Synfocity = 739

Synod Information & Publicity Department, Synod Office , Annexe Building, Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 June 27, 2019

1 College of Nursing, Synod Hospital hawng

June 20, 2019 (Ningani) chawhnu dar 1 khan Synod Moderator Rev. R. Lalhmingthanga'n Synod Hos-
pital Auditorium-ah College of Nursing, Synod Hospital a hawng.
Hawnna inkhawm hi Dr. L.H. Thanga Singson, Synod Hospital Director-in a kaihruai a, Pi C. Lalrintluangi,
Principal-in report a pe. Synod Moderator Rev. R. Lalhmingthanga'n Nursing College hawngin thuchah a
sawi nghal a, Rev. B. Sangthanga, Executive Secretary i/c Hospital-in \awng\aiin college a hlan a. Mizoram
Synod Choir te an zai zawhah Upa F. Lalsangliana, Synod Hospital Coordinator-in lawmthu a sawi a, Rev. R.
Vanlalnghaka, Synod Secretary-in malsawmnain inkhawm a khar a ni.
Synod Hospital (Welsh Mission Hospital) hi kum 1928 khan Zosap Missionary Dr. John Williams ten
an din a, kum 1944 khan Indian Nursing Council, New Delhi-in recognition a pe a, India ram
hmarchhakah Nurse puitling (GNM) zirna school hmasa ber pawl leh recognise hmasak ber pawl
niin, Mizoram bikah phei chuan kum tam tak chhung Nurse zirna awm chhun a ni. Synod Nursing
School hi a dintirh a\angin Assam Nursing Council hnuaiah kum 1990 thleng a awm a, kum 1991-a
Mizoram Nursing Council chu Assam Nursing Council a\anga a indan khan Mizoram Nursing Coun-
cil hnuaiah an awm ve ta a ni.
Ministry of Health, Govt. of India-in Indian Nursing Council kalphung tur hrang hrang a sawina Circu-
lar-ah kum 2020-2021 a\ang chuan India ram pumah GNM zirna tihtawp tur a nih thu a chhuah tak
avangin kum 2017 Synod Inkhawmpui chuan Nursing School chu College-ah Upgrade turin a rel ta a.
College-a hlankai a nih theihna tura paltlang ngai hrang hrangte tluang taka paltlangin, August 1, 2019
a\anga class tan tura ruahman a lo ni ta a ni.
Kumin hian B.Sc (Nursing) zir tur Batch hmasa ber mi 30 lak an ni dawn a, seat hnih hi Economically
Disadvantaged Group - Below Poverty Line (EDG-BPL) tan reserve tur a ni a, Indian Nursing Council
(INC) Guidelines angin 10+2 Science 45% chin tan dil theih a ni ang. Zir duhte chuan Synod Hospital,
Durtlangah Prospectus lak theih a ni a, July 6, 2019 tlai dar 4 thleng dilna hi thehluh theih a ni ang.
1 Synod Revival Meet a \iak ta
June 21 - 23, 2019 chhung khan Synod Revival Meet vawi 8-na chu Republic Veng Kohhran Biak Inah
neih a ni. Meet Thupui 'Pathian Duhzawng' tihhmangin Revival Speaker 3 leh Synod Revival Com-
mittee member Pastor 4-in thuchah hi an sawi a. Kum 2007 a\ang khan 'Revival Team Retreat' tih
hming puin hman \an a ni a, kum 2012 a\ang khan Revival Meet tiin a hming thlak a ni ta a ni. Tun
dinhmunah Synod Revival-ah hian Speaker mi 69 awmin Hmeichhia pakhat a tel a, an zingah hian
Kohhran Upa 13 leh Tual Upa 6 an awm mek. Tun \um Meet-ah hian Manipur lam a\angin Revival
team Pahnih an rawn tel bawk. Team member riaklut hi mi 247 niin, langin mi 241 an kal. Synod
Revival Speaker leh Teamho te hi Kohhran ngui leh chau tawh te tihharhna atana Pathian hmanraw
\angkai tak an ni a. Tin, Aizawl khawpui dai vel leh hmun \henkhatah Biak In thleng pha lo te hnena
rawngbawlna 'Operation Nehemia' chu March 2017 a\angin kalpui a ni bawk.
1 MSSU
w June 29, 2019 (Inrinni) hian Khatla North Kohhranah Sunday School Zirtirtute training neihpui
turin MSSU trainer-te - Rev. C. Lalrosiama, Upa C. Lalbiaksanga leh Upa F. Lalenghluna te an kal ang
a, zan inkhawmah Upa C. Lalbiaksanga, trainer-in Fanau enkawl chungchang thuchah a sawi ang.
w June 29, 2019 (Inrinni) hian Dawrpui Kohhranah Sunday School Zirtirtute training neihpui turin
MSSU Asst. Coordinator-te Upa Lal\hahluna Ralte, Tv. HK Hmingthanzuala leh MSSU trainer Upa
K. Vanlalnghaka te an kal ang a, zan inkhawmah Upa Lal\hahluna Ralte, Asst. Coordinator-in Fanau
enkawl chungchang thuchah a sawi ang.
1 Worship Dept.
June 25 - 27, 2019 chhung hian Rawpuichhip-ah Conductors' training neihpuiin Pu H. Lalrinmawia,
music instructor a kal.
Contd,..
 Synod Information & Publicity Department, Synod Office, Annexe Building, Mission Veng, Aizawl

1 Synod Mission Board leh ram pawn chet velna chanchin tlangpui
w June 24 - 28, 2019 chhung hian Rev. C. Zorammawia, Secretary, Synod Mission Board leh Pu T.
Lalchhuangliana, Supervisor of Schools te chu Odisha Field-a Ebenezer English Medium School kal zel
dan tur a hmuna zira ruahmanna siam turin an kal.
w June 20 - 24, 2019 chhung khan Nagaland Police Baptist Churches Association (NPBCA) a\angin mi
11 (Mipa 10; Hmeichhia 1) te chu kan Synod-in ramthar rawngbawlna kan kalpui dan zirin Aizawl an
rawn kal.
w Bidhupur, Patna Field-ah Pathian hnathawh a lang
Bidhupur hi Patna Mission Field, Ganga lui kam hnaih, Hajipur District ami a ni a. January 8, 2016
a\angin Missionary Nl. Liansangpuii Renthlei a thawk \an a. Hmun thar, Kristian awm lohna hmun a
ni. Theih tawpa hmâ lain kumin 2019 June thleng hian ringthar 24 an nei tawh a. Chung zingah chuan
nupa a kristian tuak 4 awmin, chhungkua kristian leh kristian la ni lo in awm pawlhna chhungkaw 5
an awm der tawh a ni. June 23, 2019 (Pathianni) khan puitling pakhat-in Lal Isua zui turin chhinchhiahna
a chang.
w Assam & Arunachal Mission Field (West)
June 23, 2019 (Pathianni) khan Arunachal West Field-ah puitling 6 leh naupang 3 ten Lal Isua zui turin
chhinchhiahna an chang.
June 7 - 9, 2019 chhung khan Bomdila Pastor Bial huap-in Khoina Kohhran-ah Lay Leadership Training
neih a ni a. Resource person atan Rev. R. Lalrinsanga Field Secretary hman a ni a, Bial chhung Kohhran
a\angin Missionary te bakah Kohhran aiawh mi 30 an tel thei a ni.
Arunachal West Field chhung, Naharlagun-ah leh Nafra-ah Thawktu Quarters sak hna thawh mek a ni
a, Rurang leh Santipur-ah sa tura hmalak mek a ni bawk.
w Assam & Arunachal Mission Field (East)
June 23, 2019 khan Arunachal East Field huam chhunga Bordumsa khuaah ringthar chhungkaw 2,
member 8 ten Lal Isua zui turin chhinchhiahna an chang a. Bordumsa-ah hian kum 2016 a\ang khan
thawktu dah \an a ni.
w Lucknow Mission Field
June 21, 2019 khan Lucknow Field-ah mi 5 (Mipa 2 leh Hmeichhia 3) ten Lal Isua zui turin chhinchhiahna
an chang a. June 25, 2019 khan Unnao Pastor Bial-a Puanthui zirlaite Graduation Day hman a ni.
w Manipur Area
June 25 - 27, 2019 chhung khan Manipur Area, Bial Sande Sikul Secretary leh Asst. Secretary residen-
tial training neih a ni a. Bial 16 a\angin 24 an tel.
w Assam Mission Field
Gobidanga, Assam-a kan Biak In sak lai, khawtlangin chhunzawm lo tura min tih tawh chu, June 23,
2019 (Pathianni) khan kan rawngbawlpuite \henkhatin Gaonbura an va hmu a, chhunzawm leh tawh
turin a lo hrilh leh ta. Chumai chu a lo ni lo va, chhunzawm min khap lai khan helai hmuna kan member
(ringthar) te chuan Biak In sak hna hi lo chhunzawmin, a chhuat lei chhun te phei chu an lo zo thawkhat
hial a, hei hian kan Biak In sak hna nasa takin a tisawt a ni. Kohhran hote \awng\aina rah kan hmu a, a
lawmawm hle.
1 K|P
w Central K|P hruaitu 3 leh member 2 ten Taiwan-a Ecumenical Youth Exchange Programme hmang
turin June 26, 2019 (Nilaini) khan Aizawl an chhuahsan. Kristian |halai Pawl leh Presbyterian Church
of Taiwan-a \halaite hian intlawh tawn programme, Ecumenical Youth Exchange Programme an hmang
\hin a ni. Kumina Ecumenical Youth Exchange Programme-ah hian Mizoram a\angin T.Upa
Rochungnunga, General Secretary CK|P, Dr. Lalrotluanga, Treasurer CK|P, T.Upa Lalmuanawma,
Finance Secretary CK|P, Pu F. Vanlalrochana, Zotlang, Aizawl leh Nl. Vanlalhmangaihi, Laipuitlang,
Aizawl te an kal.
w June 28 - 30, 2019 chhung hian Kelkang Bialah Leadership training neihpui turin Central K|P
Asst. Secretary Upa Ricky Lalrammawia Ralte leh committee member Pu Lalrinchhana Ralte te an
kal ang.
w June 29, 2019 (Inrinni) hian Kawlkulh North Bialah Leadership training neihpui turin Central
K|P committee member-te Dr. David C. Vanlalfakawma leh Pu K. Lalengzama te an kal ang.
Contd,..
 SynodInformation
Information&&Publicity
PublicityDepartment,
Department,Synod
SynodOffice
Office, Annexe Building,
Building, Mission
Mission Veng,
Veng, Aizawl
Aizawl

Synfocity =
Synod , Annexe

1 Synod Revival
June 29 & 30, 2019 hian Phullen Vengthar Bialin Hla Kutpui programme an hmang dawn a, Rev. K.
Rolungmuana, Revival Director-in a hmanpui ang.
1 SMTC
June
mail us at :18 - 24, 2019 chhung
mzsynfo@gmail.com; khan S.M.T.C. chuan
mizoramsynod@gmail.com Lay -Leaders'
- Phone 2314648 Training vawi 207-na neiin, Presbytery
pali - Hmarthlang, Champhai Norh, Champhai South leh Aizawl Bethel te a\angin Kohhran Upa mi 27
an tel thei.
Hetiang hunah hian Kohhran Upate tan Kohhran enkawl dan leh inrelbawlna lam atana pawimawh chi
hrang hrangte zirna hun \ha tak buatsaih a ni \hin a, Kohhran thlarau lam nun enkawl dan \ha te zir ho
\hin a ni bawk. Kohhran Upate tana Lay Leadership Training hi kum 1996 a\ang khan neih \an niin vawi
207 lai neih a ni tawh a, Kohhran Upa 6629 zetin training hi an nei tawh a ni.
1 FG&CC
w June 26 - 30, 2019 chhung hian Khawlailung Bialah FG&CC programme-in Kristian Chhungkaw
Seminar leh Campaign nei turin Director Rev. Lalsangbera leh Campaigner -te Rev. J. Remsiama, Rev.
PB Zosapthara leh Upa Lalmalsawma te an kal.
w June 28 - 30, 2019 chhung hian Khawruhlian Bialah FG&CC programme-in Kristian Chhungkaw
Seminar leh Campaign nei turin Campaigner -te Rev. Vanlalmuanpuia Khiangte, Rev. JH Zaikima, Rev.
C. Lalsangliana leh Upa RL |hianga te an kal ang.
1 Campus Ministry
June 25, 2019 (Thawhlehni) khan Apollo School of Nursing-ah hun an hmang.
1 Synod Relief Fund
Tun hnaia harsatna hrang hrang neite hnenah Synod Relief Fund a\angin chhawmdawlna hetiang hian
pek an ni.
S.No Khua Pek chhan Chhungkaw zat Chhawmdawlna pek zat
1. New Diakkawn In kang ral 1 Rs. 10,000/-
2. Bunghmun North Damlo 1 Rs. 8,000/-
TOTAL Rs. 18,000/-
1 Hruaina Eng FM Radio
w JUNE 28, 2019 (FM Zoawi Aizawl @ 7:30 p.m.):
Solo : Lalhlumawii - A pawi lo
Thusawi : Upa Bonny Lalrindika(L) - Tunlai thil awmzia
Zaipawl : Bungkawn Pastor Bial Zaipawl - Lamlian thianghlim
Kohhran Rawngbawlna hrang hrang
w JUNE 28, 2019 (FM Zoawi Lunglei @ 7:30 p.m.):
Solo : C. Lalrindiki- Mamawh Chhanna
Thusawi : Upa Bonny Lalrindika(L) - Tunlai thil awmzia
Zaipawl : Lunglei Venglai Bial Zaipawl - Hmangaihte lenna
Kohhran Rawngbawlna hrang hrang
1 Hruaina Eng TV Programme
w JUNE 30, 2019 (Tv Programme) @ 4:00 - 6:00, 8:00 - 9:00 p.m :
Nursing College Hawnna
Weekly Round Up
Susamachar Prasaran Programme
w JUNE 30, 2019 (Pathianni) 5:00 pm. :
Group/Choir/Solo : Aizawl South West - Prabo Tumor
Group/Choir/Solo : Bungkawn Masihi Sangati - Pyar ka sangar
Sermon : Rev. David Lalramliana Ralte
Group/Choir/Solo : Hmingtea Tochhawng - A nugra ha kari
Group/Choir/Solo : Sumi Z. Kalita - Jisu Tumi hokti diya

Contd,..
 Synod Information & Publicity Department, Synod Office, Annexe Building, Mission Veng, Aizawl

1 Moderator leh Executive Secretary-te Programme:

Rev. R. Lalhmingthanga : Moderator
June 25 - 30, 2019 Field Visit - Kolkata, Kathmandu, Dharan leh Siliguri.
Rev. Lianhmingthanga Sailo : Senior Executive Secretary
July 1, 2019 Remna Ni lawmna Programme, Vanapa Hall-a neih tur a hmanpui ang.
July 2, 2019 Synod Service Board.
July 3 - 6, 2019 Partnership Committee, Diphu.
Rev. B. Sangthanga : Executive Secretary
June 25 - July 3, 2019 Presbyterian Church of Myanmar partner Churches round table Conference, Tahan
Rev. K. Lalrinmawia : Executive Secretary
June 28 & 29, 2019 PES programme - Mamit leh Suarhliap.
June 30, 2019 Kolasib Venglai Kohhran.
July 2, 2019 Synod Service Board.
July 3, 2019 Education BEC.
July 7, 2019 Dawrpui Kohhran.
Hriattirna
June 28, 2019 (Zirtawpni) hian Synod Office thawktuten Office tihfai hnatlang an nei dawn a, hemi avang
hian \ul bik (Bial sum thehluh ngai) leh hmanhmawh thilah lo chuan dawr theih kan ni dawn lova,
kohhran hote hriatthiamna kan ngen e

Rev. Lianhmingthanga Sailo

Senior Executive Secretary
Residential Choir Conductors' training hriattirna
Synod Worship Committee chuan August 26 - 30, 2019 chhungin Choir Conductors' Training a buatsaih
leh dawn a. Dil duhte tan Synod Worship Dept. Office ah dilna form lak theih a ni a, Dilna form ah hian
hriattur pawimawh tarlan a ni. Zir turte tan TA leh DA (kal lam leh haw lam) pek an ni ang a, training
chhung chuan ei leh in tum sak an nih dawn avangin DA pek an ni lo vang. Dilnaah Kohhran lehkha thil
tel tur a ni.
Dilna hi Aug. 20, 2019 (Thawhlehni) thleng theh luh theih a ni ang.

Co-ordinator
Synod Worship Dept.
Ph. 9774636495

SYNOD BOOKROOM BOOK NEWS FOR THE MONTH OF JUNE 2019

1. Sermon tanpuitu : Rev. K. Lalpiangthara Rs. 150/-
2. Hei le Moral Reform chu : Rev. K. Lungmuana Rs. 250/-
3. Psychology mitin tan : Dr. C. Vanlalhruaia & Lalhmingmawia Ralte Rs. 150/-
4. Zirna Kailawn : Lalhruaitluanga Rs. 200/-
5. Thlir dan dik : K. Laldingliani Rs. 150/-
6. Sakei huai beih thu : C. Lalbiakzuala Rs. 180/-
7. Engtikah emaw : Mapuia Hrahsel Rs. 160/-
8. Mizo Legend : Lalzuitluanga Rs. 150/-
9. Nun hlantu pasalthate : C. Zama Rs. 130/-
10. Ka pi mawlh mai kha : Hmingtea Tlau Rs. 100/-

Students’ Helpline : 9856883377

Mail us at : mzsynfo@gmail.com,
mizoramsynod@gmail.com
Synod Information &
Publicity
Phone - 2314648
Synfo