Nama : Ni Kadek Piena Jayanthi Putri

No : 25
Kelas : XI IPA 1

Atur Piuning Ketua Sekaa Teruna Teruni Dharma Yoga sajeroning Nyanggra
17 Agustus ring Banjar Batubulan

Inggih suksema majeng ring dane pangeter acara antuk galah sane sampun katiba ring sikian
tityang. Sadurung tityang nglantur matur, lugrayang tityang ngaturang pangastungkara malarapan
antuk ngaturang panganjali umat “OM SWASTYASTU” .
Bapak Klian Banjar Batubulan sane dahat kusumayang titiang.
Para Teruna Teruni Dharma Yoga Banjar Dangin Pangkung sane tresnasihin titiang.
Rasa angayu bagia aturang tityang majeng ring Ida Sang Hyang Widhi Wasa, duaning
wantah sangkaning asung kerta wara nugrahan Ida, mawinan tityang taler ida dane sareng sami
prasida manggihin karahajengan tur prasida masadu ajeng guna nyanggra HUT/wanti warsa
Republik Indonesia sane ka 73.
Inggih Ida dane sareng sami sane dahat wangiang titiang. Ring galah lan genah sane becik
puniki, titiang pinaka manggala acara/lomba-lomba peringatan HUT NKRI ring Banjar Batubulan,
jagi nguningayang panelas prabea sajeroning acara puniki. Acara lomba-lomba peringatan HUT
NKRI sane kamargiang rahinane mangkin Sukra Wage, tanggal 17 Agustus 2018, nelasang prabea
kadi ring sor:
1. Prabea piranti anggen lomba (tali tambang, tali rapia, kerupuk, : Rp. 500.000,-
kelereng, karung goni, msl).
2. Prabea hadiah lomba-lomba(piala, piagam, alat tulis,sepeda msl): Rp. 400.000,
3. Numbas sangu (konsumsi) : Rp. 350.000,-
Dadosnyane panelas prabea sajeroning lomba-lomba peringatan HUT NKRI akehnyane:
ayuta duang atus limang dasa tali rupiah (Rp.1.250.000,).
Ida dane sane wangiang titiang. Duaning parikrama puniki kapikamkamin olih Sekaa Teruna
Teruni Dharma Yoga, makasami prabeya sane kaangge, kaambil saking kas Sekaa Teruna Teruni
Dharma Yoga.
Inggih Ida dane sinamian sane dahat suksmayang titiang. Wantah asapunika prasida antuk
titiang ngaturang. Sakirang-kirangnyane, titiang nglungsur gung rena sinampura.
Puputang titiang antuk parama santhi, “Om Santih,Santih,Santih Om” .