AKATIST

BANA, FAPTILI SHI ACATISTILI-A
SÃMTSÃLOR PROTO-ARMÃNJI,
ARMÃNJI SHI DI SOI ARMÃNEASCÃ
------------------------------------
DINA CUVATA
Bucureshti shi Custantsa tu Vlãhii io nu-avui ma bunji oaspits

di tinjisitlu Stere Paris. vrutlu Goran Pushutic shi oaminjlji-al
Dumidzá psaltul Cola Racu shi preftul Ioryi Dima
AESTÃ CARTI EASTI TI ELJI!
UNIEA TI CULTURÃ-A ARMÃNJLOR DIT MACHIDUNII
BIBLIOTECA NATSIONALÃ ARMÃNEASCÃ
“CONSTANTIN BELEMACE”
Colectsiea “Arhimandrit Averchi”
10
BANA, FAPTILI SHI ACATISTILI-A

SÃMTSÃLOR PROTO-ARMÃNJI,
ARMÃNJI SHI DI SOI ARMÃNEASCÃ
Alidzeari, ãndridzeari shi-armãnipseari:

DINA CUVATA
Scopia 2020
Ti editorlu: Dina Cuvata – Prezidentu
Redactor di editsii: Goran Pushutic
Lucrari pi computer: Dina Cuvata
Tehnoredactari:
Soglasno ~l. 30, o~ka 8, od Zakonot za DDV

(Slu`ben vesnik na RM, 44/99), za ovaa kniga
se plat danok od 5%.
CIP
AESTÃ MUSHEATÃ CARTI, CUM NU S-ARI PUBLICATÃ
PÃNÃ TORA, S-PUBLICÃ CU UCAZEA DI:
1110 DI-ANJI DI MOARTEA-AL IA-NAUNI DI OHÃRDA,

CARI LI-ADRÁ PROTILI “CÁRTSÃ” PI LIMBA ARMÃNEASCÃ
DI CARI SHI-AZÃ ARI TU BIBLIOTECA DI LA ACADEMIEA
MACHIDUNEASCÃ DI SCOPIA, MA NU NÃ SI DA S-LI AVEM,
1040 DI-ANJI DI “MAREA VLÃHII” DIT TESALIEA ÃN CAP
CU NICULITSÃ, 1000 DI-ANJI DI-ANDA IMPERATORLU-A
BIZANTSLUI VASILI II DI SOI ARMÃNEASCÃ ÃL DEADI
DECRETLU (HRISOVULA) CU CARI SUM IURISDICTSIEA-A
ARHIEPISCOPIILJEI DI OHÃRDA EARA BÃGATS “SHI TUTS
ARMÃNJLJI DIT TUTÃ VÃRĞÃRIEA”, 835 DI-ANJI DI-ANDA
FRATSLJI PETRU, ASANI SHI IONITSA S-MUTARÃ CONTRA
BIZANTSLU SHI DEAPOA FU ADRATÃ AMIRÃRILJEA
ARMÃNEASCÃ-VÃRĞÃREASCÃ, 250 DI-ANJI DI-ANDA
TEODOR CAVALJOTI TU VINITSIEA U PUBLICÁ CARTEA-A
LUI, 185 DI-ANJI DI-ANDA S-FEATSI TÃRNUVA, NINGÃ
BITULI SHI 155 DI-ANJI DI-ANDA MURI GIORGIU, AZÃ TU
VLÃHII, MIHALI NICOLESCU “POETLU NATSIONAL” A
ARMÃNJLOR, 140 DI-ANJI DI LA FONDAREA-A LITSEÚLUI
DI BITULI DI IU INSHIRÃ UNÃ PLEIADÃ DI
INTELECTUALJI ARMÃNJI CU PÃRADZLJI-A EHTSÃRLOR
VALAHUTS, 120 DI-ANJI DI MOARTEA-AL SHTEFAN
MIHAILEANU “MARTIR NATSIONAL” A ARMÃNJLOR,
115 DI-ANJI DI-ANDA SULTANLU ABDUL HAMID II U
SIMNÁ IRADEAUÚA CU CARI ARMÃNJLJI ÃLJI
PRICÃNÃSCU TI ULAH/ VLAHI SHI NU TI ROMANCA SHI
TORA VALAHUTSLJI DI BUCURESHTI, HUZMICHEARLJI-A
GRETSLOR DI TSARIGRAD SHI ATINA, LÃ YINI CRIPARI –
SÃ SI SHTIBÃ SHI S-NU S-AGÃRSHEASCÃ!
Dina Cuvata
TU LOC DI PROTUZBOR
Ahtari unã carti ca-aestã cum u-ndrepshu io nu s-ari adratã pãnã tora. Ama,
eara lipsitã multu di multu. Nu shtiù shi nu pot s-acãchisescu, cãtse shi ninti di
unã sutã shi treidzáts di-anji nu fu adratã, cá avea oaminji ãnvitsats, avea shi
preftsã cari putea s-li traducã acatistili di pi limba gãrtseascã.
Unã turlii di carti publicá Aurica Piha di Bucureshti, tu Vlãhii, ama cu dip
putsãni numi shi fãrã di acatistili. Ãnğrãpsii io tu un loc cá ea aclotsi bãgá shi
numi cari di canã turlii nu s-poati s-eara Armãnji, bunãoarã ca Sãmta Zlata
Meglensca, Sãmtul Iovan Rilski, Sfiti-Iachi di Palanga shi alti numi ti cari tora
nu-nji aduc aminti.
Ysi bãgai io tu-aestã carti?
Ãlji bãgai sãmtsãlji cari bãnarã shi pãtsãrã ti Hristolu ninti di anlu 980,
ana\da ti prota oarã s-adusi aminti zborlu Vlahiea Mari. Sãmtsãlji di-atumtsea shi-
ncoa suntu Armãnji. Ama, avem shi cama nauùã numi di sãmtsã cari lji shtim cá
eara di soi armãneascã, ama nu zbura armãneashti. Io shi-ahtárlji lji0avui tu metru
shi ashi ãlji bãgai tu-aestã carti. Un Dumidzá li shtii cama ghini lucrili cu-
Armãnjlji shi la s-giudicã El. Di oaminji nu voi s-avdu cá nu furã ashitsi lucãrli!
Cum s-adrá aestã carti?
Materialili ti bana shi faptili-a unlui ca bun numir di sãmtsã li scosh dit
cartea-al Pr. prof. dr. Mircea Pàcurariu, Sfinţi Daco-Români şi Români, Ed.
Mitropoliei Moldovei şi Bucovinei, Iashi, 1994, ninti di baia anji anda lucram la
Redactsiea ti emisiili pi limba armãneascã di la Radiolu Machidunescu shi u
tsãneam rubrica “Numi avdzãti di soi armãneascã, cafi treia Martsã-a meslui. Feci
ghini di nu li ashtershu materialili, dupã tsi u-ndridzeam shi s-dutsea Emisiea.
Shi-ashitsi un cãti un s-adunarã ca baia materiali cu biografiili-a sãmtsãlor.
Nãinti di 3-4 anji tinjisitlu Racu Nicolae di Custantsa ãnji cãftá sã-lji adar
pi-armãneashti shi tutã dgheavasea-al Ia-Andoni di Iezeru, cari deapoa fu multu
ghini cantata-liturghisitã anda furã adusi moashtili-a lui Custantsa, lucru tsi-l
vidzui shi io shi di-atumtsea tinjisitlu Goran Pushuticlu nji-ari adratã un musheat
cadur shi bãgat tu ramcã. Mini, tsi-I dealihea, multu maninti di-atsea lu-aveam
vidzutã shi dghivãsitã, a deapoa shi publicatã Acatistlu-ali Stã-Mãrii, di mãnã
ãnğrãpsit di tinjisitlu Ghiorghi Platari-Tzimá di Atina, tu Veacljea Pãshilãchi
Turtseascã – Gãrtsiea, ama nu-lji bãgai oarã cum lipsea shi ti-atsea dzãc cá di la
adrarea-a armãnipseariljei a Acatistlui al Ia-Andoni di Iezeru sã-nchisirã ma ghini
shi ma salami lucãrli.
Cum li-alepshu aesti numi di li bãgai tu aestã carti? Dinãoarã s-dzãc cá nitsi
unã oarã nu nji-arcai ocljilji pi cartea ali Aurica Piha, cá nitsi shi shtiù iu u-am
bãgatã. Ti niscãntili numi di sãmtsã shteam dit cartea tsi u spush cama-nsus, ama
shi dit Entsiclopediea Armãneascã a ljirtatlu Justin Tambozi. Ti niscãnti numi
shteam di la noi, dit Machidunii, di moùbetsli tsi li fãtseam cu oaminji cari li shtea
lucãrli. Ashitsi ti-atsea cá Ia-Nauni eara Armãn shi cá avea adratã shi texturi pi
limba armãneascã nji spusi Vera Vescovici-Vangheli, cari li shtea ghini lucãrli
shi li spusi. Ti Sãmtul Nectarii di Bituli shi Sãmtul Ilarion Episcoplu dit
Megleniea avdzãi di la tinjisitlu Mihailo Gheorghievski di Scopia, shi el cu unã
carti ti Sãmtsã dit Machidunii. Ti náilji sãmtsã tsi furã canonizats di Bãsearica
Ortodoxã-a Machiduniiljei – Arhiepiscopiea di Ohãrda, tu anlu 2017, shi io
shteam cá eara di soi armãneascã iara di la Mihailo Gheorghievski shi acad.
Haralampie Polenacovici, ti Sãmtul Ioanichii di Racotintsi di ningã Scopia, ama
cá shi io mi-aveam cãnãscutã cu Mihail Parnagiev, cama amãnat Episcop di
Velica, shi nji-avea spusã cá easti di soi armãneascã, ti cari shi tinjisita Melpa
Stefanovsca nji-avea spusã, cá el shi-a ljei lji-avea spusã cá easti di soi
armãneascã.
Ti Yi-Nicola di Aminciu shi altsã niscãntsã sãmtsã-macenits di cama nauùã
data, shteam shi di la tinjisitlu Ghiorghi Platari-Tzimá. Shi, ashi cum pisicai di
pusputeam pi Vichipediea vidzui cá tuti numili di sãmtsã dit veacljea ipuhii suntu
shi la Sãrghilji, shi la Vãrğãrlji shi la Machedonjlji. Ti-atsea shi io ãlji bãgai tuts
atselji sãmtsã ca di soi armãneascã. Ashitsi Sãmta Lidiea di Filipi nu putea s-nu
hibã unã proto-Armãnã, Yi-Dimitri din Sãrunã shi el cá shi unlu di huzmichearlji
s-dzãtsea Lupul, zbor armãnescu, cá ma s-eara Grec vrea s-eara Licu, Sãmtul
Nestor shi el shi altsãlji niscãntsã. Shi ti Sãmtsãlji Frats Isa-cu-Apostoljlji shi
Dascaljlji-a Slavanjlor shtiù dit cartea-al Andrei Bagav, ama shi dit alti locãri.
Shi-ashitsi unã numã di-aoa, unã di-aclo s-featsirã 42 di numi.
Shcljoapicã luguriea cá ti tuti atseali numi nu-am aflatã shi Acatisti, mash di ispetea cá
nu-ari shi pi valahuteashti, sãrbeashti, vãrğãreashti shi machiduneashti … Armãni aestu lucru
su-l bitisescu altã oarã, cara s-bãnedz i cá su-l bitiseascã altsã di alti bãrni di-Armãnji, cá nu va
s-chearã Armãnjlji shi dip ahãt ağonjea!
Tora s-u spun nica aestã lugurii. Numili-

a sãmtsãlor li spun di dauùã turlii:
traditsionali shi nauùã formã. Niscãnti di
numili ca Yi-Dimitri, Yi-Nicola li spun ashi
cá ashi suntu la Armãnjlji di iu inshii shi io.
Ia-Andoni ãl bãgai ashi cá ahtari unã numã
di sãmtu – atsel di Veryea ashi lu shteam.
Ia-Nauni ãl bãgai, shi el ashi cum lu shteam
di-acasã. Stã-Vinirea u bãgai ashi cá ashi u
shteam di-acasã. Tuts alantsã ãlji bãgai cu
Sãmtul/ Sãmta, ca nauùã formã, cá nu
puteam io s-adar tsiva tsi nu avea acãtsatã
zãrtsinji …
Scopia, pi 06 di Yinar, prindu Cãrciun, tu-anlu-al Dumidzá 2019.
Dina Cuvata
SAMTILI AGAPIEA, HIONIEA SHI IRINA
16 di-Apriir
Cara bãnarã tu chirolu-a amirálui Diocletsian, tradzirea-a tsilor trei macenitsi lã fu spusã
tu unã furnjiseari-a preftului Zoil shi-a Sãmtãljei Anastasiea, ta s-li ãncurajeadzã treili feati tuti
ta s-aravdã. Shi cara furã acãtsati atseali treili di pãngãnjlji shi dusi la amirálu, ti giudicari, nu
pãturã ta s-li arãdã, shi cu vãrtusheatsã lã si ãncustarã-a tsilor cari lã u-atimusea pistea.
Atumtsea furã arcati tu zãndani, a dupã un chiro furã dusi ti giudicari tu Machidunii.
Cara nu cãidisirã ta sh-si dizghirdeadzã cu ighemonlu angãnat di mushuteatsa-a lor,
atsel s-drãcusi shi s-purta ca cicãrdãsit di minti, li bãshea oalili, ashi cá tuts arãdea cu el. Ama
sãmtili Agapiea shi Hioniea furã arcati ãn foc shi dinãoarã sh-li deadirã geanurli tu mãna-a
Domnului, fãrã di trupurli-a lor s-hibã arsi di foclu. Shi Sãmta Irina, cara fu arichitã di anghilji
dit mãnjli-a dizghirdatslor, fu bãgatã pi cipita-a unlui ohtu iu nu pãturã ta s-alinã atselji tsi li
pidipsea. Shi cara muri tu-arãhati shi tricu tu bana fãrã di moarti, truplu-a ljei fu loat di scularili-
a Sãmtãljei Anastasiea shi fu bãgat ningã moashtili-a surárlor a ljei.
SAMTUL AGATANGHEL DI BITULI
Ti Sãmtul Agatanghel di Bituli icá di Lerin/ Florina (Lerin/ Florina 1707 – Bituli, 1727)
sã shtiù dip putsãni lucri. Shi atseali tsi suntu suntu aflati di pi chivotlu cu sãmtili moashti-a
lui. Pi atsea inscriptsii s-veadi: “Aestu sãmtu cap easti a neo-martirlui Agatanghel, cari chiru
ca un macenic tu-anlu 1727 di-aestã furnjii: Anda tuts Agarianjlji cara shi-avea unã andrihãstã
adeti cá tu treili dzãli-a Bairamiljei su-l ãnturchipseascã cafi unlu crãshtin tsi va-l afla, el nu
putea s-u strãxeascã atsea shi s-dusi tu sãraia amireascã, ama adrá shi unã firmani shi cu
agiutorlu-al Dumidzá – elji li muljearã lucãrli. Ama, atselji cari nu-l strãxirã aestu lucru, ãl
vãtãmarã, shi caplu-a lui fu anãstãsit tu dzãlili-al chir Grigorii di Pelagoniea shi di ereianjlji
cari eara atumtsea; sachilarii papa Gheorghii, ma shi sachelanjlji papa Gheorghii, papa Hristo,
papa Traian, papa Naum, papa Vanghel, papa Vasil, papa Gheorghii. 1827, Shcurtul 25”.
Dit aestã inscriptsii s-veadi cá sãmtul Agatanghel u pãtsã dicara s-agudi cu
extremishtsãlji musulmanji ti-atsea cá sã-ncustá la islamizarea di zorlea-a crãshtinjlor. Cama-
amãnat, pi baza-a documentilor dit atsel chiro, a s-poati cá shi dupã spunerli-a oaminjlor, tu-
anlu 1827, fu adratã inscriptsiea ti furnjiili ti vãtãmarea-a lui, inscriptsii tsi s-aflã pi chivotlu cu
moashtili-a lui.
Cá eara dit Machidunii sãmtul Agatanghel, dati s-ved tu dgheavasea-a lui adratã di
ieromonahlu Atanasii di Simon-Petru. Tu sinaxarlu ãnğrãpseashti: “Pi dzuùa di 27 di-a meslui
Shcurtu, adutsem aminti ti sãmtul shi avdzãtlu neo-martir Agatanghel, cari di sulã chiru tu
Bitulea Machiduneascã tu anlu-al Dumidzá 1727”. (Ma atsea nu scljeamã cá eara shi di soi
di-a Machedonjlor di Slavanjlji. Tuts cari eara shi suntu di Bituli nu scljeamã cá suntu shi
Machidonji di Slavanjlj Bileam shi stranjili lu spun cá eara Armãn, has ca atselji di Aminciu
shi di Ianina.i. (n. D. C.)
BANA-A
SAMTULUI IERARH AHIL DI LARISA
14 di Mai
Aestu sãmtu Ahil bãná tu chirolu-a amirálui Constantin atsel Marli, shi eara faptu shi
prãxit di pãrintsã bunji tu pisti, di la cari li ãnvitsá relighiozitatea shi tinjisearea-al Dumidzá,
deadun shi ãnvitsãtura laicã, shi cu nai ma analta filosofii. Shi cara sh-si mushutsã el insushi
cu tuti-atseali bunets dupã Dumidzálu, fu aleptu ti arhiereù a Larisãljei armãneascã di cama
amãnat shi pãnã azã, tsi easti tu Tesaliea, azã sum ocupatsiea-a Veacljiljei Pãshilãchi
Turtseascã – Gãrtsiea. S-dusi la marli Sinod di Nicheia shi cilãstãsi shi s-alumtá deadun cu
pãrintsãlji shi pãnã tu soni shi-l caterisirã Arii shi tuts cari eara deadun cu el shi-lji anitimisirã
shi iara s-turná Larisa, iu surpá multi capishti idoleshtsã, shi scoasi demunji dit oaminjlji, shi
multi alti nishenji featsi; shi bana shi-u bitisi tu-arãhati, dicara mutá dit fimelj casi ti
pãlãcãrseari, shi di tuti turliili li mushutsã.
BANA, FAPTILI SHI ACATISTLU-AL
IA-ANDONI DI IEZERU, TU VLÃHII
BANA SHI FAPTILI-AL IA-ANDONI DI IEZERU
Aestu-ambar pãrinti Andoni, bãnà tu chirolu-a vluisitlui domnu Matei Basarab shi-a
Sãmtului Macenic Constantin Brãncoveanu (Aoatsi nu sã spuni, ma tu-altu loc am dghivãsitã
cà eara Armãn di soi shi dãmara lj-si trãdzea dit locãrli di Ianina – nota-a trad.). Un chiro
shi-avu lucru cu comertslu, dicara trapsi mãnã di-aestu lucru, s-acãtsà di “comertslu suflitescu”.
Cara trapsi mãnã di bolluchea di pristi loc, s-acãtsà di bana cãluğreascã, tu dipmusheata pustilii-
a Iezerlui dit arãdzãmurli di Vãlcea. Sã spusi-ahãt di ni-anãchisit Ãmbistusitlu Andoni nica dit
ahurhitã cu pidimolu shi sertsãljea-a banãljei cãluğreascã, ashi cà s-tsãnea di Domnul, dipriunã-
ncãrfãsinda-si, di buna-lji vreari. S-pãrea paradistatlu Andoni canda eara fãrã di materii shi fãrã
di trup. Cara vru s-li creascã lucrili cãluğreshtsã, caftà vluyii di la Episcoplu di-a loclui, Ilarion,
ta s-ducã Ayi-Nor. Aestu cara-l duchi cà easti cãluğru vãrtos sh-ti mari-ncherdu ti multsãlji, ãl
urnipsi cà ta s-tragã mãnã. Shi cara s-tunusi Ãmbistimenlu Andoni la Schitlu Iezer, ãlji criscu
mirachea ti mirimitea-a Bãsearicãljei shi-a binàilor di-anvãrliga di ea. Deapoaia après di
Dumidzescul Dor, inshi cama-nsus di Schitlu, tu unã musheatã mireauùã, iu avea shi unã
pishtireauùã. Aoatsi sh-sãpà shi-un njic paraclis, di iu shi-u ahurhi bana cu Pãlãcãrii nicurmatã,
tu tutã bana di pristi loc. Cari poati s-li spunã ğrãpniili di noaptea tutã, ma shi-altsãlji pidimadz
di sihastru, ca preasinli, ãnzãnucljerli? … Hãsmusitorlu-a oaminjlor, draclu, lj-featsi di multili
ori pirazmadz shi cripàri, ama tuti li-anãchisi Ãmbistimenlu – cu Harea di Dumidzà. Ta sh-si
pidipseascã sh-nica ma multu purta un bãrnu di silivari di her. Mãcarea-a lui eara dupã sãhatea
nauùã, pãni shi apã. Yin shi-altili biuturi nu bea canã oarã. Nu durnjea pi pat, ma niheamã-
ndrupãt, ta sh-si discurmã di multili pidipseri. Tut chirolu eara tu Pãlãcãrii cu làcãrnji hearti,
stranjili li-avea di-aradã shi-ahãt cãt ãlji lipsea.
Cu Harea-al Dumidzà cara shi-u duchi sonea-a banãljei di pristi loc, ãlji gri-a ciraclui a lui
Ieromonahlu Nicolae, paturdzàts di dzãli maninti, shi-acrifa ãlji dzãsi: “sonea ãnji si-apruche.
Dupã mutarea-nji aclo iu moarti nu-ari, su-l badz truplu-a meù tu groapa tsi-ù sãpai la ushea-a
Pishtireauùãljei”. Shi dupã-altili zboarã ti urnimii, s-arihnipsi la Domnul.
Ãmbistimenlu Andoni eara njic di boi shi niheamã-ncãsurat tu-ausheatic. Barba lj-eara
tãfoasã shi-albã, prosuplu lji-arãdea daima, sertu tu tabaeti, ama ağonjea ljirta. Bãnà ca sihatru
28 di-anji shi tut cu tut bãnà 92 di-anji.
Dupã-ngruparea-a Ãmbistimenlui, sã spusi di ma multili ori tu yis a ciratslor a lui, cà easti
tu Bãsearicã shi cu unã Crutsi Scãntiljoasã pi cheptu. A ciraclui cari lj-eara nai ma vrutlu iara
ãlji si spusi shi-lji dzãsi: “s-nu ti-nvirinji cà fudzii dit aestã etã, ma cama multu s-ti hãrseshtsã
cà escu la discurmarea ti eta-a etilor. Di-aoatsi va mi Pãlãcãrsescu daima ti voi”. Fuga-a lui s-
featsi tu-anlu 1719, pi 23 di Brumar, la sãhatea nauùã di dzuùa.
Bana-a Ãmbistimenlui Andoni fã-nğrãpsitã di Ieromonahlu Nicolae, ciraclu-a lui. Tu-anlu

1812, cronicarlu Chiriac Rãmniceanlu, para-nipot a Ãmbistimenlui Andoni, cara-ù featsi devrã
Pishtireauùa di la Schitlu Iezeru, deadi-aclo di un sihastru Ieromonahlu Stefan, “cari shidea-
aclo 50 di-anji”. Para-nipotlu Chiriac vru “s-li-aflã Oasili-a Ãmbistimenlui”, ama nu-lji deadi-
atsel Stefan, shi-lji dzãsi cà lã si spusirã seamni fricoasi-a tsilor cari vrurã ahtari lucru. Ama u
featsi mirimeti Njica bãsearicã dit Pishtireauùã, cu naetea ta sh-si tragã shi el aclotsi, iu “para-
paplu-a lui bãnà”. Iara-atsel Chiriac Rãmniceanlu easti hãrzit cà u xitãsi “cu màri hàrgi shi
pidimo”, bana-a Ãmbistimenlui Andoni, documenti tsi s-aflã tu hoara Dobroceni-Vãlcea.
Shi Sãmtul Calinic Cerniceanlu anda fu Episcop Vãlcea vru shi el sã-lji li dizgroapã Oasili,
ama semnu ãlji si spusi shi trapsi mãnã, cara cãdzu mealu cata pi groapa-a Sãmtului. Sãmtul
vru s-armãnã tu “-ascultari”.
Tora tãshi s-fatsi dizgruparea-a sãmtilor Oasi-a lui, iara cu vrearea-a Ãmbistimenlui, cari
veadi cà multu nã lipseashti-agiutorlu-a lui.
Sãmte Dipãmbistimene Pãrinte Andoni, plãcãrsea-L Bunlu Dumidzà s-nã hãrzeascã shi-a
nauùã arãhati shi mari njilã.
+GHERASIM
Episcop a Eparhiiljei a Rãmniclui
ACATISTLU-AL IA-ANDONI DI IEZERU,

TU VLÃHII
PÃLÃCÃRIEA CU CARI S-AHURHEASHTI
Tu numa-a Tatãlui shi-a Hiljlui shi-a Sãmtului Duh. Amin.
Doxã-a Tsàia, Dumidzàlu-a nostu, doxã-a Tsàia!

Amirà din tser, Apuituitorlu, Duhlu-a dealihiljei, Cari pristi tut eshtsã
shi tuti li fatsCvistierlu-a bunetslor shi Dãtãtorlu di babã, yina shi-aflã-Ts
cathio anamisa di noi shi chischinipsea-nã di tutã lera, shi ascapã-li, Bune,
geanurli-a noasti.
Ayisite Dumidzali-m, ayisite sãmtu, Ayisite fãrã di moarti, njiluea-nã
noi (di 4 ori).
Doxã-a Tatãlui shi-a Hiljlui shi-a Sãmtului duh, shi tora shi daima sh-
ti eta-a etilor. Amin.
Doxã-a Tsàia, Dumidzàlu-a nostu, doxã-a Tsàia! Dip ayisità
treime, njiluea-nã noi, Doamne, chischinipsea-li amãrtiili-a noasti, Stopane,
ljeartã-li fãrãdizãcuniljli-a noasti, Ayisite caftan-li shi vindicã-li niputerli-a
noasti, ca numa-a Ta.
Doxã-a Tatãlui shi-a Hiljlui shi-a Sãmtului duh, shi tora shi daima sh-
Tatãl a nostu Cari eshtsã-n tseruri, sã si-ayiseascã numa-a Ta, la s-yinã
Amirãriljea-a Ta, la sã si facã vrearea-a Ta cum pi tser ashi shi pristi loc.
Pãnea-a noastã ti bãnatic dà-nã-ù a nauùã azã, shi ljeartã-nã li-alutuserli,
ashi cum shi noi lã ljirtàm a tsilor tsi nã-alutusirã, shi nu nã du tu pirazmo,
ma ascapã-nã d-aràùlu.
Cà-a Ta easti amirãriljea shi putearea shi doxa, a Tatãlui shi-a Hiljlui
shi-a Sãmtului Duh, tora shi daima sh-ti eta-a etilor. AMIN.
Troparlu glas 1.
Purtãtorlu-a Dumidzescului DOR a Pãlãcãriiljei tsi nu lji-ari bitiseari,
Tini Ayisite Nàù Pãrinte Andoni, Urnipsitorlu-a cãlugãrlor, agiutorlu-a
tsilor tu nivolji shi fãcãtorlu-a ciudiilor, cari bãnedz tu Paradislu di-Analtu,
ma nidispãrtsãtlu di noi di-mpadi, pãlãcãrsea_l Njilãoslu Dumidzà ta s-nã
hãrzeascã shi-a nauùã Irinji shi Mari njilã.
Condaclu 1
Tini-apurãtorlu-atsel ni-anãchisitlu-a nostu, ca-atselji tsi prit tini
mustrã ti bãnatic ãnchirdãsim, alãvdàri ti hristuseri tsã-adutsem, noi
nicãdãrlji. Ama ca unlu cari cutidzashi la Dumidzà, ascapã-nã dit tuti nivoljli
ta s-tsã cãntàm: Hãrsea-ti Ayisite, Dipãmbistimene Pãrinte Nàùlu Andoni.
Icoslu 1
Prãxit tu frica di Dumidzà di pãrintsãlji-a tàlji Iani shi Stana, di-anda
tinir fudzishi dit casabalu iu ti-aflashi, Ianina, cara tsã gri Dumidzà tu Statlu
Valahutrescu, ca un chiro Avraam tu Canaanlu, cà cu-ncherdu s-fats tugireti
cu pãràlu tsi tsã fu dat, shi noi cara ti-alãbdàm tsã dzãtsem:
Hãrsea-ti cà di-anda njic fushi ghini prãxit!
Hãrsea-ti cà pãrintsãlji shtiurã cum s-ti prãxeascã!
Hãrsea-ti cà tu Bãsearicã ti ghini ti dutseai!
Hãrsea-ti cà tu Statlu Valahutescu fushi grit di Hristolu!
Hãrsea-ti tini pãrmãteftul cu tãhmini ti-atselji dupã tini!
Hãrsea-ti cà ni di-atsea buna aveari nu ti fãtseshi sclav!
Hãrsea-ti tini bunlu pãrinti-a fumealjiljei a ta!
Hãrsea-ti tini cari u cãftashi ayisita banã!
Hãrsea-ti durusite cu buna ahti!
Hãrsea-ti tini steauùa lutsitã pi cubelu-a Bãsearicãljei!
Hãrsea-ti Ayisite Dipãndreptul Nàùlu Pãrinti Andoni!
Condaclu 2
Cara lji-avushi tu vreari oarfãnjlji, nu-adunashi averi pit ambàri, ma
cãt pãtushi, cu sãdoarea-a lucurlui a tàù, fãtseshi njilueari csara shtiushi cà
ea easti-avearea tsi nu cheari ti cari fushi-ncãrunat di Hristolu shi noi a
Dumidzàlui cari ti doxãsi ãlji cãntàm: Aliluia.
Icoslu 2
Cara vrushi s-imnji dupã dimãndãciunjli-a Hristolui Ãl bãgashi El
Pãrinti s-u cumãnduseascã casa-a ta cu vrearea ti vãrtushiljea shi
mintiminiljea cu-alãvdari tsã dzãtsem:
Hãrsea-ti cà Despina tsã fu nicuchirã bunã!
Hãrsea-ti cà la bana ti daima deadun meditates!
Hãrsea-ti cà pãlãcãriea-a t duhlu lu-nvãrtushea!
Hãrsea-ti cà njila-a ta fu manã dultsi!
Hãrsea-ti cà hilji-tu, Mihali, cu vrearea ti Domnul lu-nvitsashi!
Hãrsea-ti càa lui Hristolu ãlji ti preftu!
Hãrsea-ti vigljitorlu-a casilor crãshtineshtsã!
Hãrsea-ti cà nu ts-u ligashi inima diavearea di pristi loc!
Hãrsea-ti cà mãnjli ti lucrili buni li mutashi!
Hãrsea-ti cà tu frica di Dumidzàlu bana di pristi loc ts-u tricushi!
Condaclu 3
Cara fushi dus di dumidzà, ti curdisishi Rãmnicu Vãlcea shi cicioarli
tsã li duseshi cãtã la multili schituri shi mãnãstiri cu cari Dumidzàlul hãrzi
loclu-a Olteniiljei. Cara aflashi-aoa hranã bolluchi ti suflitlu ti fãtseshi sots
cu-atselji cari cu sivdai Ãlji cãnta al Dumidzà: Aliluia.
Icoslu 3
Ca tserbul après di seatea-a fãntãnjlor, t hiumãsishi Pãrinte la
Bãsearica-a Hristolui, shi ts-u-ndultsishi inima cu mushuteatsa-a
dgheavasilor bãsericheshtsã, shi cãftashi mirami shi-arcãlãchi la ayisitslji,
shi-ashi ti-adrashi tini insuts, prit bana virtuoasã, vas aleptu ti-asãmtsari.
Ti-atsea noi cu harauùã, tsã dzãtsem:
Hãrsea-ti cà di-anda ficior Sãmtili Scripturi li dghivãseai!
Hãrsea-ti cà li vrushi sãmtili casi-al Dmidzà.!
Hãrsea-ti cà prit Ayisitili oasi-a tali Bãsearica-a Hristolui u fãtseshi-
avutã!
Hãrsea-ti cà u vrushi avearea tsi nu cheari!
Hãrsea-ti tini lãmbada tsi lunjinedz ca un soari!
Hãrsea-ti cà prit pãlãcãriiea sivdaea-al dumidzà u-amintashi!
Hãrsea-ti cà simitsa-a pistiljei prit tini fitrusi!
Hãrsea-ti tini cula cu hàrli tuti!
Hãrsea-ti tini pãrmãteftul a sãmtãljei clirunumii!
Hãrsea-ti tini vãrtoslu apanghu-a Olteniiljei!
Condaclu 4
Cara-l cãlcashi nivaljlu-a mintiminiljiljei, u-nchirdãsishi, ca un bun
pãrmãteftu, mirgeana-atsea musheata, cà cara fudzishi dit dunjeai sh-di tuti-
atseali cher dupã un chiro, ti-apridunashi la Mãnãstirlu Sàràcineshti iu
loashi vidzutã di anghil, shi pi-anumirli-a tali ãl loashi iaremlu-atsel bunlu-a
Hristolui, Cara ti fãtseshi-avut cu-atsea yishteari tsi nu lji-ari bitiseari, cu-
anghiljlji cãntai: Aliluia.
Icoslu 4
Cara-agiumseshi tu-ausheatic, nu tidideshi la alghilji peri-a
ausheaticlui ta s-shedz ca culã nidatã di la loc dininti-a multilor urnjeri-a
dushmanjlor. Cara-ù bãgashi dininti mirachea ti prufectari ti-nviscushi cu-
aplicãciunea has canda cu shtit, ti cari ispeti avdzã di la noi:
Hãrsea-ti cà cu-ascultarea scãntiljeashi!
Hãrsea-ti cà cu-arãvdarea-a sertãljei nivolji ti-nvãrtusheashi!
Hãrsea-ti cà truplu tu serti nivolji ãl bãgashi!
Hãrsea-ti cà tu mistiriul a inimãljei ãlji greai a Hristolui!
Hãrsea-ti cà-a tsàia puteari tsã hãrzi Hristolu!
Hãrsea-ti cà truplu tsã-l dideshi curbani sãmtã!
Hãrsea-ti cà ti fãtseshi mustrã ti-arãvdari di-ashchtadzlji!
Hãrsea-ti tini sturlu ti banã cãlugreascã!
Hãrsea-ti pãrmãteftul a Etãljei a etilor!
Hãrsea-ticã ti noi ti plãcãrseshtsã dininti-a Sãmtãljei Treimi!
Condaclu 5
Acãtsat di mushuteatsa shi dultseamea-a banãljei cãluğreascã,cãftashi
di Episcoplu Ilarion, vluyii ta s-ti duts Ayi-Nor, ta s-creshtsã sh-nica ma
multu cu hàrli. Ama vrearea-al Dumidzà fu cà ta s-adari tu patrida-ts shi tu
inima-ts un nàù Ayi-Nor, ti-atsea, lutsitlu dispoti, ti pitricu la Schitlu Iezer,
iu cu cilãstãserli di-ashchiti cara ti pidipsishi, ãlji cãntai al Dumidzà, deadun
cu-anghiljlji: Aliluia!
Icoslu 5
U-aflashi tu Iezerlu ashchitiljea cari cu seati-ù caftan geanlu-a tàù shi,
tsicara cà tu iaramati, cilãstãsishi s-fats mirimeti dit fimealji-a bãsearicãljei
shi-a chiliilor shi ti hãrseai cà Dumidzàlu tsã curmà cà s-u dai artimaea di
cunumiili-a tali ti mirimetea-a-a lushtui cathio, ti-atsea ti-alãvdàm ashi:
Hãrsea-ti cà ma-nsus di tuti u-avushi harea ti-ascultari!
Hãrsea-ti cà ea ti dusi la limanea-a arãvdariljei!
Hãrsea-ti tini cãdãrlu shi nàù Mastur a Mãnãstirlui Iezeru!
Hãrsea-ti tini gionli vigljitor a Mãnãstirlui!
Hãrsea-ti tini cu seati mari ti tãrhiea shi singurãtatea!
Hãrsea-ti Hãrsea-ti cà u vrushi boatsea-a tãtseariljei!
Hãrsea-ti tini lava-a irnjiiljei!
Hãrsea-ti tini stihlu-a simfoniiljei din tseruri!
Hãrsea-ti tini vruitorlu-a anàltsãlor nivolji duhovnicheshtsã!
Hãrsea-ti tini trandafirlu cu bunã-anjurizmã!
Condaclu 6
Bãnaticlu-a tàù timirachi adunà multsã ficiuri, ashi cà Schitlu Iezeru
ca ti pirmif scoasi lilici has ca crinlu dit pustiliea-a Muntsãlor Buila, cara ti-
avu tini cu prahticã, urnipsitor. Cara bãgashi aradã cu banã ti multsã lji-
aduseshi-a Domnului doxã shi-ncljinari cu cãntarea di: Aliluia.
Icoslu 6
Cara ãlji vidzushi multsãlji cãluğri adunats Iezeru, ma shi multsãlji
pistimenji cari yina la schitlu, vrushi ma multã tãrhii, ta s-ti pãlãcãrseshtsã
dipriunã-al dumidzà. Ti-atsea u cãftashi pustiliea-atsea ahãndoasa-a
pãdurlor shi-ashi dit ahãndinji sã-Lji greshtsã-a Tsilui marli, a tora
pãlãcãrsea-L ti noi cari ti tinjisim, shi ti-alãvdàm:
Hãrsea-ti cu sãmtsãlji tuts dicara cu elji ti pãlãcãrseshtsã!
Hãrsea-ti tini cari-ù vrushi tãrhiea-a pustiliiljei!
Hãrsea-ti tini harea ayisitã shi multu-musheatã!
Hãrsea-ti tini gionli-alumtãtor tu-ashcherea-a Hristolui!
Hãrsea-ti tini suschirlu-a ashchtiljiljei tu-arãvdari ascumtu!
Hãrsea-ti tini inima friptã di foclu-a pãlãcãriiljei!
Hãrsea-ti tini dascalu cu tãhmini-a cãluğrilor!
Hãrsea-ti tini muntili duhovnichescu di sertsã nivolji!
Hãrsea-ti tini marea-ahãndimi cu bunets inshiti dit isihiea-a
pustiliiljei!
Hãrsea-ti tini cari li tinjisishi atseali tsi nu fac tsiva!
Condaclu 7
Cara vrushi ta s-bãnedz pristi loc tu ma multã apridunari, sh-cama
multu cara nu u vrushi niisihiea-a pustiliiljei inshishi dit schitlu shi, cara
mãtrishi pit locãrli pustii, aflashi unã pishtireauùã iu dicara shidzushi
ãndauùã dzãli shi cara fãtseshi pãlãcãrii cu làcãrnji, tsã si featsi hãbari prit
furnjiseari ta s-arãnji cu cioclu unã njicã bãsearicã, shi-lji cãntashi-al
Dumidzà: Aliluia!
Icoslu 7
Un chiro di trei anji ti pidipsishi ta ta s-li plichiseshtsã tu cheatrã cu
dalta shi cioclu njica bãsearicã shi chiliea iu ts-u bitisishi calea-a
cilãstãseariljei dit pustilii, shi ti xana-fãtseshi dit videala-a plãngului, shi-
adrashi di patimatli cali ti-ascãpari, sh tora oasili-a tali u-asprãndescu
anjurizma-a sãmtsãljiljei ti cari ispeti noi cara ti-alãvdàm, tsã dzãtsem:
Hãrsea-ti tini scumpul bãnãtor a pustiliiljei!
Hãrsea-ti cà prit sihastriljea ti-ayisishi!
Hãrsea-ti cà dipriunã cu Dumidzàlu has ca anghiljlji zburãshi!
Hãrsea-ti cà inimã ti hàri ãnchirdãsishi!
Hãrsea-ti cà tu-alumta cu demunlu tini-anãchisishi!
Hãrsea-ti cà cu serta-ts banã anghiljlji pi ciudii ãlji bãgashi!
Hãrsea-ti cà ts-u vãtãmashi fisea di loc!
Hãrsea-ti cà harea ti pãlãcãrii di la Hristolu u loashi!
Hãrsea-ti tini cãmbanà a ãnyeariljei dit groapã inshitã!
Hãrsea-ti tini plãngul di-arauùã, stranjlu-a dimneatsãljei!
Condaclu 8
Tu pishtireauùa-a ta sãpatã tu bãrtsiri cara bãnashi, , tsã-l
chischinipsishi geanlu cu dumidzeshtsãli mindueri, iu nãinti u bãgashi
minduearea la moartea prit cari tsã si spusi mushuteatsa-a dumidzariljei di
cari dicara ti-ndultsishi ti-anãltsashi pi scara-a bunilor hàri shi-al Dumidzà
ãlji cãntashi: Aliluia!
Icoslu 8
Pidimadzlji-atselji tricutslji tsã furã ti-apuitueari sh-ti hãidipseari tu
sivdaea cãtã Hristolu, shi ni iaramatli ni-aguderli shi curãerli-a demunlui nu
pãturã ta s-ti tragã di pi calea ti cãtã-n tser di iu, tora, aclo iu ti hãrseshtsã,
aproachi-li di la noi aesti-alãvdàri:
Hãrsea-ti cà cu-arãvdarea di minciunjli-a demunlui ascãpashi!
Hãrsea-ti cà truplu tu lundzã pidimadz ãl bãgashi!
Hãrsea-ti cà foclu-a pãlãcãriilor ti-nvãrtushe!
Hãrsea-ti cà cu tutã inima-a ta Dumidzàlu-L vrushi!
Hãrsea-ti tini bãrtsirea cu vantsu vãrtos!
Hãrsea-ti tini ashchitilu dumidzat a farãljei a ta!
Hãrsea-ti tini scãntiljoslu lunjinãtor!
Hãrsea-ti cà gailelu di pisti loc lu-alãsashi!
Hãrsea-ti cà ti sivdaea cãtã Dumidzàlu multi ni-agiundzeri pãtsãshi!
Hãrsea-ti tini apuituearea-a tsilorcu umutea chirutã!
Condaclu 9
Asaltã pustiliea shi pishtireauùa u spuni lucrarea-a hàrlor a tali, cà
imnashi pi càljuri serti sh-li vãtãmashi miràchli-a truplui a tàù. Cara ts-u
lunjinashi mintea cu ğrãpniea agiumseshi ta s-bãnedz tu trup ca un tsi nu-
ari trup shi-lji cãntsã-al Dumidzà: Aliluia!
Icoslu 9
Nu putem s-ti-alãvdàm cãt lipseashti, cà nu tsã-l vrushi truplu sh-ti
hiumãsishi la Domnul pi calea-a ashchitiljiljei, ti-atsea bãnaticlu-a tàù ãlji
featsi s-ciuduseascã multsã di oaminji cari yinea la tini ta s-aflã apandasi shi-
nvãrtusheari tu ni-agiundzerli shi nivoljli-a lor. Avdi-ù shi pãlãcãriea-a
noastã, shi fà-nã izoti s-u fatsim cãntarea:
Hãrsea-ti tini cari u vrushi Amirãriljea din Tser!
Hãrsea-ti tini imiradea cu trup anghilescu!
Hãrsea-ti tini cu perlji cair cu àrchi di dom dumidzescu!
Hãrsea-ti tini lilicea-a muntsãlor duhovnicheshtsã!
Hãrsea-ti tini cari, cu sivdai, li-aprochi pãlãcãriili-a noasti!
Hãrsea-ti tini agiutorlu-a tsilor tsi imnã pi calea cãluğreascã!
Hãrsea-ti tini doxa-a ashchitadzlor!
Hãrsea-ti tini vãrtusheatsa asprucuchitã cu làcãrnji!
Hãrsea-ti tini cathiolu-a ni-agiundziriljei dit pustilii!
Hãrsea-ti tini vindicarea-a geanurlor a noasti!
Condaclu 10
Singur tsã-l sãpashi mirmintili la gura-a pishtireauùãljei cu-
ashtiptarea-a sãhatiljei cãndu Hristolu va-l ljea geanlu-a tàù su-l ducã tu
cathiolu din tser. Cara vrushi sã-lji cãndãseshtsã ficiurlji-a tàlji cà shi dupã
moarti va s-eshtsã urnipsitorlu-a lor lã dzãseshi:”cara s-nu mi-ngrupats
aoatsi ni voi nu va s-putets s-shidets aoatsi” shi-ashi lã spuseshi cà groapa-a
ta va s-hibã limanea ti-mbunari ti-atselji cari cu pisti ãlji cãntã-Al Dumidzà:
Aliluia!
Icoslu 10
Cara ts-u spusi Hristolu tritsearea-a ta cãtã la El shi cara lã zburãshi-
a ficiurlor ti lucrili buni tsi lji-ashteaptã cãluğãrlji cu ascãparea, sh-dicara ti
bãgashi pi-aruguzina durnjishi tu somnul a discurmariljei a sãmtsãlor. Cara
u vidzurã-atsea ficiurlji dzãsirã, cu-ağno ciudii: “Ti ljea harauùa easti
moartea-a ãmbistimenjlor a Tàlji, Doamne!”, a di la noi avdili-aesti:
Hãrsea-ti tini tãhmingilu urnipsitor a ficiurlor!
Hãrsea-ti cà multsã oaminji urnimiili-a tali lj-bãgarã pi cali bunã!
Hãrsea-ti cà truplu, dunjeai shi demunlu lji-anãchisishi!
Hãrsea-ti cà prit tini ceta-a ãmbistimenjlor u criscushi!
Hãrsea-ti tini picurarlu-a analtãljei agi-a tãcutãljei pãlãcãrii!
Hãrsea-ti cà ti spuseshi vruitorlu-a hàrlor!
Hãrsea-ti cà singur ts-u sãpashi groapa!
Hãrsea-ti cà di maninti shteai cãndu va s-mori!
Hãrsea-ti tini Lutseafirlu scãntiljos a Bãsearicãljei a Olteniiljei!
Hãrseati tini vigljitorlu ni-anãchisit a Mãnãstirlui Iezeru!
Condaclu 11
Cara fu loat di caimolu ficiurlu-a tàù, ieromonahlu Nicolae shi, dãnãsit
ningã truplu-a tàù ãndreptu ti-ngrupari, lu-acãtsà somnul. Atumtsea tini ãlji
si spuseshi tu yis shi-lji dzãseshi: “Nu ti-nvirinã ti fuga-a mea di pristi loc,
ma hãrsea-ti ma multu, à nu murii cu tsã si pãru-a tsàia, ma mi dush la
harauùã shi discurmari, a ti-ascultarea tsi nji-u fãtseshi, tsã hristusescu shi
va mi pãlãcãrsescu la Dumidzà ti voi” shi el cara s-dishtiptà s-featsi ağno
harauùã shi-lji cãntà al Dumidzà: Aliluia!
Icoslu 11
Cu-ascultarea vrushi s-armãnji shi dupã moartea shi lã dimãndashi-a
ficiurlor cà oasili-a tali s-nu hibã dizgrupati. Ti-atsea anda Ayisitlu dispoti
Calinic vru su-l dizgroapã truplu-a tàù, pristi noapti, unã bãrtsiri s-arcuti
pristi groapã, di cari ciudii cara nã-nfricuim ti-alãvdàm shi dzãtsem:
Hãrsea-ti tini cari ti Hristolu curbani ti fãtseshi!
Hãrsea-ti cà ti domnul cutidzashi shi cu el anãchisishi!
Hãrsea-ti samsarlu-a atimusitslor shi cu furtii greali!
Hãrsea-ti tini cari-l lunjinedz geanlu-a ãntunicatslor!
Hãrsea-ti tini cari zburãshi ti Paradislu-atsel multu vrutlu!
Hãrsea-ti cà tu shcurtu chiro umplushi multsã-anji!
Hãrsea-ti tini cu perlji cari adrats shi mushutsãts di hari!
Hãrsea-ti tini cari li-ascundzã sãmtili lucri!
Hãrsea-ti tini un altu Avraam cu pisti!
Hãrsea-ti tini cari-l vrushi marli Andoni!
Condaclu 12
Ashi cum videala nu oati sã sta sum cosh, ni oasili-a tali nu pãturã s-
hibã ascumti dip multu chiro, cà spuseshi njilã ti pidimolu-a nostu shi nã li
dideshi, iara, ayisitili oasi-a tali prit cari duchim vindicari-a lãngorlor shi
niputerlor a noasti. Cu harauùã ti tinjisim ca un sãmtu pãrinti-a nostu, shi-
alDumidzà cari ti para-doxãsi ãlji cãntàm: Aliluia.
Icoslu 12
Li tinjisim pidipserli-a tali pãrinte Andoni shi hiumãsits la sfinduchea
cu ayisitili oasi-a tali, li bãshem cu sivdai shi tsã spunem hristuseari ti
bunetsli cari cu bolluchi li pispileshtsã pristi noi, atselji cari ti-alãvdàm
shidzãtsem:
Hãrsea-ti vindicarea-a lãngorlor a noasti!
Hãrsea-ti ãmbunarea-a scãnjisitilor geanuri-a noasti!
Hãrsea-ti tini izvurlu-a hàrlor shi-a sãnãtatiljei!
Hãrsea-ti tini ãmbunarea-a ãncãceatslor!
Hãrsea-ti tini cari li scuseshi tu padi ascumtili itsrãlji!
Hãrsea-ti tini cari lji-avinashi demunjlji!
Hãrsea-ti tini apanghul a ashchitadzlor!
Hãrsea-ti tini yiea fidanã-a Bãsearicãljei a Hristolui!
Hãrsea-ti tiniiaturlu shi cu-ağunjii vindicator!
Hãrsea-ti tini tsi li fats bunili cãftàri-a oaminjlor!
Condaclu 13
O, Ayisite Dipãmbistimene Pãrinte Andoni cari tu bana ti pristi loc ti
mushutsãshi cu mushuteatsa tutã sufliteascã shi tora ti spuseshi bunlu
vigljitor a lushtui bun stat crãshtinescu (shi-a lushtui ayisit cathio), cu loarea-
a lishtei njicã pishcheshi di la noi nicãdãrlji, ascapã-nã di nivoljli tuti shi
patimatli shi pãlãcãrsea-L Dumidzàlu s-nã lid a bunetsli tsi nu cher putes noi
cari ãlji cãntàm a Lui: A;iluia! (Aestu condac s-difturseashti di 3 ori).
Icoslu 1
Prãxit tu frica di Dumidzà di pãrintsãlji-a tàlji Iani shi Stana, di-anda
tinir fudzishi dit casabalu iu ti-aflashi, Ianina, cara tsã gri Dumidzà tu Statlu
Valahutrescu, ca un chiro Avraam tu Canaanlu, cà cu-ncherdu s-fats tugireti
cu pãràlu tsi tsã fu dat, shi noi cara ti-alãbdàm tsã dzãtsem:
Hãrsea-ti cà di-anda njic fushi ghini prãxit!
Hãrsea-ti cà pãrintsãlji shtiurã cum s-ti prãxeascã!
Hãrsea-ti cà tu Bãsearicã ti ghini ti dutseai!
Hãrsea-ti cà tu Statlu Valahutescu fushi grit di Hristolu!
Hãrsea-ti tini pãrmãteftul cu tãhmini ti-atselji dupã tini!
Hãrsea-ti cà ni di-atsea buna aveari nu ti fãtseshi sclav!
Hãrsea-ti tini bunlu pãrinti-a fumealjiljei a ta!
Hãrsea-ti tini cari u cãftashi ayisita banã!
Hãrsea-ti durusite cu buna ahti!
Hãrsea-ti tini steauùa lutsitã pi cubelu-a Bãsearicãljei!
Condaclu 1
Tini-apurãtorlu-atsel ni-anãchisitlu-a nostu, ca-atselji tsi prit tini
mustrã ti bãnatic ãnchirdãsim, alãvdàri ti hristuseri tsã-adutsem, noi
nicãdãrlji. Ama ca unlu cari cutidzashi la Dumidzà, ascapã-nã dit tuti nivoljli
ta s-tsã cãntàm: Hãrsea-ti Ayisite, Dipãmbistimene Pãrinte Nàùlu Andoni.
Acatistu xana-vidzut shi cu cãilãchi data di Dip Ayisitlu Gherasim –

Pãrintili Episcop a Eparhiiljei di Rãmnicu-Vãlcea shi ãndreptu di
cãluğreauùa Scrob Ecaterina di la Mãnãstirlu Iezeru-Vãlcea.
BANA, FAPTILI SHI ACATISTLU-A
SÃMTULUI ANDREI SHAGUNA
BANA SHI FAPTILI-A SÃMTULUI ANDREI SHAGUNA

Andrei Shaguna s-featsi pi 20 di-Andreù tu-anlu 1808, tu cãsãbálu Mishcolts, tu Mãgiriea,
di pãrintsã Armãnji, cari lã si trãdzea soea dit cãsãbálu Grabuva, ningã Moscopoli, azã sum
administratsiea-a Arbinishiiljei. Naum Shaguna, fen-su-al Andrei Shaguna tu-anlu 1814 tricu
tu catolitsismu, tu cari pisti sh-lji pãtidzá ficiorlji, di cari shi Anastasii (numa di pãtidzari-al
Andrei Shaguna). Tu-anlu 1816, u-ahurhi sculiea Mishcolts, a tu-anlu 1826 u bitisi ghimnaziea
catolicheascã la cãluğrilji piarishtsã di Peshta.
Pi 26 di-Andreù tu-anlu 1826 Anastasi tricu tu ortodoxii. Anamisa di-snjlji 1826-1829
ascultá cursuri ti filosofii shi-ndreptu la Universitatea di Buda. Tu-anlu 1829 s-dusi Vãrshats iu
featsi studii ti teologhii,
Pi 24 di Sumedru tu-anlu 1833 Anastasi Shaguna s-featsi cãluğru, shi u lo numa di-
Andrei. Fu hirotonisut ti diacon pi 2 di Shcurtu tu-anlu 1834. Atumtsea li dzãsi el avdzãtili
zboarã: “Valahutslji dit Erdelj, dit ahãndoslu somnu voi ta sã-lji dishteptu shi cu vrearea ti tuti
tsi suntu lucre di dealihealui, cu mirachi shi pi-ndriptati sã-lji bag pi cali”
Deapoa s-featsi professor la Seminarlu teologhescu di Carlovtsi shi secretar a a
“Consistoriului a dietsesãljei: di-aclotsi (dit anlu 1834). Pi 29 di Cirishear tu-anlu 1837 s-featsi
ieromonah, protosinghel, consilier la mitropolii shi “administrator” a ğuminlui a mãnãstirilor
sãrbeshtsã Iazav (dit anlu 1838) shi Beahenuva (1842). S-featsi arhimandrit shi ğumin la
mãnãstirli Hopovo (1842) shi Covil (1845). Dupã anlu 1942 unã iami lucrá ca professor la
sectsiea valahuteascã di la Seminarlu teologhescu di Vãrsheats shi consilier a Consistionlui di-
aclotsi.
Andrei Shaguna fu bãgat ti vicar general a Episcopiiljei a Erdeljlui, cu scamnu di Sibiu
(15/27 di Cirishear tu-anlu 1846), a pi 2 di-Andreù tu-anlu 1847 fu-aleptu ti episcop
(pricãnãscut pi 5 di Shcurtu tu-anlu 1848 shi mãnãpãtãsit pi 18/30 di-Apriir tu-anlu 1848).
Pi 12. 24 di-Andreù tu-anlu 1864 Andrei Shaguna s-featsi arhiepiscop shi mitropolit a
Erdeljlui, cu scamnu Sibiù.
Tu chirolu-a revolutsiiljei dit anlu 1848, Andrei shaguna fu anamisa di capitli-a minariljei
natsionalã valahuteascã dit Erdeljlu. Ashitsi pi 3/ 15 di Mai tu-anlu 1848 fu prezidarlu (deadun
cu episcoplu Greco=catolichescu Oani Lemeni) la Marea Adunari di Blaj. Ãn cap a unãljei
delegatsii, u dusi petitsiea adusã la atsea adunari la amirálu Frants Iosif, Beshlji. Pi 16/ 28 di-
Andreù tu-anlu 1848 organizá unã adunari Sibiù, di iu pitricu unã altã petitsii la amirálu.
Borgea tsi shi-u lo Andrei Shaguna tu-anlu 1834 pisicá di didea banã. Pi 27 di-Agustu tu-
anlu 1850 fu dishcljodã Sibiu Tipografiea eparheascã ancupãratã cu pãradz di-al Shaguna.
Aclotsi furã stãmbusiti abetsedari, cártsã shi pirmituseri dit Bibliea, tuti pi limba valahuteascã.
Pi prot di Yinar tu-anlu 1853 fu publicat Telegraful Român, una gazetã dit Vlãhii cari dusi multu
chiro. Ahurhindalui dit anlu 1855, Andrei Shaguna featsi reorganizari-a sculiiljei teologheascã
tu forma di Institut ti teologhii shi pedagoghii (tu-atsel chiro shtiut cu numa di :Seminarul
Andreian”).
Tu dumenea-a culturãljei, Andrei Shaguna u organizá ãnvitsãtura elementarã tu
Transilvaniea shi u bãgá sum cumanda-a Bãsearicãljei. Shi-ashitsi, dupã lucãrli ãndreapti di el,
preftsãlji-parohialji eara directori-a “sculiiljei popularã” dit parohiea-a lor, protopreftsãlji eara
inspector, a episcoplu (icá arhiepiscoplu) eara ma marli inspector a sculiilor dit ãntreaga eparhii,
printsipi bãgati shi tu Statutlu Organic a Bãsearicãljei Ortodoxã Valahuteascã dit Transilvaniea.
Tu bitimea-a picurãrlãchiljei a lui, tu Arhiepiscopiea-a Sibiùlui avea aproapea 800 di “sculii
populari”, un litseù cu 8 clasi Brashov (fondat tu-anlu 1850), unã sculii realã-comertsialã (1869)
Brashov shi unã ghimnazii cu 4 clasi Brad (dit anlu 1868). Ti márli lucre tsi li featsi ti
progresarea culturalã, tu-anlu 1871 fu aleptu ti membru di tinjii-a Academiiljei Valahuteascã di
Bucureshti.
“Andrei Shaguna fu unã vazi di cambanã cari dishtiptá dit amurtsãt sumenji shi sirtsã,
dishtipá umuti shi veti, ãl bãgá pluglu tu brazdã shi-l disicá loclu tsi fuvirsea sã si facã hersu”.
Andrei Shaguna s-dusi la Domnul tu-anlu 1873 (pi 28 di Cirishar), Sibiù. Prit testament
el shi-u alãsá tutã avearea-a Mitropoliiljei a Transilvaniiljei, “ti lucri bãsericheshtsã, di sculii
shi ti bunets”.
Cum s-featsi avdzãt ca sãmtu
Sãmtul Ierarhu Andrei Shaguna fu canonizat ti sãmtu pi 21 di Cirishear tu-anlu 2011 di
Sãmtul Sinod a Bãsearicã Ortodoxã-a Vlãhiiljei. Proclamarea ofitsialã-a canonizariljei s-featsi
pi 30 di Sumedru tu-anlu 2011, tu “Catedrala di Alba Iulia iu fu proclamatã Ãntreaga Vlãhii.
Unã dzuùã ma ninti (pi 29 di Brumar tu-anlu 2011), ti-atsea dit soni oarã, un mari sobor
di preftsã u bãgarã atsea dit soni misali la groapa-al Andrei Shaguna, di Ráshinari. Deapoa
oasili-a Mitropolitlui a Transilvaniiljei furã bãgati tu unã sfinduchi shi purtati pãnã Sibiù. Prota
cunachi-a pistimenjlor pit sucáchli-a Sibiùlui s-featsi la “Bãsearica dit Groapã”, iu multu chiro
liturghisi Andrei Shaguna.
Iurtusearea-a Sãmtului Ierarh Andrei Shaguna s-fatsi pi 30 di Brumar.
ACATISTLU-A SÃMTULUI ANDREI SHAGUNA
Condaclu 1
A mintimenlui vigljitor a Ortodoxiiljei shi gionli picurar a
Bãsearicãljei a miletiljei rumãneascã, a tsilui tsi fu pitricut di Dumidzà, tu-
anjlji di chisati, ta s-hibã urnipsitorlu cu tãhmini-a bunjlor pistimenji,
cripatslji shi-nvirnatslji. A Sãmtului Andrei, Mitropolitlu-a Transilvaniiljei,
sã-lji spunem alãvdàri ca-a unlui nàù apostol a Hristolui, s-dzãtsem: Hãrsea-
ti, Sãmte Andrei, mintimenlu ierarhu-a Hristolui.
Icoslu 1
Dit crehtsãlji anji ficiureshtsã u-nchirdãsishi urnimiea ti-ascãpari-a
Hristolui, cheatra di la choshcul a fimeljlui, pi cari s-mãstrãpsi, tu Sãmtul
Duh, bãsearica-a iatsãljei a ta, shi, anda s-featsi cãili Hristolu, ti curdisi, tini,
Sãmte Ierarhu Andrei, has ca unã cheatrã ayisitã, la fimeljlu a bunãljei
Bãsearicã-a Rumãnjlor di Erdelj. Ti-atsea tsã cãntàm:
Hãrsea-ti, nispusa harauùã-ali Anastasii, tihiloanjea dada tsi ti featsi!
Hãrsea-ti, harea scumpã, data di Dumidzàlu a miletiljei rumãneascã!
Hãrsea-ti, cà la Pãtãgiuni tsã si deadi numa-a Anãstãseariljei!
Hãrsea-ti, cà di-Armãnji fushi prãxit tu-ndreapta pistusini!
Hãrsea-ti, ãndrupãtura tinjisitã-a vãrtoslui trup a Hristolui!
Hãrsea-ti, tini ãnvãrtusheatlu cu vula-a hariljei a Sãmtului Duh!
Hãrsea-ti, cà nica di tinir li vrushi cartea shi fushi shi sãmtsãlji!
Hãrsea-ti, tini alighina vluisitã, cari nectarlu-a ãnvitsãturlor lu-
adunashi!
Hãrsea-ti, lilice, pi cari Duhlu s-ashtirnu;
Hãrsea-ti, tini cari Crutsea u loashi shi dupã Hristolui imnashi!
Hãrsea-ti, tini candela-apreasã di la videala-a Dip-ayisitãljei Treimi!
Hãsea-ti, pomlu, cari hàrli-a Sãmtului Duh li dideshi!
Hãrsea-ti, Sãmte Andrei, mintimenlu ierarlu-a Hristolui!
Condaclu 2
Cu mintea lunjinatã di Sãmtul Duh li-nchirdãsishi shterli dit dunjeai,
shi cama multu atseali-a Sãmtilor Scripturi shi-a vecljilor pãrintsã cari da-
ascãpari. Tuti ca unã clironimii scumpã li vigljeashi shi, umineashti, tu bana-
a ta li fãtseshi, cãntãndalui al Dumidzà: Aliluia!
Icoslu 2
Nu cu grita di partea-a oaminjlor, ma di la Dumidzà, Sãmte Ierarhu
Andrei, dip-paradistate, fushi aleptu s-eshtsã ãmbrustela-a pistimenjlor a
Rumãnjlor dit arãdzãmlu-a Transilvaniiljei, cari cu vreari ti-apruchearã, ca
un ascãpãtor a lor shi ca cãlãuz ti la videala cari nu-ascapitã dit Amirãriljea-
a Tserurlor, tsã cãntàm:
Hãsea-ti, atsel cu numa has ca-a Apostolui a miletiljei a noastã!
Hãrsea-ti, ascãpãtorlu-a miletiljei rumãneascã di scãnjiserli-a lor!
Hãrsea-ti, purtãtorlu-a videalãljei a Hristolui pi loclu-a Erdeljlui!
Hãrsea-ti, vigljitorlu-a bunãljei pisti shi realizatorlu-a hàrlor!
Hãrsea-ti, picurarlu bun, protlu curdisit pi scamnul arhierescu-a
Sibiùlui!
Hãrsea-ti, urnipsitorlu shi-ndrupãtorlu-a tsilor cu inimã chischinã!
Hãrsea-ti, pãrintili-a pistiljei, cari da umuti la pistimenjlji!
Hãrsea-ti, tini pitricutlu-a Hristolui, cari-aduts irinji pristi loc!
Hãrsea-ti, ierarhe, cari “unitatea-a Duhlui tu ligãtura-a irinjiljei” u
vigljeashi!
Hãrsea-ti, apostole, cari marturisishi “un Domnu, unã pisti, unã
pãtãgiuni shi un Dumidzà ti tuts”!
Hãrsea-ti, cà atselji di Erdelj suntu “vula-a apostoliiljei a ta cãtã
Hristolu”!
Hãrsea-ti, Sãmte Andrei, Armãnlu mintimen ierarhu-a Hristolui!
Condaclu 3
Muntsãlji Carpats, cari lu-anvãrligheadzã ca tsitati para-paplu Erdelj,
pãsturit di tini, Sãmte Andrei, putes nu sh-li-ncljisirã ushili ti fratslji
Rumãnji, xana-faptsã dit apã shi Duh, di idghea dadã – Bãsearica bunã, unã
shi sãmtã, sobornicheascã shi-apostoleascã. Tuts ãlji urnipsishi, dupã
dimãndãciunea-a Hristolui, ta sh-si vor un cu-alantu shi s-cãntã: Aliluia!
Icoslu 3
Cara ti fãtseshi, Sãmte Ierarhu, caplu-a scamnului di dispoti a Sibiùlui,
li-mpiltishi nai ma ninti pistea cu fapta, mustrã yii ti bãnatic cu Hristolu shi
ti ftseshi ti pastoritslji-a tàlji, ashitsi cà, deapoa, tuti tsi li-adrashi tini, furã
adrati ti-alãvdãciunea-a Dip-sãmtãljei Treimi, sã si facã ãndrptarlu-a
Bãsearicãljei, tu-ncherdul a priftamiljei shi-a pistimenjlor dit chirolu-a tàù,
unã hari shi-a noastã, a tsilor cari tsã li tinjisim cilãstãserli, shi tsã cãntàm
ashi vãrã turlii:
Hãrsea-ti, marli Mitropolit a Transilvaniiljei!
Hãrsea-ti, tini cari lu-nvãrtusheashi fimeljlu-a Ortodoxiiljei dit
Erdelj!
Hãrsea-ti, tini cari cu mirachi tu-ayinjea-a Domnului lucrashi!
Hãrsea-ti, cà-a Bãsearicãljei scumpu ãndriptar canonichescu lji-
alãsashi!
Hãrsea-ti, tini cari u-nğrãpsishi prota cãlãuzã pastireascã ti
priftamea ortodoxã!
Hãrsea-ti, tini cari, has ca pãrintsãlji, canonji shi-aràdz
bãsericheshtsã uidisishi!
Hãrsea-ti, tini cari bana-a ta, tu videala-a Scripturlor, u tricushi!
Hãrsea-ti, tini cari, “cara shteai cà dzãlili suntu-arali, chirolu lu-
arãscumpãrashi”!
Hãrsea-ti, dascal cari cu-alãvdàri shi cãntàri duhovnicheshtsã-al
Dumidzà Ãlji liturghisishi!
Hãrsea-ti, ashchirlàlu-armãtusit cu armatli-a averlui shi coarda-a
ãndriptatiljei;
Hãrsea-ti, tini cari Dumidzà cu foc ãl plãcãrseai, cà vrearea-a Lui tu
dunjeai sã-artiseascã!
Hãrsea-ti, Sãmte Andrei, ierarhlu mintimen a Hristolui!
Condaclu 4
Ti-anãltsashi, Sãmte Andrei, asãmtsãtlu picurar a Transilvaniiljei, un
Moise nàù, pi muntili-a bunetslor adrati, shi ti-alipseshi di lucrili dit dunjeai
sh-tsi trec, tu videala-a Sãmtului Duh cara fushi, ti-atsea Dumidzàlu ti vluisi
sã-ndredz lucri tsi bagã pi cali bunã ti Bãsearica-a noastã, dupã cari shi noi
bana nã u bãnàm, shi-al Dumidzà ãlji cãntàm: Aliluia!
Icoslu 4
Has ca Pavlu, Apostolu-a Hristolui, ashitsi sh-tini, Pãrinte Andrei, nitsi
piricljili, nitsi-avinàrli, nitsi fuvirserli cu moartea nu ti trapsirã di sãmta
lucrari data-a tsàia tu sãnãdii di Dumnidzàlu. Ti-atsea, ti-alãvdàm ca un
mari vigljitor a Ortodoxiiljei shi ca un gioni lãcãrtor tu-ayinjea-a Domnului,
di iu lji zmulseshi schinjlji shi ghingherlji siminats di dushmanji, shi tsã
cãntàm, cu mirachi, ahtàri niscãnti lucri:
Hãrsea-ti, lutseafirlu-apirit ti-ascãparea-a miletiljei rumãneascã!
Hãrsea-ti, cà tsiva nu ti dispãrtsã di vrearea-a Hristolui!
Hãrsea-ti, orator ascãpirat, cari mintiminiljea-a lishtei dunjeai u-
atimusishi!
Hãrsea-ti, tini cari cu mintea la moartea shi la bana daima ti-ai
armãtusitã!
Hãrsea-ti, zborlu-avdzãt tu Transilvaniea shi prit tuti-arãdzãmurli
rumãneshtsã!
Hãrsea-ti, hãsãvyearlu-a irinjiljei, cari u hãbãrseshtsã dumidzeasca
irinji-a Hristolui!
Hãrsea-ti, tini cari ãlji vãrgheshtsã atselji cari nu-l tinjisescu
Hristolu!
Hãrsea-ti, tini cari shtiushi cà “bana easti Hristolu shi moartea easti-
ncherdu”!
Hãrsea-ti, lishlu, tu cari Hristolu doxa-a Lui u zuğrãfsi!
Hãrsea-ti, shindan mushutsãt cu videala-a Ortodoxiiljei tsi
marturiseashti!
Hãrsea-ti, cathiolu-a Sãmtului Duh, ãmplin cu-anjurizmã
duhovnicheascã!
Hãrsea-ti, arhiereùlu-a curi “banã easti-ascumtã cu Hristolu tu
Dumidzà”!
Hãrsea-ti, Sãmte Andrei, mintimenlu ierarhu-a Hristolui!
Condaclu 5
Mintimenlu picurar, lunjinat di Sãmtul Duh, Andreilu, ierarhlu-atsel
ti mirachi-a Erdeljlui, su-l tinjisim cu cãntàri duhovnicheshtsã, ti-atsea cà sã
spusi ashchirlà fãrã di fricã-a Hristolui, shi-adusi irinji din tser shi bunã-
aradã tu Bãsearica ghini-mãritoarã, ctitor ti culturã rumãneascã, inspirit
tulmãcitor shi shtiutor a Sãmtilor Scripturi, cari li-asprãndi, shi cu-atsea lu-
alãvdà Dumidzàlu, cãntarea: Aliluia!
Icoslu 5
Has ca di-un chiro anda Sãmtsãlji Trei Ierarhanji, Vasili, Grigori shi
Oani, un duh shi unã mindueari-avea prit sãmtsãljea-a banãljei a lor, ashitsi
sh-tini, Pãrinte Andrei, nu dideshi nãpoi di canã turlii tu vigljearea-a
unitatiljei a pistiljei shi lucrarea cu Episcopiea-a Rãmniclui, pastoritã di
Sãmtul Ierarhu Calinic di Cernica, shi cu Episcoplu-a Romanlui, pastoritã
di episcoplu Melchisedec, shi-ashi s-featsi unã troitsã di Bãserits
Rumãneshtsã, plãntatã pi yita-a Hristolui. Ti-atsel lucru miletea ghini-
pistimenã ti tinjisi, shi tsã cãntã, deadun cu noi, ahtàri niscãnti zboarã:
Hãrsea-ti, ctitor ti bãserits shi banã shi limbã rumãneascã!
Hãrsea-ti, tini cari dishcljiseshi multi sculii ti hiljlji-a miletilei
rumãneascã!
Hãrsea-ti, tini boatsea tsi vãzeashti, tsi pristi Carpatslji s-avdzã!
Hãrsea-ti, videalà, cari scutidea nu u-aputursi!
Hãrsea-ti, tini cari sumenjea ti unitatea-a farãljei u dishtiptashi!
Hãrsea-ti, shtiutorlu shi tulmãcitorlu-a Sãmtilor Scripturi!
Hãrsea-ti, tini cari u vigljeashi miletea cu ierarhanjlji-a Ortodoxiiljei
rumãneascã!
Hãrsea-ti, cà “cara lã lucrashi-a oaminjlor, ãlji lucrashi-al Dumidzà”!
Hãrsea-ti, tini cari u-avushi ãngãtan miletea-a ta!
Hãrsea-ti, cà cu bana-ts chischinã, amãrtiea u cãlcashi!
Hãrsea-ti, cà ti daima tu vreari ãlji fushi-a Hristolui!
Hãrsea-ti, cà shi “mintea shi truplu ãlji lucrarã-al Dumidzà”!
Hãrsea-ti, Sãmte Andrei, mintimen ierarhu-a Hristolui!
Condaclu 6
Adutsearea-a ta ca arhipastir pi scamnul di mitropolit a Sibiùlui ghini-
pistimena mileti u duchi ca videalã pitricutã di la Dumidzà shi bãgatã tu
shindanlu – a curi-arãdz lu scãntiljearã tut arãdzãmlu rumãnescu, shi u
hãrsirã iatsa-a miletiljei -, cari u-anãltsà la videala-atsea nimurgita-a
dumidzariljei, shi-lji cãntã-al Dumidzà: Aliluia!
Icoslu 6
Un cutsar cu trei lumàchi li lugursishi, Sãmte Andrei, locãrli
rumãneshtsã. Ti-atsea, ãnğrãpsitili lucri-a tali, lunjinati di Sãmtul Duh, s-
asprãndirã pristi tut loclu-a pãpãnjlor, shi cu duh ãlji hãrnirã atselji di
idghea pisti shi ducheari, shi-nvãrtusheashi arãdz anamisa di hiljlji-a
miletiljei, cari tsã cãntã-ashi:
Hãrsea-ti, videalã apreasã dit aradza-a videalãljei ni-adratã-a Dip-
sãmtãljei Treimi!
Hãrsea-ti, lunjinãtorlu-a miletiljei rumãneascã cari eara tu scutidi shi
tu-aumbra-a moartiljei!
Hãrsea-ti, tini tsi tsã undzeshtsã dupã faptili lucri cu Apostolu
Andrei, protlu-grit;!
Hãrsea-ti, tini cari-adrashi mitropolii, has ca Sãmtul Iachint di
Vicina!
Hãrsea-ti, ctitorlu-a limbãljei rumãneascã, has ca Sãmtul Varlaam a
Moldaviiljei!
Hãrsea-ti, cãlugãr-teolog cu-analtã mindueari, has ca Sãmtul Grigori
Dascalu-a Tsarãljei Rumãneascã!
Hãrsea-ti, tini cari-l propoviduishi zborlu ti-ascãpari, has ca Sãmtul
Antim Ivireanlu dit Tsara Rumãneascã!
Hãrsea-ti, vigljitorlu-a Ortodoxiiljei, has ca shi Sãmtul Marturisitor
Iosif a Maramureshlui!
Hãrsea-ti, tini tsi ti plãcãrsishi ti miletea rumãneascã, deadun cu
Sãmtsãlji Pahomiù di Gledin shi Calinic di Cernica!
Hãrsea-ti, liturghisitor-mastur, has ca shi Sãmtul Dosoftei a
Moldaviiljei!
Hãrsea-ti, tini pãrinte a Erdeljlui, has ca shi Sãmtsãlji Ierarhanji
Ghelasiù di Rãmets. Iorest shi Sava!
Hãrsea-ti, cheatra multu scumpã di la cãruina di sãmtsã ierarhanji a
miletiljei rumãneascã!
Condaclu 7
Cara ãl loashi cãrliglu picurãrescu ti-analta slujeari arhiereascã,
Sãmte Andrei, u vigljeashi cupiea tsi zburashti di luchlji tsi-arichescu. Atsel
“cãrlig tsã fu ãndrupãturã shi vãrtusheatsã” tu lucurlu-a tàù, shi “ti-atselji
tsi nu-asculta shi nivãrtoshlji, cãrlig ti dishtiptari shi ãnvitsari”, shi-ashitsi li
tiseshi njila shi-ndriptatea tu loclu tut a Erdeljlui, cãntãndalui al Dumidzà:
Aliluia!
Icoslu 7
Sum shigunea shi omoforlu-a tàù, dip-lunjinate Ierarhu, s-adunarã tu-
apanghu tuts atselji scãnjisitslji shi bãtutslji-a miletiljei rumãneascã dit
Transilvaniea-a pãpãnjlor. A ficiorlor lã fushi dascal, a aushlor ãndrupãturã,
a oarfãnjlor pãrinti, a lãndzidzlor iatru, oarfãnjlji ãlji hãrnishi, chihãiadzlji
ãlji urnipsishi, ti cãluğãrlji shi preftsãlji lunjinãtor, ti tuts fushi tut, shi tuts
ta sã-lji ãnchirdãseshtsã tu-amirãriljea-al Dumidzà, ti-atsea ti-alãvdàm shi
tsã cãntàm:
Hãrsea-ti, atsel tsi eshtsã vula-a hasãljei pisti-a Rumãnjlor dit Erdelj!
Hãrsea-ti, pomlu cu len-turlii di iamishi di cari s-hãrnescu
pistimenjlji!
Hãrsea-ti, tini mãna prit cari Hristolu ãlji vluiseashti atselji cu inima
chischinã!
Hãrsea-ti, tini njelu pitricut di Dumidzà anamisa di luchi!
Hãrsea-ti, marturlu-a Hristolui, cari ti-ncustashi-a nindriptatiljei!
Hãrsea-ti, tini cari ehtsãrlji ãlji fãtseshi s-ducheascã tsi-i dealihea!
Hãrsea-ti, tini cari di-“mplinãtatea-a Hristolui ãnchirdãsishi hari pristi hari”!
Hãrsea-ti, boatsea-a tsilor fãr di boatsi shi-ndrupãtura-a tsilor fãr di-
agiutoi!
Hãrsea-ti, tini yishtearea tsi nu seacã ti oarfãnjlji shi cripatslji!
Hãrsea-ti, tini mustra ti-atselji tsi vor s-imnã dupã Hristolu ta s-u-
nchirdãseascã bana ti eta-a etilor!
Hãrsea-ti, tini pãrintili njilãos a aplicatslor shi cari multu lji-aravdzã
anapudzlji!
Hãrsea-ti, tini cari lucredz cu-ntreaga mintiminilji, tu pistea, tu
vrearea shi tu sãmtsãljea!
Condaclu 8
Dumidzali-m, Tini tsi eshtsã fãr di-ahurhiturã shi bãnedz tu videala
fãrã di murgiu, di iu mãtreshtsã cãtã-aplicatslji shi cu inima chischinã,
atumtsea anda cãidisishi, ãlji grishi la Tini-a oaspilii a Tàù, Andrei, cari
ãncãrcat cu hàri, a curi ãlji dzãseshi: “Ghini, huzmichear bun shi-
mbistimen, pristi putsãni fushi bãgat, pristi multi va ti bag; intrã tu harauùa-
a Domnului a tàù”; anghiljlji va Tsã cãntã: Aliluia!
Icoslu 8
Mari ãnvirnari bãgà la ghini-pistimena mileti fuga-a ta dit aestã
dunjeai, hãrzite huzmichear a Hristolui, Sãmte Andrei! Ama, cara duchirã
cà geanlu-a tàù ãncãrcat cu iamishili-a Duhlui fu bãgat tu Paradislu-a
hàidilor, s-apuitui shi-lji deadi doxã-a Dumidzàlui. Deapoa, cara tsã-l bãgà
truplu tu cathio nàù, Ràshinari, cãntà alãvdãciunji ca-aesti:
Hãrsea-ti, Sãmte, tini cari cu truplu-a tàù lu-asãmtsãshi loclu-a
pãpãnjlor!
Hãrsea-ti, gãrnãts di gãrnu, cu-ashtiptarea-a ãnyeariljei, tu loc
ãngrupat!
Hãrsea-ti, atsel cari-n tseruri, u-aflashi yishtearea-amintatã tu bana
di pristi loc!
Hãrsea-ti, atsel cari daima Fatsa-a Hristolui, sã spuni ca tu cutii di
yilii tu fatsa-a ta, u vedz!
Hãrsea-ti, cà Hristolu tu vidzuta-a ta shi tu lucrili-adrati di tini, sh-Si
cãnãscu!
Hãrsea-ti, tini cari fushi ardãpsit tu sãborlu-a arhiereilor martusitori!
Hãrsea-ti, cà ti cumãnits dit chelchea vluisitã di Arhiereùlu-atsel Fãrã
di moarti!
Hãrsea-ti, tini cari ti diznjirdedz tu vrearea fãr di màrdzinji-a
Hristolui!
Hãrsea-ti, samsarlu cari ti la Dip-sãmta Treimi, di-antreilea
scãntiljedz!
Hãrsea-ti, tini-a curi Dumidzàlu lji spusi di mistiryili-a Lui!
Hãrsea-ti, cathiolu-asãmtsãt di harea-a Duhlui a Dumidzàlui!
Hãrsea-ti, yishtearea-a Sãmtãljei Treimi, cari li fatsi bunetsli fãrã di
moarti!
Condaclu 9
Tini, Doamne, Dumidzali-m, Atsel di cari nu da minduearea,
nividzutlu, ni-agiumtul, daima tsi eshtsã shi tut Idghul tsi eshtsã, ãlji grishi
ãn tseruri a Sãmtului Andrei, atsel tsi cu-arãvdari cilãstãsi s-li treacã scàrli-
a prufictariljei pi calea ti undzearea cu Tini, Creatorlu-a tutãlor, ta su-l
curdiseshtsã tu sãborlu-a ierarhanjlor, ta s-Tsã cãntã: Aliluia!
Icoslu 9
Sãmte al Dumidzà, Andrei, picurarlu-atsel bunlu shi izoti anamisa di
mitropolitslji-a Erdeljlui, dicara tricushi tu locãrli fãrã di moarti, pistimena
mileti ti tinjisi ca un mari vigljitor a Bãsearicãljei Ortodoxã shi caplu
duhovnichescu, cari u duseshi cãtã la mãnitsli di-amari-a ascãpariljei cu-
nvitsãturli shi-arãdzli ãndreapti di tini. Ti-atsea ti tinjisim, shi dzãtsem ashi:
Hãrsea-ti, atsel tsi ti daima tu sumenjea-a miletiljei a noastã
armãseshi!
Hãrsea-ti, atsel tsi la iudimea din tser atselji cari ti tinjisescu lji-
spunji!
Hãrsea-ti, fãntãna-asãmtsãtã di Hristolu, dit cari curã njearea-a
ãnvitsãturãljei duhovnicheascã!
Hãrsea-ti, yishtearea ascumtã, tu cari Dumidzàlu u tsãni mãna din
tser!
Hãrsea-ti, cãndila scãntiljoasã, prit cari Hristolu pitreatsi videalã
pristi loc!
Hãrsea-ti, anvãlitura din tser sum cari s-apridunã pistimenjlji!
Hãrsea-ti, multu scumpa yishteari-a pistimenjlor!
Hãrsea-ti, cã, ãn tseruri, oaspi shi oaspili-al Dumidzà ti fãtseshi!
Hãrsea-ti, tini cari ãlji cãntsã alãvdãciunji-a Dumidzàlui cu hari-
anamisa di Sãmtsãlji-a Lui!
Hãrsea-ti, tini cari cu foc ti plãcãrseshtsã ti hiljlji-a Bãsearicãljei a
para-pãpãnjlor!
Hãrsea-ti, cà lucãrli-a tali s-aflarã tu fimeljlu-a renesansãljei a
culturãljei a miletiljei rumãneascã!
Hãrsea-ti, aretca chitcã, adãpatã di-arauùa-a Sãmtului Duh!
Condaclu 10
Unitatea tu duh cu ierarhanjlji-a idghiljei mileti shi cu idghea pisti, tu
vrearea-a Hristolui, tsi u-nchirdãsishi pristi loc, s-featsi prufecã-n tseruri, ti-
atsea cã vrearea nu cadi putes. Cara ti hãrsishi, Sãmte Andrei, tu hàidili-a
diznjirdàrlor-a bunetslor tsi nu-aù moarti, pitreatsi-nã-ù a nauùã
minduearea ti unitatea-a farãljei shi pisti, ta s-putem s-cãntàm deadun cu
tini: Aliluia!
Icoslu 10
Atseali tsi li-nğrãpsishi tini, Sãmte Ierarhu, u-nvãrtushearã ãndreapta
pisti-a Bãsearicãljei a Hristolui, shi li-avinarã eresili shi-mpãrtsàrli di-
anamisa di fratslji. Tulmãciti s-li-acãchiseascã tuts pistimenjlji, Sãmtili
Scripturi adusirã videalã pit tuti locãrli rumãneshtsã, a Arada bãsericheascã
ãndreaptã di tini fu cãlãuza ti bãnaticlu crãshtinescu-a miletiljei
rumãneascã. Ti-atsea, ashi cum undzeashti, tsã cãntàm:
Hãrsea-ti, dascal mintimen, cari ãndreapta urnimii u lãrdzishi!
Hãrsea-ti, urnipsitorlu tãhmingi, cari-a pistimenjlor lã fushi cãlãuzlu
ti-ascãpari!
Hãrsea-ti, tini-sãmtsãtlu arhipastir, cari vluyii di la Dumidzàlu-
aduseshi!
Hãrsea-ti, bãnãtorlu-a tserlui, curdisit tu sãborlu-a ierarhanjlor!
Hãrsea-ti tini harauùa-a anghiljlor shi umutea-a pistimenjlor!
Hãrsea-ti, tini cari li shtii sh-li fats zboarãli-a banãljei!
Hãrsea-ti, tini geanlu-ncãrcat di iamishi, siminat tu bãhcelu-a
Paradislui!
Hãrsea-ti, tini omlu din tser shi cu gean dumidzescu, vrut di Hristolu!
Hãrsea-ti, tini cari-alãsashi dumenji buni ti Bãsearica-a para-
pãpãnjlor!
Hãrsea-ti, tini cari deadun shi cu anghiljlji lj-fats alãvdari-a Dip-
sãmtãljei Treimi!
Hãrsea-ti, tini crinlu cu lilici scoasi ti eta-a etilor, siminat tu bãhcelu-a
Edenlui!
Hãrsea-ti, tini oaspili-al Dumidzà shi fratili-a nostu!
Condaclu 11
Di multi ori, Sãmte Pãrinte Andrei ai ãnzãnucljeatã, has ca shi
Solomon, dininti-a casilor ti-ncljinari tsi li-ai mãstrãpsitã shi li-ai asãmtsãtã,
cu plãcãriea-a Domnului a doxãljei s-cunipseascã shi s-mãtreascã cu ocljilji
di njilãos pi-atselji cari s-plãcãrsescu tu pisti tu eali. Tora, cara eshtsã-n
tseruri, ãnzãnucljedz dininti di scamnul di Heruvinji shi Serafinji-a Dip-
sãmtãljei Treimi sh-ti plãcãrseshtsã s-li pitreacã cãidiserli shi njiluerli-a Lui
pristi-atselji cu-ndreapta pisti shi-lji cãntã-al Dumidzà: Aliluia!
Icoslu 11
Nimisurati fapti lunjinati shi hàri musheati spuseshi pristi loc, Sãmte
Andrei, ama ciudiea cari tsã bagã cãrunã pi frãmti easti-atsea cà, prit harea-
al Dumidzà, u-aduseshi la loc unitatea-a farãljei shi pistea-a ghini-
pistimenãljei mileti rumãneascã, atimusitã shi-aguditã di xenjlji. Ti-atsea tsã
cãntàm, ca-a unlui mari ierarhu-a miletiljei rumãnescã:
Hãrsea-ti, vigljitorlu vãrtos la iudimea-a Patridãljei a pãra-
pãpãnjlor!
Hãrsea-ti, cà mirmintili-a tàù di Ràshinari lu-apãnghiseashti loclu-a
para-pãpãnjlor!
Hãrsea-ti, ashchirlàlu vigljitor a cãndilãljei a chischinãljei pisti-a
farãljei rumãneascã!
Hãrsea-ti, ctitorlu-a multilor bãserits ti-ncljinari dit Transilvaniea!
Hãrsea-ti, steauùa scãntiljoasã cari s-tindi pristi tuti provintsiili
rumãneshtsã!
Hãrsea-ti, vigljitorlu-a yishterlor spirituali-a miletiljei rumãneascã!
Hãrsea-ti, tini apanghul ti-atselji cari bãneadzã tu chischineatsã shi-
apstinatsii!
Hãrsea-ti, ciumaga-al Dumidzà ti bãgarea pi cali bunã-a
dushmanjlor!
Hãrsea-ti, tini cari lã dai a celnitslor minti bunã ti Bãsearica shi fara!
Hãrsea-ti, tini cãlãuzlu-a tinirlor shi-ndrupãtura-a aushlor!
Hãrsea-ti, tini cari lji-adunji asprãnditslji shi-lji aflji chirutslji!
Condaclu 12
Sãmte Ierarhu-a Hristolui, Andrei, pãlãcãrsea-ti la Dumidzàlu sã si
facã bunili cãftàri di la tuts atselji cari cu vreari u tinjisim numa-a ta, cà, sh-
tsicara cà ca oaminji avem alutusitã, prit tini avem ãnchirdãsitã ljirtari shi
multã njilã di la Ascãpãtorlu-a geanurlor, ta s-nã fãtsem izoti ta s-lji-u
cãntàm a Dip-sãmtãljei Treimi, cu-anghiljlji, cãntarea: Aliluia!
Icoslu 12
Doamne, Dumidzàlu-a nostu, ti pãlãcãriili-a gionlii a Tàù huzmichear
Andrei, atsel Mari shi Sãmtu, a Transilvaniiljei vluisitã di Tini, mãtrea dit
anãltsinjli-a Sãmtului a Tàù cathio shi vearsã pristi ininjli-a fratslor a
noshtsã Rumãnji unã chicutã dit harea-a Ta, ta s-lu-alavdã sãmtsãtlu-a Tàù
ierarhu, shi s-dzãcã:
Hãrsea-ti, Sãmte Andrei, tini cari ti pãlãcãrseshtsã ti unitatea-a
miletiljei rumãneascã!
Hãrsea-ti, tini tsi eshtsã iaturlu-a lãndzidzlor shi-a scãnjisitslor!
Hãrsea-ti, tini cari li-adunji tu mandrã oili-atseali prãmãsitili!
Hãrsea-ti, cà lji-ascachi atselji bãtutslji di duhuri nichischini!
Hãrsea-ti, apurãtorlu-a oarfãnjlor shi-apãnghisitorlu-a veduvilor!
Hãrsea-ti, tini cari-aduts libertati ti-atselji di-ahapsi shi-a avinatslor!
Hãrsea-ti, fãntãna, dit cari curã njiluearea-al Dumidzà cãtã la noi!
Hãrsea-ti, cã li fats bunili pãlãcãrii a hiumãsitslor cãtã la tini!
Hãrsea-ti, alãvdãciunea shi-apanghul a tsitatiljei a Sibiùlui!
Hãrsea-ti, tini cari lji-agiuts atselji tsi for ta s-hibã hiljlji-a videalãljei!
Hãrsea-ti, tini cari u-aduts irinjea-a Hristolui tu buna Bãsearicã!
Hãrsea-ti, tini umutea-a noastã, cà va nã-astãvãrsim cu Hristolu!
Condaclu 13
Ore, Sãmte Ierarhu Andrei, arhiereùlu-a Hristolui, gionli huzmichear
a Mitropoliiljei a Transilvaniiljei, dascalu duhovnichescu-a ghini-
pistimenjlor Rumãnji, vigljitorlu fãrã di fricã-a Ortodoxiiljei, tini tsi fushi
dip-mãrit di Dumidzàlu pi tseruri, di ispetea-a multilor bunets tsi li fãtseshi
sh-di ispetea urnimiilor a tali alãsati ca clirunumii nauùã, fà-ti plãcãrsitorlu-
a nostu dininti-a scamnului a Dip-sãmtãljei Treimi, ta s-nã ascapã di cafi unã
ghideri, bileai shi ni-agiundziri, noi, cari u fatsim sãmta adutseari-aminti-a
ta, shi s-nã ascapã atumtsea anda va s-him grits dit aestã etã la-atsea fãrã di
moarti, iu anghiljlji cãntã dipriunã: Aliluia! (condaclu-aestu s-dzãtsi trei ori).
Deapoaea iara sã spuni
Icoslu 1
Dit crehtsãlji anji ficiureshtsã u-nchirdãsishi urnimiea ti-
ascãpari-a Hristolui, cheatra di la choshcul a fimeljlui, pi cari s-mãstrãpsi, tu
Sãmtul Duh, bãsearica-a iatsãljei a ta, shi, anda s-featsi cãili Hristolu, ti
curdisi, tini, Sãmte Ierarhu Andrei, has ca unã cheatrã ayisitã, la fimeljlu a
bunãljei Bãsearicã-a Rumãnjlor di Erdelj. Ti-atsea tsã cãntàm:
Hãrsea-ti, nispusa harauùã-ali Anastasii, tihiloanjea dada tsi ti featsi!
Hãrsea-ti, harea scumpã, data di Dumidzàlu a miletiljei rumãneascã!
Hãrsea-ti, cà la Pãtãgiuni tsã si deadi numa-a Anãstãseariljei!
Hãrsea-ti, cà di-Armãnji fushi prãxit tu-ndreapta pistusini!
Hãrsea-ti, ãndrupãtura tinjisitã-a vãrtoslui trup a Hristolui!
Hãrsea-ti, tini ãnvãrtusheatlu cu vula-a hariljei a Sãmtului Duh!
Hãrsea-ti, cà nica di tinir li vrushi cartea shi fushi shi sãmtsãlji!
Hãrsea-ti, tini alighina vluisitã, cari nectarlu-a ãnvitsãturlor lu-
adunashi!
Hãrsea-ti, lilice, pi cari Duhlu s-ashtirnu!
Hãrsea-ti, tini cari Crutsea u loashi shi dupã Hristolui imnashi!
Hãrsea-ti, tini candela-apreasã di la videala-a Dip-ayisitãljei Treimi!
Hãsea-ti, pomlu, cari hàrli-a Sãmtului Duh li dideshi!
Hãrsea-ti, Sãmte Andrei, mintimenlu ierarlu-a Hristolui!
Condaclu 1
A mintimenlui vigljitor a Ortodoxiiljei shi gionli picurar a
Bãsearicãljei a miletiljei rumãneascã, a tsilui tsi fu pitricut di Dumidzà, tu-
anjlji di chisati, ta s-hibã urnipsitorlu cu tãhmini-a bunjlor pistimenji,
cripatslji shi-nvirnatslji. A Sãmtului Andrei, Mitropolitlu-a Transilvaniiljei,
sã-lji spunem alãvdàri ca-a unlui nàù apostol a Hristolui, s-dzãtsem: Hãrsea-
ti, Sãmte Andrei, mintimenlu ierarhu-a Hristolui.
Deapoa sã spuni aestã

PÃLÃCÃRII
Sãmte Ierarhu Andrei – picurarlu-atsel bunlu-a Erdeljlui, lunjinãtorlu
shi dascalu-a bunjlor crãshtinji-a Bãsearicãljei a Hristolui, cutidzat vigljitor
a Ortodoxiiljei, cari u frãmseshi scutidea-a eresilor, mintimen teolog a
averlui cari-ascapã, shtiutor shi tulmaci-a Sãmtilor Scripturi, videalã
apreasã di videala-a Hristolui, apostol pitricut di Dumidzàlu pit
arãdzãmurli-a loclui dit Transilvaniea ta s-li apãnghiseshtsã oili-atseali cu
grai di om a miletiljei rumãneascã, cãlcati di-atselji di-altã dãmarã, tini cari
uidisishi aràdz nauùã ti Bãsearica-a para-pãpãnjlor, minti-ascãpiratã di
Sãmtul Duh cari spitrumsi tu-ahãndinjli-a mistirghilor dumidzeshtsã,
Pãrintili-a Pãrintsãlor, cari scãntiljeashi ca unã videalã pi shindan, tsi
scutidea nu lji-u pãtu, cari u vrushi cartea, dascal shi lunjinãtor a tinirlor a
miletiljei rumãneascã -, avdi-nã tu sãhatea-aestã, noi, atselji cari u tinjisim
numa-a ta shi vrem ta s-nã adãpàm dit fãntãna nisicatã-a mintiminiljiljei a
ta! Hilj cu pãlãcãrii ca foclu la Dip-njilãoslu Dumidzà ti miletea rumãneascã
ca bunji crãshtinji! Prit samsarlãchea-a ta, apurã cãsãbadzlji shi horli-a
statlui rumãnescu di-agiunatic, di fãrtunji, di trimburarea-a loclui, di lãngori
shi di-arànji tsi-aduc moarti, di ni-acãchiseri anamisa di frats, di urnjearea-
a altilor millets pristi noi sh-di polimlu di-anamisa di noi. Pitreatsi di la
Dumidzàlu, pristi-arãdzãmurli iu s-dip-mãreashti numa-a Dip-sãmtãljei
Treimi, ãncljinat tu Trei Ipostasuri, vluyii shi irinji din tser, shi bunjlji
crãshtinji agiutã-lji ta s-armãnã ãndrupãturã-a Truplui Mistirios a Hristolui
Ascãpãtor. Ãnvãrtusheadzã-lji, prit putearea-a Sãmtului Duh, tuts hiljlji shi
hiljili-a Bãsearicãljei a noastã ta s-u tsãnã tu geanurli-a lor apreasã cãndila-
a pistiljei, s-nu u chearã umutea-a ascãpariljei shi s-armãnã tu vrearea-a
Hristolui pãnã tu soni. Prit lucurlu-a Tsilui di-Analtu, bagã-l la tiniramea-a
noastã duhlu-a mintiminiljiljei shi-a acãchiseariljei, cari urnipseashti pi-
ndreapta cali, shi prit mintiminiljea, buna banã shi hasa pisti shi elji s-hibã
harauùa-a pãrintsãlor, ãnvãrtusheari-a Bãsearicãljei shi-a statlui.
Apurã-lji, Sãmte Ierarhu, prit pãlãcãriili-a tali, atselji fãr di-agiutor, a
lãndzidzlor dà-lã vindicari, a oarfãnjlor shi-a scãnjisitslor, mãcari shi cathio;
cãrunjli ãnvãrtusheadzã-li, aushlji shi slaghlji ãndrupa-lji, celnitslji-a
miletiljei shi-a tselji di pi potisi-anàltsã mintiminilji, curatã isapi, minti bunã
ti Bãsearica-a Hristolui, a noi, tuts, du-nã pi calea tsi dutsi cãtã tu
Amirãriljea-a Tserurlor, iu va nã cumnicàm, deadun cu tini, di bunetsli fãrã
di moarti, sã-lji dip-mãrim Tatãl, Hiljlu shi Sãmtul Duh, Treimea-atsea
nidispãrtsãta, ti eta-a etilor. Amin.
BANA, PATIMATLI SHI ACATISTLU-A
SÃMTÃLJEI MACENICÃ ANISIEA
BANA SHI PATIMATLI-A

SÃMTÃLJEI MACENICÃ ANISIEA
S-featsi-n Sãrunã tu unã fumealji avutã shi avdzãtã, prãxitã tu pistea-a Hristolui. Di-
ağonjea armasi fãrã di pãrintsã shi-ashitsi s-deadi pi vrearea-al Dumidzá shi pãlãcãrseri tu casa-
lji. Ãncurajeatã di vrearea ti Hristolu, ca di-aradã dzãtsea: “O, tini minciunoasa banã-a tinirlor,
cátse duts tu pirazmo icá ti fats pirazmo. Ma bun easti ausheaticlu, ama mi-nvirin di multsãlji
anji cari mi dispartu di-atseali din tser”. Deapoa avearea tutã u vindu shi pãradzlji lj-deadi-a
oarfãnjlor, a ea ti bãnatic shi scutea cu lucurlu cu mãnjli-a ljei. Tsãnea preasini sarpi, durnjea
dip niheamã shi dipriunã virsa lácãrnji anda li spunea pãlãcãriili. Anda u frãndzea somnul,
singurã sh-dzãtsea: “Lucru piricljos easti omlu s-doarmã dicara dushmanlu adastã”.
Tu-atsel chiro ehtrul atsel di amirá Maximian deadi un decret cá cafi un om poati su-l
vatãmã unlu crãshtin and ava-l astãvãrseascã, fãrã di giudicari shi giudicatã. Unã oarã aestã
sãmtã featã inshi ta s-ducã la bãsearicã. Atsea dzuùã eara sãrbãtoari-a soarlii ti-atselj cari nu
shtea ti Dumidzá. Vãrã ashchirlá u vidzu feata-atsea cu fatsã musheatã, shi lj-si apruche cu
pãngãna naeti shi u-ntribá cum lj-easti numa. Ea sh-featsi crutsea shi-lji dzãsi: “Io escu
huzmicheara-a Hristolui shi mi duc la bãsearicã”. Atsel aspartu ashchirlá ãlji si apruche nica
ma ghini shi pisicá di lji zbura hristii. Ea ãl pimsi-nclo shi lu-ascuche tu fatsã. Ashchirlálu lj-
deadi unã cu sula sum coasti shi u spãnticá. Aestã sãmtã ghirghinã muri ti Hristolu tu-anlu 298.
Crãshtinjlji u-ngruparã tinjisit, ama Dumifzálu ãlji deadi cãrunã di macenicã tu Sãmta
Amirãrilji. Pi groapa-a ljei adrarã bãsearicã. Sãmtili moashti-a ljei s-aflã tu bãsearica “Yi-
Dimitri”, ãn Sãrunã.
ACATISTLU-A SÃMTÃLJEI MACENICÃ ANISIEA
30 di-Andreù
Troparlu-a Sãmtãljei Macenicã Anisiea, glaslu 4:
Njeala-a Ta, Hriste, Anisiea greashti cu boatsi mari: Tini, Ğrambelu-a
meù, Ti voi shi Tini cara Ti caftu, mi pidipsescu shi dipriunã mi
ãncãrfãsescu, shi deadun cu Tini mi ãngrop cu Pãtãgiunea-a Ta; shi mi
tirinsescu ti Tini, ta s-hiù amiroanji tu Tini; ma, ca unã curbani chischinã,
aproachi-mi mini, mini cari cu sivdai mi fac curbani ti Tini. Ti pãlãcãriili-a
ljei, ca un njilãos cum eshtsã, ascapã-li geanurli-a noasti.
Condaclu 1
Yinits, tuts voi cari li vrets iurtuserli, s-u ãncãrunám cu alãvdãciunji
atsea cari cu cutidzari Ãl marturisi Hristolu Dumidzálu di dealihealui shi-l
deadi di padi atsel tsi u-ahurhi arãeatsa cari multsã lji-arãsi, shi-lji prãmãsi
di la hasa pisti, a noi cara li vidzum azvindzerli-a ljei, cu harauùã sã-lji
cãntám: Hãrsea-ti, Sãmtá Macenicá Anisiea, tini cari multi pãtsãshi!
Icoslu 1
Tsitatea Sãrunã ti-ari tini ca apanghu, Sãmtá Macenicá Anisiea, cá tini
cara fushi multu avutã, cu inima nu ti ligashi di eali, sh-tsicara cá nica njicã
cum earai, nica dit crehta tinireatsã ál duchishi Hristolu Dumidzálu di
dealihealui, a Curi Ãlji fãtseshi huzmeti fãrã di ifticó, shi noi cara li vidzum
atseali, ti-alãvdám shi dzãtsem:
Hãrsea-ti, cá pãrintsãlji-a tálji tsã-l mushutsãrã geanlu cu hári
crãshtineshtsã!
Hãrsea-ti, cá fushi ãntricatã cu ãnvitsãturli-a hasãljei pisti!
Hãrsea-ti, cá tu loc di lapti loashi ma multã hranã duhovnicheascã!
Hãrsea-ti, cá mintiminiljea tsã fu dascal nica dit sãrmãnitsã!
Hãrsea-ti, cá mintiminiljea u vrushi ma multu di njirãciunjli
ficiureshtsã!
Hãrsea-ti, cá buna-ts pistusini ts-u spuseshi pi vidzuta-ts, sh-tsicara cá
earai nica multu tinirã!
Hãrsea-ti, cá di-aradã ãl udai loclu cu lácãrnjli dit pãlãcãriili-a tali!
Hãrsea-ti, cá dip lishor li-acãchiseai atseali tsi li dghivãseai dit sãmtili
cártsã!
Hãrsea-ti, cá trupeshtsãli mushutets a tali li-ascundeai shi shideai tu
udicilu-a táù!
Hãrsea-ti, cá dip casten ti-afirishi s-ti fats furnjii ti barduvali!
Hãrsea-ti, cá earai cu hãshti s-agiundzã pit locãrli din tser!
Hãrsea-ti, cá geanlu-a táù vrea ta s-hibã deadun cu Ğrambolu-ts din
tser!
Hãrsea-ti, Sãmtá Macenicá Anisiea, tini cari multi pãtsãshi!
Condaclu 2
Duca-a pãrintsãlor la multsãlji u lugursishi cá easti buna ucazi ta s-u
dai multa-ts aveari la urfãnamea, shi vrushi ma ghini s-bãnedz tu urfanji
dicãt tu-averi, cari li lugurseai ti un cheadic pi calea-a marturiljiljei; bash ti-
atsea noi, cara li vidzum aesti, cu mirachi Ãlji cãntám al Dumidzá: Aliluia!
Icoslu 2
Tsã undzishi ca Iov tu-arãvdari, ca David undzishi tu-imiradi, ca
Solomon tsã undzishi tu mintiminilji, cá cu pãlãcãriea li-anãchisishi tuti
oraxili shi patimatli dit aestã dunjeai tsi treatsi, shi ti fãtsesi hramlu-a
Sãmtului Duh, Cari ti-aumbra shi ti-apãnghisea di urnjerli-a dushmanjlor,
shi pistimenjlji, cara li vidzurã márli azvindzeri-a tali, tsã cãntá ashi vãrã
turlii:
Hãrsea-ti, cá mintiminiljea-ts artisi di-atsea a dubãrgilui!
Hãrsea-ti, cá u cãlcashi putearea-a lui cu pãlãcãriili-a tali!
Hãrsea-ti, tini cari-nchirdãsishi yishteari-n tseruri!
Hãrsea-ti, cá nu ti dãru avearea tsi treatsi!
Hãrsea-ti, cá oarfãnjlji lji-mbunashi cu-atsea tsi lã li dideshi atseali tsi
lã lipsea ti bãnatic!
Hãrsea-ti, cá atselji ti vluisea ti bunetsli tsi lã li fãtseshi!
Hãrsea-ti, cá-a tsáia tsã cãnta oarfãnjlji shi veduvili!
Hãrsea-ti, cá nu tsãnushi tsiva ti tini di tutã avearea-ts, ma tutã
avearea lã u-mpãrtsãshi-a oarfãnjlor shi-a scãdzutslor!
Hãrsea-ti, cá lucrashi cu mãnjli-a tali ta sã scots ti mãcarea di cafi
dzuùã!
Hãrsea-ti, cá ascãpashi di tuts gaileadzlji di pristi loc!
Hãrsea-ti, cá dushmanlu dip chiru, shi tsiva nu pãtu s-tsã facã!
Hãrsea-ti, cá njila-a ta nu-ari márdzinji!
Condaclu 3
Tricushi prit multsã pirazmadz di ispetea-a ahtiljei a ta ti Domnul, cá
draclu vrea di tuti turliili ta s-ti tragã di pi calea-atsea buna shi ta s-ti
ãncheadicã s-imnji pi calea-a ascãpariljei, ama tini cu pãlãcãriili-a tali lu-
anãchisishi; shi pistimenjlji di lichiili tuti ãlji cãntã-al Dumidzá: Aliluia!
Icoslu 3
“S-li dám tuti, cá deapoaea s-li lom tuti di suti di ori ma multi”, dzãtseai
tini, ghirghiná dip alãvdata, cara ti hãrseai cá aveai ascãpatã di pãyidzli-a
demunlui, ca un pulj dit mãna-a avgilui, azbuirashi cãtã la anãltsinjli-a
tserlui a Amirãriljiljei, iu ti-ashtipta Stopanlu Hristos, Atsel tsi li adrá tuti
shi ti vigljea sãnãtoasã, ti-atsea ljea-li shi di la noi aesti alãvdãciunji:
Hãrsea-ti, pistimena huzmichearã-a Domnului!
Hãrsea-ti, cá lu-nmultsãshi talantul tsi tsã fu dat di Stopanlu Hristos!
Hãrsea-ti, cá nu lu-ngrupashi tu loc, dupã urnimiea-a itrului!
Hãrsea-ti, cá-n tser sã-nmultsã yishtearea-a ta!
Hãrsea-ti, cá ts-u bãgashi inima-a ta aclotsi iu eara shi yishtearea!
Hãrsea-ti, cá Amirálu din tser u vru mushuteatsa-a geanlui a táù!
Hãrsea-ti, cá cu tut ifticolu ts-u vigljeashi ghirghineatsa-a truplui shi-a
geanlui!
Hãrsea-ti, cá pãnã tu-atsel dit soni adiljeatic a táù ti-alumtashi contra
dubãráili-a demunlui!
Hãrsea-ti, cá-mpilunjeat plãndzea dushmanlu anda vidzu cá easti
anãchisit!
Hãrsea-ti, cá la Domnul lu-arcashi gailelu-a táù, dupã indatea-a
prufetlui David!
Hãrsea-ti, njeala-atsea fãrã di-arãeatsã a Bunlui Picurar!
Hãrsea-ti, cá tsã si cãdzu tu parti loclu-a imirlor!
Condaclu 4
Ca unã fidanã tsi da iamishi di pi Pomlu-a Banãljei ti spuseshi cu
cilãstãserli-a tali Macenicá Anisiea, cá dicarã ti chischinipsi ta s-dai ma
multã biricheti s-dai prit stinahurli-atseali di multili turlii, cari li loashi has
ca unã biuturã dip dultsi sh-tsi ghini anjurdzeashti cá nu lucrashi contra
Masturlu ma cu multã harauùã ãlji cãntashi-al Dumidzá: Aliluia!
Icoslu 4
Vrearea-a ta ti oarfãnjlji shi-atselji tu zori nã da indati ta s-ti alãvdám
dipriunã, cá atselji ligatslji shi dit zãndánji nidzeai di-lji videai di-aradã shi-
lji hãrseai cafi unlu di elji cu tsi ãlji lipsea, shi atselji ãnvirnatslji lji-apuitueai
cu zboarã buni shi-lji umpleai cu umutea-a ascãpariljei, shi noi, cara shtim
ghini cãt ãlji vreai oaminjlji-a tálji shi Dumidzálu, tsã dám ca pishcheshi
ahtári niscãnti:
Hãrsea-ti, buna urnipsitoarã-a tsilor cu umutea chirutã!
Hãrsea-ti, cá dit buna yishteari-a inimãljei a ta scuseshi lucri buni!
Hãrsea-ti, cá a tutãlor tuti lã li dideshi cu gimertsãlji!
Hãrsea-ti, cá cu gimertsãlji li tsitsirashi schicurli-a banãljei fãrã di
moarti!
Hãrsea-ti, cá ti-anãchiseari di la Domnul tsã si deadi di apa atsea yiea!
Hãrsea-ti, cá, unã tsi duchishi seati, cu dichi, dinãoarã tsi fu data!
Hãrsea-ti, cá umutea-a ta tu Domnul nu fu arshunatã!
Hãrsea-ti, cá Domnul tsã deadi cãrunã ti giunaticlu-a alumtilor a tali!
Hãrsea-ti, cá, sh-tsicara cá fushi muljeari, spuseshi giunatic has ca un
bãrbat!
Hãrsea-ti, cá lichiea-a ta nu ti-nchidicá ta s-u ljeai cãruna-a
azvindzeariljei!
Hãrsea-ti, cá ti-arnisishi di itsidó di hãrseari trupeascã!
Hãrsea-ti, cá bãnaticlu-a táù shi-undzi ca-atsel di-a anghiljlor!
Condaclu 5
Ca un stur di foc s-anãltsa pãlãcãriili-a tali cãtã la Scamnul a Sãmtãljei
Treimi, anda cãftai ta s-eshtsã faptã izoti ta s-ti fats urtacã tu Tirinserli-a
Domnului, cá vreai ta s-u bitiseshtsã bana prit tiran di macenicã. Ama noi,
cara u vidzum aestã mirachi-a ta sh-tu cari nu-avem shubei, cu harauùã ãlji
cãntám al Dumidzá, a Tsilui tsi ti-nvãrtushé tini: Aliluia!
Icoslu 5
Ca unã stizmã nichisatã tsã fu nicurmata pãlãcãrii tu-alumta cu puterli-
a scutidiljei, cá sh-ticara cá dushmanlu ca di-aradã tsã adutsea leani, tini cu
pãlãcãriili-a tali ãlji li-aspãrdzeai duculechli tuti, shi el fudzea largu shi nu
putea ta s-aproachi di tini multu chiro, shi noi crãshtinjlji, cara u vidzum
harea-al Dumidzá tsi durnjea tu tini, cu-aplicãciuni li dzãtsem aesti:
Hãrsea-ti, cá scãntiljeashi ca unã videalã tu mesea di scutidi!
Hãrsea-ti, cá fushi stopanã pi patimatli tsi lu-aspargu geanlu!
Hãrsea-ti, cá eali li-astiseshi cu ploaia-a pãlãcãriilor a tali!
Hãrsea-ti, cá tiránjli-a tali canã nu poati s-li spunã!
Hãrsea-ti, tini apanghul shi-ndrupãtura-a tsilor cari tinjisit ts-u poartã
numa!
Hãrsea-ti, cá canã di-atselji tsi tsã caftã-agiutor cu pisti nu-armãni
fãrã di s-hibã agiutat di tini!
Hãrsea-ti, cá ağonjea lã agiuts a tsilor tu nivolji!
Hãrsea-ti, cá pãlãcãriili-a tali dininti-al Dumidzá nu-armãn ni-
ascultati!
Hãrsea-ti, tini cari spunji njilã ti cãlcatslji!
Hãrsea-ti, cá nu ti trumuxishi di stihiùlu-atsel cu multili capiti!
Hãrsea-ti, cá tini-l dideshi di padi el sh-tsicara cá eara multu ma gioni!
Hãrsea-ti, cá putes nu lucrashi dupã vrearea-a lui!
Condaclu 6
Atsel tsi u-ahurhi arãeatsa cara sh-si vidzu anãchisit shi cãlcat sum
cicioari di unã tinirã featã, plãndzea shi scãnjisea, cara nu shtea tsi altu tsiva
s-facã dip ta sã-lji spãstreascã crãshtinjlji-atselji fãrã di canã cãbati, ãl bãgá
pi lucru ãmbistimenlu huzmichear amirálu Maximian, cari dimãndá cá cafi
unlu poati sã-lji vatãmã crãshtinjlji fãrã di frica di giudicari, cara nu shi
shtea pãngãnlu cá cu-ahtarli licru el insushi sh-si giudicá, a noi, cara nã
ciudusim pi iconomiea-al Dumidzá, Ãlji cãntám a Lui: Aliluia!
Icoslu 6
Inima-atsea frãmta shi aplicatã Dumidzálu nu-ari s-u urghiseascã,
dzãtsi prufetlu David, a tini, musheatá featá lji-u dideshi-al Dumidzá aestã
vrutã curbani cu stinahurlu di macenicã, cari ti featsi scãntiljoasã has ca
soarli tu Amirãriljea-al Dumidzá, cari u vrushi dit tut geanlu-a táù, tini
agiutã-nã a nauùã cu pãlãcãriili-a tali atseali ghini aprucheatili dininti-a
Hristolui Dumidzá, ta s-ti alãvdám ashitsi:
Hãrsea-ti, cá intrashi tu macenitsãljea has canda nidzeai la mari
zaifeti!
Hãrsea-ti, cá vrearea-a ta cu multu artisi di arãeatsa-a zurbálui amirá!
Hãrsea-ti, cá tsã-lji trãpseshi ocljilji di la chirãturi!
Hãrsea-ti, cá-lji dishcljiseshi mash ta s-li vedz atseali bunili shi ti hãiri!
Hãrsea-ti, cá fushi tãxitã-al Dumidzá nica dit pãntica-a má-tai!
Hãrsea-ti, cá prit semnul a Sãmtãljei Crutsi u-aspulbirashi putearea-a
dushmanjlor!
Hãrsea-ti, cá tsã u-ashtiptai moartea ca unã dzuùã di mari sãrbãtoarã!
Hãrsea-ti, tini featá di Dumidzálu faptã mintimenã!
Hãrsea-ti, tini yishtearea di Dumidzálu vigljeatã!
Hãrsea-ti, cá has ca unã alighinã u-adunashi njearea-a hasãljei pisti!
Hãrsea-ti, cá ãntunicatlu cu ãncljinarea la idoljlji ãl lunjinashi cu
bunili ãnvitsãturi-a tali!
Hãrsea-ti, tini mintimena ãnveastã-nauùã-al Dumidzá!
Condaclu 7
Calea-a banãljei a ta fu shcurtã pristi loc, cá tsã fu shcurtatã di un
ashchirlá ãntunicat cu ãncljinarea la idoljlji, cara nu vrushi s-ti dai ti partea-
a cicãrdãsitslor di minti shi cu inima shi mintea pãngãnitã, ma alipseshi cá
ma ghini s-mori ca crãshtinã dicãt s-bãnedz tu pãngãnami; ti-atsea noi, cara
ãl vidzum giunaticlu-a táù, lji-u cãntám al Dumidzá cãntarea: Aliluia!
Icoslu 7
Chimatli di trei dipli-a banãljei tsi treatsi cari ãlji neacã tuts atselji cari
intrã tu ea nu pãturã s-ti chearã tini, cari tsã u-avushi umutea la Dumnul
Hristos, shi el ti vigljé ta s-nu cheri, ti-atsea cu-aplicãciuni tsã li cãntám aesti:
Hãrsea-ti, cá u dideshi tu padi tutã itsrãljea-al Triscatara!
Hãrsea-ti, cá, sh-tsicara cá cãlcá multsã, tini nu pãtu s-ti calcã!
Hãrsea-ti, cá mintea-ts tut chirolu tsã lucrá la Creatorlu!
Hãrsea-ti, cá nicãltinatã ts-armasi arishita-ts s-armãnji crãshtinã!
Hãrsea-ti, cá inima-a ta eara ãmplinã di dorlu ti Hristolu!
Hãrsea-ti, cá vreai ta s-mori tsi ma-ağonjea ta s-ti duts tu Amirãriljea
din tseruri!
Hãrsea-ti, cá Heruvinjlji tsã featsirã cali ti la Tronlu-a Sãmtãljei
Treimi!
Hãrsea-ti, cá serafinjlji shi Puterli tuti din tser s-hãrsirã di ispetea-a
ta!
Hãrsea-ti, cá fushi bãgatã arada cu mintimenili ghirghini!
Hãrsea-ti, cá Hristolu tsã pãlti cu multili pishcheshi ti stinahurlu-a
táù!
Hãrsea-ti, cá u loashi diadema-a mushuteatsãljei shi-a
ghirghineatsãljei!
Hãrsea-ti, cá-n tseruri cu sãmtsãlji ti hãrseshtsã!
Condaclu 8
Loclu s-asãmtsã cu sãndza-a ta, cari ts-u virsashi ti hasa pistusini tu

Hristolu Dumidzá, Atsel tsi shi-u virsá sãndza-a Lui ti noi shi ti ascãparea-a
noastã. Ti tsi ti eta-a etilor Ãlji cãntám deadun cu tini: Aliluia!
Icoslu 8
Suschirárli-a tali s-avdzãrã-n tser dininti-al Dumidzá, bash ti-atsea,

pi-ağunjii ts-u featsi mirachea-ts shi ti lo la El, ta su-L alavdzã deadun cu
anghiljlji, cu arhanghiljlji shi cu tuti Puterli din tser, shi bash ti-atsea ljea-li
shi di la noi nicãdãrlji aesti alãvdãciunji:
Hãrsea-ti, cá fushi cãt unã dadã ti curbisitslji! Hãrsea-ti, tini cari

ãlji urnipseshtsã orghilji! Hãrsea-ti, ãndrupãtura shi
ãncurajearea-a tsilor cu gean slab!
Hãrsea-ti, samsara-a amãertioshlor dininti-al Dumidzá!
Hãrsea-ti, cá demunjlji suntu-avintats cu pãlãcãriili-a tali!
Hãrsea-ti, tini cari eshtsã di hãiri ti-atselji tsi ti caftã!
Hãrsea-ti, cá li dãnãsishi urnjerli-a aráilor demunji! Hãrsea-ti, cá
putearea-a lor s-vidzu dininti-ts ca pulbirea dininti-a vintului!
Hãrsea-ti, cá shi dupã moarti fats nishenji! Hãrsea-ti, cá eshtsã
agiutorlu-a tsilor cari intrã tu piriclji pi amarea-a lishtei banã!
Hãrsea-ti, cá li-mbunedz ponurli-a tsilor tu cripári!
Hãrsea-ti, cá li-ncurajedz slabili iaramati! Hãrsea-ti, Sãmtá
Macenicá Anisiea, tini cari multi pãtsãshi!
Condaclu 9
Tinirlji di tuti lichiili ti-alavdã tini, Sãmtá Macenicá Anisiea, shi cu

mirachi shi cu pistusini sã-ncljinã la tinjisita-ts vidzutã-a ta, di ispetea cá
zboarãli umineshtsã nu pot s-u spunã giuneatsa-a geanlui a táù tsi u spuseshi
tini, sh-tsicara cá earai tinirã, ti-atsea a Tsilui tsi ti-nvãrtushé Ãlji cãntám
unã alãvdãciuni ti hristuseari: Aliluia!
Icoslu 9
Dzuùa anda tini tricushi dit bana di pristi loc tu-atsea fãrã di moarti
daimalui nã adutsi-aminti ti mirachea cu cari imnashi pi toarãli-a
Ascãpãtorlui a nostu Isus Hristos shi ca unã njealã ni-amãrtioasã imnashi
dupã Bunlu Picurar cari tsã gri tu mandra-a-a oilor a Lui cari u-asculta
boatsea-a Lui, shi noi, cara u vidzum iconomiea-a Lui ti noi shi cara nã
ciudusim pi ascultarea-a ta, tsã dzãtsem ashitsi:
Hãrsea-ti, cá nu tsã fu fricã ta su-L marturiseshtsã Hristos

Dumidzálu-atsel haslu!
Hãtsea-ti, cá shi El ti marturisi dininti-a Tatãlui shi-a anghiljlor!
Hãrsea-ti, cá lucrashi tamam dupã Vangheljlu-a Hristolui!
Hãrsea-ti, cá multu lishor ãl purtashi bunlu iarem!
Hãrsea-ti, cá lishoara borgi cu harauùã u-aprucheashti!
Hãrsea-ti, cá pãnã tu soni ti tirinsishi cu pirazmadzlji-a banãljei!
Hãrsea-ti, cá tuti-atseali tsã u-adusirã ascãparea!
Hãrsea-ti, cá-n tser amintashi arugã ti faptili shi pidimadzlji-a tálji!
Hãrsea-ti, cá sãmtsãlji ti-apruchearã pit cathiolu-a lor!
Hãrsea-ti, cá ti fãtseshi izoti s-ti curdiseshtsã ãn sin la Avraam!
Hãrsea-ti, cá di Hristolu ghini tsã si pãlti ti stinahurlu-a táù!
Hãrsea-ti, cá ti fãtseshi izoti Dumidzálu ta su-L vedz ãn tseruri!
Condaclu 10
Prit bana-ts di pristi loc, nã alãsashi mustrã ti has bãnatic crãshtinescu,
cu-atsea tsi nã spuseshi cá ascãparea sã-nchirdãseashti fãrã di dip multã
pidipseari, cara su-l cãftám agiutorlu-al Dumidzá, Cari poati ta s-nã ascapã
shi-a Curi Ãlji cãntám cãntari ti-anãchiseari: Aliluia!
Icoslu 10
Adutsearea-ts aminti cari hãrzeashti alãvdari u iurtusim azã noi,
pistimenjlji cari ti tinjisim cu multã ivlavilji, ti-atsea cá di dealihealui
pistipsim cá fats samsarlãchi deadun cu Dada-al Dumidzá shi cu sãmtsãlji
tuts ti ascãparea-a noastã dit pãyidzli-a dushmanlui cari li vatãmã geanurli
shi buneatsa u-ari tu hasmã, shi noi amãrtioshlji nu nã shtim tsi s-dzãtsem,
dicãt alãvdãciunji ca di-aesti:
Hãrsea-ti, cá ceturli di-anghilji s-ciudusirã pi vãrtusheatsa-a ta!
Hãrsea-ti, cá tsã featsirã sutsatã pãnã la tronlu-a Dip-sãmtãljei
Treimi!
Hãrsea-ti, cá demunjlji nu-avurã cu tsi s-ti iftiriseascã!
Hãrsea-ti, cá fu arshunatã dubãraea-a lor!
Hãrsea-ti, cá nu ti-nvirnashi di arãeatsa-a lor!
Hãrsea-ti, cá elji ãlji arcashi sum cicioarli-a tali!
Hãrsea-ti, cá elji hcljimbura di cheardirea-lã faptã di tini!
Hãrsea-ti, cá shtit nifrãmtu di canã ts-u fãtseshi nimãnjisita
pãlãcãrseari-a ta!
Hãrsea-ti, cá li frãmseshi tuti ligãturli-a lor!
Hãrsea-ti, cá tu latsãli-a lor cãdzurã atselji cari li-adrarã!
Hãrsea-ti, cá ãlji vãrghishi elji ti arshinoasa cutidzari!
Hãrsea-ti, cá Domnul dushmanjlji-a tálji ãlji deadi tu mãnjli-a tali!
Condaclu 11
Cari ari avdzãtã vãrãoarã cá unã ghirghinã tinirã sã-lji anãchiseascã
demunjlji-atselji anapudzlji, cari pãnã di unlu s-ampulisirã contra ea ta s-u
arãdã cu len-turlii di duculechi chuluiti tu-atsea arãeatsã-a lor, ama
ghirghina nu shtsã ureacljea la urnimiea-a lor, ma ca unã gãgufcã chischinã
azbuirá la-Atsel cari u plãsá ea, a Curi tora Lji-u cãntám ti daimalui
cãntarea ti-anãchiseari: Aliluia!
Icoslu 11
Pursãn chiró cara bãnashi pristi loc, furã ca baia anji, cá sh-tsicara cá
avushi trup di ghirghinã tinirã, mintea shi mintiminiljea tsã furã ca di un
aush cu tãhmini, cá bana ts-u fãtseshi ti hãiri, cum ti tini ashitsi shi ti-altsãlji
di-a tálji, ti-atsea noi, nicãdãrlji sclavanji-a tálji, tsã li dzãtsem aesti
alãvdãciunji:
Hãrsea-ti, cá mintiminiljea cari u vrushi tsã fu cãlãuzlu tu banã!
Hãrsea-ti, cá nu vrushi tsiva di-atseali trupeshtsãli!
Hãrsea-ti, cá mirachea-a ta ts-u spuseshi la Hristolu Ğrambolu-a táù!
Hãrsea-ti, cá nu ti trãpseshi di calea-atsea strimta shi cu tiránji!
Hãrsea-ti, cá imnashi pi-atsea cali fãrã di cãltinari!
Hãrsea-ti, cá-Lji hristusishi-al Dumidzá ti tuti dit bana-ts!
Hãrsea-ti, cá ts-u purtashi crutsea cu fatsa hãrãcoapã!
Hãrsea-ti, cá lu-arshunashi ashchirlálu cari ti indzea di zorlea ta s-ti-
ncljinji la idolji!
Hãrsea-ti, cá lugursishi cá easti ma ghini su-L tinjiseshtsã Creatorlu,
ma nu creatsiea!
Hãrsea-ti, cá stranjlu di la pãtãgiunea-a ta ãl vigljeashi nimãryit!
Hãrsea-ti, cá minduishi ghini tu tuti tsi li-adrashi!
Hãrsea-ti, cá sãmtul anghil vigljitorlu-a táù ti vigljé pãnã la
adiljeaticlu-tsi dit soni!
Condaclu 12
Chirolu ti sonea-a noastã easti aproapea shi yini moartea di cari canã
nu poati s-ascapã, cá loc him shi tu loc va neam tuts; ti-atsea cu aplicãciuni
tsã cãdem dininti, Sãmtá Macenicá Anisiea, cari ti numa-a Hristolui ti
tirinsishi shi ts-u virsashi sãndza, shi tora El pãlãcãrsea-L ta s-nã da chiro ti
tunuseari shi turnari pi calea-a ascãpariljei ma ninti di s-murim, ta s-Lji-u
cãntám cãntarea: Aliluia!
Icoslu 12
Canã di-atselji ligatslji cu oraxili shi patimatli nu easti izoti sã-Lji
lucreadzã-a Creatorlui a nostu Dumidzálu, cá ta sã-Lji lucredz al Dumidzá
easti un mari lucru shi fricos, ama tini, musheatá ghirghiná tsi-L purtashi
Dumidzálu, ti spuseshi cá eshtsã-mplinã di mirachi dumidzeascã shi nã
spuseshi cum poati vãrã sã-Lji si aproachi-al Dumidzá prit preasini,
pãlãcãrii shi njilã, shi noi, amãrtioshlji, nu nã shtim cum s-ti alãvdám ashi
cum hãrzeshtsã, ma tsã spunem alãvdãciunji ca di-aesti:
Hãrsea-ti, atsea cari cu giunatic ti-alumtashi contra arãeatsa
dimuneascã!
Hãrsea-ti, cá eshtsã cu idghea mirachi ti lucru ca di-a apostoljlor!
Hãrsea-ti, cá ti-ncãrunashi cu macenitsãlji!
Hãrsea-ti, cá giots cu ceturli-a cuvioshlor!
Hãrsea-ti, cá loashi arugã di marturisitoari!
Hãrsea-ti, cá bãnashi ca un anghil tu trup di nigljinã!
Hãrsea-ti, cá tsã undzishi ca Serafinjlji tu doxãsearea-al Dumidzá!
Hãrsea-ti, cá demunjlji nu u strãxescu numa-a ta!
Hãrsea-ti, cá lji-avinashi ca niscãntsã slaghi!
Hãrsea-ti, cá sãmtili moashti-a tali zvom nishenji ti vindicari!
Hãrsea-ti, cá li dãnãseshtsã urnjerli-a demunjlor ca unã azapti!
Hãrsea-ti, cá u spãstreshtsã scutidea-a idoljlor cari li cheari geanurli!
Comdaclu 13
O, para-alãvdatá Macenicá Anisiea, daimalui adusã-aminti, fá-ti
samsara ti noi, amãrtioshlji, cari tsã cãftám un agiutor a táù, cu cari pots ta
s-nã agiuts a nauùã, noi cari nã-aflám tu nivaljlu-a stinahurlor di pristi loc,
shi ashitsi, cara va nã ascachi cu pãlãcãriili-a tali, sã-Lji cãntám, tu
Amirãriljea-a Lui din Tser, al Dumidzá cãntari ti-anãchiseari: Aliluia! (di
trei ori.)
Deapoa s-dzãtsi
Icoslu 1
Tsitatea Sãrunã ti-ari tini ca apanghu, Sãmtá Macenicá Anisiea, cá tini
cara fushi multu avutã, cu inima nu ti ligashi di eali, sh-tsicara cá nica njicã
earai, nica dit crehta tinireatsã Ãl duchishi Hristolu Dumidzálu di
dealihealui, a Curi Ãlji fãtseshi huzmeti fãrã di ifticó, shi noi cara li vidzum
atseali, ti-alãvdám shi dzãtsem:
Hãrsea-ti, cá pãrintsãlji-a tálji tsã-l mushutsãrã geanlu cu hári
crãshtineshtsã!
Hãrsea-ti, cá fushi ãntricatã cu ãnvitsãturli-a hasãljei pisti!
Hãrsea-ti, cá tu loc di lapti loashi ma multã hranã duhovnicheascã!
Hãrsea-ti, cá mintiminiljea tsã fu dascal nica dit sãrmãnitsã!
Hãrsea-ti, cá mintiminiljea u vrushi ma multu di njirãciunjli
ficiureshtsã!
Hãrsea-ti, cá buna pistusini ts-u spuseshi pi vidzuta-ts, sh-tsicara cá
earai nica multu tinirã!
Hãrsea-ti, cá di-aradã ãl udai loclu cu lácãrnjli dit pãlãcãriili-a tali!
Hãrsea-ti, cá dip lishor li-acãchiseai atseali tsi li dghivãseai dit sãmtili
cártsã!
Hãrsea-ti, cá trupeshtsãli mushutets a tali li-ascundeai shi shideai tu
udicilu-a táù!
Hãrsea-ti, cá dip casten ti-afirishi s-ti fats furnjii ti barduvali!
Hãrsea-ti, cá earai cu hãshti ta s-agiundzã pit locãrli din tser!
Hãrsea-ti, cá geanlu-a táù vrea ta s-hibã deadun cu Ğrambolu-ts din
tser!
Condaclu 1
Yinits, tuts voi cari li vrets iurtuserli, s-u ãncãrunám cu-alãvdãciunji
atsea cari cu cutidzari Ãl marturisi Hristolu Dumidzálu di dealihealui shi-l
deadi di padi atsel tsi u-ahurhi arãeatsa cari multsã lji-arãsi, shi-lji prãmãsi
di la hasa pisti, a noi cara li vidzum azvindzerli-a ljei, cu harauùã sã-lji
cãntám: Hãrsea-ti, Sãmtá Macenicá Anisiea, tini cari multi pãtsãshi!
Shi s-fatsi otpustlu.

MITROPOLITLUI ANTIM IVIREANLU
BANA SHI FAPTILI-A

MITROPOLITLUI ANTIM IVIREANLU
Di disputadzlji cari-nğrãpsirã frãndzã lutsiti tu isturiea-a noastã s-misurã shi mitropolitlu-
a Tsarãljei Romãneascã, Antim Ivireanlu. S-aflà tu Iviriea*) icà Gruziea di-azã, ca pi la anlu
1650, di pãrintsãlji Oani shi Mariea, sh-dit pãtãgiuni shi-u-avea numa Andrei. Nica dit
tinireatsã cãdzu sclav la Turtsãlji, cari-l dusirã Tsarigrad. S-pari cà dicara-ascãpà dit sclãvilji
bãnà anvãrliga di Patriarhiea ecumenicã, iu u-nvitsà sculptura tu lemnu, pictura shi vizearea.
Tsarigrad li-nvitsà gãrtseasca, arapeasca shi turtseasca limbã. S-poati cà aclo sh-tricu tu cãluğri.
Ca pi la anlu 1690, ãmbistimenlu domnitor Constantin Brãncoveanu lu-adusi tu Tsara
Romãneascã. aoatsi u-nvitsà zãnatea-a stãmbuseariljei di episcoplu di-un chiro Mitrofan a
Hushlor. Tu meslu Sumedru tu-anlu 1691 el insushi stãmbusi unã carti gãrtseascã, tu cari simna
“Antim ieromonah”. Dupã-alidzearea-a episcoplui Mitrofan pi scamnul al dispoti di Buzàù,
Antim s-featsi caplu-a tipografiiljei domneascã di Bucureshti. Aclotsi lucrà pãnã tu-anlu 1694,
iu stãmbusi alti trei càrtsã, di cari shi unã Psaltirã rumãneascã, cu versuri ãngrãpsiti di el tu
tinjiea-al Constantin Brãncoveanu, semnul cà ghini u-avea-nvitsatã limba-a nauùãljei patridã-
a lui.Tu-anlu 1696 ieromonahlu Antim s-mutà la mãnãstirlu Snagov, iu adrà unã nauùã
tipografii, cara eara el ğuminlu-a lushtui mãnãstir. La mãnãstirlu Snagov shidzu pãnã tu-anlu
1701, shi stãmbusi 15 di càrtsã, di cari 5 pi valahuteashti. Tora stãmbusi un Liturghier
gãrtsescu-arapescu (1701), ti-mbistimenjlji di Patriarhiea dit Antiohiea-a Siriiljei. La
mãnãstirlu Snagov ieromonahlu Antim ãnvitsà cu zãnatea-a stãmbuseariljei shi multsã cirats,
di cari nai ma avdzãtlu fu Mihail Shtefan (Ishtvanovici), cari cama amãnat stãmbusi càrtsã Alba
Iuliea sh-bileam shi tu statlu-al Antim, tsi va s-dzãcã tu Iviriea.
Tu-anlu 1701 Antim s-turnà iara Bucureshti. Dit atsel an pãnã tu-anlu 1705 u dusi nãinti
cu bairlu-a stãmbuserlor, shi publicà un numir di 15 di càrtsã, di cari shi un Ceaslov gãrtsescu-
arapescu (1702), iara ti-mbistimenjlji dit Patriarhiea-a Antiohiiljei, Nàùlu Testamentu pi
valahuteashti (1703) shi-alti.
Hàrli cu cari-alidzea shi cu cari eara hãrzit ieromonahlu Antim, cum shi marli shi fãrã di
cãpãeari lucru tsi-l featsi dit oara anda vini tu Tsara Romãneascã, ãl featsirã cãdãr ta s-hibã
aleptu ti episcop a Rãmniclui, pi 16 di Martsu, tu-anlu 1705. Unã tsi shidzu el pi scamnul
disputescu, u dusi aclo shi tipografiea di la mãnãstirlu Snagov, shi-ashitsi u-adrà prota tipografii
din Rãmnic. Tu un chiro di trei anji di dzãli aoatsi stãmbusi 9 càrtsã, di cari 3 valahuteshtsã shi
3 slavo-valahuteshtsã, cama multi càrtsã ti slujbã, di cari shi Liturghierlu cu Molitfeniclu,
protili càrtsã valahuteshtsã dit Munteniea (1706).
Dupã unã picurãrlãchi di mash trei anji di Rãmnic, s-featsi mari-alãxeari tu bana-al Antim
Ivireanlu. Pi 27 di Yinar, tu-anlu 1708 muri mitropolitlu Teodosie, cari fu picurarlu-a
pistimenjlor dit Tsara Romãneascã aproapea 40 di-anji. Ninti di moarti el shi-u spusi mirachea
cà episcoplu Antim a Rãmniclui s-yinã dupã el pi scamnu, lugursindalui cà-i nai ma cãdãrlu ti-
aestã analtã scarã disputeascã. La-alidzeari s-lo tu videari shi mirachea-a cãdãrlui mitropolit.
Scãmnusearea lj-si featsi pi dzuùa di 22 di Shcurtu, tu-anlu 1708, pi Dumãnica-a
Crãshtinamiljei, iu eara shi patriarhanjlji-a Alexandriiljei shi-a Erusalimlui. Cu aestã ucazi
mitropolitlu atsel nàùlu zburã multu musheat, iu spusi tsi lucãri avea ti-adrari pi slujba atsea
nauùa-a lui di arhiereù.
Tu lucurlu-a lui di Mitropolit a Ungrovlahiiljei nu njilui canã pidimo ti lunjinarea-a
pistimenjlor, iu spusi musheati hàri di picurar, predicãtor shi patriot. Dupã curdisearea-lji pi
scamnul di mitropolit adrà unã nauùã tipografii Tãrgovishti. Tora el stãmbusi 18 di càrtsã, di
cari 11 valahuteshtsã. Nai ma avdzãtili di stãmbuserli rumãneshtsã eara: Psaltirea, Octoihlu,
Liturghierlu, Molitfelniclu, Catavasierlu, Ceaslovlu shi-alti. Scljeamã numirlu-a càrtsãlor
stãmbusiti pi rumãneashti s-videa cà crishtea. Lipseashti s-u actsentàm shi-atsea cà a
mitropolitlui Antim lj-si cãdzu hãrzita borgi di u bãgà ti daimalui limba valahuteascã tu
dgheavasea bãsericheascã, shi u bitisi atsea tsi s-avea ahurhitã di Matei Basarab (tipiclu pi
valahuteashti) shi Sherban Cantacuzino (textili biblitsi). Cu stãmbusearea-a càrtsãlor ti slujbã
valahuteascã, Antim agiutà shi la adrarea-a unãljei limbã valahuteascã ti liturghiseari, cari
armãsi shi pãnã azã. Textul liturghescu di-azã dip putsãn aleadzi di-atsel traduslu di Antim.
Dupã el mata armasirã nitradusi mash Mineili, Triodlu shi Penticostarlu, cari furã stãmbusiti
ma-amãnat.
Mitropolitlu Antim Ivireanlu fu shi un apres patriot shi alumtãtor contra-a tiranlui
turtsescu. El acãchisi cà mash unã aliantsã cu-Arusiea s-poati arcari-a iaremlui turtsescu. Di-
aestã ispeti, ma sh-di duculechli-a dushmanjlor a lui, s-arãtsirã ligãturli anamisa di el shi
Constantin Brãncoveanu. Tu-anlu 1712 domnitorlu lj-cãftà cà sh-si tragã singur di pi scamnu,
ama dispoti Antim lji-ndreapsi dauùã apuràri ãnğrãpsiti, prit cari el spunea cã nu-i cãbati, shi
spusi cà iftiràili tsi lj-li featsirã dushmanjlji-a lui eara strãmbi. El sh-lu avina l;ucurlu pãnã la
moartea di macenic al Brãncoveanu (1714) sh-deapoaea sum vinitlu dupã el. Shtefan
Cantacuzino (m. 1716).
Dupã bãgarea-a protlui domnitor fanariot, Nicolae Mavrocordat, tu-anlu 1716, ahurhirã
grealili dzãli ti-aushlu mitropolit. Iftirsit cà intrà-n ligãturã cu Afstreanjlji sh-cà taha chuluea
tsiva contra domnitorlu shi Turtsãlji, fu-ncljis dupã dimãndãciunea-a domnitorlui shi bãgat
ahapsi tu hãpsanea-a palatãljei. Fu tsãnut aclotsi baia stãmãnji, shi lj-si cãfta sh-da demisii.
Cara nu vru s-u da, Mavrocordat lj-cãftà a patriarhlui di Tsarigrad su-l afuriseascã, lucru tsi-
aestu shi-l featsi. Tu cartea ti-afuriseari lj-si arcarã multi cãbàts pi nindriptati, piningã cari shi-
atsea cà s-mutà contra “gioana-amirãrilji” turtseascã, cu tsi fu scos dit arada-a arhiereilor shi-a
cãlugãrlor, shi lipsea s-hibã-ncljis ti tutã bana tu mãnãstirlu Sãm. Caterina dit Muntili Sinai.
Aestã ghizai nu-agiumsi s-u tragã, ti-atsea cà ashchirladzlji cari-l dutsea ti pi Muntili Sinai ãl
mãchilipsirã, shi truplu lj-lu arcarã tu-arãùlu Tungea, ningã Adrianopoli. Moartea-a lui s-featsi
toamna tu-anlu 1716. Ashitsi shi-u bitisi bana macenicheascã, has ca shi ghinifãcãtorlu-a lui,
domnitorlu Constantin Brãncoveanu.
Scljeamã, mitropolitlu Antim Ivireanlu sh-li bãgà tuti shterli, mirachea shi-acãchisearea
tu slujba-a Bãsearicãljei shi-a pistimenjlor Valahuts cari lu-avea aprucheatã cu-ahãtã vreari.
Tipograf, autor di lucràri orighinali, traducãtor a càrtsãlor ti dgheavasi pi valahuteashti,
predicãtor shi picurar di sufliti, artistu, ctitor ti casi sãmti, ãndrupãtor a Ortodoxiiljei shi-a
Valahutslor dit Transilvaniea, Antim Ivireanlu easti una di nai ma lunjinoasili figuri dit tricutlu-
a Bãsearicãljei shi-a patridãljei.
Aesti furã motivili ti cari Sãmtul Sinod a Bãsearicãljei Ortodoxã Rumãneascã, pi
shedintsa di pi 20 di Cirishear, tu-anlu 1992, u-adutsi detsiziea cà marli ierarhu Antim s-hibã
tricut tu-arada-a sãmtsãlor. Iurtusearea-a lui va s-facã tu cafi-an pi dzuùa di 27 di Yizmãciunji..
S-nã pãlãcãrsim, maca, a nàùlui sãmtu shi marturisitor a pistiljei ortodoxã, shi s-dzãtsem:
“Sãmte Pãrinte Ierarh Antim, cu cãdãrlãchi bãgashi picurari shi dascalji ti cupiea-a ta shi cu
mintiminilji dunidzeascã li virsashi arãurli-a sãmtilor zboarã-a tali. Bana ts-u dideshi ti
cupiea-a ta shi cãruna-a macenitsãljiljei u loashi di la Hristolu Dumidzà. Aestu pãlãcãrsea-L,
Sãmte Pãrinte Ierarh Antim, s-hãrzeascã irinji shi mari njilã ti-atselji tsi u fac sãmt -adutseari-
aminti-a ta”. (Troparlu-a sãmtului, glas III).
*) S-pari cà numa di Iviru s-ljea pi nindriptati. Easti zbor ti mãnãstirlu Iviru di-Ayi-Nor,
di iu shi numa Ivireanu. Easti faptu dit horli dit Tesalii, sh-cara eara shi-Armãn, cu ahãtã
mirachi lucra ti Valahutslji, mash s-nu eara gãrtseascã. Di-aclotsi, zate, shi-ahãt di urãt s-
purtà cu el domnitorlu fanariotescu, pãnã nu-l spãstri.(nota-a noastã)
Bibliografii: Viaţa şi faptele lui Antim Ivireanul, mitropolitul Ungrovlahiei,

Bucureshti, 1910, 119p.; D. Teodor (-Damian P. Bogdan), Despre Antim Ivireanul în S.T. , an
VII, 1955, nr. 3-4, p. 236-263; Niculae Serbanescu, Antim Ivireanul tipograf, in BOR, an.
LXXIV, 1956, nr. 8-9, p. 690-766, (alti studii tu idghul numir, p. 679-863); rev. M.O. an.
XVIII, 1966, nr. 9-10, p. 771-851; Mario Ruffini, Il metropolita valacco Antim Ivireanul, in
Oikumenikon, Roma, vol. III, 1966, p. 357-398; Gabriel Popescu, Mitropolitul Antim
Ivireanul, cãrmuitorul bisericesc şi propovãduitor al Evangheliei, în S.T. an. XX, 1969, nr.
1-2, p.5-97, Matei Cazacu, Cum a murit Antim Ivireanul, in M.O. an, XXII, 1970, nr. 7-8, p.
671-691; rev. M.M.S. an. LII, 1976, nr. 5-6, p. 360-382; Fanny Djindjihasvili, Antim Ivireanul,
cărturar umanist, Iashi, 1982, 132p; sã si veadã shi Antim Ivireanul, Opere: Ediţie critică şi
studiu introductiv, Bucureshti, 1972, LXIV + 479p. (cu bibliografii).
Dupã: Pr. prof. dr. Mircea Pàcurariu, Sfinţi Daco-Români şi Români, Ed. Mitropoliei
Moldovei şi Bucovinei, Iashi, 1994, fr. 109-112.
ACATISTLU
A SÃMTULUI IERARH MARTIR ANTIM IVIREANLU
(27 di Yizmãciunji)
Comdaclu 1
A tsáia ierarhlu Antim, musheatlu bãrbat a Ivirlui, siminat pristi sinur
tu luclu-atsel bunlu, ta s-dai shi nica ma bunã biricheti, shi noi tinjisearea-a
noastã ts-u spunem: Hãrsea-ti, Sãmte Ierarh Antim Ivireanlu, maceniclu-
atsel ascumtul a Hristolui!
Icoslu 1
Faptu di multu tinjisitslji pãrintsã, nica di njic loat tu sclãvilji di
Agareanjlji, dus Tsarigrad, harea-a Hristolui ti-apriduná, ta s-ti fats
lãcãrtorlu-a lucrilor sãmti, bash tu mesea di dushmanjlji, shi ti-atsea tsã
cãntám:
Hãrsea-ti, afiritlu di harea!
Hãrsea-ti, atsel aleptul bash di Insushi Hristolu!
Hãrsea-ti, hãrzitlu cu multili hári!
Hãrsea-ti, cá xeanili limbi ağonjea li-nvitsashi!
Hãrsea-ti, cá multi zãnáts ãnvitsashi!
Hãrsea-ti, stãmbusearea-a cãrtsãlor nai ma multu ti-arisi!
Hãrsea-ti, cá ashitsi spuseshi vreari ti sãmta ãnvitsãtura!
Hãrsea-ti, cá nica dit njeati geanlu tsã lu-asãmtsãshi!
Hãrsea-ri, tini vulusitlu di zborlu-a Hristolui!
Hãrsea-ti, lishlu di pisti evangheleascã!
Hãrsea-ti, gritlu ti lucrari di-apostol!
Hãrsea-ti, Sãmte Ierarh Antim Ivireanlu, macenic ti ciudii-a
Hristolui!
Condaclu 2
Prit Iconomiea-al Dumidzá, sclãviljea tsã si featsi shi nica ma mari
libertati, cá arãscumpãrat di Patriarhiea di Tsarigradlu cu bolluchi li
criscushi hárli-atseali sãmtili, tu cãntarea di: Aliluia!
Icoslu 2
Domnitorlu Brãncoveanu cara vidzu tu tini un om al Dumidzá, ca ‘nã
yishteari tu Tsara Romãneascã ti dusi shi dealihea cá ti spuseshi unã scumpã
mirgeanã.
Hãrsea-ti, buna simitsã-a Hristolui!
Hãrsea-ti, simitsa cari ashtipta loc bun!
Hãrsea-ti, cá criscushi bash tu mesea di schinji!
Hãrsea-ti, cá fitursishi bash pi calea cãlcatã cu cicioarli!
Hãrsea-ti, ciudiea crãshtineascã!
Hãrsea-ti, videala tu scutidea di pãngãnji!
Hãrsea-ti, lãmbada tsi s-bagã pi loc analtu!
Hãrsea-ti, hãbarea-a tsilor di-analtu!
Hãrsea-ti, harauùa dipusã din tser!
Hãrsea-ti harauùa ti-atselji di pristi loc!
Hristolui!
Condaclu 3
Grit tu Tsara Romãneascã, Dumidzálu cu tini bãgá pi cali un mari
lucru, cá mash un gean mari putea ta s-alumtã cu ascumtishurli-a anjlor
greù loats azvarna tu cãntarea di: Aliluia!
Icoslu 3
Tu mistiriul a loclui valahutescu, multsã di sãmtsãlji vinirã shi multsã
criscurã shi multã biricheti spusãrã cu doxa-a Hristolui cá salami ta sã
scãntiljeadzã.
Hãrsea-ti, atsel gritlu pristi sinur!
Hãrsea-ti, gritlu di domnitorlu valahutescu!
Hãrsea-ti, hãrzitlu cu harea di cárturar!
Hãrsea-ti, prit cari sã spusi lishlu-a Hristolui!
Hãrsea-ti, hãbãrsitorlu-a Vangheljlui!
Hãrsea-ti, cá shi Vanghealji stãmbusishi!
Hãrsea-ti, tini cari u vrushi sãmta propovidueari!
Hãrsea-ti, atsel ti ghini vluisitlu di-analtu!
Hãrsea-ti, cá sh-ti huzmeti tu bãsearicã fushi aleptu!
Hãrsea-ti, tini cari li hãrzishi iudinjli!
Hãrsea-ti, omlu-al Dumidzá tu-anjlji grei!
Hristolui!
Condaclu 4
La “stavridonjea-a chirolui” cara fu unã dunjeai-ntreagã, di multi
dushmãnilji fushi agudit, cá “strãmbul arãhotar a isturiiljei” calcã fãrã di
njilã pristi tut, ma tini cu harea-a Hristolui, sãmtili lucri li vigljeashi, tu
cãntarea di: Aluluia!
Icoslu 4
Serta shi itra arãeatsã, multi patimati tsã scoasi shi mash cu
vãrtusheatsa-a pistiljei pãtushi di li-arãvdashi tuti sh-di eali s-ascachi
chischin.
Hãrsea-ti, cãrãvyearlu cu tãhmini di pi “amarea-a isturiiljei”!
Hãrsea-ti, tini ,tsi shtiushi ghini s-anots anamisa di-aspindzuratili
shcãmbi!
Hãrsea-ti, tini, cari-ashi li-ascãpashi bãseritsli!
Hãrsea-ti, pistusini di niprãmãsitã ortodoxii!
Hãrsea-ti, sãmta mintiminilji!
Hãrsea-ti, aspãrgãtorlu-a planurlor a dushmanjlor!
Hãrsea-ti, vãrtusheatsa anamisa di sertsãlji aspãrgãtori!
Hãrsea-ti, tãtsearea tsi lucreadzã!
Hãrsea-ti, atsel daima di piricljili pãscut!
Hãrsea-ti, tini daima tu nindriptátsli arcat!
Hãrsea-ti, lãcãrtorlu ascumtu-a Hristolui!
Hristolui!
Condaclu 5
Ti-anjlji grei shi oaminji mári suntu lipsits, shi tini, sãmte Antime,
fushi aleptu ta s-eshtsã ahtari un alumtãtor cu-ntreglu giunatic, tu cãntarea
ti: Aliluia!
Icoslu 5
Patimatli, piricljili shi-arãetsli di la cafi unã jgljoatã, tsã furã unã vãrii
bana-ts tutã, “macenitsãlji tãcutã”, ama tu harauùa-a vreariljei a Hristolui.
Hãrsea-ti, tini cari sh-dealijea Ãl vrushi Dumidzálu!
Hãrsea-ti, lishlu ascumtu-a Hristolui!
Hãrsea-ti, huzmitcilu cu nãmuzi-a bãsearicãljei!
Hãrsea-ti, nai ma sãmtul di-atselji tsi sã-ncljinã tu iudimi!
Hãrsea-ti, tinjiea-a pistiljei cu ahãndoslu fimelj!
Hãrsea-ti, aplicãciune tsi-analtsã!
Hãrsea-ti, tini oarfãnlu cu aveari tsi nu lji-ari chireari!
Hãrsea-ti, lishlu cu-ahãndimi-a dip-sãmtului duh!
Hãrsea-ti, acãchisearea ma-nsus di mintea umineascã!
Hãrsea-ti, bana tu mistirioasa zaifeti!
Hãrsea-ti, tini di dealihea gritlu ti asãmtsarea-a fisiljei!
Hristolui!
Condaclu 6
Mash tini tsã shtii cãt di greauùã tsã fu “calea-a Golgotãljei” tsi lipsea
ta s-u trets, ama putearea-a crutsiljei cata di pistiminiljea-a ta sã spusi, tu
cãntarea di: Aliluia!
Icoslu 6
Cafiunlu om shi-ari crutsi dupã “cata truplu-lji” shi-a tsáia, atsel dit
“stavridonjea-a anjlor” tsã fu datã ta s-lucredz ti ciudii, shi lucurlu cu
cãdãrlãchi-l bitisishi.
Hãrsea-ti, ierarhlu ti tinjiseari!
Hãrsea-ti, ierarhlu “cata-anjlji”!
Hãrsea-ti, huzmetipsearea cu multsãlji pidimadz!
Hãrsea-ti, huzmetipsearea prit fricueri shi nãdii!
Hãrsea-ti, pistimenlu daima dushmãnitlu!
Hãrsea-ti, treatsirea prit “mintirejli”-a dunjeailjei!
Hãrsea-ti, greauùa tritseari prit aralili puvileri!
Hãrsea-ti, ãntsirnearea ni-astãmãsitã di-anamisa di buneatsa shi-
arãeatsa!
Hãrsea-ti, videarea prit negurli fãrtunoasi!
Hãrsea-ti, omlu-atsel aleptul ti “greilji anji”!
Hristolui!
Condaclu 7
Prit ãnfricueri shi nãdii, prit piriclji shi curbánji, tsã fu bana-ts, cá
dushmãniljea pãngãnã pi-ascumta mãtreashti s-u surpã bãsearica-atsea
sãmta, lucru tsi-l curmashi, cu cãntarea di: Aliluia!
Icoslu 7
Sh-piningã cheaditsli tuti multi sãmti cártsã stãmbusishi cá
didealihealui ãl vrushi zborlu-a Hristolui, cari ti featsi propoviduitorlu-a Lui
cu mirachi mari.
Hãrsea-ti, pidimolu nimãnjisit ti lucrili sãmti!
Hãrsea-ti, cá tu multili cártsã stãmbusiti tini insuts ti-ai stãmbusitã!
Hãrsea-ti, tini cari vidzushi pristi “anjlji shi etsli”!
Hãrsea-ti, cá cu tipusearea-a cártsãlor, pistea u fãrseshi “izvur”!
Hãrsea-ti, cá fãtseshi apa-atsea yiea ta s-curã!
Hãrsea-ti, gritlu ti lucrari tu mari-ascundeari!
Hãrsea-ti, atsel prit cari Hristolu s-featsi sh-nica ma-avdzãt!
Hãrsea-ti, adutsirea-aminti tsi putes nu s-ashteardzi!
Hãrsea-ti, adutseari-aminti ãnğrãpsitã tu verli!
Hãrsea-ti, pãrintili-a cartiljei valahuteascã!
Hãrsea-ti, lishlu-a cartiljei tsi easti banã!
Hristolui!
Condaclu 8
Tu Tsara Romãneascã fushi grit, ta s-eshtsã unã mari-ndrupãturã ti
bãsearica-a Hristolui, cá multsã pi-ascumta vrea s-u chearã cu alti pistipseri
xeani, fãrã di cãntarea: Aliluia!
Icoslu 8
Cãtã mintiminilji pãtushi ta s-ai, ta s-trets prit dushmanjlji-atselji
ascumtsãlji, pri puvileri di pãngãnji, ta s-nu eshtsã duchit cari eshtsã shi
nimãryit, tu tãhminea-ts di minti duhovnicheascã.
Hãrsea-ti, pistiminilji cu marea ğrãpnii!
Hãrsea-ti, tãtsearea tu lucrarea di-acrifa!
Hãrsea-ti, ãngãtanlu cá ta s-nu ti mãryeshtsã cu-atseali-a
amãrtioshlor!
Hãrsea-ti, ãngãtanlu ti vigljearea-a lucrilor sãmti!
Hãrsea-ti, imnarea prit surpurli-a chirolui!
Hãrsea-ti, bánaticlu mash tu gaileadz shi fricã!
Hãrsea-ti, cá prit vrearea-al Dumidzá prit tuti tricushi!
Hãrsea-ti, cá shi-a tsáia hari ti-anãchiseari tsã deadi!
Hãrsea-ti, cá prit pistea mash ti bãsearica lucrashi!
Hãrsea-ti, cá prit Hristolu puteari avushi!
Hãrsea-ti, cá prit Hristolu, nifrãmtu armãseshi!
Hristolui!
Condaclu 9
Bucureshti, Snagov, Rãmnicu Vãlcea, Tãrgovishtea, pristi tut
“stambi” siminashi, “simitsã ti carti sãmtã” ta s-creascã pit bunlu loc, shi-
ashitsi ti fãtseshi un tsi imnã pit torlu-a apostoljlor, tu cãntarea di: Aliluia!
Icoslu 9
Hãrsea-ti, shi tini loatlu ti fumealji di Valahutslji!
Hãrsea-ti, tini tsi ti fãtseshi soi cu-aestu loc!
Hãrsea-ti, tini tsi ti fãtseshi soi shi dupã duh!
Hãrsea-ti, andãmãsearea dit inimã prit Hristolu!
Hãrsea-ti, ahãndoasa andamasi, prit Sãmtul Duh!
Hãrsea-ti, andamasea di pristi sinuri!
Hãrsea-ti, vrearea tsi s-analtsã la fãrãdimoartea!
Hãrsea-ti, grai ti hãbãrseari!
Hãrsea-ti, grailu ti gritã!
Hãrsea-ti, ascumtul lãcãrtor a lucrilor sãmti!
Hãrsea-ti, omlu tinjisit shi vrut!
Hristolui!
Condaclu 10
O, cãti fãrmatsi-ngljitashi, cá niscãntsãlji vrurã s-ti anganã tu
fãrãdizãcuniljli-a lor, shi-altsãlji s-ti arshuneadzã shi s-ti acatsã tu
pruzvuluseri minciunoasi, ma tini ca pit “urecljili-a aclui” tricushi tu
cãntarea di: Aliluia!
Icoslu 10:
Ca un cãrãvyear di mari tãhmini ti spuseshi, cá prit arãetsli tuti
bãsearica-a Hristolui u tricushi, shi itrili puvileri nu pãturã s-u bagã sum
cumanda-a lor cum vrurã.
Hãrsea-ti, harea ti bãsearica-a Hristolui!
Hãrsea-ti, huzmitcilu cu bunã nãmuzi!
Hãrsea-ti, huzmetea di hilj, nu di huzmichear!
Hãrsea-ti, huzmeti di vreari, nu di puvileari!
Hãrsea-ti, hiljlu tsi hãrzeashti pãrinteascã vluiseari!
Hãrsea-ti, cá tini insuts lu-nchirdãsishi lishlu di pãrinti!
Hãrsea-ti, atsel di tora, anamisa di sãmtsãlji pãrintsã-a noshtsã!
Hãrsea-ti, pãrinte cu pistusini ortodoxã!
Hãrsea-ti, atsel tsi imnashi dupã apostoleasca-nvitsãturã!
Hãrsea-ti, niprãmãsitlu di canã dubãrai!
Hãrsea-ti, icoana cu zuğrãfseari valahuteascã!
Hristolui!
Condaclu 11
Cara vinishi tu Tsara Romãneascã, Hiljlu-a ljei ti fãtseshi shi tu sãmta
soi intrashi shi ti-atsea tu sãmtsãljea valahuteascã di tora eshtsã, pãrintili
bun a nostu, tu cãntarea di: Aliluia!
Icoslu 11
Ca di-un chiro, Sãmte Antime, di-ascumtili arãets a itrilor puvileri
apãnghisea-nã shi ascapã-nã, ma shi di patimatli shi arãetsli-a duhurlor, tsi
dipriunã nã bat.
Hãrsea-ti, curbanea ti agiutarea-a tsilor di-analtu!
Hãrsea-ti, durusearea ti pishcheshi-a fãrã-di-moartiljei!
Hãrsea-ti, cá patimati ti lucrili sãmti trãpseshi!
Hãrsea-ti, cá scãnjiserli-a aráilor li-aprucheashi!
Hãrsea-ti, cá suschirarea tsã tricu!
Hãrsea-ti, cá lácãrnjili tsã si curmarã!
Hãrsea-ti, caimolu shi fãrmaclu ãngljitati didip!
Hãrsea-ti, cá prit tuti-aesti pistea tsã si pricãnãscu!
Hãrsea-ti, cá malãmã ti spuseshi!
Hãrsea-ti, cá tricushi prit foclu-a dunjeailjei!
Hãrsea-ti, cá ti spuseshi nica ma mushutsãt!
Hristolui!
Condaclu 12
Surpat di pi scamnul a mitropoliiljei valahuteascã, prit dubãráili
pãngãni shi minciunoasi, la mãnãstirlu Sinai fushi surghunisit, lugursit ca
piriclju ti-atselji “luchi hãrãchi”, fãrã di cãntarea ti: Aliluia!
Icoslu 12
Ama ashchirladzlji Agareanji, cari ti dutsea tu surghuni, ca un
macenic ti vãtãmarã, cu nicarea tu-arãùlu Tungea shi-ashitsi bana-atsea di
“Macenitsãlji tãcutã shi tu Macenitsãlji di sãndzã” tsã featsirã, prit cari
fãrã-di-moartea u-nchirdãsishi.
Hãrsea-ti, Antime, numa-a sãmtsãljiljei valahuteascã!
Hãrsea-ti, Antime, numã cu tinjii, tu bãsearica valahuteascã!
Hãrsea-ti, carturar, cuvios shi macenic!
Hãrsea-ti, arhiereù shi huzmitci pistimen!
Hãrsea-ti, mãrilji shi-aplicãciuni tu uneari!
Hãrsea-ti, hiljlu-agiumtu shi el la lishlu di pãrinti!
Hãrsea-ti, di tora shi-nclo adutseari-aminti cu sãmtsãlji pãrintsã
valahuteshtsã!
Hãrsea-ti, bratsã dipvruitoari di pãrinti!
Hãrsea-ti, vreari di pãrinti tsi tuts lji-adunã!
Hãrsea-ti, icoaná zuğrãfsitã pi loc shi farã valahuteshtsã!
Hristolui!
Condaclu 13
O, Sãmte Ierarhu, dit njeati pãnã la moartea di pristi loc unã “cali di
macenic” avushi, ama cu harea-a Hristolui, ãl bitisishi lucurlu-atsel sãmtul,
ca un di dealihealui huzmitci ti mari tinjii ti bãsearica, ashitsi s-eshtsã sh-ti
noi vãrtusheatsã tu buna pisti, ta s-cãntám: Aliluia! (Aestu condac s-dzãtsi
trei ori)
Sã dghivãseashti iara Icoslu 1 shi Condaclu 1
Icoslu 1
Faptu di multu tinjisitslji pãrintsã, nica di njic loat tu sclãvilji di
Agareanjlji, dus Tsarigrad, harea-a Hristolui ti-apriduná, ta s-ti fats
lãcãrtorlu-a lucrilor sãmti, bash tu mesea di dushmanjlji, shi ti-atsea tsã
cãntám:
Hãrsea-ti, afiritlu di harea!
Hãrsea-ti, atsel aleptul bash di Insushi Hristolu!
Hãrsea-ti, hãrzitlu cu multili hári!
Hãrsea-ti, cá xeanili limbi ağonjea li-nvitsashi!
Hãrsea-ti, cá multi zãnáts ãnvitsashi!
Hãrsea-ti, cá stãmbusearea-a cãrtsãlor nai ma multu ti-arisi!
Hãrsea-ti, cá ashitsi spuseshi vreari ti sãmta-nvitsãtura!
Hãrsea-ti, cá nica dit njeati geanlu tsã lu-asãmtsãshi!
Hãrsea-ri, tini vulusitlu di zborlu-a Hristolui!
Hãrsea-ti, lishlu di pisti evangheleascã!
Hãrsea-ti, gritlu ti lucrari di-apostol!
Hãrsea-ti, Sãmte Ierarh Antim Ivireanlu, macenic ti ciudii-a Hristolui!
Condaclu 1
A tsáia ierarhlu Antim, musheatlu bãrbat a Ivirlui, siminat pristi sinur
tu luclu-atsel bunlu, ta s-dai shi nica ma bunã biricheti, shi noi tinjisearea-a
noastã ts-u spunem: Hãrsea-ti, Sãmte Ierarh Antim Ivireanlu, maceniclu-
atsel ascumtul a Hristolui!
SAMTUL MACENIC ATANASI DIN SARUNA
08 di Yizmãciunji
Aestu macenic a Hristolui s-featsi ca pi la anlu 1750 tu unã avutã familii tu hoara
Colachiea, tu-a Sãrunãljei. Bitisi buni sculii Sãrunã shi Ayi-Nor. Deapoa doi anji fu multu bun
oaspi cu atumtsea aleptul patriarhu-a Antiohiiljei, Filimon.
Cara s-turná tu hoara iu s-featsi daima s-dutsea la hani ta sh-facã moùbeti cu cãlãtorlji
shi di la elji ta sh-si informeadzã tsi s-fatsi tu Amirãriljea Turtseascã. Tu unã polemicã ti pistea
cu vãrã Turcu chibarcu Atanasi multu musheat lu spusi unlu tsirat dit codexlu-a pistiljei
islameascã. Atumtsea atsel emir ãl iftirisi: “Tini fãtseshi savat (spuvideari-a pistiljei al
Muhamed) shi ti ãnturchipsishi!” Ãnvitsatlu gioni lji spusi, cá featsi mash unã tulmãceari tu
polemicã, shi cá nu sã-nturchipsi. Ama atsel emir lj-featsi dãvii la giudicãtorlu relighios
islamescu din Sãrunã shi Atanasi fu cãlisit ta sh-da istindachi. Cara sh-si tsãnu giuneashti shi
u-apurá pistea crãshtineascã, fu bãgat ahapsi. Cara avdzã ti-atseali, fen-su s-aspãré shi nu vru
ta su-l ascapã cu arãscumpãrari, cu agiutorlu-a cogeabashilui din hoarã, Iusuf bei.
Dupã ãndauùã dzãli Atanasi fu iara giudicat, ama el shi-armasi vãrtos shi nu s-
prideadi,. Atumtsea ãl giudicarã ti moarti. Gilatslji lu scoasirã nafoarã di cãsãbá shi aclotsi ãl
tãljearã. Atsea s-featsi bash pi Stã-Mãriea-atsea Njica, pi 08 di Yizmãciunji tu-anlu 1774 (pi
stil náù). Shi-ashitsi tu lilicea-a tinireatsãljei, pi mash 25 di-anji, Atanasi din Sãrunã, avu moarti
di martir ti pistea crãshtineascã-a lui. Niscãntsã crãshtinji-dicunjeari lu-ngruparã maceniclu la
loclu tsi lj-si dzãtsea “Aia Parascheva” (“Stã-Vinirea”). Haghiografiea-a martirlui fu ãnğrãpsitã
SÃMTSÃLOR FRATS CHIRIL SHI METODII,
DASCALJLJI SHI ISA CU APOSTOLJLJI-A
SLAVANJLOR
(24 di Mai)
BANA SHI FAPTILI-A

SÃMTSÃLOR FRATS CHIRIL SHI METODII
Sãmtsãlji frats Chiril shi Metodii suntu-atselji cari li bãgarã fimealjili ti cartea shi
literatura-a Slavanjlor. Ti bana shi lucurlu-a dascaljlor a Slavanjlor nai ma multi informatsii s-
aflã dit cártsãli:”Panonski legendi” (“Leghendili-a Panoniiljei”, “Klimentovoto `itie od
Teofilakt” (“Haghiografiea-al Climent di Teofilact”, “Klimentovoto `itie od Homatijan”
(“Haghiografiea-al Climent di Homatian”) shi
“O’ pismenah” di Tsãrnirizets Hrabar.
Chiril shi Metodii s-featsirã-n Sãrunã tu unã avdzãtã shi avutã fumealji bizantineascã di
tatãl Leon (di soi armãneascã shi soi cu Sãmtul Patriarh Fotii) shi dada Marii (di soi di
Slavanjlji). Nai ma marli di sheaptilji ficiori, Metodii s-featsi pi la anlu 815, a nai ma njiclu
Constantin tu-anlu 826/ 27.
Ti ma marli frati Metodii multu putsãni lucri sã shtiù. Numa di Metodii lj-easti data anda
s-featsi cãluğru. Li bitisi nai ma márli sculii dit atsel chiró di Tsarigrad shi fu bãgat ti lucru tu-
ashcheri. Vãrã dzaz’ di-anji fu administrator pi un Printsipat di-a Slavanjlor dit Machidunii cari
eara sum putearea-a amirálui a Bizantslui shi aclotsi u-nğrãpsi cartea “Zakon sudnij qudem”
(“Zãconea ti giudicarea-a oaminjlor”). Ama fudzi di pi atsea slujbã shi s-dusi tu mãnãstirlu di
pi muntili Olimpu (dit Asiea Njicã) iu s-featsi cãluğru. Cama-amãnat tu-atsel mãnãstir s-dusi
shi ma njiclu frati-a lui Constantin, cu cari deadun furã tu dauùã importanti misii: la Hazarlji
shi tu Moraviea.
Constantin, erapoi, cãnãscut cu numa di cãluğru Chiril, nica di njic dit minti lu-avea
ãnvitsatã avdzãtlu orator Grigorii Bogoslovlu, shi fu biringilu tu sculii di cari ispeti fu duchit
di consilierlji-a amirálui, cari lji-agiutarã ta sã-nveatsã tu avdzãta Sculii Magnaura di Tsarigrad,
cari eara cu un status di universitátsli di-azã. Aclotsi s-featsi avdzãt ca mintimen, bogoslov shi
apologhetlu-a crãshtinamiljei. Tu Haghiografiili sã spuni cá Gramatica u-nvitsá ti trei meshi,
cá lu-nvitsá Homerlu (Iliada shi Odideia), cá li-nvitsá tuti shtiintsãli-a filosofiiljei la Leon shi
Foti, cá ãnvitsá retorica, aritmetica, astronomiea, literatura, artili tuti-a Elinjlor etc. Dicara u
bitisi sculiea lucrá ca bibliotecar tu avdzãta Bibliotecã-a patriarhiiljei, sum apanghul a Sãmtului
Fotii, ti cari Armãnjlji shtiù cá eara Armãn shi di-aclotsi yini shi lucurlu cá Constantin fu
apridunat ca om al Fotii, ca Armãn, a poati shi-a amirálui. Di-aclo s-dusi tu un mãnãstir di pi
Bosforlu. Deapoa fu cãlisit ti profesor la Sculiea Magnaura, shi-ashitsi s-featsi avdzãt profesor
ti filosofii, di tsi ispeti shi lj-si dzãsi filosof.
Cara s-featsi avdzãt cá li shtii problemili bãsericheshtsã ama shi-atseali alanti, anda avea
24 di-anji fu pitricut tu Misiea Arapeascã la Saratsenjlji, cari eara di caracter di stat shi politicã
ama shi relighios. Cu Saratsenjlji avu polimicã ti multi ãntribári relighioasi, ama li cãnãscu shi
bana shi adetsli-a lor.
Deapoa fu pitricut ta sã-lji agiutã-a frati-sui tu Printsipatlu-a Slavanjlor dit Machidunii
(ashi dzãsa Misiea-a Brigalnitsãljei). Aclotsi el pãtidzá 54.000 di Slavanjlji shi li duchi
problemili cu cari s-agudea Slavanjlji di ispetea cá nu-avea abetsedã-a lor shi cá nu s-putea sã
si ufiliseascã ğramili gãrtseshtsã shi-atseali latineshtsãli ti ãnğrãpsearea-a spetsialilor fonemi-
a Slavanjlor.
Tu-anlu 860, Constantin fu pitricut la Hazarlji pi mealu-a Amariljei Lai. Elji nu-avea unã
pisti ofitsialã – avea Uvrei, Musulmanji, Crãshtinji shi pãgãnji (cu multsãlji dumidzadz).
Obligatsiea-al Constantin fu ta s-u tindã Crãshtinamea shi sã-lji scoatã di-ahapsi atselji dit
Bizantslu. Cu el lu-avea loatã shi frati-su Metodii. Aclotsi li-aflarã moashtili-al Papalu Climent
I (di Roma) shi cu tinjii li bãgarã tu bãsearica “Yi-Dimitri” tu cãsãbálu Herson. Constantin li-
nğrãpsi shi “Zborlu ti-alãvdari” shi himnã ti Papalu Climent shi lo cu el shi unã parti di
moashtili-a lui.
Ama, ti doilji frats nai ma importantã fu Misiea dit Moraviea, cari fu importantã sh-ti
yinitorlu-a Slavanjlor tuts. Initsiativa ti-atsea misii u deadi printsipilu dit Moraviea Rostislav,
cari ta su-l stabilizeadzã statlu-a lui pi plan politichescu lo metri ti aflari cearei ti ãntribarea
bãsericheascã. Ti organizarea-a bãsearicãljei tu statlu-lji el cãftá agiutor di Bizantslu. Shi-atsea,
cãftá sã-lji si pitreacã oaminji cari va-l spunã zborlu-al Dumidzá pi unã limbã slavoneascã
acãchisitã di tuts. Cãftá nica shi episcop cari va u organizeadzã bãsearica ta s-hibã independent
di Roma. Ama, shi Bizantslu shi-avea un interes a lui shi tu-atsel chiró anda avea ãncãceri tu
bãsearica crãshtineascã, shi ta s-nu yinã pãnã di ãmpãrtsari, ãlji pitricurã mash dascalji
misioneri, ma nu shi episcop. Atselji misioneri eara Chiril shi Metodii. Ghini ma, atumtsea
Slavanjlji nu-avea ğrami, ashi cá Chiril lipsea s-adarã shi abetsedã shi s-li traducã cártsãli lipsiti
ti dgheavasi pi limba slavoneascã. Ti adrarea-a protãljei abetsedã slavoneascã (glagolitsa) shi
ti protili tradutseri di pi gãrtseashti pi slavoneashti, Chiril s-ufilisi di limba-a Slavanjlor din
Sãrunã shi locãrli di-anvãrliga. Adrarea-a abetsedãljei (azbucãljei) slavoneascã fu shi un lucru
minduit shi ghini bitisit di sãmtsãlji frats, ama sum cumanda-a Patriarhlui Fotii shi aestu lucru
lipseashti s-hibã lugursit ti prota mari goadã-a Armãnjlor pi limba shi propaganda gãrtseascã,
cum eara tu-atsel chiro. Ashitsi Slavanjlji furã traptsã shi ascãpats di gãrtsizarea, ama shi limba
shi propaganda gãrtseascã chirurã mari teren. (Cama-amãnat musheata idei inshi tu padi shi s-
featsi di dealihealui anda Ia-Nauni, dicara vinirã cu Sãmtul Climent Ohãrda, tradusi pi-
armãneashti shi cártsã bãsericheshtsã dit cari s-tsãnea dgheavasi multi ets shi pit tuti locãrli
di anvãrliga di Ohãrda, Corcea shi Costuriani. Bãgarea-al Nicilitsã ti cumandar pi-Armãnjlji
dit Tesaliea di Comnenanjlji di soi armãneascã shi adrarea-a Mariljei Vlãhii tu-anlu 980,
lipseashti sã si lugurseascã deftura mari shi greauùã goadã-a Armãnjlor pi propaganda
gãrtseascã shi trãdzearea-a Armãnjlor di sum tutela-a Gtretslor di Tsarigradlu. Adrarea-a
Arhiepiscopiiljei di Ohãrda di partea-a amirálui Vasilii II (shi el Armãn), tu-anlu 1018, sum a
curi iurisdictsii, tu-anlu 1020, ãlji bãgá shi tuts Armãnjlji, shi cu-atsea nica ma ghini
trãdzeari-a Armãnjlor di sum influentsa gãrtseascã, fu a treia mari shi vãrtoasã goadã-a
Armãnjlor dit Bizantslu pi limba shi propaganda gãrtseascã tu Balcanlu. Di-aesti trei goadi
armasirã Slavanjlji nigãrtsizats, ama ascãparã (tsicara cá dzuùã alba nu vidzurã di Gretslji)
shi Armãnjlji pãnã azã).
Tu Moraviea, Chiril shi Metodii furã ashtiptats cu mari harauùã di partea-a printsipelui
Rostislav, ama shi cu apreasã ãncustari di partea-a preftsãlor ghirmãneshtsã. Elji-a fratslor din
Sãrunã lã u-arcarã iftiraea ti-atsea cá dgheacasea u fãtsea pi limba slavoneascã, shi dzãtsea cá
zborlu-al Dumidzá lipseashti sã si spunã mash pi trei limbi: uvreasca, gãrtseasca shi latineasca.
Di ispetea-a ahtárlor cheaditsi tu lucrarea, Chiril shi Metodii ãnchisirã ti Roma cu naetea
cá elji dininti-al papa s-u spunã activitatea-a lor shi s-li arucã multili pruzvuliseri. Tu ducã ti
Roma tricurã pit Panoniea iu printsipelu Cotsel multu s-hãrsi di dgheavasea-a lor shi cãftá shi
tu statlu-a lui dgheavasea sã si facã pi unã acãchisitã limbã slavoneascã. Deapoa, agiumsirã
Venetsiea iu Chiril avu apreasã polemicã cá ta su-l apurã ãndreptul cá miletsli tuti, mea shi
Slavanjlji, s-poatã pi limba-a lor s-aibã dgheavasi. “Canda nu da ploai di la Dumidzá ti tuts?
Am shi soarli nu-lji ãngãldzashti tuts? Canda nu adiljem tuts erã? Shi-atumtsea cum nu vã
arshunats s-pricãnushtets mash trei limbi, shi tuti-alanti milets vrets ta s-hibã oarbi shi surdi?”
– lã dzãsi Chiril, shi nica adapsi cá shi Persanjlji, Ermenjlji, Arachlji, Hazarlji shi altili millets
lu spun zborlu-al Dumidzá pi limba-a lor shi cá easti shi apsurd atsel lucru sã si facã pi unã
limbã tsi nu u-acãchisescu pistimenjlji.
Roma, fratslji furã ashtiptats ca di ti sãrbãtoari, sh-cama multu cá cu elji li dusirã shi
moashtili-al Papa Climent I. Di ispetea-a itsrãljiljei shi curbanea-al Constantin shi Metodii, di
ispetea-a misiiljei a lor ti lãrdzearea-a Crãshtinamiljei shi di ispetea-a tinjiiljei tsi lji-u avea
faptã-al Papa Climent I, papalu Adrian II ãl mãnãpãtãsi Chiril ti preftu, shi scularlji-a lui ti
prezviteranji shi diats. Al Constantin/ Chiril lj-si deadi ãndreptu s-facã dgheavasi pi limba
slavoneascã, cártsãli bãsericheshtsã cari furã tradusi pi limba shi ğrama slavoneascã furã bãgati
ti ãncljinari tu unã bãsearicã di Roma, shi tradutsirea-a Bibliiljei fu asãmtsãtã di Papalu, cari
deadi izini tu Marea Moraviea shi Panoniea sã si tsãnã dgheavasi pi limba slavoneascã.
Roma, Constantin greù lãndzidzã. S-featsi cãluğru tu meslu Shcurtu tu-anlu 869 shi dupã
vãrã dzaz’ di dzãli muri. Ninti di moarti u lo numa cãluğreascã Chiril. Truplu-a lui cu mári
arádz bãsericheshtsã fu ãngrupat tu bãsearica “Sãmtul Climent” di Roma, iu s-aflã pãnã-azã.
Metodii, cu cin di arhiepiscop, s-dusi tu Marea Moraviea ta s-u ducã ninti misiea. Deadun
cu scularlji-a lui, lucurlu sh-lu fãtsea cu mári problemi di ispetea-a vãrtoasãljei presii di
priftamea ghirmãneascã, pãnã anda muri tu-anlu 885.
Cãt di multu mari shi importantã fu misiea-a sãmtsãlor frats Chiril shi Metodii zburashti
shi factlu cá azã elji suntu patronjlji-a Ivropiljei – pricãnushteari data di Vaticanlu cu scupolu
cá ta sã si bagã actsentu pi importantsa-a lor ti unitatea-a miletslor ivrupeshtsã.
ACATISTLU-A SÃMTSÃLOR FRATS

CHIRIL SHI METODII,
DASCALJLJI ISA CU APOSTOLJLJI-A SLAVANJLOR
s-iurtusescu pi 11.(24.) di Mai
Condaclu 1
Fut aleptsã di Amirálu-a puteariljei, Domnul Isus, ti apostoljlji-a

miletslor slavoneshtsã, tinoi Metodii shi Chiril mintimenlu-al Dumidzá. Tu
cãntári noi vã cãntám, samsarlji-a noshtsã, shi voi, erapoi, cara avets
libertati dininti-al Dumidzá, di cafi unã ghideri ascãpats-nã noi, cari-a vauùã
vã aurlám: Hãrsits-vã, Metodii shi Chiril, apostoljlji-a miletslor slavoneshtsã
shi dascalji mintimenji tu Dumidzálu!
Icoslu 1
Creatorlu-a anghiljlor shi Dumidzálu cu puteari vã aleapsi voi ti

dascaljlji-a miletslor slavoneshtsã; ti-atsea shi harea-a Lui fu cu voi, cari voi
vã aleapsi ti dascalji-a miletslor slavoneshtsã, cari voi vã apãnghisea shi
vigljea tu bana tutã, cari tu banã ca ti-agiutor a vostu vã fu, Doxa-al
Dumidzá u spuneats pit cãsãbadz shi pit irnjii shi cu zboarã u-asprãndit la
tuts. Ti-atsea shi noi, cari cu pistea-a Hristolu pi limba-a noastã ãnvitsats, vã
cãntám a vauùã shi vã dzãtsem:
Hãrsits-vã, vanghelishtsãlji-a harauùãljei Evangheleascã!

Hãrsits-vã, purtãtorlji-a hárlor tsi fãtsea ciudii!
Hãrsits-vã, cá multi trapsit ui numa-al Dumidzá!
Hãrsits-vã, cá di bunetsli-a banãljei trapsit mãnã!
Hãrsits-vã, cá nica di tiniri fut vluisits di Domnul!
Hãrsits-vã, cá cu cãrunjli di macenits di El fut mushutsãts!
Hãrsits-vã, cá anamea umineascã u-atimusit shi tu irnjii Dumidzálu-L
cãftat!
Hãrsits-vã, cá vrearea-a Lui a cumandarlor di pristi loc cu mari
giunatic lã u propovidui
Hãrsits-vã, cá ti-atsea di tuts Disputadzlji tu lunjinoslu paradis fut
aprucheats!
Hãrsits-vã, cá dininti-a lor hits bunjlji samsari-a noshtsã!
Hãrsits-vã, cá cu cãldãroasili pãlãcãrii a voasti tu pistea nã-
nvãrtushem! Hãrsits-vã, cá cu agiutorlu-a vostu eresurli li-anãchisim!
Hãrsits-vã, Metodii shi Chiril, apostoljlji-a miletslor slavoneshtsã shi
dascalji mintimenji tu Dumidzálu!
Condaclu 2
Avu, nica di-anda eara ficior, sãmtul Chiril, un yis, cá ti sor shi-u aleapsi
Sãmta Sufii shi ti-atsea lã spusi shi-a pãrintsãlor. Elji acãchisirã cá easti
vrearea-al Dumidzá ficiorlu-a lor s-lucreadzã ti para-mintiminiljea shi
multu cilãstãsirã sã-lji da sculii. Cara duchea cá el ağonjea li-acãchisea
shtiintsaãli tsi lj-li spunea dascaljlji, Lji-aurla al Dumidzá: Aliluia!
Icoslu 2
Proaspita-lji minti shi fisea-a lui sã-ntriba, cum di Chiril tu para-

mintiminiljea ãlji nãstricu vrãsnitslji-a lui, mea shi-aestu ficior s-featsi shi-
avdzãt, sh-di ispetea-a musheatãljei banã tu pãlata-a amirálui, fu bãgat ti
sots a tinirlui hilj a amirálui. Ama el u-atimusi avearea shi anamea di pristi
loc shi mintea lj-eara mash la-atseali tsi lji-adutsea ascãpari.. Dusi tu irnjii
cá cu tinjii shi pãlãcãrii s-ascapã di itsidó di mirachi. Di-atsea ispeti shi
Metodii, cari eara gairé vuivudá, s-dusi pi muntili Olimp, iu ca cãluğru lucrá
ti Dumidzálu. Sã-nvitsám shi noi di elji sã-lji atimusim pirazmadzlji dit
dunjeai, shi tut cama multu sã-Lji fatsim vrearea-a Hristolui Dumidzá, shi-
a tsilor tsi-Lji lucrarã ashitsi s-lã cãntám:
Hãrsits-vã, cá nu vã dusit dupã anamea tsi vã u spunea oaminjlji!

Hãrsits-vã, cá vãrtos vã tsãnut di bana di aschitadz!
Hãrsits-vã, cá la voi dipunea Dumidzálu tu yisi shi tu furnjiseri!
Hãrsits0vã, cá mintiminiljea umineascã vã si-aflá ti–a voastã ascãpari!
Hãrsits-vã, cá Zborlu-al Dumidzá shi cártsãli-a sãmtsãlor pãrintsã ma
multu di filosofiea li vrut!
Hãrsits-vã, cá ti Zãconea-al Dumidzá nu fut ascultãtori, ma realizatori!
Hãrsits-vã, cá dimuneshtsãli pãyidz, cu cari aschitadzlji s-duc tu
pirazmadz, li-arupsit!
Hãrsits-vã, cá-a vauùã ti-atsea vã si deadi puteari pristi pirazmadzlji
shi ahtili!
Hãrsits-vã, cá cilãstãserli-a voasti vã u-mpiltirã cãruna-a banãljei!
Hãrsits-vã, cá shi tora hits agiutor ti aschitadzlji shi eremitslji!
Hãrsits-vã, cá ti amãrtioshlji tuts hits bunji samsari dininti-al Dumidzá!
Hãrsits-vã, cá ti geanurli-a noasti hits apurãtorlji di itsrãljea-a
sãtãnálui! Hãrsits-vã, Metodii shi Chiril, apostoljlji-a miletslor
slavoneshtsã shi dascalji mintimenji tu Dumidzálu!
Condaclu 3
Cu multã plãcãrseari amirálu ãl cãndãsi sãmtul Chiril ta s-tragã dit irnjii

ti picurãrlãchi Tsarigrad. Aoatsi el doxa-al Dumidzá cu ãnvitsãturã shi fapti
u spunea shi ereslu-a iconoclashtsãlor lu-arshuna. Ashitsi shi noi, sãmte tatã,
ãnvãrtusheadzã-nã tu ortodoxiea. Prãmãsitslji di la hasa pisti dit miletea-a
noastã toarnã-lji cu noi s-hibã, shi tuts Slavanjlji cu idghili guri, ti dascaljlji-
a noshtsã, a Hristolui Dumidzá sã-Lji dzãcã: Aliluia!
Icoslu 3
Cara u-avushi vetea-a para-mintiminiljiljei, ti duseshi la Agarianjlji,

sãmte Chirile, cu cãlugãrlu Ioryi, ta s-debatats ti pistea. Di sãmtul Grigorii
Bogoslovlu fushi duhovnicheashti dãscãlãpsit. Para-mintiminiljea ãn
ligãturã cu mistirghili-a Sãmtãljei Treimi li spuneaj plastic tuts ta s-li-
acãchiseascã shi cu putearea-a zboarãlor a tali pãngãnjlji lji-arshunai. Elji
furã apreshi di ãnchizma shi vrurã cu veardzã ãnfãrmãcati s-ti chearã. Cara
li mãcashi, di eali nu duchishi canã greatsã, ma ti turnashi tu taifa-l Metodii
shi cu elji tu-aschetismu bãnashi, shi irnjiea s-dãscãlãpsi di sãmtili fapti-a
voasti. Ti-atsea, cu pãlãcãrsearea ti noi, dãscãlãpsits-nã shi noi, cari-a vauùã
cu vreari vã cãntám:
Hãrsits-vã, chimbalili cu musheatili cãntári ti doxa-al Dumidzá!
Hãrsits-vã, cá hits vãrtoasi stururi ti bãsearica-a Lui!
Hãrsits-vã, cá mistirghul a Sãmtãljei Treimi musheat lu spusit!
Hãrsits-vã, cá ti Ãntruparea-a Dumidzálui Zbor dininti-a Saratsenjlor
fãrã di fricã zburats!
Hãrsits-vã, cá hits dascaljlji-a Elinjlor, a Iudeilor shi-a Barbarlor!
Hãrsits-vã, dultsiljo-hãbãrsitori-a Dumidzeascãljei Treimi!
Hãrsits-vã, cá prit voi arauùa pisti-a iconoclashtsãlor s-arshuná!
Hãrsits-vã, cá di voi s-mãrãnghiseashti pãngãnamea-a Agarianjlor!
Hãrsits-vã, voi dascaljlji, cá averlu-a Hristolui lu-avut nimãrãnghisit!
Hãrsits-vã, cá atselji cari suntu tu pirazmadz, shi cari shubeili lji-arod,
tu pisti lji-nvãrtusheats!
Hãrsits-vã, cá atselji cari ãl nãrãirã Dumidzálu, dininti-a Lui voi hits
samsarlji-a lor!
Hãrsits-vã, cá ti-atselji cari Lji-u fac chefea voi hits patronji!
Condaclu 4
Fãrtunjli di len-turliili di nivolji shi-arãets, cari deadirã pristi miletsli-
a Slavanjlor, cu samsarlãchea-a voastã, frãndzets-li, voi ãndreptsãlji, cá ti
multi lucri ta s-li fãtsets fut grits, shi tu vidzutã di-apostolji shi tu doxa-a dip-
ãndreptsãlor, shi tu tinjiea di dascalji, alumtãtori ti pistimenjlji vã featsi
Dumidzálu, shi Slavanjlji tuts di-a voastã ispeti grescu: Aliluia!
Icoslu 4
Cara avdzã amirálu-a Hazarlor, cá pit arãdzãmurli-a Elinjlor, s-
tinjiseashti atsea di dealihealui pisti, cãftá ti el di la amirálu-a Bizantslui
dascalji ti crãshtinamea, cari ãlji cãndãsi sãmtsãlji Chiril shi Metodii s-u
alasã irnjiea shi s-ducã la Hazarlji. Anda la elji agiumsirã sãmtsãlji frats, lã
u shutsãrã inima la Hristolu shi-lji pãtidzarã cu Pãtãgiuni ti-Ascãpari. Cu
elji shi noi ãlji iurtusim fratslji isa cu apostoljlji, shi dzãtsem:
Hãrsits-vã, cá nu vã fu fricã ta s-neadzits la Barbarlji cu musheatili
hãbári dit Vanghealjili!
Hãrsits-vã, cá amarea u-ascãpirat cu avdzãta-vã cali!
Hãrsits-vã, cá moashtili-a voasti, ca shi-a sãmtului apostol Climent,
nituchiti va s-hibã!
Hãrsits-vã, cá, cu-agiutorlu-a vostu, pãngãnamea-a Hazarlor fu di voi
arshunatã!
Hãrsits-vã, cá videala-a Hristolu u deadit tu locãrli tsi eara tu misu-
scutidi!
Hãrsits-vã, cá doxa di ispetea-a ãndriptãciuniljei a voastã s-teasi prit
tuti arãdzãmurli-a loclui!
Hãrsits-vã, cá hits samsarlãchi shi tsitati ti Bãsearica-a Hristolui!
Hãrsits-vã, cá di eresuri shi-mpãrtsári hits gardul a nostu!
Hãrsits-vã, cá hits gardu ti Agarianjlji shi Iudeilji, cari tricurã la
Hristolu!
Hãrsits-vã, cá di moashtili-a macenitslor vã si deadi vluyii!
Hãrsits-vã, cá dit haghiografiili-a voasti ãnvitsám sã-lji tinjisim
oaminjlji-al Dumidzá!
Hãrsits-vã, cá shi voi, ca oaminji-al Dumidzá, hits iurtusits di tuts
crãshtinjlji!
Condaclu 5
Ca steauùa di Dumidzálu dusã, nã si spusi-a nauùã niputirdzãtlu trup
a sãmtului Climent, cari inshi dit apili-a Evcasinlui, tu-a curi ahãndimi
sheapti suti di-anji anvãlit durnjea. Ti-a voastã adutseari-aminti shi lucurlu-
a vostu di apostolji shi cilãstãserli tu-aschetismul a vostu, shi-a vauùã vã si
spusi Dumidzálu, shi fãtsea nishenji, cari anda li duchit, Ãlji aurlat al
Dumidzá: Aliluia!
Icoslu 5
Cara vidzurã sãmtsãlji frats cá Slavanjlji, a curi hasa pistil lã u spunea,
cá zboarãli-al Dumidzá nu putea s-li dghivãseascã pi limba-a lor, cilãstãsirã
cá cártsãli-al Dumidzá s-li adarã pi limba slavoneascã, shi-ashitsi oaminjlji
tuts pi limba-lã tsi u-acãchisea su-L dox6seascã unlu Dumidzá a tutãlor. Ti-
atsea shi noi Ãl doxãsim Dumidzálu, shi-a dascaljlor a noshtsã lã dzãtsem:
Hãrsits-vã, cá a miletslor di fara-a Slavanjlor lã u deadit videala-al
Dumidzá!
Hãrsits-vã, voi para-lunjinatslji, cari lji-agiutat Slavanjlji!
Hãrsits-vã, lãcãrtorlji-a ayinjiljei a Hristolui!
Hãrsits-vã, bunjlji pastiri-a cupiiljei a Hristolui!
Hãrsits-vã, bunjlji tulmaci-a zboarãlor al Dumidzá!
Hãrsits-vã, voi bunjlji shi imirlji dascalji-a Slavanjlor!
Hãrsits-vã, cá irinjea-a Hristolui cu voi pristi tut u dusit!
Hãrsits-vã, cá cu sãmta ãnvitsãturã-a voastã unã dunjeai u ãnvitsat!
Hãrsits-vã, cá shi tora li loats pãlãcãriili di la noi amãrtioshlji!
Hãrsits-vã, cá shi tora lji-mbunats atselji tu gaileadz!
Hãrsits-vã, cá hits apanghul ti tuts cari ti-averlu suntu tirinsits!
Hãrsits-vã, cá hits dip-tinjisitlu cathió ti Sãmtul Duh!
Condaclu 6
Voi propoviduitorlji-al Dumidzá, sãmtsã frats, fut, pit arãdzãmurli-a

Slavanjlor vã dusit ti-atsea cá náilji pãtidzats tu ãnvitsãtura-a Hristolui sã-
lji dãscãlãpsits. Elji vã mãtrea voi ca Anghilji sãmtsã, cari lã zburáscu ti
ascãparea, ca bunji pastiri, cari geanurli sh-li da ti oili, lji-aurlarã-al
Dumidzá, Cari sãmtsãlji-a Lui ãlji doxãseashti: Aliluia!
Icoslu 6
Anda lutsirã tu Moraviea mundzãli-a hasãljei pisti, printsipanjlji-a

Slavanjlor cãftarã di amirálu-a Bizantslui dascalji ti vãsiliili-a lor. La
pãlãcãriili-a lor apãndãsirã sãmtsãlji Metodii shi Chiril, cari s-dusirã pit
arãdzãmurli-a Slavanjlor shi-a miletslor slavoneshtsã lã-l spusirã
Vangheljlu ti Amirãriljea-al Dumidzá, sh-di cãtã tut lã yinea oaminji-a
sãmtsãlor frats, shi li-nvitsa zãconjli-al Dumidzá, Dumidzálu-L doxãsea, shi
dascaljlji-a lor lji-alãvda, cu cari iara shi noi deadun ãlji cãntám Metodii shi
Chiril, shi aurlám:
Hãrsits-vã, apostoljlji-a noshtsã tsi nã zburãt ti Dumidzá!

Hãrsits-vã, dubristeanjlji dascalji-a noshtsã!
Hãrsits-vã, spuviditorlji-a noshtsã cari avut mari giunatic!
Hãrsits-vã, dip-ãndreptsãlji aschitadz a noshtsã!
Hãrsits-vã, cãldãroshlji pãlãcãrsitori-a noshtsã!
Hãrsits-vã, lunjinatslji-a noshtsã fãcãtori di nishenji!
Hãrsits-vã, cá spusit cá pi tuti limbili lipseashti sã si alavdã Dumidzálu!
Hãrsits-vã, cá ereslu-a treilor limbi giuneshtsi lu-arcat!
Hãrsits-vã, cá ti Slavanjlji fut ãmbunari tu-anjlji di jeali!
Hãrsits-vã, cá tu nai ma grealili situatsii lã hits umuti shi samsarlãchi!
Hãrsits-vã, cá Lj-li dutsets al Dispoti tuti pãlãcãriili ti pishmãnseari!
Hãrsits-vã, cá shi voi vã pãlãcãrsits la El ta s-nã li ljeartã amãrtiserli!
Condaclu 7
Cara vrurã ta s-vã avinã voi di pit arãdzãmurli-a Slavanjlor,

latineshtsãlji preftsã vã pruzvulusirã la episcoplu di Roma. Anda neasit voi
shi cu moashtili-al Climent, shi dicara vã vidzu voi shi u duchi buna-a voastã
bãnari, atumtsea li-arshuná pruzvuluserli-a aspartsãlor, shi voi, erapoi, tu
numa-a Hristolu vã vluisi, shi-al Dumidzá ãlji cãnta: Aluluia!
Icoslu 7
Ca apostolji timirachi, inshirã sãmtsãlji frats, shi nu shtiurã ti shideari

tu lucurlu-a lor; sãmtul Chiril cãpãi di multul lucru, shi tu shcurtu chiro
dicara s-dusi Roma, ãlji si bitisirã dzãlili. Sãmtul Metodii fu ãndrupãt tu
lucru di frati-su, shi di papa Adrian cu cinlu di arhiereù cara fu-ncurajat, ti
nauùã lucrari tu Moraviea shi Panoniea s-turná, iu multili lucri sh-li lo pi
vetea-a lui; cara ãlji hãrsim cu boatsi lã cãntám ashitsi:
Hãrsits-vã, voi bunjlji huzmicheari-a

Hristolui!
Hãrsits-vã, cá pãnã la moarti armasit ãmbistimenjlji-a averlui!
Hãrsits-vã, cá al Dumidzá, shi nu a oaminjlor lã featsit chefea!
Hãrsits-vã, cá di ispetea-a numãljei a Lui di oaminjlji-avut cripári!
Hãrsits-vã, cá bana-vã tutã ãl lucrat agurlu-al Dumidzá!
Hãrsits-vã, cá shi dupã moarti nu vã u trapsit vrearea ti cupiea-a
voastã!
Hãrsits-vã, cá fut videala-a dunjeailjei shi sarea-a loclui!
Hãrsits-vã, cá ti dunjeai fut videalã, ca shindanlu tsi ardi tu scutidi!
Hãrsits-vã, cá hits ca un cãsãbá di pi cipita di munti, shi di pistimenjlji
shi pãgãnjlji nu putea ta s-ascundã!
Hãrsits-vã, cá li featsit dimãndãciunjli-al Dumidzá shi altsã-nvitsat s-li
facã!
Hãrsits-vã, cá di-atsea ispeti tu Amirãriljea-al Dumidzá ti mári vã
lugursirã!
Hãrsits-vã, cá tu bãsearica-al Dumidzá di pristi loc hits avdzãts!
Condaclu 8
Ti prezentarea ti ciudii-a sãmtului Chiril lã si spusi-a tutãlor, cá el nu

minduea ti bana di shcurtu chiro, ma-a Dumidzálui ti nauùã bãserits s-
pãlãcãrsea, ta s-li ãnvãrtusheadzã tu Crãshtinamea shi di ereslu-a treilor
limbi shi-altili ghideri shi nivolji s-li apurã, frati-su Metodii ãl urnipsea shi-
lji zbura: Ore frate, fum ca zivgari di boi, unã brazdã aram, shi io agudit
cãdzui, bana nji-u bitisii; a tini cara ãl vrei multu Ayi-Norlu nu pots di
ispetea-a Ayi-Norlui s-ti curnji s-li ãnvets miletsli slavoneshtsã. Ti-atsea shi
ti-ahãta lucrari-a sãmtsãlor frats ãlji hãrsim shi-al Dumidzá lji-aurlám:
Aliluia!
Icoslu 8
Tut cu tut fushi, sãmte Metodii, shi cu geanlu shi cu truplu arcat pi
dyeata-a frati-tui, fãrã di s-tsã hibã fricã di fuvirsearea-a printsipilui, ni di
pruzvuluserli di iereilji latineshtsã, ni bãgarea tu zãndani, ma singur lutsishi
ca bun ashchirlá a Hristolui, tuti li arãvdashi, shi nu ti curmashi cá miletsli
slavoneshtsã shi cupiea ti ghini s-u cumãnduseshtsã shi sã-lji
dãscãlãpseshtsã, pãnã tsi tu-ausheatic murishi shi-a sãmtului Chiril tu
paradistata taifã dit paradis ti duseshi. A lor noi cu cãldurã lã dzãtsem:
Hãrsits-vã, cá cu cãrunjli-a arãvdariljei pristi loc fut ãncãrunats!

Hãrsits-vã, cá hits lunjinats cu videala fãrã di moarti!
Hãrsits-vã, aschitadzlji cu duh chischin cá-a voastã easti amirãriljea din
tser!
Hãrsits-vã, cá di multul plãngu, voi multu vã apuituit!
Hãrsits-vã, voi imirlji, cá tu Hristolu a vauùã vã si cãdzurã tu parti
statili-a Slavanjlor!
Hãrsits-vã, cá ashi cum fut agiunji shi uscats ti-ndriptati, tu horli din
tser va vã-ndultsits!
Hãrsits-vã, voi njilãoshlji, cá nu fut mash voi njiluits, ma shi ti-altsãlji
cãftat cá njila-al Dumidzá su-nchirdãseascã!
Hãrsits-vã, cá avut inimã chischinã shi tora Dumidzálu-n fatsã-L
mãtrits!
Hãrsits-vã, cá adusit irinji anamisa di oaminji, shi vã dzãsirã hiljlji-al
Dumidzá!
Hãrsits-vã, voi avinatslji ti-ndriptati, cá-a voastã easti Amirãriljea-al
Dumidzá!
Hãrsits-vã, cá fut tu cripári di oaminjlji sh-ti Hristolu fut shi-avinats shi
pruzvulusits shi tuti li-arãvdat!
Hãrsits-vã shi chefi fãtsets-vã, cá mari vã easti premiea-n tseruri!
Condaclu 9
Len-turliili di pãyidz, cari furã arãiti pit arãdzãmurli-a Slavanjlor,

vãrtos li-arupsit, voi dip-ãndreptsãlji. Ti-atsea noi froninji shi-amãrtioshi
cum him nu nã alãsats, ma tuts Slavanjlji shi-Armãnjlji tu Crãshtinamea shi
pi unã minti adunats-nã shi tuts cu unã gurã shi cu unã inimã sã-lji dzãtsem
al Dumidzá, Cari voi vã fetsi avdzãts: Aliluia!
Icoslu 9
Mintimenjlji tsi multi zburáscu, tac anda vã mãtrescu voi, dip-
ãndreptsãlji, nu pot s-acãchiseascã cum di shi tu irnjii fut cu duh analtu shi-
anamisa di oaminjlji fut tu nicurmat aschetismu. Shi noi, erapoi, cara nã
hãrsim cá avem ahtári dascalji shi pãlãcãrsitori, vã sãrbãtusim voi shi vã
dzãtsem:
Hãrsits-vã, voi cari u spusit hasa pisti!

Hãrsits-vã, clirunomanjlji-a Amirãriljiljei al Dumidzá!
Hãrsits-vã, voi cari lji-asteasit iconoclashtsãlji!
Hãrsits-vã, voi cari lu spãstrit ereslu-a treilor limbi!
Hãrsits-vã, voi cari-a Slavanjlor lã li dishcljisit portsãli-a Amirãriljiljei
din Tser!
Hãrsits-vã, ashchirladzlji-a Hristolui, cari nica di-anda bãnats pristi loc
di El cu doxã fut ãncãrunats!
Hãrsits-vã, cá shi ca avdzãts cum vã featsit duhlu-a apuitueariljei ãl
tsãnut!
Hãrsits-vã, cá has ca shi Isaia shi Eremiea avut multi cripári, ti bunetsli
cari lã li featsit!
Hãrsits-vã, ca Daniil shi Iestira, ti miletea samsari vã featsit!
Hãrsits-vã, cá cu sãmtsãljli tuti fut lunjinats cu videlji tsi nu lã ari
astindzeari!
Hãrsits-vã, cá cu tuts vrutslji di Dumidzálu ti noi amãrtioshlji vã
pãlãcãrsits la Dumidzálu!
Condaclu 10
Cara vru ta s-u ascapã nauùa cupii-a Hristolui di luchlji cu gurã, sãmtul
Metodii tu oara-a moartiljei cu suschir sh-si pãlãcãrsea s-armãnã shi vãrtos
sã sta tu hasa pisti shi cá di itsrãljli-a dushmanjlor nu s-aspari, ma ti ghiderli
shi cripárli, ti tuti Lj-hristusi al Dumidzá, shi-Lji cãnta: Aliluia!
Icoslu 10
Bãrtsiri hits ti tuts, cari lucreadzã ti crãshtinamea, shi cãtã la

samsarlãchea-a voastã cu pisti alagã, voi mintimenjlji-al Dumidzá Metodii
shi Chiril, cá Creatorlu-a tserlui shi-a loclui vã aleapsi voi ta s-hits pristi loc
avgeadz ti oaminji, shi deapoa tãshi shi-n tser s-fatsits sutsatã cu lishlu-a
apostoljlor. Ti-atsea sh-ti noi ãndridzets prit pãlãcãrii, ca pishcheshi s-u lom
buneatsa-a Lui shi cu-aplicãciuni ashitsi s-aurlám:
Hãrsits-vã, cá cu hárli hits mushutsãts!
Hãrsits-vã, cá tu dip-mintiminiljea vã featsit isa cu Solomonlu!
Hãrsits-vã, cá tu arãvdari shi pãlãcãrseari, vã mushutsãt cu Marli
Andoni shi Pahomiù!
Hãrsits-vã, cá has ca Sãm-Vãsiljlu shi Oani Gura-di-Malãmã fut hãrzits
cu giuneatsa-a zborlui!
Hãrsits-vã, cá tu ãntreaga-mintiminilji fut isa cu Iosiflu!
Hãrsits-vã, cá fut di cãili cu arãvdarea-al Iov!
Hãrsits-vã, cá lucrat has ca cu buneatsa-a amirálui shi-a prufetlui
David!
Hãrsits-vã, cá tu pisti cu Iljelu vã mushutsãt!
Hãrsits-vã, cá has ca Pavlu shi Oani Bogoslovlu, Hristolu Dumidzá ãl
vrut!
Hãrsits-vã, cá has ca Daniil shi treilji gionji, giuneashti Dumidzálu-l
alãvdat!
Hãrsits-vã, cá voi cu Anghiljlji shi Sãmtsãlji-al Dumidzá bãnats!
Hãrsits-vã, cá shi noi amãrtioshlji numili-a voasti cu pistusini li cãftám!
Condaclu 11
Cãntari cu hristuseari Ãlji fatsim al Dumidzá, ti-atsea cá voi, a nauùã

amãrtioshlji ca ti samsarlãchi vã deadi. Cu aplicãciuni vã pãlãcãrsim, voi
sãmtsãlji dascalji-a noshtsã, s-nu trãdzets mãnã di noi di ispetea-a grealilor
strãmbãtáts a noasti, ma njilueari di la Dumidzálu ti noi tuts scutets shi di
ispetea-a voastã shi-a Lui sã-lji dzãtsem: Aliluia!
Icoslu 11
Cu pistusini cara ãlji doxãsim noi, Doilji Sãmtsã apostolji-a Slavanjlor,

trãdzem noi mãnã di debatili shi ãmpãrtsárli tu pisti, shi cara bãnám tu un
duh shi irinji s-lã cãntám a sãmtsãlor dascalji ashitsi:
Hãrsits-vã, vãrtoasili trumbeti-a vanghiliserlor dit Vanghealji!

Hãrsits-vã, tsãngãlhutili cu boatsi dultsi-a zburariljei ti-ascãparea!
Hãrsits-vã, vãrtoshlji siminãtori-a ãndriptatiljei!
Hãrsits-vã, nipishmãnsitslji spãstritori-a nindriptatiljei!
Hãrsits-vã, cá voi ti tuts hits atselji tsi durusescu harauùã!
Hãrsits-vã, cá di agudearea-a ghiderlor, di iu tsi s-yinã, ascãpats!
Hãrsits-vã, cá di la oaminjlji nu cãftat s-vã si pãlteascã ti lucurlu-a
vostu!
Hãrsits-vã, cá ti oaminjlji strãnghi Dumidzálu-L plãcãrsit!
Hãrsits-vã, cá shi Anghiljlji-al Dumidzá shi sãmtsãlji-a Lui s-hãrsirã ti
faptili-a voasti!
Hãrsits-vã, cá cu hareili tsi nu-aù moarti, deadun cu elji shi táifurli-a
paradistatslor, vã-ndultsits!
Hãrsits-vã, stealili cari tu dunjeai cu averlu scãntiljeat!
Hãrsits-vã, cá shi bash hárli-a voasti suntu scãntiljeati cu videalã!
Condaclu 12
Harea ti unearea shi irinjea cãftats ti noi, voi dip-ãndreptsãlji, shi irinji
tu-ntreaga dunjeai pãnã bãnat tu dunjeai vanghilisit ta s-putem shi noi s-
ascãpám di tuti ãmpãrtsárli shi pirazmadzlji, shi tu irinji sã-Lji aurlám a
Tsilui, Cari voi ca oaspitslji-a lui vã avu tu vreari, Unlu tsi-adutsi irinji ti
tuts – Dumidzálu: Aliluia!
Icoslu 12
Cara li cãntám musheata banã-a voastã di pristi loc shi doxa, cari u-avets
ãn tseruri, mãtrindalui, fronim vã pãlãcãrsescu, voi sãmtsãlji dascalji, cari-
a crãshtinjlor ortodocshi shi-a Armãnjlor lã hãrzits doxã di-analtu, contra
dushmanjlji-atselji vidzutslji shi nividzutslji, cá shi miletsli slavoneshtsã tu
unã pisti sã-lji bãgats, a vauùã di dealihealui s-vã cãntã shi s-aurlã:
Hãrsits-vã, cá ti ortodoxiea hits apanghu vãrtos!

Hãrsits-vã, cá pãngãnamea ghini u deadit tu padi!
Hãrsits-vã, cá zvumearea-a Sãmtului Duh dit Tatãl u spusit, ashi cum
di daimalui avea armasã!
Hãrsits-vã, cá u-alãsat dyeatã cá cafi unlu dgheavasea ti Dumidzálu s-u
facã pi limba-a lui!
Hãrsits-vã, voi ãndreptsãlji, tu ãndriptatea ãnvãrtusheats!
Hãrsits-vã, cá atselji apishtsãlji tu pisti lji-adusit!
Hãrsits-vã, cá cu voi shi noi tu hasa Bãsearicã intrám!
Hãrsits-vã, cá cu lucurlu-a vostu zborlu-al Dumidzá s-featsi acãchisit pi
limba-a Slavanjlor!
Hãrsits-vã, cá cu pãlãcãriili-a voasti, ca cu gardu vãrtos, di dushmanjlji
nã apurám!
Hãrsits-vã, cá cu-agiutorlu-a vostu u duchim bana fãrã di moarti!
Hãrsits-vã, cá ti Slavanjlji tuts hits pastiri shi preftsã, di-a voastã ispeti
tuts suntu frats!
Hãrsits-vã, cá di ispetea-a voastã Slavanjlji suntu sh-dealihea frats tu
trup shi duh, cá s-featsirã fratslji-a Hristolui!
Condaclu 13
O, voi ti marea ciudii shi dip-bunjlji dascalji ti miletsli-a Slavanjlor, voi

isa cu apostoljlji Metodii shi Chiril, cara va u loats pãlãcãriea di tora,
ascãpats-lji Slavanjlji tuts di arãetsli shi ghiderli tsi va s-cadã pi elji, shi tu
irinji shi unitati tsãnets-lji shi ti tu Amirãriljea din Tser cu-a vostu-agiutor
dutsets-lji tuts, cari di ispetea-a voastã cu aplicãciuni Ãlji cãntã-al
Dumidzá: Aliluia!
(Aestu Condac sã dghivãseashti di trei ori, shi deapoa
Icoslu 1
Creatorlu-a anghiljlor shi Dumidzálu cu puteari vã aleapsi voi ti

dascaljlji-a miletslor slavoneshtsã; ti-atsea shi harea-a Lui fu cu voi, cari voi
vã apãnghisea shi vigljea tu bana tutã, cari tu banã ca ti-agiutor a vostu vã
fu, Doxa-al Dumidzá u spuneats pit cãsãbadz shi pit irnjii shi cu zboarã u-
asprãndit la tuts. Ti-atsea shi noi, cari cu pistea-a Hristolu pi limba-a noastã
ãnvitsats, vã cãntám a vauùã shi vã dzãtsem:
Hãrsits-vã, vanghelishtsãlji-a harauùãljei Evangheleascã!

Hãrsits-vã, purtãtorlji-a hárlor tsi fãtsea ciudii!
Hãrsits-vã, cá multi trapsit tu niuma-al Dumidzá!
Hãrsits-vã, cá di bunetsli-a banãljei trapsit mãnã!
Hãrsits-vã, cá nica di tiniri fut vluisits di Domnul!
Hãrsits-vã, cá cu cãrunjli di macenits di El fut mushutsãts!
Hãrsits-vã, cá anamea umineascã u-atimusit shi tu irnjii Dumidzálu-L
cãftat!
Hãrsits-vã, cá vrearea-a Lui a cumandarlor di pristi loc cu mari
giunatic lã u propoviduit!
Hãrsits-vã, cá ti-atsea di tuts Disputadzlji tu lunjinoslu paradis fut
aprucheats!
Hãrsits-vã, cá dininti-a lor hits bunjlji samsari-a noshtsã!
Hãrsits-vã, cá cu cãldãroasili pãlãcãrii a voasti tu pistea nã-
nvãrtushem!
Hãrsits-vã, cá cu agiutorlu-a vostu eresurli li-anãchisim!
shi
Condaclu 1
Fut aleptsã di Amirálu-a puteariljei, Domnul Isus, ti apostoljlji-a

miletslor slavoneshtsã, tini Metodii shi Chiril mintimenlu-al Dumidzá. Tu
cãntári noi vã cãntám, samsarlji-a noshtsã, shi voi, erapoi, cara avets
libertati dininti-al Dumidzá, di cafi unã ghideri ascãpats-nã noi, cari-a vauùã
vã aurlám: Hãrsits-vã, Metodii shi Chiril, apostoljlji-a miletslor slavoneshtsã
shi dascalji mintimenji tu Dumidzálu!
PÃLÃCÃRIEA-A SÃMTSÃLOR METODII SHI CHIRIL,
dascaljlji isa cu apostoljlji-a Slavanjlor
O, voi dip-avdzãtslji dascalji shi lunjinãtori-a Slavanjlor, sãmtsãlji isa

cu apostoljlji Metodii shi Chiril, la voi, ca ficiorlji la tatãl, cu sãmta
ãnvitsãturã shi cu cártsãli-a voasti ãnvitsats shi tu pistea-a Hristolui
ãnvãrtusheats, tora cu dor shi cu ininjli dishcljisi nã pãlãcãrsim. Fu cá shi
dyeata-a voastã, ca ficiori nu u lom, nu u tsãnum, shi sã-lji fãtsem dupã
chefea-al Dumidzá cum nã-nvitsat, nu cilãstãsim, shi dit unã minti shi vreari
ti Slavanjlji, ca frats dupã pisti shi trup, ashi cum ghini nã li-alãsat a nauùã,
prãmãsim, cá di multu nica di-anda bãnats voi ca ti nipricãnãscãtori shi
nicãdãri nu nã arcat, ma cu buneatsa ti arãeatsa turnats, ashitsi shi tora, nu
li arcats pãlãcãriili, a amãrtioshlor shi-a nicãdãrlor huzmicheari a voshtsã,
ma, ca atsekji tsi avets mari curaji dininti-al Dumidzá, ghini pãlãcãrsits-Lu,
cá noi s-nã bagã shi s-nã urnipseascã pi calea-a ascãpariljei, a ãncãcerli shi
ni-acãchiserli, cari fitursirã anamisa di fratslji di unã pisti, ãmbunats-li,
prãmãsitslji iara la unã minti adutsets-lji shi tuts noi ta s-him units tu un duh
shi cu vrearea ti unã Sãmtã, Sobornicheascã shi Apostoleascã Bãsearicã. Cá
shtim, u shtim noi, cá multu poati s-agiutã pãlãcãriea-a ãndreptului la
njilãoslu Dispoti, cara s-hibã spusã shi ti oaminjlji-atselji amãrtioshlji. Nu
nã alãsats noi, di ispetea-a amãrtiilor a noasti, noi nicãdãrlji ficiori-a voshtsã.
Cupiea-a voastã di voi adunatã, shi tora di dushmãnlãchi ãmpãrtsãtã, sã
scãdzu, di luchi tsi zburáscu avinats, oili-a voasti slavoneshtsã s-asprãndirã.
Fãtsets, cu pãlãcãriili-a voasti, s-him lãcãrtori ortodocshi, cu ortodoxiea
ãngãldzãts, traditsiea-a pãrintsãlor ghini s-u tsãnem, zãconea shi adetsli
bãsericheshtsã s-cilãstãsim ta s-li tsãnem, s-fudzim largu di cafi unã
minciunoasã ãnvitsãturã shi-ashitsi s-nã pidipsim ta s-bãnám cu tinjisitã
banã pristi loc, shi s-nã fatsim cãdãri ti bana dit paradislu, shi aclotsi cu voi
deadun tuts noi al Dispoti, ti eta-a etilor, tu Treimea Unlu Dumidzá su-L
iurtusim. Amin!
SÃMTUL AMIRÀ CONSTANTIN ATSEL MARLI
SHI ELENA, DADA-A LUI
SÃMTUL AMIRÀ CONSTANTIN ATSEL MARLI
Easti faptu tu-anlu 273 di pãrintsãlji, tribunalu-a Romanjlor Constantsiù Chlorus sh-di
dadà Elena dit Bitiniea. Doilji pãrintsã eara di Tratslji cari s-romanizarã, tsi va s-dzãcã di
protslji Armãnji pit locãrli-a Balcanlui. Dimi cà eara pi mari potisi fen-su, Constantin ãnvitsà
carti shi pràxi, ashi cum eara tu-atsel chiro. Tu chirolu anda fen-su eara “Augustus”, deadun
shi cu Galerius, ãl lo shi hilji-su Constantin tu campaniili di-ashcheri. Dicara u-nvitsà ghini
sculiea di-ashcheri, shi el s-featsi comandantu shi tu-anjlji 305-306 eara-n cap a ashcherlor dit
Britanii. Tu-atsel chiro muri shi fen-su, shi ashcherea-l proclamà el tu loclu-a fen-su, cu tsi shi
Constantin s-featsi “Augustus”. Cara vini ashi lucurlu, u lo cu el shi mà-sa, cari pãnã atumtsea
nu putea s-hibã piningã fen-su, di ispetea cà nu eara di soi chibarcã. El pãtu di lji-u deadi titula
“Nobilissima Femina” (“Naichibarca Muljeari”), ti cari sã shtea sh-di ma ninti cà shi-avea bunã
simpatii ti crãshtinjlji.
Sã spuni cà ninti di unã-alumtã, Constantin ca pi-ndauùã eara cà, desi s-acatsã s-batã, cara
avea 20.000 di-ashchirladz shi dushmanlu-a lui 150.000 di oaminji. Ama tu yis lj-si spusi, ca
ti ciudii, unã crutsi scãntiljoasã pi tser shi stri ea inscriptsiea “in hoc signo vinces” (“cu-aestu
semnu-a s-anãchiseshtsã”). Shi, dealihea ashitsi shi s-featsi. Atsea shi fu ispetea cà el s-li tragã
decretili cu cari s-avina ti moarti crãshtinjlji dit Amirãriljea-a Romãjlei. Ti-atsea, tu-anlu 313,
cu avdzãtlu Edictu di Milano, deadi libertati didip ti pistea crãshtineascã, sh-ti Bãsearica.
Constantin atsel Marli tu niheam di chiro adrà multu buni lucri ti Amirãriljea-a
Romanjlor, adrà shi featsi mirimeti multi di tsitàtsli, ma adrà shi multsã cãsãbadz, di cari shi
Constantinopolea, cu adrarea-a mariljei palatã, tu chirolu 324-330, tsi lj-si dzãsi dupã numa-a
lui, pi mealu-a Dardanelilor. Cu marea indati-a mà-sai, Elena, adrà multi sh-ti crãshtinjlji. Tu-
anlu 325, tu Nicheia, ãl organizà Protlu Sinod Ecumenic, la cari s-adusirã importantili acti ti-
aràdzli bãsericheshtsã, cu tsi shi crãshtinamea ortodoxã multu sã-nvãrtushe. Deadun cu mà-sa
adrarã shi multi bãserits, di cari shi-atsea cu hramlu Aflarea-a Ascãpãtorlui di Betleem, ma shi-
alti multi tu Erusalim. Tu-a lui chiro s-adrà marea bãsearicã Sãmta Sufii din Constantinopolea,
bitisitã tu-anlu 360. Tu-a lui chiro s-adrarã shi multi episcopii pit tut Balcanlu, ti tsi nã spuni
shi marli numir di episcochi tsi loarã parti la-alanti Sinodi Ecumenicheshtsã.
Tsicara cà multu lj-vrea shi-lji agiuta crãshtinjlji, Constantin atsel Marli, sh-si pãtidzà shi
ofitsial, ninti di moarti, ti cari lucru lj-gri a Episcoplui Eusebiù a Nicomidiiljei. Muri pi 27 di
Mai, tu-anlu 337. Di ispetea-a apurariljei a crãshtinjlor, adutsearea-a Edictlui di Milano,
adrarea-a bãseritslor, cum Erusalim ashitsi shi tu Constantinopolea, crãshtinjlji lj-featsirã tinjii
shi deadun cu mà-sa, lj-featsirã sãmtsã shi-lji iurtusescu cafi-an shi deadun pi data di 21 di Mai
icà pi 4 di Cirshear. Bãsearica Catolicã u iurtuseashti mash mà-sa-a lui, mash cà ea-ù fatsi pi
18 di-Agustu, iu adutsi aminti cà-i dada-al Constantin atsel Marli.
Sãmtsãlji Amiradz Constantin shi mà-sa-a lui Elena, la Armãnjlji, cari lji shtea cà suntu
shi elji Armãnji di soi, multu suntu tinjisits di elji, shi nu-ari arãdzãm iu s-nu-aibã bãsearicã-a
lor. Tu Machidunii li-aveam dauùã bãserits armãneshtsã, atsea di Bituli, cari-i shi-azã shi-atsea
di Scopia, tsi fu surpatã, cà taha eara cãdzutã di trimburarea-a loclui dit anlu 1963. Multsã di-
Armãnjlji li poartã numili di Constantini, Costa, Cota, Cociu, Dina, Constantina, Custanda,
deapoaea Lena, Lencã, Lenci, Elena, Elenitsa, Nutsa etc. Iconjli-a hiljlui shi-a dadãljei s-duc
totna deadun iu lji spun cu marea crutsi tsi-artiseashti stri capitli-a lor, Constantin easti cu
cãruna-n cap shi cu tupuza cu crutsi tu mãnã, a mà-sa, Elena, easti cu un pheat anvãlit cu ilãcã
pi cari suntu paturli penuri cu cari fu-ncãrfãsit Hristolu.
Materialu-i adrat dupã: Justin, Atena shi George Tambozi, Enciclopedia Aromână,
Societatea Academică Moscopoleană, Bucureshti, 2000, fr. 525-526;
Altã bibliografii: G. Găzănişteanu, V. Zodion, A. Pandea, Comandanţi militari.
Dicţionar, Ed. Stiinţifică şi Enciclopedică, Buc., 1983, fr. 88-89; Vieţile Sfinţilor,
Arhiepiscopia Romano-Catolică, Buc., 1991. (Apud Justin..., Buc., 2000, fr. 526).
SÃMTA AMIROANJI ELENA,

DADA-AL CONSTANTIN ATSEL MARLI
Sãmta-Amiroanji Elena, dada-a Sãmtului Amirà Constantin atsel Marli, easti faptã ca pi
la anlu 265 tu unã familii di Tratslji latinizats, tsi scljeamã cà easti di-atselji cari nã suntu para-
pãpãnjlji-a nauùã Armãnjlji. Di njicã criscu ca unã featã mulacã shi veshi, a cãndu criscu s-
featsi marea apãnghisitoarã-a crãshtinjlor shi-a crãshtinamiljei, nu dit carti ma dupã spuneri.
Cara fu bunã featã s-mãrtà pi Constantsiù Chlorus, cari tut ashitsi sh-trãdzea soea di Trats
latinizats, a cari eara tribunal pit aesti arãdzãmuri a Balcanlui. Ghini ma, Constantsiù cara
criscu multu pi potisi, shi cara agiumsi “Augustus”, deadun shi cu Galerius, vini arada, dimi cà
ashitsi eara zãconea la Latinjlji, s-u tragã nanãparti di el, cara nu eara ea di familii chibarcã. El,
cara shi-u vrea sh-ma multu sh-ti hilji-su tsi lj-lu-avu ea, Constantin, cari cama amãnat va s-
agiungã amiràlu-a Latinjlor, u-agiuta pi-ascumta, a lu-avea ãngãtan shi hilji-su, ta sã-lji da
sculii. Oaminjlji-nvitsats, cari-ù xitãsirã bana-a ljei, vor ta s-dzãcã cà, tu-aestu chiro di
trãdzearea-a ljei nanãparti di bãrba-su, ia s-ligà multu ghini cu crãshtinjlji. Shi, unã tsi vini
hilji-su pi potisea di “Augustus” lji-u deadi shi-a mà-sai titulatura di “Nobilissima Femina”
(“Naichibarca Muljeari”). Di indatea-ali Elenã, hilji-su Constantin atsel Marli ãl deadi Edictul
di Milano, tu-anlu 313, cu cari crãshtinamea fu pricãnãscutã ti relighiea-a statlui, a ti crãshtinjlji
mari libertati ta sh-lucreadzã cum vor sh-tsi vor. Di Elena armasi shi-atsea cà Dumãnica s-hibã
dzuùa ti shideari shi sãrbãtoari, a cu-atsea s-adusi sh-nica un ãncherdu-a crãshtinamiljei. Elena-
l bãgà hilji-su Constantin cà, palàtsli amirãreshtsã di Roma s-hibã dati ti scamnu-a caplui a
Bãsericãljei, ma s-adrà shi bãsearica Aflarea-a Ascãpãtorlui dit Betleem. Tu nauùa capitalã tsi
u-adrà Constantin, cu numa-a lui, sh-dit palata amirãreascã, Elena, mà-sa-a lui, giucà unã rolã
multu mari ti crãshtinamea dit aesti locãri. Cu indatea-ali Elenã, Constantin atsel Marli ãl
organizà shi-l tsãnu Protlu Sinod Ecumenichescu di Nicheia, tu-anlu 325, ma s-ahurhi shi
adrarea-a mariljei bãsearicã Sãmta Sufii tu chirolu 330-360, s-ahurhirã sãpàrli ti aflarea-a
Sãmtãljei Crutsi (cu cari elji doilji tora suntu pi icoanã) ma shi-a Groapãljei a Ascãpãtorlui, ti
identificarea-a loclui iu S-aflà Hristolu. Ea nu u-agãrshi shi Roma, shi aclotsi-ù dusi Sãmta
Scarã, la Palata-al Papa, a curi 28 di praguri shi azã s-ved sh-pi cari s-alinã multsã cari s-duc
di li ved, shi s-lugursescu shi ca un loc di hãgilãchi. Cu tuti-aesti shi altili multi tsi li featsi ti
crãshtinamea, cum easti shi aflarea-a Cãmeashiljei a Hristolui shi-a Savanlui a Hristolui, tsi
nica suntu ca lugurii sãmti, shi Elena fu adratã sãmtã, deadun cu hilji-su, shi azã s-iurtuseashti
cum la ortodocshilji ashi sh-la catolitslji, cu-atsea tsi la ortodocshilji s-fatsi pi 21 di Mai icà pi
4 di Cirshear, shi deadun cu hilji-su, a la Catolitslji pi 18 di-Agustu, shi singurã, mash cà sã
spuni cà-i dada-a Sãmtului amirà Constantin atsel Marli.
La Armãnjlji, Constantin shi Elena, cara lji shtea cà suntu di soi armãneascã, icà suntu
di-atselji cari ma-amãnat s-adrarã Armãnjlji di-azã, suntu multu tinjisits shi faptsã. Tu
Machidunii mash avem dauùã bãserits cu hramlu-a lor, Bituli (cari-i shi-azã tu mãnjl -
armãneshtsã) shi Scopia (cari-i surpatã, cà taha eara “cripatã” di trimburarea-a loclui dit anlu
1963. Pristi tut suntu zugrãfsiti shi iconji iu suntu spushi deadun, hiljlu cu dada, Constantin shi
Elena. Anamisa di elji sta Crutsea, cari lã artiseashti stri cap, Constantin easti cu cãrunã-n cap
shi cu tãpuzea cu crutsi tu mãnã, a Elena easti cu un pheat tu mãnji tsi-i anvãlit cu unã ilãcã pi
cari sta paturli penuri, cu cari fu-ncãrfãsit Hristolu.
Numa-ali Elenã, easti multu bãgatã la-Armãnji, cu ma multi varianti: Elena, Lenã, Lencã,
Lenci, Linutsã, etc.
Materialu-aestu easti-adrat dupã cartea: Justin, George shi Atena Tambozi,
Enciclopedia Aromãnà, Societatea Academicà Moscopolitanà, Buc., 2000, fr. 522-523.
Altã bibliografii: G. Gàzànisteanu, V. Zodian, A. Pandea, Comandanti militari.
Dictionar. Ed. Stiintificà si Enciclopedicà, Buc., 1983, fr. 88-89; Vietile Sfintilor,
Arhiepiscopia Romano-Catolicà, Buc., 1991. (Apud Justin..., fr. 523).
ACATISTLU-A SÃMTSÃLOR AMIRADZ,
ISA CU APOSTOLJLJI,
CONSTANTIN SHI ELENA
21 Mai/ 04 di Cirishear
Troparlu-a Sãmtsãlor Amiradz, isa cu apostoljlji,

Constantin shi Elena, glas 8:
Condaclu 1
Cara-l vidzushi semnul a Crutsiljei pi tser shi ca Pavlu cara u lo grita nu
di la oaminji, atsel tsi easti anamisa di-amiradzlji isa cãt un Apostol a Táù,
Doamne, tsitatea amireascã tu mãnjli-a Tali u deadi. Atsea tsitati s-u tsãnji
daimalui tu irinji, di ispetea-a pãlãcãriilor a Dadãljei al Dumidzá, Tini unlu
vruitorlu di oaminji.
Icoslu 1
Ca un anghil scãntiljos ãl hãbãrsishi-a dunjeailjei Domnul a nostu Isus
Hristos, cã easti Dumidzá shi Hilj al Dumidzá, atsel di dealihealui; ti-atsea
tsã li cãntám a tsáia aesti:
Hãrsea-ti, di noi bãgatlu ti tatã-a crãshtinjlor!
Hãrsea-ti, cá singur Domnul Isus tu yis a tsáia tsã Si spusi!
Hãrsea-ti, cá cu semnul a Sãmtãljei Crutsi ti-armutusi!
Hãrsea-ti, cá Maxentsiù, prit putearea-a tinjisitãljei crutsi lu-
anãchisishi!
Hãrsea-ti, cá Roma cu mari ciumbulechi intrashi!
Hãrsea-ti, cá atselji di Roma cu mari harauùã ti-aleapsirã ti amirálu-a
lor!
Hãrsea-ti, cá tu tinjiea-a Domnului Isus Hristos unã crutsi di cheatrã tu
mesea di Roma bãgashi!
Hãrsea-ti, cá pi Sãmta Crutsi ãnğrãpsishi: “Isus Hristos NIKA”, tsi va
s-dzãcã, cu-aestu semnu, va s-anãchiseshtsã!
Hãrsea-ti, cá prit putearea-a Crutsiljei a Hristolui tuts dushmanjlji-a
tálji lji-anãchisishi!
Hãrsea-ti, cá cu shtearea shi vrearea-al Dumidzá di lãngoarea-a
leprãljei lãndzidzãshi!
Hãrsea-ti, cá a tsáia sãmtsãlji cari eara ma-márlji-a apostoljlor tsã si
spusirã!
Hãrsea-ti, cá prit urnimiea-a Sãmtului Ierarhu Silvestru cu tutã inima
pistipsishi tu Domnul a nostu Isus Hristos!
Hãrsea-ti, Sãmte Amirá Constantin!
Condaclu 2
Singur cara ti vidzushi cá eshtsã lipros cu truplu shi cu geanlu ti-agiutor
ãlji grishi-a Dumidzálui a crãshtinjlor, shi Dumidzálu, fãrã di-amãnari, tsã-
lji pitricu Sãmtsãlji Apostolji ta s-ti-mbuneadzã shi tsã spusi tsi s-adari ta s-
eshtsã sãnãtos shi, cara ti hãrsishi di dumidzeasca vidzutã, al Dumidzá Ãlji
cãntashi: Aliluia!
Icoslu 2
Cu Amiroanjea Elena atsea dip-tinjisita, dada-a Amirálui Constantin, cu

harauùã s-nã adunám tuts noi bunjlji crãshtinji, deadun cu cãluğrilji shi
cãluğrealili, shi s-u alãvdám cu cãntári ca aesti:
Hãrsea-ti, cá eshtsã faptã dit soi amirãreascã!

Hãrsea-ti, cá eshtsã dada-a Sãmtului Amirá Constantin!
Hãrsea-ti, cá pistipsishi tu Hristolu!
Hãrsea-ti, cá tu numa-a Sãmtãljei Treimi ti pãtidzashi !
Hãrsea-ti, cá cu mirachi shi multã evlavilji ti Erusalim ãnchisishi!
Hãrsea-ti, cá tini multu vrushi s-u aflji Crutsea-a Domnului!
Hãrsea-ti, cá Crutsea tsi da banã u-aflashi!
Hãrsea-ti, cá tini-a Sãmtãljei Crutsi nai ma ninti ãlji dzãseshi:
“Hãrsea-ti, lemnu calotih”!
Hãrsea-ti, cá cu mari harauùã ti hãrsishi anda Sãmta Crutsi mortul
lu-nyé!
Hãrsea-ti, cá Erusalim unã mari shi multu musheatã bãsearicã
dimãndashi ta s-hibã adratã!
Hãrsea-ti, cá dimãndashi ta sã-lji si dzãcã “Bãsearica-a Ãnyeariljei a
Domnului Isus Hristos”!
Hãrsea-ti, cá ti noi crãshtinjlji nã eshtsã ca dada!
Hãrsea-ti, Sãmtá Amiroanje Elena!
Cndaclu 3
Para-tinjisitá amiroanje, noi pistimenjlji, deadun cu priftamea shi tuts

cãluğrilji, la tini nã easti umutea tu nivoljli-a noasti; fá-ti shi tora, ti noi
amãrtioshlji, di mari ufeli, cu harauùã ta sã-Lji cãntám al Dumidzá: Aliluia!
Icoslu 3
Cara u-avushi tu mirachi amirãriljea di-analtu, paradistate Amirá
Constantin, tu Amirálji shi Chihãelu-a tutãlor cu minti limbidã cara
pistipsishi, ti pãtidzashi; ti-atsea a tsáia tsã cãntám ashi:
Hãrsea-ti, cá tu numa-a Tatãlui shi-a Hiljlui shi-a Sãmtului Duh ti

pãtidzashi!
Hãrsea-ti, cá anda ti pãtidzashi mãna-a Domnului Hristos deadi di
tini!
Hãrsea-ti, cá lãngoarea-a leprãljei ca sprici di tini cãdzu!
Hãrsea-ti, cá, cara ti-nviscushi tu stranji albi, amirá crãshtin tsã si
dzãsi;!
Hãrsea-ti, cá la tuts pãngãnjlji lã dimãndashi ta sh-si pãteadzã shi ti
crãshtinji sh-si lugurseascã!
Hãrsea-ti, cá cãlivili-a idoljlor dimãndashi ta s-hibã surpati!
Hãrsea-ti, cá sãmti bãserits tu numa-a Hristolui dimãndashi ta s-hibã
adrati!
Hãrsea-ti, cá sãmta dada Elena cu multã tinjii shi aveari ti Erusalim u
pitricushi!
Hãrsea-ti, protlu crãshtin di amiradzlji!
Hãrsea-ti, cu tu-ntreaga dunjeai cu pãtãgiunea-a Ta mari harauùã
fãtseshi!
Hãrsea-ti, cá pãngãnjlji, mãtrindalui la tini, crãshtinji s-featsirã!
Hãrsea-ti, cá shi noi, priftamea di mireanji shi gãluğri, sh-tsicara cá
him amãrtioshi, daima tsã cãntám alãvdãciunji shi mãreri!
Condaclu 4
Adutsearea-aminti-a dip-pistimenlui Amirá Constantin, ca un mir

scumpu, acã fitirsi, cá Hristolu cari-l vru, idoljlji lji-atimusi, ti-atsea, ashi
cum hãrzi, deadun cu tini Ãlji cãntám al Dumidzá: Aliluia!
Icoslu 4
A tsáia, atsea tsi ti fãtseshi izoti shi cu pistusini cari imnashi dupã Zborlu-
a Dumidzálui, Cari di ispetea di buna cilãstãsearea-a ta ti mushutsã cu multã
tinjii, ca unã amiroanji-a crãshtinjlor, cu harauùã tsã li dzãtsem aesti-
alãvdãciunji:
Hãrsea-ti, cá Erusalim optusprãdzatsi di bãserits adrashi!

Hãrsea-ti, cá aesti bãserits cu tuti mushutetsli li mushutsãshi!
Hãrsea-ti, cá deadun cu hilji-tu, Amirálu Constantin, Sãmta Crutsi tu
mãnji u tsãnji!
Hãrsea-ti, cá unã parti di lemnul a Crutsiljei tsi da banã
Constantinopili u duseshi!
Hãrsea-ti, cá shi-a Sãmtilor Penuri di pi Crutsi Domnul Isus Hristos lã
deadi puteari ti vindicari, a tini tu mãnji li purtashi!
Hãrsea-ti, cá dupã pãtãgiunea cu bunã pisti-a Hristolui ãlji lucrashi!
Hãrsea-ti, cá daima atselji oarfãnjlji ãlji njiluishi!
Hãrsea-ti, cá tini cu tuti tsi li fãtseshi ghini ti mushutsãshi!
Hãrsea-ti, cá ti bana-a ta bunã di pristi loc ãnchirdãsishi multã tinjii!
Hãrsea-ti, cá tuti miletsli crãshtineshtsã ca ti unã amiroanji pistimenã ti
tinjisescu!
Hãrsea-ti, cara slãghishi di cilãstãseri fapti di tini shi imirádz, la
bitimea-a banãljei agiumseshi!
Hãrsea-ti, cá cara lji-intrashi tu vreari-al Dumidzá, ti mutashi dit aestã
banã tu bana ti eta-a etilor!
Condaclu 5
Cu mari cilãstãseari lucrashi, Sãmte Amirá Constantine, s-u

asprãndeshtsã crãshtinamea tu tutã amirãriljea-a ta, ma shi tu-ntreaga
dunjeai; ti-atsea multu shi-ndreapti apofasi loashi ta su-l bitiseshtsã dip
ghini aestu lucru crãshtinescu, ma shi ta s-li curi len-turliili di eresuri tsi
deadun cu bagarea-a fimeljlui a crãshtinamiljei fitursirã ca tucinea tu
birichetea-a bunãljei pisti, ti-atsea, deadun shi cu tini cu mirachi ãlji
cãnntám al Dumidzá: Aliluia!
Icoslu 5
Adunashi, dip-paradistate Amirá Constantine, sãbor di preftsã tsi-L

purta Dumidzálu shi, prit elji, ininjli-a tutãlor aputursits di blãstematlu eres
al Aria ãlji ãnvãrtusheashi su-l alavdã Domnul Isus Hristos, Hiljlu-al
Dumidzá, ti tsi tsã li dzãtsem a tsáia aesti-alãvdãciunji:
Hãrsea-ti, cá protlu sãbor a tsilor trei suti shi optusprãdz di sãmtsã!

pãrintsã cu dimãndãciunea-a ta Nicheia s-tsãnu!
Hãrsea-ti, cá prit greali-alumti ãndreapta pisti lutsi!
Hãrsea-ti, cá Arie di la sãbor inshi arshunat!
Hãrsea-ti, cá apistul Arie ti daima tu cãtránji cu dratslji fu bãgat!
Hãrsea-ti, cá noi crãshtinjlji di la tini shi-ncoa cu-ndreapta pisti him
lunjinats!
Hãrsea-ti, cá Domnul a nostu Isus Hristos tu-ntreaga dunjeai Ãl
spuseshi cá easti Hiljlu-al Dumidzá!
Hãrsea-ti, cá prit crãshtinipsearea-a ta Crutsea-a Domnului fu
aflatã!
Hãrsea-ti, cá prit aflarea-a Sãmtãljei Crutsi dushmanjlji-a ljei
scãnjisescu!
Hãrsea-ti, cá prit fãtsearea-a Sãmtãljei Crutsi demunjlji s-avinã!
Hãrsea-ti, cá, deadun cu sãmta dada-a ta, Crutsea-a Domnului Isus
Hristos tu mãnji u tsãnji!
Hãrsea-ti, cá unã cumatã di lemnul a Crutsiljei adusã di sãmta dada-
a ta! Amiroanjea Elena, tu sãmtili mãnji-a tali u loashi!
Hãrsea-ti, cá ti noi, fratslji dupã Hristolu, ti pãlãcãrseshtsã la
Dumidzálu!
Condaclu 6
Has ca cu unã porfirã ti-nviscushi, nãrite, cu njiluearea, shi ca cu unã

hlamidã cu bunili imirádz ti mushutsãshi. Ti-atsea, cara u tinjiisim
adutsearea-aminti a ta, Ãl para-tinjisim Dumidzálu, shi dzãtsem: Aliluia!
Icoslu 6
Ma cum va li cãntám cama tinjisit icá cu tsi zboarã ma uidisiti va u-

alãvdám mushuteatsa-a bunetslor a tali, tinjisitá Elená, ãnchirdãsitili-n
tseruri, di la Dumidzálu, Atsel tsi shtii ta sã-lji tinjiseascã atselji ãndreptsãlji;
ti-atsea noi tsã cãntám a tsáia:
Hãrsea-ti, atsea a curi gean sãmtu cu mari tinjii easti-alinat di-

anghiljlji!
Hãrsea-ti, cá tu videala-atsea dip scãntiljoasa Dumidzálu-l vidzushi!
Hãrsea-ti, cá a Dumidzálui-Zborlu shi-a dip-chischinãljei Dadã-a
Lui, cara-nzãnucljeashi, ti-ncljinashi!
Hãrsea-ti, cá li vidzushi casili-atseali dipmusheatili-a sãmtsãlor!
Hãrsea-ti, cá tsã li spusi shi tuti mushutetsli-a paradislui!
Hãrsea-ti, cá tini tora, lutsitá, ti-ndulttseshtsã di-atseali di cari ocljul
a omlui nu li vidzu shi ureacljea nu li-avdzã shi la inima-a omlui nu
s-alinarã!
Hãrsea-ti, cá tu Amirãriljea-a tserurlor cathio tsã aflashi!
Hãrsea-ti, amiroanje, cá cu amiroanjea-a tserurlor bãnedz deadun!
Hãrsea-ti, cá tsã fats moùbeti cu arhanghiljlji!
Hãrsea-ti, cá deadun cu anghiljlji Ãlji cãntsã cãntari-al Dumidzá!
Hãrsea-ti, cá sh n oi nicãdãrlji tsã cãntám hãrãcoapã cãntari!
Condaclu 7
Shi dupã ãnvetsuri shi dupã bunetsli fapti di tini fushi atsea tsi-L vrei
Dumidzálu shi irbapi ti nishenji, paradistatá Amiroanje Elená; ti-atsea cu
pisti shi cu mari evlavilji noi, atselji lunjinatslji prit harea-al Dumidzá,
hãrãcoapã cãntari cãntám: Aliluia!
Icoslu 7
Mileti-al Dumidzá fãtseshi, prit dumidzescul Duh, veacljea mileti-a

iudeilor shi-a pãngãnjlor, cu ascãldarea-a pãtãgiuniljei cara ãlji lunjinashi;
ti-aestã ti-alãvdám, shi dzãtsem:
Hãrsea-ti, cá, isa cu apostoljlji, di Dumidzálu eshtsã tinjisit!

Hãrsea-ti, cá pãnã bãnashi multi bunets fãtseshi!
Hãrsea-ti, cá, dupã multili cilãstãseri, nivolji shi gaileadz, la paradistatã
soni agiumseshi!
Hãrsea-ti, cá, dupã niheamã lãndzidzari, apudurnjishi shi geanlu di
truplu s-dispãrtsã, shi-n tser azbuirá!
Hãrsea-ti, cá arhanghiljlji cu musheati cãntári anghileshtsã pi tseruri
ti-alinarã!
Hãrsea-ti, cá a scamnului a Sãmtãljei Treimi ti-ncljinashi!
Hãrsea-ti, cá Sãmtsãlji Apostolji dininti-al Dumidzá ti-alãvdarã!
Hãrsea-ti, cá sãmtsãlji macenits shi pistimenjlji shi ãndreptsãlji tuts cu
tinjii tsã inshirã dininti!
Hãrsea-ti, cá bunetsli-a paradislui tora sh-ti etili-a etilor suntu-a tali!
Hãrsea-ti, cá tu Amirãriljea-a tserurlor tora sh-ti daimalui bãnedz!
Hãrsea-ti, cá shi noi, deadun shi cu cãluğriljii shi cu eremitslji, tuts tu-
unã boatsi tsã cãntám ashi!
Hãrsea-ti, Sãmte Amirá Constantine!
Condaclu 8
Groapa-a ta, iu arihnipseashti sãmtul shi tinjisitlu trup a táù, Amirá

Constantine, arádz ti dumidzeshtsã vindicári zvoami ti-atselji cari cu pisti s-
aproachi, shi-a nauùã, atselji cari bãnám tu ãndreapta pisti, ti pãlãcãrsim cá
deadun shi cu buna-ts dada Elena, s-nã dai mãnã di-agiutor, atselji tsi-Lji
cãntám al Dumidzá: Aliluia!
Icoslu 8
Cãt di lunjinat easti geanlu-a táù, mãritá Amiroanje Elena,

alãvdãciunea-a muljerlor, cá tora eshtsã-n tseruri, shi tsã si pãlteashti ti
cilãstãserli; ti-atsea tsã cãntám ashi:
Hãrsea-ti, aflarea-a tinjisitãljei Crutsi!
Hãrsea-ti, a ljei gioanã ãncljinãtoari!
Hãrsea-ti, cá prit agiutorlu-a Crutsiljei fushi ascãpãtoarã ti crãshtinjlji!
Hãrsea-ti, cá prit Crutsea ãnchisishi pi calea-a Hristolui!
Hãrsea-ti, tini cari u-anãchisishi puvelea-a cãtránjlor shi-a sãtãnálui!
Hãrsea-ti, tini tsi ti daimalui u clirunumsishi mãreatsã-a tserurlor!
Hãrsea-ti, samsara la Dumidzálu ti-atselji tsi-alutusirã shi suntu-
amãrtioshi!
Hãrsea-ti, tini cari ãlji corectedz aráilji giudicãtori!
Hãrsea-ti, tini cari ağonjea lji-agiuts atselji tu nivolji!
Hãrsea-ti, tini cari nã ascachi di patimatli-a noasti trupeshtsã shi
sufliteshtsã!
Hãrsea-ti, buna vindicari-a lãndzidzlor!
Hãrsea-ti, tini cari eshtsã bunlu agiutor ti tuts crãshtinji tsi ghini s-tsãn
di pistea!
Condaclu 9
Cara ts-u bitisishi bana cu sãmtsãlji, tora bãnedz deadun cu sãmtsãlji,

eshtsã-mplinã di sãmtsãlji sh-di videalã cum nu lji-ari spuneari; ti-atsea nã
dai videalã shi-a nauùã, atselji cu mintea ãntunicatã cu amãrtiili, shi, cara
va s-lom prit tini ljirtari, sã-Lji cãntám al Dumidzá: Aliluia!
Icoslu 9
Amirálu shi Creatorlu tu tuti lucrili cara-L tinjisishi, tini Amirá

Constantine, cu hari ti cilãstãserli ti featsi izoti tini cu mari anami pi tseruri;
ti-atsea tsã li cãntám a tsáia aesti alãvdãciunji:
Hãrsea-ti, cá a para-cuvioslui Paisii singur lji spuseshi cá eshtsã tinjisit

isa cu sãmtsãlji!
Hãrsea-ti, cá, sãmtu cara eshtsã, ti pãlãcãrseshtsã ti noi la Domnul
Dumidzá!
Hãrsea-ti, cá noi amãrtioshlji him cu unã mari umuti la pãlãcãriili-a tali!
Hãrsea-ti, cá noi tu nivolji u grim numa-a ta shi tini nã avdzã!
Hãrsea-ti, cá tu ghideri ti noi eshtsã mari harauùa!
Hãrsea-ti, nai ma scumpa mirgeanã-a noastã!
Hãrsea-ti, atsel tsi ti noi eshtsã soari scãntiljos!
Hãrsea-ti, cá idoljlji ãlji dideshi a scutidoasilor cãtránji!
Hãrsea-ti, cá demunjlji fug, cara suntu avinats cu putearea-a
pãlãcãriiljei a ta!
Hãrsea-ti, cá tini eshtsã alãvdãciunea-a crãshtineshtsãlor cumandari!
Hãrsea-ti, cula ni-anãchisitã-a crãshtinjlor ortodocshi!
Hãrsea-ti, tini marli apurãtor ti mãnãstirili shi bãseritsli-a noasti!
Condaclu 10
Din tser has ca shi Pavlu ti-aviná Hristolu Domnu, Sãmte Constantine, shi
cu-atsea ti-nvitsá ta su-L tinjiseshtsã El has ca Unlu Amirá; shi dealihealui
cara pistipsishi tu El, Ãl tinjisishi, cu-atsea tsi u-aduseshi unã dunjeai la
pistea-a Lui, ta sã-Lji cãntã dipriunã: Aliluia!
Icoslu 10
Amiroanje Elená, sãmtã di Domnul Hristos aleaptã, ai njilã ti noi shi

lunjineadzã-li di-amãrtiili ãntunicatili geanuri-a noasti, shi s-nu li trets cu
videarea geanurli shi pãlãcãriili-a noasti shi s-li aprochi aesti hristuseri-a
noasti:
Hãrsea-ti, trandafil di-a paradislui din tseruri di musheat ma musheat tsi

anjurdzeashti!
Hãrsea-ti, albul crin fitursit tu bãhcelu-atsel di-analtu dit paradislu din
tser!
Hãrsea-ti, amiroanje duhovnicheascã!
Hãrsea-ti, tini tsi u spuseshi buna pisti!
Hãrsea-ti, tini tsi ãlji surpashi idoljlji!
Hãrsea-ti, tini tsi li chirushi eresurli!
Hãrsea-ti, tini cari li-avinashi eresurli-a dushmanjlor!
Hãrsea-ti, tini tsi nã-agiuts tu nivolji!
Hãrsea-ti, samsara-a noastã la Dumidzálu!
Hãrsea-ti, tini cari nã-aduts hãrseri duhovnicheshtsã!
Hãrsea-ti, tini mustra ti faptili buni!
Hãrsea-ti, dascalu-a miletiljei crãshtineascã!
Condaclu 11
Aesti cara li dzãc, mi-apuituescu cu geanlu sh-mi hãrsescu; nu mi-aspar

di tuti tsi va s-toarcã contra mini ehtsãrlji-a melji, ti-atsea cá ti-am tini,
amiroanje Elená, vãrtoasã agiutari tu tuti ghiderli; ti-atsea deadun shi cu
anghiljlji lu-alavdu Dumidzálu cu cãntarea: Aliluia!
Icoslu 11
Lã-l dideshi, dip-dultse Isuse, a bunjlor crãshtinji lAmirálu Constantin,

mintiminiljea-al So;omon, imiradea-al David, buna pisti-a apostoljlor shi
putearea-al Samson pristi ehtsãrlji; ti-atsea shi noi ãl tinjisim cu-
alãvdãciunji, shi dzãtsem:
Hãrsea-ti, di tuts amiradzlji cama-analtu duslu shi aleptul al Dumidzá!

Hãrsea-ti, cá Domnul a nostu Isus Hristolu a tsáia Tatãl tsã-L spusi!
Hãrsea-ti, cá Aestu ca un Dumidzá di dealihealui Lu spuseshi la dunjeai!
Hãrsea-ti, dascalu-a ãnvitsãturãljei di-a tserlui!
Hãrsea-ti, cá prit tini Domnul Isus Hristos S-featsi avdzãt!
Hãrsea-ti, cá prit tini Crutsea-a Domnului s-tinjiseashti!
Hãrsea-ti, tini tsi u mãtreshtsã videala tsi nu lji-ari bitimi!
Hãrsea-ti, cá prit tini dunjeai s-lunjiná cu-ndreapta pisti!
Hãrsea-ti, cá prit tini fu-avinatã scutidea-a arauùãljei pisti!
Hãrsea-ti, oaspili-al Dumidzáu cu inima chischinã shi cu gean lunjinat!
Hãrsea-ti, cá noi tsi him slaghlji nã-nvãrtushedz cu-arãvdari!
Hãrsea-ti, cá la njilãoslu Dumidzá samsar nã eshtsã ti-a noastã ascãpari!
Condaclu 12
Hárli atseali nai ma multili shi nai ma bunili tora li ljeai di la Dumidzálu,
Sãmte Amirá Constantine, shi ti hãrseshtsã ca un amirá pi tseruri; ti-atsea
shi pistimenlu domnu Ionitsa tu numa-a ta mutá sãmti mãnãstiri ti Domnul,
a noi hãrsits cara him, ãlji cãntám al Dumidzá: Aliluia!
Icoslu 12
Putes nu va nã curmám ta s-li spunem nishenjli-a tali; pi boatsi mari va u

cãntám iurtusearea-a ta shi cu tinjii tsã spunem hristuseari ti tuti bunetsli tsi
nã li fats a nauùã, Sãmtá Amiroanje Elená, shi u tinjisim adutsearea-aminti
a ta cu aesti alãvdãciunji:
Hãrsea-ti, amiroanje mulacã shi multu vrutã!

Hãrsea-ti, yishteari di bunets tsi nu s-guleashti putes!
Hãrsea-ti, tini tsi nu cãpãeshtsã s-lji-apãnghiseshtsã atselji tsi ti
plãcãrsescu!
Hãrsea-ti, tini cari li-ascachi sãmtili mãnãstiri di ehtsãrlji!
Hãrsea-ti, cá ti-atselji tsi ti tinjisescu eshtsã bunã-mbunari!
Hãrsea-ti, cá di-analtu dit tseruri mãtreshtsã shi lã-agiuts a tsilor tsi tini
ti plãcãrsescu!
Hãrsea-ti, cá, dininti-a Dip-sãmtãljei Treimi cara stai, ti pãlãcãrseshtsã ti
noi!
Hãrsea-ti, cá shi la dip-chischina Dadã-al Dumidzá zburáshtsã ti noi!
Hãrsea-ti, cá paradistarea-a ta din tseruri nu s-bitiseashti ti eta-a etilor!
Hãrsea-ti, cá deadun cu hilji-tu, Amirálu Constantin, tu amirãriljea-al
Dumidzá eshtsã ağnò harauùã!
Hãrsea-ti, tini vindicarea ti trupurli-a noasti!
Hãrsea-ti, cá ti hãiri ti noi tuts suntu sãmtili pãlãcãrii a tali!
Hãrsea-ti, Sãmtá Amiroanje Elená!
Condaclu 13
Voi cari vã spusit di dealihealui lunjinãtori cari u lunjinat dunjeai cu hasa

pisti, di Dumidzálu ãncãrunatslji Amiradz Constantin shi Elena;
aprucheats-li tora shi pãlãcãriili-a noasti shi dutsets-li la Amirálu Hristos,
Cari Ãl iurtusim ca Unlu tsi vã-ncãruná voi, shi-Lji cãntám cu voi shi cu tuti
ashcherli din tseruri: Aliluia! (Aes
tu condac s-dzãtsi trei ori.)
Icoslu 1
Ca un anghil scãntiljos ãl hãbãrsishi-a dunjeailjei Domnul a nostu Isus

Hristos, cã easti Dumidzá shi Hilj al Dumidzá, atsel di dealihealui; ti-atsea
Hãrsea-ti, ti noi bãgatlu ti tatã-a crãshtinjlor!
Hãrsea-ti, cá singur Domnul Isus tu yis a tsáia tsã Si spusi!
Hãrsea-ti, cá cu semnul a Sãmtãljei Crutsi ti-armutusi!
Hãrsea-ti, cá Maxentsiù, prit putearea-a tinjisitãljei crutsi lu-
anãchisishi!
Hãrsea-ti, cá Roma cu mari ciumbulechi intrashi!
Hãrsea-ti, cá atselji di Roma cu mari harauùã ti-aleapsirã ti amirálu-a
lor!
Hãrsea-ti, cá tu tinjiea-a Domnului Isus Hristos unã crutsi di cheatrã tu
mesea di Roma bãgashi!
Hãrsea-ti, cá pi Sãmta Crutsi ãnğrãpsishi: “Isus Hristos NIKA”, tsi va
s-dzãcã, cu-aestu semnu, va s-anãchiseshtsã!
Hãrsea-ti, cá prit putearea-a Crutsiljei-a Hristolui dushmanjlji tuts a
tálji lji-anãchisishi!
Hãrsea-ti, cá cu shtearea shi vrearea-al Dumidzá di lãngoarea-a
leprãljei lãndzidzãshi!
Hãrsea-ti, cá a tsáia sãmtsãlji cari eara ma-márlji-a apostoljlor tsã si
spusirã!
Hãrsea-ti, cá prit urnimiea-a Sãmtului Ierarhu Silvestru cu tutã inima
pistipsishi tu Domnul a nostu Isus Hristos!
Condaclu 1
Cara-l vidzushi semnul a Crutsiljei pi tser shi ca Pavlu cara u lo grita nu
di la oaminji, atsel tsi easti anamisa di-amiradzlji isa cãt un Apostol a Táù,
Doamne, tsitatea amireascã tu mãnjli-a Tali u deadi. Atsea tsitati s-u tsãnji
daimalui tu irinji, di ispetea-a pãlãcãriilor a Dadãljei al Dumidzá, Tini unlu
vruitorlu di oaminji.
shi sã dghivãsescu aesti pãlãcãrii:
Prota pãlãcãrii ti Sãmtsãlji Amiradz Constantin shi Elena
Voi, Sãmtsãlji Amiradz Constantin shi Elena, dupã Dumidzálu shi Dada-
a Domnului, voi hits umutea-a noastã shi hãirea-a noastã; voi nã hits
harauùa-a noastã tu chiro di ghideri, voi nã hits apanghul tu nivolji shi nã
agiutats. Voi ti sãmtili mãnãstiri shi bãserits hits vigljitori; ti-atsea
ãnzãnucljem dininti-a vauùã cu lácãrnji, shi vã plãcãrsim s-nu trãdzets
mãnã s-nã agiutats noi nicãdãrlji; ma zburãts la Dumidzálu shi dip-
chischina Dadã shi daimalui Ghirghina Marii, cá shi noi s-nã veaglji fãrã di
ihlé shi tuts noi s-nã ãnvãrtusheadzã tu pistea, pãnã la bitimea-a banãljei, ti
ascãparea-a geanurlor a noasti. Amin.
Deftura pãlãcãrii ti Sãmtsãlji Amiradz Constantin shi Elena
Voi, Sãmtsãlji Amiradz Constantin shi Elena, atselji tsi hits cama
tinjisitslji di tuts amiradzlji, aleptsãlji al Dumidzá, cara ãnzãnucljem dininti-
a vauùã, cu lácãrnji vã plãcãrsim: Dats-nã ãmbunari shi-a nauùã, noi cari
him tu ghideri; voi zburãts dininti-a Sãmtãljei Treimi shi putets ta s-nã
agiutats. Agiutats-nã shi noi tora, trãdzets-li di la noi ghiderli shi nivoljli cari
cad pristi noi tu-aestã shcurtã banã shi vindicats-li niputerli-a noasti,
yitripsits-li lãngorli-a noasti, apuituits-u arãeatsa-a noastã, avinats-lji
ehtsãrlji-a noshtsã atselji vidzutslji shi nividzutslji. Agiutats-nã noi cá tu
irinji shi tu arãhati ta s-bãnám, agiutats-nã cu sãmtili-a voasti pãlãcãrii. Ti
ascãparea-a geanurlor a noasti spunets njilã cu noi tora, anda cu fricã shi
aplicãciuni vã dzãtsem ashi: Hãrsits-vã, voi pãrintsãlji-a crãshtinjlor! Amin.
Shi s-fatsi dizligarea.

BANA SHI FAPTILI-AL
COZMA ETOLIANLU – ATSEL NAFIMATLU
Cozma Etolianlu-atsel Nafimatlu s-featsi tu-anlu 1714 tu hoara Megadendron, tu Etoliea,

atumtsea tu Amirãriljea Turtseascã shi azã sum ocupatsiea-a Veacljiljei Pãshilãchi Turtseascã
– Gãrtsiea. Shi hoara Megadendron eara armãneascã shi pãrintsãlji-a lui eara Armãnji. Criscu
shi fu prãxit tu duh crãshtinescu. Anda avea yinghits anji dusi Ayi-Nor, iu s-featsi cãluğru tu
mãnãstirlu Filotei. Aclotsi fu shi mãnãpãtãsit ti ieromonah.
Cama-amãnat tricu Tsarigrad iu lucra pit bãseritsli shi horli di-anvãrliga. Tu-anlu 1775
s-turná Ayi-Nor. Cara li vizita mãnãstirili shi schiturli di-aclotsi, el ãlji urnipsea cãluğãrlji shi
niscãntu chiro tricu cu dghivãsearea-a cártsãlor dumidzeshtsã di-a sãmtsãlor pãrintsã. Ti
Vangheljlu zburã Sãrunã, Veria shi dzãlju cá tu tutã Machedoniea, deapoa tu Himara,
Acarnaniea, Etoliea shi tãshi pãnã di Arta shi Preveza, locãrli iu ma multsãlji di oaminjlji eara
Armãnji. Nai ma multu lucrá tu Zagora iu Armãnjlji ãlji urnipsea cá Dumidzálu zburashti cu
oaminjlji mash pi limba gãrtseascã shi draclu zburashti pi limba armãneascã. Di-atsea ispeti
Armãnjlji di Zagori furã pimtsã ta shi-u alasã limba armãneascã, ta sh-li alasã musheatili adets
armãneshtsã shi s-treacã la gãrtseasca. Di-atsea ispeti shi tu fimisea-a Armãnjlor armasi cu
numa di Nafimatlu. Pristi tut aduna multsã crãshtinji, cari li-asculta atseali tsi li spunea el, shi
ashitsi pãtu di-lji prãmãsi di-atsea tsi eara shi s-fãtsea Grets. El zbura simplu, cu arãhati shi cu
frunimeatsã. Di ispetea cá s-aduna multsã oaminji tsi nu-lji ãncãpea tu bãsearicã, Cozma zbura
nafoarã di horli, tu cãmpu. Shi-u avea adetea di nãinti sã spunã iu va sã zburascã: aclotsi bãga
mari crutsi di lemnu shi un pult di iu zbura el. Dicara bitisea cu zburarea ãl loa pultlu di iu
zbura, ma crutsea shi-armãnea aclotsi ta s-aducã aminti ti zburarea-a lui. Shi-aclo iu eara bãgati
crutsli taha s-fãtsea multi nishenji, minciunji tsi li asprãndea oaminjlji-a lui, propagandishtsãlji.
Mash pi nisiea Zachint ãl duchirã cá arãdi shi nu lu-apruchearã.
Deapoa tricu tu Arbinishii. Di initsiativa-a lui aclotsi s-dishcljisirã sculii, iu ficiorlji
ãnvitsa pi gãrtseashti shi-ashitsi s-lãrdzea propaganda gãrtseascã. Cu Cosma imna 40-50 di
iereianji shi cu-atsea ma multu acãtsa ocljilji la dunjeai.
Iu tsi s-dutsea Cosma Nafimatlu, pristi tut lji-nvitsa crãshtinjlji Dumãnica s-nu lucreadzã
shi s-nu pãzãrãpseascã, ma s-ducã la bãsearicã ta s-ascultã dgheavasi shi s-li avdã zboarãli-al
Dumidzá, cari preftsãlji li shutsa ti-anapuda shi fãtsea propagandã gãrtseascã.
Un pãshe dit Arbinishii ãl duchi dimunescul lucru-al Cosma Nafimatlu, lu-ncljisi shi fu
giudicat shi aspinfzurat anda avea sheaidzátsãtsintsi di-anji, pi dzuùa di 4 di-Agustu dit
calindarlu Iulian, tu-anlu 1779. Mini ãlji dzãc BRAVUS a tsilui PÃSHE!
Niscãnti di bãseritsli, cari lucreadzã ti aghenda-a propagandãljei gãrtseascã, ca sãrbeasca
shi valahuteasca, ãl fac aestu nafimat sãmtu pi 4 di-Agustu, stil iulian. Ti Armãnjlji mash easti
spus, ma nu lipseashti su-l facã.
Aestu-l bãgai ta su-l spun cã fu NAFIMAT ti Armãnjlji!

BANA SHI FAPTILI-A
SÃMTULUI OANI CUCUZEL
Sãmtul Oani,, cari ãlji si dzãtsi shi Cucuzel, cu noima “atsel cu glas anghilescu”, bãná tu
anjlji 1269-1360, tu chirolu-a amirálui Alexi Comnen. cã easti Machedon, ca easti Vãrğãr,
cá easti Grec, ama el easti Armãn. Factu easti shi atsea cá nica ari Armãnji, pit horli
armãneshtsã ca Samarina, Pirivoli shi alti di pri-aclotsi, a curã para-numa lã easti Cucuzeli.
Ama shi numa di Cucuzel nu yini di la arshinoasa “cucu-zelje”, ma di la “cucutsál” unã multu
musheatã lilici tsi creashti pit atseali locãri iu criscu sãmtul.
Cara eara fãrã di tatã, má-sa ãl deadi ta s-li ãnveatsã Sãmtili Scripturi, shi cara sã spusi
un gioni psif tu minti shi cu multu musheat/ dultsi glas. Ashitsi el fu aprucheat la sculiea
amireascã ti cãntãtori, di Tsarigrad, iu sã spusi biringilu tu profesionalismu shi cu darba-lji ti
muzicã, shi fu aleptu ti biringilu-a cãntãtorlor di\-a tsiljei sculii.
Amirálu, cara lji-u vidzu mãsturiljea tu psãltãseari, multu lji-intrá tu vreari shiv rea su-l
tsãnã cát cama aproapea di pãlata amireascã.
S-featsi unã oarã cá s-dusi vizitã la pãlata-a amirálui ğuminlu di la Mãnãstirlu Marea
Lavrã di Ayi-Norlu. Sãmtului Cucuzel multu lu-arisi imiradea shi bana-a cãluğrului, di cari
ispeti shi s-featsirã oaspits doilji shi-l plãcãrsi su-l ljea Ayi-Nor.
Ğuminlu, fãrã di sã shtibã cari easti gionli, ãlji taxi cá ma s-ducã el aclotsi va-l aproachi.
Sã spuni cá Oani Cucuzel sã-nviscu tu stranji veclji shi cu unã ciumagã tu mãnã s-dusi la ushea-
a Mariljei Lavrã shi cãftá ta s-veadã cu ğuminlu. El lu-apruche shi, cara ãlji lipsea un picurar
ti unã cupii ti cãparli, lu-apruche. Ãl tumsi shi-l featsi cãluğru, fãrã di su-l cãnoascã shi s-
ducheascã cari easti. Oani fu cu mari chefi shi multu shi-u vrea atsea banã. Ama s-featsi cá unã
dzuùã Dumidzá vru su-l da tu padi. Aclo iu li pãshtea cáparli, cara lj-si pãru cá nu-ari cari su-l
avdã, pisicá di cãmta cãntits tu cari s-alãvda Stã-Mãriea. Cáparli cara u-avdzãrã atsea boatsi,
s-adunarã anvãrliga di el shi nu pãshtea, ma lu-ascukta el. Ãnsus iuva, tu plai avea vãrã aschiti
tu vãrã pishtireauùã shi lu-avdzã shi-l vidzu atsel lucru shi-lji spusi a ğuminlui. Ãlji gri la el
ğuminlu shi lu streasi di spusi cari easti. Ama shi amirálu cari shi-u avea tu minti su-l ãnsoarã
cu vãrã featã di-a chihãeadzlor di ningã el, multu sã-nvirná di ispetea cá Oani Cucuzel s-chiru
di Tsarigrad. Pitricu oaminji su-l caftã. Oaminjlji s-dusirã shi ãntribarã shi la mãnãstirili, ma
nu-l aflarã. Dicara ãnvitsá ğuminlu tsi eara lucurlu, iara s-dusi la amirálu, ma tora ta su-l
pãlãcãrseascã ta sã-lji lu alasã aclo, s-nu-l ljea Tsarigrad. Amirálu, cara avdzã cá mirachea-al
Oani Cucuzel easti cá ta s-cãntã la Bãsearica-a Mariljei Lavrã, s-featsi di cãili shi ashi Oani
Cucuzel armasi Ayi-Nor ta s-cãntã la tuti liturghiserli di Dumãnitsli shi tuti sãrbãtuserli di-anlu
ãntreg.
Lipseashti sã si spunã un lucru ti ciudii tsi s-featsi tu bana-a sãmtului, anda di multu tsi
eara cãpãit, ãl furá somnul niheamã aclo iu cãnta ca psaltu tu bãsearicã bash tu oara anda s-
cãnta canonlu-ali Stã-Mãrii. Stã-Mãriea ãlji si spusi tu yis shi ãlji dzãsi: “Hãrsea-ti, Oane,
hiljlu-a meù, cãntã-nji a njeia dipriunã shi io nu va ti-agãrshescu tini”.
Shi-altã unã tihiseari ti ciudii s-featsi anda ãlji putirdzã unlu cicior di multu tsi shidea-
mprostu, shi Stã-Mãriea ãl vindicá shi-lji dzãsi: “Di-aoa shi-nclo s-eshtsã sãnãtos!”
Sãmtul Oani Cucuzel easti pricãnãscut ca ti patron spiritual a psaltishtsãlor shi-a

cãntãtorlor bãsericheshtsã. Tu istoriea-a muzicãljei bizantineascã, Oani tsãni un loc multu ti-
anami, cara easti nai ma marli mastur a muzicãljei psalticheascã. Prit creatsiili shi interpretárli-
a lui, cultlu-a psaltichiiljei lu-anãlrsá tu unã nauùã erã muzicologheascã, era pi cari s-bazeadzã
shi psaltichiea di tora.
Nai ma avdzãta creatsii-a lui easti cãntarea “Di multu prufitsãtlu”, cari fu interpretatã di
consacrats psaltsã shi grupuri di muzicã bizantineascã di cama-amãnat. Sãmtul Oani scoasi unã
carti cu titlul “Arta psalticheascã” tu cari fatsi shi analizã-a seamnilor muzicheshtsã, shi deadi
importanti explicatsii ti eali.
Sãmtul Oani Cucuzel ãl mãstrãpsi shi marli tserclju-a arãhotarlui muzichescu, cari avea
di nandreapta shi di nastãngã dauùã arãhoatari, a pisuprã shi pirghod alti dauùã arãhoatari, prit
cari lu stabili raportlu di-anamisa di glasurli bãsericheshtsã I-IV shi V-VIII.
Sãmtul Oani Cucuzel, aestu mari lutseafir a psaltichiiljeiu s-featsi prufectu prit unã banã
cu-aplicãciuni, chischinã shi ãmplinã di pãlãcãrii la Mãnãstirlu Marea Lavrã a Ayi-Norlui, shi
scãntiljeadzã ets ãntredz pi tser shi pristi loc, prit activitatea-lji di interpret shi compositor a
muzicãljei plasticheascã.
SAMTUL DAVID DIN SÃRUNÃ
26 di Cirishear
Aestu multu alãvdat pãrinti, anghilu di pristi loc shi omlu din tseruri, s-featsi shi criscu
tu avdzãta shi marea tsitati-a Sãrunãljei. El nica di njic trapsi mãnã ti tutã arãhatea trupeascã
shi cara s-arnisi di dunjeai shi di tuti dit dunjeai, lji-alãsá soea shi oaspitslji, tinjiea shi anamea
tsi lji-ari treatsitã, pãradzlji, averli shi itsido di altã tihi tsi lji-ari treatsitã, bileam shi geanlu-a
lui, ashi cum caftã Vangheljlu, shi trapsi pi calea-a Stopanlui, shi-u lo crutsea nica dit tinireatsa,
ti-atsea cá inima-a lui s-hãrni di tuti tsi eara dit sivdaea dumidzeascã. Scljeamã sh-lji tãlje perlji
din cap, cara s-featsi cãluğru, shi armasi tu mãnãstirlu-a Sãmtsãlor Macenits Teodor shi
Mercurii, cari lj-si dzãtsea Cunuliaton.
Aclotsi bãná tu isihii, s-tirinsea cama multu di un om shi u tinjisea cafi unã faptã bunã cu
multã hãshti. Shi cara li dghivãsea dumidzáshtsãli Scripturi dzuùã-noapti, s-ciudusea pi bunili
fapti-a sãmtsãlor di unã zãmani.
Shi cara tricurã ashitsi trei anji, anghilu-a Domnului ãlji si spusi-a lui shi-lji dzãsi:
“Davide, Domnul li-avdzã pãlãcãriili-a tali, shi ts-u da harea-aestã tsi di multu u cãftashi, icá
s-eshtsã fronim minduitor shi cu azapti, s-tsã hibã fricã di El shi su-L tinjiseshtsã cu mari tinjii;
ti-atsea dipuni di pi pom shi apuituea-ti tu unã chilii, su-L vluiseshtsã Dumidzálu, pãnã s-mori;
shi atumtsea va s-aflji arãhati di tirinserli trupeshtsã shi hãidipseari ti geanlu”. Shi tut chirolu
anda zburã anghilu cu el, pistimenlu asculta cu fricã shi aspãreat; a deapoa, anghilu cara s-
featsi afan, pistimenlu ãlji hristusi-al Dumidzá, shi dzãsi: “Vluisit easti Dumidzálu, Cari u-
apruché pãlãcãriea-a mea shi mi njilui!”
Atumtsea, cara lã gri a scularlor a lui, lã u spusi furnjisearea shi lã dzãsi sã-lji adarã unã
chilii dupã dimãndãciunea-a stopanlui; shi elji ãl bitisirã cu mirachi lucurlu cum lã eara
dimãndatã, shi ti-atsea lji spusi shi-a dipsãmtului arhiepiscop Dorotei. El, cara ãlji lo nai ma
bunjlji clerits, cara s-hãrsirã shi s-alinarã la ãmbistimenlu David, ãl bãshearã shi-l dipusirã di
pi pom shi cu dgheavasi ãl dusirã tu chiliea-a lui.
Vãrã gioni avea drac. Atsel s-dusi unã dzuùã la chiliea-a lui shi cara dãnãsi nafoarã, aurla:
“Ascapã-mi, Davide, tini sclavlu-al Dumidzá ti eta-a etilor, cá foc easi dit chiliea-a ta shi mi-
ardi mini”. Atumtsea, Davidlu cara shi-u teasi mãna prit geamlu-a lui, cara lu-acãtsá gionli-
atsel, dzãsi: “Domnul a nostu Isus Hristos, Hiljlu-a yiùlui Dumidzá, tsã dimãndã-a tsáia, duh
nichischin, s-eshi dit creatsiea-a Lui”! Cara li dzãsi-aesti shi cara ãl simná cu semnul a
Sãmtãljei Crutsi shi dinãoarã inshi demunlu, shi omlu shi-armasi sãnãtos shi tuts ãl doxãsirã
Dumidzálu. Shi featsi shi-alti nishenji!
Ahtarea fãtseari nishenji cara u-avdzãrã oaminjlji-a Sãrunãljei, ãntreglu cãsãbá lu-avu tu
mari ivlavilji, shi-l tinjisea ca un anghil dumidzescu shi multsã oaminji shi-aflarã felasi la el.
Shi cara fãtsea multi nishenji, fu tinjisit shi multu doxãsit di oaminjlji. Shi dupã ãndoi anji cara
muri Dorotei, mitropolitlu-a Sãrunãljei, fu aleptu un altu cu numa Aristid, tsi eara un om bun.
Ama tu-atsel chiró s-fãtsea tu Tesaliea mári znjiseri di barbarlji. Ti-atsea eparhul a Iliriclui ãlji
pitricu unã carti-a mitropolitlui ta s-ducã la vãsiljelu icá s-pitreacã vãrã om ta s-bagã Sãrunã un
eparhu, cá Sãrunã ari mash episcop. Shi Dip-asãmtsãtlu Aristid cara u dghivãsi cartea dininti-
a cleritslor shi-a celnitslor a tsitatiljei, lã dzãsi ta s-aleagã un om cu tãhmini shi zburãtor, ta su-
l pitreacã la amirálu cu-atsea furnjii.
Shi tuts furã di cãili su-l pitreacã Cuvioslu David. Shi el cãndãsi. Atumtsea, cara inshi dit
chili di trei ori paradistatlu, tuts ãlji si-ncljinarã; cá fatsa-a lui eara dip timirachi tu vidzutã,
perlji din cap lji-agiundzea pãnã di bãrnu shi barba pãnã di cicioari, shi fatsa lj-eara cu musheatã
vidzutã has ca al Avraam, shi tuts cari-l vidzurã, s-ciudusea. Shi David shi cu altsãlji agiumsirã
Tsarigrad shi s-arãi hãbarea ti vinita-a cuvioslui.
Tu-atsel chiró amirá eara ãndreptul Iustinian cari atumtsea bash s-avea dusã tu-altu loc,
a amiroanjea Teodora pitricu niscãntsã consilieri shi ashchirladz cu sulili shi lu-ashtiptarã cu
mari tinjii. Shi cara u vidzu ea atsea scãntiljoasã fatsã ca di anghil, s-ciudusi shi ãlji si-ncljiná
cu multã aplicãciuni, shi cãftá pãlãcãrii shi vluyii di la el. Shi cuvioslu s-pãlãcãrsi ti amirálu, ti
amiroanjea sh-ti ãntreglu cãsãbá. Shi amiroanjea lji-aptuché cu mari harauùã shi chefi, canda
avea aprucheatã un anghil di-a Domnului shi nu un om. Shi cara s-turná amirálu, amiroanjea
lji spusi ti vinita-a cuvioslui, cu-aesti zboarã: “Stopane, dipbunlu Dumidzá spusi njilã cu noi
shi azã la domniljea-a ta ãl pitricu anghilu-a Lui, cari vini din Sãrunã shi nj-si pãru canda
tavedghea ãl ved Avraam”.
Shi, alantã dzuùã, amirálu dimãndá ta s-adunã tut consiliùlu shi s-ducã shi cuvioslu. Shi
atsel cara inshi dininti-a amirálui, sh-bãgá tu pulmu cãrbunji apreshi shi deadi cu fimnjeamã,
shi-l deadi cu fimnjeamã shi amirálu shi tuts dit consiliùlu, fãrã di ici sã-lji si ardã mãna di foc,
sh-tsicara cá tricu cama di unã sãhati pãnã ãlji deadi cu fimnjeamã tuts oaminjlji adunats aclotsi.
Cara ãl vidzurã atsel lucru ti ciudii, tuts sã-nfricuirã; a amirálu, cara sã sculá di pi scamnu, lu-
ashtiptá cu multã tinjii.
Shi cara li lo cártsãli-a mitropolitlui amirálu-atsel bunacicul shi vruitorlu-a Hristolui li

dghivãsi tuti. Shi li featsi nu mash lucrili cãftati tu cártsãli, ma shi altili cãti li cãftá cuvioslu cu
gura shi cum eara arada lã bãgá shi vulã aroshi, shi ãlji li deadi-a mitropolitlui cu mãna-a lui
shi-lji dzãsi: “Tinjisite pãrinte, pãlãcãrsea-ti ti mini!”
Shi el trapsi ti-n Sãrunã, ama, ashi cum avea shi prufitsãtã, nu-agiumsi tu tsitati, ma, anda
eara dininti-a farlui, lã dzãsi-a scularlor a lui ashitsi: “Hiljlji-a melji, vini oara ti sonea-a mea!
S-li ãngrupats moashtili-a meali la mãnãstirlu iu bãnam shi s-li avets ãngãtan geanurli-a voasti,
ta s-dats di discurmarea ti eta-a etilor”.
Shi cara li dzãsi-aesti shi-alti buni ti geanlu, agiumsirã la mealu tsi lj-si dzãtsi Emboli,
shi di-aclotsi s-videa mãnãstirlu-a lui, shi cara mãtri cãtã la mãnãstirlu sh-featsi crutsea shi,
cara ãlji bãshe scularlji, sh-lu deadi geanlu tu mãnjli-al Dumidzá. Shi atumtsea anda muri,
trãdzea un vintu ti puvrii, shi di-aclo iu cãravea anuta ghini, ama, tsi ciudii, cãravea dinãoarã
dãnãsi la loc baia oarã, sh-tsicara cá bãtea vintul, shi ici nu s-deadi di la loc. Shi vini unã
anjurizmã musheatã di fimnjeamã shi tu erã s-avdza glasuri cari lu-alãvda Domnul shi cu
cãntári. Shi cara tricu baia oarã, glasurli mãnjisirã, shi deapoa ãnchisi shi cãravea. Ama nu s-
dusi, cum eara arada, tu portul, ma ãnchisi cãtã la partea dit Ascãpitata-a tsitatiljei, la loclu iu
pãngãnjlji li-avea arcatã maninti moashtili-a Sãmtsãlor Teodul shi Agatopod.
Shi-atumtsea, cara s-avdzã ti moartea shi ti adutsearea-a ãndreptului, inshirã dininti-a lui
oaminjlji tuts din Sãrunã ãn cap cu arhiepiscoplu shi, cara li purtarã cu multã tinjii moashtili-a
lui, li dusirã tu mãnãstir shi lã adrarã unã sfinduchi di lemnu cu patru choashcãri, tu cari li
bãgarã shi li-ngruparã cu tinjii. Shi deapoa u mutarã eparhiea-n Sãrunã, cum lã dimãndá
amirálu, a cuvioslu ãl iurtusirã anlu tut tu spuslu mãnãstir.
Shi cara tricurã 150 di-anji, eara aclotsi ğumin un om la loc cu numa di Dimitri, cari
multu ãl vrea. Atsel om, cara avea mirachi ta s-ljea unã cumãtici di sãmtili moashti-a lui, ta s-
u aibã ti asãmtsari, ãlji bãgá oaminjlji s-u sapã groapa; ama dinãoarã ploacea di pisuprã cripá
pi patru cumáts, shi cara vidzu el cá sãmtul nu cãndãseashti, ãl bãtãli lucurlu.
Scularlu-a lushtui ğumin, cu numa Serghii, cari s-featsi shi el ğumin shi, cama deapoa, ti
bunili fapti-a lui, s-featsi arhiepiscop a Sãrunãljei, multu ãl tinjisea atsel cuvios shi lji-avea shi
mari vreari. Atsel di multili ori ãl pãlãcãrsea, cara shi-u fãtsea pãlãcãriea, ta su-l ljeartã cá ta s-
ljea unã cumãtici di sãmtili moashti-a lui. Shi dealihea cá s-featsi di la Dumidzálu cá s-featsi
di cãili cuvioslu, u dizgrupá groapa shi dinãoarã inshi unã musheatã anjurizmã shi, cara ãl
vidzurã nica ãntreg nu cutidzá ta s-ljea vãrã cumãtici di el, ma mashi ãndoi peri din cap shi di
barba. Di-atumtsea, vruitorlji-a Hristolui casten ãlji vigljea atselji peri shi-lji bãshea pi dzuùa
anda ãl iurtusea, tsi s-fãrsea pi dzuùa di 26 di Cirishear. Atsea dzuùã u iurtusescu cafi an cu
giumbushi, shi lu-alavdã cuvioslu, ti doxa-a Tatãlui, a Hiljlui shi-a Sãmtului duh. Amin.

YI-DIMITRI DIN SÃRUNÃ
BANA SHI FAPTILI-ALYI-DIMITRI DIN SÃRUNÃ

Nai ma vecljili lucri ãnğrãpsiti ti bana-al Yi-Dimitri suntu dit secolu IX, sh-tsicara cá ari
picturi ti nishenjli-a lui nica dit secolu VII. Armãnjlji cara sh-lu lugursea di-a lor ãlji dzãsirã
shi Dimitri, ama shi Miturlu shi Medurlu shi ti-atsea meslu Octombri, tu cari mes pi náùlu
Calindar ãs iurtuseashti ãlji dzãsirã Su-Medurlu, tsi va s-dzãcã meslu-a Su-Medurlui, al Yi-
Dimitri.
Aestu sãmtu avdzãt shi fãcãtor di nishenji s-featsi Sãrunã di pãrintsã chibartsã shi tinjisits.
Scos cu pãlãcãrii di la Dumidzálu di pãrintsãlji cari nu-avea fumealji, Dimitri eara un shi tut la
pãrintsã, ashi cá fu prãxit cu mari mirachi. Fen-su eara vuivudálu-a Sãrunãljei shi anda muri
el, Dimitri fu bãgat ti vuivudá, tu loclu-a fen-sui. Anda ãl bãgá ti vuivudá, amirálu Maximian
casten ãlji dimãndá ta sã-lji avinã shi sã-lji spãstreascã crãshtinjlji din Sãrunã. Ama, Yi-Dimitri
nu mash cá nu lu-ascultá amirálu ma ca ti contra, ashichere u propoviduea crãshtinamea ãn
Sãrunã. Cara avdzã ti-ashitsi, amirálu Maximian multu ãlji chicá shi ‘nãoarã, anda s-turna dit
polim, s-dusi-n Sãrunã ta s-veadã el cum sta atsel lucru. El ãlji gri-a vuivudálui Dimitri shi-l
discusea ti pistea. Dimitri, apla dininti-a amirálui, sh-pricãnãscu cá easti crãshtin shi arcá
chetsari pi idoljlji-al Maximian Splinsit, amirálu lu-arcá Dimitri tu zãndani.
Cara shtea cá tsi lu-ashteaptã, Dimitri lji-u deadi tutã avearea-a lui a ãmbistimenlui scular
a lui Luplu (aestã numã spuni multu limbid cá shi Dimitri shi Luplu eara gairé di-atselji
latinizatslji di-a loclui shi putem s-lã dzãtsem cá eara protu-Armãnjlji, icá para-pãpãnjlji-a
Armãnjlor di-azã) cu dimãndãciunea ta s-u da la oarfãnjlji shi s-dusi ahapsi chifli, cara shtea
cá lu-ashteaptã patimati tu numa-al Dumidzá. Tu zãndani, al Yi-Dimitri ãlji si spusi un anghil
shi-lji dzãsi: “Irinji-a tsáia, tirinsitlu-a Hristolui. Spuni-ti gioni!” Dupã ãndauùã dzãli, amirálu
pitricu ashchirladz la zãndani ta su-l vatãmã Dimitri. Ashchirladzlji lu-aflarã Dimitri cum shi
spunea pãlãcãrii, shi zbura has ca David: “Dumidzali-m, nu mi-agãrshea ta s-mi agiuts,
ağunjisea-Ti, cá Tini eshtsã arãvdarea-a mea Doamne, Doamne, umutea-a mea dit tinireatsa-
nji. Tini mi-nvãrtusheai nica dit pãnticã, din sin la dada-mea. Tini eshtsã apanghul a mãù pãnã
s-bãnedz. Ti-atsea va sh-si hãrseascã gura-a mea, anda va Tsã cãntu shi limba-a mea dzuùa-
ntreagã va u spunã ãndriptatea-a Ta”, ama vãinitslji s-hiumãsirã shi lu spãnticarã cu sulili.
Mãrshea-a lui pi-acrifa u loarã crãshtinjlji shi tinjisit u-ngruparã. Scularlu-a lui, Luplu, li lo
cãmeashea atsea sãndzãnata shi nelu shi cu eali fãtsea multi nishenji shi multsã s-vindicarã di
multili lãngori. Traditsiea spuni cá shi dit mãrshea-a lui curá mir tsi yitripsea, cu cari multsã
lãndzidz s-yitripsirã.
Amirálu organizá alumtári shi un Lie, omlu-a amirálui multsã oaminji vãtãmá. Inshi
Nestor, bunlu oaspi shi sots al Yi-Dimitri shi-l vãtãmá. Deapoa shi Nestor li pãtsã idghili
patimati ca shi Yi-Dimitri. Shi el easti sãmtul a Bãsearicãljei a Hristolui.
Tu putsãn chiro, pisti moashtili-al Yi-Dimitri fu adratã unã njicã bãsearicã. ‘Nãoarã vini
vãrã vãsiljé dit Iliriea, Leontiù, cari eara lãndzid di lãngoari tsi nu lji-avea vindicari, ama cu
moashtili-al Yi-Dimitri shi cu pãlãcãrii dip s-vindicá. Tu loc di hristuseari, el lji-adrá al Yi-
Dimitri multu ma mari bãsearicã, shi sãmtul di dauùã ori ãlji si spusi tu yis. Cama amãnat, anda
amirálu Iulian vru cá ta s-li mutã moashtili-a lui di Sãrunã Tsarigrad, dit groapã bucnirã
scãntealji cu pirã shi s-avdzã boatsi: “Dãnãsits shi nu cãrtits!” Shi-ashitsi, moashtili-al Yi-
Dimitri ti daimalui armasirã-n Sãrunã.
Ca patronlu-a Sãrunãljei, Yi-Dimitri sã spusi bun di multili ori, shi lu-ascãpa cãsãbálu di
mári nivolji. Arushlji ãl lugursescu sh-ti patronlu-a Sibirlui, cari ãl cãlcarã shi-l alichirã di-
Arusiea tu-anlu 1581.
Cultlu-al Yi-Dimitri s-iurtuseashti tu Balcanlu-ntreg, iu s-cadi shi Machedoniea, iu multi
di bãseritsli u poartã numa-al Yi-Dimitri.
ACATISTLU-AL YI-DIMITRI
26 di Sumedru/ 08 di Brumar
Troparlu, glas 3
Ti mari-apurãtor tu piriclji ti-aflá dunjeai, tini cari ãlji tradz caimadzlji,

tini cari lji-anãchisishi pãngãnjlji. Scljeamã ashi cum fãduleatsa-al Lia u
frãmseshi shi ti-alumtã curajli ãl fãtseshi Nestor, ashitsi Ayisite Dimitri,
Dumidzálu Hristos pãlãcãrsea-L s-nã hãrzeasca-a nauùã mari njilã.
Condaclu 1
A dascalui a ãndreaptãljei pisti tu urnimii di-a Hristolui, a dãplãsitorlui

shi-a arshunãtorlui a pãngãnamiljei, a Izvurlui di mir, a Marlii Macenic
Dimitri, ashchirlálu di dealihealui a Hristolui, cari a Bãsearicãljei ãlji si spusi
ca soari shi mari apurãtor a pistimenjlor, tuts tora ãlji cãntári ti hristuseari
shi alãvdãciunji dit tut geanlu cu dor ahãndos ta sã-lji fãtsem sã-lji cãntám:
Hãrsea-ti, Izvurlu di mir, tini Marli Macenic Dimitri!
Icoslu 1
Pistea atsea hasa cara u-nvitsashi, tini Maceniclu Dimitri, di la

pãrintsãlji-a tálji, bãnashi pristi loc prit harea-al Dumidzá ca un anghil,
lunjinat tsi marturiseshtsã shi tuts lji-nvitsashi deapoa cu njilueri, cu
nicurmati pãlãcãrii shi cu pidimadz. Ti cari noi tsã li adutsem a tsáia aesti
cãntári ti-alãvdãciuni:
Hãrsea-ti, cá tini ca un anghil pristi loc bãnashi!

Hãrsea-ti, cá lunjinat Hristolu Ãl marturisishi!
Hãrsea-ti, cá dit pãrintsã bunji pistimenji fitursishi!
Hãrsea-ti, cá hasa pisti pãnã la moarti u tsãnushi!
Hãrsea-ti, cá prit preasini shi pãlãcãrii nicurmati, cu anghiljlji tsã
undzishi!
Hãrsea-ti, cá prit bunets shi lácãrnji, demunjlji ãlji ãnfricuishi!
Hãrsea-ti, cãrpolu fãrã di moarti-a tsitatiljei Sãrunã!
Hãrsea-ti, ãndrupãtura vãrtoasã-a Iliriclui!
Hãrsea-ti, siminãtorlu-a crãshtinamiljei!
Hãrsea-ti, tini cari u zmulseshi pãngãnamea!
Hãrsea-ti, cá tu piriclji-a dunjeailjei eshtsã-apurãtor!
Hãrsea-ti, cá-a tsilor cari cu pisti u-aù mintea la tini lã eshtsã etim ti-
agiutor!
Hãrsea-ti, Izvurlu di mir, Marrli Macenic Dimitri!
Condaclu 2
Cara avdzã amirálu Maximian cá fen-tu, macenice a Hristolui, muri cara

vru ta s-ti tragã shi tini s-mindueshtsã ca shi el, ti bãgá ta s-eshtsã cumandar-
proconsul, shi tini sh-tsi cá u loashi, ama cu mintiminiljea atsea tsi tsã fu data
di-analtu, cara li duchishi tirtichli-a lui, armãseshi cu harea-al Dumidzá shi
nu ti cãrtishi di-atseali, shi cãntashi: Aliluia!
Icoslu 2
Tini maceniclu di trei ori paradistat, nu vrushi s-u ascultsã

dimãndãciunea-a amirálui ta sã-lji vatsãnji tuts atselji cari ãlji si ãncljina-a
numãljei al Isus, ãncãrfãsitlu, ma sh-cama vãrtos lunjinat Ãl marturisishi
El. Shi ca un altu Pavlu tuts lji-nvitsashi cu sãmta pisti, a multa ãncljinari la
idolji, atsea fãr di Dumidzá dit zãrtsinji u zmulseshi. Ti-atsea hãrzeshtsã ta
s-li avdzã di la noi aesti:
Hãsea-ti, cá madan Dumidzálu, altu tsiva nu vrushi!

Hãrsea-ti, cá a mirachiljei a amirálui nu ti-ncljinashi!
Hãrsea-ti, cá Dumidzálu-atsel di dealihealui lunjinat Ãl marturisishi!
Hãrsea-ti, cá truplu-a táù giuneashti nu-l njiluishi!
Hãrsea-ti, tini cá pistea-a Hristolui u marturisishi!
Hãrsea-ti, cá dushmanjlji-a Crutsiljei lji-anãchisishi!
Hãrsea-ti,cá ti oaminjlji din Sãrunã altu Pavlu ti spuseshi!
Hãrsea-ti, cá elji cu pistea-a Hristolui lji-nvitsashi!
Hãrsea-ti, cá di tinjiea-a amirálui-tiranlu tsã pizuishi!
Hãrsea-ti, cá di urnimiili-a lui trãpseshi mãnã!
Hãrsea-ti, cá di pishcheshli-a lui ti-ağnusishi!
Hãrsea-ti, cá ti hasa pisti di-analtu tsã si pãlti!
Condaclu 3
Ãmplin cara fushi di pishcheshea-al Dumidzá, tini Maceniclu Dimitri,

cari ti lunjina shi ti fãtsea mintimen prit bunets, ca unã scarã tsi s-dutsea dit
puteari tu puteari, ti spuseshi livendu ashchirlá a Amirálui din tser, Isus.
Cara nu ti-aspãreashi di nicãdãrlu amirá di pristi loc, a Amirálui Hristos cu
boatsi ãlji cãntashi: Aliluia!
Isoslu 3
Cu mari hãshti u cãftashi ãndreapta pisti-a Hristolui, cari daima u-
avushi tu inima-a ta, tini arãvdãtorlu di tiránji. Shi, ninti cá ta s-yinã
Maximian Sãrunã, avearea-ts lji-u dideshi-a huzmichearlui a táù Luplu, ta
s-u ãmpartã pi la oarfãnjlji, a tini sãmte prit pãlãcãrii shi preasini, ti-
ndripseshi ti tirinsearea, shi shidzushi shi giuneashti ti minduishi; ti-atsea
tsã dzãtsem:
Hãrsea-ti, cá arushfetea-a amirálui ti dip tsiva u lugursishi!

Hãrsea-ti, cá lunjinat lã marturisishi-a tutãlor un Dumidzá tu Sãmta
Treimi!
Hãrsea-ti, cá di pistea-a pãrintsãlor a tálji yiró ti tsãnushi!
Hãrsea-ti, cá nu strãxishi ta s-hibã hulitã pistea-atsea hasa!
Hãrsea-ti, cá ti bãnãtorlji-a Sãrunãljei ti fãtseshi urnechi bunã!
Hãrsea-ti, cá isapea-a geanlui ghini u minduishi!
Hãrsea-ti, cá u-anãltsashi pistea-atsea di dealihealui!
Hãrsea-ti, cá nipistea dip u spãstrishi!
Hãrsea-ti, cá avearea-ts ti dip tsiva u lugursishi!
Hãrsea-ti, cá avearea tutã la oarfãnjlji u ãmpãrtsãshi!
Hãrsea-ti, ufelea shi agiutorlu-a miletiljei!
Hãrsea-ti, tini apurãtorlu tsi-a njeia multu ãnji lipseshtsã!
Comdaclu 4
Cara ãlji si featsi hãbari-a amirálui ti pistea-a ta, livende marturisitor,

vini-n Sãrunã, dininti-a curi cara dãnãsishi, cutidzarcu Ãl marturisishi
Hristolu, Dumidzálu didealihealui; shi multsãmea di dzadzlji pãmgãnji u-
atimusishi, di tsi el multu cara sã splinsi, dimãndá ta s-ti ãncljidã tu zãndani,
iu dicara intrashi tini, gean pistimen, al Dumidzá Ãlji cãmtashi: Aliluia!
Icoslu 4
Foc tsi dugureashti cara avushi tu geanlu-a táù, paradistate Macenic

Dimitri, di sivdaea-a Tsilui tsi tsã easti vrut, chifli intrashi tu zãndani,
shidzushi ca tu unã udai lunjinoasã ti pãlãcãrsishi shi psalmi cãntashi; ti cari
lucru avdi di la noi:
Hãrsea-ti, cá fushi ãnvãrtusheat cu harea-a Hristolui!

Hãrsea-ti, cá dushmanjlji, cu-arãvdari lji-anãchisishi!
Hãrsea-ti, cá ti Hristolu tu zãndani fushi bãgat!
Hãrsea-ti, cá demunlu lu-mpirusheashi!
Hãrsea-ti, cá zãndanea-a tsáia udai lunjinoasã tsã si spusi!
Hãrsea-ti, cá tu ea, cu cãntári doxologhii Dumidzálu Lu-alãvdashi!
Hãrsea-ti, cá tsã fãtseshi Crutsea shi cãcifoartica u cãlcashi!
Hãrsea-ti, cá ea cara fu cãlcatã nu pãtsãshi tsiva!
Hãrsea-ti, cá tu hasmã u-avushi potisea di pristi loc tsi tsã si deadi di
amirálu di pristi loc!
Hãrsea-ti, cá multu vrushi s-eshtsã ashchirli ãn tser!
Hãrsea-ti, cá a pãrintsãlor a tálji prit pãlãcãrii lã fushi dat!
Hãrsea-ti, cá tut cãsãbálu s-hãrsi anda ti-aflashi tini!
Condaclu 5
Amirálu pãngãn cara organizá agioacãri pit arena, multsã di crãshtinjlji

furã vãtãmats di un om, gioni pilivan, un aclotsi Lie, di fara-a Vandaljlor;
ahtarea unã fãrãdizãcunilji cara nu pãtu s-u strãxeascã crãshtinlu Nestor,
tinir shi cu seati, featsi irushi la tini tu zãndani, tsã spusi shi tsã cãftá vluyii
shi pãlãcãrii ta s-poatã su-l anãchiseascã; shi tiniAyisite Macenic, cara u-
avushi umutea la-Atsel tsi ti ãnvãrtushea tini, cara ãlji fãtseshi unã Crutsi,
ãlji dzãseshi: “du-ti, cá Lie va-l anãchiseshtsã sh-ti Hristolu va s-
marturiseshtsã” shi deadun va s-cãntats: Aliluia!
Icoslu 5
Tinirlu Nestor, prit tini cara u-avu umutea la Dumidzálu, Ayisite

Macenic Dimitri, cu irushi cara s-dusi tu arena, cu mari boatsi aurla: Lái Lie
yina s-nã alumtám noi doilji; shi amirálu, cara-l vidzu giunar shi undzit, ãlji
gri la el shi-lji dzãsi: “Nu vedz cãts vãtãmá Lie?”, shi vru su-l arãdã cu-
arushfeti ta su-l facã unã cu mintea-a lui. Ma el cara nu vru gri:”Dumidzálu-
al Dimitri, agiutã-nji!” Shi dinãoarã s-acãtsá tu bratsã cu Lie, shi lu-arcá pi
ãntruyisitili suli, lj-featsi amarã moarti. Shi-ashitsi s-featsi prufitsãljea-a ta,
Ayisite, ti cari ti-ashtiptám cu-aesti alãvdãciunji:
Hãsea-ti, cá fãduleatsa-al Lie u frãmseshi!

Hãrsea-ti, cá Nestor cu Lie ta s-alumtã lu-ncurajeashi!
Hãrsea-ti, cá prit semnul a Crutsiljei dzãseshi cá va-l anãchiseascã!
Hãrsea-ti, cá tu-amarã moarti lu-arcashi!
Hãrsea-ti, cá tinirlu Nestor tu Hristolu shi pãlãcãriili-a tali avu
ãndrupãturã vãrtoasã!
Hãrsea-ti, cá nu fu shi fãrã di unã umuti-a lui!
Hãrsea-ti, cá prufitsãljea-a ta, Ayisite, s-featsi!
Hãrsea-ti, cá shi Nestor Hristolu ãl marturisi!
Hãrsea-ti, cá el la arushfetsli-a amirálui nu fu di cãili!
Hãrsea-ti, cá shi-a lui ãn tseruri musheatã cãrunã ãlji isusishi!
Hãrsea-ti, cá la cumanda-a amirálui Marchian caplu ãlji fu tãljeat!
Hãrsea-ti, cá geanlu-a lui ãn tseruri la macenitslji fu ardãpsit!
Condaclu 6
Cara lj-si spusi-a cicnitlui amirá, cá tini, Maceniclu Dimitri, fushi

furnjiea ti cheardirea-al Lie multu sã splinsi, ma multu shi ma s-cãdea di pi
amirãriljea-a lui shi dinãoarã lã dimãndá a ashchirladzlor, shi tini ashitsi cu
sulili s-eshtsã spãnticat; ma tini, cari hãrzeshtsã alãvdãciuni, ashtiptai shi ti
mindueai la bunetsli tsi vrea li ãnchirdãseshtsã shi Ãlji cãntai al Dumidzá:
Aliluia!
Icoslu 6
Aclo iu shideai tu zãndani, livende macenic, mãtri cãtã la tini Dumidzálu

di-analtu ti mãtri prit anghilu-a Lui, cari tsã si spusi cu unã multu musheatã
cãrunã dit paradis, tu mari videalã, cari dicara u bãgá pi caplu-a táù, tsã
dzãsi: irinji-a tsáia, tirinsitlu-a Hristolui, Dimitri; ãncurajeadzã-ti fá-ti gioni
shi anãchisea-lji dushmanjlji-a tálji; shi tini, Ayisite, apãndãsishi: mi
hãrsescu cu Domnul shi hãrãcop mi fac cu Dumidzálu, Ascãpãtorlu-a meù;
apres di sivdaea-a Lui vreai ti El s-ts-u vershi sãndza-a ta, ti cari lucru noi
ti-alãvdám ashi:
Hãrsea-ti, cá aclo iu fushi tu zãndani, chifli ti spuseshi!

Hãrsea-ti, cá Hristolu din tseruri la tini mãtri!
Hãrsea-ti, cá di El, prit anghilji ti vidzu!
Hãrsea-ti, cá cu musheatã cãrunã dit paradis tu mari videalã la tini
vini!
Hãrsea-ti, cá videarea-a anghilui multu ti hãrsi!
Hãrsea-ti, cá el caplu cu cãrunã tsã-l ãncãruná!
Hãrsea-ti, cá cara u loashi cãruna, dit inimã hristusishi!
Hãrsea-ti, cá ehturlu multu lu-ağnusishi!
Hãrsea-ti, cá irinji, curaji shi veti prit anghilu loashi!
Hãrsea-ti, cá prit arãvdari fondator ti hasa pisti ti spuseshi!
Hãrsea-ri, cá cu El cara ti hãrsishi chifli ti spuseshi!
Hãrsea-ti, cá ti El vrushi sãndza s-tsã hibã virsatã!
Comdaclu 7
Cara lo ta s-apirã, intrarã ashchirladzlji tu zãndani la tini, marli

macenic, shi ti-aflarã chifli shi ti pãlãcãrseai, shi dinãoarã ahurhirã di ti
spãntica cu silili; a tini, tirinsite, cu suflit giunescu u mutashi andreapta
mãnã, shi prota sulã ti spãnticá tu coasti, shi tsã undzishi cu tradzirea-a
Hristolui, Domnul a táù, Atsel cu sula spãnticatlu; tu mãnjli-a Lui tsã-l
dideashi sãmtul gean a táù, shi cãntai: Aliluia!
Icoslu 7
Greù shi fãrã di njilã, ashchirladzlji lu spãnticarã truplu-a táù, tini

arãvdãtorlu di patimati a Hristolui, Marli Macenic, shi-ashitsi loclu arushi
di sãndza-a ta, sh-ti fãtseshi vidzut di-anghiljlji shi di oaminjlji; a tini, cara
ti pãlãcãrsishi di-ahãnda dit inimã, armãseshi pãnã tu soni cu hristuseari
arãvdashi shi nicãltinat dit hasa pisti; ti-atseali ljea-li di la noi aesti:
Hãrsea-ti, cá anda intrarã ashchirladzlji tu zãndani, ti-aflarã chifli sh-ti

pãlãcãrseai!
Hãrsea-ti, cá dinãoarã pisicarã s-ti spãnticã cu sulili!
Hãrsea-ti, cá cu suflit giunescu andreapta mãnã u mutashi!
Hãrsea-ti, cá prota sulã coasta ts-u spãnticá!
Hãrsea-ti, cá cu patimata-a Hristolui, Domnul a táù trãpseshi!
Hãrsea-ti, cá spãnticari tu coasti ca shi El avushi!
Hãrsea-ti, cá loclu arushi di sãndza-a ta!
Hãrsea-ti, cá ti vidzurã anghiljlji shi oaminjlji!
Hãrsea-ti, cá sulili chifli li-arãvdashi!
Hãrsea-ti, cá prit eali geanlu-ts tu mãnjli-al Dumidzá ãl dideshi!
Hãrsea-ti, cá vãrtos ca iamandu ti spuseshi!
Hãrsea-ti, cá pãnã tu soni, hristusinda di ahãnda dit inimã, ti
pãlãcãrsishi!
Condaclu 8
Tini maceniclu di trei ori paradistatlu, cara tsã-l dideshi sãmtul gean tu
mãnjli-a Domnului a táù, a Curi cu pistusini ãlji lucrashi, ti duseshi ta s-
bãnedz pit casili din tser, deadun cu ceturli di macenits, truplu-a táù arcat
fãrã di tinjii dzãca-mpadi, a niscãntsãlji di pistimenjlji cara s-dusirã noaptea
ãl loarã shi lu-ngruparã, shi tuts Ãlji cãnta al Dumidzá: Aliluia!
Icoslu 8
Dicara fu ãngrupat truplu-a táù, ãmbistimenlu-ts huzmichear Lupu, di

vrearea tsi ts-u avu, cara li lo paltul shi nelu muljeati tu sãndza-a ta, ayisite,
multi turlii di lãngori cu eali s-vindica shi duhurli-atseali pãngãnili s-avina;
ti cari ciudii cara ãnvitsá Sãruna tutã, apistul amirá Maximian dimãndá cá
shi paradistatlu Lupu s-hibã acãtsat shi sã-lji lu talji caplu; shi-ashitsi bunlu
huzmichear dupã stopanlu-lji, va s-dzãcã dupã tini, Ayisite Dimitri, s-dusi la
Domnul; ti cari noi tsã cãntám ashi:
Hãrsea-ti, cá truplu-a táù cara fu spãnticat armasi-mpadi!

Hãrsea-ti, cá creashticlu-ts Hristolu musheat lu-ncãruná!
Hãrsea-ti, cá fãtseshi tradziri di macenic!
Hãrsea-ti, cá cu macenitslji pit locãrli din tseruri eshtsã dipmãrit!
Hãrsea-ti, cá di-mpadi la-atseali din tser ti-anãltsashi!
Hãrsea-ti, cá isa cu macenitslji ti bãgashi tu metru!
Hãrsea-ti, cá al Lupu, ãmbistimenlu-ts huzmichear, paltul shi nelu ãlji
li dideshi!
Hãrsea-ti, cá prit eali len-turlii di lãngori vindicashi!
Hãrsea-ti, cá shi-al Lupu dupã dimãndãciunea-al Maximian caplu lj-lu
tãljearã!
Hãrsea-ti, cá dupã tini stopanlu-lji vini!
Hãtsea-ti, tini cari-a pistimenjlor eshtsã izvur nisicat ti nishenji!
Hãrsea-ti, cá ti demunjlji eshtsã arauùa-aranã ti vindicari!
Condaclu 9
Pristi groapa-a ta, ayisite, cara fu adratã unã njicã bãsearicã, tu cari s-
fãtsea multi nishenji shi turlii-turlii di vindicári ti lãndzidzlji, un chihãé
pistimen, un aclotsi Leontie, dit locãrli-a Iliriiljei, cara fu acãtsat di greauùã
lãngoari, fu adus shi bãgat aclo iu moashtili-a tali eara tu loc ascumti,
dinãoarã fu vindicate, shi sã sculá sãnãtos; ti tsi, hristusinda-lji al Dumidzá
shi-a tsáia, Ayisite Macenic, Dimitri, dip-mãrinda-ti, cãnta: Aliluia!
Icoslu 9
Cara vru vindicatlu chihãé Leontie s-adarã unã bãsearicã mari shi
musheatã, Ayisite Marli Macenic Dimitri, ca semnu di hristuseari, cara u-
asparsi atsea ma njica, pisicá di-l sãpa loclu ti fimeljlu. Ama, unã ciudii! Li-
aflá sãmtili moashti-a tali ãntredz shi niputirdzãti, shi dit eali cura mir tsi
anjurdzea musheat shi ti ciudii, iu cara s-aduná miletea, cu harauùa li
scoasirã dit loc, multsã lãndzidz s-vindica; shi Leontie ağnó harauùã, cara
adrá pi-ağunjii pi-atsel loc bãsearicã musheatã shi ti ciudii, tu ea li bãgá
tinjisitili moashti-a tali, tu multu scumpã sfinduchitsã, shi, cara nã hãrsim
shi noi ti-atse, tsã dzãtsem a tsáia ashi:
Hãrsea-ti, cá Leontie di lãngoari greauùã-l vindicashi!

Hãrsea-ti, cá el ti hristuseari bãsearicã tu numa-a ta adrá!
Hãrsea-ti, cá tini di la Dumidzá loashi hari ta s-fats nishenji!
Hãrsea-ti, cá truplu-a táù iara nã-l dideshi-a nauùã!
Hãrsea-ti, cá unã tsi truplu-ts inshi dit loc, mir tsi musheat anjurdzea
asprãndi la tuts!
Hãrsea-ti, cá multsã di len-turlii di lãngori ãlji vindicashi!
Hãrsea-ti, cá nãuntru tu bãsearicã truplu-ts cu tinjii prifteascã fu
bãgat!
Hãrsea-ti, cá ti-atsea pistimenjlji sh-si hãrsirã!
Hãrsea-ti, cá sãmtili moashti-a talã ãntredz s-tsãn!
Hãrsea-ti, cá atselji cari trag shi cu pistusini s-duc la eali, s-vindicã!
Hãrsea-ti, vaslu di mir tsi putes nu s-bitiseashti shi len-turlii di lãngori
vindicã!
Hãrsea-ti, cá dai hári-a tutãlor!
Consaclu 10
Ghini-pistimenlu Leontie, cara vru ta sh-si toarnã tu Iliriea, vru ta s-ljea

unã parti di ayisitili moashti-a tali, cá shi aclotsi tu patrida-lji s-adarã unã
bãsearicã tu numa-a ta, Ayisite; ma tini, cara ti spuseshi, ãl vãrghishi, ta s-
nu cuteadzã ta s-ljea tsiva, shi el cara ãl lo mash savanlu muljeat tu sãndza-
a ta shi unã parti di luguriili di malãmã, tu sfinduchitsa di malãmã li bãgá
shi, aclo iu imna, ãlji cãnta al Dumidzá: Aliluia!
Icoslu 10
Nishenji multi cara fãtseshi tini, prit savanlu-a táù, al Leontie cara lj-si
spuseshi calea, lu-ascãpashi di fãrtuna tsi lu-acãtsá anda ãl tritsea cu
oaminjlji-a lui arãùlu Istru, cara ãlji dzãseshi s-u ljea sfinduchitsa cu savanlu
tu mãnji shi s-nu s-asparã; ashitsi shi-a tutãlor cari yin la tini cu pistusini
eshtsã ti ufeli shi agiutor cu-ağunjii; ti tsi ashi tsã cãntám:
Hãrsea-ti, cá Leontie, cari di moashtili-a tali vru ta s-ljea, ãl vãrghishi!

Hãrsea-ti, cá savanlu muljeat tu sãndza-a ta, ti-apuituearea-a lui ãlji lu
dideshi!
Hãrsea-ti, cá di fãrtuna tsi lu-acãtsá, cara lj-si spuseshi, lu-ascãpashi!
Hãrsea-ti, cá cu savanlu-a táù arãùlu-l tricu shi nu pãtsã tsiva!
Hãrsea-ti, cá el, cara agiumsi Sirmion, tu bãsearica tsi tsã u-adrá, aestã
hari u deadi!
Hãrsea-ti, cá shi-aclotsi di nishenjli shi vindicárli-a tali multsã sã-
ndultsirã!
Hãrsea-ti, ca Marian, eparhul a Iliriiljei, di greauùã lãngoari ãl
vindicashi!
Hãrsea-ti, cá unlu tsi eara drãcusit lu-ascãpashi!
Hãrsea-ti, cá unlu di curarea-a sãndzãljei lu-ascãpashi!
Hãrsea-ti, cá agiunaticlu dit cãsãbálu-a táù ãl mãnjisishi!
Hãrsea-ti, cá oaminjlji din Sãrunã di piriclji lji-ascãpashi!
Hãrsea-ti, cá a tsilor cari vindea gãrnu, tavedghealui cara lã si spuseshi,
lã dzãseshi ta s-anoatã ti-n Sãrunã!
Condaclu 11
Shindan multu lunjinos cara suntu tinjisitili moashti-a tali, tini Izvurlu
di mir, Ayisite Mari Macenic Dimitri, curdisit tu mesea di bãsearicã, ãlji
lunjineadzã tuts atselji tsi cu pisti yin la eali. Ti-atsea fãrã di-ahtari unã
pishcheshi s-nu nã alashi shi noi, Ayisite, atselji tsi cu vreari nã aflám
dãnãsits dininti-a sãmtãljei icoanã-a ta, cu multã aplicãciuni cara nã-
ncljinám, cãftám s-him vigljeats di itsidó di fapti arali, sh-cama multu di
trumuxita frixi-a trimburariljei a loclui shi s-nã ãnvets sã-Lji cãntám al
Dumidzá, deadun cu tini: Aliluia!
Icoslu 11
Pistimenlu amirá Iustinian pitricu-n Sãrunã bãrbats tinjisits ta s-ljea unã

parti di ayisitili moashti-a tali, ti asãmtsarea-a bãsearicãljei cari diznáù u
adrá. Aclotsi cara agiumsirã elji sh-di sfinduchitsa-a ta cara s-apruchearã,
unã, nisheani! Dinãoarã inshi foc shi scãntealji di pirã cãtã la tuts shi silighi
unã boatsi dit foc tsi bãgá frixi shi dzãsi: “Stats shi s-nu cutidzats”; shi elji,
aspãreats, di fricã cãdzurã shi cara s-turnarã lj-li spusirã-a amirálui atseali
tsi s-featsirã, shi bãgarã ciuduseari la tuts; ti-atseali ti-alãvdám ashi:
Hãrsea-ti, cá foc shi scãntealji di pirã dit ayisitili moashti-a tali furã
vidzuti! Hãrsea-ti, cá aestã ciudii multsã ãlji trumuxi!
Hãrsea-ti, cá tu yis al Onisifor, atsel tsi li-aprindea videljli, ti spuseshi!
Hãrsea-ti, cá fapta-a lui, cu vreari ti oaminji, u vãrghishi!
Hãrsea-ti, cá-lji dimãndashi s-tragã mãnã di fapta-lji shi ta sh-si
pishmãnseascã!
Hãrsea-ti, cá el ãl fãtseshi ta sh-si arshuneadzã, dicara s-dishtiptá dit
somnu!
Hãrsea-ti, cá shi tu deftura oarã iara ãl vãrghishi!
Hãrsea-ti, cá di boatsea-a ta ca di bumbunidzari ãmpadi dzãca ca
mortu!
Hãrsea-ti, cá cara ãlji vinirã orli, singur shi-u spusi fapta-lji!
Hãrsea-ti, cá cara lu-aspãreashi, singur lã spusi-a tutãlor tsi featsi el!
Hãrsea-ti, cá cu nishenjli-a tali la dunjeai mari harauùã bãgashi!
Hãrsea-ti, cá vrei tuts ta sh-si ascapã di la Dumidzá!
Condaclu 12
Dãnãsit dininti-a Hristolui, Atsel tsi ti-nvãrtushe ti tirinseari, tini para-

alãvdatlu Marli Macenic Dimitri, di la El hari loashi ta sã-lji vindits tuts di
trãdzerli sufliteshtsã shi trupeshtsã; cara nã plãcãrsim a tsáia, Ayisite, ca
unlu cari ai multã cutizari, s-nu mãnjiseshtsã s-caftsã ascãpari sufliteascã ti
noi, cari u tinjisim a ta adutseari-aminti shi dipriunã cãntám: Aliluia!
Icoslu 12
Cu cãntári u tinjisim adutsearea-aminti-a ta, li paradistám patimatli-a

tali shi multa-arãvdari-a ta, li mãrim shi li-alãvdám nishenjli-a tali,
livindeatsa shi giunaticlu-a táù ni-azvimtu; ti vluisim ca un mari agiutor shi
vigljitor a dunjeailjei, tini Izvurlu di mir, Marli Macenic Dimitri, shi dit
inimã tsã li dzãtsem a tsáia aesti:
Hãrsea-ti, cá episcoplu acãtsat di barbarlji lu-ascãpashi!

Hãrsea-ti, cá el tu cãsãbálu-a táù Sãrunã ãl urnipsishi!
Hãrsea-ti, cá daùli atseali ghirghini, cari ãl cãsurã lishlu-a táù, li-
ascãpashi!
Hãrsea-ti, cá cu-atsel cari li-arichi maitapi ti-agiucashi!
Hãrsea-ti, cá dinãshunã li-aduseshi eali, deadun shi cu lishlu, la
bãsearica din Sãrunã!
Hãrsea-ti, cá atsel lish dininti-a iudimiljei ti alãvdãciunea-ts fu bãgat!
Hãrsea-ti, cá eali cara s-vidzurã dishtiptati ningã groapa-a ta s-hãrsirã!
Hãrsea-ti, cá atselji adunatslji aclotsi, di ciudii ansãrirã!
Hãrsea-ti, cá di multili ori cãsãbálu-a táù di urnjearea-a barbarlor lu-
ascãpashi!
Hãrsea-ti, cá multsã oaminji dit sclãviljea-a barbarlor lji-
ascãpashi!Hãrsea-ti, cá cu anghiljlji tsã fats moùbeti!
Hãrsea-ti, cá ti noi miletea la Stopanlu nã eshtsã samsarlu!
Condaclu 13
O, tini a Hristolui arãvdãtorlu-a tiránjlor, Izvurlu di mir, Ayisite Marli

Macenic Dimitri, aestã-a noastã njicã pãlãcãrii, tsi tsã u dzãtsem a tsáia tora
cu aplicãciuni, aproachi u, shi di lãngorli sufliteshtsã shi trupeshtsã shi di
ehtsãrlji tsi s-ved shi tsi nu s-ved, cu pãlãcãriili-a tali tsi Li-ari tu vreari
Dumidzálu, veaglji-nã, cá deadun cu tini tu eta tsi va s-hibã, sã-Lji cãntám a
Lui: Aliluia! (Aestu Condac s-dzãtsi di trei ori)
Deapoa iara sã spuni
Icoslu 1
Pistea atsea hasa cara u-nvitsashi, tini Maceniclu Dimitri, di la

pãrintsãlji-a tálji, bãnashi pristi loc prit harea-al Dumidzá ca un anghil,
lunjinat tsi marturiseshtsã shi tuts lji-nvitsashi deapoa cu njilueri, cu
nicurmati pãlãcãrii shi cu pidimadz. Ti cari noi tsã li adutsem a tsáia aesti
cãntári ti-alãvdãciuni:
Hãrsea-ti, cá tini ca un anghil pristi loc bãnashi!

Hãrsea-ti, cá lunjinat Hristolu Ãl marturisishi!
Hãrsea-ti, cá dit pãrintsã bunji pistimenji fitursishi!
Hãrsea-ti, cá hasa pisti pãnã la moarti u tsãnushi!
Hãrsea-ti, cá prit preasini shi pãlãcãrii nicurmati, cu anghiljlji tsã
undzishi!
Hãrsea-ti, cá prit bunets shi lácãrnji, demunjlji ãlji ãnfricuishi!
Hãrsea-ti, cãrpolu fãrã di moarti-a tsitatiljei Sãrunã!
Hãrsea-ti, ãndrupãtura vãrtoasã-a Iliriclui!
Hãrsea-ti, siminãtorlu-a crãshtinamiljei!
Hãrsea-ti, tini cari u zmulseshi pãngãnamea!
Hãrsea-ti, cá tu piriclji-a dunjeailjei eshtsã-apurãtor!
Hãrsea-ti, cá-a tsilor cari cu pisti u-aù mintea la tini lã eshtsã etim ti-
agiutor!
shi
Condaclu 1
A dascalui a ãndreaptãljei pisti tu urnimii di-a Hristolui, a dãplãsitorlui shi-a

arshunãtorlui a pãngãnamiljei, a Izvurlui di mir, a Marlii Macenic Dimitri, ashchirlálu
di dealihealui a Hristolui, cari a Bãsearicãljei ãlji si spusi ca soari shi mari apurãtor a
pistimenjlor, tuts tora ãlji cãntári ti hristuseari shi alãvdãciunji dit tut geanlu cu dor
ahãndos ta sã-lji fãtsem sã-lji cãntám: Hãrsea-ti, Izvurlu di mir, tini Marli Macenic
Dimitri!.
YI-DIMITRI ATSEL NÀÚLU BASARABOV
BANA SHI FAPTILI-AL

YI-DIMITRI ATSEL NÀÚLU BASARABOV
Unlu di-avdzãtslji reprezentantsã-a banãljei crãshtineascã, inshit di la-Armãnjlji, fu Yi-
Dimitri tsi lj-si dzãtsi “atsel nàùlu” icà “Basarab”, a curi oasi azã s-aflã tu catedrala-a
Patriarhiiljei di Bucureshti. Bãnà tu secolu XIII, scljeamã tu chirolu-a “Amirãriljiljei” di
Tãrnuva, adratã di-Armãnjlji sh-di Vãrğãrlji sum cumandãrsearea-a fratslor Petru shi Asan. S-
featsi tu hoara Basarabov, tsi s-aflã pi mealu-a arãùlui Lom, tsi s-vearsã tu Duna, aproapea di
cãsãbàlu Ruse. Pãrintsãlji a lui eara oaminji oarfãnji, cari nu pãturã ta su-l da sã-nveatsã carti,
shi ti-atsea, nica di njic fu pimtu singur ta shi-u scoatã pãnea ti bãnatic. Anji cu-arada li pãscu
vàtsli shi oili-a huryeatslor din hoarã, pi schinàrli di anvãrliga-a Dunãljei sh-pit verdzãli vàljuri
a arãùlui Lom. Bana tu-atsea naturã lji-u deadi ucazea-a tinirlui picurar daima s-lã si hãrseascã-
a mushutetslor a fisiljei tsi-ù mãtrea, shi lu-agiuta cà sh-nica ma multu s-Lu-aibã tu vreari
Creatorlu-a lumiljei vidzutã sh-nividzutã. Dumãnitsli shi sãrbãtorli s-dutsea deadun cu
pãrintsãlji shi-alantsã ãmbistimenji, la dyeavasili adrati tu bãsearica-a hoarãljei, shi-ashitsi
putea cà s-li ascultã-nvitsãturli tsi bagã pi cali-a Ascãpãtorlui Isus Hristos, a Sãmtsãlor
Apostolji a Lui shi-a Sãmtsãlor Pãrintsã. Atmosfera di-unã banã tamam crãshtineascã din casã,
cum shi-nvitsãturli tsi li-avdza tu bãsearicã ãl featsirã s-hibã mulac shi njilãos cu tuts oaminjlji
ca el. Tsãnea preasini shi daima sh-si pãlãcãrsea, ashi cum lji-u undzitã-a unlui bun crãshtin.
Multu lji-avea-ngãtan oarfãnjlji, a curi lã didea unã parti di mãcarea tsi-ù loa di la huryeats ti
mãtrita-a tutipãtãljei.
Cara lj-cãnãscu niscãntsãlji di cãluğãrlji di la mãnãstirili di-anvãrliga, avdzã ti bana-
atsea buna tsi-ù fãtsea elji, largu di dunjeai sh-di gaileadzlji-a ljei. Ashi cum crishtea cu-anjlji
sh-cu mintea, s-dishtiptà tu el mirachea ti bana cãluğreascã, sh-tsicara cà li fãtsea shi pãnã-
atumtsea, poati cà shi fãr di s-ducheascã, treili “urnimii” tsi lj-si cãfta-a cafi unlui cãluğru:
sãmtsãljea-a banãljei (virghineatsa), aplicãciunea (ascultarea) shi urfanjea. Ti-atsea, zate, tu
unã dzuùã, fudzi dit dunjeai, cu tuti-a ljei, shi “cara sh-lo crutsea”, s-featsi cãluğru tu un
mãnãstir di-aclotsi aproapea. S-curdisi tu unã pishtireauùã, pi mealu-a arãùlui Lom. Aclotsi sh-
tricu anji di dzãli tu preasini greali, apridunari shi pãlãcãrii, traptu didip di dunjeauùã sh-bileam
shi di-alantsã cãluğri. Nu sã shtii cãts anji bãnà tu-atsea pishtireauùã sh-nitsi cà cum shi scutea
el ti bãnatic, ashi cum nu sã shtii shi cãndu tricu tu bana ti daimalui. Ti un lucru putem ta s-him
siguri: cà el totna fu unã mustrã yii ti-aleaptã banã crãshtineascã ti-alantsã cãluğri sh-ti miletea
ca-mbistimenji.
Sã spuni cà anda s-duchi cà-lji vini oara, vini pi mealu-a Lomlui shi s-bãgà anamisa di
dauùã ploci di cheatrã ca tu sfinduchi. Shi-ashitsi sh-lu deadi geanlu tu mãnjli-al Dumidzà,
anvãrligat ca ti ciudii mash di sãmtsãlji anghilji.
Tsi-i sh-dealihea, una di cãntàrli bãsericheshtsã pi dzuùa-a iurtuseariljei a lui lji-u spuni
bana cu aesti zboarã: Ca un anghil pristi loc bana ts-u fãtseshi, tu preasini shi pãlãcãrii dzuùã
sh-noapti tsã bãnai, ta sã-lji frãndzã pirazmadzlji cu cari ti-alumtashi, ca un di dealihealui
ashchirlà al Dumidzà, a curi vreari Lji-u fãtseshi nica dit tinireatsã shi tuti scutidiserli li-
atimusishi. Ti-atsea shi noi cu pisti ti-alãvdàm sh-ti doxãsim”. (Mushutsãnda, la Dimneasticã).
Multsã-anji canã nu shtea ti treaca-a lui tu bana ti daimalui al Dimitri. Ama dupã unã
ploai mari, cãdzurã tu apa-a Lomlui shi-atseali dauùã ploci di cheatrã cu cari eara-anvãlit
truplu-a Ãmbistimenlui eremit. Aestu fu anvãlit di-arinã sh-di ceacãli, shi iara armasi unã iami
nishtiut di canã tu cupanjea-a arãùlui Lom. Ama eali nu li-acãtsà putirdzarea, ta s-hibã scoasi
deapoaea tu padi ca ti ciudii, cà ashi u-ndreapsi Dumidzà. Unã noapti, Ãmbistimenlu Dimitri
lj-si spusi tu yis a unãljei featã tinirã cari trãdzea di unã lãngoari greauùã, a curi lji spusi cà ma
s-vor pãrintsãlji a ljei ta s-lu scoatã dit apã, va s-hibã vindicatã di lãngoarea. Feata lã lu spusi-
a pãrintsãlor yislu-a ljei shi deadun cu elji shi altsãlji ãmbistimenji din hoarã s-dusirã la loclu
tsi insushi cuvioslu lj-lu-avea spusã tu yis a tsiljei featã. Tsi-i dealihea, aclotsi di-aradã ma sã
spunea unã altã turlii di videalã. Shi-ashi cum alãgarã salami u-aflarã tinjisita mãrshi-a
Ãmbistimenlui Dimitri ãntreagã sh-nimãcatã di loclu. Bunjlji crãshtinji dit hoara Basarabov,
deadun cu preftsãlji din hoarã, li dusirã tinjisitili moashti tu bãsearica din hoarã. Feata-atsea
lãndzida, cãt deadi di eali, dinãoarã s-featsi sãnãtoasã.
Hãbarea ti-aflarea-a tinjisitilor moashti-a lui s-asprãndi ağonjea pit horli di cãtã Notlu-
a Dunãljei, ma sh-di cãtã Aratsili di ea. Multsã di-mbistimenjlji di pi daùli mealuri s-dutsea tu
hoara Basarab ta s-lã si-ncljinã-a sãmtilor moashti shi sã-lji caftã-a marlii sãmtu agiutor shi sã
zburascã dininti-al Tatãlui din tser. Shi-ashitsi s-fãtsea tavedyea zboarãli-al Apostol Pavlu cari
lã ãnğrãpsea-a Corinteanjlor cà “Dumidzàlu lji-aleapsi atselji di-aradã dit dunjeauùa aestã ta
sã-lji anãchiseascã atselji vãrtoshlji, lji-aleapsi atselji atimusitslji ta sã-lji arshuneadzã atselji
fãduljlji” (I Corinteanji 1, 27-28). Dumidzàlu lu-aleapsi bash aestu Dimitri, mulac picurar sh-
deapoaea eremit, niloat tu metru di canã, ma el s-facã avdzãt deapoaea di tuts shi sã-lji caftã
agiutor shi apãnghiseari tu nivolji. S-featsi shi el cãdãr cu idyea tinjiseari has ca shi picurarlu
Amos cari s-featsi prufet, has ca David cari di picurar s-featsi vãsilje tu Israel, has ca picurarlji
di-anvãrliga di Betleem cari avdzãrã ti aflarea-a dumidzescului Ficiuric shi vinirã sã-Lji si-
ncljinã. Traditsiea spuni cà unlu di domnitorlji-a Tsarãljei Romãneascã adrà unã bãsearicã
nauùã tu hoara Basarabov, iu furã bãgati oasili-a Yi-Dimitri atsel Nàùlu, ta s-hibã tinjisiti di-
mbistimenjlji cari s-dutsea di-aradã tu hoara iu el u-avea vidzutã videala-a dzuùãljei.
Oasili-a nàùlui sãmtu-a Hristolui armasirã aclotsi aproapea tsintsi secoli. Anamisa di-
anjlji 1768-1774 s-featsi un greù polim anamisa di-Arushlji shi Turtsãlji, tsi s-featsi sh-pi loc
valahutescu, ma sh-di cãtã Notlu-a Dunãljei, pi locãrli-a vecljilui stat armãno-vãrğãrescu,
aspartu di Turtsãlji nica dit bitimea-a secolui XIV.
Gheneralu-arusescu Petar Salticov agiumsi cu ashcherli-a lui tu hoara Basarab. Ti-atsea
cà tinjisitili oasi s-nu hibã profanati di-ashchirladzlji turtseshtsã Musulmanji, gheneralu
dimãndà cà eali s-hibã dusi tu-Arusii. Anda agiumsi parataxea cu sfinduchitsa Bucureshti, un
pãrmãteftu avut cu numa di “Hagi Dimitrie”, s-pari un Armãn, ma shi mitropolitlu Grigorie II
a Tsarãljei Romãneascã, ãl plãcãrsirã gheneralu-arusescu s-li-alasã tinjisitili oasi-al Yi-Dimitri
atsel Nàùlu ti miletea valahuteascã shi-ti Mitropoliea-a statlui, ca unã apuitueari ti multili
znjiseri materiali shi patimatli tsi li trapsirã Valahutslji tu-atsel polim, sh-ma multu cara eara-
“Armãn” di soi. Cara lã u-avdzã mirachea, oasili furã bãgati cu mari tinjii tu catedrala-a
Mitropoliiljei di Bucureshti tu-Alunarlu, tu-anlu 1774. Mãna-andreaptã-a Sãmtului, iara, fu
pitricutã Kiev, iu s-pistipseashti cà easti shi-azã.
Shi-ashitsi, Yi-Dimitri atsel Nàùlu icà Basarabov s-featsi patronlu-a cãsãbàlui
Bucureshti shi-a ãntreagãljei Tsarã Romãneascã. Multi ghideri shi len-turlii di lãngori furã
vindicati dupã pãlãcãriili cu-ngricari dininti-a tinjisitilor oasi-al Yi-Dimitri. Tu chiro di xeri s-
aù adratã cu eali protsesiunji ti ploai. Cafi-an dicàri di njilji di-mbistimenji dit Capitala-a
Vlãhiiljei s-duc la dyeavasea ti-adutsearea aminti-a lui, tsi s-fatsi pi dzuùa di 27 di Sumedru.
Cara s-avu tu videari marea tinjiseari tsi lj-si adra al Yi-Dimitri atsel Nàùlu, sh-ma multu
Bucureshti, pi 28 di Shcurtu, tu-anlu 1950 Sãmtul Sinod u curmà gheneralizarea-a cultlui a lui
tu tutã Bãsearica Ortodoxã Rumãneascã. Aestã apofasi s-bãgà tu prahticã cu manifestàrli atseali
màrli-a bãsearicãljei tsi s-featsirã pi 27 di Sumedru, tu-anlu 1955, iu furã multsã ierarhanji
valahuteshtsã shi xinits shi multsã preftsã, cãluğãri shi bunji crãshtinji di Bucureshti sh-dit alti
locãri dit Vlãhii.
Di-atumtsea, aelaviea-a ãmbistimenjlor dit Vlãhii ti-aestu Sãmtu inshit dit soea
armãneascã criscu sh-nica ma multu. Fatsa-a lui easti zuğrãfsitã pi iconji, ma sh-tu bãserits, a
dyeavasea shi Acatistlu-a lui furã stãmbusiti di ma multi ori.
S-nã pãlãcãrsim sh-noi al Yi-Dimitri atsel Nàùlu ta s-nã hibã apanghu tu ghideri,
ascãpãtor di lãngori shi alti patimati, apuituitor tu caimadz shi ağonjea-ascultãtor anda nã
pãlãcãrsim cu-ngricari ta s-intrã anamisa ti noi la Hristolu Domnul. S-mãtrim shi noi ta s-him
ma mulats shi-aplicats cu inima, njilãoshi, ljirtãtori shi-mplinji di vreari ti oaspitslji, ashi cum
fu el insushi.
Bibliografii: Teofil Ionescu, Sfãntul Dimitrie cel Nou, Bucuresti, 1926; Vasile
Vasilache, Sf. Dimitrie cel Nou Basarabov, Bucuresti, 1941, 31 p.; Chesarie Gheorghiescu,
Sfãntul Dimitrie cel Nou, tu cartea Sfinţii români şi apàràtori ai legii stràmoşeşti, Bucuresti,
1987, fr. 272-280).
Dit cartea: Pr. prof. dr. Mircea Pàcurariu, Sfinţi Daco-Romãni şi Romãni, Ed.
Mitropoliei oldoveişhi Bucovinei, Iashi, 1994, fr. 171-175.
ACATISTLU-AL
YI-DIMITRI-ATSEL NÀÚLU BASARABOV
(27 di Sumedru)
Condaclu 1
Tini vigljitorlu-a nostu di nivolji. Ti multili fapti nishenji alãvdãciuni
ti hristuseri tsã-adutsem a tsáia, noi nicãdãrlji; shi-ashi cum eshtsã ti ciudii
shi dip-njilãos, ascapã-nã noi dit nivoljli tuti ta s-tsã cãntám a tsáia: hãrsea-
ti, Sãmtul Pãrinti Dimitri, tini tsi fats nishenji!
Icoslu 1
Anghiljlji din tseruri s-ciudusirã pi tini, Pãrinte Dimitri, anghilu di
pristi loc, cara yi vidzurã anda cu trup earai lu-anãchisishi demunlu atsel
fãrã di trup shi cara s-aspãrearã di nishenjli-a tali dãnãsirã shi tsã cãntarã
ahtári niscãnti zboarã:
Hãrsea-ti, atsel tsi eshtsã omlu-a tserlui!
Hãrsea-ti, atsel tsi fushi anghil di pristi loc!
Hãrsea-ti, cá t\nu ti-arãseshi di hãrãplãchea-a pãrã-pãpãnjlor!
Hãrsea-ti, cá bãnashi cama-nsus di fisea shi di omlu!
Hãrsea-ti, cá cu-aplicãciuni atseali analtili li-nchirdãsishi!
Hãrsea-ti, cá dushmanlu multu lishor lu-anãchisishi!
Hãrsea-ti, cá has ca shi Abel, curbánji prit pãlãcãrii anãltsashi!
Hãrsea-ti, atsel cari truplu-a táù sclavlu-a duhlui ãl fãtseshi!
Hãrsea-ti, atsel tsi ti fãtseshi yishtearea duhovnicheascã!
Hãrsea-ti, atsel tsi ti murashi tu-anãltsinji din tseruri!
Hãrsea-ti, tini tsi siminashi ayinji duhovnicheascã!
Hãrsea-ti, atsel cari di la tuts scots p;ucãeari ta s-hibã-ascãpats!
Hãrsea-ti, Sãmte Pãrinte Dimitri, tini tsi fats nishesnji!
Condaclu 2
Cara fu-anãltsat Sãmtul Dimitri tu era din tseruri, mãtreashti la-
atselji cari-l plãcãrsescu, cu buneatsã pãrinteascã, shi-u tindi njiluearea
ascãpari dit nivoljli tuti, ti tuts atselji cari Ãlji cãntã-al dumidzá: Aliluia!
Icoslu 2
Acãchisearea-atsea tsi nu s-acãchiseashti, cara cãftá cá pãngãnjlji s-u
acãchiseascã, nu lã si umpli caplu ti tinjisitili oasi-a tali, cum s-poati, unã
materii nu u-ascultã fisea shi truplu nu va ta s-putirdzascã; a noi cu pistusini
Hãrsea-ti, vaslu tsi ãmplin di Sãmtul Duh!
Hãrsea-ti, cathiolu dumidzescu, ixvurlu-a nishenjlor!
Hãrsea-ti, cá bãnashi unã turlii ca-atselji fãrã di trup!
Hãrsea-ti, cá duhlu-a táù ãl urnipsishi ti-atseali din tser!
Hãrsea-ti, cá tu tini putirdzarea u fãtseshi niputridzari!
Hãrsea-ti, cá tu tini cá a moartiljei lji spuseshi cá nu-ari puteari!
Hãrsea-ti, cá has ca Avraamlu tsã-alãsashi patrida shi pãrintsãlji!
Hãrsea-ti, cá ti curdishishi tu loclu-a tağmãljei!
Hãrsea-ti, cupacilu cu-aumbrã dumidzeascã!
Hãrseati, cá ti tuts ti fãtseshi prãndzu duhovnichescu!
Hãrsea-ti, cá bana ts-u dideshi ca altul un Isaac!
Hãrsea-ti, cá minduearea-a mãduùãljei a ta u-anãltsashi la
Dumidzálu!
Hãrsea-ti, Sãmnte Pãrinte Dimitri, tini tsi fats nishesnji!
Condaclu 3
Unã puteari tsireascã cara li-aumbreadzã sãmtili oasi-a tali, sãmte
pãrinte, ca dit un soari li siligheashti arádzli-a pishcheshlor ti tuts atselji cari
da cu mãna di eali, shi tuts cara ãlji vindicã di lãngorli, Ãlji cãntám al
Dumidzá: Aliluia!
Icoslu 3
Cara u-avem sfinduchitsa cu sãmtili oasi-a tali, ãmbistimene pãrinti,
ca la un izvur ti pishcheshi nã hiumãsim, ti cari lucru ascapã-nã, sãmte, di-
atselji cari nã acot mintea din cap shi daima s-tsã dzãtsem:
Hãrsea-ti, tini cari ti spuseshi azãptisitorlu-a patimatlor!
Hãrsea-ti, tini cari lu-anãchisishi demunlu-a scutidiljei!
Hãrsea-ti, tini cari nã-ascãpashi noi dit sclãvilji has ca Avraam Lotlu!
Hãrsea-ti, cá hiljlji-ali Agari didip lji-avinashi!
Hãrsea-ti, cá noi ca altul un Isaac nã fats clirunonji!
Hãrsea-ti, cá Ismailu-atsel nipistimenlu, lu-avinashi ca un contrash!
Hãrsea-ti, cá has ca Lot ti-alinashi pi muntsãlji tsi fac fapti buni!
Hãrsea-ti, cá ti multsã oaminji ti spuseshi fimeljl ti-mbunari!
Hãrsea-ti, cá nu ti dideshi acãtsat tu Gomora-a patimatlor!
Hãrsea-ti, cá prit tini ascãpám noi di pira-a pirazmadzlor!
Hãrsea-ti, cá nu mãtrishi la-atseali di pristi loc!
Hãrsea-ti, cá prit buna ğrãpnii Lj-fãtseshi huzmeti-a Hristolui!
Condaclu 4
Cara nã-aputursirã spida di multsãlji pirazmadz shi fãrtunjli di multi
nivolji, sãmte, cu pistusini nã hiumãsim la tini, cá, prit pãlãcãriili-a tali, s-li
prifats tuti tu bunã-arãhati shi-ashitsi, prit tini, sã-Lji cãntám al Dumidzá:
Aliluia!
Icoslu 4
Cara avdzãm noi, sãmte pãrinte, ti bana-ts dumidzeascã, li vidzum shi
nishenjli-a tali shi, cara nã-ndultsim di-adratili bunets a tali tsi nã li spunji
tut chirolu, pistipsim tu cutidzarea-a ta cãtã la Dumidzálu, ti cari tsã zburãm
a tsáia, ahtári niscãnti zboarã:
Hãrsea-ti, iatre cu tãhmini ti lãndzidzlji!
Hãrsea-ti, ascãparea-a drãcusitslor!
Hãrsea-ti, vãrtusheatsa-a lãndzidzlor!
Hãrsea-ti, dascalu-a tinirlor!
Hãrsea-ti, stranjlu-a tsilor fãrã di cutidzari!
Hãrsea-ti, ãmbunarea-a ãnvirnatslor!
Hãrsea-ti, tini cari-ağonjea lji-ascultsã atselji tsi ti plãcãrsescu!
Hãrsea-ti, tini tsi daima lji-ascachi atselji tu piriclji!
Hãrsea-ti, fimeljlu vãrtos a [istiljei a noastã!
Hãrsea-ti, dascalu-atsel náùlu-a chischinãljei banã!
Hãrsea-ti, cá di mirachi lji-u fãtseshi huzmeatea-al Dumidzá!
Hãrsea-ti, cá-Lji undzishi-a Lui cu bunlu bãnatic!
Condaclu 5
Calea di Dumidzálu imnatã, cara nã u spuseshi-a nauùã cu patimatli
dit bana-a ta, sãmte, tuts noi nã-nvets, cá prit mintiminiljea shi cu
chischineatsa-a Duhlui cara sã-lji gãtsem huzmeti-al Dumidzá, sã-Lji
cãntám a Lui: Aliluia!
Icoslu 5
Cara u vidzurã Sãmte Dimitri, oaminjlji di Basarabi videala tu apa-a
arãùlui Lom lugursirã cá easti unã yishteari; ama, dicara li scoasirã sãmtili
moashti-a, cara vidzurã cá fats nishenji sh-ti tuts zvonji vindicári, cara s-
aspãrearã tuts, tsã zbura-a tsáia ashitsi:
Hãrsea-ti, yishtearea di Basarabo!
Hãrsea-ti, tini cari u-asãmtsãshi apa-a Lomlui!
Hãrsea-ti, cá iaremlu-atsel lishorlu-a Domnului pi-anumir Àl loashi!
Hãrsea-ti, cá iaremlu-atsel lishorlu-a tutãlor lã lu spuseshi!
Hãrsea-ti, cari cu-ndriptati ãlji badz pi calu atselji cu bunã minti!
Hãrsea-ti, ascãpãtorlu-a featãljei drãcusitã!
Hãrsea-ti, harauùa tsi nu lji-avea spuneari-a pãrintsãlor a ljei!
Hãrsea-ti, vãrtusheatsa-a surárlor a bunjlor oaminji!
Hãrsea-ti, cá prit tini sã-nvitsarã s-li tinjiseascã atseali cu ivlavilji!
Hãrsea-ti, cá-l bãgashi pi bunã cali Lavretii cicãrdãsitlu!
Hãrsea-ti, cá tuts lji-nvets s-poartã cu tini cu-ndirseari!
Condaclu 6
Marturisitorlji-a Hristolui, hiljlji-a tálji duhovnicheshtsã suntu
marturlji ti nishenjli-a tali, sãmte pãrinti; ti-atsea, pishcheshi ti hristuseari
cu vãrtoasã boatsi Al Dumidzá Lji-anãltsám, cãntãndal-Lji: Aliluia!
Icoslu 6
Cara scãntiljeashi tini tu loclu-a nostu, u-avinashi scutidea-a
pãngãnamiljei, shi puvelea-a lui, cara nu u strãxi Vinita-ts, cãdzu; shi-atselji
cari ascãpám di-atsea, tsã dzãtsem ahtári niscãnti zboarã:
Hãrsea-ti, tini tsi u surpashi pãngãnamea!
Hãrsea-ti, ãndrupãtorlu-a crãshtinamiljei!
Hãrsea-ti, cá has ca Moisi u tsãnji stapuga-a crutsiljei!
Hãrsea-ti, cá nã li spunji-a nauùã seamnili-a anãchiseariljei!
Hãrsea-ti, cá Faraonlu-atsel nividzutlu ãl nicashi tu-amarea-a
lácãrnjilor a tali!
Hãrsea-ti, cá-atsel vtsi s-veadi lu-ngrochi tu scãntiljearea-a faptilor a
tali!
Hãrsea-ti, sturlu di foc a pistiljei!
Hãrsea-ti, cá nã urnipseshtsã tu loclu-a taámãljei!
Hãrsea-ti, niorlu-avros shi cu bunã-aumbrari!
Hãrsea-ti, cá bãnám tu statlu-a nostu cum buna-ts apãnghiseari!
Hãrsea-ti, cá tu chisati nã saturi!
Hãrsea-ti, cá tut chirolu nã dai agiutor cãt lipseashti!
Condaclu 7
Cara vru Dumidzálu cá ta s-nã-mbuneadzã ti multili nivolji shi ghideri
ti deadi s-nã eshtsã apanghu; ma noi ti lugursim tini shi ca pãrinti shi ca un
nishenji tsi fats; ti-atsea, cara Ãlji hristusim ti nispusa buneatsã, Ãlji
cãntám: Aliluia!
Icoslu 7
Spusi iatsã nauùã, Creatorlu cara ti pitricu tini la noi tsi him faptsã di
El; cá foclu-a polimlui shi-a sclaviljiljei s-asteasi, dushmanjlji cu-arshini lji-
adusi pi cali shi lãngoarea-a pushcljiljei ca fum chiru; a noi ascãpatslji di-
aesti, dipriunã tsã dzãtsem a tsáia:
Hãrsea-ti, atsel cu hãshti ca un altu Iljé!
Hãrsea-ti, cá has ca el bãnashi tu irnjii!
Hãrsea-ti, cá lu-anãchisishi prufetlu-a minviunãljei!
Hãrsea-ti, cá s-arshunarã atselji tsi u-ndreapsirã minciuna!
Hãrsea-ti, cá u-astiseshi znjearca pirã-a polimlui!
Hãrsea-ti, cá lu-ağãliseshtsã greùlu pon!
Hãrsea-ti, cá prit tini nã si da ploili anda lipseashti!
Hãrsea-ti, cá prit tini nã si da tuti tsi nã suntu lipsiti!
Hãrsea-ti, tini tsi tsã adrashi unã yishteari di bunets!
Hãrsea-ti, cá prit ea ti-alinashi analtu-n tseruri!
Hãrsea-ti, cá nu stranjili ma truplu-a táù nã lu-alãsashi!
Hãrsea-ti, cá pprit el li-avem atseali tsi nã lipsescu!
Condaclu 8
Cara u vidzum bana naxinatã, s-nã naxinãm di pristi loc, cara nã u
dusim mintea-n tser, cá ti-atsea Dimitri sãmtul al Dumidzá ari bãnatã cu
naxinari ta s-nã ãnveatsã el noi s-bãnám ca shi el shi cara nã u dusi mintea
la-atseali dit anãltsinji, sã-Lji cãntám al Dumidzá: Aliluia!
Icoslu 8
Cara fushi cu tuti atseali di pristi loc, mintea-ts di canã turlii nu ts-u
dizlichishi di-atseali din tser, shi, cara trãpseshi mãnã di truplu-a táù sh-di
dunjeai, lu-anãchisishi demunlu. Shi tora, cara ti ftseshi urtaclu-a bunetslor
din tseruri pãlãcãrsea=L Dumidzálu tin oi cari ti tini dzãtsem ashi:
Hãrsea-ti, mintea tsireascã tsi lucrili cu multu ma di-ağonjea li vedz!
Hãrsea-ti, mirachea tsi li-aproachi pishcheshli di duh!
Hãrsea-ti, dip-sãmtul Samuil!
Hãrsea-ti, Davidlu dip-mulaclu!
Hãrsea-ti, cá ti ftseshi coardã cu dauùã lipidz a Domnului!
Hãrsea-ti, cá=l tãeashi cu ea Goliatlu cu multili-mpiltituri!
Hãrsea-ti, cá prit cãilãchea-a mintiljei ãlji fãtseshi huzmeti-a
Dumidzálui!
Hãrsea-ti, cá geanlu-ts chischin ãl dideshi-a Creatorlui a táù!
Hãrsea-ti, tini tsi li-aspulbirashi multi di lãngorli!
Hãrsea-ti, yomo cari li-anãchisishi patimatli!
Hãrsea-ti, cá nã u spunji calea ti cãtã la-amirãriljea tsi nu lji-ari
chireari!
Hãrsea-ti, cá prit tini li-nchirdãsim bunetsli la cari nã si dutsea
umutea!
Condaclu 9
Cara vinim noi miletea-ntreagã crãshtineascã, sã-lji pricãdem a dip-
vrutlu-al Dumidzá Sãmtul Dimitri: avutslji la oarfãnlu cdi duh, oarfãnjlji l-
atsel tsi-lji fatsi-avuts, sãnãtoshlji la vigljitorlu; lãndzidzlji la iaturlu ti fãrã
pãradz, ãndreptsãlji la-atsel tsi li-ndreadzi lucrili shi-amãrtioshlji la-atsel tsi
bagã pi cali bunã shi tuts deadun sã-Lji cãntám al Dumidzá: Aliluia!
Icoslu 9
Retorlji-atselji masturi cu tãhmini-a moùbetiljei sã spun dininti-ts
taha suntu amuts, cá nu dshtiù sã spunã cum dit tinjisitili oasi-a tali, cara
armasirã niputirdzãti, tora zvoami bunã-anjurizmã shi vindicári di multili
turlii; a noi vara videm unã ciudii ahtari, tsã dzãtsel”
Hãrsea-ti, apostolu shi propoviduitorlu-a nostu!
Hãrsea-ti, dascalu shi-atsel tsi nã badz pi cali bunã!
Hãrsea-ti, cá prit faptili-a tali zburãshi ti Hristolu!
Hãrsea-ti, cá ti fãtseshi lishlu-a tunuseariljei a tutãlor sh-di hãiri!
Hãrsea-ti, tini cu scãntiljoasa videalã!
Hãrsea-ti, ağunjisita ãmbunari-a tsilor tu piriuclju!
Hãrsea-ti, cá truplu-a táù nã lu-alãsashi ca un cathio asãmtsãt!
Hãrsea-ti, cá, cara inshim dininti-a oasilor a tali, duhlu nã gioacã!
Hãrsea-ti, cá ma li bãshem, lom vluiseari!
Hãrsea-ti, cá cara dám di eali nã umplem di sãmtsãlji!
Hãrsea-ti, cá, unã tsi nã-apruchem di eali, nã vindicám di lãngori!
Hãrsea-ti, cá, ma nã-ncljinám la eali, di piriclji ascãpám!
Condaclu 10
Cara vru Creatorlu ti iatsãli tuti ta s-nã ascapã di dubãraea-a
ehtsãrlor, ti pitricu cãt un apostol la noi, cá prit tini sã-nvitsám ta s-fudzim
di dubãráili tuti di pristi loc shi prit banã chischinã, car ava nã apruchem di
Dumidzálu, sã-Lji cãntám: Aliluia!
Icoslu 10
Stizmã eshtsã ti pistimenjlji shi culã tsi nu s-da di la loc ti tuts atselji
cari sã-ndrupáscu di tini, cá Creatorlu-a tserlui shi-a loclui ti featsi tini mari
sac ti hári duhovnicheshtsã; ti-atsea, ca la unã vãrtoasã ãndrupãturã, neam
noi, shi cu bunã umuti tsã li dzãtsem aesti:
Hãrsea-ti, omlu-al Dumidzá!
Hãrsea-ti, tini cari li fats dimãndãciunjli-al Dumidzá!
Hãsea-ti, tini vãrtusheatsa-a bunãljei pisti!
Hãrsea-ti, icoana cu gean ti bana chischinã!
Hãrsea-ti, tini sturlu ti-ndrupari tu piriclji!
Hãrsea-ti, ãndrupãtura nidatã di la loc ti umutea!
Hãrsea-ti, cá minciunea u scuseshi tu padi!
Hãrsea-ti, cá nã-ascãpashi di piriclji cu mari cutidzari!
Hãrsea-ti, cá aclo iu bãnedz pi tseruri ãl vedz Dumidzálu!
Hãrsea-ti, cá aclotsi dimi bãnedz ti diznjirdedz tu harauùa-a Lui!
Hãrsea-ti, cá eshtsã chihãé aclotsi ãndzeanã!
Hãrsea-ti, cá di-aclotsi nã mãtreshtsã noi, noi cari him dighos!
Condaclu 11
Cãntári shi hristuseri cu geanlu tut, prit tini lji spunem al Dumidzá,
sãmte pãrinti, cari, cara li-aproachi, cu tutã ceata di-mbistimenji ãl
plãcãrseshtsã Hristolu ta s-nã duruseascã cu ljirtari, ascãpari di-amãrtii shi
njilueari pi dzuùa-a giudicariljei, noi atselji cari Ãlji cãntám: Aliluia!
Icoslu 11
Unã lãmbadã tsi poartã videalã eshtsã tini anamisa di dip-pistimenjlji
shi deadun bãnedz cu sãmtsãlji tuts. Bash cu-aesti s-hãrseashti cu tini, Sãmte
Dimitri, shi Tatãl din tseruri deadun cu Hiljlu shi cu Sãmtul Duh, a noi cu
pistea, cara li videm aesti, tsã dzãtsem:
Hãrsea-ti, harishea mushuteatsã-a pisyimenjlor!
Hãrsea-ti, dultsili pidimo a eremitslor!
Hãrsea-ti, atsel cu idghili adets cu Onufrii!
Hãrsea-ti, atsel idghul cu Pavlu Tebeùlu tu nivolji!
Hãrsea-ti, Pavlo, cu nicãbãtlãchea shi fãtsearea-a ciudiilor!
Hãrsea-ti, cu Ammon, cu Atila shi cu Agatonii!
Hãrsea-ti, cu Antim, cu Amonata shi cu Amonii!
Hãrsea-ti, deadun cu Grigorii Decapolotlu!
Hãrsea-ti, cu Nicodim pãrintili-a nostu atsel asãmtsãtlu!
Hãrsea-ti, pãrintili-a nostu daima ti-agiutari!
Hãrsea-ti, ağunjisitlu ascãpãtor a nostu!
Condaclu 12
Hriste amirá, aproachil samsarlu-a nostu shi realizatorlu-a
dimãndãciunjlor a Tali, cari Ti pãlãcãrseashti, ta sã-lji dai a Bãsearicãljei a
Ta unearim musheatã irinji la dunjeai shi-astindzeari ti dispãrtsãrli; s-nu nã
dai la dushmanjlji-a noshtsã, ni cu mãna-Ts s-nu nã cheri; cá Tini ezhtsã
Dumidzálu-a nostu shin oi him miletea-a Ta, di la cari avdzã: Aliluia!
Icoslu 12
Cara cãntsã deadun cu anghiljlji, cu cuvioshanjlji shi cu tuts sãmtsãlji
dininti-a Sãmtãljei Treimi, adu-nã aminti shin oi cari yinim la tini, sãmte,
shi, car ava nã ascachi di tuts pirazmadzlji shi car ava nã fats izoti ti
Amirãriljea din tseruri, s-tsã li dzãtsem a tsáia aesti:
Hãrsea-ti, mirgeana din tser al Dumidzá!
Hãrsea-ti, iamandul scãntiljos a arãvdariljei!
Hãrsea-ti, lilicea nimãrãnghisitã-a paradislui!
Hãrsea-ti, fimnjeama cu bunã-anjurizmã-a hariljei!
Hãrsea-ti, smirna duhovnicheascã cu dultsi balsamari!
Hãrsea-ti, mirlu tsirescu tsi nã umplji cu bunã anjurizmã!
Hãrsea-ti, vaslu-mplin di buneatsã tsi nu moari!
Hãrsea-ti, hãmamea tsi lu-aspealã tuti nivoljli!
Hãrsea-ti, amonjea ti-atselji tsi-anoatã tu amarea-a banãljei aestã!
Hãrsea-ti, atsel tsi-lji badz pi buna cali atselji tsi puvilescu cu bunã-
ndriptati!
Hãrsea-ti, cãftata vindicari ti trupurli-a noasti!
Hãrsea-ti, scumpa ascãpari ti geanurli-a noasti!
Condaclu 13
O, dip-cuvioslu pãrinti, Sãmte Dimitri purtãtorlu –al Dumidzá, tora
cara va u ljeai aestã pishcheshi di pãlãcãrii di la noi, ascapã-lji dit tutã
nivoljea shi-ascapã-nã di scãnjisearea tsi va s-yinã, tuts atselji cari Ãlji
cãntã-al Dumidzá: Aliluia! (Aestu Condac s-dzãtsi trei ori)
Deapoaea s-dzãc Protlu Icos shi Protlu Condac.
Icoslu 1
Anghiljlji din tseruri s-ciudusirã pi tini, Pãrinte Dimitri, anghilu di
pristi loc, cara yi vidzurã anda cu trup earai lu-anãchisishi demunlu atsel
fãrã di trup shi cara s-aspãrearã di nishenjli-a tali dãnãsirã shi tsã cãntarã
ahtári niscãnti zboarã:
Hãrsea-ti, atsel tsi eshtsã omlu-a tserlui!
Hãrsea-ti, atsel tsi fushi anghil di pristi loc!
Hãrsea-ti, cá t\nu ti-arãseshi di hãrãplãchea-a pãrã-pãpãnjlor!
Hãrsea-ti, cá bãnashi cama-nsus di fisea shi di omlu!
Hãrsea-ti, cá cu-aplicãciuni atseali analtili li-nchirdãsishi!
Hãrsea-ti, cá dushmanlu multu lishor lu-anãchisishi!
Hãrsea-ti, cá has ca shi Abel, curbánji prit pãlãcãrii anãltsashi!
Hãrsea-ti, atsel cari truplu-a táù sclavlu-a duhlui ãl fãtseshi!
Hãrsea-ti, atsel tsi ti fãtseshi yishtearea duhovnicheascã!
Hãrsea-ti, atsel tsi ti murashi tu-anãltsinji din tseruri!
Hãrsea-ti, tini tsi siminashi ayinji duhovnicheascã!
Hãrsea-ti, atsel cari di la tuts scots p;ucãeari ta s-hibã-ascãpats!
Condaclu 1
Tini vigljitorlu-a nostu di nivolji. Ti multili fapti nishenji alãvdãciuni
ti hristuseri tsã-adutsem a tsáia, noi nicãdãrlji; shi-ashi cum eshtsã ti ciudii
shi dip-njilãos, ascapã-nã noi dit nivoljli tuti ta s-tsã cãntám a tsáia: hãrsea-
ti, Sãmtul Pãrinti Dimitri, tini tsi fats nishenji!
SÃMTULUI IERARH DOSOFTEI
BANA SHI FAPTILI-A SÃMTULUI IERARH DOSOFTEI

Sãmtul Ierarh Dosoftei s-featsi tu-anlu 1624 Suceava tu fumealjea Barilá, di soi
armãneascã. Pãrintsãlji-a lui Leontie shi Misira, crãshtinji shi bunji pistimenji, avea soi shit u
Transilvaniea shit u-arãdzãmlu-a Liovlui, tu Lehiea, tuts asprãndits Armãnji dit Balcanlu. La
pãtãgiuni, a njiclui lj-si deadi numa Dimitri, ti-atsea cá s-featsi aproapea di 26 di Sumedru,
anda Bãsearica ãl iurtusea Yi-Dimitri, sãmtul martir dit tsitatea-a Sãrunãljei dit ahurhita-a
etãljei 4. Tinirlu Dimitri Barilá ãnvitsá carti cu nai ma avdzãtslji dascalji dit Moldaviea shi la
sculiea-a Frãtsãljiljei Ortodoxã di la Mãnãstirlu Stã-Mãriea-atsea Marea di Liov. Cara eara cu
harea ti-nvitsari tinirlu gioni ãnvitsá ghini carti. Cu multã mirachi li-nvitsá Sãmtili Scripturi
ama shi multi limbi - gãrtseasca, latineasca, slavoneasca, leheasca shi ucraineasca shi ti-atsea
putea s-li traducã cártsãli bãsericheshtsã pi valahuteashti. Tu-anlu 1649 s-featsi cãluğru cu
numa Dosoftei.
Cara s-featsi avdzãt cá easti-nvitsat, ieromonahlu Dospftei fu aleptu ti arhiereù. Tu-anlu

1658 s-featsi episcop Hushim dupã un an tricu pi scamnul di dispoti di Roman, a tu-anlu 1671
fu aleptu ti mitropolit a Moldaviiljei. Imir shifronim, analtul ierarhu ãlji bãga pi ciudii tuts cu
mintiminiljea-lji shi buneatsa.
Protili cártsã tsi li stãmbusi furã Psaltirea tu stihuri shi Acatistlu-a Dadãljei al Dumidzá
(1673). Cara s-featsi avdzãt ca teolog, featsi alãxeri la tradutsirea adratã di spátarlu Nicolae
Miclescu la Vecljul Testamentu, textu tsi va s-hibã bãgat tu Bibliea di Bucureshti, dit anlu
1688.
Dicara u-adusi la loc tipografiea di Iashi, Mitropolitlu Dosoftei stãmbusi alti cártsã
bãsericheshtsã shi cártsã ti-nvitsari: Dumidzeasca liturghii (1679 shi 1683), Psaltirea ti-
acãchiseari (1680), cu textu parallel pi valahuteashti shi slavoneashti, Molitvenic ti-acãchiseari
(1681). Anamisa di-anjlji 1682-1686 u tradusi dupã cártsã gãrtseshtsã shi slavoneshtsã shi u
stãmbusi pi valahuteashti Bana shi faptili-a sãmtsãlor, tu patru tomuri. Cartea armasi nibitisitã
di ispetea cá fu avinat tu Lehiea. Aestã carti multu lipsitã ti misiea-a B7searicãljei u spuni darba
ca mari carturar a mitropolitlui Dosoftei ama u spuni shi vrearea-lji ti sãmtsãlji shi ti
asãmtsãljea.
Mitropolitlu Dosoftei anjlji dit soni di bana-a lui di pristi loc ãlji bãná largu di
Moldaviea. Aclotsi u dusi ninti lucrarea-lji di carturar shi totna sh-tsãnea ligãturã cu ierarhanjlji
ortodocshi dit Moldaviea sh-di Kiev. Ca picurar di crãshtinami-ndreaptã shi curbani, sãmtul
ierarh cu nãmuzi li-arãvdá tuti ghiderli shi ni-agiundzirli shi u-avea ãngãtan comunitatea-a lui
ortodoxã tsi s-afla tu Lehiea. Sãmtsãljea-a banãljei a lui scãntiljea nu mash pristi hiljlji dit
cupiea-lji ca picurar, bileam shi vãsiljelu Ian Sobieski s-dutsea di-aradã la castrul di Stryi, iu
bãna sãmtul mitropolit a Moldaviiljei, ta s-ljea parti la dgheavasili cu taifa-lji shi ta sã-lji facã
bunã tinjii. Sh-piningã presiili tsi lj-si featsirã, sãmtul ierarh Dosoftei nu cãndãsi s-facã uniat
shi armasi orthodox pãnã la moarti, pi 13 di-Andreù tu-anlu 1693. Dit marturiljli-a cãluğrilor
cari ãlji featsirã sutsatã tu surghuni sã shtii cá shi shtea cãndu lipsea ta s-ducã la nimoartea grit
di Dumidzálu. Imirlu ierarh Dosoftei fu-ngrupat la Bãsearica “Aflarea-a Domnului” di Jolkiev,
tu Ucraina.
Cara tricu pristi cap multi ghideri shi patimati tu bana-aestã tsi treatsi, sãmtul mitropolit
Dosoftei a Moldaviiljei shi-armasi pristi ets teologlu-a ãntreagãljei Ortodoxii, ierarh cu banã
sãmtã shi ninãstricut ãnvitsãtor a bunãljei pisti pi limba-a miletiljei a lui.. Lunjinat di harea-a
Sãmtului Duh, el cu sivdai ãlji lucrá a Bãsearicãljei a Ascãpãtorlui Hristos, cu aplicãciuni shi
fapti ti ciudii, shi tora s-pãlãcãrseashti-n tseruri ti geanurli-a noasti.
Cu sãmtili pãlãcãrii a lui, Doamne Isuse Hriste, Hiljlu-al Dumidzá, njiluea-nã noi!
ACATISTLU-A
SÃMTULUI IERARH DOSOFTEI,
Doxã-a Tsáia, Dumidzálu-a nostu, doxã-a Tsáia.
Amirá din tseruri, Tini Hãidipsitorlu, Duhlu-a averlui, Cari pristi tut
eshtsã shi tuti li fats, tsi eshtsã Yishtearniclu-a bunetslor shi cari dai banã,
yina shi curdisea-Ti anamisa di noi shi chischinipsea=nã noi di tuti láschili
shi ascapã-li, Bune, geanurli-a noasti
Sãmte Dumidzali-n, Sãmte vãrtos, Sãmte fãrã di moarti,
Njiluea-nã noi (trei ori).
Doxã-a Tatãlui shi-a Hiljlui shi-a Sãmtului Duh shi tora shi daima shi
Dip-sãmtá Tremi, njiluea-nã noi. Doamne, chischinipsea-li amãrtiili-a

noasti. Stopane, ljeartã-li fãrãdizãcuniljli-a noasti. Sãmte, vedz-li shi
vindicã-li niputerli-a noasti, ti numa-a Ta.
Doamne njiluea (trei ori). Doxã-a Tatãlui shi-a Hiljlui shi-a Sãmtului
Duh shi tora shi daima shi ti eta-a etilor. Amin.
Tatã-a nostu, Cari eshtsã-n tseruri, la sã Si-asãmtsascã numa-a Ta,, la

s-yinã amirãriljea-a Ta, la sã si facã vrearea-a Ta, cum pi tser ashitsi shi
pristi loc. Pãnea-a noastã di cafi dzuùã, dã-nã u a nauùã azã shi ljeartã-nã li
alutuserli, ashi cum shi noi lã ljirtám a tsilor cari nã alutusescu. Shi nu nã
du tu pirazmadz, ma ascapã-nã di atsel aráùlu. Ti pãlãcãriili-a Sãmtsãlor a
Pãrintsã-a noshtsã, Doamne Isuse Hriste Hiljlu-al Dumidzá njiluea-nã noi.
Amin.
Condaclu 1
Adutsearea-ts aminti cari adutsi videalã, ierarhe a Hristolui, hãrsea-li

geanurli-a ãndreptsãlor pistimenji; cá tini psif tulmaci a ãndreaptãljei pisti
shi lunjinãtor a limbãljei valahuteascã ti spuseshi. Ti-atsea, tuts s-hãrsescu
shi ti-alavdã shi tsã cãntã: Hãrsea-ti, Sãmtul ierarh Dosoftei, lunjinãtorlu-a
zboarãlor!
Icoslu 1
Ca unlu tsi purtashi anãchiseari ti-ncãrunarã ceturli di-anghilji

ierarhe Dosoftei, cá, sh-tsicara cá tinir, ti spuseshi psif cu mintea, shi inima-
a ta shi-aflá loc birichitli, cá dicara u lo semea di dealihealui didedeshi njilji
di ori ma multu. Ti-atsea, ca unlu di dealihealui lãcãrtor a lucrilor
duhovnicheshtsã ti pãlãcãrsim: ãnvãrtusheadzã shit u ininjli-a noasti hári
tsi nu lã ari moarti di-a bunãljei pisti, a nauùã cari tsã cãntám:
Hãrsea-ti, lãcãrtor ãmplin di mintiminilji!

Hãrsea-ti, scular prufec a bunãljei faptã!
Hãrsea-ti, iatsa imirã shi bunacicã!
Hãrsea-ti, picurar ağnò chefi ti lucru!
Hãrsea-ti, mustra-atsea yiea ti buneatsã!
Hãrsea-ti, harauùa-a tsilor fãrã di harei!
Hãrsea-ti, tini cari u vrushi bana cu ligufami shi chischinã!
Hãrsea-ti, mindueara fronimã!
Hãrsea-ti, Sãmte ierarh Dosoftei, lunjinãtorlu-a zboarãlor!
Condaclo 2
Cu mari harauùã tu gean ti doxãsim, Sãmte Pãrinte, ti-atsea cá u-

alãsashi casa pãrinteascã shi la Mãnãstirlu Probota ti fãtseshi cãluğru ti
lucrili duhovnicheshtsã tu cari, cu multa-ts shteari, , ãlji nãstricushi atselji
tsi ti-nvitsa. Ti-atsea, shin oi, cara-l vidzum aestu musheat lucru, cu harauùã
ãl mãrim Dumidzálu shi cãntám: Aliluia!
Icoslu 2
Lu-arisi Domnul pidimolu-a táù, shi ti-aleapsi ta s-eshtsã asãmtsãt ta

sã-Lji lucredz cu mirachi shi cu pisti nica dit tinireatsa. Ti-atsea cutidzám ta
s-tsã spunem alãvdãciunji ca aesti:
Hãrsea-ti, cilãstãsitorlu ti lucrili cãluğreshtsã!

Hãrsea-ti, fronimlu pãlãcãrsitor cu-anghiljlji din tseruri!
Hãrsea-ti, cá u-alãsashi casa pãrinteascã!
Hãrsea-ti, cá dit tinireatsã u-alipseshi bana cãluğreascã!
Hãrsea-ti, cá li-alãsashi chirãturli dit dunjeai!
Hãrsea-ti, cá ti-nviscushi cu hárli dumidzeshtsã!
Hãrsea-ti, cá ti chischineatsa-a ta harea prifreascã u loashi!
Hãrsea-ti, cá al Dumidzá cu multã vreari Ãlji lucrashi!
Condaclu 3
La tini daimalui umutea u-avem, Sãmte Pãrinti, cá cu multã ahti fushi
ta s-ti tsãnji di pirmifili-a pãrintsãlor cu bunili hári. Ti-aestã shin oi ãl
cãftám agiutorlu-a táù, cá prit pãlãcãriili-a tali s-li fãtsem dimãndãciunjli
dumidzeshtsã shi sã-Lji cãntám al Dumidzá: Aliluia!
Icoslu 3
Cu muta cilãsteari niseshi ninti tu pistea, vrearea shi pãlãcãriea sh-ti

fãtseshi izoti ta s-eshtsã tatã duhovnichescu shi ahurhitorlui a comunitatiljei
di Probota. Fushi cãlãuzlu ti cãluğrilji ti la Hristolu, shi-lji ãnvãrtusheashi
ti buni lucre shi ãnvitsari-a Sãmtãljei Scripturã, u criscushi bana
duhovnicheascã. Ti-aestã ljea-li di la noi aesti zboarã ti-alãvdari:
Hãrsea-ti, o, duhovnichescu tu trup di pristi loc!

Hãrsea-ti, lishlu ãmbunãtãtsit a cinlui cãluğrescu!
Hãrsea-ti, cá ti spuseshi cá eshtsã loc bun shi birichitli!
Hãrsea-ti, fidana crehtã, aradza chischinã-a Bãsearicãljei!
Hãrsea-ti, videala-a cãluğrilor!
Hãrsea-ti, cãlãuzlu-a ãmbistimenjlor!
Hãrsea-ti, tini cari-l vrushi pidimolu!
Hãrsea-ti, tini dascalu cu multã pistusini!
Condaclu 4
Di ispetea-a multãljei montiminilji-a ta, ierarh di Hushi shi Roman

fushi aleptu, iu cu multã hãshti shi vreari cãtã Dumidzálu li mutashi
bãseritsli shi mãnãstirili, duhovnicheashti ãlji mãstrãpsishi tuts atselji cari
ãlji pãscuhi cu arãvdari shi buneatsã, Ãlji cãntám al Dumidzá: Aliluia!
Icoslu 4
Cara ti fãtseshi izoti pi potisea di arhiereù, ti spuseshi urnechea ti

dgheavasi, ti imiradi shi njilã, a noi cara nã hãrsim tsã dzãtsem a tsáia:
Hãrsea-ti, tulmacilu-a Sãmtilor Scripturi!

Hãrsea-ti, duhovnichescul poet a Psaltiriljei!
Hãrsea-ti, ttini traducãtorlu-a Liturghiiljei!
Hãrsea-ti, tini cari ti pãlãcãrseshtsã deaduncu anghiljlji!
Hãrsea-ti, cá li-adrashi unã pãlãcãriea cu fapta!
Hãrsea-ti, cá ãlji njiluishi oarfãnjlji!
Hãrsea-ti, tini tsi ti hãrseshtsã tu Bãsearica tsi-anãchiseashti!
Hãrsea-ti, cá di la Amirálu Hristos ljeai vluyii!
Condaclu 5
Cara ti ftseshi tatã duhovnichescu shi picurar ti ãntreaga Moldavii,

lji-atimusishi tuts cu multa-ts mintiminilji, ashi cum shi cronicarlu
ãnğrãpseashti. Di soi armãneascã cara fushi, , izoti shi omir ca njel, shteai
multi limbi sã zburáshtsã. Ti-atsea ti multili hári-a tali Ãlji cãntám al
Dumidzá: Aliluia!
Icoslu 5
Mari carturar ti spuseshi, has ca shi Sãmtsãlji Pãrintsã, cari ãlji

vrushi. Cá lunjinat cara fushi cu mundzãli-a mintiminiljiljei ma iusti sh-di
shtearea, Sãmtili Scripturi shicártsãli relighioasi pi limba-a miletiljei li
traduseshi. Ti-aestã noi, nicãdãrlji, ti tinjisim shi dzãtsem ashi:
Hãrsea-ti, hiljlu shi tatãl duhovnichescu-a Moldaviiljei!

Hãrsea-ti, tini arhiereùlu lunjinat cu videalã tsireascã!
Hãrsea-ti, tatál duhovnichescu-a cãluğrilor!
Hãrsea-ti, Arhipicurarlu-a Mitropoliiljei!
Hãrsea-ti, tini teologlu-a Sãmãljei Scripturã!
Hãrsea-ti, tini oaspili-a Sãmtsãlor Pãrintsã!
Hãrsea-ti, tini tulmacilu-a sãmtilor dgheavasi!
Hãrsea-ti, tini cari zburãshi cá miletea ta s-ti acãchiseascã!
Condaclu 6
Sãmte Ierarh Dosoftei, cara ti spuseshi cá u vrei mushuteatsa,

zboarãli-a psalmistlui David tu dultsi versuri valahuteshtsã li tricushi shit u
geanurli-a pistimenjlor li siminashi. Ti-aestã, cara li duchim iamishili-a
cilãstãserlor a tali, al Dumidzá, cari li deadi multili hári, Ãlji cãntám:
Aliluia!
Icoslu 6
Cara li-avdzãrã pistimenjlji versurli-a tali timirachi, ininjli-a lor

loarã árchi di dumidzescul dor, cá featsishi tu eali ta s-fiturseascã pistea cari
lucreadzã shi fatsi fapti buni shi vrearea-atsea cãtã Dumidzálu. Ti-atsea,
cara u vidzum harea-ts dumidzeascã, tsã dzãtsem:
Hãrsea-ti, birbilj cu cãntits dultsi!

Hãrsea-ti, tini tsi eshtsã masturlu-a versurlor a psalmilor!
Hãrsea-ti, tini cari eshtsã mastur ti tradutseri!
Hãrsea-ti, tini cari zburãshi has Oani Gura di Malãmã!
Hãrsea-ti, minte asãmtsãtã di harea dumidzeascá!
Hãrsea-ti, teologlu-a Sãmtului Duh cu lucrari tu Liturghiea!
Hãrsea-ti, oaspili-a Bãseritslor Ortodoxi surári!
Condaclu 7
Mari pishcheshi ãlji dideshi-a limbãljei valahuteascã prit tulmãcerli

ti dgheavasili dumidzeshtsã shi-nvitsãturli dit Sãmta Scripturã tuts ta s-
poatã s-li acãchiseascã. Aesti noi cara li-acãchisim shi ca tsiva chetsari
scumpi cara li lugursim, Ãlji cãntám al Dumidzá: Aliluia!
Icoslu 7
Ca unlu cari ti fãtseshi cá imnji dupã sãmtsãlji, fushi ahulit di Sãmtul

Duh ta s-u traduts cartea “Bana shi faptili-a lor”, shin ã u spuseshi calea ti
cãtã la prufictsãljea, Ama ca un huzmichear ãmbistimen cara ãlji lucredz a
Picurarlui a picurarlor, ti-alãvdãm ashi:
Hãrsea-ti, ctitorlu-a limbãljei valahuteascã!

Hãrsea-ti, vigljitorlu-a traditsiilor apostoleshtsã!
Hãrsea-ti, tulmacilu-a sãmtilor dgheavasi!
Hãrsea-ti, tini tsi imnashi pit toarãli-a Sãmtsãlor Pãrintsã!
Hãrsea-ti, scriitorlu-a banãljei a sãmtsãlor!
Hãrsea-ti, picurar-picurar a miletiljei!
Hãrsea-ti, dascalu-a pãlãcãriiljei!
Hãrsea-ti, vãrtoslu lãcãrtor a Bãsearicãljei!
Condaclu 8
Arhipicurar a Bãsearicãljei a Moldaviiljei, dascal shi lãcãrtor a

pãlãcãriiljei, li vizitai mãnãstirili shi sihãstriili dit epariea, Ãmbistimenjlji
Pãrintsã cari s-pidipsea, shi multi ãnvitsai di imiradea, arãvdarea shi
sãmtsãljea-a banãljei a lor. A tini, sãmte pãrinti, cara lji-nvãrtusheai cu
urnimii, lji-agiutai shi cu fapta, tuts lji-mbunashi. Ti-aestã, atselji cari, prit
pãlãcãriili-a tali, s-featsirã cãdãri cu mári pishcheshi di la Dumidzalu, Ãlji
cãntarã: Aliluia!
Icoslu 8
Multu scumpa hari-a Moldaviiljei, sfinduchitsa cu moashtili-a

Sãmtului Oani atsel Náùlu di Suceava, tsã featsi harauùã cum nu sã spuni
shi tsã fu agiutor tu multsãlji pirazmasz shi ghideri. Shi anda, di ispetea-a
vluisitilor furnjii, la Catedrala di Iashi li mutashi, cu mari sãmtsãlji ti
tinjiseai, a tu chiro slab pãlãcãrii prit stat fãtseai shi multi cidii shi seamni s-
fãtsea ti apuituearea-a pistimenãljei mileti. Ti-atsea, shin oi cu sivdai li
tinjisim sãmtili oasi-a tali, shi dzãtsem:
Hãrsea-ti, cãdãrlu cumandar a Bãsearicãljei tu dzãli di chisati!

Hãrsea-ti, cá multu ti-ncustashi a ãnvitsãturlor a eretitslor!
Hãrsea-ti, tini cari u vrushi ligufamea!
Hãrsea-ti, cá ti-armãtusishi cu arãvdarea!
Hãrsea-ti, tini-a sãmtului Oani apres tinjisitor!
Hãrsea-ti, cá tu multili piriclji lji-ai cãftatã agiutor!
Hãrsea-ti, cá prit tini Dumidzálu multi nishenji featsi!
Hãrsea-ti, cá u-mbunashi scãnjisearea-a miletiljei!
Condaclu 9
Anda grei caimadz cãdzurã pristi Moldaviea, miletea duchy mari

chisati shi multi bãserits furã arsi di foc, tini ca un ashchirlá gioni-a
Hristolui, sturlu-a pistiljei ti spuseshi ti cupiea-a ta, Ãmbistimene Pãrinte.
Ti-atsea Ãlji cãntám al Dumidzá: Aliluia!
Icoslu 9
Cara featsirã pleashcã ocupatorlji pit bãserits shi mãnãstirili, loarã

cu elji multi sãmti hári shi bash sfinduchitsa cu moashtili-al Oani atsel
Náùlu. Cara li vidzushi aesti, tini bunlu picurar, cu lácãrnji ãlji plãcãrseai
s-nu ti dispartã di sãmtul apãnghisitor a táù shi ti-risishi s-fudz surghuni; ti-
atsea, ti-alãvdám:
Hãrsea-ti, sturlu-a pistiljei tsi pi-ndriptati mãreashti!

Hãrsea-ti, tini-ağliğurlu-agiutor a tsilor tu zori!
Hãrsea-ti, ağãlisitorlu-a ponurlor!
Hãrsea-ti, pãrinte tsi tsã li vrei statlu shi miletea!
Hãrsea-ti, cá Sãmtul Oani multu-l tinjisishi!
Hãrsea-ti, cá tu surghuni pistea ortodoxã u tsãnushi!
Hãrsea-ti, cá tu Lehiea mãrit picurar ti spuseshi!
Hãrsea-ti, cá nitsi-atumtsea fara-a ta nu u-agãrshishi!
Condaclu 10
Cara fushi tu xeana vãsilii, ti-arsi dorlu ti statlu-ts. Ti-atsea nu

mãnjisishi ta sã-nğrãpseshtsã cártsã di hãiri, cu tulmãceri di ãnğrãpserli-a
Sãmtsãlor Pãrintsã, ti miletea-a ta. Shi multsã cara s-ufilisirã di mintimenili
zboarã-a tali shi di fronimlu-ts purtatic shi car ash-si ciudusirã, cu harauùã
Ãlji cãnta al Dumidzá, a Tsilui tsi ti doxãsi: Aliluia!
Icoslu 10
Cara tsã furã shcurti multili di-atseali tsi tsã lipsea, nu ts-u chirushi
umutea, ma cu ma mari ahti lucrai ti ãnvitsarea-a dumidzeshtsãlor dogma,
shi ca agiutari li-avushi trumpetili-a Domnului: sãmtsãlji Oani Gura di
Malãmã shi Efremlu, Damaschinlu Simeon Náùlu Teolog. Ti-aestã, cu
imiradã, ti-alãvdám:
Hãrsea-ti, mustra ti lunga arãvdari!

Hãrsea-ti, lãmbada scãntiljoasã-a Bãsearicãljei!
Hãrsea-ti, tini cari patrida-ts multu u vrushi!
Hãrsea-ti, cá cu zbor multsã lj-fãtseshi mintimenji!
Hãrsea-ti, schiclu tsirescu cu burucheti di suti di ori ma mari!
Hãrsea-ti, cá di la sãmtsãlji agiutor cãftashi!
Hãrsea-ti, tini cãndila-a ãnvitsãturãljei!
Hãrsea-ti, lunjinatlu urnipsitor ti-ascãparea!
Condaclu 11
Dupã marli pidimo shi-arãvdari, tu surghuni cara ts-u bitisishi calea-

a lishtei banã, Ãmbistimene Pãrinte, ti mutashi tu cathiolu din tser. Moartea-
a ta fu anãltsari la bana ti daimalui, cá dininti-a Sãmtãljei Treimi ti spuseshi
cãdãr ta sã stai. Sãmtã tsã fu ascultarea shi vluisitã fu tãljearea-a mirachiljei
a ta, Sãmte Dosoftei. Ti-atsea, cu pãlãcãriili-a tali agiutã-nã s-nã fãtsem izoti
sã-lji cãntám al Dumidzá: Aliluia!
Icoslu 11
Pomlu-a paradislui cara fushi, paradistate, cari avushi sturi di

pãlãcãrii nicurmati cãtã Dumidzá, dá-nã cá sum aumbra-a tsilor ti daimalui
s-nã curdisim shi-a tsáia s-tsã zburãm:
Hãrsea-ti, anghil sãmtu tsi ti-aflashi pristi loc!

Hãrsea-ti, tini cari tu dunjeai arãeatsa u frãmseshi!
Hãrsea-ti, cá-m tseruri cu sãmtsãnji bãnedz!
Hãrsea-ti, cá a Domnului tin oi ti pãlãcãrseshtsã!
Hãrsea-ti, cá eshtsã pãlãcãrii yii sh-tsi nu moari!
Hãrsea-ti, aradza-a Aãmtului Duh!
Hãrsea-ti, yishtearea-a averlor din tseruri!
Hãrsea-ti, cá tini Moldaviea din tser u-apãnghiseshtsã!
Condaclu 12
Dip-lunjinate Ierarh Dosoftei, mãtrea di la anãltsimea-a doxãljei

tsireascã cãtã la noi, cari nã alumtám cu multi ghideri pi amarea-a lishtei
banã shi, car ava li ljeai putsãnili alãvdári-a noasti, dá-nã agiutor cu
pãlãcãriili-a tali, shi ma s-nã ascachi, s-nã fãtsem izoti deadun cu tini sã-Lji
Icoslu 12
U-alãvdám, u cãntám shi u paradistám chischina banã-a ta, ti-atsea

cá ti fãtseshi izoti s-u vedz dip-paradistata fatsã-a nidispãrtsãtãljei Treimi
shi dipriunã ti pãlãcãrseshtsã ti-mplinãtatea-a Bãsearicãljei a Hristolui sh-ti
miletea-a noastã valahuteascã shi-atsea armãneasca. Ti-atsea, ti pãlãcãrsim
aproachi-li lácãrnjili-a noasti ti hristuseari ti tutã pishcheshea-atsea buna shi
prufecã tsi nã u dideshi-a nauùã di-analtu, di la Pãrintili-a videljlor, ti cari
tsã cãntáM
Hãrsea-ti, cá tutã bana u-alumtashi alumta-atsea buna!

Hãrsea-ti, cá pistea-atsea di dealihealui pãnã tu soni u tsãnushi!
Hãrsea-ti, atsel cari tu anãltsinjli tsireshtsã bãnedz!
Hãrsea-ti, cá fatsa-a Sãmtãljei Treimi u vedz!
Hãrsea-ti, oaspili vrut di tuts sãmtsãlji!
Hãrsea-ti, scumpa agiutari ti miletea-a ta!
Hãrsea-ti, sãmte marturisitor a pistiljei a para-pãpãnjlor!
Hãrsea-ti, atsel cari azã din tser nã apuri noi!
Condaclu 13
O, dip-lunjinate Ierarh Dosoftei, aproachi-ù aplicata-nã pãlãcãrii shi

fá-ti samsara tin oi la Stopanlu Hristos, ta s-nã ascapã di fricoslu lucru-a
cãtránjlor shi s-nã s-nã facã izoti ti hareili tsireshtsã, shi, deadun cu tini, sã-
Lji cãntám al Dumidzá Atsel tu Treimea alãvdat: Aliluia! (trei ori)
PÃLÃCÃRIEA
Cãtã Sãmtul Ierah Dosoftei, Mitropolitlu-a
Moldaviiljei
O. dip-mintimene, Sãmte Ierarh Dosoftei, fushi pitricut di
Dumidzálu, tu anjlji chisati, ta s-eshtsã apanghul a Bãsearicãljei a
Moldaviiljei. Ti pistea, imiradea, arãvdarea shi njila-a ta, ãl loashi lishlu
anghilescu sh-ti featsishi izoti ti anãltsimea-a potisiljei arhiereascã.
Mintimen tulmaci a hasãljei pisti, lunjinãtor shi-asãmtsãtor a limbãljei
valahuteascã, marli vruitor a Sãmtsãlor shi-a Sãmtãljei Liturghii ti spuseshi,
Sãmte Ierarh Dosoftei. Shi-ashitsi ti fãtseshi izoti ta sã stai piningã Sãmta
Treimi, u-alãvdám, u cãntám shi paradistám bana-a tachischinã shi cu
multu pidimo ti pistea shi lucrarea-a Bãsearicãljei a Hristolui. Tora, ti
plãcãrsim, picurare lunjinat a Bãsearicãljei shi cari deadun liturghiseshtsã
cu anghiljlji pi tseruri, agiutã-nã cu samsarlãchea-a ta, cu plãcãrsearea-al
Dumidzá s-lji-u da-a miletiljei a noastã armãneascã vãrtusheatsa-a
ãndreaptãljei pisti, harauùa-a sãmtãljei banã shi biricheti di bunili fapti; sã-
lji veaglji pãrintsãlji shi ficiorlji, sã-lji vindicã lãndzidzlji shi sã-lji
apuitueascã ãnvirnatslji, s-u creascã sivdaea-a noastã, a tutãlor, ti-atselji
oarfãnjlji, singurlji shi ni-agiutatslji; s-nã agiutã tuts s-li fãtsem
dimãndãciunjli-a Vangheljlui a Hristolui, ti doxa-a Sãmtãljei Treimi shi
ascãparea-a noastã. Amin.
BANA, FAPTIL SHI ACATISTLUI-A
SÃMTÃLJEI MACENICÃ FILOFTEIA
BANA SHI FAPTILI-A SÃMTÃLJEI FILOFTEIA
Tu calendarlu-a sãmtsãljiljei crãshtineascã, pi 7 di-Andreù easti-adusã aminti Sãmta

Macenicã Filofteia, a curi oasi s-aflã di sheapti secoli tu cãsãbàlu Curtea de-Argesh tu Vlãhii.
Dupã niscãntili hãbàri ligati di bana-a ljei, ãnvitsàm cà s-aflà pi la-ahurhita-a secolui XIII tu
cãsãbàlu Tãrnuva, cari-atumtsea eara scamnul a “Amirãriljiljei armãno-vãrğãreascã”, adratã
shi cumãndusitã unã iami di fratslji Petru shi Asan, di soi-armãneascã. La pãtãgiuni lj-fu datã
numa “Filofteia”, tsi pi gãrtseasca scljeamã “atsea tsi-L va Dumidzàlu”, lucru sh-tsi va lu spunã
cu faptili tu shcurta-lji banã di pristi loc. Sã spuni cà shi dada-a yinitoarãljei ayisã eara Armãnã,
dit locãrli-armãneshtsã shi-unã muljeari multu-mbistimenã. Di la ea u lo njica Filofteia vrearea
ti Dumidzà shi ti-atselji aproapea di ea, faptili ti limusini, pãlãcãriili shi preasinli shi-altili hàri
tsi lipseashti su-l mushutsascã suflitlu-a unlui crãshtin didealihealui. Nica di-anda njicã,
Dumidzà lj-gri la El a livendãljei dadã-a ljei, shi-ashitsi ea armasi oarfãnã. Cu sãnãdiea tu
Dumidzà, armasi tu casa-lji pãrinteascã, shi sh-li tinjisea tuti tsi li-avea-nvitsatã di mà-sa, shi
ma multu bãnà ti Dumidzà shi ti-atselji tsi s-afla tu caimadz.
Ghini ma, dupã niscãntu chiro fen-su-a ljei iara sã-nsurà, shi lo unã muljeari cu unã banã
tsi didip alidzea di-atsea-a protãljei nicuchirã-a lui. Shi-atumtsea canda shi s-ashtipta cà-aestã
muljeari s-nu u-aibã tu vreari Filofteia, cari sh-eara ãvitsatã cu pãlãcãriea, cu preasinli sh-cu
njilã ti oaspili. Ti-atsea, zate, u-ahurhi cu multã hasmã cu ea, sh-ma multu anda s-dutsea la
bãsearicã icà anda s-pãlãcãrsea shi-adra limusini. Tu idghul chiro mãtri di lu-ntsãpà shi fen-su-
a mulacãljei featã contra ea. Ama, tuti zboarãli di vreavã, pãrjinã shi lucurlu pi cari u bãga fen-
su sh-ma multu nãearca dadã, nu pãturã s-u tragã di la hàrli tsi lj-lu mushutsa suflitlu, sh-ma
multu di la faptili di limusini. Tu inima-a ljei s-avea-ngrãpsitã zboarãli-a Ascãpãtorlui: “Cahara
di-atselji njilãoshlji, cà atselji va uu ducheascã njila” (Matei 5,7), sh-ma multu zboarãli tsi-a li
spunã El la-ndreapta giudicari: Yinits, vluisitslji-a Tatãlui a Meù shi clirunumsits-u Amirãrilje-
ndreaptã ti voi nica di la adrarea-a lumiljei. Cà agiun fui shi-Nji deadit ta s-mãc, uscat ti-apã
fui shi-Nji deadit ta s-beaù, xinit fui shi Mi-apridunat, gol fui sh-Mi-nviscut, lãndzid fui sh-Mi
mãtrit, tu-ahapsi fui shi vinit la Mini” (Matei 25, 34-36). Piningã-altili, di multili ori anda lj-
dutsea mãcari-a fen-sui tu cãmpu, unã parti di ea u didea-a niscãntsãlor oaminji oarfãnji. Unã
dzuùã, anda-avea 12 di-anji, aestu u pãscu ta s-veadã tsi-adarã ea cu mãcarea tsi lipsea s-lji-u
ducã tu cãmpu. Cara lj-si umplu caplu cà u didea-a tsilor tu chisati, s-nãrãi ahãt di multu, tsi-l
trapsi tãpãrãtslu tsi lu-avea-n bãrnu shi lu-arcà pi feata. Greù u pliğui pi unlu cicior, ashi cà
dupã shcurtã iami sh-lu deadi geanlu tu mãna-a Creatorlui tsi li-adrà tuti.
Anapudlu tatã, aspãreat di-atsea cà shi-u vãtãmà feata-a lui, vru s-lji-u mutã mãrshea ta
s-u-ngroapã. Ama Dumidzà ahãt di multu u featsi greauùã mãrshea-a ljei, ashi cà nitsi fen-su
tsi- uvãtãmà, nitsi-altsã oaminji nu pãturã ta s-u mutã. Trumuxit, s-hiumãsi la Arhiepiscoplu
dit tsitatea Tãrnuva, shi lj-li spusi tuti tsi s-featsirã. Aestu, deadun sh-cu ma-marlji-a tsitatiljei,
cu preftsã, cãluğri shi ciumbulechi di pistimenjlji, ãnchisirã cãtã la loclu iu s-afla mãrshea fãr
di gean a tinirãljei Filofte. Tuts sh-si cãndãsirã cà avea dininti unã nisheani dumidzeascã.
Ierarhanjlji shi preftsãlji tsi s-aflarã aclotsi, lji-u featsirã dgheavasea-a ti-ngrupãciuni-a ljei,
dupã tsi iara vrurã s-u mutã tinjisita mãrshi, ta s-u ducã la catedrala-a Arhiepiscopiiljei di
Tãrnuva. Shi-aestã-aradã tinjisitlu trup a ljei nu putea su-l mutã. Duchirã cà Filofteia nica di
tora putea s-hibã lugursitã ti unã di dealihealui macenicã-a Hristolui sh-cà ea insashi nu vrea
cà ta s-hibã dusã tu tsitatea Tãrnuva. Sinaxarlu-a ljei spuni cà sãmtsãlji slujitori ahurhirã s-li
spunã numili-a niscãntsãlor cãsãbadz, bãserits shi mãnãstiri di nandreapta sh-di nastãnga-a
Dunãljei, ta s-veadã naca-a s-lishureadzã truplu-a sãmtãljei, aclo iu vrea u spunea vãrã di-
atseali numi. Anda u spusirã numa-a cãsãbàlui Curtea de Argesh, mãrshea-a ljei dinãoarã s-
featsi lishoarã shi putea s-hibã mutatã. Dinãoarã lj-si featsi hãbari-a domnitorlui valahutescu di
Argesh ti mirachea-a sãmtãljei Filofteia, cà tinjisita-a ljei mãrshi s-hibã dusã tu statlu-a lui.
Mãrshea fu-ashtiptatã ningã Duna di domnitorlu, ierarhanji, preftsã, cãluğãri shi pistimenji, cu
pãlãcãrii, cãntàri duhovnicheshtsã, tseri shi fimnjeamã. Sfinduchea cu mãrshea-a ljei deapoaea
fu dusã Curtea de Argesh.
Tsi-i dealihea, oasili-a ljei armasirã Tãrnuva shi furã dusi tu Tsara Rumãneascã tãsh
dupã-anlu 1393, anda-Amirãriljea armãno-vãrğãreascã di Tãrnuva fu cãlcatã di Turtsãlji. S-
pari cà di-aoatsi furã dusi, ti unã shcurtã iami Vidin, s-poati pãnã tu-anlu 1396. Ti-atsea cà s-
nu hibã profanati, lj-furã dati-a domnitorlui Mircea-atsel Aushlu (1386-1418), cari li bãgà tu
bãsearica Yi-Nicola (domneascã) di Curtea de Argesh, atumtsea catedralã-a Mitropoliiljei,
ctitoriljea-a domnitorlor Basarab I Fundãtorlu shi Nicolae Alexandru, hilji-su.
Oasili-a Sãmtãljei armasirã aclotsi pãnã tu-anlu 1893, anda di ispetea-a-nvicljeariljei a
bãsearicãljei - furã mutati tu bãsearica Ayi-Ioryi, shi deapoaea tu Apudurnjearea-ali stã-Mãrii-
Olari, dit idghul cãsãbà. Tu chirolu-a Protlui polim din lumi, anda unã mari parti di Vlãhiea
eara cãlcatã di trupi xeani - furã dusi tu paraclislu-a mãnãstirlui Antim di Bucureshti. Dicara
bitisi polimlu iara furã dusi-n Curtea de Argesh, ama tora tu musheata bãsearicã ctitoritã di
Neagoe Vodà Basarab. Dit anlu 1949 furã mutati tu paraclislu-a bãsearicãljei, iu s-aflã shi azã.
Shi-ashitsi, Sãmta Filofteia s-featsi unã di dealihealui apãnghisitoarã-a Tsarãljei
Rumãneascã. Oasili-a ljei suntu tinjisiti cum di pistimenjlji di-a loclui ma shi di-altsãlji
crãshtinji, dit alti arãdzãmuri dit Vlãhiea cari s-duc tu prota capitalã-a Tsarãljei Rumãneascã.
Di ma multili ori s-featsirã profesiunji cu sãmtili oasi-a ljei, sh-ma multu tu chiro di xeri mari.
Di la-adutsearea-a oasilor a ljei tu Vlãhii shi pãnã azã, tu multi bãserits furã zugrãfsiti iu icoana-
a ljei, iu stseni dit bana-a ljei (cum easti tu bãseritsli Dobroteasa shi-Ayi-Ioryi di Bucureshti,
Sãmta Filofteia shi Stã-Vinirea di Ploeshti, Apudurnjearea-ali Stã-Mãrii din Mizil shi-alti).
Iconji di-a ljei li mushutsàscu casili-a pistimenjlor. Niscãntsã di pãrintsãlji u da numa di
Filofteia-a featilor a lor la pãtãgiuni, a niscãnti di pistimenili cari-ù ljea-anghileasca vidzutã di
cãluğreali, tut ashitsi u ljea numa-aestã. Adutsearea aminti-a ljei cu-alãvdari s-fatsi tu cafi-an
pi dzuùa di 7 di-Andreù. Fu-aleaptã dzuùa-aestã ca dzuùa-a iurtuseariljei a ljei, dinãoarã dupã
Yi-Nicola, ti-atsea cà oasili-a ljei shidzurã cu ets ãntredz tu bãsearica domneascã di Curtea de
Argesh, tsi lu-ari hramlu-al Yi-Nicola, scljeamã pi 6 di-Andreù. “Bana”-a Sãmtãljei Filofteia
easti tricutã tu Mineùlu ti-Andreù sh-tu Bana-a sãmtsãlor ti-aestu mes, stãmbusiti tu Vlãhii, a
ãnsemnàrli-a niscãntsãlor xinits cari-aù tricutã pi Curtea de Argesh spun ti oasili-a ljei tu-aestu
cãsãbà, ma sh-ti tinjisearea tsi u-aù eali di pistimenjlji dit Vlãhii.
Pi 28 di Shcurtu, tu-anlu 1950, Sãmtul Sinod a Bãsearicãljei Rumãneascã u curmà
gheneralizarea-a cultlui a niscãntsãlor sãmtsã a curi oasi s-aflã tu Vlãhii, ti cari shi-a Sãmtãljei
Filoftei di Argesh. Dgheavasea spetsialã ãncljinatã-a lishtei gheneralizari s-tsãnu tu meslu
Sumedru, tu-anlu 1955, Curtea de Argesh, iu fu shi Patriarhlu Justinian Marina shi multsã
ierarhanji valahuteshtsã shi xinits, cãlisits aclotsi, ma shi multsã clerits shi pistimenji.
Bibliografii: D. R. Mazilu, Sfãnta Filofteia de la Argeş. Lămurirea unor probleme
istorico-literare. Monografie aghiografică, Bucureshti, 1934, 100 p. (An. Acad. Rom., Mem.
Sect., Ist., s. III, t. VIII, 1932-1934, p. 207-316; Vasile Vasilache, Sfãnta Paraschiva şi Sfãnta
Filofteia, Bucuresti, 1947, 32 p. Episcop Gherasim Cristea, Sfãnta Muceniţă Filofteia de la
Argeş, tu cartea Sfinţi români şi apărători ai legii stràmoşeşti, Bucuresti, 1987, p. 281-285.
Dit cartea: Pr. pr. dr. Mircea Pàcurariu, Sfinţi Daco-Români şi Români, Ed. Mitropoliei
Moldovei şi Bucovinei, Iasi, 1994, fr. 168-171).
ACATISTLU-A SÃMtÃLJEI FILOFTEIA

(7 di-Andreù)
PÃLÃCÃRIILI TI-AHURHITÃ:
Tu numa-a Tatãlui shi-a Hiljlui shi-a Sãmtului Duh, Amin.

Doxã-a Tsáia, Dumidzálu-a nostu, Doxã-a Tsáia!
Amirálu din tser, Ãmbunitorlu, Duhlu-a averlui, Cari eshtsã pristi

tut shi tuti li fats, Hãznãgilu-a bunetslor shi cari dai babã, yina shi
curdiseat-Ti la noi, shi chischinipsea-nã di lera tutã shi ascapã-li, Bune,
geanurli-a noasti
Sãmte Dumidzali-m, Sãmte vãrtos, sãmte fãr di moarti, njiluea-nã

noi!
noi!
noi!
Doxã-a Tatãlui shi-a Hiljlui shi-a Sãmtului Duh shi tora shi daima sh-
Dip-sãmtá Treime, njiluea-nã noi. Doamne, chischinipsea-li
amãrtiili-a noasti. Stopane, ljeartã-li anãpãdzãljli-a noasti. Sãmte, vedz-li
shi vindicã-li slãbintsãli-a noasti, ti Numa-a Ta.
Doamne njiluea, Doamne njiluea, Doamne njiluea.

Doxã-a Tatãlui shi-a Hiljlui shi-a sãmtului Duh shi tora shi daima sh-
Tatãl a nostu, Cari eshtsã-n tseruri, sã sSi-asãmtsascã Numa-a Ta, la

s-yinã amirãriljea-a Ta, sã si facã vrearea-a Ta, cum ãn tser ashi shi pristi
loc. Pãnãea-a noastã di cafi dzuùã, dá-nã-ù azã, shi ljeartã-li alutuserli-a
noasti, ashi cum shi noi lã ljirtám a tsilor cari nã-alutusescu. Shi nu nã du
noi tu pirazmo, ma ascapã-nã di-arãeatsã.
Ti pãlãcãriili-a Dip-sãmtãljei Dadã-al Dumidzá, a Sãmtsãlor

Pãrintsã-a noshtsã shi tuts Sãmtsãlji, Doamne Isuse Hriste, Hiljlu-al
Dumidzá, njiluea-nã noi. Amin.
Deapoa s-dzãc Condacurli shi Icusli:
Condaclu 1
Ca-atsea tsi di njicã curbani chischinã ti dideshi-al Dumidzá, prit
buna faptã, Filofteie dip-tihiloanje, a Tsilui tsi dit pãntica-a má-tai ti shtii
tini, atsea cari ti spuseshi mushuteatsa-a ghirghinilor shi cari bãnedz tu
sfinduchea ti doarã, hãrzeshtsã alãvdari! Ti-atsea tsã cãntám a tsáia:
Hãrsea-ti, Filoteie, ghirghina dip-alãvdata!
Icoslu 1
Cara-nzãnucljem dininti-a Creatorlui a iatsãlor tuti shi mãnjli cara

li tindem cãtã la Zborlu-Atsel di maninti di eta, ljirtari ti-amãrtiili-a noasti
cãftám, puteari tu zbor, lunjinare shi mintiminilji ti mintea-a noastã, ta s-
li-alãvdám ghiderli shi giunaticlu-a tihiloanjljei Filofteia shi-a ljei sã-lji li
dzãtsem cu cãldurã ahtári niscãnti zboarã:
Hãrsea-ti, Filofteia, atsea fapta di tatã-aráù!
Hãrsea-ti, cá di dadã pistimenã fushi prãxitã!
Hãrsea-ti, trandafil fitursit di-amur!
Hãrsea-ti, cá rur chirolu anjurizmã bunã vershi dit tini!
Hãrsea-ti, cã pristi loc fushi imirã njeauùã!
Hãrsea-ti, cá dada-a ta tsã fu bunã picurarisã!
Hãrsea-ti, dimãndãciune sãmtã, cu minti prufecã!
Hãrsea-ti, cá di njicã imnashi pi sãmtili cáljuri!
Hãrsea-ti, cá tu caimadz daima tsã fu bãnaticlu!
Hãrsea-ti, cá arãvdarea ti featsi paradislu s-lu-nchirdãseshtsã!
Hãrsea-ti, cá trãpseshi multi taziráts!
Hãrsea-ti, cá di Domnul dupã moarti ti mãrishi!
Hãrsea-ti, Filofteie, ghirghina dip-alãvdatã!
Condaclu 2
Cara fudzi dit bana shcurtã di pristi loc, ghini-mbistimena dadã-a ta,
ti-alãsá tini fãrã di canã di bunili fapti-a ljei, dupã cari cara imnashi Lji-
u cãntatã-al Dumidzá nicurmata cãntari: Aliluia!
Icoslu 2
Fricã shi pãmoarã nã-acatsã noi, cari him cu mintea-ntubicatã, cá nu
nã-acãchisim di iu va s-ahurhim ta s-ti alãvdám tini, ghirghiná, icá cari
cãntari va ts-u cãntám, icá cu tsi cãrunji va ti-ncãrunám; ama cu
cutidzari, ti pãlãcãriili-a tali cãtã la Dumidzálu, cu inimã njilãoasã tsã li
cãntám aesti-a tsáia:
Hãrsea-ti, fidana Tãrnuva fitursitã!
Hãrsea-ti, atsea tora di Domnul tu paradis diminata!
Hãrsea-ti, hãrghiea cu-arádzli scãntiljoasi!
Hãrsea-ti, steauùa din tser tsi lunjinedz ca soari!
Hãrsea-ti, cá pristi loc ti hãrni aradza din tseruri!
Hãrsea-ti, cá prit tini crãshtinjlji s-lunjineadz!ã!
Hãrsea-ti, cá tini ti—nchirdãsim ca unã aveari!
Hãrsea-ti, cá nã urnipsishi cum s-tsã cãlcám tu tor!
Hãrsea-ti, cá prit tini u lom hrana tsireascã!
Hãrsea-ti, mustra-a tsilor cari vor ta s-ascapã!
Hãrsea-ti, cãlãuza-a ãndreaptilor geanuri!
Hãrsea-ti, cartea-a mintimenilor ghirghini!
Hãrsea-ti, Filofteia, dip-alãvdata ghirghini!
Condaclu 3
Cara lu-avdzãshi tini, paradistatá, glaslu-a Vangheljlui a Domnului,
cari ãlji paradisteadzã njilãoshlji, salami u-nğrãpsishi tu inima-a ta shi cu
mari pistusini lu-aprucheashi shi-ahãt ãl vrushi, ashi cá cara ti-apriseshi
cu unã-apreasã shi dumidzeascã mirachi, cu sutilji di pidimadz shi cu
multã mirachi Ãlji cãntashi-al Dumidzá: Aliluia!
Icoslu 3
Dip-mari gaile lã-adunashi-a oarfãnjlor tu mintea-a ta, paradistatã
Filoftee, ti-atsea cá vreai cá canã si nu-armãnã ninjiluit di-atselji cari-
ashtipta di la tini njilueari, canã di-agiunjlji s-nu fugã nisãturat, canã di
goljlji s-nu-armãnã ninviscut, canã di cripatslji s-nu-armãnã nimbunat, ti
tsi, cara ti-alãvdám, shi-ashitsi a tsáia tsã cãntám:
Hãrsea-ti, yishtearea-a njilãljei, putes nidishirtata!
Hãrsea-ti, ãnvishtearea-a goljlor fãr di s-pãlteascã!
Hãrsea-ti, buna pãni ti-agiunjlji, tsi ghini hãrneashti!
Hãrsea-ti, casã-apanghu ti xinitslji!
Hãrsea-ti, atsea cari eshtsã-ascãparea ti-atselji tu piriclju!
Hãrsea-ti, mãnjisearea-a aranãljei a ağnusitslo!r!
Hãrsea-ti, tini tsi-lji ãndrupáshtsã cãdzutslji!
Hãrsea-ti, tu unã zori buna hãiri!
Hãrsea-ti, anji ficiureshtsã cu njilã criscuts!
Hãrsea-ti, tinireatsá, cu banã-avutsãtã!
Hãrsea-ti, háidili-a tsilor tsi ti plãcãrsescu!
Hãrsea-ti, cá prit moartea, ti daima yii armãseshi!
Hãrsea-ti, Filoftee, ghirghina dip-alãvdata!
Condaclu 4
Cara ti vidzu tini dushmanlu-a fisiljei umineascã cá ti-acãtsashi di-
adrarea-a bunlui lucru shi ma multu di lucurlu tsi va s-hibã-alãvdat pi
dzuùa-a Giudicatãljei, shi-u bãgá tu minti ta s-ti-ambudghiseascã tini di
vãrã chiro Eva tu paradislu, ama nu pãtu, cá dipriunã Lj-cãntai al
dumidzá: Aliluia!
Icoslu 4
Ca spida s-arcarã pristi tini urãtslji shi-aspsartsãlji demunji shi
pirazmadz multsã tsã bãgarã, cá prit multsãlji shi greiljei pirazmadz s-ti
tragã tini di la un lucru ca-aestu. Ma tini, paradistata, cara fushi cu fimelj
di-a Hristolui, Cheatra dit choshcu, vãrtos ãlji chisashi elji; ti-atsea
hãrzeshtsã s-ti tinjisescu ashitsi:
Hãrsea-ti, paradistatá, ãmplina cu faptili buni!
Hãrsea-ti, cá prit pidimadz ti-nviscushi cu videalã!
Hãrsea-ti, diznjirdarea-a dadã-tai cari ti vru!
Hãrsea-ti, diadema-a mintimenilor ghirghini!
Hãsea-ti, sãmta fiticã tsi-a Domnului lj-cãlcá tu tor!
Hãrsea-ti, njilãoasã, cari lj-vrushi oarfãnjlji!
Hãrsea-ti, cá demunlu tini lu-umplushi di-arshini!
Hãrsea-ti, cá sãtãnálu prit tini fu-anãchisit!
Hãrsea-ti, cá vãrtos pistipsishi tu Hristolu!
Hãrsea-ti, cá aruga u loashi prit arãvdari!
Hãrsea-ti. Giunaticlu, bãgat tu trup ficiurescu!
Hãrsea-ti, anãchisearea, di sãmtul Duh ahulitã!
Hãrsea-ti, Filotee, ghirghina dip-alãvdata!
Condaclu 5
Spidã di mari urghiseari mutá fen-tu-atsel chirutlu di minti shi cu
inima di cheatrã, shi sufla cu puvrii shi ghideri pristi tini, paradistatá
Filofree; ma nu pãtu s-ti da di la loc, ti-atsea cá earai cu fimelj pi Cheatra-
a pistiljei, Hristolu, cari tini, dip-mintimena ghirghinã, cara shideai, a
Hristolui, a Tsilui tsi ti-nvãrtushea tini, ãlji cãntashi: Aliluia!
Icoslu 5
Cari di-atselji di pristi loc poati s-li spunã pãnã di unlu pidimadzlji-
a tálji cãts tricushi pristi cap di fen-tu cu mintea chirutã sh-di dada-ts
nãearcã? Shi cari minti poati s-u acãchiseascã arãvdarea-a ta, tu tuti-
atseali cãti tricushi pristi cap? Ti-atsea, zate, cara nã ciudusim pi bana-a
ta cari eara ma-nsus di fisea, ti-alãvdám cu paradistári ca-aesti:
Hãrsea-ti, tini di Domnul ti njilã aleaptã!
Hãrsea-ti, cá multu fushi di fen-tu tirinsitã!
Hãrsea-ti,cá di multili ori fushi shi fãrã di njilã bãtutã!
Hãrsea-ti, cá pãltári shi pi fatsã di-aradã fushi aguditã!
Hãrsea-ti, cá grei pidimadz shi pãrjinã pãtsãshi!
Hãrsea-ti, cá tuti cu vãrtusheatsã li-arãvdashi!
Hãrsea-ti, cá tu trup aránji, ca Hristolu, pãtsãshi!
Hãrsea-ti, cá din cali tsiva nu ti prãmãsi!
Hãrsea-ti, cá tuti-atseali cu harauùã li arãvdashi!
Hãrsea-ti, cá shi bana ti Domnul ts-u dideshi curbani!
Hãrsea-ti, cá di Domnul tora ãn tser eshtsã mãritã!
Hãrsea-ti, cá u loashi cãruna tsi nu mãrãnghiseashti!
Hãrsea-ti, Filoftee, ghirghina dip-mãritã!
Condaclu 6
Anda tini, dip-paradistata Filoftei, lã dideai mãcari-a oarfãnjlor,
atumtsea sãtãnálu, has ca la Iuda, lj-bãgá tu mintea-a fen-tui arauùã
mindueari ti moarti; cá cara vru s-ti pascã dit ascumtish shi cara ti vidzu
cá-lji hãrneshtsã agiunjlji, dinãoarã s-umplu di dimuneasca splinseari shi-
agudi pi tini cu tãpoara; shi cara tsã-l pliğui ciciorlu, dinãoarã tsã-l dideshi
geanlu tu mãnjli-al Dumidzá, ti cari dicara ti hãrsishi multu, cãntashi:
Aliluia!
Icoslu 6
Atumtsea un anghil fu pitricut din tser ta su-l lunjineadzã truplu-a
táù di ghirghinã, macenicá Filoftee; shi cara vini, dãnãsi nividzut shi-
ahurhi ta s-tsã zburascã:
Hãrsea-ti, macenica-atsea di tatãl vãtãmatã!
Hãrsea-ti, cá cu dareai njilã, cãtã la Domnul eshtsã pitricutã!
Hãrsea-ti, cá arãvdarea ti mutá tu-anãltsinji!
Hãrsea-ti, cá di-aproapea u vedz Sãmta Treimi;!
Hãrsea-ti, cá di Domnul eshtsã-aleaptã shi loatã!
Hãrsea-ti, cá di Domnul eshtsã tu paradis apãnghisitã!
Hãrsea-ti cá ti daima u portsã lunjinata cãrunã!
Hãrsea-ti, cá-n tseruri stai deadun cu-ndreptsãlji!
Hãrsea-ti, cá stai anamisa di sãmtili ghirghini!
Hãrsea-ti, cá ti fãtseshi clironomã-a doxãljei!
Hãrsea-ti, cá-n tseruri eshtsã daima diznjirdatã!
Hãrsea-ti, cá tut chirolu di noi eshtsã vluisitã!
Condaclu 7
Aclo iu durnjea truplu-atsel njiclu shi chischin a táù shi nica sãndzã
cara cura dit ciciorlu pliğuit a táù, cu scãntiljeari tsireascã fu-anvãrligat,
ashi cá shi loclu di-anvãrliga s-featsi ağno videalã; shi-aesti cara li vidzu
aspartul shi ehtrul tatã-a táù, cu pãmoarã cara sã-nfricushe, s-hiumãsi tu
cãsãbá shi li spusi-atseali tsi li vidzu, cá nu shtea ãntunicatlu ta s-cãntã:
Aliluia!
Icoslu 7
Cara s-hiumãsirã ghirghinili deadun cu dadili-a lor la loclu iu eara
vãtãmata, ta s-ti veadã tini, paradistatá Filotei, shi cara u vidzurã cu
ocljilji-a lor scãntiljearea-a videalãlje di-anvãrliga di tini, cara sh-di
ciudusirã tu mintea-a lor, pisicarã di ti-alãvda, shi dzãtsea:
Hãsea-ti, Filoftee, mintimena shi dip-buna!
Hãrsea-ti, cá ti noi eshtsã sor scumpã shi cãrunã!
Hãrsea-ti, cá-n tseruri s-featsi-avdzãtã numa-a ta!
Hãrsea-ti, cá videalã lã eshtsã-a ghirghinilor di pristi loc!
Hãrsea-ti, cá Domnul di njicã tnica sã fu inima!
Hãrsea-ti, cá cara-L vrushi, di pidimadzlji nu tsã fu fricã!
Hãrsea-ti, cá ti cãtã la buneatsa cu seati ti duseshi!
Hãrsea-ti, cá tu tuti li nãstrets altili ghirghini!
Hãrsea-ti, cá tora Domnul Lu-nchirdãsishi ti ğrambó!
Hãrsea-ti, cá tora beai di dultseamea-a paradislui!
Hãrsea-ti, cá-n tseruri ti-avem ti samsara-a noastã!
-Hãsea-ti, cá la Domnul nã eshtsã pãlãcãrsitoari cu cãldurã!
Hãrsea-ti, Filoftee, ghirghina dip-alavdata!
Condaclu 8
Cara li-avdzã arhiepiscoplu-a Tãrnubãljei zboarãli spusi di fen-tu,
dinãoarã cu capitli-a cãsãbálui shi cu tutã priftame shi miletea vini la tini,
shi cara-l vidzu truplu-a táù cá scãntiljea di videalã, cu fricã Ãlji cãntarã-
al Dumidzá: Aliluia!
Icoslu 8
Tut cãsãbálu Tãrnuva shi horli di-anvãrligalui s-hiumãsirã la loclu tsi scãntiljea,
ghirghiná Filoftee; shi cara u vidzurã ciudiea tsi s-featsi cu tini, deadun shi cu
arhiepiscoplu tsã-ndreapsirã cãntári, shi dzãtsea ahtári niscãnti zboarã:
Hãrsea-ti, a Tãrnuvãljei alãvdarea tsi nu lji-ari putirdzari!
Hãrsea-ti, fidaná sãmtã di dada ghini-pistimenã!
Hãrsea-ti, crinlu crehtu dit bãhcelu-a Hristolui!
Hãrsea-ti, lilice albã cu-anjurizma tsi nu cheari!
Hãrsea-ti, lishlu-a njilãljei shi sivdailjei crãshtineascã!
Hãrsea-ti, banã shcurtã ma-adratã ti fãrãdimoarti prit multi
bunets!
Hãrsea-ti, cá prit pidimadz eshtsã mutatã anamisa di sãmtsãlji!
Hãrsea-ti, cá gushtsã di paradislu tsi-l vrushi dit inimã!
Hãrsea-ti, cá aclotsi ts-u aflashi dip-buna-ts dadã!
Hãrsea-ti, cá ti hãrseashtsã deadun cu ea!
Hãrsea-ti, cá ti-nchirdãsi mushuteatsa-a Bãsearicãljei!
Hãrsea-ti, cá oaminjlji tuts ti-alavdã shi tsã-aurlã!
Hãrsea-ti, Filofteee, ghirghina dip-alãvdata!
Condaclu 9
Cara s-aduná miletea tutã-anvãrliha di tini, cu fricã s-apruchearã di
tini, vrundalui s-ti mutã di-mpadi; ama cara u vidzurã vãriea-atsea ma
marti di tsi s-poati-a truplui a táù, tuts s-ciudusirã multu shi shi cu frixi
cãntarã-al Dumidzá: Aliluia!
Icoslu 9
Cara-acãchisi miletea cá nu vrei ta s-eshtsã mutatã di-mpadi, cu
ciuduseari sh-si mãtrea unlu cu-alantu; deapoaea, cara furã lunjinats di-
analtu, ahurhirã s-li dzãcã pi numã tuti mãnãstirili shi cara vidzurã cá
vrei ta s-ti duts la bãsearica di Curtea de Argesh, pisicarã s-tsã zburascã-
a tsáia:
Hãrsea-ti, cá tini insats s-u alipseshi casa!
Hãrsea-ti, cá tini tsã lu-alipseshi cathiolu!
Hãrsea-ti, cá prit Domnul tsã si featsi chefea!
Hãrsea-ti, cá diparti s-avdzã ti sãmta numã-a ta!
Hãrsea-ti, cá bana tsã si featsi-avdzãtã tu dunjeai!
Hãrsea-ti, paradistatá, dip-scumpa biricheti-a noastã!
Hãrsea-ti, cá ti-ashteaptã Niculitsa di Marea Vlãhii!
Hãrsea-ti, cá ti duts azã ta s-lucredz tu Vlãhii!
Hãrsea-ti, cá largu tãshi ts-u tiseshi apostoliljea!
Hãrsea-ti, cá miletea yini miraxhea s-ts-u facã!
Hãrsea-ti, tini tsi u vrei Tsara Romãneascã!
Hãrsea-ti, cá Valahutslji ts-u-nchirdãsirã avearea!
Hãrsea-ti, cá ti daimalui shi noi va tsã cãntám a tsáia!
Condaclu 10
Cara lj-si featsi hãbari-al Radu Negru Vuivudálu, cá vrei ta s-ti duts
tu Tsara Romãneascã, lu lácãrnjili-a harauùãljei lu-alãvdá Dumidzálu shi
cara aduná multã mileti s-hiumãsi cãtã la Duna ta s-ti-sashteaptã tini; shi
cara ti vidzu pitricutã di multã mileti, ãlji cãntá al Dumidzá”: Aliluia!
Icoslu 10
Li-apruche Domnul a Tsarãljei Romãneascã, Radu Negru Vuividálu,
cu mari harauùã shi evlavilji tinjisitili shi sãmtili oasi-a tali shi cara-L lo
Dumidzálu, tsã zburã-a tsáia ashi:
Hãrsea-ti, Filoftee, macenica dip-tinjisitá!
Hãrsea-ti, atsea di Domnul, ti vãsiliea-a noastã hãrzitã!
Hãrsea-ti, tini cari di-p multã buneatsã nã vrei a nauùã!
Hãrsea-ti, cá loclu prit tini videalã-nchirdãsi!
Hãrsea-ti, cá noi azã ti-apruchem cãt un soari!
Hãrsea-ti, cá anvãrliga di tini vershi-arádz tsi hãidipsescu!
Hãrsea-ti, cá la Argesh tsã-lipseshi cathio pristi loc!
Hãrsea-ti, cá miletea ts-u tinjiseashti numa-a ta!
Hãrsea-ti, cá ti daima va s-eshtsã mushuteatsa-a Bãsearicãljei!
Hãrsea-ti, tini mushuteatsa shi sturlu vãrtos a ljei!
Hãrsea-ti, vigljitoara-a pistiljei a para-pãpãnjlor!
Hãrsea-ti, musheata lilici-a bãhcelui valahutescu!
Hãrsea-ti, Filoftee, ghirghina dip-alãvdatã!
Condaclu 11
Cãt unã lãmbadã tsi-adutsi videalã ti-avem tini, ghirghiná Filoftei, cá
u lunjinedz tutã Bãsearica dit Tsara Romãneascã shi fãrã di-astamasi cara
dai videalã anjurizmã bunã, fãrã di-astamasi lã vershi vindicari ti-atselji
tsi cu pistusini yin la sfinduchitsa cu sãmtili oasi-a tali! Ti-aestã, al
Dumidzá, a Tsilui tsi ti dip-mãri tini, cu nimãnjisitã hristuseari Ãlji
cãntám: Aliluia!
Icoslu 11
Cara li-avem noi sãmtili oasi-a tali pi loclu-a nostu ca tu loc di
yishteari scumpã, nã umplem di sãmtsãlji shi cara mãtrim pi eali ca la unã
videalã tsireascã, cu fricã shi cutrimbyrari tsã cãntám ashitsi:
Hãrsea-ti, cá tini insa-tsi tsu-u alipseshi aestã vãsilii!
Hãrsea-ti, cÀ la Argesh oasili tsã furã bãgati!
Hãrsea-ti, Filoftee, sãmta yishteari-a noastã!
Hãrsea-ti, cá Hristolu tsã hãrzi mári hári-a tsáia!
Hãrsea-ti, scãntiljearea-a pistiljei crãshtineascã!
Hãrsea-ti, ãndultsearea-a tsilor cari yin cãtã la tini!
Hãrsea-ti, vindicarea-a multilor lãngori!
Hãrsea-ti, tini cari dai puteri shi sãnãtati!
Hãrsea-ti, tini cari cu cãldurã ti pãlãcãrseshtsã ti noi!
Hãrsea-ti, vá prit tini Domnul spuni njilã ti noi!
Hãrsea-ti, cá oaminjlji tuts aù agiutor di tini!
Hãrsea-ti, cá canã nu lu-alashi s-fugã cu cãhãri!
Hãrsea-ti, Filoftee, ghirghina di-alãvdatã!
Condaclu 12
U-avdzãm, ghirghiná Filoftei, bana-ts dumidzeascã, li vidzum shi
nishenjli-a tali shi cara nã-ndultsim di tuti bunetsli tsi li nã li spunji-a
nauùã cafi dzuùã, pistipsim shi vãrtos cutidzám la Dumidzálu. Bash ti-
atsea, a Hristolui, Atsel tsi ti mãri tini, cu tutã inima Ãlji cãntám: Aliluia!
Icoslu 12
Li-alãvdám cripárli-a tali, Filoftee ghirghinã, li tinjisim patimatli, u
mãrim multa-arãvdari-a ta, u paradistám sonea-ts sãmtã, ãl cãntám
giunaticlu-a táù ni-anãchisit tsi sã spusi tu truplu-a táù tirfisushcu shi
crehtu; shi cara mãtrim la tuti pidimatli dit bana-a ta cari dip ti mãrirã
shi pristi loc shi-n tser, iu tora bãnedz, ti pãlãcãrsim, spuni sh-ti noi, atselji
cari nã dutsem la sfinduchitsa cu sãmtili oasi-a tali, cá cu-atsea tsi va nã-
ascachi di tutã nivoljea shi tu vãsiliea din tseruri va nã fats urtatslji, s-ti
alãvdám tini, shi s-tsã grim cu-ahtári zboarã:
Hãrsea-ti, sãmta di la Tãrniva dit Bãrğãrii!
Hãrsea-ti, tini di tserurli-a Armãnjlor hãrzitã!
Gãrsea-ti, cã tora bãnedz tu-anãltsinji!
Hãrsea-ti, cá pristi loc fats multi nishenji!
Hãrsea-ti, cá daima stai anamisa di mãritili ceturi!
Hãrsea-ti, cá prit tini Domnul njila nã u pitreatsi!
Hãrsea-ti, cá u vedz fatsa-a Creatorlui a iatsãlor di pristi loc!
Hãrsea-ti, cá prit tini El dit piriclji nã scoati!
Hãrsea-ti, zborlu-a táù s-ascultã la Domnul!
Hãrsea-ti, cá tsã li-ascultã pãlãcãriili ti oaminjlji tuts!
Hãrsea-ti, cá nã eshtsã agiutor tu tuti piricljili!
Hãrsea-ti, cá tini ti-avem sturlu-a umutilje!
Hãrsea-ti, Filoftee, ghirghina dip alãvdatã!
Condaclu 13
O, tu tuti-alãvdata shi multu njilãoasa macenicã Filoftei, cara va li-
aprochi hristusearea-a noastã urfãneascã shi-aestã putsãnã pãlãcãrii di
tora, veaglji-nã di-arãetsli tuti, s-aduts irinji la dunjeai, di ehtsãrlji vidzuts
shi nividzuts ascapã-nã shi s-nã apuri noi di globa tsi nu cheari, cá deadun
shi cu tini, a Hristolui Dumidzá sã-Lji cãntám: Aluluia! (Aestu Condac s-
dzãtsi di trei ori)
Icoslu 1:
Cara-nzãnucljem dininti-a Creatorlui a iatsãlor tuti shi mãnjli cara
li tindem cãtã la Zborlu-Atsel di maninti di eta, ljirtari ti-amãrtiili-a noasti
cãftám, puteari tu zbor, lunjinare shi mintiminilji ti mintea-a noastã, ta s-
li-alãvdám ghiderli shi giunaticlu-a tihiloanjljei Filofteia shi-a ljei sã-lji li
dzãtsem cu cãldurã ahtári niscãnti zboarã:
Hãrsea-ti, Filofteia, atsea fapta di tatã-aráù!
Hãrsea-ti, cá di dadã pistimenã fushi prãxit!
Hãrsea-ti, trandafil fitursit di-amur!
Hãrsea-ti, cá rur chirolu anjurizmã bunã vershi dit tini!
Hãrsea-ti, cã pristi loc fushi imirã njeauùã!
Hãrsea-ti, cá dada-a ta tsã fu bunã picurarisã!
Hãrsea-ti, dimãndãciune sãmtã, cu minti prufecã!
Hãrsea-ti, cá di njicã imnashi pi sãmtili cáljuri!
Hãrsea-ti, cá tu caimadz daima tsã fu bãnaticlu!
Hãrsea-ti, cá arãvdarea ti featsi paradislu s-lu-nchirdãseshtsã!
Hãrsea-ti, cá trãpseshi multi taziráts!
Hãrsea-ti, cá di Domnul dupã moarti ti mãrishi!
Hãrsea-ti, Filofteie, ghirghina dip-alãvdatã!
Condaclu 1
Ca-atsea tsi di njicã curbani chischinã ti dideshi-al Dumidzá, prit
buna faptã, Filofteie dip-tihiloanje, a Tsilui tsi dit pãntica-a má-tai ti shtii
tini, atsea cari ti spuseshi mushuteatsa-a ghirghinilor shi cari bãnedz tu
sfinduchea ti doarã, hãrzeshtsã alãvdari! Ti-atsea tsã cãntám a tsáia:
Hãrsea-ti, Filoteie, ghirghina dip-alãvdata!
SÃMTULUI FOTII
PATRIARHLU-A TSARIGRADLUI
BANA SHI FAPTILI A SÃMTULUI FOTII

Sãmtul Fotii atsel Marli bãná tu chirolu-a amiradzlor Mihali (842-867 d. Hr.), Vasili I
Machiduneanlu (867-886 d. Hr.) shi Leon VI Mintimenlu (886-912 d. Hr.). S-featsi tu tsitatea-
a Tsarigradlui, tu-anlu 810 (dupã altsãlji 820), tu unã fumealji di bunji crãshtinji, cari s-alumtá
ti tinjisearea-a sãmtilor iconji.
Pãrintsãlji-a lui, Sãmtul Serghii (iurtusit pi 13 di Mai) – frati-su-a amiroanjiljei Teodora
shi-a patriarhlui Tarasii – shi má-sa Irina, furã avinats di amirálu iconoclastu Teofil (829-842).
A fen-sui ãlji fu loatã avearea shi fu surghunipsit deadun cu nicuchira shi ficiorlji, di furnjiea
cá li tinjisea iconjli, shi muri tu surghuni ca un martusitor.
Cara li tricu etapili-a banãljei a lui, Sãmtul Fotii nai chi-prota fu ucenic, shi shidea cu
sãhátsli tu bibliotecã, cu dghivãseari, deapoa profesor ti filosofii la Universitatea di Magnaura,
prota universitati dit Ivropea dit Evlu Mediù, deapoa fu bãgat pi análtsã pozitsii di stat shi tu
soni, fu intronat pi sãmtul tron di patriarhu-a Tsarigradlui, ma eara shi practicantu-a njilueariljei
shi-a filantropiiljei. Tut chirolu Sãmtul Fotii s-alumta ti Pistea Ortodoxã, ti Traditsiea
Apostoleascã sh-ti Pistea-a Parapãpãnjlor tsi easti, tut ashitsi, njedzlu-a Sculiiljei Patristicã.
Sãmtul Fotii s-alumtá ti pistea ortodoxã, contra maniheishtsãlor, a iconoclashtsãlji shi-
altsãlor eretits, a multsãlji di elji ãlji turná tu Bãsearica Ortodoxã Universalã, a Hristolui.
Tu-anlu 858, anda di ispetea-a dimãndãciuniljei a amirálui patriarhlu Ignatii fu traptu
di pi scamnul di patriarhu, s-dusirã la Sãmtul Fotii cari sh-dealihea cá eara multu-alãvdat cá
easti izoti ma sh-ti pistea tsi u-avea tu el, sh-ti shtearea sh-ti bana cu sãmtsãlji.
Bãgarea-a lui pi scamnul di patriarhu-a Tsarigradlui s-featsi pi dzuùa di Cãrciun tu-anlu
858 d. Hr., di partea-a Episcoplu-a Siracuzãljei – Grigorii Asvestlu shi altsã doi episcopanji.
Ninti di-atsea Sãmtul Fotii fu-adrat cãluğru shi hirotonsit ti preftu.
Dinãoarã dupã intronizarea Sãmtul Fotii pitricu cártsã sinodeshtsã pãnã di papalu shi
patriarhiili dit Datã ta sãlã spuni ti-atseali tsi s-featsirã shi cu actsentlu ti restabilizarea-a
irinjiljei tu Bãsearica di Tsarigrad.. Ama ninti di s-poatã s-u-nvãrtusheadzã atsea irinji, atselji
cari-l tsãnea patriarhlu Ignatii s-adunarã tu bãsearica Sãmta Irina, shi cãftarã di papa su-l bagã
el pi functsiea di maninti, shi nu vrea ta s-avdã di canã turlii ti bãgarea-a Sãmtului Fotii pi
scamnul di patriarh. Atumtsea, Sãmtul Fotii lu-aduná Sinodlu tu bãsearica Sãmtsãlji Apostolji,
ta sã zburascã ti-atsea discãrfãsitã problemã. Sinodlu li arcá actsiili-a sustsãnitorlor al Ignatii
shi actsentá cá el, cu-atsea tsi trapsi mãna di scamnul a patriarhiiljei cama nu easti Patriarh.
Dupã-atseali lucri, Tsarigrad s-tsãnu defturlu Sinod Ecumenic, tu-anlu 861, la cari loarã
parti shi pãrintsãlji-a Protlui Sinod Ecumenic di Nicheia, shi la cari papa Nicolai pitricu doi
diligats. Dupã aestu sinod Sãmtul Fotii fu loat ti Patriarh Canonic a Tsarigradlui, shi deadirã
cãilãchi ti-alidzearea-a lui.
Deapoa, tu-anlu 863, la un sinod grit di papa, nu li pricãnãscu detsiziili-a Sinodlui dit
anlu 851 shi-lji “afurisi” cum Sãmtul Fotii, ashi shi Episcoplu Grigorii. Ama mintearea tu-aesti
lucri lji spusi-a Sãmtului Fotii shi ma ghini dzãsã-a ãntreagãljei Bãsearicã dit Datã, ti greauùa
scãdeari-a Bãsearicãljei dit Ascãpitatã, reprezentatã di papa.
Tii-atsea, la Sinodlu tsi s-tsãnu veara tu-anlu 867, pi initsiativa-a Sãmtului Fotii atsel
Marli, papa Nicolai fu traptu di pi scamnu ti actsiili-a lui nafoarã di zãconjli, shi fu anatemizat
nai chi-prota cu adãvgarea Filoque, bãgat tu Simbolu-a Pistiljei. Ashitsi furã arcati tuti
rástulmãcerli-a pistipseariljei catolicheascã, cari ici nu li tinjisea detsiziili-a Sinoadilor
Ecumeni-a Bãsearicãljei, cara sã shtea cá itsido di prãmãseari di pistea-atsea didealihealui dutsi
la cheardirea-a spiritualitatiljei, shi cara s-giudicá ca ti “amãrtii ti moarti” cafiuna prãmãseari
di Ortodoxiea (hasa pisti).Sh-dealihea, epistola tsircularã-a Sãmtului Fotii s-featsi un criterium
vãrtos tu yixearea-a lucrilor di-anamisa di Datã shi-Ascãpitatã.
Dupã vãtãmarea-a amirálui Mihali III, pi 24 di Yizmãciunji tu-anlu 867, di partea-al
Vasili I Machedonlu, s-featsi unã crizã tu Bãsearica dit Datã. Vasili I – ca shi Sãmtul Pãtidzãtor
Oani amirálu Irod – Sãmtul Fotii sertu-l vãryi shi-lji dzãsi: “Nu li hãrzeshtsã Mistiryili
Dumidzeshtsã, tini, cari tsã li mãryishi mãnjli cu sãndza-a tsilui tsi tsã featsi buneatsã-a tsáia”.
Shi-ashitsi Sãmtul s-featsi curbanea-a amirálui cari vrea s-facã unã consolidari politicheascã
shi fu traptu di pi scamnul di patriarh, shi iara fu turnat nãpoi Ignatii. A tu-anlu 869 fu grit
Tsarigrad, tu bãsearica Sãmta Sofiea, un sinod minciunos, ãn cap cu delegatslji-al papa Adrian
II. Aeshtsã lu-“anatemizarã” Sãmtul Fotii shi-l afurisirã deadun cu partizanjlji-a lui shi deadun
shi cu episcoplu Grigorii di Siracuza.
Cara fu scos dininti-a tsilui sinod, Sãmtul Fotii tãcu tamamileam tut chirolu-a
“dãviiljei”, andicralui di purtarea-a oaminjlor al papa, cari di multili ori lu-ntribarã: “Cãtse nu-
apãndãseshtsã?” Ama Sãmtul Fotii lã-apãndãsi: “Ni Hristolu nu-ascãpá di cãzneari”. Deapoa,
Sãmtul Fotii fu “cãtãrãsit” shi surghunit tu strimturli-a Bosforlui, tu márighideri shi chisati.
Ama cum tritsea anjlji, tu Bizantslu s-alãxirã lucrili, Vasili I, cara vru shi-u arãscumpãrã
nindriptatea tsi u featsi cu Fotii, ãl turná dit sughuni. Dupã moartea-a aushlui Ignatii, pi 23 di
Sumedru tu-anlu 878 Sãmtul Fotii fu turnat pi scamnul di patriarh a Tsarigradlui, pãnã tu-anlu
886, anda tu deftura oarã fu pimtu ta sh-si tragã, cá dupã Vasili I pi scamnu vini hilji-su, Leon
VI atsel Mintimenlu.
Sãmtul Fotii s-dusi la Domnul tu-anlu 891, anda s-afla tu surghuni tu Mãnãstirlu-a
Ermenjlor, shi li-alãsá ca dyeatã duhovnicheshtsãli-nvitsãturi shi iurtusitili patimati-a lui, ti
apurarea-a Ortodoxiiljei di dushmãneshtsãli dubãrái shi-a hulitorlor a hasãljei pisti. Unã
cumãtici di oasili-a lui s-aflã la Mãnãstirlu Dionisiù di Ayi-Norlu.
Creatsiea-a lui teologheascã li spuni alumtili-a Bãsearicãljei shi u spun piste shi
sumenjea-a Bãsearicãljei.Ti-atsea sumenjea bãsericheascã vidzu tu lishlu-a Sãntului Fotii un
vãrtos vigljitor a Bãsearicãljei dit eta IX.
ACATISTLU A SÃMTLUI FOTII

(pi 6 di Shcurtu, stil valahutescu)
Troparlu-a Sãmtlui Ierarhu Fotii Marturisitorlu,

Patriarhlu-a Tsarigradlui, glas 1:
Ca unlu tsi ti-aflji deadun cu apostoljlji pi tseruri shi-a ortodocshilor

mari vigljitor, a miletiljei bun dascal, shi-a eresilor latineshtsã sertã-
ncustari, Sãmte Fotii, Hristolu Dumidzá pãlãcãrsea-L casten ta s-li-ascapã
geanurli-a noasti.
Condaclu 1
A Triadãljei vigljitorlu, yinits, voi vruitorlji-a marturisitorlor ta su-l

alãvdám noi tuts atselji cari ascãpám di cheaimetea-a eresurlor prit
ãnvitsãturli-a lui, livendul agiutor a tsilor tu nivolji, shi sã-lji dzãtsem:
Hãrsea-ti, aleptul tirinsit shi marturisitor Fotii!
Icoslu 1
Anghil di-mbrustelã eshtsã anamisa di marturisitorlji, di Dumidzálu

mintimen fãcutlu Fotii, fala-a arhiereilor shi harauùa-a macenitslor ti cari
cu-aplicati alãvdári ti-alãvdám shi tsã dzãtsem:
Hãrsea-ti, cá lutsita-ts iurtii-a ta tuts nã fatsi hãrãcochi!

Hãrsea-ti, cá ti tsitatea-amireascã fushi picurar di dealihealui!
Hãrsea-ti, cá shi-a nauùã urnimii bunã ti spuseshi!
Hãrsea-ti, trumbeta cu vazi mari-a Sãmtului Duh!
Hãrsea-ti, picurarlu-a oilor cu gurã di om!
Hãrsea-ti, tini-ascumtul sh-di dunjeai nishtiutlu!
Hãrsea-ti, cá azã ca un sori-a tutãlor apirishi!
Hãrsea-ti, cá arádzli-a tali s-teasirã pristi tut loclu!
Hãrsea-ti, cá dogmili-a ortodoxiiljei cu mari foc li-apurashi!
Condaclu 2
Ca un náù apostol ti pitricu tini Dumidzálu, omlu-a tserlui shi anghil

di pristi loc, cá cara-mpiltishi di trei ori sãmtã cãntari, fãtseshi cá anghiljlji
deadun cu oaminjlji sã-Lji cãntã-al Dumidzá: Aliluia!
Icoslu 2
Eshtsã náùlu dascal a miletiljei, tini dumidzescul Fotii, cá cara ahurhi

cãftarea shi-avinarea-a pistimenjlor, nai chi-prota lãcãrtorlji-a
pãngãnamiljei agudirã pi picurarlji, shi deapoa cu lishureatsã s-u
asprãndeascã cupiea, pristi cari cu tuti cara-anãchisirã, avdzã di la noi ashi:
Hãrsea-ti, cá multu plãmseshi cara u vidzushi cheardirea-a cupiiljei a

ta!
Hãrsea-ti, cá pãlãcãrii caldi lji-anãltsashi-al Dumidzá!
Hãrsea-ti, ninfricatlu martusitor a ãndriptatiljei!
Hãrsea-ti, cãtuğursitorlu ni-azvimtu-a nindrptatiljei!
Hãrsea-ti, tini tsi spuseshi mari giunatic tu-avinarea!
Hãrsea-ti, cá-lji ãnvãrtusheashti ãndreptsãlji doxãsitori!
Hãrsea-ti, cá eretitslji lji-afurisishi!
Hãrsea-ti, fala-a ortodocshilor!
Hãrsea-ti, arana nivindicatã-a Latinjlor!
Condaclu 3
Bãsearica s-hãrseashti, Pãrinte, cara vidzu cá picurarlu sh-lu didea

geanlu ti oili, a ceturli di-Arhanghilji, a Serafinjlor shi-a Heruvinjlor, cu tutã
ashcherea-a tserlui, uidisescu cãntari: “Sãmtu, Sãmtu, Sãmtu”, shin ni
deadun cu tini cãntám: Aliluia!
Icoslu 3
Cara nu li vrushi, Pãrinte, doxa shi tinjiea tsi duc shcurtu chiro, lji-
nchirdãsishi ti oaspits Dumidzálu, sãmtsãlji shi-anghiljlji, shi averlu cu-
ndriptatea li marturisishi, ti-atsea tsã cãntám:
Hãrsea-ti, cá nica tu banã cu sãmtsãlji tu-aradã intrashi!

Hãrsea-ti, tini cari zburãshi cu Oani Gura di Malãmã!
Hãrsea-ti, tini cari liturghisishi deadun cu Sãm-Vãsiljlu!
Hãrsea-ti, cá u-arcashi dogma-a tsilor dit Ascãpitatã!
Hãrsea-ti, cá tu cripári anda fushi, marturisitor ti spuseshi!
Hãrsea-ti, avinat anda fushi, ti Hristolu ti hãrseai!
Hãrsea-ti, cá-a tsáia zborlu tsã fu ãndreptu shi sãmtu!
Hãrsea-ti, cá nu u strãxishi naxinarea di buna pisti!
Condaclu 4
Ca huzmichear a Triadãljei shi-a sinoadilor sobornicheshtsã vigljitor,

li-nvãrtusheashi ãnvitsãturli-a Sãmtsãlor Pãrintsã shi teoriili-a apostoljlor
cu pisti vãrtoasã, shi cãntai: Aliluia!
Icoslu 4
Cara loashi hãbari di la-atselji dit Ascãpitatã, ti-ndripseshi tini shi

sotslji-a tálji ti marturisearea-a averlui, shi-atselji s-hãrsea cá sh-minduea cá
va ti-aplets la strãmba mindueari-a lor, ama tini ca un stur vãrtos armãseshi
ni-azvimtu, ti cari lucre ti-alãvdám ashi:
Hãrsea-ti, marli huzmichear a Sãmtãljei Triadã!

Hãrsea-ti, apurãtorlu-a teoriilor a apostoljlor!
Hãrsea-ti, vãrtusheatsa-a sheaptilor soboarã!
Hãrsea-ti, foclu-cãnjnã ti eretitslji!
Hãrsea-ti, cá di-arauùa hãbari nu ti-aspãreashi!
Hãrsea-ti, cá cu harauùã ti mushutsai ti piricljil!
Hãrsea-ti, ti preftsãlji shi miletea di tini urnipsitslji!
Hãrsea-ti, cá liturghisindalui cu Hristolu unã ti fãtseshi!
Hãrsea-ti, ashchirlálu-a Amirálui din Tseruri!
Condaclu 5
Cá tuts ashitsi vrurã fushi bãgat pi scamnul a patriarhiiljei prit

furnjiseari di-nsus, shi cara fushi bãgat ca videalã tu shindan, has ca soari
dideshi videalã isa-isa shi ti Datã shi ti-Ascãpitatã, shi-l doxãsishi Hristolu
cu cãntarea: Aliluia!
Icoslu 5
Sã-nfricushe shi trimburá minciunoasa ãnvitsãturã latineascã anda sã

spusi tinjisita numã-a ta, anda cu multã puteari s-asprãndea pristi lor
ereziea-a lor, a tini ca videalã u-avinashi scutidea, ti tsi shi ti-alãvdám:
Hãrsea-ti, harauùa-a ortodocshilor!

Hãrsea-ti, dip-bunlu ierarhu-a Hristolui!
Hãrsea-ti, cá budzãli-a tutãlor u spunea numa-a ta!
Hãrsea-ti, marli picurar shi-mbrustela-a tutãlor!
Hãrsea-ti, cá lu-nfricuishi papalu eretic!
Hãrsea-ti, lã puvrii bãgashi tu sãtãnálu!
Hãrsea-ti, cá ti-alumtashi pãnã di sãndzã!
Hãrsea-ti, videalá tsi u-avinji scutidea-a ereticheascã!
Condaclu 6
Di-anda tsã li spuseshi giunaticlu shi tãhminea ti Sãmtili Scripturi, tuts

dipriunã tsã cãfta strãmbi furnjii, cá di pi scamnu shi di-anamisa di cupiea
ma s-ti scutea, dip s-ti chearã, ma tini ti tuti-atseali, cu hristuseari,
alãvdãciuni-al dumidzá Ãlji cãntai: Aliluia!
Icoslu 6
Urnipsit ti calea pi cari va s-imnji, li lunjinashi mintsãli-a pistimenjlor

ca un altu Pavlu, shi cara vinirã lãcãrtorlji-a anãpãdzãljiljei, ti-avinarã cum
nu undzea dit tsitatea amireascã shi-aránji ninumirati tsã zgrãmarã, nã
aplicám ta s-tsã aurlám ashi:
Hãrsea-ti, livendul shi tãhmingilu dascal ti Scripturli!

Hãrsea-ti, pãrinte, cá dipriunã fushi cãftat shi-avinat!
Hãrsea-ti, cá strãmbi furnjii pristi tini-arcarã!
Hãrsea-ti, cheardirea-ts di pristi loc eretitslji multu u vrea!
Hãrsea-ti, cá pistimenjlji lji-nvitsashi cu mistirghili-a pistiljei!
Hãrsea-ti, cá ti Hristolu aravdzã avinari!
Hãrsea-ti, cá pi cali multi-aránji tsã si dishcljisirã!
Hãrsea-ti, cá fudzishi dit tsitatea di pristi loc!
Hãrsea-ti, cá ti mutashi la-atsea din tser!
Condaclu 7
Ni pidimolu, ni avinarea, ni foamea, ni coarda, ni moartea nu pãturã,
Pãrinte, s-ti dispartã di sivdaea cãtã Ascãpãtorlu Hristos, ti cari u-
nchirdãsishi amirãriljea tsireascã shi tora cu anghiljlji cãntsã-n tseruri:
Aliluia!
Icoslu 7
Di multu di largu boatsea u fãtseshi ta s-hibã avdzãtã, cari Latinjlji

multu lj-pindzea la-alipidari, a miletea cu buna pisti cu vluiseri shi cu buni
urnimii ãlji duseshi pi buna cali, shi cari cu-alãvdãciunji ti paradista:
Hãrsea-ti, cá di-agiunaticlu shi seatea nu slãghishi!

Hãrsea-ti, cá avinarea shi coarda nu ti-aspãrearã!
Hãrsea-ti, cá moartea u lugurseai ti banã ti daima!
Hãrsea-ti, cá fushi-ncurpiljeat di sivdaea-a Hristolui!
Hãrsea-ti, cá largu cara earai, ti-averlu dipriunã zburai!
Hãrsea-ti, cá nu pãturã cu-mbunári shi cu mãreri s-ti-anãchiseascã!
Hãrsea-ti, cá u-nchirdãsishi amirãriljea fãrã di moarti!
Condaclu 8
Ãnvitsãturã largu di pistea-atsea didealihealui, tu-atsel chiro, papa di

Roma cara teasi, cilãstãsea s-u asprãndeascã pristi tut tu dunjeai; a tini
dinãoarã cu limba-a ta di retor pristi tut pitricushi urnimii cu njedz dit
Sãmta Scripturã, shi pidimolu-a táù cara-l vidzurã bunjlji pistimenji,
Dumidzálu Lu-alãvda shi dzãtsea: Aliluia!
Icoslu 8
Cu mari seati u-arcashi mãstrãpsita shi itra dogma prit cari Duhlu yini
shi di la Hiljlu, shi-ashi tsã undzishi cu Apostolu Pavlu, cari tu-afuriseari lji-
arcá atselji tsi u tulmãcescuu pistea ortodoxã, ashitsi sh-tini sum greùlu
blãstem lji-arcashi, a pistimenjlji hãrãcochi tsã cãnta:
Hãrsea-ti, cá ãnvitsãturã xeanã nu-aprucheashi!

Hãrsea-ti, cá anapudlu papa tie res lu spuseshi!
Hãrsea-ti, cá ti fãtseshi dushmanlu-a aralilor nãdii!
Hãrsea-ti, hiljlu-al dumidzá dupã hárli!
Hãrsea-ti, tini cari cu seati fushi ti dogmili ortodoxi!
Hãrsea-ti, cá tsã undzishi cu Pavlu!
Hãrsea-ti, cá Latinjlji cu greù blãstem lji-ncãrcashi!
Hãrsea-ti, cá pristi tut u pitricushi dogma-a pistiljei di dealihealui!
Condaclu 9
Stopanlu shi Arhiereùlu fãrã di moarti, Domnul a nostu Isus Hristos

Ãl marturisishi ca di-unã-iatsã shi daima faptul di Tatãl, a Sãmtul duh ca
inshit mash dit Tatãl, Doxã-a Triadãljei di-unã-iatsã shi nidispãrtsitã, a Curi
Ãlji cãntám: Aliluia!
Icoslu 9
Ca un náù apostol, di Dumidzálu tsi fu pitricut ti dãscãlãpseari,

ağonjea dit zãrtsinã lji zmulseshi ghingherlji-a urãtãljei pisti, shi cara lu-
arashi agurlu-a ininjlor a pistimenjlor tsi s-avea faptã hersu, u simianashi
semea dumidzeascã cari fitursi tu ininjli-a noasti, ti cari lucru ti vluisim shi
dzãtsem:
Hãrsea-ti, tini vluisitlu di Dumidzálu!

Hãrsea-ti, náùlu apostol ti-ntreaga dunjeai!
Hãrsea-ti, atsel tsi Sãmtul Duh ãndreptu Ãl marturisishi!
Hãrsea-ti, atsel tsi zvumearea-a Duhlui u spuseshi mash ca dit Tatãl!
Hãrsea-ti, atsel tsi u-nvãrtusheashi dogma-a Sãmtãljei triadã!
Hãrsea-ti, harauùa-a pistimenjlor!
Hãrsea-ti, tini tsi u siminashi buna semi!
Hãrsea-ti, cá deadirã biricheti cilãstãserli-a tali!
Hãrsea-ti, cá pãnã la noi agiumsi semea-a zboarãlor a tali!
Condaclu 10
Cara fushi surghuni, nu tsã mãnjisi mãna ta sã-nğrãpseascã, ni gura

ta s-li marturiseascã sãmtili zboarã ãnvãrtusheati pi cheatra Hristos, sh-ti
harauùa-a Sãmtului Duh cãntashi: Aliluia!
Icoslu 10
Cara u-avushi umutea-a ta mash la unlu Dumidzã, dealihea cá nu tsã

fu ti geabe, cá shtiushi la cari s-u ai umutea sh-ti pãlãcãrseai ta s-tsã da
arãvdari shi puteari, cari sh-li ãnchirdãsishi, a noi ti pãlãcãrsim s-li aprochi
ahtári niscãnti:
Hãrsea-ti, cá fushi pitricut surghuni!

Hãrsea-ti, cá multi ghideri hiljlji-atselji dimuneshtsãljei tsã featsirã!
Hãrsea-ti, cá mãna-a ta nu dãnãsi ta sã-nğrãpseascã!
Hãrsea-ti, cá gura-a ta prit Hristolu averlu-l marturisi!
Hãrsea-ti, tini-ndreptul cá di ispetea-a ãndriptatiljei fushi avinat!
Hãrsea-ti Sãmte, cari cu sãmtsãlji bãnedz!
Hãrsea-ti, umutea-a pistimenjlor dupã Dumidzá!
Hãrsea-ti, cá arãvdarea tsã fu alãxãmintul!
Condaclu 11
Cara vini chirolu shi bitimea-a etilor, pirifanlu Veliar vini cu-ağunjii
ca ljundarlu ta s-lji-ngljitã tuts atselji musheatslji-al Dumidzá; ma tini,
Sãmte, didip lu-anãchisishi shi dip ti iuva-l fãtseshi, cara Lu-alãvdashi
dumidzálu-Atsel tsi ti fãtsea gioni cu cãntarea:Aliluia!
Icoslu 11
Nai tu soni patimatli tuti shi pirazmadzlji li-arãvdashi, shit u tuti

hãrãcop cara ti spuseshi, tinjisitlu gean a táù tu mãnjli-a Hristolui ãl dideshi,
ti tsi trãpseshi pãnã la sãndzã, a Sãmtul Duh cara tsã tsãnu-aumbrã, nã-
nveatsã ashitsi ta s-dzãtsem:
Hãrsea-ti, cá itsrãljli-a demunlui cu pãlãcãrii li frãmseshi!

Hãrsea-ti, tini surpãtorlu-a pirifanjiljei a demunlui!
Hãrsea-ti, arana nivindicatã-a arğatslor a lui!
Hãrsea-ti, tini prit cari cãdzurã minciunjli!
Hãrsea-ti, di multu maninti shteai cá va s-mori ca macenic!
Hãrsea-ti, cá di canã turlii di nibuna moarti nu ti-aspãreashi!
Hãrsea-ti, cá greilji pidimadz cu giunatic lji-arãvdashi!
Hãrsea-ti, ti discurmashi dupã multsãlji pidimadz!
Hãrsea-ti, cá tricushi tu casili-a sãmtsãlor!
Hãrsea-ti, cá aclotsi di Domnul sh-di sãmtsãlji eshtsã ashtiptat!
Hãrsea-ti, cá ti fãtseshi izoti na-ndreapta-a Domnului ta s-shedz!
Condaclu 12
Sh-tsicara cá sum loc ascãpitashi, cu geanlu ti daima bãnedz shi fats

pãlãcãrii ti-atselji tsi u fac a ta sãmta adutseari-aminti, sh-ti hãrseshtsã cu-
atselji tsi cãntã: Aliluia!
Icoslu 12
Fá-ti njilãos cu noi, Pãrinte, shi hãrsea-nã tu patimatli-a noasti, shi fá-
nã vãrtoshi tu cilãstãseri, cá unã greauùã shi sarpã avinari s-mutá contra
Bãsearica-al dumidzá, shi cara him adushi tu mari strimturã, nu-avem altu
agiutor di iuva, shi la tini cara u-avem umutea grim ashi:
Hãrsea-ti, cá tu Bãsearica-a Hristolui tuts ti-alãvdám!
Hãrsea-ti, cá dininti di sãmta icoanã-a ta cu vreari nã-ncljinám!
Hãrsea-ti, tini cari lji-agiuts atselji tu nivolj!
Hãrsea-ti, tini tsi lji-nvãrtushedz atselji slaghlji!
Hãrsea-ti, tini cari lji-agiuts atselji avinatslji!
Hãrsea-ti, atsek tsi cu-alãvdãciunji eshtsã dip-mãrit!
Hãrsea-ti, cá tuts u tinjisescu adutsearea-aminti-a ta!
Hãrsea-ti, cu tuts ortodocshilji cari tsã grescu tu pãlãcãriili-a lor!
Hãrsea-ti, clirunomlu-a Amirãriljiljei din Tseruri!
Hãrsea-ti, samsarlu-a ascãpariljei a noastã!
Condaclu 13
O, tini ti tuti-alãvdatlu shi multu-tirinsitlu martusitor Fotii, aproachi-

li di la noi aesti alãvdári cu-aplicãciuni shi caftã di scamnul a Sãmtãljei
Triadã curmari-a avinariljei, shi s-da vãrtusheatsã, ljirtari shi njilã ti-atselji
avinatslji ti hasa pisti, ta sã-Lji cãntám al dumidzá: Aliluia!
Aestu Condac s-dzãtsi di trei ori.
Deapoa iara s-dzãtsi Icoslu 1 shi Condaclu 1
Icoslu 1
Anghil di-mbrustelã eshtsã anamisa di marturisitorlji, di Dumidzálu mintimen

fãcutlu Fotii, fala-a arhiereilor shi harauùa-a macenitslor ti cari cu-aplicati alãvdári ti-
alãvdám shi tsã dzãtsem:
Hãrsea-ti, cá lutsita-ts iurtii-a ta tuts nã fatsi hãrãcochi!

Hãrsea-ti, cá ti tsitatea-amireascã fushi picurar di dealihealui!
Hãrsea-ti, cá shi-a nauùã urnimii bunã ti spuseshi!
Hãrsea-ti, trumbeta cu vazi mari-a Sãmtului Duh!
Hãrsea-ti, picurarlu-a oilor cu gurã di om!
Hãrsea-ti, tini-ascumtul sh-di dunjeai nishtiutlu! Hãrsea-ti,
cá azã ca un sori-a tutãlor apirishi! Hãrsea-ti, cá arádzli-a tali s-
teasirã pristi tut loclu! Hãrsea-ti, cá dogmili-a ortodoxiiljei cu mari
foc li-apurashi! Hãrsea-ti, aleptul tirinsit shi marturisitor Fotii!
Condaclu 1
A Triadãljei vigljitorlu, yinits, voi vruitorlji-a marturisitorlor ta su-l alãvdám noi

tuts atselji cari ascãpám di cheaimetea-a eresurlor prit ãnvitsãturli-a lui, livendul agiutor
a tsilor tu nivolji, shi sã-lji dzãtsem: Hãrsea-ti, aleptul tirinsit shi marturisitor Fotii!
BANA SHI FAPTILI-AL
GAVRIL DI AYI-NORLU EPISCOP DI VELICA
Episcoplu di Velica Gavril s-featsi tu-anlu 1926 Shtip, di pãrintsã Ortodocshi di soi
armãneascã Metodiù (cama-amãnat cu numã di cãluğru, Chiril) shi Goritsa Parnagievi. Di-anda
tinir nica sã spusi multu imir shi ascultãtor. Ti-nvitsari eara psif shi cu unã hari ti arta-a
picturãljei ti cari shi lo diploma di la Universitatea di Belgrad, sectsiea sculpturã, tu-anlu 1955.
Eara unlu di ma bunjlji sculptori tu statlu. Cama-amãnat s-acãtsá tu lucru ca profesori ti isturiea-
a artãljei shi educatsiea ti picturã tu ghimnaziea di Shtip. Putes nu u-agãrshi shi lucrarea ti
Dumidzá. Shi-u avea ca sitithiu ta s-hibã cafi dzuùã la dgheavasi di la bãsearica catedralã “Yin-
Nicola” di Shtip.
Tu-anlu 1963 s-trapsi dit dunjeai shi dit lucru shi s-dusi cá tutã bana s-lucreadzã mash ti
Dumidzálu. S-dusi Ayi-Nor. Ti-atsea cá ta s-poatã s-sheadã aclotsi izini lj-si deadi di ğumina-
a Ayi-Norlui, Stã-Mãriea. Sã spuni cá anda agiumsi tu statlu cãluğrescu s-dusi la mealu di
Amarea Eghei shi vru ta sh-si la tu fatsã. Atumtsea vidzu unã muljeari cari njilãoasã ãl mãtrea.
Dupã niscãntã oarã muljearea, cum avea vinitã ashitsi shi s-chiru. S-mindui shi duchi cá atsea
eara Stã-Mãriea, di ispetea cá Ayi-Nor nu pot ta s-calcã muljerli. Atsea ãlji deadi sh-ma mari
curaji ti lucurlu-a lui.
Aclotsi lucrá tu schitlu “Camena” tu unã pishtireauùã ca ascultãtorlu-a tatãlui Tatian (dit
Arusiea) cari ti jeali, dupã shcurtu chiro s-arihnipsi la Dumidzá. Ti Liturghii shi cumnicari ca
di-aradã s-dutsea la mãnãstirili-a Hilandarlui shi Sãntul Pavlu, iu di ispetea-a frunimeatsãljei a
lui ãlji si dzãsi Nividzutlu di ispetea cá canã nu-l videa cãndu yinea shi cãndu fudzea shi putea
di-l videa mash anda s-apruchea di s-cumnica cu sãmtili shi-ascãpãtoarili mistirghi-a Hristolui.
Ti cãluğru fu adrat tu mãnãstirlu Sãmtul Pavlu cu numa di cãluğru, tatãl Gavril.
Cum s-purtá el Ayi-Nor canã nu shtii, armasirã mistiriu ti oaminjlji shi dininti-al Dumidzá,
ama ti bana-lji dicara tu-anlu 1971 s-turná tu Machidunii s-poati sã si spunã niscãnti lucre. Ti
tatãl Gavril putem fãrã di ihlé s-dzãtsem cá eara unlu di nai ma márlji aschitadz ti chirolu di-
azã. Ma ghini dzãsã, el putes shi nu durnjea ama shi tu-atsea oarã anda durnjea, durnjea-mpadi
icá pi ascurã aruguzinã. Dipriunã eara pi sarpili preasini. Putes nu mãca mãcári cu untulemnu,
a mãca unã posforã tu stãmãnã.
Anda tu-anlu 1971 di Ayi-Norlu s-turná tu Machidunii, cara cãfta isihii ta s-poatã dipriunã
sã-lji si pãlãcãrseascã-al Dumidzá, alãxi ãndauùã mãnãstiri, Stã-Mãriea di Matca, ningã Scopia,
Stã-Mãriea di Pobojie, Yi-Dimitri – Mãnãstirlu-al Marcu, Sutira di Zãrze, tu-a Pãrleaplui, shi
tu-anlu 1975 ti daimalui ta sh-si curdiseascã tu mãnãstirlu-a Sãmtului Gavril di Lesnuva dit
hoara Lesnuva – Eparhiea-a Brifalnitsãljei di-atumtsea, di Zleta-Strumitsã. Aclotsi el shtea cá
shi cu dzãli-ntredz s-fugã di la mãnãstir shi sh-si curdiseascã tu daùli pishtirei di-aproapealui
iu tritsea dzãli shi iminjeaclu-a lui Sãmtul Gavril di Lesnuva.
Avea mari pisti shi vreari ti Dumidzálu shi ti-atsea ti tsi su-L pãlãcãrsea Dumidzálu
dinãoarã lj-si fãtsea. Sã spuni ti unã faptã nisheani anda-a unãljei muljeari tsi eara hilji
duhovnicheascã-a lui nipot-su eara multu lãndzid shi lu-ashtipta multu greauùã operatsii ti cari
iatsãrlji nu garanta cá va s-armãnã yiù. Tu-atseali greali momenti di caimo hilje-a lui
duhovnicheascã s-avea shi dip agãrshitã ti Tatãl duhovnichescu, ama ninti di dzuùa-a
operatsiiljei anda eara ca chirutã di minti lj-si spusi unã idei cá ta s-ducã la paplu Gavril (cum
multsãlji ãlji dzãtsea) shi ãnchisi ta s-ducã. Dininti-a poartãljei u-ashtiptá tatãl Gavril cu
zboarãli: Du-ti acasã, nipot-tu easti sãnãtos. Shi anda s-turná acasã shi spusi ti vindicarea ti
ciudii tuts s-ciudusirã, pãnã shi iatsãrlji. Shi ficiorlu Gh…. nica bãneadzã shi easti un martur
yiù cá di pãlãcãriili-a tatãlui Gavril limba-a lui s-dizligá shi pisicá di zburashti.
Tatãl Gavril u-adusi la loc shi veacljea cunachi di la mãnãstir shi u-adrá shi bãsearica Stã-
Mãriea atsea Marea di Probishtip, cari easti shi prota shi unã sh-tutã bãsearicã tu cãsãbá.
Tu-anlu 1981 di Sãmtul Sinod a Bãsearicãljei Ortodoxã-a Machiduniiljei fu aleptu ti
arhimandrit, a pi 28 di-Agustu pi dzuùa di Marea Stã-Mãrii tu-anlu 1989 fu hirotonizat sh-ti
episcop cu titulatura di Velica.
Moartea cari u duciy cá ãlji si aproachi singur shi-u spusi shi singur shi dghivãsi 40 di
Liturghii ti-arihnipseari. Arihnipsi isih cu pãlãcãrii cu vrutlu-a lui Vanghel pi cheptu shi cu
cãmbãloghili tu mãnã. Ninti s-arihnipseascã singur tuti sh-li ãndreapsi ti ãngrupãciunea-lji shi
pi unã frãndzã di carti ãnğrãpsi: mãcarea adrats-u fãrã untulemnu. Lji-aduná tuts ficiorlji-lji
duhovnicheshtsã di Lesnuva shi lã dzãsi: ficiorlji-a melji, pãnã tora fui cu voi, shi tora gairé mi
duc tu Erusalimlu di-Ndzeanã shi iara va s-escu cu voi shi va vã ashteptu tu Erusalimlu din
tseruri.
Apudurnji pi 12 di Yinar tu-anlu 1990. Shi dealihea cá nu-lji alãsá hiljlji-a lui
duhovnicheshtsã, Dupã treaca-a lui tu Erusalimlu di-Ndzeanã a multsãlor lã si spusi tu yis, shi-
a unlui hilj duhovnichescu-a lui cari multu pisicá di u chirea videala, ãlji si spusi tu yis, ãl
vindicá shi trapsi ti la bãserichitsa “Anãltsarea0a Hristolui” di Shtip. Tu casa-a unlui hilj
duhovnichescu-a lui di pi cadurlu-a lui, tsi ãlji lu-avea data di-anda eara tu banã, pisicá di cura
sãmtu mir. Ama shi pãnã az’ tutã dzuùa ari seamni shi ciudii la groapa-a lui di iu s-ducheashti
shi unã nostimã anjurizmã pit erã a hurgheatslji dzãc cá dupã duca-a lui la Dumidzálu la groapa-
a lui videa videalã ca soi di stur di pirã.
Canonizarea-a lui tu arada-a sãmtsãlor s-featsi tu-anlu 2017 Shtip.
Dupã pãlãcãriili-a sãmtului tatã-a nostu Gavril di Ayi-Norlu episcop di Velica, Dumidzali-
m Isus Hristo njiluea-nã noi. Amin.
Cá eara di soi armãneascã dzãc io, cari li-ndrepshu aesti zboarã, cá mi-am vidzutã cu el shi
el insushi nji-ari dzãsã cá easti di soi armãneascã, dicara lji spush cá escu Armãn. Ama martur
easti shi tinjisita Melpa Stefanovska (tsal Costa-al Tsigari) di Scopia cari easti mari
huzmitcioanji la bãsearica Stã-Vinirea di Chisela Voda di Scopia, shi-a curi unã featã s-featsi
cãluğreauùã la Mãnãstirlu dit hoara Ljubantsi di Scopia. El lji-ari spusã cu gura-a lui cá shi el
easti di soi armãneascã.
Scopia, tu-ahurhita di Bruma, 2018. Dina Cuvata
SAMTUL GRIGORII DI OHARDA
Sãmtul Grigorii di Ohãrda easti un sãmtu crãshtinescu shi episcop di

Ojãrda.
Dubristean dascal ship astir a cupiiljei a Hristolui. Muri tu anlu 1012. Pi
unã inscriptsii dit bãsearica “Sãmta Sufii” di Ohãrda lj-si dzãsi “Grigorii dip-
mintimenlu”
Tu bãsearica ortodoxã dzuùãa-a lui s-iurtuseashti pi 8 di Yinar.
BANA SHI FAPTILI-A
SÃMTULUI ILARION
EPISCOP A MEGLENIILJEI
Pãrintsãlji al Ilarion eara multu-avdzãts ama shi dupã pistea, shi nica di-anda njic ãl
deadirã s-li ãnveatsã cártsãli ti preftsã. Anda umplu optusprãdz di-anji, Ilarion fudzi di la
pãrintsãlji shi s-dusi tu mãnãstir. Dicara featsi multsã anji la mãnãstir, ğuminlu ninti di moarti
ãl bãgá tu loclu-a lui/ Di ispetea cá s-featsi bun tu lucrili crãshtineshtsã, tu-anlu 1134
arhiepuscoplu di Tãrnuva, Ievstatii, ãl bãgá ti episcop a Megleniiljei, shi pi-atsea potisi armasi,
cu cumãndusearea-a eparhiiljei treidzáts di-anji, pãnã la moarti.
Tu Megleniea tu secolu 12 bãna multsã cari eara sectashi ca bogomilji, pavlicheanji shi
manichei, cari di bãsearica eara arcats ca eres. Dupã moartea-a amirálui Samoil, Megleniea dit
anlu 1015 cãdzu sum cumanda-a amirálui a Bizantslui Vasili II, shi el tu Megleniea curdisi
multsã Sirieanji, Ermenji shi Pecenedz.
Ilarion unã tsi s-curdisi pi scamnul di episcop a eparhiiljei a Megleniiljei, dinãoarã intrá
tu alumtã dishcljisã cu-atselji cari eara cu altili videri relighioasi, alumtã tsi fu spusã ti
haghiografiea-al Ilarion di partea-al Eftimii, patriarhlu-a Tãrnuvãljei (1375-1417).
Ti shcurtu chiro Ilarion vidzu cá multsã di oaminjlji suntu di partea-a pistipseariljei a
maniheilor, a Ermenjlor (monofizitslji) shi-a bogomiljlor. Shi multsãlji di-atselji cu-altili
mindueri cãfta cá cu elji sã si debateadzã ti pistea. Ilarion featsi multi debati shi multsã di-
atselji prãmãsitslji ãlji turná tu crãshtinami.
Manoilo I Comnin, amirálu-a Bizantslui, a episcoplui Ilarion lji spunea tinjii, shi-lji
pitritsea len-turlii di pishcheshi shi alti tsi lj-eara lipsiti. Ilarino featsi cá anamisa di eretitslji s-
apreasirã cãvfadz di cafi dzuùã, di ispetea cá niscãntsãlji li-alãvda zboarãli-a lui, a altsãlji shi-
u apura pistea-a lor. Shi tut ma multsãlji di pavlicheanjlji sh-di bogomiljlji tritsea tu
Crãshtinami. Shi cara vidzu cá cum s-duc lucãrli, amirálu Manoilo lj-si avea faptã multu chifea,
shi-al Ilarion lji-nğrãpsi carti cá tut ereslu-a bogomiljlor dip su-l spãstreascã dit cupiea
crãshtineascã, cá tuts atselji cari va s-facã di cãili cu dogmatili s-hibã aprucheats tu
Crãshtinami, shi-atselji cari nu va s-cãndãseascã s-hibã avinats iuva diparti. Shi multsã di
oaminjlji cara avdzãrã ti-ashitsi tricurã tu Crãshtinami. Ilarion, erapoi, la loclu iu maninti s-
aduna eretitslji, cu cãlugãrlji-a lui adrá bãsearicã tu numa-a avdzãtslor Apostolji. Shi-ashitsi
multsã di-atselji bogomiljlji ãlji turná tu cupiea-a lui, shi-atselji cari shi-armasirã nifrãntsã, di
multili turlii furã avinats.
Ninti di moartea-lji, Ilarion lji-aduná cãlugãrlji tuts shi-lji urnipsi s-hibã ascultãtori shi
ta sh-si vor un alantu. shi vãrtos ta sh-li tinjiseascã datili arádz. Ti ğumin lã-l bãgá Petru, cari
eara scularlu-al Ilarion multsã anji shi tu cafi un lucru multu chiro lu-agiutá. Ilarion muri pi 21
di Sumedru tu-anlu 1164.
Dicara tricu niscãntu chiro, niscãntsãlji di cãlugãrlji dit frãtsãljea pisicarã di prãmãsea
di arádzli bãgati di Ilarionlu. Elji ãlji si ãncustarã-a ğuminlui Petru shi apreasirã cãvgá shi
eresuri. Ğuminlu ãlji vãrghea, ma elji nu vrurã s-ascultã. Shi-atumtsea unã searã tu mãnãstir
multsãlji di-atselji tsi lj-si ãncusta a ğuminlui Petru furã frãmtsã tu pãrjinã, a niscãntsãlji shi
vãtãmats tu somnu. Dicara alantsãlji cãluğri vidzurã tahinima cá tsi s-featsi, furã ãngãirats di
frixi, shi di-atumtsea nicãrtiti li tsãnurã tuti arádzli mãnãstireshtsã. Shi-atselji cari di bãteari
furã frãmtsã ti multu chiro shi-armasirã lãndzidz.
Deapoa pisicá di s-lãrdzea pirmiflu cá tuti-atseali li featsi sãmtul Ilarion, cari tu yis lã
si-avea spusã-a cãluğrilor cari nu vrea ta s-ascultã, lã dzãsi multi zboarã naxina, a niscãntsãlji
ãlji muri, cá alantsãlji cãluğri s-nu-lji ãnfarmãcã cu teoriili-a lor.
Tu-anlu 1203 amirálu armãnescu Ionitsa u cãlcá Megleniea shi moashtili-al Ilarion li
dusi Tãrnuva iu eara scamnul a lui. Tu chirolu-a administratsiiljei turtseascã, tu bitimea-a
secolui 14 crãshtinjlji ortodocsji li-ascumsirã moashtili-al Ilarion tu vãrã loc di sum loc, iu
shidzurã multu chiro. S-pistipseashti cá deapoa preftsãlji gãrtseshtsã deadirã di eali shi pi-
ascumta li dusirã Tsarigrad. Niscãntsã dzãc cá nu sã shtii azã iu s-aflã eali, ma ari shi di-atselji
tsi dzãc cá eali suntu Tsarigrad.
Ideia cã aestu sãmtu easti di soi armãneascã nji-u deadi tinjisitlu Mihajlo
Gheorghievski, un mari spetsialistu ti vecljili manuscrisi machiduneshtsã shi autor a cartiljei
„Sãmtsãlji machiduneshtsã“, cari eara shi ãnsurat cu unã Armãnã di Crushuva shi di-aclotsi,
poati, lj-si trãdzea shi dorlu shi tinjiea ti-Armãnjlji.
BANA SHI PATIMATLI-AL
AIU-IANI DI IANINA
Patrida-a lushtui paradistat Iani eara Epirlu armãnescu, ma ghini dzãsã tsitatea Ianina, tsi
un chiro eara scamnul a amirálui Pir. Pârintsãlji-al Iani eara crãshtinji hashi. Cara armasi oarfãn
di-anda eara tinir s-dusi Tsarigrad, ta s-aflã lucru shi cu mãnjli-a lui shi scoatã ti bãnatic. Shi,
aflá lucru pi zãnatea-lji ama shi cu alãsh-virãshea shi ashitsi scutea ca ghini ti unã banã bunã.
Shi oaminjlji di Tsarigrad pisicarã di-lji dzãtsea Epirotlu, cara lu shtea cá easti di Epirlu.
Tu-atsel chiro Tsarigradlu eara sum Turtsãlji shi di pãngãnamea-a lor multsã di
crãshtinjlji s-arnisirâ di crâshtinamea. Shi, anamisa di elji, s-tihisi cá ta s-u aibã ducheanea shi
paradistatlu Iani Epirotlu, haslu crãshtin. Cu ahtárlji Iani daima sã-ncãcea shi-lji vãryea ti-atsea
tsi u-adrarã, cara eara tinir shi mintimen shi cutidzarcu tu zbor shi zbura fãrã di fricã ti-atsea
tsi eara dealihea.
Shi-ashitsi pisicarã di-l hãsmusea ghini Turtsãlji, pi di-unã parti cá-lji vãrghea di-aradã,
pi di-altã parti cara-l videa cá lucurlu lj-si dutsea ambar shi di tsi s-acãtsa di tuti aminta. Shi
pisicarã di lu-nchizmãsea shi s-minduea tsi furnjii sã-lji aflã, ta su-l chearã. Shi cara u duchi
paradistatlu Iani Epirotlu arãeatsa-a lor, nu s-aspãré, ma sh-nica ma multu vrea dit gean ta s-
tragã ti hasa pisti-a Hristolui.
Shi, cara s-dusi el la protlu preftu-a Tsarigradlui, la pãrintili-lji duhovnichescu, pi dzuùa

di Viniri Mari, tu-anlu 1500, shi-u featsi marturisearea ti alutuserli-a lui. Shi-lji spusi-a
preftului ti dushmãniljea-a vitsinjlor cari lu-nchizmãsea shi vrea su-l chearã. Deapoa lji-u spusi
shi mirachea, cá va ta s-tragã ti Hristolu, shi-lji cãftá urnimii bunã. Shi protlu pi prezviteranjlji,
cara-l vidzu cá easti tinir di-anji, nu-l urnipsi sh-si da ti macenitsãlji, shi-lji dzãsi: “O, frate,
vedz s-nu ti bagã dracu pi-ahtari ‘nã minti ca-aestã; ti-atsea cá el shi-u ari ca-nvets la multsã s-
bagã ahtári mindueri, shi-lji urnipseashti ti macenitsãlji, shi ashitsi ma-amãnat cara va s-asparã
di pidimadzlji shi va s-cadã, sã-lji facã ti pezã shi maitapi la unã dunjeai, ca oaminji cari
ahurhirã shi nu bitisirã, cara nu strãxirã pãnã tu soni”.
Atumtsea gionli dzãsi: “Umutea nj-easti la Hristolu-a meù, cá nu va mi facã ti maitapi la

dushmanjlji-a melji, shi cama multu cá va mi ãnvãrtusheadzã, ta s-u anãchisescu putearea-a
ehturlui”. Shi prezviterlu ãlji dzãsi: “Hilj, easti ãnğrãpsitã: Duhlu easti mintimen a truplu easti
slab. A un lucru ca aestu tsi tini-l vrei, sh-caftã multã ãndridzeari; ãlji lipsescu multi preasini
shi pãlãcãrii, cu cari, dicara va ti chischinipseshtsã di tutã lãvãshiljea-a amãrtiiljei, Dumidzá va
tsã spunã tsi s-adari; ti-atsea cá Dumidzálu va ta sh-si curdiseascã tu geanurli-a chischinjlor.
Scljeamã, adunã-ts mintea-n cap shi imnã-ts arãhati. Shi io va-L pãlãcãrsescu Dumidzálu, ta s-
ti veaglji tini di tuts ehtsãrlji-a tálji vidzuts shi nividzuts, di oaminji shi di demunji, shi s-ti facã
tuts sã-lji anãchiseshtsã”. Ashi cara dzãsi, ãl pitricu gionli cu-arãhati.
Ama alantã dzuùã, paradistatlu Iani iara s-dusi la idghul pãrinti duhovnichescu, cu fatsa
ascãpiratã shi geanlu ağno harauùã. Shi-lji dzãsi: “Tinjisite pãrinte, tora-seara tu unã furnjiseari
dit somnu mi vidzui cá earam tu mesea di piri, ma nu ardeam, ma mi hãrseam shi giucam, ca
di unã zãmani atselji treilji gionji tu cireaplu-a Babilonlui. Scljeamã, cu agiutorlu-a Tsilui
Dipanaltul, u-am umutea cá lucurlu minduit di mini va s-easã ti ghini. Ama, ti plãcãrsescu,
tinjisite pãrinte, s-mi armãtuseshtsã cu pãlãcãriili-a tali”. Shi pãrintili duhovnichescu ãlji dzãsi:
“Dumidzálu s-tsã da puteari, hilj, ta su-l anãchiseshtsã luplu, stihiùlu atsel nividzutlu, shi ti
Hristolu s-ti ãncãrunedz cu macenitsãljea”. Shi, ashitsi, lj-featsi cali-a gionlii, shi lj-deadi curaji
cu-ahtári zboarã, cu tağma cá va s-pãlãcãrseascã la Dumidzálu ti el, Atsel tsi lji-agiuta-a lui.
Shi dicara s-dusi paradistatlu Iani tu ducheanea-lji dit pãzari, ãl vidzurã dushmanjlji-a
lui, cari di maninti sh-si avea urnipsitã ti cheardirea-a lui, shi shi zburãrã unlu cu-alantu: “A
bre nu easti-aestu atsel cari s-avea arnisitã Tricu (ãnji pari cá va s-hibã Tricala). Shi, cum easti-
aestu lucru di el easti crãshtin?” Cara li-avdzã aesti zboarã tinirlu gioni shi cu inati cara ãlji
mãtri lã dzãsi: “A bre voi ti mini li dzãtsets aesti ma ti-altu vãrã?” Shi elji ãlji dzãsirã: “Ti tini
shi ti-altu canã; am tsi nu spunem tsi easti dealihea,de?” Shi apãndãsi paradistatlu: “Si nu nj-si
facã cá s-mi arnisescu di Hristolu Dumidzálu-a meù, nitsi Tricu, ni aljurea, shi putes s-nu s-
facã di mini ahtari lucru; cá ti Hristolu bãnedz shi va s-bãnedz ti daimalui shi escu etim shi s-
mor ti El”. Shi elji, cara sã-nvirnarã multu di el, multu s-nãrãirã shi, dinãoarã cara ansãrirã di
la locãrli-a lor, ãlji si hiumãsirã shi, cara lu-acãtsarã, ãl trapsirã azvarna ti la giudicari. Shi
sãmtul gioni s-dutsea ca la giumbushi, cu fatsa ascãpiratã shi cu hãshti. Shi-l deadirã tu mãnjli-
a anapudlui giudicãtor, shi elji insushi lj-si featsirã pruzvulusitor shi marturi shi giudicãtori.
Shi lji-arca unã cãbati minciunoasã, ghotaha Tricu, tsitatea-a Tesaliiljei s-avea arnisitã di
Hristolu dininti-a tutãlor shi tricu tu islamlu., shi dicara vini Tsarigrad, iara s-featsi crãshtin shi
Muhamed ãl huleashti. Shi, cara ahurhi giudicarea, nai chiprota s-fãtsea cá-lji doari geanlu shi
cá lã easti njilã ti el, shi ti-atsea pisicarã cu lácãrnji su-l anganã ta sh-si arniseascã di Hristolu.
Shi-alantã dzuùã iara lu-ntribarã: “Ti minduishi ta s-ti arniseshtsã di Hristolu shi s-ti fats
unã cu noi?”/ Cara vidzurã cá nu s-alãxi, iara ãl bãturã cu ciumádz cu cipoari ti moarti. A el
vãrtos ca iamandu li-arãvda durerli shi tãtsea shi preağalea sh-si pãlãcãrsea la Dumidzá shi
dzãtsea: “Ãnvãrtusheadzã-mi, Unlu Naimagionli, Dumidzali-m! Dá-nji puteari shi
vãrtusheatsã shi tindi-nji mãna ti-agiutor dit sãmtul cathió a Táù!” Shi-a dushmanjlor lã
dzãtsea: “Escu sclavlu-a Hristolui, imnu dupã Hristolu sh-ti Hristolu mor, cu El ta s-bãnedz ti
daimalui”. Shi-atselji strãnghilji iara-l bãgarã tu zãndani. Aclo iu-l dutsea calea ãl trãdzea di
peri, lu-agudea pi fatsã shi-l cãlca sum cicioari. Shi-alantã dzuùã-l bãturã ma el lã cãnta cãntits
bãsericheshtsã: “Hristolu ãnye dit mortsãlji …”, shi altili-ahtári tsi li shtea. Shi-ashi nica multu-
l pidipsirã. Calea tuts ãlji dzãtsea sh-si arniseascã ma el nu lji-ascultá shi cara agiumsi la apreslu
foc singur ansãri tu piri ta s-ardã, ama lãcãrtorlji lu-acãtsarã di silivari shi lu scoasirã. El lã
dzãsi: “Titsi nu mi-alãsats ta s-ardu tu piri? Titsi nu mi-alãsats s-escu curbani nostimã ti
Hristolu-a meù?” Ama giudicãtorlji aleapsirã altã moarti ti el, ti ma mari tiran. Shi-ashitsi
arishirã cu coarda su-l vatãmã. Ãlji dimãndarã-a gilatlui sã-lji lu talji cxaplu-a ni-anãchisitlui
gioni, shi deapoa truplu si caplu sã-lji li-arucã-n foc, dip ta s-ardã.
Ashitsi shi-u lo cãruna-a macenitsãljiljei Sãmtul Náù Macenic a Hristolui, Iani Epirotlu,
pi dzuùa 18 di Apriir tu-anlu 1500. Shi dicara arsi el shi dicara s-asteasi foclu, pistimenjlji loarã
niscãnti cumáts di oasili-a lui, armasi dit foc. Shi, cara li loarã cu pistuseari, cu tinjii li tsãnurã
la elji, shi-L doxãsea Hristolu Dumidzálu-a nostu, Atsel alãvdatlu deadun cu Tatãl shi cu
Sãmtul Duh, ti daimalui. Amin.
BANA SHI ACATISTLU-A SÃMTULUI IOANICHII
DI RACOTINTSI, NINGÃ SCOPIA
BANA-A SÃMTULUI IOANICHII
DI RACOTINTSI, NINGÃ SCOPIA
Dit Autobiografiea-a sãmtului s-veadi cá s-featsi pi 7/ 20 di Yinar tu-anlu 1847, Ohãrda.

“di pãrintsã Ortodocshi, Ghorghi shi Sofiea” shi muri tu-anlu 1940, tu hoara Racotintsi, ningã
Scopia. Sã shtii cá ninti ta sh-si curdiseascã tu hoara Racotintsi, la Mãnãstirlu “Ayi-Iljelu”,
arhimandritlu featsi banã di cãluğru tu Mãnãstirlu-al Marco, di ningã Scopia shi alti mãnãstiri.
Tu-a lui chiro eara lugursit ti nai ma ãnvitsatlu om pi amvãrligalui. Ãndreptul Ioanichii, madan
tsi eara arhimandrit, fãtsea shi ca dascal shi giudicãtorlu-a loclui. S-featsi cãnãscut shi dupã
atsea cá shtea multi lucri shi dit dumenea-a meditsinãljei shi eara lugursit shi ti iatru.
Ti cama multsãlji di miletea s-featsi di interes la crãshtinjlji ortodocshi cu, ashi cum s-
pistipseashti, inshearea tu miğdani-a moashtilor a lushtui sãmtu om. Ashi cum sã shtii,
arhimandritlu bãná shi liturghisi tu bãsearica dit hoara Racotintsi, ti cari un ãnvitsat Sãrbu, iuva
ca pi la anjlji 1870 shi tsiva u vizitá hoara shi ãnğrãpsi cá oaminjlji di-aclo lji spusirã cã
pãpãnjlji-a lor eara vinits dit hoara Rucutina, di anvãrliga di Curceauùã, azã tu Arbinishii. Tu-
atsel chiro, atsel om ãnvitsat vidzu shi tsiva veclji stranji armãneshtsã la niscãntsãlji di-aushlji,
ama lji spusirã shi el spusi tu cártsãli-a lui cá vidzu shi aushi cari nica shtea cãti vãrã zbor
aemãnescu. Ti-aesdtu lucru nai ma ninti nji spusi acad. Haralampie Polenacovici di Scopia, a
deapoa shi io u-aflai cartea “Skopska kotlina”, iu sa spuni ti-ashitsi. Un multu ãnvitsat om di
Scopia, Mihailo Gheorghievski, spetsialistu ti vecljili manuscrisi machiduneshtsã shi autor a
cartiljei “Sãmtsãlji machiduneshtsã” ãnji dzãsi cá Ioanichii, ti cari sã spuni tu gazetili di Scopia
easti di soi armãneascã (cum eara shi Sãmtul Ilarion di Megleniea shi Sãmtul Nectarie di Bituli)
shi nica nji spusi cá el lji-avea avdzãtã aushlji, shi tu anjlji di tora, cum cãnta cãntits pi limba
machiduneascã, ama cu iholu ca cãntarea polifonicã dit Arbinishii, tsi va s-dzãcã di-a
Fãrshirotslor din Curceauùã. Aestu lucru, ninti di-ndoi anji ãlji lu spush io ali Cleanti Liacu-
Anovsca di la Institutlu ti forlclor “Marco Tsepencov” di Scopia, ama ea nu spusi canã interes.
Ãndreptul Ioanichii muri anda avea 101 di-anji shi mirachea-a lui fu cá ta s-hibã
ãngrupat tu-atsea hoarã. Nica di-anda eara tu banã, arhimandritlu singur shi-u avea sãpatã
groapa shi tu ea lu-ngruparã dicara muri.
Moashtili-a sãmtului insu di dauùã ori inshirã tu miğdani. Prota tu chirolu-a arigimlui
a sotsialishtsãlor tu Machidunii shi hurgheatslji dinãoarã iara lu-ngruparã. Tu deftura oarã
moashtili-a lui inshirã tu miğdani cama amãnat shi atsea fu ca bunã sibepi ta sã-lji si umplã
caplu crãshtinamea dit Machidunii cá easti zborlu ti moashti di sãmtu. Ma ghini dzãsã, cu
deftura insheari tu miğdani-a moashtilor crãshtinjlji pisicarã di pistipsea cá moashtili-a lui
suntu ghini tsãnuti, nu eara mãcati di loclu shi oaminjlji pisicarã di pistipsea tut ma multu cá
arhimanditlu-atsel fu un om sãmtu. Dupã deftura insheari tu miğdani, preftul di-a loclui shi
hurgheatslji arhimanditlu lu-ngruparã tu mirmintsãlji-a hoarãljei, ama cama amãnat iara ãl
turnarã tu groapa-a lui. Aestã aradã ãl bãgarã tu unã scumpã sfinduchi shi pisuprã ãlji bãgarã
di plocili di cheatrã, cari eara anvãrliga di groapã, ma nu shi pi fatsã. Ama, izolatsiea nu s-featsi
cum lipsea shi truplu s-ca asparsi niheamã, ama iara ghini s-tsãni. Bãsearica Ortodoxã
Machiduneascã – Arhiepiscopiea di Ohãrda, pi data di 24 dit meslu Yizmãciunji tu-anlu 2017,
tu Bãsearica sobornicheascã “Iul-Clim” di Scopia lji-u organizá canonizarea-a Ãndreptului
Ioanichii di Racotintsi.
Dupã sãmtili pãlãcãrii a lui, Doamne Isuse Hriste, njiluea-nã!
ACATISTLU-A
PARA-BUNLUI PÃRINTI-A NOSTU
IOANICHII DI RACOTINTSI,
NINGÃ SCOPIA
Condaclu 1
Aleptul shi tatãl ti mirachi-a nostu, cara u tricushi para-ghini bana-a ta,
cu preasinli ca un náù eremit ti spuseshi, shi cu pãlãcãriili lutsishi ca un
anghil tsirescu. Cara ti trãpseshi di pristi loc, di Hristolu ti ligashi shi cu
sivdaea ti patimati geanlu tsã lu-ncãrfãsishi. Cara ts-u chischinipsishi inima,
amãrtiea u-anãchisishi shi ca tamaturgu ti spuseshi, shi ti-atsea shi noi tsã
dzãtsem: Hãrsea-ti, para-bunlu tatá Ioanichii, cu nishenjli di Racotintsi!
Icoslu 1
Bun ca un anghil nica dit pãntica-a má-tai ti spuseshi, bun ti-atsel cari
easti nai ma marli anamisa di-atselji faptãlji di muljeari. Oani tsã fu numa,
shi lucrarea ca-al Prodromlui pi-anumiri u loashi. Ca ‘nã livã dit irnjiea-a
banãljei inshishi tu padi, shi ascãparea-a farãljei a noastã u hãbãrsishi. Nica
‘nã oarã di Ohãrda fitursi educatsii sufliteascã sã spusi. Ağnò harauùã di
minduearea ti ciudii-al Dumidzá, Ioanichie, ashitsi tsã cãntám:
Hãrsea-ti, anghil trupescu!
Hãrsea-ti, tini tsi bãnedz tu paradislu!
Hãrsea-ti, tini eremitlu ti inima-a ta!
Hãrsea-ti, apostolu-a arãvdariljei!
Hãrsea-ti, videala tsi scãntiljeadzã tu scutidi duhovnicheascã!
Hãrsea-ti, vintul tsi cãntsã ti sivdaea-al Dumidzá!
Hãrsea-ti, cá lerã duhovnicheascã aspelji!
Hãrsea-ti, cá miráchi trupeshtsã imiredz!
Hãrsea-ti, prodromlu-a pruspitsãljiljei sufliteascã!
Hãrsea-ti, tini tsi-ù hãbãrseshtsã yitripsearea-a noastã!
Hãrsea-ti, para-bunlu tatã Ioanichii, di Racotontsi, Tamaturglu!
Condaclu 2
Adãpat di mintiminiljea-al Iul-Clim di Ohãrda, shi nãfãtit di mirachea
cãluğreascã-a Armãnlui Ia-Nauni di Ohãrda, Dumidzálu di Ohãrda ti scoasi
shi tu pártsãli dit Aratsili, Scopia ti-adusi. Di-acoutsi vrushi a Lui sã-Lji fats
huzmeti. Amutsãts di sivdaea dumidzeascã tsi s-virsá cãtã la tini, cu lácãrnji
shi noi a Hristolui ãlji cãntám: Aliluia!
Icoslu 2
Ca di unã etã fricoslu-al Dumidzá Nicodim, ashitsi shi tora para-bunlu
Ioanichii prit pãlãcãriea ti Hristolu pi-acrifa zburashti. Cu seati ti
eternitatea, di miráchli di pristi loc trãpseshi mãnã shi cafi unã dultseami di
pristi loc ca ti dip tsiva u spuseshi. Tsã intrá tu vreari bana di cãluğru shi di-
atseali dit dunjeai trãpseshi mãnã. Cara nu-aflám zbor tu gura-a noastã,
para-bune tatá, ciulãstãsearea-a ta s-u cãntám, ağalea dzãtsem:
Hãrsea-ti. tini mintimenlu di Ohãrda!
Hãrsea-ti, tini eremitlu di Racotintsi!
Hãrsea-ti, cá li-atimusishi miráchli tsu trec!
Hãrsea-ti, cá boatsea-a sivdailjei u vrushi!
Hãrsea-ti, muabetcilu-a Hristolui!
Hãrsea-ti, huzmitcilu deadun cu anghiljlji!
Hãrsea-ti, realizatorlu-a zãconiljei ti-ascãpari!
Hãrsea-ti, náùlu dascal a Hristolui!
Hãrsea-ti, tini dascalu-a miletiljei a noastã!
Hãrsea-ti, tini apreslu dupã pãlãcãriili!
Hãrsea-ti, para-bunlu tatã Ioanichii, di Racotontsi, Tamaturglu!
Condaclu 3
Hristolu dip ghini Ãl loashi tu vreari sh-dicara fudzishi dit dunjeai,
Nerezi stri Scopia, ti la andamasea di vreari cu Dumidzálu ti hiumãsishi. Tu
mãnãstirlu-a avdzãtlui iatru Pantelimoni, aflashi yitrii ti geanlu-a táù, shi tu
mistiryili-a tserlui al treilea ãndzãnashi. Numa-a marlii Ioanichii u loashi,
shit isa cu faptili-a márlor pustnits ti spuseshi. Ciudusits di fapta-ts,
Dumidzálu-l doxãsim: Aliluia!
Icoslu 3
Cãluğru apuituit. Has ca un anghil. Tu ascultarea protlu, tu fronimiljea
nai ma ağliğurlu. Cu inimã fronimã, cu geanlu sãmtu. Nai ma njiclu dupã
tundearea, nai ma marli tu faptili. Isihlu Ioanichii cu mintiminiljea
dumidzeascã hãrnitlu sh-si mushuteatsa-a Erusalimlui di-ndzeanã
ãndultsitlu, cãtã la Dumidzálu s-alinã shi-mbunari ti tuts s-featsi. Shi noi
tora, harishlu isihastu, cu cãntits tsi nu s-bitisescu putes ãl doxãsim shi
apuituits dzãtsem:
Hãrsea-ti, tirinsite fronim!
Hãrsea-ti, isihlu eremit!
Hãrsea-ti, isihastu-a Hristolui!
Hãrsea-ti, cãlãtorlu-a tserlui!
Hãrsea-tu, apanghul a cãluğrilor!
Hãrsea-ti, patronlu-a tsilor tsi-ascultã!
Hãrsea-ti, arishitlu eremit!
Hãrsea-ti, tini tsi u vrei isihiea!
Hãrsea-ti, tini tsi ti fats unã cu-atselji atimusitslji!
Hãrsea-ti, ãmbunarea-a slaghlor!
Hãrsea-ti, para-mbistimenlu tatã Ioanichiù, tamaturglu di Racotintsi!
Condaclu 4
Cara li vidzu faptili-a tali cu cari geanlu tsã-l mushutsáshtsã, Dumidzálu,
di la mãnãstirlu-a avdzãlui iatru ti scoasi, shi cãtã la lucri ma mári ti dusi.
Di Nerezi, ti pitricu Banjani, shi tu mãnãstirlu-a avdzãtlui prufet Iljelu ti
curdisi. Tu inima-a ta vreari tsireascã cãtã harishlu prufet tsã siminá, ti tu-
a lui apanghu ti deadi. Anvãlit di apreasa pisti-a Iljelui atsel ti ciudii, tini-a
Dumidzálui Ãlji cãntai: Aliluia!
Icoslu 4
Apres cara bãnashi tu pãlãcãriili, ti-ndultsishi cu Paradislu. Cu duhlu,
mirachea ti lucru-a Iljelui u nãstritseai, shi fronim dininti-a avdzãtlui prufet,
pãlãcãriili-a tali li pitritseai. Fãrã di zboarã prupuvideai, shi cu lucru altsãlji
lji-nvitsai. Cilãstãserli-a tali Lu-arisirã Dumidzálu, shi ti-atsea pistea-ts cu
foc ãlji cãftá márdzinjli shi vrearea-ts tu grei pirazmadz u bãgá. Cara li
mãtrim faptili-a tali, shi noi dzãtsem ashi:
Hãrsea-ti, tini prufetlu-apres a anjlor a noshtsã!
Hãrsea-ti, urtaclu-a Iljelui tu eremitsãlji!
Hãrsea-ti, vaslu-a buneatsãljei al Dumidzá!
Hãrsea-ti, cathiolu-a njilãljei al Dumidzá!
Hãrsea-ti, tini cari u duchishi dultseamea-a Paradislui!
Hãrsea-ti, prupuviduitorlu fãrã di zboarã!
Hãrsea-ti, tãcutlu-a Hristolui!
Hãrsea-ti, aleptul di Dumidzálu!
Hãrsea-ti, cu cumnicãturã ti tunuseari cá ti cumnicashi!
Hãrsea-ti, cá cu lácãrnji pãnã-n tser ti-alinashi!
Hãrsea-ti, para-mbistimenlu tatã Ioanichiù, tvmaturglu di Racotintsi!
Condaclu 5
Cara ti-nchizmãsi ti vãrtoasa-ts pisti, erğatariclu, draclu, pitricu la
mãnãstir apishtsã Gheganji ta s-u calcã shi s-u aspargã casa-ts iu ti
pãlãcãrseai. Ama, cara u vidzu cãluğreasca-ts inimã shi cara li-avdzã
chischinili pãlãcãrii a tali, Dumidzá nu-lji alãsá apishtsãlji andrihãshtsã s-
tsã facã nibuneatsã icá s-ti pishmãnseascã. Ascãpat di mãna dumidzeasc6,
tini tatã para-mbistimen, Dumidzálu-L doxãseai shi cãntai: Aliluia!
Icoslu 5
Dicara nu puteai cama multu sã stai Banjani, tini ti dideshi-al Dumidzá
shi tu mintea-a Lui ti ciudii nu spuseshi shubei. Shi tora Dumidzálu nu ti-
alãsá, sh-dicara pristi loc pistea-ts u yixi, tu mãnãstirlu-al Marcu la marli
macenic Yi-Dimitri ti pitricu. Cara tsã si pãru cá golgota-ts aoatsi va s-
bitiseascã, tini tu Dumidzálu ti-apuituishi shi tu isihii ti trãpseshi. Shi noi,
cara li mãtrim lucãrli ca Dumidzá la cãruna di sãmtu ti dutsem, tsã cãntám
ashi, tatá Ioanichii:
Hãrsea-ti, aleptul al Dumidzá!
Hãrsea-ti, apuituitlu-ascultãtor!
Hãrsea-ti, bunlu picucar a cupiiljei mintimenã!
Hãrsea-ti, crinlu-a tinjisitãljei priftami!
Hãrsea-ti, gãirushlu-a hasãljei yitã!
Hãrsea-ti, iamishea-a pomlui tsi da-ascãpari!
Hãrsea-ti, fimnjeama tsi-anjurdzeashti!
Hãrsea-ti, cãndila tsi lutseashti ca malãma!
Hãrsea-ti, tini tsi bãnedz tu buneatsa-al Dumidzá!
Hãrsea-ti, tini tsi daima plãndzã shi dori ti geanurli!
Condaclu 6
Ca malãmã scãntiljoasã prit foc di trei ori chischinipsitã, Dumidzálu vru
ta s-lu spunã sãmtul gean a táù. Shi ti-atsea ti dusi tu nauùã patimati sh-ti
pimsi tu grei pidimadz. Shi la Mãnãstirlu-al Marcu aráilji Agarianji nu ti-
agãrshirã shi sãmtsãljea-ts u-agudirã. Ti-atsea cá tu lishlu-ts cumandar
duhovnichescu vidzurã, dit urfanjea-ts aveari cãftarã. Sh-tini, cara tsã-
armãseshi aplicat, isih Dumidzálu-l doxãseai: Aliluia!
Icoslu 6
Cara ascãpashi iara di arãeatsa-a Agarianjlor, cu pãlãcãriea ti-arãhatea
ti eta-a etilor, fudzishi di la mãnãstir shi ti dideshi tu mãnjli-al Dumidzá.
Dumidzálu, cara vidzu cá inima-ts cãt di multu sh-va arãhati shi geanlu-a
táù plãndzi ti irnjii duhovnicheascã, tu bitimea-a golgotãljei shi tu fronima
Racotintsi ti pitricu. Shi noi cara vidzum cá Dumidzálu ãl vru isihãsitlu-ts
gean a táù, Ioanichii, tsã cãntám ashi:
Hãrsea-ti, propoviduitorlu-a vreariljei prufecã!
Hãrsea-ti, tini tsi cu glas mari u spunji arãhatea-a etilor!
Hãrsea-ti, izvurlu-a vindicárlor!
Hãrsea-ti, mirgeana-a lunjinãljei dumidzeascã!
Hãrsea-ti, steauùa-a Datãljei tsi nu-ascapitã!
Hãrsea-ti, tini cari u-avinji scutidea-a inatiljei!
Hãrsea-ti, harauùa-a avinatslor!
Hãrsea-ti, umutea-a tsilor cu frãmta curaji!
Hãrsea-ti, ağliğurlu-agiutor a ãmbistimenjlor!
Hãrsea-ti, náùlu dascal a cãluğrilor!
Condaclu 7
Dultsi dascal, mustrã prufecã, vidzu tirinsita mileti-a noastã tu fatsa-ts
di Dumidzálu ãnvitsat, cari bãna Racotintsi shi la Dumidzálu mintea lã eara.
Tu fatsa-ts arãhatea u videa shi tu tabaetea-ts di cãluğru Averlu-l duchirã.
Cu-atsea tsi earai anamisa di elji sã-ndultsea shi-ashi sã-ndultsea shi dit
tserlu trei. Cara nu putea ta sh-si dispartã di tini, cãftarã ta s-lã eshtsã dascal
shi preftu shi-al Dumidzá Ãlji cãnta: Aliluia!
Icoslu 7
Tecardan Dumidzálu tu-apanghul a apreslui Iljé ti deadi, shi tu
mãnãstirlu di Racotintsi cari-i a avdzãtlui prufet cu buneatsã tsi nu lji-ari
spuneari ti-nviscu. Cara dideshi di-arãhatea ti cari daimalui dureai, tu
irnjiea duhovnicheascã ti curdisishi shi pi sturlu-atsel nai ma-analtul a
pãlãcãriilor ti-aliná. Mãtrishi aclo iu shi-anghiljlji lã easti fricã ta s-
mãtreascã shi-avdzãshi lucri tsi ureaclji umineascã nu poati s-li avdã. Ti-
atsea di la noi shi tora avdzã ashitsi:
Hãrsea-ti, farlu-a miletiljei a noastã!
Hãrsea-ti, mirgeana-a farãljei ortodoxã!
Hãrsea-ti, prufetlu di foc!
Hãrsea-ti, tini tsi li prupuvidueshtsã mistirghili!
Hãrsea-ti, zborlu-a cãluğrilor!
Hãrsea-ti, mushuteatsa-a preftsãlor!
Hãrsea-ti, vãrtusheatsa-a aschitadzlor!
Hãrsea-ti, fimeljlu-a tsilor cu pãlãcãriili!
Hãrsea-ti, Aleptul a Dadãljei al Dumidzá!
Hãrsea-ti, hiljlu-a dumidzescului Iljé!
Condaclu 8
Dicara vidzum cum para-mbistimenlu Ioanichii, fu ascãpat dit mãnjli-
atseali pãngãnili, s-featsi bãnãtorlu-a irnjiiljei duhovnicheascã-a prufetlui di
foc, cu mintea ti cãtã-n tser s-nã ağunjisim shi tu mistirghili-a tserlui trei s-
mãtrim. S-videm cum aschitilu ti ciudii ãmbratsã la Avraam s-hãrseashti shi
cu anghiljlji zboarã ti doxãseari spuni. Dumidzálu su-L mãrim shi s-cãntám:
Aliluia!
Icos 8
Fucurinã di vreari shi apãnghoasã mãnicã di-amari ti pistimenjlji tuts,
iatru shi carti cu pãlãcãrii ti lãndzidzlji tuts fushi, tatá Ioanichii. La tini
atselji pãtsãtslji ascãpari videa shi atselji cu curajea chirutã umuti cãfta. Dit
sclãviljea di-a tsilor cu-alta pisti tu pãlãcãriili-a tali libertati afla shi deadun
cu tini Hristolu Ãl vrea. Cu tini iaremlu eara dultsi shi furtiea lishoarã. Cara
bãnám cu yiea-ts adutseari-aminti shi noi tsã dzãtsem:
Hãrsea-ti, apanghul a crãshtinjlor!
Hãrsea-ti, vindicãtorlu-a lãndzidzlor!
Hãrsea-ti, iamishea-a Bãsearicãljei Ortodoxã!
Hãrsea-ti, mushuteatsa-a pistiljei a Hristolui!
Hãrsea-ti, isiha mãnicã di-amari-a ãmbunariljei!
Hãrsea-ti, ascumtul cathio dit umutea!
Hãrsea-ti, tini tsi li cãnoshtsã geanurli umineshtsã!
Hãrsea-ti, tini cari limbid li vedz mistirghili din tseruri!
Hãrsea-ti, fucurina ti vreari-a imiradãljei!
Hãrsea-ti, dultsili izvur a apuitueariljei!
Condaclu 9
Cu foclu-apres tu inimã shi daimalui cara mãtrishi la Dumidzálu, ca tu
vecljul chiro para-avdzãtlu tatã Climent, dishcljiseshi sculii tu cari chischini
geanuri ficiureshtsã cu vreari ti Hristolu lji-nvitsai. Cu frunimilji shi imiradi
lji-nvitsai, anda s-pãlãcãrsea gionji ta s-hibã lji-nvitsai, tu preasinli
ascultãtori ta shi-armãnã lã zburai shi cãftai cá dipriunã a Dumidzálui sã-
Lji cãntã: Aliluia!
Icoslu 9
Iu suntu tora filosofanjlji dit dunjeai? Iu suntu-atselji cari cu cãsurli s-
alavdã shi amãrtiea ca ti hari bunã u mãrescu? Tac tora ca tsiva peshtsã
amuts glarlji oratori, ti-atsea cá tu gura-a lor nu-aù un zbor cu cari va s-
poatã s-li cãntã faptili-a tali, para-bune tatã Ioanichii. Tac elji, cara nu shtiù
tsi sã spunã ti vrearea-ts cu multa-arãvdari, shi noi cu curaji grim:
Hãrsea-ti, lilicea cu nectar a shteariljei fãrã di moarti!
Hãrsea-ti, anjurizma tsireascã a mintiminiljiljei al Dumidzá!
Hãrsea-ti, cá tinirli ininji la nimoartea li duts!
Hãrsea-ti, cá dicunjear ti fãtseshi ti-arãhati ti tirinsitili geanuri!
Hãrsea-ti, dascalu ti pãlãcãriili-a cãluğrilor!
Hãrsea-ti, mustra prufecã ti dascaljlji!
Hãrsea-ti, cá dininti-ts unã dunjeai tatsi!
Hãrsea-ti, cu tini tserlu s-hãrseashti!
Hãrsea-ti, alãvdarea anghileascã!
Hãrsea-ti, giumbushea-a ãndreptsãlor!
Condaclu 10
Duhovnicheashti-anãltsat pãnã di tserlu trei, cu ceza tu piri dus tu
paradislu duhovnichescu, harishlu aleptu-a Dadãljei al Dumidzá, pãrinte
Ioanichii, ti fãtseshi izvurlu-a ninumiratilor vindicári shi nai ma marea
anami ti Racotintsi. Ãmbistimenjlji mãtrindalui cum prit tini s-doxãseashti
numa-al Dumidzá Atsel dit Anãltsinji, cu harauùã cum nu lji-ari spuneari-a
Hristolui Ãlji hristusea shi cãnta: Aliluia!
Icoslu 10
Cara li shteai mistirghili-a Erusalimlui di dealihealui, tini ti fãtseshi di
dealihealui tamaturgu, para-mbistimene Ioanichii. Ti tuts ti fãtseshi unlu
shi-altu canã, mash cá tuts la Hristolu sã-lji aprochi shi cãtã la-ascãparea sã-
lji duts. Tini iatre a lãndzidzlor, ãmbunarea-a cãpãitslor, harauùa-a
ãnvirnatslor. Cara videm cum lãndzidzlji s-vindicã, shi demunjlji di numa-
a ta ca cicãrdãsits di minti fug, tsã cãntám shi tsã dzãtsem:
Hãrsea-ti, tini tsi li vedz mistirghili-a doxãljei tsi nu lji-ari spuneari!
Hãrsea-ti, tilalu cu boatsi-a puteariljei tsi nu s-veadi!
Hãrsea-ti, cá atsea tsi nu s-veadi u vedz!
Hãrsea-ti, cá atsea tsi cu zbor nu sã spuni u-avdzã!
Hãrsea-ti, bãnãtorlu-a paradislui duhovnichescu!
Hãrsea-ti, cá ti-ndultseshtsã di Erusalimlu-a etilor!
Hãrsea-ti, izvurlu-a yiiljei apã!
Hãrsea-ti, tini cari u-avinji cafi unã puteari pãngãnã!
Hãrsea-ti, cá cu numa-a ta inátsli s-avinã!
Hãrsea-ti, cá cu tini demunjlji s-anãchisescu!
Condaclu 11
Dipriunã cara virsashi vindicári shi cafi dzuùã cara dideai ãmbunari,
tatá Ioanichii, Dumidzálu ãlji multiplicá anjlji-a tálji di pristi loc. Cara vidzu
cá shi tu-ausheatic cilãstãseshtsã pristi loclu-al Dumidzá, Para-
Mintiminiljea arishi ãmbratsã la Avraamlu s-ti curdiseascã, shi sãhatea-a
moartiljei ts-u spusi. Shi tini, dipriunã cara Ãlji hristuseai ti tuti njiluerli
cari cãtã la tini s-virsarã, cãntai: Aliluia!
Icoslu 11
Cara fushi silighit tu irnjii, ca Simeon ausheaclu shi apruchitorlu-a
Dumidzálui, singur tsã ãndripseshi loc ti-arihnipseari ti mãrshea-a ta, ti cari
shteai cá nica ti multu nu vrea sã sta pristi loc. Cá, ocljilji-a tálji u vidzurã
ascãparea tsi Dumidzá u-ndreapsi ti miletea-a Lui, shi doxa tu cari va sh-si
hãrseascã atselji ãndreptsãlji. Shi ãmbistimenjlji tsi eara anvãrliga di tini,
duhovnicheashti sh-si hãrsea cá Dumidzálu prit tini lã si dusi oaspi, shi tsã
grea:
Hãrsea-ti, cá prit tini-l cãnãscum Hristolu Ascãpãtorlu!
Hãrsea-ti, cá prit tini u vidzum atsea di dealihealui Videalã!
Hãrsea-ti, tini cari u-avinashi duhovnicheasca scutidi!
Hãrsea-ti, tini cari li vindits lãngorli trupeshtsã!
Hãrsea-ti, patronlu-a statlui a nostu!
Hãrsea-ti, patronlu-a pistiljei a sãmtsãlor tãtãnji!
Hãrsea-ti, nauùa doxã ti Bãsearica Ortodoxã!
Hãrsea-ti, nai ma marea alãvdãciuni ti Racotintsi!
Hãrsea-ti, apuituitlu cãluğru!
Hãrsea-ti, prefte mintimen!
Condaclu 12
Apuituit u-alãsashi dunjeaea suetã, para-mbistimene tatá Ioanichii, ma
noi putes nu nã agãrshishi. Aclo iu ti hãrseshtsã cu anghiljlji din tser, náù
bãnãtor a Erusalimlui di-nsus ti fãtseshi shi con-lãcãrtor ti Mistiriul ti
daimalui ti spuseshi. Mushutsãt cu videalã nitrupeascã, stri náùlu Orientu
lutsishi. Prit tini Dumidzálu-L duchim, shi-a Lui, deadun cu tini, Ãlji
cãntám: Aliluia!
Icoslu 12
Di Ohãrda mutatã, pristi Scopia tricutã, Nerezi fitursitã, prit Banjani shi
Mãnãstirlu-al Marcu, Racotintsi adusã, videalã tsi pi cipita di munti
lutseashti shi nu s-poati s-hibã ascumtã. Tini avdzãt Ioanichii. Ãnvitsats di
vrearea tsi prit tini scãntiljé, al Dumidzá Ãlji hristusim, cá ca unã steauùã
tsi putes nu-ascapitã pit aesti locãri ti pitricu, shi-ashitsi miletea prit tini la
Soarli-Hristolu ti eta-a etilor ta sh-si toarnã. Shi tora, ãmproshtsã la
moashtili-a tali, hãrãcochi aurlám shi-ashitsi cãntám:
Hãrsea-ti, steauùa di-a Soarlii tsi putes nu-ascapitã!
Hãrsea-ti, musheata cãndilã-a vreariljei dumidzeascã!
Hãrsea-ti, tini tsi Ohãrda u-mbunedz!
Hãrsea-ti, tini scularlu di Scopia!
Hãrsea-ti, tini anamea-ali Nerezi!
Hãrsea-ti, tini alãvdãciunea ti Banjani!
Hãrsea-ti, tini harauùa-a Mãnãstirlui al Marcu!
Hãrsea-ti, tini hãrãcupiljea-ali Racotintsi!
Hãrsea-ti, lunjinãtorlu-a ininjlor a noasti!
Hãrsea-ti, clirunomlu-a tãxitilor averi!
Hãrsea-ti, para-mbistimenlu tatã Ioanichiù, tvmaturglu di Racotintsi!
Condaclu 13
O, tini ti ciudii carti ti pãlãcãrii shi tamaturgu, para-mbistimenlu tatã-a
nostu Ioanichii, ljea-u aestã njicã pãlãcãrseari, cari tora dit gurili
nichischini-a noasti ts-u dám, shi s-nu ti-ağnuseshtsã di noi, cari cu ahtizári
trupeshtsã him di loclu ligats. Ashi cum eshtsã liber zbura-Lji a Dumidzálui
ti-ascãparea shi irinjea-a farãljei ortodoxã, ta s-him ascãpats di itsido di
greatsã duhovnicheascã, noi cari tini ti doxãsim shi-al Dumidzá Ãlji cãntám:
Aliluia!
Condaclu-aestu sã dghivãseashti di trei ori, shi deapoa iara
Icoslu 1:
Bun ca un anghil nica dit pãntica-a má-tai ti spuseshi, bun ti-atsel cari
easti nai ma marli anamisa di-atselji faptsãlji di muljeari. Oani tsã fu numa,
shi lucrarea ca-al Prodromlui pi-anumiri u loashi. Ca ‘nã livã dit irnjiea-a
banãljei inshishi tu padi, shi ascãparea-a farãljei a noastã u hãbãrsishi. Nica
‘nã oarã di Ohãrda fitursi educatsii sufliteascã sã spusi. Ağnò harauùã di
minduearea ti ciudii-al Dumidzá, Ioanichie, ashitsi tsã cãntám:
Hãrsea-ti, anghil trupescu!
Hãrsea-ti, tini tsi bãnedz tu paradislu!
Hãrsea-ti, tini eremitlu ti inima-a ta!
Hãrsea-ti, apostolu-a arãvdariljei!
Hãrsea-ti, videala tsi scãntiljeadzã tu scutidi duhovnicheascã!
Hãrsea-ti, vintul tsi ti sivdaea-al Dumidzá cãntsã!
Hãrsea-ti, cá lerã duhovnicheascã aspelji!
Hãrsea-ti, cá miráchi trupeshtsã imiredz!
Hãrsea-ti, prodromlu-a pruspitsãljiljei sufliteascã!
Hãrsea-ti, tini tsi-ù hãbãrseshtsã yitripsearea-a noastã!
Hãrsea-ti, para-bunlu tatá Ioanichii, di Racotontsi, Tamaturglu!
Cándaclu 1:
Aleptul shi tatãl ti mirachi-a nostu, cara u tricushi para-ghini bana-a ta,
cu preasinli ca un náù eremit ti spuseshi, shi cu pãlãcãriili lutsishi ca un
anghil tsirescu. Cara ti trãpseshi di pristi loc, di Hristolu ti ligashi shi cu
sivdaea ti patimati geanlu tsã lu-ncãrfãsishi. Cara ts-u chischinipsishi inima,
amãrtiea u-anãchisishi shi ca tamaturgu ti spuseshi, shi ti-atsea shi noi tsã
dzãtsem: Hãrsea-ti, para-bunlu tatá Ioanichii, cu nishenjli di Racotintsi!
PÃLÃCÃRIEA
Para-mbistimene tatã-a nostu Ioanichii, iaturlu ti tuti lãngorli trupeshtsã
shi ascãpãtorlu di tuti greatsãli sufliteshtsã, s-nu mi-alashi ta s-cher tu
caimolu-a amãrtiilor a meali, arshunat di multili alutuseri-a inimãljei a mea.
Ascapã-mi dit fãrnurli-a truplui shi afirea-mi di seatea-a miráchlor. S-nu dai
s-mi frãngã pirazmadzlji cari dipriunã mi-aputursescu. Tradzi-li dit inima-
nji sãyitsliu tuti-a itrului, cari u caftã mash cheardirea-a mea. Apurã-mi cu
zborlu-a táù la Dumidzálu, shi nu mash di slãbeatsãli trupeshtsã ma sh-di
tuti-atseali sufliteshtsãli ascapã-mi mini tunusitlu. O, tini marli tamaturgu,
dininti tsã si mi-ncljin shi mash tini ti pãlãcãrsescu, veaglji-ù Patrida-a
noastã di plucusearea-a altilor triburi shi veaglji-ù Bãsearica-a noastã di
dushmanjlji-atselji di altã pisti. Ãnvãrtusheadzã-ù pistea ortodoxã la
miletea-a noastã, shi s-u duts la pucãeari shi-arcari-a amãrtiilor, di ispetea
cá tini aflashi njilã la Dumidzálu shi tu tini s-featsi-avdzãtã sila-al Dumidzá.
Preftsãlji shi cãluğrilji s-nu-lji alashi fãrã di zborlu-a táù, apuituea-lji cu
tãxitili averi fãrã di moarti, shi fá-lji cu minti ghini s-u ducã tu-ascãpari
cupuea di oi tsi lã easti data di Dumidzálu. Aschitadzlji ãnvãrtusheadzã-lji
tu lucrarea-lã, avdi-li pãlãcãrserli di la lãndzidzlji tuts shi-ağunjisea-ti ta s-
lã agiuts a scãdzutslor. Shi nai tu soni, adu-ts aminti sh-ti mini amãrtioslu
huzmichear al Dumidzá, cari fãrã di s-hãrzescu staù dininti-a sãmtului lish
a táù, shi nu shtiù cu cari zboarã s-li spun multili amãrtii a geanlui a meù.
Tini cari li ducheshtsã geanurli umineshtsã, cari ti fãtseshi cãdãr ta s-
mãtreshtsã ahãnda tu omlu, mãtrea shi tu inima-nji cu multã ahti, cari sta
largu di Dumidzálu. Ãngãldza-l chitrusitlu gean a meù cu vrearea-a
Hristolui, shi-ashi cá prit pãlãcãriea s-ducã ninti tu pistea Ortodoxã, s-li
agãrsheascã tuti nibuni miráchi dit aestã dunjeai. Ti cartea ti tuts cu
caimadz, ascapã-mi dit vãriea-a caimolui di-amãrtii, cari nu mata pot ta s-u
portu. Cu angajamentrlu-a táù, agiutã-nji s-li aruc amãrtiili-a truplui a meù,
ta s-pot s-mi hãrsescu tu plãngul ti pucãeari-a ascãpariljei. Tini cari cu
lácãrnji adrashi scarã pãnã-n tser, pãlãcãrsea-L Dumidzálu dit inima-nji s-
acatsã s-curã arãuri tsi nu va lã-aibã sicari cu plãngu ti pucãeari, tu cari va
u aspel mintea-nji shi va u chischinipsescu inima-nji, shi-ashitsi cu harauùã
duhovnicheascã, sã-Lji spun doxã-al Dumidzá tora shi daima, tu-aestã shi tu
etsli tuti. Amin!
Scopia, pi 2 di Brumar tu-anlu 2018. D. C.
BANA SHI FAPTILI-A
MACENICLUI AYI- IORYI-ATSEL NÁÚLU
DI IANINA
17di Yinar Calendar Iulian - 30 di Yinar Calendar Gregorian
Aestu nÃù macenic di soi armãneascã s-featsi tu-anlu 1810 tu hoara Ciurcli, tu-
arãdzãmlu-a Grebiniljei, \, atumtsea tu Amirãriljea Turtseascã, azã sum ocupatsiea-a
Vecljuljiljei Pãshilãchi Turtseascã – Gãrtsiea. Pãrintsãlji, Constantin shi Vasila, eara oarfãnji
cifceadz, shi murirã anda Ioryi eara di 8 anji. Dupã ãndoi anji s-acãtsá pi lucru ca cãljar la
niscãntsã Turtsã. Tu-anlu 1836, and ash-lucra ca cãljear la un Turcu tsi eara vãrã pi potisi, cari
nu-lji dzãtsea Ioryi, ma Baur- Hasan, s-cãnãscu cu unã oarfãnã featã cu numa Lenã shi vru cá
cu ea ta sã-nsoarã. Hugelu turtsescu di Ianina, cara avdzã cá Ioryi va ta sã-nsoarã cu crãshtinã,
ãl pruzvulusi la cadilu, cá easti musulman shi cá va ta s-facã crãshtin ta sh-si ãnsoarã cu unã
crãshtinã. La tribunal dininti-a cadilui shi-a vizirlui Ioryi, cari di tabaeti sh-eara un tsi tãtsea
shi multu fronim, sh-deadi istindachi shi spusi cá crãshtin easti nica di-anda s-featsi, lucru tsi-
l spusi shi gãzdálu la cari avea lucratã ca cãljear. Shi-ashitsi atsel sãmtu gioni fu scos dit dãvii
sh-ti shcurtu chiro sã-ncãruná tu bãsearicã cu isusita-a lui Lena. Alantu an ãlji si aglá hilj cari
dinãoarã ãl pãtidzá tu bãsearicã.
Nu tricu multu chiro shi sãmtul macenic iara fu bãgat ahapsi pi 12 di Yinar tu-anlu 1838
shi iara fu scos ti giudicari dininti-a dadilui, shi iara dupã dãviea-a idghului atsel hugé cá taha
el eara Turcu ma cá s-featsi crãshtin. La giudicari el giuneashti s-apurá cá crãshtin eara shi shi-
armãni, a Turtsãlji ãlji si-alãvda cá va-l vatãmã ma s-nu sã-nturchipseascã. Shi un aush aclotsi,
shi el crãshtin ãnturchipsit, ãl urnipsea Ioryi s-treacã tu pistea-a islamlui, ama el giuneashti
dzãsi cá ahtari lucru nu fatsi. Turtsãlji vrurã s-lã si umplã caplu desi sh-dealigea easti crãshtin
i easti musulnan, am acara vidzurã cá nu easti faptu suneti lã si umplu caplã cá el eara faptu ca
crãshtin.. Ma uara nu-l silighirã sãmtul Ioryi ma lu-arcarã tu zãndani. Tsintsi dzãli fãrã di-
astamasi fu tirinsit aestu sãmtu, amnu s-arnisi do Dumidzálu Hristos, shi dipriunã dzãtsea:
“Crãshtin escu, Crãshtin shi va s-mor!” Turtsãlji lj-li bãga cicioarli tu minghimeadz, lu-
aputursea cu ploaci di cheatrã, di tuti turliili di pidimadz ãl fãtsea ta sh-si facã musulman, ama
el shi-armasi vãrtos shi tut diftursea: “Crãshtin mi feci, Crãshtin escu, shi ca Crãshtin shi va s-
mor!”Cara-nvitsarã ti-atseali crãshtinjlji di Ianina, sh-cama multu clerlu, featsirã tut tsi pãturã
ta ta s-lu-ascapã di la Turtsãlji Ioryi, icá canai su-l cãndãseascã Ioryi ta s-fugã tu Gãrtsii.
Turtsãlji nu vrurã s-tragã mãnã, ama shi Ioryi nu trapsi mãnã di naetea cá s-tragã ti Hristolu,
ma a tutãlor lã dzãtsea: “Nu vã aspãreats, frats, io va s-trag cu nai ma marea harauùã ti Hristolu-
a meù”.
Lunea, pi 17 di Yinar, pi dzuùa di Ia-Andon atsel Marli, fud us Ioryi, cari atumtsea avea
30 di-anji, shi fu aspindzurat, cara nu vru ta s-arniseascã di Hristolu Dumidzá.
Dupã trei dzãli crãshtinjlji u loarã sãmta mãrshi-a lui shi u-ngruparã dupã iudimea-a
bãsearicãljei Ia-Andoni di Ianina. Patriarhlu di Tsarigrad Grigorii VI nica dit anlu 1839
dimãndá sã si iurtuseascã dzuùa anda fu vãtãmat aestu náù macenic a Hristolui, di-a curi sãmti
moashti furã shi suntu shi tora multsã vindicats pãnã-n dzuùa di-azã.
SÃMTULUI IERARH IOSIF ATSEL NÀÚLU DI
PARTOSH
BANA SHI FAPTILI

A SÃMTULUI IERARH IOSIF ATSEL NÀÚLU
DI PARTOSH
Pit pàrtsãli dit Ascãpitatã-a Vlãhiiljei, tu Banat, u duchi-anjurizma-a sãmtsãljiljei, nica
dit chirolu anda eara tu banã, un di ierarhanjlji di-aoatsi, mitropolitlu Iosif a Temishvarlui...
... Nica dit protslji anji a secolui XVII, sã shtiù pi numã cama multsã di disputadzlji
ortodocshi dit Banat, cu scamnul a lor di Temishvar. Tu tuts atselji lutsi, cu bana shi lucurlu-a
lui duhovnichescu, Sãmtul Ierarh Iosif cari lj-si dzãsi nica shi “Nàùlu”. Hãbàrli ti-aestu sãmtu
ierarh suntu multu urfãneshtsã. Niscãntsã dzãc cà s-trãdzea dit unã familii di “Vlahi” di pit
pàrtsãli-a Dalmatsiiljei, altsãlji aloziula, ãl lugursescu ti un di-a loclui. Di tinir nica intrà tu
mãnãstirlu Pantocrator di Ayi-Nor, shi fu cãluğrit cu numa di Iosif, tu loc di Iacob, tsi shi-u
avea di Sãmta Pãtãgiuni. Featsi, cu-aleaptã mirachi, ma multi ascultàri - piningã cari shi-atsea
di preftu slujitor - la-ndauùã mãnãstiri di Ayi-Nor. Tu-anlu 1650, cu vluyiea-a patriarhlui di
Tsarigrad, sh-tsicara cà baia tricut, fu bãgat ti mitropolit a Temishvarlui. Lugursim cà fu
mãnãpãtãsit ti arhiereù di partea-a patriarhlui sãrbescu di Peci, cari, tu-atsea iami, lã lu aduna
gailelu duhovnichescu shi-a ãmbistimenjlor ortodocshi di pit locãrli tsi-lji si cad a Iugoslaviiljei
di azã dit Banat, atumtsea cãlcati di Turtsãlji. Picurãripsi Temishvar mash trei anji, hirotonisi
preftsã, lji-nvãrtushe tu ortodoxii ãmbistimenjlji-a Banatlui.
Iaramatli-l featsirã ta sh-si tragã di pi scamnu shi sh-si curdiseascã la mãnãstirlu Partosh,
adrat ca pit secolu XV, adrat aproapea di sinurlu di-anamisa di Vlãhiea shi Iugoslaviea di-un
chiro, pi valea-a Bãrzavãljei. Shi-aoatsi lj-bãga pi cali duhovnicheascã tuts cari s-dutsea di-l
videa, adra slujbi ti vindicari di lãngori trupeshtsã ti tuts cari scãnjisea. Sã spuni cà nica di ninti
di mutarea-a lui tu eta di daimalui, Dumidzà lu-avea hãrzitã cu harea atsea ma-nsus di fisea-a
nishenjlor. La Partosh bãnà nica trei anji, pãnã tu-anlu 1656, anda Domnul lj-gri la El, shi-l
bãgà tu ceta-a aleptsãlor a Lui.
Ti moartea-a lui avem ãndauùã hãbàri. Ashitsi, cheatra-a lui di pi groapã, tsi s-aflã la
mãnãstirlu Partosh, fu dghivãsitã tu secolu tricut, sh-li spunea aesti: “Dip asãmtsãtlu Iosif atsel
Nàùlu, vecljul mitropolit a Temishvarlui”. Unã hãbari niheam cama avutã nã si da unã
inscriptsii pi un Mineù slavonescu, tsi azã s-aflã la Episcopiea ortodoxã sãrbeascã di Vãrshats:
“Aestã carti easti-a mitropolitlui chir Iosif a Temishvarlui, tu anlu 1655... cari di vrearea-lji s-
trapsi dit eparhii, shi s-trapsi la mãnãstirlu Partosh, iu bãnà-ndoi anji, sh-deapoaea s-mutà tu
bana ti daimalui, iu arihnipseashti asãmtsãt”. Unã inscriptsii di cama-amãnat p -un Vanghelj –
tsi azã s-aflã la Vicariatlu ortodox sãrbescu di Temishvar - spuni cà fu datã hari-a mãnãstirlui
Partosh, “iu easti bãgat truplu-a Sãmtului dispoti Iosif”. Tu anlu 1782 un preftu-a Banatlui
zuğrãfsi unã icoanã-a lui, tsi deapoaea fu bãgatã pristi groapa-a lui di Partosh. Unã inscriptsii
di pi icoanã, spuni cà ea lu spuni “Sãmtul Pãrinti-a nostu Iosif atsel Nàùlu”; ma pi idghea atsea
icoanã eara-nğrãpsit shi “troparlu”-a lui cu aesti zboarã: “Dit tinireatsã ti-aplicashi didip a
Domnului, tu pãlãcãrii shi huzmets shi tu preasini, cara fushi lishlu-a buneatsãljei. Ti-atsea
shi Dumidzàù cara-ù vidzu alãmãsearea-a ta atsea buna, arhiereù shi picurar ti Bãsearia-a
Lui ti bãgà. Ti-atsea zate, shi dupã moarti, tinjisitlu trup a tàù ãntreg sh-nituchit armasi Sãmte
Iosife, pãlãcãrsea-ti-a Hristolui Dumidzà s-hãrzeascã ljirtari ti-atselji cari cu pisti shi vreari
u fac sãmta adutseari-aminti-a ta”.
... Un preftu dit Banat cari lj-li xitãsi bana shi huzmetsli, ãnğrãpsea, dupã sheaidzàts di-
anji. “Miletea di-anvãrliga sh-di multu ma di largu - ãnğrãpsea el - di cu secoli sh-lji-adutsea
lãndzidzlji la mãnãstirlu Partosh, ta s-da cu mãna di groapa-a sãmtului, icà s-u treacã tu ğrãpnii
unã noapti-ntreagã la-aestã groapã. Shi multsã shi-aflarã apuitueari ti scãnjiserli shi-mbunari
sufliteascã la groapa-a Sãmtului Iosif”. Piningã altili, traditsiea spuni cà hilji-sa-al Marcu
Mutsiù, celniclu-a Temishvarlui, s-vindicà di unã lãngoari di cari trãdzea di multsã anji, la
mãnãstir. Ca ti pricãnushteari, aestu-mbistimen adrà tu Partoshlu, ca pi la giumitatea-a secolui
XVIII, - piningã veacljea bãsearicã-a mãnãstirlui, tu cari avea slujitã shi aleptul ierarh Iosif -,
unã nauùã bãsearicã, mari, cari sta sh -azã.
Cara li shta aesti lucri, Sãmtul Sinod a Bãsearicãljei Valahuteascã apufãsi s-treacã la
“canonizarea” ofitsialã-a sãmtului Ierarh Iosif. Actlu-aestu s-featsi tu dzãlili di 6-8 di Sumedru,
tu anlu 1956, tu catedrala-a Mitropoliiljei di Temishvar, iu lj-furã bãgati sãmtili oasi, ta s-hibã
tinjisiti cu tutã-mbistiminiljea di bunjlji crãshtinji. S-curmà cà iurtusearea-a lui sã si facã pi
dzuùa di 15 di Yizmãciunji cafi an. Tu-atsea dzuùã fu tricut tu calindar, ma shi tu slujba dit
Mineù. Deapoaea lj-si adrà un musheat Acatistu tu tinjiea-a lui, tu cari lj-suntu dipmãriti hàrli
shi bana-a lui fãr di-acãtsãmachi. Tu un shcurtu chiro, tu anlu 1965, Sãmtul Sinod a
Bãsearicãljei Ortodoxã sãrbeascã u curmà cà numa-a lui s-hibã bãgatã tu calindarili shi slujbili-
a lishtei Bãsearicã-sorã, ca marturilji-a anamiljei tsi u-avea tu Banatlu tut sh-bileam shi nafoarã
di el.
“Tini cari adrashi nishenji, Sãmte Iosife, ashi cum tu chirolu-a banãljei a ta di pristi loc,
prit pãlãcãriili-a tali lji-ascãpashi atselji tis lã fushi picurar di tuti soili di piricljuri, ashitsi
shi azã, pitreatsi-ù njila-a ta la-atselji tsi bãneadzã tu statlu aestu, cu pãlãcãriea-a ta cãtã
Dumidzà cà ta s-lã li hãrzeascã-a tutãlor atseali tsi lã lipsescu shi irinji la dunjeai, ti-atsea cà
deadun cu tini sã-lji cãntàm a Lui Aliluia”. (Dit Acatistlu-a Sãmtului Ierarhu, Condaclu 12).
Bibliografii: PETRU BIZEREA, Sfãntul Iosif cel Nou, mitropolitul Timişoarei, in

BOR, XLVIII (1930), nr. 5, p. 416-422; LIVIU STAN, Sfinţi români, Sibiu, 1945, p. 49-51;
GHEORGHE COTOSMAN, Viaţa Sfãntului Iosif cel Nou, mitropolitul Timişoarei, în MB,
VI (1956), nr. 1-3, p. 64-89 (extras, Timişoara, 1956, 44p); TIMOTEI SEVICIU, Sfãntul
Ierarh Iosif cel Nou de la Partoş, în vol. Sfinţi români şi apărători al legii stràmoşeşti,
Bucureşti, 1987, p. 362-368.
(Dupã cartea: Pr. prof. dr. Mircea Pàcurariu, Sfinti Daco-Romãni si Romãni, Ed.
Mitropoliei Moldovei si Bucovinei, Iasi, 1994, fr.80-83).
ACATISTLU
A SÃMTULUI IERARH IOSIF ATSEL NÀÚLU
DI PARTOSH
Troparlu-a Sãmtului Iosif atsel náùlu di Partosh, Mitropolitlu-a Banatlui

valahutescu, glas 8:
Dit njeati dip ti-aplicashi a Domnului, cu pãlãcãriili, cu cilãstãserli shi cu

preasinli. Ti-atsea, cara lj-vidzu Dumidzálu pidimadzlji-a tálji, arhiereù shi
picurar ti Bãsearica-a Lui ti featsi; shi, dupã moarti, tu ceturli-a sãmtsãlor
ti curdisi, Sãmte Pãrinte Iosif. Pãlãrsea-ti la Hristolu Dumidzá s-nã da
ljirtari-a nauùã, atselji cari cu pistusini shi mirachi u fatsim a ta sãmtã
adutseari-aminti.
Condaclu 1
Apurãtor ni-anãchisit, ti bagã dininti loclu-a Banatlui, hristuseari tsã-
adutsi, ca prit tini dit piriclji ascãpá. Ca unlu cari ai cãtidzari dininti-al
Dumidzálu, pãlãcãrsea-L ta s-nã apurã di tuti nivoljli, ta s-tsã cãntám a tsáia,
Pãrinte-a nostu Iosif, tini cari fãrtseshi nishenji!
Icoslu 1
Pistimenjlji dit pártsãli-a Banatlui, cara u duchirã putearea-a pistiljei a
ta shi multili nishenji, cara ti-anãltsashi ma-nsus di fisea-a lucrilor, li-
arshunashi ahtili glãreshtsã-a Agareanjlor pristi pistea-atsea ãndreapta-a
noastã, dit ininjli ãmplini di vreari shi cu aplicãciuni tsã li dzãc a tsáia aesti:
Hãrsea-ti, tini ierarhlu-a Ascãpãtorlui Hristos!
Hãrsea-ti, atsel tsi-adrashi sã scãntiljeadzã ãndreapta pisti!
Hãrsea-ti, ascãparea-a tsilor tsi ti caftã tini!
Hãrsea-ti, agiutorlu shi-apanghul a tsilor tu ghideri!
Hãrsea-ti, vãrtoslu stur a pistiljei di-a para-pãpãnjlor!
Hãrsea-ti, cá shi-a pãngãnjlor lã u spuseshi putearea-al Dumidzá!
Hãrsea-ti, cá fushi shtitui ti Bãsearica-a ta!
Hãrsea-ti, tini tsi fushi purtárlu-a anãchiseariljei ti-aráilji!
Hãrsea-ti, lãmbadá tsi dai videalã ti-atselji dit scutidea-a amãrtiiljei!
Hãrsea-ti, tini tsi lã spuseshi shteari dumidzeascã-a tsilor tsi imna pit
scutidea-a nishteariljei!
Hãrsea-ti, tini cari cu imiradi lji-apridunashi la tini nishtiutslji!
Hãrsea-ti, Pãrintili-a nostu Iosif, atsel tsi fãtseshi nishenji!
Condaclu 2
Sh-tsicara cá nu him shi cãdãri shi nu-acãchisim cãt lipseashti noi,
amãrtioshlji, cu zboarã undziti li-alãvdám nishenjli-a tali; ama, dimi cá dit
gean chischin shi dit inimã cu-aplicãciuni li spunem, aproachi-li, Sãmte
Iosif, aesti marturiseri di la noi, atselji tsi-lji cãntám a Tsilui tsi-a tsáia tsã
deadi puteari: Aliluia!
Icoslu 2
Cara u portsã numa-a nicãbãtlilui Iosif, cari lji-ascãpá di cheardiri
fratslji-a lui, cara s-featsi el ma-marli tu vãsiliea-a Misiriiljei, ashitsi shi tini
ti ftseshi apurãtorlu shi gardul a Sãmtãljei Bãsearicã shi-ashi cum atsel, cu
putearea tsi-lji fu data di Dumidzálu ta s-li ducheascã tsi va s-facã tu
yinitorlu, ãnchirdãsi hari di la Faraonlu, ashitsi shi tini, prit putearea-a
nishenjlor a tali, amintashi irinji ti Bãsearica shi cupiea-a ta; ti cari noi, cara
ti-alãvdám, tsã dzãtsem ahtári niscãnti zboarã:
Hãrsea-ti, tini tsi tsã undzishi cu Iljelu cu pãlãcãriili-a tali!
Hãrsea-ti, ierarhlu, daima tu pãlãcãrii!
Hãrsea-ti, cá pãlãcãriili-a tali furã avdzãti di Creatorlu-a dunjeailjei!
Hãrsea-ti, cá pãlãcãriili-a tali furã realizati di Creatorlu!
Hãrsea-ti, tini cari tsã si-aplicarã ploili shi foclu!
Hãrsea-ti, cá spuseshi njilã cu tut ponlu!
Hãrsea-ti, cá li vindicashi aránjli tuti!
Hãrsea-ti, tini tsi lã li-agiuts muljerli anda s-fac dadi!
Hãrsea-ti, tini cari ãlji vindits atselji cu slabili cicioari!
Hãrsea-ti, tini cari ãlji vindits atselji ulodzlji!
Hãrsea-ti, cá u vindicashi arãeatsa-a altsãlor cu imiradea-a ta!
Hãrsea-ti, tini prit cari Dumidzálu sã spusi bun cu loclu-atsel!
Condaclu 3
Cara him aputursits di multsãlji pirazmadz shi cara nã aflám tu nivaljlu-
a amãrtiilor cari nã chiseadzã, la tini nã easti umutea, Sãmte, agiutorlu shi
ãmbunarea-a noastã; fá-ti, ti-atsea, samsarlu ti noi cari ti pãlãcãrsim shi
deadun cu tini Lji-u cãntám al Dumidzá cãntarea ti-alãvdari: Aliluia!
Icoslu 3
Cara niseshi di bãnashi pi Sãmtul Munti di Atos shi bana ts-u fãtseashi
cu mintiminilji tu ascultari, u loashi harea-a Sãmtului Duh sh-ti mushutsã
cu stranjlu lutsit di arhiereù, Sãmte pidipsit Iosif, ti fãtseshi picurarlu-a
cupiiljei cu grai di om dit Mitropoliea-a Banatlui, cari cupii u duseshi tu
musheatã pãshuni, cu mustra di bana-a ta cu sãmtsãlji shi prit nishenjli cari
li fãtseshi, tini aleptul al Dumidzá, ti-nvãrtushearea-a bunãljei pisti; ti-atsea
tsã cãntám ashi:
Hãrsea-ti, tini mitropolitlu-a Temishvarlui!
Hãrsea-ti, lutsite ierarh a Banatlui!
Hãrsea-ti, alãvdarea-a miletiljei pistimenã-a noastã!
Hãrsea-ti, tini vindicãtorlu-a lãndzidzlor!
Hãrsea-ti, cá ti pãlãcãrseshtsã la Dumidzálu ti-atselji tu ghideri!
Hãrsea-ti, cá dit piriclji lji-ascachi atselji tsi ti caftã tini!
Hãrsea-ti, cá cari tsi vini la tini nu-armãni ninjiluit!
Hãrsea-ti, vindicãtorlu-a aránjlor tsi-aduc moarti!
Hãrsea-ti, cá la cafi unã faptã iu eshtsã grit, cu-ağunjii agiuta!
Hãrsea-ti, tini iaturlu nipãltit!
Hãrsea-ti, umutea-a tutãlor, anvãlimintu shi ascãparea-a noastã!
Hãrsea-ti, atsel tsi cu videala-a nishenjlor a tali cupiea-a ta u bãgashi pi
calea ti cãtã la-atseali di-nsus!
Hãrsea-ti, Pãrinte a nostu Iosif, tini tsi fãtseshi nishenji!
Condaclu 4
Dip-njilãos pãrinte, aproachi-ù aestã pãlãcãrii-a noastã, a amãrtioshlor,
shi cu buneatsa shi njila-a ta ca di-aradã, fá-ti samsar la Creatorlu-a tutilor,
ta s-da vindicari shi sãnãtati-a sclavanjlor a Lui, a tsilor cari tsã grescu sã-
lji agiuts shi cu tini cãntã: Aliluia!
Icoslu 4
Azã noi, nicãdãrlji, dãnãsits dininti-a icoanãljei shi dininti-a oasilor a
tali, li spunem nishenjli-a tali, tsi li fãtseshi, Sãmte Iosif, sh-ti pãlãcãrsim tini:
avdi u aestã putsãnã pãlãcãrii-a noastã, ta s-putem ghini s-fatsim unã cãntari
ca-aestã:
Hãrsea-ti, atsel tsi eshtsã deadun-huzmichear cu anghiljlji!
Hãrsea-ti, atsel cari nica dit anjlji ficiureshtsã anamisa di oaminjlji-a
Ayi-Norlui ti numirashi!
Hãrsea-ti, tini cari nica dit njeati lu-nchirdãsishi lishlu anghilescu!
Hãrsea-ti, tini cari pãnã tu-ausheatic alãgashi ta s-tsã undzeshtsã cu
Creatorlu!
Hãrsea-ti, harea datã di Dumidzálu ti loclu-aestu!
Hãrsea-ti, tini cari lji-ascachi di dureri atselji tsi trag!
Hãrsea-ti, cá nishenjli-a tali sã spusirã la-Armãnjlji dit tut Balcanlu!
Hãrsea-ti, tini tsi nu-l njiluishi pidimolu ta s-fats buneatsã!
Hãrsea-ti, tini tsi nu cãpãeshtsã s-ti pãlãcãrseshtsã ti tuts atselji cari tsã
caftã agiutor!
Hãrsea-ti, dascalu-a dogmilor crãshtineshtsã!
Hãrsea-ti, tini tsi u-ai tu vreari dgheavasea-a Tsilui Dip-analtul!
Hãrsea-ti, alãvdarea-a ierarhanjlor shi-a pistimenjlor cãluğri!
Condaclu 5
Li-avdzãm, Pãrinte Iosif, nishenjli-a tali shi nã hãrsim cá Dumidzálu
spusi njilã tu unã veaclji zãmani sh-ti Bãsearica rumãneascã dit pártsãli-a
Balcanlui shi-lji pitricu urnipsitor lunjinat shi pãrinti tsi-mbuneadzã
patimati trupeshtsã shi sufliteshtsã, ti tsi noi tora, hristusits cara ti spunem
a Dumidzálui vruitorlu di oaminji, deadun cu tini Ãlji cãntám: Aliluia!
Icoslu 5
U dizligashi limba-a amutãljei featã shi urecljili-a ljei li distupashi ta s-li
avdã zboarãli-a hariljei a Dumidzálui shi dit tirinseascã dimuneascã u-
ascãpashi atsea tsi eara tsãnutã sum tiranlu-a ehturlui. Ti-atsea, tora shi noi,
amãrtioshlji shi nicãdãrlji, a curi limbã easti ufilisitã ti-arãeatsã, a curi
ureclji suntu astupati ti sãmtili zboarã-a Scripturilor shi-a pirmituserlor,
cara cutidzám, ts-u dzãtsem aestã cãntari:
Hãrsea-ti, vindicãtorlu-a niputerlor a pistimenjlor!
Hãrsea-ti, tini tsi u-ai harea ti musheatili vindicári!
Hãrsea-ti, tini tsi li-ağãliseshtsã ponurli-a tsilor tsi pat shi trag!
Hãrsea-ti, tini tsi-ağonjea ti fats háidipseari ti lãndzidzlji!
Hãrsea-ti, vãrtoasa ãndrupãturã ti sãnãtoshlji!
Hãrsea-ti, tini tsi eshtsã yishtearea-a vindicariljei!
Hãrsea-ti, tini prit cari amutslji zburáscu shi surdzãlji avdu!
Hãrsea-ti, cá prit pãlãcãriili-a tali sã-nvãrtusheadzã atselji cu cicioarli
slabi!
Hãrsea-ti, cá la tini pi paturi lji-aù adusã atselji lãndzidzlji ashi cum ãlji
bãga shi dininti-al Petru apostolu!
Hãrsea-ti, tini tsi-lji vindits fãrã di pãlteari atselji tsi s-plãcãrsescu la
tini!
Hãrsea-ti, tini dit a curi mirminti zvom vindicári!
Hãrsea-ti, cá nu lji-alãsashi fãrã di-agiutorlu-a táù nitsi-atselji
nipistimenjlji!
Condaclu 6
Sãmte ierarh Iosif, ca unlu tsi fats nishenji ti spuseshi shi dupã mutarea-
ts trupeascã di la noi, shi daima u-apurashi cupiea-a ta; cá atumtsea anda
zurbadzlji vrurã s-li arshuneadzã ghirghinili cari s-hiumãsirã ca la unã
stizmã vãrtoasã, la groapa-a ta, tini u dãnãsishi pãngãna-a lor cutidzari, ti
cari lucru atseali ghirghini, ağnò frixi shi ciudii, ãlji cãntarã-al Dumidzá:
Aliluia!
Icoslu 6
Puterli-atseali fãrã di trup s-ciudusescu, Pãrinte, di vãrtoasa-ts pisti tu
Dumidzálu, prit cari arádzli-a fisiljei li-ai anãchisitã. Apostoljlji shi
ierarhanjlji s-alavdã cu tini, atselji tu nivolji ti-alavdã, cãluğrilji ti
lugursescu ti mustrã shi arcãlãchi ti cilãstãserli-a lor, a lãndzidzlji shi
nipãtutslji la tini shi-aù umuti vãrtoasã. Ti-aesti lucri, shi noi, atselji cari cu-
alãvdãciunji u tinjisim adutsearea-aminti a ta, ts-u dzãtsem aestã cãntari:
Hãrsea-ti, cá bãnedz deadun cu anghiljlji!
Hãrsea-ti, cá badz fricã la demunjlji!
Hãrsea-ti, cá lugursishi cá nu fac canã pãrá atseali di pristi loc!
Hãrsea-ti, tini tsi ti tsãnushi di preasinli shi fushi omlu-a pãlãcãriiljei!
Hãrsea-ti, tini cari ti tsãnushi di calea-a apostoljlor!
Hãrsea-ti, tini picurarlu-a cupiiljei a ta!
Hãrsea-ti, dascalu-a pistiljei!
Hãrsea-ti, yishtearea-a njilãljei al Dumidzá!
Hãrsea-ti, cá noi nã-ascachi di nivolji, cu pãlãcãriili-a tali!
Hãrsea-ti, tini cari li dai bunetsli-al Dumidzá!
Hãrsea-ti, harauùa shi chefea-a tsilor tsi ti caftã tini!
Hãrsea-ti, cá Dumidzálu Ãl doxãseshtsã cu ceturi di-anghilji!
Condaclu 7
La Sãmtul Mãnãstir di Partosh cara ti-astãvãrsirã unã zãmani aushlji
shi dinatslji shi tuts atselji nipãtutslji cu nãdiea cá cu darea di tini shi di-
aumbra-a ta va s-aflã vindicari, umutea-a lor nu fu arshunatã, cá multi
vindicári fãtseshi, Sãmte. Di cari, cara nã ciudusim, Pãrinte Iosif, la
Dumidzálu, a Tsilui tsi ts-u deadi-a tsáia aestã hari, Ãlji cãntám: Aliluia!
Icoslu 7
Ta s-u spunji marea-ts njilueari ti turma-a ta shi mirachea ti-ascãparea-
a ljei dit tuti nivoljli tsi u-aputursescu, atumtsea anda dãgoara-a foclui s-
teasi ta s-u aputurseascã tutã tsitatea-a Temishvarlui, nu fudzishi ca fricos,
ma dãnãsishi ca un livendu, shi u-anchisishi putearea-a foclui, prit
pãlãcãriea-a ta cama apreasa sh-di pira-a foclui, shi ashi u-ascãpashi
nicãrtitã bãsearica tu cari liturghiseai tini shi cara u dãnãsishi tindearea-a
foclui, prit ploaia cu gãleata tsi tserlu ts-u pitricu a tsáia ti-agiutor, ti cari
lucru avdi di la tuts:
Hãrsea-ti, tini ierarhlu, cu marea numã!
Hãrsea-ti, pãrinte, apanghul ti hiljlji-a tálji!
Hãrsea-ti, Sãmte, aleptul al Dumidzá!
Hãrsea-ti, cari bãnashi dupã lishlu-a vrutslor di Dumidzálu!
Hãrsea-ti, tini tsi lji-u fats vrearea-a Tatãlui din tser!
Hãrsea-ti, tini tsi ti tsãnushi di vrearea di oaminji-a Hiljlui al Dumidzá!
Hãrsea-ti, asãmtsãtlu prit hárli-a Sãmtului Duh!
Hãrsea-ti, tini tsi u spunji Sãmta Treimi!
Hãrsea-ti, tini tsi li-mbunedz ghiderli!
Hãrsea-ti, cá lu-anãchisishi foclu shi-aduseshi ploai pristi loc!
Hãrsea-ti, cá geanlu tsã-l dideshi ti miletea-a ta!
Hãrsea-ti, tini tsi lu-apurashi cãsãbálu-a scamnului a táù!
Condaclu 8
Pistimenjlji tuts dit Mitropoliea-a Banatlui, cara shi-u avurã umutea la
tini, tu cafi unã catandasi greauùã nu-ari s-arshuneadzã, Pãrinte Iosif, ta s-
lã eshtsã ti mari-agiutor a tutãlor. Ti-atsea, nu tsã tradzi mãtrita shi di la
pãlãcãriili-a noasti di tora, ma ascapã-nã dit tuti nivoljli shi apurã-nã di tuti
ghiderli cari di-amãrtiili-a noasti cad pristi noi; ta sã-Lji cãntám deadun cu
Tini-al Dumidzá: Aliluia:
Icoslu 8
Cara tsã aduseshi aminti ti fratslji-a tálji Armãnji shi cara u-ascultashi
vrearea-al Dumidzá, ti trãpseshi di bana-atsea ãmplinã dultseami
duhovnicheascã-a Ayi-Norlui, ta s-yinji iara anamisa di-a tálji, ta s-lã eshtsã
dascal shi sã-lji badz pi calea prit cari s-fac sãmtili dimãndãciunji-a
Ascãpãtorlui Hristos, cara lutsishi cu musheatili fapti, cari, cara li-alãvdám
li dzãtsem aesti:
Hãrsea-ti, Sãmtul a Banatlui;
Hãrsea-ti, alãvdãciunea-a Temishvarlui!
Hãrsea-ti, mushuteatsa-a Bãsearicãljei!
Hãrsea-ti, tinjisite huzmichear a hariljei!
Hãrsea-ti, tini tsi tsitsirashi bunã biricheti!
Hãrsea-ti, tini tsi-a tutãlor lã fãtseshi bunets!
Hãrsea-ti, cá u loashi cãruna-a sãmtsãljiljei tsi nu lji-ari mãrãnghiseari!
Hãrsea-ti, cá prit pistea pãtushi ta s-fats nishenji!
Hãrsea-ti, tini cari prit nishenji ãlji dideshi lutseari-a pistiljei!
Hãrsea-ti, cá ti iurtusearea-a Creatorlui fãtseshi nishenji!
Hãrsea-ti, cá tini ti tinjisirã nipistimenjlji has ca shi hiljlji
duhovnicheshtsã!
Condaclu 9
Tini tsi-L tinjiseshtsã Dumidzálu shi eshtsã dumidzescul Iosif, avdi u
aestã pãlãcãrii-a noastã dit aestã sãhati shi, prit pãlãcãriili-a tali sãmti sh-di
Dumidzálu vruti, veaglji-nã di pulematli tsi nã-nfricueadzã, ashi cum u-
ascãpashi di foc tsitatea iu tsã easti scamnul, shi-ashi shi noi, has ca shi-
ascãpatslji di-atumtsea, s-cãntám: Aliluia!
Icoslu 9
Cu zboarã aleapti furã mushutsãti cãntárli, cari Bãsearica, a curi ãlji
fushi un stur, li uidisi ti iurtusearea-a ta, Sãmte, shi cu harauùã tsã yin
crãshtinjlji di tora la sãmta liturghii-a ta, la tini ierarhlu-a para-pãpãnjlor a
lor, ti cari shi noi, deadun cu elji, tsã li dzãtsem a tsáia aesti zboarã ti-
alãvdari:
Hãrsea-ti, yishtearea-a pistiljei a para-pãpãnjlor!
Hãrsea-ti, alãvdarea-a ierarhanjlor shi-a dascaljlor!
Hãrsea-ti, hãbãrsitorlu-a Vangheljlui!
Hãrsea-ti, tini prit cari easti dip-iurtusit Dumidzálui!
Hãrsea-ti, tini tsi-lji vãrgheshtsã atselji cu zboarã niminduiti!
Hãrsea-ti, tini cari lji-arshunashi amãrtioshlji!
Hãrsea-ti, tini cari u frãmseshi fãduleatsa-a znjeartsãlor!
Hãrsea-ti, tini cari amãrtioshlji ãlji fãtseshi ta sh-si tunuseascã!
Hãrsea-ti, cá dupã tini imnarã horli tuti armãneshtsã anda niseshi la
mãnãstir!
Hãrsea-ti, cá tini, cara zburáshtsã la Ascãpãtorlu, nã ascachi di cafi un
piriclju!
Hãrsea-ti, umutea shi ascãparea-a noastã!
Condaclu 10
O, Dip-njilãoslu shi Dip-bunacicul Domnu, nu tsã tradzi ocljilji di la
pãlãcãriili-a sclavanjlor a Tálji, ma agiutã-nã shi njiluea-nã cu marea-Ts
vreari ti oaminji, shi ascapã-nã di tuti ghiderli cu cari nã vãrgheshtsã ti
multili amãrtii a noasti shi mutã-nã dit cãderli shi nivoljli, ti pãlãcãriili-a
Sãmtului Iosif atsel Náùlu, cu cari deadun Tsã cãntám: Aliluia!
Icoslu 10
Has ca aschetslji dit urnjii, ti trãpseshi dit dultseamea minciunoasã-a
lishtei dunjeai, u-anãchisishi putearea-a demunlui shi, cara li-arupseshi
strãmbili pãzãrãpseri, prit cari fu pãngãnitã dunjeai prit amãrtiea-a para-
pãpãnjlor, a tutãlor lã spuseshi cá, prit nistrãmbãtati shi-aplicãciuni, fisea
poati s-hibã adusã la situatsiea dit ahurhitã. Bash ti-atsea shi noi, cara ti-
alãvdám, cãntám:
Hãrsea-ti, cá prit preasini shi pãlãcãrii li-anãchisishi miráchli-a
scãdzutãljei fisi!
Hãrsea-ti, cá u spuseshi imiradea ma-nsus di arãeatsa!
Hãrsea-ti, cá prit marea-ts buneatsã li fãtseshi právdzãli s-hibã mulatsi!
Hrsea-ti, tini tsi li fãtseshi imiri ağrinjli!
Hãrsea-ti, cá has ca Ascãpãtorlu durnjishi tu chiro di fãrtunã!
Hãrsea-ti, cá nu ti-aspãreashi di cheaimetea-a undilor a Dunãljei!
Hãrsea-ti, tini cari u-astiseshi putearea-a bãbunãljei di foc!
Hãrsea-ti, tini cari lj-fãtseshi niorlji s-vearsã ploai pristi loc!
Hãrsea-ti, cá tu mesea di ploai armãseshi uscat!
Hãrsea-ti, tini prit cari sã spusirã scãntiljeri di curcubeuri!
Hãrsea-ti, tini tsi pi mãna-a ta ãl portsã scãntiljoslu semnu a patimatlor
a Hiljlui al Dumidzá!
Hãrsea-ti, atsel a curi moarti u spusirã cãmbánjli cari nu furã trapti di
mãna di om!
Condaclu 11
Ti crãshtinamea ti fãtseshi di mari hãiri, cu ãnvitsãturli,cu nishenjli shi
cu tirtipea di banã-a ta ağno sãmtsaãlji. Ti-atsea, nu li trets cu videarea shi-
a noasti pãlãcãrii, njilãoase, ma agiutã-nã shi ascapã-nã di nivolji, sh-tsicara
cá nu him cãdãri, ta sã-Lji cãntám deadun cu tini-al Dumidzá: Aliluia!
Icoslu 11
Tu hárli duhovnicheshtsã cara criscushi di-anda njic shi contra
pirazmadzlji vãrtos cara ti spuseshi, dit njeatili-a tali, shi tu sãmtsãlji cara
ts-u tricushi bana, Pistimene Pãrinte Iosif, tuts ãlji bãgashi pi ciuduseari cu
imiradea, cu chischineatsa, cu aplicãciunea shi cu imira-ts tabaeti, ti-atsea,
cara li vidzu Dumidzálu cilãstãserli-a tali, ti Arhiereù shi picurar ti
Bãsearica-a Lui ti bãgá, shi noi mari iurtuseari cara Ãlji fãtsem a Tsilui tsi
ti-anãltsá tini, paradistate, tsã cãntám ashi:
Hãsea-ti, tini cari ghini li vigljeashi zboarãli-atseali dumidzeshtsãli-a
Chihãelui a táù!
Hãrsea-ti, tini cari ti fãtseshi mustra-a buneatsãljei!
Hãrsea-ti, tini cari ti-ncãrunashi cu cãruna-a cilãstãserlor!
Hãrsea-ti, lunjinãtorlu-a Bãsearicãljei!
Hãrsea-ti, tini cari u-avinashi scutidea-a nishteariljei!
Hãrsea-ti, tini cari ti minduishi la lucãrli tsireshtsã!
Hãrsea-ti, cá prit multã arãvdari shi-ascultari ti fãtseshi vas aleptu-a
Domnului!
Hãrsea-ti, dascalu shi mustra ninãstricutã-a cãluğrilor!
Hãrsea-ti, mushuteatsa-a ierarhanjlor!
Hãrsea-ti, tini tsi li-avinashi patimatli tuti!
Hãrsea-ti, tini tsi nã u dai a nauùã marea cãldurã!
Hãrsea-ti, tini ascãparea ti pistimenjlji tuts!
Condaclu 12
Tini tsi fãtseshi nishenji, Sãmte Iosif, ashi cum tu chirolu anda bãnashi
pristi loc, prit pãlãcãriili-a tali, lji-ascãpashi tuts atselji tsi-lji pãshteai tini di
tuti soili di piriclji, ashitsi shi azã, s-u pitrets njila-a ta la Armãnjlji di pristi
tut Balcanlu, cu pãlãcãrseari la Dumidzá s-li da la tuts atseali tsi lã suntu
lipsiti shi irinji la dunjeai, shi-ashitsi deadun cu tini sã-Lji cãntám a Lui:
Aliluia!
Icoslu 12
Sãmte Iosif, tini arhiereùlu-a Hristolui, huzmichearlu-a hariljei, zbura ti
noi amãrtioshlji, prit multili sansarlãchi-a tali a Chihãelui, s-nã fatsim
cãdãri noi, nicãdãrlji, ta s-nã cumnicám di bunetsli-atseali tãxitili-a
pistimenjlor crãshtinji shi s-li lom atseali bunili sh-ti hãiri ti geanurli shi
trupurli-a noasti shi s-tsã cãntám a tsáia:
Hãrsea-ti, tini cari ti pidipsishi ta s-tsã undzeshtsã cu Creatorlu!
Hãrsea-ti, tini omlu-al Dumidzá cari purtãtor di Dumidzá ti spuseshi!
Hãrsea-ti, cuvioase, cari bãnashi unã banã tinjisitã!
Hãrsea-ti, dip-alãvdate, alãvdãciunea-atsea dip-musheata-a
Temishvarlui!
Hãrsea-ti, tini lunjinãtorlu, cari cu scãntiljeari u lunjinashi Bãsearica-a
Banatlui!
Hãrsea-ti, pãrinte, cari njilãos shi vruitor fushi ti tuts!
Hãrsea-ti, vindicãtorlu, cari li vindicashi lãngorli shi niputerli!
Hãrsea-ti, tini ierarhlu, cari u-adãpashi cupiea-a ta cu apa atsea yiea-a
averlui a Hristolui!
Hãrsea-ti, tini arhiereùlu, cari tuts lji-nvitsashi cu tinjisearea-al
Dumidzá!
Hãrsea-ti, mãrite, cá numa-a ta fu-nğrãpsitã-n tseruri!
Hãrsea-ti, paradistate, cá a tsáia tsã si dishcljisirã ushili-a tserlui!
Hãrsea-ti, Sãmte, tini tsi fushi spus ca ti sãmtu nica dit bana di-aoatsi!
Condaclu 13
O, Dip-sãmte shi tu ti-alãvdatlu Pãrinte Iosif, cara va u ljeai aestã hari di
tora dit putsãna pãlãcãrii-a noastã, fá-ti samsar la njilãoslu Dumidzá, cá ti-
a tali sãmti pãlãcãrii shi marea vreari ti oaminjlji-a Lui s-u apurã di tuti-
arãetsli Sãmta Bãsearicã-a Lui, cãsãbálu-a táù, tuts pistimenjlji Armãnji dit
tut Balcanlu shi tuts cari yin la pãlãcãriili-a tali cãtã Dumidzálu, cá elji ti
daimalui, cu unã gurã shi cu unã inimã, deadun s-cãntã, has ca shi
pãrintsãlji-a lor: Aliluia! (Aestu condac s-dzãtsi 3 ori.)
Icoslu 1
Pistimenjlji dit pártsãli-a Banatlui, cara u duchirã putearea-a pistiljei a
ta shi multili nishenji, cara ti-anãltsashi ma-nsus di fisea-a lucrilor, li-
arshunashi ahtili glãreshtsã-a Agareanjlor pristi pistea atsea ãndreapta-a
noastã, dit ininjli ãmplini di vreari shi cu aplicãciuni tsã li dzãc a tsáia aesti:
Hãrsea-ti, tini ierarhlu-a Ascãpãtorlui Hristos!
Hãrsea-ti, atsel tsi-adrashi sã scãntiljeadzã ãndreapta pisti!
Hãrsea-ti, ascãparea-a tsilor tsi ti caftã tini!
Hãrsea-ti, agiutorlu shi-apanghul a tsilor tu ghideri!
Hãrsea-ti, vãrtoslu stur a pistiljei di-a parapãpãnjlor!
Hãrsea-ti, cá shi-a pãngãnjlor lã u spuseshi putearea-al Dumidzá!
Hãrsea-ti, cá fushi shtitlu ti Bãsearica-a ta!
Hãrsea-ti, tini tsi fushi purtárlu-a anãchiseariljei ti-aráilji!
Hãrsea-ti, lãmbadá tsi dai videalã ti-atselji dit scutidea-a amãrtiiljei!
Hãrsea-ti, tini tsi lã spuseshi shteari dumidzeascã-a tsilor tsi imna pit
scutidea-a nishteariljei!
Hãrsea-ti, tini cari cu imiradi lji-apridunashi la tini nishtiutslji!
Condaclu 1
Apurãtor ni-anãchisit, ti bagã dininti loclu-a Banatlui, hristuseari tsã-
adutsi, ca unlu prit tini dit piriclji ascãpá. Ma ca unlu cari ai cutidzari cãtã
la Dumidzálu, pãlãcãrsea-L ta s-nã apurã di tuti nivoljli, ta s-tsã cãntám a
tsáia, Pãrinte-a nostu Iosif, tini cari fãrtseshi nishenji!
Shi aesti pãlãcãrii:
Pãlãcãriea cãtã Sãmtul Iosif atsel Náùlu di Partosh
Dip-bune shi tu tuti alãvdatlu Pãrinte Iosif, pastirlu shi dascalu-a tsilor
tsi fãrã di ihle ti caftã shi cu caldã pãlãcãrii ti caftã tini, ağunjisea-ti ta s-nã
agiuts shi noi cari cu pisti shi vreari ti-adutsem aminti, cari stai shi ti
pãlãcãrseshtsã la Dip-gionli Dumidzá, ti-atsea cá ãndreapta pisti sã si-
nvãrtusheadzã shi s-creascã shi tutã crãshtinamea s-hibã ãngãrditã shi
vigljeatã prit sãmtili-a tali pãlãcãrii di ãncãcerli dit dunjeai sh-di tutã
ãmpãrtsarea shi ni-acãchisearea. Shi ti-atsea cá Domnul Dumidzálu-a nostu
s-nã apãnghiseascã shi s-nã apurã di tuti-arãetsli, di-agiunatic, di
trimburarea-a loclui, di nicarea-a loclui, di foc, di coarda, di aputursearea-a
noastã di-alti milets, di sclãvilji, di pleashca-a polimlui, di tuti lãngorli shi
aránjli tsi-aduc moarti sh-di nibuna moarti tsi yini di aputursearea-a
puterlor tsi nu mãnjisescu-a fisiljei. Pãlãcãrsea-L Creatorlu-a tutilor, tini
cari fãtseshi nishenji multi, ta s-aducã irinji tu dunjeai, tãrhii tu erã, ploai
tamam la chiro, bunã biricheti di loclu, buneatsã ti miletea, treacã-a
bãrbatslor cu nicuchirili, ascultari di fumealjea, ficiorlji sã-lji vor
pãrintsãlji, vreari frãtseascã la tuts, adutseari pi cali-a amãrtioshlor,
crishteari duhovnicheascã la aleptsãlji, multã vreari ti Dumidzálu di partea-
a preftsãlor, chischineatsã la cãluğrilji, analtã mintiminilji la ierarhanjlji shi
sãnãtati ti tuts. A noi, cari nã adunám la aestã sãmtã adutseari-aminti a ta,
njiluea-nã, tini cari ai cutidzari dininti-al Dumidzá. Cá, prit zborlu-a táù, cu
ufelea di pãlãcãriili-a tali shi cu harea-a Hristolui Dumidzá, ca Armãnji,
banã cu isihii, fãrã di-amãrtii s-nã hibã datã, ta s-bãnám ca oaminji tu-aestã
etã sh-di partea-a shideariljei di nastãnga, la fricoasa Giudicari ti tutã
dunjeai, s-him ascãpats, shi di partea-atsea di nandreapta s-nã fãtsem
irbapi, deadun cu-atselji tsi cu etili suntu vrutslji di Dumidzálu. Amin.
SAMTUL AMIRÀ IUSTINIAN
a.
Paradistatlu amirá Iustinian s-featsi tu-anlu 483, pi dzuùa di 11 di Mai, tu

hoara Tauresium, dit Machedoniea, aza hoara Taor, aproapra di hoara Petrovets,
ningã Catlanuva, tu sinurlu-a Cãsãbálui Scopia, Republica Machedoniea. Easti
dichi cá noi Armãnjlji su-l lugursim ti-a nostu di ispetea cá tu-atsel chiró veacljea
mileti di pit aesti locãri eara gairé latinizatã, tsi scljeamã cá eara Proto-Armãnjlji,
para-pãpãnjlji-a Armãnjlor di cama amãnat, a Slavanjlji multu cama amãnat lu-
aputursirã Balcanlu. Fen-su lj-eara numa Savatii, shi má-sa lj-eara numa
Biglenisa, shi eara sor a amirálui Iustin. Anda eara ficior, fu multu ghini prãxit
cara lji-avu ca profesori scriitorlu Teofil shi diaclu Agapet, cari lj-fãtsea huzmeti-
a averlui tsi nu lji-ari chireari.
Lalã-su Iustin, cara s-featsi Amirá Tsarigrad, lji-u deadi-n sãnãdii
cumanda-a gardãljei a lui amireascã. Shi-ashitsi, an di-an, deapoa, tricu prit tuti
scárli di chibartsãlji ti cumãnduseari pãnã la atsea di consul. Cara vini chirolu ti-
nsurari, el vrea ta s-u ljea ti-nveastã Teodora, unã tsi giuca tu tsircus, ama cum
má-s, ashitsi shi Eufimiea, cara lji-u shtea tabaetea-a tsiljei muljeari, nu furã di
cãili, sã-ncustarã. Ama dupã moartea-a lor, cara u-avu vluyiea-a amirálui Iustin,
a curi el ãlji dzãtsea shi fendi, sã-nsurá cu ea. Cama amãnat, atsea muljeari sh-li
arãscumpãrá alutuserli cu-atsea tsi adrá un mãnãstir shi adrá shi casã iu li-aduna
featili cari avea cãdzutã tu sirtul a dizghirdariljei shi-a altilor amãrtii. Ca
amiroanji, tu-anlu 527, iara sã spusi ti un character gioni, cu-atsea tsi lu-ascãpá
scamnul a bãrba-sui tu unã ghurultii tsi s-featsi bash tu metropola-a amirãriljiljei.
Iustinian vru ta s-prida scamnul, ma ea dãnãsi pi scári shi dzãsi cá mantiea
amireascã nu easti mash ti anami, ma shi ti curbani: “Fudz tini, ma io armãn. Io
u tinjisescu veacljea mintiminilji cari dzãtsi cá purpura easti un musheat savan”.
Gheneraljlji cari lj-eara ãmbistimenji u loarã cumanda; ghurultiea fu zãbunusitã
shi dip asteasã. Dupã atseali greali sãháts dit domniljea-lji, amirálu Iustinian shtiu
s-u tinjiseascã itsido di dichitã shi nica ma multu li trapsi jgljoatili-a amirãriljiljei
a lui cãtã la anamea. Shi pi-atsea cali avu multi shi nu dip njits cheaditsi, ma tuti
li-anãchisi, shi ti etsli tuti u-anãltsá anamea-a domniljiljei a lui.
Vini shi chirolu anda s-featsi urnjearea-a barbarlor. Atsea ipuhii anda s-
virsarã prit Aratsili-Data-a Ivropiljei tuti atseali fãrtunji di-ağrinji dit Asiea shi dit
Aratsili-a Ivropiljei: Ostrogotslji, Vizigotslji, Longobardzãlji, Hunjlji shi altili
numi cari-nfricueadzã. Tuts atselji adusirã sindilii pit Amirãriljea Latineascã dit
Ascãpitatã.
Ama Iustinian, cu unã ghini organizatã ashcheri shi cu un gheneral ca
Belizari, ãnchisi contra-a tailor ocupatori tu un polim sãmtu, cu pistea-a ahtárlor
niscãnti marturisiri ti putearea-al Dumidzá: “Nu suntu armatli, ni ashchirladzlji,
ni gheneraljlji, ni mintiminiljea-a noastã, tu cari avem pistusini, ma noi nã u
bãgám tutã umutea tu putearea-a Sãmtãljei Treimi”. Shi-ashitsi Iustinian u cãlcá
Africa (534), Italiea cu Iliriclu dit Ascãpitatã (536-566) shi Spaniea dit Notlu
(554). Shi cu atsea cara s-featsi atsea tsi fu spusã di el, cá “Domnul atsel cari da
banã va li analtsã capitli-a voasti, pistri ãntreaga amirãrilji; El va s-facã di tuti
miletsli, cumãndusitslji di voi, ta s-lu aducã lucurlu - ca di un chiro – maganjlji
s-li aducã hárli-a lor”.
Ama la atsea ocupatsii cu armatli, el cilãstãsi cá ta s-u adavgã shi borgea-
a lui di apostol ta sã-lji facã crãshtinji. Shi-ashitsi mari fu data borgi di la
Dumidzálu, cá tuti locãrli dit Ascãpitata-a Ivropãljei, cari eara didip eretits shi
pãngãnji, ta s-treacã tu hasa pisti. Arianismul cari lji-avea arãsã bunjlji crãshtinji
dit atseali arãdzãmuri fu anãchisit, a laia pisti pãngãnã-a ağrilor ocupatori fu
lunjinatã prit crãshtinarea. Ia cãt di scãntiljoasã fu partea ca misioner a amirálui
Iustinian!
Tu idghul chiro, mári mintireji lipsea s-frãngã paradistatlu Iustinian tu
casa-atsea duhovnicheasca-a Bãsearicãljei a lui. Eara eta-a márlor mintireji
relighioasã\i. Ereziea monofiziteascã, anãchisitã la Sinodlu ecumenichescu dit
anlu 451 di Calchedon, iara vrea ta sã-nyeadzã, sum alti formi, la cãrpolu-a lor.
Shi amirálu gri altu un sinod ecumenichescu, atsel dit anlu 553, cari anamisa di
eretitslji ãl bãgá shi Orighen, pi cari sã-ndrupa atselji eretits. Tu idghul chiro ãl
bitisi lucurlu shi cu atseali trei capituli, ma shi-a altsãlor schismatits, shi tu tuti-
atseali sã-ndrupã nai ma multu pi cãilãchea-lji ma shi pi tsi ma putsãna autoritati-
a lui amireascã.
Shi ti-atsea cá Iustinian sh-si lugursea el insushi ca un sh-didealihealui
pãrinti, shi bãnãtorlji-a amirãriljiljei ca hilji-a lui, s-avu ãngãtan s-u ãndreagã
bana-a miletiljei dupã zãconji ãnğrãpsitishi cãt ma multu ãndreapti shi sãmti. Shi-
ashitsi, el, shi cu mintimenili agitári di-a colaboratorlor aleptsã di el, ãndreapsi
un Cod di zãconji, cari pãnã azã s-ufiliseashti tu unã mari parti tu ãntreaga
dunjeai, shi u poartã numa di Codexlu-al Iustinian. Tu idghul chiro, el deadi
dimãndãciunji amireshtsã tsi lã si dzãsi noveli, cari u bagã pi-aradã bana-a
Bãsearicãljei di multili ets, di multi pártsã shi sãmti obligatsii a ljei.
Ama atsea tsi u fatsi shi nica ma mari shi ma ascãpiratã anamea-a lushtui
amirá, easti bãsearica Sãmta Sufii di Tsarigrad. Tu adrarea-a lishtei bãsearicã,
putem s-videm unã ãntrupari-a pistiljei shi-a gheniùlui a lui tsi ti ets nu moari.
Shi dealihea, mari ãlji fu ivlaviljea-a lui cá ta s-adarã un cathió sãmtu-a pistiljei,
ashi cum spunea un istoricean, “ashi cum di la Adam pãnã la el nu fu canã altul
shi cum nu mata va s-aibã ni deapoa”. Ãntreaga amirãrilji el u bãgá pi lucru tu
adrarea-a tsilui nai ma mari hram ãncljinal al Dumidzá. Tuti tsi furã nai ma vruti,
tuti tsi eara nai ma scumpi, furã adusi-aoatsi ca hari ti una tsi ma mari scãntiljeari-
a Iudimãljei al Dumidzá!
Ãntredzli stururi di porfirã aroshi di Efes, deapoa alba marmurã di
Proconesiea, veardea marmurã di Evbeia, alba shi aroshea marmurã di Iasos dit
Careia. Shi-ashitsi, tuti provintsiili-a amirãriljiljei shi-u pitritsea agiutarea-a lor ti
porfirã shi shamuri, cu chetsrã scumpi shi sfildishuri, shi altili lugurii sãmti tsi li
adrarã atselji 10.000 di lãcãrtori, anamisa di cari cafi dzuùã s-afla amirálu. Atsea
dit mesi cupolã a lishtei pirifanã bãsearicã easti di 31 di metri tu diametru shi 55
di metri analtã, shi bash analtu pi marea cupolã, scãntiljeadzã unã multu mari
crutsi pi un tser pispilit cu steali di malãmã. Sãmta Masã, catapeteasma, tronurli
shi amvonlu eara adrati di asimi, malãmã, sfildish shi márgáritári cari scãntiljea
ghini. Ta s-putem s-nã fatsem un cadur ti scãntiljearea-a lushtui Sãmtu Cathió sã
spuni cá mash di asimea s-bãgarã vãrã 20 di ucadz. Shi-ashi s-ducheashti tu cãtã
scãntiljeari s-fãtsea sãmtili liturghiseri, anda clerlu inshea tu stranjili-a lor di
malãmã shi tu scãntiljerli-a marmurãljei shi-a videljlor cari s-virsa di shindánjli
di malãmã! La liturghiea di dixearã a asãmtsariljei di pi dzuùa di 26 di Andreù dit
anlu 537, anda patriarhlu Mina lu-ashtiptá Amirálu Iustinian cu Sãmtul Vanghelj
cari scãntiljea di scumpili chetsãri, shi anda priftamea u cãntá, “Isiha videalã-a
sãmtãljei doxã-a Tatãlui din tser”, atumtsea li dzãsi shi Amirálu Iustinian,
zboarãli tsi nu lã ari moarti: “Doxã-al Dumidzá cá mi lugursi ti izoti s-bitisescu
ahtari unã creatsii! O, Solomone, ti anãchisii”! Shi cum dzãtsea un istoricean,
lucurlu-aestu easti dealihea, cá “dupã pasprãdz di secoli di-anda easti, Sãmta Sufii
u-analtsã tu doxã domniljea-al Iustinian”. Tuti alanti lucri ti-anami di-a
domniljiljei a lui, ocupatsiili di locãri shi millets, geadeili shi acvaductili, binái
shi institutsii, defi s-featsirã cu chirolu tu cari el puvilea, ama bãsearica Sãmta
Sufii ãl mutá shi ctitorlu pi árchili-a anamiljei di etsli tuti! Unã dunjeai lji-u
doxãseashti creatsiea, lji-u alavdã pistea shi u dip-mãreashti ivlaviljea-a lui.
El fu shi un om cu multi preasini, s-hãrnea cu iamishi, a tu marea stãmãnã,
dauùã dzãli nu mãca tsiva. Shi tuti-atseali li fãtsea di pistusearea-lji lunjinatã-a
lui, cá eara un bun shtiutor a mistighilor a Scripturãljei, shi cá s-alumtá shi bash
cu eretitslji, ta sã-lji anganã la hasa pisti. Shi di la Sãmtul Iustinian armasi shi unã
himnã ti pistea-a noastã: “Unlu faptu”, cari daimalui s-cãntã, cafi oarã anda s-
doxãseashti Sãmta Liturghii.
Shi s-featsi ctitorlu nu mash ti Sãmta Sufii, ma shi alti multi bãserits adrá
shi featsi mirimeti, mash Tsarigrad vãrã 31, a tu Palestina shi tu altili arãdzãmuri-
a amirãriljiljei adrá sãmti iudinji. Shi-ashitsi, tu-arãhati shi-u bitisi bana tu-anlu
565, ta s-u ljea doxa-atsea tsi nu lji-ari moarti din Tseruri, tu Amirãriljea-a
pistiljei, ti-a curi doxã shi scãntiljeari el ahãt s-alumtá pristi loc. Shi ti-atsea cá la
giudicarea fãrã di ihlé va s-hibã yixiti faptili ti vrearea-lji di oaminji shi-al
Dumidzá, Sãmta-a noastã Bãsearicã, cara ãlji li shtii aesti fapti sufliteshtsã cari
nu lã ari moarti ti eta-a etilor, ãl doxãseashti shi pristi loc tu-arada a sãmtsãljei a
ljei. A Dumidzálui Tatã sã-lji hibã doxã deadun cu Hiljlu shi Sãmtul Duh. Amin.
SÃMTA LIDIEA DI FILIPI, TU MACHIDUNII
„Trets tu Machidunii shi agiutã-nã” (Faptili-a Apostoljlor 16,9) easti pãlãcãriea-a unlui
bãrbat Machedon cari ãlji si spusi tu unã furnjiseari-a Sãmtului Apostol Pavlu anda el s-afla
Troa (tu chirolu-a defturãljei cali misionarã). Cara u lugursi atsea furnjiseari ca ti boatsi-al
Dumidzá, Sãmtul Pavlu apufãsi cá fãrã di-amãnari s-treacã anaparti, tu Ivropea, tu partea dit
Datã-a Machiduniiljei, tu cãsãbálu Filipi, shi-lji lo cu el shi-atselji cari ãlji fãtsea sutsatã pi cali:
Timotei, Silas hi Luca.
Inshi pi uscat Neapoli (azã Cavala, sum ocupatsiea-a Veacljiljei Pãshilãchi Turtseascã
– Gãrtsiea_ shi di-aclotsi ãnchisi ti Filipi. Nafoarã di cãsãbálu Filipi shi aproapea di mealurli-
a arãùlui Zigactis eara loclu-a Uvreilor ti pãlãcãrii shi aclotsi Sãmtul Pavlu deadi di unã parei
di muljeri lãcãrtoari. Anamisa di atseali muljeri, adunati la arãù, Apostolu Pavlu ãl propovidui
ti prota oarã tu Ivropea Zborlu-a Vangheljlui a Domnului.
Muljerli cara sh-eara cu frica di Dumidzá li-ascultarã cu-ngãtan shi cu ivlavilji zboarãli-
a nicãnãscutlui Iudeù. Ma di atseali muljeri nai ma apreasã sã spusi Lidiea, unã muljeari cari
vindea porfirã, dit tsitatea-a Tiatirilor, cu frica di Dumidzá. “Alishtei Dumidzálu lji-u dishcljisi
inima ta s-bagã oarã la spusili di Pavlu” (Faptili-a Apostoljlor 16, 14).
Tu inima-ali Lidiea s-featsi unã trimburari. Inima-a ljei nu-shi afla arãhati cá nu putea
ta sh-si facã curbani-a dzadzlor shi-a dzoanjilor ashi cum s-didea la zaifetsli.. U duchi pistea-
al Israel cari tu geanlu-a ljei u-apreasi seatea ta su-l caftã Mesia shi tora ti prota oarã lu-avdzã
Apostolu Pavlu cá zburã ti Re-ascumpãrãtorlu-a dunjeailjei. Lidiea fãrã di canã cãrshilãchi fu
di cãili cu nauùa ãnvitsãturã, pistipsi tu Hristolu shi categoric marturisi cá shi ea va ta s-facã
crãshtinã. Shi Sãmtul Apostol Pavlu shi-u bitisi activitatea-a lui di misioner, a tu apili-a arãùlui
Zigaktis u pãtidzá Lidiea, prota crãshtinã dit Ivropea, protlu membru-a Protãljei Bãsearicã
Crãshtineascã dit Machidunii. Inima-a ljei dinãoarã s-umplu cu duchimãseri ti pricãnushteari
shi hristuseari ti oaminjlji cari ãlji lji dishcljisirã ocljilji-a geanlui shi cara ãlji cãlisi acasã la ea
cãftá sã-lji hibã oaspits shi lã dzãsi: Maca mi lugursit cá escu pistimenã-a Domnului cu
intrarea-n casã la mini, armãnets. Shi nã featsi ta s-armãnem. (Faptili-a Apostoljlor, 16, 15).
Bãsearica ortodoxã u tinjiseashti Sãmta Lidiea ca una isa cu Apostoljlji, shi pi sãmtul
loc a pãtãgiuniljei a ljei di pi mealu-a arãùlui Zigactis s-adrá unã njicã bãsearicã, cari undzeashti
cu njitsli bãserits di-a vecljilor crãshtinji di Filipi.
Armãnjlji shtiù cá tu-atsel chiro, dupã aproapea 200 di-anji di la ocupatsiea-a Latinjlor
a Machedoniiljei, atsea Lidiea zbura gairé unã limbã latineascã shi ti-atsea u lugursescu ca ti
Proto-Armãna-a lor.
Dzuùa lj-easti pi 19 di Mai.
Tradutsirea shi adaptarea easti adratã dupã: Traducere și adaptare: Alexandra

Cojocaru’ Sursa: www.saint.gr
Scopia, 12 di Andreù (Sãmtul Andreù) 2018 . D. Cuvata

BANA SHI PATIMATLI-A
SAMTÃLJEI MATRONA DIN SÃRUNÃ
24 di Martsu
Sãmta Matrona eara huzmichearã la unã Uvreauùã, cu numa Pavtila, nicuchira-a vuivudálui
a Sãrunãljei. Di-anda tinirã nica, cara sh-eara ãnvitsatã tu pistea crãshtineascã, doamnã-sa vrea
s-u treacã tu pistea-a ljei uvreascã. Shi di ispetea cá ea nu cãndãsea, multu u tirinsea, daimalui
shi u bãtea. Ama Matrona tuti li-arãvda cu dor ti Hristolu shi la bãsearicã s-dutsea pi-ascumta.
Tu-unã dzuùã, Pavtila cara ãnvitsá cá Matronea eara la bãsearica crãshtineascã ãlji dzãsi: “
Cãtse nu ti duseshi la sinagoga-a noastã, ma niseshi la bãsearica crãshtineascã?” Paradistata
Matrona lji-apãndãsi cutidzarcã: “Ti-atsea cá Dumidzálu easti tu bãsearica crãshtineascã, shi
di la sinagoga uvreascã fudzi, nu mi duc la sinagogã, ma la bãsearicã”.
Atumtsea Pavtila, cara sã splinsi shi nica ma multu, fãrã di njilã u bãtu shi ligatã u-
ncljisi tu unã cãmarã. Shi-alantã dzuùã sãmta Matrona u-aflarã dizligatã di ligatã cum eara cu
putearea dumidzeascã, shi Ãl para-doxãsea Hristolu. Ama doamnã-sa iara u bãtu cu vini
proaspiti, pãnã tsi ãlji curarã sãndzãli shi, nica ma vãrtos cara u ligá, iara u-ncljisi tu idghea
cãmarã shi ushea u vulusi, ta s-nu intrã vãrã ta s-u ascapã. Shi sãmta Matrona shidzu tu-atsea
hãpsani fãrã di mãcari shi beari patru dzãli, shi mash un Dumidzá ãlji didea curaji. Deapoa,
Pavtila cara u scoasi vula-atsea shi cara u dishcljisi ushea, iara u-aflá dizligatã dit ligãturi shi
sh-si pãlãcãrsea. Shi, cara s-apreasi di inati, u bãtu cu ciumádz groasi shi, mizi adiljea, iara u-
ncljisi tu idghea hãpsani iu shi muri sãmta Matrona, shi-ashi sh-lu deadi geanlu la Dumidzá.
Truplu-a ljei lu-arcá, atsea arauùã muljeari, di pi stizmã, shi eara análtsã stiznjili-a tsilor casi.
Crãshtinjlji, cara ãl loarã multu tirinsitlu trup a Sãmtãljei Macenicã Matrona, tinjisit lu-
ngruparã.
Cama deapoa Alexandru, episcoplu-a Sãrunãljei, adrá unã bãsearicã cu numa-a

sãmtãljei, shi tinjisitili moashti-a ljei li bãgá tu bãsearica-atsea. Shi Pavtila, cum avea shi
hãrzitã, ti shcurtu chiro fu giudicatã di Dumidzálu, ti-atsea cá di pi anãltsimea-a stizmãljei, di
iu lu-avea arcatã dighos truplu-a Sãmtãljei Matrona, ea singurã, cara s-archushurá, cãdzu shi,
cara muri tu tiránji, sh-lu deadi aspartul gean a ljei.
IA-NAUNI DI OHÃRDA - TAMATURGLU
BANA SHI FAPTILI-AL

Ia-Nauni di Ohãrda-Tamaturglu, cum ãlji si dzãtsi, s-iurtuseashti dauùã ori tru-an: prota
easti iarna, pi 5 di Yinar icá 23 di-Andreù, shi deapoa veara pi 3 di-Alunar icá 20 di Cirishear.
Traditsiea-armãneascã spuni cá iurtusearea di veara easti bãgatã tu chirolu anda Arhiepiscop
di Ohãrda eara Ioasaf, Armãnlu di Moscopoli. Furnjiea ti-aestã alãxeari fu cá la mãnãstirlu Ia-
Nauni di Ohãrda s-tsãnea mari pãnãyir shi dunjeai iarna nu putea ta s-ducã, a intereslu-a
pãrmãteftsãlor eara cá shi s-lucreadzã nu mashi ta s-iurtuseascã. Di-altã parti, la Armãnjlji nica
eara fimisea cá Ia-Nauni eara Armãn, elji shtea cá Ia-Nauni avea adratã cártsã ti dgheavasi pi
limba-armãneascã shi cá dit eali sã dghivãsea pit bãseritsli dit horli-armãneshtsã shi, alãxearea
u featsirã nica ‘nã oarã ti bunlu-a Armãnjlor. Di Ia-Nauni Armãnjlji ashtipta agiutor, nu mash
iurtuseari shi mãcari shi beari. Aesti lucri canã nu li spuni, ma li spun Armãnjlji cari ãnğrãpsirã
ti niscãntili lucri dit tricutlu-a Armãnjlor. Noi lã pistipsim a tsilor oaminji shi ashi li spunem
lucrili.
Fu cá Sãmtul Climent di Ohãrda (Iul-Clim, cum ãlji si dzãtsi di-Armãnjlji di Ohãrda shi
Strug, shi-aestã u dzãc dupã spunerli-al Iordan Tãrtsa - Jordan Trcoski di Ohãrda), tu fimisea-
a miletiljei armasi ca un lunjinãtor, Ia-Nauni armasi tu fimisea-a miletiljei ca unlu cari featsi
multi ciudii/ nishenji cu putearea ta s-yitripseascã shi anda eara tu banã shi dupã moartea di
moltili turlii di lãngori cum la crãshtinjlji ortodocshi ashitsi shi la oaminjlji di-alti pisti, tsi va
s-dzãcã ti tuts cari cu inima chischinã cãfta agiutor di el. Ama Ia-Nauni armasi tu fimisi shi cu-
atsea tsi lã pãltea-a bunjlor oaminji, ama ãlji cãznea atselji cari s-dutsea la mãnãstir ti furtu shi
ti znjii shi su-l pãngãneascã mãnãstirlu. Cultlu-al Ia-Nauni eara avdzãt nu mash anvãrliga di
Ohãrda ma shi multu ma largu tu Balcanlu, pristi tut iu bãna Armãnjlji. Dicara pisicarã
Armãnjlji di fudzea tãshi tu Mãgiriea, shi-aclotsi Armãnjlji nu-agãrshirã ta sh-lu facã shi sh-lu
tinjiseascã, ca un di-a lor. Avem niscãnti informatsii cá shi bãsearica-armãneascã di Mishcolts,
dit Mãgiriea, ãl purta hramlu-al Ia-Nauni.
Ti bana shi lucurlu-al Ia-Nauni nu sã shtiù multi lucri, sh-tsicara cá cu Iul-Clim suntu nai
ma avdzãtslji shi nai ma importantsãlji sculari-a sãmtsãlor frats Chiril shi Metodii, ti-a curi soi
armãneascã va sã spunem anda va lu-ndridzem acatistlu-a lor. Sã shtii cá Ia-Nauni lo parti tu
Misiea dit Moraviea (863-868), cá Roma, iuva tu inshita-a anlui 867 icá ahurhita-a anlui 868,
fu mãnãpãtãsit ti preftu shi cá dupã moartea-al Metodii tu-anlu 885, prit Vãrğãriea, vini tu
Machidunii. Pi mealu-a Baltãljei di Ohãrda (Gholea di Ohãrda, cum ãnji pari cá-lji dzãc atselji
di Ohãrda shi Crushuva), adrá un mãnãstir cari azã u poartã numa-a lui. Muri tu-anlu 910 shi
multu-ağonjea dupã moarti fu canonizat. Scularlji-a lui ti el ãnğrãpsirã haghiografii shi
dgheavasi.
Ia-Nauni madan ca omlu-a bãsearicãlei easti cãnãscut shi ca scriitor dit Evlu Mediù shi
omlu ti culturã ti tuts oaminjlji di-anvãrliga di Ohãrda, cu-atsea shi ti-Armãnjlji, sh-tsicara cá
canã di miletsli dit Balcanlu nu li spun aesti lucri. Di creatsiili-a lui, ti cari s-dzãtsi cá suntu ma
multi, easti identificatã creatsiea imnografeascã “Canonlu ti-apostolu Andreù”, a sã shtii shi ti-
alti nica dauùã canoni ãnğrãpsiti di el: ”Canonlu ti Arhanghilu Mihali” shi “Canonlu ti mutarea-
a oasilor al Oani Gura-di-Malãmã”.
Tu haghiografiea-al Ia-Nauni s-dzãtsi cá el easti frati-al Climent. Altsã oaminji di carti

lugursescu cá s-mindueashti ca ti frati duhovnichescu. Armãnjlji pistipsescu cá Ia-Nauni eara
Armãn, ashi cum eara Armãnji shi sãmtsãlji frats Chiril shi Metodii.
Tu amintirea-a miletiljei armãneascã shi-atselji di-anvãrliga di Balta di Ohãrda Ia-Nauni

shi-armasi ca fãcãtorlu di nishenji. Shi tu “Dimãndãciunea di pastir a patriarhlui di Ohãrda d.
d. Ioasaf (ti cari noi shtim cá eara Armãn di Moscopoli) ti tritsearea-a iurtiiljei di pi 6 di Yinar
pi 20 di-Alunar, pi vecljul stil, s-dzãtsi: “tu sãmtsãlji avdzãtlu shi tu nishenjli cum nu lji-ari
preaclji, dumidzescul shi sãmtul pãrinti Nauni”. Tu-altu loc tu idghea Dimãndãciuni s-dzãtsi:
“Ti-atsea, cafi unlu cari ari chischinã shi dubristeanã dumidzeascã pistusini ti sãmtul la s-yinã
la izvurli-a nishenjlor la sãmta groapã, iu dormu sãmtili oasi, tu sãmtul hram a lui, la sãmtul tsi
radiadzã vindicári – ta s-ljea buneatsã shi sãmtsãlji-a truplui shi-a suflitlui cá nishenjli shi
bunetsli-a sãmtului shi purtãtorlu di Dumidzá pãrinti-a nostu Nauni-tamaturglu, suntu ahãt di
multi di-l trec shi numirlu-a stealilor …” Shi tu “Codexlu di mitropolit di Ohãrda” tu partea
“Fimiseri istoricheshtsã ti Iul Clim shi cuvioslu Nauni” s-aduc aminti shi “sãmtili shi dip-
tinjisitili oasi, aveari nitrupeascã shi izvur ti vindicari ti tuts cari cu pisti shi vreari musheatã s-
duc la groapa-lji tsi fatsi nishenji”.
Sã shtii cá la groapa-al Ia-Nauni s-dutsea shi oaminji di-altã pisti, sh-cama multu
musulmanji dit Machidunii shi dit Arbinishii.
Cá oaminjlji di-altã pisti ãl tinjisea sãmtul ama shi mãnãstirlu sã zbirashti shi tu Cronica-
a mãnãstirlui iu sã spuni: “Aestã sãmtã institutsii s-featsi cu mari anami shi tinjii shi la oaminjlji
di-altã pisti, sh-cama multu la Otomanjlji Bectasheanji, ti cari nu sã shtii di cari furnjii aestu
mãnãstir ãlji dzãc “Sari Saltıc baba” tsi tradusã di pi turtseashti scljeamã tatãl cu galbina barbã.
Dupã unã pirmituseari, unã oarã anda vinirã la groapa-al Ia-Nauni, niscãntsã Turtsã pãlãcãrsirã
vãrã di-atselji tsi cama li shtea lucãrli ta s-lã spunã tsi suntu fatsãli di pi freschili. Ama omlu-
atsel lã dzãsi: “Aestu easti Ia-Nauni”, elji cu harauùa aurlarã: “A el easti tatãl a nostu”.
Tu Cronica-a mãnãstirlui Ia-Nauni sã spuni cá apa di la izvurlu “Iu-Tanasi”, eara ti

yitripsearea-a lãndzidzlor. “Cu larea cu apa di-aestu izvur s-yitripsea oaminjlji cari pãtsa di
lãngori di oclji”. Cronicarlu dzãtsi cá multsã oaminji shi-aflarã silimeti di la aestu izvur”.
Madan spuslu izvur “Iu-Tanasi” ahtári suntu nica shi izvurlu dit bãrtsirea di ningã mealu-a
baltãljei. Deapoa izvurlu Naiazmo, di-alantã parti di sinurlu cu Arbinishiea, izvurlu-ali Stã-
Vinirea etc.
Tu haghiografiili, Dgheavasea shi tu Pãlãcãriea ti Ia-Nauni s-aflã lucri ti nishenjli-al Ia-

Nauni cari s-aflã shi tu pirmituserli-a miletiljei. Bunãoarã, tu Prota haghiografii slavoneascã,
cari dupã niscãntili indicatsii fu-nğrãpsitã di un om cari insushi ãl cãnushtea sãmtul, tu un loc
dzãtsi: “cá io shtiù cá cama multi di-aestã featsirã pãrintsãlji shi featsirã multi nishenji, ama
aesti suntu tuti tsi nã li spusirã, a alanti li-ascumsirã di ligufanji tsi furã”. Scljeamã, un om dit
chirolu-a lor zburashti ti nishenjli fapti di-anda sãmtsãlji eara tu banã. Di-aoatsi putem s-
tradzim concluzii cá nica dit banã elji s-featsirã avdzãts cu multili nishenji. Shi tu deftura
haghiografii slavoneascã sã spuni aestu aspectu dit bana-a sãmtului. “Dumidzálu, erapoi, ãl
featsi avdzãt cu márli nishenji, shi len-turlii di-aránji shi lãngori vindicá shi demunji aviná”.
Tu “Pãlãcãriea cãtã Ia-Nauni di Ohãrda vindicãtorlu-a lãndzidzlor” cara s-pãlãcãrsescu ti
sãnãtatea-a lãndzidlui pistimenjlji lji-u spun a sãmtului harea di la Dumidzá ta s-yitripseascã
lãndzidz.
Tu pirmituserli shi leghendili sã spuni ti-atsea cum fu-aleptu loclu ti-adrarea-a

mãnãstirlui, ti vindicarea-a oaminjlor di partea-a sãmtului shi darea ca pishcheshi aveari ti
mãnãstirlu, di darea ca pishcheshi-a cãmbánjlor shi altili pishcheshi ti mãnãstirlu, etc. Sã spuni
ti-atsea cum fu-aleptu loclu ti-adrarea-a mãnãstirlui: “Anda muri Ia-Nauni, inshi dininti-al
Dumidzá. Di ispetea-a mariljei buneatsã tsi u-avea spusã Ia-Nauni pãnã bãnã tu-aestã dunjeai,
Dumidzá ãl pitricu s-hibã tu paradislu tsi nu lji-ari chireari. Di ispetea cá tu paradislu din tser
nu-avea un ahãt di musheat loc tsi va-lji hibã pi chefea-al Ia-Nauni, Dumidzálu cu mãna featsi
cãtã la mãnãstirlu-a lui, shi-lji dzãsi: ‘Aestu easti paradislu-a táù. Tini aclotsi s-eshtsã ti daima’.
Ia titsi Ia-Nauni shi tora easti tu mãnãstirlu-a lui ningã Balta di Ohãrda”, bitiseashti
pirmisitorlu.
Tu pirmifili shi leghendili sã spuni sh-ti cãliserli la pãnãyir, ti pãnea tsi s-didea dininti-a
poartãljei a mãnãstirlui, a tsi eara shi unã garantsii ti cãlãtorlji cá nu va s-hibã cãlcats shi
dispuljeats di zurbadzlj, ti-atsea cá Ia-Nauni li-avea vluisitã araturli dit hoara Tãrpeitsa, boilji
di Tushemishtea, sã spuni ti Balta di Ohãrda, ti izvurlu tsi vindicã, cãtse tu hoara Ljubanishtea
nu bati grãndina, ti tinjisearea-a mãnãstirlui di partea-a Bectashlor, di Ghiftsãlji, ti vindicarea-
a lãndzidzlor di partea-al Ia-Nauni shi-atsea di multi turlii di lãngori (amuts, orghi, oaminji cari
nu pot ta s-imnã, lãndzidzlji di suflit, etc.). S-aflã shi pirmifi cu pistipsearea cá Ia-Nauni easti
nica yiù, ama shi-ahtári niscãnti tu cari sã spuni ti cãulea cá putirea icá oala, icá ibriclu cu yin,
silighit di la geam nu-ari s-frãngã, ni va s-vearsã. Atsea shi dealihea s-featsi, ama sãmtul ãlji si
spusi tu yis a tsilui cari s-acãtsá cãuli shi-l vãryi cá cama s-nu s-acatsã cãuli cá atumtsea fu
aproapea shi s-hiumãsi di lu-acãtsá, ma cara s-eara cama diparti putea sã si facã cá mãnãstirlu
s-hibã prifaptu tu giumii icá s-eara loat di beilu.
Sã spuni sh-ti ma multi di-ağrinjli cari dicara adrarã znjii sãmtul li-adusi pi-avearea-a
mãnãstirlui ta s-lucreadzã shi s-pãlteascã ti znjiea. Ursa cari-l mãcá boùlu singurã sh-si prigni
ta su-l tragã aratlu pãnã tsi nu lucrá cãt fãtsea boùlu tsi-l mãcá. Tu niscãntili di pirmifili sã
spuni ti luplu cari ãl trapsi aratlu tu loclu-a boùlui tsi-l mãcá, a tu unlu pirmif luplu tsi-lji mãcá
cãnjlji singur s-dusi su-l veaglji mãnãstirlu. Shi anda mãmotslji-a mãnãstirlui ãl vãtãmarã,
ğuminlu ãlji vãrghi cá luplu fu-adus di sãmtul “ta s-hibã martur yiù ti putearea-al Ia-Nauni”. Ti
preadaniili ti ursa-al Ia-Nauni, ama sh-ti dimensiea internatsionalã-a motivlui unã studii
comparativã publicá folcloristlu dit Sloveniea Milco Maticetov. Etc.
Tu pirmifili-a miletiljei sã spuni shi ti-nyearea-a unlui ficior cari avea chirutã didip, ti un
om ascãpat di hãtai di-arãplan, ti vindicarea-a unlui Ghirman, ti-aveari fumealji dupã dzatsi,
doisprãdz icá treisprãdz di-anji dupã pãlãcãriili cãtã sãmtul, ti cãznearea-a zurbadzlor cari
vãtãmarã unã zãrcavi imiripsitã, ti cãznearea-a furlor, ti cãznearea-a tsilor tsi sh-pizuea di Ia-
Nauni, ti cãznearea-a tsilor tsi tãljea leamni pi avearea-a mãnãstirlui, ti cãznearea-a tsilor tsi
vrea ta s-ljea tsiva di la mãnãstir (unã tãvici di halcumã, mulári di-a mãnãstirlui, matsã di-a
mãnãstirlui, unã icunici, linguri shi cinguri, un shush di-arãchii, bunelã di-asimi, dauùã bibi,
etc.).
Scljeamã, cultlu ti Ia-Nauni, lãrdzit nu mash anvãrliga di mãnãstirlu, ma shi tu un

arãdzãm cama largu, sh-deadi multi predanii shi leghendi. Eali furã-adrati tu ets ãntredz shi
nica s-adarã tsi spuni ti-atsea cá cultlu-al Ia-Nauni nica sh-bãneadzã, a di-altã parti spuni shi ti
yiea traditsii folcloreascã dit Machedoniea.
Ti-atsea cá shi azã ari manuscrisi armãneshtsã adrati di Ia-Nauni spusi Vera Vescovici-
Vangheli, unã Caradacã mãrtatã pi un nipot di frati di-al Dinu Vangheli, prezidentul a
Guvernului dit chirolu-a Republicãljei di Crushuva dit anlu 1903, cari lucra la Institutlu ti Istorii
Natsionalã di Scopia. Ea tu-anlu 1996 deadi propuniri ta sã-ndreagã un referat ti manuscrisili-
al Ia-Nauni pi armãneashti ti un mari Congres tsi s-tsãnu Ohãrda shi avea vinitã oaminji
ãnvitsats dit tuti statili-a Slavanjlor, ama nu lj-si deadi izini. Bileam shi fu multu cutuğursitã di
prezidentul a Comitetlui ti organizarea-a Congreslui, acad. Blaje Ristovski. Aestã informatsii
Vera Vescovici-Vangheli nji-u spusi-a njeia, cari li-nğrãpsescu aesti lucri, ama shi-al Macha
Cardula di Crushuva shi el aestu lucru lu spuni tu cartea-a lui “Etnogheneza-a Armãnjlor”.
Traditsiea armãneascã nica spuni cá manuscrisili-armãneshtsã al Ia-Nauni, anda fu

ãncljisã Arhiepiscopiea di Ohãrda, tu-anlu 1767, di Armãnjlji cari s-anvãrtea la Arhiepiscopiea,
furã dusi Moscopoli. Anda fu apreasã shi spãstritã Moscopolea, tu-anlu 1789, manuscrisili-al
Ia-Nauni furã dusi Aminciu. Anda Aminciul cãdzu sum ocupatsiea-a Veacljiljei Pãshilãchi
Turtseascã – Gãrtsiea, dupã Conferentsiea di Bucureshti dit anlu 1913, manuscrisili-al Ia-Nauni
pi limba armãneascã furã dusi Atina (bash tu gura-a luplui) shi aclotsi canã nu poati s-li veadã.
Ama, dimi cá mari easti Ia-Nauni, ashi cum lu scoasi lucurlu tu padi cu manuscrisili di la
Academiea di Scopia, ashi va li scoatã shi atseali di Atina, shi eali iara va s-hibã armãneshtsã
shi ti buneatsa-a Armãnjlor. Io, cari li-nğrãpsescu aesti ardãrichi shtiù cá unã carti (ca soi di
sul, cum s-adra tu chirolu-al Ia-Nauni) dit chirolu-al Ia-Nauni pi limba armãneascã ari la
biblioteca-a unlui mãnãstir di Ayi-Norlu. Io pistipsescu cá shi manuscrisili cari furã aflati di
Gustav Weigand, la fumealjea Dimonie di Ohãrda, suntu unã transcriptsii di vãrã di preftsãlji
di pi Oharda-Corcea-Costuriani, cu ğramili gãrtseshtsã, cara shtea cá arhiereilji gãrtseshtsã li-
avina ti spãstreari atseali adratili di Ia-Nauni. (Unã hopã Max Demeter Peyfus, di Beshlji, nji
spusi cá avdzã cá manuscrisili orighinali di “Codex Dimonie”, s-chirurã di la Muzeùlu-al
Weigand di Lipsca, tu Ghirmãnii. El minduea cá li furarã Gretslji, ta s-nu li-avem noi Armãnjlji,
ca un sãmtu document!). Io pistipsescu cá la Armãnjlji cari fudzirã deadun shi cu Arbineshlji
shi tricurã tu Italiea, poati sã si aflã tsiva manuscrisi di-atseali di mãna-al Ia-Nauni. Poati cá ari
fudzits Armãnji shi tu Cubanlu dit Ucraina, iu ari unã bishti di Arbineshi. Ama, cari s-alagã shi
s-li caftã aesti lucri?!
Troparlu-alIa-Nauni di Ohãrda
Cara ti fãtseshi unã cu Hristolu, li-alãsashi atseali di pristi loc, truplu-l bãgashi pi crutsi,
dip paradistate Nauni. Ti-ndripseshi ca shi apostoljlji s-bãnedz banã di-aschet shi ninumirata
mileti dit Miziea tu crãshtinami u tricushi. Ashitsi shi noi cu pãlãcãriili-a tali ascapã-nã dit
pirazmadz.
Ia-Nauni shi ursa

Un chiro ara uracilji di la mãnãstirlu-al Ia-Nauni ara pit agãri, lã vini unã ursã shi lã mãcá
un boù di-atselji tsi-ara. Aratlu lã armasi mash cu un boù, shi nu-avea cum ta s-arã.
Uracilu cu-alãgari s-dusi la mãnãstir shi-lji spusi-a Ğuminlui, cá ursa vini tu-agur, shi lj-
lu mãcá unlu boù. “tora nu-am, dzãsi uracilu, cu tsi su-l ar agurlu”. –“Du-ti tini la agur, ãlji
dzãsi Ğuminlu, aclo va tsã-l aflji boùlu la arat, prignit tu iarem”.
Uracilu sh-si dusi la agur, anda tsi s-veadã? – Ciudii mari – ursa cari lu-avea mãcatã
boùlu, prignitã tu iarem, deadun shi cu-alantu boù. Uracilu shi-u bitisi ararea-a agurlui cu unlu
boù shi cu ursa ningã el, prignitã tu iarem.
Shi pãnã az-tutã dzuùa atsea ciudii sta ãnğrãpsitã pi icoana-al Ia-Nauni sh-pi chatsarli di
pi apuntea pi Drimlu, aproapea di mãnãstir.
(Iuva tu-anjlji 1981-82, academiclju Haralampie Polenacovici, cari eara Armãn shi
zbura multu ghini armãneashti, di ma multili ori ãnji grea la Academii shi lu-arisea sh-facã
moùbeti cu mini. Di multili ori mi-am minduitã cá atsel lucru ãl fãtsea cá lu-arudea tsiva di
nãuntru cá eara aproapea di moarti, ma shtea shi cá nu-avea adratã tsiva ti-Armãnjlji.
Atumtsea nji spusi cá el u-avea vidzutã unã mari ploaci di cheatrã pi cari, ca tu icoanã eara
ardãpsiti ciiudiili-al Ia-Nauni pi limba armãneascã. Ama, dicara spusi la tsiva oaminji tsi
vidzu, anda s-dusi tu deftura oarã marea ploaci di cheatrã nu eara aclotsi. Nu shtea shi el iu
putea s-hibã dusã, ama un document-martur cá shi pi-armãneashti sã-ngrãpsea tu vecljul
chiro, fu spãstrit. Aesti li spun ta sã si shtibã di tinirli bãrni di-Armãnji. Dina Cuvata)
Mãnãstirlu Ia-Nauni
Aestu mãnãstir easti-adrat di Ia-Nauni Tamaturglu shi u poartã numa-a lui. Cama-avdzãt
easti ca mãnãstirlu “Ia-Nauni di Ohãrda” sh-tsicara cá bãsearica ãl poartã hramlu Sãmtsãlji
arhanghilji Mihali shi Gavril. Ti haghiografiea-al Ia-Nauni sã spuni cá bãsearica fu-adratã pi
mealu di cãtã Notlu-a Baltãljei di Ohãrda shi cá ãl poartã hramlu-a Sãmtsãlor arhanghilji Mihali
shi Gavril. Mãnãstirea di ma multili ori tricu prit foc shi sãrpãturi, dupã tsi iara fu adrat. Un
chiro fu multu importantu tsentru ti educatsii. Tu el tu-ahurhita-a secolui 19 ãnvitsá carti shi
Dimitri Miladinov (shi el di soi armãneascã, D. C.).
Tu bãsearicã s-aflã shi groapa-al Ia-Nauni di Ohãrda (ma s-bagã om ureacljea pi groapã
s-avdi tsiva ca bãteari di inima-al Ia-Nauni, ashi cum s-avdi anda u bagã omlu ureacljea pi
sãhatea cu chipur ti dishtiptari D. C.) shi multsã oaminji di multi pisti shi natsionalitáts ãl
viziteadzã shi caftã vindicari. Anvãrliga di mãnãstir ari multi sãmti api, Stã-Vinirea, Iu-Tanasi,
Aghiazmo shi-alti.
(Traditsiea armãneascã spuni shi-alti niscãnti lucri: Ia-Nauni, has ca shi Sãmtsãlji Chiril
shi Metodii, eara di soi armãneascã. Tu deftura giumitati-a secolui 9 s-featsi ucazea cá
Armãnjlji s-lã u pãlteascã a Gretslor ti uzurparea-a scamnului di amirá dit Bizantslu dit anlu
582 shi arcarea-a limbãljei latineascã tu administratsiea, cultura shi ashcherea shi bãgarea-a
limbãljei gãrseascã, cu tsi Armãnjlji, di iu sh-eara ca di-acasã, tu Amirãriljea-al Constantin
Atsel Marli, sh-si aflarã arcats shi ashtershi. Tu secolu 9 Dumidzá u-adusi cá amiradz s-hibã di
dinasitea-a Armãnjlor shi patriarhu, cu niscãntili-alãxeri, s-hibã Sãmtul Fotii Patriarhu-a
Tsarigradlui. Ta s-poatã Armãnjljiu s-agudeascã pi Gretslji, shi io ãlji dzãc PROTA GOADÃ
PI GRETSLJI DI PARTEA-A ARMÃNJLOR, apufãsirã sã-lji bagã fratslji Chiril shi Metodii,
ficiorlji-al Leon, cumandarlu-a Sãrunãljei, di soi armãneascã, s-adarã abetsedã slavoneascã shi
cu-atsea s-ascapã shi s-fugã di gãrtseascã. Shtim tsi s-featsi shi cum s-featsi cu Sãmtsãlji Frats
cu duca tu Moraviea, deapoa Roma shi loarea-a vluyiiljei di papalu Adrian II. Deadun cu fratslji
eara shi Ia-Nauni, cari atumtsea sh-featsi ti ghini shi tradusi cártsã sh-pi armãneashti shi io
pistipsescu cá papalu Adrian II ari avutã texturi shi pi limba armãneascã shi ari data sh-ti eali
vluyii, ama aestu lucru canã nu nã lu spuni, Nu lu spun shi ãnvitsatslji dit Vlãhii, cari ma multu
lucreadzã ti Gretslji dicãt ti-Armãnjlji. Ama, cara ari un Dumidzá, acad. Haralampie
Polenacovici u vidzu ploacea di pi groapa-al Ia-Nauni shi dghivãsi tsi ãnğrãpsea la cafi una di
nishenjli-al Ia-Nauni, ama nu ãnğrãpsi tsiva shi cama-amãnat atsea ploaci mari di cheatrã chiru.
Aesti ãnji li spunea el ninti ta s-moarã. Shi unã multu ãnvitsatã Caradacã, mãrtatã pi un Armãn
di soea di-al Dinu Vangheli, prezidentul a Guvernului a Republicãljei di Crushuva dit anlu
1903, pi numa Vera Vescovici Vangheli, nã spusi cá ea li vidzu manuscrisili-al Ia-Nauni cari
s-tsãn la Academiea di Scopia, ma nu nã li spun shi nu nã li da. Ea tu-anlu 1996 pripusi cá s-
tsãnã un referat la marli congress a ãnvitsatslor Slavanji dit tutã Ivropea, ma nu-lji si deadi
izini. Nu-i tsiva, Armãnjlji shtiù cá dit atseali cãrtsã s-tsãnu dgheavasi Ohãrda shi pit tut
arãdzãmlu di-anamisa di Ohãrda-Corcea-Costuryeani shi tu tut Balcanlu. Atsel lucru s-fãtsea
pãnã tu chirolu anda sã-ncljisi Arhiepiscopiea di Ohãrda, tu-anlu 1767. Manuscrisili Armãnjlji
di Ohãrda li dusirã Moscopoli. Anda arsi shi Moscopoli manuscrisili Armãnjlji li dusirã
Aminciu, ca Episcopiea di-aclotsi tu-a Turcului avea unã autonomii. Dicara shi Aminciu cãdzu
sum ocupatsiea gãrtseascã, manuscrisili suntu dusi Atina, tamam tu gura di lup, shi aclotsi la
si cheari torlu. Ama, dimi ari Dumidzá, ashi cum spush shi ma-nsus, avu bunji oaminji shi
niscãnti di manuscrisili pi limba armãneascã di-al Ia-Nauni furã ascãpati shi dusi shi dati la
Academiea di Scopia. Io pot s-dzãc cá shi ascãparea-a lushtor manuscrisi easti unã di ciudiili/
nishenjli-al Ia-Nauni.
Shi shtim shi cum s-featsirã lucãrli cama amãnat. Tu-anlu 1018 amirálu armãn Vasili II
deadi unã Hrisovulã cu cari s-adrá Arhiepiscopiea di Ohãrda ti Vãrğãrlji, a cu scupolu cá sã-lji
tragã di sum tenda-a patriarhiiljei di Tsarigradlu. Tu-anlu 1020 idghul Vasili II deadi altã
Hrisovulã cu cari sum iurisdictsiea-a Arhiepiscopiiljei di Ohãrda ãlji bãga shi “tuts Vlahlji dit
tutã Vãrğãriea”. Aestã scljeamã, lucru shi tsi limbid s-veadi, cá Arhiepiscopiea di Ohãrda easti
shi ti noi Armãnjlji. Io dzãc cá aestu lucru fu-a TREIA GOADÃ-A ARMÃNJLOR PI
GRETSLJI (DEFTURA fu atsea cu adrarea-a MARILJEI VLÃHII tu Tesaliea shi bãgarea-al
Niculitsá ti amirálu-a Armãnjlor). Ti altili aguderi, cu-altã ‘nã ucazi, ama nu va s-amãn io su-l
spun atsel lucru, cá lipseashti sã si shtibã di tinirli bãrni di-Armãnji.)
Adaptari shi completari cu niscãnti lucri: Dina Cuvat).
UNÃ NAUÚÃ CIUDII DI-AL IA-NAUNI CU MINI

Ashi cum s-veadi shi dit ardãtichea di nai ma dighos a materialui ti Ia-Nauni, io tu inshita
di Mai, tamam pi 23 di Mai, pi “Dzuùa Natsionalã-a Armãnjlor – 23 di Ma;”, li-ndrepshu
materialili ti Bana shi faptili-al Ia-Nauni shi cu Acatistlu, ti cartea tsi u-ndreg cu altsã nica vãrã
tisprã-sheasprãdz di sãmtsã Armãnji shi di soi armãneascã. Ama nu li bãgai tu bana-lji shi
lucrili ti marea ploaci di pi groapã cu tuti nishenjli fapti di el, ti cari nji zbura multi ori
academiclu Haralampie Polenacovici. Dupã niscãntu chiro ãl cãftai materialu, ma el iuva, s-
chiru! Adrai io altu un material ti bana-lji shi faptili shi iara nu li bãgai atseali di ma-nsus, shi
ãnji dzãsh cu mintea: Tora nu-lji adar Acatistu, la s-hibã mash tu metru ca sãmtu shi multu vrut
di-Armãnjlji! Ama azã, pi 07 di Brumar tu-anlu 2018, prindu Yi-Dimitri, aidi, nj-dzãsh su-l
bag shi lucurlu cu ploacea, s-armãnã ca un documentu, sã shtibã shi-altsã dupã mini cum furã
lucãrli. Dicara-l bitisii lucurlu, aidi, nj-dzãsh cu mintea, su-l aflu iara shi Acatistlu shi s-mi
pidipsescu nica ‘nã oarã, cá mari easti Ia-Nauni mari lji-u hãtãrea. Cãftai pi Vikipedia shi aflai
un Acatistu. Ãl copiai shi mi dush su-l bag/ leg la alantu material. Cu paste lu-alichii. Anda mi
turnai tu-ahurhitã shi vrui s-li uidisescu texturli avea tsi s-ved: ma-nsus di náùlu material inshi
tu padi shi Acatistlu-al Ia-Nauni, atsel adratlu dit Mai shi deapoa chirutlu. Nu-nji yinea s-
pistipsescu, ama dicara mãtrii shi vidzui di dauùã-trei ori, ãnji si umplu caplu cá easti-ashitsi.
Shidzui ca glarlji sh-mi mindueam: Di iu s-pãtu s-inshi aestu material? Dupã multu chiro? Nu
shtiù cum, ama ãnji vini tu idei cá: Ia-Nauni lu-ari acãtsatã inatea cá nu spush ti ploacea cu
nishenjli shi cu textlu armãnescu shi ti-atsea ãnji lu trapsi/ futá tut materialu. Dicara vidzu cá
ãnğrãpsii cum lj-eara chefea-lji, fãrã di sã shtiù io cum shi di iu lu scoasi, ãnji lu turná, lu-adusi
la loc tut Acatistlu, ta s-nu mi pidipsescu iara. Mari fu Ia-Nauni shi multi featsi shi nica fatsi!
Mari-lji harea-al Ia-Nauni!
Scopia, 07 di Brumar, 2018, prindu Yi-Dimitri. Sã si shtibã, Dina Cuvata
ACATISTLU-AL
Condaclu 1
Tini, aleptul tavmaturgu shi cari li fats tuti-al Dumidzá, izvurlu ti
multili yitripseri shi cu caldili pãlãcãrii ti geanurli-a noasti cuvioase pãrinte
Nauni, cara ai treacã dininti-al Dumidzá, pãlãcãrsea-L ti-ascãpari di tuti
ghiderli shi cripárli-a noasti ti noi cari tsã dzãtsem: Hãrsea-ti, cuvioase
pãrinte Nauni, iaturlu-a lãndzidzlor, marli tavmaturgu!
Icoslu 1
Anghil di pristi loc shi om din tseruri fushi, cuvioase pãrinte Nauni, cá
cu vrearea di dealihealui ãl vrushi Hristolu, shi cu imireatsã anghileascã Ãlji
fãtseshi huzmeti. Ti-atsea shi El ti durusi cu harea-a Sãmtului Duh, cari ti-
nvãrtushea shi ti mushutsa. Ti-atsea shi noi azã dit inimã tsã dzãtsem:
Hãrsea-ti, cá cu inima chischinã shi imiradi ti fãtseshi isa cu anghiljlji!
Hãrsea-ti, cá cu preasinli shi pãlãcãriili ti chischinipsishi di miráchli di
pristi loc!
Hãrsea-ti, farlu-a videalãljei din tseruri!
Hãrsea-ti, dultsili fimnjeator cu pãlãcãriili vruti di Dumidzálu!
Hãrsea-ti, bunlu cãlãuz ti-atselji tsi pistipserscu!
Hãrsea-ti, dip mintimenlu dascal!
Hãrsea-ti, vãrtoslu cathio ti crãshtinjlji, fimelj vãrtos a pistiljei!
Hãrsea-ti, mustra ti imiradi shi ascultari!
Hãrsea-ti, nicãpãitlu pãlãcãrsitor ti geanurli-a noasti!
Hãrsea-ti, parafta-yitripsitorlu-a lãndzidzlor!
Hãrsea-ti, harauùa-a ãnvirnatslor shi-a jilitslor!
Hãrsea-ti, maceniclu fãrã di sãndzã-a Hristolui!
Hãrsea-ti, cuvioase pãrinte Nauni, yitripsitorlu-a lãndzidzlor, marli
tamaturgu!
Condaclu 2
Cara tsã li vidzu arãvdarea-ts shi vrearea-ts, ti hãrzi Dumidzálu cu
puteari di tavmaturgu, sh-ti fãtseshi mari yitripsitor ti lãndzidzlji, shi noi
cara-l ufilisim agiutorlu-a táù Lj-dzãtsem al Dumidzá: Aliluia!
Icoslu 2
Cara cãftashi minti ta sã-Lji lucredz al Dumidzá, mintimene pãrinte
Nauni, nica dit njeati, tsã alipseshi dascalji cu carti dumidzeascã, sãmtsãlji
frats Armãnji Chiril shi Metodiù, shi ca unlu di tsintsilji aleptsã, ti spuseshi
nai ma lãcãtorlu colaborato btu sãmta lucrari-a lor tu lunjinarea-a miletslor
slavoneshtsã shi-a Armãnjlor. Ti-atsea shi moi ts-u adutsem aestã alãvdari
shi grim:
Hãrsea-ti, tini cari cu tinjii u duseshi ninti mintiminiljea-al Dumidzá!
Hãrsea-ti, tini cari di dealihealui li fãtseshi dimãndãciunjli-a Hristolui!
Hãrsea-ti, farlu cu videalã hrisusitã cari li lunjinedz tuti locãrli cu-
Armãnji!
Hãrsea-ti, omlu-a nostu dininti-al Dumidzá!
Hãrsea-ti, cá cu pãlãcãriili-a tali ascãpám di multili ghideri!
Hãrsea-ti, cá, cara ti pistipsim tini, li-anãchisim multili nivolji!
Hãrsea-ti, anamea-a cãluğrilor!
Hãrsea-ti, tini tsi pistipseshtsã tu harauùa!
Hãrsea-ti, pãlãcãrsitorlu ni-amutsãt a nostu dininti-al Dumidzá!
Hãrsea-ti, huzmichearlu pistimen a banãljei cu Dumidzá!
tamaturgu!
Condaclu 3
Cara lucrashi putearea-a Tsilui dit anãltsinji la Roma, Lu-alãvdashi
Dumidzálu cu putearea-ts di tamaturgu, shi spuseshi mari-nvitsãturã, cu
propoviduearea-a cartiljei ortodoxã shi-l apurashi averlu-a Hristolui. Ti-
atsea miletea ortodoxã armãneascã ti tinjiseashti shi ti iurtuseashti cu cãntari
al Dumidzá: Aliluia!
Icoslu 3
Cara lu-avushi tu inima-a ta foclu-a vreariljei dumidzeascã lucrashi pi
mealurli-a Baltãljei di Ohãrda, ti-alumtashi cu pãyidzli dimuneshtsã shi
pistimenjlji lji-apurashi di tuti nãpãdghiserli shi ghiderli. Shi ti-atsea noi ts-
u spunem aestã alãvdari:
Hãrsea-ti, bunlu shi pistimenlu huzmichear al Dumidzá!
Hãrsea-ti, livendu lãcãrtor tu ayinjea-a Hristolui!
Hãrsea-ti, dascalu-a aplicãciuniljei shi-a chischineatsãljei!
Hãrsea-ti, mustra ti imiradi shi aplicãciuni!
Hãrsea-ti, gionli tamaturgu!
Hãrsea-ti, fronimlu dascal a buneatsãljei!
Hãrsea-ti, vaslu tsi nu lji-ari guleari di hárli-a Hristolui!
Hãrsea-ti, cathiolu chischin a Sãmtului Duh!
Hãrsea-ti, farlu-a videalãljei, dascalu-a pistimenjlor!
Hãrsea-ti, sturlu di foc, cari nã u lunjinedz calea-a ascãpariljei!
tamaturgu!
Condaclu 4
Fãrtuna cu greilji pirazmadz, hasma shi znjiserli cara li tricushi
aflashi arãhati tu pustul loc di pi mealu-a Baltãljei di Ohãrda, iu fãrã di leani
lj-fãtseshi huzmeti-a Hristolui cu multi ni-agiundzeri. Shi tuts atselji, cari cu
pisti shi vreari tsã si-apruchearã lji-nvitsai, cá mash cu gura shi cu inima sã-
Lji cãntã-al Dumidzá: Aliluia!
Icoslu 4
Cara avdzãrã ti musheatili lucri-a tali, cuvioase pãrinte Nauni, la tini
vinirã multsã cãluğri di pristi tut Balcanlu, cu seati ti zboarãli ti bana ti
daimalui, cá tini fushi mintimen dascal shi unlu puvilitor a cãluğrilor shi-lji
ãnvitsai, ãnğrãpseai shi cu zborlu shi cu truplu-ts unã banã-ntreagã. Ti-atsea
shi ts-u spunem hãrzita alãvdari:
Hãrsea-ti, muabetcilu-a cuvioshlor!
Hãrsea-ti, cathiolu ti-ascãpari-a tsilor fãrã di puteari!
Hãrsea-ti, lunjinarea-a scutidiljei sufliteascã!
Hãrsea-ti, náùlu apostol ti miletsli slavoneshtsã shi ti-Armãnjlji!
Hãrsea-ti, bunlu picurar a cupiiljei a Hristolui!
Hãrsea-ti, ayinjea birichitloanji!
Hãrsea-ti, lilice cu dultsea-anjurizmã;
Hãrsea-ti, cá di-anda ficior Dumidzálul-L vrushi!
Hãrsea-ti, pistimenlu vigljitor a dimãndãciuniljei a Hristolui!
tamaturgu!
Condaclu 5
Steauùa tsi dutsi la Dumidzálu u-nchirdãsirã cu tini Armãnjlji, cá tini,
has ca steauùa-al Dumidzá, ãlji duts oaminjlji la soarli-a ãndriptatiljei, la
Hristolu Ascãpãtor tuts cari caftã ascãpari. Shi noi, cara nã hãrsim cu
putearea-ts shi cu anamea-ts, Lj-dzãtsem al Dumidzá: Aliluia!
Icoslu 5
Cara ti vidzurã ca un izvur dumidzescu ti multi nishenji pit locãrli-
armãneshtsã, cuvioase pãrinte Nauni, cá tini nica di-anda bãnai pristi loc u-
aveai puvelea cá lãndzidzlji ta sã-lji vindits, shi cama multu dupã moartea-ts
Dumidzálu ti featsi avdzãt cu multili nishenji-a tali, ortodoxa miletea
armãneascã, cara Ãlji hristuseashti-al Dumidzá ti marea njilã-a Lui, cu-
aplicãciuni ts-u dzãtsi aestã alãvdari:
Hãrsea-ti, omlu-al Dumidzá, cari arãvdarea u-ai cãt un bãrnu hrisusit,
ligat di mesi!
Hãrsea-ti, cuvioase cu preasinli shi pãlãcãriili, ca cu mirgeanã scumpã,
mushutsãtlu!
Hãrsea-ti, pistimenlu vigljitor a casãljei al Dumidzá!
Hãrsea-ti, ni-azvimtul ashchirlá a Hristolui!
Hãrsea-ti, hramlu-a Dumidzariljei triadeascã!
Hãrsea-ti, tini cari dealihea u vrushi doxa-al Dumidzá!
Hãrsea-ti, gãirushlu dit ayinjea-a banãljei!
Hãrsea-ti, izvurlu nisicat a yitripseariljei!
Hãrsea-ti, atsel tsi lã lu-adunji gailelu-a frãmtsãlor!
Hãrsea-ti, iaturlu ti fãrã di pãradz a lãndzidzlor shi-a slaghlor!
Hãrsea-ti, cá ascachi di nisãnãdiea!
Hãrsea-ti, ascãparea-a tsilor cu gean slab!
tamaturgu!
Condaclu 6
Propoviduitor ti-ascãparea cu-arãvdari shi imireatsã anghileascã
fushi, nu mash cu zboarã ma shi cu faptili shi tu bana-ts tutã, ãlji fãtseshi
huzmeti-a Hristolui cu arãvdari shi imireatsã, shi-al Dumidzá Ãlji lucrashi
cu cãntari: Aliluia!
Icoslu 6
Lutsishi pi tserlu-a ortodoxiiljei dit Datã, cu musheatili nishenji shi
preasini, lji-agiutashi tuts shi-a caf iunlui, cari cu pãlãcãrii tsã zburáscu, shi
li-avinji di la elji cafi unã lãngoari, fricã shi nivolji. Ti-atsea elji cu hristuseari
tsã fac alãvdari cu-ahtári zboarã:
Hãrsea-ti, descale a chischineatsãljei shi marea-mintiminilji!
Hãrsea-ti, cari pistimen ti tsãnushi di aplicãciunea-a Hristolui!
Hãrsea-ti, tini cari di dealihealui u vrushi bana cãluğreascã!
Hãrsea-ti, tini cari cu pistiminilji bãnashi ca vecljilji eremits!
Hãrsea-ti, agiutorlu bolcã ti lãndzidzlji shi slaghlji!
Hãrsea-ti, harishea mushuteatsã ti cãluğrimea!
Hãrsea-ti, cá nishenjli-ts cu buneatsã ãl nãstrec shi numirlu-a
stealilor!
Hãrsea-ti, cá putearea-ts ti ciudii shi-ağrinjli u-ascultã!
Hãrsea-ti, cá la-a ta sãmtsãlji shi Turtsãlji sã-ncljinã!
Hãrsea-ti, cá-a tsáia shi stihiili dit api tsã si-apleacã!
Hãrsea-ti, cá amãrtioshlji tunusits lji-aprochi shi-lji badz pi buna
cali!
Hãrsea-ti, cá znjeartsãlji shi zurbadzlji cu dichi ãlji cãzneshtsã!
tamaturgu!
Condaclu 7
Cara vru s-ti chearã domnitorlu-a Miziiljei, multu chiro ti tsãnu tu
hãpsani, shi ti pidipsi. Ama, cu vluyiea-al Dumidzá, hilji-sa, ca huzmichearã
tsã vini tu hãpsani, shi cara u-avdzã dit gura-a ta ascãpãtoara ãnvitsãturã-a
Hristolui, lji-intrá tu vreari atsea ãnvitsãturã shi s-pãtidzá. Atumtsea tini
cara fushi scos dit hãpsani shi cu tinjii silighit, Ãlji cãntashi-al Dumidzá:
Aliluia!
Icoslu 7
Nauùã njilã cu buneatsã spusi Dumidzá cu tini, cuvioase pãrinte Nauni,
cu-atsea tsi tsã hãrzi silã ta s-fats nishenji, ta s-pots a cafi unlui sã-lji dai cata
cum hãrzeashti. Ti-atsea pistimenjlji cu mari harauùã ti doxãsescu shi ti-
alavdã ashitsi:
Hãrsea-ti, cá cicãrdãsitslji di minti ãlji vindits!
Hãrsea-ti, cá atselji tsi caftã pãradz lji-arshunedz!
Hãrsea-ti, cá lã-agiuts atselji tu nivolji!
Hãrsea-ti, cá zurbadzlji ãlji cãzneshtsã!
Hãrsea-ti, cá nu lã dai a furlor ta s-poatã s-ti furã!
Jãrsea-ti, cá cãzneshtsã, ama shi ljertsã anda lipseashti!
Hãrsea-ti, cá tini eshtsã ma-nsus sh-di chirolu sh-di furlji!
Hãrsea-ti, cá tu pira-a spidãljei di polim. Taifa-ts di cãluğri lji-
ascãpashi nicãrtits!
Hãrsea-ti, nicãpãitlu di pãlãcãrseari ti noi dininti-al Dumidzá!
Hãrsea-ti, gionli vindicator ti slãbintsa-a geanlui shi-a truplui!
Hãrsea-ti, cá cu mirachi li-aprochi tuti ti tsi ti pãlãcãrsim!
Hãrsea-ti, cá cu-ağunjii agiundzã s-agiuts ti tuts tu nivolji!
tamaturgu!
Condaclu 8
Cara u videm nisheanea ti ciudii, cum, cu bãnaticlu di pristi loc ca om,
cuvioslu Nauni, cu frunimeatsã shi pãlãcãrii, s-featsi has ca anghiljlji, cum
lã-agiutã-a tutãlor, shi ma multu-a lãndzidzlor shi-atselji tu nivolji, s-
trãdzem mãnã di sueta-a dunjeailjei aestã shi mintea s-nã si ducã la-atseali
din tser, shi ca unlu sã-lji cãntám al dumidzá: Aliluia!
Icoslu 8
Ağno sivdai fãrã di ihlé cãtã ãmbistimenjlji, fushi un tsi-agiutã cu-
ağunjii ti tuts atselji cari ti cãftarã ti-agiutari. Shi nu mash ti-atselji di ningã
tini, cari sã-ncljinã la sãmtsãljea-a ta ma shi ti-atselji di multu di largu cu
vreari shi pisti u grescu numa-a ta, shi ashteaptã vindicari di tini, tini agiuts
shi vindits di cafi unã lãngoari shi taxirati. Ti-ahtarli agiutor pistimenjlji ti-
alavdã ashitsi:
Hãrsea-ti, izvurlu, cari vershi pi noi buneatsã ti vindicari!
Hãrsea-ti, tini cari-a tsilor armashi fãrã di minti lã hãrzeshtsã minti
sãnãtoasã!
Hãrsea-ti, tini cari Lu-ai tu vreari Analtul Dumidzá!
Hãrsea-ti,tini ti pistimenjlji conducãtor cu pãlãcãrii!
Hãrsea-ti, tini cari dai len-turliili di pishcheshi!
Hãrsea-ti, tini tsi li fãtseshi multili nishenji!
Hãrsea-ti, cá shi ti-Armãnjlji ti spuseshi dascal!
Hãrsea-ti, tini cari u-avinji scutidea sufliteascã!
Hãrsea-ti,tini cari li-arcashi bunetsli tuti dit dunjeai!
Hãrsea-ti, cá cu harauùã-l purtashi lishorlu giug a Hristolui!
Hãrsea-ti, ayinjiea multu-birichitloanji-a Bãsearicãljei a Hristolui!
Hãrsea-ti, lilicea-a paradislui tsi musheat anjurdzeashti!
tamaturgu!
Condaclu 9
Tuts caimadzlji shi taxirátsli shi greilji pirazmadz lji- arãvdashi,
pãrintea Nauni, ca bun ashchirlá a Hristolui. Avushi intridz di oaminji cu
gura aspartã, avushi avinari ashichere di-atselji di-altã pisti, di-atselji fãrã di
pisti shi dushmanjlji-atselji cu pisti minciunoasã. Shi Dunidzálu, Cari putes
nu tradzi mãnã di huzmichearlji ãmbistimenji, totna tsã fu ti-agiutor. Ti-
atsea Ãlji dzãtsem: Aliluia!
Icoslu 9
Nai ma zburiartsãlji oratori nu pot s-li spunã shi s-li numirã tuti ni-
agiundzerli, atimuserli, cãhãrli, lãngorli shi patimatli, cari deadirã pristi tini
pi calea-a asprãndeariljei a Vangheljlui a averlui prit locãrli-a Slavonjlor,
pãrinte Nauni. Shi noi, ãncurajats di sivdaia-ts, nã hãrsim cu giunaticlu-ts pi
calea-al Dumidzá shit s-u spunem aestã alãvdari:
Hãrsea-ti, apanghul a nostu tu cafi unã nivolji!
Hãrsea-ti, gionli ascãpãtor a nostu di tuti taxirátsli!
Hãrsea-ti, fuviroslu azvingãtor a vidzutslor shi nividzutslor
dushmanji-a noshtsã!
Hãrsea-ti, avdzãtlu vindicator ti lãngorli sufliteshtsã shi trupeshtsã!
Hãrsea-ti, cá li-avinji frica shi plãngul!
Hãrsea-ti, cãruna cu-anami-a arãvdariljei!
Hãrsea-ti, lilicea dit paradis tsi nu lji-ari chireari!
Hãrsea-ti, descale ti marea mintiminilei shi-arãvdarea!
Hãrsea-ti, mustra ti imiradi shi-ascultari!
Hãrsea-ti, zborlu ti cãluğrilji ortodocshi!
Hãrsea-ti, alãvdarea ti tuts aschetslji cu mintiminilji dumidzeascã!
tamaturgu!
Comdaclu 10
Cara vru s-u ascapã miletea di multili nibunilji shi s-nã bagã pi calea-
a Vangheljlui a averlui, cari dutsi tu banã ti eta-a etilor, Bunacicul Dumidzá
ti deadi tini cuvioslu pãrinti Nauni, ca mustrã yii ti banã vrutã di Dumidzá.
Ti-atsea cu hristuseari lj-dzãtsem a yiùlui Dumidzá: Aliluia!
Icoslu 10
Unã tsitati vãrtoasã shi nicãlcatã di canã nã fushi-a nauùã totna tini
cuvioslu pãrinti Nauni, carã nã-nvitsashi noi nu mash cu zbor ma shi cu
bana-a ta, ti tuti tsi suntu buni shi vruti di Dumidzálu, shi noi nã vigljeashi
di tuti arãetsli, lãngorli shi nivoljli. Hãrãcochi di vrearea-ts, noi cu
hristuseari ts-u spunem aestã alãvdari:
Hãrsea-ti, putirlu ãmplin cu njila-al Dumidzá!
Hãrsea-ti, apanghul a sãmtãljei Ortodoxii!
Hãrsea-ti, cá cu preasinli shi pãlãcãriili truplu tsã lu-nvãrtusheashi!
Hãrsea-ti, cá cu imiradea shi arãvdarea draclu lu-anãchisishi!
Hãrsea-ti, sturlu ni-azvimtu-a mintiminiljiljei arãvdoasã!
Hãrsea-ti, vigljitorlu-a chischineatsãljei sufliteascã!
Hãrsea-ti, ascãpãtorlu dit fãrã-di-pistea shi eresili!
Hãrsea-ti, vigljitorlu-a slabilor sufliti shi cu slaba pistusini!
Hãrsea-ti, tini cari lji-nvãrtusheashi atselji slaghlji!
Hãrsea-ti, sufliteasca lunjinari ti ãmbistimenjlji!
Hãrsea-ti, iaturlu fãrã di pãradz ti tuti lãngorli!
Hãrsea-ti, tini cari dealihea ãlji vrushi atselji slaghlji!
tamaturgu!
Condaclu 11
Cãntits ti-alãvdari cãntám dininti-a oasilor a tali tsi nu putirdzáscu,
cuvioase pãrinte Nauni shi cu-atsea ti doxãsim ca un mari shi dubristean
pãlãcãrsitor shi vindicator shi aschet nicãpãit shi bãhcivãngilu-al Dumidzá.
Ãlji hristusim al Dumidzá Cari ti deadi ti-Armãnjlji shi tsã dzãtsem: Aliluia!
Icoslu 11
Un far scãntiljos lã spuseshi a Armãnjlor shi-a miletslor slavoneshtsã,
cuvioase pãrinte Nauni, cu-atsea tsi lji-nvitsashi shi-lji asãmtsãshi tuts atselji
cari cu pãlãcãrii fãrã ihlé ti cãftarã, cu ahtea ti lunjinarea di dealihealui din
tseruri shi cu vindicarea-a lãndzidzlor shi-a tirinsitslor. Ti-atsea shi noi
Armãnjlji, lunjinats di scãntiljearea-a duhlui a táù, cutidzám ta s-tsã cãntám
alãvdari:
Hãrsea-ti, scãntiljoasa mushuteatsã ti taifa-a ta!
Hãrsea-ti, yishtearea-avutã cu nishenjli!
Hãrsea-ti, lãmbada lutsitã pi tserlu di partea-a Ohridãljei!
Hãrsea-ti, doxa-a miletslor slavoneshtsã dji armãneshtsã!
Hãrsea-ti, cá sãmtsãljea-a ta lutseashti pristi tuts pistimenjlji!
Hãrsea-ti, cá videala-a nishenjlor a tali da harauùa ti tuti locãrli di-
anvùrliga!
Hãrsea-ti, cá shi dupã moarti bãnedz cu noi!
Hãrsea-ti, cá shi cara bãnedz tu hoara-a paradislui noi nu nã-
agãrsheshtsã!
Hãrsea-ti, cá atselji slãghitslji ãlji scolji pi cicioari!
Hãrsea-ti, cá a cicãrdãsitslor di minti lã badz minti!
Hãrsea-ti, cá multi geanuri li duseshi la Hristolu!
Hãrsea-ti, cá deadun cu tuts alantsã sãmtsã bãnedz tu harauùa fãrã
di moarti-a Dumidzálui a táù!
tamaturgu!
Condaclu 12
Cara ts-u shtim harea, cari tsã easti datã di-analtu, cu fricã nã-
apruchem shi cu pistusini u bãshem icoana-a ta, di pi cari ascapirã sãmta
fatsã-a ta. Lj-hristusim a Hristolui Ascãpãtor, tsi ti featsi avut cu-ahãti hári
ti bunets, shi tuti ti bunlu-a nostu, shi-lji dzãtsem al Dumidzá: Aliluia!
Icoslu 12
Cara u cãntám duca-a ta la Dumidzálu, cuvioase pãrinte Nauni, u
tinjisim sãmta adutseari-aminti-a ta, u mãrim vrearea-a ta ti Dumidzálu, u-
alãvdám arãvdarea-a ta, u doxãsim imiradea-a ta. Cá tini shi anda murishi
ti minduishi la noi shi la ascãparea-a noastã, shi-a nauùã shi tuts alantsã cari
vor ta s-hibã prufec shi u vor ascãparea ca ti dimãndãciuni dit soni nã u-
alãsashi dyeata di mash patru zboarã: dishtiptari, tunuseari, chischinipseari,
cumnicari. Ti-atsea noi cu hristuseari ts-u u-adutsem aestã alãvdari:
Hãrsea-ti, cá noi nã dishteptsã tu yislu-a amãrtiiljei!
Hãrsea-ti, cá noi nã duts la tunusearea!
Hãrsea-ti, cá di noi caftsã chischinipseari!
Hãrsea-ti, cá tini caftsã shi dealihea s-nã fatsim unã cu Hristolu:
cumnicari!
Hãrsea-ti, ãmbistimenlu misionar a nostu la scamnul al Dumidzá!
Hãrsea-ti, ashchirlálu-azvingãtor a Amirálui din Tser!
Hãrsea-ti, cá di la Hristolu u loashi harea ti vindicari!
Hãrsea-ti, cá harea tsi tsã fu data ca hari cu gimerttsãlji u dideshi la
altsãlji!
Hãrsea-ti, alãvdarea-a cãluğrilor shi-a iconjlor!
Hãrsea-ti, cá loashi premiù di-analtu ti lucrárli-a tali!
Hãrsea-ti, cá al Dumidzá prufec shi tamamileam Lji-u fãtseshi
chefea!
Hãrsea-ti, cá cãruna-a nimoartiljei ti daima u-nchirdãsishi!
tamaturgu!
Condaclu 13
O, tini cu márli nishenji fapti ti Hristolu, vindicãtorlu-a lãndzidzlor,
cuvioase pãrinti Nauni, avdi-li botsli-a noasti shi pãlãcãriili-a noasti. Agiutã-
nã-a nauùã, shi-a tutãlor cari cu pisti shi vreari ti caftã. Putes s-nu nã
agãrsheshtsã, ma s-eshtsã cu noi shi di tora shi-nclo ca shi pãnã di tora, su-L
pãlãcãrseshtsã Dumidzálu shi sã-Lji dzãts: Aliluia!
Icoslu 1
Anghil di pristi loc shi om din tseruri fushi, cuvioase pãrinte Nauni, cá
cu vrearea di dealihealui ãl vrushi Hristolu, shi cu imireatsã anghileascã Ãlji
fãtseshi huzmeti. Ti-atsea shi El ti durusi cu harea-a Sãmtului Duh, cari ti-
nvãrtushea shi ti mushutsa. Ti-atsea shi noi azã dit inimã tsã dzãtsem:
Hãrsea-ti, cá cu inima chischinã shi imiradi ti fãtsesji isa cu-anghiljlji!
Hãrsea-ti, cá cu preasinli shi pãlãcãriili ti chischinipsishi di miráchli
di pristi loc!
Hãrsea-ti, farlu-a videalãljei din tseruri!
Hãrsea-ti, dultsili fimnjeator cu pãlãcãriili vruti di Dumidzálu!
Hãrsea-ti, bunlu cãlãuz ti-atselji tsi pistipserscu!
Hãrsea-ti, dip mintimenlu dascal!
Hãrsea-ti, vãrtoslu cathio ti crãshtinjlji, fimelj vãrtos a pistiljei!
Hãrsea-ti, mustra ti imiradi shi ascultari!
Hãrsea-ti, nicãpãitlu pãlãcãrsitor ti geanurli-a noasti!
Hãrsea-ti, parafta-yitripsitorlu-a lãndzidzlor!
Hãrsea-ti, harauùa-a ãnvirnatslor shi-a jilitslor!
Hãrsea-ti, maceniclu fãrã di sãndzã-a Hristolui!
tamaturgu!
Condaclu 1
Tini, aleptul tamaturgu shi cari li fats tuti-al Dumidzá, izvurlu ti
multili yitripseri shi cu caldili pãlãcãrii ti geanurli-a noasti, cuvioase pãrinte
Nauni, cara ai treacã dininti-al Dumidzá, pãlãcãrsea-L ti-ascãpari di tuti
ghiderli shi cripárli-a noasti ti noi cari tsã dzãtsem: Hãrsea-ti, cuvioase
pãrinte Nauni, iaturlu-a lãndzidzlor, marli tamaturgu!
PÃLÃCÃRIEA-AL IA-NAUNI DI OHÃRDA
VINDICÃTORLU-A LÃNDZIDZLOR
Vruitorlu-a banãljei cu Dumidzá, Ia-Nauni Tamaturglu, tini ti

tsãnushi di zãconea-al Dumidzá shi-Ascãpãtorlu-a nostu Isus Hristos sh-di la
El u loashi bana ti eta-a etilor. A tsáia cu sivdai tsã si-ncljinám shi cu-
aplicãciuni tsã histusim ti dipmultili nishenji-a tali, cari lã agiutashi-a
oaminjlor fãrã di puteari shi u fãtseshi avdzãtã numa-al Dumidzá Domnul
shi Ascãpãtorlu-a táù. Hãrsea-ti, pistimenlu huzmichear al Dumidzá, a tsáia
tsã fu data harea-a Dip-Sãmtului Duh al Dumidzá demunjlji sã-lji avinji,
lãndzidzlji sã-lji vindits, slaghlji sã-lji badz pi cicioari, , ãnvirnatslji sã-lji
ãmbunedz shi tu nivoljli tuti-a oaminjlor s-lã eshtsã agiutor. Ti-atsea noi, sh-
tsicara cá nu hãrzim, ti iurtusim tini ca fluearã duhovnicheascã, dit cari-a
tsilor tsi lã lipseashti lã si vearsã puteari shi-apuitueari tsireascã shi cu
harauùã Ãl mãrim Creatorlu Cari-a tsáia ca om, tsã hãrzi ahtari puteari shi-
aveari dumidzeascã. Shi tora, tini ãndreptul shi oaspili-a Anghiljlor, cuvioase
pãrinti-a nostu Nauni, dininti tsã-nzãnucljem shi cu tunuseari, cu-aplicãciuni
nã pãlãcãrsim s-nu mãnjiseshtsã s-ti pãlãcãrseshtsã dininti-a scamnului a
Dip-sãmtãljei, Di-unã-iatsã shi Ni-dispãrtsãtã Treimi ti tutã miletea ortodoxã
crãshtineascã shi-armãneascã, ti tuts cari suntu pi potisi, ti tuts cari suntu tu
nivolji shi patimati, ti episcopanjlji, preftsãlji, diatslji shi cãluğrilji, ti
fondatorlji shi donatorlji ti sãmta taifã-a ta, ti-atselji tsi yin shi sã-ncljinã la
sãmtili shi tinjisitili oasi-a tali, ti tuts ortodocshilji cari s-pãlãcãrsescu la tini,
ti lãndzidzlji shi-atselji tsi ti pistea mor, ti-aushlji shi gionjlji, ti featili shi
dadili, ti sclãvuitslji shi-ascãparea-a lor, sh-ti tutã miletea ortodoxã
armãneascã. Lutsite pãrinti-a nostu Nauni, anvãlea-u slãbintsa-a noastã, s-li
vindits ponurli-a noasti cu pãlãcãriili-a tali.
Noi nica ti pãlãcãrsim tora sh-ti huzmichearlu-al Dumidzá (numa) cari
tradzi di slãbintsã shi greauùã lãngoari. Cara s-fu el ligat di amãrtiea-a lui,
icá amãrtie—a pãrintsãlor a lui, icá amãrtiili-a soiljei a lui, shi di ispetea-a
amãrtiiljei lu-aflá aestã lãngoari, fá-ti samsaa, tini bunacicul sãmtu
anghilescu, dininti-a scamnului al Dumidzá Cari ti featsi avdzãt, amãrtiea s-
u ljeartã shi lãngoarea s-u vindicã. Shi cara s-hibã, erapoi, aestã lãngoari cu
vrearea-al Dumidzá, dupã sãmtili zboarã-al Dumidzá: “Atsel cari-l va
Dumidzálu atsel shi-l vãrgheashti, ãl bati cafi unlu di hiljlji cari lji-aproachi”,
atumtsea tini cu njilã mari cãndãsea-l dip-njilãoslu shi dip-jiloslu Dumidzá,
s-facã njilãos cu-aestu huzmichear shi s-nu da patimati supraumineshtsã: cá
oaminjlji suntu trup shi tsiva, shi noi nu putem s-anãchisim canã di patimatli
fãrã di buneatsa-al Dumidzá cari noi nã-nvãrtusheadzã Sãmte pãrinti-a
nostu Nauni, ascultã-nã ağonjea shi su-l vindits huzmichearlu-al Dumidzá
(numa) cu sãmtili pãlãcãrii a tali, ta s-nu dzãcã pãngãnjlji: iu easti
Dumidzálu-a lui?
Ore tini sãmtul shi cuvioslu pãrinti Nauni, spuni-u putearea-a ta
hãrzitã di tut-puterniclu Dumidzá, sh-ti huzmichearlu-aestu, ashi cum shi
pãnã tora u spuneai ti ninumiratslji lãndzidz shi slaghi shi ti-atselji cari cu
pisti shi tunuseari s-aproachea di tinjisita sfinduchitsã-a ta. Sã-lji vindits shi
sã-lji ãnsãnãtushedz geanlu shi truplu; scoati-l shi-avinã-l draclã dit tirinsitlu
trup a omlui, ãnvãrtusheadzã-l truplu-a lui cu sãnãtati shi cu puteari, ta s-
aibã titsi geanlu-a lui s-cilãstãseascã shi s-tunuseascã shi sã si-ndreagã ti tu
Amirãriljea din Tseruri. Avinã-ù dit el moartea ti tora di oarã, ta s-poatã cu
nica ma buni fapti sã-Lji facã dupã chegea-a bunlui Dumidzá shi s-ljea njilã
Dumidzeascã la fuviroasa giudicari-al Dumidzá.
Scopia – tamam pi Dzuùa Natsionalã-a Armãnjlor – 23 di Mai.
BANA SHI FAPTILI-A
SÃMTULUI NECTARII DI BITULI
Sãmtul Nectarii di Bituli s-cadi tu categoriea di ãndreptsã macenits, shi elji eara cãluğri-
aschets, cari bana shi-u deadirã ca macenits. Sãmtul Nectarii di Bituli, cu numa-lji di mirean
Nicola shi-u deadi bana-lji di ispetea-a ãnchizmãljei, di goadi dimuneshtsã shi di greauùa
lãngoari trupeascã, ama tuti-atseali giuneashti li strãxi shi anãchisi shi tricu la sãmtsãlji –
para-ndreptu macenic. Ashi cum lji spuni haghiografiea, para-ndreptul Nectarii s-featsi Bituli.
Data-lji di tamam cãndu s-featsi nu sã shtii. Ama, dimi cá muri ca ausheac tu-anlu 1500, s-
poati sã si dzãcã cá eara faptu iuva tu-anjlji 20 a secolui XV, ma ghini dzãsã iuva ca tu-anjlji
1429-1430. Pãrintsãlji-al Nectarii furã oaminjlji-al Dumidzá shi ãndreptsã. La pãtãgiunea-a
hiljlui lji-u deadirã numa Nicola, shi cama-amãnat, anda s-featsi cãluğru, lj-si deadi numa
Nectarii. Nica di-anda Nicola eara ficior s-featsi unã faptã cari ca baia agiutá la alidzearea-lji
a caliljei a banãljei a lui. Atsea eara anda Turtsãlji s-apruchea di cãsãbálu Bituli ta su-l calcã.
Mã-sa al Nicola, aclo iu lucra tu-aryi agãrshi di durnji niheamã shi vidzu un yis ti ciudii. Tu
yis ãlji si spusi Lutsita Stã-Mãrii shi-lji spusi cá tu shcurtu chiro va s-yinã Turtsãlji shi va s-
facã cumandari pi Bitulea sh-pi tut arãdzãmlu shi va s-facã mári zãlunji, miletea multi va s-
patã, shi ti-atsea, ãlji dzãsi Stã-Mãriea, dinãoarã s-fugã cu tut ficiorlji shi nicuchirlu shi largu
iuva sh-si ascunfã. Unã tsi ãlji lu spusi yislu-a bãrba-sui, dinãoarã taifa tutã fudzirã di Bituli
shi s-ascumsirã tu bun loc. Shi dealihea, Turtsãlji vinirã, u cãlcarã shi u pustusirã Bitulea shi
arãdzãmlu tut shi mari arãeatsã virsarã pi miletea crãshtineascã. Dicara tricu iurdiea
turtseascã shi vãrã turlii s-ca apuitui situatsiea, pãrintsãlji-al Nicola cu tut ficiorlji-a lor
inshirã dit ascumtish cu banã shi sãnãtoshi, hristusinda-Lji al Dumidzá shi-a Lutsitãljei Stã-
Mãrii ti ascãparea-a lor, ma multu-nvirnats di ispetea-a patimatlor shi-a sclãvueariljei a
fratslor shi-a surárlor Crãshtinji shi-a patridãljei.
Cama-nclo, tu Haghiografiea sã spuni cá fen-su al Nicola, di ispetea cá avea aushitã gairé,
sh-si acãchisirã cu nicuchira-lji, s-fugã dit bana di mireanji shi s-ducã tu mãnãstir di ispetea-a
vreariljei al Dumidzá. El s-dusi deadun cu Nicola shi s-curdisi tu mãnãstirlu “Sãmtsãlji
anarghiri Cozma shi Damian”, di anvãrliga di Bituli. Tu-atsel mãnãstir s-featsi cãluğru shi u
lo numa di Pahomii, shi cu nãmuzi lucrá ti-ascãparea-a geanlui a lui. Shi-aclotsi Nicola vidzu
unã ciudii, aestã aradã di fen-su. Di tamam, ia tsi s-featsi. Eara adetea cum easti shi tora pi
dzuùa mãnãstirlui cu numa-a anarghiranjlor Cozma shi Damian, cãshtinjlji di pit locãrli di-
anvãrliga s-ducã la mãnãstir len-turlii di pishcheshi shi deadun cu cãluğrilji s-u iurtuseascã
atsea dzuùã.
Un an, anda s-iurtusea atsea dzuùã, huryeatslji adusirã, piningã altili, shi unã vulerã cu
yin. Ama, di ispetea cá pi prãndzu avea multsã oaspits, yinlu ağonjea s-biu shi nu-armasi tsiva.
Cãluğãrlu Pahomii deadun cu hilji-su Nicola s-dusirã tu izbã ta s-u la vulera di yin. Ama, tu
loc di-ashi, s-featsi ciudii, vulera iara s-avea umplutã cu yin shi tuts deadun ãl biurã yinlu cari
avea unã nostimã anjurizmã shi musheat nostu.
Dicara criscu Nicola, ãlji vini mari mirachi ti unã ma vrutã banã di-aschet ti Dumidzá.
Ti-atsea fudzi ti Ayi-Norlu, nai ma marli tsentru crãshtinescu dit Balcanlu. Aclotsi, el lu-aflá
vecljul aschet. Staretslu-a cheliiljei di Careia Iagara, cu numa di Dionisii, cari eara faptu
Tsarigrad. Dionisii lu-apriduná la el tinirlu Nicola shi-l dusi ti vluyii la tatãl duhovnichescu-a
lui, staretslu Filotei, cari avea hari dumidzeascã ti ducheari. Unã tsi tinirlu Nicola lji-inshi
dininti aushlu ãlji gri pi numã shi dzãsi:
-Tini eshtsã hilj Nicola, hilj a cãluğrului Pahomii. Tini vrei s-armãnji aoatsi shi s-bãnedz
cu noi.
Cara li-avdzã atseali Nicola multu s-ca ciudusi, shi ãntribá:
-Di iu, tinjisite tatá, mi shtii mini shi tuti ti mini?
Aushlu la-atseali ãlji dzãsi:
-Dumidzá Tatãl, hilj. Cari ti pitricu la noi, El ãnji li spusi tuti ti tini.
Hãrsit di tuti-atseali tsi s-featsirã, Nicola armasi la-atselji chibartsã ausheats shi cu nica
ma mari sivdai shi vreari ti Dumidzálu shi dascaljlji-a lui, aschitadzlji Dionisii shi Filotei.
Cara lucrá cu elji, ti shcurtu chiro di elji fu adrat shi cãluğru shi lj-si deadi numa di
Nectarii shi dip ãlji si-aplicá a aushlui Filotei, ca tatã duhovnichescu shi cãlãuz ti la tinjiili-al
Dumidzá.
Dupã niscãntu chiro, muri shi paradistatlu aush Dionisii. Ãndreptul Nectarii di Bituli
tinjisit shi cum lipsea lu-ngrupá dascalu-a lui shi sots tu aschetiljea. Dumizá cara vidzu cá el
easti bun aschiti vru sã-lji caftã mintea shi-l bãgá tu greai lãngori trupeshtsã.
Nai tu soni, dicara li-anãchisi tuti-aguderli shi lãngorli trupeshtsã, chischinipsit prit
faptili-a lui shi lãngorli, ãndreptul Nectarii isih shi tinjisit s-mutá tu amirãriljea fãrã di moarti
a Hristolui pi 5 di-Andreù tu-anlu 1500.
Tsintsi anji dupã moartea-lji, scularlji shi partizanjlji-a lui u dishcljisirã groapa-a lui, ta
sã-lji li ducã moashtili shi vidzurã cá eali nu eara tuchiti sh-di eali arãea nostimã anjurizmã tu
erã. Moashtili ãlji li bãgarã tu sfinduchi, pi cari eara bãgat relief di lishlu-a lui. Sfinduchea cu
moashtili-a lui shi azã s-tsãni Ayi-Nor, tu chiliea iu ashetiza.
Ideia cã aestu sãmtu easti di soi armãneascã nji-u deadi tinjisitlu Mihajlo
Gheorghievski, un mari spetsialistu ti vecljili manuscrisi machiduneshtsã shi autor a cartiljei
„Sãmtsãlji machiduneshtsã“, cari eara shi ãnsurat cu unã Armãnã di Crushuva shi di-aclotsi,
poati, lj-si trãdzea shi dorlu shi tinjiea ti-Armãnjlji.
SÃMTULUI MACENIC NESTOR
BANA SHI FAPTILI-A

Amirálu pãngãn Maximian, a curi lj-si dzãtsea nica shi Ghelculii, oaspi al Diocletsian,
cara s-dusi tu tsitatea Sãrunã shi cara-l bãgá tu zãndani Yi-Dimitri, vuivudálu, di ispetea-a
marturiseariljei a Hristolui, avea organizatã agioacãri shi tsircusi shi s-alãvda cu pilivanlu-a lui,
Lie, cari eara di fara-a Vandaljlor, shi dzãtsea cá canã nu poati su-l anãchiseascã. Atsel Lie eara
un altu Goliat, cu truplu ma mari di-alantsãlor oaminji, cu mãtrita fuviroasã, cu vidzuta shi
huea-lji di prici, cu boatsea ca di ljundar tsi zghearã, shi di vidzuta-lji shi boatsea-lji trimbura
atsel tsi-l videa. Vetea-a lui eara mari cum nu sã spuni shi canã nu lji-u putea, cá tu el s-avea
adunatã duhuri pãngãni. Lie vãtãmá baia multsã oaminji gionji shi eara multu vrut di amirálu
di ispetea-a giuneatsãljei a lui, cá amirálu cara nu shtea ti seati ti sãndzã di om, multu lu-avea
tu vreari, cá tutã putearea-lji u-avea ti virsarea-a sãndzãljei. A tsilui nichischin Lie amirálu lji-
avea ãndreaptã, tu mesea di cãsãbá, un loc pi sturi, analtu shi largu, iu el putea di s-alumta ta
su-l veadã tuts. Shi sum atsel loc eara plãntati multi suli cu cipita tu-nsus, shi-ashitsi, atsel cari
vrea lu-anãchiseascã Lie, dinãoarã su-l arucã pi-atseali armati ãntruyisiti shi-ashi su-l vatãmã,
shi amirálu, cu multsãlji ashchirladz a lui, mãtrea la atsea alumtã cu harauùã shi s-pãrifãnsea
cu pilivanlu-a lui. Atseali alumti li videa shi miletea din Sãrunã, anamisa di cari avea shi multsã
pistimenji, cari, cara u vidzurã sãndza di om cari eara virsatã di-atsea prici fãrã di uminitati,
greù suschira, ti-atsea cá avea vãtãmatã multsã crãshtinji, cari pãngãnjlji di zorlea lji-adutsea
pi binã shi-lji bãga ta s-alumtã cu Lie.
Atumtsea avea Sãrunã un gioni cu numa Nestor, livendu shi undzit tu fatsã, mash cãt lji-
avea data mustaca shi barba. Gionli-atsel sã shtea cu Sãmtul Mari Macenic Dimitri, di la cari
u-avea ãnvitsatã sãmta pisti. Atsel, cara ãlji videa crãshtinjlji cá eara vãtãmats fãr di njilã, sã
splinsi shi vru s-alumtã cu Lie.
Dusi cu-alãgari la Yi-Dimitri cari eara tu zãndani, lji spusi cá Lie vãtãmá multsã
crãshtinji, shi-lji dzãsi: “Pãlãcãrsea-ti ti mini, tini vrutlu-al Dumidzá, ta sã-nji agiutã ti sãmtili
pãlãcãrii a tali, cá, cara va mi duc ta s-mi alumtu cu-atsel dushman, su-l anãchisescu shi sã-lji
ascap crãshtinjlji”.
Shi Yi-Dimitri, cara ãlji featsi pi frãmti shi pi cheptu crutsi, ãl vluisi shi-lji dzãsi: “Lie
va-l anãchiseshtsã shi Hristolu va-L marturiseshtsã”. Shi Sãmtul Nestor, cara u lo vluyiea, s-
hiumãsi dinãoarã la alumta shi, cara sh-li scoasi stranjili di pi el dininti-a tutãlor, cu boatsi
aurlá: “Io voi ta s-mi alumtu cu Lie”. Shi amirálu, cara u vidzu cutidzarea-a tsilui gioni, s-
ciudusi shi, cara lj-cãdzu njilã ti tinireatsa shi mushuteatsa-a lui, ãlji dzãsi: “Am nu vidzushi
tini cãts anãchisi Lie, ma gionji di tini? Tini eshtsã njic di boi shi tinir. Cutedz tini s-ti duts s-
ti-acats tu bratsã cu-atsel cu cari nu-shi undzeashti canã di sum soari?” Shi el dzãsi: “Sh-tsicara
cá escu njic shi fãr di puteari, ama mari shi nu-lji ari anãchiseari putearea-a Hristolui a meù, la
Cari u-am umutea shi tu numa-a Lui voi ta s-mi alumtu cu stihiùlu Lie”. Amirálu, cara avdzã
ti numa-a Hristolui shi cara ãnvitsá cá Nestor easti crãshtin, s-nãrãi shi dimãndá ta s-ducã la
binã, cara sh-lugursi cá Nestor va s-hibã vãtãmat di Lie, cum furã vãtãmats shi-alantsã.
Atumtsea Nestor cu curaji s-aliná la loclu ti-alumtari. Shi Lie, cara ansãri, s-urnji pi sãmtul,
cari, cara vidzu cá Lie s-aproachi, sh-featsi crutsea shi cu mari boatsi aurlá, shi dzãsi:
“Dumidzálu-al Dimitri, agiutã-nji!”
Cara s-apruche di Lie, pisicá di s-alumta. Shi Dumidzálu, Atsel tsi un chiro lu-nvãrtushe
Davidlu contra Goliatlu, lu-nvãrtushe shi sclavlu-a Lui, Nestor, contra pãngãnlu Lie, ti
taxiratea-a amirálui sh-ti harauùa-a pistimenjlor a Lui. Cá Nestorlu-atsel njiclu, sã spusi ma
gioni di Lie atsel gionli, cari cara lu-acãtsá ca un pulj, lu-arcá di pi analtul pult pi sulili-atseali
ãntruyisitili, pi cari, Lie cara deadi di cãdzu ca un fag, ãlji inshi anapudlu gean a lui shi chiru
anamea-a lui; deapoa s-aspulbirá putearea-lji fãdulã shi pusta-lji alãvdãciuni al Maximilian ti
pilivanlu-a lui. Deapoa miletea tutã-a Sãrunãljei, shi cama multu crãshtinjlji, cara u vidzurã
atsea nipãndãxitã shi dip-sãmtã anãchiseari, cu boatsi aurlarã: “Mari easti Dumidzálu-al
Dimitri”. Shi amirálu cara sã sculá arshunat, s-dusi tu pãlátsli-a lui, sã-nvirná shi chicusi multu
di multu ti vrutlu-a lui Lie. Cara s-nãrãi pi Nestor, dimãndá ta s-hibã acãtsat. Shi cara ãnvitsá
cá marli Macenic Dimitri fu furnjiea ti moartea-al Lie, cá lu-ncurajá ti alumtã Nestor, shi cá
lji-u prufitsã anãchisearea, dimãndá cá ta s-hibã vãtãmats doilji. Yi-Dimitri fu vãtãmat cu suli,
a al Nestor ãlji lu tãljearã caplu shi ashi doilji li loarã cãrunjli ti-anãchiseari di la Hristolu, atsel
tsi pãlteashti ti tiránjli tu amirãriljea din tseruri, a curi shi noi s-nã fatsim cãdãri cu pãlãcãriili
ti sãmtsãlji cari li-arãvdarã pidipserli. Amin.
ACATISTLU-A
27 di Sumedru/ 9 di Brumar
Condaclu 1
Hãrsea-ti, ashchirlálu fãrã di fricã-a Hristolui, cari, cara-l dideshi di
padi Lie, atsel cari ãlji vãtãma crãshtinjlji, u frãmseshi pirifanjea-a amirálui
Maximian, cara tsã fu dascal shi pãrinti Marli Dimitri, di la cari cara u loashi
coarda-a pistiljei, ãnchisishi ti-alumtã – has ca shi Davidlu, cari u vãtãmashi
marea silã cu pleashtea-a nicãbãtlãchiljei a ta, a crãshtinjlji-a Sãrunãljei lji-
ascãpashi cu sãndza-a macenitsãljiljei, ti tsi cu nicãdãrlãchi tsã cãntám:
Hãrsea-ti, Sãmte Macenic Nestor!
Icoslu 1
Tini sãmtul tu ghideri, cari cara nu li vrushi miráchli-a tinireatsãljei ts-
u bãgashi tu piriclju bana, shi ti-ncustashi la nicãdãrlãchea-al Lie shi-a
puteariljei a amirálui pãngãn, ca un njel nicãbãtli ti fãtseshi curbani ti
Hristolu, a crãshtinjlji ascãpats prit curbanea-ts, tsã spunea cu vreari
alãvdãciunji ca aesti:
Hãrsea-ti, tini crehtsãljea-a tinireatsãljei!
Hãrsea-ti, tini cari u-nchirdãsishi bana!
Hãrsea-ti, ascãpãtorlu-a crãshtinjlor!
Hãrsea-ti, tini cari-l surpashi atsel tsi-lji vãtãma crãshtinjlji!
Hãrsea-ti, atsel mushutsãtlu cu mushuteatsa!
Hãrsea-ti, tini vluisitlu di Marli Dimitri!
Hãrsea-ti, tini cari li-atimusishi miráchli-a tinireatsãljei!
Hãrsea-ti, tini marturisitorlu cutidzarcu-a Hristolui!
Hãrsea-ti, tini tsi ti-ncustashi-a ağreadiljei al Lie!
Hãrsea-ti, cá putearea-a lui di prici nu ti-aspãré!
Hãrsea-ti, tini cari umutea u-avushi la Hristolu!
Hãrsea-ti, tini cari di la El ni-anãchisitã puteari loashi!
Hãrsea-ti Sãmte Macenic Nestor!
Condaclu 2
Tini maceniclu-a Hristolui, Nestor, cara fushi ãnvãrtusheat cu
dumidzeshtsãli zboarã-a Marlii Macenic Dimitri, ca un náù David, Goliatlu,
tu stihiùlu Lie bãrbãteashti-l vãtãmashi, shi pirifanjea-a amirálui cara u
surpashi, di sulili tsi vãtãma ascãpashi multsã di crãshtinjlji, cari dipriunã
cara-L doxãsescu Dumidzálu, a Lui ãlji cãnta: Aliluia!
Icoslu 2
Mintimene Nestor, cara ti-armãtusishi cu putearea-a tsilui cari li
freadzi hearili shi portsãli-a cãtránjlor, u dideshi di padi itsrãljea shi
putearea-a tiranlui Lie tsi vãtãma, cara lu-arcashi ca ‘nã topcã pi sulili
ãndreapti ti fratslji-a tálji, cari cara-l doxãsea Dumidzálu ti giunaticlu-a táù,
aestã cãntari tsã u fãtsea:
Hãrsea-ti, náùlu David cu mintiminilji!
Hãrsea-ti, cá has ca el u-ascãpashi dubãraia!
Hãrsea-ti, cá Lie, tsã-l minduishi ca stihiùlu Goliat!
Hãrsea-ti, cá armãtusit cu pistea, pãngãnjlji lji-anãchisishi!
Hãrsea-ti, cá ti la arena, “buna-a pãngãnjlor” ti hiumãsishi!
Hãrsea-ti, cá Lie cu pirifanji shi-atimuseari ti-ashtiptá!
Hãrsea-ti, cá cu umutea la Hristolu, ãncustashi seartã ağrimi!
Hãrsea-ti, cá chischina tinireatsã-a ta spusi ahãtã veti!
Hãrsea-ti, cá zghilearea shi mãtrita ti puvrii-al Lie cu sirineatsã li
mãtrishi!
Hãrsea-ti, cá atsel tsi-lji vãtãma crãshtinjlji, pi suli lu-arcashi!
Hãrsea-ti, cá ti virsarea-a sãndzãljei nicãbãtloanji, crãshtinjlji suschira!
Hãrsea-ti, cá ti giunaticlu-a ehturlui, pãngãnjlji s-hãrsea!
Comdaclu 3
Cara ti fãtseshi anãchisitorlu-a dushmanjlor a crãshtinjlor, tini
maceniclu, di lipida-a cordzãlor lji-ascãpashi, cara ti-arcashi cu vreari “tu
alumta-atsea buna”, pi dira-a curbaniljei a Hristolui cara imnashi, atselji
slaghlji, dit ungljili tsi vatãmã cara lji scuseshi, shi noi, cu pãlãcãriili-a tali,
dit mãna-a ehturlui scoati-nã, ta sã-Lji cãntám deadun cu tini-al Dumidzá:
Aliluia!
Icoslu 3
A minciunãljei a pãngãnlui amirá Maximian cara ãlji lucra Lie,
crãshtinjlji ãlji vãtãma, cu dimuneasca fãduleatsã, shi u gãdica oraxea-a
amirálui, a tini, mintimene, cara nu pãtushi ta s-u aravdzã marea ehtsrãlji,
cara u-anãchisishi slãbintsa-a tinireatsãljei, ti armãtusishi cu pistea-atsea
vãrtoasa-a Hristoluishi u-arshunashi pusta alãvdãciuni-a gilatslor. Ti-atsea,
cu vreari tsã li dzãtsem aesti alãvdãciunji:
Hãrsea-ti, livende!
Hãrsea-ti, mintimene!
Hãrsea-ti, ascãpãtorlu-a scãnjisitslor!
Hãrsea-ti, spãstritorlu-a cordzãlor!
Hãrsea-ti, tini cu pistea armãtusitlu!
Hãrsea-ti, tini apreslu di sãmta sivdai!
Hãrsea-ti, tini tsi ti fãtseshi curbani ca Hristolu!
Hãrsea-ti, tini cari u-anãchisishi fãduleatsa-a pãngãnjlor!
Hãrsea-ti, cá shtitlu ti slaghlji ti fãtseshi!
Hãrsea-ti, cá mari mirachi, ti Hristolu avushi!
Condaclu 4
Sãmtã cutidzari cara spusi vãrtoasa-ts pisti, inshishi dininti-a amirálui,
shi cãftashi ta s-ti alumtsã cu Lie, stihiùlu. Ama Maximian, cara vru ta s-ts-
u ascapã tinireatsa trupeascã di ağrimea tsi u-avea tu chefi, nu ts-u shtea
vãrtusheatsa di nãuntru, cari ti-avea armãtusitã cu giuneasca ahti, ma
doxãsinda-L Hristolu, ti hiumãsishi tu macenitsãljea, shi-al Dumidzá Ãlji
cãntai: Aliluia!
Icoslu 4
Minti psifã, tu truplu tinir cara spuseshi, sãmte macenic, u-alipseshi
calea-a doxãljei dumidzeascã, cu árchili-a pistiljei azbuirashi pristi pustili
ãncurajári-a amirálui pãngãn, intrashi tu arada-a ceturlor di macenits, cu
cari deadun cara ti pãlãcãrseshtsã ti noi, ljea-u aplicata-nã cãntari-a noastã:
Hãrsea-ti, tini vãrtoslu tu pisti!
Hãrsea-ti, tini cu ahtea ti la dultsili tiran!
Hãrsea-ti, tini cari lji-inshishi dininti-a vidzutãljei ti puvrii al Lie!
Hãrsea-ti, cá di zghirarea-a priciljei, oaminjlji-a Hristolui eara
ãnfricusheats!
Hãrsea-ti, cá nu ti-anãchisirã cãndãserli-a amirálui!
Hãrsea-ti, cá giuneashti li cãlcashi dubãráili-a dushmanlui!
Hãrsea-ti, tini cari nu ts-u njiluishi tinireatsa!
Hãrsea-ti, tini cari uruteatsa u-anãchisishi cu mushuteatsa!
Hãrsea-ti, cá shi noi di cãndãserli-a dushmanlui nã veglji!
Hãrsea-ti, cá di zghilerli-a ehtrului nã veglji!
Hãrsea-ti, tini tsi cu pãlãcãriea zburáshtsã ti noi!
Hãrsea-ti, tini tsi eshtsã apreasa-nã apãnghiseari!
Condaclu 5
Ãnvãrtusheat cu cãldura-a vreariljei di-a Hristolui, tini Nestor
maceniclu, vecljul ahurhitor a dubãrailjei ãl chisashi, cara niseshi ca un
livendu bãrbat la tãljeari, dipriunã cãntãnda-Lji al Dumidzá: Aliluia!
Icoslu 5
Cu vula-a Hristolui cara ti simná Marli Macenic Dimitri, giuneashti u
pliğuishi, sãmte, inima di prici a dushmanlui shi chischina-ts sãndzã cara u
virsashi, clirunomlu-a amirãriljiljei din tser ti featsishi, shi noi, cara nã
hãrsim di vruta-ts ãndrupari, ti alãvdám ashitsi:
Hãrsea-ti, tini mushutsãtlu cu aleapti doruri!
Hãrsea-ti, tini vrutlu macenic a Hristolui!
Hãrsea-ti, tini cari fãduleatsa-a amirálui u sãyitashi!
Hãrsea-ti, cá siryeanea-a pãngãnjlor di pi arena u surpashi!
Hãrsea-ti, tini cari bãrbãteashti niseshi la tãljeari!
Hãrsea-ti, tini dultsea ãmbunari-a crãshtinjlor!
Hãrsea-ti, cá inima-a znjearcãljei prici u pliğuishi!
Hãrsea-ti, cá giuneatsa-a stihiùlui, cu pistea-a Hristolui u-anãchisishi!
Hãrsea-ti, tini clirunomlu-a banãljei fãrã di moarti!
Hãrsea-ti, tini ağliğurlu agiutor a nostu!
Hãrsea-ti, tini cari lji-agiuts lãndzidzlji!
Hãrsea-ti, tini cari lji-mbunedz ãnvirnatslji!
Condaclu 6
A Crutsiljei a Ta nã-ncljinám Hriste, cá prit putearea-a ljei tinireatsa-
al Nestor u featsishi s-lu-anãchiseascã atsel vecljul tu-arãeatsã. S-nu nã
alashi nitsi noi, cari cara u tinjisim putearea-a ljei, yinim cu nicurmatã
cãntari: Aliluia!
Icoslu 6
A Hristolui cara Lji-u dideshi curbani sãndza-a ta, tini maceniclu,
tserurli tsã lu-apruchearã geanlu ca unã ãnveastã nauùã musheatã, ceturli-
a sãmtsãlor cu harauùã ti-ashtiptarã, shi noi nicãdãrlji, cara u-avem umutea
tu agiutorlu-a pãlãcãriilor a tali, cu mirachi tsã li-adutsem aesti
alãvdãciunji:
Hãrsea-ti, fala-a macenitslor!
Hãrsea-ti, sãmta harauùã-a crãshtinjlor!
Hãrsea-ti, cãlãuzlu-a tsilor tu nivolji!
Hãrsea-ti, ãndrupãtura-a giunopaljlor!
Hãrsea-ti, tini apanghul a tirinsitslor!
Hãrsea-ti, ãmbunarea-a musheatslor gionji!
Hãrsea-ti, ãnvãrtushearea-a slaghlor!
Hãrsea-ti, tini putearea-a pistiljei crãshtineascã!
Hãrsea-ti, tini ãmbunarea-a crutsiljei!
Hãrsea-ti, cá a Hristolui, bash truplu-ts curbani tsã-l dideshi!
Hãrsea-ti, cá macenitsãljea-a ta inima-a draclui u spãnticá!
Hãrsea-ti, cá la iudimea-a vreariljei, pãhálu-a banãljei a ta ãl bãgashi!
Comdaclu 7
Armãtusit cu vetea-a crutsiljei a Hristolui, cari draclu-l surpá, sãmte,
vetea-a itrului, cara nã-nvitsa shi noi cu “alumta-atsea buna”, diptiunã Ãlji
Icoslu 7
Cu pistea-al Avraam cara tsã-l dideshi truplu-ts curbani, tini
Maceniclu, “a loclui a tağmãljei” ti fãtseshi clirunom, a noi, nicãdãrlji, cara
li tinjisim patimatli-a tali, aestã cãntari ts-u dám:
Hãrsea-ti, tini cari-al Avraam ãn tor ãlji imnashi ti pistea!
Hãrsea-ti, tini has ca Davidlu cu anãchisearea!
Hãrsea-ti, cá al Stefani protlu macenic ãlji cãlcashi tu tor!
Hãrsea-ti, cá u fãtseshi dimãndãciunea!
Hãrsea-ti, tini cari nindriptatea shi minciuna nu li strãxishi!
Hãrsea-ti, cá cu-apurarea-a slaghlor, Hristolu-L marturisishi!
Hãrsea-ti, atsel cari ti mutashi di ispetea-a crãshtinjlor atselji fãrã di
stepsu!
Hãrsea-ti, cá ti-apurarea-a lor, cu giunatic tu-alumtã intrashi!
Hãrsea-ti, tini apanghul shi vãrtusheatsa-a crãshtinjlor!
Hãrsea-ti, cá fushi hasma shi-arãzgãnsearea-a pãngãnjlor!
Hãrsea-ti, atsel tsi Lie pi suli lu-arcashi!
Hãrsea-ti, cá ti moartea-a lui musheatlu trup a táù fu tãljeat!
Condaclu 8
A marlii Dumidzá cara Lj-si-ncljinashi, Sãmte, curbani chischinã ti
fãtseshi, Hristolu cara-l marturisishi cu puteari, uruteatsa-a pustiseariljei u
spãstrishi, a Sãmtãljei Treimi nimãnjisitã cãntari lji-aduseshi: Aliluia!
Icoslu 8
Dimitri, Izvurlu ti Mir, dascal shi pãrinti cara tsã fu, ti ãnvãrtushe cu
pistea tu Hristolu shi cu semnul a crutsiljei cara ti vulusi, ts-u prufitsã
anãchiseari contra-al Lie. Shi tini, cu giuneatsã cara ti hiumãsishi, u-
anãchisishi putearea-a ehturlui, ti cari faptã noi, cu mirachi, aesti
alãvdãciunji tsã li dzãtsem:
Hãrsea-ti, tini cari cu vazi u frãmseshi al Lie adutseari-aminti!
Hãrsea-ti, cá inatea-a amirálui s-urnji ti-a ta cãzneari!
Hãrsea-ti, tini tsi li spuseshi pistea shi putearea-al Dimitri!
Hãrsea-ti, cá prit moartea-a ehturlui u tãljeashi chefea-a pãngãnjlor!
Hãrsea-ti, tini cari deadun cu Yi-Dimitri ti pãlãcãrseshtsã!
Hãrsea-ti, cá pãtsãshi deadun cu Izvurlu ti Mir!
Hãrsea-ti, tini cari Sãruna u-ascãpashi di nindriptati sh-di caimó!
Hãrsea-ti, cá prit giunaticlu-ts, pistea tu Hristolu u-nvãrtusheashi!
Hãrsea-ti, cá dit simitsa-a sãndzãljei a ta, nái crãshtinji fitursirã!
Hãrsea-ti, cá Yi-Dimitri, cu semnul a crutsiljei ti vulusi!
Hãrsea-ti, cá ãncurajeat di el, cu harauùã, ti macenitsãlji ãnchisishi!
Hãrsea-ti, cá cu frãndzearea-a caplui a minciunãljei, Hristolu-l
propoviduishi!
Condaclu 9
Ascãpãtorlu-a farãljei umineascã dit sclãviljea-a demunlui, ti lunjiná
tini, Sãmte Macenic, ta sã-nchirdãseshtsã silã shi, cara ts-u mushutsã
tinireatsa cu mintiminilji, a mushuteatsa-a truplui cu chischineatsa, ts-u
apreasi inima cu mirachea cari analtsã shi aprindi multi turlii di bunets. Ti-
atsea, cara tsã-l bãgashi truplu azapti contra-a aralilor patimati-a
crãshtinjlor din Sãrunã, nã ãnvitsashi shi noi dipriunã sã-Lji cãntám al
Dumidzá: Aliluia!
Icoslu 9
Ti fãtseshi shtitlu ti pistimenjlji-a Sãrunãkjei, Sãmte Macenic, cara u
curmashi vãtãmarea-a lor di ağra mirachi-al Maximian pi pultlu-al Lie, a
noi, ãncurajeats di vazea-a anãchiseariljei a ta, cu pricãnushteari, aestã
cãntari ts-u dzãtsem:
Hãrsea-ti, tini gionli pihlivan!
Hãrsea-ti, tini tinirlu-azvingãtor!
Hãrsea-ti, tini cari u-atimusishi mushuteatsa trupeascã!
Hãrsea-ti, tini cari u-nchirdãsishi doxa din tseruri!
Hãrsea-ti, cá vrearea-a Hristolui ti-ncurajá!
Hãrsea-ti, cá contra apishtsãljea, pistea ti-armãtusi!
Hãrsea-ti, tini cari truplu tsã-l bãgashi gardu ti minciuna!
Hãrsea-ti, cá azvindzearea-a ta fu gardul ti nichischineatsa!
Hãrsea-ti, tini cari u chusashi ağra mirachi-a pãngãnjlor!
Hãrsea-ti, cá lji-ascãpashi crãshtinjlji di nindreapta tãljeari!
Hãrsea-ti, tini apanghul a nostu tu aralili patimati!
Hãrsea-ti, tini samsarlu-a nostu ti sãmti fapti!
Condaclu 10
Cara ti fãtseshi samsarlu-a crãshtinjlor, tini maceniclu, cu scumpa-ts
sãndzã li-aspilashi aránjli shi li-mbunashi suschirárli-a Sãrunãljei ti
dimuneasca mirachi-a pãngãnjlor, shi deadun cu anghiljlji al Dumidzá Ãlji
cãntsã: Aliluia!
Icoslu 10
Cara ti fãtseshi ãndrupãtorlu-a nostu, sãmte, s-nu mãnjiseshtsã ta s-ti
pãlãrseshtsã ti nicãdãrlãchea-a scãdzutãljei fisi-a noastã, cá cara va nã-
nvãrtushedz cu cãldura-a vreariljei a ta, s-nã mutám, shi su-L doxãsim
Dumidzálu ti nivoljli-a tali shi s-tsã cãntám alãvdãciunji:
Hãrsea-ti, njel ni-amãrtios, cari singur ti duseshi ti tãljeari!
Hãrsea-ti, cá ts-u dideshi sãndza ti ãmbunarea-a fratslor!
Hãrsea-ti, tini cari ti Hristolu geanlu nu tsã-l njiluishi!
Hãrsea-ti, cá prit macenitsãljea banã fãrã di moarti ãnchirdãsishi!
Hãrsea-ti, cá ti fãtseshi curbani ta sã-lji muts atselji di-mpadi!
Hãrsea-ti, cá marea-ts vreari ti featsi cunushmai cu Hristolu!
Hãrsea-ti, cá tsã-nchirdãsishi loc timirachi!
Hãrsea-ti, cá ti fãtseshi shi-a nostu ağliğur ãndrupãtor!
Hãrsea-ti, cá aplicats dininti-a curbaniljei a ta yinim!
Hãrsea-ti, cá vãrtoasã ãndrupãturã aflám tu pãlãcãriea-a ta!
Hãrsea-ti, cá noi ti xitáseri la tini yinim cu-alãgari!
Hãrsea-ti, cá prit vrearea-a ta nã-mbunám!
Condaclu 11
La scamnul a Sãmtãljei Treimi cara s-anãltsá curbanea-ts, tini
maceniclu, deadun cu Marli Dimitri, dascalu-a táù, nimãnjisitã alãvdãciuni
lji-adutsem, cãntãndalui: Aliluia!
Icoslu 11
A Stopanlui a etslor, cu veti cara Ãlji lucredz, sãmte, demunlu tu silivari
di cilechi di-a giunaticlui a táù lu-arcashi, a noi, cu nicãdãrlãchi cara u
cãntám mãreatsa-a curbaniljei a ta, dipriunã cãntari-al Dumidzá ãlji dám,
shi u-alãvdám macenitsãljea-a ta:
Hãrsea-ti, tini cari ti fãtseshi hãsãviarlu-nã la Sãmta Treimi!
Hãrsea-ti, tini cari la scamnul a doxãljei, cu heruvinjlji, nimãnjisit
cãntsã!
Hãrsea-ti, tini cari-aladz deadun cu Marfli Dimitri!
Hãrsea-ti, cá deadun cu el u-nchirdãsishi cãruna tsi putes nu
mãrãnghiseashti!
Hãrsea-ti, atsel cari has ca shi el nã eshtsã samsar!
Hãrsea-ti, tini caldul ãndrupãtor a tirinsitslor!
Hãrsea-ti, tini cari cilãstãsishi ti diznjirdári tsireshtsã!
Hãrsea-ti, tini cari li-atimusishi miráchli trupeshtsã!
Hãrsea-ti, tini hiljlu-a hariljei!
Hãrsea-ti, tini cari-nchirdãsishi pishcheshi!
Hãrsea-ti, cari nã avdzã shi noi aplicatslji!
Hãrsea-ti, cá tini nã agiuts noi, curbisitslji!
Condaclu 12
Hristolu tsã li deadi harea-a pistiljei shi sila, cá cara va u portsã crutsea-
a macenitsãljiljei, tu numa-a Lui, s-u anãchiseshtsã tutã ehtsrãljea, ti featsi
urtaclu-a doxãljei din tseruri, iu, deadun cu ceturli di-anghilji, nimãnjisitã
cãntari ti-alãvdãciunji ãlji fats: Aliluia!
Icoslu 12
Isus, Hiljlu-al Dumidzá, cara tsã li vidzu njeata shi mushuteatsa-a
geanlui, tu chischina alãgari-a macenitsãljiljei ts-u apruche curbanea shi
cara ãl mushutsã caplu-a táù ghirghinescu cu cãruna-a pãlteariljei fãrã di
mãrãnghiseari, ti adapsi la ceata-a sãmtsãlor, ti tsi, cu ahãndoasã
aplicãciuni, cutidzám s-ts-u dzãtsem aestã cãntari:
Hãrsea-ti, ğrambolu faptu curbani!
Hãrsea-ti, musheata vreari-a Hristolui!
Hãrsea-ti, cá Lji-u hãrzishi a ta chischineatsã!
Hãrsea-ti, tini deadun cu Marli Dimitri tu sãmta uneari!
Hãrsea-ti, tini cari ãnchirdãsishi cãrunã tsi nu s-usucã puté!
Hãrsea-ti, tini arãvoana ti eta-a etilor!
Hãrsea-ti, tini cari multsã ãlji tricushi la pistea-a Hristolui!
Hãrsea-ti, tini tsi tu ceata-a sãmtsãlor, Hristolu ti tricu!
Hãrsea-ti, atsel cari ti noi deadun cu sãmtsãlji ti pãlãcãrseshtsã!
Hãrsea-ti, tini la scamnul din tser, ağliğur samsar a nostu!
Hãrsea-ti, cá ti-aqtselji tsi ts-u poartã numa eshtsã nimãnjisit
apanghu!
Hãrsea-ti, cá ti curbisitslji eshtsã ãndrupãtura-a umutiljei!
Condaclu 13
O, sãmte Macenic Nestor, chischina pirã-a tinireatsãljei shi
mushuteatsa-a truplui a táù li fãtseshi chischinã curbani-a Hristolui,
crãshtinjlji-a Sãrunãljei lji-ascãpashi di cheardirea pi nindriptati, noi, cari
suschirám cu ghigir, sum greauùa furtii-a pirazmadzlor, lishureadzã-nã, cu
ağunjisita samsarlãchi-a pãlãcãriilor a tali, cá deadun cu tini, s-putem sã-Lji
cãntám al Dumidzá: Aliluia! (Di trei ori).
Deapoaea s-dzãtsi
Icoslu 1
Tini sãmtul tu ghideri, cari cara nu li vrushi miráchli-a tinireatsãljei ts-
u bãgashi tu piriclju bana, shi ti-ncustashi la nicãdãrlãchea-al Lie shi-a
puteariljei a amirálui pãngãn, ca un njel nicãbãtli ti fãtseshi curbani ti
Hristolu, a crãshtinjlji ascãpats prit curbanea-ts, tsã spunea cu vreari
alãvdãciunji ca aesti:
Hãrsea-ti, tini crehtsãljea-a tinireatsãljei!
Hãrsea-ti, tini cari u-nchirdãsishi bana!
Hãrsea-ti, ascãpãtorlu-a crãshtinjlor!
Hãrsea-ti, tini cari-l surpashi atsel tsi-lji vãtãma crãshtinjlji!
Hãrsea-ti, atsel mushutsãtlu cu mushuteatsa!
Hãrsea-ti, tini vluisitlu di Marli Dimitri!
Hãrsea-ti, tini cari li-atimusishi miráchli-a tinireatsãljei!
Hãrsea-ti, tini marturisitorlu cutidzarcu-a Hristolui!
Hãrsea-ti, tini tsi ti-ncustashi-a ağreadiljei al Lie!
Hãrsea-ti, cá putearea-a lui di prici nu ti-aspãré!
Hãrsea-ti, tini cari umutea la Hristolu u-avushi!
Hãrsea-ti, tini cari di la El ni-anãchisitã puteari loashi!
shi
Condaclu 1
Hãrsea-ti, ashchirlálu fãrã di fricã-a Hristolui, cari, cara-l dideshi di
padi Lie, atsel cari ãlji vãtãma crãshtinjlji, u frãmseshi pirifanjea-a amirálui
Maximian, cara tsã fu dascal shi pãrinti Marli Dimitri, di la cari cara u loashi
coarda-a pistiljei, ãnchisishi ti-alumtã – has ca shi Davidlu, cari u vãtãmashi
marea silã cu pleashtea-a nicãbãtlãchiljei a ta, a crãshtinjlji-a Sãrunãljei lji-
ascãpashi cu sãndza-a macenitsãljiljei, ti tsi cu nicãdãrlãchi tsã cãntám:
Hãrsea-ti, Sãmte Macenic Nestor!
SÃMTULUI NICODIM DI TISMANA
BANA SHI FAPTILI-A SÃMTULUI NICODIM DI TISMANA

Tu calendarlu-a sãmtsãljiljei crãshtineascã, pi 7 di-Andreù Bana cãlugreascã la
Valahutslji ahurheashti nica dit protili secoli crãshtineshtsã... Informatsiili tsi li-avem ligati di
soea, anjlji ficiureshtsã, tinireatsa shi-ntreaga banã-al Nicodim pãnã la vinita-a lui tu Tsara
Romãneascã suntu multu oarfãni. Multsã di istoritslji-l lugursirã cà taha eara Grec di soi, icà
Grec dupã tatã shi Sãrbu dupã dadã, bileam shi soi cu cneazlu Lazar a Sãrbiiljei. Altsãlji, di
cari shi marli om di carti Nicolae Iorga, lugursescu cà s-trãdzea di-unã familii di-Armãnji
di-anvãrliga di Pãrleap, dit Machidunii (suml. a n.) Ashi zate shi s-tulmãceashti cà titsi el vini
tu locãrli-a noasti shi sã spusi ahãt di multu ligat sufliteashti di miletea valahuteascã. Cara ãlji
cãnushtea ãndoi di cãluğãrlji di Ayi-Nor, fudzi cu elji pri-ascumta, trapsi mãnã di tuti-averli
shi doxãli tsi-a lj-si cãdea tu loclu-a lui. Shidzu un chiro la mãnãstirlu Hilandar, iu ğuminlu lu-
apruche ca “frati”. Nãùlu ucenic a Ayi-Norlui li-nvitsà dip salami gãrtseasca shi slavoneasca
limbã, ama adunà shi multi-nvitsãturi dit càrtsãli-a Sãmtsãlor Pãrintsã shi-a scriitorlor
bãsericheshtsã. Pistea-a lui di curbani, vrearea-a lui tsi u-avea ti tuts, mirachea ti-atseali bunili
sh-ti hãiri, aplicãciunea, preasinli shi pãlãcãriea nimãnjisitã, ãl featsirã avdzãt la tuts, ashi cà
anda vini oara, dupã trei anji di ucenitsãlji, lj-si deadi vidzuta anghileascã-a cãluğrimiljei, shi
u lo numa di Nicodim. Fu hirotonisit ti ierudiacon, a ti shcurtu chiro ti preftu-ieromonah.
Tinjisit di tuts, dicara tricu tu bana di daimalui ğuminlu, sãborlu-a mãnãstirlui lu-aleapsi ti cap
a sutsatãljei cãluğreascã di Hilandar. Shi tu-aestã slujeari sã spusi un nintricut domnu shi bun
dascal a cãluğãrlor, cara s-alãmãsea dzuùã-noapti cu elji, tu preasini shi pãlãcãrii, tu copiarea-
a manuscrisilor shi-altili lucãri tsi s-cãfta di cinlu cãluğrescu.
Ama, cara vrea unã bana ma cu-arãhari, cuvioslu Nicodim pi-ascumta fudzi di Ayi-Nor
shi s-dusi tu arãdzãmlu di Claduva, la loclu tsi s-dzãtsi Shaina, aproapea di Duna (dininti-a
cãsãbàlui Drobeta, Turnu Severin di-azã). Deadun cu ucenitslji cari s-adunarã anvãrliga di el,
aclotsi adrà unã bãsearicã njicã cu hramlu Sãmta Treimi (Aiu-Triada). Traditsiea popularã
sãrbeascã lji-u bagã-a lui shi adrarea-a mãnãstirilor Vratna shi Manastiritsa, tu arãdzãmlu
Craina. Ama ti shcurtu chiro, aestu arãdzãm fu loat, ti-ndoi anji, di vãsiljelu-a Mãgiriiljei
Ludovic atsel Marli, cu tsi dinãoarã shi vãrtos s-acãtsà di lucru ti asprãndearea-a
catolitsismului, tsi s-adra di cãluğrlji frantsiscanji. Cara fu-ashi lucurlu, cuvioslu Nicodim tricu
pit locãrli dit vitsinatã di cãtã Aratsili-a Dunãljei, pi loc valahutescu. Aclotsi adrà un altu
mãnãstir, Voditsa, poati cà pi loclu-a unãljei ma veaclji casã di sihashtsrã, ca un tsentru ti-
apurari ortodoxã la sinurlu cu statlu mãgirescu catolichescu. Nai ma veacljea adutseari-aminti
ti treaca-al Nicodim tu Tsara Romãneascã s-featsi tu unã veaclji hrisovulã-a domnitorlui
Vladislav (Vlaicu) Vodà dit anlu 1372, cu cari el didea baia pishcheshi ti mãnãstirlu Voditsa,
adrat shi zuğrãfsit cu indatea-al Nicodim, “cu lucurlu-a lui shi-a fratslor” sh-pi pãradzlji-a
domnitorlui. Cu-aestã hrisovulã, a mãnãstirlui lj-si didea ma multi hori, stranji shi vasi ti
liturghii, scoasã di niscãntili dàri cãtã dinastiea. Sã-ndreapsi ma-nclo cà mãnãstirlu s-treacã tu
“samovlasiti”, tsi va s-dzãcã unã ctitorilji tsi lipsea singurã sh-li scoatã hàrgili, scoasã di caritsi
s-hibã puteari di nafoarã, s-hibã cumãndãsit di sãborlu-a lui, ashi cum eara shi Ayi-Norlu,
sistem tsi cuvioslu Nicodim u-adusi sh-tu Tsara Romãneascã. Tu chirolu pãnã shidzu Voditsa,
Nicodim featsi parti di unã misii pitricutã-n Poli ta sã-ndreagã unã-mbunari anamisa di
Bãsearica Ortodoxã Sãrbeascã shi Patriarhiea ecumenicã, anamisa di cari avea niscãnti
neacãchiseri. Patriarhlu Filotei lj-lu deadi-a cuvioslui Nicodim cinlu di arhimandrit, cu-
ndreptul cà s-asãmtsascã bãserits, ma shi cumãtici di oasili-a Sãmtsãlor Ignatsiù Teoforlu, Oani
Gura di Malãmã shi-a maceniclui Teofil, cari shi pãnã-azã s-tsãn, ca multu scumpi hàri, la
mãnãstirlu Tismana.
Cuvioslu Nicodim nu pãtu cà sh-dip multu s-armãnã tu tãrhiea-a mãnãstirlui Voditsa.
Nica di nãinti di-anlu 1376, arãdzãmlu-a Severinlui, iu eara curdisit mãnãstirlu, fu loat di
vãsiliea mãgireascã. Cara furã-ashi lucãrli, trapsi ta s-aflã un loc ma uidisit ta s-adarã un nàù
cathio ti banã cãluğreascã. Loclu-atsel lu-aflà pit pàrtsãli di cãtã Aratsili-a Olteniiljei, tu valea-
a arãùlui Tismana, la poljli-a muntsãlor. S-pari cà, di-atsea cà cum shi-u featsi borgea cu misiea
tsi lj-fu datã-n Poli, tora lj-si deadi shi un agiutor material di partea-a cneazlui Lazar a Sãrbiiljei.
Lucãrli cu-adrarea dusirã baia anji, sum domnitorlji Radu I (cca 1377 - cca 1383) shi Dan I
(cca 1383-1386), cari lj-deadirã shi multi pishcheshi. Un lucru tsi hãrsea fu shi-atsel cà pi la
anjlji 1383-1384 Severinlu tricu sum domniljea-a Tsarãljei Romãneascã. Cuvioslu Nicodim
pãtu di u lo shi cumãndãsearea-a mãnãstirlui Voditsa. Ashitsi, multu-mbar li cumãndusi daùli
mãnãstiri, pãnã tsi muri. Traditsiea lji-u bagã ca-a lui shi adrarea-a protilor casi mãnãstireshtsã
di Toplitsa (ningã Voditsa), Coshushtea, Gura Motrului shi Vishina, tuti tu Oltenii, ma shi
Prisloplu, tu Tsara Romãneascã. Dealihea-i cà eali furã ctituriti di ucenitslji-a lui, ma tu eali s-
tinjisirã idghili-aràdz di banã cãluğreascã tsi li-avea bãgatã el Voditsa shi Tismana.
Cuvioslu Nicodim eara un consultu-mbistimen a domnitorlui Mircea-atsel aushlu (1386-
1418), cari deadi ma multi pishcheshi tu pãradz shi ciuflichi ti-atseali dauùã mãnãstiri. Avem
shi-ndauùã hãbàri ligati di activitatea cultural-teologhicã-al Nicodim. Easti zborlu ti unã
corespondentsã tsi u-avu cu atsel dit soni patriarhu di Tãrnuva, dit Vãrğãrii Sãmtul Eftimiù,
cari niscãntsãlji di istoritslji-l lugursescu ti-“Armãn” (suml. a n.). Eara un teolog avdzãt shi
multu tinjisit tu statili ortodoxi, ashi cà multsã di ierarhilji shi teolodzlji lj-cãfta tulmãceari ti
multi di problemili dogmatitsi shi morali. Armasi suntu dauùã càrtsã-a tsilui patriarhu pitricuti
cãtã Nicodim di Tismana: tu prota lji-apãndãsea pi sheasi-ntribàri tsi lj-li-avea bãgatã-n ligãturã
cu anghiljlji, a tu-alantã lj-didea tulmãceri ligati di chischineatsa moralã-a tsilor tsi vrea su-l
ljea Mistiriul a Priftamiljei.. Dit xitãsearea-a ãntribàrlor bãgati di cuvioslu Nicodim s-veadi cà
el nu fu mash un bun organizator a banãljei cãluğreascã, ma shi un cãnãscãtor cu fimelj a
Sãmtãljei Scripturã, un cãluğru cu mirachea cà s-li shtibã shi s-li lucreadzã ghini len-turlii di
problemi teologhitsi. Ca pi la anjlji 1404-a405, cuvioslu Nicodim caligrafsi pi pergamentu un
musheat Tetravanghelj tu limba bãsericheascã slavoneascã, shi easti protlu manuscris cu unã
datã sigurã a tsi-i ãnğrãpsit pi loc valahutescu. Easti un manuscris di unã mari mushuteatsã
artisticã, cu multi mushutets (frontiscriptsii, initsiali, titluri cu ğrami hrisusiti), cu unã
aruficãturã di-asimi, pi cari suntu spusi Ãncãrfãsearea shi Ãnyearea-a Domnului. S-
pistipseashti cà aestu musheat manuscris fu copiat la mãnãstirlu Prislop, dit pàrtsãli-a
Hatseglui, iu s-avea traptã, di mirachea cà ta s-bãneadzã sh-tu nica ma mari singurãtati.
Nica di-anda yiù, cuvioslu Nicodim fu hãrzit di Dumidzàlu cu harea ti adrarea-a
nishenjlor. Sã shtii ti tritsearea-a lui shi-a ierodiaclui a lui, ãnviscuts tu stranji, pit foc, fãr di s-
da di elji foclu; ti vindicarea-a unãljei featã, soi di-a vãsiljelui Sighismund a Mãgiriiljei, cari
eara-acãtsatã di-un duh nicurat shi ti-altili fapti ti ciudii. Ti tuti-aesti, ãmbistimenjlji crãshtinji
ãl lugursea ti “sãmtu” nica di-anda yiù.
Ti-atsea dit soni oarã easti adus aminti tu banã pi 23 di Brumar tu-anlu 1406, Tismana,
cãndu Mircea Vodà atsel Aushlu lj-deadi unã nauùã hrisovulã-a mãnãstirlui shi-a “pãrintilii
shi-a pãlãcãrsitorlui a domnjiljiljei a mea, a preftului Nicodim”. Dupã un mes, pi 26 di-Andreù
tu-anlu 1406, cuvioslu Nicodim fu grit di Domnul la El. Fu-ngrupat tu groapa di nãinti
ãndreaptã aproapea di bãsearica-a mãnãstirlui Tismana, tsi s-veadi shi-azã. Dinãoarã dupã
moartea-a lui, la groapea-a lui s-featsirã lucri ti ciudii, sh-ma multu vindicàri di lãngori, semnul
cà Dumidzàlu lu-avea faptã cãdãr cu cãrunjli-a sãmtsãljiljei. Cuvioshlji cãluğãri dit frãtsãljea-
a Tismanãljei li scoasirã oasili sh-li bãgarã tu unã sfinduchitsã, tsi cu tinjii fu bãgatã tu
bãsearica-a mãnãstirlui. Traditsiea spuni cà, dupã ma multsã anji, cara furã tu piricljiu cà s-hibã
loati, Sãmtul Nicodim lj-si spusi tu yis a unlui cãluğru, deapoaea shi-a ğuminlui, shi lã dimãndà
cà sã-lji li-ascundã oasili, shi alãsarã mash un dzeaitu ti-mbunarea-a ãmbistimenjlor. Eali furã
ascumti tu locãri ascumti, ma cu chirolu lã si chiru torlu, ashi cà azã nu sã shtii cà iu suntu. La
mãnãstirlu Tismana s-tsãni dzeaitul mash ti cari spush shi-ndauùã vasi tsi furã-a lui: unã crutsi
di mulidi, un pitrafil shi unã bedernitsã.
Ti bana-a lui timirachi, ma sh-ti nishenjli-a lui shi multili-a lui alãmãseri tu slujearea-al
Dumidzà shi-a ãmbistimenjlor, Sãmtul Nicodim cu evlavii easti iurtusit cafi-an pi 26 di-
Andreù, deftura dzuùã dupã Cãrciun, cãndu-i shi sãrbãtoarea tsi lj-si dzãtsi Sãborlu-ali Stã-
Mãrii. Slujba-a lui s-aflã, pi-aestã datã, maljiudzã tu tuti Mineili ti meslu-Andreù, tsi furã
stãmbusiti pi limba valahuteascã. Niscãntsãlji di imnografanjlji lu-adrarã deapoaea Acatistul
shi Paraclislu-a Sãmtului Nicodim. Vidzuta-a lui easti zuğrãfsitã tu multi bãserits
valahuteshtsã, sh-ma multu dit Olteniea.
Sãmtul Nicodim armãni, sh-ma multu ti noi, ãmbistimenjlji Armãnji, ca unã di
dealihealui mustrã ti vãrtusheatsã duhovnicheascã, ca un mari apãrãtor a pistiljei ortodoxã, ca
un tsi u diftursi bana cãluğreascã pi loc valahutescu.
Bibliografii: Ierom. Stefan de la Tismana, Viaţa preacuviosului pãrintelui Nicodim

sfinţitul.., ed. Iosif Bobulescu, Bucureshti, 1883, XI+82 p. (ed. II, Craiova, 1935); EMIL
TURDEANU, Les premiers ecrivains religieux en Valachie: l’hegoumene Nicodeme de
Tismana et le moine Philotee, in Revue des etudes roumaines, Paris, 1954, p. 114-144; E.
LAZARESCU, Nicodim de la Tismana şi cultura românească, în Romanoslavica, Istorie, XI,
1965, p. 237-284; Victor Bràtulescu, Sfãntul Nicodim, in MO, an. XXII, 1970, nr. 5-6, p. 587-
598; PATRICIA CODAU, Cuviosul Nicodim cel sfinţit de la Tismana, in BOR, XCIII (1975),
nr. 1-2, p. 194-207; NESTOR VORNICESCU, Cuviosul Nicodim de la Tismana, ctitor de
sfinte locaşuri, in MO, XXVIII (1976), nr. 11-12, p. 923-931 (alte studii in acelasi numàr al
revistei); VIOREL IONITSA, Cuviosul Nicodim cel sfinţit de la Tismana, in vol. Sfinţi
români şi apărători ai legii strămoşeşti, Bucuresti, 1987, p. 299-305.
Dupã cartea: Pr. prof. dr. Mircea Pàcurariu, Sfinţi Daco-Români şi Româãni, Edit.
Mitropoliei Moldovei şi Bucovinei, Iashi, 1994, fr. 64-68.
ACATISTLU-A SÃMTULUI NICODIM

DI TISMANA
Arhimandritlu-a Lavrãljei a Sãmtului Mãnãstir Tismana

dit Olteniea
(26 di-Andreù – stil valahutescu)
Troparlu-a Sãmtului Pistimen Nicodim di Tismana, glaslu 1:
A tsilui tsi fitursi dit Ghirghina, a Ma-marlui a picurarlor, ca oai dit

cupii imnashi dupã pãrintili-a nostu Nicodim. Cu preasinli, cu ğrãpniea shi
cu pãlãcãriili ti fãtseshi argat lãcãrtor asãmtsãt di-atselji din tseruri,
yiptripsindali geanurli-a tsilor cari yin la tini cu pistusini. Ti-atsea dzãtsem:
Doxã-a Tsilui cari ti featsi dip-avdzãt tini; doxã-a Tsilui cari tsã deadi-a tsáia
puteari; doxã-a Tsilui tsi lã spusi-a tutãlor ãndriptari:
Dupã-ahurhita di-aradã sã spun Condacurli shi Icusli
Condaclu 1
Tini cari nã li spuseshi atseali din tseruri sh-di marea hãiri,

alãvdãciunjli tsã li spunem a tsáia noi sclailji-a tálji, ca la un mari-apanghu;
shi ca-a unlui tsi-ai mari cutidzari la Domnul, ascapã-nã noi dit tuti ghiderli,
ta s-tsã cãntám a tsáia: Hãrsea-ti, tini cari fãtseshi ciudii, Pãrinte Nicodim!
Isoslu 1
Anghiljlji din tseruri ti-alavdã tini, Dip-pistimene Pãrinte, cara s-

ciudusescu pi bana-a ta ma-nsus sh-di fisea; shi unjida di cãluğri, lácãrnji ti
harauùã tsã aduc a tsáia, cu-atsea tsi cãntã ahtári niscãnti zboarã:
Hãrsea-ti, ciudiea-a anghiljlor!

Hãrsea-ti, cheardirea-a demunjlor!
Hãrsea-ti, diznjirdarea-a paradislui!
Hãrsea-ti, anghilu-a Hariljei!
Hãrsea-ti, cãruna-a pistimenjlor!
Hãrsea-ti, arãvoana-a geanurlor a noasti!
Hãrsea-ti, apanghul a lavrãljei a ta!
Hãrsea-ti, atsel tsi-lji bãgashi pi cali bunã cãluğrilji!
Hãrsea-ti, videala tsireascã!
Hãrsea-ti, arãhatea-a tsilor tu-ananghi!
Hãrsea-ti, vaslu tsi poartã Duh Sãmtu!
Hãrsea-ti, harauùa-a tsilor dit irnjii!
Hãrsea-ti, Pãrinte Nicodim, tini tsi fats nishenji!
Condaclu 2
Cara ti spuseshi nica dit anjlji ficiureshtsã cá u vrei bana-a anghiljlor,

Pãrinte Nicodim shi, cara ti duseshi Ayi-Norlu, ti-arcashi pi lucrili nai ma
sarpili-a cãluğtolor, di sh-si ciudusea sihashtsrãlji tuts dit Ayi-Norlu pi pira-
a sivdailjei dumidzeascã tsi ardea tu tini shi, iurtusinda-l Dumidzálu, cãnta:
Aliluia!
Icoslu 2
Lavra-a Hilandarlui s-hãrseashti cá lj-si dusi cãrpo dip-vluisit di os

domnescu criscut shi, tu cari Duhlu-al Dumidzá fatsi-arãhati, shi noi
ciudusits ti purtarea-a Hariljei tsi lunjineadzã tu tini, pãrinte, cu harauùã li
cãntám ahtári niscãnti zboarã:
Hãrsea-ti, fala-a Sãmtului Munti!
Hãrsea-ti, di Dumidzá dip lunjinata minti!
Hãrsea-ti, tini cari li vrei nivoljli-atseali sãmtili!
Hãrsea-ti, tini cari li vrushi shtiintsãli dumidzeshtsã!
Hãrsea-ti, videala-a Armãnjlor!
Hãrsea-ti, inima di hareili-a Duhlui ãmplina!
Hãrsea-ti, fimnjeama cu bunã-anjurizmã!
Hãrsea-ti, harea-a noastã ti-atselji bunjlji!
Hãrsea-ti, tini isa cu-a ta soi dupã trup, Sava-atsel Asãmtsãtlu!
Hãrsea-ti, cá tu sãmta-a lui lavrã ghini ti pidipsishi!
Hãrsea-ti, tini tsi fushi omlu din tser!
Hãrsea-ti, atsel cari eshtsã anghil di pristi loc!
Hãrsea-ti, Pãrinte Nicodim, tini tsi fãtseshi nishenji!
Condaclu 3
Tini tsi-nsus fushi ti lavrili di Sãmtul Munti, dip-pistimene pãrinte,

fatsa-a duhovnicheshtsãlor ghideri ti spuseshi, a noi, tini ca-apanghu cara ti-
avum, cu harauùã Ãlji cãntám a Domnului: Aliluia!
Icoslu 3
Gritã di la Dumidzá cara avushi, sãmte, ta s-ti duts tu Vlãhii ta s-adari

fucurinji ti videalã duhovnicheascã dupã arada di la Ayi-Norlu, bãhcelui-a
Dadãljei al Dumidzá tsi easti vluisitã, nu-amãnashi s-li bitiseshtsã lucãrli,
dip-pistimene, shi tora multsãlji cãluğri, ca lishlu-a pidimadzlor
cãluğreshtsã, tini cara ti-aù, alãvdári ca di-aesti tsã-aduc dipriunã, shi dzãc
ashi:
Hãrsea-ti, videala-a cãluğrilor!

Hãrsea-ti, tini háidili-a noasti, cari itsido di pon ağãlisescu!
Hãrsea-ti, tini dultsili tsi ti pidipseshtsã!
Hãrsea-ti, tini tsi li-ai tuti hárli dumidzeshtsã!
Hãrsea-ti, tsi u bãgashi pi-aradã bana-a cãluğrilor!
Hãrsea-ti, atsel cari atselji dit irnjii lji-nvãrtushedz!
Hãrsea-ti, pãrinte, agiutorlu-a tirinsitslor!
Hãrsea-ti, tini tsi li-avinji duhurli pãngãni!
Hãrsea-ti, tini tsi Lu-ai cu tini Dumidzálu!
Hãrsea-ti, apanghul a nostu di tuti-arãetsli!
Hãrsea-ti, dip imirlu picurar!
Hãrsea-ti, apurãtorlu-a Ortodoxiiljei!
Hãrsea-ti, Pãrinte Nicodim, cari fats nishenji!
Condaclu 4
Cara vidzushi cá marli Andoni tsã dimãndá ta s-trets tu Tsara

Romãneascã, nu-amãnashi, sãmte, shi paltul cara-l tiseshi pristi undili-a
Dunãljei, tricushi, pãrinte, pi mealu valahutescu, shi-Lji cãntashi-al
Dumidzá: Aliluia!
Icoslu 4
La Oráshtie cara tricushi tu Tsara Romãneascã, ta s-lu adari sãmtul

mãnãstir, ti pidipsishi pãrinte, shi Vlaicu Vuivudálu ts-u featsi mirachea, shi
cu-aplicãciuni tsã dzãsi-ashi vãrã turlii:
Hãrsea-ti, anghil a bunilor hãbári!

Hãrsea-ti, cari li-ahurhishi arádzli cãluğreshtsã!
Hãrsea-ti, cá undili-a Dunãljei ti-ascultarã!
Hãrsea-ti, cá marli Andoni, patronlu-a táù, ti vluisi!
Hãrsea-ti, harauùa-a Basarabeanjlor!
Hãrsea-ti, cá elji, ca ti soi dupã trup vor ta s-ti shtibã!
Hãrsea-ti, cá Ungro-Vlãhiea s-hãrseashti!
Hãrsea-ti, cá ca hilj dip multu vrut ti-ashteaptã!
Hãrsea-ti, cá la Voditsa cathio ti sihashtsrã mãstrãpsishi!
Hãrsea-ti, cá pidimolu-a táù Dumidzálu-l vluisi!
Hãrsea-ti, videala-a Banatlui!
Hãrsea-ti, cá hiljlji-a tálji tu duh cu mari-aplicãciuni-al Dumidzá sã-
ncljinã!
Condaclu 5
Ashi cum tserbul uscat ti-apã s-dutsi la izvurli ti-apã, ashitsi shi
geanlu-a táù, pãrinte, prit dumidzeasca gritã s-dusi la Cascada-a Apilor ca
Cristalu shi cara tsã-aleapsi cathio tu pishtireauùã, cu anghiljlji deadun ãlji
cãntashi-al Dumidzá: Aliluia!
Icoslu 5
Dicara lu-avinashi dit pishtireauùã stihiùlu tsi ti fuvirsea, pãrinte,

paturdzáts di dzãli shi paturdzáts di noptsã li tricushi tu pãlãcãrii nicurmati,
cá Dumidzálu s-ts-u spunã mirachea-a Lui, iu s-u adari marea lavrã
ãncljinatã-a Dip-chischinãljei Dadã-a Lui shi cara ts-u featsi mirachea, cu
harauùã ãlji li cãntám aesti:
Hãrsea-ti, atsel cari tu pishtireauùã ti tirinsishi!

Hãrsea-ti, cá atseali tsi li vrushi tsã si featsirã!
Hãrsea-ti, tini tsi li vrei sãmtili nivolji!
Hãrsea-ti, tini cari li shtii análtsãli sãmtsãlji!
Hãrsea-ti, tini tsi li curdisishi lucãrli-al Dumidzá!
Hãrsea-ti, calea-a ceturlor di cãluğri!
Hãrsea-ti, tini cari ti-alinashi ãnsus!
Hãrsea-ti, tini cari li hãidipseshtsã ininjli crãshtineshtsã!
Hãrsea-ti, tini cari li vrei Sãmtili casi-al Dumidzá!
Hãrsea-ti, tini tsi li-ndredz casili-a Duhlui!
Hãrsea-ti, pãrinte, dascalu-a nostu!
Hãrsea-ti, tini tsi li tsãnji hárli-al Dumidzá!
Condaclu 6
Cara shidzushi pi unã cheatrã sh-ti pãlãcãrsishi trei dzãli shi trei
noptsã, pãrinte, ti-ncurpilje unã dumidzeascã videalã ca un stur di foc, din
tser shi pãnã-mpadi s-featsi, dit cari Domnul tsã dimãndá cá pi-atsel loc ti
Curbani s-adari cathio; cara fushi lunjinat di-aradza-a Sãmtului Duh, cu
lácãrnji di harauùã Ãlji cãntai al Dumidzá: Aliluia!
Icoslu 6
Cara-adunashi multsã ucenits, pãrinte, la Tismana unã mari lavrã

adrashi, iu, dzuùã-noapti, pãlãcãrii nicurmati s-anãltsarã cãtã la
Dumidzálu-a njiluerlor, cari prit tini fãtsea lucri mári dip doxãsiti; shi noi,
hiljlji-a tálji, tu cãldura-a Duhlui tsã cãntam ahtári niscãnti zboarã:
Hãrsea-ti, pãrinte, tsi noi nã bãgashi pi cali!

Hãrsea-ti, tini cari la Domnul cu cãldurã ti pãlãcãrseshtsã ti noi!
Hãrsea-ti, yishtearea ti pãlãcãrii tu cari-ari mistiriu!
Hãrsea-ti, dultsili cathio ti Sãmtul Duh!
Hãrsea-ti, hãidipsearea-a noastã!
Hãrsea-ti, ğrãpniea nicurmatã di pãlãcãriili!
Hãrsea-ti, atsel tsi ti umplushi di harea-a lácãrnjilor!
Hãrsea-ti, cá prit virsarea-a lácãrnjilor, ti fãtseshi cathiolu-a
Sãmtului Duh!
Hãrsea-ti, picurarlu-a cãluğrilor!
Hãrsea-ti, apanghul a crãshtinjlor!
Hãrsea-ti, videala-a Vlãhiiiljei!
Hãrsea-ti, lirá, ãmplinã di cãntari duhovnicheascã!
Hãrsea-ti, Pãrinte Nicodim tini, tsi fãtseshi nishenji!
Condaclu 7
Prit sãmtsãljea-a banãljei a ta, pãrinte, ti fãtseshi izoti ti mári hári;

ashi cá shi duhurli pãngãni, dit acãtsatslji di eali, li-avinai; shi la pistea
ortodoxã multsã di elji ãlji turnashi, dip-pistimene, ti tsi noi cu harauùã ti-
alãvdám tini, shi-al Dumidzá Ãlji cãntám: Aliluia!
Icoslu 7
Anda amirálu Sighismund vini la tini cu-alãgari, pãrinte, shi u cãftá

njiluearea-a ta ti hilji-sa, cari aráù eara tirinsitã di pãngãnlu duh nica dit
anjlji-a ljei ficiureshtsã shi cara u vidzu ascãpatã shi didip sãnãtoasã prit
samsarlãchea-a ta la Domnul, cu lácãrnji ti pricãnushteari tsã cãnta ahtári
niscãnti zboarã:
Hãrsea-ti, pãrintili-a háidilor!

Hãrsea-ti, mihlemea-a ponlui ti ininjli pistimeni!
Hãrsea-ti, ascãpãtorlu-a tsilor tsi yin la tini!
Hãrsea-ti, mihlemea duhovnicheascã-a geanurlor crãshtineshtsã!
Hãrsea-ti, ciudiea-al Sighismund!
Hãrsea-ti, ceareia dip-lunjinoasã-al Mircea!
Hãrsea-ti, cá Sighismund ti-ascultá!
Hãrsea-ti, cá el prit apa-a pãtãgiuniljei s-lunjiná!
Hãrsea-ti, dascalu-a Ortodoxiiljeo!
Hãrsea-ti, aspãrgãtorlu-a ereziiljei!
Hãrsea-ti, vruitorlu-a sãmtilor arádz!
Hãrsea-ti, dascalu-a bunãljei pisti!
Condaclu 8
Dãgoara-a foclui u-anãchisishi, cá shidzushi tu mesea di spuzã vãrã

dauùã sãháts shi cama, ãntreg cara-armãseshi, dip-paradistate shi, deadun
cu uceniclu-a táù, cara fushi tu mesea di piri, al Dumidzá Ãlji cãntai: Aliluia!
Icoslu 8
Cara cãdzurã pi mari ciuduseari Sighismund shi Mircea shi multsãlji

pistimenji cari eara aclotsi sh-ti vidzurã cum shideai tu mesea di piri tsi puea
s-ti moarã, pãrinte, shi u dip-mãreai atsea marea puteari-al Dumidzá, cari
ti-afirea, tsã cãnta cu-ahtári niscãnti zboarã:
Hãrsea-ti, tini tsi li nãstricushi zãconjli-a fisiljei!

Hãrsea-ti, ámplinlu di Harea dumidzeascã!
Hãrsea-ti, cá fisea-a foclui tsã si-aplicá!
Hãrsea-ti, cá tu mesea di piri anda shideai, cu duhlu earai ãnsus!
Hãrsea-ti, minti dumidzeascã!
Hãrsea-ti, anghil tu fisi umineascã!
Hãrsea-ti, cá u-ncurpiljedz itsido di minti!
Hãrsea-ti, cá-atselji tsi duc la pirazmo, ãlji fats imiri!
Hãrsea-ti, cá tuts armasirã cu gurili cãscati!
Hãrsea-ti, pãrinte, arsul di foclu-a sivdailjei!
Hãrsea-ti, sivdaea-a Sãmtului Duh!
Hãrsea-ti, mãreatsa-a sãmtãljei lavrã-a ta!
Condaclu 9
Cara vini chirolu cá s-fudz dit aestã banã, cãtã la Domnul, dip-
pistimene pãrinte, cu chiro tsã si featsi hãbari. Shi ti-atsea dit soni oarã cara
dipuseshi dit pishtireauùã tu sãmta lavrã, ti dip-lunjinata iurtuseari-a
Cãrciunlui, deadun cu ucenitslji-a tálji Ãlji cãntai a Ficiuriclui al Dumidzá:
Aliluia!
Icoslu 9
Mari cãhãri cãdzu pristi tuts, pãrinte, cara avdzãrã ti fudzearea-a ta

dit aestã banã, ama cara ãlji cãndãsishi cá va ti fats samsarlu dininti-al
Dumidzá ti elji sh-ti tuts atselji cari va s-caftã agiutor di tini tu ghiderli-a lor,
di harauùã tsã cãnta ahtári niscãnti zboarã:
Hãrsea-ti, samsarlu-a lavrãljei a ta!

Hãrsea-ti, dultsili háidi ti tuts cari caftã-agiutor di tini!
Hãrsea-ti, hrana duhovnicheascã!
Hãrsea-ti, vãrtusheatsa sufliteascã-a noastã!
Hãrsea-ti, anghilu vigljitor a Tismanãljei!
Hãrsea-ti, dultsili dascal a cãluğrilor!
Hãrsea-ti, cãrave duhovnicheascã!
Hãrsea-ti, isihã mãnicã di-amari ti-atselji tsi vor ta s-ascapã!
Hãrsea-ti, vluisearea-a noastã!
Hãrsea-ti, ascãparea ti scãnjisitili geanuri!
Hãrsea-ti, farlu tsi u portsã videala-a Duhlui!
Hãrsea-ti, mintea di-anghil, ãmplinã cu mintiminilji dumidzeascã!
Condaclu 10
Dip-alãvdatã easti mutarea-a Dip-pistimenlui Pãrinti-a nostu Nicodim

atsel sãmtul di pristi loc pi tser, shi noi s-nã naxinám di pusta dunjeai shi la
dumidzeshtsãli s-nã alinám, shi deadun cu el sã-Lji cãntám al Dumidzá:
Aliluia!
Icoslu 10
Yinits pistimenji, ta s-lu-alãvdám harishlu di-anamisa di sãmtsãlji,

dascalu-a cãluğrilor shi fala-a pistimenjlor, atsel dit lavra-a Tismanãljei shi-
a Gorjlui cãrunã, marli anamisa di pistimenjlji Nicodim, shi pi-unã boatsi
sã-lji cãntám di harauùã, ashi:
Hãrsea-ti, tini tsi nã li spunji cáljurli-a Domnului!

Hãrsea-ti, dascalu-a tsilor tsi nu li shtiù lucãrli!
Hãrsea-ti, steauùa tsi adutsi videalã dumidzeascã!
Hãrsea-ti, cá di-anda njic cara-L vrushi Hristolu, bana di pristi loc u-
atimusishi!
Hãrsea-ti, cá pi-anumirli-a tali li loashi giuglu-atsel bunlu shi
vãndachea-atsea lishoara-a Domnului!
Hãrsea-ti, tini tsi li-avinji duhurli pãngãni shi lji-agiuts atselji
bãtutslji di ghideri!
Hãrsea-ti, ascãpãtorlu-a featãljei drãcusitã shi nispusa harauùã-a
pistimenjlor pãrintsã-a ljei!
Hãrsea-ti, tini tsi-ağonjea lji-ndrupáshtsã crãshtinjlji!
Hãrsea-ti, háidili-a geanurlor scãnjisiti!
Hãrsea-ti, ãncurajearea-a tirinsitslor!
Hãrsea-ti, ascãpãtorlu-a nostu di cheardirea-al Lutsifer!
Condaclu 11
Putes nu va s-mãnjisim s-li spunem nishenjli-a tali, Pãrinte Nicodim,

cá li vindits lãngorli tuti shi tuts cari caftã-agiutor di tini avutlu cu njilã, dit
ghideri lji-ascachi. Ti-aestã cu harauùã cara ti-alãvdám, ãlji cãntám al
Dumidzá, Atsel tsi ti doxãsi tini: Aliluia!
Icoslu 11
Dimi cá daima la tini u-avem umutea, ti paradistám, Dip-pistimene

Nicodim, cá u mushutsãshi cãruna-a banãljei duhovnicheascã prit
dumidzeasca-ts sãmtsãlji, cari dupã ets ãntredz easti mustra ti geanurli tsi-
L caftã Dumidzálu shi cara nã dai harauùã, cu ivlavilji ti dip-mãrim shi cara
ti-alãvdám, tsã cãntám ashitsi:
Hãrsea-ti, nai ma scumpa mirgeanã, vãrtusheatsa-a banãljei

duhovnicheascã!
Hãrsea-ti, cãruna-a pistimenjlor shi vigljitorlu-a Tsarãljei
Romãneascã!
Hãrsea-ti, atsel cari cu dip-pistimenjlji shi sãntsãlji tuts bãnedz deadun!
Hãrsea-ti, clirunomlu-a doxãljei dumidzeascã!
Hãrsea-ti, tini tsi zburãshtsã deadun cu pistimenjlji!
Hãrsea-ti, mãtrita aleaptã-a pistimenjlor!
Hãrsea-ti, cá prit sãmtsãljea-a banãljei a ta, tuts ãlji umplushi cu
pistusini!
Hãrsea-ti, tini tsi lucrashi ti pãlãcãriea mistirioasã, cari easti coarda-a
Duhlui!
Hãrsea-ti, atsel cari coarda-a dushmanjlor nividzuts u frãmseshi!
Hãrsea-ti, cá duhovnicheasca clirunumii-a ta al Dumidzá Lji-u
dideshi!
Hãrsea-ti, apreasa cãndilã-a sãmtsãlor pidimadz!
Hãrsea-ti, cá pistimenjlji tuts cu pistusini ti caftã tini!
Condaclu 12
Cara nã ciudusim pi dumidzeasca-ts Hari, tsi da puteri dip-doxãsiti

prit sãmtili oasi-a tali, Pãrinte Nicodim shi cara nã minduim la-arádzli
scãntiljoasi cu cari Dumidzálu ti mushutsã, cu unã harauùã nispusã ãlji
cãntãm noi, pistimenjlji, a Fãcãtorlui di buneatsã: Aliluia!
Icoslu 12
Ti featsishi lishlu-a azaptiljei, pãrinte, shi cara ti umplushi di Harea

dumidzeascã, tuts ãlji lunjinashi, a noi prit tini, cara nã umplum di
duhovnicheasca anjurizmã, tsã cãntám cu-ahtári zboarã:
Hãrsea-ti, pãrinte!
Hãrsea-ti, arhimandrit!
Hãrseati, cathiolu-a hariljei!
Hãrsea-ti, sivdaea-a Sãmtului Duh!
Hãrsea-ti, lutseafir dip-doxãsit!
Hãrsea-ti, Domnul dip-mãrit!
Hãrsea-ti, dip-pistimene pãrinti!
Hãrsea-ti, tsã spunem prit sãmti duchimãseri!
Hãrsea-ti, bunlu picurar a nostu!
Hãrsea-ti, sotslu-a oarfãnjlor!
Hãsea-ti, ascãparea-a tirinsitslor!
Hãrsea-ti, lunjinarea-a prãmãsitslor di cali!
Hãrsea-ti, Pãrinte Nicodim, tini tsi-adari nishenji!
Condaclu 13
O, Dip-paradistatlu Pãrinte Nicodim, cara va u ljeai aplicata-a noastã

pãlãcãrii, caftã ti noi njilã di la-Atsel dip-Analtul, shi ascapã-nã di cafi un
pirazmo, scoati-nã dit pidimolu tsi va s-yinã, tuts noi cari ti-alãvdám tini,
shi-al Dumidzá Ãlji cãntám: Aliluia! (Aestu Condac s-dzãtsi di trei ori.)
Isoslu 1
Anghiljlji din tseruri ti-alavdã tini, Dip-pistimene Pãrinte, cara s-

ciudusescu pi bana-a ta ma-nsus sh-di fisea; shi unjida di cãluğri, lácãrnji ti
harauùã tsã aduc a tsáia, cu-atsea tsi cãntã ahtári niscãnti zboarã:
Hãrsea-ti, ciudiea-a anghiljlor!

Hãrsea-ti, cheardirea-a demunjlor!
Hãrsea-ti, anghilu-a Hariljei!
Hãrsea-ti, cãruna-a pistimenjlor!
Hãrsea-ti, arãvoana-a geanurlor a noasti!
Hãrsea-ti, apanghul a lavrãljei a ta!
Hãrsea-ti, atsel tsi-lji bãgashi pi cali bunã cãluğrilji!
Hãrsea-ti, videala tsireascã!
Hãrsea-ti, arãhatea-a tsilor tu-ananghi!
Hãrsea-ti, vaslu tsi poartã Duh Sãmtu!
Hãrsea-ti, harauùa-a tsilor dit irnjii!
Condaclu 1
Tini cari nã li spuseshi atseali din tseruri sh-di marea hãiri,

alãvdãciunjli tsã li spunem a tsáia noi sclailji-a tálji, ca la un mari-apanghu;
shi ca-a unlui tsi-ai mari cutidzari la Domnul, ascapã-nã noi dit tuti ghiderli,
ta s-tsã cãntám a tsáia: Hãrsea-ti, tini cari fãtseshi ciudii, Pãrinte Nicodim!
Pãlãcãrii cãtã la Sãmtul Pistimen Nicodim di Tismana
Sãmte Dip-pistimene Pãrinti Nicodim, cara va u ljeai pãlãcãriea njilãoasã-a

noastã, scoati njilã ti noi di la-Atsel Dip-Analtul. Ascapã-nã cu-agiutorlu-a táù, dip-
paradistate, di ghiderli tsi cad pristi noi, shi-ashi dipriunã s-ti doxãsim tini. U shtii
nicãdãrlãchea-a fisiljei a noastã, ama shi pistusinea u vedz shi shubeili li-avdzã; nu nã-
alasã, pãrinte, anda ti cãftám tini. Pãlãcãrsea-ti la Stopanlu, ti noi nicãdãrlji, s-li ljeartã
cãbársli-a noasti shi cu noi sã spunã vreari chischinã shi puteari s-u fãtsem buneatsa tutã,
ti doxa-a Dip-sãmtãljei Numã-a Lui. Tini ti cãftám shi-a tsáia nã pãlãcãrsim: agiutã-nã,
pãrinte, cá shi tsicara cá alutusim di pirazmolu-a aráùlui, ma cu inima chisatã tini ti
cãftám s-nã veglji di sãyita-atsea tsi vatãmã a demunlui atsel dushman a nostu, cari ti
moarti li pliğueashti ininjli-a noasti. Ashi cum ãlji njiluishi tuts cari ti cãftarã cu pistusini,
shi-lji vindicashi di nicãdãrlãchea-a lor shi feata tirinsitã di duhlu pãngãn cum u-
ascãpashi, ashitsi shi noi, pãrinte, ascapã-nã di nicãdãrlãchea-a noastã sufliteascã shi
trupeascã shi, cu-agiutorlu-a táù cara s-him ascãpats, doxã, hristuseari shi ãncljinari
daima sã spunem: a Tatãlui shi-a Hiljlui, shi-a Sãmtului Duh, tora shi daima sh-ti eta-a
etilor. Amin!
YI-NICOLA DI AMINCIU
Nicola Bazdani s-featsi tu unã taifã armãneascã dit armãnescul cãsãbic Aminciu,
atumtsea tu Amirãriljea Turtseascã sshi azã sum ocupatsiea-a Veacljiljei Pãshilãchi Turtseascã
– Gãrtsiea. Taifa-a lui eara tu unã neagiundziri. Ta shi scoatã ti bãnatic tinirlu Nicola s-featsi
huzmichear la un cilipar di Tricala, tu armãneasca Tesalii. Cara li-avea pi el ni-agiundzirea-a
taifãljei a lui ama shi-a lui insushi, s-arishi ta s-arniseascã di crãshtinamea shi tricu tu islam, di
ispeti cá Turtsãlji tu-atsel chiro eara cu mári benefitsii.
Ghini ma, nu dupã multu chiro, cara ãlji vini greù ti lucurlu tsi-l featsi cu tritsearea tu
islam, tinirlu Nicola ãl lo dorlu ti crãshtinamea-a lui shi vru ta s-toarnã iara nãpoi. Atsel pon tu
gean ama shi dorlu cá ta sã-lji veadã soea-lji shi oaspitslji sh-si turná Aminciu, cãsãbiclu iu s-
avea aflatã shi iu avea criscutã. Aclotsi nu fu ghini ashtiptat shi fu cãtuğursit di-a lui shi di
oaspitslji. S-dusi la un preftu shi cara lj-si plãmsi cá tsi mari alatusi featsi, preftul ãl ljirtá shi el
iara sh-si featsi crãshtin shi s-alãxi tu stranjili armãneshtsã. Iara vru ta sh-si toarnã Tricala iu s-
avea arnisitã di crãshtinamea. Ashi cum sã spuni tu actul ti martirilji, aclotsi ãl cãnãscu vãrã
birbel, shi-l duchi cá Nicola cama nu sã-nvishtea tu stranjili turtseshtsã. Birbelu-atsel lu-acãtsá
shi-l prideadi la ma márlji-a cãsãbálui. Cara s-aflá tu-atsel foc di avinari, Nicola iara s-arnisi di
Hristolu shi tricu tu islam.
Tsicara cá shi-u ascãpá bana, geanlu-lji nu afla arãhati. Ti-atsea iara s-dusi la preftul cari
prota oarã s-avea njiluitã cu el shi-lji ljirtá alatusea tsi u featsi shi iara ãl featsi crãshtin shi-l
turná la Hristolu. Cara lu-avdzã shi deftura oarã cu cãt caimo sh-si jilea Nicola, preftul iara lji-
u ljirtá alatusea shi-ashi sh-lu ascapã geanlu.
Ashitsi, Nicola iara s-dusi Tricala. “Crãshtin mi feci, crãshtin escu shi ca crãshtin voi ta
s-mor” – spusi dininti di multsã oaminji cari-l cãnãscurã shi lu shtea cá avea tricutã tu islam.
Turtsãlji ãl bãturã fãrã di njilã shi lu-ncljisirã tu unã udai scutidoasã, fãrã apã shi mãcari. Pi
dzuùa di 17 di Mai tu-anlu 1617, Turtsãlji apreasirã un foc mari tu mesea di Tricala shi lu-
arcarã tu mesea di piri. Ashitsi shli ãnchirdãsi sãmtul Nicola cãruna di macenic shi Amirãriljea
din Tseruri.
YI-NICOLA DI OHÃRDA
Dit putsãnili dati ti bana-a Sãmtului patriarh Nicola di Ohãrda poati sã si spunã, cá el
eara dit chirolu-a amirálui Samuil, shi cá bãná dupã chirolu-al Iul-Clim di Ohãrda, ama cama
ninti di sãmtsãlji dit secolili 11-12. Sh-tsicara cá di nai ma multili ori lj-easti data titula di
arhiepiscop, sãmtul u purta titula di “patriarhlu-a Vãrğãrlor”. Ti el aduc aminti dauùã
documenti pi limba gãrtseascã, cari fãrã di-altu cá eara bazati pi ãnğrãpsiti haghiografii pi
proaspitili amiintir di-a Slavanjlor i ti sãmtul. Una di eali easti anexlu la istoriea vãrğãreascã
“Sãmtsãlji di-a miletiljei vãrğãreascã”, shi alantã – shcurta haghiografii ti sãmtul printsipi Ivan/
Iani Vladimir. Tu-atsea haghiografii s-adutsi aminti, cá “sãmtul arhiepiscop di Ohãrda shi
mintimenlu Nicola Tamaturglu” ãl prãxi tinirlu printsipi Vladimir ghini shi pi calea-al
Dumidzá. Cãndu sãmtul patriarh Nicolai featsi ahãt di vãrtoasã influentsã pi printsipilu
Vladimir, nu sã shtii.
S-poati cá tu putsãnjlji anji di arhiepiscopilji-a sãmtului Nicola cãsãbálu Ohãrda s-fu

adrat tsentrul a Arhiepiscopiiljei- patriarhiiljei di Ohãrda, ama el nai ma multu chiro tritsea pi
nisiea Sãmtul Ahil dit Njica Baltã di Preaspa (azã sum ocupatsii-a Veacljiljei Pashalãchi
Turtseascã – Gãrtsiea).
Multi nishenji featsi sãmtul Nicola. Lutsita Stã-Mãrii ãlji si furnjisi shi-lji dimãndá cá
ta su-l bagã sãmtul Ilarion ti episcop a Megleniiljei. Sãmtul Paisii di Hilendar ashitsi
ãnğrãpseashti shi tu “Istoriea-a Vãrğãrlor Slavianji”, cá sãmtul sãmtul Nicola muri Ohãrda pi
scamnul a lui.
Portreti di-a sãmtului Nicola di Ohãrda suntu zuğrãfsiti tu bãseritsli di Ohãrda “Aia
Sufii” shi “Iul-Clim atsel Njiclu”, a zuğraflu Zaharii ãl zuğrãfsi tu bãsearica-a Mãnãstirlui
Troian “Apudurnjearea-ali Stã-Mãrii”.
YI-NICOLA DI SUFII
17 di Mai
Aestu martir ti pistea-a Hristolui s-featsi tu-anlu 1510 tu tu unã taifã di bunji crãshtinji,
Martin shi Eufrosina dit cãsãbálu Ianina armãneascã, dit Epirlu, atumtsea tu Amirãriljea
Turtseascã shi azã sum ocupatsiea-a Veacljiljei Pãshilãchi Turtseascã – Gãrtsiea. Dicara bitisi
ãndauùã clasi di sculii u-nvitsá zãnatea di pãpugi. Cara eara un undzit shi mintimen gioni fudzi
shi s-dusi Sufii. Sufii s-featsi avdzãt ti buna-lji mãsturlãchi shi crãshtineasca-lji banã, shi ti-
atsea Vãrğãrlji di Sufii multu-l vrurã shi sh-lu featsirã ca-a lor. Ama di frica di Turtsãlji el fudzi
tu Vlãhii shi s-featsi pãpugilu-a domnitorlui Mircea-atsel Picurarlu (Ciobanul). Sufii s-turná
tãshi tu-anlu 1554. Sotslji-a lui Turtsã ãl cãlisirã la unã zaifeti shi dicara lu-mbitarã cu niheartã
shirã di-auùã ãl featsirã suneti, cu naetea su-l ãnturchipseascã.
Ama deapoa Nicola tricu un an tu preasini shi nicurmati pãlãcãrii. Amda Turtsãlji ãl
cãftarã shi ashtipta cã va s-facã unlu di-a lor, el giuneashti lã spusi cá putes nu va sh-si
arniseascã di pistea-a lui crãshtineascã. Ti-atsea fu pidipsit shi ãncljis tu zãndani shi ãlji featsirã
shi dãvii. Nai tu soni cadilu ãlji deadi-ndriptati, ama iurdiea cãfta arãzgãnseari shi ãl vãtãmarã
la locu “Iuç bunar” (Treili aputsuri), loc tsi atumtsea s-afla nafoarã di cãsãbá. Atsea s-featsi pi
17 di Mai tu-anlu 1555. Dinãoarã Turtsãlji lu-arsirã truplu-a lui la loclu cu numa ”Tsapurnul”
shi u-asprãndirã cinushea-a lui. Iacov, Mitropolitlu di-atumtsea di Sufii tsãnu un sãbor a
eparhiiljei shi featsi canonizari-al Nicola ti sãmtu. Scriitorlu di Sufii Matei Gramatic lji-nğrãpsi
unã mari haghiografii. La loclu iu sh-lu deadi geanlu tu bitimea-a secolui 19. Sofieanjlji lji-
adrarã unã mari shi musheatã bãsearicã, cari fu asãmtsãtã pi data di 03 di Andreù tu-anlu 1900.
Bãsearica Ortodoxã Vãrğãreascã ãl iurtuseashti pi 17 di Mai.
SAMTA SINCLITICHIEA DI ALEXANDRIA
5 di Yinar (pi stil veclju
Ãndreapta Sinclitichiea soea ãlji si trãdzea dit Machedoniea, ama fu prãxitã tu

Alexandriea. Ca featã avutã shi avdzãtã multsã u cãftarã ta s-u ljea ti ãnveastã, ama ia nu vru
canã shi fudzi dit casa-lji pãrinteascã, tu un mãnãstir. Bãná obdzáts di-anji tu preasini, ğrãpnii
shi pãlãcãrii. Urnimiili-a ljei di cãluğrilji daima suntu lugursiti ti mirgenji, di ispetea cá sãmta
Sinclitichiea marea mintiminilji duhovnicheascã nu u-nchirdãsi dit cártsã ma prit stinahur,
pidimo, prit minduearea di dzuùã-noapti shi contactlu duhovnichescu cu Dumidzeasca dunjeai.
Tu-atsea dunjeai analtã cu geanlu s-mutá tu-anlu 350. Piningã altili, Sãmta Sinclitichea dzãtsea:
“Cara s-hibã chirolu-a preasinlor, nu li-alasã preasinli ghotaha di ispetea-a lãngoariljei, cá shi-
atselji cari nu tsãn preasini cad tu idghili niputeri”. Shi nica dzãtsea: “Ashi cum avearea-atsea
data tu padi ağonjea u-arichescu altsãlji ashitsi shi buneatsa, anda s-da tu padi sã scutidiseashti
shi s-cheari”.
SÃMTÃLJEI TEODORA DIN SÃRUNÃ
BANA SHI FAPTILI-A

Aestã sãmtã s-featsi pi nisiea Eghina, di pãrintsã bunji shi-ndreptsã crãshtinji, Antoni shi
Hrisanta, a curi hasâ pisti shi bunili fapti s-vidzurã tu-atsel chiro, anda Bãsearica-a Hristolui s-
mintea di ereslu-a iconoclashtsãlor, tu amirãriljea-al Mihali Valvos, di cari eres nu cá nu fu
aguditã atsea fumealji, ma ca unã videalã tu scutidi prit hasa pisti scãntiljea.
Di-ahtárlji niscãntsã pãrintsã cara s-featsi paradistata Teodora, dicara criscu, fu mãrtatã
pi un bãrbat, shi avu unã hilji. Deapoa, di ispetea-a urnjeariljei a barbarlor, s-mutá Sãrunã, iu
dicara criscu feata-a ljei, u featsi ãnveasta-a Hristolui. Dicara muri bãrba-su, s-dusi tu
mãnãstirlu ti ghirghinili, la hilji-sa shi s-featsi cãluğreauùã. Prit bana-lji bunã, prit aschetismul
dit irnjii shi pidimadzlji cu ascultárli, ahãt di multu Ãlji intrá tu vreari-al Dumidzá, tsi, nu mash
pãnã fu tu banã ma shi dupã moartea-lji, featsi multi nishenji.
Cara tricurã dupã moartea-a ljei ãndoi anji shi cara muri ğumina-a tsilui mãnãstir, mortul
trup a ljei fu bãgat tu unã groapã aproapea di Sãmta Teodora; shi anda s-dizvãli groapa-a ljei,
atumtsea pãturã di vidzurã tuts atselji tsi eara aclotsi, unã mari nisheani. Cá Sãmta Teodora,
dupã multsãlji anji di-anda muri, cara s-deadi di la loclu-lji, has canda eara yii, ãlji featsi
niheamã loc a ğuminãljei cari sã-ngrupa ningã ea, shi ashi ãlji featsi cama largu loc a ğuminãljei
a ljei, cu tsi aplicãciunea-lji shi-u spusi dupã moarti. Shi tuts cara ãl vidzurã atsel lucru sã-
nfricuirã shi aurlarã: “Doamne njiluea!”.
Nica shi mir tsi anjurdzea shi tsi didea ca cu fimnjeamã zvumea dit sãmtili moashti-a ljei
shi s-fãtsea multi vindicári; prit undzearea cu-atsel mir demunjlji fudzea, orghilji videa shi
niputerli tuti s-vindica, tu doxa-a Hristolui Dumidzá. Amin.
ACATISTLU-A
Troparlu-a Sãmtãljei Teodora dim Sãrunã, glaslu 8:
Tu tini, dada, cu curbãniseari ascãpá atsel cu lishlu, cá dicara u loashi

crutsea Lji-imnashi pin tor a Hristolui; shi cu lucrarea ãnvitsashi s-nu-l
mãtreascã truplu, cá treatsi, ma s-aibã ãngãtan geanlu, lucurlu tsi nu lji-ari
moarti. Ti-atsea shi cu anghiljlji deadun s-hãrseashti, Pistimená Teodora,
duhlu-a táù.
Condaclu 1
Crutsea-a ghiderlor cara u bãgá pi-anumirli-a tali Hristolu, nu dideshi

s-ti anãchiseascã chiruta umuti, ma giuneashti li-arãvdashi tuti probili-a
banãljei, shi-ashitsi u-nchirdãsishi cãruna-a sãmtsãljiljei, Sãmtá Teodora.
Shi noi, cara yinim la tini, u-avem umutea cá nu va nã alashi fãrã di-agiutor,
shi ti-atsea tsã cãntám: Hãrsea-ti, Sãmtá Teodorá, mushuteatsa-a
Sãrunãljei!
Icoslu 1
Dada-a ta, prifteasa Hrisanta, s-dusi la Domnul dicara ti featsi,

criscushi apãnghisitã di vrearea-a dadãljei duhovnicheascã loatã la
pãtãgiuni, cari ti criscu ca unã fidanã vluisitã-a Bãsearicãljei, nuna-ts
Teopisti, cari deadun cu noi ti-alavdã ashitsi:
Hãrsea-ti, mirgeana-a cinlui cãluğrescu!

Hãrsea-ti, cá bana-tsi di pristi loc tsã fu anghileascã!
Hãrsea-ti, cá numa-a ta di la pãtãgiuni, Agapi, fu ti vrearea
dumidzeascã!
Hãrsea-ti, cá vrearea-ts ti atseali sãmtili ti pidipsi s-u fats shi nica ma
mari!
Hãrsea-ti, fidana-a unãljei fumealji cu mari asãmtsãlji!
Hãrsea-ti, tini soea duhovnicheascã a sãmtilor ãmbistimeni!
Hãrsea-ti, cá fumealjea-a voastã fu unã bãsearicã yii!
Hãrsea-ti, cá azã unã dunjeai shtii ti pidimadzlji-a voshtsã!
Hãrsea-ti, cá Dumidzálu deafun cu frati-tu Stefan ãl doxãsishi!
Hãrsea-ti, cá el u lo cãruna-a macenitsãljiljei, ashi cum multu u vru!
Hãrsea-ti, cá lji-agiuts ficiorlji shi tinirlji aputursits di nivolji!
Hãrsea-ti, cá ti pãlãcãriili-a tali him apãnghisits noi!
Hãrsea-ti, Sãmtá Teodorá, mushuteatsa-a Sãrunãljei!
Comdaclu 2
Aushlu eremit, duhovniclu-a táù, ti vluisi s-imnji pi calea-a taifãljei a ta,

shi tsã spusi cá “numta easti un mistiriu shi un nica ma mari mistiriu”, ama
shi prufiteashti spusi cá Dumidzálu nu va u treacã cu videarea cilãstãsearea-
a ta cá ta s-fats banã cãluğreascã. Shi, cara u vidzum ascultarea-a ta, noi Ãlji
cãntám a Lui: Aliluia!
Icoslu 2
Multsã di crãshtinjlji spun prit faptili-a lor cá numta easti unã cali-a
leaniljei shi ti sclãvueari di-atseali dit dunjeai, ama tini nã marturisishi, has
ca sãmtsãlji dit etsli-a avinariljei, cá taifa easti gritã di Dumidzálu ti
sãmtsãlji. Cum bãnashi ca un anghil cu truplu, ca nicuchirã shi dada anda
fushi? Cá ti pidimadzlji-a tálji tsã cãntám:
Hãrsea-ti, cá nicuchirã cara fushi ti tsãnushi di cãluğrili tu-ascultarea-

al
Dumidzá!
Hãrsea-ti, cá daima cilãstãsishi ti ftsearea-a dimãndãciunjlor!
Hãrsea-ti, mustra ti numta-atsea di dealihealui!
Hãrsea-ti, cá adunashi hari ningã hari!
Hãrsea-ti, lishlu-a muljeariljei crãshtinã shi-a geanlui aplicat!
Hãrsea-ti, cá vluyiea din tser ca ghini ti-acupiri!
Hãrsea-ti, cá nicuchirlu tsã fu di Dumidzálu dat!
Hãrsea-ti, cá bãnat nu dupã vrearea-a voastã, ma bãnat dupã atsea
din tseruri!
Hãrsea-ti, cá apanghul al Yi-Dimitri vã arihnipsi!
Hãrsea-ti, apanghul a tsilor cari vor ta sh-si ãnsoarã!
Hãrsea-ti, icoana-a nicuchirlor cari fac banã crãshtineascã!
Condaclu 3
Cara nu shtea cum sã-lji prãxeascã ficiorlji tu-atselji anji di cheardiri-

a pistiljei, la tini yinea multsã di crãshtinjlji, shi s-ciudusea cá shi hilji-ta,
Teopisti, intrá tu sãborlu-a sãmtsãlor, shi tora deadun cu tini Ãl doxãseashti
Atsel tsi tuti li bagã pi cali ti ascãparea-a noastã, shi-Lji cãnrã: Aliluia!
Icoslu 3
Cara nu u shtiushi vrearea trupeascã-a dada-tai, u duchishi ama

vrearea-a nunãljei a ta Teopisti, shi spuseshi cá ligãtura di-anamisa di
ficiorlji shi nunjlji-a lor lipseashti sã sta sum semnul a Hristolui, shi nu sum
semnul a pishcheshlor tsi trec ağonjea. Shi cara u duchishi tu bana-ts
lucrarea-a Pãrintilii din Tser, ti tsãnushi di pãlãcãriea shi cu-atsea shi hiljlji-
a tálji s-bãneadzã dupã sãmta vreari-a Lui, shi ti-atsea ashitsi ti-alãvdám:
Hãrsea-ti, tini cari-ağonjea li-mbunedz splinsitili ininji!

Hãrsea-ti, ãndrupãtura-a pãrintsãlor pistimenji!
Hãrsea-ti, cãlãuza ti ficiorlji crãshtinji pi calea-a ascãpariljei!
Hãrsea-ti, tini cari ãlji badz pãrintsãlji pi calea-a pãlãcãriiljei!
Hãrsea-ti, tini tsi-aduts isihii tu casili dispãrtsãti!
Hãrsea-ti, tini cari li-mbunedz geanurli cutrimburati!
Hãrsea-ti, cá pãrintsãlji tsã grescu s-li veglji casili-a lor!
Hãrsea-ti, soatsa-a hiljlor pi bunili hári!
Hãrsea-ti, tini oaspili din tser a táifurlor pistimeni!
Hãrsea-ti, tini tsi ti pãlãcãrseshtsã ti ascãparea-a farãljei
crãshtineascã!
Hãrsea-ti, cá silivarili-a trãdzerlor prit pãlãcãriili-a tali s-arup!
Hãrsea-ti, isa cu Sãmta Teopisti, hiljita-ts dupã trup!
Condaclu 4
Foclu ti cheardirea-a doilor hilji-a tálji shi-a sucramiljei cari ti criscurã

ca unã hilji bunã-a lor, nu ti freadzi, ma arãvdashi cu inimã vãrtoasã, shi-
atumtsea hilji-ta Teopisti u tãxishi-a Domnului prit mãnjli-a Pistimenãljei
Caterinã, a nicuchirlu-ts Oani lu-ncurajashi, ta sã-Lji cãntã deadun cu tini-
a Domnului, Atsel tsi lji-adunã tuts gaileadzlji: Aliluia!
Icoslu 4
Noi nã-nvirnám shi la nai ma njitsli chimati tsi s-mutã contra noi, ama
tini nã eshtsã mustra ti-arãvdari shi pisti, cá nu ti-acãtsá inatea pi Dumidzálu
shi nitsi cá ti-nvirnashi, shi nu dideshi frãmta umuti s-ti frãngã. Shi hárli-a
tali nã scãntiljeadzã dininti ca tsiva lãmbádz tu scutidi, shi ti-atsea tsã
cãntám:
Hãrsea-ti, Iovlu atsel náùlu anvãlit di niorlu-a arãvdariljei!

Hãrsea-ti, cá nã-nvitsashi s-u arãvdám cheaimetea-a banãljei!
Hãrsea-ti, cá, cara u purtashi Crutsea-a durerlor, u-nchirdãsishi
Amirãriljea-a Tserurlor!
Hãrsea-ti, cá tora ti hãrseshtsã tu mushutetsli cum nu lã ari spuneari!
Hãrsea-ti, cá veti loashi cá putearea-a Hristolui ts-u fãtseshi-a ta!
Hãrsea-ti, cá u-arãvdashi moartea-a doilor ficiori shi-a socrilor!
Hãrsea-ti, cá Domnul ts-u apruché nisãndzãnata macenitsãlji!
Hãrsea-ti, cá tsã si pãlti cu harauùã tsi putes nu cheari!
Hãrsea-ti, cá, muljeari cara fushi di fisi, nicuchirlu-ts lu-ncurajai!
Hãrsea-ti, cá prit zboarãli shi faptili-ts lu-agiutai!
Hãrsea-ti, cá ti putsãni patimati daima ti diznjirdedz!
Hãrsea-ti, cá nã badz pi calea-a arãvdariljei a ta!
Condaclu 5
Dupã moartea-a má-tai, pãrintili-a táù Antoni, fen-tu, s-ağunjisi ta s-li

bagã cãluğreshtsãli ninti ta s-u ãngroapã, shi tini, anda armãseshi veduvã,
tsã acãtsashi calea cãtã la mãnãstirlu, cá ti-avea loatã unã seati ti bana
cãluğreascã ashi cum lu-acatsã seatea tserbul ti izvurli-a apilor, shi-L
doxãsishi Dumidzálu prit cãntarea: Aliluia!
Icoslu 5
Cara intrashi tini tu Mãnãstirlu-a Sãmtului Arhidiacon Stefan,

Ãmbistimena ğuminã Ana lu-avdzã sãmtul macenic cá-lji dzãsi ca prufitsãlji
dit icoanã: “Bagã-ù ağonjea Teodora tu taifa-a noastã, cá easti pishcheshea-
al Dumidzá ti mãnãstirlu shi ti cãsãbálu Sãrunã, dupã Sãmtul shi Marli
Macenic Dimitri”. Shi noi, cara shtim cá prufitsãljea s-featsi, tsã li dzãtsem
cu ininjli ağnó harauùã aesti zboarã:
Hãrsea-ti, cá tinjisit ãl purtashi stranjlu di veduvã!
Hãrsea-ti, cá cu intrarea tu mãnãstir ts-u fãtseshi ascumta mirachi!
Hãrsea-ti, cá Sãmtul Macenic Stefan ti-apruché tu mãnãstirlu-a lui!
Hãrsea-ti, cá anda ti tumsirã ti cãluğreauùã tsã si deadi numa di
Teodora!
Hãrsea-ti, cá numa ti spuni cá ti noi eshtsã pishcheshi di la Dumidzá!
Hãrsea-ti, tini curcubeùlu di-anamisa di tserlu shi loclu!
Hãrsea-ti, a Sãrunãljei apanghul din tser!
Hãrsea-ti, ascãparea dit pirazmadzlji ti-a tselji tsi ti pãlãcãrsescu tini!
Hãrsea-ti, tini limbidzarea-a ininjlor cari grita nu shi-u acãchisescu!
Hãrsea-ti, tini cari ãlji urnipseshtsã atselji cari s-fac cãluğri!
Hãrsea-ti, cá li-avinji slabili mindueri ti-atselji náilji!
Hãrsea-ti, cá ti pãlãcãrseshtsã ti lunjinarea-a urnipsitorlor!
Condaclu 6
Tricushi di la macenitsãljea fãrã di sãndzã-a taifãljei a ta la

macenitsãljea fãrã di sãndzã-a cãluğrilor, shi tsã li criscushi cilãstãserli ta s-
lã imnji pin tor a sãmtsãlor di-unã zãmani. Nu tsã-l njiluishi truplu, ta s-u
ãnchirdãseshtsã cãruna cari nu s-lo di la tini shi ta su-L alavdzã Dumidzálu
atsel di dealihealui deadun cu tuts anghiljlji shi sãmtsãlji,shi s-aurlats:
Aliluia!
Icoslu 6
Cara li-ascundeai cu aplicãciuni di oaminjlji bunili fapti-a tali nã eshtsã

mustra ti aplicãciuni shi dascal ti-alumtarea cu patimatli. Tini nã spunji cá
mash cu arnisearea di pirifanjea putem su-L lom Hristolu tu ininjli-a noasti,
a noi tsã spunem cãntári ti-alãvdãciuni:
Hãrsea-ti, cá putearea-al Dumidzá ti aumbra la cafi unã jgljoatã!

Hãrsea-ti, cá armãseshi vãrtoasã tu vrearea-ts s-ti pidipseshtsã!
Hãrsea-ti, cá mirachea-a truplui ts-u astiseshi cu multili pidipseri!
Hãrsea-ti, tini huzmicheara pãltitã ti ãnmultsarea-a talantsãlor!
Hãrsea-ti, cá cu bana-ts dupã Vangheljlu fushi mustra ti pistimenjlji!
Hãrsea-ti, cá prit pidimadzlji-ts lã zburãshi-a cãluğrilor!
Hãrsea-ti, cá prit pãlãcãriili ti fãtseshi stur di foc!
Hãrsea-ti, cá Dumidzálu nu u-ascumsi videala-a ta!
Hãrsea-ti, cá di ispetea-a curbaniljei a ta fushi aleaptã su-l portsã
iaremlu di ğuminã!
Hãrsea-ti, cá fudzishi di-atsea tinjii ta s-nu u cheri cãruna-a
aplicãciuniljei!
Hãrsea-ti, cá lã greshtsã-a hageadzanjlor ta sã-ncljinã la sãmtili
moashti-a tali!
Hãrsea-ti, cá eshtsã vas aleptu-a Pãrintilii din Tseruri!
Condaclu 7
Nu mash cu patimatli ti-alumtashi giuneashti, o, Sãmtá Teodorá, ma shi

cu multili mindueri tsi li asprãndeashti mintea shi u trag ti-nghos shi u
lãrdzescu di pãlãcãriea, ama cu aplicãciuni tsã li duchishi minduerli-a
ğuminãljei a ta, cari s-hãrsi di chischineatsa-a geanlui a táù, shi tu cãmara-
a inimãljei dzãtsea: Aliluia!
Icoslu 7
Cara shidem multu chiro largu di mistiriul a spuvideariljei, nã si

suptsãljeadzã seatea ti lucrili duhovnicheshtsã shi nã dutsem dupã vrearea-
a amãrtioasilor mindueri. Ti-atsea, tini ti cãftám, Sãmtá Teodorá, shi tsã
cãftám s-ti pãlãcãrseshtsã s-avem frãndzeari di inimã ti amãrtiili-a noasti shi
puteari ta s-nã spuvidim cum undzeashti, ta s-putem s-tsã cãntám ashitsi:
Hãrsea-ti, cá li urnipsishi surárli shi dadili dit taifa ta shi-u

chischinipseascã mintea!
Hãrsea-ti, cá ğumina Ana vã dusi pi calea-atsea amirãreasca!
Hãrsea-ti, cá ti-alumtashi contra-a amãrtioasilor mindueri!
Hãrsea-ti, ãmbistimená, cá mintea la anãltsinji u mutashi!
Hãrsea-ti, cá cara ts-u vigljeashi mintea agiumseshi la chischineatsa-a
duchimãserlor!
Hãrsea-ti, cá amãrtioshlji ãlji fats sh-li spunã amãrtiili!
Hãrsea-ti, cá di tinirã u duchishi hãirea-a spuvideariljei!
Hãrsea-ti, cá cu duca la duhovnic u duchishi shi sila-a mistiriului!
Hãrsea-ti, cafi oarã anda un hilj prãmãsit sh-si toarnã la Tatãl a lui!
Hãrsea-ti, cá el atumtsea ascapã dit silivarili-a aráùlui duh!
Hãrsea-ti, tini-ndrupãtura-a duhovnitslor prit pãlãcãriea!
Hãrsea-ti, tini apuituearea-a scularlor di pirazmadzlji nigurats!
Condaclu 8
Cara ti vidzu etimã ti pidimolu-ts cu tãtsearea, Ãmbistimena Ana tsã

cãftá ici s-nu zburáshtsã cu hilji-ta, cari u-aduseshi la Mãnãstirlu-a Sãmtului
Stefan, shi daùli vã tsãnut cu arãvdari di-atsea zãconi un chiro di tsisprãdz
di-anji, sh-tsicara cá bãnat tu idghea chilii, shi lã u deadit ucazea-a alantilor
cãluğreali ta sã-Lji cãntã-al Dumidzá: Aliluia!
Icoslu 8
Geabe nã curmám di la mãcári, ma s-nu bãgám fãrnu la limba, cá

zburarea fãrã aradã shi pruzvulusearea u-avinã aruga-a preasinlii. Cara
fum urnipsits di bãnaticlu-a táù, cilãstãsim s-nã tsãnem di urnimiea-ts shi
ãndreapta-ts mindueari, ta s-putem cu geanurli ãnfãsheati tu harea
dumidzeascã s-tsã cãntám:
Hãrsea-ti, cá nu ti nãrãishi anda ğumina tsã cãftá cama s-nu

zburáshtsã cu hilji-ta!
Hãrsea-ti, cá cãt di mari tsã fu ascultarea ahãt di mari fu shi cãruna!
Hãrsea-ti, cá cu ascultarea-a voastã tu-aplicãciuni criscut!
Hãrsea-ti, cá faptili-a tali spusirã ma multu di zboarãli!
Hãrsea-ti, cá cu arãvdarea-a ta li-nvitsashi alanti cãluğreali!
Hãrsea-ti, cá inima-ts di dada cara fu tu greù pirazmo, arãvdashi cu
tãtsearea!
Hãrsea-ti, cá la alumtarea-a ta u-ardãpsishi shi-aestã azvindzeari!
Hãrsea-ti, cu tuts sãmtsãlji shi ãmbistimenjlji cari cilãstãsirã cu
tãtsearea!
Hãrsea-ti, cá cu nizburarea di-anamisa di voi, zburãt cu Ğrambolu
Hristos!
Hãrsea-ti, cá shi cara vã si featsi dizligari ta s-vã zburãts, nu zburát
lucri slabi!
Hãrsea-ti, cá tu voi u tsãnut calea-a tãtseariljei shi di lãrdzeari
moùbets fudzit!
Hãrsea-ti, cara ãlji vidzushi crãshtinjlji cá u cãfta isihãsearea!
Condaclu 9
Nica dit ahurhita-a banãljei a ta ti tsãnushi di dimãndãciunjli-al

Dumidzá, shi di-anda intrashi tu mãnãstir ti-alinashi ãnsus pi scara-a
ascultariljei. Shi atumtsea anda nu-aveai vluyii, u-arcashi dushechea pi cari
durnjeai, ta s-nu s-udã, ğumina ti pitricu ta s-dornji tu padi, shi tini nu ti-
ncustashi, ma Lji-aduseshi al Dumidzá alãvdãciuni: Aliluia!
Icoslu 9
Cara lji-intrá gailé di ispetea-a ta shi cara nu putea ta s-doarmã cá

shideai nafoarã, tu-atsea arãtsimi arauùã shi tu cheaimetea cari virsa ploai
pristi tut mãnãstirlu, sora Harito ti vidzu anvãlitã di unã mantii lunjinoasã
shi cu unã cãrunã scãntiljoasã, ti cari nisheani cara nã ciudusim, tsã
dzãtsem:
Hãrsea-ti, cá noaptea u tricushi tu cheaimeti!
Hãrsea-ti, cá lji-ascachi atselji cari bãneadzã tu minciunoasa scutidi!
Hãrsea-ti, cá cu trãdzeari mãnã di multi miráchi ti fãtseshi cãdãri ti
pishcheshli tsireshtsã!
Hãrsea-ti, cá ascultashi ascumti cãntits anghileshtsã!
Hãrsea-ti, cá, cara ti fãtseshi sclava-a Hristolui, u-nchirdãsishi hasa
libertati!
Hãrsea-ti, cá, cara ti-aplicashi, di Dumidzálu fushi bãgatã tu-analtu
loc ti tinjiseari!
Hãrsea-ti, cá nã u spuseshi nai ma lishoara cali ti cãtã la-ascãparea!
Hãrsea-ti, trumbeta-a ascultariljei tu cafi un mãnãstir!
Hãrsea-ti, cá ti pãlãcãrseshtsã ti duhovnitslji ta s-u aibã harea-a
urnimiiljei!
Hãrsea-ti, cá-a tutãlor crãshtinji lã zburáshtsã ti putearea-a
ascultariljei!
Hãrsea-ti, aradza di soari tu ininjli chitrusiti di pirifanji!
Hãrsea-ti, buna tilalã ti bãnarea-a Hristolui tu ininjli-aplicati!
Condaclu 10
“Dumidzáli-m. Isuse Hriste-m, agiutã-nji shi ljea-l di la mini

dushmanlu-atsel itrul”, cu scãnjiseari ti pãlãcãrseai anda demunlu vrea ta s-
seaminã tu loclu dit inima-ts mindueri ti huleari contra-al Dumidzá. Ma tini
li surpashi pãyidzli-a lui, cu pisti cara ti-ncljinashi la Creatorlu-a
ãntreagãljei dunjeai, cari ti-anvãli cu arãtsimi shi cu ploai shi cu lucrarea-a
demunlui, shi-Lji cãntashi: Aliluia!
Icoslu 10
Greali patimati trãpseshi di la demunlu tsi zãbunuseashti, ama ağonjea

vini shi agiutorlu dumidzescu, ti-atsea cá numa-a Hristolui cara u grishi shi
cara ti-ncljinashi, pirazmatarlu dicara zghili ca ağrimi fudzi, shi dupã el
alãsá unã voahã cum nu sã spuni, shi ğumina ti-alãsá s-ti tornji tu mãnãstir.
Ti-atsea anãchiseari tsã dzãtsem:
Hãrsea-ti, cá nu ti-nvirnashi di serta vreavã-a ğuminãljei!

Hãrsea-ti, cá di pirazmadzlji dimunrshtsã harea ti-anvãli!
Hãrsea-ti, cá shi-a hilji-tai Teopisti, ãlji fushi cãlãuzã!
Hãrsea-ti, cá u urnipsishi ta s-nu s-asparã di cãdzutslji anghilji!
Hãrsea-ti, cá tuts nã-ncurajedz ta s-lom curaji duhovnicheascã!
Hãrsea-ti, cá, cara ti pãlãcãrseshtsã ti noi, shi noi him apãnghisits di
sãborlu-a anghiljlor!
Hãrsea-ti, tini sãmta cari ãlji vindits drãcusitslji oaminji!
Hãrsits-vã, tini sfulgul cari li-ardzã ligãturli-a tsilor tsi suntu pidipsits
di-aralili duhuri!
Hãrsea-ti, cá nã agiuts ta s-fudzim di pãyidzli-a scutidiljei!
Hãrsea-ti, tini cari lji-agiuts atselji cari vor s-ascapã di pidimadzlji-a
cãtránjlor!
Hãrsea-ti, tini alumtãtorlu ninfricuit dit ashcherea tsi li poartã
bairáchli din tseruri!
Hãrsea-ti, cá-a tsilor cari ti pãlãcãrsescu lã dai tsi lã lipseashti!
Condaclu 11
Fricã nã easti di urãta moarti, sãmtá Teodorá, cara shtim cá di maninti

lã li spuseshi-a tsilor dit mãnãstirlu-a táù dzuùa shi sãhatea anda va s-fudz
dit aestã dunjeai. Fá-ti apanghul a nostu tu chirolu-a pirazmadzlor, shi tu
sãhatea-a dispãrtsariljei a noastã di bana di pristi loc s-eshtsã piningã noi,
cá deadun cu tini sã-Lji cãntám al Dumidzá, Cari ti-apruché tu amirãriljea-
a Lui: Aliluia!
Icoslu 11
Un cantic ca din tser cara vãzi dit chiliea-a ta tu tut mãnãstirlu,

atumtsealui anda geanlu-a táù tricu la Ğrambolu din Tser, shi cambana-a
bãsearicãljei bãtu fãrã di s-hibã traptã di mãnã di om, ti-atsea cá anghiljlji
u sãrbãtusea treaca-a ta la Domnul shi-lji ãncuraja tuts atselji curbisitslji ta
s-tsã cãntã:
Hãrsea-ti, cá la moartea-a ta s-avdzã cãntari anghileascã!

Hãrsea-ti, cá bãtearea-a cambanãljei lã gri a oaminjlor ta s-ti
tinjiseascã!
Hãrsea-ti, cá dupã moarti ti-alãxishi tu fatsã, shi undzishi ca dit
tinireatsã!
Hãrsea-ti, cá shi tu-ausheatic tsã armãseshi cu geanlu fitescu!
Hãrsea-ti, cá geanlu tsã armasi tinir, sh-tsicara cá perlji tsã alghirã!
Hãrsea-ti, cá ahtarea nisheani u spusi chischineatsa-a geanlui!
Hãrsea-ti, cá moartea ti tini fu mash unã nauùã ahurhiturã!
Hãrsea-ti, cá, ca dascal cu tãhmini tsã fu minduearea-ts la moarti!
Hãrsea-ti, tini cãmbana tsi tutã bana bãtushi ti Dumidzálu!
Hãrsea-ti, tini cari pi sturlu-a pãlãcãriiljei shidzushi!
Hãrsea-ti, tini cari eshtsã ascãparea-a tsilor tsi s-tirinsescu di lãngori!
Hãrsea-ti, cá ti pãlãcãrseshtsã ti-atselji pi patlu-a moartiljei!
Condaclu 12
Hãrsea-ti, sãmtá, tsã dzãtsem cafi unã oarã anda mintea nã si dutsi la
multili nishenji-a tali, cá mirlu zvãmut cu bolluchi dit sãmtili moashti-a tali
shi dit icoana-a ta fu spunearea di ma ninti ti nishenjli-a tali ti cari miletea
cu hasa pisti ti-alavdã dipriunã shi-al Dumidzá Ãlji cãntã: Aliluia!
Icoslu 12
Cara vru iconarlu Oani s-u zuğrãfseascã icoana-a ta, shi cara nu shtea
cum undzeai tu bana-ts di pristi loc, Ãlji si spuseshi tu yis cu vidzuta-a
unãljei cãluğreauùã. Shi cara nu shtea cari ãnyisá, s-arishi s-u zuğrãfseascã
vidzuta-a tsiljei cãluğreauùã pi icoana-a ta, shi deapoa s-ciudusi cara avdzã
di la atselji cari ti shtea, cá fushi tu vidzutã has ca atsea zuğrãfsita pi icoanã,
shi s-hãrsi, shi noi ti-atsel lucru tsã cãntám:
Hãrsea-ti, cá iconarlu ts-u zuğrãfsi icoana dicara lj-si spuseshi tu yis!

Hãrsea-ti, cá tuts s-ciudusirã cãt tsã undzeai!
Hãrsea-ti, cá mirlu zvãmut dit icoana-a ta fu vula ti sãmtsãljea-ts tsi
nu s-acatsã-ncheari!
Hãrsea-ti, cá, sh-tsicara cá mirlu u-ashtearsi mushuteatsa-a icoanãljei
vidzuta-ts sh-vini la loc!
Hãrsea-ti, tini deadun cu Sãmta Teodora, a Alexandriiljei
mushuteatsa!
Hãrsea-ti, tini deadun cu Sãmtul Teodor Studitlu, apurãtorlu-a
iconjlor!
Hãrsea-ti, cu Márlji Macenits, Sãmtul Teodor Tiron shi Teodor
Stratilat!
Hãrsea-ti, cá anda avdzãm ti bãnaticlu-ts, duhovnicheashti nã
diznjirdám!
Hãrsea-ti, cá prit pidimadzlji-a tálji ti ftseshi apanghu duhovnichescu!
Hãrsea-ti, cá has ca ‘nã dada lã-l adunji gailelu-a tsilor cari s-
pidipsescu!
Hãrsea-ti, cá tu anjlji anda arãtseashti pistea ti Bãsearica eshtsã
ãnvãrtusheari!
Hãrsea-ti, tini steauùa ti ãnsuratslji shi ti cãluğrilji crishteari!
Condaclu 13
O, Sãmtá Teodorá, apanghul a cãluğrealilor shi-a cãluğrilor, tini cari

lji-agiuts mirianjlji, ãndrupãtura-a preftsãlor shi-a ierarhanjlor, cara va u
ljeai aestã putsãnã pãlãcãrii di la noi, agiutã-nã s-nã u fatsim bunã bana prit
tunuseari, prit pidimadz shi pãlãcãrii, shi deadun cu tini s-Lji-u dám a
Domnului cãntarea: Aliluia! (Di trei ori)
Deapoa yini
Icoslu 1
Dada-a ta, prifteasa Hrisanta, s-dusi la Domnul dicara ti featsi,

criscushi apãnghisitã di vrearea-a dadãljei duhovnicheascã loatã la
pãtãgiuni, cari ti criscu ca unã fidanã vluisitã-a Bãsearicãljei, nuna-ts
Teopisti, cari deadun cu noi ti-alavdã ashitsi:
Hãrsea-ti, mirgeana-a cinlui cãluğrescu!

Hãrsea-ti, cá bana-ts di pristi loc fu anghileascã!
Hãrsea-ti, cá numa-a ta di la pãtãgiuni, Agapi, fu ti vrearea
dumidzeascã!
Hãrsea-ti, cá vrearea-ts ti atseali sãmtili ti pidipsi s-u fats shi nica ma
mari!
Hãrsea-ti, fidana-a unãljei fumealji cu mari asãmtsãlji!
Hãrsea-ti, a sãmtilor ãmbistimeni soi duhovnicheascã!
Hãrsea-ti, cá fumealjea-a voastã fu unã bãsearicã yii!
Hãrsea-ti, cá azã ti pidimadzlji-a voshtsã shtii unã dunjeai!
Hãrsea-ti, cá Dumidzálu deafun cu frati-tu Stefan ãl doxãsishi!
Hãrsea-ti, cá el u lo cãruna-a macenitsãljiljei, ashi cum multu u vru!
Hãrsea-ti, cá lji-agiuts ficiorlji shi tinirlji aputursits di nivolji!
Hãrsea-ti, cá di pãlãcãriili-a tali him apãnghisits noi!
shi
Condaclu 1
Crutsea-a ghiderlor cara u bãgá pi-anumirli-a tali Hristolu, nu dideshi

s-ti anãchiseascã chiruta umuti, ma giuneashti li-arãvdashi tuti probili-a
banãljei, shi-ashitsi u-nchirdãsishi cãruna-a sãmtsãljiljei, Sãmtá Teodorá.
Shi noi, cara yinim la tini, u-avem umutea cá nu va nã alashi fãrã di-agiutor,
shi ti-atsea tsã cãntám: Hãrsea-ti, Sãmtá Teodorá, mushuteatsa-a
Sãrunãljei!
shi aestã
Pãlãcãrii cãtã Sãmta Teodorã din Sãrunã

Sãmtá Teodorá, izvur ti mir shi cu multili nishenji, tu oarã slabã tini ti
cãftám cu ininjli frãmti, cara shtim cá multu lji-ai agiutatã tuts atselji cari
cu pistusini cãftarã agiutor di la tini. Ashi cum ãl vluisishi nica di-anda earai
tu banã mãnãstirlu-a Sãmtului Stefan, ashitsi s-li vluiseshtsã tuti mãnãstirili
shi schiturli ortodoxi, tuti cãluğrealili shi tuts cãluğrilji, tuts atselji tsi
ahurhescu cu banã cãluğreascã ta s-armãnã vãrtoshi pi strimta cali pi cari
ãnchisirã. Tini, cari u ufilisishi sãmtsãljea-a duhovniclui a táù, agiutã-lji tuts
preftsãlji ta s-hibã pastiri mintimenji ti cupiili cari li pascu. Pãlãcãrsea-ti,
dip-sãmtá, ti ierarhanjlji tuts a Bãsearicãljei a Hristolui, s-armãnã tu hasa
pisti shi s-u marturiseascã fãrã di fricã tu chiro di-avinari icá di prãmãseari
din cali. S-lã lu-adunji gailelu-a tutãlor táifurlor crãshtineshtsã, la tuts
pãrintsãlji shi ficiorlji-a lor. Avinã-ù di la elji tutã trumuxearea.
Pirazmadzlji tuts, tuts cãvgadzlji. S-u vedz ligãnarea-a tinirlor cari nu shtiù
iu lã easti loclu, tu dunjeai ma tu mãnãstiri, shi pãlãcãrsea-ti ti elji, ta s-
acãchiseascã ti tsi suntu grits shi tu tuti s-u facã vrearea-al Dumidzá. Ashi
cum hilji-ta, Sãmta Teopisti, u-agiutashi ta s-alinã pi scara-a bunetslor,
ashitsi agiutã-lji shi Armãnjlji shi-u aflã calea-al Dumidzá, ashitsi agiutã-nã
shi-a nauùã, cá greù easti polimlu tsi nã ashteaptã. Urnipsea-nã pi calea-a
aplicãciuniljei, pi calea-a pãlãcãriiljei shi-a pidimolui. Avinã-l di la noi
nichischinlu demun, cari va ta s-nã scoatã pi-arshini, shi s-nã arucã tu
nigljina-a amãrtiiljei Fá-ti dininti-a ininjlor a noasti unã icoanã yii, Sãmtá
Teodorá, shi cara va-l bitisim ghini noi polimlu s-nã fãtsem izoti ti paradislu
ãndreptu ti sãmtsãlji shi ti harauùa-a Amirãriljiljei din Tseruri, tini ta s-ti
alãvdám, shi-a Dumidzálui dit Treimea alãvdatlu sã-Lji spunem doxã shi
ãncljinári ti eta-a etilor. Amin.
SAMTUL TRENDAFIL DI ZAGORA
Atsel avdzãt neo-martir s-featsi tu anlu 1663 tu Zagora di Magnesiea, aproapea di

cãsãbálu Volos, ti cari noi Armãnjlji shtim cá di totna eara cãsãbá armãnescu shi azã s-aflã sum
ocupatsiea-a Veacljiljei Pãshilãchi Turtseascã – Gãrtsiea. Nica di tinir, di-anda avea 18 di-anji,
s-featsi cãrãğoicu pi unã cãravi.
Dupã niscãntu chiro Turtsãlji lu-acãtsarã shi, dupã niscãntili furnjii ti cari shi-azã nu sã
shtii cari, pusicarã di-lji fãtsea presii ta s-arniseascã di pistea crãshtineascã shi sh-si
ãnturchipseascã. Triandafil fu tirinsit shi pidipsit di multili turlii tu scamnul a Amirãriljiljei
Turtseascã Tsarigradlu, ama bãrbãteashti li strãxi tirinserli, shi tut dzãtsea: “Io escu crãshtin
shi nu mi arnisescu di Hristolu Ascãpãtorlu-a meù”. Atumtsea gilatslji-a lui ãl vãtãmarã.
Bãsearica crãshtineascã u iurtuseashti dzuùa-a vãtãmariljei a sãmtului martir Trendafil
di Zagora pi dzuùa di moartea-lji di martir – 08 di-Agustu.
SAMTA VASA DI VUDENA
Sãmta Vasa bãná tu cãsãbálu Vudena dit Machiduniea, azã sum ocupatsoea-a
Veacljiljei Pãshilãchi Turtseascã – Gãrtsiea, deadun shi cu hiljlji-a ljei Teognii, Agapii shi
Pistos. Acá eara mãrtatã pi un preftu pãngãn, ãshi lji prãxi ficiorlji-a ljei tu pistea crãshtineascã.
Tu chirolu-a domniljiljei al Maximian Galerius, tu ahurhita-a secolui patru, bãrba-su a
ljei shi tatãl a ficiorlor ãlji prideadi ea shi ficiorlji-a lor la gubernatorlu. Ficiorlji, sh-piningã
tuti fuvirserli nu vrurã s-da curbánji-a idoljlor di cari ispeti furã tirinsits shi deapoa martirizats.
Sãmta Vasa, erapoi, fu bãgatã ahapsi iu fu tsãnutã fãrã di sã-lji si da ti mãcari. Cara
pisicarã di-lji slãghea puterli di ispetea-a agiunaticlui, dusi di u vidzu un anghil shi-lji adusi
hranã tsireascã shi-ashitsi ãlji didea curaji. Di multi turlii fu tirinsitã, de cu foc, de cu apã, de
cu právdzã, sh-piningã tuti-atseali, ea armasi ni-aguditã. Cara fu dusã tu un hram di-a
pãngãnjlor ta s-lã da curbani-a idoljlor, sãmta u freadzi statua-al Zeus. Deapoa fu dusã shi
arcatã tu unã amari cu mári dáldzã. Ti marea ciuduseari-a tsilor cari u-arcarã tu amari, unã
cãravi pãtu di s-apruché di ea, shi trei gionji musheats tu vidzutã pãturã di u scoasirã dit amari.
(Sãmtul Nicodim di Ayi-Norlu dzãtsi cá atselji trei gionji furã atselji trei hilji-a ljei, martirizats
ninti di ea).
Dupã optu dzãli sãmta Vasa ãlji fu data-n sãnãdii-a gubernatorlui a nisiiljei Alona,
aproapea di Cyzicus di Propontis icá Amarea Marmara, iu fu iara tirinsitã. Aclotsi fu bãtutã cu
verdzã ninti cá sã-lji hibã tãljeat caplu.
Ca pi la anlu 450, tu Calchedonlu, fu adratã unã bãsearicã tu tinjiea-a ljei.
BANA, FAPTILI SHI ACATISTLU-ALI

STÃ-VINIREA
BANA SHI FAPTILI-ALI STÃ-VINIREA
Cafi-an, pi 14 di Sumedru, Bãsearica Ortodoxã di pristi tut u iurtuseashti Ãmbistimena

Stã-Viniri. Sh-ma multu ea-i iurtusitã tu Moldova, ti-atsea cà di 350 di-anji oasili-a ljei s-aflã
tu cãsãbàlu Iashi.
Dit putsãnili informatsii ligati di bana-a ljei, ãnvitsàm cà-aestã-mbistimenã Stã-Viniri
bãnà tu prota giumitati-a secolui XI. S-featsi tu Epivat (azã Boiados) tu Trachii, pi mealu-a
Amariljei Marmara, aproapea di Constantinopolea (azã Istanbul), atumtsea capitala-a
Amirãriljiljei a Bizantslui. Pãrintsãlji-a ljei eara oaminji di soi bunã shi-mbistimenji, cu mirachi
ti bunili lucri. Un frati-a ljei, dicara-nvitsà carti, s-featsi cãluğru sum numa di Eftimiù, tinjisit
di capitli-a Bãsearicãljei di-atumtsea, ama shi di-mbistimenjlji, fu-aleptu anda lj-vini oara ti
episcop tu cãsãbiclu Madite.
Stã-Vinirea sh-lji tricu anjlji ficiureshtsã tu casa-a pãrintsãlor sum apanghul a lor. Sã
spuni cà anda-avea dzatsi-anji avdzã cum sã dghivãsea tu-unã bãsearicã zboarãli-a
Ascãpãtorlui: Cafi-unlu cari va ta s-yinã dupã Mini, la sh-si-alipideadzã di el insushi, la shi-u
ljea crutsea-a lui shi s-yinã dupã Mini. (Marcu 8, 34). Aesti zboarã bãgarã unã nispusã harauùã
tu ea, di sh-li-mpãrtsã stranjili tuti-a oarfãnjlor. Idghul lucru lu-adrà shi-alti ori, fãr di s-shutsã
ureacljea la vreava-a pãrintsãlor a ljei.
Dicara tricurã-ndoi anji, fudzi di la pãrintsãlji sh-di “mushutetsli-a banãljei”, shi sh-si
trapsi “largu tu irnjii”. Nai chi-prota dãnãsi-n Poli, iu li-ascultà zboarãli di-nvitsãturã di la
cãluğãrlji shi cãluğrealili cu bunã banã duhovnicheascã. Cara s-tsãnu dupã urnimiili-a lushtor,
fudzi din Poli, shi trapsi cãtã-arãdzãmlu-a Pontului, shi cunipsi la mãnãstirlu stã-Mãriea din
Heracleia, iu shidzu tsintsi-anji. Di-aoatsi trapsi ti tu Sãmtili Locãri, cu mirachea cà shi-u treacã
bana tsi lji-avea-armasã pit locãrli tsi li-avea tricutã shi-Ascãpãtorlu Isus Hristos shi Sãmtsãlji
Apostolji. Dicara-l vidzu Erusalimlu, s-dusi tu-un mãnãstir di cãluğreali tu irnjiea-a Iordanlui,
iu s-alãmãsi cu preasinli shi cu pãlãcãriili, has ca Sãmtul Oani Pãtidzãtorlu (Ayiu-Iani n.a n.),
ca Mariea Eghipteana icà ca-ahãts altsã cari s-alãmãsea cu lucãrli duhovnicheshtsã.
Mitropolitlu Varlaam a Moldovãljei tu Cazaniea-a lui, stãmbusitã Iashi tu-anlu 1643, spuni cà
tora nu-aduna gaile “ni ti stranji sh-ti-ashtirnuminti, ni ti mãcari sh-ti prãndzuri, ni ti casã icà
huzmicheari, ma mash ti chischineatsa-a suflitlui sh-ti apãndãsearea la giudicata tsi-a s-hibã”.
Ea “daima suschira sh-dipriunã jilea cum va sh-lu mushutsascã suflitlu, cum va sh-si isuseascã-
a Grambolui din tseruri, al Isus Hristos, cum va sh-si-ndultseascã anda vrea-L videa Ğrambolu-
a ljei, di doxa sh-di lunjina shi harauùa-atsea paradistata. Ti-atsea... ocljilji daima lj-eara-
ntunicats di làcãrnji”.
Unã noapti, ama, anda-avea 25 di-anji, un anghil lji spusi, tu yis, ta sh-si toarnã tu locãrli
pãrinteshtsã: “S-u-alashi irnjiea sh-la casa-a ta s-ti tornji, cà aclotsi tsã undzeashti sã-lji lu dai
truplu-a loclui shi s-trets dit aestã etã la Dumidzà, Cari-L vrushi”. Shi-ù ljea cama-nclo
mitropolitlu Varlaam tu Cazaniea-a lui cà ea “fãr di chefi u-alãsà irnjiea shi sh-si turnà tu
dunjeai shi vini Tsarigrad. Shi daima tu bãsearica-a Lutsitãljei tsi easti tu Vlaherna sh-la icoana-
a Sãmtsãljiljei a Lui ãnzãnucljea sh-cu làcãrnji s-pãlãcãrsea shi-ashi dzãtsea: Nu-am altã umuti,
nu-am altu-anvãlimintu. Tini sã-nji eshtsã-ndriptãtoarã, tini sã-nji eshtsã ti hãiri... Cà pãnã-
alãgai tu irnjii tini ti-avui ti-agiutor, sh-tora, cara mi turnai tu dunjeai, bagã-mi pi buna cali
pãnã s-bãnedz, cà altã umuti nu-am”.
Di Tsarigrad ãnchisi cãtã Epivat, loclu iu u-avea vidzutã videala-a dzuùãljei, fãr di sã
spunã la vãrã cà cari easti ea sh-di iu yini. “Aclotsi - spuni ma-nclo Varlaam - pidimo pristi
pidimo shi pon pristi pon sh-li bãgà, cu preasini sh-cu nidurnjeari ea insashi sh-si mushutsa...
cu làcãrnji loclu-l uda shi-ashi sh-si pãlãcãrsea: Doamne Isuse Hriste, mãtrea dit sãmta casã-a
Ta; li-alãsai tuti sh-dupã Tini imnai bana-nji tutã. Sh-tora, ai njilã cu mini Doamne, spuni-lji a
sãmtului anghil su-l ljea cu-arãhati suflitlu-a meù”. Ãmbunitã cu ea insashi, cu oaminjlji sh-cu
Dumidzàlu, ashitsi sh-lu deadi suflitlu.
Fu-ngrupatã ca unã xinitã, dimi cà canã nu shtea cari easti. Ama Dumidzàlu, cara vru s-
u dipdoxãseascã, u spusi ca ti ciudii cari eara-atsea xinitã. Sã spuni cà un cãrãvyear muri pi-
unã cãravi, shi truplu lj-fu arcat tu-amari. Undili lu-arcarã pi meal, shi-un sihastru cari bãna-
aclo, lj-pãlãcãrsi niscãntsã crãshtinji ta s-lu-ngroapã dupã-adetea crãshtineascã. Shi-aclo iu
sãpa groapa, “lu-aflarã truplu-a Dip Ãmbistimenãljei Stã-Viniri ãntreg shi-mplin di-
anjurdzeari”. Sh-tsicara cà eara-ashi u bãgarã ningã ea shi mãrshea-a cãrãvyearlui. Ama
dixearã, a unlui di crãshtinjlji cari u-avea sãpatã groapa, cu numa di Ioryi, lj-si spusi tu yis unã
vãsiloanji, shidzutã pi-un scamnu lunjinat shi-anvãrligatã di-anghilji, shi-unlu di elji ãl vãryi
ti-atsea cà nu lu scoasi dit groapã truplu-a Ãmbistimenãljei Stã-Viniri. Shi-amiroanjea cari-ù
vidzu tu yis - sh-cari nu eara vãrã-altã madan Ãmbistimena Stã-Viniri - lj-dimãndà cà su-l ljea-
ağonjea truplu shi su-l bagã iuva tu loc tinjisit. Atsea searã, unã-mbistimenã cu numa di
Eftimiea u vidzu idghea furnjiseari.
Pistimenjlji di-aclotsi, cara-avdzãrã ti yislu-a doilor oaminji, duchirã cà easti un semnu
dumidzescu, sh-ti-atsea ãl loarã truplu-a Ãmbistimenãljei dit groapã shi-l bãgarã tu bãsearica
Sãmtsãlji Apostolji di Epivat. Dinãoarã s-fãtsea vindicàri dupã pãlãcãriili tsi li-adra ningã
tinjisitili oasi-a ljei. Sã spuni cà-ndreptsãlji crãshtinji di Epivat adrarã unã bãsearicã cata pi
loclu iu bãnarã pãrintsãlji a ljei shi-aclo iu-ù vidzu ea videala-a dzuùãljei.
Nu shtim cãndu bash Patriarhiea din Poli pãtu s-u facã canonizarea-a ljei, icà bãgarea-a
ljei tu-arada-a sãmtsãlor.
Dinãoarã dupã moartea-a ljei furã-adrati niscãnti lucràri ti bana shi isturiea-a oasilor a
ljei. Una di eali fu-nğrãpsitã di diaclu Vasilisc, cara cãftà patriarhlu ecumenic Nicolae IV
(1145-1151), ca pi la giumitatea-a secolui XII. Unã-altã u-adrà marli patriarhu Eftimiù a
Tãrnuvãljei, tu deftura giumitati-a secolui XIV. Aestã fu ufilisitã di mitropolitlu Matei a
Mirilor, cari bãnà tu mãnãstirlu Dealu, di ningã Tãrgovishti, cari adrà - pi gãrtseashti - unã
nauùã “banã”, ma shi slujba-a Ãmbistimenãljei Stã-Viniri, pi la anlu 1605. Ãndoi anji cama-
amãnat, bana-a ljei fu bãgatã di mitropolitlu Varlaam a Moldovãljei, tu Cazaniea-a lui,
stãmbusitã Iashi tu-anlu 1643, fãr di shubei ufilisinda-si cu manuscrisi gãrtseshtsã shi
slavoneshtsã, prilucrati dupã lucrarea-a patriarhlui Eftimiù. Patimatli-a ljei furã spusi pi shcurtu
sh-di marli mitropolit Dosoftei a Moldovãljei tu cartea-a lui Bana shi faptili-a sãmtsãlor (4
tomuri, Iashi, 1682-1686), ma shi tu-altili càrtsã cu Bana-a Sãmtsãlor sh-tu editsiili-a Mineilor
stãmbusiti tu Rumãnii. Di xenjlji cari lji-u xitãsirã bana lu spunem cãnãscutlu arhiograf
gãrtsescu Nicodim Aghioritlu (1740-1809). Pi la bitimea-a secolui tricut ãnvitsatlu episcop
Melchisedec Shtefànescu-a Romanlui (1823-1892), stãmbusi unã carti cu titlul Bana sh-
nishenjli-a Ãmbistimenãljei a noastã Stã-Vinirea atsea nauùa shi-isturiea-a sãmtilor oasi
(Bucureshti, 1889). Ãndoi teolodz rumãneshtsã dit secolu-a nostu tut ashitsi shi-avurã lucru cu
bana shi sãmtili-alãmãseri a ljei.
Tsi s-featsi cu tinjisitili oasi-a ljei, dicara furã-aflati cu furnjisearea dumidzeascã?
Shidzurã tu bãsearica Sãmtsãlji Apostolji di Epivat vãrã dauùã suti di-anji, iu s-featsirã multi
seamni shi nishenji anvãrliga di eali. Hãbarea ti-aestu lucru s-teasi tu tutã Peninsula Balcanicã
shi tu-Asiea Njicã, ashi cà multsã-mbistimenji Grets, Vãrğãri shi-Armãnji di pit aesti locãri s-
dutsea Epivat ta sh-si-ncljinã la tinjisitili oasi shi sã-lji caftã s-easã ti elji dininti-a scamnului
din tser.
Lucãrli polititsi tsi s-featsirã tu secolili di cama-nclo featsirã cà oasili-a ljei s-hibã mutati
pit ma multi locãri. Sã shtii cà tu-anjlji 1185-1186 Vãrğãrlji shi-Armãnjlji - cari di-aproapea
dauùã secoli s-afla sum dominatsiea-a Amirãriljiljei a Bizantsului - s-mutarã contra tiranjlji, ãn
cap cu fratslji Petru shi Asan, Armãnji di soi, cu tsi-adrarã un stat nàù, cãnãscut sum numa di-
amirãriljea armãno-vãrğãreascã, cu scamnul Tãrnuva. Dupã-ndoi anji, tu-anlu 1204, cavalerlji
dit Ascãpitatã ãnchisits ti Crutsiada patru ãl loarã Tsarigradlu, shi-aoatsi adrarã unã “Amirãrilji-
a Latinjlor di Tsarigrad”, cari tsãnu pãnã tu-anlu 1261, ãn cap cu-amiradzlji catolits, vinits dit
Evropea dit Ascãpitatã. Tu-ahtari unã tsircumstantsã, Bizantinjlji adrarã dauùã amirãrilji njits,
una tu Asiea Njicã, cu scamnul Nicheia, aproapea di Tsarigradlu, alantã tu Tesaliea, cu scamnul
Sãrunã. Di ispetea-a bunãljei treacã anamisa di-amiràlu Oani Asan II di Tãrnuva (1218-1241)
shi amiràlu di-atumtsea di Tsarigradlu, tu-anlu 1235 icà ptsãn tsiva dupã-atsea, oasili-a
Ãmbistimenãljei Stã-Viniri furã mutati di Epivat Tãrnuva, scamnul a Amirãriljiljei armãno-
vãrğãreascã tsi s-featsi tu-aestã iami, scamnu di Patriarhii. Mutarea-a lor s-featsi cu unã
musheatã protsesii, ãn cap cu mitropolitlu Marcu di Preslav, deadun cu multsã clerits, sh-pristi
tut eara ashtiptati cu lilici, tseri shi dgheavasi di partea-a hashlor pistimenji Armãnji shi
Vãrğãri. Tãrnuva li-ashtiptarã amiràlu Oani Asan II, mà-sa shi nicuchira-a lui, ma shi Patriarhlu
di-aoatsi. Furã bãgati tu bãsearica-ali Stã-Mãrii.
Tãrnuva oasili-a Ãndreaptãljei Stã-Viniri shidzurã tu-un chiro di 160 di-anji. Poati cà
atumtsea fu adratã shi dgheavasea-a ljei, tsi intrà tu Mineùlu ti meslu Sumedru. tu deftura
giumitati-a secolui XIV, Patriarhlu Eftimiù di Tãrnuva - s-pari un Armãn - iara lji-u-ngrãpsi
bana, ashi cum spusim shi ma-nsus.
Ama iara ca tu-atsel chiro s-urnjirã shi Turtsãlji tu Ivropea. Unã cãti unã li loarã màri
pàrtsã di-Amirãriljea armãno-vãrğãreascã, cu tut scamnul Tãrnuva, sh-dupã trei anji shi partea
dit Ascãpitatã, ashi cà aestu stat s-asteasi.
Tu-ahtàrli tsiscumstantsã dramatitsi ti crãshtinjlji, oasili-a Ãmbistimenãljei Stã-Viniri
furã mutati Belgrad. Aclotsi shidzurã pãnã tu-anlu 1521, anda Turtsãlji ãl loarã shi-aestu
cãsãbà, shi Sãrbiea fu-adratã pãshilãchi. Tora oasili furã cãftati di patriarhlu Ieremia I di la
Sultanlu, cari cãndãsi ta sã-lji li da ma sã-lji didea niscãnti hàri. Patriarhlu-apufãsi cà eali s-
hibã-adusi Tsarigrad, vecljul scamnu-a amirãriljiljei a Bizantsului (loatã didip tu-anlu 1453,
dupã tsi lj-si deadi numa di Istanbul). Pi cali ti tu marli cãsãbà adrat di-amiràlu Constantin atsel
Marli, tinjisitili oasi-a Ãndreaptãljei Stã-Viniri furã spusi tu cafi-unã hoarã cà ta s-hibã vidzuti
shi bãsheati di-mbistimenjlji otodocshi dit Peninsula Balcanicã - cari tora s-afla sum domniljea
turtseascã. Prota, furã bãgati tu bãsearica Stã-Mãriea Panmacaristos atumtsea catedralã
patriarheascã. Dupã tsi ea fu-adratã giumii, furã mutati pit alti bãserits: Vlahserai (1586), Yi-
Dimitri (1597) shi Ayi-Ioryi dit mãhãlàlu Fanar (1601).
Dupã 120 di-anji eali u-avurã atsea dit soni mutari, aestã-aradã cãtã loclu valahutescu....
Pi dzuùa di 13 di Cirishear, tu-anlu 1641, tinjisitili oasi furã bãgati tu musheata bãsearicã-a
mãnãstirlui “Sãmtsãlji Trei Ierarhi”, ctitoriljea-a domnitorlui. Tinjisitili oasi armasirã-aoatsi
pãnã tu-anlu 1884, cãndu ahurhirã lucràrli ti mirimetiseari-a sãmtãljei casã, cara furã mutati tu
paraclislu-a mãnãstirlui. Ama noaptea di 26 di-Andreù, tu-anlu 1888, dupã dgheavasea-a
Searnicãljei, di ningãtan armasi-apreasã unã tsearã dit shindanlu di ningã sfinduchitsa di lemnu
tu cari eara bãgati tinjisitili oasi; pristi noapti shindanlu arsi, a foclu s-teasi la catafalclu iu eara
bãgatã sfinduchitsa, shi preağalea arsi noaptea tutã, shi tut s-adrà un cuculici di cinushi. Alantã
dzuùã dimneatsa, administratsiea di stat shi bãsericheascã, preftsãlji shi-mbistimenjlji vidzurã
cà tinjisitili oasi armasirã nicãrtiti, nica unã nisheani faptã cu putearea-al Dumidzà.
Loati dit stãvãniea di jear, oasili-a Ãndreaptãljei Stã-Viniri furã bãgati ti-unã iami tu
iudimea-a paraclislui di la mãnãstirlu Sãmtsãlji Trei Ierarhi shi multu-ağonjea mutati tu nauùa
catedralã-a Mitropoliiljei di Iashi, tsi fu-asãmtsãtã putsãn tsiva ma ninti, pi 23 di-Apriir, tu-
anlu 1887. Aoatsi s-aflã shi-azã, iu suntu tinjisiti di miletea-atsea ãmbistimena di Moldaviea,
cari lj-caftã s-intrã chifilji ti elji dininti di tronlu din tser, cara-i lugursitã ca ti dealihealui patron
a Moldaviiljei.
Pi shedintsa di pi 28 di Shcurtu, tu-anlu 1950, Sãmtul sinod a Bãsearicãljei Rumãneascã
u-apufãsi canonizarea-a niscãntsãlor sãmtsã Valahuts, ma shi gheneralizari-a cultlui a
niscãntsãlor sãmtsã-a curi oasi s-aflã tu Rumãnii. Apofasea-atsea s-featsi shi prahticã cu
niscãntili màri sãrbãtuseri bãsericheshtsã tsi s-tsãnurã tu meslu Sumedru, tu-anlu 1955. Cara-i
zborlu ti Ãndreapta Stã-Viniri, gheneralizarea-a cultlui a ljei s-featsi tu catedrala-a
Mitropoliiljei di Iashi, pi 14 di Sumedru, tu-anlu 1955, iu loarã parti multsã ierarhanji dit
Rumãnii, ma sh-niscãntsã reprezentantsã-a Bãseritslor Ortodoxi dit Arusiea shi Vãrğãriea.
Ishte, Ãndreapta Stã-Viniri fu tinjisitã di Bãsearica Rumãneascã cu secoli pi-aradã. Nica
dit bitimea-a secolui XIV ari unã bãsearicã cu hramlu Dip Ãndreapta Stã-Viniri tu Ràshinari,
ningã Sibiù, a tu-anlu 1408 aflàm cà avea unã bãsearicã cu hramlu Stã-Vinirea tu “Pãnãyirlu-a
Romanlui”. Multi-alti bãserits di Moldavia icà dit alti pàrtsã-a loclui rumãnescu lu-aù idghul
hram. Icoana-a ljei icà stseni dit bana-a ljei suntu zuğrãfsiti pit multi bãserits rumãneshtsã.
Bunjlji crãshtinji di pristi tut u tinjisescu cu dutsearea-a lor la dgheavasili di pi 14 di Sumedru
cafi-an, a atselji di Iashi sh-di-anvãrliga cu-ncljinarea dininti-a tinjisitilor oasi-a ljei, shi-lji
caftã-apanghu shi-agiutor.
Ti-atsea, s-u tinjisim shi noi shi sã-lji si pãlãcãrsim ashi:
“La tini daima u-avem umutea, di multi lãngori sh-piricljuri ascãpà statlu-aestu,
carau moalji shi u-alãxeashti nãrãearea-atsea pi-ndriptati-nchisitã contra noi di la
Dumidzàlu, tu buna shi dãruta njilueari, cu-a tali pãlãcãrii; ma shi tora cara nã
trumuxescu màrli taxiràts, la tini nã pãlãcãrsim cu làcãrnji, ta s-nã-agiuts cà s-ascãpàm
dit piricljiu shi sã-Lji cãntàm al Dumidzà: Aliluia”. (Dit Acatistlu-a Ãndreaptãljei,
Condaclu 3).
ACATISTLU-ALI STÃ-VINIREA
(14 di Sumedru)
Pãlãcãriili ti-ahurhitã-a acatistlui ali Stã-Vinirea:
Tu numa-a tatãlui shi-a Hiljlui shi-a Sãmtului Duh, Amin.

Vãsiljelu din tseruri, Ãmbunitorlu, Duhlu-a averlui, cari eshtsã pristi
tut shi tuti li fats, Yishtearniclu-a bunetslor shi cari dai banã, yina shi acatsã
cathio tu noi, shi chischinipsea-nã noi di lera tutã shi-ascapã-li, Bune,
geanurli-a noasti.
Sãmte Dumidzali-m, Sãmte vãrtos, Sãmte fãrã di moarti, njiluea-nã
noi!
noi!
noi!
Doxã-a Tatãlui shi-a Hiljlui shi-a Sãmtului Duh shi tora shi daima sh-
Dip-sãmtá Treime, njiluea-nã noi. Doamne, chischinipsea-li

amãrtiili-a noasti. Stopane, ljeartã-li anãpãdzãljli-a noasti. Sãmte, vedz-li shi
vindicã-li slãbintsãli-a noasti, ti numa-a Ta.
Doamne njiluea, Doamne njiluea, Doamne njiluea.
Doxã-a Tatãlui shi-a Hiljlui shi-a Sãmtului duh shi tora shi daima sh-
Tatã-a nostu, Cari eshtsã-n tseruri, la sã Si-asãmtsascã numa-a Ta,
la s-yinã amirãriljea-a Ta, la sã si facã vrearea-a Ta, cum pi tser shi pristi
loc. Pãnea-a noastã di cafi dzuùã, dá-nã u-a nauùã azã, shi ljeartã-li
alutuserli-a noasti, ashi cum shi noi ljirtám a tsilor cari nã-alutusirã-a nauùã.
Shi nu nã du tu pirazmo, ma ascapã-nã di-aráùlu.
Ti pãlãcãriili-a Dipsãmtãljei dadã-al Dumidzá, a Sãmtsãlor a
Pãrintsãlor a noshtsã shi-a tutãlor Sãmtsãlji, Doamne Isuse Hriste, Hiljlu-al
Dumidzá, njiluea-nã noi. Amin.
Condacurli shi Icoasili.
Condaclu 1
A dip-ãmbistimenãljei dadã-a noastã, a multu-njilãoasãljei Stã-
Viniri unã hari ti-aplicãciuni ãlji dám noi nicãdãrlji amãrtioshi ti zboarãli-a
ljei. Cá nã featsim izoti ta sã-nchirdãsim hári di-atseali márli di la izvurlu di
iu daima zvom bunetsli-a Ascãpãtorlui a nostu shi sã-lji cãntám: Hãrsea-ti,
Stã-Vinire, di marea hãiri ti noi!
Icoslu 1
Anghiljlji din tser cu-alãvdári cara lu-apruchearã duhlu-a táù di
ghirghinã dr pristi loc, di harauùã ti-ncãrunarã di ispetea-a hárlor a tali; cá
purtashi trup di muljeari shi fisi slãbencã, shtiushi di li-anãchisishi puterli
tuti-a dushmanjlor prit buna mintiminilji; ti-atsea shi tsã cãntám:
Hãrsea-ti, mintimena ghirghinã!
Hãrsea-ti, pãrumba cu grai di om!
Hãrsea-ti, gean di-anghil tu trup di ghirghinã!
Hãrsea-ti, gioana samsarã la Dumidzá!
Hãrsea-ti, hãrsearea-a oaminjlor!
Hãrsea-ti, ãmbunarea-a patimatlor!
Hãrsea-ti, vãrtoasa umuti-a noastã!
Hãrsea-ti, ãnvãrtushearea-a pistimenjlor!
Hãrsea-ti, mãnica di-amari isihã shi fãrã di fãrtunji!
Hãrsea-ti, mustra-a bunãljei scuteari-n cap a lucãrlor!
Hãrsea-ti, tseara-a tsilor fãrã di tãhmini!
Hãrsea-ti, ascãparea ti-atselji cu umutea chirutã!
Hãrsea-ti, Stã-Vinire, di marea hãiri!
Condaclu 2
Ashitsi Amirálu-a tutãlor lã li-arãspãlteashti anãchiserli. Ashitsi
mãna-atsea nividzuta-a proniiljei u-nvãrtusheadzã fara umineascã, shi li-
nveashti cu pistusini lucãrli di mãna simnati ti-ascãpari Ti-atsea ispeti s-
fudzim di strãmbãtátsli, pãnã cãndu-a s-bãnám tu-amãrtii? Doamne,
ãnvãrtusheadzã-li ininjli-a noasti ta s-Ts-u cãntám cu lucri buni cãntarea
anghileascã: Aliluia!
Icoslu 2
Dip-tinjisitá ghirghiná, la tini u-avum umutea, cã la tini cari di multili
ori shi tini loashi ti-agiutari sãmtsã shi-anghilji la pirazmadzlji di pristi loc;
fá-ti shi tora cãt cama-ağonjea ti-agiutor, dicara ti fãtseshi izoti ta s-intsrã tu
casa-a ğrambolui cu lunjinoasa cãndilã, ashi cum nã urnipsi Ascãpãtorlu
Hristos, shi aproachi-ù aestã cãntari:
Hãrsea-ti, mirgeana nai ma scumpã-a hãználui a nostu!
Hãrsea-ti, lilicea nimãrãnghisitã-a Bãsearicãljei a Hristolui!
Hãrsea-ti, fimeljlu vãrtos a crãshtinamiljei!
Hãrsea-ti, a ghirghinilor doarãli shi pãlãcãriili cãtã la Dada-al
Dumidzá!
Hãrsea-ti, tini cari lji-ascultsã preftsãlji bunji!
Hãrsea-ti, agiutorlu bun a xinitslor!
Hãrsea-ti, calda ãmbunari-a avinatslor!
Hãrsea-ti, njilãoasa urnipsitoarã-a veduvilor!
Hãrsea-ti, tini cari lji-anãchiseshtsã dushmanjlji!
Hãrsea-ti, ascãpãtoara-a tsilor cari tsã grescu ti-agiutor!
Hãrsea-ti, marli-ncherdu-a geanurlor!
Hãrsea-ti, yitriea ti-aránjli-a trupurlor!
Condaclu 3
La tini daima u-avem umutea, di multi lãngori shi ghideri fu ascãpatã
vãsiliea-aestã, ãmbunãndalui shi prifãcãndalui nãrãeara cu dichi arcatã
pristi noi di la Dumidzálu, tu buna shi njilãoasa adunari di gaile, cu
pãlãcãriili-a tali; ama shi tora cara nã bagã mari puvrii márli ghideri, la tini
nã si dutsi mintea cu lácãrnji-ntr-oclji, ta s-nã agiuts, ta s-ascãpám di
ghiderea shi sã-Lji cãntám al Dumidzá: Aliluia!
Icoslu 3
Epivata, cara u vidzu alãvdarea-a loclui a ljei, cu tutã harauùa ti-
astãvãrsi, tini dip-ãmbistimena, shi cu mari pistusini ti spusi; shi noi, cari
deapoa nã featsim izoti ta s-li aflám oasili-a tali, cum va s-putem salami ta s-
propoviduim ti nishenjli-a tali tsi li fãtseshi, ma s-nu li cãntám tuti-aesti:
Hãrsea-ri, lunjinãtoarea-a Armãnamiljei!
Hãrsea-ti, furtutirea-ali Epivata!
Hãrsea-ti, dãscãlitsa-a pãrintsãlor a tálji!
Hãrsea-ti, tini cari nu-adunashi averi pristi loc!
Hãrsea-ti, tini cari-adunashi hári din tser!
Hãrsea-ti, tini cari nu li vrushi stranjili-atseali scumpili!
Hãrsea-ti, tini cari-l vrushi stranjlu-a aplicãciuniljei!
Hãrsea-ti, tini cari u bãgashi pi bunã cali pirifanjea!
Hãrsea-ti, tini cari u tinjisishi ghirghineatsa!
Hãrsea-ti, tini cari lji-agiutashi aushlji!
Hãrsea-ti, tini cari ãlji cãznishi dushmanjlji!
Hãrsea-ti, tini cari ãlji njiluishi oarfãnjlji!
Condaclu 4
Dipchischiná Ghirghiná Marie, Dada-al Dumidzá, aproachi-li shi
bunili-a noasti pãlãcãrii di la noi nicãdãrlji shi cari prit sãmta samsarã-a
noastã tsã li fãtsem ti ljirtarea-a amãrtiilor shi dá-nã-a nauùã irinji shi njilã
mari di la Hilji-tu, a Curi dipriunã Ãlji cãntám: Aliluia!
Icoslu 4
A tsiljei tsi dip hãrzeashti shi cu pisti tsi s-tsãni di zborlu-al Dumidzá,
cari di ispetea-a bunlui purtatic lj-si deadi harea ti vindicari shi-aruga
tsireascã, prit boatsea-a Ascãpãtorlui lj-dzãtsem: huzmicheará bunã shi
pistimenã, ti harauùa-a Domnului a táù, ts-u fãtsem cãntarea-aestã:
Hãrsea-ti, simitsa nichirutã!
Hãrsea-ti, trup tsi nu shtii ti cãpãeari!
Hãrsea-ti, hrana sufliteascã!
hãrsea-ti, malãma chischinã!
Hãrsea-ti, foclu tsi li-ardi plevili!
Hãrsea-ti, loclu ti nãfãteari!
Hãrsea-ti, iamishea-a tunuseariljei!
Hãrsea-ti, ãmbunarea-a aralilor mindueri!
Hãrsea-ti, aspãrgãtoarea-a fãrtunjlor!
Hãrsea-ti, aducãtoara-a manãljei!
Hãrsea-ti, tini cari dai hãrseri!
Hãrsea-ti, samsara ti crãshtinjlji tuts la Domnul!
Hãrsea-ti, Stã-Vinire, di mari hãiri!
Condaclu 5
Cãpãits di pidimolu-a minduerlor di pristi loc tora nã dishtiptám noi,
anapudzlji, cu lácãrnji-ntr-oclji, cá nu-avem cãtã iu s-li tindem nãdiili-a
noasti dupã faptili-a noasti ta s-nã-apuituim, cara nu featsim canã lucru ti-
ascãpari shi cu frica di tãljearea ca hiclu-atsel tsi nu didea hitsi, tsã-
nzãnucljem dininti cu plãngu, Stã-Vinire, shi aurlám: ai njilã ti noi, shi
deadun cu tini s-Lji-u cãntám a Hristolui cãntarea ti-ascãpari: Aliluia!
Icoslu 5
Cari nu va tsã dzacã cahara di tini, cá ti fãtseshi izoti s-u-apuitueshtsã
prit ghiderli-a tali dizghirdarea-a truplui shi s-u-nchirdãseshtsã ascãparea
sufliteascã cu tinjiea niloatã di mãnji umineshtsã-a mãreatsãljei tsireascã?
Icá cari iara nu va tsã dzãcã cahara di tini cá prit giuneasca-ts minti li
cãlcashi mintirejli-a tsilui cu-un cicior lucãrli cari-anganã shi lu-ai scoasã pi-
arshini? Ti-ahtarli lucru s-u ljeai aestã cãntari:
Hãrsea-ti, cula-a anãchiseariljei!
Hãrsea-ti, ushea-a ascãpariljei!
Hãrsea-ti, apanghul a pistusiniljei!
Hãrsea-ti, cathiolu-a vãrtusheatsãljei!
Hãrsea-ti, lishlu-a bunetslor!
Hãrsea-ti, apurarea-a tinjisitãljei crutsi!
Hãrseati, tini buna ãncljinãtoarã-a ljei!
Hãrsea-ti, cá prit agiutorlu-a ljei ti spuseshi azvingãtoari!
Hãrsea-ti, cá prit ea ti fãtseshi omlu tsi imnã dupã Hristolu!
Hãrsea-ti, musheatlu stur a anãchiseariljei!
Hãrsea-ti, azvingãtoara-a stopanjlor a cãtránjlor!
Hãrsea-ti, tini tsi-ù loashi clirunumii apuituearea-a tserlui!
Condaclu 6
Ama cum va s-cãntám cu ma mari irbapi icá cu tsi zboarã va u-
alãvdám mãreatsa-a faptilor a tali, noi nicãdãrlji? Cá ni faptili ni pistusinea
nu nã duc aproapea di diptinjisitili lucri adrati di tini; ama, cu
marturisearea-a nicãdãrlãchiljei a noastã, ti pãlãcãrsim tini ta s-nã agiuts
shi s-ti fats samsarã la Dumidzá s-u aproachi cãntarea: Aliluia!
Icoslu 6
Nã-acãtsarã tora ponuri cum nu suntu spusi, canã-agiutor di om di la
canã nu-ashtiptám, tuts dinãoarã mutarã mãna di noi, pãnã shi miráchli cari
maninti nã diznjirda tora s-alumtã cu noi; cavai di anãpãdzãljea-a noastã,
nu-avem altã umuti madan njila-al Dumidzá shi-a táù sãmtu-agiutor. Ti-
aestã ti pãlãcãrsim tini, ağunjisea-ti s-nã ascultsã, shi s-nã vindits shi s-tsã
cãntám a tsáia:
Hãrsea-ti, yitriea-a ponlui!
Hãrsea-ti, mãna-a vindicariljei!
Hãrsea-ti, casa-a apãnghiseariljei!
Hãrsea-ti, aradza-a háidilor!
Hãrsea-ti, tenda-a nãfãteariljei!
Hãrsea-ti, arauùa-a dãgoarãljei!
Hãrsea-ti, ascãparea di lãngori!
Hãrsea-ti, ascãparea-a ãnfricusheatslor!
Hãrsea-ti, tini cari li-avinji chirdãciunjli!
Hãrsea-ti, birbilj tsi nu shtii tsi-i somnu!
Hãrsea-ti, steauùa tsi lunjineadzã!
Hãrsea-ti, scara ti-ascãpari!
Condaclu 7
Doamne, sã-lji vedz shi sã-lji vindits sclavanjlji-a Tálji acãtsatslji di
ponuri, dzãtsi dip-ãmbistimena, tu pãlãcãriili nicurmati-a ljei, cá nu-aù unã-
ndrupãturã, nitsi-apuitueari. A dzãlili suntu greali, shi ti-atsea cá ascãpám,
s-nã hãrsim shi sã-Lji cãdem al Dumidzá, cu tunuseari shi cãntari: Aliluia!
Icoslu 7
Anãpãdzãljli-a noasti, multili cãbáts tsi li featsim ti-aproapili-a nostu,
azã nã glubãescu shi nu shtim tsi va s-apãndãsim anda va neam la giudicari,
iu tuts nã-avinã-ncicioari, tuts s-mutã contra noi ta s-nã calcã; ama tini, o,
dip-buna dadã, cari u-ascultsã marturisearea-a noastã, zbura-Lji a
Domnului, s-u prifats soarta-a globãljei a noastã tu bunets, dit ininjli-a
dushmanjlor a noshtsã s-u scots tutã hasma shi va ti dip-mãrim cu-alãvdári
ca-aesti:
Hãrsea-ti, samsara-a tsilor cari-alutusirã!
Hãrsea-ti, agiutorlu-a tirinsitslor!
Hãrsea-ti, aducãtoarea pi buna cali-a aráilor giudicãtori!
Hãrsea-ti, tini cari lji spuseshi pruzvulusitslji!
Hãrsea-ti, ascãparea ti giudicatslji shi glubãitslji!
Hãrsea-ti, tini cari li curnji patimatli!
Hãrsea-ti, tini nindruparea-a tsilor a curi lã-ù caftsã mash hãirea di
elji!
Hãrsea-ti, cheardirea-a samsarlor itromanji!
Hãrsea-ti, imirisearea-a tsilor cu puteari!
Hãrsea-ti, agiutarea-a tsilor cu cicioarli slabi!
Hãrsea-ti, spastra-a arãetslor!
Hãrsea-ti, izvurlu-a njilueariljei!
Condaclu 8
Ashi cara dzãtsem, nã-apuituim, nã fatsim chifladz shi hãrãcochi;
gioacã geanurli-a noasti cá nu va-shi pizueascã di noi dushmanjlji-a noshtsã.
Nu va s-tragã mãnã di noi Dumidzálu-a nostu pãnã tu soni, di ispetea-a
pãlãcãriilor a tali, dip-ãmbistimenã, shi cu pitritsearea-a njilãljei a Lui pristi
miletea, ashi cum easti-arada, shi noi, nicãdãrlji, va nã cumnicám cu elji cu
bunetsli-a Lui, cu cari deadun va-Lji cãntám al Dunidzá: Aliluia!
Icoslu 8
La tuts va li spunem nishenjli-a tali, cu boatsi mari va u cãntám
iurtusearea-a ta, ashi cum easti borgea-a miletiljei cari tsã cãntã ta s-rsã si
facã chefea: mãreatsã ti-alãvdarea-a ta, mãrilji ti marea-arãvdari cu cari ti-
ncãrunashi, cu pidipsearea tu pistea, mãrilji ti fapta-a ta cu vãrtushilji tsi u-
adrashi dupã mustra-a Vruitorlui di oaminji, ti-atseali tsã dzãtsem a tsáia:
Hãrsea-ti, duhovnicheasca ãnveastã-nauùa!
Hãrsea-ti cãruna-a averlui!
Hãrsea-ti, stapuga-a anãchiseariljei!
Hãrsea-ti, mãreatsa-a cãluğrilor!
Hãrsea-ti, urnipsitoarea-a miletiljei!
Hãrsea-ti, chirnisitoarea-a ãmbistimenilor!
Hãrsea-ti, apanghul a sihashtsrãlor!
Hãrsea-ti, aducãtoarea-aminti-a etslor!
Hãrsea-ti, propoviduitoarea-a bunãljei pisti!
hãrsea-ti, surpãtoarea-a eresurlor!
Hãrsea-ti, tini cari u-nchirdãsishi doxa dumidzeascã!
Hãrsea-ti, tini tsi imnji dupã Zborlu din tseruri!
Condaclu 9
Sãmta cari lã-agiutã-a tsilor tu ghideri, tuts cu harauùã s-u alãvdám,
tinjisita Stã-Viniri, cá ea featsi unã banã tsi nu s-mãryeashti ti eta-a etilor;
ti-atsea ãnchirdãsi mãrilji, shi harea ti nishenji, cu dimãndãciunea-al
Dumidzá, cãntã: Aliluia!
Icoslu 9
Atselji cu minduerli-arali cara furã vãrghits prit tini, s-aspãrea cara
u videa doxa-al Dumidzá, atsea ãndreapta ti omlu lãrdzid di-amãrtiili, tu tini
cara didea videalã, cara-l vidzurã mistirghul atsel tsi nu-ari mardzinã-a
lishlui a mãriljiljei, pristi tini ãmbistimená, cá azã scãntiljeadzã shi-a
pistimenjlor lã-adutsi pishcheshi ti vindicari; ti-atsea elji s-arshunarã shi s-
tunusirã shi noi nã featsim chifladz, shi tsã cãntám a tsáia:
Hãrsea-ti, ascãpãtoara-a noastrã!
Hãrsea-ti, urnipsitoará!
Hãrsea-ti, tini tsi-lji badz oaminjlji pi cali bunã!
Hãrsea-ti, tini cari li-avinji arãetsli!
Hãrsea-ti, tini cari-aduts anjurizmã bunã!
Hãrsea-ti, tini cari li-nfarmãts ağrinjli!
Hãrsea-ti, tini cari li spãstreshtsã insectili!
Hãrsea-ti, tini cari-afireshtsã di furnjiseri!
Hãrsea-ti, tini cari lji-avinji niorlji cu grãndinã!
Hãrsea-ti, tini cari-aduts ploi birichitloanji!
Hãrsea-ti, tini tsi-aduts biricheti bunã!
Hãrsea-ti, tini cari ãlji fats chifladz uracilji!
Condaclu 10
Putes nu va s-mãnjisim s-li spunem nishenjli-a tali, dip-ãmbistimenã,
cá ma s-nu shideai tini, s-ti pãlãcãrseshtsã ti statlu-aestu tsi-l veglji cu dip-
chischinili oasi-a tali, cari vrea nã ascapã di-ahãtili piriclji, icá cari vrea nã-
ascãpa di lãngorli tsi bãhtãsirã pristi noi, di ispetea-a multilor amãrtii a
noasti? Scljeamã deadun cu tini Ãlji cãntám al Dumidzá: Aliluia!
Icoslu 10
Stiznjili-a casãljrei a pãrintsãlor a tálji nu furã vãrtoasi, ni cá furã
duri cá ta s-ti dãnãseascã di la mãriljea-a apofasiljei a ta tsi-ù fãtseshi, cu
tağma-ts ta s-bãnedz ca cãluğreauùã, shi ti-atsea ti lãrdzishi di háidili shi
hareili dit dunjeauùã, stranjili-atseali scumpili li-alãxishi cu atseali-a
dicunjearlui, dicara vinishi di la bãsearicã, shi fudzishi di la pãrintsãlji cari
ti vãrghea di ispetea-a ahtariljei fugã-a ta. Scljeamã, cu-aplicãciuni cara li-
nchirdãsishi doxãli dip-análtsã, di la tuts avdi tora:
Hãrsea-ti, trandafil ni-acãtsat di iermul a fãduleatsãljei!
Hãrsea-ti, crinlu siminat tu bãhcelu-atsel di-nsus!
Hãrsea-ti, patlu-a nicãbatiljei!
Hãrsea-ti, scamnul a domnjilor!
Hãrsea-ti, schiptrul a márlor capiti!
Hãrsea-ti, apanghul nicãpãit!
Hãrsea-ti, apurãtoarea ni-ncustatã!
Hãrsea-ti, tini cari lji-avinji atselji tsi nã duc tu pirazmadz!
Hãrsea-ti, tini tsi-lji tinjiseshtsã-atselji tsi nã njiluescu!
Hãrsea-ti, tini tsi lji-nvãrtushedz atselji tsi lucreadzã ti noi!
Hãrsea-ti, tini tsi dai videalã la-atselji tsi nã hãrsescu!
Hãrsea-ti, tini tsi lucredz deadun cu-atselji tsi nã hãrnescu!
Condaclu 11
Him ãmplinji di-amãrtii, Doamne njilãos, shi greù s-alumtã geanurli-
a noasti cara sh-si minduescu la giudicarea, cá tsi va s-adrám noi
amãrtioshlji, cara s-urnjeascã pristi noi niprividzuta bitimi? Njilã, cãftám
Doamne, njilã Hriste a nostu, cá nu-avem ceareii ti yineari pi buna cali;
vedz-li ghini pãlãcãriili-a noasti shi tunusearea; tsi dinãoarã dupã-amãrtiili
nã-aputursi shi fá-ti di cãili ca bun chifilj ti buna-nã vreari shi-a fricãljei di
Tini, ti pãlãcãriea-aestã, piningã cari Ts-u adutsem ca samsarã shi dada-a
noastã Stã-Vinirea, shi deadun cu ea cãntám: Aliluia!
Icoslu 11
Multsã di-amãrtioshlji ninti di noi ãnchirdãsirã ascãpari cara s-
aplicarã. Shi cum s-lãrdzim shi noi di-ahtarea umuti? La tini, ama, u-avem
umutea, dip-ãmbistimená dadá, shi nu va s-inshim pi-arshini, cá nu va s-
fudz largu di noi cum nu fuszishi shi di-amãrtioslu cari ningã tini fu-ngrupat
fãr di sã-lji si shtibã nicãdãrlãchea-a lui sh-ti cari prit furnjiseari cãftashi ta
sã-lji si mutã truplu-atsel putirdul di ningã oasili-a tali. Scljeamã nã
pãlãcãrsim s-li-aprochi pãlãcãriili shi lácãrnjili-a noasti, shi s-caftsã ljirtari
ti-amãrtiili-a noasti ti-atsea cá tsã cãntám:
Hãrsea-ti, tini marea arãvdari!
Hãrsea-ti, ghirghina nimãryitã!
Hãrsea-ti, yishtearea nivirsatã!
Hãrsea-ti, dada dip alãvdata!
Hãrsea-ti, ascãparea cu mari-arãvdari!
Hãrsea-ti, alãvdarea-a aplicatslor!
Hãrsea-ti, hãidipsearea-a tihilailor!
Hãrsea-ti, dãscãlitsa-a chirutslor!
Hãrsea-ti, buna-a mea dãscãlitsã!
Hãrsea-ti, dip imira dãscãlitsã!
Hãrsea-ti, tini cari nj-dai harauùã-a geanlui!
Hãrsea-ti, tini tsi-ağonjea yinji ti-agiutari!
Condaclu 12
Nu lji-ari spuneari-a ãmbunariljei a noastã, cara ti videm, cu noi cá
eshtsã, ca pishcheshi di la Dumidzá tsi lj-si pitricu-a Armãnamiljei; cá di cãti
lãngori fum agudits shi tini nã vindicashi; tu cãti lãvãshilji nã fãtseshi
hãrãcochi; di multi ori fum tu chisati, avinats shi tu pulemati shi tini nã-
agiutashi-a nauùã, shi totna-l fãtseai zborlu-a Ascãpãtorlui dit Vangheljlu-a
Lui! Ti-atsea cara fushi pi-ndriptati anãltsatã pi scamnul a mãriljiljei, tsã
cãntám a tsáia: hãrsea-ti! Shi-al Dumidzá alãvdãciunea tsireascã: Aliluia!
Icoslu 12
Ascapã-nã noi, dadá, di lãngori, di pushcljea, di hulera sh-di
dushmanji; ascapã-nã noi, dadá, di lãcusti, di bubulidz sh-di arãeatsa tutã;
ascapã-nã noi, dadá, di foc, di gtãndina sh-di chiritlu; ascapã-nã noi, dadá,
di pidimolu tsi nu-ari bitiseari sh-tu sãhatea-a cãzneariljei shi fá-nã izoti sã-
nchirdãsim prit pãlãcãriili-a tali unã bunã catandasi pi dzuùa-a giudicariljei,
prit ascãparea-a geanurlor a noasti, s-nã apãnghiseshtsã shi s-nã hãrneshtsã
pi-arãhati pãnã la-adiljeatlu dit soni, ta s-tsã cãntám:
Hãrsea-ti, alãuta duhovnicheascã!
Hãrsea-ti, trumbeta apostoleascã!
Hãrsea-ti, lãmbadá lunjinoasã!
Hãrsea-ti, aradza tsireascã!
Hãrsea-ti, umutea-a oaminjlor!
Hãrsea-ti, tini tsi eshtsã avinarea-a demunjlor!
Hãrsea-ti, mihlemea-a aránjlor!
Hãrsea-ti, tini tsi-afireshtsã di-arãetsli!
Hãrsea-ti, tini cari-aduts bunets!
Hãrsea-ti, tini tsi-ù dai videala pit casili-a Armãnjlor!
Hãrsea-ti, tini tsi lu-ascãpashi Oani Ciulli shi-altsãlji njiluits!
Hãrsea-ti, shi furtutirea-a mea, mini-aplicatlu amãrtios!
Hãrsea-ti, Stã-Vinire, di mari-agiutor!
Condaclu 13
Nã-ncljinám la Dumidzá sh-li iurtusin sãmtili oasi-a tali, Ãmbistimená
Dadá Stã-Viniri, sh-li spunem cu mãrilji shi cãntari nishenjli tuti-a tali cari
prit harea-al Dumidzá shi ti-ascãparea-a noastã li-nchirdãsim; s-hibã ghini-
aprucheatã fá-ù pãlãcãriea-a noastã, sãmtá, shi daima ağunjisea-ti ta s-nã
agiuts cu harauùã ta s-li cãntám faptili-a tali shi doxa-al Dumidzá: Aliluia!
(Aestu Condac s-dzãtsi di trei ori).
Icoslu 1
Anghiljlji din tser cu-alãvdári cara lu-apruchearã duhlu-a táù di
ghirghinã dr pristi loc, di harauùã ti-ncãrunarã di ispetea-a hárlor a tali; cá
purtashi trup di muljeari shi fisi slãbencã, shtiushi di li-anãchisishi puterli
tuti-a dushmanjlor prit buna mintiminilji; ti-atsea shi tsã cãntám:
Hãrsea-ti, mintimena ghirghinã!
Hãrsea-ti, pãrumba cu grai di om!
Hãrsea-ti, gean di-anghil tu trup di ghirghinã!
Hãrsea-ti, gioana samsarã la Dumidzá!
Hãrsea-ti, hãrsearea-a oaminjlor!
Hãrsea-ti, ãmbunarea-a patimatlor!
Hãrsea-ti, vãrtoasa umuti-a noastã!
Hãrsea-ti, ãnvãrtushearea-a pistimenjlor!
Hãrsea-ti, mãnica di-amari isihã shi fãrã di fãrtunji!
Hãrsea-ti, mustra-a bunãljei scuteari-n cap a lucãrlor!
Hãrsea-ti, tseara-a tsilor fãrã di tãhmini!
Hãrsea-ti, ascãparea ti-atselji cu umutea chirutã!
Condaclu 1
A dip-ãmbistimenãljei dadã-a noastã, a multu-njilãoasãljei Stã-
Viniri unã hari ti-aplicãciuni ãlji dám noi nicãdãrlji amãrtioshi ti zboarãli-a
ljei. Cá nã featsim izoti ta sã-nchirdãsim hári di-atseali márli di la izvurlu di
iu daima zvom bunetsli-a Ascãpãtorlui a nostu shi sã-lji cãntám: Hãrsea-ti,
Stã-Vinire, di marea hãiri ti noi!
Deapoaea sã dghivãseashti aestã:
PÃLÃCÃRII CÃTÃ STÃ-VINIREA
Doamne Dumidzálu-a nostu, Tini, Atsel tsi dzãseshi shi s-featsirã

iatsãli tuti, nu tsã tradzi fatsa-a Ta di la noi amãrtioshlji ta s-nu cadã pristi
noi hasma-atsea ti puvrii sh-tsi bagã trom tu ponurli, tsi s-apreasi di ispetea-
a amãrtiilor a noasti, cari tu dzuùa-ntreagã, di nispusi di ori, ca nihashlji li
fãtsem. Noi him amãrtioshi, nihits shi-ağno arãeatsã; a Tini eshtsã izvurlu-a
banãljei shi-a njilueariljei. S-nu nã-alashi, Doamne! S-nu u-ansari
pãlãcãriea-a noastã di-amãrtioshi, shi s-nu nã pãlteshtsã-a nauùã dupã
strãmbãtátsli-a noasti, ma ti-atsea cá nu him izoti ta s-u ãnchirdãsim
njiluearea prit cilãstãsearea di cafi dzuùã, s-nã u hãrzeshtsã Tini ca un
gailitic multu-Njilãos.
Doamne, ti pãlãcãriili-a Ãmbistimenãljei Dadã-a noastã Stã-Vinirea,
hãrzea-nã sãnãtati shi banã vigljeatã di tuti-arãetsli shi ãnvãrtusheadzã-nã
cu Duhlu-a Táù tsi puvileashti, cá dit ahãndimea-a ininjlor, cu harauùã s-u
iurtusim dip-ãmta numã-a Ta ti eta-a etilor. Amin.
SÃMTUL IOVAN VLADIMIR
Iovan Vladimir icá Oani/ Iani Vladimir bãná iuva tu anjlji cca 990 – 22 di Mai tu-anlu
1016. La Armãnjlji armasi traditsiea cá el eara di soi di vecljilji Armãnji di pit locãrli-a
Caradaclui, cari cu chirolu s-avea slavizatã. El fu un domnitor ali Ducljea, nai ma cu putearea
printsipat/ cnezat di pi arãdzãmurli-a Sãrghilor shi-a Caradaclui di azã, iuva tu anjlji 1000 –
1016. Fu cumandar tu chirolu-a lungului polim di-anamisa di Amirãriljea-a Bizantslui shi Prota
Amirãrilji-a Vãrğãrlor. Iani Vladimir fu pricãnãscut ti un di dealihealui cumandar ivlavios,
ãndreptu shi fronim. Fu pricãnãscut ti macenic shi sãmtu shi fu iurtusit pi data di 22 di Mai.
Iani Vladimir shi-avea bunã treacã cu Bizantslu, ama atsea treacã nu u-ascãpá Ducljea
di amirálu expanzionistu Samuil, cari ãl cãlcá printsipatlu iuva pi la anlu 1010 shi Vladimir ãl
lo cu el ca sclav. Unã cronicã medievalã spuni cá hilji-sa al Samuil, Teodora Cosara, shi-arcá
sivdaea pi Vladimir shi-l pãlãcãrsi fen-su s-hibã di cãili cá ea ta s-mãritã pi Iani Vladimir, cá
el eara multu undzit. Samuil s-featsi di cãili cu atsea cãrunã shi Ducljea lji-u turná al Iani
Vladimir, cari cumãndusea ca un vasal al Samuil. Vladimir nu lo parti la ampuliserli-a socur-
sui. Ampuliserli culminarã cu cheardirea-al Samuil dupã ampulisearea dit anlu 1014, di cari
cheardiri shi muri Samuil. Tu-anlu 1016, Vladimir cãdzu curbani-a unãljei intrigã di-al Ivan
Vladislav, atsel dit soni lider a Protãljei Amirãrilji Vãrğreascã. Caplu ãlji fu tãljeat dininti-a
bãsearicãljei di Preaspa, scamnul a amirãriljiljei shi fu ãngrupat aclotsi. Ti shcurtu chiro fu
pricãnãscut ti macenic shi sãmtu. Veduva-a lui, Cosara, ãl dusi di lu-ngrupá tu bãsearica
Precista Krajinska, ningã palata-a lui dit pártsãli-a Notlui-Datã-a Ducljiljei. Tu-anlu 1381,
oasili-a lui furã dusi tu Bãsearica Sãmtul Iani Vladimir, ningã Elbasan, a dit anlu 1995 suntu
bãgati tu catedrala ortodoxã di Tirana, tu-Arbinishii. Oasili-a sãmtului suntu lugursiti ti moashti
shi multsã pistimenji s-duc di li ved, cama multsãlji pi dzuùa anda s-iurtuseashti el, anda
moashtili s-duc la bãsearica di ningã Elbasanlji ti iurtuseari.
Crutsea cari u-avu Iani Vladimir anda ãlji fu tãljeat caplu easti tut ashitsi lugursitã ti
sãmtã. Crutsea traditsional s-tsãni di familiea Androvici dit hoara Velji Miculici, dit pártsãli
Notlu-Datã-a Caradaclui, sã scoati s-u veadã pistimenjlji mash pi sãrbãtoarea Arusa (Rusaliili),
anda s-poartu tu unã protsesii cãtã pi cipita-a Muntilii Rumiea.
Iani Vladimir s-lugurseashti ti protlu sãmtu sãrbescu shi hram a cãsãbálui Bar dit
Caradaclu. Nai ma veacljea haghiografii-a lui, chirutã, fu ãnárãpsitã poati anamisa di-anjlji
1075 shi 1089. Unã variantã cama shcurtã, ãnğrãpsitã pi limba latineascã, s-aflã tu Cronica-a
preftului di Ducljea (Hronika Popa Dukljanina).
Haghiografiili-a lui pi gãrtseasca shi slavoneasca bãsericheascã furã publicati ti prota
oarã, tu anlu 1690 pi gãrtseashti shi tu-anlu 1802 pi sãrbeashti. Ca di-aradã, sãmtul easti spus
pit iconji ca un monarh cu cãrunã-n cap shi tu stranji di vãsilje, cu crutsi tu-andreapta mãnã shi
cu caplu-lji tu-astãnga mãnã. Unã leghendã spuni cá el sh-lu dusi tãljeatlu cap la loclu iu lipsea
s-hibã ãngrupat.
Tu anjlji 1719-1745, anda Arhiepiscopiea di Ohãrda eara cumãndusitã di arhiepiscoplu
Ioasaf, Armãnlu di Moscopoli, tinjisearea-a Sãmtului Iani Vladimir fu multu lãrdzitã tu pártsãli
dit Notlu-a Arbinishiiljei shi Ascãpitata-a Machiduniiljei, ma shi ma largu di sinurli-a
Arhiepiscopiiljei, tu Vãrğãrii shi anamisa di Sãrghilji dit Vãsiliea-a Mãgiriiljei. Aestu lucru
spuni cá Armãnjlji shtea cá eara di soi armãneascã shi sh-lu vrea, ashi cum sh-lu vrea shi-l
tinjisea shi Ia-Nauni di Ohãrda shi ãl dusirã shi tãshi tu cãsãbálu Mishcolts, dit Mãgiriea.
MARTIRANJI ARMÃNESHTSÃ
PAPALAMBRU BALAMACI DI CORCEA
MARTIRLU NATSIONAL A ARMÃNJLOR
Nu sã shtiù multi lucri ti bana shi lucurlu shi ti martiriljea-a lui. Ama, di multi-putsãni sã
shtiù shi lipseashti s-hibã spusi, ta s-armãnã shi unã adutseari-aminti cá shi-u deadi bana ti
crãshtinamea ama shi ti armãnamea.
Altsã dzãc cá s-featsi tu-anlu 1850, ama ari shi di-atselji tsi dzãc cá s-featsi tu-anlu 1863
tu hoara armãneascã Pleasa, ningã Corcea, atumtsea tu Amirãriljea Turtseascã shi tora sum
administratsiea ali Republica Arbinishiea. Soea ãlji si tradzi di unã avdzãtã familii di
Fãrshirotslji, di cari inshirã ãndauùã avdzãti numi pi altarlu-a alumtãljei natsionalã-a Armãnjlor
shi contra propaganfa dictatã di Veacljea Pãshilãchi Turtseascã - Gãrtsiea. Ashi cum eara tu-
atsel chiro u bitisi ghimnaziea gãrtseascã di Corcea shi fu bãgat ti dascal ti caligrafii tu idghea
ghimnazii. Tu-anlu 1879 s-featsi preftu ta s-liturghiseascã pi gãrtseashti. Aestu lucru shi fatsi
unã mintireaji: ma s-eara Papalambru Balamaci shi dealihea faptu tu-anlu 1863, nu vrea s-poatã
el pi 16 di-anji s-eara ãnsurat shi s-eara mãnãpãtãsit ti preftu. Aestã scljeamã cá easti multu ma
dealihea factlu cá s-eara faptu tu-anlu 1850, shi ashitsi, cu 29 di-anji s-fu mãnãpãtãsit ti preftu.
S-pari cá tu-anlu 1880 s-dusi Bucureshti, tu Vlãhii, shi ashitsi trapsi mãnã di
liturghisearea pi gãrtseashti shi s-deadi di partea-a propagandãljei valahuteascã, ama iara eara
ma ghini cá lji-ascãpa Armãnjlji/ Fãrshirotslji di adrarea Grets. Un an ãnvitsá limba shi
liturghisearea tu cãsãbálu Argesh. S-turná iara tu Amirãriljea Turtseascã shit u-anlu 1881 u
dishcljisi sculiea ti Armãnjlji di Pãrleap, azã tu Republica Machedoniea.
Tu idghul an, 1881, deadun cu lalã-su Spiru Balamaci (cusurin ver a fen-sui) eara
membru-a delegatsiiljei armãneascã, cari featsi protest Tsarigrad di ispetea-a alicheariljei a
Tesaliiljei di Veacljea Pãshilãchi Turtseascã - Gãrtsiea, cum eara adusã detsizii la Congreslu
di Berlin, dit anlu 1878. Protestlu eara cá lã si ãncljidea ushea ti arnarea-a cupiilor armãneshtsã
tu Tesaliea, ama dealihea eara cá Armãnjlji nu vrea s-cadã sum fashismul gãrtsescu di Atina.
Cama-amãnat dishcljisi sculii shi tu hoara-a lui, Pleasa, a deapoa shi Moscopoli, Shipisca,
Grabuva, Lãnca, Nicea, Bitcuchi shi tãshi shi Elbasanjlji shi Vilardi (Berat).
Tu-anlu 1891 iara s-dusi Tsarigrad shi-aclotsi shidzu pãnã tu-anlu 1895 cu delegatsiea
cari lucra ti ãnchirdãsearea-a Episcopatlui a Pindlui, cá vrea ta sã-lji tragã Armãnjlji di sum
iurisdictsiea-a nafimatãljei patriarshii di Tsarigrad, cari eara mash lup ti Armãnjlji shi nu casa-
al Dumidzá.
Andartsãlji gãrtseshtsã vrurã su-l vatãmã, ma ascãpá. Tu-anlu 1905, ceta al Constantinos
Gudas, agudi pi Pleasa ta s-u curmã liturghisearea pi-armãneashti dit bãsearica “Stã-Mãriea”.
Balamaci li-ascumsi valahuteshtsãli cártsã, ama nu u curmá shi liturghisearea.
Tu-anlu 1906 mitropolitlu di Corcea, Fotios, vru ta s-ducã pleasa, ama fu ampulisit cu
chetsari shi nu-lji si deadi s-intrã-n hoarã. (Aestã faptã easti spusã multu musheat di Cola Babu
tu teatrul “Dispoti”, armasã tu manuscris shi u-am io shi ashteaptã aradã ti publicari). Al
Balamaci ãlji si featsi iftirii shi dãvii cá el fu organizatorlu-a unãljei probã ti vãtãmari-a
mitropolitlui. Fu bãgat ahapsi, ma dupã tsintsi-sheasi meshi fu silighit.
Deapoa Balamaci s-mutá Corcea shi aclo dishcljisi sculii. Mitropolitlu Fotios bãgá azapti
ti ducã tu bãsearicã-a tsilor Armãnji cari ãlji pitritsea ficiorlji la sculiea ti Armãnjlji. Di-atsea
ispeti Balamaci pisicá di liturghisea pi armãneashti tu sculiea-a lui. Tu-anlu 1906 Fotios fu
vãtãmat di unã cetã di-Armãnji natsionalishtsã/ patriots. Shi náùlu mitropolit Ghervasios iara
fu contra Balamaci.
Tsi s-featsi cama-nclo, ia tsi nã spuni Alexandru Gicá di Bucureshti, tu cartea-a lui
“Haralambie Balamace. O mare „mică istorie”. Di iu li loai io datili ti niscãntili fapti dit bana
shi martirlãchea-al Papalambru Balamaci:
Pi 23-li di Martsu tu-anlu 1914 unã parei di oaminji cu tufechi u-anvârligarâ casa-al Papa
Lambru Balamaci (cari cu meshi di dzâli nu-avea inshitâ ditu casâ). Fu fuvirsit câ ma s-nu easâ
din casa va u-aprindã casa. Haralambi inshi din casâ. Cu el inshi shi frati-su Sutiri. Ãlji si dzãsi-
al Sutiri, cá el nu-l vor shi s-armãnã-n casã. Sutiri armasi ningã frati-su. Lã li gulirã gechli sh-
lã bãgarã nãuntru caduri cu Mitropolitlu Fotios tsi fu vãtãmat tu-anlu 1906. Furã dushi pripadi
pãnã la bãsearica Ayi-Iljelu. Pi cali furã agudits, bãtuts, torturats. Aproapea di bãsearicã furã
ligats di ponji shi vãtãmats cu arãvola. Mãrshili-a lor pliğuiti shi-mplini di gugoashi furã tsãnuti
(ti ibreti) 3 dzãli nafoarã pãnã pi 25 di Martsu, ti Vanghilismó. Moartea-a lor fu lugursitâ ca
“hâbarea-atsea buna”: anda ãmpadi cãdzu uminitatea. Ari un cadur cu chivuili-a doilor frats,
Haralambi shi Sutiri. Ninga chivuri ãlji plãndzi soea. Tu mesi sheadi ficiorlu-al Haralambi,
Nicutsă.
Papalambru fu ãngrupat pi loclu gol iu lipsea ta s-hibã adratã bãsearica armãneascã din
Curceauùã. Sughestiea la lãghenda ti Apuntea di Arta s-ducheashti ghini. Tsiva nu s-adarã fãrã
curbani di om. Deapoa s-adrá shi bãsearica. Fu asãmtsãtã pi 25 di Sumedru tu-anlu 1925. Tu-
atsea dzuùã fu inaugurat shi bustlu-al Papalambru. Tu-anlu 1959, Papalambru „fu vãtãmat nica
nã oarã” (dupã spusili-a nipoatã-sai, Marioara, hilji-sa al Nicutsá Balamaci). Atsel an, liderlu-
a comunishtsãlor din Curceauùã deadi cumandã s-hibã surpatã pãryisita bãsearicã armãneascã
din Curceauùã. Marioara cãftá cá oasili-a pap-sui s-hibã scoasi shi iara-ngrupati tu-altsã
mirmintsã. Fen-su a liderlui a comunishtsãlor fu unlu di-atselji cari lu-avea vãtãmatã
Papalambru. Ficiorlu vru sã si facã urtac a crimãljei, shi lj-li scoasi oasili-al Papalambru shi s-
li frãngã. Marioara li lo armãsãturli shi iara li-ngrupá tãshi tu-anlu 1962. Tu-anlu 1970,
autoritátsli-a comunishtsãlor dit Arbinishii adusirã detsizii nica nã oarã ta su-l ãngroapã
Papalambru tu náilji Mirmintsã-a eroilor din Curceauùã.
Pi data di 12 di-Apriir tu-anlu 1994, Sali Berisha, prezidentul a Arbinishiiljei di-
atumtsea, lji-u deadi post mortem al Papalambru titula di „dascal a miletiljei”. Papalambru lj-
si deadi anda bãna shi unã decoratsii di vãsiliea rumãneascã: Cãruna-a Rumãniiljei tu grad di
cavaler. Ca ti ciudii, Haralambi nu u lo putes atsea decoratsii, cari armasi la consulatlu
rumãnescu di Bituli (Shi di-aoatsi s-veadi cãt ãlji vrea shi el Rumãnjlji, ma nu-avea tsi s-facã,
o. a. D. C.). Sucachea iu s-aflã casa al Papalambru u poartã numa-a lui, tsi fu shi unã tinjii.
Pistipsescu cá Papalambru nu-lji lipsescu alãvdári. Tu loc di zboarã, va s-lipseascã cá
Armãnjlji shi Arbineshlji s-adarã tsiva s-u xana-adarã casa tu cari bãná Papalambru shi ta s-li
publicã manuscrisili cari armasirã di el (anamisa di cari shi piesa relighioasã „Irod”. Armãnjlji,
barim, u-aù shi borgea s-nu da ta s-hibã agãrshit unlu frati-a lor cari featsi multi ti cauza
armãneascã.
Dicara fu vãtãmat, pisicá s-urdinã un cãntic ti Papalambru Balamaci. Li daù aoatsi daùli
varianti tsi li shtiù. Una easti dupã unã casetã reghistratã Scopia (atselji cari cãntã suntu Armnji
din Curceauùã: anamisa di elji shi preftul di cama-amãnat, Tachi Veriga). Deftura variantã u
shtiù di la un sots (Mihali Bushu, cari lu shtii cãnticluaestu di la pap-su).
Varianta Veriga Varianta Bushu
A curi-i atsel murmintu A curi-i atsel murmintu

Tsi sta tut ca-ngrupat ? Tsi shadi anvirinat
Easti-a nostu bunu Pârinte I-a nostu bun Pãrinti
Papa Lambru Balamaci. Di Grets fu vãtãmat.
Nji-aduc aminti ghini Nji-aduc aminti sh-plãngu

Dzuua tsi s-vãtãmá. Dzuùa tsi s-vãtãmá.
Inima ãnji si-arupsi Inima-a mea nj-si-arupsi
Sãndza nj-si-nfãrmãcá. Sãndza nj-si-nfârmãcá.
Tsi avets voi mãrats di Grets? Pushtsã s-hits voi lai Grets
Tsi-avets cu-a noasti vreri ? Tsi-avets cu-a noshtsã frats?
Tsi-avets di vãtãmats ? Tsi-avets cu-a noshtsã frats?
Voi shcretslji di andarts ! Dzuùã sh-noapti-lji vãtãmats !
Nica di-atumtsea Papalambru Balamaci ãlji si dzãsi shi s-fatsi ca martir national a
Armãnjlor shi-ashitsi lipseashti shi s-hibã iurtusit di tuts Armãnjlji.
Bibliografii:
1.Rev, “Peninsula Balcanicá”, An. 2, nr/ 8, Yinarlu, 1925;
2.V. T. Muşi, “Sfinţirea bisericii române din Coriţa (Corcea). Rev. Tribuna romãnilor de peste hotare”, an.
2, nr. 9-12, Yizm.-Sumedru, Buc. 1925;
3.Nico Nicola, “Paoa Lambru Balamace”, rev. “Dimãndarea”, an. 1, nr. 2, Apriirlu-Cirishearlu 1994, Buc.
4.Alexandru Gicá, “Haralambie Balamace. O mare „mică istorie” , Buc. 201...

SHTEFAN MIHAILEANU DI OHÃRDA
MARTIR NATSIONAL A ARMÃNJLOR
Ashi cum s-featsi martir natsional a Armãnjlor Papalambru Balamaci, tu-anlu 1914, cu
pasprãdz di-anji ninti di el martir natsional a Armãnjlor s-featsi Shtefan Mihaileanu. Mash cá
aestu nu fu preftu shi nu fu vãtãmat di ispetea-a crãshtinamiljei shi-a bãsearicãljei, ma fu un
bun gazetar shi lingvistu shi alumtãtor ti dishtiptarea natsionalã-a Armãnjlor. Aestã va s-dzãcã
cá Shtefan Mihaileanu s-featsi martir ti Limba Armãneascã. Eara profesor, publitsistu,
lexicograf shi martir armãnescu. S-featsi tu-anlu 1859, Ohãrda, tu Machidunii, shi fu masacrat
cu tãporlu pi data di 22 di Lunar, anlu 1900, Bucureshti, di un Marco Boshnjacov, shi el di
Ohãrda, tinir gioni, misticat tu propaganda vãrğãreascã tu Machidunii. Vãtãmarea-al Shtefan
Mihaileanu multu ghini u spusi Petru Vulcan tu teatrul «Vãtãmarea-al Shtefan Mihaileanu»,
publicatã shi pi-armãneashti di Uniea ti Culturã-a Armãnjlor dit Machidunii, tu Biblioteca
Natsionalã Armãneascã «Constantin Belemace», Editsiea C. I. Cosmu, tu-anlu 2018, Scopia
Mihaileanu eara un di ficiorlji di deftura ducã-al Arhimandrit Averchi, tu Vlãhii.
Ãnvitsà sculii la Sculiea-armãneascã di la Sãmtsãlji Apostolji di Bucureshti a deapoaea shi
Facultatea ti Literaturã shi Filosofii di Bucureshti. Deadun cu Andrei Bagav u publicarã
Macedonia, Revista-a Armãnjlor dit Peninsula Balcanicã, Bucureshti, 1888-1889. Fu Redactor
la rev. Peninsula Balcanicà, Buc. 1893-1894 shi iara tu-anlu 1900. Unlu di protslji xitãsitori a
Limbãljei armãneascã cu cartea Studiu asupra dialectului romãnilor din Macedonia, 1889.
U publicà shi cartea Mitologhiea gãrtseascã shi armãneascã dupã E. Economopol, Buc.
Vol. I, 1897. Lu-adrà shi-l deadi tu tipografii, ma di ispetea-a masacrariljei nu-l vidzu,
Dictsionar Armãnescu, Bucureshti, 1901. Shtim cà unã sucachi di Bucureshti lji-u poartã
numa-a lui.
NUMI DI OAMINJI SÃMTSÃ DIT LOCÃRLI
ARMÃNESHTSù TI ADUTSEARI-AMINTI
Dicara u bitisii ma marea parti di materialili dit aestã carti, ãnji cãdzu tu mãnã unã altã
musheatã carti, pitricutã di tinjisitlu Cola Racu di Custantsa, dit idghea dumeni – cu sãmtsãlji
proto-Armãnji, Armãnji shi di soi armãneascã. Easti zborlu ti cartea “Sfinţii Epirului” di
Konstantinos Ir. Despotis, Editura Egumeniţa, Galaţi, România, 2018.
Tu-aestã carti s-ved numili-aesti:
1.Sãmta Teodora, amiroanjea-a Artãljei (sec. XIII);
2.Sãmtul Maxim Greclu (1556);
3.Sãmtul Macenic Partenie, episcop di Radovisdios (1777);
4.Sãmtul Náù Macenic Zaharia (1782);
5.Ãmbistimenjlji Teohari shi Apostol (1829 shi 1846);
6.Sãmtul Donat Tamaturglu (sec. IV);
7.Sãmta Macenicã Parascheva (Stã-Vinirea) (sec. II);
8.Ãmbistimenlu Nil Erihiotlu (1338);
9.Sãmtul Macenic Anastasi Gunaris (1743);
10.Sãmtul Náù Macenic Anastasi (1750);
11.Ãmbistimenlu Andrei … (sec. XIII);
12.Sãmtul Náù Macenic di Ianina (1526);
13.Ãndreptul Sava (sec. XV);
14.Sãmtsãlji Teofan (1544) shi Nectarii (1550) Apsaradzlji;
15.Ãmbistimenjlji frats Maxim shi Ioasaf (s.XVI);
16.Ãndreptul Teofan Tamaturglu (s. XVI);
17.Sãmtul Náù Macenic Yi-Nicola di Aminciu (easti tu carti);
18.Sãmtul Náù Macenic Auxentii (1720);
19.Sãmtul Náù Macenic Dimitri di Samarina (1808);
20.Sãmtul Náù Macenic Iani di Conitsa (1814);
21.Sãmtul Náù Macenic Pavlu di Ianina (1821);
22.Sãmtul Náù Macenic Ayi-Ioryi di Ianina (easti bãgat tu carti);
23.Sãmta Cori (s. XIX);
24.Ãndreptul Arsenii di Paros (1877);
25.Sãmtul Iliodor di Nicopoli (s.IV);
26.Sãmtul Donat di Nicopoli (s. V);
27.Sãmtul Aticos di Nicopoli (s. V);
28.Ãndreptul Onufri;
29.Sãmtul Náù Macenic Hrista di Preveza (1668);
30.Sãmtul Apostol Tsezar (s. I);
31.Sãmtul Macenic Astii (98);
32.Sãmtul Macenic Elefterii Episcoplu-a Avlonãljei (120);
33.Sãmtsãlji Macenits Donat shi Terinos (250);
34.Sãmtsãlji Macenits Isavrii, Vasili, Inochentii, Felix, Ermis shi Peregrin (284);
35.Ãndreptul Macenic Erasm shi atselji 20.000 di-anvãrliga di el (300);
36.Sãmtul Macenic Danact (313);
37,Sãmtul Macenic Trifon di Sechistea-a Vilardiljei (313);
38.Sãmtul Macenic Ioan Vladimir (1015) (easti bãgat tu carti);
39.Sãmtul Oani Cucuzel (s. XII) (easti bãgat tu carti);
40.Ãndreptul Nifon Atonitlu (130);
41.Sãmtul Macenic Nicodim (1722);
42.Sãmtul Náù Macenic Hrista Gãrdinarlu (Bãhcivãngilu) (1748);
43.Ãndreptul Sofronii Agianitlu (s. XVIII);
44.Sãmtul Macenic Cosma Etolianlu – Blãstimatlu (cum lu shtiù Armãnjlji) (easti bãgat
tu carti);
Deapoa yini shi unã Anexã cu baia numi …

Tora, cari poati sã shtibã, dicãt un Dumidzá, ti cari lucrarã shi chirurã, cari shi cãts di
elji eara Armãnji icá di soi armãneascã. Ama, dimi cá suntu di pit locãri iu cama multu shi di-
anda s-tsãni minti nai ma multsãlji eara Armãnji, cãtse s-nu nã fatsim ti ghini shi noi Armãnjlji
shi sã-lji tinjisim ca di-a noshtsã. Alas, iara, aestu lucru su-l bitiseascã altsãlji dupã mini. Di
mini ahãt …
Aestã spuni cá ari materiali shi nica ti-alti cártsã cu Sãmtsãlji Armãnji. Ama, cari s-li
adarã? …
ANDREI SCRIMA – OMLU-AL UMIDZÁ
Andrei Scrima , cu numa-a lui di autor André Sctima, s-featsi pi 01 di-

Andreù tu-anlu 1925, Gheorgheni, tu Giudetslu Ciuc, di-anamisa di daùli pulemati, tu Vlãhii,
shi fu un teolog ortodoxu valahutescu, di soi armãneascã, fu arhimandrit, reprezentantu-a
patriarhiiljei di Tsarigradlu la Contsilu Vatican II. Cá eara di soi armãneascã, shcljopa-shcljopa,
ashi cum li spusi tuti, nã spusi Justin Tambozi tu “Enciclopedia Aromână”, publicatã tu-anlu
2000, Bucureshti. El taha s-lo dupã vãrã Protuzbor al Andrei Pleshu tu unã carti. Ama nu sã
spuni cum lj-eara numa-a fen-sui (nã si spuni cá eara un politejnicean shi cá ãnğrãpsea shi
puizii), cari eara numa-a má-sai, shi di cari-Armãnji s-trãdzea. Nã si spuni cá eara multu
intelighentu ficior shi cá loa shi cãti doi anji tu-un an scular, la litseù. Ghini ma, para-numa di
Scrima, nã easti un bun document cá el eara di soi armãneascã, cá fu shi un altu poet
armãnescu, Cola Scrima, poati vãrã cusurin a lui, cari dupã Defturlu polim s-anvãrtea pi la
Banca natsionalã di Custantsa, tu Vlãhii …
Studiili li featsi la Facultatea ti filosofii shi literaturã di la Universitatea di Bucureshti
(1943-1948), a tu doilji anji dit soni fu asistentu-al Anton Dumitriu, la Catedra ti Loghicã shi
Istoriea-a Filosofiiljei. Lucrarea ti diploma ãlji fu pi tema Logos shi dialecticã la Platon. Tu-anlu
1945 Anton Dumitriu lji-u dishcljisi calea ti la Mãnãstirlu Antim, cu-atsea tsi lji-u spusi grupa
adunatã anvãrliga di Sandu Tudor shi avdzãtã sum numa di Aruglu-Apres. Tu-anlu 1949 sã-
nğrãpsi la Facultatea ti Teologhii, cari u bitisi tu-anlu 1956.
Tu-anjlji 1950-1953 fu ca ahurhitor shi lucrá ca profesor la Mãnãstirlu Neamts, iu eara
fondat Seminarlu Superior ti Cãluğri. Aclotsi lucra ca profesori shi Benedict Ghius, Petroniu
Tánase, Sofian Boghiu. Tu-anlu 1953
dicara sã-ncljisi seminarlu di Neamts, s-turná Bucureshti, iu lucrá cu Bartolomeu Anania la
Biblioteca-a patriarhiiljei. Deapoa s-trapsi la mãnãstirlu Slatina, iu s-pãlãcãrsea tu idghul chiro
cãluğrilji Arsenie Papacioc (shi el di soi armãneascã) shi altsãlji. Aclotsi fu tumtu ca cãluğru pi
26 di Alunar tu-anlu 1956 di Benedict Ghius. Fu ghini tinjisit di patriarhlu Justinian Marina, a
curi lji-agiuta ca traducãtor, anda avea oaspits dit xeani. Ca bunãoarã, cu ucazea-a vizitãljei
di Bucureshti, tu Mailu-Cirishearlu tu-anlu 1956, al vitse-prezidentul a Indiiljei, cari s-ciudusi
multu ti-atsea cãt u shtea sanscrita atsel tinir cãluğru ortodoxu.
Prit interventsiea-al Sarvepalli Radhakrishnan, s-dusi tu xeani Geneva, pi 28 di
Brumar tu-anlu 1956, iu shidzu tsintsi meshi la Institutlu Ecumenichescu organizat di
Consiliùlu Ecumenichescu-a Bãseritslor. Dicara shidzu unã iami Pariz, tu Martsul dit anlu
1957, s-dusi Ayi-Nor, deapoa Benares, iu shidzu dit Apriirlu tu-anlu 1957 pãnã tu Sumedurlu
tu-anlu 1959, iu lucrá la un doctorat. Tu-anlu 1960 iara s-dusi Pariz shi lj-si deadi pashaporta
frãntseascã. Aclotsi, tu-anlu 1961 s-astãvãrsi cu patriarhlu ecumenichescu Atenagoras I di
Tsarigradlu, shi el Armãn, cari ãl pitricu ca reprezentantu-a lui la Contsilu Vatican II, tu chirolu-
a náùlui papa Pavlu-al VI-lea, tu-anjlji 1963-1965. S-featsi arhimandrit a patriarhiiljei
ecumenicheascã di Tsarigradlu shi u-ndreapsi andamasea istoricheascã dit anlu 1964, di
Erusalim, anamisa di papa Pavlu-al VI-lea shi patriarhlu Atenagoras I. Io nu shtiù mash cum
di nu-lji ticni su-l cãndãsea atsel Armãn Atenagoras ta s-tsãnea unã dgheavasi pi limba-a lui
di dada cãtã la Dumidzálu ta sã-lji fãtsea defi tuts Gretslji di pristi loc shi Armãnjlji unã oarã ti
daima s-ascãpa di-atsea cãtarã di cari cu njilji di-anji nu pot ta s-mutã caplu shi, ti mari njilã,
va s-chearã di pristi loc, cá ashi lã easti chefea-a nafimatslor di Grets di Tsarigradlu shi Atina
shi dit unã dunjeai!! S-featsi profesor (1968-1989) la Universitatea frãntseascã di Beirut shi
arhimandrit a unlui náù mãnãstir ortodoxu di Deir-El-Harf, dit Libanlu.
Tu-anlu 1975 Comgar ãnğrãpsea: “atumtsea el (patriarhlu ecumenichescu) ãl pitricu
tu numa-a lui, pãrintili Scrima, un om cu numã, di soi valahuteascã (cá ma s-dzãtsea
armãneascã vrea lj-si mãca gura, nb), ma di culturã universalã, ari unã vãrtoasã sculii
teologheascã, spiritualã shi istoricheascã; un om cum nu lji-ari spuneari cari featsi ligãturã
anamisa di Tsarigradlu shi Roma.
Cu urdinarea-lji di-aradã anamisa di-atselji doi cãsãbadz, u pãzãrãpsi – acãchisii
singur – vinita-a patriarhlui Atenagoras la Contsilu (Vatican II)”.
Tu-anlu 1991, cara s-afla iara tu Indiea, s-arishi iara s-ducã tu Vlãhii. Andrei Pleshu,
cari lu-astãvãrsi la mãnãstirlu Sãmbãta di-Ndzeanã, lji-u deadi ideia ta s-colaboreadzã la
proectlu-a Colegilui Nauùa Ivropi. S-dusi Bucureshti ca om cãlisit a náùlui institut ti studii
avansati shi iara s-curdisi tu Vlãhii, ahurhindalui dit anlu 1995. Membru-a Grupãljei ti Studii-a
Srcolui XVII, cari cama-amãnat va s-creascã tu Tsentrul Bazili-a Modernitatiljei Ivrupeascã.
Muri pi 19 di-Agustu tu-anlu 2000 shi fu-ngrupat la mãnãstirlu Cernica.
Tut ãnji pari cá prit Andrei Scrima, Atenagoras ãlji lji spusi-al papa di Roma, doilji
oaminji cari ãl deadirã di padi comunismul – Mihail Gorbaciov shi Vasil Tupurcovski, dit
Machiduniea, ma pi marea potisi tu chirolu anda cãdzu Iugoslaviea. Shi Mihail Gorbaciov, di
soi armãneascã, dupã má-sa cari lj-si trãdzea soea di Crushuva, ama shi Vasil Tupurcovski
avea tricutã la sculii shi spetsializari pit America, iu Armãnjlji di-aclotsi, cari tsãn cu Gretslji,
ãlji duchirã shi lji spusirã-al Atenagoras, a deapoa el prit Andrei Scrima la papa. Shi-aestã
buneatsã lipseashti spuneari, ca unã faptã musheatã adratã di márlji Armãnji, cari ti tuts adrarã
multi bunets, ma ti-Armãnjlji nu-avurã hari di Dumidzá ta s-adarã, ta s-ascapã shi s-nu chearã
ca lailji, ama shi s-nu hibã ti pezã shi maitapi la tuti miletsli dit Balcanlu!
Andrei Scrima ari publicatã multi cártsã dit dumenea-a teologhiiljei, pi frãntseashti shi
angleashti, niscãntili tradusi shi pi valahuteashti.
UNÃ ARMÃNÃ DI SCOPIA,

DIT MACHIDUNII,
SÃMTÃ CATOLICHEASCÃ
BOIAGI GONGEA – DADA TEREZA

(Dada Tereza) – (1910-1997)
“Aestã dunjeai nu easti-agiunã mash ti pãni, ma nica ma multu ti vreari”, easti
dimãndãciunea ali Gongea Agnesa Nicola Boiagi (Dada Tereza) icá Sãmta Tereza di Calcuta,
umanistu, cu Premiea Nobel ti irinji shi ayisã. S-featsi pi data di 26 di-Agustu tu-anlu 1910, di
dada Drana shi tatã Nicola di soi armãneascã di Moscopoli. Bãná tu sucachea “Popcocina”,
numir 14 di Scopia (azã pãzarea Machedoniea). S-dusi la sculii tu bãsearica “Lutsita inimã-al
Isus”. Bitisi ghimnazii Scopia..
Ca featã cãnta tu horlu bãserichescu shi giucá tu teatrul a cãsãbálui. Ãnğrãpsea puizii
shi bãtea mandolinã. Pi 18 di-anji ti daimalui fudzi di Scopia shi s-dusi tu Irlanda iu intrá tu
arada-a Dadãljei al Dumidzá di Loret (Notre Dame de Lorette). U lo numa Di Tereza, dupã
numa-a patronlui a ljei, ayisa frãntseascã Sãmta Tereza di Lizie. Angãnatã di mirachea ti
misionar, agiutari-a oarfãnjlor shi-a lãndzidzlor, ti ãndriptati shi irinji tu dunjeai, s-dusi
Calcuta, tu Indiea (1929). Aclotsi pristi tut shi cafi dzuùã anvãrliga di ea videa oaminji nipãtuts,
oarfãnji shi fãrã di casã ti cari canã nu-aduna gaile. Aclotsi armasi tutã bana-lji, s-giurá ti
sãnãdii tu Dumidzálu. Aclo lucrá shi ca dãscãlitsã tu “St. Mary’s School”, iara Calcuta, prota
lucrá ca dãscãlitsã a deapoa fu bãgatã ti director a sculiiljei. Tu-anlu 1946 tu pampori, anda s-
dutsea ti Dargiling, ti prota oarã u-avdzã boatsea-al Dumidzá, cá ãlji grea sã-lji facã sutsatã-al
Isus, ti apãnghiseari shi-agiutari-a oarfãnjlor. Tu-anlu 1947, Vaticanlu, u dishcljisi prota sculii
di Calcuta tu nai ma oarfãnlu mãhãlá shi ali Dada Tereza ãlji deadi ti-ndreptu s-easã dit arada
di Loret. Doi anji ma-amãnat (1950) u fondeadzã sutsata “Misionerlji-a vreariljei”, cu 180 di
casi ti cãluğreali, di cari shi casa ti cãluğreali di Scopia (1990), cu un numir di 1.800 di
cãluğreali. Tu casili-a cãluğrealilor, ea cu-a ljei surári-soatsã vindicarã cama di 56.000 di
oaminji. Cama-amãnat aestã-aradã fu pricãnãscutã sh-di partea-al papa shi s-featsi sum control
direct-a lui. Dada Tereza shi cu-altsãlji membri-a aradãljei cama multu lji-avea ãngãtan
oaminjlji aproapea di moarti, ficiori fãrã di pãrintsã shi lãndzidzlji di leprã.
Cara bãná shi-lji agiutá nai ma oarfãnjlji shi nai ma greù lãndzidzlji ãlji si dzãsi “Ayisa-
a oarfãnjlor”. Tu-anlu 1951 s-featsi bãnãtorlu-a Indiiljei, a tu-anlu 1980 fu adratã bãnãtorlu di
tinjii-ali Scopia, iu eara faptã.
Bana-lji tutã lucrá ti Dumidzá, shi lã agiutá a lãndzidzlor shi-a oarfãnjlor. Rola-a ljei di
misionar shi lucrari ti buneatsã fu premiatã cu cama di 700 di premii. Nai ma importanta fãrã
di-altu easti Premiea Nobel ti irinji dit anlu 19791). Dada Tereza s-lugurseashti cá easti omlu
cu nai ma multili premii dit sec. XX. Lj-si deadi premiea “Padma Shri”, di prezidentul a
indiiljei, premiea “Gion. F. Chenedi”, “Geavaharlal Nehru”, titula Doctor honoris causa ti
Teologhiea la Universitatea Chembrigi, nai ma marea pricãnushteari-a Indiiljei ti irinji “Barat
Ratna” (Mirgeana-a indiiljei icá Cheatra scumpã, 28.01.1980), Placheta ti lucru di-a
Vãsiloanjiljei a Britaniiljei Elisabeta II shi premiea spetsialã ti irinji shi educatsii di-al
UNESCO (25.06.1980) shi multi-alti.
Tu tinjiea-a ljei, Republica Machedoniea, u-adrá Casa-amintiri “Dada Tereza”.
Muri pi 04 di Yizmãciunji tu-anlu 1997, Calcuta, tu Indiea.
Giumitati di bana-lji u tricu ti-aveari-ngãtan sh-ti uminilji ti nai ma oarfãnjlji shi nai
ma lãndzidzlji di leprã shi halã nibunã (tuberculozã) tu Calcuta, Indiea, ti-atsea shi lj-si dzãsi
Mesia-a oarfãnjlor, atselji fãrã-ndrepturi, lãndzidzlji shi scãnjisitslji shi ti-atsea, 19 di-anji dupã
moartea-lji, pi 04 di Yizmãciunji tu-anlu 2016, la misa spetsialã la Pãzarea “Sum-Cheturlu” di
Roma, dininti di 100 di njilji di pistimenji, papalu Franjo u eternizá Dada Tereza cu titula ayisã
cu cãnãscuta frazã latineascã, cari ca di-aradã s-ufiliseashti la protseslu ti canonizari: “U
proclamedz vluisita Tereza di Calcuta ti Ayisã shi u bag pi lista di sãmtsã shi dimãndu ca ahtari
s-hibã tinjisitã di ntreaga Bãsearicã”.
Ca semnu ti tinjii cum ti numa-lji ama sh-ti lucurlu ca misionar, ti cinlu ti canonizari,
Calcuta furã bãgati mári ecrani di televizor ta s-poatã miletea prit transmisii TV direct s-u veadã
misiea spetsialã ti canonizarea di pi pãzarea “Sum-Cheturlu” di Roma. Tuti-atseali spun cãt di
multu fu vrutã shi tinjisitã Dada Tereza, tu ãntreaga dunjeai sh-cama multu di miletea dit Indiea.
Elji u lugursea ti patrona-a lor. Dupã calindarlu-a catolitslor, sãrbãtoarea “Ayisa Dada Tereza”
s-iurtuseashti pi 05 di Yizmãciunji.
_____
1) Premiea Nobel dit Balcanlu, ama ti literature, u loarã shi poetslji Elitis shi I. Seferis
dit Gartsii shi prozatorlu Ivo Andrici, dit Iugoslaviea di-un chiro. Tuts treilji di soi
armaneascã.
DIMO N. DIMČEV (DINA CUVATA)
Fondatorlu shi protlu Redactor a Redactsiilor ti emisiili pi limba armãneascã di la Radio
Televiziea Machiduneascã. Initsiatorlu ti tuti ãncherdurli cu cari azã s-hãrseashti comunitatea
armãneascã dit sferili tuti sotsial-politicheshtsã tu Republica Machedoniea, economistu,
jurnalistu, scriitor, folcloristu, lexicograf, traducãror di pi valahuteashti pi machiduneashti shi
armãneashti, di pi machiduneashti pi armãneashti shi valahuteashti shi di pi armãneashti pi
machiduneashti shi valahuteashti shi publitsistu, prezidentu-a Sutsatãljei armãneascã “Pitu
Guli” di Scopia, fondator shi secretar a Pãrtiiljei Sotsial-Democratã-a Machiduniiljei (prota
pãrtii reghistratã tu militsiea di-atumtsea), fondator shi protlu prezidentu-ali Liga a Armãnjlor
dit Machidunii, omlu cari lu-ndreapsi lucurlu cá shi Armãnjlji s-hibã bãgats tu Preambulu-a
Constitutsiiljei ali Republica Machedoniea (nai ma mari actu dupã Iradeauùa-a Sultantlui
Abdul-Hamid II dit anlu 1905), traducãtor a Placatlui ti Referendumlu di pi 08 di Yizmãciunji
ti Independentsa-ali Republica Machedoniea (ca agiutor a profesorlui Mitco Hagi-Puljea) shi
fondatorlu shi prezidentu-ali Uniea ti culturã-a Armãnjlor dit Machidunii.
Dimo N. Dimcev s-featsi tu hoara Dubrushana (Dobroshani), tu-a Shtiplui, pi 09 di-
Alunar tu-anlu 1952 tu unã di mesi-avutã taifã di-Armãnji. Paturlji-anji di sculiea primarã ãlji
bitisi Dubrushana a optuli clasi li bitisi tu hoara Treili Shopati la Sculiea primarã “Boris
Kidrici”. Ghimnaziea (ti 5 anji, cá armasi tu protlu an, cá ashi eara chirolu atumtsea shi
Armãnjlji nu lipsea multi sã shtibã) u bitisi Shtip (1972), a studiili li featsi la Facultatea ti
economii la Universitatea “Sãmtsãlji Chiril shi Metodiù” (1972-1978). Tu idghul chiro li featsi
shi studiili di trei anji la Facultatea ti filosofii – Sectsiea Limba latineascã (1975-1978 fãrã di
s-ljea diplomã) shi studiili la Lectoratlu ti limba valahuteascã di la Facultatea ti filologhii
(1976-1978).
Tu-anlu 1991 s-featsi fondatorlu shi protlu redactor-shef ti Redactsiili ti emisii pi limba
armãneascã di la RTV Machedoniea, a tu chirolu Yizmãciunji 1993 – Alunarlu 2016 eara tu
lucru tu Radiolu Machidunescu – Redactsiea ti emisiili pi limba armãneascã. Anda s0adrarã
shi bancnotili-ali Republica Machedoniea ãlji bãgá shi Armãnjlji pi bancnota di 100 di denari,
iu pi unã vinjetã ãnğrãpseashti S C O P I A. Ca unlu di fondatorlji ma shi protlu prezidentu-a
Ligãljei a Armãnjlor dit Machedoniea, pãtu, ma ghini dzãsã easti curbanea-a lui cá shi
Armãnjlji furã bãgats tu Preambulu-a Constitutsiiljei ali Republica Machedoniea shi cu-atsea
sh-ti prota oarã pricãnãscuts shi ti minoritati natsionalã, ti prota oarã tu Balcanlu, a curbanea-a
lui easti shi bãgarea-a “Dzuùãljei Natsionalã-a Armãnjlor – 23 di Mai” tu Zãconea ti sãrbãtorli
dit R. Machedoniea. Tu-anlu 1992, ca membru-a unãljei delegatsii internatsionalã armãneascã,
lo parti la CSCI di Moscova. Tu meslu Apriir tu-anlu 1997 s-featsi fondatorlu shi prezidentul
a asotsiatsiiljei “Uniea ti culturã-a Armãnjlor dit Machidunii”. Prit aestã sutsatã u publicá
revista “Grailu Armãnescu” shi pãnã tora ari publicatã 63 di numiri. Easti shi fondatorlu-a
Bibliotecãljei Natsionalã Armãneascã – “Constantin Belemace” di la Uniea shi tu cadrili-a ljei
ari publicatã cama di 140 di cártsã, di cari cama multili suntu creatsii a lui icá tradutseri dit
literatura machiduneascã shi-atsea dit dunjeai, di cari shi: “Iliada” shi “Odiseia” al Homer,
“Shah-Name-Cronica-a Shahanjlor” al Firdousi, “Eneida” al Verghiliù, “Comediea Divinã” al
Dante Alighieri, “Cãnticlu-a Nibelundzãlor” dit literatura medievalã ghirmãneascã pãnã shi
“Bibliea”, ti prota oarã editsii integral pi limba armãneascã. Li-ari tradusã shi publicatã shi nai
ma lipsitili cártsã ti liturghiseari shi dgheavasi pi limba armãneascã, dit cari azã s-fatsi
dgheavasi tu bãsearica “Sãmtsãlji amiradz Constantin shi Elena” di Custantsa, tu Vlãhii.
Tu numa-a Uniiljei ti culturã-a Armãnjlor dit Machidunii, tu colaborari shi cu Institutlu
ti Istorii Natsionalã, tu iamea 2001-2007 ari organizatã 4 Simpozioani internatsionali ti shtiintsã
pi tema “Armãnjlji dit Balcanlu – tu sec. 18-20”. a di protili dauùã li publicá shi referatili. Tu
meslu-Apriir tu-anlu 2001, tu numa-a Armãnjlor dit Machedoniea eara membru-a
Delegatsiiljei ãn cap cu Premierlu Ljubcio Gheorghievski cari Luxemburg bãgá paraf pi
Hundrata ti asotsiari ali Republica Machedoniea laUniea Ivrupeascã.
Tu-anlu 2004 u fondeadzã Sutsata Shtiintsificã Armãneascã “Constantin Belemace” shi
tu un chiro di 10 anji publicá 29 di numiri di revista “Documenti”, tu cari suntu publicati vãrã
200 di lucrári di shtiintsã ti-Armãnjlji shi cu-atsea bibliografiea ti-Armãnjlji di iu eara dip
oarfãnã u featsi multu avutã.
Dimo N. Dincev easti uniclu scriitor Armãn dit Machidunii cari dit anlu 1992 s-featsi
membru-a Sutsatãljei a Scriitorlor a Machiduniiljei, a dit anlu 1996 s-featsi membru la Sutsata-
a Jurnalishtsãlor a Machiduniiljei.
Easti autorlu-a unlui mari numir di cártsã di puizii shi prozã, a easti shi co-autorlu-a
Protlui Abetsedar Armãnescu cu cari de facto shi ahurhi educatsiea pi limba armãneascã tu
Republica Machedoniea, nica un mari shi importantu ãncherdu-a Armãnjlor tu statlu-a nostu.
Ca scriitor pi limba armãneascã ari publucatã multi cártsã di cari: “Carabeù, lái
carabeù” (cãntits armãneshtsã), “Zghic di moarti (puizii pi limba armãneascã), “Sãmta umuti”
(puizii pi-armãneashti shi machiduneashti), Sãrmãnitsa” (prozã shcurtã pi limba armãneascã),
“Scumpã-I dada” (puizii ti ficiurits shi cu melografii), “Pirifan hilj di picurar” (puizii ti
ficiurits), “Picurarlu di la Pind” – Antologhiea-a puiziiljei armãneascã, “Voi Armãnji-
Machidunits …”, “Dictsionar Armãnescu-Machidunescu”, , “Catehizis Armãnescu”
(Manuscris dit sec. 19), “Dictsionar Machidunescu Armãnescu”, “Bat cãmbánjli” (puizii pi
armãneshtsi shi machiduneashti), “Capidan Ververa” – Antologhii-a prozãljei shcurtã
armãneascã, “Dictsionar Arbishescu-Armãnescu”, “Vandalismul gãrtsescu tu Machidunii”
(selectsii shi tradutsiri pi machiduneashti), “La stashonea di Scopia” (prozã pi-armãneashti),
“Eta di-azã” (puizii pi-armãneashti), “Lucri cu fundi” (prozã pi-armãneashti), “Dictsonar
Arbishescu-Armãnescu”, “Dictsionar Frãntsescu-Armãnescu”, “Dictsionar Megleno-
Vlãshescu. Armãnescu-Machidunescu-Valahutescu”, “Sãmtsãlji Proto-Armãnji-Armãnji shi di
Soi Armãneascã”, “Facti. Mindueri. Folclor”.
Dit literature valahuteascã pi machiduneashti ari tradusã 45 di cártsã. Di pi
valahuteashti pi-armãneashti ari tradusã multi cártsã shi studii. Di pi ,achiduneashti pi
armãneashti ari tradusã 15 di poets, di pi machiduneashti pi valahuteashti ari tradusã shi suntu
publicati 8 cártsã, di cari shi “Omul Acela vine de undeva” (34 di poets dit Machedoniea).
Puizii di-al Dimo N. Dimcev suntu tradusi pi machiduneashti, vãrğãreashti,
valahuteashti (tu multi revisti shi cartea “Visul meu”), frãntseashti, talicheashti shi mãgireashti.
Ãlji si deadirã shi niscãnti premii ca Peana di malãmã” ti tradutsirea-a cartiljei “Albi
hãrghii” di Cocio Ratsin pi-armãneashti), easti protlu cari lj-si deadi Premiea “Teohar
Mihadash” di la Fondatsiea “Andrei Shaguna” di Custantsa ma lj-si deadi shi premiea “4 di
Brumar” di Comuna Bituli ti unã lucrari tu unã carti shi premii di Strug, Bituli etc.
Cafi an tu numa-ali UCAM ljea parti la Pãnãyirlu internatsional a cartiljei di Scopia, a
di cártsãli-a lui furã prezentati shi la Pãnãyirili-a cartiljei di Francfurt tu Ghirmãnii, Moscova
tu-Arusii, Sãrunã tu Veacljea Pãshilãchi Turtseascã – Gãrtsiea, Belgrad etc.
Numa al Dimo N. Dimcev s-aflã di-aradã tu gazetili dit Machidunii cu reactsii shi cártsã
ma shi la reprezentantsãli di Scopia-a statilor shi institutsiili ivrupeshtsã cu cari li-apurã
ãndrepturli-a Armãnjlor dit Machidunii shi dit tut Balcanlu.
Zburashti armãneashti, machiduneashti shi valahuteashti, a s-ufiliseashti shi cu
frãntseasca, sãrbeasca, vãrğãreasca, a u shtii niheamã shi limba latineascã.
TABELAR
Tu loc di Protuzbor …………………

Agapiea, Hioniea shi Irina ………….
Agatanghel di Bituli ……….
Ahil di Larisa ………………
Ia-Andoni di Iezeru tu Vlãhii ………………
Andrei Shaguna …………….
Anisiea ………………………..
Antim Ivireanlu ………….
Atanasi din Sãrunã ……………..
Chiril shi Metodii ……………
Constantin shi Elena ……………….
Cozma Etolianlu – Atsel Nafimatlu ……
Oani Cucuzel ………………..
David din Sãrunã ………………..
Yi-Dimitri din Sãrunã ………………
Yi-Dimitri atsel Náùlu Basarabov ………….
Dosoftei …………….
Filofteia …………………
Fotii Patriarhlu-a Tsarigradlui ……….
Gavril di Ayi-Norlu Episcop di Velica …
Grigorii di Ohãrda ……………..
Ilarion Episcop a Megleniiljei …………..
Aiu-Iani di Ianina ………………
Ioanichii di Racotintsi …………..
Ayi-Ioryi-atsel Náùlu di Ianina …………………
Iosif atsel Náùlu di Partosh …………………….
Sãmtul Amirá Iustinian …………………..
Lidiea di Filipi ……………….
Matrona din Sãrunã …………………….
Ia-Nauni di Ohãrda – Tamaturglu ……
Nectarii di Bituli ……………
Nrstor din Sãrunã …………..
Nicodim di Tismana tu Vlãhii …………..
Yi-Nicola di Aminciu …………..
Yi-Nicola di Ohãrda ……………….
Yi-Nicola di Sufii …………………
Sinclitichiea di Alexandria …………….
Teodora din Sãrunã ……………
Trendafil di Zagora …………..
Vasa di Vudena ……………….
Stã-Vinirea ………………………..
Iovan Vladimir ………………
MARTIRANJI ARMÃNESHTSÃ
Papa-Lambru Balamaci ………………………
Shtefan Mihaileanu ……………….
Andrei Scrima – Omlu-al Dumidzá ………………
SÃMTSÃ CATOLITS DI SOI ARMÃNEASCÃ

Dada Tereza ………..
Dimo N. Dimcev (Dina Cuvata ………………………..

Bul. “Jane Sandanski” 77/3-39, 1000 Skopje, R. Makedonija
Tel. 0038978350434; e-mail: dinacuvata@yahoo.com
Tipografiea: “NAUMOVSKI” – Skopje, R. Macedonia

Tiraj: 200
ISBN …………………….

AKATIST

Încărcat de

Informații document

Drepturi de autor

Formate disponibile

Partajați acest document

Partajați sau inserați document

Opțiuni de partajare

Vi se pare util acest document?

Este necorespunzător acest conținut?

Drepturi de autor:

Formate disponibile

AKATIST

Încărcat de

Drepturi de autor:

Formate disponibile

BANA, FAPTILI SHI ACATISTILI-A

Bucureshti shi Custantsa tu Vlãhii io nu-avui ma bunji oaspits

BANA, FAPTILI SHI ACATISTILI-A

Alidzeari, ãndridzeari shi-armãnipseari:

Redactor di editsii: Goran Pushutic

Lucrari pi computer: Dina Cuvata

Soglasno ~l. 30, o~ka 8, od Zakonot za DDV

1110 DI-ANJI DI MOARTEA-AL IA-NAUNI DI OHÃRDA,

SÃ SI SHTIBÃ SHI S-NU S-AGÃRSHEASCÃ!

Tora s-u spun nica aestã lugurii. Numili-

Bana-a Ãmbistimenlui Andoni fã-nğrãpsitã di Ieromonahlu Nicolae, ciraclu-a lui. Tu-anlu

ACATISTLU-AL IA-ANDONI DI IEZERU,

PÃLÃCÃRIEA CU CARI S-AHURHEASHTI

Tu numa-a Tatãlui shi-a Hiljlui shi-a Sãmtului Duh. Amin.

Doxã-a Tsàia, Dumidzàlu-a nostu, doxã-a Tsàia!

Acatistu xana-vidzut shi cu cãilãchi data di Dip Ayisitlu Gherasim –

BANA SHI FAPTILI-A SÃMTULUI ANDREI SHAGUNA

ACATISTLU-A SÃMTULUI ANDREI SHAGUNA

Deapoa sã spuni aestã

BANA SHI PATIMATLI-A

Loclu s-asãmtsã cu sãndza-a ta, cari ts-u virsashi ti hasa pistusini tu

Suschirárli-a tali s-avdzãrã-n tser dininti-al Dumidzá, bash ti-atsea,

Hãrsea-ti, cá fushi cãt unã dadã ti curbisitslji! Hãrsea-ti, tini cari

Tinirlji di tuti lichiili ti-alavdã tini, Sãmtá Macenicá Anisiea, shi cu

Hãrsea-ti, cá nu tsã fu fricã ta su-L marturiseshtsã Hristos

Shi s-fatsi otpustlu.

BANA SHI FAPTILI-A

Bibliografii: Viaţa şi faptele lui Antim Ivireanul, mitropolitul Ungrovlahiei,

BANA SHI FAPTILI-A

ACATISTLU-A SÃMTSÃLOR FRATS

s-iurtusescu pi 11.(24.) di Mai

Fut aleptsã di Amirálu-a puteariljei, Domnul Isus, ti apostoljlji-a

Creatorlu-a anghiljlor shi Dumidzálu cu puteari vã aleapsi voi ti

Hãrsits-vã, vanghelishtsãlji-a harauùãljei Evangheleascã!

Proaspita-lji minti shi fisea-a lui sã-ntriba, cum di Chiril tu para-

Hãrsits-vã, cá nu vã dusit dupã anamea tsi vã u spunea oaminjlji!

Cu multã plãcãrseari amirálu ãl cãndãsi sãmtul Chiril ta s-tragã dit irnjii

Cara u-avushi vetea-a para-mintiminiljiljei, ti duseshi la Agarianjlji,

Voi propoviduitorlji-al Dumidzá, sãmtsã frats, fut, pit arãdzãmurli-a

Anda lutsirã tu Moraviea mundzãli-a hasãljei pisti, printsipanjlji-a

Hãrsits-vã, apostoljlji-a noshtsã tsi nã zburãt ti Dumidzá!

Cara vrurã ta s-vã avinã voi di pit arãdzãmurli-a Slavanjlor,

Ca apostolji timirachi, inshirã sãmtsãlji frats, shi nu shtiurã ti shideari

Hãrsits-vã, voi bunjlji huzmicheari-a

Ti prezentarea ti ciudii-a sãmtului Chiril lã si spusi-a tutãlor, cá el nu

Hãrsits-vã, cá cu cãrunjli-a arãvdariljei pristi loc fut ãncãrunats!

Len-turliili di pãyidz, cari furã arãiti pit arãdzãmurli-a Slavanjlor,

Hãrsits-vã, voi cari u spusit hasa pisti!

Bãrtsiri hits ti tuts, cari lucreadzã ti crãshtinamea, shi cãtã la

Cãntari cu hristuseari Ãlji fatsim al Dumidzá, ti-atsea cá voi, a nauùã

Cu pistusini cara ãlji doxãsim noi, Doilji Sãmtsã apostolji-a Slavanjlor,

Hãrsits-vã, vãrtoasili trumbeti-a vanghiliserlor dit Vanghealji!

Hãrsits-vã, cá ti ortodoxiea hits apanghu vãrtos!

O, voi ti marea ciudii shi dip-bunjlji dascalji ti miletsli-a Slavanjlor, voi

(Aestu Condac sã dghivãseashti di trei ori, shi deapoa

Creatorlu-a anghiljlor shi Dumidzálu cu puteari vã aleapsi voi ti

Hãrsits-vã, vanghelishtsãlji-a harauùãljei Evangheleascã!

Fut aleptsã di Amirálu-a puteariljei, Domnul Isus, ti apostoljlji-a

PÃLÃCÃRIEA-A SÃMTSÃLOR METODII SHI CHIRIL,

dascaljlji isa cu apostoljlji-a Slavanjlor

O, voi dip-avdzãtslji dascalji shi lunjinãtori-a Slavanjlor, sãmtsãlji isa

SÃMTUL AMIRÀ CONSTANTIN ATSEL MARLI

SÃMTA AMIROANJI ELENA,

Troparlu-a Sãmtsãlor Amiradz, isa cu apostoljlji,