha chung chuan, “Eng nge nia i rin?” a tih chuan ani chuan, “He
thliarkar hi Alien-te siam leh an thunun vek niin ka hria. Alien awm hi ka lo ring ngai lo va, tunah
hi chuan an awm tih ka chiang ta hle mai. An thil tih theizia leh duh duha keini ho min thunun dan
te hi. Kan zinga an duh duh hi an tihlum a, duh duh an la bo va, keini ho pawh hi min la tihlum vek
tho ang”. A lo ti a, a inseh ruh deuh \ung bawk a.

Frank pawh chuan, “Thununtu an awm chu a ang khawp mai”, a lo ti ve sap a. Bozenka
chuan, “Thununtu an awm a nih chuan Moore-a rindan alien te lo chu rin tur an awm dawn chuang
em ni?” a lo ti ve leh a. Moore pawh chuan, “Ni e, a chiang mai a lawm. Alien ho lo chu hetianga
thliarkar chhunga thil dangdai leh maksak tak tak te hi ti thei tur an awm chuang lo”, a o ti ve leh a.
Frank chuan, “UFO an hmuh report ho ka chhiar ve tawh chu hetianga khawsa leh thil mak thlen
zawng hian an khawsa ngai pawhin ka hre chiah lo ka ti. UFO hmua insawi te hi chuan thil êng tak
an hmuh thu hi an sawi tel tlat zel”, a lo ti ve leh bawk a. Moore ve thung chuan, “He hmunah hi
chuan an mahni inlar lovin an hnathawh chiah an tilang a nih hi” a lo ti a. Frank pawh chuan chhan
zui ngaihna a hre ta bik lo va.

Moore bawk chuan, “Fanghmir ho khan an ei zo ve vek che ni turah Bozenka nen chuan kan
ngai a, mahse i lo haw ve leh hlauh chu a lawmawm teh e” a ti ta daih a. Frank pawh chuan, “Kei
pawhin khang fanghmir ho khan an ei zo vek tawh turah che u ka lo ngai hman a. Albercht erawh a
vanduai ta a nih kha. A khawngaihthlak ngawt mai a lo ti a”. Mi dangte chuan han sawi zui vak
nuam an ti chiah lo nge Albercht-a chanchin chu an sawi zui lem lo.

Moore vek chuan, “Khang fanghmir ho kha an va kawlhrawng hawm reng reng ve le! Hmuh
chu sawi loh, hriat pawh ka la hre ngai lo reng reng. Eng fnghmir nge ni ngai le?” a lo ti a. Frank
chuan, “Khang fanghmir kha an hlauhawm teh a sin. Army ants an nih kha. Thi nung an hmuh tawh
hi chuan an bawr nghal luih a, eng ramsa pawh hmu se la an tisa an ei ral nghal duak dual zel thin.
Mihring tan pawh zuam chi an ni hauh lo. An bawr fuh tawh chu inchhan har tak an ni” tiin Moore
chu a chhang a.

Mut hmunah chuan Frank chuan thil awm dan leh thlen dan te chu a chhut neuh neuh reng a.
He thliarkar hi khawi lai taka awm nge tih an chhut thiam tlat lo te hi eng nge a chhan ni thei ang?
Liverpool lawng chawlh hmun a\anga chhuak an ni a, ni khat leh zan khat tuipui chunga an awm
hnuah an lawng chuan he thiarkarah hian an hruai ta kha a niin an hria. Khawmual hnaivai ni pawha
an hriat loh, tuipui chunga an lawng pil tur niawm taka ngaih ah engtin nge he thliarkara hian an
awm daih tih pawh hi hriatthiam a har hle mai Mahse chutia zan khat leh ni khat chauh nia an hriat
lai khan ni khat chauh ni theiin an hre leh lo ta kha a ni si a. Lawng chawlh hmun a\anga hmar
thlang lam pan ngei kha an nih laiin sana leh ni lan dan a\ang chuan chhim lam Pacific tuipui vela
awm niin an inchhut leh daih bawk si. Chung vel a\ang ringawt pawh chuan buaina tham chu a ni
reng reng tawh.

Thil maksak tak tak an tawngin an hria a. Hmun pakhata thil awm hmun dang daiha an hmu
leh si \hin te, tuna an buk awmna ngei pawh an hriat miah loha an kalna hnu lo ni reng si te hi eng
nge a chhan ni thei ang? Ni chhuahna lo insawn daih leh ni inher dan dik lo ta tlat thin te, thing ler
a\anga mei khu chhuak nguai nguai te, he thliarkar rawn pan tur lawng lo kal a rawn thlen hmaa tui
chhunga pil leh daih te pawh kha - hriatthiam theih loh hlirin he thiarkar hi a khat a ni ber mai. Tun
hmaa a rin ngai loh alien chungchang te pawh chu a ring ve ta rum rum mai.

Thuram chu a rawn te thawt a, a rawn \hu chhuak hlawl mai a. Frank chuan a lo ko vat a, eng
nge thil awmzia a zawh chuan a mangchhia mai mai a nih thuin a lo chhang a, a mu \ha ve leh mai
bawk a. Thuram hi a bo a\ang khan a mizia hi a danglam ta riau mai a, a tir kha chuan khawsikpui
a vei ni deuhin a hria a, mahse khawsikpui chu a ang leh ta lo hle si. Eng emaw tak zawng a tawng
niin a ring a. Amah lah chuan engmah a thil tawn a sawi thei bawk si lo, ni lo, a sawi duh lo ni zawk
tlatin Frank hi chuan a hria.

He thliarkar maksak tak maiah hian mihring an lo cheng tawh \hin a. Mahse chung mi chengte
chu chhan hriat loh avangin an borl vek a, chung ho an boral vek chhan chu hre tur leh chhui turin
Mr Dolph khan a tir a ni a. He an thil tumah hian hlawhtlinna reng a beisei ta lo. Nge, Dolph-a
tirhna thliarkar kha he thliarkar hi a ni chiah em tih pawh zawhna la awm thei chu a ni. Kha
thliarkar ngei kha a ni tih a sawi tak naa a finfiahna reng a nei chuang bik si lo.

Eng pawh ni se an tana pawimawh ber chu he hmun him taka chuahsan hi a ni phawt mai.
Mahse tun dinhmunah chuan chu chu tihngaihna a awm der si lo. Anmahni hian lawng tuk dawn se
khawmual an thleng zo ang em? Nge tuipuiah an tla hlum vek zawk ang? Thlan tur hriatthiam a
harsa hle mai. Lawng pawh chu lo tuk dawn ta tehreng se hmanrua an nei a zeng a ni si lo. He
thliarkar hi a lian nge a te tih pawh an chiang lo va, thliarkar tê lutuk zawng a ni lo tawp mai tih an
vah kual \hin dan a\ang hi chuan a hriat theih mai. Naktukah chuan tuipui kam hi hrutkual chhuak
ta vek i la, eng kawng emaw tala hma lakna a awm thei ang em tih te a ngaihtuah neuh neuh reng a.
Zan rei tak thleng a inngaihtuah hnuah chuan a muhil ve ta a.

************

BUNG RIAT-NA

Romania ram chu mipuite hriat lem lohin a buai ru tak zet a. An ram hruaitu lu ber Gheorghiu-
Dej chuan an ram \hian \ha ni sa leh amah pawhina socialist rilru pu reng chung si a Soviet leh
China inkar buainaa a lo inrawlh ve chu rorelna vawnfung chelh pha ve chin tam tak chuan an duh
lo kher mai. Chu chuan khawvel ram ropui ber Soviet Union pawi a sawi ang tih an hlau hle a.
Chubakah Transylvaniya chungchangah Hungary nen thu mum an la nei hlei thei meuh bawk si lo.
Romania laka Soviet Union a lungawi loh a, a chunga hlei a len vaih zawngin an tuar tur chu sawi
thiam theih pawh a ni lo zawk ang. Soviet Union chu vanthengreng lama US nen an intlansiakna
kawngah a insawr bing hle a, tunah pawh Spatnik II thawn chhuah tumin beihpui a thlak leh mek
chu a; chuvang chuan mi tam tak chuan Romania lam chu a hawi vak an an ring lo thung.

Gheorghiu-Dej ber lah hi hrisel lohnain a bawm ve reng bawk a, chu chu remchanga hmangin
a thih hma a\ang hauhin a \huihhruaite zingah a aiawhtu nih tuma inbeihna a nasa hle mai. Ram
mipui te pawh chinchang hre pha chin chuan eng thil nge an ram chhungah hian thleng ang tih an
ngaichang ru deuh \hup hlawm a.

Tunah chuan Gheorghiu-Dei pawhin a hun hnuhnung lam a ni tih a hai bik lo. A rilruah chuan
a aiawhtu turin Nicolae Ceausecu chu a awm tho nangin he mawh phurhna hi la thei pawh ni teh
reng se midangte hian an thik lo thei lo ang a. Ramonia hi eng nge a an ang? Ram hruaitu tur em
chuan a ring zo ang em? He pa hi pa tha tak ni mahse eng emaw takah rinhlelhna a nei lian hle a,
chuti ni lo se Ceausecu nen hian a awm ber tih chu a hria. Tu pawh lo ruat se eng kawngah emaw tak
chuan buaina a chhuah tho chu a ring a, a rilruah chuan Ceausecu chu a lian ber thung a ni.
*******

Khawpui chhunga mipui lunna laiah chuan Sebastian chuan a jacket ipte-a a 37M pistol chu
a \ul thut hunah pawh hman mai theih turin a a rukin a khawih rauh rauh reng a. Mipui zik mur
murna kar atang chuan tawlh bovin kawtthler lun lo lai deuha restaurant pakhatah chuan a lut a.
Pindan kil lampang tukver bul, khawlai lan chian theihna tur chu \hut nan thlang chatin chutah
chuan a ei tur ngainat berte zing ami Piftia chu a ei malh malh reng a. A khat tawkin tukverh lamah
a dak leh zauh zauh reng bawk a.

A thil ei lai pawh ei zo hman lovin a tho tharh a, a ei man a pek hnu chuan hmanhmawh takin
a chhuak ta nal nal mai a. Kawtthler lunlaiah chuan mipui karah a inzep tawlh tawlh a. Chutih pah
chuan a hmalama a mi chan pa chu a hloh ang tih hlauthawng takin a kalna chin a en a en bawk a.
A changin a’n hmu lo eh thin a, mahse a hnuah a hma lama kal chu a va hmu leh vau vau bawk a. An
inkar a zauh telh telh avangin hmanhmawh takin mipui chu a nek bawrh bawrh bawk a. Mahse
tunah chuan a hmu leh tawh mai lo. Thui fe a kal hnuah chuan a hloh ta daih mai a, a hloh hlen ta.
A penna tur awm ang a hre si lo va.

Office kawta a din reng lai khan a kal hun changin a inring ru hle kha a ni a. Khatia a kal leh
takah khan a zui ta vat a, helai thlera a kal lai khan in pakhat chhungah a lut zauh a, chumi lo chhuak
leh chu restaurant a\anga lo chang ta ka a ni. Mahse tunah chuan hmuh tur a awm le tawh hauh si lo.
A beidawng hle a, a \hin a rim ru teuh bawk si.

“Che tawh suh!” tih aw thawp sat a hriat chuan chu pa chu a’n en a. A mi zui pa kha a lo ni
reng mai. A nakah engin emaw a rawn hawlh a, a’n en chuan pistol a lo ni reng mai bawk a. Chupa
chuan, “Kal rawh, ka tih ang angin awm ang che”, a tih chuan loh theih lohin a tih ang chuan a kal
ve ta zel a. hun tha zawnga chet lakna hun a awm thuta chet ve mai inringin a jacket ipte a a pistol
chu a dap rak rak a, a lo awm tawh hauh lo. Amah tintupa pistol ken lai chu a’n en chuan ama pistol
ngei kha a lo ni a. Engtik laiin nge a lo lak a hre hauh lo, mak a ti zawk hle.

Chu pa chuan bar-ah lut tura a tih chuan Sebastian chu a lut nghal a, chu pa chuan dawhkan
pakhat lo awmah chuan a nawr phei nghal bawk a. An \hut hnu chuan chu pa chuan a pistol chu
Sebastan-a chu a pe leh mai a. Ani chuan a ngaihna hre lo takin pistol chu lak nachang pawh a hre
mai lo.

Nuihzat hmel lek lek hian, “Engvangin nge min zui ruk?” a ti a. Sebastian chuan, “Ka zui ru
hlei nem che” a tih chuan chupa chu a ner nasa ngang mai. “Anih leh engvangin nge kan ffice kawt
atang hian min enthlak ziah?” a lo ti let ve a. Chupa chu a nui hul hak a, “I hnathawh hi i hria em?”
a ti ta daih a. Sebastian chuan, “Mahni hnathawhte eng nge kan hriat loh teh lul ang?” a tih chuan
ani chuan, “I hre chiang chiah maw? I file khawih lai te hi eng file nge i hre chiah maw? A landan
ang ngawt hi a ni lo a nia. Eng pawh ni se Adrian tiin min ko thei ang. Min mamawh ngei ka ring,
ka inpeih reng a nia”, a ti a. “Ka hming chu....” a tia a sawi hma chuan Adrian chuan, “Horus
Sebastian” a lo tih khalh a. Sebastian chuan, “Engtin nge min hriat?” a tih chuan ani chuan, “Chu
zawng nakinah i la hre mai ang” Hun ka nei tawh lo tlat” tiin a tho a, a chhuak ta thurh a. Sebastian
chuan chupa chet dan chu a hawihhawm lo hlein a hre deuh a, mahse a chunga a riru putdan ang
ngawt kha a lo ni lo em ni tih te chu a ngaihtuah deuh bawk a.

Engtin nge Adrian khan ka hming a hriat. Ka hnathawh chungchang te kha engvanga khatia
sawi nge a nihtih te chu a ngaihtuah neuh neuh a. Bar-a a awm takah chuan beer in pahin Adrian-a
chungchang chu a ngaihtuah nasa hle. “Puih i ngaih chuan ka awm reng a nia” a tih te kha eng nge
awmzia? Tuna ka thil tih zawng zawng hi a hre vek a ni maw? Chuti a ni se engtin nge min puih
theih ang? Director Dragos-a hnuaia mi a ni ve lo zawk em ni le? Nge amah inthup nan khatiang
khan a khawsa zawk? Engmah a hrethiam lo naa tawngtaw rin bur erawh a tum bik chuang lo.

*************
A \hiante an thawh vek hnuah pawh Frank chu a la mu barh barh a. A \hiante ri chel chul
chuan a tiharh hlawl mai. Moore-a’n ring leng lawnga a sawisa bawrh bawrh thawm chuan a tiharh
a. Chutia a harh takah chuan thawh pahin, “Eng tak chu hria che ni maw? I va han tho fuh awm
ve?”a ti a, a mit a nuai chat chat a.

Bozenka chu au teng tung chungin, “En teh u, khawtlang lamah ni a chhuak a nia”, a rawn ti
chul mai a. Midang te pawh buk kawt lamah chua an chuang chhuak nghal a, ni chu khawthlang
lam a\angin a rawn chhuak sen phut mai le! Moore pawh chuan thil awm dan a hmuh chuan, “Alien
ho thil tih bawk a nih hi”, a lo ti leh a. Chutih lai chuan Thuram chu pawn lamah a rawn chhuak ve
mek a. Frank chuan chik takin Thuram-a mitah chuan a lo en reng a. Ni hi a chhuahna a insawn thin
tih a la hre ve miah lo kha a ni a, nizan lama an sawi kha a hriat chuan thuhran ni se, amah hian a la
hmu ve miah lo niin a hria. Mahse chuti chung chuan a mitmengah mak tihna pakhat mah hmuh tur
a awm miah lo. Tunah chuan a mitmeng pawh hi a fiah kak tawh a, a hma deuha chiang lo ruai ang
kha a ni tawh lo. Nizana an titia an thil tawn maksak tak tak te pawh kha a hre ve vek ni khan a hriat
a, mahse maktihna a nei lem lo. Ma’rawh chu nizan kha chuan a la chiangkuang lo deuh em a, a
ngaihtuahna a la fim lo hle ni turah Frank paw’n a ngai a ni. Chutih rual erawh chuan a mitmeng chu
fing riaua hriatna a nei deuh tlat lawi si. Mahse tunah chuan a hmel en chuan chian lohna nei awmin
a lang tlat lo.

Frank chuan Thuram chu va pan a, Thuram-a inring lo lai chu a keuh tlu \huai a, a bawh zui
nghal a, “Engkim i hre vek. Kan awmna hi i hre chiang khawp mai. Sawi rawh. Kan awmna hmun
hi khawi lai nge. Kan thil tawn zawng zawng te hi a chhan i hre vek” tiin a rek ngawng ngawng a.
Bozenka chuan, “Frank! Duh tawk rawh. Thuram kha a la dam chiang lo a nih kha”, a lo ti tuar tuar
a. Moore pawh chuan Frank chu a rawn phih tho thuai a, “Eng nge a awmzia?” tiin thil hrethiam lo
hmel takin Frank leh Thuram chu a en tawn zak zak a.

Thuram pawh chu a tho \alh \alh a. A inbeng fai thuak thuak a. Frank bawk chuan, “Sulivian,
heti khawp hian kan buai a, thil awmzia leh engkim i hre vek tih ka hai miah lo. Engvangin nge eng
mah i sawi duh loh?” a ti khar khar a, a aw-ah chuan a thinrim a la reh lo tih a chiang khawp mai.
Moore pawh chuan, “Thuram, i hriat chuan sawi ta mai che? Frank-a sawi dana i hria a nih chuan
sawi rawh. Kan thil tawn zawng zawng leh kan awmna hmun te hi eng nge a nih sawi ta che”, a lo
ti ve bawk a. Thuram chuan, “Kei hian chung chu ka hre turah in ngai a maw? Engtin nge ka hriat
bik ang?” a lo ti si. Bozenka pawh chuan, “Ni ngawt mai, engtin nge thil awmzia hi a hriat bik
ngawt ang?” a lo ti ve a.

Frank chuan a ngaihdan chu a la thlak hauh lo. Nizanah pawh khan a rilru a harh vek tawh tih
kha a hre chiang hle. Kan thil tawn maksak pui pui kan sawi lai te pawh khan maktihna tawngkam
khat pawh a chhak chhuak ve lo a nih kha. Chuti a hnekin chik taka entu Frank khan a mitmengah
khan maktihna mitmeng a a hmu hauh lo reng a ni. Khawvela thil awm thei lo leh tumahin an tawn
ngai loh tur thil mak tak tak an tawng a, chungte chu Thuram-a tan chuan a mak ve tlat lo chu
thilmak a tling tlat reng a ni. Mahse amah berin engmah a sawi duh si loh avangin Frank atan pawh
han tih zui viau ngaihna a awm si lo.

Frank chuan a thiante hnenah, “Vawiin chu tuipui kam hi hel chhuak chhin teh reng ang u,
Kan awmna thiarkar hi engtia zau nge hriat a tha rim hrim ang”, a ti a. Moore pawh chuan, “Kei
pawh ka rilrua awm reng a nia, hun a awm lo em a ka rawt ngam lo mai zawk a sin”, a lo ti ve a.
Frank chuan, “A nih chuan Bozenka, Thuram hi lo awmpui la, ani chu kal hla chi a la ni si lo, a
chungah eng pawh theng thei a nih avangin lo awmpui a tha ang. Moore nen hian kan chhuak ang
a. Eng emaw hmasawnna kawng dang deuh pawh kan hmu mahna”, a lo ti a.

A rilru tak chuan Bozenka hian lo dawp leh se, a ni hmeichhia-in a dawp chuan a dawp
chhuah mai a ring deuh a ni. Mahse amah Thuram chuan, “E, a ngai lo ve. Ka tha tawh lutuk a
lawm. Lo kal ve ka duh zawk daih reng reng a sin”, a lo ti ve ngial a. Frank chuan, “A tul rih lo. I nat
belh zawk chuan buaina a titam mai mai”, a lo ti deuh nghut a. Moore pawh chuan, “Ni e. I tan awm
hahdam a tha zawk. Bozenka nen chuan buk lo nghak mai rawh u”, a lo ti ve a. Thuram chuan, “Ka
lo awm dawn a nih pawhin Bozenka awmpui ka ngai hlei nem. Ama’n a duh chuan in bulah rawn
kal ve zawk rawh se. Ama thu thu a ni mai. Kei chu ngaihtuahawm ka ni lo ve”, a lo ti leh a.
Bozenka pawh chuan Frank leh Moore te bula kal ve chu a hnial loh zawk avangin an pathum chuan
buk chhuahsan tur chuan an intintuah a zawk a.

Tuipui kam lamah chuan an chhuk thla ta a, Thuram erawh bukah a tul ang ang thawk turin
ama chuahin an kalsan thung. Bozenka chuan, “Engtin nge thuram khan thil awmzia hi a hriat i tih
ngawt theih?” tiin Frank chu a en ha a. Frank chuan, “Nizan atang khan a mitmeng ka chik hle tawh
a. Kan titi leh thusawi te paw kha a hrethiam vek tih ka chiang a ni. A rilru pawh a fimin buaina
engmah a nei tawh lo niin ka hria. Kha’ng kan thil tawn mak tak tak kan sawi te pawh kha ngaithla
awm lo takin awm mahse a bengkhawn hle tih ka hre reng a, mahse a hmelah mak tihna chhete mah
a nei lo. A bo hma kha chuan kan thil tawn dangdai deuh te kha chu mak a tih chuan a mitmengah
hai tur a awm miah lo. A bo hnu atang hian a mizia hi a danglam hrim hrim tawh. In chik ve lo va in
hre lo mai mai a nih kha”, a lo ti a.

Bozenka chuan, “Chutiang taka chik nachang pawh ka lo hre lem lo va, ni e, i sawi takah
chuan a mizia chu a danglam ngei a lawm. Mahse, a bonaah khan eng thil emaw tak ama nghawng
deuhtu a tawng a ni maithei a sin”, tiin a lo chhang a. Frank chuan, “Chu chu kei pawhin ka ring tho
mai. Mahse a thil tawn atang hian eng tak emaw hriat a nei chu a ni phawt ang. A thil tawnte hi a
sawi thei lo ni lovin a sawi duh lo mai zawk niin ka hria”, a la ti ta deuh deuh a. Moore pawh chuan,
“Chutiang zawng chuan ka lo ngaihtuah hauh lo va, i sawi takah chuan thil ni thei tak chu a ni. Haw
hunah chik zawka mitmei tur a nih chu”, a lo ti ve bawk a.

Thui fe an kal tawh a, ni chu a dul ruih mai a, chhumin a hliah avangin ni pawh a sa lem lo.
Chu chuan hah a tidam zaw mah a, nisa chu ni se tuipui kam nisain a chhun reng chuan hah a tizual
mai mai dawn si a. Mahse eng hun nge tih hriatthiam a tiharsa thung. An sana lah chu herhmil thiam
theih a ni tawh bawk si lo. Tuipui dum pawl cham put mai thlir vang vang chung chuan an ding tlar
thap a. An lam pan chuan tuipui sava chi khat hi a rawn thlawk nal nal a. Chu sava chuan tuia
sangha te chu a zuk thur leh nalh bawk thin. Chutia an thlir reng lai chuan anmahni a hmuh vang
nge ni a rawn thlawhna lamah a thlawk let leh ta na nal mai a.

Frank chuan a rilruah chutiang sava chu eng anga chakin nge a thlawh theih a, engtianga rei
nge boruakah a awm theih tih chu a lo ngaihtuah rauh rauh a. Eng sava pawh ni se a lo thlawhna
lama kir leh tur chuan mel sang tam tak a thlawh a ngai ngei ang. Mahse a thlawk let leh miau si.
Khawmualpui an hnaih viau te hi a lo ni zawk em ni tih chu a rilruah a awm vang vang a. Mahse eng
khawmualpui nge heta tang hian hnaivai tur chu ni ta ang le? Chile ram leh Peru vel hi kan lo hnaih
tak zet em ni tih chu a rilruah a lo lut nghal bawk a. Moore rawh chuan, “Sa ei lohna a rei tawh si a,
lo kah thlak tawp atan a va itawm ve le”, a lo ti daih thung a.
*********

Sebastian chuan a a file kawih laiah chuan a rilru a pe hlei thei meuh lo. Thaichiat leh tihsual
rem rum a nei fo mai chu amah pawhin a ning hle. Mahse a hna hi a hma ang khan a tui zan tawh lo
deuh niin a lang. “I hnathawh hi eng nge a nih i hrechiang chiah maw? A lan dan ang ngawt hi a ni
lo a nia”, tih chu a rilruah a lo awm leh thin. A hnathawh phenah hian thil inthup a awm em ni le?
Nge Adrian khan a chhimbu dawi mai mai zawk? Hepa hi a hmaa a ngaih ang ngawt kha a ni mai lo
tih a hre tawh a. Amah a zui reng emaw a tih laia a hriat loh lam atanga ama pistol ken lai ngeia a
lo chuktuah theih mai dan atang khan mi namai a ni lo tawp ang tih chu a ring thiam mai. Mahse tu
nge a nih ang le?

A dan ngai te bawkin a hnathawhna hmun office lam chu a pan leh ta hna hna a. A rilruah tui
lohna lian tak a awm tawh avangin tun hmaa a phur ang khan a phur thei tawh lo. Tum dang ai
zawngin office pawh a tleng tlai reng bawk a. A room kawngka inkalh a hawng tur chuan kawngka
sira letter box-a lehkhathawn ip lo awm lawr tut chu a hmu a, a la a, roomah chuan a luhpui nghal
a.

A dawhkan hnawk zualpuite chu a rem fel zung zung a, muangchangin a lehkhathawn dawn
chu a’n hawng a. A chhunga thu inziak chu ho a ti hle mai. Ama ta tur nilovin a thleng sual em maw
ni le a ti hial zawk.Chu leh khaah chuan,

WHAT HAD BEEN VANISHED HAVE APPEARED! BUT ALL THE MYSTERI-
OUS THINGS ARE TAKEN TO DEPTH AWAY
 You should’ve known that some people work at industries. Industrial countries are
destroying our envireontment. Animals are killed by them. They are thirsty for greediness.
Backward countries lose their blood. No chance to fight back and defend themselves. Out
of their bones sucked their marrow. Indeed they are like captives. Strength can’t be used.
No freedom and no pleasure for them. That’s how what’s called drug destroys our body.

Hetiang thil ho mai mai te engvanga rawn thawn nge an nih. Eng nge sawi an tum ber ni. An
chiar leh a

“THIL RAL TAWHTE CHU AN LO LANG LEH TA! MAHSE THILMAK ZAWNG
ZAWNGTE CHU LAK BO VEK AN NI”

“Mi thenkhatte hi indusries-ah an thawk thin tih hre tawh tur i ni a. Industrial country te
hian kan environment hi an tichhe mek a ni. Ramsate an that a. Duhamnain an khat a ni.
Ram hnufual hote chuan an thisen far an chan a. Beih letna leh invenna hun tha an nei si
lo. An ruh atang thling an hip chhuak a. Sal tang ang mai an ni. Chakna hman theih a ni lo
va. An tan zalenna leh nawmsakna a awm lo. Hei hi Drug an tihin kan taksa a tihchhiat
dan chu a ni.
A sawi tum ber pawh sawi chiang lovin a rawn pehhel em ni zawk. Thu awmze nei lo leh
ho mai mai niin a hre ta a, a hlawm nawk a, a dawnkan sira bawlhhlawh bawmah chuan a paih ta
daih a. A hnathawh tur chu a thawk tan ta zawk a.

************

Darkar thum vel chu an kal tawh maithei, mahse muangchang leh hmanhmawh lo taka kal an
nih avangin an la kal thui viau pawhin an inhre lo. Hmun pakhatah hian vaukam chin tui chhungah
hian a rawn phuan chhuak buah buah a, chu tia rawn phuan buah buah chu dinchilh meuhin Frank
te pathum chuan an thlir a. Rei lo te hnuah chuan tui chu a rawn sen khuih khuih mai a. Thisen tih
hriat tak hi tui chhung lam atang chuan a rawn chhuak nguai nguai mai a. An rilruah chuan Shark-
in eng emaw ni a a ei ni turah an ngai vek a. Mahse chutianga shark chetna hnuhma leh a tak pawh
chu hmuh tur a awm chuang hlei lo va. An en reng lai chuan puan chhia, thawmhnaw thler niawm
tak hi a rawn lang nawlh mai a. Engtin nge hetiang hmunah te thawmhnaw chhia a awm theih reng
reng? Ngaihtuah tur a titam leh hle dawn mai.

Chu thliarkar chu an hel chhuah chuan an rin ang em chuan a lo lian lo hle tih an hre ta. Mahse
lian lo hle e ti lo chuan an bo ngun hle lawi si chu anmahni paw’n an hrethiam chiah si lo. An buk
thlang an thlen chuan ni pawh a sa leh ta ar mai a. Ni chu zing lama a chhuahnaah tho chuan a tla leh
ta tlat mai. Thil mak tawp an tawng a, an tawn ngun luatah mak tih nachang pawh an hre tawh lo
zawk a ni ber ang chu - nge ngaiah an neih ve tawh pawh a ni ang. Bozenka chuan, “Saw, en te u, Ni
saw tukina a rawn chhuahna-ah a tla leh dawn” a tih chuan Frank chuan, “Ka rin dan vel chiah a ni.
Tuipui kam kan kal lai vel khan chhum kar atanga ni lan theih ruai ruai chang a nei a, a kal dan kha
a let leh ni tlatin ka hre deuh a, heti hian a awmna a dik zawk a nih hi”, a lo ti et a. Maksakah pawh
an la em em tawh lo.
 Buk an tlen chuan a lo reh ruih a. “Thuram hi khaw nge maw a kal le?” Bozenka-i’n a tih
chuan Frank chuan, “Khawiah emaw a kal lawk a ni ang. A lo let le thuai ang”, a lo ti a. “Thuram!
Thuram!” tiin a ko ta lauh lauh tho a. Zan mut dawn thleng pawh chuan Thuram-a hmel hmuh tur
leh thawm hriat tur a awm lo.

**********

Zan lamah chuan Sebastian chuan Director Dragos-a chungchang ngaihtuah-in a let a let a.
Tunah hian khaw’nge a zin leh tak ang? West Germany-a zin tura a insawi \um khan Turkey-ah a
zin ngei ni tur a ni - a room-ah Istanbul ticket a thlauh tlat si a. England-ah hian a hun tam tak a
hmang tih a hre bawk a. Bucharest-ah hian kar khat pawh hi a awm hman thlawt lo a ni. Eng tiin
nge a zin \hin a, khawi khawiah nge a zin \hin tih lah chu hriat a ni der si lo. Hepa hi mihring thisen
leh ruh vel hmangin a sumdawng a ni tih rinhleh tur awmin a hre tawh lo va. Chu’ng thisen leh ruh
te chu eng atan nge an hralh ang a, khawih nge an hralh ang? He a thil tih vang hi em ni amah ngei
pawh hi hlawh hnianghnar tak a pek theih? Ama hnathawh lai pawh hi hetiang thil vel lo chhutsak
hian a thawk a ni reng zawk ang em? “I hnathawh hi a landan ang ngawt a ni lo a nia” tia Adrian-a’n
a hrilh pawh kha hemi chungchang hi a ni thei ang em? Engvangin nge Valota file chungchang kha
a thup em em a, room hnuaiah khan a ken tlat? Ngaihtuah tur tam tak a awm, mahse engtin nge he
thil hi a chhuichhuah theih ang.

A lehkhathawn dawn chungchangte nen khan inzawmna a nei thei mai lo maw? A ngaihtuah
chhuak leh thut a. Kha lehkha thawn kha! Thu mumal lo leh ho deuh kha a lo ho lo viau zawk thei
ang em? Thuruk inthup a awm em ni? Lehkhathawn kha chhiar chian leh a chak ta hle a.

Office a thlen veleh a room a luh rual rualin a bawlhlawhbawm chu a hai a. Pi Simpsoh-i’n a
room a phiah fai ziah avangin a lo paih bo hman ang tih a hlau hle. Mahse vanneihthlak deuhin a
lehkhathawn hlawm khawr vek tawh chu a lo la awm hlauh e. A pharh leh a, uluk takin a’n zut mar
leh a, a chhiar nawn leh ngat a, hriat belh erawh a nei lem lo hle mai. A thupuia a hman deuhreuh
hawrawppuia inziak chu uluk deuhin a en leh vang vang a.

“THIL RAL TAWHTE CHU AN LO LANG LEH TA! MAHSE THILMAK ZAWNG
ZAWNGTE CHU LAK BO VEK AN NI” Eng nge thil bo tawhte hi ni ang a, eng nge thil mak
zawng zawngte a tih hi ni ang. Hei hian awmzia nei riauvin a hre ta. Mahse chu thil chu eng a
sawina nge a hre thei si lo. A thumal tinte chu uluk takin a’n en tha leh a, engmah hriat belh a nei
chuang lo. Thil ral tawhte ‘Vanished’- tihah V hi uluk takin a zul nawn tih a hre thei. A ziak sual
pawh ni si lo, chhan a nei thei ang em tih hriat tumin hawrawp zul nawn dang a awm em tih chu a
mal te tein a zawng leh a. Mahse pakhat mah zul nawn a awm leh si lo. Tihpalh mai mai a nih a ring
ta deuh a.

Thil hriatchuah zawk a nei a. ‘V’ chu hawrawp engzatnaah nge a inziah tih a chhiar phei a.
Hawrawp sawm pahnihnaah chiah a ni. Tichuan V dawt a\anga a chhiara hawrawp sawpahnihna
chu a’n en leh chuan ‘A’ a lo ni leh ta. A phur tawlh tawlh a, a chhiar phei leh a, hawrawp
sawmpahnihnaah tho chuan ‘L’ a hmu fuh leh a. Chutianga a chhiar zel chuan VALOTA tih a chuak
ta hlawl mai. Hetiang hian an zul tha le ngat a, WHAT HAD BEEN ‘V’ANISHED HAVE AP-
PEARED! BUT A‘L’L THE MYSTERI‘O’US THINGS ARE ‘T’AKEN TO DEPTH ‘A’WAY.
Thil ral tawh leh lo lang leh ta chu VALOTA ngei hi a ni. Mahse VALOTA chu eng nge a nih chiah?

**********
BUNG KUA-NA

A hnuaia thu chu phur takin a chhiar leh a. Hmasawnnain kan boruak leh environment a
tihchhiat chungchang mai a ni. Chu chu drug in kan taksa a tihchhiat dan nen a khaikhin chauh a ni
mai a. A hawrawp te chu a mal malin a awmna zat a chhiar leh thlap a. Hawrawp hmasa ber a\ang
a chhiar leh nuap nuap a, hawrawp sawm pahnihnaah K a awm phawt mai. A phur tawh kher mai.
VALOTA chungchang, a thil ngaihven leh a lo chhui ve mek ni bawk a. Hawrawp sawm pahnihna
dawt lehah chuan E a lo awm leh ta. A dawt hawrawp sawm pahnihna vawi thumnaah chuan N, a
dawt lehah N tho. Chutianga a chhiar zel chuan N, a dawt leha pawh N... Hetah hi chuan engmah
thu awmzia a chhuak thei ta hauh lo mai.

Hawrawp engzatna zelah nge thu awmzia a chhuah theih a hre thei ta tlat lo mai. Chutianga
chawhma chhung zak a beih avang chuan office hna reng a thawk ta lo. Chawhnu lamah chuan
office hna chu a khawih ve ta a. Mahse a rilruah a lut lo ker mai. Tlai lamah elhkam nei tunin a
room chu a lehkhathawn ak chung chuan a chuahsan a, hmanhmawh takin in lam a pan ta a.

Zanah chuan ngawi rengin a lehkhathawn dawn chu a pharh leh ta a, a chhiar chhuak leh dap
a. A chhunga thu inthup hmuh chhuah tum chuan a bei leh ta ngat ngat mai. a beidawng rilru hle a,
eng hawrawp mah thu awmze neia chhuak turin a dah thei ta hauh lo.

A ding hluai a, coffee a inthlit kar kar a. Coffee inpah chuan thu ziak bawk chu a bih leh ta.
Thil hmuh a nei leh ta tlat mai le! Engvangin nge hei hi a hma daih pawh khan a lo hmuh loh? A
sentence hmasa bera ‘people’ tih chu tumal dang aiin a lian hret tih a hmu ta! You should’ve known
that some people work at industries. People tih chu thumal engzatnaah nge a awm tih a chhiar
chuan thumal paruknaah a lo awm a. A thumal parukna dawt leh a en chuan ‘are’ tih a hmu leh.
Tichuan a thumal parukna dawt leh chu ‘killed’ tih a lo ni leh a. A phur leh ta kher mai. A coffee in
lai pawh chu a dai duk tawh a, a dawt ri hruih a. A dawt leh a en leh a, ‘for’ tih a hmu leh ta. A coffee
tlem la awm chu a tlat pup a. A’n zi mar ar ar phawt a.

Thumal parukna dawt lehah chuan ‘blood’ tih a hmu leh ta. ‘Blood’ tih tumal chuan a tiphur
sawt a. An office pindan hnuaia a thisen hmuh te kha a hre chhuak leh a, he lehkhathawn rawn
thawntu hian engkim a hre vek a nih hi a ti rilru nauh nauh a. A coffee no dah pah chuan tu nge he
thil hi rawn thawn ang a, engvanga thuruk thei ang bera rawn thawn nge ni ang tih a ngaihtuah neuh
neuh a.

Thumal parukna dawt leh a en leh a, ‘and’ tih a lo ni. A dawt leh a chiar leh chuan a beisei ang
ngeiin ‘bones’ tih a hmu leh ta. Thil engkim a fuh dawn e tih a ngaihtuah a, hetah hian engkim a
chiang vek dawn niin a hria. Thumal dawt lehah chuan ‘are’, a dawt lehah ‘used’. A thumal
thlanchuahte chu a chhinchhiah zel a. A kutchang a’n elh ri tuar a, a chhiar chhunzawm leh a, ‘for’
tih leh ‘drug’ tihin a zawm leh a. A thu pumpui chu a chhiar leh phawt a, hetiang hian a thumal duh
chu a tidum deuh zel bawk a -

You should’ve known that some people work at industries. Industrial countries are destroy-
ing our envireontment. Animals are killed by them. They are thirsty for greediness. Backward
countries lose their blood. No chance to fight back and defend themselves. Out of their bones
sucked their marrow. Indeed they are like captives. Strength can’t be used. No freedom and no
pleasure for them. That’s how what’s called drug destroy our body.

Hetiang hian a rem chhuak leh ta hlawl mai a, ‘people are killed for their blood and bones are
used for drug’. An thisen duhin mite chu an that a, an ruh chu drug siam nan an lo hmang a ni reng
mai le. Tunah chuan an office hnuai pindana a thil hmuh te chu a chhan a hre tain a inhria. A
maimitchhing vang vang a, a ngaihtuah muk hle mai.

***********

Moscow khawpuiah chuan mipui vei vak an la phu mur mur a, tun ang khaw nuam lo leh vur
tla seng seng karah pawh a \ulnain a ur thlu ngang nge ni; nihliap leh raincoat te nen mipui an
veivak suau suau tho mai. 15 Marshal Timoshenko street-ah chuan hmanhmawh takin pa pakhat hi
a kal hlawk hlawk a, a thil tih tumah a chiang hle ni tur a ni, a hma lam a pan ding ngat ngat hle. A
ding chawt a, a hma lama damdawi in pakhat chu a‘n thlek ngial a. Chutah Kremlin Hospital-ah
chuan a lut zuk a.

Corridor pakhatah dingin pindan pakhat chu a bih ngial a, chu pindanah chuan doctor pakhat
hian mi pakhat hi a lo check uluk hle mai a. Eng emaw ni ngaihtuaha a chal a dawm vang vang hnu
chuan thil hre chhuak niawm takin a inher thut a. Pindan dangah a va lut zuk a, a lo chhuah leh
chuan damdawi in hnathawkte uniform hain amah kha a ni tih hriat hauh loh turin chu a luhna
pindan atang chuan tray leh damlo enkawlna hmanrua leh damdawi eng eng emaw kengin a lo
chhuak leh a. Nichina a dinna pindan kawtah bawk chuan second hnih vel a ding leh zawk hnuin
tray chawi chung chuan pindanah chuan a lut ta a. Rei lo teah a chhuak leh ta mai a.

Doctor chuan a mi enkawl mek chu Romania ram roreltu Gheorghiu-Dej a ni tih a hriat
avangin uluk taka enkawlin hetiang mi pawimawh tak lakah chuan hminghliau pawh a hlau ve hle
ni tur a ni; Damdawi in hnathawktu pakhat lo lut pawh chu a lo ngaihsak lem lo. Chu pain a thil
rawn dah chu a en thuak a, a damdawi ken lai nen chuan uluk taka chawhpawlhin a thing nar nar a.
Syringe-ah chuan a hip lut kawk a. Chumi hnu chuan Gheorghiu-Dej-a chu a jection ta a.

Minute thum velah chuan Gheorghiu-Dej chu a thawk a danglam tawh hle a. Doctor chuan
ngaih\hat lohna pawh nei lovin damdawi dang a pe leh a. Mahse a damlo enkawl chu a pangngai
thei ta reng reng lo. Rei lo têah a ke a leng awrh awrh a, a chatthla chu a ni ta mai si. Doctor chuan
thil awmdan chu a hrethiam lovin mak a ti hle a. Hetiang ram khat mi pawimawh ber a kutah a’n thi
mai chu hrehawm a ti hle mai.

Petrica chuan a thil tih chu hlawhtling a intiin a rinai takin thil a kal tluang a, nui var var
chung chuan chu kawtthler chu a chhuahsan ta vang vang vang a. Tunah chuan Romania ram
chhunga Gheorghiu-Dej aiawhtu niin ram khat roreltu lu ber a ni thei ve tawh dawn a ni. Hetih lai
hian Gheorghiu-Dej chuan Nicolae Ceausecu chu President atan a ruat daih tawh tih a hre der si lo.
Hria ni sela chuan a thin urin Ceausecu chu dah that dan a ngaihtuah leh daih tawh zawk tur a nia
le. Mahse engmah a hriat lohna chuan a tihlimin beisei a neihtir lian hle zawk a ni si a.
********

Simpson-i chu a inkhai bawr luk mai a, a thil lei vel chu a keng seng lo a ni ber zawk. A hnung
lam atang chuan, “Ka pi, i va bawr ve khawi ka lo kenpui ang che”, tiin a thil khai zinga pahnih chu
tlangval pakhat hian a rawn khaipui ve a. Simpson-i chu a inthlahrung hle tih a hmelah chuan a hriat
mai. Mahse dik tak chuan a inkeng seng lo chu a ni ber bawk si a, han hnar viau ngaihna a hre
chuang bawk si lo.

“Adrian ka nia, nang engtin nge ka koh ve ang che?” tiin tlangval chuan simpson-i chu a bia
a. Ani chuan, “Simpson tiin min ko thei ang. I tilawmawm hle mai, khawi ka lo khai tawh ang e,
hetah hian ka peng tawh mai dawn a” tiin a ding det a. Adrian chuan, “Saw tah sawn i thawk ve a ni
maw?” a tih chuan Simpson-i chu a bu nghauh a, a kal ta a.

Office a thlena a thil lei vel a phawrhnaah chuan Simpson-i chuan a ip khai pakhat chhunga
pehikhawk thar lo awm chu a hmuh chuan Adrian-a theihnghilh a ni tih a hre nghal mai a, a rawn
lam huna pekah tiin a l dahthatsak ve mai bawk a. Chawhnu herah chuan a rin ang ngeiin Adrian
chu a rawn lang ve mai bawk a.

Simpson-i chuan Adrian-a chhuah hnu chuan, “A va han haihawt tak em! A chahbi bawr a
theihnghilh leh talh tho nia” a ti hlut a. Adrian-a chahbi theihnghilh chu banga thil khaina peg-ah
chuan a khaisak a. Director awm loh lai a nih avangin a room vel chu tlai lama tihfel chuk chuk ngai
lo turin a tihfelsak a. Dawhkana lehkha hnawk leh file te pawh chu a enfelsak leh thlap bawk a.
Director leh room enkawltu amah Simpson-i chauhin an khawih leh hriat drower chabi-a drower
a’n hawn chuan lehkha pawimawh leh file te chu a hnawk deuh nuaih hian a hria a. Chiang zawka
an’n en chian leh chuan Director-in a file khawih ngun ber leh midang hmuh ve pawha a duh em em
loh file pawimawh bik awmna folder chu a awm lo tih a hrechhuak thuai a. Dawhkan leh book-
shelf te chu a hai fe hnuah pawh a thil zawn chu a hmu ta hauh lo mai le! A rilru a mangang hle mai.
A bo a nih vaih chuan amah lo chu mawhphurtu tur dang tumah an awm der mai si lo.

Adrian chu thlalakna dawr pakhatah chuan a lut zauh a, eng emaw chen chu dawra a awm hnu
chuan lungawi mel takin a lo chhuak leh a. Tunah chuan a thil duh chu a nei thei dawn ta. A chahbi
bawr theihnghilh luih erawh a tuk lama lam leh atan a ti ta zawk a.

*************

Frank chuan, “Ka rin ang leh hlauhthawn ang chiah a ni. Thuram hi a lo awm loh kha ka ring
reng a ni. Eng pawh ni se khawiah emaw tal chuan a kal a ni ngei ang. He bukah hian haw pawh a
rawn haw tawh lo hial maithei a ni. Eng pawh ni se naktuk lamah a kalna awm ang kan thlitlai
phawt dawn a nia”, a ti a. Bozenka chuan, “Amah kan rinhlelh ang hi a lo nih loh chuan tunah pawh
hian a ngaihtuahawm viau lo maw. Engmah hre chiang lovin kan ringhlel ngawt hi a fuh lo maithei
a ni”, a lo ti ve bawk a.

Frank chuan thil awmdan leh an thil tawn zawng zawng te chu a ngaihtuah leh neuh neuh a.
Thuram hian eng emaw tak chu hriat a nei tih a ringhlel tulh tulh a. Tunah te hian engvangin nge
buk hi chhuahsana tun tleng pawha a la raw kir leh loh? He thliarkar hi a awmna tak a hria ang a, a
chhuah dan pawh a hria a ni ngei ang. Mahse chuti ni se a thiante hi engvanga hrilh ve mai lo nge a
nih? Amahah hian thil inthup eng emaw tak zawng a awm chiang a ni tih te chu a ngaihtuah rau rauh
a. Chhun lama tuipui sava chikhat a lo tlawk a, a lo thlawhna lama a thlawk let leh daih te khan
khawmualpui an hlat lutuk lo em ni tihte a ngaihtuah chhuahtir leh a, Thuram hian chu chu a hai bik
hauh lo em ni le? Mase chu chu enga ti nge a thiante hi a engmah a hrilh duh loh le? Nge engmah a
hre lo tak tak zawk?

Chu thliarkar maksak leh dangdai tak, ni pawh a changa khawchhak lama chhuak a, a changa
khaw tlang lama a chhuahna thin, thing ler atanga mei khu a chhuah nguah nguahna thin, hmunhma
a lo insawn daihna thin, lawng lo kalin tui hnuai lama a luh daihna thinah te hian thla khat lai chu an
tang ta. Chutah chuan an thiante Blake leh Albercht-a te’n an nunna an chan tawh a, tunah Thuram
chu khawiah nge a awm hriat a ni tawh hek lo. Tuipui kam an hrutkua nia buk a chhuahsan atang
khan a mel muh tur reng a awm tawh bawk si lo. Tu nge tuna la dam zingah hian nunna hloh leh
hmasa ber ang? Moore-a sawi ang leh hlauhthawn ang tak hian thil a thleng zel dawn em ni le?

Albercht-a thih nia a puk luhna kha a hre chhuak tut a, kha pukah khan a chemtein puk bang
kha a verh a nih kha. Kha a lei verhah khan eng emaw tak chu a awm tur a ni. A thiante hnenah
chuan, “Vawiin chu hmannia ka puk luhna kha va zawng leh teh ang u” a ti hluai a. Thil dang rawt
tur hre tawh lem lo a thiante chuan an lo pawmpui hle a.

He an tanna thliarkarah hian an mun chhinchiah ngei te pawh an hloh reng mai a ni a, Frank-
a luhna puk chu an hmu chhuak le thei ang em le? Chu puk chu va hmu pawh ni se la eng nge beisei
tur awm chuang ang? Kawng lehlamah chuan an thil tum pawh chu awmzia nei lo riauvin a hre leh
deuh tut thut lawi si. beiseina nei si, beisei tur ber pawh hre chuang lovin an tei an tei mawi zawng
a nih hi.

Chu puk zawng chuan an kual an kual a, an zawnna lamah chuan chuan anmahni pawh an
inhloh leh thut thut thin, mahse inhloh hlen lovin an inhmu leh thei hram zel bawk a. Awih pang
hmun pakhata an kal lai chuan Bzenka chuan leithil a rap hrual nawk a, cu ko, ko sang vak pawh ni
lo, tlak sual palh chuan nat fe teihna tham ni si-ah chuan a tawlh tla puat a, a tlak thlak hmain Moore
chuan a banah a lo chelh hman hram a. Moore-a’n a kut lehlama a rin chhan hnim pakhat chu a zung
phawi zawt khawpin a pawt hlawng thawt a. A rinchhan ber a phawi tak si-ah chuan Bzenka nen
chuan an nuai lamah an tla dun rawih a.

Frank pawh chuan chu ko chu hel deuh hlekin a thiante tlaknaah chuan a chhuk ve nghal a.
Bozenka leh Moore chu an lo na lo hlauh a. Chu hmun chu a puk kotlang, a mutna kha a lo ni reng
mai le! “He puk ngei hi a nih hi” tiin a lur nghal a, Bzenka chuan a zui ve nghal a, a hnungah More
paw chuan a zui ve leh bawk a.
 Thui pawh an kal hmain Frank chuan a chemtea puk bang a verhna hnuhma kha a hmu ta mai
a. Phur tak maiin a thiante hnenah chuan, “Han bel chiang ve teh u. He lai bang ka verhna hi a lum
vung vung mai nia” a ti a. Moore pawh chuan a’n zen lut ve a, “Ngawi teh u, chu thawm awm tlatin
ka hria” tiin mak ti hmel takin a thiante chu a en a. Frank leh Bozenka te’n an han ngaihthlak chian
chuan he hmun an thlen tirh lam panga an hriat tawh thin thawm ri vung vung leh khawl hnathawk
ri tluk tluk thawm chu an hre ve a.

Moore chuan a chemte ken chuan verh belh an tum a. Mahse Frank-a’n a lo verh thuk fu tawh
avangin a chemte chuan a kaw tawp chu a va verh pha chiah tawh lo a. Frank-a chemte ken lai chu
a sei zawk avangin a laksak a, a verh leh ta sauh sauh a. Mahse chu pawh chuan a verh thuk zo tak
tak chuang lo. Beidawng takin a ding hluai a, a thlan a hru pawk a. Frank pawh chuan Moore-a kuta
chemte chu laksak ve lehin a’n beive leh ngial dawn a, hma a sawn hleithei bik meuh lo.

Moore chuan, “Tih dan ka hria e” tiin puk chu a chhuahsan nghal a. Rei vak lo hnuah a rawn
let leh a. Thing tuai banpuam tiat vel tur hi pahnih a rawn keng lut a. Pakhat chu a hmawr suih
zumin pakhat dang chu a phek zawngin a suih hriam bawk a. Chu chuan an bang verh chu an han
chhun a. A lei chu a hnip angreng le a, chuvangin lei chu an ver thei mai zel bawk a. Mahse leivung
a tam hma thin em avang leh a vung paih chuah zung zung a theih thin loh avangin duh ang tak
chuang an verh sawt thei lo.

Frank leh Moore chuan an inverh chhawk zak zak thin a, an thing tuai hmawr chu a ner ve
zung zung bawk thin avangin an suih tha leh thin a. Eng emaw chen an beih hnuah an han chawl det
a. Chutih chhung chuan Bozenka pawh chuan thahnem ngai takin a lo bei ve bawk a.

An lei verh chu a pan tial tial tih hai rual lohin thawm pawh a hma ai chuan a hriat chian teih
ta. Phur fahranin Moore chuan a’n bei leh tang tang a. An thing tuai hman chu an suih belh zel
avang chuan a tawi ve tial tial a, chubakah puk bang chu a lo chhah reuh phian avangin duh angin
a kaw tawp an chhun na hleithei tawh lo a. Moore chuan thingtuai dang a va sat ve leh ta thung a.

Moore-a’n an chhun leh chian chu a thingtuai hman chu a tlum pawp mai a, puk bang chu a
verh tlang ta. Tlemin an lei verh kua chu an zauh leh a, kuak chu a kaw tlang ngei tih an hria, mahse
an han bih chhin pawh chuan engmah hmuh an nei lem lo, a thim mup ringawt a.

Bozenka chuan, “Khua a thim dawn tawh a nia, buk lamah kir leh tawh ang u” a lo ti chul mai
a, mipa pahnihte chuan an thiltih lai leh thawm riatah chuan an riru an lo pe lutuk chu khaw chin
pawh an lo hre lo reng reng a lo ni. Bozenka-in kir leh a rawt takah chuan thil hriat chian law law
chak viau mahse Bozenka an ngaihtuah avang chuan buk lam pan chuan an kir leh ta a.

***********
“I lo kal apiangin theihnghilh i nei ziah mai. Pa haihawt ve tak zawng i nih dawn hi” ti pahin
Simpsn-i chuan chahbi bawr chu Adrian-a a pe nghal a. File leh document pawimawh te chu a
khawihtu turte kutah a hlan kual leh a. Mahse a rilru a a hah ru hle mai. Director file pawimawh ber
nia a hriat, amah phei chuan a chhung phei chu a mitsir pawha a la melh chhin loh chu khawiah nge
a awm ang tih ngaihtuah reng rengin a phili ru hle mai.
 Bei tih dawn nan hrim hrim tiin Director room kawngka chu a chahbi ken lai chuan a’n
hawng leh rak rak a. Dawhkan bul leh a hnuai lam te, book-shelf te chu an hai leh ngial a. Mahse bei
tidawng seitu mai a ni e. A tawp nan a chahbi ken pakhat zawk chuan drower chu a’n hawng leh a,
a chhung a’n en chiah chuan a meng zau kawk mai. A chung lang berah chuan a mang tiang em
emtu a thil zawn lai ngei mai chu a hmu leh tlat si. Engtin nge niminah khan a hmuh miah lo theih
le?

****************
Sebastian chu a hnathawhna atangin in lam panin a haw mek a. A hnathawh laiah hian tuina
leh phurna reng a nei tawh lo. A hnathawh hi Director Dragos-a sumdawnna, dik lo taka mihring
thisen leh ruh-a sumdawnna lam hawi a nih a ring nghet bur tawh a, mahse engtin nge a hna nen chu
chu a inkungkaih dan a hrethiam chuang si lo. Kawngka a hawng a, a room-a a luh chuan lehkha
tam tak hia lo awm a, chungte chu eng file emaw ni photo copy vek a ni tih a hre nghal mai bawk
a.

A inbual zawh chuan muang changin coffee a siam leh te te phawt a, thuthlenah mu awn duai
chungin a dawhkana lehkha te chu a en chiang a. A thu ngil awt a, a lehkha dawn chu hmana a
dawhkana file lo awm ngawt, Istanbul lama an ruk bo emaw a tih, mahse Director kuta a hmuh leh
tak si kha a ni tih a chiang ta hle mai. He thil hi tu rawn thawn nge? Eng vanga a kuta rawn thleng
nge a nih a hretiam lo hle mai. Eng pawh ni se chu’ng lehkha pawimawhte chu uluk tka zir chian
atan a dahtha ta zawk a.

Zan lamah chuan a lehkha dawn ho chu a’n en leh a. A hmaa a en thuak pawh khan engmah a
hrethiam lo kha a ni tawh a, mahse hengte hian awmzia chu a nei ngei ngei tur a ni. A lehkhathawn
dawn hmasaah pawh khan thu inziak phenah khan thu thup a lo awm reng a nih kha. Tun ami pawh
hian awmzia a nei ang tih a hriat mai a, mahse engtin nge a hmuh chhuah theih ang?

Kha lehkha rwan thawntu tho khan he lehkha hi a rawn thawn tih a hrethiam ta chiah mai. He
mi rawn thawntu hi a fimkhur hle tih a hriat a, mi dangin a lehkhathana a thil ziah kha lo chhiar ve
pawh ni se engmah an hrethiam ve dawn l tih chiang hle. Mahse hei hi tuna ran thawntu hian a
hrethiam ang em tih chu zawhna awm thei a ni.

Ngun takin chung lehkha te chu a en chiangin a chhut neuh neuh a, a awmzia reng a man lo.
Secred Code te chu engtin nge a hmuh chhuah theih ang? Chutia cik tak a ngaihtuah chuan thil
riathtiam a nei ta. He’ng lehkha a number inziakte leh a file khawih thina number inziakte chu
inang a tam hle tih a hre chhuak ta tlat mai le! Mahse chung chu eng nge a nihna chiah ni ang? Mi
pakhat chiahin a hria ang - Chu chu Director Dragos.

*****************

An hmabak ti leh tura an kal chu an phur tawh kher mai. Kha puka an len theihna tura an
verhtlang thei a nih chuan mihring an awm tih an hre tawh bawk a, he thliarkar chhuahsan dan
kawng chu a awm hrim hrim ang tih rilru an pu vek a. Tuipui lan theihna laia an awm lai tak chuan
Bozenka chuan tuipui chunga an awmna thliarkar lam rawn pan mek lawng chu a hmu a. “Saw,
lawng a lo kal leh tawh e” a tiin a lawng lo kal me chu a thir vang vang a. Frank leh Moore pawh
chuan ding meuhin an lo thlir ve bawk a.

Moore chuan, “Beisei tur aawm leh chuang lo vang. Tui chhunga a lut leh tho ang”, a lo ti
nuah nuah a. Chutih lai chuan lawng chu tui chhung lamah a pil leh ta riai riai a. Bozenka chuan, “A
mak ka ti tawp thei lo a ni. Lawng a lo kal apianga an pil daih zel hi a mak a ni. He kan awmna
thliarkar hnuai lamah hian magnetic field chak tak a awm ang a, lawng lo kal hnaivai a piang hi a lo
hip thin a nih hmel khawp mai. Lawng pil thin te pawh hi an duhthua helam rawn pan leh tui
chhunga lut ni lovin chu magnetic field chuan a hip thin a ni ang”, tiin thil ni thei awma a ngaih chu
a sawi a.

Frank-a ve thung chuan thil dang daihin a lo ngaihtuah a. Bozenka hnenah chuan, “Lawng lo
kal kan hmuh hmasak ber ni kha i la hria em?” a tia a zawh chuan Bozenka chuan a ngaihtuah a, a
ngawih vang vang hnuah, “Nilaini a niin ka va hre ve”, a lo ti a. “Ni chiang e. Moore nen lawng lo
kal kan hmuh ni pawh kha Nilaini bawk a ni. Chuan vawiin hi Nilaini a ni leh chiah bawk. Keinin
he hmun kan thlen ni kha Nilaini tho bawk a ni a, chuti a nih chuan Nilaini-ah zel kher lawng a lo
kal hian chhan leh awmzia a nei ngei ngei tur a ni”, a lo ti a. Bozenka chuan, “Keini chu Thawhlehnia
chhuak kha a nia...He hmuna kan tluk luh kha chu Ningani a lawm” a lo tih chuan Frank chuan,
“Mahse kan chhuah atanga ni hnih leh zan hnih hnuah he hmun hi kan theng turah khan kan inngai
kha a dik lo a ni. Nilaini khan engmah hre lovin kan awm vek a nih kha. Nilainiah bawk a ni kan
thlen ni. Kan thlen dan kha a chiangkuang vak lo a, mahse thil awmdan ka chhut hian Nilainiah he
thliarkar hi kan lut chiang a lawm, a tukah chauh kan harh chhuak a ni”, a lo ti a. Bozenka chuan, “A
ni thei viau bawk. Nilaini chu eng nge a awmzia ni ta ang?” a lo ti a. “Chu chu kan la hre mai ang
chu” Frank chuan a lo ti sam et a.

Moore chuan, “Lawng lo kal hi ka ngaihsak peih tawh miah lo a nia. Kan hmabak kha
chhunzawm leh vat ila kan tan kawng awmchhun niin ka hria” tiin a kal deuh nghut a. Frank leh
Bozenka pawh chuan an zui ve nghal a.

Thingtuai banbuam tiat vel an sat leh a, uluk takin an suih mam leh a, chu chu an hmanraw
neih chhun a ni leh mai dawn a ni. Lai chu a char ovin a hnip deuh thuih a, chu chu an tan chuan a
vanneihthlak hle. An lei verh chu an verh kuak tlang tawh sa a nih avangin chumi verh zau belh mai
chu a ni tawh a, tlem chuan a ziaawm tawh turah an ngai. Tichuan an hna chu an chhunzawm leh tan
ta.

Rei pawh an lai hma chuan zau ang reng tak chuan an verh thei ta a, mihring lenna tur erawh
chuan a lian tawk lo deuh ang tihah chuan an han bih chhin vel a. Tunah chuan khawl hnathawk ri
engmah hriat tur a awm lo va, thawm a re ruih a. Leiverh chu an chhunzawm leh ta ngat ngat a.
Tunah chuan mihring pawh bawkvak chung chuan an luttlang thei tawh ang. Chumi chhunga lut tur
chuan an inruahman tan ta a.

*********
 BUNG SAWMNA

Adrian chuan a a hmaa file chu a uluk takin a awmze hriat tumin a bih ngar ngar a, number
intlar deuh thut te, number leh hawrawp awm hlawm ho te chu eng nge an nih tih hriat tumin a rilru
a sawr bing nasa hle. Heng thil inziak ho hi thuziak dang nen an inzawm niin a hria a, chu thuziak
dang chu khawiah nge a hmuh anga engah nge a inziah ang tih chu a hrethiam bik lo. Mahse rindan
leh ngaihdan nghet deuh a neih a, chu chu he file kawppui, folder danga an dah niin a hria. CHu chu
a zawng hmu ngei ngei tur a ni. A ngaihdan a lo dik lo a nih pawhin kawng dang a zawng leh mai tur
niin a inngai.

Tunah chuan a hna hmasa ber chu Simpson-i rim a ni. Simpson-i hi fa pakhat nei tawh a ni a,
a hmel chhe vak lo nain tha tia sawi tur a ni hauh lo. Adrian chuan a rilru hneh chu a huphurh lem
lo khawp mai. Ni thum thum chhung ngawrh taka a rim takah chuan Simpson-i pawh a zawr tawh
hlein a hria a, a hna chu tan a hun tawh niin a hria.

An ffice-ah a lenchilh a, an office awmdan leh lehkhabu leh file vel an remdan leh dahna vel
chu a rilruin a chhinchhiah kim vek tawh. Tunah chuan bookshelf leh drawer te chu engtin nge a
hawn ang tih a ngaihtuah vang vang a. Chutih lai chuan Simpson-i chuan an hna lam thilah chhuah
a ngaih thu sawiin chhuahpui turin Adrian chu a sawm nghal zaih a. Office chu an chhuahsan ta.

**************

Frank chuan hma hruaiin chu puk bang leiverh kua-ah chuan a bawk vak lut ta tham tham a,
a hnungah Bozenka chuan rawn zuiin Moore-a’n hnung a rawn dawl a. Frank chuan lei verh kaw
hmawr a thlen chuan a’n ban chhin a, lehlam pawh chu puk bang ang tho chuan a lo bung ve nghut
tho si. Frank chuan kal chhunzawm ngam bik lovin a phak tawk a thui hnuai lamah a zuk ban a.
Mahse lei chhuat a khawih phak hauh lo. Lei tlang a tham tawk a, a thlak chhin a, a tla ri atang
chuan a thuk lem lo tih a hriat chuan lei chhuatah chuan a chhuk thla ta a.

Lei chhuat atang chuan an lei verh tlangna chu an dung chen vel chauha sang hi a lo ni a.
Bozenka chu Frank chuan a hlang thla ve leh a, chumi hnuah Moore chuan a rawn zui ve leh a.

Chu hmun chu ai mit thlawn an sawi ang mai hian a thim phui mup mai a, engmah hmuh
theih a nei lo. Frank chuan puk kawkel dang ni mai hian a hria. Mahse puk bang lehlam an han ban
pawh chuan an ban phakah engmah an khawih fuh tei lo va. an chhuk thlakna puk bang dap zat zat
chung chuan an sir lamah an kal ta a.

Thui pawh an kal hmain an awmna chu a huh deuh pur a, an ke rahna pawh chu a ban deuh
chap chap bawk a. An piah hla angreng tak atang hian eng thawm emaw ni hi a ri ta vung vung a, an
hriat dan chuan an awmna puk chhung atanga lo chhuak ni mai hian an hria.

Frank chuan eng emaw ni a su ri chawrh a, chu thil chu a’n khawih chhin chuan a lum vung
vung bawk a, thir hlawm niawm tak ni hian a hria. Puk bang hlat zawng chuan chu thil chu an hel
a, mahse chu thil chu a lo sei phian mai si a, eng nge a nih pawh an hriat loh chu an han dap leh that
that thin a. Bozenka chuan zawi tein Frank chu a ko mial mial bawk a, a aw atang pawh chuan a thla
a ngam lo hle tih a hiat mai.

An bul hnai lawkah chuan thil ri sur sur an hria a, an ding deuh chawt a, mahse thawm chu a
reh leh nghal hmak mai. Frank-a thil sut, thir niawm tak an kal pelh hnu chuan puk bang bawk chu
behchhan an tum leh ta a. Mahse puk bang reng an dap fuh thei tawh lo.

Chulai hmun zimteah chuan an tei an tei ta a. Bozenka chuan a hmaa kal Frank chu a hnunah
a vuan dar dar reng a, a chang leh a pai leh khat khat thin bawk a. Rei fe hnuah puk bang chu an dap
fu leh thei ta.

Bozenka-i’n let leh mai a rawt sa sa a, mahse Frank chuan eng emaw tak hmuh a la inbeisei
tlat avangin kal zel a duh tlat a, Bozenka pawh chuan engmah a sawi tawh bik lo. An hma lawkah
chuan chu puk thim ruih chhungah chuan eng a rawn lut riai riai a, Frank chu a kal cak deuh sawt
bawk a. Chutia a kal chak deuh sawt chuan Bozenka chuan a kawr hnungah a lo chelh nghet deuh
nge ni, a tlu deuh thlawrh a.

Eng rawn luh riai riaina hmun an thlen chuan Frank chuan Eng kawngka emaw ni tak turah
ngaiin a phur rilru hle a. An va thlen chuan puk banga lei verh tho a lo ni reng a. “Hei hian khawi lai
emaw tak a pawh ang” ti sar sar chunginin chu kuaah chuan an lut ta a. Chu kua chu a lo zau chuang
bik reng reng lo. Bawkvaka kal tho a lo la ngai a. Rei vak lo bawkvaka an kal hnu chuan an kaw
zawh chu a tawp an thleng hlawl mai a, a lo eng ta uau mai.

“Hei chu kan luhna tho kha a nih hi maw!” tiin Frank chu a bawkvak liam thla nghal a.
Bozenka chuan, “Moore, i tawng lo ve, min lo dawm deuh teh aw” tiin Frank chu a zui ve leh nghal
bawk a, a mawngah chuan Moore chuan a rawn dawm kang nawlh a. Bozenka chu a inen chian
chuan a kawr leh ke vel te chu a sen nuau a, Frank pawh a pheikhawk vel a sen nuau tho mai. Chu
thilsen chu thisen niin an hria a, an han khawiha an han hnim chhin vel chuan thisen rim thang deuh
huam an hria a, thisen a ni tih rinhlelh rual a ni lo.

Inhruk fai nuap nuap pahin Frank chuan “Moore chu a va rei bik ve maw le” a ti nuah nuah a.
A hnu deuhah chuan puk bang kua chu bihin Moore chu a’n ko thin a, chhanna an hre ta hauh lo
mai. An hnungah khan a rawn zui ve reng kha a ni si a eng emaw vangin a rawn khwatlai ni turah an
ngai ve mai bawk a.

Moore a rawn lan ve mai theih tak loh avang chuan Frank chuan lei verh kuaah chuan a va lut
leh a, “Moore, Moore, khaw nge i awm?” a va ti dat dat a. Mahse Moore-a chhanna awm reng hriat
tur a awm lo. An luhnaah chuan lutin Moore pawh chu zawng leh pawh ni se chu leihnuai thum
thamah chuan engtin mah an hmu zo dawng chuang si lo. Bozenka nen chuan puk chu an chhuahsan
leh ta rih a.

Frank-a rilruah chuan hmeichhia chu hruai lo se a tawn tawn tawng tura chu leihnuai puk
thim chu pal darh vek a vhak hle a, mahse engmah hmuh theih a nih si loh avang leh Bozenka a
ngaihtuah ve tho avang chuan tih chi niin a ngai si lo.
 “Moore chu engtin nge kan holh daih theih le aw? Lei verh kua kan kan luh leh dawn thleng
khan a thawm ka reng si a, ka hnung lawka a thaw ri pawh ka hre reng a sin. Chubakah leiverh kua
kan luh leh dawn pawh khan min rawn dawm ngei a nih kha. Khatih lai khan min zui lo a nih chuan
tu thawm nge ka hnunga min zuitu leh min rawn dawmtu ta ang le?” tiin Bozenka chuan a phun
malh malh a, a hmelah pawh hlau leh hnuhnawh deuh niin a lang.

Frank chuan, “E, chuti chuti chu leiverh ko atang khan a tla leh a nih ngei chu. Ka va chian leh
vat ang nge. A lo tlasual reng te hi a nih hlauh chuan a zia lo ngawt ang” tiin an chhuahnaah bawk
chuan a lut phei a. Lei verh kaw tawp bul leh a bawr vel chu a pal chhiam a, Moore chu a ko mawlh
mawlh reng bawk a. Mahse Moore-a chhanna leh a thawm emaw reng reng a hre lo. Che thei lovin
lo tlusual pawh ni se dap fuh awm tak a nih tawh teh lul nen, a dap fuh thei chuang bawk si lo. A
beidawng chu chuta tang chuan a chhuak leh ta nge nge a.

Bozenka chuan hlauthawng takin a lo nghak reng a, chulai maia mahnia awm pawh chu nuam
a ti chiah tawh lo niin a lang. Frank-a rawn kir leh a hmuh chuan a thaw huai a, Moore erawh a la
rawn tel ve chuang tlat lo. Fank chuan, “Ka hmu zo hauh lo mai. Eng kan nei si lo va, puk chhung
hi a thim bawk si nen zawn ngaihna dang ka hre hauh lo mai. Meichher nen kan la zawng leh zawk
dawn a nia”, tiin lei verh kua atag chuan a rawn vak chhuak a.

Khua a tlai tawh bawk si avangin eng han tih theih dang an neiin an hre tawh lo va buk lama
haw phawt chu an rel a zawk a. Bozenka chuan, “Moore khan min rawn zui ve reng si a, engtin nge
kan hmuh loh mai theih ni le? Mak ka ti hle mai” a ti a. Frank paw chuan, “Khawiah emaw khan a
tlu sual palh a nih ka lau khawp mai. Ka koh lahin min chhang thei bawk si lo” tiin hma a hruai leh
a, buk lam an pan ta a.

Thui pawh an kal hman meuh lo tihah chuan an chhak deuh lawk atang hian rum dar dar
thawm an hria a. Bozenka chhuan, “Chu eng nge?” tih pahin Frank chu a hnaih hrawk a, Frank-a
kawrah chuan a vuan dar dar a. Frank chuan, “Tikhan lo awm rawh, ka han en ang e”, tiin an
chhakah chuan a chho a.

Hnim phelh deuh sul zingah hian Moore chu a lo thu khur dar dar a, a rum hlat hlat reng bawk
a. Frank chuan,”Moore, Moore, engtin nge i awm? Bozenka, he lamah hian rawn chho teh. Hei
Moore a ni reng mai” tiin Bozenka chu a ko chho bawk a.

Moore chuan Frank-a kohna chu hria awm pawhin a awm hauh lo. A melh ngai a melh ngawt
ngawt a, a rum hlut hlut bawk a. “Engtin nge heta i lo awm dauh theih, Moore?” tiin Frank chuan
kaihthawh a tum a. Moore chu a chechang eih lo. Bozenka pawh chuan Frank chu awn pui ve in an
kaitho a, a rit phian mai leh nghal a. An biakna te reng reng chhan chu sawi loh - a hmelah pawh
chuan an biakna chu hria awm ang pawhin a lang lo hrim hrim bawk a.

Frank chuan Moore a zakah dawmin a kalpui tan ta a, a zak lehlamah Bozenka pawh chuan
theih ang angin a lo dawmpui ve bawk a. Kawng awm mumal lo leh awih phihrit deuh te a nih
avangin kalpui a harsa hle mai a, a chang phei chuan an tlukpui eh khat khat thin a. Moore chu
tawngkam khat mahin a la tawng lo hrim hrim.

Bozenka chuan, “Moore, eng thil nge i tawn? Engtin nge khatah khan i lo awm ngawt theih?”
tiin a be mawlh mawlh mawlh a. Bozenka biakna pawh chu hria awm pawhin a lang lo. An kaihkuah
dang ang ang chuan a awm tawp mai a ni. Frank pawh chuan a be ve mawlh mawlh reng tho a. A
fuih mawlh mawlh pah reng bawk a.

Moore chu a rih em avangin duh ang pawhin an kal chak thei lo hle a, chu achhapah kawng
mumal an hre bik chhiah lo nen. Tlema awih deuha an kal lai chuan Frank chuan lei phihrit a rap
hrual a, thlang lamah a tawlh zeuh a. Amah rinchhantu Moore chuan a rawn deuh bawk a. Chutia an
tawlh takah chuan Bozenka pawh chu inring hman bik lovin an pathum chuan an inbawmberek
chungin an thlang lamah chuan an lumthla hawl hawl a. Mahse thui an lum lem lo. Hmun awih lai
chu a awih thui lo hlauh zawk a. Mahse Moore-a’n Frank a delhna lamah chuan Frank-a ke chu a
ulh deuh a, kal a tihharsat phah sauh dawn a ni tih a hria a.

Khua pawh a thim lek lek tawh a. Frank leh Bozenka chu an hmanhmawh rilru hle tawh.
Mahse hmanhmawh theih a ni der si lo. Hei aia chak hian a kal theih der bawk si lo va, chutah
Frank-a ke a la na zui leh nghal. An kalpah chuan Frank chuan raih maina tur hmun rem a melh ru
deuh char char a.

Frank chu a thlan hi a dirin a dir zawih zawih a ni ber a. A thahrui neihin a tlin ta ngang lo.
Leiah chuan Moore chu a nghat rem sauh sauh a, a thu ta hle hle a. Moore lah chu Frank-a dah dan
ang ang chuan a ngawi hle hle a, a chang leh a rum leh nghut thin bawk a. An chawlh rei lutuk chuan
khuain a thim hnan ang a, hmun rem lo deuhah te riah a ngai ang tih a hlauthawng bawk si. Moore
hi hetiang hian awm lo ni se chu khawi hmunah pawh riak se la pwai tihna a nei hran lem lo mahse
Moore-a awmdan hi hriatchian a, a rang thei ang bera enkawl ngai niin a hre tlat a, chu chuan a rilru
pawh a tihmanhmawh hle a ni.

Khua a thim deuh chhalh tawh a, vanneihthlak takin anmahni kawng zawh bel tawhsa an
pawh thei ta hlauh mai. Chuti ni lo se he hmunah hian khawi lam nge an zawh tih hi tun thlengin an
hre chiang thei der lo mai. Vawi tam an chhuah hnuah pawh he thliarkar hmunhma hi an bel thei
reng reng lo a ni si a. Chu an kawng zawh bel sa chu an zawh ta a. Thui pawh an kal hmain an buk
chu an pawh leh ta hawl a, an beisei aia hmaa an buk an pawh leh hma chu an lawm hle.

Buk chhung an lut chu Bozenka chuan mei a chhem eng vat a. Mei engah chuan Frank-a ke an
han en chuan a lo vung deuh ul a. Frank chuan Bozenka hnenah tihdan tur a hrilh zung zung a, a
ruckshack chhunga bur te tekte a dah chu a mawnglam a verh a. ichuan Frank-a ke vunglai chu a
chemte chuan chhete a zai thi ser ser a, chuath chuan bur rawng zau lam chu a chuktuah a, Bozenka
chu a hiptir ngar ngar a. Reife a hip hnu chuan thisen pawh a hip chhuak nual a, Frank-a ke vung leh
na pawh chu a ziaawm ta hle.

Moore chu ve thung chu a hma aiin a zual kai niin a lang tlat thung a, a rum nghut nghut ta
reng mai a. A hnu deuhah phei chuan awmze nei lo deuh hian a riat nawk nawk ta mai a. Blake-a
hming te pawh a lam deuh reng a. A ngawi leh vung vung a. Bozenka chuan, “Engtin nge kan tih
dawn? Heti ringawt chuan a dik dawn lo tawp mai”, tiin Frank chu a’n rawn a. Frank pawh chuan
tihngaihna a hre bik der si lo.

Rei fe a ngawih vang vang hnu chuan Moore chu a nui ta kur kur mai a, a nui tawp leh thut a,
Blake, min lo nghak teh, he hmun hi chhuahsan ka duh tawh” tiin thawh a tum uaih a. Frank chuan
a rawn bawh chilh nghal a, Bozenka chuan a lo pui vat a. Moore, i tha em?Blake chu a thi daih tawh
a lawm. Keimahni kan nih hi” tiin a be mawlh mawlh a.

Chutia Frank-a’n a tih chuan Moore pawh chu a rilru rawn fim leh ta ni awm tak hian “E, a ni
maw?” tiin tha tak chuan a thu tha ve leh mai bawk a. Mahse a awm that chhung chu a rei lo hle mai.
A hnu lawhah chuan a rawn nui khek ta uar uar a, Bozenka phei chuan a rap lek lek zawk a.

Frank chuan, “Puk chhungah khan eng emaw tak thil a tawng a ni chiang mai. Hetia awm
ngawt nachhan tur hi a awm lo. Eng emaw amah tihlau deuhtu a tawng a ni lo maw le aw?” Frank
chuan a ti vang vang a. Bozenka chuan, “A nih hmel khawp mai. Mahse engtin nge puk pawn lamah
khan a lo awm leh daih theih si? Amah hrim hrim pawh hi chutiang taka pa dawih chu a ni bik lo
ang”, a lo ti a. Frank chuan, “Hetiang thil hlauh lutuk tawn avanga rilru buai ta hi dawi tur an awm
ve chawk a nia. Dawih leh huaisen lam pawh a ni lo....” a tih mek lai chuan Moore chu a rawn rum
dur dur a. A rum dan chu a hma a a rum dan nen chuan a inang hauh tawh lo.

Bozenka chuan, “Puk pawn lama a lo awm ta daih kha mak ka la ti tawp thei lo. Dik tak chuan
Moore kha chu puk chhungah khan a la awm tur a ni. Hepa hi chu Moore a ni lo tawp mai. Amah
anga insiam Alien emw, thlarau emaw a ni chiang mai” tiin a sawi chhuah ngam mai loh chu a rawn
sawi chhuak ta hlawl mai a. Chutih lai chuan Moore chu a nui leh kur kur thin a, Bozenka chuan a
rap tak zet tawh a ni.

Moore pawh chu a ngawi hle hle tawh a, Frank leh Bozenka pawh mutchhuak insum takin an
muthlu lawp lawp a, Moore chu harsa takin a ding tuih tuih a, “He hmun hi chhuahsan ang u” a
rawn ti thut a, Bozenka chu a phu dawrh a. Frank chuan Moore chu rawn kuai thu lehin, “Khawiah
mah chhuahna tur a awm lo. Moore thu phawt rawh. Naktukah kan chhuahsan dawn nia”, a rawn ti
a. An mutchhuak pawh a reh leh vek tawh.

Moore pawh chu a riat nawk nawk chungin a thu ve mai bawk a. Bozenka chuan, “Moore,
han ang teh le” tiin Moore chu tih u angreng deuh hhian a thlem titih a. Moore pawh chu thuawih
deuhin a ang ve phuau ta mai a Chutia a an lai chuan a kaah Bozenka chuan chi a barh hawng hawng
a, “Engtin nge a awm?” a tih chuan Moore chuan “Engtinmah” a lo ti mai a.

Frank chuan, “Bozenka eng nge i tih a?” a lo ti thuai a. Ka rilruah a rawn am thut a, chi ka
barh maw le!” tih pah chuan Moore chu tui a tulh bawrh bawrh bawk a. Chutia Bozenka-i’n chi a
barh atang chuan Moore chu a ngawi ta hle hle a, darkar khat vel hnuah phei chuan a muhil ta suk
suk a. Frank leh Bozenka pawh chu khawvar lam hnaih tawhah an muhil ve ta a.

A tukzinga Frank a harh chuan Moore chu a lo tho tawh a, chet hars tih hmel deuh hian coffee
in tur a lo siam mek a. Chutih lai chuan Bozenka erawh a la hnar sak sak thung. Frank chuan inperh
thawh at pahin, “Moore, i tha em?” a ti vat a. Chik takin a mit a’n en chuan a mitmengah diklohna
engmah a hmu tawh lo. Moore chuan, “Ka tha lutuk e. Ka nak hi a na deuh tih mai chauh a ni” tiin
Frank chu coffee no a lo pe a. An tawng thawmah Bozenka chu a rawn harh ve a, a tho chhuak ve
nghal vat bawk a.

Frank chuan, “Khaw’maw i nak chu ka lo en chhin” tih pah chuan a coffee n chu dawhkanah
chuan a nghat a. Moore chuan a kawr chu hlimin a nak chu Frank a entir a. Frank chuan, “E khai aw,
hei i eng tihna nge ni ang?” tiin a chek tlak tlak a. Bozenka pawh chuan Moore-a nak chu a’n en ve
bawk tak na engvang nge chutia duk kual ruih laia kaw deuh phar a awmna chhan chu a hrethiam
bik der lo. “Silai kahna te pawh a va ang ve? tih pahin coffee chu a insiam ve rak rak a.

Bozenka pawh chuan Moore chuan dik lohna engmah a nei tawh lo tih a hriat chuan a thaw a
veng huai a, “Moore, engtin nge puk pan lamah khan i lo awm daih theih? Puk chhungah khan min
rawn zui reng khan ka hre si a?” tiin Moore chu a zawt a.

Moore chuan, “Nia, puk chhungah khan i hnungah ka rawn zui ngei che a lawm. Mahse thil
ban deuh ka rap a, ka ke a tang deuh a, ka rawn um pha mai lo che a, chutih lai chuan ka nak hi a
rawn thip zawk a, ka bekah hi talhtuma vuak thlawrh ang hian engin emaw min rawn hem bawk
niin ka hria. Ka harh leh chuan Puk pawna hnim zingah khan ka lo awm reng tawh a. Mahse ka nak
a nat em avangin engmah ka hre ta lo. Ka hriat leh chuan buah hian kan pathumin kan lo awm leh
eng tawh si. Engmah ka hrethiam tawh bik lo” tiin a thil hriat chhunte chu a sawi a.

Bozenka chuan a ngaihtuah chian chuan thil a hrethiam lo ta hle mai. Khatia leikuaa an
chhuah leh dawn khan Moore khan a mawngah a rawn dawm kha a ni reng si a. Mahse chutih lai
chuan Moore chu nikhaw hre lovin a lo awm daih tawh si. A ruk tak chuan a thil tawn chuan a rap
hle.

**************
BUNG SAWM PAKHAT-NA

Tunah chuan Adrian paw’n hma a sawn ve zel a, mahse a file duh pakhat chu Director Dragos-
a room-ah hian a awm hauh lo tih a hre tawh, chu chu khawiah nge a awm ang a, engtin nge a ruk
chhuah theih ang tih chu a ngaihtuah a ngai leh ta.

Sebastian pawh chuan Adrian-a an office-a a lo kal fo chu a hmu thin mahse amah Adrian
chuan hria awm ang pawhin a awm duh lo a. A lehkhadawn dawn leh file chungchang sawipui a
tum pawhin thudangah a pakai leh daih zel thin avang chuan plan fel tak a nei a nih a ring a. Dik tak
chuan a lehkhathawn dawn leh file photo copy vel kha amah Adriana rawn thawn a nih a ringhlel
hauh tawh lo. Mahse office chhungah hian Adrian hian a hre lo va, amah pawhin Adrian hi a hre tur
a ni lo.

A file dawn te chu uluk takin a chhui ve bawk a, tunah pawh hian amah pawh hian eng emaw
chu hriat chhuah a neihbelh ve zel tho bawk a. Kha file leh office lama a file khawihte chu
inkungkaihna thuk tak an nei tih a hre tawh. Mahse engmah chiang tak leh bukfuk taka hriat a la nei
chuang lo. Adrian-a-ah hian a innghat rilru ve hle tawp mai a ni.

Adrian pawh chuan a file ruk chhuah ami number vel chu chik lehzualin a bih leh a. Number
thenkhat chu postal code a ni tih a hrethiam ta. Chu chu khawi ram nge tih chu zawn hmuh dan a
ngaihtuah ngar ngar a. Post office-a a va zawh chuan Istanbul a ni tih a hre chhuak ta.
*************

“Vawiin chu kan chau tlang bawk a, tumah chhuak lovin bukah hian hna tul awm awm hi
khawih ila a tha ang. Moore pawh i nak kha chhuahpui chi a nih lo kha”, tiin Frank chuan a thiante
hnenah chuan a rawt a. A thiante pahnih pawh chuan an lo pawm angreng hle a. Bozenka phei chu
chhuahvah chakna a nei lo mai pawh ni lovin khawiah pawh chhuak se ngaihngamin a awm thei
tawh lo a ni ber mai. An bukah hian him berin a inhria a. Chuvangin Frank-a’n a rawn rawt takah
phei chuan a lawm rilru zawk hle nghe nghe a, “Ni e, hei tui leh thingtuah tur vel pawh ngaihtuah
kan ngai leh tawh tho a lawm” tiin a lo zawm hle a.

Tichuan chhuakvak lem lo chuan an vaiin buk velah chuan awmhmuna tihtur awm ang angte
tiin an tul hle tho mai. Moore pawh a ziaawm chho zel a, mahse a nak nâ chu a chhuak leh zauh
zauh thin. Engah mah ngai lo leh pawisa lo luiin a nak nâ chu a chetpui miah miah tho a.

Chawhnu herah chuan Moore chu a buai leh ta tlat mai. Bozenka chuan Moore-a awmdan a
hmuh chuan zan lama a awm dan ang khan a awm leh dawn tih a hriat mai avangin a ngaih a tha lo
hle a. Buk pawna an pathuma an awm lai chuan Moore chu a meng â leh ruai tawh a. A hnuah phei
chuan amahin a phun leh bul bul tawh mai. Chutih lai chuan a nak chu a dawm ngawng ngawng a,
mahse tawngkam khat pawhin a nak chu a nâ a ni tih a sawi chhuak lo.

Buk chhung lamah chuan Frank leh Bozenka chuan Moore chu an kaihkuah lut a, Moore chu
a thiante tih ang ang chuan a awm miah miah zel bawk a. Buka an thut remtir chiah tih chuan More
chu a rawn nui khek leh ta uar uar mai. Bozenka chuan rapawm a ti tih a hmel atang chuan a hriat
reng a.

Frank chuan zan lama Bozenka-in chi a barh avanga a ziaawm tak dan kha a la hre reng a,
chutia More a awm takah chuan chi chu a barh leh ta a. Chi a barh hnu chuan tlemin a ziaawm deuh
a, mahse zan lama chi in hna a thawh ang tak khan hna a thawk ta meuh lo tih chu a Frank leh
Bozenka chuan an hrechiang hle mai.

Rei fe chutia Moore-a buai chu tlemin a zawiawi ta deuh a. Buk bang nghengin a thu ngaih
ngaih a, a thiante hnenah chuan a nak natzia chu a sawi leh a. Frank chuan a nak chu a’n ensak a. A
nak kaw deuh phut atang chuan hmawlh/thingtang kungzingchal tiat vel hi a inhnawh tut a. Chu
hmawlh chu tang a hmuh chuan Bozenka chu a ner sawk sawk a.

Frank-a’n Moore-a naka hmawlh tang lakchhuah tuma a’n khawih vel chuan Moore chu a
then chawk chawk a, a thlanfim a rawn bawl nghal tawk tawk bawk a, Bozenka chuan hmuh hrehawm
a ti ngei mai. A lak chhuah mai theih bik loh avangin nâ ti hle mahse dim theih a ni chiah si lo. A han
chawlh leh vang vang hnu chuan a nak chu sawr titih deuhin a’n hmet a, Moore chu a te rawng
rawng a. Chutia a hmeh sawr takah chuan hmawlh pawh chu a rawn lawr ta deuh a, a pawt chhuak
ta zal zal a.

Frank-a’n hmawlh a lak chhuah chiah chuan Moore chu a ngawi ta hle hle a, engmah hre
lovin a muhil siai siai a. Hmawlh tang a lak chhuah, thisen kai deuh nuau chu buk kawngka bul
pawn lamah a theh chhuak nawlh a.

Buk pawn lamah Frank chu a chhuak a, Bozenka chuan Moore-a nak chu uamsak tumin a a
kawr chu a phelhsak nawk nawk a. Chutih lai chuan Moore chu a la muthlu miah miah tho bawk a.
Harsa ti fea Moore-a kawr a phelhsak hnu chuan a thamhnaw pakhat a zai thler kawk a. Bozenka-
i’n Moore-a nak a tuam dawn lai tak chuan Frank chu buk chhungah a rawn lut a, “Bozenka!” a
rawn ti tuar a. Bozenka pawh chu a phu dawrh nghe nghe. Frank-a a en chuan Frank a mitmeng chu
mak tihna hlir hian a khat ni berin a lang.

“Hmawlh hi buk chhungah i la lut leh em ni?”

“Eng atang nge ka lak luh ang?”

“Pawn lamah ka paih chhuak a ni si a hetah hian engtin nge a awm leh theih?” tiin Moore-a ke
bula hmawlh, a nak atanga a lakchhuah chu a melh ngawt ngawt a.

Bozenka pawh chuan an bulah hmawlh chu a awm tih a hre bik hauh lo. Frank-a’n pawn lama
a paih chhuak lai kha a hmu ve ngei si a. Frank chuan hmawlh chu lak tuma a zuk khawih chuan a
kut a la let zawk mai. A hma khan hetiangin chu hmawlh chu a nem nuak pawhin a hre si lo va. A
ngaihna hre lo taka a melh ringawt lai chuan chu hmawlh chu a che ta tual tual a, Moore-a ke lamah
chuan a che phei hret hret a. A chet dan erawh sawi thiam a har hle. A vak ti dawn ila vak ke a nei
si lo, a tleng a ni hauh bawk si lo.

Chutia an en reng lai chuan chu hmawlh nia an ngaih mai chu Moore-a ke chhungah chuan a
lut dawn ta, a vun leh tisa chu awlsam taka tawn tlangin a lut ta mai a. Frank chu a harh chhuak thut
a. Chu thil chu a man a, Moore-a ke atang chuan a la chhuak nghal vat a.

An han en chian ngial pawhin hmawlh ang chiah a ni a, a chemtea a’n thai leh vel pawhin a
sak leh tulh tho si. Tunah chuan hmawlh a ni lo tih hriat ngaihna a awm der lo. Bozenka chuan, “Hei
hi Moore-a kha ti anga a awmna chhan kha a nih ngei dawn hi. Eng thil nge ni ta ngai?” a lo ti a. “Ka
hre bik lo, chi kha han la teh” tiin Frank chuan Bozenka chu a tir nghal a. Bozenka-i’n chi a rawn
lak chuan Frank chuan chu hmawlh ang deuhah chuan a phul ta tlawrh mai a. Rei lo te hnuah chu
thil chu a ran vial tup tup a, a alh ta pup mai a, Bozenka leh Frank te chuan mak an ti dun ngei mai.
He thliarkar hi a mak ringawt pah ni lovin a chhunga thil awmte pawh hi a mak tho mai a nih hi
maw!

Rei fe a muthlih hnu chuan Moore chu a ran harh hlawl mai a, Bozenka chuan, “Eng nge i an
Moore? I tha em? I nak chu a la na em?” tiin a lo be sawk sawk a. Moore pawh chuan a that thuin
a lo chhang ve bawk a.
 Moore-a nak atanga hmawlh danglam tak an phawrh chhuah atang chuan Bozenka chuan
chutiang ang hmawlh leh thingtang a hmuh chu a tih deuh riau tawh mai thin a. Mahse chu tiang
hmawlh ang tak chu hmuh tur avang angreng hle lawi a.

Bukah chuan coffee siam malh malh pahin Bozenka chuan, “Hei hi kan coffee in hnuhnung
ber tur a ni tawh ang. Vawi khat siam daih chiah kan nei tawh” tiin a thiante chu be mawlh mawlh
mawlh a. Frank pawh chuan, “He thliarkarah hian kan awm rei ve ta hle a nih hi. Rinai takin kan
daih rei zawk a lawm” a lo ti a. Chutih lai chuan Moore chuan a nak chu a dap leh rak rak thin a,
Bozenka hnenah chuan, “Kaw maw, ka nak tuamna hi han phelh teh. Min kam relh relhtu a awm
tlata hriatna ka neih chu le. A na phei chu a ni tawh lo naa a ngaimawhawm riau mai”, tiin a kawr
chu a phelh a. Bozenka chuan, “I ngaihbel mai mai a ni lo maw?” tiin a nak tuamna chu dim takin
a phelhsak a.

a pjelh zawh chuan Moore-a nak atang chuan thisen tlem hi a rawn hnam tiam tiam a. Bozenka-
i’n a’n en chian chuan, “Hei a dang a la tang tlatin ka hria” tiin a tho ta daih a. Frank chuan Moore-
a nak chu a’n ensak ve leh a, Bzenka sawi ang ngei chuan hmawlh dang chu a l la tang tak tak a.
phawrh chhuah a ngai leh dawn ngei si a, More chuan a huphurh ru hle tih chu a hmel atang pawh
hai tur a awm lo.

Frank-a’n Moore-a naka hmawlh tang lachhuah a’n tum chuan hmawlh chu a hma ang khan
a rawn lawr chhuak tah si lo va, lakchhuah a harsa ngei mai. Chutih chhung chuan Moore chu a lo
insehruh fan fan reng bak a. a thlanfim a rawn far leh ta fap fap mai. Engtin nge he hmawlh hi a lo
la tan reng theih a, engtin nge Moore-a nakah pawh hian a luh theih reng reng ni.

Rei ngial a beih hnu pawh chuan Frank chuan a la chhuak thei ta hauh lo mai. Zan lama
Bozenka-i’n More-a chi a barh kha awmzia a neih neih neih loh fiahna tha tak niin a he ta thut a. A
nak hliamah chuan chi phul ta tlawrh mai. Frank-a beisei ai mah chuan chi chuan awmzia a lo nei
nangiang mai le. Chi a phul hnu rei lo tê-ah chuan Moore-a nak atang chuan hmawlh a awn lawr
tuam tuam a.

An en rreng lai chuan a nak kua atang chuan hmawlh pakhat mai pawh ni lo, a dang pawh an
rawn inhnawh chhuak hawl hawl a, a rualin pahnih an rawn chhuak hlawl mai. Pahnih an chhuah
hnuah chuan a dang pahnih hi an rawn inhnawh chhuak leh nghal zat bawk a, chu chuan Bozenka
chu a rap ngei mai.

Hmawlh tangte chu a chhuak zo tawh niin an ring a, tunah chuan a dang chhuak leh tur a awm
tawh lo a nih hmel mahse ngaih tihthat nan chi chu an phul leh a, rei fe an nghah hnu pah chuan a
dang chhuak leh tur a awm tawh lo. Hmawlh an lak chhuah vek hnu chuan Moore pawh a thaw hak
mai a, a muhil leh ta siai siai a.

Zan lamah chuan Moore pawh chu a ziaawm ta hle mai a, a nak pawh a hliamna tih mai lo chu
thil dang a awm tawh lo ni ngeiin a lang. Tui chhuang sain chi an al a, chu tui lum chial chuan a nak
hliam chu uluk deuha an sil hnuah an tuam leh a, insawiselna dang a nei ta em bik lo.
 “Engtin nge hmawlh kha i nak chhungah khan a luh theih ngawt reng reng? A luh lai pawh i
hre miah lo a maw?” tiin Bozenka chuan Moore-a nak tuam malh malh chung chuan a zawt a.
Moore chuan, “A luh lai ka hre bik hauh lo. Ka sawi tak ang khan a rawn thip zawk a, ka beka eng
emaw niin min rawn hem chawrh kha ka hriat hnuhnung ber chu a ni mai”, a lo ti a.

Frank chuan, “Kha thil, hmawlh emaw kan tih mai kha eng nge ni tang le? Rannung chu a nih
hmel si a, mahse a awmdanah khan rannung anna pakhat mah a nei chuang si lo. Ka piana hnu
lamah khatiang thil kha ka hriat vawi khatna a ni. A chet dan te reng reng kha a maksak hle mai. A
hlauhawm zek a nih dawn kha”, a lo ti a. Moore pawh chuan, “Kei pawh tun thleng hian ka la tim
uai uai thei nia. Sawi zui pawh dik tak chuan ka chak reng reng lo”, a lo ti ve bawk a. Frank bawk
chuan, “Engtin nge hmawlh kha pakhat aia tam daih a lo awm pawh kha a mak reng reng bawk. Kha
thil kha eng rannung emaw tak a ni ang a, taksa chhunga awm chi parasite chikhat an ni mai awm a
ni. Chu bakah mahnia chi thlah thei hemophrodite an tih ang chi ni tho bawkin thisen kha chaw-ah
an ring ang a; taksa chhungah chi an inthlah pung a ni chek ang”, a lo ti leh a.

Bozenka bawk chuan, “Thil vang tak leh rapawm tak zawng a ni phat mai. Moore hian sawi
hrehawm a tih chuan sawi kei pawh sawi nuam lo ka ti deuh tlat a nia. Mak ka tih zawk ber mai chu
puk chhung atanga lei kuaa min rawn dam chhuaktu kha tu nge ni ta ang? Kha tihlai kha chuan
Moore kha nikhaw hre lovin a awm daih tawh a ni si a!” a lo ti a.

Frank chuan mak tih hmel zetin, “Moore-a ni lo, midang rawn dawmtu che an awm maw?” a
lo ti ha a. Bozenka chuan, “Awm chiang e, a hma pawh khan ka sawi tawh kha” a lo ti leh mai a. “A
ni maw. Chuti chu he thliarkarah hian midang awm an awm ve a ni ngei ang? Mahse tute nge ni ang
a, engvangin nge kan lakah hian an inthup tlat?” tiin Frank chuan a melh ngai a melh ngawt ngawt
a. Chutah rawn tawng chhuak lehin, “Ngawi tu, Thuram hi kha leihnuaiah khan a awm ang a, keini
pawh kha kan lut tih hi a hre reng a ni thi mai lo maw?” a ti leh vang vang a.

Bozenka chuan, “Ni e, a ni tak ang e. Mahse, ngaihtuah teh. Engtin nge Moore kha kan hriat
miah lohin ltihnuai pawn lamah a lo awm daih theih? Thuram-a thil tih chu a ni thei chuan lo tawp
mai. Chu lo rengah Thuram kha kha leihnuai puk chhung thimthamah khan engvangin nge hreham
taka a am reng kher ang? Thil tih awmze nei l tak a ni dawn a sin”, a lo ti leh a. Moore chu rrawn
tawng vein, “Heng hi a hma daiha ka sawi tawh kha, Alien thiltih bak a ni thei lo. Mihring
thiltihtheihna hmanga tih a ni lo hrim him. He thiarka hi Alien te khawsakna a nih hi. Ka naka
hmawlh che sawn thei te pawh kha an thil tih vek a ni tih hai tur a awm reng reng lo” a lo ti a.

Zan muthmunah chuan Bozenka chu a phu leh zawk thin a. Chhun lama an leihnuai puk
luhna vela an thil tawn chuan a rap deuh tlat vang emaw ni, ngaihtuah loh a tum pawhin a muthilh
dawn suaur suarah a a rilruah a rawn lang leh thut thin. A chang leh a lo muhil siar siar a, a muhilh
pawhin a mangphan leh tho thin bawk a, chu zan chu Bozenka tan chuan zan duhawm a va ni lo teh
lul em!

Chutih rualin Frank pawh chuan Moore-a thil tawnte leh leihnuai puk chhung chungchang
ngaihtuah chuan a rilru a kawm mial mial a. Puk chhungah khan midang khawsa ve an lo awm tak
tak em ni? Lo am ni ta se pan lamah an thawm riva leh hnuhma takngial pawh engvanga hmuh tur
awm lo nge an nih ang le? Nge he thliarkar hi mi thiltithei takin a thil tihtheihna mak tak hmanga
thunun em ni zawk le? tih ngaihtuahin a mengrei ve le tho mai.

**************

BUNG SAWM PAHNIHNA

“File atang khan thil hriat belh i nei thei ta em?”

“Kha’ng number leh code vel kha ka hnathawh lai nen hian inkungkaihna an nei vek tih leh
number te kha kan office thil nilovin Valota chungchang a ni tih zawng ka hriat a ni mai”.

“I hre dik chiah a nih chu. File pawimawh tak dang a la awm tih i hre hauh lo ang ti raw?”

“Hre miah lo. Chu chu eng nge a pawimawhna?”

“Chu file tel lo chuan photo copy ho kha a awmzia a hriat theih loh. File pakhat dang chu hmu
ila he kan file copy kawllai hi hriatfiah dan a awm vek ang. Chu file erawh chu Director Dragos-a
room-ah hian a awm si lo”.

“Chuti chu khawiah nge a awm anga engtin nge kan neih theih ang?”

“Bucharest khawpuiah hian a awm lo hrim hrim, Turkey-a zin a ngai ang”

Adriana’n Turkey a sawi chuan Sebastian a beng a verh zar mai. A dawhkan hnuaia Istanbul
ticket lo awm nawlh kha eng emaw ti zawng taka pawimawhna a neih a ring reng a ni. A ngaihdan
takah phei chuan tuna an file original copy hi Istanbul-a awm turah a ngai daih kha a ni reng a,
mahse a khingpui a awm pawh chu a awm viau reng a ni. Adrian chuan, “Valota nihna tak hre
chiang tur chuan chu file chu kan hmuh ngei ngei a ngai dawn a ni. Naktip mai khian Istanbul-ah
chuan ka kal nghal dawn” a ti a.

Adrian chuan, “Valota chungchang hi i hre vek tawh zawk turah ka lo ngai a. Letter code
hmanga Valota chanchin min rawn thawn kha chuan i duh chu i hre vek tawh emaw ka ti mai a sin”
a lo ti a. Adrian chu a nui hak hak a, “Kha kha i dawng ve tho a ni maw? Keima rawn thawn che a
ni hlei nem. Kei pawhin ka dawng ve tho a, a tirah phei chuan eng a sawi tumna nge pawh ka
hrethiam chiah lo va uluk zawka ka bih chian hnuah thuthup te kha ka hrethiam ve chauh zawk a
sin. Nang pawh chuan engtin nge i hriatchhuah theih zawk? I thluak a tha fahran hle mai”, a ti luam
a.

Sebastian chuan, “Kha thil kha nangma min thawn a ni lo maw? Tu nge ni ta ang le?” tiin a
chek tlak tlak a. Adrian chuan, “Ka hre bik miah lo. Mahse a thawntu ai chuan a thuken kha a
pawimawh zawk a lawm le”, a lo ti mai a.

Sebastian vek chuan, “A nih leh engvanga secret code an hmang vek nge a nih ang le?” a tih
chuan Adrian chuan, “Chu zawng a chhan a awm ngei ang. Nang pawh Director Dragos-a hnuaia
thawk i ni a, kha lehkha i hmuh hma khan amah pawhin a lo hmu hmasa palh thei a sin”, a lo ti leh
a. “Anih leh Office-ah hian engvanga min hre lo tlat nge i niha kei pawhin ka hriat i duh tlat loh
chhan hi eng nge ni?” tiin Sebastian chuan a zawt leh hram a. Adrian chuan, “Tunah pawh hian min
hmu ru reng lovang tih a sawi theih hauh hlei nem. Director Dragos hi pa mawl zawk zawk a ni bik
miah lo a nia” tiin a a ding hluai a, “A hmawr kan bawk theih thuai ka beisei” tiin a chhuak ta a.

Anni pahnih lo hi Valota chungchang hretu an awm tih tunah chuan Sebastian chuan a ringhlel
ta hauh lo. Tunge chu thil chu lo buaipuiin a chanchin lo hretu hi ni ang. Zawn chhuah theih ni se,
tunah hian an buai an buai ngai lovin an zawt awlsam et mai tur. Mahse amah lah chu a inthup tlat
bawk si. Rei vak lo a thut leh hnu chuan Branfart Hotel chu a chhuahsan ve ta a.

***********

“Helai hmun hi kan la zawh miah lo a ni maw?” tih pahin Frank chuan a chemte chu a phawrh
a. Bozenka chuan, “Hman nia tuipui kama thliarkar kan hel chhuah ni khan thliarkar lian tak ni
pawhin a lang si lo va, mahse kan chhuah tawh hi chuan kan la dai ngai loh hmun a lo ni fo zel mai
a; a landan ngawt aiin a zau phian em ni chu le?” a lo ti ve bawk a.

A hnung bera kal Moore pawh chuan, “Ni ngawt mai. He hmunah hian kan awm rei ta viau a,
mahse a hmunhma kan bel thei reng reng lo mai leh kan la kal ngai lohna hmun kan zawh ziah thei
hi chu a hriatthiam a har khawp mai. Kan awm rei tawh ngaihtuah chuan pal chhuak vek tawh tur
kan ni a sin le!” a lo ti ve bul bul a.

Moore-a’n tawhsual a tawh hnu khan eng emaw chen chu bukah an tamtal a. Chumi chhung
chuan an awm chhunga ni leh thla an hriat theih nan calendar te siamin an theih ang angin hun an
vawng ve a. Mahse an chhui let dan leh ni an hriat dan a inang lo leh lek lek thin. A awm khan ber
nia an hriat chu ringin chumi atang chuan ni an chhinchhiah ta kha a ni.

“E khai! Mei khu chhuahna thing hmun kha a ni reng mai. Helam atang chuan kal chhung a
va rei lo em! Mahse thing ding hi a va tlem ta si ve!” tiin Frank chuan maktihna mitmeng nen a
thiante chu a melh zak zak a. Bozenka chuan, “Chutia law? Albercht-a eitu fanghmirte kha an la
awm ang em?” tiin a hawi zak zak a. Moore pawh chuan, “A nih tak hi! Fanghmir chu an awm tawh
kher lo vang. Mahse thing ding hi a va thawl tak ve. Kan kal hmasak kha chuan an ding thuau a nih
kha” a lo ti a.

Frank chuan, “Kihna hnu hma pakhat mah a awm si lo va. Kittu turin mihring an awm pawh
a ni bawk si lo nen, Engtin nge hetiang takin a lo danglam theih?” tiin a bul vel chu a fang thuak
thuak a. Bozenka chuan nui hak hak chungin, “Ngawi teh u, he mual hi Albercht-a thihna hmun nen
khan a inang hle tak mai. Mahse kha hmun kha chu a ni lo tawp a nih hi. Kan kal dan atang pawh
khan a hriat mai a lawm”, a lo ti a. Moore chuan, “A ni a lawm. En ta che. Thing ler atanga mei khu
chhuak i hmuh khan helaiah chiah hian i ding a nih kha” , a lo ti a. Frank pawh chuan, “Ni e, he
hmun ngei hi a ni. A mual awmdan leh hmunhma kha ka chiang ve viau a ni”, a lo ti ve bawk a.
 Bozenka chuan, “In chiang chiah maw? Kha hmun kha chu buk atang paw’n a hlat ve fu kha.
Helai te hi chu buk atang khan a hlat loh em hi” a lo la ti talh a. Frank leh Moore chuan an chianzia
an sawi dun fe hnu chuan Bozenka pawh chu a tang rei ta bik lo va.

Moore chuan a tuithawl chu in tumin a phawrh a, a in dawn lai tak chuan a dinna lei chu che
deuh hrut hian a hria a, a tui in tur pawh chu thulh lehin a’n ngaichang leh vang vang a. Chutia a
ngaihchan vung vung lai chuan lei che chu a hre leh ta, “Ka dinna lei hi a che tlat mai. Hei, hei... a
rawn pawng chho zel” tiin a kalsawn vat a. Frank leh Bozenka pawh chuan chik deuhin an en ve a,
Moore-a dinna zawn lei chu a pawng telh telh a, Bozenka chuan, “Saw lai pawh saw, saw... a, a ni
ve tho mai...!” tiin mak ti takin a en reng a. Hmun dangah pawh chuan a rawn pawng chhuak zel a,
chutia an en reng lai chuan eng emaw ni hi lei chhung atang chuan a rawn chhuak tual tual a, hmun
hran hranah pawh chutiang chuan a awm zel bawk a.

Rei fe hnuah chuan thil rawn lawr chhuak zel chu thing, a hmaa an hmuh tawh ngei te kha a
ni tih an hre ta mai. Sang tak thlengin an bul velah chuan thing chu a ding ta khup mai a. Thing ding
a tlem ta hlea an hriat chu tunah chuan a rawn bit leh ta hle mai. Bozenka chuan, “Eng thing nge ni
ta ngai? Thing puitling thankin sain an rawn to a ni ngawt a lawm! Hetiang hi khawvelah a awm
thei lo hrim hrim” a ti a, mak a ti hle tih a hmel atang chuan hai tur a awm lo.

Chutia an thlir reng lai chuan chung thing ler atang chuan meikhu chu a lo chhuak leh ta nguai
nguai mai a. Moore chuan, “Khi, a hma ang bawk khan meikhu a rawn chhuak leh tawh. Khawi lam
mei khu nge ni ang?” tiin a thiante chu a kawhhmuh a. Frank leh Bozenka pawh chuan an lo thlir
ve reng tawh zawk a.

Bozenka chuan Frank-a chemte kenlai chu laksakin thing pakhat chu a’n sat chhin a, thing
chang tak a ni tih a hre mai. Thing hawng leh a har tlem chu a la a, a ak ta daih a.

Chu hmun an kalsan pah chuan Bozenka chu a tawng mawlh mawlh a, “He thing hian rim
pawh zu nei hauh lo va maw le!” tiin a hmaa kal Frank chu a zui dat dat a. Frank pawh chuan,
“Thing tak tak pawh a ni lo a ni mahna. Moore-a ngaihdan takah alien ho thing a nia, rim a nei lo a
niang” tiin a nui hak hak a. Hmun awih deuha an kal lai tak a nih avangin Bozenka chu lei nalah a
tawlh tleng puat a, Frank-a keah zuk tlawhin an pahnih chuan an tawlh dun han han a. An hnungah
chuan Moore pawh chuan rawn zuiin Bozenka chu a rawn chelh ding hram a, Frank pawh a thlang
deuh lawkah a ding ve thei hram a.

Moore chuan, “Helai hmun hi chu ka hriat hnu a ni tlat mai. Kan kal tawh ngei a ni ti raw
Frank?” tiin a bul vel chu a’n bel chiang that that a. Frank pawh chuan a hriat hnu leh an kalna hnu
ang chu tih ve tho thuin a lo chhang a.

A hnu rei vak lovah kal khan remchang tha deuh mai lo awm chu an zawh ta a. Frank chuan,
“Moore, he lai hi hmana kan tui hmuhna bawr vel kha a nih chiah hi. Kan thlang lawkah tui kha a
awm ang.... khu, a awm ngei a lawm”, a ti chul a. Moore pawh chuan phur fahranin, “A nih chiah hi.
He hmuna kan kal hmasak khan kan haw leh lam khan tui kha a lo awm lo daih kha a ni a, mahse hei
tunah chuan a awm leh tawh a lawm” a lo ti a, tui awmna lam chu an pan thla that that a.
 Muang changin an hmaite phihin an insil thlandai a, duh tawkin tui chu an in hlawm a.
Bozenka leh Moore-a’n an tuithawla tui an thun lai chuan an sirah Frank chuan chulai ram awmdan
chu hriatchian tum takin a lo thlir kual vel a. Bozenka-i’n, “Frank, khawi i tuithawl kha han la rawh,
ka lo thun ang che” a tih chuan Frank chuan, “Ka tuithawl chu a la khat vek, thun ka la ngai lo ve”,
a lo ti a.

Chu kawrtui bulah chuan an han thu khawmuang leh te te a. An kal leh dawn chuan tui chu an
in leh hlawm a. Moore chuan, “Blake, min lo nghak rawh. I hmanhmawh lutuk a nih kha; kan
awmna chin pawh hi kan hriatchian miah loh hi” tiin Frank leh Bozenka hnungah chuan a rawn kal
vut vut a. Frank chuan, “Khaw’nge Albercht tehreng pawh chu maw le? A va rei ve. Duh leh Blake
leh Moore chu hmun hranah lo va kal mai rawh se, an duhthu a lawm”, a lo ti a.

Bozenka chuan, “Albercht chu a lo let leh mai ang. Thuram, Thuram khaw nge Thuram kha,
a lo va kal hmasa em ni?” tiin Frank chu a en deuh hau bawk a. Frank chuan, “Albercht-a bulah
khan a awm reng kha, A, saw Moore chu a lo let leh si a nih saw. Moore khaw nge Blake chu? In kal
dun lo em ni?” tiin a chemte chuan a bula hnim chu a fik hmawk a, tiang atan a hmang a.

Moore chuan, “Aw, in hma lamah khan a kal reng kha. Hawh u, va zui vat ang u. Blake hi
khatiang taka mahni thuduhin a awm ngai lo a sin maw le. Frank, i hrethiam dawn nia, a rilru a hah
ve deuh pawh a ni mahna” tiin Frank-a hnungah chuan a rawn kal khat khat a. Frank chuan, “Ni e,
kan puan in awmna lam pawh tuman kan hrechiang lo va, kan hriatna lam a inang lo fur bawk a, chu
pawh ni se inla hrang bik lo va, hmun khata kan kal a tha a sin. Kan chhuah hma pawh khan ka sawi
mawlh mawlh si a, tumah inhloh lo thei ila kan tan a tha ber tih ka sawi mawlh mawlh a, ama thu
chauh a ngaipawimawh a nih kha. Eng pawh ni se, he thliarkar hi a zau viau a rinawm lem loh a;
tumah kan inhloh hlen lo chek ang chu” a ti a, a lungawi lo lek lek tih a hriat theih.

Ngawi rengin an pan lam pawh hrechiang miah lovin an kal miah miah ringawt a. Reife an
ngawih hnu chuan Frank chu rawn tawng chhunzawmin, “Blake leh Albercht leh Thuram chu an
pathumin an kal ho a nih ka va ring em!” a ti boh a. Bozenka chuan, “Kal ho lo vang, Blake chu
amahin a kal a, Moore-a’n a zui a nih kha. Midang zawng chu tui bulah khan kan awm vek kha.
Moore lah hei kan bulah a awm ve leh tawh bawk si. Amahin a kal a ni ang; a lungawi chiah lo a nih
hmel”, a lo ti a.

Moore pawh chuan, “Ni e, Blake chu ka zui ngei a lawm, mahse ka hmaah a kal a, ka hmu
tawh miah lo va, helamah ka rawn pawh leh che u a nih kha. Frank-a rorel danah a lungawi chiah lo
a nih kha”, a ti a. Frank chuan, “Ka thiltih danah khan lungawi lohna chhan tur a awm reng em ni,
Bozenka?” tiin a hnunga kal Bozenka lam chu a hawi a. Bozenka chhan hma chuan Moore chuan a
rawn chhankhalh a, “I ngaihdanah chuan a awm lo a ni maithei. Mahse engkimah i thu thuin kan
awm vek kha tam tak tan chuan a ngaimawhawm ve thei a sin”, a lo ti a.

Frank chuan, “Ka thuhnuaiah in awm chuang hlei nem.Engkim kan rawtin kan rel ho vek a,
kan duhdan rualkhai thei angber vekin a lawm kan khawsak”, a lo ti let a. Moore bawk chuan,
“Tunah pawh hei i hnung kan zui dat dat reng che hi. Ramchin hre ber pawh i ni chuang lo va, hei
chen i thua kan awm hnuin kan thiante pathum chu lungawi lovin an pen darh tak vek hi. He
hmunah hian hruaitu tura ruat bik i ni chuang a mi?” a lo ti leh a, a awka atang paw’n a lungawi lo
chak hle tih a hriat theih.

Frank chuan, “Awm bik chuang lo ve. Duh leh nang pawh i duhdan chuan awm la, mahni
duhdan ang vekin kan awm ang a a ni mai lawm” a lo ti a. Moore chuan Bozenka chu rawn pel
thuakin Frank chu a rawn hnaihchilh a, “Kha leh chen kha i thuhnuaiah kan awm tawh a, tunah
chuan ka thu thuin in awm ve thung a ngai tawh ang” tiin rum fein Frank chu a melh khai mai a.

Frank chuan Moore-a thil tum chu a hai bik hauh lo “I tha chakna hmanga midang thunun i
tum a nih chuan han tum chhin chiah la” tiin a chemte chu a lek kang va a. Moore pawh chuan a
chemte chu phawrh vein, “I duh tak tak a nih chuan a tawp thleng kan ngam tur a ni ang” tiin hmun
rem lo takah chuan an inveh chu a ni ta der a.

Bozenka chuan anni pahnih chu a lo thlir reng ringawt a, a nuih vel mai mai a. Frank leh
Moore pawh chu an inveh uluk tawh hle mai. Moore chuan va bawh thut tumin a chemte vilik pahin
Frank-a lamah chuan a tlan thut a. Frank pawh chu rang takin a lo insaseng ve a, mahse a ban a lo
vai nalamah Moore-a chemte chuan a tai thi ser ser a. An in veh tha leh ta. Tunah chuan Frank chuan
ka chet ve hun ti niawm takin Moore chu a va zuan ve ta thung a. Moore chu che sawn chuang lovin
inring deuhin Frank-a rawn zuan thlen nghakin a lo dawh tawp a. Frank an a rawn zuan chiah chuan
a lo pawmbet nawlh a.

Bozenka chuan, “Duh tawk rawh u. In ho emai” tih pahin a nui ar ar a. Anni pahnih lah chuan
inthlah an la tum lo hmel nasa mai si. Moore chuan Frank chu leiah a keuh tlu thuai a, an inkeuhtlukna
lamah an chemte chu an thlauh ve ve a. Thahruiah chuan Frank chuan Moore chu a khan lo angreng
hle. Mahse a bet zawk Frank chu a lo indang ve zel si a, Moore paw’n tih vak ngaihna a hre bik
chuang lo.

Bozenka chuan, “Ngawi teh u, chu kan thiate thawm niawm deuh ka hre tlat. Min rawn
zawng a niang, tiin an thiante pathum hmingkim chuan a ko loh loh a. Moore pawh chu a tho
chhuak nghal a, Frank pawh chuan leia la tlu reng chung chuan thawm a ngaichang ve vung vung
a”. Bozenka bawk chuan, “Chu in hre ve lo a mi, kan piah maiah sawn an awm a nih chu!” a ti leh
a. Frank chuan rawn thawh chhuah pahin, “An nih chiah chu, Albercht, Thuram, he ta hi kan awm,
rawn phei rawh u” a ti lung lung a.

Rei fe an nghah hnu chuan an thiante thawm nia an hriat pawh chu a reh leh ta daih a. Thawm
an hriat chhunzawm tak lohah chuan a hma ang bawk chuan Moore chuan Frank chu a zui leh ta
hna hna tho a. Inbe lova an kal miah miah lai chuan Bozenka chuan, “Ka chau lutuk; ka thu dawn”
tih leh leia thut chu a rual ta mai a. Mipa pahnihte pawh chu an chau ve tho mai. Moore pawh chuan,
“Kei pawh ka chau, ka mut a chhuak lutuk” tih paha tui a in lai mek chuan Frank chuan a tuithawla
tui chu a lo inkhawlh khawlh a, a thu ve hnawk bawk a.

Moore chuan, “Kan thiante nen chuan kan inhmu leh chek ang chu maw. Khawi lamah nge
maw an kal daih bik ni?” tiin a ham bui bui a. Frank chuan eng emaw a ngaihtuah vung vung a, a lu
a thing nawk nawk a. Bozenka chuan, “Kan inhmu leh mai ang. Tunah chuan puan inah an awm
daih tawh maithei a sin”, tiin a tuithawl chhin chu a hawng nuap nuap a, a in dawn chiah chuan
Frank chuan, “Bozenka! Bozenka, in suh” tiin a pan hnai hrawk a, a tui ken lai chu ben persak
nawlh a. Frank-a chet dan chu Bozenka leh Moore chuan an hrethiam lo hle mai. Engmah sawi
lovin Frank chu an en hau ringawt a.

Frank chuan, “Kan tui in kha a ni!” tiin ama tuithawl a mi chu a pe a. Bozenka chuan engmah
a la hrethiam chuang lo, “Eng maw kan tui in chu? Eng tin nge a awm?” a lo ti let hu a. Chutih lai
chuan Moore chu a lo muthlu deuh lak lak a. Frank chuan, “Kan tui in khan kan rilru leh thluak a
tibuai vek. Kan thiante’n min pensan nia kan hriat kha a ni miah lo” tiin Moore chu a va sawi nawk
nawk a.

He hmuna an kal hmasak nia an awm dan leh tuna an awm dan hi hun hrang daih a nih laiin
an pathum chuan an ngaihpawlh vek tih Frank chuan a hrechiang tawh hle mai. Chuvangin Bozenka-
i tuithawla tui chu kawr tui kha a ni tih a hre chhuak thut a, a in hmain a va ben persak kha a ni.
Moore pawh pa zaidam tawp a nih laiin khati maia a chunga tharum thawh a duh mai leh amah ngei
pawh khati taka Moore-a chunga a thinrim ngawt kha a ngaihtuahin an tui in hnathawh vek a ni tih
a hrethiam ta a.

Bozenka chuan Frank-a tuithawla tui chu a in khalh khalh a. A in zawh chuan a lu a thing nar
nar a. Nichin lawka a hmaa an awmdan kha mak a ti hle mai. Blake, Albercht leh Thuram kha
kawrtuiah khan an awm vek ni khan a hria kha a ni a, mahse anni chu an thi daih tawh si. Engvangin
nge khati taka an rilru a buai theih tih chu a hrethiam lo hle mai.

Frank chuan Bozenka in hnu tuithawla tui chu Moore-a kaah chuan a tulh bawrh bawrh a,
Moore chu a rawn khuh chhuak bawrh bawrh a, a rawn harh chuan ani pawh chuan thil awmdan a
rawn hre chhuak ve tan ta.

Frank chuan, “Kha kawrtui kan in hmasak kha chuan engtin mah kan awm si lo va, engati nge
vawinah khati taka kan buai ni. Kan thil hriat dan zawng zawng kha kan kal hmasaka kan tawn nen
kan ngaihpawlh vek ni maiin ka hria” a ti a. Moore pawh chuan, “Nichin lawka kan insual chiam te
kha eng nge a chhan ni ang?” a lo ti a. Frank chuan, “Kawr tui kan in atang khan kan thilhriat dan
dik lo a intan chiah a ni. Chuvangin kan tui in chiah kha a ni” a lo ti a. Bozenka pawh chuan, “Tui
pangngai ni lovin eng chemical thil emaw ruih theih thil a nih hmel khawp mai. Kan thluak a
tihbuai theih dan em em kha, thil tha lo tak a ni” a lo ti ve bawk a.

Buk chhungah chuan buk bang nghengin Frank chuan Log book hlui tawh tak chu a chhiar
leh malh malh a. He thuziak hi a chhiar ngun tawh hle. Engtik hun laia ziah nge ni anga a ziaktu hi
tu nge ni ang tih hriat theih a ni tawh lo a, mahse a ziaktu thil tawn leh an tanna thliarkar hi tuna an
awmna nen hian inanna a ngah hle bawk si. He log book ziaktu tanna chiah ni hian a ngaih theih a,
mahse a thil ziahah chuan tuna anmahni thil tawn ang tak hi a tawng ve vak chuang lem lo. Chubakah
a inan loh theih dan zawn dawn chuan hmuh tur a tam hlein a lang. He pa chhuah leh dan tak hi a
inziak chiah lo hi a buaina chu a ni.
 Thil ngaihtuah chhuah thar em em nei lovin a bag pengah chuan a dah leh mai a. A dah luh
pah chuan lehkhathawn ip, Dolph-a’n a sawmna a rawn thawnna lehkha kha a lo la awm ve ran a.
Chu chu la chhuakin a’n bih leh ringawt a, chu pawh a chhiar hnu vek tho a ni. He hmunah hian
lehkha chhiar tur dang awm ta lo chu an hmuh theih chhun chu chhiar a thlakhlelhawm ve thin reng
bawk a ni.

Dolph-a thuziak chu chik deuhin a’n en chiang a, chu kuthnu chu log book ziaktu kuthnu nen
chuan inang riauin a hre ta. Log book a khung luh tak chiah chu a phawrh leh a, hawrawp chu chik
tak leh ngun deuhin a’n entawn vel a. Han en thuak chuan kuthnu hrang daih ziak niawm takin a
lang. Tin, log book chu a hlui tawhin a ziahna pawh a rei tawh hmel daih zawk a, a pentui hman
pawh a da deuh ruih tawh zawk bawk.

Mahse ngun lehzuala Frank-a’n a enchia chuan hawrawp fual thla a hman dan te, ‘T’ inziah
dan leh hawrawp mal te te chu mipakhat kuthnu ni ngeiin a hre ta tlat mai le! He log book hi Dolph-
a ziah a lo ni reng a maw? Mahse engvangin nge hetiang thil hi a ziah kher ang? Chubakah amah
Dolph khan midang daih ziah ang khan a sawi bawk si. Thil inthup a awm em ni le?

A ziahna lehkhapuan chu ngun deuhin a’n bih leh a. A sawmna lehkhathawn nana a hman chu
Leeds khuaa JC Paper industry te siam, amah Frank ngei pawhina a hriat chian em em a ni tih a hre
thei. Log book pawh chu chutiang deuh bawk chuan a’n bel chiang ve leh a. Mahse he thil ziahna
lehkhapuan hi chu a rei tawh hmel hle si.

“I va bih ngun ve, sawlai thing tum saw mi’n chawipui lawk teh”, tiin Moore chu bukah
chuan a rawn lut a. Frank-a’n pawna a va chhuah chuan an chhak lam atanga thingtum lian fahran
mai a rawn hnuh thlak chu a va chawipui tawng tawng a. Chutianga thing tum lian a hnuk thei chu,
chhuk zawng mah ni se Frank chuan Moore chu chak a ti rilru hle. “A tanna tur leh ehphelna tur kan
nei si lova a tumin kan tuah mai a niang chu” tiin Moore chuan a chemtein a sat charh charh a.

Buk chhunga a luh leh hnu chuan Frank chuan a thil tih ngai bawk chu a tan tha leh a. Log
book tuam (bind) dante chu ngun deuha a en chuan uluk lutuk loa chilh khawm niin a hriat theih. JC
paper Industry hian an paper siamah reng reng chuan a sir zawnga enin JC tih lang ruai ruai theiin
an ziak vek thin a. He log book paper hi a hlui tawh vang nge JC tih chhiar theih tur chu a awm ve
hauh lo. Paper dang a hmang pawh a ni thei tho mai. Nge Dolph-a ziah a ni lo hrim hrim zawk tih
te a ngaihtuah neuh neuh a.

A thil rinhelhna tur tihchianna a hmuh mai theih tak loh avang chuan chhuatah a thehthla
deuh tap a. A thehthlak zawng chuan a phek inkeu lai takah chuan a sir tlem te hi a var fai deuh vuk
bik tih a hmu thei. A thehthlak hnu chu a chhar leh vat a, chik deuha a en chuan chu paper chu a hlui
hauh lo tih a hrechiang ta hle mai. A rawng ti danglam deuh tur leh a hmel a lan hlui teih nan
thingpui emaw coffee emawa chiah hnu a nih hmel ta riau mai. Phek khat a pawt thla a, tui tlem
awmna thlengah a chiah vang vang hnu chuan tuiah chuan coffee rawng a lo lang ta chiah mai le.
Tunah chuan Dolph hian engvangin nge he log book hi a ziah, engvangin nge dawt a awi ngawt ang
tih chu ngaihtuah tham a va ni ta em!
 He hmun hi Dolph hian a hrechiang viau ang a, heta boral vek tur hian a thawnlut em ni le?
Log book hi ama ziah a nih ngat chuan he hmun hi a hrechiang tawk hle tih a hriat theih mai.
Engvangin nge anni ho hi a thawn luh reng reng?

Buk chhunga Bozenka lo lo lut mek chu a ko vat a, “Hei hi han enchiang ve chhin teh.
Mipakhat kuthnu niin i hria em?” tiin a lehkha ken lai log book leh sawmna thuthawn chu a lo entir
nghal a. Bozenka chuan ngunthluk taka a’n bihchian viau hnuin Frank-a hriat bak chu hriat belh a
nei thei bik chuang lo. Bozenka pawh chuan Dolph hian he hmunah hian thi turin a thawn lut em ni
tih chu a ngaihtuahnaah a lut thar ve ta hle mai.

Mut hmunah pawh chuan Frank chuan a rilruin he thliarkar an chhuahsan theih dan tur a
ngaihtuah leh neuh neuh a, engmah ngaihtuah chhuah a nei thei chuang lo. Leihnuai puk kha luh leh
hrim hrim pawh a la rilruk reng a. Zan rei tawh lam pangah chuan a mut chhuak deuh nghulh tawh
a, thil hriatchhuah a nei ta thut a, he hmun atang hian chhuah theih dan kawng a awm theiin a hre ta
tlat mai. Chu kawng chu zawh tur erawh chuan hun nghah deuh hret a ngai maithei thung a ni.

*************

BUNG SAWM PATHUM-NA

Director room-ah chuan Sebastian chuan lehkha thenkhat chu a pawm lut ta ta a, “Sir, i
signature a ngai a, heng lehkhaah hian i hriatpuina a ngai tlat mai. Signature han pe lawk mai ta
che” tiin a lehkha ken luh te chu Director Dragos-a dawhkanah chuan a dah hlawm a. Director
chuan chu’ng lehkhate chu a mal te tea enin a hming inziahna chungah chuan a hming a sign ta zung
zung a.

Chu’ng lehkhaah te chuan a hnunglamah Sebastian chuan Adrian-a sawi angin paper danglam
tak a bel a, chumi hnuaiah chuan paper leh cheque a dah leh a. Sebastian chuan chungte chu a’n en
chuan pentui pangngai ang taka sign a lo ni ta a; a lung a awi hle.

Adrian chuan a kuta lehkha lo thleng chu phur takin a hawng vat a, Director Dragos-a hming
sign ngei a neih tak avang chuan hma lak pawh a awl sawt dawn niin a hria. Code leh letter leh
number chawhpawlh, Dragos-a’n a hman thin ang ngei chuan uluk takin lehkha chu a ziak ta a, chu
chu printing station lamah chuan a kalpui ta nghal nal nal a.

*****************

“Vawiin hi lawng rawn thlen leh ni a ni a, tuipui lan zau theih berna hmunah lawng lo kal kan
chang leh ang” Frank-a’n a tih chuan Bozenka chuan, “Lawng chu lo kal pawh ni se tui chhungah
a pil leh daih tho ang. Kan tan eng nge a tangkaina awm chuang ang a?” tiin Frank-a ruahmanna a
hrethiam lo hle mai a. Frank chuan, “Heng lawng tui chhunga pil lutte hi tihpalh thilthua pil an ni
theiin a lang lo. He hmun atang hian an chhuak leh thin ni ngeiin a lang. Lawng lo kal kan hmuh
hnuhnung ber kha a hmaa kan hmuh lawng tho kha a ni tlatin ka hria. Chu chu lawng lo kal leh
hmasak berah a dik em tih kan finfiah thei dawn a ni. Lawng ngai tho kha a nih chuan tui chhungah
an lut thei tihna a ni dawn a, chu chu khawiah emaw a chhuak leh thin bawk tihna a ni ang” a ti a.

Moore pawh chuan, “Ni e, lawng kan hmuh hnuhnung ber kha a hma ami nen a danglamna a
awmin a lang lo. Ral thlir kan nih avangin hriat chian chu har viau mahse a len zawng leh pian
hmangah khan lawng ngai tho niin a lang tlat. Chuti a nih chuan tuipui chhung atangin a lo chhuak
leh tihna a va ni mai awm ve Frank?” a lo ti ve bawk a. Frank chuan, “Chu chiah chu a lawm kan lo
chan tur. Lawng hi a tlangpui thuin Thawhlehniah a lo thleng thin a, mahse a chhuak leh hi vawi
khat mah kan la hmu miah lo. A lo thlen leh hunah tuipui lan zau theihna ber hmun atangin a chhuak
leh chu hmuh kan tum ngei ngei tur a ni” a ti leh a.

Bozenka chuan, “A chhuak leh lam pawh chu hmu ta tehreng pawh ni ila engtin nge kan tih
chuan ang?” tiin Frank chu a en ha a. Frank chuan, “Tunah chuan engtia han tih theih chu ni lo ve.
Mahse kawng a awm thei ang. Chutianga a chhuak leh ngei a nih chuan lawng hian tui chhung lam
panchhan a nei tur a ni. Chu chu kan hriat chhuah a ngai dawn tihna a nih chu”, tiin a lo chhang leh
mai a.

Lawng lo kal an hmuh theihna tura tuipui lan zauh theihna tur ber hmun nia an hriat lam chu
an pan ta tham tham a. Thliarkara hmun sang leh thengthaw lai berah chuan tuipui lam thlir chuan
an awm thap a. Chutih lai chuan ni chu a hmaa an lo tawn tawh ang chiah khan hmuh theih khawpin
a inher leh ta riai riai a, Moore chuan, “In hmu ve em? Khi ni khi a inher leh riai riai tawh a nia!” tiin
a thiante chu a’n en a. Bozenka chuan ni inher riai riai lam chu mit vai chum chumin a thlir reng a,
Frank erawh chu a nui mai a, en pawh a en mumal lo. Frank chuan he thliarkar chungchangah hian
ngaihdan fel tak neiin a inhre tawh a, mahse chu chu engtin nge a finfiah theih ang a, a dik ngei a ni
tih engtin nge a hriat ang tih chu a ngaihtuah zawk a.

“Vawiin hian lawng a lo kal dawn lo a ni ang a, chhunlai a ni tawh a, lawng lo kal kan hmuh
chuan chawhma lam a ni deuh zel a nih kha” beidawng aw tak hian Moore chuan a thiante chu a en
a. Frank chuan, “A lo thleng em em ang. Vawiin hi Thawhlehni a ni a, kan chhut dan a dik chuan
lawng lo thlen ni chu a ni ngei a lawm” a lo ti a. Moore bawk chuan, “Thawhlehni a nih leh nih loh
pawh ka chiang ngam chiah lo kei chu. Kan calendar siam kha kan hriat dan a inang tlang vek lo a,
Nilaini pawh a lo ni maithei zawk a sin. Chuti a nih chuan niminah khan lawng a lo thleng tawh
zawk pawh a ni thei tho mai” a lo ti a. Frank chuan, “Kei chuan Thawhlehni ni ngei turah ka ngai a,
eng pawh ni se lawng lo kal leh a chhuak hi chu kan hmuh hmaih thiang lo ang” a ti a.

“Lawng chhuak leh lam chu hmu ta ila tui hleuhin kan um mai dawn em ni. Kan tan chuan tih
ngaihna tak pawh a vang duhawm hle mai. A chhuak kan hmuh meuh chuan tuipui kam atang hian
a hla tawh viau ang a, hleuh ta pawh ni ila kan tan chuan um phak ngaihna a awm dawn der si lo” a
lo ti leh hram a. Frank chuan, “Chu zawng a tlachawpin tihdan kan ngaihtuah mai dawn a ni. Hei hi
kan tan chuan kawng awmchhun a ni” a lo ti leh a.

Ni chu a lo chhuahna lamah kawlkil lamah chuan a hniam leh ruai ruai tawh a, Moore leh
Bozenka chu leiah tlu zalin an chhing diar diar a, Frank erawh chuan lawng lo kal hmuh hmaih hlau
takin tuipui lam chu a thlir kual reng thung a. “Moore! Bozenka! En teh u, saw, saw lam saw en teh
u” tiin a thiante chu a sawi dun nawk nawk a. Moore leh Bozenka chuan Frank-a kawhna lam an
hawi nak chuan tuipui chung, an awmna atanga metre za vel leka hlaah tui chhung atang eng
emawni rawn chhuak mek chu an hmu ta a.

Chutia an thlir reng lai chuan lawng chunglam chu tui chhung atang chuan a rawn lang chiang
tial tial a, rei lo te hnuah lawng pumpui chu a rawn lang ta! Mahse thliarkar lam pan lovin a
chhuahsan zawngin lawng chu a hla ta tial tial a, a lan theih tawp thlengin an thlir liam ta a.

****************

Salaman Samir chuan Dragos a hnen atanga a lehkhathawn dawn chu a bih vang vang a. File
copy chu eng atan nge a tih ang, he file kawppui hi ama’n tunah a kawl mek a ni si a. A pahniha
awm kawp hi thil thiang lo tluk a ni. Chu lehkhathawn lah chu han ringhlel dawn ni se chiang takin
Dragos signature a awm kulh bawk si. Dragos-a signature hi chu a hre chiang hle a, midang tu
paw’n lo zir chhawng dawn pawh ni se ama kut chhuak a nih leh nih loh chu a hre hrang nalh nalh
theiin a ring bawk; chuti khawp chuan a chiang ve thawkhatin a hria.

Chubakah tudang mahin an code hi an hre ve turah a ngai lo bawk a, hetiang thil rawn ziak
thei tur chu Dragos bak hi tumah dang an awm thei turah a ngai lo. Chuti a nih chuan amah Dragos-
a rawn ziah ngei a nih rinhlelhna tur pakhatmah a awm theiin a hre lo va. “Hadi ama (Lo kal rawh)”
tiin chu lehkha rawn kengtu tlangval chu a hui zauh a, pindan lehlam pangah chuan a luhpui ta a.

“Nangmah ngeiin hei hi i keng ang a, tu hnenah mah i pe chhawng tur a ni lo” tiin file copy a
siam thar chu a pe ta a.

Adrian chuan a ruahmanna chu fuh a tiin engkim a kaltluang dawn niin a hria a, tunah chuan
chu file zirchian chu a hna hmasa ber tur a ni ta.

*********

Wesley Frank chuan he thliarkarah hian anmahni ni lo midang awm ve an awm niin a ring
nghet bur tawh a. Leihnuai puk an luha Bozenka lo dawm chhuaktu kha Moore-a a ni lo tih an
chiang tawh a, Blake a ni thei a, mahse a nih a rinawm chhiah lo. Thing ler atanga meikhu lo chhuak
an hmuh thinte pawh kha tunah chuan chhan awm niin a ngai nghet tlat tawh bawk a, heng zawng
zawng hi Dolph hian a hre sa vek a, eng emaw thil tum a nei niin a ring nghet tlat tawh bawk. A
tihtheih awm chhun leh a ngaihdan chu a dik leh dik loh finfiah tur chuan leihnuai pukah khan luh
leh ngei chu a tum ruh hle. Mahse tun tumah erawh hi chuan a thiante tel loa amah chauha luh a tum
thung a ni.

An lei verh kuakna puk chhungah chuan a lut leh kat kat tawh a, an lei verhna a thlen chuan
an lei verh chu a chung lam tlem a lo min belh hlek a, chu chu a tifai zung zung a, chu leihnuai thim
ruih chhungah chuan a lut dawn tan ta.

Bozenka leh Moore erawh chuan Frank-a amah maia leihnuai puk thim chhunga a lut chu an
ngaihtuah hle a, kha leihnuai pukah khan eng pawh tawng thei a ni a, him damin a rawn chhuak leh
thei ang em tih chu an rilruah chuan a awm vang vang reng a ni.

Leihnuai puk thim tak engmah hmuh theih mang lohah chuan Frank chu a indap phei zai zai
zel a, chu leihnuai boruak chu a lum vung vung reng bawk a. Corridor ni awm tak pakhat chu a
zawh a. Chulai chu an luh hmasaka an kalna niin a hriat rualin leichhuat awm dan vel chu a danglam
riauvin a hre thung a. Engmah a hmuh hleihtheih loh avangin puk bang chu a dap pah zel a. Chu
corridor ni mai awma a hriat chu engtianga zau nge a nih a hrethiam chiah lo naa a boruak awm dan
atang chuan a zim chhe lutuk lo ni turah a ngai.

A luh tantirhna atanga metre sawm panga vel a thui a kal tawh turah a ngai a, hmun dangdai
deuh emaw, kawkel dang deuh emaw engmah hmuh a nei chuang lo. Mahse chulai hmun chu rim
thang huam huamin a khat vek niin a hria. Chu rim chu khawi lam atanga rawn chhuak nge tih chu
hriatthiam a har hle a. Rei lo te a din zawk chhung chuan mihring inbe ru sar sar thawm a hre ta tlat
mai le! A rin dan chu a dik ngei dawnin a hria. He puk chhungah hian mihring an awm kha a lo ring
rilru sa tawh reng a nih kha! Lawng pawh he leihnuaiah hian lutin a chhuak leh thin a nih a ring
nghet tlat tawh bawk a, a rindan chu a dik a nih ngat zawngin an tan he thliarkar tihbaiawm zet hi
chhuahsan theih anih ngei a rinawm bawk. Mahse nunna an thap ngei chu a ngai ve mahna!

A piah deuh atang chuan thil êng riai riai hi a lo chhuak a, chu chuan a awmna bawr vel chu
fiah lo tak chuan a rawn en phak riai riai a. Chu mi êng rawn chhuahna lam chu pindan dang
angreng deuh hi niin a hria. Fiah lo takin chutah chuan eng thil emaw a inhung thluah thluah chu a
va hmu thei ruai ruai bawk a.

A hma lawkah chuan kawngka niawm tak hi a hmu thut a, chu kawngka chu a hma khan a
hmu miah lo chu mak a inti zawk hle. Chutah chuan thawm dim takin a lut a. Mi inbe sar sar thawm
pawh kha chu pindan atanga rawn chhuak niin a lang. Chu pindan a lut chiah chu a hma aia nain rim
thang chu a rawn nam leh huk bawk a. A’n hawi kual vel chuan eng khawl emaw ni hi a lo awm fur
mai le! He thliarkar dangdai tak, mihringin an la tlawh pawh miah lo nia an ngaih chu khawsak nan
mai bakah hnathawh nan an hmang tih a hriat ta hle mai.

Chu’ng khawl vel chu a en kual dan dan a, he hmun hi eng thil emaw siam chhuah nan an
hmang ni ngeiin a lang. Mahse eng thil nge an siam chhuah ang tih ngaihdan siam theihna turin an
thil iam chhuah them leh rim engmah hriat tur reng a awm si lo - rim thang huam tih mai loh chu.

Kil khatah hian dawhsanah eng khawl emaw ni hi a inhung bur mai a, chu chuan a mit a la
deuh zawk bawk a, a’n en chian chuan chu khawl chu thisenin a bual rang nuau mai tih a hmu ta.
Bozenka leh Moore te nen an luh hmasak pawh khan thisen an kai nual a nih kha! Heng thisen hi
engtin nge a awm theih? Chu’ng thil vel a en uluk hle lai chuan a tukhum a rawn ri chawrh a, leiah
a tlu nghal rawp bawk a, engmah a hre zui ta lo.

Ruam rai deuh hmun pakhat, an la tlawhpawh miah loh hmun chu Bozenka chuan a pan ding
ngat ngat hle a, a hnungah Moore chuan a zui ve zel bawk a. Bozenka chuan, “He’ng laia hnim leh
thingte hi chu a pangngai ang vek an nih hi, hnim leh thing dang nen danglamna an awm pawhin ka
hre lo”, tiin a hma lawka phul hmun ni mai awm, diak chiau deuh pur lam chu a pan a. Moore
chuan, “Ding rawh Bozenka!” a ti tuar a. Bozenka-i’n a rahna lei a’n en chian meuh chuan duh aiin
a lo tlai lutuk ta tlat mai. A ke chu pen a’n tum leh ngial pawhin a rahna lei dupah chuan a tang nghet
tial tial a. Phul hmun satliah ni maia a hriat chu chirhdum hmun a lo ni tlat mai le! A ke chu a pil
thuk chak hle a, amah mai chuan chhuah theih ziazang a ni ta hauh lo mai si.

Moore chuan Bozenka chu pawh chhuah vat tumin lei ruh chin nia a hriatah chuan a ding a, a
ban chu a phar da da a, Bozenka ban rawn phar chhuak ve-ah chuan a va man pha chiah chiah a.
Theih tawpa na-in Bozenka chu a pawt ta vak a. Mahse Bozena chauh a ngaihtuah chu a thil tihsual
chiang tak a ni tih a hre thuai a. A dinna lei chu a lo hnip ve hle tho tih a hriat chuan a ke chu a
ngalrek thleng a lo pil pe der tawh mai si.

Bozena chu a tan nasat poh leh a pil chak zel a ni mai a, tunah chuan a kawng chin a pil tep
tawh. “Moore, tihdan ngaihtuah vat rawh” tiin a au tuar tuar a, Moore-a tan lah chet han lak viau
ngaihna a awm der chuang lo. Amah pawh tunah chuan a khup a pil tawh a, tan hmun siam turin a
dinna chu rin chhan tur a awm bik chuang der si lo. A thlan a dir zung zung a, hun a kal ang zelin
anmahni pawh an pil thuk tial tial ze bawk a.

Chu chirhdum chuan a lem thuk tial tial ang zelin beisei a bo tial tial a ni ber mai. Bozenka
chuan theih tawpa tang chung a luh tirhna lamah chuan a inhai vat vat a, tlem chuan hma sawn
mahse amah chu a pil chak tial tial zel bawk si. Moore pawh chu lei tuh china let tumin a inher ve
leh a, ani pawh chu a pil chak ve hle mai si.

“Khalaia hnim zar lo uaithla kha i man fuh theih chuan i chhuak thei ang” tiin Bozenka chuan
dak ar ar chungin Moore chu hnim zar pakhat chu a kawhhmuh vat a. Chirh chu a nghawng thlengin
a dai tawh a. Moore chuan veilam pang sira thingzar chu a pan vat a, mahse a pil chak ta hle mai, rei
lo te-ah a nghawng a pil a, a lu pawh a pil nghal thuak tawh. Chirhdumin a mit a thlen tawh avangin
engmah a hmu thei ta bik lo. A rilru chu a harhfim kar mai a. “Kei chu thi mah ila Bozenka tal hi chu
a dam khawchhuak tur a ni” a ti rilru mawlh mawlh a. A lu pawh a pil vek tawh a, mahse a ke chuan
lei ruh chin a rap ta. A hma lamah chuan a thaw a chham hma chu a kal zel tur a ni. A ke chuan eng
emaw ni thil ruh tak hi a rap fuh hlauh mai a. Chu chu a ke chuan a’n dap vel a, lung lian angreng
tak hi a lo ni. Chu lungah chuan a chuangkai zawk a. Chu lunga a chuankai chiah chuan a lu pawh
a rawn lawr zawk mai, hnim zar rawn uaithla du pawh chu a han tauh pha tawh nghe nghe a.

Rang takinchu hnim zarah chuan a in pawt kai a, harsa lo takin chu chirhdum hmun chu a
chhuahssan thei ta hlauh mai. Bozenka pawh che ngam tawh lovin a lo la dak ar reng a, a hmai
chiah a lang a ni tawh mai. Moore chuan ram hrui chhah tur a melh vat vat a, mahse hrui han hman
mai tur a vang zek bawk si.

A chemte a phawrh vat a, hnim zar rawn uai thla, a inham chhuahna chu a fik hmawk a,
Bozenka lamah chuan a va kawh va mai a. Mahse Bozenka chuan chu chu a lo hmu tawh hauh lo -
a chhip thlengin chirhdum chuan a lo khuh pil vek hman tlat mai. Heti a nih chuan Bozenka hian rei
a daih dawn hauh lo tih a hrechiang hle a, hmanhmawh a ngai hle tih a hai lo. Mahse engtin nge a tih
tak ang le.
 A ruckshack ahna hrui chu a zai chhum hmawk a. Chu chuan a thing zar tan chu a kungpuiah
nghet takin a tawn bet sawk sawk a, Chirh dumah bawk chuan chumi vuan tlat chung chuan a lut
leh ta.

Bozenka pilna chu a hriat chian avangin chu lamah chu a pan phei sawk sawk a, Bozenka bul
a thleng tawh nia a ngaih lai chuan a dap fuh thei ta hauh lo mai. Amah pawh chu a pil vek tawh leh
bawk si a, a aia thui a kal leh chuan a thingzar sah chuan a tlin tawh bawk si lo. Chung lamah a kut
lehlam chu a phar kual vel a, vanneihthlak takin Bozenka kut lo phar chhuak chu a khawih fuh ta
hlauh mai! Hmanhmawh takin an inpawt chhuak dun sawk sawk a, chu chirhdum hmun chu an
chhuahsan thei ta hlauh mai le!

**************

BS National Bank-a clerk chuan Adrian-a en vang vang chungin, “Hetiang zat zat hi a
lakchhuahtir che maw?” tiin mak ti hmel zetin a zawt deuh hau a. “Aw, Enga ti nge chu chu min
zawh?” a tih chuan Clerk chuan, “Niminah khan a rawn deposite chauh a ni si a, engvanga vawiina
la chhuak leh mai nge a nih ang aw?” a ti vang vang a, Adrian chu a ringhlel zawk emaw tih hial tur
a ni. He Bank-ah hian Dragos hian pawisa a dah hnem em avangin a thawktute pawh hian an
hrechiang hle a, a signature pawh an hrechiang viau bawk. Chu cheque chu Dagos-a cheque ngei a
nih bakah signature chu ama signature ngei a nih tlat avangin rinhlelh tur awmin a lang si lo. Mahse
hetiang hian Dragos hian pawisa a deposite hnu lawkah a withdraw ngai miah si lo va, chu chu
clerk chuan mak a tih tak zawk chu a ni.

Tunah chuan Adrian chuan hma a la thei tak tak tawh dawn niin a lang. Ma’rawh chu
inpuahchahna a kaltluan viau a ngai thung dawn a ni tih erawh chu thil chiang sa a ni. Chuti a nih
loh chuan a mission hi a hlawhtling lo thei tlat a. A thil tih a hlawhtling a nih ngat chuan promotion
a hmu ngei dawn tih a hrechiang hle bawk. File vel a chhui tirh atang tawh khan a kawng zawh lai
hi a kikawi em em a, mahse beidawng lo va a beih ngar ngar avang leh amah tanpui theitu Horus
Sebastian a lo awm rengchang hlauh chu a tangkaipui ngei mai.

Chutiang chiah chuan Sebastian chuan a rilru kamtu leh a enghelh em em, hriat a chak deuh,
mahse a hriat theih si loh Valota chu eng nge a ni tih leh a chanchin zawng zawng chu a hre ta! He
Valota tak tak zawk hi khawvel pawhin an la hre lo va, mahse khawvelin a hriat chhuah hmain
tihchhiat a ngai dawn tlat si. Mahse chu chu Adrian nen an ti thei a nih chuan nunna engzat tak
chhanhimin awm tak ang maw?

*************

BUNG SAWM PALI-NA

Frank a rawn harh chhuah leh chuan a awmna chu a thim mup mai a, a chungah eng nge
thlenga khawi hmunah nge a awm a hre thei mai lo. A mit a khap sawk sawk a, tlemin a awmna chu
a hmu thei ruai ruai ta. A awmna chu pindan chhungril thim deuh, eng pangngai luh miah lohna
hmun a ni tih a hrethiam ta a. Mahse awng pawp atanga eng rawn lut thluah chuan chu pindan thim
chhah mup tur chu chhete chuan a tieng ve deuh niin a lang. Chhak lam pang erawh chu lei vek a ni
tih a hrethiam mai a, a inngaihtuah harh takah chuan leihnuai pukah khan a lut tih a hre chhuak leh
thuai a.

Bang awng awmna lam pang chu a pan ta thuai a, chu bang chu lehkha khawng chhah chi vek
niin a hria a, awng pawh chu chu pindana boruak luh theih nana tih-awng chawp tih hriat theih turin
awmze nei taka tih-awng a ni. Chu pindan lehlamah chuan mihring tawng bul bul thawm a hre ta a,
a bih ngial pawhin mihring hmuh a nei lem chuang lo. Mahse chutia a bih reng lai chuan a bihna
bang awng zawnah chuan mipakhat, hmuihmul sei deuh nei hi a vei nghut nghut a hmu ta a.

Eng emaw chen hnuah chuan mi pahnih hi an rawn lut leh a, pakhat zawk chu a lu a kawlh hle
a, mi dang pakhat erawh chu a sam a sei deuh hnuang a, a cher thai thai hle bawk. Lukawlh zawk
chuan pa cher zawk chu a lo awmsa, kha be hmul sei pa hnenah chuan a nem phei nawk a, a riat
nawk nawk bawk a. Frank-a’n chik taka a’n en chian chuan Thuram a ni reng mai le! Engtin nge he
hmunah hian Thuram hi a lo awm daih a, engti turin nge a awm ngawt theih? A mak ti lutuk chu a
au chhuak thelh nghe nghe a ni.

Lu kawlh pa leh khabe hmul nei sei pa chuan Thuram chu an vin tuar tuar a, a chang leh an
nuihsawh thul. Mahse Thuram chu a ngawi ngal mai a, a hmelah chuan zam hmel a pu bik lo. Frank
chuan a awmna pindan chhung chu thawm nei miah lovin a bel chiang vel a, a beisei ang ngeiin
bang kil khatah chuan kawngkhar te tek te hi a hmu ta hlauh mai. Chu kawngkhar chu a’n hawng
dawn a, pindan lehlam atangin a inkalh tlat mai bawk si. Thawm dim a ngaih em avangin kawngkhar
chu a sawi na ngam chiah si lo va, theih tawpin sawi se chu a inhawn theih mai a beisei tehlul nen.

Kawngkhar a tihchet zawng chuan socket-a inkalh a ni tih a hre thei ta a, engtin emaw tak
hawn theih a beisei a ni. Pindan lehlamah chuan thawm a na sawt tawh khawp mai a, eng emawni
hi a khat tawkin an chhu ri leh bur thin. An thil chhut rik karah chuan Thuram-a aw tih hriat zet chu
a rawn rum leh hak bawk thin a. Frank-a ngaihtha lo chuan awng atang chuan a va bih leh te te a,
Thuram chu an lo phuar hlawm tlat a, an thil chhut chu thil dng zawk a lo ni hlauh chu a thaw huai
mai.

Kawngkhar lam chu a pan leh a, ngun taka a ngaihthlak chuan an thil chhut chu a zawnin
vawi thum zel an chu thin tih a hre chhuak ta. An vawi thum chhut rual chiah zel chuan kawngkhar
chu a sawi nghek ta thin a, vawi eng emaw zat chutia a tih hnu chuan kawngkhar atana an hman
lehkhakhawng chhah chi chu a kau ta hiau mai. Chumi kau atang chuan socket chu chu a va khawih
fuh thei ta! A kutzungtang pahnih chu a rawlh a, a herh ne ne a, kawngkhar chu a inhawng thei ta
hlauh mai le!

Thawm dim takin chu pindanah chuan a lut phei ta tham tham a, Chutih lai chuan Lukawlh pa
zawk chu a chhuak tharh a, khabe hmul sei zawka chuan midang an awm ve ang tih ngaihtuahna
chhete mah a nei lo ni ngei tur a ni; a thil tihlai leh Thuram bak chu a ngaihtuah lo reng reng.

A hnung lam atang Frank chuan chupa chu a veh phei them them a, lei chhuat a nih avangin
pen thawm hriat tur a awm lo hlauh chu a tan vanneihna a ni. An thil chhutna thirtlawn chu dawhkanah
a lo awm ngat a, Frank-a’n khabehmul sei pa bul ava thlen pawh chuan a lo hmu hauh lo. A inring
lo lai chu a nem kat dawrh a, dawhkana thirtlawn chu a chuh nghal a, chu pa rawn let leh chiah chu
a bekah a lo hlap thuai mai a, tho leh tur reng a awm tawh lo.

A thianpa a rawn luh leh hma ngeia chhuak hman turin Thuram-a an phuarna chu a phelh
mawlh mawlh a, “Thuram chuan engati nge in lo luh ve? Kan zavaiin kan chhuak thei tep tawh a,
mahse ka chesual hlauh a, min man ta a nih hi” a lo ti a. Frank chuan, “Ngawi rih rawh. Hmanhmawh
a ngai a nia” tih pahin Thuram chu a kuah a, chu pindan chu an chhuahsan ta thuai a.

Hmun chep angreng takah an kal a, khawi lam nge pan tur nia khawi atangin nge an chhuah
ang tih pawh Frank chuan a ngaihtuah thiam lo. Mahse Thuram an kalna tur awm chu a lo sawi
zung zung thei a, “He hmun hi kan chhuahsan dawn a nih chuan sawlai deuhah sawn peng pakhat
a awm a, chu chu kan zawh a ngai ang. Lawng luh chhuahna kan pawh dawn erawh chuan kan
chhuahna pindan hrulah khan kan phei zel ang a, hnuailam panna a awm anga, chuta tang chuan
lawng a lo kalin a chhuak thin a ni” a lo ti a.

Frank chuan, “Chu tak chu a lawm ka zawn. Chu lamah chuan i kal thei ang em?” a ti a.
Thuram chuan, “Aw, thei e. Mahse tunah chuan lawng lut chhuak tur a awm rih lo va, naktipah a
rawn thleng leh chauh ang. Tirawh min zui rawh” tiin a kal nghal a. Mahse thui an kal hmain an
mahni tawk zawngin mi pahnih an rawn inbe phei mawlh mawlh a, “Kan tawng ri an hria a ni ngei
ang” Thuram chuan a ti sa sa a. Frank chuan lei bangah a bei thlarh a, “Ti hian min hmu lo ang; a
thim tho bawk a” tiin Thuram chu a pawt bet ve nghal a. Mi pahnih inbia te chu an ding ta reng a, a
hnuah chuan an awmna lam chu an rawn en phei sat sat ta mai. Frank chuan, “Heti chuan a dik
dawn lo tawp mai. Ti rawh, let leh zawk mai teh ang” tiin leihnuai puk chhuahna nia Thuram-a’n a
sawi lam chu an pan leh ta zawk a.

Frank chuan eng emawni a pal a, a tlu thelh nghe nghe a, a’n en chian chuan a ruckshack a lo
ni a, a bul chiahah chuan a chemte pawh a lo awm nawlh mai. Ruckshack a ak tih pawh a lo
ngaihtuah tawh miah lo a lo ni a.

Hmun pakhat, kawkel deuh reuh a lo awm a, a peng zawk an zawh dawn chiah tih chuan an
sir lawk atang hian na tuar te vawng vawng thawm a lo chhuak thut a. Frank-a’n belh chian tuma
pan a tum lai chuan Thuram chuan kal zel turin a lo ti tlat a. Mahse Frank chuan a thil hriat chu eng
nge a nih hriatchian a chak ta tlat mai.

An awmna bul lawk chu pindan dang hi a lo ni a, Frank chuan chu pindan atanga te thawm
chu rawn chhuak a ni tih a hai lo, luh theih dan tur a ngaihtuah lai chuan Thuram chuan, “Luh i duh
tlh chuan saw lam pangah sawn kawngkhar a awm. Mahse an hmu che a nih ngat chuan inchhan
ngihna a vang ngawt ang. Lo kal rawh, he lamah hian”, tiin a kal nghal a, Frank pawh chuan a zui
ve nghal zat bawk a.

Kawngkhar chu tlemin an nem kau deuh a, an han bih chuan Frank chuan a thil hmuh chu a
awih lo hial zawk a ni. Mi pahnih hi hmaituam tlatin midang panga hian an lo dinhual a, a chung
sang lam deuhah chuan puan dum niawm tak hian mihring ruang a inkhai bawk a. Chuta tang chuan
thisen a rawn dir thla zung zung a, chu chu dawhthlengah dawhin an dah khawl zel a lo ni. Thuram
chuan Frank-a hnungah chuan rawn pawt dar darin, “Chhuahsan rih phawt ang. Nakinah engkim
kan la inhrilhfiah dawn nia” a ti sa sa a, chu hmun chu an chhuahsan leh ta a.

***********

Ral khat hmun biru deuh lai atangin Adrian leh Sebastian chuan Charles Olson-a chetla chu
an lo thir reng a, Olson chuan Infrared Transmitter Device chu tuma hmuh lohin nakin lawka chu
lawngchawlh hmun chhuahsan mai tur lawng pakhatah chuan vuah a tum mek a ni. Tuma rinhlelh
loh turin chulai velah chuan zawn nei niawm takin a vei tawn sek a. Lawnga lut tur mi pakhat chu
biain, “Hei hi New York pan tur a ni em?” tih pahin a lawng bathlarah chuan a lawnkai ve nghal zat
bawk a. A mi biak pa chuan mak tih hmel fahranin Olson en hau chungin, “Hei chu ni lo ve. New
York pan tur chu darkar chanve hnuah a lo la thleng chauh ang” a lo ti a. Olson chuan, “E a nih tak
chu. Ka lawm e” tih pahin thir mum hi a thlauh a, chu chu lawng bathlarah chuan a hnung lamah a
lum phei nul nul a. Olson chuan lawng hnung lamah chuan a va umzui vat a. Lawng hnungah chuan
infrared Transmitter Device chu a vuah nghal zaih bawk a. A mi biak pa nuih var var chungin chu
lawng atang chuan a chhuk a, Adrian leh Sebastian te awmna lamah chuan a phei nghal nal nal a.

“Tun atanga minute nga hnu velah lawng saw a chhuak dawn a, kan lawng hman tur hi a va
rawn lang har si ve” a tih chuan Olson chuan, “A rawn thleng mai ang, Marcus chu a tlai ve ngai hlei
nem. Saw a lo thleng e” a tih zawm zat a. Chutih lai chuan Lawng te deuh hlek hi vaukam lam panin
a rawn kal mek a.

An chuanna tur lawng a rawn thlen chuan anni pawh chuan an lo pan nghal vat a. Chutih lai
chuan a hmaa lawng Olson-a lawnna zawk chu a chhuak ve dawn mek bawk a. Lawnga an luh veleh
chuan Olson chuan Detector Device chu a vuah nghal zung zung a, “Engtikah nge kan chhuah
dawn?” tiin Adrian chu a melh zauh a. Adrian chuan, “Tuipuiah hian kilometre nga vel thleng a
inhmuh theih a, kan lawng zui amite sawn min hmuh loh nan Km nga-in kan inhlat reng a ngai ang.
Km nga an thlen hunah kan zui dawn nia. Kan zui hma lutuk chuan device a inman phak loh pawh
awm thei a ni lo’m ni?” tia chhan pahin Olson chu a zawt let a. Olson chuan, “Aw ni e, he device hi
infrared length-ah chuan a man hla thei ber pawl a ni a, Kilometre sawm vela hla a man phak vel
ang” a lo ti a.

“A nih chuan kal a hun mai lo maw, saw lawng pawh a liam tep a nia” a lo ti a. “Aw, a hun
chiah e, Marcus kal rawh le” Olson chuan a ti nghal zat a.

**********
“Frank chu kan va zawng mai dawn mi? Tawhsual a tawk a nih ka ring tlat mai. He thliarkarah
hian thil dangdai leh maksak tak tak a tam si a, eng emaw a tawng a nih ka ring tlat mai. He tiang
chen chen a rei thang tur a ni lo a sin” tiin Bozenka chuan Moore chu a mangan thu a hrilh mawlh
mawlh a. Moore erawh chuan, “Kha puk kha bo a awl hle si a, kan va lut a nih pawhin inhmuh chu
a harsat ka ring khawp mai. Kei kha puka luh kha ka hreh tawh viau a sin. Mahse zanin thlenga a la
rawn kir lo a nih chuan naktukah kan va ngaihven dawn nia”, tiin a lo chhang a.
 Bozenka chuan, “Kei pawh ka lut chak tawh bik miah lo. Mahse tunah Frank-a chanchin
engmah hre lo va kan awm hi ngaih a tha lo em mai a. Hei tunah a la tlai chhe chuang lo bawk a va
zawn nghal mai a tha ka ti” a lo la ti talh a. Moore chuan, “Chutia i tih talh chuan tunaa kal pawh ka
hnial chuang lo. Mahse eng pawh tawk thei kan ni tih inhriain eng pawh kan huam a ngai ang” a ti
a. Frank-a ngaihven tur chuan an inzui chhuak ta nge nge a.

Moore chuan hma a hruai a, sawi tur an haihchham dun hle; ngawi rengin an kal mawp mawp
a. Thui pawh an ka hman lo, Moore chu a ding chawt a, a kut zungtanga a hmui dah pahin Bozenka
chu ngawi turin a ti a. Bozenka pawh chuan engmah sawi lo va a’n din chuan tawng nawk nawk
thawm a hre ta tlat mai. An hma lawka hnim rawn che san san an hmuh rual deuh thaw chuan mi
pathum an rawn lang thawt a. Bozenka Moore leh Bozenka chu maktihnain an khat a ni ber mai. An
mi hmuhte chu biak nachang pah an hre lo. Anihna takah chuan an hlauthawng ru hle a, tute nge ni
ang a, engtia he hmuna lo awm ve nge an nih an hrethiam lo hle mai.

An zinga pakhat chuan, “Eng nge hetah hian in tih? Dragos-a hnuaia thawk in ni ti raw?” a
rawn ti a. Moore chuan a zawhna chu a hrethiam lo hle tih a hmel atang pawhin a hriat reng a, “Tu
nge Dragos chu kan va hre lo ve. Nangni hi engtia he hmun maksak takah hian rawn lang tlat nge in
nih zawk le?” a lo ti let a. A thianpa pakhat zawk chuan, “Ngawi teh u, thla thum vel kal taa he
hmuna lut hi in ni ti raw? Chuan nang hi Bozenka i nih ngei ka beisei. In thian dangte hi khaw’nge
an awm?” a rawn ti nghal zung zung a. Bozenka pawh chuan makti zetin, “Engtin nge min hriat?
Kan zingah pathum chiah kan dam tawh a, kan thianpa Frank a bo va, kan zawng dawn a ni” a lo ti
a.

Ani chuan, “Ngawi teh u, chawl rih phawt i la, engkim kan sawiin kan la rel dawn nia, kei hi
Adrian ka ni a, ka thiante hi Sebastian leh lawngpu Marcus an nih hi. I thianpa hi...” a tih chuan
Bozenka chuan, “Moore” a lo ti vat a. Adrian chuan,”David Moore maw?” a lo ti zat a. More pawh
chuan chu pain chutia a hming a lo hre mai chu mak a ti hle.

Buk lama kir leh an tum lai tak chuan Bozenka chuan, “Saw le Frank chu, tu nge ni saw? A,
Thuam a ni reng mai!” tiin Frank leh Thuram an lam pana rawn kal mek chu a en a, midangte pawh
chuan anni pahnih an lam pana rawn kal mek chu an lo thlir ve bawk a, rei lo teah an rawn thleng
chawpchilh ve nghal a.

Frank leh Thuram-a’n an thiante ni lo midang an hmu chu an thil beisei loh leh rin loh ber a
ni awm e. Chutia midang an han hmu ta mai chu leihnuai puk chhunga mite niin an ngai a, an
hlauthawng ru hle. Frank chuan a chemte ken chu a hum ruh sauh sauh a. Moore chuan Frank-a
mitmei chu a hmuhhmaih hauh lo, “In rawn haw thei hlauh chu a va tihzia em! Bukah haw phawt ila
thil awmzia kan la sawi ho dawn nia” a ti vat a.

Bukah chuan muangchangin an thu chawl a, Adrian-a te ei tur leh in tur rawn kente chu an ei
tlang a, Adrian chuan an tana mi hlauhawm an nih loh thu leh anmahni tanpuitu tur an nih zawk
thute a sawi malh malh a, a tawng kar lakah Sebastian pawh chu a lo inrawlh ve zauh zauh bawk a.
Frank chuan, “A nih leh he thliarkar chanchin leh chungchang hi engtin nge in hriat?” tiin Adrian
chu a zawt a. Adrian chuan, “He thliarkar hi kan thil chhuina lamah kan hre fuh ta a, Sebastian-a
min puihna vang liau liau a ni. A tirah chuan thliarkar a ni tih kan hre hauh lo. Kan thil chhui zawk
tak chu VALOTA a ni. Chu chu file hming ni mai turah kan ngai a. Sebastian-a hawhna Private
Company Director hnen atang chu file copy chu a rukin kan siam thei hlauh a, hei hi chu file photo
copy chu a nih hi” tiin folder pakhat chu a hawng mawlh mawlh a, a phek hmasa berah chuan
“VALOTA - Insula Plutitaore” tih chu a inziak kalh a. Chumi chhungah chuan he thliarkar chanchin
zawng zawng code hmanga anziahna thumal pangngaia an dah chu a inziak a ni.

“VALOTA - Insula Plutitaore tih chu eng tihna nge ni ngai? Ka la hre ngai hauh lo mai” Frank
leh Bozenka chuan an lo ti rual thawt a. Mi dangte pawh chuan chu hming chu an la hre ngai lo tih
an hmel atang chuan hai tur a awm lo hle. Adrian chuan, “Valota chu he thliarkar hming an vuah
chawp hi a ni. Sebastian hian han sawi chiang teh se” tiin Sebastian chu a en a. Sebastian chuan a
aw a thian kharh a, “Ni e, Valota chu he thliarkar hming hi a ni. Insula Plutitaore chu Romanian
tawng a ni a, a awmzia chu ‘Thliarkar tuia lang’ tihna a ni. A nihna takah chuan he thliarkar hi kum
zabi sawm leh pangana hun lai daih tawh khan Peru-a Inca empire lo lan khan he thliarkar hi an
siam chawp ta a. Kum tam fe mai chu Incas ho pawh an khawsa nghe nghe.

“Chhan eng emaw avangin chu thliarkar siam chawpah chuan thil mak tak tak eng eng emaw
an hriatthiam theih loh a thleng ta fo mai a. A chhunga chengte’n an chhuahsan hnuah chin hriat
lohin a tuipuiah a lang kual vel a ni ber mai. Kum za nga chuang zet chu tuma’n an hmu tawh ngai
lo va, a chianchin pawh tuman an hre tawh hek lo. Mahse vawi khat chu chu thliarkar chu tuipuiah
lawng captain pakhat hian a hmu leh hlauh a. Chu chu Romani mi hausa tawntaw Ramona Dragos
Petrica chuan lo hriain a hausakna hmangin a thunun ta a ni”. A thusawi lai chu lo pawtchat zauhin
Fra chuan, “Thliarkar tak tak ni lovin siam chawp. tuipuia lang thin maw?” a lo ti a. Adrian chuan
lo chhang ve thungin, “Aw ni e. Ti hian tuipuiah a lang ti ila, lawng angin an duhna lamah an
herkual reng a ni deuh ber mai” a lo ti a. Frank chuan Bozenka chu va en a, Bozenka pawh chuan a
lu a lo bu nghat chungin, “Chuvang chu a ni maw ni chhuahna a danglam thin kan tih leh kawi
hmunah nge he thliarkar hi a awm kan hriat fuh theih miah loh nachhan chu”, a lo ti ve a. Frank
chuan, “A nih chiah chu”, tiin a lo bu ve leh nghat nghat a.

Thuram chuan, “Anih leh lei hnuai puk chhunga khawl hrawl pui pui te saw eng atan nge an
hman?” a lo ti ve leh a. Adrian chuan, “Sawi tur a tam khawp mai. He thiarkar hi khawl hmanga
thunun a nihna chen a awm a, tin, mihring an lak luhte hi an tihlum a, an thisen leh ruh te chu
hralhin ddamdawi siam nan te an hmang thin a ni” a tih chuan Bozenka chu a lo chek tlak tlak a.

Tyhuram vek chuan, “Mihring an khawsa a ni tih chu ka hria a, mahse chutiang tak chuan
engmah hriat chian ka nei si lo. Va lu chilh kha thil hlauhawm tak a nih ka rin avangin thiante pawh
hrilh duh lovin mahnia kawng va sah kuak ka tum ngawt a, ka hlawhtlin theih chuan he thliarkara
tang zawng zawng hi kan chhuah vek theih ka beisei bawk. Mahse ka vanneihnain a tlin loh bakah
ka rin angin thil a lo awm hauh lo va, man ka tawk ta a, Frank hian min rawn chhanchhuak ta hlauh
lo pjhei se chu ka thisen chuan he thliarkar hi a chhuahsan tawh ngei ang” a lo ti a.

Frank leh a thiante chuan Thuram-a thil tum an hriat chuan an ngaisangin huaisenthlak an tih
hmel hle mai. Frank chuan, “Saw laia thing lera meikhu chhuak kan hmuh thin kha an hnathawhna
mei khu chhuahna a lo ni reng a ni maw?” a tih chuan Thuram chuan, “A ni ngei ang. He thliarkar
hi Fuel hnathawh hmanga thunun a ni tih pawh ka va hre chhuak a, chumi khu chhuahna chimney
chu a ni ngei ang” a lo ti a.

Bozenka chuan a thil hriat tharte chu hmaih nei hauh lo va chhinchhiah tum niawm takin a
ngaithla ngun hle a. Thing dangdai tak tak nia a hriatte chu thing tak tak ni lovin an siam chawp vek
a lo ni tak tak tih a hriat chuan a hmaa a suangtuah dan, mahse a rin phak loh em avanga a awih
chiah si lh a lo ni reng mai si. He hmun siamtute hiamna hi eng tiang fakaua sang nge tih chu
ngaihtuah tham tak a ni.

Sebastian chuan, “Tunah hian an hriat theih hnuhnung berah mi sawmhnih vel chu tihhlum
turin an la kawl a. Tin, an lawng pawh tunah a thleng ve deuh chiah bawk. Chung ho chu chhanchhuah
phawt an ngai ang. Kan thei lo a nih chuan sawrkar lam kan pun a tul dawn a, Romania sawrkar leh
British sawr kawrkar pawh kan hriattir tawh nghe nghe a sin” a lo ti a. Thuram chuan, “Tunah
chuan an mitang hnuhnungte kha an tihlum leh ve tawh ang. Kan rawn chhuahsan dawnin kan hriat
sual loh chuan mi pahnih chiah an kawl tawh a, tihhlum turin an ruahman mek bawk a ni” a lo ti a.

Adrian chuan, “A ni maithei, mahse tuna lawng thleng tharah sawn mi engzat nge an phurh
luh kan hre lo va, phurh luh chu an nei ngei ang” a lo ti a. Moore chuan, “Chutia sawrkar lam in
hriattir tawh tho a nih chuan keini tan chuan tihtheih a tlem viau tho ang a, kan va beih chuan
hnathawktu engzat nge awm kan hre si lo va, kan inhloh phah mai lo maw?” a lo ti khauh a.
Bozenka chuan, “A dik chiah. Sarkar kutah dah tawh mai chu a finthlak ang” a lo ti ve bawk a.
Adrian chuan, “Chu chu thil dik zawk pawh a ni maithei. A nih chuan zanin chu hetah hian riak ila
naktukah he hmun hi kan chhuahsan dawn nia” a ti a.

Moore vek chuan, “Leh lawk, enga ti nge lawng lo kal kan hmuh hi tui chhung lamah an pil
daih zel?” a la ti talh a. Adrian chuan, “He thliarkar hi in hriat tawh angin tuipui chunga lang mai
mai a ni a. A hnuai lamah lawng luh chhuahna an siam a. He an lawng hman hi lawng pangngai mai
ni lovin a tul huna tui chhungah pawh lut thei tura design a ni e” a tih chuan an thil hriatthiam loh
leh mak an tih em em chu an hrefiah ta deuh a.

Hun hrehaw leh hlauhawm tk tak an tawnna hmun, mangang leh thlabar tak taka an awmna
hmun thliarkar tihbaiawm tak nia an hriat chu an chhuahsan ta va vang vang a. Mi pasarihte chuan
chu VALOTA chu an hmuh theih loh thleng chuan an thlir vang vang a.

*************

Dolph-a chu a chamber-ah a awm ngei ringin phur takin an kal saw sawk a, tunah chuan
Dolph-an a thil hriat duh ber a hrechiang thei tawh dawn ta. Anni pawh hlwahtling thawkhata
inngaiin sum thahnem tak a lo thehchhuahsak an beisei bawk. Mahse an va thlen chuan a lo inkalh
bur mai a, tumah hmuh tur an awm lo. Beidawng takin an let leh a. Adrian leh Sebastian-te ngenna
angin chawhnu lam pangah chuan Romania an pan ta vang vang zawk a.

Ramona Dragos Petrica chu hmuh loh hlau takin mipui tam zingah chuan Frank te thian li
chuan Adriante chu an zui dat dat a, mipui karah chuan an inzep tawlh tawlh a. Drago chu tunge a
nih hriat an chak mai bakah a finna chu an ngaisang tel riau mai bawk nen. Hmun thawl lai deuh
chuha an din lai chuan Platform atang hian aurinnain hming a rawn sawi diat diat a, an rin loh lutuk
maiin Adrian leh Sebastian bakah Frank te pali hming chu a rawn chhiar chhuak lauh lauh a, Dawhsan
lama an puala thutna an remah chuan thu turin a rawn ngen zui zat bawk a.

Nghakhlel taka an thut lai chuan Ramona Dragos Petrica chu a kuta hnung hirh chungin
hnung lam atang chuan an rawn hruai chhuak ta, Bozenka chu a inring hman meuh lo Mr Dolph tiin
a au chhuak thut a, Frank leh midangte pawh chuan Dolph a ni ang tih an ring pha lo hle. Nunna a
lak zat chu chiang tak chuan record thei lo mahse thihna hawp chu a tling chiang hle a, a mi rawih
leh a sumdawnna thila hriatpuitu leh inhnamhnawih zawng zawng te pawh chhiarchhuah ve a ni. A
mi thah zingah chuan Romania rama mi pawimawh ber Gheorghiu-Dej a la tel zui leh nghal. Mitin
in a dam loh avanga Moscow khawpuia thi nia an ngaih chu Dragos-a thah a lo ni reng tih mipui
mimirin an hriat thar phei chuan an ri suau a. Thil engkim rel fel a nih hnuah A tukzing vartiana
khaihlum tura thupek chhuah a ni nghal bawk.

Moore chuan, “Kan tha eh hun sen zawng zawng chu engmah lovah a ral ta vek mai. Kan
hlawhtlin man tal chu hmu tur kan ni a sin le!” a ti bai bai a. Adrian chuan, “E, lungngai mah ta che.
In hmu em em ang. A bank account ami kan la chhuak vek tawh a lawm”, tiin a nui vur vur a.

A TWAP TA

**************