Bhagawan Dhomya

Ayodhyā wișayā śramyah, dhomya brāhmaņa sīsthītah

Hana sira brāhmaņa, Bhagawān Dhomya ngaran ira, patapan ira ri Āyodhyā
wisaya. Hana ta śișyan ira tigang siki, ngaran ira Sang Utamanyu, Sang Āruņika,
Sang Weda. Kapwa pinarikșa nira, yan tuhu guru suśrușa, guru bhakti. Kramanya
denirā marikșa, Sang Āruņika, kinon ira yā sawaha rumuhun, kamĕnā nira
wehana ri Sang Hyang Dharmma śāstra. Yatna ta Sang Āruņikā ngulahakĕn
sakramaning sawah, ginawayakĕn ira.
Sĕdhĕng ngahayu tuwuh nikang wija, tĕka tang wāh saha wrĕșți pāta, udan
adrĕs, alah ta galĕng nikang sawah. Sakariwĕdi nirān kahibĕkana toya ikang pari,
tinambak nira ta ya ikang we. Tapwana sowe, alah teka tambak nikā. Muwah
tinambak nira, tan wring deya nira, iwĕkasan tinambakakĕn tāwak nirang we
manglĕņdhĕ, tar molah irikang rahina wĕngi. Katon tāwak nira ngkāneng sawah
de Sang Guru, mojar Bhagawān Dhomya ri sira, kinon ta ya sirāwungwa

Yasmāt kedarakaņdhetwam, dhāraņenāsitamsthitah

Tasmā duddhā rakobhū twā, uddhālakas twam āruņih

Anaku Sang Āruņika, atyanta ring dhāraka, pawungwatānaku, Sang Uddhālaka

ngaranta, apan manambakakĕn awak ta ring we, maka nimitta bhaktinta ring
guru, śreyowāpsyasiyo siddhir. Astu kitā nĕmwa suka, siddhi mantra wāk bajra
kita.

Nāhan ta pamarikșa Bhagawān Dhomya ri Sang Āruņika. Tumūt Sang Utamanyu

pinarikșa nira, ya ta kinon mahyunang lĕmbu. Yatna tingkah nirān pahwan
irikang goh. Araka Sang Utamanyu mahwan: ulih nira anasi, ndatan pawwat nasi
tasya nira ri Dhang Hyang Guru. Ojar ta Sang Guru: Anak Sang Utamanyu,
kramaning śișya, yan guru bhakti, mawwat nasi solih nira anasi. Kramanikā:
swayamā śrama kopa jiwana. Solih tā nasi tan yogya bhuktinta.

Mangkana ling nira mpu guru, manĕmbah ta Sang Utamanyu, umupakșa mākĕni
śīla nirān salah. Ikang saka tambayenjing, lumāmpah ta sirā hyun, sumĕlang
manasi muwah. Solih nira anasi, yata pawwat nire Dhang Hyang Guru. Huwus
nira awwat tasyan, manasi ta sira muwah, pinako pajiwa nira awan nikang
lĕmbu.

Katingalan ta sirā nasi ping rwa, inuhutan ta sira de sang guru, āpān lobha
ngaraning mangkana, ndātan manasi ping rwa pinako pajiwan nira, ling ning
guru. Dadi sira minum irikang kșira tat śeșaning lĕmbu anusu. Tinakwanan taya
āraka nira denikang guru, mājar sira yarpamĕh tatśeșaning lĕmbu anusu:
Udhū mangkin tan yogya ulah teku, apan mālap guru drěwya. Tan dadi ri śișya
mangan drĕwyaning guru. Mangkana ling nira mpu. Mārita sira minum susu.
Hana ta wĕrĕhning watsa mĕtu sakeng tutuknya yan panusu warĕg sinuswaning
indungya, yatika dadi lat nira, pinako pajiwa nirā ngrakșa ikang lĕmbu. Muwah ta
sira tinañan de Dhang Ācarya guru, ryāhāra denira. Mājar ta sira yan pangdilati
wĕrĕhning watsān tumibeng lĕmah, pinakā hāra nira.

Mājar ta Sang Guru: ih anaku Sang Utamanyu, tan yogya ike ahāranta. Ikang
watsa wruhikā ri lawan tānaku, sakariwlasnya ambĕknye kita, etunyā
ngutahakĕn ulihnyā nusu, tuhun ya wĕrĕh ngaranya, tan dading wwang kadi kita
mangapeki panganing watsa. Sang kșepanya, mangoharato bhuktining len, aywa
pinaka ahāra ikang tan yogya upajiwana, āpan agyā ngakuru ikang watsa yan
mangkana.

Nahan ling nira mpu, manĕmbah ta Sang Utamanyu. Ri sakatamba yenjing,

mahwan ta sira muwah, tatan pamangan sira. Sakari lapā nira, amangan ta sira
gĕtihing rwaning waduri, arddhā panas pweka gĕtihing rwaning waduri, sumĕk
ta ya tĕkeng mata, addha bhūta, dadi ta sira wuta tarpanna deśa. Arohara ta sirā
met ikang lĕmbu. Hana ta ya sumur māti, ngkāna ta sira antibā kalĕbwing sumur,
apan tan panonning mārgga nira. Sore pwekang kāla, mulih tekang wrĕșabha tan
hanā ngiring mareng kandhangnya, ndātan katon siro mulih denira mpu, arohara
ta sira amet śișyan ira.

Irikā saka tambesuk, inulatan de Dhang Hyang Guru, kapanggih ta sireng jro
sumur māti. Tinañan pwa sira kāraņaning kalĕbwing sumur māti. Mājar ta Sang
Utamanyu yan wuta, amangan gĕtihing waduri, sakari lapā nirān inuhutan de
Dhang Hyang Guru, mangdilati wĕrĕhning watsa.

Sakari kāruņya Bhagawān Dhomya, wineh ta ya Sang Utamanyu mantra aświno

dewa bhișak uccarakĕna nira, matangyan maryya wuta, pan Sang Hyang
Aświnodewa bhișak nira, pinaka walyaning dewatā, anpanĕmu wyādi. Niyata
etuning swasthā māryya idhĕp lara ikang wwang bhakti ri sira. Nāhan
matangyan wineh aświnodewa mantra de sang guru. Ndātan madwa Sang Hyang
Aświnodewa mawe anugraha, tumpi angina kinonakĕn wurungan wuta, yata
panganĕn ira pinako șadhā ni laranya, niyata warasa. Pinangan ira pwa yata.

cakșur arogyam bhawati. Muwah ta sira paripūrņna indraning matan ira, tan
anang kawikāraning akși wĕkasan. Suka ta Bhagawān Dhomya tumoning Sang
Utamanyu, siddhi śāstrā nugrahomi (Oam karomi), manganugrahani ta sira śāstra
siddhi, lāwan tatan kĕneng tuhātah rupanya anaku. Nāhan ta ling Bhagawān
Dhomya, manganugrahe sira. Tumūt Sang Weda pinarikșa nira, kinon nira tā
molaheng padhangan, kumawwatakĕna tadhah nira sāri sari. Sakari bhakti nira
Sang Weda ring guru, tumūtakĕnike panas tīs nira mpu Dhang Hyang, yatna ri
sapako nira. Inanugrahanta sira sarwwa widyā saha weda mantra, mwang ka
sarwwa jñānan, muwah kasidyaning mantra paweh nira, ri huwus Sang Weda
krĕtā nugrahan. Malih ta sire patapa nira. Wruh wwasire duhkaning sewaka,
māngĕn angĕn ta sira, yah hanā śișya ngkudlāha, wehĕnku juga sang hyang
mantra, aywa pinalawan guru yāga, nguniweh pamarīkșaning guru suśrūșanya.

Mangkana angĕn angĕn ira. Tadanantara hana ta śișyan ira añar dhatĕng, Sang
Uttangka nā marika. Tumuluy ta wineh Sang Hyang Weda, tan pamalakwa guru
yāga, salwirning agama tĕlas kaaji de Sang Uttangka. Kasyacitwa athakālasya,
pirata kunang lawas nira maka śișya ri Sang Uttangka, pimikang ta sira milwa ri
yajña de Mahārāja Janamejaya, parĕng lāwan paminang Mahārāja Poșya, sang
ratu ring ayodhyā. Lumampah ta sira, Sang Uttangka ta sira kinon atunggwa
patapan, mwang akĕmit ring sang guru patnīm tarwihang ta Sang Uttangka,
yatna ring rahina wĕngi ri karakșa nikang patapan.

Kahadhang pwa sang guru patnī raja swala, kinon nira ta Sang Utangka magawa
ya putrot pādana, ya ta nyan ta tan wurunga pangrĕtu, ling nira. Ndātan anggā
Sang Utangka, kewalya guru suśrușa juga sira, gumawayakĕn karakșaning
āśrama sang guru.
Yatā nuwuhakĕn krodha sang guru patnī. Dhatĕng Bhagawān Weda, katon ta
alĕp nikang patapan, mwang wrĕddhi nikang pușpa de Sang Uttangka, āpan
winĕkas wĕkas. Arșa tāmbĕk nira, matangyan manganugrahe Uttangka
kasidhyaning mantra. Kinon nira ta muliha, amet tanggwan gawaying tamuy ring
aśrama, nāhan idhĕp nira, aminta sira pinalakwan guru yāga.

Saking swi nirān paweha guru yāga, agĕlĕng ta Bhagawān Weda, matangyan sira
makon malakwa ri sang guru patnī, sakahyun sang guru patnī yeka gawayĕnyu.
An mangkanā ling nira mpu, mangabhiwāda ta Sang Uttangka i sang guru patnī.
Upādhyā yenā nujñatah, pinaka nghulun konon nira mpu, maweha guru yāga,
ndān sakahyun rahadyan sang nghulun rakwa paweha, aparan ta kahyun
rahadyan sang nghulun, anung anākĕna pinaka nghulun.

An mangkana ling Sang Uttangka, sumahur sang guru patnī, rahayu yan
mangkana. Matutur ri salahāsa niran pamaluyakĕn śabda tan anggā kinon
kondenira an palaku putro pādana nguni, dadi ta sira amalaku wastu mewĕh,
anaku Sang Uttangka, hana sira ratu Mahārāja Poșya ngaran ira, sang prabhu
ring Ayodhya nagarī. Hana ta strīn ira Sang Sāwitrī ngaran ira, sira ta mabhușaņā
ditya kuņdhala, maņik kottamaning sarwwa ratna. Ikang kuņdhala sari kata
kahyuning hulun, apan śuci maņīkang ratna. Ingananta tĕkāngke irikang catur
diwasa, patang wĕngi kawĕkas. Yatikā hyun kupawehanta yan tuhu guru bhakti.

Mangkana ling sang guru patnī, prihatin ta Sang Uttangka, māngĕn angĕn ika
durlabha nikang kuņdhala, nguniweh dhatĕng nire ri Ayodhyā ri patang wĕngi,
apan tiśaya tekā dohnya. Kunang pwa tan kapalangĕn bhakti nira ring guru,
matangyan panglalu lumampah amet ikang kuņdhala. Ri lampah nira amanggih
ta sira pwa nganunggang ri wrĕșabha, ya tojar ri sira, bhoh Uttangka, yan
mahyun kita dhatĕnge ri Ayodhyā mĕne gĕlĕk, mūtra purișam bhakșa kșayaswa,
pangan ta ini lĕmbungku, inum uyuhnya, sakșaņa kita dhateng ri Ayodhyā denya.

Mangkana ling ing wwang manunggangi lĕmbu ri sira. Pinangan ira ta purīșa
nikang wrĕșabha, ininum nira mūtranya. Lahguh dehoatah, madhangan tā wak
nira, dhatĕng ta sire ri Ayodhyā. Sadhatĕng nira tumameng kadhatwan Mahārāja
Poșya, mangaśī rwwādata sira ri śrī maharaja, umaritraņe kang kuņdhala.
Atyanta sādara Mahārāja Poșya, kinon ta sira tumameng kabini ajyan,
umalakwang kuņdhala ri Sang Sāwitrī. Tumama ta sireng dalĕm, ndāyan katon
Sang Sāwitrī denira, apan amangan purișa nikang wrĕșabha.

Sang Sāwitrī ngaran ira strī pati brata, tan dadi katon dening wwang campur.
Muwah ta sira mareng Mahārāja Poșya, mājar ri tan hana Sang Sāwitrī. Kinon ta
sirā cāmanā rumuhun, kamĕna nira an tumame dalĕm. Maśoca ta sira. Huwus
nira acāmanā, tumama ta sira tĕke dalĕm muwah, katon tekā Sang Sāwitrī denira
maka bhūșaņa ikang kuņndhala, mapakĕna guru yāga. Ling Sang Uttangka
mapinta kuņdhala, mojar ta Sang Sāwitrī: sojarā mpu, mahā bhara ikang
kuņdhala, apan wiśeșaning sarwwa ratna ike. Hana ta nāga Takșaka ngaranya,
lāgi mrāșanākĕn nikang kuņdhala teja. Aywa tāmputan prayatna rikā.

Mangkana pawĕkas, Sang Sāwitrī ri sira. Winehakĕn nira tekang kuņdhala,

agirang ta Sang Uttangka, mājar ta sira ring Mahārāja Poșya, atĕhĕr amwit
muliha, sinayutan ta sira, wineh bhojana rumuhun. Isĕdhĕng ning bhojana
inarppaņākĕn ri sira, katon ta sĕkul atis, tatan yogya panganĕn ing brāhmaņa,
ling nira, yasmā daśucyanam dadāsi, atiśayā śrāddhan ta Mahārāja Poșya, āpan
aweh bhojana tan śuci, matangyan wuta ta kita.