Synfocity = 369

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

1st December, 2011

SEC Vawi 236-na an thu Synod Executive Committee Vawi 236-na chu Synod Office-a J.M. Lloyd Hall-ah November 30 (Nilaini) atang khan a thu tan a. A tan niah hian member 146 atangin 126 an kal thei a ni. Meeting hi Rev. C. Lalsangliana, Moderator-in a kaihruai a, hming lam zawhah Secretary reports ngaihthlak a ni. Kum 2012-2013 chhung atana Synod Revival Speaker tur lak tharnaah diltu 113 an awm thu leh, chung zing atanga thlan chhuah mi 70 te hming chu December 28 (Nilaini)-ah tar chhuah a nih tur thu tar lan a ni. SEC Vawi 236-na hian thu pawimawh hlawm lian pui pui 19 a thlir a. Heng zingah hian Field Worker-te hlawh en that te, Synod-in ram danga kohhrante nena thawhhona thuthlung a neih mek dinhmun en thatna te , Presbyterian School hawn thar tur dilna te, Serchhipa Synod Bookroom sakna tur sum ruahman thlirho leh Officers Meeting thu thlente bakah Women Centre sakna atana budget siam chungchang te chu a langsar zual an ni. A ni khatnaah hian Synod thurel, Secular College din chungchanga ruahmanna siam chin thlirho a ni a, ruahmanna hi siamthat leh a, SEC leha thlirho leh atan dah a ni. Synod Music Committee atanga thu lut, Kristian Chhungkua leh Inneihna lam hla inphuahsiak an buatsaiha titha zual pathumte hla phuah hmanga zaipawl intihsiakna buatsaih rawtna chu Synod-a thlen tura rel a ni. Will Graham Crusade, February 17-19, 2012-a neih tur inbuatsaih nan ` 20,00,000/- an lo hman lailawk phalsak a ni. Serchhipa Synod Bookroom sakna tur sum ruahman chu Synod-a thlen turin pawm a ni a, Women Centre sakna atan budgetah ` 40,00,000/- dah remtih a ni bawk. Synod Inkhawmpui thlengtu tanpuina pek thin ` 2,00,000/- chu ` 5,00,000/- ah tihpun rawtna Synod-a thlen tura rel a ni a. SEC hian Additional Budget ` 3,56,82,900/- passed a ni a, Kum 2012-13 Synod Budget atan ` 1,17,68,59,000/- chu Synod-a thlen turin pawm a ni. Naktukah hian Synod Pastoral Committee a thu leh ang. Grace Home Grace Home, Presbyterian Hospital, Durtlang chu National AIDS Central Organisation (NACO) chuan 10 bedded Comunity Care Centre (CCC) atangin vawiin (Dec. 1) atang hian East India-a a hmasa ber atan 20 bedded Comunity Care Centre (CCC) ah a hlangkai dawn a. Hemi denchhen hian December 1 (World AIDS Day) tlai dar 3 hian Grace Hall Meeting Hall-ah Pathian hnena hlanna leh lawmthu sawina programme buatsaih a ni ang. Programme hi Dr. Vanlalruata, Medical Superintendent, Presbyterian Hospital-in a kaihruai ang a, Dr. Lalchhanhima Ralte, Medical Officer i/c Grace Home in Report a pe ang. Dr. Zothankhuma Chhakchhuak, Dy. Director MSACS leh Dr. Lalremthanga, Director, Presbyterian Hospital ten thusawina hun an hmang ang a, Rev. C. Lalbiakhluna, Hospital Chaplain-in Pathian hnena hlanna hun a hmang ang a, R. Lalrinzama, Project Coordinator, Grace Home-in lawmthu sawina hun a hmang bawk ang. Synod Inkhawmpui Pandal hlan dawn Zanin (Dec. 1) dar 6:30 hian Synod Inkhawmpui vawi 88-na thlenna tur Pandal hlanna leh tawngtairualna, Khatla Kohhran Biak Inah neih a ni dawn a, Pastor R.S. Rokima, Chairman Organising Committee-in inkhawm kaihruaiin Pandal hlanna hun a hmang nghal ang. Organising Committee Secretary hnen atangin thupuan leh report ngaihthlak a ni ang a, Synod Inkhawmpui puala tawngtai rualna neih a ni ang. Bial Chairman hnen atangin Pathian Thuchah ngaihthlak a ni bawk ang. Bible Sunday December 4 (Pathianni) hi Bible Sunday a ni a, Bible Society of India (BSI) zawmtu Kohhran hrang hrangten hemi pual hian programme an hmang ang. Presbyterian Kohhran chuan Inkhawm tum khat atan programme a duang a, chawhnu emaw zan inkhawmah emaw, Kohhrante remchan dan angin hman theih a ni ang. Kumin Bible Sunday thupui atan hian Mittui tla chunga tuhte chuan hlim takin an at ang (Sam 126:5, 6) hman a ni ang. Bible Society puala thilpek lak khawm tur a ni a,Branch Treasurer emaw Tualchhung/Local Collector-te hnenah emaw theh luh tur a ni. Kum 2011 hi Bible Society tan kum pawimawh tak a ni a. Saptawng Bible chhuak hmasa King James Version chuan a kum 400-na hmel a lo hmu ta reng mai a. United Bible Societies chuan hemi denchhen chuan kumin hi Bible letlingtute kum (Year of the Translators) atan a puang hial a ni. Bible Society of India pawhin a kum 200-na (Bi-centenary) a hman mek kharna hun pawimawh leh urhsun tak chu February 21 khan a hmang tawh nghe nghe a ni. Kohhran Hmeichhia December 2 - 4 chhung hian Noagang-ah Leadership Training & Kristian Chhungkaw Campaign neih a ni dawn a, training neihpui tur hian Central Kohhran Hmeichhe hruaitu - Pi Lalrinkimi, Coordinator; Pi Rosangpuii, Committee Member leh Pi Lalrinzuali, Committee Member te an kal ang. Family Guidance & Counselling Centre w November 29 zan khan Pastor-te puala Intensive Residential Pastoral Care & Counselling Training vawi 21-na an buatsaih chu a kharna inkhawm (Final Evaluation & Graduation Service), Synod Conference Centre, Mission Vengah neih a ni. Tun tum training-ah hian Pastor 15 koh an ni a, an vaiin an tel kim thei a ni. Training chhuakte hnenah Rev. Lalzuithanga, Executive Secretary in Certificate a hlan a, thusawina hun a hmang bawk. w December 2 - 4 chhung hian Evangelical Nurses Fellowship Retreat, Health Worker Training School, Kulikawnah neih a ni dawn a, Rev. Zothansanga, FG&CC Director chu Speaker a ni ang. Missionary Refreshers Course December 2 (Zirtawpni) chawhnu dar 1:00 hian Missionary Training College (MTC) Chapel, Mission Vengthlangah Missionary Refreshers Course Trainee-te thlahna (farewell) neih a ni dawn a, tlaiah chawhlui an kilho nghal ang. Kristian Thalai Pawl December 5 (Thawhtanni) dar 9:00 a.m. hian Synod Office kawtah kum 2012 KTP General Conference vawi 54-na Hla Bu Pathian hnena hlanna leh tlangzarhna neih a ni dawn a, Pu Vanlalfinga, Convener, Hla Bu Sub-Committee in programme a kaihruai ang. Pu Zohmangaiha, Secretary, Hla Bu Sub-Committee hnen atangin Reports ngaihthlak a ni ang a, Rev. Zosangliana Colney, Executive Secretary i/c KTP etc. in Pathian hnenah hlanin a tlangzarh ang. Kum 2012 KTP General Conference vawi 54-na Hla Bu hi Synod Bookroom-ah zawrh chhuah nghal a ni dawn a, ` 20/- leh ` 30/- (Spiral Binding) man a ni ang. Contd,..

1
www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Hruaina Eng FM Radio & TV Programme December 2 (FM Radio @ 7:30 p.m.) : Choir : Khatla Pastor Bial Zaipawl - Ka thlamuanna, Hnahlan Pastor Bial Zaipawl - Ka zai chhan, Thuchah : Dr. Lalnundanga - Eizawnna : Hna zawn chungchang, Solo : R. Lalbiaksanga An leng za tawh ang, Choir : Mizoram Synod Choir - Krismas ni eng December 4 (TV Programme @ 3:00 p.m. : Choir : Darlung Kohhran Zaipawl - Kan nung tawh si, Synod Rawngbawlna chanchin thar, Choir : Bawngkawn Pastor Bial Zaipawl - Dam chhung nite an rei si lo, Ram tana tawngtai beihpui : Episode 2, Musical Drama (Hani) - KTP Thakthing Veng Branch, Solo : Zorina Pautu Tidamtu Isua, Lalruotmawi - Eden parmawi chul hnu tivul leh turin Susamachar Prasaran Programme December 4 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Aizawl Venglai Masihi Sangati, Group/Choir/Solo : Kanan Veng Masihi Sangati, Sermon : Rev. Vanlalbela - Isu Jevan Data He, Group/Choir/Solo : Maubawk Sikul Veng Masihi Sangati, Group/Choir/Solo : Saron Veng Masihi Sangati, Stuti Geet : Sare Srishti Ke Malik

2011 SYNOD INKHAWMPUI PROGRAMME

(6-11 December, 2011; Khatla) Dec. 6, 2011 (Thawhlehni) 9:30 a.m. - 4:00 p.m. 6:00 p.m Zaipawl Dec. 7, 2011 (Nilaini) 9:30 a.m. - 4:00 p.m. 6:00 p.m. Thuhriltu Zaipawl 9:30 a.m. - 4:00 p.m. 6:00 p.m. Thuhriltu Zaipawl 9:30 a.m. - 4:00 p.m. 6:00 p.m. Thuhriltu Zaipawl 9:30 a.m. - 4:00 p.m. 6:00 p.m. Thlarau lam thupui Thuhriltu Zaipawl 10:00 a.m. Thurin zawttu Thuchah sawitu leh \awng\ai saktu Zaipawl 1:00 p.m. |hehtu Zaipawl 6:00 p.m. Moderator Valedictory Sermon Zaipawl : : : : : : : : : : : : : : : : : : : : : : : : : : : : NOMINATION COMMITTEE P ATHIAN B IAK I NKHAWM Inlawmna leh Report 1) Bethlehem Bial 2) Mizoram Synod Choir S YNOD R OREL P ATHIAN B IAK I NKHAWM Rev. Vanlalrawna, Allahabad 1) Keifang Bial 2) Durtlang Bial S YNOD R OREL P ATHIAN B IAK I NKHAWM Rev. R. Lalengzauva, Zonuam 1) Zohmun Bial 2) Sihfa Bial S YNOD R OREL P ATHIAN B IAK I NKHAWM Zou Synod Palai 1) Tlungvel Bial 2) Republic Bial S YNOD R OREL P ATHIAN B IAK I NKHAWM Thianghlimna (I Petera 1:1516) Rev. R. Lalhmingthanga, Tanhril 1) Lungleng I Bial 2) Lawngtlai Bial P ASTOR NEMNGHEH LEH P RO . P ASTOR DAHNGHEH I NKHAWM Rev. B. Lalnghakliana, Vaivakawn Rev. K. Lalhmingliana, Chanmari

Dec. 8, 2011 (Ningani)

Dec. 9, 2011 (Zirtawpni)

Dec. 10, 2011 (Inrinni)

Dec. 11, 2011 (Pathianni)

1) Lengpui Bial L ALPA ZANRIAH S AKRAMEN Rev. Thangzauva, Moderator 1) Chanmari Bial 2) Presbyterian Church Choir, Lunglei : P ATHIAN B IAK I NKHAWM : Rev. C. Lalsangliana : 1) Khatla Bial Zaipawlpui 2) Mizoram Synod Choir

HNARUAK
North East India Christian Council Women Assembly (NEICCWA) hnuaiah Secretary hna a ruak a. Hlawh chu ` 5,500/- per month a ni a, House Rent ` 2,500/- pek a ni bawk ang. Qualifications :1. Graduate chin tan a ni a, B.D. Degree nei chu duhsak bik an ni ang. 2. Rawngbawlna lama Experience nei tawh a ni tur a ni a, Interview hunah Bialtu Pastor lehkha ken tur a ni. Interview hun : February 15, 2012 A hun : 10:00 A.M. A hmun : NEICCWA Office, Shillong H. Lalpianthangi General Secretary i/c Women
Mail us at : synfo@bsnl.in mzsynfo@gmail.com Synod Information & Publicity Phone - 2314648

Synfo