Atur piuning manggala prawartaka

Suksma ring pangenter acara antuk galah sane kapaica ring dewek titiang

Om swastyastu]

Iratu sulinggih lan pinandita sami sane dahat suciang titiang

Iratu palungguh gubernur murdaning jagat bali sane mustikayang titiang
Iratu palungguh bupati bangli sane taler kusumayang titiang
Iratu pamucuking dprd kabupaten bangli sane suksmayang titiang
Iratu kepala kantor departeemen agama kabupaten bangli sane kusumayang titiang
Asapunika taler manggala praja sane nenten sida wilangin titiang sane gumanti taler suksmayang
titiang
Pamekas, krama subak gede tamanbali sane tresnasihin titiang

Swasti prapta aturang titiang majeng ring palungguh gubernur pingkalih para atiti
sami, saantukan sampun ledang rauh ring suba dewasa kadi mangkin, nagingin pinunas titiang
mangda prasida nodya makawiwah ngupasaksi yadnyan titiang iriki ring pura masceti subak gede
tamanbali bangli.

Palungguh gubernur sane baktinin titiang

Ring galahe sane becik puniki titiang pinaka manggala prawartaka karya nangiang atur amatra inggih
punika :

1. Pura puniki ngranjing ring bacakan pura swagina duaning kaempon antuk para subak utawi
pakaseh ring sajebag subak gede tamanbali bangli
2. Subak sane ngempon pura puniki akehnyane nem belas subak tempek, utawi pitung atus seket
diri krama subak, wewidangan subak wenten sawetara tigang atus hektar langkung, magenah
ring kalih desa inggih punika desa tamanbali lan desa bunutin

3 karya ring pura masceti puniki kawastanin : ngenteg linggih, mendak nuntun, bangun ayu, lan
mupuk pedagingan.
Dasar karya puniki kamargiang duaning sampun langkungan ring seket warsa durung naenin
mayadnya sakadi asapuniki. Asapunika taler akeh sampun katangiang pelinggih-pelinggih sane
anyar
4 Indik prabeya karya puniki kasanggra antuk soang-soang tempek subak, majumlah satus ululikur
yuta rupiah, soang-soang medal kutus yuta rupiah
5 Kekirangannyane gumanti nglungsur ring para bakta mangda karya puniki labda karya sidaning
don

Inggih kadi asapunika atur piuing titing, dumogi sepengerauh iratu sareng sami yadnyan titiang
memargi antar manut dudonan sane sampun kacumponin sakeng ngawit nyantos puput.

sios ring punika taler titiang nenten lali nunas geng rena sinampura antuk genah yata penyanggra
sane sampun katur nenten munggah ring pikayunan.
Pemuput atur, titiang ngaturang parama asantih
Om santih, santih, santih om