DELHI MIZO INKHAWM (DMI)

SUNDAY SCHOOL 2019 SENIOR SUGGESTION

CHHANNA TAWI
1. Eng kumah nge Chipko kha miin an tih hmasak ber?
Chhanna – 1730 AD

2. Davidan Pathian thin a tihrim khan tu zawlneiin nge rawn zilh?

Chhanna – Zawlnei Nathana

3. Isuan Gerasina ramhuai a hnawhchhuah hming kha enge?

Chhanna – Nuaia

4. Ramhuai a hnawhchhuahsak hnenah khan enge ti turin Isuan a hrilh?

Chhanna – A vengte hnena leta Isuan a thiltihsak hrilh turin a ti a ni.

5. Sukar khuaa Samari nula kha Isuan enge a hnen atang a dil?
Chhanna – Tui intur pe turin a dil a ni.

6. Samsona hmelmate kha tute nge?

Chhanna – Philistia ho

7. Samsonan engtin nge a chakna a hloh?

Chhanna – A sam an tansak.

8. Daniela thian pathumte hming ziak rawh-

Chhanna – Sadraka, Mesaka leh Abednegoa

9. Kan chaw ei hun hrang hrangah eng hun nge pawimawh ber?
Chhanna – Zing Chaw/Tukthuan

10. Kan hriselna kan vawn theih dantur kawng thum ziak rawh –
Chhanna – (i) Balanced Diet, (ii) Insawizawi (Exercise) leh, (iii) A hun taka mut

11. Rilru hrisellohna zingah engte nge taksa hrisellohna thlen leh chhawng thei?
Chhanna – (i) Depression, (ii) Thinrimna, (iii) Itsikna leh, (iv) Thikna

12. Mass Media hrang hrang panga kan zirte kha engte nge?
Chhanna – (i) Chanchinbu, (ii) Electrical telegraph, (iii) Film, (iv) Radio leh, (v) Television

13. Mass Media Pathian thu sawi nana hmang rawngbawltu pathum hming ziak rawh –
Chhanna – (i) Joel Osteen
(ii) Joyce Meyer
(iii) Billy Graham

14. Isua kha Jerusalem biakinah khan engvangin nge a thinrim?

Chhanna – Pawisa thlengtute leh ramsa zuarten biakinah dawr anlo hawn avangin Isua a thinrim a ni.

15. Enge India rama rethei an tamna chhan bulpui ber?

Chhanna – Caste system.
16. Enge inpumkhatna dal theitu in zirlaibuin a sawite kha?
Chhanna – (i) Chapona, (ii) Mahni hmasialna, (iii) Luhlulna

17. Engtin nge Thlarau Thianghlim kan chan theih ang?

Chhanna – Isua Krista hnena kan nunna kan hlan chuan Thalarau Thianghlim kan chang thei a ni.

18. Thlarau Thianghlimin a rah chhuahte kha engte nge ni?

Chhanna – (i) Hmangaihna, (ii) Hlimna, (iii) Dawhtheihna, (iv) Zaidamna, (v) Thatna, (vi) Rinawma

19. Thlarau Thianghlim thilpek pathum ziak rawh –

Chhanna – (i) Zirtirna, (ii) Pathian thu hril/sawi, (iii) Tihdamna

20. Ringtute tan Thlarau THianghlimin enge a tih?

Chhanna – Thlarau Thianghlim chuan ringtute a siamthar a, nun kawngdikah a hruai bawk a ni.

21. Baptisma tih hi enge a awmzia?

Chhanna – Baptisma hi Grik tawng atanga lak a ni a, ‘hnim phum emaw hnim pil’ tihna a ni.

22. Isua kha tuin nge Baptisma chantir?

Chhanna – Baptistu Johana

23. Baptisma hian enge a entir?

Chhanna – Kan nunhlui kalsanna leh Isua Kristaa kan nunthar a entir a ni.

24. Khawchhak miffing pathumte khan nausen Isua kha enge an pek?
Chhanna – Rangkachak, Beraw leh Murra

25. Isua Krista an kohna hming dang chu enge ni?

Chhanna – Remna Lal

26. Engvangin nge Isua kha miten an huat a, krawsa khenbeha a awm?
Chhanna – Pharisai leh Sadukai ten Isua an thik avang leh a zirtirna an huat avangin.

27. Kraws hian enge a entir?

Chhanna – Isua kan tana a inpekna leh kan tana chhandamna a entir a ni.

28. Isua krawsa an khenbeh hnu khan tuin nge phum?

Chhanna – Josepha, Arimathai khua ami

29. Isua thlanruak kha tuten nge hmu hmasa ber?

Chhanna – Mari leh Mari Magdalini

30. Pentateuch hi enge a awmzia?

Chhanna – Lehkhabu panga

31. Tunge mihring damrei ber?

Chhanna – Methusela, Kum - 936

32. Khawi hmunah nge Pathianin dan sawm kha Mosia a pek?
Chhanna – Sinai Tlangah

33. Miriami kha tunge a nih?

Chhanna – Mosia Farnu/Unaunu a ni
34. Ruthi pasal nu hming kha enge?
Chhanna – Naomi

35. Joshua hming diktak enge?

Chhanna – Hosea

36. Samuel enkawltu Puithiam kha tunge?

Chhanna – Puithiam Elia

37. Solomona khan Pathian enge a dil?

Chhanna – Finna

38. Lalnu Estheri pasal hming kha enge?

Chhanna – Lal Ahasuera

39. Tu zawlneiten nge Isua lo kaltur thu sawi lawk?

Chhanna – Isaia, Jeremia leh Zakaria

40. Pathianan a thu sawi turin khawnge Jona a tirh?

Chhanna – Ninevi khuuah

41. Chanchin Tha bu zinga thui ber?

Chhanna – Luka

42. Chanchin Tha bu zinga tawi ber?

Chhanna – Mark

43. Eng chanchintha buah nge Isua tehkhintu sawi ho a inziah?

Chhanna – Luka

44. Khawi hmunah nge Paula van atanga engine a chhun tluk?
Chhanna – Damaska

45. Khawi hmunah nge Paula a thih?

Chhanna – Rome khuaah

46. Paulan lehkhathawn engzah nge a ziah?

Chhanna – 14

47. Bible-ah hian bu engzat nge awm?

Chhanna – Thuthlung hluiah 39, Thuthlung tharah 27. A vain bu 66.

48. Sacrament-a chhang leh uain hian enge a entir?

Chhanna – Chhangin Isua taksa a entir a, Uain chuanin Isua thisen a entir a ni.

49. Martin Luther-a hi tunge a nih a engvangin nge tun thlengin hriat a hlawh?
Chhanna – Martin Luther-a chu German professor a ni a, Protestant siam thatna bul tumtu a ni.

Hriattur Pawimah –
1. Roman Catholic chuanin Sacrament hi Transubstantiation tiin an ko.
2. Protestant kohhran hmasate chuan Sacrament hi Consubstantiation an ti ve thung.
Mizo Bible chang:-

1) I lei chu sual lakah vêng ṭha la, I hmui chu tihderna thu sawi lo tûrin vêng ṭha rawh.
Sam 34:13

2) I thu hi ka ke atânte hian khâwnvâr a ni a, Ka kawng atân êng a ni.

Sam 119:105

3) Rilrua retheite chu an eng a thâwl e; vânram an ta a ni si a. Lungngaite chu an eng a thâwl e;
thlamuanin an la awm dâwn si a.
Matthaia 5:3-4

4) Chutichuan, a tûk atân lungkham suh u, a tûk chuan ama tân a lungkham chawp dâwn si a. Ni khat atân
ni khat hrehawm chu a tâwk a ni.
Matthaia 6:34

5) Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan
baptis ula,
Matthaia 28:19

6) Fîmkhur ula, inring renga awmin ṭawngṭai rawh u; a hun chu in hre si lo va.
Marka 13:33

7) Lalpaah chuan lâwm fo rawh u; ka ti leh pek ṭhîn ang, lâwm rawh u. In dawhtheihzia mi zawng zawng
hriat ni rawh se. Lalpa chu a hnai e.
Philippi 4:4-5

8) nausên piang hlimte angin thlarau lam hnutê, eng mah pawlh loh chu châk rawh u, chumiah chuan
chhandamna tling khawpa in ṭhan len theih nân;
1 Petera 2:2

9) Thil sual tih tumin mipui chu i zui tûr a ni lo va; thubuaiah pawh a tam lam, a dik lo zâwk lamah chuan i
ṭang ve mai tûr a ni hek lo.
Exodus 23:2

10) Kan tân Naupang a lo piang a, Fapa pêkin kan awm ta a; rorêlna chu a kokiah a chuang ang a: a
hmingah chuan Maka, Remruattua, Pathian Chaka, Chatuan Pa, Remna Lal, an ti dâwn si a.
Isaia 9:6

CHHANNA THUI
1. Thu sâwm pêk te ziak chhuak rawh .
Chhanna -
i) Keimah lo chu pathian dang rêng rêng i nei tûr a ni lo. (Exodus 20:3)

ii)Milem siam chawp leh thil a anpui rêng rêng i be tur a ni lo. (Exodus 20:4)

iii) Lalpa i Pathian hming chu i lam mai mai tûr a ni lo. (Exodus 20:7)

iv)Chawlhni hi thianghlim taka serh tûr a ni tih hre reng rawh. (Exodus 20:8)

v)I nu leh i pa chawimawi rawh. (Exodus 20:12)

vi)Tual i that tûr a ni lo. (Exodus 20:13)

 vii) I uire tûr a ni lo. (Exodus 20:14)

viii) I ru tûr a ni lo. (Exodus 20:15)

ix)I vêngte chungah hretu derah i insiam tûr a ni lo. (Exodus 20:16)

x)I vêngte chhûngte chu i awt tûr a ni lo va, i vêngte nupui chu i awt tûr a ni lo, a bawihpa emaw, a
bawihnu emaw, a bâwngpa emaw, a sabengtung emaw, i vêngte ta rêng rêng chu eng mah i awt tûr a
ni lo,” tiin. (Exodus 20:13-17)

2. Chanchin tha Bu te kha eng te nge ni?Tawite in sawi fiah rawh.

Chhanna - Chanchin tha Bu te chu Mathaia, Marka, Luka leh Johana te an ni.

i) Mathaia: Isua Krista chu Davida fapa ni in thlahtu Lal chhungkua atanga in thlah, khawchhak
mifingte'n Lal lo piang tur an sawilawk leh chibai an buk thu te leh tlang chunga thusawi te a chuang a
ni.
ii) Marka: Isua chu Pathian rawngbawltu he khawvela Lal anga lo piang nimahsela a Pa Vana mi
duhdana awm in chhiahlawh anga rawngbawl a nih thu a chuang a ni.
iii) Luka: Isua Chu mihring fapa nimahsela mihring dang ang lo takin sawisel bo in Pathian duh dan
zawka a awm thu a chuang a ni.
iv)Johana: Isua Chu Pathian fapa ni in tisa leh thisen mai ni lo in a tir ata thil engkim siamtu a nih thu a
chuang a ni

3. Bible a Lekha thawn Bu te chu eng te nge ni?

Chhanna - Bible a Lehkha thawn Bu te chu:-

1) Rom
2) 1 Korinth
3) 2 Korinth
4) Galatia
5) Ephesi
6) Philippi
7) Kolossa
8) 1 Thessalonika
9) 2 Thessalonika
10) 1 Timothea
11) 2 Timothea
12) Tita
13) Philemona
14) Hebrai
15) Jacoba
16) 1 Petera
17) 2 Petera
18) 1 Johana
19) 2 Johana
20) 3 Johana
21) Juda

Rom atanga Philemona: Tirhkoh Paula ziah.

Hebrai: a ziaktu hi hriat a ni lo
Jacoba: Jacoba ziah a ni
Petera 1&2: Petera ziah a ni.
Johana 1&2&3: Johana ziah a ni.
Juda: Juda ziah a ni.
4. Consubstantiation leh Transubstantiation danglamna enge ni? Sacrament koh dan chi hrang hrang kha eng
te nge?

Chhanna - Protestant lam chuan Consubstantiation hi an pawm a, chumi awmzia chu: Chhang leh Wine-ah
Krista chu Thlarauin a lo tel ve a, Thlarau lam malsawmna leh inpawlna thianghlim chuan a
rawn zawm a. Krista taksa entirna leh Thlarau lam malsawmna a ni an ti.

Roman Catholic erawh chuan Transubstantiation hi an pawm thunga. A awmzia chu chhang leh
wine hi Puithiamin a hlan hnuah Krista taksa leh thisenah a lo chang tak tak a ni an ti a.
Chhandamna atana mamawh a ni tiin, miin chhandamna a chan phah theih an ring a. Chhang
leh wine-ah chauh ni lovin, a buatsaihtu Puithiamah pawh thiltihtheihna danglam engemaw
awmin an ring a ni.

Sacrament hming hrang hrang te Chu: Holy Communion(in pawlna thianghlim), the Lord's
supper( Lalpa zanriah), the Lord's table(Lalpa dawhkan), breaking of bread(Chhang phel),
mass(Roman catholic Chuan mass an ti) Eucharist( Lawmthu hrilna) te an ni.