This article was downloaded by: [Northeastern University]

On: 02 January 2015, At: 07:17

Publisher: Routledge
Informa Ltd Registered in England and Wales Registered Number: 1072954
Registered office: Mortimer House, 37-41 Mortimer Street, London W1T 3JH, UK

Southern African Linguistics and

Applied Language Studies
Publication details, including instructions for authors and
subscription information:
http://www.tandfonline.com/loi/rall20

Introducing Translation Studies.

Theories and Applications.
Jeremy Munday
Ilse Feinauer
Published online: 12 Nov 2009.

To cite this article: Ilse Feinauer (2003) Introducing Translation Studies. Theories and
Applications. Jeremy Munday, Southern African Linguistics and Applied Language Studies,
21:1-2, 83-85, DOI: 10.2989/16073610309486332

To link to this article: http://dx.doi.org/10.2989/16073610309486332

PLEASE SCROLL DOWN FOR ARTICLE

Taylor & Francis makes every effort to ensure the accuracy of all the information
(the “Content”) contained in the publications on our platform. However, Taylor
& Francis, our agents, and our licensors make no representations or warranties
whatsoever as to the accuracy, completeness, or suitability for any purpose
of the Content. Any opinions and views expressed in this publication are the
opinions and views of the authors, and are not the views of or endorsed by
Taylor & Francis. The accuracy of the Content should not be relied upon and
should be independently verified with primary sources of information. Taylor and
Francis shall not be liable for any losses, actions, claims, proceedings, demands,
costs, expenses, damages, and other liabilities whatsoever or howsoever caused
arising directly or indirectly in connection with, in relation to or arising out of the
use of the Content.

This article may be used for research, teaching, and private study purposes.
Any substantial or systematic reproduction, redistribution, reselling, loan, sub-
licensing, systematic supply, or distribution in any form to anyone is expressly
 forbidden. Terms & Conditions of access and use can be found at http://
www.tandfonline.com/page/terms-and-conditions
Downloaded by [Northeastern University] at 07:17 02 January 2015
 Southern African Linguistics and Applied Language Studies 2003, 21(1&2): 83–85
Printed in South Africa — All rights reserved
BookReview
Introducin
gTr
a nsla
tionStu
dies.TheoriesandApplications
Jeremy Munday
Routledge, London and New York (2001)
ISBN 0–415–22927–8 (£14,99)
xv + 240 pages
2001 was ’n besonder vrugbare jaar vir die
Downloaded by [Northeastern University] at 07:17 02 January 2015
voorskryfmark vir vertaalstudente met die ver-
skyning van bogenoemde werk, sowel as
Teaching and Researching Translation van
Basil Hatim. Laasgenoemde skryf in die
reklameteks van die uitgewer oor Munday se
werk: “This is a book which raises strong
awareness of current issues in the field and will
be of interest to translation trainers and
trainees alike.” In die inleiding sê Munday sy
werk is “a practical, user-friendly textbook that
gives a balanced and comprehensive insight
into translation studies”. In hierdie resensie wil
ek kyk of Hatim bloot kollegiaal was en Munday
sy eie bydrae oorskat het.
Hierdie handboek bestaan uit elf hoofs-
tukke, ’n kort bylae met internetadresse, aan-
tekeninge by elke hoofstuk, ’n omvattende bib-
liografie, sowel as ’n indeks wat natuurlik
essensieel vir enige handboek is. Die interne-
tadreslys is ietwat teleurstellend, want daar kon
talle ander webruimtes bygevoeg word, maar
minstens word die adresse van die vernaamste
vertaaltydskrifte verskaf. Die plasing van die
hoofstukaantekeninge heel aan die einde van
die boek is ook geriefliker as aan die einde van
elke hoofstuk, want die gebruiker hoef nie
telkens die einde van die hoofstuk te soek nie.
Die heel gebruikervriendelikste posisie vir aan-
tekeninge is vanselfsprekend aan die einde van
elke bladsy.
Die hoofstukindeling lyk soos volg: die
eerste twee hoofstukke hanteer ’n oorsig oor
hoe vertaalteorie tot stand gekom het, met
hoofstuk een wat die meer resente kwessies
hanteer en hoofstuk twee wat die geskiedenis
van vertaalteorie voor die twintigste eeu
beskryf. Wat vreemd opval, is dat die doel van
hierdie handboek en ’n uiteensetting van die
onderskeie hoofstukke eers aan die einde van
Copyright © 2003 NISC Pty Ltd
SOUTHERNA FRICANL INGUISTICS
ANDA PPLIEDL ANGUAGES TUDIES
ISSN 1607–3614
hoofstuk een voorkom, en nie soos ’n mens
sou verwag in die inleiding of dan heel aan die
begin van hoofstuk een nie.
Hoofstukke drie tot ses handel oor vertaal-
benaderings wat meer te make het met die ver-
taalproses en dus op sowel tegniese as literêre
vertaling toegepas kan word. In hoofstuk drie
word die konsepte betekenis, ekwivalensie, en
ekwivalente effek hanteer met die volgende
name wat klink: Nida, Newmark en Koller.
Hoofstuk vier wil ’n taksonomiese indeling gee
van die taalkundige verskuiwings wat in vertal-
ing voorkom met Vinay en Darbelnet se
klassieke taksonomie, maar Catford en Van
Leuven-Zwart klink ook. Hoofstukke drie en vier
verteenwoordig dus die linguistiese benadering
tot vertaling. Die funksionalistiese benadering
kom in hoofstuk vyf aan bod met Reiss en
Vermeer se skopus-teorie en Nord wie se
benadering hier interessant genoeg as tekslin-
guisties beskryf word. Hoofstuk ses vind hegte
aansluiting by die vyfde hoofstuk. Hier word
register- en diskoersanalise van onderskeidelik
House en Baker, sowel as Hatim en Mason se
vertaling as kommunikasie binne sosio-kul-
turele konteks beskryf. Die benaming tekslin-
guisties wat hier meer gepas sou wees, klink
nie. Hier word ook glad nie na een van die
belangrikste figure binne hierdie benadering,
Albrecht Neubert, verwys nie. ’n Sydelingse
verwysing na Albert Neuber (sic) word wel in
hoofstuk drie (p. 46) aangetref.
Hoofstukke sewe tot elf fokus sterker op die
vertaalproduk en die klem is hier meer op
literêre vertaling. Hoofstuk sewe konsentreer
op die Sisteemteorieë en die veld van beskry-
wende vertaalteorie (Descriptive Translation
Studies — DTS). Die werk van Even-Zohar,
Toury en die Manipulasie Skool (o.a. Van Gorp
en Lambert) word hanteer. Hierdie hoofstuk
 84 Book Review — Introducing Translation Studies. Theories and Applications
moes eerder Descriptive Translation Studies
heet, want dit is die een gebied waarbinne
geweldig baie navorsing gedoen word. Dit het
wel uit die Sisteemteorie ontwikkel, maar Toury
en DTS slaan deesdae die kitaar. In hoofstuk
agt kom die wisselwerking tussen vertaling en
kultuurstudies aan bod met Lefevere se
bydraes. Die wisselwerking tussen vertaling, en
gender en postkolonialisme word hier
bespreek. Volgens my moes Lefevere eerder
onder hoofstuk sewe klink as een van dié lede
van die Manipulasie Skool. In hoofstuk nege
met die titel Translating the foreign: the (in)visi-
blity of the translator word hoofsaaklik Venuti se
Downloaded by [Northeastern University] at 07:17 02 January 2015
werk bespreek. Terloops, hy is die enigste ver-
taalteoretikus aan wie feitlik ’n hoofstuk in
geheel afgestaan word. Die rol van literêre ver-
talers en uitgewers word ook hier ondersoek.
Met die insluiting van hierdie hoofstuk blyk dit
dat daar tog effens meer fokus is op literêre
vertaling as op byvoorbeeld tegniese vertaling.
In hoofstuk tien word ’n aantal filosofiese
vertaalteorieë aangebied, naamlik dié van
Steiner, Pound, Benjamin, asook Derrida en sy
dekonstruksie. Wat vreemd opval, is dat die
werk van die Britse vertaalteoretikus
Chesterman nie hier ook genoem word nie. In
sy werk Memes of Translation (1997) skryf
Chesterman op p. 2: “…I set out to develop a
particular theoretical view of translation, one
that has been greatly influenced by the philos-
ophy of Karl Popper. I propose, in effect, a
Popperian theory of translation”.
Hoofstuk elf kyk na ’n interdissiplinêre
benadering tot vertaalwetenskap met Snell-
Hornby se geïntegreede benadering.
Ondersoeke wat sowel linguistiese as kulturele
analises bevat, word ook hier ingesluit.
Laastens word hier gekyk na die rol van die
moderne tegnologie in die toekoms van die ver-
taalwetenskap. Laasgenoemde gedeelte is
uiters kripties en fokus slegs op die internet.
Programmatuur ter ondersteuning van die ver-
taalproses, oftewel die hele veld van machine
aided translation wat ’n mens hier sou verwag,
ontbreek.
Die indeling vanaf hoostukke sewe tot elf
kom ietwat kunsmatig gefragmenteer voor so
asof die skrywer nie geweet het hoe om die
inligting behoorlik te orden nie. Die student sal
hulp benodig om die nodige verbande tussen
die onderskeie afdelings te kan lê. Die leiding
wat Munday in die inleiding van elke hoofstuk
verskaf, is nie verhelderend genoeg nie en die
hulp van die dosent sal hier onontbeerlik wees.
Munday sou die aantal hoofstukke kon vermin-
der deur byvoorbeeld hoofstukke sewe en nege
saam te voeg, sowel as hoofstukke agt en elf.
Venuti sou goed inskakel by DTS en die manip-
ulasieteorie (hoofstukke sewe en nege) en die
rol van kultuur, gender en postkolonialisme by
vertaling is juis waarom dit gaan wanneer daar
sprake is van die interdissiplinariteit van vertal-
ing (hoofstukke agt en elf).
Wat hierdie werk wel waardevol vir sy
teikengebruikers maak, is dat elke teoretiese
benadering op ’n gevallestudie uit die vertaal-
praktyk toegepas word. Die tekste wissel oor
alle genres, vanaf toeristebrosjures, tegniese
tekste, en parlementêre toesprake tot by Harry
Potter en die Bybel. Hierdie tekste kom ook in
’n wye reeks tale voor: Engels, Frans, Duits,
Spaans, Italiaans, Portugees en Punjabi, en
vertalings word in Engels verskaf.
Elke hoofstuk neem ook dieselfde uitleg
aan wat soos volg daar uitsien: eerstens ’n
tabel met die hoofkonsepte wat in die hoofstuk
aan bod kom, onmiddellik gevolg deur ’n liter-
atuurlys met die bronne wat hier gaan klink.
Daarna word die teoretiese benadering bek-
endgestel en beskryf. Die mildelike gebruik van
kolparagrawe en nommerparagrawe sal die
lees en internalisering van hierdie inligting vir
die deursnee-student beslis bespoedig. Die
gevallestudie en die bespreking daarvan volg
dan. In hoofstuk vyf, Functional Theories of
Translation, is die gevallestudie se bronteks ’n
Britse kookboek vir kinders van 10 en ouer.
Hierdie teks moes in ’n reeks Europese tale
vertaal word, maar om op koste te besnoei,
moes die illustrasies van die bronteks behou
word. Munday gebruik hier ’n uitstekende voor-
beeld van instrumentele vertaling waar die
doeltekste onafhanklik binne die doelkultuur
moet kan optree met die funksie om die
doeltaalgebruikers te leer om te kook.
Elke hoofstuk word met ’n opsomming, aan-
bevelings vir verdere leeswerk en ’n reeks
navorsingsvrae afgesluit. Laasgenoemde sal in
die besonder die dosent ter wille wees, want
sewe tot agt navorsingsvrae word gestel aan
die hand waarvan die studente bewys moet
lewer of dit wat pas bestudeer is, wel onder die
knie gekry is. Die vrae is deurgaans so
saamgestel dat dit vir sowel beginner- as meer
gevorderde studente gebruik kan word.
 Southern African Linguistics and Applied Language Studies 2003, 21: 83–85 85

Die boek se waarde sou heelwat hoër, veral Studies as an Interdiscipline.

vir die dosente en nagraadse studente, kon
wees indien daar ’n hoofstuk oor navors-
ingsmetodolgie ingesluit was. Verder sou die
teikenleser minstens een hoofstuk oor Corpus
Translation Studies (CTS) in ’n handboek wat in
2001 verskyn, verwag. Hier word daar net ter-
loops melding van CTS gemaak in ’n
gevallestudie by hoofstuk 11, Translation
Alles in ag genome bly Munday se
Introduction to Translation Studies steeds ’n
gebruikervriendelike, praktiese handboek wat
dosente met vrug aan alle studente van die ver-
taalteorie kan voorskryf. Dit lyk dus asof Hatim
se opmerking in die reklameteks en Munday se
siening oor sy eie werk nie heeltemal net
vleitaal en grootdoenerigheid was nie.

ILSE FEINAUER
Department Afrikaans en Nederlands, Universiteit van Stellenbosch, Privaatsak X1, Matieland 7602, South Africa
Downloaded by [Northeastern University] at 07:17 02 January 2015

e-mail: aef@sun.ac.za