ESTAMBOL 15 AV 5769 5 AGOSTO 2009
KAREN GERSON SARHON / ESTAMBOL
karensarhon@gmail.com
Todos ya tenemos sintido a mues-
tros padres i madres empesar a kon-
tar kon las palavras: “En maestro
tiempo...” o “Kuando eramos chikos/
mansevos...” i esto sigura ke todos
komo mi pensatesh: “Ayde, yene
empesaron a kontarmos lo Viejo, lo
ke eyos pensan ke estava mas mijor,
mas bueno, tra la la, tra la la, ke ya
mos vino buktiyas de oyer!” Los an-
yos pasando, esto viendo ke todo ke
era sujeto de burlarmos de muestros
parientes se esta aziendo una reali-
dad ke estamos biviendo.
La persona, kuando es muy man-
seva i inyorante de la vida djusto por-
ke no bivio bastante para ambezarse
i obtener la eksperiensa nesesaria, no
puede konsever el sintimiento ke le
viene kuando se akodra de lo ke era,
de lo ke fue... Yo me akodro ke los an-
yos pasando, kuando vine a los trenta
anyos me aviya rendido kuento ke en
estos anyos puediya akodrarme de
evenimientos ke okurrieron vente
anyos antes i me aviya maraviyado,
no kon un sintimiento de averme en-
viejesido, ma de aver bivido bastante
para pueder akodrarme asta tantos
anyos antes.
Agora ke ya vine a los sinkuenta,
esto viendo ke de mas i mas estamos
avlando de lo pasado kon los amigos.
El otro dia estavamos asentados en
el balkon i la vizina de ariva abasho
un sesto de su balkon a la guerta pa-
ra ke su ijo pueda tomar el sandvich
ke le aviya preparado. Este sesto ke
abasho i suvyo ariva mos izo akodrar
un monton de rekordos de muestra
chikes, kuando era muy normal ke las
balabayas de kaza abashavan sestos
de las ventanas i yamando al “bakkal”
le enkomendavan ke meta guevos,
asukar, gazeta ets, en el sesto. Era
muy komun de oyir en las kayes ma-
damas yamando: “Bakkal efendiii,
bakkal efendiiii...” i enkomendarle
kozas. Despues mos akodrimos del
yogurtchi ke pasava i la manera don-
ANYO 5 NUMERO 54
de inchiya los platos ke le yevavamos olvidamos de los negros momentos
abasho del yogurt ke teniya enkolga- ke pasimos, de los evenimientos ke
do en los ombros. Aviya a ken les pla- amargaron muestra vida en el pasa-
ziya el kaymak del yogurt i aviya a ken do. No, no es sinyo de vejes la nosta-
no les plaziya. A mozos, komo mos ljia, es sinyo de optimizmo, es sinyo
plaziya el kaymak, mi madre siempre de esperansa ke en biviendo mun-
le demandava ke mos meta kaymak chos anyos mas (si el Dio mos per-
aparte i el yogurtchi ke mos konosiya mete) mos vamos akodrar i de estos
no lo pezava, de sorte ke mos viniya momentos kon keyf i alegria. Alora,
el kaymak debaldes. Aviya tambien el ke azemos? Kontinuamos muestra
sutchi (lechero) ke me ennamorava nostaljia sin pensar si es vejes o no...
de mirarlo mizurar la leche en bakra-
chikos chikos i inchir la lechera ke le
yevavamos. La leche goliya de leche
antes, no komo agora ke no tiene
dinguna golor! Esta leche la tomava-
mos i pishin la buyiyamos. A vezes,
mo lo olvidavamos buyir i se tashte-
yava (desbordava), i la ornaya se aziya
una desgrasia ke kaliya alimpiar.
El Shabat pasado estuvimos invi-
tados ande unos amigos ke tienen
una kaza kon guerta i despues de un
pranso maraviyozo, la kalor aviendo-
se amahada un poko, mos vino el ke-
yf al lugar i empesimos a kantar. En
supito mos salio la nostaljiya en me-
dio de muevo i empesimos a kantar
kantikas de muestra manseves. Em-
pesimos kon kantikas de los anyos
’60, despues de los ’70 ets. ets. Kanti-
mos kantikas famozas en fransez, en
espanyol, en inglez, en turko, mizmo
KLARA PERAHYA
Konoseremos a
02
en italiano.
Ceni Franko
En esto mi marido dize: “Vos
estash rendiendo kuento ke estos
dalkavos dias estamos todo avlan-
do del pasado i estamos en una
ola de nostaljia? Esto es sinyo de
ESTI SAUL
Roksan Kohen
07
vejes, ke lo sepash!” Todos mos kedi-
mos mirando por un momento, si, ya
teniya razon mi marido, estavamos
todo avlando de lo ke era la vida en
AVRAM MİZRAHİ
Viktorya Kamhi
08
el pasado ma yo no esto de akordo
la Senyora Rodrigo
ke es sinyo de vejes. Yo, siempre la
optimista, puede ser un poko juve-
nile komo me disho mi kerido ami-
go Jean Carasso, kreyo ke pueder
GAD NASSI
El Karapato
14
akodrarse lo ke bivimos en el pasado Misteryozo
es una forma de mirar a muestra vida
kon plazer. A la fin del kuento, ke es
KAREN ŞARHON
16
la nostaljia? Es pensar en los buenos
momentos del pasado. Akodrarmos Konoseremos a
de muestro pasado kon alegria i keyf Betty Klein
es buena koza. En aziendo esto mos
ŞALOM GAZETES‹’nin ücretsiz ekidir
02 15 AV 5769 - 5 A G O S T O 2 0 0 9
La saga del servisyo “Katering Kasher de la Matan Baseter”
Konoseremos a Ceni Franko
KLARA PERAHYA / ESTAMBOL
klaraperahya@ttmail.com
Ay de esto 22 a 23 anyos, durante
los mandatos prezidensyales de İzak
Fis i Gina Frayman, fueron restora-
dos por el arshitekto Jacky Kohen
los dos primeros etajes de lo ke era
el eskeleto de la vyeja eskola “Ikinci
Karma”, la kuala avia sido kaji entera-
mente derrokada por dos grandes
insendyos (fuegos).
Kuando, la fragua fue kaji pron-
ta a abrigar 18 a 20 personas ke
se topavan sin morada, empesa-
ron entonses a surjir los problemas
domestikos de la jeransa: “moblar
las kamaretas”, “estableser un siste-
ma de koabitasyon armonyoza entre
personas ke se konosian superfisyal-
mente”,” mantener una atmosfera
de paz i de limpyeza”, “asegurar
el aparejo de tres pransos al dia”,
ets...ets... El budjeto era muy flako
i el personal reduzido a su strikto
minimum.
Las damas tomaron la desiz-
yon de gizar eyas mizmas para los
pensyonaryos i el personal... los
ombres se kargaron personalmente
del empleo... muevos myembros
eran nesesaryos, meoyos i brasos
prontos a kargarsen de un lavoro
muy duro.
I, un dia, entre tres otras kan-
didatas, se prezento Ceni Franko.
Desde el primer minuto, eya se afir-
mo “dinamika”, “aktiva en su lavoro”,
“byen pensante i muy serya”. Muesto
solo espanto era de pedrerla.
Aktualmente, 20/23 anyos mas
tadre, Ceni guadro el mizmo dina-
mizmo, la mizma seryozidad en el
lavoro ansi ke el mizmo senso de la
responsabilidad de la misyon libre-
mente asumida. I kuando durante
el mandato de David Sevi, el pudo
(grasyas a su sezo i a su ermoza
manera de prezentar las kozas) obte-
ner del konsilyo del Neve Şalom Vakfı
la otorizasyon de krear “un servisyo
de Katering Kasher”, Ceni aksepto
immedyatamente de enkargarse de
esta immena responsabilidad.
Ansi es “la saga del servisyo de
Kasherut Kasher”, ansi es “la karrera
karitativa de muestra kerida amiga
Ceni Franko” a la kuala demandi de
responder a unas kuantas kestyones.
Ceni, un dia me tyenes dicho
ke desde tu chikes, sentites en
ti, el menester de ayudar los ke
se topan en el menester... es ke
mos puedes avlar sovre esto?
EL PONTE
Este dezeo intenso de ayudar
los ke sufren me vyene del fakto
ke personalmente vengo de una
famiya ke konosyo grandes difikul-
tades ekonomikas. I agora, kuando
veyo en los ojos de los pensyonar-
yos de la “Matan Baseter” komo
del “Barınyurt” komo una luz de
kontentez, esto abasta para darme
la fuersa de kontinuar. Una palavra
ke “Gina Frayman” dizia syempre a
los grandes donadores era: “Ke seas
syempre de los dadores, ninguno
save lo ke sera el dia de amanyana”.
Es difisil de guadrar durante 23
anyos el mizmo ritmo de lavo-
ro, dates muncho a la Matan
Baseter , eya kualo te dyo?
Tuve buenas profesoras, Gina
Frayman, Zehra Pardo, Ivet Güleryüz,
tu Klara Perahya. Me ambezi mun-
cho del Barınyurt, me ambezi a
meterme al lugar de los otros, a
esforsarme de pensar komo eyos,
me ambezi a dar sin nada asperar de
retorno... Me syento devdora enver-
so la Matan Baseter, eya me dyo la
posibilidad de pueder ayudar.
El presedente prezidente de la
Ovra Viktor Ülçer disho ke “Dar
es resivir alegria”, tu ke pensas?
Djustamente komo lo disho
Viktor Ülçer “dar es una alegria” i
en mizmo tyempo una muy grande
rikeza para la alma.
Ay unos kuantos anyos, aksep- No me olvido nunka alora de meter
tates la direksyon del “kate- mi prostela vedre ke es el simbolo
de la Matan Baseter.
ring Kasher” el kual (grasyas
a su ekselente kualidad) es
Kuantos anyos ay ke se kreo el
en este momento una grande
servisyo de Katering Kasher?
fuentes de revenido para la
Matan Baseter; kualos son los
kriteryos sovre loskualos insis- Syete anyos i medyo. No me
puedo olvidar el immenso apoyo del
tites lo mas?
prezidente de la epoka David Sevi,
de Emel Bahar aktual Vise preziden-
Antes de todo, el respekto abso-
te de la ovra, de Lazar Aroyo i Yaşar
luto de las preskripsyones de mues-
Öztuzcu ansi ke de las “Barınyıldızlar”
tra ley, una metikulozidad sin limite
ke se topan kontinualmente a mi
konsernando la kualidad, la savor i
lado. Sus kolavorasyon es muy
tambyen la prezentasyon ... bushkar
importante i djugo un grande rolo
a azer rememorar a los invitados los
en la reushita de este servisyo. Es de
pastos de la chikes todo en bushkan-
mezmo por el ekipo profesyonal ke
do lo maksimum de refinamyento i
es muy performante en su lavoro.
mizmo envezes de fantezia.
Asumir la karga de un pranso de
Es ke pensates aparejar otras
alegria es una grande responsabili-
dad. El aze parte de la atmosfera del damas para remplasarte en el
dia... todo deve ser armonyozo. futuro?
Tengo la konviksyon ke tenesh Ay, por seguro, damas muy ener-
munchas komandes. jikas, de grande kapachita i de buena
voluntad ke tyenen las kualida-
des nesesaryas para dirijir el depar-
Bendicho el Dyo, en despar-
tamento “Katering Kasher”, ma el
te de las de los myembros de la
fakto es ke (malgrado el ekipo pro-
Komunidad, munchas otras insti-
fesyonal de grande valor) se trata de
tusyones tambyen se enteresan a
una misyon ke demanda un kudyo
muestro gizado kasher... tuvimos i
de kada minuto i una prezensya kaji
tenemos syempre muncho ayudo
kontinual de la persona ke asume la
del “Neve Şalom Vakfi” i de la parte
direksyon, lo ke aze ezitar munchas
de los varios vyejos prezidentes
de mis presyozas kolavoradoras.
de muestra ovra. El aktual “Selim
Nahmias”, todo komo los otros, es
muy dinamiko i efisyente. La reus- Te rengrasyo, kerida Ceni, por
hita de un lavoro no depende solo tus respuestas tan klaras i eks-
de los ke lo azen, ma tambyen del plisitas.
entorno, de la enerjia ke emana de
sus apresyasyones, konsejos i sovre Es yo ke agradesko la revista “El
todo observasyones justifikadas. Amaneser” de darme la oportunidad
La komunidad me dyo tambyen la de avlar de los empesijos puedeser
funksyon de azer konoser la kozina difisiles ma egzaltantes del servisyo
sefardi en la “Yedi tepe Üniversitesi”. “Katering Kasher” de la Matan Baseter.

La Fidelidad de Rahab
GAD NASSI / HERZELIA
nassig@zahav.net.il
Kuando los Israelis salvados de Ayifto avian
kampado en la oriya del Rio Yarden, djusto en
frente de la sivdad de Yeriho i se estavan prepa-
rando a traversarlo, sus shefe Yoshua mando dos
de sus soldados para ke arekojgan informasiones
sovre el terreno i sus armadas. Kuando estos
arivaron a Yeriho, vinieron a la kaza de Rahab, al
lado de las murayas de la sivdad i se kedaron a
durmir ayi por la noche.
Asigun la leyenda, Rahab fue una de las mas
ermozas mujeres de la istorya. Su nombre solo
era kapache de despertar el dezeo. A la edad de
diez anyos se avia postituada, i no egzistia un
prens o un monarko ke no avia tenido atadijos
kon eya. Por modo de esto, Rahab era muy buen
informada de todo lo ke se pasava en Yeriho i
ahuera de Yeriho.
Rahab aziendo fuyir los emisarios de Yoshua,
por Julius Schnorr, 1832-1883
Kuando el Rey de Yeriho fue informado de la
prezensia de los soldados de Yoshua en la kaza
de Rahab, le mando sus emisarios kon el orden
de entregarlos en avizandola ke eran espiones.
Portanto Rahab los eskondio en el tejado de su
kaza i avizo:
“Es verdad ke dos personas vinieron ande
mi, ma no se de ande vinieron. I kuando serri la
puerta de mi kaza en la oskuridad, eyas salieron
ahuera. No se ande se hueron. Sigeldolos presto
para apanyarlos.”
Despues ke los emisarios partieron, Rahab
suvio al tejado:
“Ya se ke el Dio vos prometio a este payis, ke
el espanto de vozotros se akaparo de mozotros,
i ke todos los abitantes del payis se aunaron kon-
tra vozotros. Supimos de ke manera el Dio seko
las aguas de la Mar Kolorada kuando salitesh de
Ayifto... Vuestro Dio es el Dio ke governa en los
Sielos i aki abasho en la Tierra.”
En rekompensa por este akto i su promesa de
guadrar esto todo en sekreto, los dos soldados
de Yoshua djuraron ke su vida i ansi ke akeyas de
todos los miembros de su familya serian eparn-
yadas kuando Yoshua iva konkistar el payis.
TRADISYONES 15 AV 5769 - 5 AGOSTO 2009 03
Kedaron de akordo ke despues ke toda su
familya se iva arekojer en su kaza, Rahab iva
pozar la kuedra kolorada kon la kuala los dos
espiones se estavan preparando para arevatar-
sen por la ventana. De este modo, la kaza de
Rahab se iva apartar de las otras kazas durante el
atako de los Israelis.
Rahab les enkomendo:
“Vayavos i eskondevos en las kolinas durante
tres diyas, fina ke los soldados del Rey de Yeriho
retornan i para ke no vos deskuvren. Despues
vash a pueder aboltar ande vozotros”.
Los espiones le respondieron:
“Si alguno de tu famiya sale de tu kaza a la
kaye, su sangre dependra de el, i mozotros no
seremos kulpavles. Portanto, si alguno oza ale-
vantar la mano a kualkera persona ke esta kon ti
en tu kaza, su sangre dependra de mozotros. I si
revelas muestro sekreto, mozotros no seremos
kulpavles por el djuro ke mos izites djurar “.
Despues ke los espiones aboltaron ande
Yoshua i le kontaron todo lo ke avian visto i todo
lo ke avian prometido a Rahab, los Israelianos
traversaron el Rio de Yarden para konkistar en Rahab delantre de Yoshua,
primero a Yeriho. por Gustave Doré, 1832-1883
Yeriho fue enteramente destruida. Sus abi-
tantes, sus ombres ansi ke sus mujeres, sus
***
mansevos ansi ke sus aedados, sus vakas ansi
El Talmud rekonese ke Rahab fue una putana.
ke sus kodreros i sus aznos, fueron pasados por
Teniya diez anyos kuando los Israelis avian sali-
la espada. Todas sus rikezas en plata i oro, i sus
do de Ayifto, i se avia komportado de la misma
ustensiles en bronzo i en fierro fueron adjusta-
manera durante kuarenta anyos, todo el tiempo
dos a los trezoros del Dio.
ke los Israelis estavan errando en el dezierto.
I Yoshua ordeno a los dos espiones:
Malgrado su pasado, Rahab es konsiderada
“Vayavos a la kaza de la putana ke vos eskon-
komo el egzemplo de la Fey en Dio. Asigun
dio i trayeldala aki, a eya, i a todo lo ke le apartie-
la leyenda, despues de averse konvertido al
ne asigun ke le djuratesh”.
Djudaismo, se kazo kon Yoshua, i fue la ansestra
I ansi fue. Kon la konkista de Yeriho, Rahab
de ocho profetas. Entre eyos, la Profeta Hulda i
kon toda su famiya, fueron salvadas i se adjunta-
el Profeta Yermiyahu.
ron a la Kaza de Israel.
Embiyados por:
KUENTOS DEL “MEAM LOEZ” Matilda KOEN-SARANO /
paz3@zahav.net.il
Las piedras del kamino
(Kuento de Y. Hullí)
Una presona barría su kampo i su kortijo, i
echava las piedras en reshut arabim (la proprietá
públika) en medio del kamino. Lo topó un savio
i lo ariftó.
“Ke kavaná (pensada) tienes de dezbarasar el
reshut (proprietá) ke no es tuyo i echarlo en el
reshut ke es tuyo?’
Por la ora le izo burla, siendo no entendió
lo ke le kijo dezir. Después de días, emprovesió
Ilustrasyones: Roz Kohen Drohobyczer
dita presona, atanto ke tuvo ehréah (ovliga-
sión) de vender su kampo, i kada vez ke pasava mío, ma ya veo ke agora me kedé sin él, ke ya
por akel kamino iva entrompesando en akeyas lo vendí a otro, siendo este mundo es un gal-
piedras. Estonses entendió la haluká (divizión) i gal (una roda) ke va arrodeando, i el riko no se
atorgó entre sí, diziendo: tenga por seguro. Lo kual el reshut arabim (la
“Bien me disho akel savio ke no tuve avaná proprietá públika), ke akel kamino siempre es
(entendimiento) de kitar las piedras del kampo mío toda mi vida en kualker ora ke kero kaminar
ke no es en mi reshut (proprietá), ke aunke era en él.”
04 15 AV 5769 - 5 A G O S T O 2 0 0 9
II Coloquio Internacional
“Sefarad: Memorias, Identidades y Diásporas”
SEBASTIAN DE LA OBRA / CORDOBA
MEMORIAS@terra.es
La Casa de Sefarad resivio
en la primera semana de Junio
este II Coloquio Internacional,
eredero del ke fue selebrado en
2008 basho el título de “Sefarad:
Geografías de la Memoria”. La
inaugurasión se izo de la parte del
profesor Haïm Vidal Sephiha, titu-
lar del primer Departamento de
Judeo-Espanyol en la Universidad
de Sorbonne de París. Ofresio
una conferensia titulada “Shoah i
sefaradís” en la ke relato su propia
eksperiensia komo sovrebiviente
del kampo de eksterminasion de
Auschwitz. Kon una palavra ermo-
za i klara (savemos ke la palavra
es el lugar ande abita la konsien-
sa) fue relatando eksperiensias
i akontesimientos de un joven
sovrebiviente, manteniendo en
todo momento una ekskiza sim-
plisidad en su ekspresión i un sor-
prendente sentido de umor (tan
ekstranyo en los relatos del orror)
ke umanizava, aun más, su propia
figura. Insistio espesialmente en el
AKTUALIDADES
olvido, durante munchos anyos,
de la fraktura ke kavzo la Shoah
para la kultura sefaradí.
La tradisión de la kultura judeo-
espanyola en Maroko estuvo pre-
sente en las ponensias del sosió-
logo i eskritor Arrik Delouya i del
istoriador Robert Assaraf ke avla-
ron de la trasa judía en Maroko
i del enkontro ke okurrio en la
gerra kolonial de 1860 entre las
trupas espanyolas i los sefaradis
en Tetuan, respektivamente. Los
dos izieron resalir la importansia
de mantener biva la trasa judía en
la istoria i memoria de Maroko.
Desde París vino el profe-
sor Ephraïm Riveline, direktor
del departamento de Estudios
Ebráikos de la Universidad París
8. Su intervensión se sentro en la
influensia de la narrativa sefaradí
en la literatura israelí de las últi-
mas dekadas.
La profesora Tamar Alexander
presento su livro “La Palabra en
su hora es oro: El refrán judeoes-
pañol en el Norte de Marruecos”.
Direktora del Sentro Moshe David
Gaón de Kultura Judeo-Espanyola
de la Universidad Ben Gurión
de Beer Sheva en Israel, Tamar
Alexander fue establesiendo kom-
parasiones i paralelismos entre el
refranero en haketía, los refranes
espanyoles i los proverbios ebreos.
El visepresidente del Centro Moshe
David Gaón de Kultura Judeo-
Espanyola, Eliezer Papo, presento
una ponensia titulada “El umor en
la Ágada de los partizanes”, una
injeniosa i divertida interpretasión
de la importansia del umor komo
Córdoba 3-6 de Junio
terapia para sovrebivir,
akontesimientos komo
los de la Segunda Gerra
Mundial. Terapia ke fue
arekojida de los tekstos
umorístikos elaborados
por los sefaradís de los
Balkanes. Desde otra
perspektiva, la profesora
Orna Baziz, de la Eskola
Normal de Jerushalayim,
desvelopó una interven-
sión titulada “Hagadat
Agadir”. Resultado de una
investigasión de testimonios i tes-
tigos ke rekuperan la eksperiensia
istórica i amarga del terremoto de
Agadir (Maroko) ke destruye en
kompleto la sivdad i provoka una
forsada diáspora de la komunidad
judía.
El istoriador i bibliotekario de
la Casa de Sefarad Sebastián de la
Obra desvelopó una intervención
alderedor de las “Diásporas, una
memoria kompleksa”. Kritikó la
absensia de verdaderas investiga-
siones para estableser analojías i
similitudes en las diásporas ke se
produsieron en la istoria i ke se
produsen en la aktualidad. Situó
en el kuadro jurídiko-polítiko, el
de 2009
espasio sosial i la diversidad kultu-
ral, los ejes (axis?) de esta analiza
nesesaria.
Durante todo este Coloquio,
rekordimos a muestra amiga
i investigadora Karen Sarhon,
absente en estas Jornadas. Su
konosimiento, simpatía i kapasi-
dad dinamizadora mos mankaron.
Basho un ambiente ke podria-
mos definir komo májiko se
selebro el Shabat, kondusido
por Jacky Kadoch, rabino i presi-
dente de la Komunidad judía de
Marrakesh. En la Sinagoga ke yeva
el nombre de su padre “Henry
Kadoch Z” en la propia Casa de
Sefarad se pudieron escuchar
de muevo los kantes i orasiones
“dormidos “ durante siglos en esta
ermoza sivdad de Córdoba.
La organizasión, resepsion
i buen azer de este II Coloquio
estuvo al kargo de la direktora
de la Casa de Sefarad Rosana de
Aza i de su manyífiko ekipo de
kolaboradores, Jaime Sánchez
Casas, Esther Sánchez, Fattouma
Chakroun y Sheri Shamaev.
Traduksion del espanyol kastilyano de
Güler Orgun
 05
Muestro autor Moşe Grosman estando en vakansas
kontinuara sus eskritas al mez ke viene. AKTUALIDADES 15 AV 5769 - 5 AGOSTO 2009

Inogurasyon del Boske de Ladinokomunita

 
Kon una seremonia muy esmo-
En el lunes de 22 de Junio 2009 se
viente ke tuvo lugar dia de Lunes,
inoguro el boske de Ladinokomunita
el 22.6.2009, en la sivdad de Kiriat
en el Galil, en Israel. A esta okazion la
Shmona, en la Alta Galilea, fue
Sinyora Rachel Amado Bortnick fun-
dedikado el boske al nombre de
datrisa de este sitio en el Web, vino a Israel kon
Ladinokomunita en una de las sharas del Keren
unos kuantos otros miembros, para renkontrar-
Kayemet LeIsrael.
se kon los miembros de este sitio de Israel. Un
otobus kaji yeno de 45 personas partio deman- Los miles arvoles ke fueron kemados por los
yana de Tel Aviv sovre la guida i la organizasyon atakos de katyushas i mortares en la II Gerra de
del sinyor David Angel, eksperto ke lavoro toda Libano fueron remplasados grasias a los donos
su vida en el KKL, el kual fue asistido por un de de diversas institusiones i individuales i entre
los moderadores del sitio, Yehuda Hatsvi. Se eyos los miemrbos del foro Ladinokomunita.
vijito diversos lugares del Galil i lo mas impor- En la seremonia de dezvelamiento de la plaka a
tante fue la inogurasyon del boske serka la siv- nombre de Ladinokomunita, eskrita en ladino,
dad de Kiryat Shmona, ande kayeron miles de estuvieron prezentes algunos de los miem-
katyushas durante el konflikto kon el Hizbullah bros de este foro i a sus kavesera la Sra. Rachel
i kemaron miles de arvoles. Esto fue un buen Amado Bortnick, ke vino espesialmente de los
siman para efasar los danyos kavzados por la Estados Unidos.
gerra del anyo 2006.
Tomaron la palavra el Sr. David Angel, ke sirvio
En la seremonia tomaron la palavra el sinyor komo portavoz del KKL, en Yerushalayim i ke
Angel, la sinyora Bortnick, el sinyor Salti i el sin- se okupo personalmente para la reushidad de
yor Shaul, para azer sovresalir la importansa de este proyekto; la Sra. Rachel Bortnick, ke fue
dos kozas, la primera, la komunidad numeroza la inisiadora del foro; el Sr. Yeoshua Selim Salti,
de miembros ke se formo grasias a este sitio fondador del Sentro Naime i Yeoshua Salti, en
a traverso el mundo ke ya depasan las 1000 la Universidad Bar Ilan i el Sr. Moshe Shaul, Vise
personas, i la sigunda la solidaridad ke se kreo Prezidente de la Autoridad Nasionala del Ladino.
entre eyos, ke eskriven solo en Ladino i ke
miran de luchar kada uno a su manera para la El Sr. Yehuda Hatsvi, uno de los modera-
sovguarda de la kultura sefaradi de los ladinos dores i korespondientes mas aktivos de
avlantes. Ladinokomunita, entrego a la Sra. Bortnick un
kadro kon la fotokopia de la plaka, en ladino i
El pishkado ke se komio en el kibuts onde se en ebreo.
estuvo a medyo dia, valiya la pena de sopor-
tar la kalor del dia. Enfin, todos los prezentes Este dia fue akompanyado por un paseo
de este dia komemoravle se unisaron para maraviyozo ke empeso en Tel Aviv, pasando
felisitar la sinyora Bortnick por sus inisiativas por Kiriat Shmona, kon una pauza en uno de
korajozas i a los organizatores los sinyores los restaurentes de la rejion Dan, i de ayi a
Angel i Hatsvi por aver aparejado un viaje Misgav Am, kolonia serka de la frontiera kon
tan bien organizado. Libano, ke fue objekto a duros atakos; konti-
nuo a Tsfat, la sivdad de los Mekubalim, i se
En mizmo tiempo se prezento al sinyor termino en el punto de departe, Tel Aviv.
Moshe Shaul i a su kolega Zelda Ovadia,
ke azian parte de la vijita, las felisitasiones Todos los partisipantes ke pasaron un dia
por el kumple de 30 anyos, de la revista Aki yeno de alegria i emosion se despartieron
Yerushalayim ke aparese en Ladino 2 vezes al augurando el uno al otro ke semejantes
anyo en Israel. dias tengan ermanos.

SELIM SALTI / ISRAEL

ZELDA OVADIA / ISRAEL


Vos kero dar una idea de la seremonia ke tuvo lugar el
22.6.2009, en la sivdad de Kiryat Shmone en Israel. Mil arvoles
ke fueron kemados por el enemigo muestro en la Segunda
Gerra del Lebanon, alevantaron sus kavesas i se arebivieron gra-
sias a los donos de los miembros del foro de Ladinokomunita.
La idea de este proyekto la tuvo la Sra Rachel Bortnick, ke vino
espesialmente de los Estados Unidos i ke lavoro endjuntos kon el Sr.
Selim Salti, fondador del Sentro Ladino en la Universidad Bar Ilan i el Sr.
Moshe Shaul, el Vise Presidente de la Autoridad Nasionala del Ladino.
La dedikasion fue organizada perfektamenta por el Sr. David Angel
i el Sr. Yehuda Hatsvi, ke invitaron miembros del foro para kompartir
a esta seremonia tan reushida. Eyos presentaron a la Sra. Bortnick un
kadro kon la fotokopia de la plaka en ladino i en ebreo.
El resto del dia el grupo izo un paseo de Tel Aviv, Haifa, fina
Misgav Am, serka de la froniera kon Lebanon, i Tzfat, la sivdad de los
Mekubalim.
RIVKA ABIRY / ISRAEL
06 15 AV 5769 - 5 A GO STO 2009
ARTIKOLOS

GAZIANTEP Del diaryo de J. A. Zack / 3 Novembre 1996

TRESLADADO POR: COYA DELEVI / ESTAMBOL
Lo mas del tyempo tuvimos
un eskorto de kriaturas, kuryozos
de saver lo ke estamos azyendo. I
siguro, ijikos propozandomos de
ayudar en alguna manera, trans-
portar el materyal de mezurar,
el “tripod” ets... Asigun mi para
eyos oy fue el mas estranyo diya
en Gaziantep. Muy probavle, estas
kriaturas kon pokas okazyones de
amuzamyento, estavan vyendo el
ayudo komo un pasatyempo.
En Adana, un amigo mos aviya
dado el nombre de una dama res-
pektavle, bivyendo en Gaziantep.
Avlando buen inglez, i en mizmo
tyempo jurnalista, esta dama mos
envito a komer. Desde 5 semanas
ke estavamos en la rejyon, fue la
mas savroza komida ke tuvimos la
shans de komer.
De la dama mos ambezimos ke
eya bivyo en la maale Djudia, en
una kaza enfrente la kaleja de la
Sinagoga. Mos yevo a los distriktos
vyejos de Gaziantep. El ijo de
un notavle relijyozo de la rejyon
mos ayudo a topar la yave de la
Sinagoga ande, kon la interven-
syon de estas personas, fuimos
permetidos de entrar. Esto supo-
zando ke eramos los primeros a
entrar a esta Sinagoga despues
de munchos anyos. Remarkimos
un arrekojimiento de los abitan-
tes de la kaleja. Estavan kuryozos
de saver ke echo teniyamos aki,
tantas personas kon un grande
ekipamiento. Kualo estavamos
bushkando aki, en Gaziantep, siv-
dad bastante al Este de la Turkiya,
i ande pokos estranjeros teniyan la
okazyon de venir.
La Sinagoga me impresyono
kon sus dimensyones. Es la preva
ke a una epoka, fue empleada por
syenes de kreentes. Una grande
partida esta derrokada. Malgrado
esto mos pudimos azer una idea
sovre su ansyana aparensya, a
kualo asemejava un tyempo esta
grande Sinagoga. Lavorimos ayi
una partida del diya debasho
las miradas kuryozas de kaji una
dozena de ijikos, sonrientes.
Intrigados de la vista de muestros
instrumentos, de las kameras,
kijyeron ayudarmos. Finalmente
mos dimos resiprokamente los
aderesos kon el mansevo ke mos
ayudo kon tanta amabilidad i mos
metimos al kamino. Traversando
las kalejas estrechas, estuvimos
vyendo los chikos meneyando-
mos las manos en sueto de viaje i
shans buena.
A mi me kedo en tino el man-
sevo muzulmano ke mos aviya
fasilitado la entrada a la Sinagoga.
Estava glorifikandose, en tal ke
sivdadinos, de aver reushido a
konservar este patrimonyo, i aver-
lo amostrado a mozotros. Me esto
akodrando su orgolyo kuando me
amostro la plaka en ebreo ke aviya
kayido, i ke el la aviya apegado
a su lugar. Por no romperlo, no
tuve el koraje de dizirle ke la plaka
estava de boka abasho!
Antes de partir de Gaziantep
espartimos kasetas, diferen-
tes objektos para eskrivir ets.
Rengrasyi el mansevo. Me enko-
mendo de dizir a todos en los
Estados Unidos, ke los turkos son
buenas personas de korason,
amavles kon los estranjeros i muy
ospitalyeros. Me esta paresyendo
ke estava pensando kon pena, ke
los puevlos del Oeste no tyenen
una idea pozitiva de los turkos.
Entendi ke era muy importante
para el de dementir esta opinyon.
Me repeto munchas vezes su
mesaje...

TRESLADADO POR: COYA DELEVI

ANTAKYA Del diaryo de J. A. Zack / 2 Novembre 1996

La ansyana sivdad de Antakya (Antioch) es serka
la frontyera Siriana. Es mas serka de Yerushalayim,
en komparando kon su leshor a Estambol. La
sivdad poseda una komunidad de 60 djudios.
Arrivimos a Antakya en una tadrada de djugeves i
mos dimos una chika fyesta en un restorante en
la oriya de la sivdad.
Demanyana de vyernes, ampesimos a travar
fotografiyas de la Sinagoga entornada de una
guerta. En este “kompleks” un tyempo, se topa-
va tambyen la Eskola Djudia. En la chika Sinagoga
remarkimos un detalyo por lo mas “inuzual”... El
Ehal es en forma de un medyo sirkolo, evokando
un almaryo de vestimyentas. Se deve entrar aryen-
to para kitar las Sefer Toras. Lo mas remarkavle es
el kontenido del Ehal: “Sifrei Tora” redonda en el
stil tradisyonal Sefaradi. Kada Rulo, aryento de una
kuvertura de velur, Mapa adornada de plakas en
plata. En estas plakas, (madalyones de Sefer Tora)
se esta meldando eskrituras en ebreo.
Despues de midi, sali dar un torno en la sivdad.
En tornando a la Sinagoga de Antakya, teniya la
esperansa de topar ayi, a lo menos ocho, mueve
aedados tadre de vyernes. Ma me enkanti de
ver un grupo de kreentes entre 40-50 anyos i
afilu mansevos en los 30... I no solo ombres, ma
tambyen i mujeres. En desparte, vide 6 ijikos
meldando a boz alta, kon grande entuzyazmo.
El servisyo relijyozo estava dado por un manse-
vo serka los 40. Despues de la orasyon, me aserki
de el para suetarle el Shabat Shalom. Me rengrasyo
en inglez, dezeyozo tambyen de saver mi iden-
titad. Alora le ekspliki mi lavoro, muestras bush-
kidades sovre las Sinagogas de Turkiya. A mi pre-
gunta sovre su profesyon, me respondyo ser un
“Haham”. Esto me lo disho komo syendo una koza
muy natural, un detalyo ke yo deviya konoser! Me
enkanti, tanto ke le demandi komo pudiya ser ke
una tan chika Komunidad tenga su propyo Haham?
Sovre mi enkanto, me dyo a entender su
pozisyon. En realidad este mansevo bive en
Estambol, a 1000 kms leshos de Antakya. Kada
djugeves despues de midi, suve al otobus i aze
un viaje de 22 oras para dirijar la orasyon de
Shabat i dar lisyon a los chikos. Kada Alhad torna a
Estambol.
Esto muy siguro ke a mi retorno a los Estados
Unidos, los de aya van a ser enkantados del lavoro
ke estamos azyendo aki, en Turkiya. Portanto, yo
digo ke la estorya verdadera es la de este ombre
ke aze un tal viaje para no deshar sola esta chika
Komunidad Djudia en diyas de Shabat. Este ombre
ke aze un tal viaje para pueder ambezar algunos
preseptos de la Tora a la mueva jenerasyon...

Una artista ke promete
Roksan Kohen
ESTI SAUL / ESTAMBOL
estisaul2@gmail.com
Te rengrasio, Roksan, por tu punto de vista
konsernando el Arte. Ma keremos saver
mas de ti.
Nasi en Estambol en 1980, komo kreatura
unika de la famiya. I grasias a la komprension de
mis parientes, ke entendieron lo ke me kontenta-
ria de estudiar, pude trasar mi kamino sin tadrar.
Despues del liseo fransez, Lycée Saint Benoit,
estudyi en Mimar Sinan Üniversitesi en Estambol
i fui diplomada en 2004.
Desde ke me konosko, esto aplikando i ensen-
yando la pintura.
Aze un tiempo ke bivo en Canada, en la sivdad
de Vancouver, kontinuando kon mis kreasiones
en mi atolyé, partisipando a ekspozisiones i en-
senyando el Arte a los mansevos.
Tengo delantre de mi proyektos a efektuar
djuntos kon las kreaturas.
La verdad es ke no me interesan tanto los li-
mitos ni los rezultados. Para mi, lo im-
portante es la prosedura, el kami-
no. Por esta razon, mi bushkida va
kontinuar siempre.
Kuando parvengo a ekilibrar
mi razon, mi espirito i mi mano,
el rezultado me aze konoserme
de mi para mi. I esto me yeva a
konoser mijor el mundo en mi
entorno.
Lo ke intento es de avansar en
mi kamino, paso por paso, para
realizarme, bushkarme, peryerme,
krear i produsir de muevo i eksprimir
este mundo al kual apartengo.
Puedes avlarmos de los
pintadores i eskulptores ke te
influensaron komo artista?
Mi primer amor es Van Gogh. Sus pinturas, en
mismo tiempo ke el Ekspresionizmo, me intere-
san desde entonses. En avansando los anyos, la
ensenyansa de Cézanne fue mi baza. Aun kon
AMANESER KON ARTE
esto, ay munchos artistos ke me inspiran, ma los
ke me impresionaron lo mas son Paula Rego, Lu-
cien Freud, Bosh, Brugel i Oscar Kokoshca. Mal-
grado ke penso ke las kolores son indispensables,
para mi el desen siempre fue primordial. Puede
ser porke kreyo ke es la esensia del tema. En inte-
resandome mas al arte Japonezo, la simplisidad
gano mas muncha importansia para mi. Es por
esto ke oy en diya, los muevos desinatores oku-
pan kaji todo mi area de intereso.
Komo te influenso la pasion de tu padre
para la muzika?
En muestra kaza aviya muzika kontinualmen-
te i yo estava muy kontente de esto. Mi papa
siempre veniya kon unos kuantos CDs. Yo en
vista eskojiya los ke me plaziyan. En kaza se es- kamino ke mos yeva a deskuvrirmos a mozotros
kuchava lo mas Rock i Jazz. Esto fue la baza
muzikal para mi. Despues deskuvri la Açık Rad-
yo (Radio Avierta) i pude konoser muzikas di-
ferentes. Kuando era chika, estudyi un poko la
gitara i el organo. Ma kon tiempo, mi pasion se
dirijo al vizual i no pude alkansar a mas ke ser una
buena auditrisa en el sujeto de la muzika.
Puedes avlarmos de los artistos
ke konosites en el Ca-
nada, i de las klasas ke
ensenyas?
En arrivando al
Canada, es natural
ke mi primer echo
fue de echar un ojo
al entorno artistiko.
Vide ke aki dan muncha im-
portansia a la ovra manual i al
arte. Indemas, komo se save, azen
munchos filmos. Por esto, se enkontra
kon frekuensia el grafiko, la animasion i el
arte konseptual. La artista la mas reputada de la
sivdad es Emily Carr. Su nombre fue dado a la es-
kola de arte la mas famoza de la sivdad, ke se izo
universidad este anyo. Tambien Kristian Adam,
Camilla D’Errico, Peter Taylor son artistos de Van-
couver ke estimo muncho. El pintador Orhan Co-
15 AV 5769 - 5 AGOSTO 2009
07
Otopotreto
Mi punta de vista
konsernando el arte, es
igual a mi manera de konsever la
egzistensia. Komo todas las aktividades,
el arte es, desde el empesijo, un kampo
de saveduria/djugo por la umanita. Es un
mizmos, i ansi a deskuvrir el mundo ke mos
entorna. Su fonksion es de aksentuar muestra
konsiensia i sensibilidad en enterojando
muestra egzistensia. Reflekta el espirito
de su epoka i tiene por buto de
adelantar el ser umano.
plu, ke ekspoza mundialmente, bive i lavora aki.
Esta sivdad data solo de 150 anyos i tiene una
arkitektura interesante, ma kon una populasion
bastante chika, la rikeza i eksperiensa kultural no se
puede komparar a una sivdad evropea. En la kosta
del este, la zona de Quebec, Montreal i Toronto por
siguro son mas bivos de punto de vista artistiko.
Para mi, en este momento ke kero aprovechar para
lavorar i produsir kon introspeksion, Vancouver es
ideal: kalmo, silensiozo i muy estetiko.
Ke son tus komentarios sovre los tablos
de Picasso i Giacometti ke no se vendie-
ron ande Sotheby’s en Mayo de 2009?
En viendo ke el tablo “La fille de l’artiste a
deux ans et demi avec un bateau” de Picasso i
“Le Chat” de Giacometti no se vendieron, ma ke
la ovra de Tamara Lempicka: Retrato de Marjorie
Ferry topo kliente por 4,8 milyones de dolares, el
rekor de la nochada, pensi ke la evolusion natu-
ral del mundo se puede ver en todo. Es posivle
ke los afisionados del arte a poko a poko estan
avriendo el kamino a las novedades. Me parese ke
el Art Deco va markar este siglo. I esto eksplika el
intereso por la ovra de Tamara Lempicka.
De otra parte, la globalizasion kavza un troka-
miento kontinual en los sistemes establesidos. La
kultura se troka. Kon el Internet, el arte tambien
toma una forma mueva, de la produksion a la
oferta i a la vendida.
Kerida Roksan, aspero kon impasensia
para ver a ke punto vas a alkansar. Esto
konvensida ke en pokos anyos te vamos a
ver entre los mas grandes pintadores.
08 15 AV 5769 - 5 A G O S T O 2 0 0 9
ARTIKOLOS

Viktorya Kamhi
- la Senyora Rodrigo
AVRAM MIZRAHI / MODIIN, ISRAEL
Simbama@012.net.il
En el anyo 1939, en el friyo invyer-
no, Viktorya esta prenyada. Es en
akel momento ke vyenen al mundo
las notas maraviyozas. El amor i la
alegriya se mesklan kon la tristeza de
Viktorya ke avorta su bebe.
Los diyas devyenen duros; en poko
tyempo la Sigunda Gerra Mundyal esta
para ampesar; la Evropa, el mundo manuskritos del koncherto Aranjuez topa en el sud de Madrid.
entero entra en los diyas aleskuros. i entran a Espanya. Despues de dos Viktorya Kamhi de Rodrigo mos
Viktorya torna del ospital a kaza para diyas ampesa la Gerra. konta en su livro otobiyografiko, ke
topar la kuna vaziya i el kupl es ovliga- Esta vez el mazal esta kon eyos: En el koncherto reflekta los diyas oro-
do de vender el piano para pagar las Madrid, Viktorya keda prenyada de su zos del viaje de luna de myel, kon
devdas del ospital. unika kreatura Cecilia, la premyera del la reaksyon triste de su marido a la
Les vyene al ayudo la envitas- koncherto se aze en Barselona, i se pyedrita del bebe. Rodrigo eksplika
yon del grande kompozitor espan- djuga por la primera vez en Madrid. ke el Aranjuez toma su nombre de
yol Manuel de Falla ke demanda Es klaro ke komo munchas ovras de la famoza rezidensya al lado del rio
ke Rodrigo torne a Espanya por arte, Aranjuez es influensada de sen- Tajo. En sus notas, uno se puede
un posto de ensenyar. Joaquín i timyentos intimes personales i del imajinar el pintador Goya en un
Viktorya toman sus pokas validjas i los Palasyo i Guertas de Aranjuez ke se esprito melankoliko, kon las ermo-
zuras de las montanyas, los pasharos
kantando i la ermozura de las flores
manolyas.
Joaquín i Viktorya biven una vida
oroza, ande Viktorya es la mano
Ken no konose el koncherto por
derecha en todas las maneras en
gitara Aranjuez, sovre todo la parte
las kompozisyones de su marido.
Andante? Este pedaso de arte es
Eya syendo una pianista talentuoza,
immortal i fue enterpretado por dife-
ayuda a su marido ke mira al mundo
rentes artistas de diferentes payizes i
de su korason.
kulturas. La parte la mas konosida es
Rodrigo en diferentes okazyones
la segunda parte, Adagio.
se kesha ke la fama de Aranjuez kavzo
El kreador de esta ovra es el famo-
ke fue konosido komo el kompozitor
zo kompozitor Valensyano, Joaquín
de Aranjuez solo, i las otras ovras no
Rodrigo, ke muy mansevo, despues
atiraron la atansyon ke meresiyan.
de una hazinura, pyedre su vista i
En el anyo 1991, el Rey Juan
keda syego toda su vida. Esta eks-
Carlos da a Rodrigo el titulo “Marques
traordinarya persona bive una vida
de los Jardines de Aranjuez”.
yena, fruktuoza, kon ovras kompoza-
Viktorya muere en el anyo 1997,
das sovre todo por la gitara klasika. 1942 Victoria Kamhi, Cecilia Rodrigo, Joaquín Rodrigo en la tarasa de su apartamento de
dos anyos antes de su marido, i los
El koncherto Aranjuez fue kom- Villalar (Madrid), kon Regino Sainz de la Maza
dos se enterran en Aranjuez.
pozado en Paris, en el anyo ke (El pianisto ke interpreto el koncherto de Aranjuez por la primera vez).
Rodrigo izo sus estudyos avansados
de muzika. En Paris enkontra tamb-
yen la manseva Viktorya Kamhi, pia- LA FAMIYA MOZOTROS ‹rvin MANDEL / ESTAMBOL
irvin.mandel@gmail.com
nista djudiya talentuoza ke vyene de
Turkiya a estudyar el piano en esta
sivdad de kultura. El amor se enflore-
se entre los dos, i en el anyo 1933, se
kazan i pasan el viaje de luna de myel
en Espanya.

Portretos de mi chikez - 3
MARÍA ESTHER S. L. DE CYWINER
TUCUMAN /
mecy@sinectis.com.ar
E n el kavzo de las mujeres, segu-
ro ke ivan ambezarsen a kuzir,
brodar i gizar. I si la famiya teniya
una buena situasion, las mandavan
a alguna akademia a estudiar el
piano, porke era un sinyo de dis-
tinksión no sólo para la ija, sino ke
para la famiya ke puedía pagarse
este lukso. Unas pokas mansevas
estudiaron para azersen sekretarias
komersiales o maestras.
Las mansevas para kazar estavan
siempre basho el kontrol de sus
madres i avuelas, kuando no, de
las tías mayores ke avían kedado
sin kazar. Eyas se okupavan de los
ermanos más chikos, kon los echos
de kaza ke se distribuía entre
todas, si eran munchas. A la una le
kaía el lavado, a la otra el utí (plan-
chado), a la otra la limpieza de la
kaza. En vezes, kompartían la pre-
parasión de la komida, sovre todo
kuando se tratava de fiestas komo
Pesah, Purim, Roshashaná, Kipur,
Shavuot, fiestas de espozorio,
kazamientos, bar mitzas, nocha-
das de bailes de la komunidad kon
komida i bevienda para reunir fon-
dos para la Keilá.
También se okupavan de las
kusturas para aparejar los vestidos
de las kreaturas i de la famiya en
jeneral.
El teshido kon alguja de kroshé
era un tema aparte. De las manos
de estas mujeres salieron tapones
de meza kon desenes tan ermo-
zos i tan finos ke paresían telas de
tiralanya/aranya. No avía un solo
moble en las kazas mismo las más
umildes, ke no tenía su taponiko
teshido o brodado kon ilos de
kolores kombinados kon gusto i
elegansia. Los días de Alhad, kuan-
do se resivía vijitas, se brodavan
los grandes manteles ke adorna-
rían despues la meza festiva. No
era raro ke se le diera a la vijitante
una alguja, kon ilos i dedal, para ke
ayude. En mismo tiempo la kon-
versasión era ancha i savroza.
Durante el anyo entero kalía
aprovizionar la kaza kon todas las
espesialidades kulinarias de la kozi-
na sefaradí. I asegún la sezon, se
iva akumulando en el armario de
fierro los trushí de vedruras i de
azetúnas; los dulses de kashka de
naranja, de kaysí, mushmula, kond-
já, uva, víshna i de berendjena. El
dulse i loap de bembriyo, el shurup
de uva, el likor de pruna i de vísh-
na, los mostachudos de muez, los
mogadós de almendras, los tra-
vados reynados kon muez i otras
maraviyas kulinarias transmitidas
por dona Regina, dona Kadina,
dona Matilde, dona Oro.
Los nombres de estas mujeres
briyavan tanto komo sus ojos, de
una ermozura inigualavle i kreavan
un espasio de pura poezía kon solo
nombrarlas: Sol, Flor, Reyna, Rosa,
Estreya, Bella, Perla, Luna, Klara,
Bohora, Margarita, Kamila, Ester,
Matika. I ansí, kada senyora de su
kaza pasava los sekretos bien gua-
drados por la famiya a las mujeres
más mansevas, traídos desde sus
Izmir natal asta este kantón de la
Argentina.
Kuando se aserkava la fin de la
semana, kalía meter orden en la
kaza para resivir el Shabat, el kuar-
tier se konvertía en un ir i venir de
mujeres ke se kruzavan de kaye en
kaye, entrando i saliendo de una
kaza a la otra. Mismo si todas las
famiyas no respektavan el deskan-
so sabátiko - porke la nesesidad
de mantener la famiya ovligava
algunos parientes a lavorar sin
deskanso, los días de Shabat tam-
bién - algunos lo observavan i los
ombres asistían regularmente a los
servisios de la Keilá.
Mismo en akeyas famiyas ke
no eran ortodoksas, la yegada del
Shabat mobilizava a las mujeres.
El jueves se azían las kompras
en el charshí, o en los vendedores
ambulantes de todos los días. Si
se merkava un poyo, avía de azer
la shehitá, dover jeneralmente
realizado por algún ombre de la
famiya. Las mujeres tenían el echo
de desplumar, alimpiar i apare-
jarlo para gizarlo para el Shabat.
También kalía amasar las halá i pre-
AKTUALIDADES
parar las burrekas, los handrajos i
los boyos. Otro echo era alimpiar
los ustensiles i kuviertos de Shabat.
Los kandelabros ñ puede ser el
úniko lukso de la famiya si eran de
plata - devían estar relusientes para
el asender de las kandelas antes ke
empese el día del deskanso.
El viernes temprano apare-
sían las mujerikas kon las kavesas
kuviertas kon una toka klara ke les
protejava los kaveyos del polvo.
Porke este día se espondjava
enbasho i se alimpiavan los tavanes
(techos) kon un palo largo kon un
plumero; se trokavan las savanás
de kama i se kapladeavan las kol-
chas i kavesales, i se preparava los
vestidos ke uzarían los ombres i los
ijos para asistir al templo.
La komida de midi del día de
viernes uzava ser muy liviano,
porke el echo no deshava tiempo
para platos elaborados, i porke a
la noche i al día sigiente se komía
abundantemente. El viernes kalía
preparar, aparte de la sena de
Shabat, la komida ke se serviría el
Shabat al mediodía, kuando los
ombres retornaran del servisio del
templo. Entonses se preparaba
el hamín en una kaldera grande
donde se metían a kozer los fijo-
nes, avas sekas, metidos al mojo
del día anterior, kon muncha sevo-
ya frita, pedasos de karne o poyo,
otras verduras, patatas i guevos
krudos enteros para ke se agan
haminados. Se metía la oya a kozer
avagariko. I antes de asender las
kandelas de Shabat, se tomavan
15 AV 5769 - 5 AGOSTO 2009 09
las prekosiones nesesarias para
mantener el hamín asta el día
sigiente en la mijor kondision: se
depositava la oya ermétikamente
serrada en una lumbre kuvierta
kon senizas, i se mantenía ansí asta
el día sigiente. En los días yelados
del invierno se kuvijava para ke
mantenga la kalor; i se avría al día
sigiente, para la komida del Shabat
kuando retornava la famiya del ser-
visio del templo. Por siguro, nunka
mankava para akompanyar este
ekskizito gizado el arroz turko.
Malgrado ke en muestro tem-
plo no avía mikve, era de rigor ke
las mujeres komo los ombres i las
kreaturas tomen un banyo antes
del Shabat.
Una vez eskapado el dover: des-
har servida la meza, kon un mantel
jeneralmente blanko, los kandela-
bros kon las kandelas, los ustensiles
bien limpios, las jalot kuviertas i la
kupa para el kidush aprontado en el
lugar del shefe de la famiya, eyas se
preparavan i almisklavan sus toilet-
te, peinado, kolanas para el garón,
manías, lo ke tenían de mijor para
briyar kon sus ermozuras en Shabat
delantre de sus famiya. I en mismo
tiempo, kudiavan a la presentasión
de los ijos.
La sena de la noche de Shabat
(viernes a la noche) era de rigor. I
mismo en las famiyas mas modes-
tas, siempre se gizava una koza
diferente del resto de la semana
para resivir el Shabat. El klima fes-
tivo se azía presente en la alegría
ke reinaba entre el entorno de
la meza. I en eskapando la sena,
nunka mankavan las kantikas tra-
disionales ke kavzavan un poko de
nostaljia en los mayores, i eran un
aprendizaje para los más mansevos.
Komo para terminar kon este
portreto, kero evokar la presen-
sia de mi avuelo maternal, Don
Abraham Levy, ke en los anyos ke
bivimos en el kuartier serka de
la Kila sefaradí, mos vijitaba kada
Shabat al medio día, despues del
servisio en el Templo. Mamá lo
asperava kon el kafé turko, siempre
akompanyado de algún travadiko
de muez, una porsión de baklavá,
o algunas revanadas de parida,
embevidas en miel i parfumadas
kon kanela. Despues de una avla
kordial, se iva kon un bezo i un
Shabat Shalom, i tomava el kamino
de su kaza, a pie, derecho, alto i
robusto ke era. La avuela Alegre
lo estaría asperando a él i a sus
muchachos para la komida de
Shabat.
10 15 AV 5769 - 5 A G O S T O 2 0 0 9
REKUERDOS
“Una lagrima, una riza”
LO KE MO S KO NT A RIV KA
La Dama en Fostan Kolorado
RIVKA ABIRY / HAIFA
Mi ermaniko i yo mos desidimos de ir a
Varna/Bulgaria, para arekojer los mulkes ke mis
parientes mos desharon komo erensia en esta
sivdad.
Abashimos en el Grand Otel Varna, ke se topa
serka de la sivdad, un otel grande, moderno i
una grande atraksion por los turistos del ajeno.
La primera demanyana, mos asentaron en
la sala de dezayuno, en una meza de dos, kon
vista a la mar i la playa. Los visinos de meza de
mesmo eran una mujer i un ombre avlando
entre eyos el espanyol. De su komporto ele-
gante, arrefinado i arrepozadiko, me di kuento
ke no eran marido i mujer. Afilu ke no se el
espanyol, solo el ladino, tomi koraje i me aser-
ki de eyos. Me kombidaron a sus meza. Todo
esto fue muy spontaneo. En presto le echi
una mirada a mi ermaniko, le ize sinyal kon mis
ojos i el sin pensar muncho disho bashustune
i se asento a mi lado. La avla la tomi yo en mi
mano, ma vide ke mi ermaniko, ke es un gran-
de avlaston, empeso solo a kitar palavras en
ladino, ke de mesmo me maraviyo.
En avlando de aki de ayi, mos ambezimos ke
eran ermano i ermana, djudios, de la Argentina,
ke vinieron eyos tambien a la Bulgaria a bushkar
los mulkes de sus parientes. Sus rayizes venian
de Vidin/Bulgaria. Dentrada, me di kuento
ke esta djente, mas aedados de mosotros,
metieron pie por la primera vez en la Bulgaria.
Tambien mos kontaron ke los dos eran pinta-
dores. Komo mi ermano es amator de pintu-
ras, i ke su lavoro es la grafika, mos aserkimos
muy presto. Eran djente muy simpatikas, muy
tabietli. El se yamava Eliezer i eya Berta. Dando i
tomando desbrolimos muestras vidas.
Para akurtar este kuento, vos kero kontar ke
mosotros, komo i eyos, estavamos kontentes
de muestro bienkerer, i ansina finalmente pasi-
mos todos los dias endjuntos, las demanyanas i
las tadres. No avia muncho ke azer las deman-
yanas, ma mosotros los kuatro, saliamos a kami-
nar a la braseta, o en el parko mos asentava-
mos en un banko para pasar el tiempo. Eliezer
El ultimo numero 85
de Aki Yerushalayim se
puede merkar del Gözlem
La grande dedikasyon i perseverensia de muestro amigo
Moshe Shaul i su kolega Zelda Ovadia i un ekipo de eskritores
dedikados a la lingua Judeo-Espanyol izo yegar a la maraviyoza
publikasyon Aki Yerushalayim a sus 30 anyos. Es el dover de
todos los Judeo-Espanyol avlantes de apoyar a publikasyones
asi. El numero espesial se puede obtener de:
Gözlem Kitap
0212-231 92 82 / kitabevi@salom.com.tr
siempre traiya un tefter grande, para desinar.
Estava impresionado de la mar, del sielo blu,
de la djente kaminando deskalsos sovre la fina
arena, ma las mas reushidas pinturas eran de
mujeres en vestimientas de diferentes kolores,
la mayoriya en fostanes kolorados. Ansina metia
en bruyon sus desenes.
Las noches teniyan mas fortaleza. Avia djente
“comme il faut” vestidos elegantes, ke venian
en otos modernes, ke se asentavan en una
kioshe. kon sus bekchis. Miravamos komo los
servidores les traiyan en primero shamizikos de
fila kon kezo, fritadas di espinaka, despues un
guvech de peshkado, i alkavo tajikos de almen-
dra. Ansina despues de una rika i gostoza komi-
da, se ivan kon munchachikas tralala djugar en
el kazino.
Despues de pasar una semana maraviyoza,
mos espartimos, naturalmente en dandomos
muestros adresos. Resiviamos kartikas o invita-
siones de ekspozisiones en Buenos Aires.
En supito muestra korespondensia se korto.
Un dia resivimos una kartika de la ija de Eliezer
kon la triste novedad ke su padre i su tia, se
murieon en un sinistro.
No paso muncho tiempo, la ija mos mando
una letra anunsiandomos ke iva arivar a Tel Aviv,
kon los kuadros de su padre, para una ekspozi-
sion a la okazion de 90 anyos de su nasimiento.
Siguramente mos fuimos a la avertura de la
ekspozision. En entrando en la sala de la grande
galeria, kualo ven mis ojos! Un grande kuadro,
una mujer en un fostan de tafta kolorado, asen-
tada ensima de una siya. Tuve batimientos de
korason. Mi ermaniko me dio una mirada, kon
una sonriza, paso su mano sovre mi espalda i me
demando kon una boz de maytap: “Bre, bre, no
es de kreyer, ma la dama parese muncho a ti”.
En mirando de mas serka, kaji me desmayi.
No tuve dingun shupe. Aman, aman… La data
era djusto kuando estuvimos en Varna. Un siego
lo puedia ver… Estuve sigura ke era yo, ke siem-
pre de la espina sale una roza i ke Eliezer en la
eskondida, me pinto san fason. No me kreyi.
Despues de dos semanas, la ekpozision se
serro. En los journales avia una ermoza kritika
sovre este pintador i por demas eskrivio el kri-
tiko, ke el portreto de la dama en kolorado se
vendio por 200,000 Shekel…
Es un kuento uydureado. Si non e vero, e
bien trovato.
SIMON GERON / SYDNEY, AUSTRALIA
simongeron1@hotmail.com
LOS ANYOS EN LA AUSTRALIA 1961-2005
Mis Pasaportes
Desde ke vine a la Australia en 1961
Tuve en mis manos un monton de pasaportes
Asegurandome ke sean en regla al punto
Para ser pronto a partir en viajes.
Me sentia siempre desnudo sin tener mis papeles
I sin los sakos preparados para salir en kamino.
Me asegurava ke tenia una soma de chekes de
viajes
I en mis pasaportes el visado nesesario.
Al prinsipio tenia un pasaporte Turko
I kon el tiempo se adjusto a esto el Australiano.
Kon mi kazamiento a una Franseza, me dieron
el Fransez,
Ansi termine a tener una koleksion de
nasionalidades.
Renovelando mis pasaportes kada 5 o 10 anyos
La pasion de los viajes nunka la piedri.
En mis efektos personales tengo grandes paketos
De los rekuerdos de viaje i los pasaportes ke
guadri.
KOSTUMES NASIONALES, KARTOLINAS,
GIYAS DE PAISES DIFERENTES

Davıd ı fortunee, mıs progenıtores,
en la guerta del kal sefaradı de
santıago de chıle en 1964
La forma ke mos vistimos, el vistido
ke yeva enriva la persona, forma
parte de la identidad, se puede
dezir ke es un akto kultural. La
istoria arekoje, fina el dia de oy,
munchos kavzos de sosiedades
en ke el vistido reflekta la pozision
sosio-ekonomika de sus miembros.
La relijion a la kuala se apartiene se
amostra de diferentes modos: kon
kipa, tsitsiot, velo, burka, por men-
sionar solo algunos. Por egzem-
plo, en la epoka de los sultanes de
Turkia, los sefaradis i otras minorias
tenian defendido de vistirse mas
elegantes ke los muzulmanes kuan-
do estavan en la kaye. Las kolores
bivas i ermozas, komo el vedre, era
para los muzulmanes, los djidios
solo vistidos oskuros, preto, maron
o blue marin. La kalidad de la ropa
tenia el mismo buto; la ke era
mas barata o de aspekto modes-
to para los djidios. Esto estava de
akordo kon el yamado de los
rabinos para vistirse de ma-
nera simple, para no atirar la
atension i despertar el selo
de los otros. Al tiempo se
dizia: “Panyos dan onores”,
porke el bien vistido era
respektado.
De los rekuerdos de
mi chikez me akodro ke mi
avuelo paternal, el nono Izaak,
al uniko ke vide, fina los sinko
anyos, se vestia muy elegante.
Chapeo en la kavesa, kalsados
de polainas en los pies, un
kostum de ropa de lana fina
de kolor maron (tenia otros
de kolores oskuros) kon
unas linyas blankas. Yelek (jile)
konfeksionado de la misma lana,
kon munchos botones i dos al-
Panyos i Kostumes
HERNÁN RODRIGUEZ FISSE
SANTIAGO DE CHILE
hrodrigu@uchile.cl
dikeras para guadrar su ora
Longines kon kadena de plata
lavrada a mano, ke kurdeava
kada dia. Kamiza blanka ami-
donada, kravata asorti. El cha-
peo me kedo para mi kuando
el avuelo desho la buena vida,
para djugar a los cow-boys. La
marka era de un magazin muy shik
de Londra, regalo de su kunyado
Geron, ke morava en Manchester,
antes de pedrer toda su fortuna en
los djugos de azardo del Kazino de
Montecarlo i murir enriva de una
meza de bakara.
Mi padre, en Turkia i despues
en Chile, tambien era un ombre
de muy buen gusto para vistirse,
asigun lo ke vieron mis ojos i lo ke
amostran las fotos. Las polainas* es-
tavan demode i el vistia kalsados de
kuero maron o preto mesklado de
blanko para el enverano i de kuero
mas godro, de una sola kolor, para
el invierno. Las kalsas de ilo se las
fiksava en la pacha kon una liga para
ke no se le kayeran, komo al tiempo
las mujeres se fiksavan las kalsas
de nylon. En la aldikera de atras del
pantalon se metia siempre una rida
de kolor blanka, para amokarse o
sekarse las sudores. Tenia varios
kostumes i nunka se metia el mismo
de un dia para otro. Para los dias de
kalor, los de kolor klaro o blanko i
kuando estava yelado, de lana osku-
ra. Los vistidos en Santiago se
los kuzia un shastre yamado
Eduardo Turen, ke konosia
bien su ofisio. Kortava la
ropa ke le dava mi
padre (la merkava de
la fabrika ke el era
vendedor viajero)
Mi tio Jacques
Rodrıguez en la
sivdad de osorno en
los anyos trenta
asigun las mizuras ke
le tomava. Despues
de unos kuantos
dias, le aprovava el
vistido i si avia algun
defekto le azia otra
prova. Muy ama-
tor de las kravatas,
tenia en la kamareta
de echar una kolek-
REKUERDOS 15 AV 5769 - 5 AGOSTO 2009 11
sion kompleta. Las kamizas, kuando kruzados de sesh botones i se metia
le pujavan en demazia, mi madre ridas de seda en la aldikera supe-
tomava las mas viejas i a las eskon- rior, de todas las kolores, asorti kon
didas, las trokava por gayinas de las kravatas, de desenes klasikos.
un kazalino ke venia kon Tenia la kostumbre ke le vernizaran
una araba. En kaza le las unyas i sus manos se veian mas
plazia vistir una “robe de ermozas. Los kaveyos se los desha-
chambre” i enkolgava el va susta kon briyantina Brancato.
palto para ke no se le izie- Kuando avia luvia se vistia kon
ra putur. De Estam-
bol se trusho una
Mı padre, Davıd Rodrıguez, kuando
furcha kon la ke el
morava en Estambol
mismo se alimpiava
los kostumes.
Mi madre es impermeables Bufalo, una
afamada por su de las fabrikas ke el era
galanura. De djo- vendedor viajero, en el Sud
ven los fostanes se de Chile. Las kamizas eran
los kuzia la sin- de la marka Wings, las mi-
yora Maria Marin, jores de Chile, para meter
ke lavorava en su los botones de mansheta.
kaza, no leshos de la Kuando kazo a sus ijas, por
muestra, kuando mo- la hupa se vistio de frak
ravamos en el kuartier kon chapeo chilendro**.
del parko Bustamante. Los artikolos de kuero se
Se enkashava las alfinetes los merkava en Buenos
en la boka i no se kualo Aires, kuando viajava kon su
azia kuando le venia un mujer, la tia Amelia. Nunka
sarnudo. Tenia una dishipla lo vide mal vestido, ni poko
djudje/nanika ke le ayudava preokupado de su prezen-
kon la kustura, dava uti a los tasion personal. Era un
vistidos i aparejava kave para dandy.
las klientas. Komo la sinyora Penso ke un poko del
Marin no era muy prestoza, mi modo de vistir de mis prodjenito-
madre se inyervava i le suvia la birra, res i de mi tio Jacques me kedaron
kuando le dizia mintiras sovre la de erensia. Pero kon los jeans, la
data en ke el kostum estaria pronto. demokrasia en el vistir arivo para
Nunka mi madre aksepto ke otras todos.
personas no le avlen la vedra, komo
eya lo aze. Ama, una vez ke esta-
van prontos los vistidos, su kara se
arelumbrava de alegria i las amigas
le dezian: “Estas muy ermozika
Fortunee, ke lindo te va el fostan”.
Enriva del garon se mete esharpas
importados de la Fransia, ke golen a
Chanel, el parfum ke mas le plaze
i finas guantes en sus manos. Las
chantas ke uza son de kuero i las
kombina asorti kon los kalsados de
la misma kolor. Todas las semanas
se va ande Mirtha, su kuafor desde
kuarenta anyos, ke le peina los kave-
yos, se los korta kuando es menes-
ter, i le pinta las unyas. Ansina keda
atakanada muy bueno i se ve diez
anyos mas djoven, a lo manko.
El ermano de mi padre, el tio
Jacques (b’m) se vistia kon una
grande fineza. Su figura alta le per-
mitia amostrar mijor sus kostumes,
tambien kuzidos por un shastre. Las
mujeres se peleavan por tomarlo
komo marido. Las fotos lo amostran
en los anyos trenta kon vistidos
muy a la moda del kantante argen- Mi tio Jacques Rodriguez vıstıdo a la
tino Carlos Gardel. Los paltos eran moda en el sud de Chile
12 EL KANTON DE LA LINGUA
15 AV 5769 - 5 A G O S T O 2 0 0 9

Mos Ambezaremos El Alfabeto Rashi

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.

HET 11 ZAYIN 10 ZAYIN 9 VAV 8 HE 7 DALET 6 GIMEL 5 GIMEL 4 BET 3 BET 2 ALEF 1

H J Z U/O A D CH/DJ G V B A

SAMEH 22 NUN 21 NUN 20 MEM 19 MEM 18 LAMED 17 KAF/HAF 16 KAF/HAF 15 YOD 14 YOD 13 TET 12

S N FINAL N M FINAL M I K/H FINAL K/H Y I/E T

TAV 33 SHIN 32 RESH 31 KOF 30 TSADIK 29 TSADIK 28 FE 27 FE 26 PE 25 PE 24 AYIN 23

T SH R K TS FINAL TS F FINAL F P FINAL P A

Kale ke se guadre el ombre ke no

entre en boka de la djente.

“Meam Loez”, Perashat de “Vayera”, daf (pajina) 97

Transliterado por: Yehuda HATSVI, Tel Aviv / hatsvi@netvision.net.il

Los 30 anyos de publikasion de la revista kulturala

“Aki Yerushalayim”
ZELDA OVADIA / YERUSHALAYIM
Kon una seremonia muy im-
presionante ke tuvo lugar el 25
de Mayo 2009, en el Muzeo de las
Tierras Biblikas, en Yerushalayim,
fueron markados los 30 anyos de
publikasion ininterrupida de la revis-
ta kulturala “Aki Yerushalayim”.
En segito a un cocktail durante
el kual algunos de los abonados,
amigos i amantes del ladino i su kul-
tura ke tuvieron la oportunidad de
enkontrarsen ansi ke de ekspresar
sus alegria por este evenimiento tan
espesial, los envitados tomaron sus
lugares en el auditorio del muzeo ke
se incho de una pared a la otra.
La seremonia fue avierta por el
Prezidente de la Asosiasion Sefarad,
Sr. Mordehay Arbell, ke avlo sovre
la importansia de esta revista i de
su kontribusion a la kultura djudeo-
espanyola, amostrando al publiko
uno de los primeros numeros de
la revista i el numero 85, ke fue
distribuido gratis en esta tadrada,
impresionando de esta manera a
los prezentes, del adelantamiento ke
tuvo lugar en la prezentasion de Aki
Yerushalayim sin avlar de su konten-
dio ke inkluye artikolos sovre la vida,
la istoria, i el folklor de los sefaradis
ansi ke poemas, rubrikas regolaras,
i asta una krusigrama. El fue segido
por el V Prezidente de Israel i Prezi-
dente de la Autoridad Nasionala del
Ladino, Sr. Yitzhak Navon ke alavo el
lavoro echo en este kampo, aziendo
sovresalir, prinsipalmente, la pasen-
sia i perseveransia de su redaktor,
Moshe Shaul i de su ekipo, i deman-
do de azer esforsos afin de atirar a la
djoven jenerasion a interesarse en el
ladino i su kultura afin de mantener-
las bivas ainda largos anyos mas.
Amigos i kolaboradores embia-
ron, kon esta okazion, felisitasiones
a la redaksion de Aki Yerushalayim.
Kuatro de entre eyas fueron mel-
dadas a la audiensia: la del Sr. Jean
Carasso, ex-redaktor de la revista
“Lettre Sepharade” de Fransia; del
Sr. Mario Eduardo Cohen, Preziden-
te del CIDICSef, Centro de Investiga-
cion i Difusion de la Cultura Sefara-
di, Buenos Aires, ansi ke de la Sra.
Esther Cohen, miembra muy aktiva
en este sentro i en fin la de la Sra.
El ekipo editorial de Aki Yerushalayim:
Moshe Shaul, Zelda Ovadia, Avner Perez, Matilda Koen-Sarano, Mordehai Arbell
Karen Gerson Sharhon, Direktora del
Sentro Sefaradi, en Estambol.
Despues de una kurta pauza
muzikala, en la kuala el moderador de
la tadrada, Kobi Zarko, konosido i apre-
siado por todos komo eksperto de los
kantes en ladino, ke kanto dos de las
mas konosidas romansas del folklor
muzikal djudeo-espanyol, los miem-
bros de redaksion de Aki Yerushala-
yim, Mordehay Arbell, Matilda Cohen-
Sarano, Avner Perez, Zelda Ovadia i a
sus kavesera Moshe Shaul, kontaron
de sus rekuerdos atados a la revista.
M. Shaul, el fondador de Aki
Yerushalayim, ekspreso su satisfak-
sion por lo ke, grasias a esta revista,
el ladino i su kultura estan yegan-
do a todas las partes del mundo i
adjusto diziendo ke para poder
kontinuar en esta tarea ay menester
de muncho mas abonados i amigos
ke apoyaran i aseguraran su pu-
blikasion en el futuro tambien.
Esta tadrada inolvidable se ter-
mino kon un konserto de kantes en
ladino por el muzikologo i kantador
espanyol Paco Diez ke vino espesial-
mente a Israel afin de partisipar a
este evenimiento. Kon su maraviyo-
za boz, akompanyado por su gitara
i su “sanfona”, instrumento muzikal
medieval, Paco Diez, ke es uno de
los “embasadores”, i puede ser ke el
mas aktivo en el kampo del folklor
muzikal djudeo-espanyol, sea en
Espanya komo afuera de eya, fue
resivido kon entusiasmo i aplauzos
por el ancho publiko ke se djunto a
el en algunos de los kantes.

KANTON DE BIBLIOGRAFIA SEFARDI
MICHAEL HALÉVY/ HAMBURG
mihalevy@alice-dsl.net
Linguistika
• FAINGOLD, Eduardo D., The De-
velopment of Phonology in Spanish
and Portuguese, LINCOM Studies
in Romance Linguistics 59, Lincom
Europa 2008,
ISBN 978-3-89586-712-5
INFO: www.lincom-europa.com
• Webster’s Judeo Spanish to
English Crossword Puzzles: Level 1,
ICON Group International, Leipzig
2007, ISBN: 978-0497828479
INFO: www.websters-online-
dictionary.org
Göz­lem Ga­ze­te­ci­lik
Ba­s›n ve Ya­y›n A.fi.
ad›­na sa­hi­bi: YA­KUP BA­RO­KAS
Ya­y›n Tü­rü: Yayg›n Süreli
• CALLANY, Nicholas, Judeo-
Spanish and the Success of Stan-
dard. A Case Study of the Role of
Standard Language Ideology in
Language Shift, ISBN: 978-3-639-
05981-6 INFO: info@vdm-verlag.de
• PARKER, Philip M., Webster’s
Judeo-Spanish – English Thesaurus
Dictionary, ICON Group Interna-
tional Leipzig 2008, ISBN: 0-497-
83533-9 INFO: www.websters-
online-dictionary.org
Sorumlu Yaz› ‹flleri Müdürü: Katk›da Bulunanlar:
Ifl›k Sivil Karakoç Gad Nassi
Christine H. Lochow Drüke
Yay›n Yönetmeni: Roz Kohen Drohobyczer
Karen Gerson fiarhon
Koordinatör: Dizgi-Grafik Tasar›m:
Güler Orgun Semra Sevinç
BIBLIOGRAFIA 15 AV 5769 - 5 AGOSTO 2009 13
Istorya Genealojia
32
• BENZ, Wolfgang (ed.), Handbuch
des Antisemitismus, vol. 1: Länder
und Regionen, Saur, München
2008, ISBN: 978-3-598-24071-3
INFO: www.saur.de
Malte Fuhrmann/Florian Riedler: Imperio Oto-
mano / Turkia (pp. 253-258, 370-374).
Michael Studemund-Halévy: Portugal (pp.
284-290).
Gonzalo Álvarez Chillida. Espanya (pp 245-350).
• GONZÁLES BAYO, Malka, Los
apellidos judeo-españoles, Edici-
ones Obelisco,
ISBN: 978-84-9777-473-4
INFO: info@edicionesbelisc.com
Varia
Literatura
• HAMUI SUTTON, Silvia, Can-
tos judeo-españoles. Símbologia
Poética y Visión del Mundo, Gaon
Books, ISBN: 978-0-9820657-0-9
INFO: www.gaonbooks.com
BAYRAKTAR, Hatice, Salamon und
Rabeka. Judenstereotype in Karika-
turen der türkischen Zeitschriften
AKBABA, KARIKATÜR und MILLI
INKILAP 1933.1945, Berlin 2006,
Klaus Schwarz Verklag,
ISBN: 3-87997-336-9 [karikaturas
antisemitas en la prensa turka]
INFO: www.klaus-schwarz-
verlag.com
Yönetim Yeri: fiALOM’UN ÜCRETS‹Z EK‹D‹R. /// Merkez Tel: 0212 - 231 92 82 Faks: 0212 - 231 92 83
Atiye Sokak, Polar Apt. 12/6
Teflvikiye - ‹stanbul
Abonamiento: abone@salom.com.tr
Bas›ld›€› Yer: Artikolos publikados en El Amaneser refletan las opinyones personales de sus otor, i son enteramente i
Turkuaz Matbaac›l›k solamente a su responsabilidad. La reproduksyon total o parsyal de estos artikolos es permetida kon la
Yay›nc›l›k A.fi.
kondisyon de mensyonar su manadero i el nombre del otor.
Keresteciler Sitesi, Fatih Cad.
Selvi Sok. No:18
Merter-‹stanbul PARA ABONARSE ➨ posta elektronika: elamaneser@gmail.com
14 15 AV 5769 - 5 A G O S T O 2 0 0 9
PATRIMONYO

El Karapato Misteryozo
GAD NASSİ / HERZELİA
nassig@zahav.net.il lo ke te dishe, i todo sera por lo bueno.”
Hananya prometyo de obeisar a esta deman-
da estranya i los diyas pasaron asigun su padre
los aviya previsto. Despues de los syete, la tadre
Aviya de aver una persona savida i rika de Pesah, Hananya i su mujer tomaron el kami-
ke teniya solo un ijo ke se yamava Hananya. no del merkado, demandandosen lo ke les esta-
Hananya se aviya engrandesido i se aviya kazado. va asperando.
Afito ke un diya su padre lo yamo para ke venga Kuando arivaron a la plasa del merkado, un
imedyatamente a su lado. Hananya se konformo ombre aedado se aserko de eyos, tenyendo en
a esta demanda, i topo a su padre muryendose su mano un kuti de plata.
en su kama. “Merkaldo esto,” les disho, “esto vos trayera
“Sepas mi ijo,” le disho su padre, “esto para mazal bueno.”
murir. No te endolyes, porke esto es el orden “Kualo es lo ke tyene aryento?” demando
de los Syelos. Pratikaras los syete diyas de dolyo Hananya.
asigun muestra tradisyon. Estos diyas se termi- “Esto no te lo puedo dizir,” fue su repues-
naran la tadre de Pesah. En este mizmo diya te ta. “En efeto, no te lo puede dizir, porke ni yo
iras derecho a la plasa del merkado i merkaras la lo se. Solo, el ke lo merka, la tadre de Pesah lo
primera koza ke te ofriran, sin azer kuento de lo puede avrir.”
ke es i del presyo ke te demandaran. Esta koza Hananya fue buen karar impresyonado de
te traera mazal bueno. Toma en konsiderasyon estos byervos. Las kozas estavan akontesyendo de los animales i de los pasharos.
djusto asigun su padre las aviya previsto. Un diya el karapato avlo de muevo:
“Kuanto kosta?” demando. “Ya vino el diya ke kale ke vos page para toda
“Mil pedasos de oro.” la buendad ke izitesh por mi. Esto sera un rega-
REBECCA SCHERER / RHODE ISLAND Esto era una suma enorma, kuaji todo lo ke lo grande. Vini kon mi a la shara i verash esta
posediyan! Ma, Hananya akodrandose de su pro- maraviya.”
mesa, pago el presyo demandado i tomo el kuti Temprano en una demanyana, Hananya i su
De anyo en anyo a su kaza. Lo metyo en la meza i lo avryo kuan-
do empeso el Seder de Pesah. Aviya aryento del
mujer se fueron a la shara en sigiendo al karapa-
to jigante. Kuando arivaron a la shara, el karapa-
eyas se estan kuti otrun kuti mas chiko, i kuando lo avryo, un
karapato salto ahuera.
to echo un grito de karapato en artikulando:
“Veni aki todos los moradores de los arvoles,
seyrekledeando La mujer de Hananya se aviya buen karar des-
epsyonado, ma le dyo a komer al karapato ke
de las kavernas i de los rios, para egzekutir mi
orden. Traye kon vozotros todas las pyedras
estava devorando todo kon una gana de jigante. valutozas de las onduras de la tierra, de las rai-
De anyo en anyo eyas se estan seyrekledeando, ama
Estuvo tanto komiendo ke kuando se eskaparon zes i de las yervas.”
Esta manyana vide una
De eyas - una chika maripoza blanka
los ocho diyas de Pesah, se aviya engrandesido En esto, empeso una prosesyon kuryoza.
Volteando sovre la hortensia en mi guerta. de una manera terrivle. Hananya le fraguo una Syenes de pasharos vinyeron en saltando de los
En mi chikez, eramos akostumbrados a kamareta grande, ma el karapato se estuvo arvoles; miles de insektos vinyeron en arastan-
Verlas en abondansa, engrandesyendo mas i mas fina ke nesesito un dosen de los burakos de la tyerra; i todos los
Shishites shishites, muy ermozas, por seguro, ama batimyento espesyal. animales de la shara, de los mas chikos fina los
No les davamos muncha importansa. Vyendo ke el karapato no se estava artando mas grandes.
Supozavamos ke para de komer i ke el i su mujer les estava kedando Kada grupo trusho kon el unos regalos ke
Syempre la maripoza va egzistir komo una muy poko para komer, i Hananya estava buen depozo al lado de los pyezes de Hananya i de su
De los simanes amblematikos de todos los dias de la karar alborotado. Ma, mizmo ke den diya en mujer ke estavan mareyados. En kurto tyempo
enveranada. diya se estavan emprovesyendo, no se estava se amaso delantre de eyos una arima de pye-
Es ke kuando parveniremos finalmente a
keshando. A la fin, la mujer de Hananya no pudo dras i de yervas valutozas.
Destruir muestra planeta entera
detenerse i echo un grito. “Todo esto vos apartyene,” disho el karapa-
Komo rezultado de la kovdisya muestra
Ke no tyene ni kavo ni atemo, ke mos empusha
A sus grande enkanto, el karapato ke estava to. “Las raizes i las yervas tyenen de mizmo una
A kullanear materyales toksikos para agora mas grande de un ombre, le avlo: valor importante. Kon estos puedrash amahar a
Todo modo de bivo, ke mos empusha “Oyeme, mujer del bendicho Hananya. Es todas las malatiyas, porke sintitesh las palavras
A kuvijar toda la superfisya verdad ke me tratatesh kon grande kudyo. de una persona ke se estava muryendo i no me
Del mundo natural kon chimento - es ke kedaran Agora, demandame todo lo ke keresh, i yo vo lo demandatesh eksplikasyones. Agora, fuitesh
ayinda va azer”. rekompensados.”
Algunas maripozas para “Damos a komer,” imploro la mujer. Hananya i su mujer rengrasyaron al karapato,
Azer sus bayle aeryano enriva “Aki esta,” disho el karapato, i en akel i le demandaron:
De muestras foyas - kibrot ataava? momento, se oyo una dada en la puerta, i un “Mos puedes dizir kualo es tu sekreto?”
grande paniri de komida aparesyo. “Si,” respondyo el karapato. “So el ijo mister-
  Ilus­tras­yon: Roz Ko­hen Dro­hoby­czer

Mizmo ke Hananya no aviya ainda avlado,
el karapato le demando de azerle saver lo ke
dezeava.
“Un karapato ke avla i ke aze miraklos kale ke
sea instruido i savyo,” disho Hananya. “Kero ke
me ambezes las rikezas de la umanidad.”
El karapato fue de akordo. Su manera de
ambezar era muy estranya. Eskrivyo la Ley i las
setenta linguas konosidas en rulos de papeles.
Despues demando a Hananya de englutirlos. De
este modo Hananya supo todo, mizmo la lingua
yozo de Adam, i tengo el poder de trokarme en
todo modo de formas. Adiyo.”
En esto, el karapato se izo de mas en mas
chiko fina ke devino al boy de un karapato regu-
lar. Despues salto en un korryento de agua i se
desparesyo endjuntos kon los moradores de la
shara.
Hananya i su mujer aboltaron a sus kaza kon
todo sus trezoro. Fueron famozos por sus rike-
za, sus saviduriya i sus buendades, i bivyeron
kon alegriya durante munchos anyos.

La Jetée
ROZ KOHEN DROHOBYCZER
rozkohen@gmail.com
En Bostanci, un “banlieu” en la
parte Asiatika de Estambol aviya
una “jetée” – mendirek, komo la
yamavamos en Turko. Se topa
djusto al lado de la eskala de vapo-
res, ke van a las islas de Prinkipo,
Halki, Antigoni i Proti. En Turko las
yamamos a estas islas famozas,
Büyükada, Heybeli, Burgaz i Kinalı.
Esta jetée fue fraguada para
protejar a las barkas de las furtu-
nas. En los anyos ke yo i mi famiya
lo frekuentavamos, mos serviya
para nadar de ayi. Los abitantes
de Bostancı, ke teniyan barkas, las
deshavan detras de la jetée.
Una de muestras vizinas, en
los anyos de 1950, era la damma
Grega ke se yamava Rea. Rea era
kazada kon un mansevo Ermini ke
se yamava Ohannes i teniyan un
ijo, Toto, i una ija, Rita, i un gato
ke se yamava Rhubarb. Rhubarb
era nombrado komo el gato mil-
Ladinokomunita: http://groups.yahoo.com/group/Sefaradimuestro *Mesaje:2435
Muestra Lingua
Es la lingua de las madres ke
kunan sus bebes, las granmamis
ke yevan a kaminar sus inyetizikos,
tyene la golor de los dulses i de
las salsas ke se aparejavan en las
kazas d’enverano kon las vizinas
endjuntas i las mosas mundando
frutas i tomat, lavando, yevando,
trayendo kozas, espandyendo sava-
nas blankas para arekojer las moras
i sekarlas despues al sol para azer el
‘pekmez’ mas dulse mismo del sha-
rope blanko...
La myel de las moras, el ali-
mento natural el mas provechozo
ke egziste kontra el rashitismo, la
tuberkulos i munchas otras hazinu-
ras kuando no se sufre del diabet.
La lingua de las fyestas de las
Paseo en la Jetée. Bostancı 1963.
Archivo de Izak Kohen
yoner de un filmo Amerikano. La
madre de Ohannes era Madam
Mari i todas eran kuzenderas i muy
henozas.
Madam Rea teniya una barka
i kada diya mos envitava a ir kon
eya en su barka: 2-3 mujeres i 4-5
kreaturas tomavamos la barka del
mendirek i Rea ramava unos dyez
puntos a una plaj serka de la jetée
ke lo yamavamos kumru yuvası –
nido de palomba.
grandes kazas ande todas las luzes
se asendiyan i todas las sobas (esto-
fa) se inchiyan de lenyo o de kimur
(karvon) para kayentar todos los
kantones. Se uzavan tambyen bra-
zeros (mangal) para kitar los lenyos
ke tornavan a ser brazas i estos bra-
zeros davan una kalor maraviyoza
ande se metiyan. En mi chikez no
aviyan munchas kazas kon kalorifer
(central heating) komo oy i era mas
difisil, ma mas ermozo! Tostavamos
kastanyas en los kashones de las
sobas! Metiyamos kashkara de
narandjas para ke ayga una ermo-
za golor! El chay (te) era syempre
pronto ensima de la grande soba de
kimur... Fina mis 12 anyos gozi de
esta vida kon mis gatikos, la grande
guerta kon ‘mi kaza’, ‘mis arvoles’.
Despues kedi en mis 12 anyos!
No me plazyo trokar de mundo,
deshar mis amigos i ir a bivir mas
sharonfonfon! Para kualo me izye-
ron esto mi mamita i mi papi!!! Va
entyendelos! Son sus amigos ke los
kitaron lokos kuando eyos mizmos
se pasaron!
Me peryi otra vez aryento de
estos diyas guadrados kon amor
en mi memorya! Estava kontan-
do de las fyestas i de las grandes
PATRIMONYO
Unos kuantos anyos despues
mos pasimos a otras kazas de
enverano. Preferavamos de no ir a
las dos plajes de Bostancı kada diya,
porke los bilyetos kostavan buen
karar. Mi padre empeso a yevarmos
a la jetée i empesimos a nadar de
la punta de la jetée, mismo ke era
un poko perikolozo. Kaliya abashar
sovre las pyedras puntudas i saltar
a la mar ande se topava el fener i
nadar solo en el ondo. La mar de
la jetée era syempre limpya i aviya
manko djentorya.
Entonses kuando la majorita de
muestros amigos i paryentes esta-
van nadando de la plaj, mozotros
aviyamos eskojido la jetée, mizmo
ke era un poko eksantriko. La
punta de la jetée ya era bueno para
vinir por una kurta vijita ma no era
fasil de asentar muncho tyempo
sovre las pyedras puntudas.
Mas anyos pasaron i kuando
mi ermana i yo teniyamos 14-16
anyos, la deskuvrimos a la jetée
de muevo i empesimos a vinir a la
parte de la jetée ande aviya unas
pyedras formadas de beton, komo
unos kubes largos. Porke ya era-
mos mas altas agora, ya pudiya-
mos vinir aki kon amigos i amigas i
abashar i suvir sovre las pyedras de
beton.
resepsyones ke se davan... Los
envitados yegavan a ken mas i mas
briyando de djoyas i de samaras,
vistidos todos de fostanes de alta-
kustura. Ke enormidad! Mamita i yo
eramos de la syedra!!!
Yo no troki... Eya ay kuarenta
anyos ke aze riir los andjelitos en
Gan Eden.
La lingua de akeyas mezas sin
empesijo i sin kavo a los ojos de las
kreaturas al lado de las kualas se
asentavan ‘los grandes’ kon rizas,
avlando a boz alta i alavando las
komidas de la damma de kaza!
La lingua de akeyos diyas tan
diferentes de oy, ma ke kedaron
sin trokar en mi tino, malgrado ke
15 AV 5769 - 5 AGOSTO 2009 15
Esta parte de la jetée tambyen
era frekuentada por unos kuantos
egzotikos i adventurozos. Kada diya
viniya un mansevo moreno a echar
fortas kon su barka i empesimos a
yamarlo Erkan Yolach. El paresiya a
un personaje famozo ke se yama-
va Erkan Yolach i teniya un radyo
transistor, i vistiya un mayo blanko,
i era hadrozo. Aparte de mozotros
viniya una famiya Turka, ke los ijos
eran atletes i estudyavan en la
Amerika. Pasavamos el diya entero
en la jetée, espandidos, ensoleyan-
domos i nadando. Mos plonjava-
mos tanto ke ya konosiyamos kada
pyedra i pyedra en el fondo de la
mar i ensima de la pared larga i alta
de la jetée. En vezes nadavamos
tan leshos ke les areventavamos la
fyel de la djente ke estavan kon sus
barkas en medyo de la mar.
El otro diya estava pensando
a esto todo i komo eramos sin
espanto. Ansi empesimos kon mi
ermana Dora a un sohbet apropo
la jetée. Dora pensa ke esto era
la prova ke eramos avanturozas
i prontas de ser diferentes de la
majorita. Sin safek, estas idas a
la jetée era el siman ke eramos
eksantrikas sin saverlo i ke no mos
kontentavamos kon lo ke era kon-
vensyonal.
SHAROPE BLANCO / ESTAMBOL
sharope.blanco@gmail.com
tengo penas de akodrarme ke afito
ayer o antes una ora! No peryi ni
un byervo de esta lingua ke oyi ma
nunka avli en mi kaza. Todo me
vino komo kon una ola de Sunami
ke me incho enteramente de todo
lo ke bivi antes medyo siglo fina
el mas chiko detalyo, fina la golor
de la mar o el perriko ke karesi un
diya en akeya kaleja, o la primera
poeziya ke eskrivi, enkantada de mi
misma, no kreyendo ke akeyos ver-
sos aviyan salido de mi pluma!
La lingua tan asemejante a la de
Almendra!(*)
La lingua ke kijyera tanto ambe-
zar a mi ijo...
* Personaje de mi romanso medieval.
16 15 AV 5769 - 5 A G O S T O 2 0 0 9
Konoseremos a Betty
KAREN GERSON SARHON / ESTAMBOL
karensarhon@gmail.com
Kerida Betty, kontamos
un poko de tu vida i komo
empesates a interesarte en
la muzika en primero i en la
muzika sefardi despues?
Empesi a enteresarme en las
kantikas en Ladino en New York,
ande me iva a la sinagoga Espanyo-
la-Portugeza, Shearith Israel, i oyi
al Hazan Avraham Lopes Cardozo
kon sus ermozas rendisiones. Era
miembra del Sephardic House i
ayi, enkontri a Joe Elias ke estava
kantando en Ladino kon su grupo.
Despues ize Aliya i tuve el mazal
de konoser a Moshe Shaul, Matilda
Koen Sarano i el ekipo de la radio
Kol Yisrael en Ladino.
Kanti por el chug (klup) Ladino i
me adjunti al grupo de kontadores
de estorias de Matilda Koen. Me
ambezi munchas kantikas de eyos
i aktui kon Matilda Koen en todo
Israel i en el estranjero (2 vezes al
Festival de Djoha en Sisilya).
Dirijimos endjuntas tambien
sesiones de kantar en Ladino (Vini
Kantaremos) i kontribui al livro de
Matilda Vini Kantaremos en eskri-
viendo las notas para algunas de las
kantikas.
Oy en diya ke son tus
aktividades muzikales?
Antes poko tiempo, ize un pro-
REPORTAJES
KLEIN
gram de kantikas muevas i Viejas en
Ladino al Bet Avichai i enviti siertos
de los autores de las kantikas ke yo
aviya kompozado, i eyos meldaron
sus poeziyas. (Matilda Koen Sarano,
Miriam Raymond, Margalit Matit-
yahu). Esta semana tuve la okasion
de kantar kon el Koro Tsilei Ladino
i fui emosionada de oyirlos pre-
zentar muevas kantikas en Ladino
de mi i de Haim Tsur. La asistensia
estuvo entusiasmada.
Algunas de mis kantikas fueron
aktuadas en el Festiladino i esto
tambien fue una grande onor i
eksperiensia. Esto asperando kon
plazer de aktuar en la fiesta para
onorar Matilda Koen is su mama
Diana Sarano (b”m). Este anyo aktui
en los Estados Unidos en un pro-
Oyi ke kitates un CD muevo. Kolabori kon Dr. Gloria Ascher
gram en Ladino i Yidish en el Serklo
Mos puedes prezentarlo? Ke (Tufts University) i Dr. David Bunis
modo de kantikas ay aryen- (Hebrew University) i aktui el reper-
tro de este muevo CD? torio Sefaradi en sus klasas.
Mi program de kantikas muevas i Embiyas kantikas al Fes-
Viejas en Ladino esta en mi CD mue- tiladino? Ke te parese esta
vo, Suvenir. Ay 14 kantikas muevas ke kompetision?
kompozi yo mismo, i kantikas muy
konosidas komo Morenika, Hamavdil, Aparte del Festiladino ke mensioni
Dakil tas, Kaminando por la plasa. mas arriva (i me aze plazer de dizir ke
gani un premio en el primer anyo,
Yo se tambien ke azes investi- kon la kantika “En Suenyo te vi”,
gasiones. Mos puedes kontar teksto de Miriam Raymond), partisipi
sovre kualo, i komo? tambien antes anyos en el Eistedfod,
la kompetision annual internasional
No ize investigasiones formales, en los Gal (en Llangohlan), i kanti en
ma vijiti la Phonoteka en la Libreria Ladino (Ir me kero madre a Yerusha-
Nasional (National Library, Hebrew layim), i gani el Segundo premio.
University), i eskuchi durante oras
i oras las koleksiones maraviyozas Tienes un mesaje para los
de kantikas i muzika tradisional en lektores de El Amaneser?
Ladino. Arrekoji munchas kantikas
de Lavorantes (Workmens Circle) de informantes i en mis konsiertos Antes de todo, kero felisitar la
en Brookline Ma., ke fue muy bien al estranjero (en Bruksel, Saloniko, Editora de El Amaneser, Karen Sar-
resivido. Kanti tambien en Yidish i Dubrovnik, ets.) i kanti kantikas i ro- hon i todos los autores ke kontri-
en Ladino en el Sentro Gaon de la mansot en Ladino, ke eran indijenas buyen a la revista i al renasimiento
Universidad de Ben Gurion. de sus komunidades. del Ladino.