Te petihana a Pania Newton mō

te kaupapa Whakaorangia Tō
Tātou Whenua Rongomaiwhiti:
Tiakina Ihumātao
Te pūrongo a te Komiti Whiriwhiri Take Māori

Hongongoi 2019

Ngā kōrero
Tūtohutanga.......................................................................................................................... 2
Te inoi kia tiakina te SHA 62 ki te koutu o Ihumātao ............................................................. 2
Ngā kōrero ............................................................................................................................ 2
Te hītori o Ihumātao .............................................................................................................. 3
He panonitanga ki te āhua o te tautapanga o SHA 62 ........................................................... 4
Te reta a Fletcher Building ki te Komiti Whiriwhiri Take Māori ............................................... 5
Ngā huarahi ture i whāia e ngā kaipetihana .......................................................................... 6
Te mana o Ihumātao i roto i ngā whakataunga Tiriti .............................................................. 7
Ngā otinga i marohitia e ngā kaipetihana .............................................................................. 8
Te aro mai a te hapori, te ao pāpāho, me te ao whānui......................................................... 8
Kupu whakakapi.................................................................................................................... 9
Tāpiritanga .......................................................................................................................... 10

Rino Tirikatene
Heamana
TE PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA
RONGOMAIWHITI: TIAKINA IHUMĀTAO

Te petihana a Pania Newton mō te kaupapa

Whakaorangia Tō Tātou Whenua Rongomaiwhiti:
Tiakina Ihumātao

Tūtohutanga
Kua tirohia e Te Komiti Whiriwhiri Take Māori te petihana a Pania Newton—te kaupapa
Whakaorangia Tō Tātou Whenua Rongomaiwhiti: Tiakina Ihumātao—ā, e tūtohu ana kia
mataara Te Whare ki tana pūrongo.

Te inoi kia tiakina te SHA 62 ki te koutu o Ihumātao

I whakaurua te petihana ki Te Whare i te 13 Poutūterangi 2019. Ka inoi:

Kia akiaki te Whare Māngai i te Kāwanatanga ki te kuhu ki te kaupapa. Me

hoko rānei i te whenua o Ihumātao, e kīia nei ko te Whaitua Tūnga Whare
Motuhake 62, i a Fletcher Building Limited, me whakamana rānei i tētahi
tukanga e pai ai te whakarite putanga e pai ana ki te katoa o ngā rōpū
whaipānga. Waihoki rā mā aua rōpū anō rā aua putanga e whakarite. E
mātau ana mātou, kua nuku atu i te 18,000 tāngata kua waitohu i te
petihana i runga ipurangi hei tautoko i tērā whakaaro.

Ngā kōrero
E pā ana te petihana nei ki te tiakitanga o ngā heketea e 32 o te whenua i te pito o te koutu
o Ihumātao i te tonga o Tāmaki Makaurau. Kei te 545-561 Rori o Ōruarangi, Māngere te
whenua nei, ā, e kīia ana hoki ko te Whaitua Tūnga Whare Motuhake 62 (SHA 62).

I te Haratua 2014, i tūtohu te Kaunihera o Tāmaki Makaurau ki te Minita mō te Hanganga me

ngā Whare kia tautapangia te whenua nei hei Whaitua Tūnga Whare Motuhake, e ai ki te
Ture Whakaaetanga Whare me ngā Whaitua Tūnga Whare Motuhake 2013. I oti i te Minita
mō te Hanganga me ngā Whare taua whakatau i te Hongongoi 2014, ka hangā ko te SHA
62. Kātahi ka tukuna te tono mō tētahi tangongitanga ki te Mahere Whakakotahi a Tāmaki
Makaurau, arā kia huri te whenua Wāhi Tāone Ā-Muri nei hei āpure tāone “ora”.

I te tau 2016, i rongo ngā kaikōmihana whakamahere i ngā tāpaetanga a ngā kaipupuri
whenua e noho tata atu ana, e pā ana ki te tono kia tangoni te mahere. I waenga i aua
kaitāpae ko ngā kaipetihana, e kīia nei ko Save Our Unique Landscape (SOUL), he kainoho
o te Papakāinga o Ihumātao, te Rūnanga ā-Iwi o Te Kawerau, 1 me te Poutiaki Māori o
Makaurau Marae. 2 I whakaaetia te tangongitanga ki te mahere, ā, i te tau 2016 i hokona te
SHA 62 e ngā kaipupuri whenua i raro i te ture, e te whānau Wallace, ki a Fletcher Building.

1 Ko Te Kawerau ā Maki tētahi iwi nō roto o Ihumātao.

2 Ko Makaurau Marae te marae i roto i te rohe o Ihumātao.

2
PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA RONGOMAIWHITI:
TIAKINA IHUMĀTAO

I rongo mātou e whakaaro ana a Fletcher Building ki te hanga i ngā whare e 480 ki runga i te
whenua. E ātete ana ngā kaipetihana—tokoono rātou, he whanaunga katoa, e heke mai ana
i ngā kāwai whakapapa o te mana whenua, o Te Waiohua, Waikato-Tainui, Ngāti Mahuta,
Te Ahiwaru, Ngāti Tahinga, me Te Ākitai—i te whakawhanaketanga o te SHA 62 e
maheretia ana mō Ihumātao e Fletcher Building. Ko tōna $36 miriona te uara o te whenua e
tohea nei.

E pupuri tonu ana ngā kaipetihana ki tā rātou, arā me tiaki te wāhi mō tana uara hītori, uara
ahurea, uara huakanga whenua hoki, ā, me tiaki mō ngā whakatupuranga e haere ake nei
hei wāhi tūmatanui wātea. Hei tā rātou ka taea taua whenua te whakamahi mō ngā hinonga
hapori tiaki whenua, whakapaipai whenua hoki. I rongo mātou ka taea e aua hinonga te
tautoko ngā mahi tāpoi, ngā māra, te whakatupu rākau taketake, tae atu ki ngā mahi
pūtaiao, ngā mahi rangahau, me ngā mahi mātauranga hoki.

Te noho i runga i te whenua

Mai anō i te tau 2016, e noho ana a SOUL me ngā kaihāpai i te kaupapa i runga i te SHA
62, he ātete riri-kore hei aukati i tā Fletcher Building whakawhanake atu. I kī mai ngā
kaipetihana he tuku reta tā Fletcher mahi nui hei kōrero ki a rātou, ahakoa kua hui kanohi ki
te kanohi hoki. I kī mai rātou i inoi a Fletcher kia wehe atu rātou i te whenua, ā, e mārama
ana ki a mātou i tukuna he pānui haere pokanoa i te tau 2016.

I rongo mātou ka tīmata pea ngā whakawhanaketanga ā tōna wā, ā, e rite ana ngā kaihāpai
ki te tiaki ā-tinana nei i te whenua, he ātete riri-kore mena ka ngana rātou ki te tīmata i ngā
whakawhanaketanga. I kī mai rātou kāore rātou i te pīrangi kia kitea anō ngā mahi o runga
Takaparawhā, ā, me kakama hoki te urunga mai a te Kāwanatanga. E āwangawanga ana
mātou kia mau tonu te rongo i runga i te mata o te whenua, me te haumaru o ngā tāngata
katoa i roto i te kaupapa.

Te hītori o Ihumātao
I kīia mai ki a mātou, i nōhia te whenua e Waikato-Tainui, Ngāti Whātua, me ngā rōpū o
Waiohua e hono ana ki a Waikato-Tainui (ko Te Ahiwaru rātou ko Te Ākitai Waiohua, ko
Ngāti Tai Tāmaki, ko Ngāti Te Ata, ko Ngāti Tamaoho, ko Te Kawerau ā Maki).

I muru te Karauna i te nuinga o te whenua i Ihumātao i raro i te Ture Whakatau Manene ki

Niu Tīreni 1863. He wāhanga taua muru o te raupatu 3 a te Karauna ki Waikato-Tainui i te
tau 1865. E whā tau i muri iho i te raupatu, i hokona atu te SHA 62 e te Karauna ki te
kaipupuri tūmataiti.

E mārama ana ki a mātou ko Ihumātao te wāhi o ngā nohoanga tangata tawhito katoa o
Tāmaki Makaurau, ā, kei reira he urupā me ētahi atu tohu o te nohoanga tuatahi o te
tangata.

3 Te murunga whenua Māori i te wā o ngā Pakanga o Aotearoa i te rau tau tekau mā iwa, i muri mai hoki.

3
TE PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA
RONGOMAIWHITI: TIAKINA IHUMĀTAO

Te whakahirahira hei wāhi huakanga whenua, hei wāhi tapu

Kei te pae te SHA 62 o te Papakōhatu o Ōtuataua, 100-heketea te nui. He whenua rāhui
tawhito tērā i mahia ai hei māra e ngā kainoho Māori tuatahi mai anō i te takiwā o te tau
1200 AD. I mahia tonutia ngā māra e te Māori tae noa atu ki te rau tau tekau mā iwa.

I te hiku o ngā tau 1990, i rapu te Kaunihera Tāone o Manukau ō mua, te Kaunihera ā-Rohe
o Tāmaki Makaurau, me Te Ringa Atawhai ki te tiaki i te wāhi hītori nei. E $4.7 miriona i
whakautua tahitia e rātou hei hoko i te whenua mai i ngā whānau mahi pāmu e whā.

I kī mai ngā kaipetihana, me noho hei wāhi hītori whakahirahira ko te whenua e pā tata atu
ana hoki, arā ko SHA 62, kia rite ki te Papakōhatu o Ōtuataua. I kī mai rātou me tiaki rawa
ko te Papakōhatu; te Poraka Rennie e piri tata ana, nō te Kaunihera; me te SHA 62 hoki, ā,
me noho mai hei wāhi kotahi.

He panonitanga ki te āhua o te tautapanga o SHA 62

I rongo mātou mai i ngā kaipetihana, arā i te hokonga o te Whenua Rāhui Hītori o te
Papakōhatu o Ōtuataua, i whakaaro te Kaunihera Tāone o Manukau ki te whakawhānui i te
rāhui ki te SHA 62 hoki.

I te tau 2007, i kuhuna te SHA 62 e te Kaunihera Tāone o Manukau ki te whakaroanga

whānui o te Pae Tāone Nunui o Tāmaki Makaurau (MUL). 4 Heoi anō, i tautapangia te SHA
62 hei wāhi mahea kia maru ai i ngā whakawhanaketanga. I werohia te tautapanga hei wāhi
mahea e te kaipupuri whenua, ā, i te tau 2012 i tautoko te Kōti Taiao i te kaipupuri whenua. I
whakatauria iho e pai ana te whakawhanaketanga o te whenua me ka kore ōna āhuatanga
uara nui e tūkinotia. I te tau 2013, i whakatau te Kaunihera o Tāmaki Makaurau, tērā i
whakakotahitia inatatatia nei, ki te tautapa anō i te whenua hei “Tāone Ā-Muri” 5, i roto i te
Mahere Whakakotahi o Tāmaki Makaurau i marohitia rā. I whai whakaaro hoki ki te
whakatau a te Kōti Taiao.

Ngā mahi me te Kaunihera o Tāmaki Makaurau

Ahakoa te tūtohu a te Kaunihera o Tāmaki Makaurau i te tau 2013 kia tautapangia te
whenua hei Whaitua Tūnga Whare Motuhake, i rongo mātou kua hui tahi ngā Kaikaunihera o
Tāmaki Makaurau me ngā kaipetihana, ā, e aroha atu ana rātou ki te kaupapa. Ko te hua o
te hui, i tuhi ētahi Kaikaunihera tokoono ki te koromatua o Tāmaki Makaurau, ki a Phil Goff i
te Haratua o te tau 2019, kia kuhu ai ia ki te kaupapa. I roto i te reta i akiaki rātou i te
Koromatua māna hei whakahaere hui i waenga i ngā rōpū whaipānga, tae atu ki ngā iwi
mana whenua katoa o te whenua, te Kaunihera o Tāmaki Makaurau, me te Karauna. I tuhi
rātou me whakatakoto he mahere roroa e whai wāhi ai tētahi tirohanga whānui tonu ki te
koutu o Ihumātao. I kī rātou kua eke te wā kia mātorohia ngā mahinga tahitanga katoa kia
tau iho ai te puehu.

I rongo mātou mai i ngā kaipetihana, kua whakaae te Kaunihera o Tāmaki Makaurau:

4 Ko te Pae Tāone Nunui o Tāmaki Makaurau (MUL) te roherohenga āpure e whakatau ana i te pae o te wāhi
tāone me te wāhi taiwhenua o te rohe.
5 Ngā whenua i waho i te MUL, kua tautapangia hei wāhi whakawhanaketanga ā muri nei.

4
PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA RONGOMAIWHITI:
TIAKINA IHUMĀTAO

• ki te arotake i te tautapanga me te āhua o te Whenua Rāhui Hītori o te Papakōhatu o

Ōtuataua
• ki te mahi i ngā mahi e tika ana hei tiaki i te Poraka Rennie e piri tata ana, e iwa heketea
te nui, hei wāhi mahea tūmatanui (e ai ki ngā kaipetihana i whakatauria anō taua
whenua hei tūnga whare i ngā tau tata nei, kāore hoki i rapua te akoako a te mana
whenua, a te hapori rānei)
• kia whakaarotia mārikatia tā SOUL petihana e pā ana ki te SHA 62, ā, kia whiriwhiri me
te Kāwanatanga he tukanga whaimana hei tātari i te whakawhanaketanga o te SHA 62.
E mārama ana ki a mātou e aromatawaitia ana te Poraka Papakāinga Rennie, nō te
kaunihera, kia kuhuna ki roto i te rāhui kia maru ai. Me ka whai wāhi ki te rāhui, ka
tautapangia anō hei wāhi mahea tūmatanui. 6

Te reta a Fletcher Building ki te Komiti Whiriwhiri Take Māori

I whiwhi mātau ki tētahi reta mai i te tumuaki (kāinga me te whakawhanaketanga) o Fletcher
Building i te rā 11 Pipiri 2019. I whakawhāriki te reta i ngā kōrero hou mō te
whakawhanaketanga o Ihumātao. E ai ki te tumuaki, he huhua ngā huarahi i whāia e ngā
kaipetihana ki te wero i te mana o te whakawhanaketanga. Hei tāna kua rapu akoako rātou
me ngā mana huhua pēnei me te Kōti Taiao, ā, kua kore e angitu.

I tuhi ia e tautoko ana a Fletcher Building i Te Kawerau ā Maki, koia hoki te mana whenua o
Ihumātao. Hei tāna e mahi tahi ana a Fletcher Building me te iwi, ā, e tautoko ana i ōna
wawata mō te tiaki i te whaitua huri noa.

I rongo mātou mai i te tumuaki, kua kīia tūmatanuitia e Te Kawerau ā Maki e mōhio ana
rātou ki te whakapapa me ngā pānga o ētahi atu hapū, ētahi atu iwi hoki ki te whenua. Heoi
anō, kāore rātou i te whakaae kia noho mai a SOUL hei māngai mō te mana whenua.

I tuhi ia, kua nuku atu i te koata o wō Fletcher whenua, e 32 heketea te nui, i whakahokia e
rātou ki te iwi hei wāhi o te mahinga tahi i waenga i a Fletcher me Te Kawerau ā Maki. Hei
tāna kua 150 tau te whenua e noho tūmataiti ana, ā, i mua atu kāore i wātea ki te iwi. E
whakapono ana ia koinei te tuatahi o tēnei momo whakaaetanga.

I tuhi ia ka whakatōngia he rākau taketake ki te whenua, ā, ka wātea mai he wāhi i waenga i

ngā whare hou me te Papakōhatu o Ōtuataua. E ai ki a ia e kore e whakawhanaketia te
Papakōhatu tonu.

I whakarāpopoto ia i ngā āhuatanga o roto i te whakawhanaketanga:

• e whā tekau ngā whare, he māmā te utu, ka wātea mai ki te iwi hei hoko, ā, ka
whakawhanaketia he kaupapa huarahi-ki-te-pupuri-whare hei āwhina i te iwi ki te hoko
whare

6 Te Tari o te Koromatua o Tāmaki Makaurau,

http://infocouncil.aucklandcouncil.govt.nz/Open/2019/06/HER_20190625_AGN_8342_AT_files/HER_201906
25_AGN_8342_AT_Attachment_67795_2.PDF.

5
TE PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA
RONGOMAIWHITI: TIAKINA IHUMĀTAO

• ka hangaia he Whare Manaaki hei taki i ngā kōrero o te mana whenua me ngā iwi i tau
mai
• ka whakawhanaketia he kawa, he mahere hoki mō ngā huranga huakanga whenua,
huranga tuku iho hoki
• ka hangaia he whare manuhiri kia pai ai te tuari me te whakanui i te hītori o te
Papakōhatu, me ngā kōrero o te mana whenua; kei roto i tērā ko te whakatūnga o ngā
kaitohutohu tikanga.
I kīia mai ki a mātou kua kōrerorero tahi a Fletcher, te kāwanatanga ā-rohe, me te
kāwanatanga ā-motu mō te whakawhānui i te Whenua Rāhui Papakōhatu o Ōtuataua
ōnaianei kia whai wāhi ai te whenua e tohea nei. I kī mai a Fletcher kāore he take mō tētahi
atu wāhi rāhui i tēnei takiwā.
E ai ki a ia kāore anō a Fletcher Building kia whakatau i te rā tīmata i aua mahi, engari e
whakaaro ana ki te tīmata ākuanei.

Te whakahē e pā ana ki ngā māngai ā-iwi

Hei tā ngā kaipetihana i tukuna e Fletcher Building he reta ki a rātou i te 8 Paengawhāwhā
2018 e whakamārama ana i tana whakahoanga me Te Kawerau ā Maki. E whakaaro ana
ngā kaipetihana e huri tuarā ana a Fletcher ki ngā pānga o ētahi atu iwi, o ētahi atu hapū
hoki kua hia rau tau nei te roa e whai pānga kaha ana, e whai pānga tūturu ana ki Ihumātao.
I kī mai rātou koinei te whenua tupuna o Te Waiohua, Waikato-Tainui, Te Ahiwaru, Ngāti
Mahuta me Ngāti Tahinga. I kī rātou kāore i tika te rapu akoako ki te mana whenua, ā, kāore
hoki rātou i whai wāhi ki te hātepe whakatau mō te whakawhanaketanga o SHA 62.

E ai ki ngā kaipetihana, ka noho pōhara mai ko te ahi kā me ka haere tonu te

whakawhanaketanga nei. I kī rātou me kaua e pare atu ki rahaki ko ngā iwi kāore anō kia ea
ngā whakataunga Tiriti, nā runga i te korenga e rite o āna pūtea me āna poutarāwaho
whakahaere ki ā ētahi atu iwi. I kī ngā kaipetihana he whakaiti kē te rironga mā te
kaporeihana whakawhiti paewhenua e whakatau ko ēhea iwi hei kōrero tahi, ko ēhea iwi hei
pare atu ki rahaki.

Ngā huarahi ture i whāia e ngā kaipetihana

Kua whāia ētahi huarahi ture rerekē e ngā kaipetihana hei aukati i te kōkiritanga o te
whakawhanaketanga.

Te Rōpū Whakamana i te Tiriti o Waitangi

I kīia mai ki a mātou, i te tau 2015 i tukuna he tono mō te kōhukihukitanga mā Makaurau
Marae me Ngāti Te Ahiwaru 7 (i raro i te ingoa o ngā kaipetihana) ki Te Rōpū Whakamana i
te Tiriti o Waitangi. I wero te tono kōhukihukitanga i te whakatinanatanga o te Ture Whaitua
Tūnga Whare Motuhake 2013, arā i wāwāhia te Tiriti o Waitangi i te mea kāore i rapu

7 Ko ngā kaitono ko Haki Wilson rātou ko Bobbi-Jo Pihema, ko Qiane Matata-Sipu, ko Pania Newton, ko
Waimarie McFarland (katoa rātou he kaihāpai i te kaupapa SOUL).

6
PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA RONGOMAIWHITI:
TIAKINA IHUMĀTAO

akoako ki te Māori i te tautapanga a te Kaunihera o Tāmaki Makaurau i te SHA 62 kia

whakawhanaketia ai.

Kāore Te Rōpū Whakamana i te Tiriti o Waitangi i whakaae ki te tono kōhukihukitanga i te

Hereturikōkā 2017 i te mea e mahi ana ngā kaiwhakawhanake kia kaua e tūkinotia ai ngā
taonga i Ihumātao. 8

Te Kōti Taiao
I te Whiringa ā Rangi 2018, i whakatau te Kōti Taiao i eke ki tua o te taumata e tika ana ko te
tiakitanga a te mahere whakahaere i ngā taonga, pēnei me te kōiwi. He mahere tērā i
whakaritea e Fletcher mō te whanaketanga nei nā, ā, nā te Pouhere Taonga i whakamana. I
whakatau hoki te Kōti Taiao e pai ana kia tū tahi te whakawhanaketanga kāinga nei me te
Whenua Rāhui Hītori Papakōhatu o Ōtuataua. 9

Te tūāhua o Ihumātao i roto i ngā whakataunga Tiriti

I kīia mai ki a mātou kāore e wātea mai ngā whenua tūmataiti mō ngā whakataunga Tiriti,
hāunga ētahi take e rua. Ka pā te tuatahi mena i pāngia taua whenua ki te tohu memoriara
hou 10 i mua i te tukunga ki te kaipupuri tūmataiti. Ka pā te tuarua mena e pai ana te kaihoko
atu me te kaihoko mai ki te hoko.

I rongo mātou e takoto ana a Ihumātao i roto i ngā rohe pānga o ngā iwi o Waikato-Tainui
me Waiohua, ā, kei roto hoki a Ihumātao i ngā kōrero tuku iho a Ngāti Tamaoho 11 rāua ko
Te Kawerau ā Maki. 12

Kāore te SHA 62 e wātea ana mō ngā whakataunga Tiriti, he tūmataiti nōna. Heoi, kei roto a
Ihumātao i ētahi whakataunga Tiriti huhua.

I roto i te whakataunga o te Raupatu o Waikato-Tainui, 13 i whāki te Karauna he mea raupatu

te whenua i Ihumātao i raro i te Ture Whakatau Manene ki Niu Tīreni 1863, ā, i whakapāha
ki a Waikato-Tainui i roto i tana whakataunga Tiriti o Waitangi. 14

Kua tāpaetia ki a Te Ākitai Waiohua te mana ā-ture o te Whenua Rāhui Hītori Papakōhatu o
Ōtuataua i roto i te Whakaaetanga Mātāpono i waenga i te Karauna me Te Ākitai Waiohua.
E mahi tahi ana te Karauna me Te Ākitai Waiohua kia waitohua ai te whakaaetanga
whakataunga hei te hiku o te tau 2019.

8 Wai 2547 #2.5.5.

9 NZEnvC214 King v Heritage New Zealand.
10 Ko te wāhanga 27B (tērā i whakamāramatia i te Ture Hinonga nā te Motu 1986) he memoriara e utaina ana ki
te whenua tūmataiti, he whenua i puritia e te Kāwanatanga i mua. Mā te memoriara nei e pai ai tā te
Taraipiunara tūtohu kia whakahokia te whenua ki te Māori. Me ka whakatau te Taraipiunara he whai take te
kerēme ki te whenua, ka taea te tuku i te tūtohu e here ana i te Kāwanatanga ki te hoko i te whenua me te
whakahoki anō ki te Māori hei whakatau i te kerēme. Ko te ingoa o te hātepe nei ko te tohu memoriara hou.
11 Te Ture Whakataunga Kerēme a Ngāti Tamaoho 2017.
12 Te Ture Whakataunga Kerēme a Te Kawerau ā Maki 2015.
13 He whai pānga hoki a Te Ākitai Waiohua, Ngāti Waiohua, Ngāi Tai Ki Tāmaki, Ngāti Te Ata, and Ngāti
Tamaoho o te whakataunga kerēme raupatu a Waikato-Tainui.
14 Te Ture Whakataunga Kerēme Raupatu a Waikato 1995.

7
TE PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA
RONGOMAIWHITI: TIAKINA IHUMĀTAO

Ko ngā iwi kāore anō kia uru ki ngā whiriwhiringa hei whakatau i ngā kerēme hītori Tiriti o
Waitangi i roto i te rohe o Ihumātao ko Waikato-Tainui (ko ngā kerēme anake ehara i te
raupatu) rāua ko Ngāti Te Ata. I kīia mai ki a mātau, ka ea ngā whakataunga o aua iwi, ka oti
ngā kerēme hītori katoa i te takiwā o Ihumātao.

Ngā otinga i marohitia e ngā kaipetihana

I kī mai ngā kaipetihana ka taea e te Kāwanatanga te whenua te hoko hei whakatau i tēnei
take. I kōrerohia mai ki a mātou ētahi tauira i whakapaua e te Kāwanatanga he pūtea nui hei
tiaki, hei whakarauora i ētahi atu momo taonga ahurea tuku iho. I rongo mātou e $20 miriona
i whakautua e te Kāwanatanga hei whakahou i te Whare Kōti o Ōtepoti i te tau 2016 15, ā, e
$7.5 miriona hoki hei hoko i ngā heketea e whā, tata atu, o te whenua tūmataiti e pātata ana
ki ngā puna o Porotī i Te Tai Tokerau i te tau 2018. Ko tētahi atu tauira i hōmai e rātou ko te
$4.7 miriona i whakapaua hei hoko i te Papakōhatu o Ōtutaua, tērā i kōrerohia rā i runga ake
nei.

Ētahi pūtea e āhei ana mō te hoko i te whenua

I kī mai ngā kaipetihana, tērā ētahi atu puna pūtea hei tō mai kia puta ai he whakataunga nā
ngā rōpū huhua, e tāpiri ana ki ngā pūtea a te Karauna me te Kaunihera. He huhua hoki ngā
tauira i hōmai, arā:

• ko Te Puna Tahua, 16 mā roto i te Tahua Taiao me te Taonga Tuku Iho, te Tahua

Hinonga Nui, te Tahua Oranga Marae, te Tahua Herekore a te Minita
• te Tahua ā-Rohe mō ngā Toi me te Ahurea
• te Tahua Taonga Whare a te Kaunihera o Tāmaki Makaurau
• te pūtea whakamaru whare i te rū whenua, ko Heritage EQUIP
• te moni whiwhi mai i ngā hea o te Taunga Rererangi ā-Ao o Tāmaki Makaurau
• ngā pūtea o te hunga ngākau ohaoha
• ngā tahua whakangao a ngā iwi.

Te aro mai a te hapori, te ao pāpāho, me te ao whānui

E mātau ana mātou kua aro atu te hapori, te ao pāpāho, me te ao whānui. I kīia mai e ngā
kaipetihana kua whakaeketia te SHA 62 e ngā mano mai anō i te whakarewanga o te
kaupapa SOUL, ā, kua nuku atu i te 600 ngā manuhiri i tētahi wiki ō mua tata nei.

E mātau ana mātou kua kaha hoki te aro atu a te ao pāpāho, ā, kua tāngia ngā tuhinga e pā
ana ki te kaupapa SOUL ki ētahi puna kōrero huhua pēnei me RNZ, Noted, New Zealand
Herald, me Stuff.

15 Te Whare Miere, https://www.beehive.govt.nz/release/restoration-dunedin-courthouse-begins.

16 I raro i te Ture Petipeti 2003, katoa ngā hua o te tākaro Lotto ka whakamahia hei painga mō ngā hapori o
Aotearoa. Ko Te Puna Tahua te kaituari i ngā huanga.

8
PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA RONGOMAIWHITI:
TIAKINA IHUMĀTAO

Te aro atu a te Kotahitanga o ngā Iwi o te Ao

I rongo hoki mātou i aro atu te Kotahitanga o ngā Iwi o te Ao (UN) ki te kaupapa SOUL. I kī
mai ngā kaipetihana e rua ngā kauwhau a te kaitaki o te kaupapa, a Pania Newton, ki te UN
ki Geneva, Huiterangi, ā, kotahi ki Niu Ioka mai anō i te rewanga o te kaupapa.

I kīia mai, ko te hua ko te tuhinga a te pūrongo a ētahi Māngai Motuhake a te UN 17 e rua i te

Poutūterangi 2019 mō ngā āwangawanga e pā ana ki a Ihumātao, tae atu ki te take whānui
tonu o te hanga whare hei hoko atu i runga whenua Māori. 18 Ka rapu te pūrongo i ētahi atu
kōrero e pā ana ki te tūāhua o Ihumātao. I kī mai ngā kaipetihana e mārama ana ki a rātou
ko te whakautu a te Mīhana Tūmau o Aotearoa ki te Kotahitanga o ngā Iwi o te Ao i te
Haratua 2019 ko te inoi kia toru marama te whakaroanga mō te tuku i tana urupare roroa. I
kī mai ngā kaipetihana, e whakaatu ana ngā whakawhitinga kōrero e mataara tonu ana te
UN ki ā te Kāwanatanga mahi, te korenga o āna mahi rānei, e pā ana ki te SHA 62.

I rongo hoki mātou, i te tau 2017 i tūtohu te Komiti mō te Whakakore i te Whakahaweatanga

ā-Iwi i ētahi mahi Karauna kia tika ai te rapunga akoako e pā ana ki te SHA 62.

Kupu whakakapi
I te Paengawhāwhā 2019, i haere atu ētahi o ngā mema o tēnei komiti ki te SHA 62 ki
Ihumātao. I kite ngā mema i te whakahirahira o te hītori o te whenua, me te manawa tītī
tūturu o ngā kaipetihana. E mihi ana mātou ki ngā kaipetihana mō rātou i pōhiri i a mātou ki
tō rātou marae, me te whakaatu i te whenua ki a mātou. E mātau ana mātou ki ngā tau roa i
taumaha ai te mahi a ngā kaipetihana, ā, e mārama ana ki a mātou te nui o te rangahau kua
oti i a rātou.

E mōhio ana mātou he taumaha te āhuatanga o runga o SHA 62. E tukituki ana ngā tika me
ngā pānga ki taua whenua. Ko ētahi o aua tika ko te tika ki te whakawhanake i te whenua e
ai ki tā te kaipupuri tūmataiti e pai ai. Heoi anō, e mārama ana ki a mātou te hiahia o ngā
kaipetihana ki te tiaki i te wāhi whakahirahira nei ki te hītori. E whakahau ana mātou i ngā
rōpū whai pānga katoa kia hūmārie, kia whaihua te mahi tahi i raro i te ngākau pai.

Nō reira e tūtohu ana mātou kia mataara Te Whare ki ō rātou āwangawanga.

17 Ko te Māngai Motuhake te ingoa ka tapaina ki te hunga e mahi ana mō te Kotahitanga o ngā Iwi o te Ao, e
pūrongo ana i ētahi whenua, i ētahi take nui rānei.
18 Palais des Nations,
https://spcommreports.ohchr.org/TMResultsBase/DownLoadPublicCommunicationFile?gId=24461.

9
TE PETIHANA A PANIA NEWTON MŌ TE KAUPAPA WHAKAORANGIA TŌ TĀTOU WHENUA
RONGOMAIWHITI: TIAKINA IHUMĀTAO

Tāpiritanga

Hātepe komiti
I tukuna mai te petihana ki a mātou i te 13 Poutūterangi 2019. I hui mātou i waenga i te 3
Paengawhāwhā me te 24 Hongongoi 2019 hei whiriwhiri i te petihana. I whiwhi kupu taunaki
mātou mai i te kaipetihana, ā, i rongo mātou i ngā kōrero taunaki a te kaipetihana.

Mematanga komiti, ko
Rino Tirikatene (Heamana)
Dan Bidois
Marama Davidson
Joanne Hayes
Matt King (mai i te 22 Haratua 2019)
Adrian Rurawhe
Hon Nicky Wagner
Hon Meka Whaitiri

10
 Petition of Pania Newton for Save
Our Unique Landscape
Campaign: Protect Ihumātao
Report of the Māori Affairs Committee

July 2019

Contents
Recommendation ................................................................................................................ 12
Request for the protection of SHA 62 at Ihumātao Peninsula .............................................. 12
Background......................................................................................................................... 12
History of Ihumātao ............................................................................................................. 13
A change in how SHA 62 was designated ........................................................................... 13
Letter from Fletcher Building to the Māori Affairs Committee............................................... 14
Legal avenues explored by the petitioners .......................................................................... 16
Status of Ihumātao in Treaty settlements ............................................................................ 16
Solutions suggested by the petitioners ................................................................................ 17
Community, media, and international interest ..................................................................... 18
Conclusion .......................................................................................................................... 18
Appendix ............................................................................................................................. 19

Rino Tirikatene
Chairperson
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

Petition of Pania Newton for Save Our Unique

Landscape Campaign: Protect Ihumātao

Recommendation
The Māori Affairs Committee has considered the petition of Pania Newton—Save Our
Unique Landscape Campaign: Protect Ihumātao—and recommends that the House take
note of its report.

Request for the protection of SHA 62 at Ihumātao Peninsula

The petition was presented to the House on 13 March 2019. It requests:

That the House of Representatives urge the Government to intervene to

either buy the land at Ihumātao, known as Special Housing Area 62, from
Fletcher Building Limited or mandate a process to enable all affected
parties to come up with an outcome that everyone can live with, and note
that 18,000+ people have signed an online petition to this effect.

Background
This petition is about the protection of 32 hectares of land at the end of Ihumātao Peninsula
in south Auckland. The land is situated at 545–561 Oruarangi Road, Mangere, and is also
known as Special Housing Area 62 (SHA 62).

In May 2014, Auckland Council recommended to the Minister for Building and Housing that
the land be designated as a Special Housing Area under the Housing Accords and Special
Housing Areas Act 2013. The Minister for Building and Housing made that designation in
July 2014, creating SHA 62. An application for a variation to the proposed Auckland Unitary
Plan was then made, to change the land from Future Urban to a “live” urban zone.

In 2016, the planning commissioners heard submissions from neighbouring landowners on

the application for a plan variation. Among the submitters were the petitioners, who identify
as Save Our Unique Landscape (SOUL), residents of the Ihumātao Village, Te Kawerau Iwi
Tribal Authority, 19 and the Makaurau Marae Māori Trust. 20 The plan variation was approved,
and in 2016 the legal land owners, the Wallace family, sold SHA 62 to Fletcher Building.

We heard that Fletcher Building plans to build 480 dwellings on the land. The petitioners—
who comprise six mana whenua cousins of Te Waiohua, Waikato-Tainui, Ngāti Mahuta, Te
Ahiwaru, Ngāti Tahinga, and Te Ākitai whakapapa—oppose the SHA 62 development
planned for Ihumātao by Fletcher Building. The disputed land is worth approximately $36
million.

The petitioners maintain that the site needs to be protected for its historical, cultural, and
archaeological value and preserved for future generations as a public open space. They said

19 Te Kawerau ā Maki is an iwi based in Ihumātao.

20 Makaurau Marae is the local marae in the Ihumātao area.

12
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

the landscape could be used for eco-conscious, environment-enhancing social enterprises.

We heard that these enterprises could support tourism, māra (gardens), and native planting,
as well as science, research, and education opportunities.

Occupation of the land

Since 2016, SOUL and supporting campaigners have occupied SHA 62 in peaceful protest
to stop Fletcher Building from developing it. The petitioners told us that Fletcher has mainly
communicated with them through letters, although they have had meetings in person. They
told us Fletcher asked them to leave the land, and we understand a trespass notice was
served in 2016.

We heard that development could begin anytime and that campaigners are prepared to
physically protect the land through non-violet protest if development is attempted. They told
us that they do not want to see a repeat of what happened at Bastion Point and that the
Government urgently needs to take action. We are concerned about maintaining peace on
the whenua and the safety of everyone involved.

History of Ihumātao
We were informed that, historically, the land at Ihumātao was occupied by Waikato-Tainui,
Ngāti Whatua, and Waiohua groups affiliated to Waikato-Tainui (Te Ahiwaru, Te Ākitai
Waiohua, Ngāti Tai Tāmaki, Ngāti Te Ata, Ngāti Tamaoho, and Te Kawerau ā Maki).

The Crown confiscated most of the land at Ihumātao under the New Zealand Settlement Act
1863. The confiscation was part of the raupatu 21 by the Crown against Waikato-Tainui in
1865. Four years after the raupatu, SHA 62 was sold by the Crown into private ownership.

We understand that Ihumātao is the site of the oldest known human settlement in Auckland
and contains urupā (burial sites) and other evidence of early human occupation.

Significance as an archaeological and heritage site

SHA 62 borders the 100-hectare Ōtuataua Stonefields, a historic reserve where early Māori
settlers farmed from about 1200 AD. Māori continued farming here until the nineteenth
century.

In the late 1990s the former Manukau City Council, Auckland Regional Authority, and the
Department of Conservation sought to protect the historic site. They paid a combined sum of
$4.7 million to buy the land from four farming families.

The petitioners told us that the adjacent SHA 62 land should also be treated as a valuable
historical site, just like the Ōtuataua Stonefields. They said the Stonefields, the neighbouring
Council-owned Rennie Block, and SHA 62 should all be protected and treated as one area.

A change in how SHA 62 was designated

We heard from the petitioners that when the Ōtuataua Stonefields Historic Reserve was
purchased, the Manukau City Council had intended to extend the reserve to include SHA 62.

21 Māori land confiscation during and after the New Zealand Wars of the nineteenth century.

13
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

In 2007 SHA 62 was included by the Manukau City Council within a wider extension to the
Auckland Metropolitan Urban Limit (MUL). 22 However, SHA 62 was then designated as open
space to preserve it from development. The landowner appealed the designation as open
space, and in 2012 the Environment Court ruled in the landowner’s favour. It was ruled that
the land could be developed as long as there was no damage to valuable features. In 2013
the newly unified Auckland Council decided to reclassify the land as “Future Urban” 23 in the
proposed Auckland Unitary Plan, taking into account the Environment Court ruling.

Involvement with Auckland Council

Despite Auckland Council recommending in 2013 that the land be designated as a Special
Housing Area, we heard that Auckland City Councillors have since met with the petitioners
and sympathised with their cause. As a result of the meeting, six Councillors wrote to
Auckland mayor Phil Goff in May 2019 calling for an intervention. In the letter they urged the
Mayor to facilitate a meeting between the affected parties, including all iwi claiming mana
whenua status over the land, Auckland Council, and the Crown. They wrote that there needs
to be a long-term vision that includes a sweeping view of Ihumātao Peninsula. They said it is
time to explore all partnering opportunities that will bring an end to the lengthy dispute.

We heard from the petitioners that Auckland Council has agreed:

• to review the status and state of the Ōtuataua Stonefields Historic Reserve
• to take necessary steps to protect the adjacent nine-hectare Rennie Block (which the
petitioners said was rezoned for housing in recent years without mana whenua or
community consultation) as public open space
• to take seriously SOUL’s petition concerning SHA 62 and discuss with the Government
a mandated process that would address the SHA 62 development.
We understand that the council-owned Rennie Homestead Block is being assessed for
inclusion within the reserve for its protection. If it is included in the reserve it will be rezoned
as public open space. 24

Letter from Fletcher Building to the Māori Affairs Committee

We received a letter from Fletcher Building’s chief executive (residential and development)
dated 11 June 2019. The letter provided an update on the development at Ihumātao. The
chief executive said that the petitioners have tried many ways to challenge the legitimacy of
the development. He said they have consulted different authorities such as the Environment
Court but have been unsuccessful.

22 Auckland’s Metropolitan Urban Limit (MUL) is a zoning restriction that defines the boundary of the urban area
with the rural part of the region.
23 Land located outside the MUL and zoned for future development.
24 Office of the Mayor of Auckland,
http://infocouncil.aucklandcouncil.govt.nz/Open/2019/06/HER_20190625_AGN_8342_AT_files/HER_201906
25_AGN_8342_AT_Attachment_67795_2.PDF.

14
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

He wrote that Fletcher Building supports Te Kawerau ā Maki, who he said are the mana
whenua of Ihumātao. He wrote that Fletcher Building has been working in partnership with
the iwi and supports its aspirations for protecting the surrounding area.

We heard from the chief executive that Te Kawerau ā Maki has said publicly that it
acknowledges that other hapū and iwi also have whakapapa or interests in the land.
However, it does not recognise SOUL as speaking on behalf of mana whenua.

He wrote that, as part of a partnership between Fletcher and Te Kawerau ā Maki, Fletcher
returned over a quarter of its 32-hectare land holding to the iwi. He said the land has been
privately owned for the past 150 years and that it was previously unavailable to the iwi. He
believes this is a first for an agreement of this type.

He wrote that the land will be planted with native trees and that there will be an open area
between the new housing and the Ōtuataua Stonefields. He said there will be no
development on the Stonefields.

He outlined what will be included in the development:

• forty affordable homes will be available for iwi to purchase, and a pathway-to-ownership
programme will be developed to help iwi into homes
• a Whare Manaaki (visitor centre) will be built to tell the stories of mana whenua and the
settlers
• a protocol and plan will be developed for any archaeological or heritage discovery
• a visitor centre will be built, providing an opportunity to share and celebrate the history
of the Stonefields and the stories of mana whenua; this will include the appointment of
cultural advisors.
We were informed that Fletcher has discussed with local and central government whether
they would consider extending the existing Ōtuataua Stonefields Reserve to include the
disputed land. Fletcher was told there is no need for additional reserve space in this area.
He said that Fletcher Building has not confirmed a start date for the works, but it plans to
begin development soon.

Disagreement over iwi representation

The petitioners told us Fletcher Building sent them a letter on 8 April 2018 which outlines its
partnership with Te Kawerau ā Maki. The petitioners consider that Fletcher is ignoring the
interests of other iwi and hapū who have had strong and legitimate ties to Ihumātao for
centuries. They told us it is the ancestral land of Te Waiohua, Waikato-Tainui, Te Ahiwaru,
Ngāti Mahuta, and Ngāti Tahinga. They said mana whenua have not been properly
consulted or included in the decision-making process for the SHA 62 development.

The petitioners said it is ahi kā (continual, long-term occupants of land) who will be left with
very little if the development goes ahead. They said that iwi in the pre-settlement phase
should not be left out of the conversation just because they do not have the same financial
capacity or governing frameworks as other iwi. The petitioners said it is offensive that a
transnational corporation can decide which iwi to engage with and which to ignore.

15
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

Legal avenues explored by the petitioners

The petitioners have tried different legal avenues to stop the development from going ahead.

Waitangi Tribunal
We were informed that in 2015 an application for urgency was filed on behalf of Makaurau
Marae and Ngāti Te Ahiwaru 25 (under the name of the petitioners) in the Waitangi Tribunal.
The urgency application challenged the implementation of the Special Housing Areas Act
2013, stating that a breach of the Treaty of Waitangi had occurred due to a failure to consult
with Māori when Auckland Council designated SHA 62 for development.

The Waitangi Tribunal declined the urgency application in August 2017 on the basis that the
developers were taking steps to avoid damage to taonga at Ihumātao. 26

Environment Court
In November 2018 the Environment Court found that the management plan developed by
Fletcher for the development, which was approved by Heritage New Zealand, provided a
greater level of protection than required for taonga such as kōiwi. The Environment Court
also considered that the housing development could co-exist with the Ōtuataua Stonefields
Historical Reserve. 27

Status of Ihumātao in Treaty settlements

We were informed that private land is not available for use in Treaty settlements, with two
exceptions. The first exception applies if, before a property passed into private ownership, it
was subject to a resumptive memorial. 28 The second exception is where there is a willing
buyer and seller.

We heard that Ihumātao is situated within the areas of interest for Waikato-Tainui and the
Waiohua iwi, and that Ihumātao is also included in the historical accounts of Ngāti
Tamaoho 29 and Te Kawerau ā Maki. 30

Because SHA 62 is private land, it is not available for Treaty settlement. However, Ihumātao
is acknowledged in several Treaty settlements.

25 The applicants were Haki Wilson, Bobbi-Jo Pihema, Qiane Matata-Sipu, Pania Newton, and Waimarie
McFarland (all are SOUL campaigners).
26 Wai 2547 #2.5.5.
27 NZEnvC214 King v Heritage New Zealand.
28 A section 27B memorial (as outlined in the State-Owned Enterprises Act 1986) is a memorial which is placed
on private land that has previously been owned by a state-owned enterprise. This memorial notes that the
Tribunal can recommend the return of that land to Māori. If the Tribunal finds that a claim relating to that land
is well founded, it can make a binding recommendation to the Crown that it purchase the land and return it to
Māori ownership as a way of settling a claim. This process is also known as resumption.
29 Ngāti Tamaoho Claims Settlement Act 2017.
30 Te Kawerau ā Maki Claims Settlement Act 2015.

16
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

In the Waikato-Tainui Raupatu settlement, 31 the Crown acknowledged that land at Ihumātao
was confiscated under the New Zealand Settlements Act 1863, and apologised to Waikato-
Tainui as part of its Treaty of Waitangi settlement. 32

Te Ākitai Waiohua has been offered a statutory acknowledgement over Ōtuataua Stonefields
Historic Reserve in the Agreement in Principle between the Crown and Te Ākitai Waiohua.
The Crown and Te Ākitai Waiohua are working towards signing a deed of settlement in late
2019.

The remaining iwi who are yet to enter negotiations and settle any historical Treaty of
Waitangi claims in the Ihumātao area are Waikato-Tainui (non-raupatu claims only) and
Ngāti Te Ata. We were informed that, when these iwi have settled, all historical claims in the
Ihumātao area will have been settled.

Solutions suggested by the petitioners

The petitioners told us that the Government could buy the land to resolve this issue. They
referred us to cases where the Government paid large sums to protect and restore other
forms of cultural heritage. We heard that the Government paid $20 million to restore the
Dunedin Court House in 2016 33 and $7.5 million to purchase nearly four hectares of private
land near the Porotī Springs Northland in 2018. They also gave the example of the $4.7
million spent on purchasing the Ōtuataua Stonefields, as mentioned above.

Possible funding options for purchasing the land

The petitioners told us that, in addition to Crown and Council contributions, other funding
sources could be pulled in to produce a multi-party solution. They gave us many examples,
including:

• the Lottery Grants Board, 34 through the Environment and Heritage Fund, Significant
Projects Fund, Oranga Marae Fund, or Minister’s Discretionary Fund
• Regional Arts and Culture Fund
• Auckland Council Built Heritage Acquisition Fund
• Heritage EQUIP funding
• Auckland International Airport share revenue
• Philanthropic sources
• Iwi investment funds.

31 Note Te Ākitai Waiohua, Ngāti waiohua, Ngāi Tai Ki Tāmaki, Ngāti Te Ata, and Ngāti Tamaoho are also
beneficiaries of the Waikato-Tainui Raupatu settlement.
32 Waikato Raupatu Claims Settlement Act 19951.
33 Beehive, https://www.beehive.govt.nz/release/restoration-dunedin-courthouse-begins.
34 Under the Gambling Act 2003, all profits from playing Lotto are used to benefit New Zealand communities.
The New Zealand Lottery Grants Board distributes its profits.

17
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

Community, media, and international interest

We note that the petition has received community, media, and international interest. We
were informed by the petitioners that there have been thousands of visitors to SHA 62 since
the SOUL campaign was launched, and that one recent week saw over 600 visitors.

We also recognise that there has been a lot of media interest, and that articles about the
SOUL campaign and the disputed land have been published in several national news outlets
such as RNZ, Noted, the New Zealand Herald, and Stuff.

United Nations attention

We heard that the SOUL campaign has also received interest from the United Nations (UN).
The petitioners told us that campaign leader Pania Newton has presented twice at the UN in
Geneva, Switzerland, and once in New York since the campaign was launched.

We were informed that, as a result, two UN Special Rapporteurs 35 wrote a report in March
2019 about the specific concerns in relation to Ihumātao, and the broader issue of
construction of housing for commercial sale on traditional land. 36 The report seeks further
information about the situation at Ihumātao. The petitioners told us they understand that the
New Zealand Permanent Mission to the United Nations replied on 16 May 2019 requesting a
three-month extension for its full response. The petitioners said this correspondence shows
that the UN remains alert to the Government’s action or inaction on SHA 62.

We also heard that in 2017 the UN Committee on the Elimination of Racial Discrimination
recommended Crown action to ensure proper consultation in relation to SHA 62.

Conclusion
In April 2019 some members of this committee visited the SHA 62 site at Ihumātao. The
members recognised the historical significance of the land and the sincere commitment of
the petitioners. We thank the petitioners for welcoming us onto their marae and showing us
around the whenua. We acknowledge the years of hard work from the petitioners, and we
appreciate that they have undertaken an extensive amount of research.

We also acknowledge the situation at SHA 62 is complex. There are competing rights and
interests to the land. Those rights include the right to develop the land as the private owners
see fit. However, we also understand that the petitioners have an interest in preserving this
historically significant site. We urge all stakeholders to work constructively together.

We therefore recommend that the House take careful note of the petitioners’ concerns.

35 Special Rapporteur is a title given to individuals working on behalf of the United Nations who report on
specific countries and/or areas of interest.
36 Palais des Nations,
https://spcommreports.ohchr.org/TMResultsBase/DownLoadPublicCommunicationFile?gId=24461.

18
PETITION OF PANIA NEWTON FOR SAVE OUR UNIQUE LANDSCAPE: PROTECT IHUMĀTAO

Appendix

Committee procedure
The petition was referred to us on 13 March 2019. We met between 3 April and 24 July 2019
to consider it. We received written evidence from the petitioner, and heard oral evidence
from the petitioner.

Committee members
Rino Tirikatene (Chairperson)
Dan Bidois
Marama Davidson
Joanne Hayes
Matt King (from 22 May 2019)
Adrian Rurawhe
Hon Nicky Wagner
Hon Meka Whaitiri

19