Morho phral, E Evanghelia si o mesajo le Devlesko vaa tuk! E Evanghelia si e sperana vaa tkiro suflet-o kai nailes ndejdea!

E Evanghelia si o mesajo la iertreako vaa o sufleto apsime de-o bezh! Vo si o mesajo kai slobozindeas o sufleto apsime de-o bezh! Vo si o mesajo la mpcreako vaa o sufleto hasardo! Vo si o mesajo vas pesk savora kai si hasarde!
O Del drago sas e lumia, ai Vo tradia Peske ieke aves, kashke kon godi kai pachialpe ande Leste te na haiil, numa te avel les o traio kai ci mai getolpe. Ke O Del ci tradia Peske aves ande lumia te del kris la lumia, numa e lumia te sai avel skpime Lestar! Ioano 3:16-17

Vaa o sufleto bokalo, O Rai O Isus si o Manro la Traiosko!

"Me sm o manrho le traiosko; kodo kai avela Mande ohar ci avela bokhalo; kodo kai pachial ande Mande ohar ci avela trualo! Ioano 6:35

Vaa koko kai si trualo pala o Del, O Rai O Isus si o Pai la Viaako!
"Te si vari kon trualo, mek te avel Mande, ai pel! Ioano 7:37

Vaa kodo kai pirel ando tunearico, O Rai O Isus si e Lumina la lumeaki!
"Me sm e lumina la lumiaki. Kodo kai lelape pala Mande avela les e lumina le traioski ai ci phirela ohar ando tuniariko!" Ioano 8:12

Vaa kodo kai si avri, O Rai O Isus si O Vudar karing o Cerii!

Me sm o Vudar! Te olape varekon pa Mande avela skpime; jal andre, ai jal avri ai arakhela ciar lai! Ioano 10:9

Vaa le Bakre le hasarde, O Rai O Isus si o Laio Pstoro!

Me sm o Lao Pstoro. O Lao pstoro del pesko traio pala peske bakriorha! Ioano 10:11

Vaa kodo kai si mulo ando bezh, O Rai O Isus si o Juvindimos hai o Traio!
"Me sm o Juvindimos ai o Traio! Kon pachialape ande Mande, traiila, mkar te merela! - Ioano 11:25

Vaa kodo rtcime, hasardo, thai mulo, O Rai O Isus si o Drom, o Ciacimos ai o Traio!
"Me sm o drom, o ciacimos, ai o traio. Khonik nati avel ko Dad, numa te nakhela Mandar! - Ioano 14:6

Vaa kodo kai ael and-o Rai O Isus, Vo si o Ceacimos e Via!

Me sm o kha le strugurosko, ai tume san le krenji. Kuko kai beel ande Mande, ai Me beav ande leste, vo anel but fruta; ke tu bi Mango natis te keres khanci! - Ioano 15:5

Ando Rai O Isus Hristos tkiro sufleto arakl se so ade lumea natil deas tut nici iek data. Hai kai O Rai O Isus hai si te aves skpime! E promisiunea le Raieski le Isusoski si:
Ai kodales kai avel Mande ohar ci dava avri! Ioano 6:37

Moro rughimos hai kodolengo kai si skpime si kai tu te primis le Raies O Isus Hristos ande tkiro ilo sar Rai hai Mntuitori tkire sufletoska!
Pstor Eugen Oana

Oradea, Romania - 2010

Ioano

E Lai Vestia - Evanghelia o Ioano

1. O Divano le traiosko 1. Mai anglal sas O Divano, ai O Divano sas le Devlesa, ai O Divano sas O Del! 2. Vo anglal sas le Devlesa! 3. Vo kerdia seko fielo, ai kanci so kerdilo nas kerdo bi Leste. 4. Ande Leste sas o traio, ai o traio sas e lumina le manuenge. 5. E lumina strefial ando tuniariko, ai o tuniariko ohar ci mudardia e lumina. 6. Sas iek manu tradino katar O Del, lesko anav sas Ioano. 7. Avilo o Ioano te phenel le manuenghe pa-i lumina. Kake savorhe te pachianape pala leste. 8. O Ioano nas e lumina, numa vo sas tradino te phenel pa-i lumina. 9. Kadia ciaci lumina avel ande lumia te del lumina ka svako manu kai avela ande lumia. 10. Vo sas ande lumia, ai e lumia sas kerdi pala Leste numa e lumia ci janglia Les. 11. Vo avilo ka Peske, ai Leske ci premisarde Les. 12. Unii premisarde Les ai pachialpe ande Leste; Vo dia len e puteria te aven ave le Devleske. 13. Kodola kai arakhadile, na anda rat, ci andai voia le statoski, ci andai voia le

manueski, numa katar O Del. 14. Ai O Divano kerdile stato ai beelas makar amende ando haro ai le ciacimos. Ame dikhliam Lesko barimos, pherdo mitimasa ai ciacimasa, kadia sas o barimos le ieke avesko kai avilo katar O Dad. 15. O Ioano phendia pa Leste, phenelas: "Kado si kai phendem, 'Vo avela pala mande, numa Vo si mai baro mandar, ke Vo sas mai anglal arakhadilem!'" 16. Ai ame savorhe liam anda Lesko baro laimos, mitimos pe mitimos! 17. Ke O Zakono sas dino katar o Moise, numa o mitimos ai o ciacimos avilo katar O Isus Hristos! 18. Khonik ohar ci dikhlia le Devles, numa o iek av kai si le Dadesa, ai Vo si kai kerdia te janas Les. So phenel o Ioano Baptisto 19. Ai kodia si o ramomos le Ioanosko, le jidovuria trade le bare raia ai le levituria andai Ierusalim te phuen les: 20. "Tu kon san?" Ai vo phendias lenghe ai ci garadia kanci, phenelas: "Ci sim O Hristos!" 21. Ai von phuen les: "Kon san tu? Tu san o Ilie?", ai vo phendia: "Ci sim!" Atunci von phule: "Tu san o profeto?", ai vo phendia: "Nici!" 22. Porme phende leske: "Kon san tu? Te das atveto kodolenghe kai tradine ame. So phenes pa tute, kon san?" 23. O Ioano phendia: "Me sm o glaso kodoleske kai pil ande pustia: "Vorton o drom le Devlesko!" sar phendia o Isaia o profeto!" 24. Von kai sas tradine, sas anda le fariseii. 25. Ai mai phule les, phenenas: "Atunci, sostar boles te ci san e Mesia, vai ci o Ilie, vai ci o Profeto?" 26. O Ioano dia le atveto, phenelas: "Me bolav ando pai, numa makar tumende, si varikon kai tume ci janen.

27. Vo si kai avela pala mande, me ci sm dosta lao te phutrav le doria Leske papucenghe!" 28. Kadala dieli kerdionas ando Betania nchial o Iordan, kai o Ioano bolelas. O Bakroro le Devlesko 29. Pe terharin o Ioano dikhlia O Isus sar avelas leste, ai phendia: Dikh! O Bakriorho le Devlesko, kai lel e bezh le lumiako! 30. Pa Kado si kai phendem: Pala mande avel iek manu kai si mai baro mandar, ke Vo sas mai anglal mandar!" 31. Me ci janavas Les, numa avilem te bolav le paiesa, kake sai Israel te janel Les!" 32. Porme o Ioano phendia: "Dikhlem O Sfnto Duho sar hulelas anda ceri sar iek gulumbo, ai belo pe Leste. 33. Me ci janavas Les, numa Kodo kai tradia ma te bolav ando pai, phendia manghe: Pe Kodo kai dikhesa O Sfnto Duho te hulela, ai te beela pe Leste, Kodo si kai bolel le Sfntone Duhosa! 34. Ai me dikhlem, ai phenav tumenghe ke Vo si O av le Devlesko!" Le pervi ucenicii le Isusoske 35. Pe terharin o Ioano mai sas pe kodo than duiensa anda leske ucenicii. 36. Kana dikhlias O Isus nakhelas, vo phendia: "Kathe si O Bakrorho le Devlesko!" 37. Le dui ucenicii aunenas le vorbi kai phendia, ai linepe pala Isus. 38. Porme O Isus boldinisailo ai dikhlia ke avenas pala Leste, ai phulia len:"So

roden?" Ai von dine atveto: "Rabi, kai bees?"

39. Phendia lenghe:"Aven ai dikhen!" Von avile ai dikhle kai beelas hai belo Lesa kodo dies. Kodo sas pala miazuo karing le tar ciasuria. 40. O Andrei, phral le Simonosko Petru, sas iek andal dui manu kai aundia so phendia o Ioano, ai liape pala Isus. 41. Strazo o Andrei arakhlia peske phrales o Simon, ai phendia leske: "Arakhliam e Mesiah!" (E vorba znachil "Hristos.")

42. Ai o Andrei angerdia o Simon karing O Isus. Kana O Isus dikhlia pe leste, phendia: "Tu san o Simon o av le Ioanosko, te aves akhardo Chifa." (O anav Chifa buiol Petru vai bah.) O Isus akharel le Filip ai le Natanael 43. Pe terharin O Isus manglia te jal ando them kai buolas Galilea. Vo arakhlia le Filip, hai phendia leske:"Le tu pala Mande!" ' 44. O Filip sas anda foro, kai buolas Betsaida, o foro kai bele o Andrei ai o Petru. 45. O Filip arakhlia le Natanael ai phendia leske: "Arakhliam Kodoles kai o Moise ai le profeturia ramosarde ande klika le zakonosko, Vo si O Isus andai Nazaret, o av le Iosifosko!" 46. O Natanael phendia leske: "Sai avel anda Nazaret variso lao?" O Filip phendia leske: "Aidi ai dikh!" 47. O Isus dikhlia o Natanael avelas Leste, ai phenel pa leste: "Dikh! Iek ciacio jidovo,

nai ci iek aaimos ande leste!"

48. O Natanael phendia Leske: "Katar janes ma Tu?" O Isus phendia leske:"Mai

anglal o Filip akhardia tu, kana sanas telal pruing le smokinenghe, Me dikhlem tu!"
49. Porme o Nathanael phendia Leske: "Gazda, Tu san O av le Devlesko! Tu san O mprato le Jidovengo!" 50. O Isus phendia leske:"Anda kodia ke phendem tuke: Dikhlem tu telal pruing le

smokinenghe, tu pachias? Numa dikhesa mai bare dieli sar kadala!"

51. Phenel leske:Ciacimasa, ciacimasa, phenav tumenghe ciacimos, dikhena o Cerii

phuterdiol, ai le ngerii le Devleske anklen ai hulen tele po av le Manuesko!

2 O abiav ande o Cana 1. Trin dies pala kodia sas iek abiav ando gav kai buol Cana, ando them Galilea; ai e dei le Isusoski sas kothe. 2. Ai vi O Isus sas akhardo Peske ucenicii ka abiav.

3. Ai kana mangle mol, e dei le Isusoski phendia Leske: Ma nai le mol! 4. O Isus phendia lake: "Juvlio, so si makar tute ai Mande? Murho ciaso nker ci

avilo!"
5. Leski dei phenel le slugenge: "Keren so godi Vo phenela tumenge!" 6. Kothe sas ov phiria cikake, thodinesas te vujarenpe le jidovuria, svako phiri sai jalas vai iek el litre pai. 7. O Isus phendia lenge:"Peren le phiria le paiesa!" Line le slugi ai pherde le jando mui. 8. O Isus phendia lenge:"Len akana ai angeren ka o dat la ako kai kerdia o abiav, ai

ngerde leske!
9. Kana o dat le ako zumadia o pai kai kerdilosas mol, vo ci janelas katar avelas kodia mol, numa le slugi kai linesas anda kodo pai janenas mito. Porme o dat la ako akhardia le manues kai nsurilaspe, 10. ai phenel leske: "Svako manu del e mai lai mol mai anglal; ai porme kana savorhe machile, del e mai ciorhi; numa tu garadian e lai mol ji akana!" 11. Kado sas o pervo minunea kai krdia O Isus ando gav kai buol Cana ando them Galilea. Kothe sikadia Pesko putieria, ai Leski ucenicii pachiaiepe ande Leste. 12. Pala kodia O Isus, ai Leski dei, ai Leske phral, ai Leske ucenicii gele Lesa ando foro kai buol Capernaum, ai bele hani dies. O Isus ande o Templo 13. Ai o dies o baro le jidovongo Paska paolas, ai O Isus gelo ando Ierusalim. 14. Ai arakhlia ande Templo manuen kai bichinenas guruven ai bakrian ai gulumburia, ai vi manu kai parhuvenas love beenas kothe. 15. Ai kana O Isus lia elo ai krdia peske biciuo anda leste, Vo gonisardia savorhen avri andai Templo ai vi le bakrian, ai le guruven, ai dia muial le skafidia kodolenge kai parhuvenas le love. 16. Ai phendia le manuenge kai bichinenas le gulumbon: "Len kadala dieli kathar! Na

keren anda kher Murhe Dadesko bazari!"

17. Ai Leske ucenicii dinepe goji ke ramomesas ande Vorba le Devleski: "De drago kai si Mange Tkio Khr, Devla, phabol ande Mande sar iek iag!" 18. Porme le jidovuria phule Les: "Ce minunea sai keres Tu te sikaves amenge, ke si Tu putieria te keres kadia?" 19. O Isus phendia lenge: "Peraven kadia templo, ai ande trin dies te vazdav la!" 20. Le jidovuria phende Leske: "Trobulsardia tarvarde tai ov ber te keras kadia Templo! Ai Tu phenes ke ande trin dies vazdes la palpale?" 21. Numa O Isus delas duma pai templo Peske statosko. 22. Sa anda kodia O Isus juvindisailo andai moartia ka traio, Leske ucenicii dine pe goji ke phendia sas kadia, ai von pachianaspe o ramomos ai e vorba kai phendia sas O Isus. O Isus jianel so-godisi ande o manu 23. Ande vreamia kai O Isus sas ando Ierusalim ka dies o baro le jidovongo Paska, but norodo pachianaspe ando Lesko Anav, kana dikhenas le minunilea kai kerdia. 24. Numa O Isus ci jinelas pe lende, ke Vo janelas len savorhen. 25. Ai ci trobulas varikon te phenel Leske pa manu; ke Vo janelas korkorho si ando manu. 3 O Isus ai o Nicodim 1. Sas iek manu anda le farisei kai buolas Nicodim, iek baro le jidovongo. 2. Ai avilo ande iek e riate ko Isus ai phendia Leske: "Hajainona, ame janas ke O Del tradia Tu te sichares amen; ke khonik nati kerel kadala minunea kai keres Tu, te nai O Del kodolesa." 3. O Isus del les palpale ai phendia leske:"Ciacimasa, ciacimasa, phenav tuke,

khonik nati dikhela o rhaio le Devlesko te na kerdiola aver data!"

4. O Nicodim phendia Leske: "Sar datilpe iek manu te kerdiol aver data kana si phuro? Sai mai jal palpale ando ji peska dako, ai te kerdiol aver data?" 5. O Isus phendia:"Ciacimasa, ciacimasa, phenav tuke, khonik nati jal ando rhaio le

Devlesko te na kerdiola anda pai ai anda Sfnto Duho.

6. So kerdilo katar o stato, stato si; ai so kerdilo katar O Sfnto Duho, Sfnto Duho

si.
7. Te na ciudis tu kai phendem tuke, ke trobul te kerdion aver data. 8. E barval phurdel kai voi mangel, ai aunes o umo, numa tu ci janes katar avel, ai

ci kai jal; sakadia si svako manu kai kerdilo anda Sfnto Duho!"
9. O Nicodim phendia Leske: "Sar kadia diela sai kerdiol?" 10. O Isus dia les atveto ai phendia leske: "Tu san iek gazda anda Israel, ai ci janes

kadala dieli?
11. Ciacimasa, ciacimasa, phenav tuke, ame mothas so janas, ai sam marturia anda

so dikhliam, numa tume ci primin amari vorba.

12. Tume ci pachian man kana phenav tumenge pal dieli la phuviake, sar pachian

tume kana phenava tumenge pala dieli le rhaioske?

13. Khonik ci anklisto ando rhaio, ke ferdi kodo kai hulisto tele anda rhaio, O av le

Manuesko kai si ando rhaio!

14. Ai sar o Moise vazdia o sap ando pustia, sa kadia trobul O av le Manuesko te

avel vazdino.
15. Kashke kon godi kai pachialpe ande Leste te na haiil, numa avel les o traio le

rhaiosko.
16. O Del drago sas e lumia, ai Vo tradia Peske ieke aves, kashke kon godi kai

pachialpe ande Leste te na haiil, numa te avel les o traio kai ci mai getolpe.
17. Ke O Del ci tradia Peske aves ande lumia te del kris la lumia, numa e lumia te

sai avel skpime Lestar.

18. Kodo kai pachialpe ande Leste, nai kris pe leste; numa kodo kai ci pachialpe, e

kris vunje si pe leste, ke ci pachiaiepe ando Anav le ieke Devlesko av.

19. Katar avel e kris, si ke e lumina avili ande lumia, ai le manu alosarde o tuniariko

ke sar e lumina, ke so kerde sas nasul.

20. Ke kon godi kerel o nasulimos nai leske drago e lumina, ai ci avel kai lumina, ke ci

mangel te dikhol leske bezeh.

21. Numa kodo kai kerel so si vorta avel kai lumina, ke lesko laimos sai dikhol, ke

kerdiol lo pala Del!

O Isus ai o Ioano 22. Pala kodia O Isus ai Peske ucenicii avile ando them kai buolas Iudea; ai kothe belo lensa, ai bolelas. 23. Ai vi o Ioano bolelas ando Enon paa Salim, ke sas kothe but pai, ai avenas kothe le manu te bolin. 24. Ke o Ioano nas nker thodino ande temnia. 25. Atunci unii andal ucenicii le Ioanoske ai iek jidovo marenas mui pa vujimos. 26. Ai avile ka Ioano, ai phende leske: " Hajainona, Kodo kai sas tusa nchal o Iordan, pa Kudo kai dian amenge duma, eta, Vo bolel, ai savorhe jan Leste!" 27. O Ioano phendia: "Khonik nati avel les variso te na avela leske dino katar O Del. 28. Tume san murhe mrturia, ke phendem: Ci sm o Hristos, numa sm tradino angla Leste. 29. Kodo kai si les e rhomni si o ternahar; numa o vortako le ternaharesko, kai beel paa leste ai aunel les, raduilas but pala glaso le ternaharesko: me sm pherdo kadia raduimasko. 30. Vo musai bariol, ai me musai te teliuvav. Kudo kai avel anda o cerik 31. Kodo kai avel katar opral, si opral pe savorhe; kodo kai si la phuviako, la phuviako ael, ai del duma sar te avino phuviako. Kodo kai avel anda rhaio, si opral pa savorhe. 32. Vo phenel so dikhlia ai aundia, numa khonik ci pachial Leske vorbi. 33. Savo kai premisardia so aundia Lestar, kodo preznail ke O Del si ciacio. 34. Kodoles kai O Del tradia phenel le vorbi le Devleske, ke O Del ci del Les O Sfnto Duho pe masura. 35. O Dad drago le aves, ai thodia svako fielo ande Leske vas.

36. Kodo kai pachialpe ando av si les o traio sadaiek kai ci mai getolpe; numa kodo kai ci pachialpe ando av ci dikhela o traio, numa e holi le Devleski beel pe leste. 4 O Isus ai e jiuvli samariteana 1. Le fariseii aunde ke O Isus kerelas ai bolelas mai but ucenicii de sar o Ioano. 2. Numa O Isus ci bolelas, numa Leske ucenicii. 3. O Isus meklia e Iudea, ai gelo palpale ande Galilea. 4. Numa trobulas te nakhel pai Samaria. 5. Areslo anda iek gav ande Samaria kai buolas Sihar, paa kmpo kai o Iakov diasas ka Iosif pesko av. 6. Kothe sas e haiin le Iakovoski. O Isus chino sas katar o phirimos, thodiape paai haiin ai belo tele; sas karing le deudui ciasuria. 7. Iek juvli andai Samaria avilo te lel pai; O Isus phenel lake: "De ma pai te piiav!" 8. Ke Leske ucenicii gele sas ando foro te chinen habe. 9. Atunci e juvli andai Samaria phendia Leske: "Sar Tu kai san jidovo, manges mandar pai te pes? Ke sm juvli andai Samaria. Ke le jidovuria ciaces ci brotinas le manuensa kai si andai Samaria. 10. O Isus phendia lake: "Te janglianas tu e podarka le Devleski, ai kon si Kodo kai

phenel tuke: De man te piiav!, tu korkorho manglianas Lestar te pes, ai del tu pai juvindo!"
11. E juvli phendia Leske: "Gazda, nai Tu kanci te rdes ai e haiin tele la, katar anesa kodo pai juvindo? 12. San Tu mai baro katar amaro dad o Iakov, kai dia ame kadia haiin, ai pilia vi vo, ai leske ave, ai leske jigeni?" 13. O Isus phendia lake: "Kon godi pela anda kado pai mai avela trualo; 14. Numa kado kai pela anda pai kai dava les ci mai avela trualo; numa o pai ai dava

les kerdiola ande leste haiin paieske kai jal ando traio kai ci mai getolpe!"

15. E juvli phendia Leske: "Gazda, de ma kado pai, sahke te na mi avav truali, ai te na mai avav kathe te rdav pai anda haiin." 16. O Isus phendia lake: "Ja. Akhar chie rhomes, ai aida kathe." 17. E juvli phendia Leske: "Nai ma rhom.", ai O Isus phendia lake: "Vorta phenes, ke

nai tu rhom,
18. ke sas tu pan rhom; ai kado kai si tu akana nai chio rhom; ciaces so phendian." 19. E juvli phendia Leske: "Gazda, dikhav ke Tu san profeto. 20. Amare dada rhuginaspe kathia plaiin; ai tumen phenen, si ando Ierusalim o than kai trobul te rhugisavas ka Del." 21. O Isus phendia lake: "Juvlio, o ciaso avela, kai ci mai rhugina le Dades ci pe

kathia plaiin ai ci ando Ierusalim.

22. Tume ci janen kas te rhugin tume; ke o skpimos avel katar le Jidovuria. 23. Numa o ciaso avel, ai vunje avili, kana le ciace manu rhuginpe ka Dad ando

duho ai ando ciacimos; ke kadia mangel O Dad te rhuginpe le manu.

24. O Del si Duho, ai kodola kai rhuginpe Leste, trobul te rhugin Leste ando duho ai

ando ciacimos."
25. E juvli phendia Leske: "Janav ke O Mesia avela, kodo kai si O Hristos; kana avela, Vo sicharel ame svako fielo." 26. O Isus phendia lake: "Me sm Kodo kai dav duma tusa!" Trezirea anda Samaria 27. Pe kadia aresle Leske ucenicii, ai ciudisaile te dikhen sar del duma la juvliasa; numa ci iek chi tromailo te phuel Les: "So manges latar?", vai "Sostar des duma lasa?" 28. E juvli meklia peski vadra, ai gelitar ando gav, ai phenel le manueske.: 29. "Aven, dikhen iek manu kai phendia mange so godi kerdem. Nai kado O Hristos?" 30. Anklisto avri anda foro, ai avile Leste.

31. Ande kodia vremia Leske ucenicii grebinas, phenenas Leske: "Gazda, has vari so." 32. Numa Vo phendia lenge:"Si Ma habe te hav kai tume ci janen!" 33. Le ucenicii denas pe duma iek kavres: "Pate andia Leske vari kon te hal?" 34. O Isus phendia lenge:"Murho habe si te kerav e voia Kodoleski kai tradia Man, ai

te getov Leske buchi!

35. Ci phenen tume: Si tar on ji kai chiden o jiv? Aun! Me phenav tumenge,

phutren chieo iakha, ai dikhen le kmpuria; ke vunje o jiv gatalo te avel chidino.
36. Kodo kai chidel lel peske pochin, ai chidel fruti pala o traio le rhaiosko; ai kodo kai udel o jiv ai kodo kai chidel raduinpe andek than. 37. Kadala vorbi si ciace, iek udel o jiv, ai kaver chidel o jiv. 38. Me tradem tume te chiden so ci udian, aver kerde buki. Aver bariarde ai tume

avile te chiden lenge fruti!"

39. But Samaritanuria kodole gaveske pachianaspe ando Isus pala kathia vestia ciaci la juvliaki, voi phendia: "Phendia mange so godi kerdem!" 40. Ai vi le Samaritanuria avile ka Isus, ai mangenaspe Lestar te beel paa lende. Vo belo dui dies. 41. Ai mai but norodo pachianaspe ando Isus pala Leske vorbi. 42. Ai mothonas la juvliake: "Akana pachias ame, nai ke pala so tu phendian amenge, ke ame asundiam Les ame, ai janas ke ciaces Vo si O Hristos, O Mntuitori la lumiako!" O Isus sastiarel le iaves katar iekh fiiri 43. Pala kodola dui dies O Isus gelotar kothar te jal ande Galilea. 44. Ke O Isus phendiasas, ke iek profeto nai jindo ande pesko them. 45. Kana areslo ande Galilea, le galilenuria premisarde Les, kai dikhle so godi O Isus kerdiasas ando Ierusalim kana sas e pachiv; ke vi von sas ka kodia pachiv. 46. O Isus avilo palpale ando gav kai buol Cana andai Galilea, kai parhudiasas o pai

te kerdiol mol. Sas ando Capernaum iek fiiri le mpratosko, kai sas lesko av nasvalo. 47. Kana aundia ke O Isus avilo andai Iudea ande Galilea, gelo karing Leste, ai mangliape Lestar te avel te sastiarel leske aves, kai si po merimos. 48. Porme O Isus phendia leske: "Te na dikhena minunia ci pachian tume, vov si!" 49. O fiiri le mpratosko phendia leske: "Gazda, aida mande mai anglal te merel murho av!" 50. O Isus phendia leske: "Ja khere, chio av traiil!" Ai kodo manu pachiaiape e vorba kai O Isus phendia leske, ai gelo! 51. nker po drom sas te jal peste khere, kana leske slugi avile ande lesko drom, ai mothon leske: "Chio av traiil!" 52. Ai vo phuel len: "K ce ciaso sastilo?" ai von phende leske: "Arachi karing o pervo pala miauzo o jaro gelotar." 53. Atunci o dad janelas ke sas kodo ciaso kana O Isus phendiasas leske: "Chio av

traiila!" Vo ai savorhe ando lesko kher pachianaspe ando Isus.

54. Kado sas o duito minunea kai kerdia O Isus kana avilo andai Iudea ande Galilea. Ioan 5 1. Pala kodia sas iek pachiv le jidovonghi; ai O Isus gelo ando Ierusalim. 2. Ai ando Ierusalim sas paa vudar le bakriango, sas iek balta paieske pane vudarensa, ai akharenas la jidovisko Betesda. 3. Andre sas but nasvale kai beenas tele, korhe, bange, ai paralitikuri ajukerenas te mitil o pai. 4. Ke iek ngero le Devlesko hulelas pe vriamia ai mitilas o pai; o pervo nasvalo kai hulelas ando pai kana sas buntuime, sastiolas anda pesko nasvalimos savestar godi sas. 5. Kothe sas iek manu nasvalo de trianda ai ohto ber. 6. Kana O Isus dikhlia les tele, ai janglia ke sas nasvalo de demult, phulia les:

"Kames te aves sasto?"

7. O nasvalo manu phendia Leske: "Gazda, nai khonik kathe te udel ma ando pai kana si buntuime; ai kana avav, aver hulel tele mai anglal mandar. 8. Isus phendia leske: "Vuti, le chio than ai phir!" 9. Ai strazo kodo manu sastilo, vo lia pesko than ai phirdia. Numa sa kodia diela kerdili Sabato. 10. Le jidovuria phende le manueske kai sastilo: "Adies si Sabato, ai nai slobodo tuke te angeres chio than." 11. Vo phendia lenge: "O manu kai sastiardia ma, phendia mange: Le chio than, ai

phir!"
12. Atunci phule les: "Kon si o manu kai phendia tuke, te les chio than ai phires?" 13. Numa o manu kai sastilo ci janelas o anav Kodolesko kai sastiardia les, ke O Isus gelotar ke sas but narodos ande kodo than. 14. Pala kodia, O Isus arakhlia les ande Templo, ai phenel leske: Aun! Sastilian

anda chio nasvalimos, na mai ker bezeh akana, te na mai kerdiol tuke variso mai nasul.
15. Kodo manu gelotar, ai phendia le jidovonghe ke O Isus sastiardia les. 16. Sa anda kodia le jidovuria chinuisarde Isus, ai rodenas te mudaren Les, ke kerdia kodia o dies Sabato. 17. Numa O Isus phendia lenge: "Murho Dad kerel buchi sorho dies, ai vi Me kerav

buchi!"
18. Pa kadala vorbi le jidovuria rodenas mai but te mudaren Les; na ferdi ke kerdia kodia Sabatone, numa ke phendia ke O Del si Lesko Dad, ai Vo kerdilo iek fielo sar O Del. 19. O Isus phendia lenge: "Ciacimasa, ciacimasa, phenav tumenge, O av nati kerel

kanci pestar, numa kerel so dikhel O Dad kerel; so godi kerel O Dad, vi O av kerel.

20. Ke O Dad drago le aves, ai sikavel Leske so godi kerel. Ai O Dad sikavela Leske

mai bare buchi sar kadala, ciudina tume.

21. Ke sar O Dad vutiavel le mulen, ai del le o traio, saikfielo O av del o traio

kodolen kai mangel Vo.

22. O Dad ci kerel kris pe khanikaste, numa dia e putieria le aves te krisinil. 23. Kate savorhe te luvudin le aves, sar luvudin le Dades. Kodo kai ci luvudil le aves, ci luvudil le Dades kai tradia Les. 24. Ciacimasa, ciacimasa, phenav tumenge, kon godi kai aunel Murhi vorba, ai

pachialpe ande Kodo kai tradia Ma, avela les o traio kai ci mai getolpe, ai ci avela pe leste kris; numa nakhlo anda merimos ai gelo ka traio kai ci mai getolpe.
25. Ciacimasa, ciacimasa, phenav tumenge, O ciaso avela, ai vunje avili, kana le

mule aunena o glaso le avesko le Devlesko; ai kodola kai aunena Les traiina.
26. Ke sar O Dad si les o traio ande peste, saikfielo Vo kerdia peske aves te avel o

traio ande Peste.

27. Ai dia peske aves e putieria te kerel e kris, ke Vo si O av le Manuesko. 28. Na ciudin tume ke o ciaso avela, ke sa le mule kai si andel le grepoevuria

aunen Lesko glaso.

29. Ai anklena avri andal grepoevuria, kodola kai kerde mito anklena avri te len o

traio kai ci mai getolpe. Ai kodola kai kerde o nasulimos, vutena te nakhen pe kris te jan ando iado.
30. Nati kerav kanci anda Mande. Sar aunav, kerav kris pala so phenel Mange O

Del, ai Murhi kris si vorta, ke ci rodav te kerav so mangav anda Mande, numa ferdi so mangel te kerav Kodo kai tradia Ma.
31. Te mothava pa Mande, so phenav nati te avel ciacimos. 32. Numa aver si kai phenel pa Mande; ai Me janav le vorbi kai Vo mothol pa Mande

si o ciacimos.
33. Tume tradian marturia ka Ioano o Baptisto, ai vo phendia tumenghe o ciacimos.

34. Man, ci trobul le vorbi katar le manuen te phenel ke vorta sim, numa phenav

kadia, sahke te sai aven skepime.

35. O Ioano sas sar iek lampo kai phabolas ai sar e lumina kai strefialas; ai tume

manglian te raduin tume hani vriamia ande leski lumina.

36. Numa, Man si Man iek mai baro ciacimos pa Mande sar o Ioano, Me kerav e buchi

kai Murho Dad dia Ma te kerav, kodola buchia kai kerav sikaven pa Mande ke O Dad tradia Ma.
37. Ai O Dad kai tradia Ma, phenel vi Vo pa Mande. Tume ohar ci aundian Lesko

glaso, ai ohar ci dikhlian Lesko mui.

38. Ci garaven Leske vorbi ande tumende, ke ci pachian tume ande Kodo kai tradia

Les.
39. Sichon o ramomos ande Vorba le Devleski, ke tume gndin kai arakhena ande late

o traio kai ci mai getolpe. Ai o ramomos del duma pa Mande!

40. Ai tume ci aven Mande, te avel tumen o traio. 41. Ci rodav o luvudimos andal manu. 42. Numa Me janav tumen; ke nai dragostia le Devleski ande tumende. 43. Avilem ando o Anav Murhe Dadesko, numa ci premisardian Ma; numa te avela

aver ande pesko anav, premisaren les.

44. Drago tumenge te aven luvudime iek avrestar, numa ci roden o luvudimos te avel

ferdi katar O Del; sar sai pachian tume?

45. Na gndin ke doarava tumen ka Murho Dad. Si iek kai doarela tumen, kodo si o

Moise kai thodian tumaro pachiamos ande leste.

46. Te pachiaianas tume ciaces ando Moise, pachiadian vi ande Mande; ke vo

ramosardia pa Mande.
47. Numa te ci pachiana tume so ramosardian, sar sai pachian Murhe vorbi?" Ioan 6 1. Pala kodia, O Isus gelotar inchial o pai kai buolas Galilea (vai Tiberiada).

2. But narodo lelaspe pala Leste, ke le manu dikhenas le minunea kai kerelas, ai sastiarelas le nasvalen. 3. O Isus anklisto po plai ai belo tele kothe peske ucenicii. 4. Ai O Paska, o dies o baro le jidovongo paolas. 5. O Isus vazdia le iakha, ai dikhlia iek baro narodo avel Leste, Vo phendia le Filiposke: "Kai sai chinasa dosta habe te pravaras sa kadale norodos?" 6. Vo phendia kadia te zumavel les, numa O Isus janglia so kerelas. 7. O Filip phendia Leske: "Dui ela teliara rupunen ci avela ame dosta te chinas manrho te das hani kotororho svakones. 8. Iek anda Leske ucenicii, o Andrei, o phral le Simonosko Petru, phenel Leske: 9. "Si kathe iek raklorho, kai si les panj manrhe, ai dui inorhe mae. Numa so si kadala pe kado but norodo?" 10. O Isus phendia lenge: "Atunci keren te been savorhe tele. Kothe sas but ciar. Le manu bele tele. Von sas pate panj mii mur. 11. O Isus lia le manrhe, naisisardia le Devles, ai O Isus dia le kal ucenicii, ai Leske ucenicii dia le ka norodo kai beelas tele, ai sakadia le maeske, ai sas le sode von mangle. 12. Kana hale dosta savorhe, Vo phenel peske ucenici: "Chiden le kotora kai aile; te

na hasavol kanci!"
13. Le ucenicii chide le deu dui shkonii pherdesas le kotorensa kai aile katar le panj manrhe kana savorhe hale. 14. Le jene kai dikhle o minunea kai kerdia O Isus, phende: "Kado si o ciacio Profeto kai trobulas te avel ande lumia!" 15. Ai O Isus janelas ke si te aven te len Les pe zor, te keren les mparato, gelotar po plai kokorho. 16. Kana e riat avili, Leske ucenicii gele karing e marea. 17. Ankliste ande iek ciuno, ai thodepe te nakhen o pai palpale karing o Capernaum.

Akana sas tuniariko, ai O Isus nker ci avilo lende. 18. Ai e marea buntuime sas ke barval phurdelas zurales. 19. Kana kerdesas bitapanj vai tranda stadia (panj vai ov kilometer) po pai ando ciuno. Von dikhle O Isus phirelas pe marea, ai paolas lende ando ciuno; ai von daraile. 20. Numa O Isus phendia lenge: "Me sim, na daran!" 21. Mangenas te len Les ande pengo ciuno; ai strazo o ciuno areslo karing e phuv kai trobulas te jan. 22. Pe terharin, kana o narodo kai bele pe kolaver rig la mareako, dikhle ke sas kothe ferdi iek ciuno. Von jangle ke O Isus ci anklisto ando ciuno peske ucenicii, numa geletar korkorho. 23. Numa aver ciunuria avile andai Tiberiada, areslesas paa o than kai halesas o manrho, kana O Isus naisisardiasas le Devles. 24. Kana o norodo dikhle ke O Isus nas kothe, ai ci Leske ucenicii, von ankliste ande lenge ciunuria, ai gele ando Capernaum te roden Les. 25. Kana o norodo arakhle O Isus pe kolaver rig la mareako, von phende Leske: "Gazda, kana avilian Tu kathe?" 26. O Isus phendia lenge: "Ciacimasa, ciacimasa, phenav tumege: roden Ma, ke

halian o manrho ai chaililian, ai na ke dikhlian le minunia.

27. Na keren buchi le habeneski kai rimolpe, numa keren buchi le habeneski kai beel

but vriamia ai kai kerel te avel o traio kai ci mai getolpe, ai ke O av le Manuesko dela tumenghe; ke O Del, O Dad, thodia pe Leste o semno Leska putierako!"
28. Atunci von phende Leske: "So trobul te keras, te keras e buchi maladi angla Del?" 29. O Isus phendia lenge: "Kadia si e buchi le Devleski, te pachian tume ande Kodo

kai Vo tradia!"
30. Phen Leske: "Ce semno la putierako sikaves Tu, kate te dikhas, vai pachias ame ande Tute? So keres Tu?

31. Amare dada hale o manrho ande pustia; sar si ramome: Vo dia le manrho anda cieri te han." 32. O Isus phenel lenge: "Ciacimasa, ciacimasa, phenav tumenge, O Moise ci dia

tume o manrho anda cieri; numa Murho Dad del tumen o ciacio manrho anda cieri.
33. Ke o manrho kai del O Del, kodo si kai hulel anda rhaio, ai del traio la lumiako!" 34. Von phenen Leske: "Gazda, de ame kodo manrho sagda." 35. O Isus phendia lenge: "Me sim o manrho le traiosko; kodo kai avela Mande ohar

ci avela bokhalo; kodo kai pachial ande Mande ohar ci avela trualo!
36. Numa phendem tumenge, tume dikhlian Ma numa ci pachian Ma. 37. So godi Murho Dad del Ma avela Mande. Ai kodales kai avela Mande ohar ci

dava avri.
38. Ke Me hulistem anda rhaio, te kerav e voia Kodoleski kai tradia Ma, ai na Murhi

voia.
39. Ai kadia si e voia le Dadeski kai tradia Ma; te na hasarav ci iek anda kodola kai

dia Ma, numa te vushtiavav le savorhen ka traio ka mai paluno dies!

40. Ai kadia si Leski voia, ke kon godi dikhela le aves ai pachialape ande Leste,

avela les o traio kai ci mai getolpe; ai Me vushtiavava le ka traio ka paluno dies!
41. Le jidovuria line holi po Isus, ke phendia lenge: "Me sim o manrho kai hulisto anda

rhaio."
42. Ai von phende: "Nai Vo O Isus, o av le Iosifesko, ai janas Leske dades ai Leska da? Sar sai mothol ke hulisto anda rhaio?" 43. O Isus phendia lenge: "Na holiavon makar tumende. 44. Khonik natil te avel Mande, te na avela O Dad kai tradia Ma te rdel les Mande;

ai Me vutiavava les anda merimos ka traio le rhaiosko ka paluno dies.

45. Le profeturia ramosarde: Savorhe avena sicharde katar O Del. Savo godi manu

aunela le Dades ai lelape pala Lesko sichiarimos avela Mande.

46. Khonik ci dikhlia le Dades; Kodo kai avilo katar O Del, si Kodo kai dikhlia le

Dades.
47. Ciacimasa, ciacimasa, phenav tumenge: kodo kai pachialpe ande Mande avela

les o traio kai ci mai getolpe.

48. Me sim o manrho le traiosko! 49. Tumare dada hale o manrho ande pustia, numa mule. 50. Numa o manrho kai hulel anda rhaio kadia lo ke savo kai hala les ci merela. 51. Me sim o manrho o juvindo kai hulisto anda rhaio. Te si vari kon kai hala anda

kadia manrho, traiila sagda. Ai o manrho kai dava si murho stato, ai dava les te avel o traio la lumiako!"
52. Pe kadia le jidovuria denas pe duma makar pende, phenenas: "Sar sai Vo del amen pesko stato te ha?" 53. O Isus phendia lenge: "Ciacimasa, ciacimasa, phenav tumenghe, te na hana o

stato katar O av le Manuesko, ai te na pena Lesko rat, ci avela tumen o traio ande tumende!
54. Savo kai hala Murho stato, ai pela Murho rat avela les o traio le rhaiosko, ai

vutiavava les ka traio le rhaiosko o paluno dies.

55. Ke Murho stato si ciacio pravarimos, ai Murho rat si ciacio pimos. 56. Savo kai hal Murho stato ai pel Murho rat traiil ande Mande ai Me traiiv ande leste. 57. O Dad kai tradia Ma juvindo lo, ai traiiv anda leste sakadia, kodo kai hal Murho

stato traiila anda Mande.

58. Kado si o manrho kai hulisto anda rhaio; nai sar tumare phurane dada kai hale o

manrho ande pustia, ai mule. Kon hala kado manrho traiila sa data!
59. O Isus phendia kadala vorbi kana sicharelas ande sinagoga ando Capernaum. 60. But anda peske ucenicii, kana aunde kadia, phende: "Kadala vorbi si trutno. Kon sai aunel le?" 61. O Isus haliardia ande Peste ke Leske ucenicii denas pe duma makar pende pa

kado divano, anda kodia phendia lenge: "Dukhavel tumen so aundian?" 62. So keren tume kana dikhena ke O av le Manuesko anklel kothe kai sas mai

anglal?
63. Le Devlesko Duho del o traio, o stato ci mol kanci. Le vorbi kai phendem

tumenghe, von si duho ai traio.

64. Numa si makar tumende unii kai ci pachian." Ke O Isus janglia de mai anglal kon si kodola kai ci pachianpe, ai kon si kodo kai purhila Les. 65. Vo phendia: "Sostar phendem tumenghe, ke khonik natil te avel Mande te na rdela les O Del Mande." 66. Ai de katar kodia vriamia but anda Leske ucenicii gheletar, ai ci mai janas Lesa. 67. Ai O Isus phendia le deu dui ucenicii: "Ai tume, ci mangen vi tume te jantar?" 68. Ai O Simon Petru phendia Leske: "Devla, kaste te jasas ame? Si Tu le vorbi kai den o traio le rhaiosko! 69. Ai akana pachias ai janas kai Tu san O Hristos, O Sfnto av le Devlesko! 70. O Isus phendia lenge: "Pate ci alosardem tumen Me, le deu duien? Ai iek anda

tumende si iek beng!"

71. Vo delas duma pa Iuda Iskarioto o av le Simonosko. Ke vo sas kai trobulas te purhil Les, iek andal deu dui. Ioan 7 1. Pala kodia O Isus phiradia ande Galilea; ke ci manghel te phirel ande Iudea, ke le jidovuria rodenas te mudaren Les. 2. Ai o dies o baro le jidovongo le Korturilenga paolas. 3. Leske phral phende Leske: "Jatar kathe, ai ja ando Iudea, kate Chio ucenicii te sai dikhen le minunii kai Tu keres. 4. Khonik ci garavel so kerel te manghel te sikadiol. Te keres kadalendar dieli, sikav Tu ka sa la lumiake!" 5. Ke ci Leske ciace phral ci pachianaspe ande Leste.

6. O Isus phendia lenghe: "Murhi vremia ci avili nker; numa tumari vriamia sagda

gata la.
7. E lumia nati greol tumen, numa greol Man, ke phenav pa late, ke laki buchi so

kerel si nasul.
8. Jantar tume ka dies o baro le jidovongo, Me ci jav ka kado dies o baro le

jidovongo nker, ke Murhi vriamia ci avili inker!

9. Vo phendia lenghe kadala vorbi ai belo ando Galilea. 10. Kana Leske phral ghele ka dies o baro le jidovongo, atunci O Isus gelo, vi Vo numa na angle norodo, numa sar ciordanes. 11. Le jidovuria rodenas Les ka o dies o baro le jidovongo ai phende: "Kai lo?" 12. But manu denas duma pala Leste ando norodo. Unii phende: "Vo si iek manu o lao." Aver phenenas: "Nici, Vo aavel le manuen." 13. Numa khonik ci delas duma pa Leste angla manu, ke daranas katar le jidovuria. 14. Karing makar o dies o baro le jidovongo, O Isus ghelo ande Templo, ai sicharelas. 15. Le jidovuria ciudinaspe, ai phenenas: "Sar Vo janel kadia but kana ohar ci sichilo." 16. O Isus phenel lenghe: "O sicharimos kai dav nai Murho, numa avel katar O Del kai

tradia Ma.
17. Te vari kon te kerel so manghel O Del, janela ke so sicharav avel katar O Del, vai

te dava duma anda Mande.

18. Kon del duma pestar rodel pesko barimos; numa kodo kai rodel o barimos

Kodolesko kai tradia Les, kodo si ciacio, ai nai hohaimos ande leste.
19. O Moise dia tume o zakono? Numa khonik anda tumende ci keren o zakono.

Sostar roden tume te mudaren Ma?"

20. Le manu phende Leske: "Tut si tu iek beng ande tute! Kon rodel te mudarel Tu?" 21. O Isus phenel lenghe: "Kerdem iek diela, ai savorhe ciudisailian.

22. Ke o Moise dia tumen o zakono te inen pe muren (na ke avel katar o Moise,

numa katar tumare phure), ai tume inen ieke manues po dies O Sabato.
23. Te sai inen ieke manues po dies O Sabato, te phaghen o zakono le

Moisesosko, sostar holiavon pe Mande, ke sastiardem ieke manues sa ntrego po dies O Sabato?
24. Aterdion te keren kris pala so dikhen avrial po manu, aven vorta ai ciace ande

tumare kris kana keren la."

25. Unii manu anda o Ierusalim phende: "Pate nai Kado o manu kai rodas te mudaras les? 26. Dikh! Del duma angla savorhenghe, ai khonik ci phenel Leske kanci! Amborim ke le bare kai poroncin janen ke Vo si O Hristos? 27. Numa kana O Hristos avela, khonik ci janela katar avel, numa ame janas katar avel Kado manu." 28. Sar O Isus sicharelas ande Templo, ipisardia: "Tume janen Ma, ai janen katar

sim; ai Me ci avilem anda Mande, numa Kodo kai tradia Ma, Vo si ciacio, ai tume ci janen Les.
29. Numa Me janav Les; ke avav Lestar, ai Vo tradia Ma!" 30. Atunci rodenas sar te len Les; numa khonik ci thode o vas pe Leste, ke Lesko ciaso ci avilo nker. 31. Numa but makar o norodo pachianaspe ande Leste, ai phende: "Kana O Hristos avela, sai kerela mai but minunii sar kerdia Kado?" 32. Le fariseii aunde ke o norodo mothon kodala dieli pa Isus; ai le fariseii ai le bare raia trade penghe jandarii te len Les. 33. O Isus phendia lenghe: "Me beav tumena mai hani vremia, ai porme javtar

karing Kodo kai tradia Ma.

34. Tume rodena Ma, numa ci arakhena Ma, ke nati avena kai Me java!" 35. Le jidovuria phenen makar pende: "Kai Vo jala kai ci arakhasa Les? Jala karing

le foruria kai si ande Greia, ai sicharel le Grekone? 36. So si kadala vorbi kai phendia: Tume rodena Ma, numa ci arakhena Ma, ke nati

aven kaije java. So znachil?

37. O paluno dies o baro le jidovongo sas o mai baro, ai O Isus beelas ande punrhende ai ipisardia, phenelas: "Te si vari kon trualo, mek te avel Mande, ai

pel.
38. Kon pachialape ande Mande, sar E Vorba le Devleski phenel, pai juvindo hulela

anda lesko ilo!"

39. O Isus phendia pa Sfnto Duho, kodala kai pachianpe ande Leste premina; ke O Sfnto Duho nai dino nker, ke O Isus nas vazdino ando rhaio nker. 40. Kana but le manueske aunde Leske vorbi, phenenas: "Ciaces, Kado manu si o Profeto!" 41. Aver phende: "Vo si O Hristos!" Numa aver phende: "Pate, sai Hristos avel andai Galilea? 42. Pate o ramomos ci phendia ke O Hristos si te avel ande via le Davidoski, ai anda foro kai buol Betleem, kai belo o David?" 43. Anda kodia chi haliarenas makar pende iek fialo pala Isus. 44. Unii manghenas te len Les, numa khonik ci thode o vas pe Leste. 45. Le jandarii ghele palpale ka le bare raa ai le Fariseii; ai phende lenghe: "Sostar tume ci andian Les?" 46. Le jandarii phende lenghe: "Ci iek manu ci dia duma sar Kado manu!" 47. Le Fariseii phule len: "Vi tume aardian pala Leste? 48. Pate si vari kon andal le bare kai poronchin, vai iek andal Fariseii kai pachianpe ande Leste? 49. Numa kodo norodo kai ci janen o zakono o Moisesko, si armandine." 50. O Nicodim sas iek baro makar lende; vo ghelosas mai anglal te dikhel O Isus, phendia lenghe:

51. "Amaro zakono ci kerel kris po manu mai anglal sar te aunas les, ai te janas so kerdia." 52. Von phende leske: "Vi tu san anda Galilea? Sichos o ramomos le Devlesko ai dikhesa, ke ci iek profeto avel anda Galilea. 53. Atunci svako ghelo peske khere. Ioan 8 1. O Isus ghelo po Plai le Maslinengo. 2. De diminia pale avilo ande Templo, ai sa le manu paile paa Leste, ai Vo belo tele, ai sichardia len. 3. Ai le crturaria ai le fariseii andine Leste iek juvli kai line sar kerelas kurvia; ai thode la angla le manuen. 4. Phende Leske: "Gazda, kadia juvli liam la sar kerelas kurvia. 5. Ando amaro zakono, o Moise dia ame ordina te mudaras bahensa kadalatar juvli. Numa so phenes Tu?" 6. Von phende kadia te zumaven Les, kate te astaren Les andek do. Numa O Isus bandilo, ai ramolas le naiesa pe phuv, sar ci aundia len. 7. Sar mai manghenas te puen Les, utilo opre, ai phenel lenghe: "Savo anda

tumende kai ci kerdia ohar bezh, vo sai udel o pervo bah pe late!
8. Ai pale bandilo, ai ramolas pe phuv. 9. Kana aunde so phendia, iek po iek gheletar, de katar o mai phuro ai ji kai savorhe gheletar; ai O Isus ailo korkorho la juvliasa kai beelas angla Leste. 10. Kana O Isus utilo, ai ci dikhlia khonik numa e juvli, Vo phendia lake: "Juvlio, kai

chio kristatoria kai doarenas tu? Ci iek ci dia tu kris?"

11. Voi phendia Leske: "Ci iek, Gazda!" ai O Isus phenel lake: "Ci Me ci dav tu pe kris!

Ja, ai na mai ker bezeh!"

12. O Isus mai phendia lenghe, ai phenelas: "Me sim e lumina la lumiaki. Kodo kai

lelape pala Mande avela les e lumina le traioski ai ci phirela ohar ando tuniariko!"

13. Le fariseii phende Leske: "Akana Tu keres tu marturo anda Tute; so phenes nai vorta." 14. O Isus phendia lenghe: "Mkar ke Me dav duma pa Mande, so phenav si

ciacimos, ke Me janav katar avilem, ai kai jav! Numa tume ci janen katar avav ai kai jav!
15. Tumare kris si manueske; Me ci kerav kris pe khanikaste! 16. Ai te dava kris, Murhi kris si ciacila, ke ci sim korkorho, numa O Dad tradia Ma,

Mansa lo!
17. Ai ramome ande tumaro zakono, ke kana dui jene phenen iek fielo, so phenen si

ciacimos!
18. Me phenav pa Mande, ai vi O Dad kai tradia Ma phenel pa Mande!" 19. "Kai chio Dad?" phuen Les. O Isus phendia lenghe: "Tume ci janen Man vai

Murhe Dades. Te janenas Man, tume janglianas vi Murhe Dades!"

20. O Isus phendia sa kodala vorbi, kana sichardia ande Templo, po than kai thon le love. Ai khonik ci thode vas pe Leste, ke Lesko ceaso ci avilosas nker. 21. O Isus mai phendia lenge: "Javtar, ai tume roden Man, numa tume merena ande

tumare bezeh; tume natin te aven kai Me jav!"

22. Le jidovuria phende: "Jala vo te mudarelpe? Ke phenel: "Ke nati aven kai Me

jav!"
23. Ai O Isus phendia lenghe: "Tume avilian kathar telal, ai Me avilem kathar opral.

Tume san kadala lumiake; numa Me ci sim andai kadia lumia.

24. Sa anda kodia phendem tumenge, ke merena ande tumare bezeh. Ai tume

merena ande tumare bezeh te na pachiana tume. 'Kon sim Me!'"

25. Phendia Leske: "Kon san Tu?" Ai O Isus phendia lenghe: "Sar phendem

tumenghe ando gor.

26. But dieli si Ma te phenav pa tumende, ai te kerav kris pa tumende. Numa Kodo kai

tradia Ma si ciacio, ai phenav la lumiake ferdi so aundem Lestar!"

27. Von ci haliarde ke delas duma pa Dad. 28. Atunci O Isus phendia lenghe: "Kana vazden le aves le Manuesko, atunci

janena "Kon sim me!" ai ke ci kerav kanci Mandar, numa dav duma ferdi so O Dad sichardia Ma.
29. Ai Kodo kai tradia Ma Mansa lo, ai O Dad ci meklia Ma korkorho; ke Me kerav so

godi si Leske drago.

30. Sar dia duma kadala vorbi but pachiaipe ande Leste. 31. Atunci O Isus phendia le jidovongo kai pachiaipe ande Leste: "Te kerena so godi

phenel Murhi vorba, tume san ciace Murhe ucenicii!

32. Ai tume janena o ciacimos, ai o ciacimos skpisarela tumen!" 33. Von phende Leske: "Ame sam anda e via le Avraamoski, ai ame ci samas ohar sluji. Sar phenes Tu: "Tume skpime?" 34. O Isus phendia lenghe: "Phenav tumenghe o ciacimos, svako manu kai kerel o

bezh si iek sluga le bezehski.

35. Ai e sluga ci beel ando kher sagda, numa o av beel kothe sa data. 36. Te skepil tu O av, atunci ciaces avena skpime! 37. Janav ke tume aven anda e via katar o Avraam; numa tume roden te mudaren

Man, ke Murhi vorba nai ande tumare ile.

38. Me phenav so sikadia manghe Murho Dad; ai tume keren so phendia tumenghe

tumaro dad."
39. Von phenen Leske: "Amaro dad si o Avraam." O Isus phendia lenghe: "Te

avilianas ciaces ave le Avraamoske, tume kerdianas sa kodola buchia kai kerdia o Avraam.
40. Numa akana roden te mudaren Ma, iek manu kai phendia tumenghe o ciacimos,

kai aundem katar O Del. O Avraam ci kerdia saikfialo!

41. Tume keren sar kerdia tumaro dad." Von phende Leske: "Ci sam ame ave avereske anda kurvia, si ame ferdi iek Dad, O Del."

42. O Isus phendia lenghe: "Te avilino ciaces O Del tumaro Dad, tumenghe drago

manghe, ke avilem katar O Del ai akana kathe sim, ci avilem anda Mande, numa Vo tradia Man!
43. Sostar ci haliaren so Me phenav tumenghe? Ke natin te aunen so phenel Murhi

vorba.
44. Tume san ave chio dadesko o beng, ai manghen te keren so manghel tumaro

dad. Vo sas iek mudardari de ando anglal, ai ci belo ohar ando ciacimos ke nai ciacimos ande leste. Kana vo del duma iek hohaimos, vo del duma peske
avenge, ke vo si hohamno, ai o dad le hohaimasko. 45. Ai ke phenav tumenghe o ciacimos, ci pachian Man. Kon anda tumende sai

phenel ke kerdem bezh?

46. Te phenav o ciacimos, sostar tume ci pachian Man? 47. Kon si le Devlesko aunel le vorbi le Devleske. Numa tume ci san le Devleske ave, anda kodia tume ci aunen!" 48. Le jidovuria phende Leske, phenenas: "Ci phenas vorta kana phendiam ke Tu san iek samaritano, ai si Tu iek beng ande Tute?" 49. "Nai ma beng," O Isus mai phendia: "Numa luvudiv Murhe Dades, ai tume ci

luvudin Man.
50. Me ci rodav luvudimos Manghe, numa si Iek kai rodel les ai krisinil. 51. Ciaces, ciaces, phenav tumenghe, savo kai kerela so phenel Murhi vorba, ci

dikhela o merimos!"
52. Le jidovuria phende Leske: "Akana ame janas ke si Tu iek beng ande Tute. O Avraam mulo, ai le profeturia mule, ai Tu phenes:Savo kai kerel so phenel Murhi

vorba, ci dikhela o merimos!

53. Amaro dad o Avraam mulo; sai aves Tu mai baro sar o Avraam? Ai le profeturia vi von mule. Kon gndis ke Tu san?" 54. O Isus phendia: "Te luvudiv Man, Murho luvudimos nai kanci; si Murho Dad kai

luvudil Man, tume phenen ke si tumaro Del,

55. ai tume ci janen Les, numa Me janav Les. Te phendemas ke ci janav Les,

avilemas iek fialo sar tumende, iek hohamno. Numa janav Les, ai kerav so phenel Leske vorba.
56. Tumaro dad o Avraam raduisailo mai anglal te dikhel Murho dies; ai vo dikhlia les,

raduisailo!"
57. Le jidovuria phende Leske: "Ci san Tu panvarde berengo nker, ai phenes ke dikhlian le Avraamos?" 58. O Isus phendia lenghe:"Ciaces, ciaces, phenav tumenghe ke mai anglal sar te

arakhadilo o Avraam, Me simas!"

59. Pe kodia line bah te uden pe Leste, numa O Isus garadilo ai anklisto avri anda e Templo. Ioan 9 1. Sar O Isus nakhelas, Vo dikhlia iekes manu kai arakhadilo korho. 2. Leske ucenicii phule Les: "Gazda, sostar arakhadiol korho? Kon kerdia bezeh, kado manu vai leske dades vai leska da? 3. O Isus phendia lenghe: "Nai vo ai ci leske dades ai ci leska da kai kerde bezeh,

numa vo si korho kate te dichiol e putieria le Devleski pe leste.

4. Trobul te kerav e buchi Kodaleske kai tradia Man ji kai o dies; e riat avela, kana

khonik nati kerela buchi.

5. Ji kai sim ande e lumia, Me sim e lumina la lumiaki!" 6. Kana phendia kadala vorbi, O Isus ciungardia tele pe phuv, ai kerdia chik peske ciungaresa; porme thodia kodia chik pel iakha le korheske, 7. ai phendia leske: "Ja, te halav tu ando pai kai buol Siloam." (anav kai buol, Tradino). O korho manu gelo, ai haladiape, ai avilo palpale ai dikhelas. 8. Le manu kai sas paa leste ai kodola kai janenas les sar iek korhoveo, phenenas: "Nai kado kai beelas tele ai kai manghelas?" 9. Unii phenen: "Vo si," numa aver phenenas: "Vo miazolpe leste." Numa vo

phendia: "Me sim!" 10. Von phenen leske: "Sarta chire iakha phuterdile?" 11. Vo phendia lenghe: "O manu kai akharen les O Isus kerdia chira chik, ai thodia la pe murhe iakha, ai phendia manghe: Ja ka pai kai buolas Siloam, ai halav tu! Ai ghelem, ai haladem ma, ai dikhlem! 12. Atunci phende leske: "Kai Kodo manu?" Vo phendia: "Ci janav." 13. ngerde karing le Fariseii kodales kai sas korho. 14. Kana O Isus kerdia e chik ai phuterdia leske iakha sas o dies Sabato. 15. Sa anda kodia le Fariseii phule le korhes: "Sar premisardian chio dikhimos?" Ai vo phendia lenghe: "Thodia chik pe murhe iakha, haladem ma, ai akana dikhav." 16. Unii andal le Farisei phende: "Kado manu ci avel katar O Del, ke ci kerel o zakono kai si Sabato." Aver phenen: "Sar iek manu bezeh lo sai kerel kasave minunia?" Anda kodia chi haliarenas makar pende iek fialo. 17. Mai iek data le fariseii phuen le korhes kai sastilo: "So phenes tu pa Leste, kai phuterdia chire iakha?" Vo phendia lenghe: "Vo si iek profeto!" 18. Le jidovuria ci pachianaspe ke vo sas korho, ai ke akana dikhel, ji kai andine leske dades ai leska da. 19. Ai phule lendar, phenen: "Kako si tumaro av, kai phenen ke arakhadilo korho? Sar vo dikhel akana?" 20. Leske dad ai dei phende: "Ame janas ke si amaro av, ai janas ke arakhadilo korho. 21. Numa ci janas so sai dikhel akana, ai ci janas kon phuterdia leske iakha. Phuen lestar, si peske berengo, vo sai del atveto." 22. Lesko dad ai dei denas duma kadia ke daranas katar le jidovuria; ke le jidovuria dinepe duma makar pende, ke te mothona avri kon ke O Isus si O Hristos, den les avri anda e Templo. 23. Sa anda kodia leske dad ai dei phende: "Si peske berengo, phuen lestar!"

24. Le Fariseii akharen pe duito data le manues kai sas korho, ai phende leske: "Phen o ciacimos angla Del! Ame janas ke Kodo manu si bezehalo." 25. Vo phendia lenghe: "Me ci janav te si iek bezehalo vai nai, numa janav iek diela, ke simas korho, ai akana dikhav!" 26. Ai mai phule les: "So kerdia tuke? Sar kerdia te phutrel che iakha?" 27. Phendia lenghe: "Phendem tumenghe iek data, ai ci aundian mande. Sostar mai manghen te aunen? Vi tume manghen te aven Leske ucenicii?" 28. Akule les, ai phende leske: "Tu san Leske ucenico; ame sam le ucenicii le Moiseske. 29. Ame janas ke O Del dia duma le Moisesa; numa Kado, ci janas katar lo!" 30. O manu phendia lenghe: "odo diela si! Ke ci janen katar lo, numa Vo phuterdia murhe iakha! 31. Ame janas ke O Del ci aunel le bezehalen; numa aunel le manues kai chetil Les ai kerel Leski voia! 32. De anda anglal la lumiake ohar ci aundian ke vari kon phuterdia le iakha le korheske kana arakhadilo korho. 33. Kodo manu te na avilino katar O Del, nati sardino te kerel kanci!" 34. Ai von phende leske: "Tu arakhadilian ntrego ando bezh, ai manghes te sichares amen?" Ai dine les avri anda Templo. 35. O Isus aundia ke dine les avri, ai kana arakhlia les, phendia leske: "Pachias tu

ando av le Manuesko?"
36. Vo phendia ka Isus: "Phen manghe, savo si, Gazda? Kaste te sai pachiav ma ande Leste!" 37. O Isus phendia leske: "Dikhes Les, Vo si kai del duma tusa akana!" 38. Phendia Leske: "Gazda, pachiav ma!" ai dia chianga angla Leste. 39. Porme O Isus phendia: "Avilem ande kadia lumia te kerav e kris, kaste le korhe te

sai dikhen, ai kodala kai dikhen te aven korhe!

40. Unii andal Farisei kai sas Lesa, aunde kodala vorbi, ai phende Leske: "Vi ame, sam korhe?" 41. O Isus phendia lenghe: "Te avilianas korhe, nas te aven doale; numa akana

tume phenen: Ame dikhas, sa anda kodia tumare bezeh aen!

Ioan 10 1. "Ciaces, ciaces, phenav tumenge, kodo kai ci del pa vudar ande arko le

bakriangi, numa kai anklel pa kaver rig, si iek cior ai nasul manu.
2. Numa kodo kai avel pa vudar si o pstoro le bakriango. 3. Phutren o vudar angla leste, ai le bakria aunen lesko glaso, ai akharel leske

bakrorhen pa anaveste, ai ngherel le avri.

4. Kana ankaladia avri sa peske bakrorhan, phirel angla lende, ai le bakriorha jan

pala leste, ke prinjaren lesko glaso.

5. Ci jana pala iek strino, numa naena dur lestar, ke ci prinjarena o glaso le

strinosko."
6. O Isus phendia lenghe kadia paramici, numa ci haliarde pa soste delas duma. 7. O Isus mai phendia lenghe: "Ciaces, ciaces, phenav tumenghe, Me sim o vudar le

bakriango!
8. Sa le kaver kai avile mai anglal Mandar si cior ai nasul manu, numa le bakrorha

ci aunde lenghe.
9. Me sim o vudar! Te olape varekon pa Mande avela skpime; jal andre, ai jal avri

ai arakhela ciar lai!

10. O cior ci avel numa te ciorel, te mudarel, ai te pharhavel. Me avilem te avel le

bakrorha o traio, ai te avel len but traio ando mitimos!

11. Me sim o lao Pstoro. O lao pstoro del pesko traio pala peske bakriorha. 12. O buchari (o manu pocindo) kai nai o pstoro, ai nai leske le bakriorha, nael

kana dikhel ke avel o ruv, ai o ruv lel len ai rsipil len.

13. Vo nael ke si o buchari kai si pocindo, ai ci lel sama andal bakriorha.

14. Me sim o lao Pstoro! Me janav Murhe bakrorhan, ai von janen Man! 15. Sar O Dad janel Man, ai Me janav le Dades! Me janav Murhe bakriorhan ai von

janen Man; ai Me dav Murho traio pala Murhe bakriorha!

16. Mai si ma aver bakriorha, kai nai ande kadia arko; trobul te anav vi len, te

phiravav len te aunen Murho glaso; ai avena iek cioporo bakriorha, ai iek pstorosa!
17. O Dad drago Manghe ke Me dav Murho traio, te lav les aver data palpale! 18. Khonik ci lel Murho traio Mandar, numa dav les Me Mandar! Si Ma e puteria te dav

les, ai si Ma e puteria te lav les palpale! Kadia si o zakono kai dia Ma O Dad!"
19. Anda kodia le jidovuria ci haliarenas makar pende pala kadala vorbi, ke ci pachian iek fielo. 20. But anda lende phenenas: Si le iek beng ande Leste! Dhilo lo! Sostar aunen Leste?" 21. Numa aver phenenas: "Iek manu kai si les beng ande leste nati del duma kadia! Sar sai iek beng phutrel le iakha le korhenghe?" 22. E vriamia avili te keren Hanukah, o dies o baro le jidovongo ande Ierusalim; sas ivend. 23. Ai O Isus phiravelaspe ande Templo ando koridori le Solomonosko. 24. Le jidovuria thodepe kolo Lestar, ai phende Leske: "Sode vriamia ji kana Tu manghes amen te janas? Phenes amenghe o ciacimos, san Tu O Hristos?" 25. O Isus phendia lenghe: "Mai phendem tumenghe, numa ci pachian Ma. Le buchia

kai kerav ando o Anav Murho Dadesko, sikaven pa Mande!

26. Numa tume ci pachian, ke tume ci san anda Murhe bakria, sar phendem

tumenghe.
27. Murhe bakria aunen Murho glaso, ai Me janav le, ai aven pala Mande! 28. Ai dav le o traio le rhaiosko; ai ci hasavona ohar, ai khonik ci lena le anda Murho

vas!

29. Murho Dad kai dia le Manghe, Vo si mai baro lo savorhendar; ai khonik nati lel le

anda vas Murhe Dadesko!

30. Me ai O Dad sam iek! 31. Atunci le jidovuria mai line bah te uden pe Leste. 32. O Isus phendia lenghe: "Sikadem tumene but lashe buchia kai avile katar Murho

Dad; anda savi buchi tume manghen te uden bah pe Mande?"

33. Le jidovuria phenenas: "Nai anda iek lai buchi ke mangas te udas bah pe Tute, numa ke rimos le Devles, ai Tu san iek manu ai keres anda Tute Del!" 34. O Isus phendia lenghe: "Si ramome ande tumaro zakono: Me phendem: 'Tume

san dela?'
35. Ai ame janas ke e vorba le Devleski si ciaci sa data ai natil te thol la rigate; ai O

Del akhardia le dela, kodolenghe kai O Del dia peske vorba.

36. Ai Man, O Dad alosardia Ma ai tradia Ma ande lumia! Sar, atunci, sai phenen: Tu

tromas te les o than le Devlesko, ke phendem: "Me sim O av le Devlesko?

37. Ci pachian Ma, atunci, te na kerava le buchia Murhe Dadeske. 38. Numa te kerava le, mkar tume ci pachian Ma, pachian Ma pala Murhe buchia kai

kerav, kaste te sai janen, ai pachian, ke O Dad si ande Mande, ai Me sim ando Dad!"
39. Pe kadia mai zumade te len Les; numa skpisailo anda lenghe vas. 40. O Isus mai gelo nchial o Iordan kothe kai o Ioano mai anglal ambolelas, ai belo kothe. 41. But jene avile Leste ai phende: "O Ioano ci kerdia ci iek minunea, numa so godi o Ioano phendia pa Kado manu sas ciacio!" 42. Ai but pachiaipe ande Leste kothe.

Ioan 11

1. Ek manu kai buolas Lazr nasvalosas. Belo ande foro kai buolas Betania leske pheiasa, e Maria ai e Marta. 2. Kodia Maria sas kai thodia pel punrhe le Devleske e duhi, ai koslia Leske punrhe peske balensa, ai lako phral o Lazr nasvalo sas. 3. Le dui pheia trade ieke manues te phenen k Isus: "Devla, kodo kai si Tuke drago si nasvalo." 4. Kana O Isus aundia kodia, phendia: "Kodo nasvalimos le Lazrosko nai

merimasko, numa te anel o luvudimos ka Del, ai vi O av le Devlesko avela luvudime!"

5. O Isus drago sas Leske e Marta, ai laki phei e Maria, ai o Lazr. 6. Kana O Isus aundia ke o Lazr nasvalo sas, mai belo dui dies ando than kai sas. 7. Pala kodia phendia Peske ucenicii: "Aven palpale ande Iudea." 8. Leske ucenicii phende Leske: "Gazda, de hani vremia palpale le jidovuria manghenas te uden bah pe Tute, ai Tu manghes te jas palpale kothe?" 9. O Isus phendia lenghe: "Nai deu dui ciasuria ando iek dies? Te si vari kon

kai phirel adiese, ci perel, ke dikhel e lumina la lumiaki.

10. Numa te si vari kon kai phirela e riate, perel, ke nai les lumina ande leste. 11. Pala kodola vorbi, phendia lenghe: "O Lazr, amaro vortako sovel; numa jav

te vutiavav les."
12. Atunci Leske ucenicii phende: "Gazda, te sovela, sastiola." 13. Numa O Isus dia duma pa lesko merimos; numa von gndinas ke Vo dia duma pa sovimos sar kana sovel. 14. Atunci, O Isus phendia lenghe: "O Lazr mulo. 15. Ai pala tumende raduime sim ke ci simas lesa, ke kadia si te pachian tume;

aven leste akana!"

16. O Toma phendia, kai sas akhardo Geamno (Didimus), phendia le avre

ucenicii: "Aven vi ame te meras Lesa!" 17. Kana O Isus areslo, aundia ke o Lazr sas de tar dies ando grepoevo. 18. Ai sar o Betania nai dur katar o Ierusalim, pae 15 stadia (trin kilometuria). 19. But jidovuria avile te dikhen e Marta, ai Maria, ke nekjime kai mulo lengo phral. 20. Kana e Marta aundia ke O Isus avelas, gheli karing Leste, numa e Maria beli tele ando kher. 21. E Marta phendia ka Isus: "Gazda, te avilianas kathe, murho phral nas te avel mulo! 22. Numa vi akana janav, ke so godi manghes katar O Del, O Del del les Tuke!" 23. O Isus phendia lake: "Chio phral juvindila!" 24. E Marta phendia: "Janav ke vo juvindila kana savorhe vutena paluno dies! 25. O Isus phendia lake: "Me sim o Juvindimos ai o Traio! Kon pachialape ande

Mande, traiila, mkar te merela!

26. Ai kon godi traiil ai pachialape ande Mande ohar ci merela! Pachias tu

kadia?"
27. Voi phenel Leske: "E, Gazda, pachiav ma ke Tu san O Hristos, O av le Devlesko, kai trobulas te avel ande lumia! 28. Kana phendia kadia, Marta ghelitar te akharel ciorial pesk pheia e Maria, phenelas: "O Gazda kathe lo ai akharel tu!" 29. Kana e Maria aundia kadala vorbi, strazo vutili, ai gheli karing Leste. 30. Ke O Isus ci areslo sas ando gav nker, numa kothe sas kai e Marta arakhlia Les. 31. Le jidovuria kai sas ando kher la Mariasa te pochin la, dikhle ke strazo vutili ai gheli avri, ghele pala late, phenenas: "Voi jal ka grepoevo te rovel!" 32. Kana e Maria aresli kai sas O Isus, ai dikhlia Les, peli ka Leske punrhe, ai phenel Leske: "Gazda, te avilianas kathe, murho phral nas te merel!"

33. O Isus dikhlia ke rovel, voi ai vi le jidovuria kai avile lasa, nekjisailo ando Pesko duho, ai sas Leske mila. 34. Ai Vo phulia len: "Kai groposardian les?" Von phende Leske: "Gazda, aidi ai dikh." 35. O Isus ruiia. 36. Pe kodia le jidovuria phende: "Dikhen sar sas leske drago!" 37. Ai unii anda lende phende: "Vo kai phuterdia le iakha le korheske, nati kerdia vi kado manu te na merel?" 38. Mai iek data O Isus necjisailo ande Peste, ai ghelo ka grepoevo. Sas iek podruma, ai ek bah thodino anglal. 39. O Isus phendia lenghe: "Len o bah!" E Marta, e phei le muleski, phendia Leske: "Gazda, vunje khandel; ke de tar dies kathe lo!" 40. O Isus phendia lake: "Ci phendem tuke, ke te pachiasa tu, dikhesa o

barimos le Devlesko?"
41. Line o bah, ai O Isus vazdia le iakha opre, ai phendia: "Murho Dad, naisiv

Tuke ke kerdian so mangav.

42. Me janav ke Tu aunes Ma sagda; numa dem duma pala o norodo kathe,

kaste te pachianpe ke Tu tradian Ma!"

43. Kana phendia kodia, ipisardia ieke glaso zurales: "Lazr, ankli avri!" 44. Ai o mulo anklisto, le vas ai le punrhe phangle andel le derzi, ai lesko mui phanglo pohtan parno. O Isus phendia lenghe: "Phutren les, ai meken les te

jal!"
45. But andel le jidovuria avile karing e Maria ai dikhle so kerdia O Isus, ai pachiaiepe ande Leste. 46. Numa unii anda lende ghele kal le fariseii, ai phende lenghe so kerdia O Isus. 47. Atunci le fariseii ai le bare raa chidinisaile andek than, ai phende: "So te

keras? Ke Kado manu kerel but minunia! 48. Te mekasa Les te kerel, savorhe pachianpe ande Leste, ai le Romanuria avena ai pharhaven amari Templo ai amaro them!" 49. Iek anda lende, kai buolas Caiafa, kai sas o baro raai kodo ber, phendia lenghe: "Tume ci janen kanci! 50. Tume ci haliaren ke mai mito tumenghe te avel iek manu te merel pala sa o norodo, de sar pala sa o them te avela pharhado?" 51. Vo ci phendia kodia anda peste, numa sar sas o baro raai kodo ber, profesisardia ke O Isus trobul te merel pala o them le jidovongo. 52. Ai na numa pala kado them, numa vi te chiden ande iek stato sa le ave le Devleske kai si pe svako rig. 53. De katar kodo dies, phenenas makar pende sar te mudaren Les. 54. Sa anda kodia O Isus ci mai phiravelas anglal le jidovuria, numa ghelotar karing iek rik kai si e pustia, ande iek gav kai buolas Efraim, kai belo Peske ucenicii. 55. Ai O dies o baro le jidovongo (Paska) paiol; ai but manu andai them avenas ando o Ierusalem mai anglal sar o dies o baro Paska, te vujarenpe anda penghe bezeha. 56. Von rodenas le Isusos, kana chidenape ande Templo, ai phenenas iek kavreske: "So gndin? Ci avela po dies o baro?" 57. Le bare raa ai le fariseii dine iek ordina: "Ke te si vari kon kai janena kai lo O Isus, trobul te phenel les, ke trobul te astarel Les." Ioan 12 1. ov dies mai anglal o dies Paska, O Isus areslo ande Betania, kai belo o Lazr, kai O Isus juvindisardia les anda le mule. 2. Kothe dine Les te han; e Marta podailas Les; numa Lazr sas iek anda kodala kai sas Lesa ka e skafidi.

3. E Maria lia dopa litre pherdi duhi kai si kuci, thodia la pe le punrhe le Isusoske, ai voi koslia Leske punrhe peska balensa. Ai sa o kher pherdilo sunga katar e duhi. 4. Iek anda Leske ucenicii, o Iuda Iscarioto kodo kai trobul te purhil Les, phendia: 5. "Sostar ci bichindian kadia duhi trin ela teliara, ai le love dine kal ciorhe?" 6. Vo phendia kadia lenghe, na ke sas leske mila anda le ciorhe, numa ke sas cior, ai sas les o gono, ai lelas so sas andre ando gono. 7. Numa O Isus phendia lenghe:"Mek la! Voi garadiasas kadia duhi pala e

vremia kana groposarena Ma.

8. Ke le ciorhe sagda avena tumena, numa Me ci avava tumena sagda." 9. But norodo anda le jidovuria aunde ke O Isus sas ande Betania, ai avenas na ferdi pala O Isus, numa vi te dikhen o Lazr, kai O Isus juvindisailo anda le mule. 10. Le bare raa dine pe duma te mudaren vi le Lazros, 11. ke but jidovuria gheletar lendar pala leste, ai pachianaspe ando Isus. 12. Terharin but norodo avile ka o dies o baro le Paska, kana aunde ke O Isus jal ando Ierusalim. 13. Line patria katar le krenji, ai ghele angla Leste, ai ipinas: "Hosana! Raduime O mparato le Jidovongo kai avel ando anav le Devlesko!" 14. O Isus arakhlia iek mgarii ai belo pe leste, sar sas ramome: 15. "Na dara, tu foro anda Sion! Dikh! Chio mparato avel, beel pe iek terno mgarii!" 16. Leske ucenicii ci haliarde mai anglal kadala dieli; numa kana O Isus lia pesko barimos, denas pe goji ke sas ramome pa Leste, ai kerdilo sa so trobul te kerdiol. 17. Sa kodala kai sas Lesa kana akhardia o Lazr anda o grepoevo, ai

vutiardia les anda le mule, phende so dikhle ai so kerdia. 18. Ai o norodo avel angla Leste, ke aunde ke kerdia kodo minunea. 19. Le fariseii phenenas iek kavreske: "Tume dikhen, ke ci nirin kanci! Dikh! Sa e lumia gheli pala Leste!" 20. Unii grekuria anda kodala kai ghele ando Ierusalim te rhugin po dies o baro le jidovongo, 21. von avile ka Filip, vo sas anda Betsaida ande Galilea, ai phende: "Raia, ame mangas te dikhas O Isus!" 22. O Filip ghelo ai phendia o Andrei, atunci o Andrei ai o Filip ghele ai phende ka O Isus. 23. O Isus phendia lenghe: "O ciaso avilo kai O av le Manuesko trobul te

luvudinles.
24. Ciaces, ciaces phenav tumenge, te na merela e smna kai peli ande e

phuv ael korkorho; numa te merela, dela but fruti.

25. Savo kai si leske drago kado traio hasarela les; ai kodo kai greol kado traio

ande kadia lumia garavel les te jal ando traio le rhaiosko.

26. Te si vari kon kai podail Ma, mek te lelpe pala Mande; ai kothe kai avava

Me, kothe avela vi Murhi sluga; kodo kai podaila Ma, Murho Dad luvudila les.
27. Akana Murho duho si buntuime. Ai so sai phenav? Murho Dad, le Ma anda

kado ciaso? Numa pala kodia avilem ji ka kado ciaso.

28. "Murho Dad, luvudisar Chiro anav!" Ai iek glaso dia duma anda o rhaio, phenelas: "Bariardem Les, ai mai luvudiva Les!" 29. O norodo kai sas kothe, aunde o glaso, ai unii phenenas: "Iek rhonjito si!" Aver phenenas: "Iek ngero dia Lesa duma!" 30. Numa O Isus phendia lenghe:"Na ke pala Mande kado glaso aundilo, numa

pala tumende.
31. Akana avili e kris la lumiaki; akana o beng kai si ande lumia avela udino

avri.
32. Ai Me, kana avava vazdino opre katar e phuv, rdava sa le manuen

Mande!"
33. Sar del duma kadia, sikavelas lenghe sar si te merel. 34. Le manu phende Leske: "Aundian andai klika le zakonoske ke O Hristos beela sa data." Sar sai phenes: "O av le Manuesko trobul te avel vazdino? Kon si kodo av le Manuesko?" 35. O Isus phendia lenghe:"E lumina si tumena mai hani vremia. Phiren ji kai si

tumen e lumina, kate te na avela o tuniariko pe tumende, ke kodo kai phirel ando tuniariko ci janel kai jal.
36. Ji kai si tume e lumina, pachian tume ande lumina, kate te aven ave la

luminake." O Isus phendia kadala dieli, ghelotar, ai garadilo dur lendar.

37. Mkar ke kerdia but minunia angla lende, ci pachianaspe ande Leste, 38. eta, te pherdiol e vorba le profetoski o Isaia, kai phendiasas: "Devla, kon pachiaiape ande so phendem? Ai kaske O Hristos sikadia peski putieria?" 39. Anda kodia von nati pachianaspe, ke o Isaia mai phendia: 40. "Korhandia lenghe iakha, ai zulardia lenghe ilo; te na dikhen penghe iakhensa, ai te na haliaren penghe ilesa, ai ci aven Mande te aven skpime, ai te na sastiarav le." 41. Isaia phendia kadala dieli, kana dikhlia Lesko barimos, ai dia duma pa Leste. 42. Numa vi anda le bare le jidovongo pachiaiepe ande Leste; numa angla le fariseii, ci sikavenas ke pachianpe, daratar ke den len avri anda e sinagoga. 43. Ke mai drago lenghe o chetaimos le manuenge de sar o luvudimos katar O Del. 44. O Isus dia duma ando baro glaso: "Kodo kai pachial ande Mande, pachialpe

na ande Mande ferdi, numa ande Kodo kai tradia Ma!

45. Ai kodo dikhel Ma, dikhel Kodales kai tradia Ma!

46. Avilem ande lumia sar iek lumina, kate kon godi pachialape ande Mande te

na beel ando tuniariko.

47. Te si vari kon kai aunel Murhe vorbi, numa ci pachail le, ci krisiniv les, ke

Me ci avilem te krisiniv e lumia, numa te skpiv la lumia!

48. Kodo kai udel Ma, ai kai ci premil Murhe vorbi si les iek kai krisinila les. E

vorba kai phendem, voi dela les pe kris po paluno dies!

49. Ke ci den duma anda Mande; numa O Dad kai tradia Ma, phendia Manghe

so trobul te phenav.
50. Ai janav ke anda Leske vorbi si o traio le rhaiosko. Sa anda kodia le dieli kai

phenav, phenav le sar O Dad phendia le Manghe!"

Ioan 13 1. Akana sa o dies mai anglal o dies Paska, O Isus janelas ke Lesko ciaso avilo te mukhel kadia lumia ai te jal kai Dad. De zurales sas Leske drago Leske manu kai sas ande kadia lumia, ai sas Leske drago Leske manu ando gor. 2. O Isus ai Leske ucenicii hanas, o beng vunje thodiasas ando ilo le Judasosko Iscarioto, o av le Simonosko, te purhil Les, 3. O Isus janelas ke O Dad diasas svako diela ande Leske vas, ke avilo katar O Del, ai jalatar ka Del, 4. O Isus vutilo katar e skafidi, ai udia peske alia pa peste, ai lia iek pitiri ai phandiolas pe lasa. 5. Pala kadia ordia pai ande iek balai, ai thodiape te halavel le punrhe le ucenicii, ai te kosel le la pitiriasa kai phandiolas pe lasa. 6. Ai avilo ka Simon Petru, ai o Petru phendia Leske: "Devla, Tu halaves murhe punrhe?" 7. O Isus phendia leske: "So Me kerav ci haliares akana, numa haliaresa mai

angle!"

8. O Petru phendia Leske: "Na ci iek data ci halavesa murhe punrhe!" O Isus phendia leske: "Te na halavav chio punrhe tu ci mai avesa Murho ucenico." 9. O Simon Petru phendia Leske: "Devla, na ferdi murhe punrhe! Numa vi murhe vas ai vi murho ero!" 10. O Isus phendia leske: "Kodo kai si halado mai trobul ferdi te halavel peske

punrhe, te avel ntrego vujo; ai tume vuje, numa na savorhe."

11. Ke janelas savo si te purhila Les, sa anda kodia phendia: "Ci san savorhe

vuje!"
12. Pala kadia kana haladia lenghe punrhe, ai lia pe peste peske alia thodiape kai skafidi, ai phendia lenghe:"Haliardian so Me kerdem tumenghe? 13. Tume akharen Ma o Gazda ai Devla; ai vorta phenen; ke sim. 14. Te haladem tumare punrhe, tumaro Devla ai tumaro Gazda vi tume trobul te

halaven tumare punrhe iek kavreske.

15. Ke sikadem tumenghe sar te keren, kaste te keren sar Me kerdem

tumenghe.
16. Ciacimasa, ciacimasa, phenav tumenghe, e sluga nai mai bari sar pesko

Gazda; ci o manu kai si tradino nai mai baro katar kodo kai tradia les.
17. Te janena kadala dieli, tume san raduime ferdi te thona tume te keren le! 18. Ci phenav, ke dav duma pa savorhende; janav save alosardem; numa trobul

o ramomos te kerdiol, so phenel: Kodo kai hal manrho Mana vazdia peske kur pe Mande!
19. Akana phenav tumenghe mai anglal sar te kerdiol, kate kana kerdiola, tume

sai pachian ke Me sim Vo.

20. Ciacimasa, ciacimasa, phenav tumenghe, kodo kai premila kodoles kai Me

tradem, premil Man; ai kodo kai premil Man, premil Kodoles kai tradia Man."
21. Kana O Isus phendia kadia, sas buntuime ande Pesko duho, ai phendia:

"Magdata, ciacimasa, ciacimasa phenav tumenghe, iek anda tumende

purhila Ma!'"
22. Le ucenicii dikhenas pe iek kavreste, ci janenas pa kaste del duma. 23. Iek anda Leske ucenicii, kodo kai O Isus sas Leske drago, beelas paa Isus. 24. O Simon Petru kerel leske semno, te phuel savo si kado kai O Isus phenel pa leste. 25. Ai kodia ucenico bandilo po kolin le Isusosko, ai phendia Leske: "Gazda, kon si kodo?" 26. O Isus phendia leske: "Kodo si kai dava les o kotor manrho pala te thav les

ando tiari." Atunci thodia o manrho ando tiari, ai dia les ka Iuda Iscarioto, o
av le Simonosko. 27. Ai sar o kotor manrho sas dino o beng dia ande o Iuda. O Isus phendia leske:"So si tu te keres, keres les sigo!" 28. Numa ci iek anda kodola kai sas kai skafidi ci haliarde sostar phenelas Leske kadia. 29. Ke unii anda lende gndinas, ke o Iuda sas leste gonorho le lovenghe, ai O Isus phendia leske: "Chin amenge so trobul ame kana avela o dies o baro le jidovongo vai te del vari so le ciorhenghe. 30. O Iuda lia o kotor manrho, ai grebisailo te anklel avri; ai vunje e riat sas. 31. Kana o Iuda anklisto avri, O Isus phendia:"Akana O av le Manuesko sas

luvudime, ai O Del sas luvudime ande Leste!"

32. Te sas O Del luvudime ande Leste, O Del vi Vo luvudila Les ande Peste, ai

luvudila Les mai sigo.

33. Murhe norhe ave, Me sim tumena pe hani vremia. Tume rodena Ma, ai

sar phendem le jidovonge, tume natin te aven kai Me jav.

34. Phenav tumenghe magdata akana, dav tumen iek nevo zakono: aven drago

iek kavreske; sar sanas Manghe drago, vi tume aven drago iek kavreske.

35. Pala kodo savorhe janena ke tume san Murhe ucenicii, te avena drago iek

kavreske!
36. O Simon Petru phendia Leske: "Devla, kai jas Tu?" Isus phendia leske:

"Natis akana te aves pala Mande kai jav; numa avesa pala Mande mai palal!"
37. O Petru phendia Leske: "Devla, sostar nativ te jav pala Tute akana? Ke me dav murho traio pala Tute." 38. O Isus phendia leske: "De sa chio traio pala Mande? Ciacimasa, ciacimasa,

phenav tuke, mai anglal sar te bael o kurkoro, tu phenesa trivar ke ci janes Ma."
Ioan 14 1. Na meken te nekejilpe tumaro ilo. Pachian tume ando Del, ai vi pachian

tume ande Mande.

2. Si but sobi ando kher Murhe Dadesko, te na avilino, Me sas te phenav

tumenghe. Me jav te laarav tumenghe iek than.

3. Ai kana javatar ai laarava tumenghe iek than, avava palpale ai lava tume

Mande, sahke avava, vi tume aven.

4. Tume janen kai jav, ai janen vi o drom! 5. O Toma phendia Leske: "Devla, ame ci janas kai Tu jas. Sar sai janas o drom?" 6. O Isus phendia leske: "Me sim o drom, o ciacimos, ai o traio. Khonik nati

avel ka Dad, numa te nakhela Mandar!

7. Tume te janglianas Man, janglianas vi Murhe Dades; numa akana janen Les,

ai vi dikhlian Les!
8. O Filip phendia Leske: "Devla, sikav amenghe le Dades, ai dosta avela amenghe." 9. O Isus phendia leske: "Pala sa kadia vremia sim tumena ai nker ci janes

Ma Filip? Kodo kai dikhlia Man dikhlia vi le Dades. Sar sai mothos tu: 'Sikav amenghe le Dades?'
10. Tu ci pachias ke Me sim ando Dad, ai ke O Dad si ande Mande? Le vorbi kai

mothav tumenghe ci mothav le anda Mande; numa O Dad kai traiil ande Mande, Vo si kai kerel e buchi!
11. Pachian Ma kai Me sim ando Dad, ai O Dad si ande Mande; vai pachian Ma

pala le buchia kai kerav!

12. Ciacimasa, ciacimasa, me phenav tumenghe, kodo kai pachialpe ande

Mande, kerela vi vo le buchia kai kerav; ai nker kerela vi mai bare; ke Me javtar ka Dad!
13. Ai so godi tume manghena ande Murho Anav, Me kerava, sahke te avel O

Dad luvudime ando av.

14. Te manghena tume vari so ande Murho Anav, Me kerava! 15. Te sim tumenghe drago, garaven Murho zakono! 16. Ai Me rhugiva Ma ka Dad, ai Vo dela tumen aver Mngitoro, sahke te beel

sagda tumena.
17. O Sfnto Duho le Ciacimasko, kai e lumia nati premil, ke ci dikhel Les, ai ci

janel Les; numa tume janen Les; ke Vo traiil tumena, ai avela ande tumende!
18. Me ci mekava tume sirotki; avava tumende! 19. Mai hani vremia, ai lumia ci mai dikhela Ma; numa tume dikhena Ma; ke Me

traiiv, vi tume traiina!

20. Kado dies tume janena ke Me sim ando Murho Dad, ai tume san ande

Mande, ai Me sim ande tumende!

21. Kodo kai si les Murhe zakonuria, ai kai garavel len, kodo si kai leske drago

Manghe; ai kodo kai leske drago Manghe, Murho Dad avela leske drago leske, ai te avela Manghe drago leske ai sikavava Ma leste!"

22. O Iuda, na o Iscarioto phendia Leske: "Devla, sar ta trobul numa te sikadios amenghe ai na la lumiake?" 23. O Isus phendia leske: "Te sim vari kaske drago, vo garavela Murhe vorbi, ai

Murho Dad drago leske, Ame avasa leste, ai traiis lesa!

24. Kodo kai leske drago Manghe ci garavel vov si Murhe vorbi, ai e vorba kai

tume aunen nai Mandar, numa katar O Dad kai tradia Ma!
25. Me phendem tumenghe kadala dieli ji kai Me sim tumena. 26. Numa O Mngitoro, kai si O Sfnto Duho, kai O Dad tradela ande Murho

Anav, sicharela tume svako fielo, ai serela tume so godi phendem tumenghe.
27. Me mekav tumenghe e pacea, Me dav tume Murhi pacea, Me ci dav la

tumenghe sar del la tumenghe e lumia, na meken te nekejil pe tumaro ilo, ai te na daral!
28. Tume aundian ke phendem tumenghe: Me javtar, ai pale avav tumen, te

sanas tume drago Manghe, tume raduisailianas, ke phendem: Jav ka Dad, ke Murho Dad si mai baro lo Mandar!
29. Ai akana phendem tumenghe kadala dieli mai anglal sar te kerdion; sahke

kana kerdiona te pachian tume.

30. Ci mai dava duma tumena, ke o baro la lumiako avel; vo nai les ci iek

putieria pe Mande!
31. Numa sahke te janel e lumia ke Manghe drago le Dades, ai ke kerav palai

ordina kai dia Ma O Dad. Vuten opre, ai aventar kathar.

Ioan 15 1. Me sim o ciacio kha le strugurosko, ai Murho Dad si Kodo kai lel sama

katar e rez.
2. Ai svako kreanga kai si ande Mande kai ci anel fruta, Vo inel la; numa

svako kreanga kai anel fruta, Vo inel la, sahke te avel la mai but fruta.

3. Akana te san vujo palai vorba kai phendem tute. 4. Bees ande Mande, ai Me beava ande tute, sar e kreanga kai natil anda

peste te avel la fruta, te na beela phangli ka kha; kadia tu natis te na beesa ande Mande!
5. Me sim o kha le strugurosko, ai tume san le krenji. Kuko kai beel ande

Mande, ai Me beav ande leste, vo anel but fruta; ke tu bi Mango natis te keres khanci.
6. Te si vari kon kai ci beel ande Mande, Vo udino lo avri sar e kreanga, ai uchiol; ai porme chiden le, ai uden le ande iag, kai phabosarde. 7. Te beena ande Mande, ai Murhe vorbi te beena ande tumende, phuen so

tume manghe, ai avela tume dino so manghen.

8. Kana tume den but fruta, Murho Dad si luvudime; kadia sikavel kai san

Murhe ucenicii!
9. Sar O Dad drago Manghe, Manghe drago sas tumen; besen ande Murhe

dragostia.
10. Te garavena Murhe zakonuria, tume beena ande Murhe dragostia; sa sar

garadem Me le zakonuria Murhe Dadeske, ai ke Me beav ando Leski dragostia!

11. Me phendem tumenghe kadala dieli, sahke te avel Murho raduimos ande

tumende, ai tumaro raduimos te avel pherdo.

12. Eta, Murho zakono, aven draji iek kavreske, sar sas Manghe draji tumenghe. 13. Nai mai bari dragostia de sar te des pesko traio leske vortacenghe. 14. Tume san Murhe vortacia, te kerena so phenav tumenghe. 15. Ci mai akharav tumen sluji, ke e sluga ci janel so kerel lako gazda; numa

akhardem tume vortacia ke phendem tumenghe svako fielo sa so godi kai aundem katar Murho Dad!
16. Tume ci alosardian Ma, numa Me alosardem tumen, ai phendem tumenghe

te jan ai te avel tume fruta, ai tumare fruta te avel fruta kai nkerel, sahke so tume manghena katar O Dad ande Murho Anav, Vo dela tume.
17. So mangav Me tumendar, si te aven draji iek kavreske! 18. Te e lumea greol tume, tume janen ke e lumea greosardia Ma mai anglal

tumendar.
19. Te avilianas andai lumea, e lumea sas te avel lake drago so si lako; numa ke

ci san andai lumea, ai ke alosardem tume andai lumea, anda kadia e lumea greol tume.
20. Dem tume goji kai vorba kai phendem tumenghe: 'E sluga nai mai bari katar

pesko gazda.' Te chinuisarde Man, chinuina vi tumen; te garade Murhi vorba, garavena vi tumari.
21. Numa von kerena tumenghe sa kadala dieli pala Murho Anav, ke ci janen

Kodoles kai tradia Ma!

22. Te na avilemas ai te na demas lena duma, nas te aven doale ke kerde

bezeh; numa akana natin moon ke nai doale anda penghe bezeh.
23. Kodoleske kai greol Man, greol vi Murho Dad. 24. Te na kerdemas makar lende buchia kai khonik aver ci kerdia, nas te avel

le bezeh; numa akana von dikhlesas so kerdem, ai von greon Ma ai Murho Dad.
25. Numa kadala dieli kerdile, sahke te kerdiol e vorba kai si ramome ande

lengo zakono: 'Von greosarde Ma ntino.'

26. Kana avela O Mngitoro, Kodo kai tradava tumenghe katar le Dadesko, ai vi

O Sfnto Duho le Ciacimasko avel katar O Dad, Vo mothola pa Mande!

27. Ai vi tume mothona pa Mande, ke tume san Mana de anda gor! Ioan 16 1. Me phendem tumenghe kadala dieli, sahke te na rimon tume. 2. Von udena tume avri andal sinagoguria; ai vi avela e vremia, kai kon godi

mudarela tume gndila ke kerel vorta angla Del.

3. Ai von kerena kadia, ke ci jangle ci le Dades, ai ci Man. 4. Me phendem tumenghe kadala dieli, sahke kana avela e vremia, tume

serenape kai phendem tumenghe. Me ci phendem tumenghe pa kadala dieli de anda gor, ke Me simas tumena.
5. Numa akana javtar karing Kodo kai tradia Ma; ai ci iek anda tumende ci

phuel Ma: Kai jas?

6. Numa ke phendem tumenghe kadale dieli, tumaro ilo nekjisailo. 7. Numa phenav tumenghe o ciacimos: mai mito avela tumenghe te javtar; ke

te na javatar, O Mngitoro ci avela tumende; numa te javatar, tradava Les tumende!

8. Ai kana Vo avela, sikavela le norodoske ke ubinpe pa bezh, pa so si vorta,

ai pai kris le Devleski!

9. Von ubinpe pa bezh, ke ci pachianpe ande Mande; 10. pa so si vorta, ke Me jav ka Murho Dad, ai ke ci mai dikhena Ma; 11. pai kris, ke o baro kadala lumiako dino lo pe kris. 12. Mai si Ma nker but dieli te phenav tumenghe, numa natin te haliaren le

akana.
13. Kana O Mngitoro, O Sfnto Duho le Ciacimosko avela, Vo ngherela tume

ande sa o ciacimos; ke Vo ci dela duma pa Peste, numa phenela so godi aunel, ai phenela tumenghe le dieli kai avena.
14. Vo luvudila Man, ke lela so si Murho, ai phenela tumenghe. 15. So godi kai si O Dad, Murho si; anda kodia phendem: Te lel so si Murho, ai

te phenela tumenghe!
16. Mai hani vremia ai ci mai dikhena Ma; ai porme mai hani vremia ai dikhena

Ma, ke Me jav ka Dad!"

17. Pe kado divano unii anda Leske ucenicii denas pe duma von de von. Ai

mothonas: "So znachil so phenel amenghe,mai hani vremia ai ci mai

dikhena Ma, ai porme mai hani vremia, ai dikhena Ma, ke Me jav ka Dad?
18. No von phende: "So znachil so phenel, mai hani vremia ? Ame ci janas pa soste del duma." 19. O Isus janelas ke manghenas te phuen Lestar, ai phendia lenghe: "Tume

phuen iek kavrestar so phendem: mai hani vremia ai ci mai dikhena Ma, ai porme mai hani vremia, ai dikhena Ma?
20. Ciacimasa, ciacimasa, Me phenav tumenghe, tume rovena ai suspinina ai le

lumia raduilape; tume avena nekjime, numa tumaro nekazo parhudiola ai avela raduimos!
21. E juvli kana si te avel la glata nekjime la, ke lako ciaso avilo; numa kana o inorho arakhadilo, ci mai serelpe ka chino, pala raduimos kai si la, ke iek

manu kerdilo ande lumia.

22. No vi tume akana san nekjime; numa Me mai dikhava tume, ai tumaro ilo

raduilape, ai khonik ci lela tumendar tumaro raduimos!

23. Kana avela kodo dies tume ci mai phuena Mandar khanci. Ciacimasa,

ciacimasa, Me phenav tumenghe, so tume manghena katar O Dad ande Murho Anav, Vo dela tumen!
24. Ji akana tume ci manglian khanci ande Murho Anav; manghen, ai avela

tumen dino, sahke te pherdiol tumaro raduimos!

25. Me phendem tumenghe kadala dieli andel paramicia; numa e vremia avela,

kana ci mai dava tumena duma andel paramici, numa dava tumena duma vorta pa Dad.
26. Kana kodia dies avela tume manghena ande Murho Anav, ai ci phenav

tumenghe, ke rhugiva Ma ka Dad anda tumende.

27. Ke O Dad Leske drago tumenghe, ke sanas tume draji Manghe, ai tume

pachiaian tume ke Me avilem katar Del!

28. Me avilem katar O Dad, ai avilem ande lumia; numa akana javtar andai

lumia, ai jav ka Dad!"

29. Leske ucenicii phende Leske: "Eta Tu des duma akana vorta, ai ci des duma andel paramicia. 30. Akana janas ke Tu janes svako fielo, ai ke ci trobul vari kon te phuel Tu vari so; anda kodia ame pachias ame ke Tu avilian katar O Del!" 31. O Isus phendia lenghe:"Tume pachian akana? 32. Eta, e vremia avela, ai vunje avili, kai avela svako ande tumende respiime,

pe peski rik, ai mekena Ma korkorho; numa ci sim korkorho, ke O Dad si Mana!

33. Me phendem tumenghe kadala dieli, sahke te avel tume e pacea ande

Mande! Tume avena zumade ande lumia, numa na daran, ke Me nirisardem pe lumia!"
Ioan 17 1. Pala kodia kana dine duma O Isus, vazdia le iakha po ceri, ai phendia:

"Murho Dad, e vremia avili; luvudisar Chie aves, sahke Chio av te luvudil Tut;
2. ke dian Les e putieria pe sa le manu, te del o traio le rhaiosko ka sa kodola

ka dian Les.
3. Ai o traio le rhaiosko si te janen Tu tut ferdi o ciacio Del, ai O Isus Hristos,

Kodoles kai tradian!

4. Me luvudisardem Tu pe phuv, Me kerdem e buchi kai dian Ma te kerav! 5. Ai akana, Murho Dad, luvudisar Ma paa Tute, sakadia luvudimos kai sas

Ma paa Tute ma anglal e lumia kerdilisas!

6. Kerdem te jangliolpe Chio Anav kal manu kai dian Ma makar e lumia. Von

sas Chire, ai Tu dian le Manghe; ai von garade Chi vorba!

7. Akana von janen ke so godi dian Ma Tutar avel! 8. Ke me dem le le vorbi kai dian Ma; ai von premisarde le, ai von ciaces janen

ke Me avilem Tutar, ai von pachiaie ke Tu tradian Ma!

9. Me rhugiv Ma lenghe; ci rhugiv Ma anda lumia, numa kodolenghe kai dian

Ma; ke von Chire si!

10. Ai so godi si Murho, Chiro si; ai so si Chiro, Murho si; ai Me sim luvudime

ande lende!
11. Me ci mai sim ande lumia, numa von si ande lumia, ai Me avav Tute. Murho

Sfnto Dad, garav le ande Chio Anav kai dian Ma, sahke te aven iek, sar sam ame!
12. Kana Me simas lena ande lumia, Me garadem le ande Chiro Anav; ai Me

garadem kodolen kai dian Ma, ai ci iek anda lende ci hasailo, numa ferdi o
av le hasarimasko; sahke te kerdiol so phendia E Vorba le Devleski! 13. Ai akana Me avav Tute; ai phenav kadala dieli ande lumia, sahke te pherdiol

ande lende Murho raduimos!

14. Me dem len Chi vorba; ai e lumia greosardia le, ke von nai andai lumia, sar

Me ci sim andai lumia!

15. Me ci rhugiv Ma te les le andai lumia, numa Me mangav Tu te arakhes le

katar o nasulimos!
16. Von nai andai lumia, sar Me ci sim andai lumia! 17. Vujar le Che ciacimasa; Che vorba si o ciacimos! 18. Sar tu tradian Ma ande lumia, vi Me tradem le ande lumia! 19. Ai Me korkorho vujarav Man lenghe, sahke vi von te aven vujarde katar o

ciacimos!
20. Ci rhugiv Ma numa anda lende, numa vi kodolenge kai pachianaspe ande

Mande katar penghe vorba!

21. Sahke savorhe te aven iek, sar Tu, Murho Dad, san ande Mande, ai Me sim

ande Tute; sahke vi von te aven iek ande Amende, te pachialpe e lumia kai Tu tradian Ma!

22. Me dem le o luvudimos kai dian Ma, sahke te aven vi von iek, sar Ame sam

iek,
23. Me ande lende, ai Tu ande Mande, sahke te aven vorta ande iek; ai e lumia

te janel ke Tu tradian Ma, ai ke sas tumenghe draji Manghe, sar simas drago Tuke!
24. Murho Dad, mangav kodolen kai dian Ma te aven vi von Mana kai sim;

sahke te dikhen Murho luvudimos, o luvudimos kai dian Ma; ke sanas Tuke drago Manghe mai anglal kerdili sas e lumia!
25. Murho Dad o Ciacio, e lumia ci janglia Tu; numa Me janglem Tu, ai kodola

jangle ke Tu tradian Ma!

26. Me kerdem len te janen Chiro Anav, ai mai kerava len te janen Tu, sahke e

dragostia kai si Tu Manghe te avel ande lende, ai vi Me te avav ande lende!"

Ioan 18 1. Kana O Isus phendiasas kadala vorbi, gelo Peske ucenicii nchial o pai kai buol Chedron, kothe sas iek sado, ai Vo ghelo andre Peske ucenicii. 2. Ai vi o Iuda, kai purhisardia Les, janelas kodo than; ke O Isus ai Leske ucenicii butivar kidepe kothe andek than. 3. O Iuda ghelo ka sado, ai andia pesa katanen ai le jandarii kai sas tradine katar le bare le raanghe ai katar le fariseii; von avenas le sabiena, ai le lampona, ai le khatena kai phabonas. 4. O Isus janelas so si te kerdiol pe Lesa, ghelo karing lende, ai phendia lenghe: "Kas roden?" Le ketanii phende Leske: 5. "O Isus andai Nazaret!" O Isus phendia lenghe: "Me sim!" Ai o Iudas, kai purhisardia Les, lensa sas. 6. Kana O Isus phendia lenghe: "Me sim!" , von dinepe palpale, ai pele tele. 7. O Isus mai phulia le: "Kas roden?" Ai von phende: "O Isus andai Nazaret!" 8. O Isus phendia: "Me phendem tumenghe ke Me sim; no te sim Me kai roden,

meken kodolen te jantar!

9. Vo phendia kadia sahke te kerdiolpe e vorba, kai phendiasas:Ci hasardem

ci iek anda kodola kai dian Ma!

10. O Simon Petru kai sas les iek sabia lia la, ai dia iek le bare raaska sluga, ai india lako khan o ciacio. Kodia sluga buolas Malhu. 11. O Isus phendia le Petroske: "Tho palpale chio sabia, so te na piiav e kuchi

kai Murho Dad dia Ma te piiav?"

12. Atunci le ketanii, lenghe bare ai jandarii le jidovonghe line le Isusos, ai phangle Les. 13. ngherde Les mai anglal kai Annah; ke sas o sokro le Kaiafasosko, kai sas baro raai kodo ber. 14. Ai o Kaiafa sas kodo kai phendiasas le jidovonghe: "Mai mito te merel iek manu le norodoske!" 15. O Simon Petru ai aver ucenico lenaspe pala Isus, kodia ucenico janelas les o baro raai, ai ghelo vi vo le Isusosa ande bar le baro raasko. 16. Numa o Petru belo avri paa vudar, o kolaver ucenico kai janelas les o baro raai, anklisto avri ai dia duma la juvliasa kai arakhelas o vudar, ai angherdia o Petru andre. 17. Atunci e sluga kai garavelas o vudar phendia le Petreske: Patche chi san vi tu iek ucenico Kadale manuesko? Ai vo phendia: "Nici, ci sim!" 18. Ai le slugii, ai jandarii beenas anda punrhende kothe, kai kerde iag le angaresa, ke il sas; ai tacionas, vi o Petru sas lensa, ai taciolas vi vo. 19. O baro raai phuelas le Isusos pa Leske ucenicii, ai pa Lesko sicharimos. 20. O Isus phendia leske: "Me dem duma angla savorhende le norodosa; Me

sichardem sagda ande sinagoga, ai ando Templo, kai sa le jidovuria chidenaspe; ai Me ci phendem khanci ciordanes!
21. Sostar tu phues Mandar? Phu kodolendar kai aunde Man, so phendem

lenghe. Aun! Von janen so phendem!"

22. Pe kodo divano, iek andal jandarii kai sas kothe dia iek palma le Isusos, ai phendia: "Kadia si sar des duma kal bare raas?" 23. O Isus phendia leske:"Te si ke dem duma nasul, phen Manghe ce nasulimos

phendem; ai te dem duma mito, sostar des Ma iek palma?"

24. Annah tradia Les phanglo ka Kaiafa o baro raai. 25. O Simon Petru kothe sas ai taciolas. Ai von phende leske: "Patche tu ci san anda Kodola ucenicii?" Ai vo phendia: "Nici, me ci sim anda Kodola!" 26. Iek sluga le bare raaski sas iek niamo kodolesa kai o Petru indiasas lesko khan, phendia: "Patche ci dikhlem tu ando sado Lesa?" 27. O Petru pale phendia: "Ci janav Les!", ai strazo o kurkoro baadia. 28. Porme angherde le Isusos katar o Kaiafa ka kher la krisako le guvernorosko kai keren kris; diminiai sas; numa le jidovuria ci ghele andre ando kher, sahke te na aven marime, ai te sai han le Paska. 29. O Pilat anklisto avri te jal karing lende, ai phendia: "Savatar do si tume pe Kado manu?" 30. Ai von phende leske: "Te na avilino bi lao, nas te anas Les tute!" 31. O Pilat phendia lenghe: "Len Les tume ai den Les pe kris pala tumaro zakono! Le jidovuria phende leske: "Amenge nai slobodo te mudares vari kas." 32. Kodia sas sahke te kerdiol e vorba kai O Isus phendiasas, kana sikadia sar si te merel. 33. O Pilat ghelo ando kher la krisako ai akhardia le Isusos, ai phendia Leske: "San Tu o mprato le Jidovongo?" 34. O Isus dia les atveto:"Tu anda tute mothos kodia, vai le kolaver phende tuke

pa Mande?"
35. O Pilat dia Les atveto: "Patche me sim jidovo? Chiro neamo ai le bare raa

andine Tu mande; so kerdian Tu?" 36. O Isus phendia:"Murhi mpria nai ande kadia lumia; te avilino Murhi

mpria ande kadia lumia, atunci Murhe slugii marenaspe pala Mande, sahke te na avav dino kal jidovuria; numa akana Murhi mpria nai kathe pe lumia!
37. O Pilat phendia Leske: "No, Tu san mprato?" O Isus phendia: "Tu mothos,

Me sim mprato! Me arakhadilem ai avilem ande lumia, te phenav pa ciacimos. Kon godi si le ciacimasko aunel Murho glaso!
38. O Pilat phendia Leske: "So si o ciacimos?" Ai kana phendia kadia, anklisto avri pale te jal karing le jidovuria, ai phende lenghe: "Me ci arakhav ci iek nasulimos ande Leste! 39. Numa sar si makar tumende iek zakono, te mekav vari kas tumenghe kana si O Dies O Paska, manghen ma te mekav tumenghe O mprato le Jidovongo?" 40. Pale savorhe pinas: "Nici, na Les, numa o Baraba!" Numa o Baraba sas iek cior. Ioan 19 1. Atunci O Pilat lia le Isusos, ai kerdia te maren Les le biciosa. 2. Le ketanii kerde andal kanrhe iek korona, ai ode la pe Lesko ero, ai dine pe Leste iek rhochia brazbi. 3. Porme paile paa Leste, ai phende: "Plecciune, mprato le Jidogongo!" ai denas Les palmi po mui. 4. O Pilat pale ankliste avri, ai phendia le jidovonghe: "Eta, avav Les tumenghe avri, sahke te janen ke ci arakhav ande Leste ci iek nasulimos! 5. Atunci O Isus anklisto avri la koronasa kai sas kanrhale, ai le raa kai sas brazbi, ai o Pilat phendia lenghe: "Eta, o manu!" 6. Numa kana le bare le raange ai jandarii dikhle Les, pinas, phenenas:

"Karfon Les, karfon Les!" O Pilat phendia lenghe: "Len Les tume, ai karfon Les, ke me ci arakhav ci iek nasulimos ande Leste!" 7. Le jidovuria phende leske: "Amen si ame iek zakono, ai pala amaro zakono Vo trobul te merel, ke Vo kerdia anda peste O av le Devlesko!" 8. Kana o Pilat aundia kodia, vo mai zurales darailo, 9. ai pale ghelo ando kher la krisako, ai phulia katar O Isus: "Katar san Tu?" Numa O Isus ci phendia kanci. 10. O Pilat phendia Leske: "Mana ci des duma? Patche ci janes ke man si ma e putieria te karfon Tu po truul, ai ke si ma vi e putieria te mekav Tu?" 11. O Isus phendia: "Tut nas te avel tu ci iek putieria pe Mande, te na avilino tu

dini putieria opral; anda kudia kodo kai andia Ma tute kerel iek mai baro bezh!
12. Pala kodia o Pilat manghelas te mekel Les, numa le jidovuria pinas, phenenas: "Te mekesal Les, tu ci san o vortako le Cesarosko; ke kon godi kerel anda peste mprato, vo kerel anda peste o dujmano le Cesarosko! 13. O Pilat kana aundia kodia, andia le Isusos avri, ai belo tele po skamin la krisako po an kai buol o Bah, ai jidovisko Gabata. 14. Atunci sas e vremia kai laarenas O Dies O Paska, ai pate mizmeri sas. O Pilat phendia le jidovonghe: "Dikh, tumaro mprato!" 15. Numa von pinas: "Mudar Les, mudar Les, karfosar Les po truul!" O Pilat phendia lenghe: "Tume manghen ma te mudarav tumare mprato?" Le bare raa phenenas: "Amaro mprato si o Cesar!" 16. Atunci dia Les lende te karfon Les. Von line le Isus, ai ngherde Les. 17. O Isus ngherelas pesko truul, ai areslo po an kai buol ero, ai jidovisko mothonas Golgota. 18. Ai kothe karfosarde Les, ai dui aver manu sas Lesa, iek pal dui riga, ai O Isus makaral.

19. O Pilat ramosardiape vari soste, ai thodia po truul, ai kodo ramomos motholas: "O Isus andai Nazaret, O mprato le Jidovongo!" 20. But jidovuria jinde so sas ramome, ke o than kai O Isus sas karfome paa foro sas, ai ramome sas jidovisko, grecisko ai latinesko. 21. Le bare le raange phende le Pilatoske: "Na ramosar, O mprato Le Jidovongo, numa ramosar ke Vo phendia: 'Me sim O mprato le

Jidovongo!'"
22. O Pilat phendia: "So me ramosardem, trobul te beel ramome!" 23. Le katanii, kana karfosarde le Isusos, line Leske alia, ai kerde tar kotora anda lende, iek kotor svakona katanake; ai line vi Leski rahami, kai nas suvdi, numa anda iek kotor sas de opral ji tele. 24. Ai phende makar pende: "Na inas la, numa thodepe te dikhen kon niril la, lela la; sahke te kerdiol so phendiasas E Vorba le Devleski, kai phenel: "Von hulade Murhe alia makar pende, ai thodepe te dikhen kon niril murhi rahami." So kerde le katanii. 25. Paa truul le Isusosko sas Leski dei, ai e phei Leska daki, e Maria e rhomni le Cleopaski, ai e Maria Magdalena. 26. Kana O Isus dikhlia Peska da, ai paa late o ucenico, kai sas Leske drago, phenel Peska dake:"Juvlio, eta, chio av!" 27. Ai porme phendia le ucenico:"Eta, chio dei! Ai atunci kodia ucenico lia la ka lesko kher te beel leste. 28. Pala kodia, O Isus kai janelas ke vunje sa gata sas, sahke te kerdiol so phendia E Vorba le Devleski, Vo phendia:"Trualo sim!" 29. Ai sas kothe iek piri chikaki pherdo ut. Le katanii bolde ieke bureto pherdi ut, ai kana phangle la pe iek kotor kha kai buol hisop, ode la ka Lesko vu. 30. Kana o ut areslo pel le Isusoske vu, Vo phendia:"Sa gata! Ai kana meklia o ero tele, mulo.

31. Kodia sas iek dies mai anglal sar o Sabato, ai le jidovuria ci manghenas le staturia te been pel truula Sabato, ke kodo Sabato sas iek baro dies. Le jidovuria manghenas katar o Pilat te phaghen le punrhe kodolenghe kai sas karfome, ai te len le pal truula. 32. Atunci le katanii avile, ai phagle le punrhe le pervoneske, porme le kolavreske kai sas karfome Lesa. 33. Numa kana paile paa Isus, ai dikhle ke vunje mulo sas, ci phagle Leske punrhe. 34. Numa iek andal katanii kerdia gropa ande Lesko praav la sabiasa, ai strazo anklisto rat avri ai pai. 35. O manu kai dikhlia le mothol pa kadala dieli kai kerdile, ai so mothol o ciacimos si; vo janel ke mothol o ciacimos, sahke te pachian tume. 36. Kadala dieli kerdile, sahke te kerdiol so phendia E Vorba le Devleski: Ci iek kokola anda Leske ci avela phaglo! 37. Ai ande averik E Vorba le Devleski mai phenel: "Von dikhena Kodoles kai hiviarde!" 38. Pala kodia o Iosif andai Arimatea, kai sas iek ucenico le Isusosko, numa ciordanes ke daralas katar le jidovuria, manglia katar o Pilat te sai lel o stato le Isusosko. Ai o Pilat phendia leske ke sai. Vo avilo ai lia o stato le Isusosko. 39. O Nicodim avilo, kai mai anglal avilo sas e riate ka Isus, ai andia pate tranda kili mir ai aloe amime andek than. 40. Line o stato le Isusosko, ai vuluisarde Les andek vujo pohtan parno ai ode andre aromat, ke kadia si o zakono le jidovongo te gropon. 41. Ai sas iek sado pe kodo an kai sas O Isus karfome; ai ande kodo sado sas iek nevo grepoevo, kai nker khonik nas thodino andre. 42. Kothe thode le Isusos ke sas o dies o baro le jidovengo mai anglal sar o Sabato le jidovongo, ai ke o grepoevo sas pae.

Ioan 20 1. Kurke diminiaa, ai kana kerelas nker tuniariko, e Maria Magdalena gheli ka grepoevo, ai dikhlia ke o bah sas lino katar o vudar. 2. Voi nali karing o Simon Petru, ai karing o kolaver ucenico kai sas drago le Isusosko, ai phendia lenghe: "Line le Devles anda gropoevo ai ci janas kai thode Les!" 3. O Petru ai o kolaver ucenico ghele, ai avile ka gropoevo. 4. Vi le dui jene naenas andek than, numa o kolaver ucenico naelas mai zurales katar o Petru, ai areslo pervo ka gropoevo. 5. Bandilo tele ai dikhlia o pohtan o parno kai sas pe phuv; numa ci ghelo andre. 6. O Simon Petru lelaspe pala leste areslo, ai ghelo andre ando gropoevo, ai dikhlia o pohtan o parno kai sas pe phuv. 7. Ai e kotor dirza kai thode sas po ero le Isusosko, nas le pohtanosa le parnesa, numa pakhuime sas rigate ande kolaverik. 8. Atunci le kolaver ucenico, kai areslo sas o pervo ka gropoevo, ghelo vi vo andre, ai dikhlia, ai pachiaiape. 9. Ke ci haliarenas nker ke E Vorba le Devleski motholas ke O Hristos trobulas te juvindil makar le mule! 10. Ai le ucenicii gheletar porme khere. 11. Numa e Maria beelas avri paa gropoevo ai rovelas; numa ande kodia kai rovelas, bandili tele te dikhel ando gropoevo. 12. Ai dikhlia duie ngero kai sas vuriarde ando parno, ai beenas tele po than kai sas thodino o stato le Isusosko. Iek beelas ka ero ai o kolaver kal punrhe. 13. Ai phende lake: "Juvlio, sostar roves?" Ai voi phendia lenghe: "Me rovav ke line Murhe Devles, ai ci janen kai thode Les!"

14. Ai kana phendia kadia, voi boldinisaili, ai dikhlia le Isusos ande punrnende; numa voi ci janelas ke sas O Isus! 15. O Isus phendia lake: "Juvlio, sostar roves? Kas rodes?" Ai voi gndilas ke Vo sas o manu kai lel sama katar o sado, phenel Leske: "Gazda, te lian Les vari kai, phen manghe kai thodian Les, ai me lava Les!" 16. O Isus phendia lake: "Maria!" ai voi boldinisaili, ai phendia Leske jidovesko: "Rabuni!" kodia znachil Gazda! 17. O Isus phendia lake: "Na azba Ma, ke nker ci ghelem ka Murho Dad; numa

ja ka Murhe phral, ai phen lenghe manghe, ke Ma jav ka Murho Dad, ai tumaro Dad, ka Murho Del ai tumaro Del!"
18. E Maria Magdalena gheli ai phendia le ucenicii ke dikhlia le Devles, ai ke phendia lake kadala dieli. 19. Pozno sas o pervo dies le kurkosko, le ucenicii chidinesas andek than ande iek kher, ai phandadesas le vudara zurales ke daranas katar le jidovuria, O Isus avisailo makar lende, ai phendia lenghe: "E pacea te avel tumena!" 20. Ai kana phendia lenghe kadala vorbi, Vo sikadia lenghe Peske vas ai Pesko praav. Le ucenicii raduisaile, kana dikhle le Devles! 21. O Isus mai phendia lenghe: "E pacea te avel tumena, sar Murho Dad tradia

Man, vi Me tradav tumen!"

22. Ai kana phendia kodia divano, phurdia pe lende, ai phendia lenghe:"Premin

O Sfnto Duho!
23. Te iertina tume le bezeh le manuenge, lenghe bezeh avena iertime; te

na iertin le, ci aven iertime!"

24. Numa o Toma, kai akharenas les Didimus (o Geamano), iek andal deu dui ucenicii, nas lensa kana O Isus avisailo. 25. Le kolaver ucenicii phende leske: "Ame dikhliam le Devles!" Numa vo phendia lenghe: "Te na dikhava ande Leske vas le semnuria le karfiango, ai te na ava murho nai andel semnuria le karfiange, ai te na ava murho vas

ande lesko praav, ci pachiava!" 26. Ohto dies pala kodia le ucenicii le Isusoske sas pale ando kher ai o Toma sas lensa. O Isus avisailo, le vudara phandadesas zurales, numa O Isus avilo makar lende, ai phendia: "E pacea te avel tumena!" 27. Porme phendia le Tomasoske: "Tho chio nai kata, ai dikh Murhe vas; an vi

chio vas ai tho les ande Murho praav; ai na kerdiol manu kai ci pachialpe, numa pachias tu!"
28. O Toma phendia Leske: "Murho Devla ai murho Del!" 29. O Isus phendia leske: "Tu dikhlian Man anda kodia pachiaian tu, numa

raduime kodola kai ci dikhle ai kai pachiaiepe!"

30. O Isus mai kerdia angla Peske ucenicii but aver minunia, kai nai ramome ande kadia klika. 31. Numa kadala dieli sas ramome, sahke te pachian tume ke O Isus si O Hristos, O av le Devlesko, ai kana pachian tume te avel tume o traio ande Lesko Anav!

Ioan 21 1. Pala kodia O Isus mai avisailo le ucenicii paai marea kai buol Tiberiada; ai eta, sar avisailo lenghe: 2. O Simon Petru, ai o Toma kai akharenas les Didimus (o Geamano), ai o Natanael andai Cana kai si ande Galilea, ai le av le Zebedeske, ai dui aver ucenici le Isusoske sas andek than. 3. O Simon Petru phendia lenghe: "Me jav te astarav mae." Ai von phende leske: "Vi ame jas tusa." Ankliste avri, ai ankliste andek parahodii; numa kodia riat ci astarde khanci. 4. Kana phuterdilo o dies, O Isus sas paai marea pe chiai; numa le ucenicii ci janenas ke O Isus sas.

5. O Isus phendia lenghe: "avorhale, nai tume khanci te han?" Ai von dine Les atveto: "Nici." 6. Ai phendia lenghe: "uden e sita pe rik e ciaci le parahodoski ai

arakhena mae!" Von ude, ai nati mai ankalavenas e sita avri de but
mae kai sas! 7. Atunci o ucenico kai sas drago le Isusoske phendia le Petreske: "Devla si!" Ai kana o Simon Petru aundia ke O Del si, lia pe peste peske alia, ai thodia peske pratia (ke nango sas), ai udiape ande marea. 8. Ai le kolaver ucenicii avile ande parahodoski, irdenas e sita kai sas pherdo mae, ke nas dur katar o bedigo, iek el meteria sas. (200 coto). 9. Kana huliste pe phuv, dikhle kothe angara dine iag, ai mao sas opral, ai sas vi manrho. 10. O Isus phendia lenghe:"Anen mae kai astardian akana! 11. O Simon Petru anklisto anda parahodo, ai andia pe phuv e sita pherdo iek el ai panvarde trin bare mae; ai mkar ke sas but, e sita ci indili. 12. O Isus phendia lenghe:"Aven ai han!" Ai ci iek andal ucenicii ci tromailo te phuel Lestar: "Kon san Tu?" ke janenas ke O Del si! 13. O Isus pailo, lia o manrho, ai dia len, ai porme lia o mao ai dia len. 14. Kodia sas e trito data kai O Isus sikadiolaspe Peske ucenicii, de sar juvindisailo sas makar le mule. 15. Kana ghetosarde te han, O Isus phendia le Simonoske Petru:"Simon, av le Ionasosko, san tuke drago manghe mai but sar kodola?" Ai vo phendia leske: "E Devla, Tu janes ke sim manghe drago Tuke." O Isus phendia leske: "Le sama katar Murhe bakriorha!" 16. Ai mai phendia leske pe duito data: "Simon, av le Ionasosko, san tuke

drago Manghe?" O Petru phendia Leske: "E Devla, Tu janes ke sim

manghe drago Tuke." O Jesus phendia leske: "Le sama katar Murhe

bakriorha!"
17. Ai mai phendia leske pe trito data: "Simon, av le Ionasosko, san tuke

drago Manghe?" O Petru nekejisailo anda so phendia leske pe trito

data: "San tuke drago Manghe?" ai phendia Leske: "Devla, Tu janes svako fielo; Tu janes ke sim manghe drago Tuke!" O Isus phendia leske: "Le sama katar Murhe bakriorha! 18. Ciacimasa, ciacimasa, Me phenav tuke, kana sanas mai terno, tu

thosas pe tute e pratia, ai jasas kai tu manghesas; numa kana avesa phuro, tu vazdesa che vas opre, ai aver thola e pratia pe tute, ai ngherela tu kai tu ci manghesa te jas!"
19. Vo phendia kadia te sikavel sar o Petru merela ai luvudila le Devles! Porme kana phendia kodo divano, phendia leske: "Le tu pala Mande!" 20. O Petru, kana boldinisailo, dikhlia ke lelaspe pala lende o ucenico kai sas drago le Isusosko; kodo kai thodiasas pe po kolin le Isusosko kana hanas, ai phuliasas Lestar: "Devla, savo si kodo kai si te purhil Tu?" 21. Kana o Petru dikhlia les, phendia le Isusosko: "Devla, so kerdiolape kodo manu?" 22. O Isus phendia leske: "Te mangava te traiil ji kai avava palpale, soi

tuke koar? Le tu pala Mande!"

23. Kodia vestia gheli atunci makar le phral, ke kodia ucenico ci merela. Numa O Isus ci phendiasas le Petreske, ke ci merela, numa phendia:

Te mangava te traiil ji kai avav palpale, soi tuke koar?

24. No kodia ucenico si kai phenel pa kadala dieli kai kerdile, ai kai ramosardia le; ai ame janas ke so phendia si ciacio! 25. O Isus mai kerdia but aver dieli, te ramosardiamas le, divano pe divanoste, me gndiv ke sa e lumia nati sardino te nkerel le kliki kai

ramosardamas. Amen!

Sar sai aves skpime? E mntuirea avel katar O Del hai e Biblia sikavel sar sai avas iertime, hai sar sa-i avel amen viaa sada de iek. Si importanto so phenel o Cuvnto le Devlesko pala o scpimos le sufletosko! 1. Hatearas k tu san iek bezehalo anglea o Del Se krde o bezh hai si le lipsime de slava le Devleski. Romani 3:23

2. E pokin le bezehski si o merimos

Vasa k e pokin le bezehski si o merimos! Romani 6:23

3. E pokin le bezehski sas pokime katar o Isus Hristos Numa k Del sikavel pesko laimos karing amende, anda e buki, ka kana samas amen bezhale, O Hristos muleas va-amende! Romani 5:8

4. Tu trubul te pocines tut hai te primines ande tkiro ilo le Isusos O Hristoso sar Rai hai Mntuitori tkiro personal
Vai na tos sama tu pe o barvalimos le laimasko, le muklimasko, tai la rbdareako le Devlesko? Na dikas tu c o laimos le Devlesko penel tuk te pocines tut? Romani 2:4 (Ioan 1:12) Se kokoleng kai priminde Les, kokoleng kai pachean ande Lesko Anav deslen o ceacimos te krdeon savoro le Devlesko! Ioano 1:12

5. Tu sai aves scpime chiar akana

Anda tkio mui mothos angla savorhenghe ke O Isus si O Del, ai te pachiasa tu ande tkio ilo ke O Del andia les katar e moartea ka traio, avesa skpime. Ka ande credina kai avel anda o ilo hutaralpes e neprihnirea, hai ande e mrturia le muiosa arisalpes kai e skpimos! Romani 10:9-10 Orkon akarl o Anav le Devlesko avela scpime! Romani 10:13

O iado si ciaceo hai si vesniko; O Ceri si ciacio hai e o scpimos si ciacio. Morho pusimos si te san tu mntuime? Te na primisardean le Raies O Isus Hristos ande tkiro ilo, hai ande tkiri viaa, akana si o momento potrivime te pitaras tkiro ilo hai te akaras le Raies le Isusos ande tkiro ilo! Te san ciacio hai hatearas ka tu san hasardo ande tkiro bezh, hai kames te aves iertime hai mntuime, hai kames te aves siguro c si te arisas ando Cerii le Devlesa, pen le Devleska e dorina tkire ileski hai mangtut chiar akana, predin tkiro ilo le Devleska. O Rai O Isus akarel tut pe tkiro anav; Vo marel kai o udar tkire ilesko hai ajukarel te pitaras Lesk:
Dik Me beav kai o udar hai marav. Te aunel varikon Morho glaso hai pitarel o udar, Me intrino leste, lo e cina lesa hai vo Mana! Apocalipsa 3:20

Ker ande ado rughimos, o rughimos tkire ilesko: Devla murho Del, me janav k me som ek bezehalo, hai me som hasardo; numa akana me avav Tute hai mangav Tut te iertisman hai te primisman! Pacheav c o Rai o Isus Hristos muleas pe-o truul vaa morho bezh. Mangav Tut, haidi ande morho ilo hai thovman ande Tkiro rat de se mara pcaturea; mangav Tut te kras man Tkiro sauro hai te scriis morho anav ande o lil la viaako! Hai mangav Tut de ajutisman te avav Tuk credincioso se mrhi viaa! Amin!
Kadala si morho rugimos anda tute, ka tu te packias and-o Del hai primisar Les O Isus Hristos ando tkiro ilo sar Rai hai Mntuitori!